خطوة المجبور

تحت ليل الشقى هلت حروف الخاطر المكسور
بعد ماخيم الحزن بخفوقي ضــــــاق تعبيره
* * * *
فتح باب القريحه والقوافي تفضح المستور
تسولف للعنى كيف الألـم مايرحم السيــــره
* * * *
على صدر الورق تاهت حروفي في بصيص النور
رسم حبر الزمن بعض الخطوط بصفحه الحيــره
* * * *
طرقت الليل ونجومه تحن لخطوتي بشعور
تخفف وطأة الضيقه وهي في شرهة الغيـــــره
* * * *
أسوق الجرح في بيدا الضلوع بخطوة المجبور
أدور بلسمه بين المحـــال ورحمه الخيــــره
* * * *
قسى ذاك الزمن وأشهر سلاحه الجروح البور
بعد ماشاب في عارض جروح العام تعزيره
* * * *
مشاريه الغلا تنصى وتارد عده المهجور
نشف ريق الوله وقت الهجير وغربه الديـــره
* * * *
أحاول أطوي الصفحه..وأعزي طيبه المقهور
أعــــاني بس ماودي يهين العمـــر تقصيـــــره
* * * *
صحيح إن الوفاء جامل كثير بعذره المبتور
طموحه كان مايخذل أمل قلبي وتصويـــره
* * * *
أشوف الغصن ما يورق ويطرب للشتاء الممطور
وش ألوان الربيـــع اللي ثتيــر الوجــد في طيـــره
* * * *
مسافه بينت بعض المـــلامح في قناع الــزور
بدأ لون الشفق يسدل خيوط الليـــــل ويثيــره
* * * *
كـــآبه ليل وأوراقٍ تطاير في حطام السور
سلينــــا والقهـــر يبقى بشوق هان تقديـــره



مماراق لي

هلا بك فيدو
الاروع مرورك غلاي
ربي يعافيك
رعاك الله