المنتدى :
القصص القصيرة من وحي قلم الأعضاء , قصص من وحي قلم الأعضاء
يوميات عائلة رخمة جدااااااااااااا
بسم اللة الرحمن الرحيم
اول مشاركة ليا بموضوع على منتداكم الرائع اتمنى ان تنال اعجابكم
ان شاء الله القصة رح تكون متجددة ازا لاقت تجاوب من الزوار
يوميات عائلة رخمة جدا
اليوم الاول
منتدى ليلاس الثقافي
المشهد الاول
الاستاذ حاتم من مدينة الغردقة وينتقل ليتسلم عملة الجديد فى القاهرة فى احدى المصالح الحكومية
ويحجز اول واحد فى الاتوبيس السوبر جيت وينزل يحط شنطتة فى الاتوبيس جوة خالص لسبب ما
ويحجز التذكرة طبعا جنب الشباك علشان يتفرج على الطريق ولكنة لسبب ما برضة يقعد على الكرسى الى على الطرف ويجى واحدراكب ابن حلال حظة سى انة يقعد جنب الاستاذ حاتم
وطبعا يلاقى الكرسى الى جانب الشباك فاضى فايلحق يقعد بسرعة ويستحمل الشمس الى حرقت وشة مقابل انة بيتقرج على الطريق
بعد ساعتين من الطريق ولما الشمس راحت الناحية التانية يقوم الاستاذ حاتم وينده علية انت ياستاذ انت ياخ
بس هوا رايح فى عز النوم قام زاغدة فى قلبة وقالة قوم يابنى ادم فيصحى الراجل ويقولة فى اية يقولة قوم الكرسى بتاعى وعايز اقعد مكانى
يرد الراجل مستغرب بس دا بتاعى انا وقاعد علية من اول الطريق يقوم حاتم مطلع التذكرة ويقول باعلى صوتة
وقف هنا يااااااااسطى واحد حرامى!!!!!
فينظر كل الراكب طبعا للاستاذ حاتم ويتوقف الاتوبيس بصوت مزعج يجذب انظارحتى الاتوبيسات الاخرى على الطريق ويخرج الاستاذ حاتم التذكرة ويقعد جنب الشباك بعد معركة انتصر فيها بجدارة وينظر الى الرجل الجالس بجوارة نظرة شماتة وابتسامة صفراء
وبعد ساعة الراجل يروح فى النوم
بس حاتم صاحى ولازم يرخم علية قام جاى باصص يمين وشمال وزاغد الراجل تانى فى قلبة والراجل يفتح عينة بالعافية يلاقى وجة حاتم يقولة اية انت اتطرشت مش سامعنى دا كلة وسع ياجدع عايز اروح الحمام.
فيفسح الرجل على قدر الامكان حتى يعبر حاتم بس حاتم يعمل نفسة بيعدى ويهرس رجل الراجل بكعب جزمتة
فيصرخ الرجل الا ان حاتم اسرع منة بصوت عالى اية الناس دى انتوا اول مرة تركبوا سوبر جيت
ربنا يتوب علينا بقى
ويذهب الى الحمام وبعد كام دقيقة يخرج يلاقى واحد مستنى على باب الحمام يبتسم فى وشة الابتسامة اياها ويقولة ثانية واحدة نسيت الموبايل جوة ويدخل ويقفل الباب علية ساعة الا ربع والراجل برة هايتقطع ويطلع يقول اية دة انتوا مفيش صبر اللة يخرب بيت مجانية التعليم ياخى
منتدى ليلاس الثقافي
ويرجع تانى على الراجل الى قاعد جنبة يديلة الزغد المعتاد والراجل خلاص حرم ينام يطلع الاستاذ حاتم الجرنان بتاعة ويتنية يقرف بية الراجل الى جنبة لحد الراجل مايودى وشة الناحية التانية فايصرخ حاتم بصوتة الجميل ويحط ايدة على مناخيرة ويقول اية الريحة المقرفة دى انت بقالك قد اية ماغسلتش الشراب ياخى
طبعا الراجل بيعرق ومش لاقى كلام يطلع من بقة
ويقف الاتوبيس فى الاستراحة على الطريق ينزل الناس يشتروا من الكافتيريا الشيك الى هما عايزينة
طبعا استاذ حاتم يزغد الراجل ويشترى حاجات ب 7 جنية ويدى للراجل ورقة ب200 جنية فالراجل يقولة يابية ادينى من الفكة الى معاك دى يقوم حاتم يقولة اصلها مش بتاعتى اصلها بتاعة الراجل دهوة ويشاور على الراجل الى كان قاعد جنبة
ويقولة هوا الى بعتنى اشترى وانا عبد المامور جايز عايز يفكها ولا حاجة استنى اما اطلع استاذنة معلش اصلة راجل رخم اوى
قالراجل البياع يقولة ماهو باين
ويطلع حاتم وبدون مايصدر عنة اى صوت يقعد على الكرسى بتاعة ويحط الحاجات الى اشتراها تحت رجلين الراجل الى جنبة الى ماصدق انة ينام شوية
ويستنى الراجل البياع ان حاتم يرجع بالفلوس بس حاتم نفضلة ويطلع الراجل الاتوبيس عايز فلوسة فحاتم يقولة هات ودنك اصلة راجل شرانى و انا قولتلة وهوا بصراحة مش عايز يدفع وعايز ياخدهم بلوشى
قام الراجل البياع زاغدة فى قلبة وقالة هات الفلوس ياراجل انت
الراجل صحى مفزوع من النوم قالة فلوس اية
البياع قالة مش عليا الحركات دى قب بالفلوس ياخى
وقبل ان يجيب الراجل الطيب يهتف حاتم بصوتة الجميل الذى يجذب كل انظار الركاب
خلاص ياحج امسك الفلوس اهة من جيبى واللة وربنا مايجيبش شر
ويمضى الاتوبيس الى النهاية وينزل حاتم اول واحد من الاتوبيس
ولانة حط شنتطة جوة خالص فيبقى لية الحق انة يرمى كل الشنط الى مرصوصة بعدية على الارض
وفى ابعد مكان يقدر يرميها فيها وينزل بقية الركاب بسرعة كل واحد بيدور على شنتطة ويهرس فى شنط الباقين ويبتسم حاتم الابتسامة المعهودة وهو يحمل حقيبتة الوحيدة
ويشاور لسائق التاكسى المحظوظ الذى سيركب معة
ولهذا حديث اخر
|
26-02-09, 12:39 PM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
