المنتدى :
الشعر والشعراء
عمرك خبرت الحب في يوم يبكيك؟؟؟؟
يحقلك تامـر علـى قلـب مغليـك
وغصبٍ عليه إقول سمـعٍ وطاعـه
ياللي حياتـي كلهـا بيـن أياديـك
ماغير في حبك رفضـت القناعـه
آمر تدلل وش تبي مني وعطيـك؟؟
كل الحواس اليوم لجلـك بضاعـه
أبيعها يـا سيـد البيـض وشريـك
وسوقـهـا ياسـيـدي للقـلاعـه
عجزت الاقي فالبشر من يجاريـك
شريت فيك الوصل وبعت القطاعـه
أسهر وليلي مايبي غيـر طاريـك
وأصبح ولك في وسط عيني وداعه
مجنون في حبك إذا قلت وش فيك؟؟
هذا جنونـي رافـعٍ لـك شراعـه
وعاقل إذا شفتك تبينـي أراضيـك
يوم انت خابـر بالغـلا وإندفاعـه
حبك بقلبي مثـل حكـم المماليـك
اللي خذوهـا بالفكـر والشجاعـه
يعنك لـو جيتـك بيـومٍ أخطيـك
خليتنـي المخطـي بفـن وبراعـه
أبختصر دام الحكـي مـا يسليـك
وبشرح ظروف الهـوا وإنطباعـه
ياصاحبـي خليتنـي مـن تغليـك
ضايع ما بين أهل الزعل والشفاعـه
بيـتٍ بقولـه وحفظـه يامحاكيـك
تكفا تراني منـك شفـت المجاعـه
عمرك خبرت الحب في يوم يبكيك؟؟
هذا انا...أبكيك في كـل ساعـه!!
|
10-09-09, 11:27 PM
جديد مواضيع قسم الشعر والشعراء
العرض العادي
