المنتدى :
الارشيف
شيء في نفسي
شيء في نفسي
السلام عليكم أيها الأحبة الأفاضل
وأسأل الله أن تكونوا بصحة و سعادة و أنتم تقرؤون هذه الكلمات
ودي تعذروني على الاسلوب و على النقاط اللي راح أذكرها في هذا الموضوع فهو لمجرد الفضفضة
(( يعني يمكن تتفق معي ويمكن ما تتفق معي عليها ))
يضايقني كثير الشباب اللي يمشون في الشوارع بسياراتهم و مطفين النور!!!
وتسأله ليه ؟؟؟ هو أصلاً ما عنده إجابة مجرد تقليد ( يعني إمعه ) طيب يا أخي الحبيب شغل النور في داخل الحارات لا يطلع عليك شايب أو بزر وتطول المسألة
يضايقني كثير من الشباب اللي يرفع صوت الأغاني ،، وش الفايدة؟؟؟!!! ، تراك تكسب إثم كل من يسمع و يمكن أحد يدعي عليك و يستجيبها رب العالمين ، أسألك و جاوبني : ليش ترفع صوت الأغاني ، عشان تعلم الناس انك مبسوط ؟؟؟!!!!
مبسوط لأنك عصيت ربك؟؟؟!!!
يضايقني بعض الشباب تلقاه فتوه على سواق العائلة أو صاحب اللموزين
طيب حط نفسك في مكان السواق توه جاي ما يعرف يتصرف بالسيارة مثلك و انت ملحم فيه تبيه يفتح الخط و الشارع مليان و معه عجوز أو أطفال ، حط نفسك مكان صاحب اللموزين و انت راكب معه و واحد ملحم فيكم يبغاكم تفتحون الخط!!!
يضايقني عندما أسمع بنات تتعذر بالحرمان العاطفي و هذا سبب البحث عن الشباب
طيب هل كل البنات اللي عندهم حرمان عاطفي بحثن عن الشباب؟؟
طيب إنتي يا من تتعذرين بالحرمان طيب ليش تستمرين في العلاقات مع الشباب بعد الزواج؟؟؟؟
يضايقني بعض البنات اللي ما همهم إلا الأسواق و المنتزهات و تزيد الطين بله تواعد زميلاتها ويستهبلون
وين أهلهم ، وين اخوانهم ،
بعض الشباب الملتزمين سبب كره الناس للإلتزام و الإستقامة، فالإستقامة دين وخلق (علم و عمل )، ولكن الزمن هذا قل من تجده على ذلك ( الله المستعان )
يضايقني إذا سمعت أن بنت عمرها صغير ( يعني 3 متوسط أو أول ثانوي ) تعاكس و تلبس المخصر و تهايط مع اللموزينات و مع السواق و 24 ساعة على الشات و الإنترنت بالله هذي إذا جت في أول جامعة وش بتسوي
كثير من الآباء و الأمهات سبب في التحرش في أبنائهم لأنه بصراحة تلقى أولاد وبنات في أعمار 10 و 11 و 12 و 13 و 14 لا بسين برمودا و ضيق و قصير
قسما بالله فيه ناس قلوبهم حجر وطبع الله على قلوبهم من كثرت المعاصي ما عاد يفرق من كبير وصغير أهم شي شهوته
قبل مدة كنت واقف بسيارتي قدام أحد الصرافات و كان فيه شاب و أخته الصغيرة ( يبدو لي كذا ) و كانت البنت لابسه قصير عمرها 8 أو 9 سنوات و كانت ترقص و تسوي حركات لين تبين ملابسها الداخلية بصراحة إنصدمت
أول شيء من وين تعلمت هذا الشيء؟؟
ثاني شيء وش راح يكون الوضع بعد 5 أو 6 سنوات ؟؟؟
وبعدين استغرب ليه ما أنكر عليها أخوها!!!
بصراحة ما أدري هل الأهل يشوفون بنتهم صغيرة أو إن البنت تبي تتعرف على أحد بسبب إنها تشوف البنات في الأسواق و المنتزهات و غيرها ، بالأمس كنت واقف عند أحد المحلات و توني جاي أنزل و تطلع لي وحده بالغة حرمه و كاشفه وجهها ( بزعم إنها صغيرة )
يتقطع قلبي إذا سمعت عن خيانة الزوج أو الزوجة ، طيب ليش ، ممكن تقنعني بأي إجابة؟ مهما كانت الأسباب ما تصل لحد الخيانة ، واللي يخون / تخون ما يدون وش العقاب من الله ، فيه بعضهم يدري ، بس يلعب الشيطان ويذكره بشهوته و إذا خلص ضاقت به الدنيا
نعم
فيه أزواج مقصرين بحق زوجاتهم ، وفيه زوجات مقصرات بحق أزواجهم
بس
هل كل اللي مقصر في حقهم يخنون
يعني ما فيه إلا هذا الحل؟؟؟؟
وينكم انتم من قول تلك المرأة
((فوالله لولا الله ولا شيء غيره ، لحرك من هذا السرير جوانبه ))
خافت من نظر ربها
لا تعتقد أن الخيانة إنتقام من التقصير
بل إنتقام من نفسك
كنت اسولف مع أحد الزملاء عن زنا المحارم و كان يقول لي يا مجنون ما فيه كذا إنت مكبر الموضوع ، قلت له ما وصلت لحد الظاهرة بس موجود و ماراح أجيب شيء يحاسبني عليه ربي ، بعد فترة اتصل بي قال لي والله إنك صادق مشكلة وقفت عليها بنفسي بصراحة بعد ما قال لي القصة و هي تحرق في قلبي و دي أقولها و أخفف شوي عن نفسي ، بس أخاف تقراها أو يقراها من حدثت لهم القصة و يبدأ الشيطان بخطواته
معذرة أختي و أمي و خالتي و عمتي حنا مقصرين بحقكم نعم نهتم بزملائنا و مشاويرهم أكثر من اهتمامنا بكم ، بعض الشباب هداهم الله مخلي اخوياه كأنهم أهله مستعد يقدم التضحيات و التنازلات عشانهم بس ما يقدمها لأخواته ، ترى لهم احتياجات خاصة ودهم يشترونها و ترى لهم مستلزمات للمدرسة و للعمل ، إذا إنت ما اهتميت فيهم منهو يهتم؟؟؟؟
فخيركم خيركم لأهله
واللي ما فيه خير لأهله ما فيه خير للناس
الشعب الوحيد اللي يضرب بالأنظمة و القوانين عرض الحائط و لا يطبق منها إلا القليل هو شعبنا
بعض شبابنا يعتقد إنه من الملائكة يعني ما فيه أحد احسن منهم ، من وين جاب هذه الفكرة ، ما أدري ؟؟؟
ما أدري ليش إذا جاء واحد يطلب نصيحة منا أو يشكي لنا بشيء نعطيه الحل المثالي و لكن للاسف إذا مرينا بنفس ما مر فيه ما نطبق حلنا المثالي
(( لأن اللي رجليه في الماء ما هو مثل اللي رجليه في النار ))
أتضايق كثير يوم اشوف بنات مع السواق و كلهم كاشفين وجيههم طيب السواق ماله شهوة
قبل سنتين تقريباً في فترة الظهر كنت مار من عند معهد الإدارة القسم النسائي وركبت واحدة مع سواقهم
ووقفنا عند الإشارة ، ((شف الموقف وفسره زي ما تبي))
طبعا السيارة و قفت قدامي و الزجاجة الخلفية للسيارة مظلله خفيييييف ، فجأة فكت الطرحة و قامت تلعب بالشعر كأنها قدام التسريحة و انسدحت على المرتبة ؟؟
إذا كانت بهذه الجرأة و قلة الحياة في الشارع فما بالك بعيد عن أعين الناس ......................
آه ياناس الإخوان مقصرين في حق أخواتهم و آباؤهم ، و الأب موكل موضوع الأسرة للسواق (( رب الأسرة الجديد )) و الأم لاهية في القيل و القال و موكلة موضوع البيت للخدامة ، دماااااااااااااااااااااااااار
بعض الأسر ما أدري كيف تفكيرهم يجيبون سواق و بعدين يجيبون خدامه ما لها علاقة فيه ويخلونهم ينومون مع بعض
أو يخلونها معه في كل المشاوير ( بزعمهم محرم ) وما يدرون
عن ( ما خلا رجل بإمرأة إلا كان الشيطان ثالثهما )
وأي شيء يصير بينهم يحملون أوزاره معهم
لأنه في أغلب الوقت في الصباح يكون البيت فاضي
وغير الصباح
دخلت أكثر من كفي نت و أكثر من وقت و لقيت أكثر من 95% يستخدمون النت فيما لا ينفع ( مضيعة وقت على الفاضي )
كل واحد عافط الشاشة عشان ما أحد يشوف وش فيها ونسى أن الله سميع بصير
وتلقاه يدخن
وتلقاه يسمع الأغاني
وتلقاه يكلم بنات
بالله هذا لو جاه ملك الموت كيف بيكون حاله!!!!؟؟؟؟
أعمارهم راحت في المعاصي
وبعدين يقول ما فيه وظايف؟
ليش الدنيا مسكرة في وجهي؟
وبعضهم صغير اسمعهم يكلم
( ألو : سارة ، معك ملك الغرام )
والله لو شافتك سارة كان ما تدخل الشات أبد
وبعدين اتعجب من بنات يكلمون الشباب أو العكس بالمايك
والله في كل الأوقات اللي دخلت فيها لكفي النت كل واحد معه واحده أو ثنتين
وين أهلهم
ولهذه الدرجة الثقة عمياء
وبعدين وش الفايدة
هل هي تسلية؟؟
هل هي للنصيحة؟؟
و العجيب فيه بنات ما يتعظون
ولا شباب يتعظون
فوالله من كنت أعرفهم على هذه المعصية
انظر لحاله
تلقاه يتزوج و كل مرة تحمل زوجته وتسقط
فهذه عقوبة
تلقاه مشاكل في العمل
مشاكل مع زوجته
قلة في الرزق
أولاده مشاكل مع الجيران
ومجرجرينه في مراكز الشرطه و الهئية
عقوق
حرمان الذرية
أو الشذوذ
وهي تلقاها تتزوج
وتبطي ما تحمل
زوجها يقصر بكثير من حقوقها
تتسلط عليها زميلاتها
ذليله
دايم في مشاكل ونكد
قلة التوفيق
تسلط أهل الزوج
حرمان الذرية
وغيرها
فوالله كل هذا من معصيته و معصيتها
هذا غير
لحظة نزع الروح
وغير عذاب القبر
وغير يوم القيامة
فالله غيور
وسينتقم
وأكثر شي يزعجني أن شباب المسلمين يعد العدة و يسافر للبلدان المسلمة ليزني ببنات المسلمين
وبعدين يجي و يتبجح و يتكلم عن صولاته و جولاته
ونسي ان الله كان معه في كل لحظاته
وراح يلقى كل اللي سواه
قال جبار السماوات و الأرض
(52) إِنْ كَانَتْ إِلاَّ صَيْحَةً وَاحِدَةً فَإِذَا هُمْ جَمِيعٌ لَدَيْنَا مُحْضَرُونَ (53) فَالْيَوْمَ لا تُظْلَمُ نَفْسٌ شَيْئاً وَلا تُجْزَوْنَ إِلاَّ مَا كُنتُمْ تَعْمَلُونَ (54)
اللي بتسويه
واللي بتسوينه
راح تحاسبون عليه
(114) أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لا تُرْجَعُونَ (115)
أتعجب من ناس 24 ساعة مشغل البلوتوث
يعني إنت مشغله عشان تستقبل أي شي
طيب وش الفايدة؟
يمكن تشوف شيء سيء
شيء يثيرك
وهذا المرسل ( اللي يرسل مقاطع سيئة ) ما يدري إنه إنتشر بسببه
يعني يمكن واحد يستقبل المقطع وبعدين ينشره على النت
بالله
كم واحد بيشوفه و ينشره
ستحمل وزرك ووزر كل اللي شافوه
(24) لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ وَمِنْ أَوْزَارِ الَّذِينَ يُضِلُّونَهُمْ بِغَيْرِ عِلْمٍ أَلا سَاءَ مَا يَزِرُونَ (25)
بعض الناس ماخذ الدنيا سعة صدر
معذرة للي تشتكي من بيع الرجال للملابس الداخلية
هل قد سمعتي من أحد الداعيات أو الأخوات المحتشمات في اللباس أنها تضايقت من اللي يبيعون؟؟؟
إسأليها ليش؟؟
وإسأليها من وين تشتري و متى و من يكون معها؟؟؟
بعض البنات أسأل الله أن يهديهم
تطلع بنفسها و تستقبل خدمة توصيل المطاعم او التموينات بلا حياء
كأنها مستقبلة أمها أو اختها
عاااااااااااااااااااااادي
ما عندها أي مشكلة
وإذا تحرش فيها
قالت طلعوهم من البلد؟؟؟؟؟؟؟
كثير ممن يطالبون بزواج المسيار المقصد هو شهوتهم
فهم لا يرضونه لأخواتهم
ألاحظ من فترة أغلب اللي يسوقون الظاهر حالفين ما يستخدمون الإشارات
تلقاه فجأة صافط يمين او يسار ( ما شيء على النيه )
أو تلقاه من اقصى اليمين لأقصى اليسار و العكس
يعني لازم تتوقع إنه بيلف
هو ماراح يستخدم الإشارات
تسأل ليه؟؟
ماعنده جواب؟؟
استغرب من كثرة اللي حاطين نغمات بجوالاتهم ( أغاني )
هل يدل هذا على الإتيكيت
أو الرومانسية
أو الفراغ العاطفي
والغريب تلقى كبار في السن حاط أغاني
عيب و الله عيب
تعرف متى بتحس إنك سخيف
خل جوالك يدق عند الرجاجيل
على طول تحاول تطفيه
طيب ليه؟؟
سخافة ما بعدها سخافة
حتى اللي يحط قرآن أنا ضد هذا الشيء
لأن فيه أمتهان للقرآن
وفيه فتوى بذلك
فيه ناس يعتقد إن الرجوله إنه دايم يخالف زوجته و يحرمها من أشياء كثيرة؟؟؟!!!
ياليت الحب و الرومانسية اللي بين الشاب و الفتاة ( العلاقة و المعاكسة )
تكون بين الزوجين
( على الأقل يكسب أجر )
تلقى الزوج مثلاً إذا دق على زوجته و لا ردت
ما يحسن الظن على أنها بعيده عنه أو أنها في حفلة زواج و ما تقدر تسمع الجوال
على طول يعتقد إنها مطنشته
ثم يتصل عليها و يسمعها أسوأ الكلام
و العكس تعتقد إنه يبين إنه رجال عند أخوياه و إنه ما يرد من أول مره على زوجته
ولكن خويته
يختلق لها كل الأعذار؟؟؟؟!!!!!!!!
يعتصر قلبي إذا سمعت إن شاب تعرف على بنت و يقول ، من أول ما قابلتها فليناها
وطيحنا اللي بروسنا
ولكن تلقاها تستحي من زوجها ليلة الدخلة ؟؟؟؟!!!!!
استغرب من بعض اللي يطلع هو وزوجته و هي متبرجة كأنها رايحه لحفلة زواج
ضيق و بنطلون
ومخصر
و لثام
و عطر
وكحل
يعني ( يا عزوبية انقهروا؟؟)
ما أدري بالضبط؟؟!!
أما البنات اللي يطلعون من الكلية و تتمشى و تستبهل
مع اللموزين
أو زميلها
أو السواق
وفرحانه إن أخوها و أبوها ما يدرون
يا مسكينة
يا ليتهم يدرون و يحاسبونك في الدنيا و تعقلين
لكن لا تنسين الجبار
اللي يقدر يفضحك أي وقت و أي حال
والشواهد كثيرة
فوالله ما فيه علاقة بين شاب و بنت
إلا المستفيد الأول و الأخير
هو الشاب
وترى اللي فضح غيرك عشان تتعظين
راح يفضحك عشان يتعظ بك غيرك
فلا تغتري بستر الله عليك
هذا ما عندي وسامحوني
محب الجميع : أهم شي الوناسه
لا تنسونا من الدعاء بظهر الغيب
|
25-01-09, 10:19 PM
جديد مواضيع قسم الارشيف
العرض العادي
