....: وانا قلت لا

...: وليش ان شاء الله ؟

...:افكر اكمل دراستي واذا ع الزواج لاحقه عليه

...: اللي يسمعج يقول باجر بتعرسين..حبيبتي هو بعده ماتخرج ولين تتخرجين من الكليه بيكون هو توه يشتغل

...:اي كليه؟!

...:كلية التقنيه

...: ومنهو قالج اني بدرس في التقنيه...بدرس في الجامعه الامريكيه

...: على كيفج هو؟

...: هي على كيفي بعدين ابويه موافق

...: ابويه وابويه....ترا خوالج مابيوافقون...بعدين هذا ولد خالج واولى فيج وخالج خطبج منا

...: ومن منه خطبني؟

...:مني ومن خوانج

...:ياسلام وماليي ابو ...سمعي يامنور ..زواج مابزوج

منيره: اسما خوانج وافقوا

اسما: وانا مب موافقه ولا راح اوافق...واعتقد طريج الباب دلينه...عن اذنج عندي واجبات احلها

منيره _عقب ماراحت اسما_: طرديني يا اسما انزين نشوف من كلمته تمشي


منى: عن تكوني زعلانه من الوالد

ريم: ياللا يا ام محمد خبرينا

شيخه: هذا بس لاني بروح ايلس عند خواني كم يوم

منى: امايه انتي من زمان مارحتي عندهم واذا رحتي بس قيلتي عندهم ورديتي

شيخه: ياميه الدنيا تراها ماتسوى وهذيلا خواني وانا مقصره وياهم عشان جذا بيلس عند كل واحد منهم يومين

منى: يعني 8 ايام..مب كانهن وايد؟

ريم: انزين قلتي انج مقصره شو اللي خلاج تفكرين بهالشي الحين؟

شيخه: لا إله الا الله حلمت فيهم

ريم: امايه

شيخه: منى قومي انتي واختج وطلعن خلني اتجهز

استغربن ..منى: متى بتسيرين؟

شيخه:عقب شوي..والحين ياللا قومن طلعن

طلعن من حجرة امهن وعلامات الاستفهام في روسهن

ريم: انا حاسه ان السالفه وراها ان

منى: ريم لا تكبرين الموضوع يمكن امي فكرت في خوالي ..وبصراحه نحن وايد مقصرين وياهم مب بس امي

ريم: انتي خلج من خوالنا الحين امي ماقنعتني

منى: ريم لا تكبرين الموضوع كلها كم يوم وامي بترد

ريم: معاج حق بس البيت بيكون فاضي

منى: هي اصلا مابتصبر عنا

ريم: صدقج والله


في المدرسه في وقت الفسحه كانت يالسه في الصف ترمس ع الموبايل

..: هههههههه..لا اكيد ..الليله ..اوكي..سي يو

توقف امل عند الباب: شو مابطلعين؟

لطوف: اكيد حبي ياللا

سارت صوبها وقبل مايطلعن

امل: لطوف ..حاسه انج متغيره فيج شي؟

لطوف: كيف يعني متغيره؟

امل: ماحسج مثل قبل وصوتج صار شوي فيه بحه

لطوف: مافيي شي واذا ع صوتي..احم احم..بس لاني مزكمه ياللا روحنا

كانت الشله متجمعه في الساحه..اقبلن صوبهن

لطوف:هااي

...:هايات

بس موبايلها ماخلاها تيلس وياهن استأذنتهن وراحت...مب بس امل حاسه ..الكل ملاحظ

اسما: مب ملاحظين شي ع لطوف؟

مهره:امبلا كأنها متغيره

امل: يعني ماتوهم هي صج متغيره

بدور: لا تبالغون

مهره: بدور شو نبالغ انتي مب ملاحظه ؟

ترجع لهن لطوف عقب ماخلصت من لمكالم..وافتهن ساكتات ويطالعنها: بلاكم في شي؟

مهره: المفروض حنا نسألج

لطوف: عن شو؟

اسما: حاسين انج متغيره

مهره: اسلوبج متغير وانتي متغيره

طالعت صوب امل: امول شو قايلتلهم؟

امل: ماقلت شي هم اللي قالوا

اسما: مايحتاي حد يقولنا

لطوف:شوفوا ياتغيرون السالفه ولا بخليكم وبروح_نضراتهن فيها علامة تعجب_ اوكي

بعد ماخلتهن وراحت طالعت مهره صوب بدور: الحين نبالغ لا ؟

بدور: وشو تبوني اسوي

خلتهن وراحت ..علقت مهره: وهذي شفيها؟

اسما: بدور هذا اسلوبها بس المشكله في لطوف

امل: مستحيل تكون هذي لطوف مستحيل



...:اليوم ماباج تسأليني عن اي شي ..ابا اتحدث وبس ..اعبر عن اللي في داخلي

...: تحدث قول اللي عندك مابسالك اي شي...المحادثه لك

...: تسلمين يا احلى اخت

...: الله يسلمك..ياللا تحدث

... _طلعت تنهيده من صميم قلبه_: اااه حاس بضيجه ..ضيجه تهد يبال (جبال) نفسي انسى كل شي ..ابا اروح بعيد لمكان محد فيه غيري ابا اختفي في مكان محد يعرفني فيه ولا اعرف فيه حد ابا امسح كل ماضي حياتي

انتظرت انه يكمل بس سكت وطال سكوته

...: وينك؟!...كمل

....: تعبان بختنق مب قادر اتحمل ابا اشم هوا... اطلع... امشي

....:اذا هذا يريحك ليش لا

...: طولت عليج واتعبتج ويايه

...: لا تقول جي مب حنا تفقنا إنا خوان

...: واعز....ارتاح يوم احدثج وافضفضلج عن اللي فيني ...مشكوره

....: لا شكر على واجب ..متى مابغيت دردش او اطلع اللي في خاطرك تراني موجوده

...:تسلمين ..بطلع الحين ويوم ارد برمسج

...:ان شاء الله

...: اشوفج ع خير

...: اوكي مع السلامه

...:مع السلامه

لاحظت انه طلع من المحادثه ..بس قلبها كان وياه تفكر في حاله وسبب الحزن اللي هو فيه حترمت رغبته ولا سالته مع انها وفي قرارة نفسها كان ودها تساله وتفهم منه يمكن تقدر تساعده ....



كانت هاديه مع انه مبين عليها انها مب بخير ..فتحت الباب بهدوء ودخلت شافتها يالسه في سريرها وتلعب بدميتها ..احيانا تحس باللي حواليها وتعرفهم ومرات تحسها ماتعرف حد ..تجدمت في هدوء ويلست ع طرف السرير..وبعدت الخصل النازله ع ويها لورى اذنها بابتسامه رقيقه قالت: شحالج حبيبتي؟

نايله _بطريقه طفوليه _:امايه

فرحت وهي تسمع بنتها تقول اسمها ونزلت دموعها: عيونها

نايله: لعبتي حلوه؟

عفرا: اكيد حلوه لأنج انتي حلوه

نايله: امايه انتي تصيحين

عفرا: تعرفين ليش اصيح_حركت راسها بمعنى لا_ لاني احبج واااايد وايد

نايله:وانا بعد احبج

عفرا : ياحبيبتي_وحضنتها_ احبج

بدت حالتها تتغير: بس مريم ماحبها

بعدتها : حبيبتي

نايله: مريم شريره ان..انا ماحبها امايه ماحبها

عفرا: اهدي اهدي سمعي..مسويتلج شي وايد حلو

بدت تهدا من حالة الانفعال: حقي؟

عفرا: امم..مسويتلج كيكه وااايد حلوه تبيني اييبلج

نايله: هيه بس مريم ماباها تاكل منها

عفرا: لا تخافين حبيبتي الكيكه بس حقج انتي..بروح اييبلج..انتي يلسي لعبي مع لعبتج والحين بييج انزين؟

نايله: انزين

بوستها على خدها وطلعت وقفلت الباب وراحت ع المطبخ ...كانت مريم متاكيه ع الثلاجه ومربعه يديها..في البدايه مالاحظتها ...

عفرا:مريم

مريم: امايه ابا اسير عند ابويه

عفرا: نعم...تتحرين حرمة ابوج بترحب فيج..هي لو عليها ما تبا ابوج ايي هنا

مريم: سمعتها من شوي وهي تقول انها تكرهني

عفرا: مريم اختج مب في وعيها

مريم: تبينها اتي وتجتلني

عفرا: تراني هاذوني قافله عليها في الحجره ويوم تروحين المدرسه افجه

دخل ولدها وقف عند الباب وسند بايده عليه: ابويه قال بيعالجها

يت عقرا صوب الثلاجه وبعدت مريم وطلعت الكيكه: قصدك ياخذها لمستشفى الميانين _وراحت_

..: وشو فيه ؟

وهي تقطع من الكيكه: ماتقولي كم واحد دخل مستشفى الميانين وطلع صاحي؟..

...: بس بيساعدونها

عفرا: وكيف بيساعدونها بالمهديئات...سمعوا انتوا الاثنين نايله مالها روحه وانتو بعد

شلت الصحن وطلعت

مريم: صج ابويه بياخذ نايله لمستشفى الميانين؟

...: هيه بس امي رفضت...كنت باخذها لابويه بدون علمها بس خفت تزعل مني او تغضب عليي

مريم: بس امي معاها حق مابيعالجونها

..: ع الاقل بتفتكين من ضربها لج

مريم: امي قافله عليها..مع اني كل ليله اسمع صريخها حتى وقته عرقته

...: بحاول ويا امي وان شاء الله بقنعها

مريم:ان شاء الله


بدت تبتعد عن ربيعاتها صارت ماتيلس وياهن وايد حتى سهراتها وياهن مب مثل قبل اسلوبها... نيولوكها طريقة كلامها تعاملها الكل حاس انها مب لطوف ..بس بدور عارفه السبب حاولت تمنعها وخبرتها ان الشله اللي هي وياهن مب عايبتنها بس لطوف تسمع من اذن وطلع من الثانيه...حنا اولاد ومن حقنا نسوي اللي نباه..اجتمعن او اجتمعوا في شقه استأجرتها وحده من الشله واجتمعن فيها ع اختلاف مستوياتهن المعيشيه والمرحله العمريه وطبعا مب من منطقه وحده من كذا مكان..ويجمعهن شي واحد اللي هو "انا بويه"

اي انا ولد من حقي اسهر من حقي اطلع واسوي اللي اي ولد يسويه..ضحك سيجاير بلاي ستيشن ولعبة ورق وغنى ورقص هذا اللي كان مستوي في الشقه ..ماكان بينهم بنات بمعنى يلسه شبابيه ..الوقت مضى ولا حسوا فيه ...وطلع عليهم النهار ومن التعب رقدوا حد منهم رقد في الصاله وحد في غرف النوم ..ولا حد منهم فكر وراه دراسه ولازم ينش او اهل يمكن يحاتونه...


منى دخلت حجرت اختها حصلت الفراش مرتب وشنطة المدرسه محطايه على صوب ..بس شنطة اللاب توب مب موجوده..طلبت من ربها يسامح امها لانها ودرتهم بهالوقت بس حتى لو امها موجوده ..لطوف تسوي اللي تباه بدون حسيب ولا رقيب...ربيعاتها ستفقدنها ليوم غايبه عن المدرسه ومستغربات غيابها..ماعدا بدور اللي متاكده انها مب غايبه بسبب..وكله من شلة البويات الفاسده اللي متعرفه عليهن ...



جيرانهم الملاصقين لبيتهم تعودو بين كل فتره وفتره يسمعون صوته وهو يصرخ ويسب ويشتم وهو قايم ضرب في امه في حوش البيت وهذا كله عشان الفلوس..كان يضربها بوحشيه وهي مب همها الوجع الجسمي ع كثر ما يوجعها قلبها اللي يصيح بكل قهر من ولدها اللي مب راحمنها ومع هذا مايطاوعها تدعي عليه او تتبرا منه ولسانه ماعليه غير الله يهديه..

وهو يصفع فيها : ابا فلوس

تصيح وقلبها يتوسله: حرام عليك يافهد حرام عليك اللي تسويه فيني ..هذا بدال ماتساندني وتعيني في تربية خوانك...

فهد: بس عاد انا مب ياي هنا اسمع مواعظ عطيني

عليا: من وين؟...تباني اقطع من جسمي وبيع..انته مب شايف حالنا

مسكها بقو: سمعي مايهمني كل اللي اباه الفلوس واذا ماعطيتيني بالطيب بدور بنفسي

عليا: ماعندي شي قوم اذلف

صفعها وقبل مايسير داخل قال: الله ياخذج

طالعت صوبه وهو رايح داخل وحست بحرقه في جوفها من كلمته: الله ياخذني؟!

بغت ترفع لسانها تدعي عليه بس ماطاوعها قلبها واكتفت بالبكي ..طلع ماحصل الا مبلغ صغير مايتعدى 300 درهم..ونزل لمستواها

فهد: سمعي ع اول الشهر بيي وياويلج اذا ماحصلت فلوس

طلع وسكر دفة الباب بقو...نزلت دموعها بحرقه وهي تشوف ولدها البكر يسوي فيها كل هذا....

(ملاحظه: فهد اخو بدور مب نفسه فهد عم منال بس مجرد تشابه في الاسماء

للشقه ماكانت سهرانه وياهم البارحه ..هي اللي استاجرت لهم الشقه وبسبب الظروف ماكانت وياهم هي بويه ..شعرها وايد قصير اللي يشوفها يقول ولد ..سمره شوي ..دخلت وسارت للصاله شافتهم راقدين والاكل والقراطيس والمشروبات الغازيه في كل مكان هذا غير طفايات السجائر العمرانه والتلفزيون اللي يشتغل موصل عليه البلاي ستيشن ووراق اللعب المبعثره...وحست انها طوفت ع نفسها سهره ماتتعوض...كانو راقدين بشكل عشوائي حد تحت ع المخاد وحد ع الزوليه وحد ع الكنبات..هذيل غير اللي داخل..لفت بعيونها من تحت النظاره عليهم..لين وصلت للكنبه اللي بالطرف ..وشدها شكلها نزلت نظارتها بهدوء ..وهي طالع جمالها ..كانت محطيه المخده تحت راسها وراقده ع ظهرها..مشت بهدوء ووقفت ع مسافه منها وتمت طالعها من تحت لفوق مبهوره بجمالها وبجسمها اللي جذبها ....


قررت تكلمه بنفسها عشان تنهي وياه الموضوع عقب مافشلت ربيعتها وياه..اتصلت عليه وهو يالس في الكوفي..يشرب كابتشينو

مانع: هلا والله

...: اسمع يامانع عندي لك اقتراح

مانع: وشو هالقتراح؟

...: بعطيك المبلغ اللي تباه بشرط انك تخليني

مانع: اقتراح حلو بس ماعتقد اوافق

...: مانع شوف تراني ماتهدد

مانع: هههههههههه والله ماكنتي بتتصلين لو مب التهديد..كلكن يابنات حوى مثل بعض ماتيبكن الا العين الحمرا

...: انزين شو بتستفيد؟

مانع: وايد اكثر من اللي تتوقعينه

...:حرام عليك..خاف ربك عن يصيب خواتك شي

مانع: سمعيني هذا الكلام مايدخل راسي..بعدين انا مستانس ع الاخر ...سلام

بعد ماسكر عنها اتصلت ع ربيعتها: الو

..:هلا ..ها بشري

..: اتصلت عليه النذل ماعنده ذرة الاحساس..ابا اشوفج حاسه عمري بختنق

..: انزين اوكيه اييج البيت

..:لا اخاف حد يسمعنا

...: خلاص عيل بمرج العصر وبروح اي مكان وبنتحدث

..:انزين..اشوفج بعدين الحين بروح المحاضره

..: ركزي ي محاضرتج وانسيه

..: انساه؟!...خليها ع ربج

..: انا بعد تاخرت ع الحصه الحين البنات ماصدقن محد اييهن..ياللا بخليج ونتلاقى العصر

...: اوكي مع السلامه

..:مع السلامه


تقربت بهدوء صوبها ..كانت تتقرب اكثر واكثر..بس لطوف حست عليها وفتحت عيونها وفزت بسرعها ومسكتها بقميصها

لطوف وهي ماسكتنها..وبصوت رجولي: نعم اي خدمه

ارتبكت وبعضهم نشو على صوتها: لا بس

وحده منهن وبصوت مبحوح من النوم: في شي

لطوف: لا بس في ناس مضيعه.._خذت فونها وطالعته...ونزلت وراحت ع الحمام..سكرت الباب وسارت للمغسل حطت موبايلها ع صوب ..ونحنت ع المغسل بعدين رفعت راسها وطالعت نفسها في المرايه_ اكيد الحين البنات بيسولي حفله اذا اتصلت عليهن..ويمكن منى او حد من خواني دخل حجرتي_تغسلت ..وطالعت نفسها_هذا غير العله اللي برع

_يندق الباب_نعم

...:ابا الحمام

لطوف: انزين الحين بطلع_مسحت ويها ويديها وخذت موبايلها وطلعت ...سارت للمطبخ كانت وحده منهن تجهزلها نسكافيه

البويه: صباحو

لطوف: صباحو

البويه: بلاج مانمتي زين

حطت موبايلها ع الطاوله وسحبت الكرسي ويلست: راسي مصدع

يت صوبها وهي شاله كوب النسكافيه وقدمته لها: شربي هذا بيروقج

لطوف: بس هذا لج

البويه: بسويلي غيره_وراحت_

خذت الكوب وشربت منه: هذي سالفتها اللي برع

ابتسمت: اللي بغت تبوسج

لطوف: دخيل امج شو ابوس فيها شفتي براطيمها تقول براطيم ناقه

..:ههههههههههههههه حلوه ...هذي هي اللي مستاجره الشقه

لطوف: امحق شقه...اقدر ايبلكم شقه احسن عن هذي الف مره..ويع فظيع

...: قلتلج نامي في الحجره

لطوف: رحت وياليتني مارحت ..تقول طرادات في الحجر مب بني ادمين

..:هههههههههههه _خلصت ويت صوبها وسحبت الكرسي ويلست..شربت وحطت الكوب_ اعرف مالج مزاج تسولفين بس عندي سؤال

لطوف: سألي

..:اللي عرفته عنج انج من عايله غنيه ومب ناقصنج شي ليش صرتي بويه

ابتسمت: صح انا مب ناقصني شي عندي الفلوس وربع واهلي حواليي ومرتاحه يعني مرتاحه ماديا ومعنويا ..بس ليش بوي؟..جمالي..هذا طبعا غير الصفات الشخصيه الثانيه اللي فيني ..وانتي كيف صرتي جذا

..:اه تعرفت ع بنات يمشن مع بويات وبعدين عرفني ع ربيعاتهن البويات في البدايه كانت علاقه عاديه سوالف ضحك ..شوي شوي بديت اخذ من تصرفاتهم..مع الوقت عيبني اللي هم فيه بعدين صرت مثلهم..كنت مخطوبه حق ولد عمي كمل دراسته في الخارج ورجع وخطبني مره ثانيه خطوبه رسميه بس رفضت

لطوف: انتي شوا سمج؟

...: احب يزقروني مروه

لطوف: واسمج؟

...:اسمي جديم وايد ع اسم يدتي ..اكرهه واكرها هي بعد كره العمى

لطوف: ليش؟

...: دوم تسبني وتشتمني ومرات تضربني بعكويتها (عصا غليظه)

لطوف: شو اسمها؟

..: غبيشه ...هي الحين في المستشفى بين الحياه والموت...عساها ماتقوم..اللي يت وياج هنا من هي؟

لطوف: بدور

..: اسمها بدور...تعرفين يوم شفتكم ياين قلت في نفسي انكم تحبون بعض

دخلت بويه ثانيه ويت صوبهن: بتتريقون ولا

...: من برع؟

...:هيه

لطوف: وعلى حسابي روحي شوفيهم شو يبون والدفع عليي

سمعنها تقول وهي متاكيه ع الباب: لاااا معقوله نخلي ضيوفنا يدفعون

نشت لطوف وسارت صوبها: وانا مصر اني ادفع ياللا خلونا نشوفهم شو يبون

تمت طالعها وهي رايحه وشكلها مابطوفها لها...


وصلت للبيت كانوا خوانها في الصاله سألت عن امها خبروها انها راسها معورنها وراقده..سارت حجرتها وتاحت شنطتها ع السرير وفصخت عباتها وراحت عند امها في الحجره..كانت غاطه في نومها تجدمت منها في هدوء وبوستها على راسها حست فيها

عليا: بدريه

بدور:عونج يالغاليه

عليا: بدريه سمعيني اباج تاخذين خوانج وتيلسون عند يدتكم

بدور: لا تقولين ان الجلب(الكلب) اللي مسوي فيج جي

عليا:لا

بدور: حلفتج هو ولا لا؟_سكتت امها_ وتبينا نروح عشان يستفرد فيج؟...

عليا: مابتيلسون وايد كلها كم يوم لين اول الشهر الياي

بدور:هو بيي ع اول الشهر؟

عليا: بدريه

بدور: خلاص مثل ماتبين بروح عند يدتي_باستها ع راسها_من رخصتج..._دخلت حجرتها _اول الشهر يعني مب وايد باقي ..والله وقربت نهايتك يالجلب




كانت يالسه في الصاله تتصفح المجله والموبايل ع الطاوله ..سمعت صوت تنبيه بوصول رساله ..نحنت وخذت الموبايل وفتحت الرساله ..قرت مضمونها ..وسعت عيونها وقامت واقفه وطاحت المجله..

...: مستحيل...مستحييل...لا ..


خوانها صاروا يخططون حياتها مثل مايبون واسما مالها غير ابوها اللي علاقته بهم مب على مايرام فهل يقدر يوقف في ويوهم ويمنعهم؟

لطوف تغيرت وين بتوصل مع هالتغير وهل بتم علاقتها بشلتها ولا بتتغير ؟

بدا يحكي لهند عن همومه ومشاكله واحزانه ياترى هل بظل العلاقه بينهم اخويه ولا بتطور؟

لطوف تصادمت ببويه من الشله اليديده ياترى شو بيصير بينهم؟

بدور تتريا اول الشهر على احر من الجمر فهل بتنفذ تهديدها ولا لا؟

قرت الرساله وماعيبها مضمونها شو اللي في الرساله؟ ومن هي اللي قرتها؟





يـــــــــــــــــــــــــــــــــــــــــــتـــــ ــــــــــبــــــــع

البارت العشرين




عندما يأتيك زائرا من الماضي خاصة اذا كنت لا ترغب برؤيته فانك تشعر بالضيق وتتمنى لو أنه لا يعود.. كانت يالسه في الصاله تتصفح المجله والموبايل ع الطاوله ..سمعت صوت تنبيه بوصول رساله ..نحنت وخذت الموبايل وفتحت الرساله ..قرت مضمونها ..وسعت عيونها وقامت واقفه وطاحت المجله..

...: مستحيل...مستحييل...لا ..هذا شو ذكره بنا ليش ياي من عقب هالسنين ...بس والله لو يحفى مابخليه يدخل هالبيت ولا هو نسى اللي سواه اذا هو نسى انا مانسى مانسى ياناصر...



ماتدري شو اللي مستوي في البيت ..رجعت عقب ماقضت ليله ويوم مع شلتها اليديده اللي بدت تاخذها من دراستها ومن اهلها..وصلت للصاله وشافت ريم وخوله يالسات

لطوف: عيل امي وين؟

خوله: امي راحت تزور خوالي وبتيلس عندهم كم يوم

لطوف: محد قالي

بدت ريم تتمصخر : محد قالي...انتي حد يشوفج عشان يقولج لا ليلج ليل ولا نهارج نهار كله هايته

عصبت لطوف منها..: ريم ترا راسي مصدع ومب خلجج ..وكلامج اللي من تحت لتحت تخلينه لج انتي سامعه

ريم وسعت عيونها لانها مب مصدقه ان اللي تحدثها هي لطوف..ولتفتت ع خوله

ريم: سمعتي سمعتيها كيف ترمس بذمتج هذي لطوف

راحت حجرتها وهي داخله شافت منى تترياها..دخلت وقبل ماتقول منى اي شي

لطوف: منى مابا اسمع شي وطلعي من حجرتيه

بس منى طنشتها ويت صوبها: وين كنتي؟

لطوف: ابا ارقد راسي مصدع ..ياللا طلعي

منى: مب طالعه الا يوم تجاوبيني

لطوف : قلتلج مايخصج والحين طلعي ابا انخمد...ياللا طلعي

يا حمد على صوتها لان الباب مفتوح

حمد: بلاكم

لطوف: حمد ابا ارقد راسي معورني وهي مب طايعه تطلع

حمد: منى ياللا طلعنا خليها ترقد..

طالعتها بعدين طلعت مع اخوها ..مشت صوب سريرها وتحت عمرها عليه...وهي طالعه تلاقت بريم..اما حمد فكان مجهز نفسه للطلعه وراح ع مشوراره

ريم: شفتي لطوف؟

منى_والضيج باين عليها_ هيه شفتها...مادري شوا سوي وياها ..لطوف ضاعت ياريم ضاعت

ريم: منى لا تمين تضغطين عليها عن تعند زياده

منى: لو امي هنا كان زين

ابتسمت ريم ساخره من كلام منى: امي..وهي من متى اصل اهتمت ا ن امي هنا ولا لا شوفت عينج حتى امي مب قادره عليها فلا تلومين امي

منى: اااه والله ماعارفه شوا سوي..امي ماتصلت

ريم:لا

منى: عيل خلينا نتصل عليها

ريم: ياللا



راحن لمكان هادي عشان ياخذن راحتهن..قدم لهن النادل ..الايس كريم وراح

..: اكلي الايسكريم وهدي نفسج

...: كيف اهدى وهذا النذل مب مخليني في حالي

..: هو مايعرف اني بنت عمج

..: لا يامها هو مايعرف غير انج ربيعتي

مها: ساره لا تخافين ان شاء الله بنلقى حل

ساره: والله العظيم ان الصور كلها مفبركه حسبي الله عليه

مها: ساره لا تسوين بنفسج جذا

ساره: كنت بخبر هند بس خفت السالفه تكبر

مها: ماعليه دامني وياج لا تخافين ان شاء الله راح ناخذ الصور منه

ساره: ان شاء الله




قرار ان شاء او أبى فهو ملزم بتنفيذه..هو متعلق بها مثلها هي التي عرفته الاب والام معا والان اتت لكي تأخذها منه ..بعد ان تعود كل من في البيت على صوتها واللعب معها والضحك معها والذهاب والمجىء معها خاصة جدتها التي ترافقها من الصباح حتى وقت النوم كيف لها ان تتحمل بعد حفيدتها عنها لكنه قرار محكمه وله عقوبه ان لم ينفذ ..قامت جدتها بترتيب كل اغراضها وهي تشعر بالغصه والحزن وإيمان جالسه تلعب لاتدري وغير فاهمه لما يجري..سألت جدتها بكل بر اءه" يدوه وين بنروح"..كلمه زادت الوجع في قلب فاطمه انتهت من ترتيب الاغراض وطلبت من الخادمه تنزل الحقيبه ..كان خليفه بنفسه سياخذها لبيت والدتها بس سلطان لم يحب ان ينذل اخيه فهو يعرف طليقة اخيه جيدا واكيد بل مؤكد سوف يتشمتون به ...وبالفعل سلطان اخذ ابنة اخيه لامها ..بعد ان ودعتها جدتها بعناق قوي ودموع وكان قلبها يشعرها انها لن تراها ثانية...




دخل للبيت يصفر ويدندن ..كانن خواته وحرمة ابوه يالسات في الصاله..ومن اشكالهم باين في شي مستوي..حرمة ابوه كانت موطيه راسها وساندتنه بايدها وهن باين عليهن الحزن

مانع:السلام عليكم

ردن خواته السلام:وعليكم السلام

مانع:بلاكم كان ميتلكم حد والعياذ بالله

وحده من خواته: ابويه بيعرس

فطس ضحك :هههههههههههههههههههههههههه هههههههههههههه

حرمة ابوه: ليش خبرتيه؟,,,حسبي الله عليك

وهو يضحك:ههههههههههههههااااااااااااااي..ماتلامين من الحره اللي انتي فيها..والله ابويه بيعرس عليج ياخديجوه هههههههههههههههههه ..

يا اخوه ع صوت ضحكه اخوه اصغر عنه واكبر عن احلام: مانع حرام عليك لا تشمت في امي

مانع: ههههههههه روح لا اونه امي..بذمتك هذي حد ياخذها ..انا مادري ابويه كيف تزوجها..مع هالشكل تقول كأنها غوريلا

خديجه:غوريلا تنهشك قول امين

مانع:ههههههههههههههههههههههه



قرار اتخذته بعد طول تفكير دون ان تفكر بعواقبه او قد تكون فكرت ولكن ارجعته الى ان اولادها كبروا ويستطيعون الاعتماد على انفسهم ..اتصلت بمحمد وطلبت رؤيته وهي كانت في بيت أخيها عبدالرحمن الذي ابنه هو جاسم اقرب ابناءه لابناء عمته شيخه ..اتى محمد لرؤيتها وكان في استقباله جاسم

محمد: اشوف خذتوها الوالده عنا

جاسم:هههه من حقنا بسكم منها خلونا نستانس بعمتنا

محمد: ههههه الا هي وينها؟

جاسم: داخل حياك

دخل وياه للصاله...وطبعا اللي بيقارن بيت محمد ببيت جاسم مابيلقى اي شبه محمد يعيش في قصر اما جاسم ففي بيت شعبي متواضع ومع هذا مايقلل من مقداره جدام عيال عمته اللي دوم يتفاخروبه جدام ربعهم...دخل محمد للصاله كانت امه وحرمة خاله يالسات هوى على راس امه وباس وسأل حرمة خاله عن حالهم ..يلسوا هم الاربعه بعدين طلع جاسم وامه عشان ياخذون راحتهم

محمد: خير يالغاليه

شيخه: محمد اللي بقوله وايد مهم واباك تبلغه لابوك

محمد: خير

شيخه: اباك تبلغه السلام وتقوله اباه يطلقني




وصلها عند امها وراح ..ناكرة للمكان وللوجوه ..وكانها تسال نفسها من هؤلاء انا لا اعرفهم..اخذت تبكي تريد والدها وجدتها واعمامها الذين تعودت عليهم ولم تعرف ان لها اهل غيرهم..ولكن من سيعير بكاؤها اي هتمام فامها هذا كان هدفها ان تاخذها من والدها

وان تكسر قلبه بحرمانه منها فعلت كل ذلك بالخفاء ومن دون علمه وكانها شعرت بانه لو علم بالامر من بدايته ماكانت قد نالت مرادها ..بكت وبكت واتعبها البكاء ثم نامت دون ان تحرك دموعها عاطفة والدتها مع ان جدتها رقة لها ولكن منال اقفلة قلبها ومنعة عنه الرقه



محمد مب مصدق اللي سمعه او مو مستوعب ومستنكر للشي

محمد: شو؟!..امايه شو هالرمسه سمعيني الحين تنشين وتجمعين ملابسج وتروحين ويايه ع البيت

بانت الجديه اكثر عليها: محمد انا مب ياهل واللي اباه سمعته

محمد: امايه..مب مصدق معقوله اللي تقولينه عقب كل هالعشره بينكم تبين تطلقين ليش؟!

شيخه: محمد بس ابا اطلق

محمد: انزين قوليلي شو السبب؟

شيخه: مب مهم تعرفه بس قول لابوك يطلقني

محمد:لا حول ولا قوة الا بالله ..امايه انتي مافكرتي فينا في كلام الناس؟

شيخه: انتوا كبرتوا واذا على الناس بيسكتون عقب مايسدهم من الكلام

محمد: خلينا من الناس تخبرج اصغر بناتج كم عمرها..15 سنه يعني محتايتنج

شيخه: محمد هذا اللي اباه انته قول لابوك امي تباك طلقها _نشت من مكانها وراحت تاركتنه في حيرته _




رغم علاقته المتوتره بينه وبين ابناءه وانه لا يرغب بالتصادم معهم الا انه ومن أجل اسما التي هي اغلى شخص عنده مستعد ان يقف في وجوههم حتى وإن سيبعدهم ذلك عنه ذهب لبيت خالها الذي خطبها لإبنه وتحدث معه وحاول إقناعه ولكن خالها ركبه العناد ولم يوافق ولكن أحمد لم ييأس وظل يحاول معه لعله يوافق ولكن عبث كان سينسحب لولا تدخل ولد خالتها الذي اخبر أحمد انه ونزول عند رغبة أسما فإنه لم يعد يرغب بالزواج منها ولها أن تعيش حياتها وان الله يوفقها مع من يستحقها فرح احمد لحديثه وأثنى على مروته وانه شاب يستحق كل خير ..كانت اسما تنظر والدها على احر من الجمر وتطلب من الله ان يوفق ويلغي هذا الزواج عاد والدها وركضت له اسما وكم كانت سعادتها عندما بلغها بالخبر وقرر ان يخروجا ويحتفلا بهذا النبأ....



في المدرسه وعلى وقت الفسحه كانت شموس يالسه مع بدور في صف بدور بدور يالسه ع الطاوله وبايدها دبة الماي وتقلبها بين يديها وشموس ع الكرسي ويسولفن ..تدخل لطوف وتوقف ع مسافه من الباب

لطوف: شموس ابا تحدث مع بدور

شموس: انزين سولفي بدوري ماتغبي عني شي صح بدوري؟

بدت تغتاض منها: شموس قومي طلعي

شموس: واذا ماقمت شو بتسوين

عصبت وصرخت عليها: شموس ياتقومين ولا اييج واتوحج من الدريشه

شموس: خلاص قايمه اف منج..سي يو حبي

وهي ماره من يمبها..لطوف: سكري الباب

طلعت شموس وسكرت الباب كانت لطوف حاسه انها ماراحت فتحت الباب وشافتها

لطوف: انا قلت تذلفين من هنا مب توقفين ورى الباب

بعد ماتاكدت انها راحت رجعت داخل وسكرت الباب ..ومشت صوب بدور اللي ماتحركت من مكانها

لطوف: شو السالفه ؟

بدور: اي سالفه؟!

لطوف: انتوا متفقين ماتكلموني ولا شو؟

بدور: ليش؟

لطوف: انا اللي اسأل اشوف الكل تغير معايه حتى امول

نزلت من ع الطاوله ويت صوبها ووقفت جدامها: انتي اللي حديتين نسوي جذا لطوف تغيرتي وايد مب هذي لطوف اللي عرفناها ..يسالوني عن السبب وانا انكر مع اني عارفه ماقدر اخبرهم انج لقيتي غيرهم.. شله ثانيه ..ربع ثانيين

لطوف: محد يتم على حاله وبعدين هذي حريه شخصيه واعتقد اني مب مقصره بعدني وياكم

بدور: صح ويانا بس مب انتي

لطوف: بدور اباكم تتعودون على هذا التغيير لأني ماببدله اذا عيبكم اوكي واذا لا درب السهاله

طلعت عنها وهي مستغربه من حال ربيعة عمرها اللي ابد ماسمعتها تقول هالكلام وعقلها يتمنى لو انه حلم مب حقيقه ...




زميلتها في الشغل حاسه انها تحبه و اللي مخليها تشك هي نظراتها له .. انتظرتها لين يت من عند المدير ويلست ع مكتبها

فايزه: شمه ممكن اسألج سؤال

شمه: اكيد

فايزه: اشوفج دايم وانتي يايه طالعين صوب مكتبه تحبينه؟

شمه: فايزه شو هالرمسه

فايزه: شمه لا تغبين عليي انتي تحبينه صح؟

شمه: شفتي وحده تحب واحد اصغر عنها؟

فايزه: مب عيب..وحده من قرايبنا متزوجه واحد اصغر عنها بثلاث سنين ومتهنيه وياه والريال مايعيبه الا جيبه واذا على إعاقته تراه يشتغل بعدين سبحان الله يمكن انتي الانسانه المناسبه حقه

شمه: فايزه سكري ع الموضوع احسن




اختار الوقت المناسب عشان يكلم ابوه في الموضوع ..مع انه مب عارف كيف يفاتحه فيه بس مضطر يبلغه اللي قالته له امه..كان متردد ومحتار كيف يقوله بس في النهايه خبره استغرب سيف من كلام ولده ومن طلب شيخه اللي ماكان على البال بس هو عمره ماقصر وياها ولا كدر خاطرها بكلمه ..طلب من محمد يتكتم ع الموضوع ولا يخبر حد فيه لين يشوف شيخه ويتكلم وياها..






ناصر شخصيه يديده في القصه وزائر من الماضي في حياة من بيطلع وشو يبا وشو وراه؟

مانع يهدد ساره بالصور بس اي صور وكيف هي مزوره؟ وشو بتسوي مها وساره عشان ياخذنها منه ؟

منال خذت بنتها فهل خليفه بيسكت ويستسلم للامر الواقع ولا بيحاول ياخذ الحضانه منها؟

لطوف مشت في طريق يترى وين بتكون نهايته؟

شيخه طلبت الطلاف وسيف قرر يكلمها يترى شو بيصير؟


يالله تمسون على خير

وقراءة ممتعة

السلام عليكم ورحمة الله وبركاته

البارت الحادي والعشرين




كانت في غرفتها تفكر في حالها وفي الصور اللي عند مانع اللي يهددها بها

ساره: شو هالورطه ..كيف اتخلص منه ..مها وعدتني بس الوقت يمر وهي بعدها ماسوت شي ياربي شوا سوي اخبر هند بالسالفه بس هند شو تقدر اتسوي افففففف الله ياخذك يامانع..ياربي شوا سوي اااااخ يارب يارب ساعدني...




حين نتجرد من العقل ويحل مكانه الحقد والغل فاننا لا نفرق بين الصح والخطأ ولا نرى سوى مانريده دون ان نهتم بمشاعر الاخرين ...دخلت للبيت وهي وراءها

منال : سمعيني انتي مالج اي شغل بشغل البيت انتي بس عشان تهتمين بدانه مفهوم

...:مفهوم

تنزل امها من الطابق الثاني واتي صوبهن: يبتي شغاله يديده؟

منال: لا هذي مربيه حق دانه

امها: قصدج إيمان

منال: لا دانه من هاللحظه مابا حد يزقرها إيمان ..لأني قررت اغيره قانونيا

امها: يابنتي مانبا مشاكل ويا خليفه

منال: لا تحاتين يامايه...وانتي تعالي ويايه فوق عشان تعرفين شو تسوين...عن اذنج امايه

امها: اذنج وياج...لا حول ولا قوة الا بالله ..الله يهديج




النسيان نعمه وهبه من الله تعالى ولكن كثير مايعيد الاخرون لنا الذكرى وينعشون ذاكرتنا بتذكر من رحل ..كانت ذاهبة مع اخوتها الصغار للجمعيه التعاونيه تتبضع معهم ..كانت تمشي بين الرفوف وهي تدفع العربه امامها وتتفرج على السلع ..لمحتها وعرفتها انها هي بلا شك ..ظلت تنظر إليها ونطقت بإسمها: ساميه!




ذهب اليها كلمها حاول ان يفهم سبب طلبها ولكنها لم تجبه وركزت على ماتريد الا وهو الطلاق بدأ يسألها هل قصر معها في شيء هل بدر منه شيء ضايقها هل قام بفعل تنكره عليه هل اساء لها بشيء دون ان ينتبه فإذا اخطأ معها عليها اخباره حتى يصحح هذا الخطأ وقل من لا يخطيء ولكنها ومع كل ماقاله اصرت على الطلاق لم يعر كلامها اي اهتمام واعطاها فرصة تراجع فيها نفسها وتفكر جيدا ..عاد الى الشركه وان محمد في انتظاره يريد معرفة ماحدث بينهما اخبره والده وأكد عليه ان يظل الامر سرا بينهما ولا يعرف به اي مخلوق ....




بمناسبة انتهاء الامتحانات وبداية الاجازه دعتها للخروج معها ..ذهبت الى منزلها حتى يخرجا معا كانت تجهز نفسها وهي كانت تنتظرها في الطابق الارضي ..لم تكن مرغوبا بها فهي تعتبر شخص سىء وهذا مالمحت به ساميه لها قبل مجىء عذاري

ساميه: عذاري هي اختي الوحيده واخاف عليها..ماعرفج وماقدر احكم عليج بس اللي اعرفه انها اختي ومابا اي شي يأذيها

بدور اكتفت بالصمت ولم تعلق ارادت قول شيء ولكن صوت عذاري اسكتها

عذاري:السلام عليكم

..:وعليكم السلام

عذاري:شحالج بدور؟

بدور:تمام وانتي؟

عذاري:تمام اف اخيرا خلصت الامتحانات ويت الاجازه .. ..ها روحنا؟

بدور: اوكي

عذاري:ياللا سموي باي

نادتها:عذاري

التفتت صوبها: نعم

ساميه: انتبهي لعمرج

ابتسمت وطالعت بدور: دام ان بدور ويايه انا بخير.._طالعت اختها_ياللا مع السلامه

..:بدور بدور

بدور: هاا

خلود:شو فيج؟

بدور: وين خوانج؟

خلود: هناك

بدور: ياللا مشينا

دفعت العربه امامها بعد ان عاشت لحظات مع ذكرى شخص قد رحل قبل ان يعيدها صوت اختها الى الواقع ....




ظلال الشجر مرتسمه على صفحة حوض السباحه والهدوء يعم ارجاء المكان الا من حفيف الشجر وصوت الطيور وهو جالس على الكرسي قبالة الحوض وناظره للأفق مرتاح بجلسته واضع يده خلف رأسه سابحا بتفكيره الى البعيد يخترق به حدود السماء الصافيه الا من بعض السحيبات الموجوده..اتت ناحيته وجلست بجانبه على الكرسي الاخر ..مدت يدها بهدوء واخذت النظاره من على عينيه بكل بطء ثم ارتدتها ..ونظرت اليه

لطوف:اخوي العزيز شبلاه؟

طالعها بعيونه العسليه واكتفي ببتسامه

لطوف: امممم عن تكون عشقان؟

مازالت الابتسامه على ويهه..طالع للافق: افكر فيه

لطوف:من؟

استرسل في كلامه: ليش سوى جذا؟...ليش؟..ورجع مره ثانيه مثل اللي له ثار

لطوف: حمد منهو ؟

حمد:نواف

خذت النظاره عن عيونها: انته شو اللي ذكرك فيه؟!

حمد: مانسيته عشان اتذكره...بعدني مستغرب واحد ماعرفه تهجم علي وبسببه كنت بموت وحاول مره ثانيه يجتلني ..لو شفتي نظراته اللي تقول انه قاصدني ..

تذكرت جملته لها: تعرفين ليش؟...لاني شفتج انتي مب هو

حمد: كان نفسي اعرف السبب ..كنت اتريا بس اطلع من المستشفى وروحله واسأله

ضحكت في نفسها : وشو تباه يخبرك انه سوى جي عشان اختك......

حمد: بس ماتصورت انه ممكن يموت وليش شو اللي خلاه ينهار ..رحت وسألت الضابط اللي حقق وياه اذا قالهم شي بس اكدلي انهم ما ان ييبون هالموضوع جدامه الا صابته حاله هستيريه

لطوف:عن يكون خبر حد الجلب بس لا ماضن ولا ماكان مات ولو خبر اكيد بينتشر ...حمد خلاص انساه هذا واحد مينون ولاقا يزاه وتفكيرك فيه لا بيجدم ولا ياخر لا تشغل بالك واذا تعزني احذفه من راسك

حمد:بس يالطيفه...

قاطعته: ولا كلمه صدقني مابتستفيد شي...الا امي لين متى بتم عند خالي؟

حمد: صح ذكرتيني ابا اسيرلها

لطوف:شرايك اخاويك؟

ابتسم: تم..شوفي شرايج ناخذ لنا لفه وبعدين نسير عندها من زمان ماطلعنا

لطوف: بس عندي شرط

ابتسم : اذا اقدر فالج طيب

لطوف: فالك مايخيب يابو شهاب..._نحنت صوبه..وبدت تحرك صبعها على ذقنه_ اذا تعزني وتحبني صج اباك تشل هالجـ...اللي اسمه نواف من راسك ولا تفكر فيه وعدني

طالعها بنظرة حب : اوعدج

لطوف: وعد رجال

حمد:اكيد

لطوف: عيل الحين اروح اجهز عمري للطلعه..من رخصتك

حمد: الله وياج

نواف مات ومات سره وياه السر اللي محد يعرفه الا نواف وبدور ولطوف..وبتسوي اللي تقدر عليه عشان محد يدريبه...




فرحة عارمة تملأ قلبها فقد تحقق جزء من مخططها ولكن لا تكتمل الفرحه الا حين سماع الخبر الاكيد بانهما تطلقا..استطاعت بمكرها واسلوبها القذر ان تفرق بين قلبين جمعتهما الموده والمحبه والعشره الطيبه ومازالت تخطط لاكثر من ذلك تريد ان يصبح هذا البيت لها بنفسها وتكون هي الامره الناهية فيه وايضا تريد بعد ان تتخلص من شيخه ان تتخلص من البقيه ولاضير ان اشركت اهلها في الموضوع فهي تريد ان يعمهم الخير مثلها ولكن عليها ان تحسن علاقتها بمحمد الذي لا تعرف مابه ولما هو متغير من ناحيتها كانت تفكر بمخططاتها وهي جالسه امام التسريحه تسرح شعرها..




مستعد ان يفعل اي شي من اجل ان يسترد ابنته لم يرد ان يدخل في تصادم مع منال وقصد احد المحامين المعروفين والذين لهم باع في هالقضايا وتحدث اليه وشرح له كل شيء ومن المعروف عن هذا المحام انه لا يكتفي بالقليل ولكن خليفه ماقصده الا لخبرته اولا وثانيا لمقدرته على الدفع له كان يمكنه اخذها بنفسه لانه يملك الواسطه ولكن اراد ان يذل منال وان لم يفلح معها الامر سيلجأ للحلول البديله ..لم يعد هدفه فقط ابنته بل ايضا رغبته في اذلال منال وتعريفها قدرها وان لا تحاول ان تقف في وجه خليفه الـ.....




معادلة مهما حاولنا ان نوازنها فانها لن تتساوى وهي معادلة الفقر والغنى ..ان كنت فقيرا فليس لك سوى الكرامه وان كنت غنيا رفعتك نقودك على رؤوس البشر. ...بيت متواضع بدت جدرانه تتهالك مع مرور الزمن والشقوق تحفر فيه بيت شعبي يعبر عن حال قاطنيه
نشت من رقادها على صوته وهو يصرخ ويتوعد نشت من فراشها اللي ع الارض عشان ماعندها سرير ترقد عليه لفت شعرها بسرعه وثبتته بالشباصه وطلعت بدون ماتغسل ويها وهي لابسه جلابيه ومن غير ماتغطي راسها ..قربت من امها وقالت

..: مالك خص في بنتها

..: اسمعي انتي وياها والله اذا دريت ان السالفه نعرفت ياويلكن وياسواد ليلكن

تجدمت منه: احسنلك تنجلع من هنا عشان مالك حكم علينا

..:ولج عين تحطين عينج بعيني ياجليلة الحيا

عطاها كف طرحها ع الارض ومع هذا ماسكتت وقفت وهي تقول: مب بس بحطي عيني بعينك بحط صبوعي في عيونك

تجدم ومسكها بقو: اخوي غلط غلطه في حياته يوم خذ امج (تزوج امج) غصب عنا بس مات الله يرحمه وهالشي محد يعرفه ..ولا با حد يدريبه عشان نسب مايشرف عايلتنا واذا حد درى بالسالفه ماتلومن الا نفسكن والناس اللي تعرفه ان اخويه مات ولا عنده عيال._دفشها وطاحت ودموعها على خدها..اما هو فخلص كلامه وراح ..تقربت منها امها تهديها ..ودفنت نفسها في حضن امها لانه الوحيد اللي تحس فيه بالامان)



نزل من سيارته لابس دشداشته البيضه وغترته البيضه المثبتنها بالعقال ونعاله السوده ولابس نظارته الشمسيه ريال ثلاثيني تجدم من باب الفيلا ودق الجرس .. نزل النظاره عن عيونه فتحت بنفسها الباب وتفاجأت فيه ماتوقعت انه بيي...

...:انته

...:ماشي قرب (قرب=تفضل)

طلعت وسكرت الباب: شو اللي يابك ياناصر؟

ابتسم: هذي طريجه تجابليني بها

..: وكيف تباني اقابلك ان شاء الله ؟

ناصر: بعدج مثل ما انتي مول ماتتبدلين؟

..: روح من هنا عشان كل اللي بينا نتهى وماشي يربطنا ببعض

ناصر: الا فيه ولا نسيتي ان بينا بنت ...

...: مالك بنت عندي وروح

ناصر: غلطانه...ابا اشوف بنتي وغصب عنج انتي سامعه_لبس نظارته_باجر بيي واريد اشوفها..

وراح عنها وهي بدت تتوعد بانها مابتخليه يقرب من بنتها




دموعها على خدها وباين على ويها انها مانامت زين والسبب هي حبيبتها واذا صح التعبير حبيبها اللي سمعتها كلام جارح ومدت ايدها عليها لانها شكت بنظراتها لحد ثاني حد صار غريمها ..اذا هي بنفسها مالت لها وجذبتها بجماله وماقدرت تقاوم فاكيد حبيبتها راح تذوب..عندها كل الاغراءات جمال وجاذبيه وجسم ولا ملكات الجمال وفوق كل هذا غنيه يعني كل المواصفات موجوده فيها هي ماخبرتها سبب غيضها منها وكتفت بس بالتهديد مب فاهمه سبب التغير بس حست انها محتاجه تسولف مع حد خذت موبايلها وفتحت ع الرسايل النصيه وكتبت رساله وطرشتها ...وصلها المسج وهي توها طالعه من بيت خالها فتحت الرساله وقرتها" ابا اشوفج ضروري الله يخليج محتايتلج"




ساره تحاتي وتعاني ياترى شو بيصير بينها وبين مانع؟

شيخه مصره ع الطلاق ومعزمه شو بيسوي سيف هل بيرضخ ويطلق ولا في شي بيمنع هذا الطلاق؟

حنان في راسها اكثر من خطه ياترى على شو ناويه وين بتوصل؟

عذاري ذكرى في حياة بدور وينها الحين ؟

منال حربها ماخلصت مع خليفه هي تبى تغير اسم بنتها وهو يريد الانتقام من منال ياترى من منهم اللي بينتصر ؟

سبها وشتمها هي وامها والسبب سالفه جديمه ليش مستعر من نسب امها ؟ ومن هذي البنت وامها وشو اللي بيصير وياهن؟ وبشو يقدر ياذيهن؟

من هي بنت ناصر وليش امها رافضه انه يشوفها وشو اللي صار بينهم هم الاثنين؟

تزاعلت مع حبيبتها (البويه)والسبب لطوف وطرشت مسج للطوف فشو اللي بيصير بينهم؟




يــــــــــــــــــــــــــــتـــــــــــــبــــــ ـــــــــــــع





البارت الثاني والعشرون




خذت موبايلها وفتحت ع الرسايل النصيه وكتبت رساله وطرشتها ...وصلها المسج وهي توها طالعه من بيت خالها فتحت الرساله وقرتها" ابا اشوفج ضروري الله يخليج محتايتلج"


اتصلت عليها قبل ماتركب وطلبت منها عنوان بيتها عشان تروحلها عقب ماخذت منها العنوان ركبت وطلبت من حمد يوصلها بيت ربيعتها وبتتصل ع صالح اييها..


بدأن يشعرن بالملل وامهن بعيده عنهن فهن لم يتعودن على غيابها..كانت ريم وخوله واليازيه جالسات في الصاله خوله تقراء قصه بالانجليزي واليازيه ع اللاب توب وريم تتصفح مجله

قالت يزوي بضجر: امي متى بترجع تراها طولت عند خالي

خوله:اتصلت عليها وخبرتني انها بتيلس كمن يوم عندهم

ريم: اصلا فكرة زيارتها لخوالي مب داخله راسي حاسه في شي

اتي صوبهن منى وتيلس بجانب خوله: شو فيكم؟

يزوي: نتحدث عن امي نباها ترجع

منى: ان شاء لله بتي بس لا تحاتون

يزوي: محد مريح راسه غير لطوف ولا هامنها شي مكيفه ع الاخر

منى: على طاري لطوف هي وينها؟

ريم: شدرانا انا من عقب ماسمعت صوتها ذاج اليوم ونظرتها اللي اعوذ بالله منها وانا صرت اتحاشاها

خوله: صج صوتها كان يخرع (يخوف)

منى: مادري شو بلاها صارت تعصب وتتكلم بطريقه عمري ماسمعتها

ابتسمت ريم بسخريه وقالت: حبيبتي هذا بداية الشذوذ

اشهقن خوله ومنى...اما يزوي مب فاهمه وقالت: الشذوذ؟!

نظرت منى الى ريم تلومها على الكلمه التي قالتها ثم نظرت الى اليازيه: يزوي فتحي ع الجريده يمكن في اعلان عن الوظايف

بعد ذلك اخذت منى اختها ريم على جانب وبدأت تأنبها على ماقالت امام اليازيه

ريم وهي تعترض على كلام اختها: لا تقوليلي وحده في الخمستعش (الخامسة عشر) ماتعرف شو يعني شذوذ؟

منى: مب الكل في بنات مايعرفن وأنا مابا اختي يتفتح عقلها على هالشي

ريم: بس انا ماكذبت البدايه كانت غير ولا تنكرين ان حالتها بدت تتطور وشوي شوي بصير مسترجله وعقب تنتهي هذا اذا مابدت بالشذوذ

منى: مابا اسمع هالكلمه ولا تنعتين اختج بها

ريم:مشكلتج يامنى شايفه بس تبين تنكرين الواقع وتحطين مبررات واهيه مالها معنى حبيبتي لطوف خلاص سارت في طريج ونهايته معروفه وانتي بعدج تفكرين شو الحل الحل ياماما انج تروحين لدختور نفساني وتسألينه شو تسوين وياها مع انه معروف شو بيقول مادام انها ماعندها الاستعداد للتغير فالاحسن تخلينها مثل ماهي..بعدين بقولج شي ترا اختج عندها ازدواجيه في الشخصيه ... جدام ابويه وخواني البنوته وجدامنا وجدام الغير هي بويه بالاصح مسترجله

منى: ريم عن يكون بس لانج تغارين منها قلتي هالكلام

ريم: اغار منها عشان شو ان شاء الله ... لا يامنى ماغار منها

تركتها وذهبت عنها تاركة اياها تفكر في حال اختها


ذهبت اليها كانت في تنتظر في غرفتها ..طرقت الباب وسمحت لها بالدخول كانت جالسه على حافة سريرها ..نهضت وسلمت عليها وجلستا ع طرف السرير

لطوف: اوكي اسمعج

هدى:ضربتني وعصبت عليي ومادري شو السبب سألتها بس ماردت عليي والحين شو اسوي وياها تغيرت فجأه عليي

لطوف: اوكي لا تزعلين ..قومي خلينا نطلع ونغير جو

ابتسمت هدى : اوكي

لطوف: والحين مسحي دموعج

هدى:تعرفين انا من شفتج وقلبي رتاحلج

لطوف في نفسها:وتسألين ليش هي متغيره ...هدى خلينا من هذا وياللا قومي جهزي عمرج

هدى:اوكي


اخذت تفكر وتفكر كيف تتخلص من ناصر وتبعده عن بنتها ..ومع طول تفكير لقت فكره ..قصدت غرفة بنتها ودقت الباب ..كانت يالسه في سريرها تدرس هي طبعا تطرد الملل بمراجعة دروسها..

امل: تفضلي

دخلت نوال وسكرت الباب وتجدمت ويلست ع حافة السرير ..

نوال: امل حبيبتي في شي ابا اخبرج فيه

امل: شو هو؟

نوال: حبيبتي بصراحه انا كنت مقترضه من البنك ..ولا سدت واقترضت مره ثانيه وانا بعدني ماسدت الاول والحين انا مديونه عشان جذا قررت أأجر الفيلا وبناخذ شقه

امل: بس امايه شو عن دراستي ومدرستي؟!

نوال: بتمين في مدرستج ماشي بيتغير غير السكن

امل: ماشي حل ثاني

نوال: فكرت وتعبت من كثر التفكير ومالقيت غيره..حبيبتي اباج تتحملين عشاني لين ماتخوز(تروح) هالأزمه

امل: خلاص مثل ماتبين

نوال: ماباج تزعلين بس شو اسوي مالقيت غير هالحل

امل:ولا يهمج امايه عادي

بوستها على خدها: حبيبتي

امل _في نفسها_: يعني هي فرقت وايد كلها حبسه فحبسه..وحرمان من الحياة مثل باجي البنات..سوي اللي تبينه وانا مالي اي راي ....



اجتمع سيف بأولاده الثلاثه في الشركه ..اختار الشركه حتى يأخذ راحته بالكلام معهم ..جلسوا في قاعة الاجتماعات ...

سيف: الموضوع اللي جمعتكم عشانه موضوع عائلي ومابغيت ابت فيه قبل ما اخذ رايكم ونشوف شو نقدر نسوي

محمد عارف اما حمد وسرور بدت الافكار تاخذهم وتيبهم

سرور: خير ابويه شو الموضوع؟

سيف: الموضوع يخص امكم...امكم تبا (تريد) تطلق

ابتسم حمد مستغربا: شو؟!..امي تبا تطلق..انزين شو السبب؟

سيف: عيزت وياها ماطاعت تخبرني ومحمد كلمها بس ماشي فايده عطيتها فرصه تفكر وتراجع نفسها بس شكلها معزمه

سرور: مستحيل تطلب الطلاق مني والطريج لازم يكون في سبب

محمد: اكيد بس امي معانده وماتبا تخبرنا انا عيزت من كثر ما اسألها بس ماشي فايده

حمد: انزين ابويه اذا تمت مصره بطلقها؟

سيف: مابستبق الاحداث...اباكم تحاولون وياها ..بس ترا محد يدري غير محمد وانتو ومابا اي حد يدري خاصة خواتكم ماباهن يحسن بشي

سرور: لا توصي مابنخليهن يحسن بشي

حمد: اذا درن بيقومن الدنيا ومابيقعدنها..خاصة يزوي وايد متعلقه بامي وكل ماشافتني سألتني متى بترد البيت

سرور: ان شاء الله برمسها وبفهم منها السالفه

حمد: انزين ابويه حاول وياها مره ثانيه ونحن بعد بنحاول

سيف: ان شاء الله ياحمد مابقصر واللي كاتبه رب العالمين هو اللي بيصير


طلعن يغيرن جو ويستانسن بوقتهن سون شوبينق وراحن للسكيتينق وكلن ايس كريم وتعشن وقضن مع بعض وقت حلو بس ماحسن انه في حد شافهن وتم يلاحقهن وصورهن ..وصلتها الصور ع رسائل الوسائط وشافت حبيبتها مع لطوف ..وكل صوره تزيد النار في قلبها ..توعدت انها مابتخلي السالفه تمر على خير وتاحت موبايلها ع السرير ويلست تحوص في الحجره والضيق يفترسها والصور تمر في راسها..بعدين سارت للموبايل واتصلت ع وحده من ربعها وطلبت منها انهن يجتمعن في الشقه عشان تباهن في شي مهم مع اللي يثقن فيهن لأن الاكثريه صارن ربيعات لطوف...



بدأ السم يجري في عروقه ودمه ولم يعد يستغني عنه بدأها بالحبوب ومن ثم الشم والأن بالأبر..هذا غير المجون والخمر منذ ان تعرف على هزاع ورفاقه وهو يدفع من جيبه ع مأكلهم ومشربهم والمخدرات وسهرات المجون ..هذه هي حياة بدر الذي سلك طريق

الادمان والفواحش
رجعت للبيت وهي مبسوطه بس ماتوقعت انها تلاقي اختها تترياها..دخلت ومشت صوب الدري(السلم)وقبل ماترقى زقرتها

منى:لطوف

غمضت عيونها وبلعت ضيجها بس مالتفتت صوبها ..تقربت منها منى

منى: لطيفه ابا اسولف وياج

لفت صوبها وتخصرت(حطت يديها ع خصرها): انتي ماتملين ابد؟....ماعندج شغله غيري..تراج سندرتي راسي من كثر ماتحنين .... قلتلج انا حره اعيش حياتي مثل ما أبا محد له خص.... منى.._تجدمت منها ولفت بيدينها حوالين رقبتها_ شوفي الحين انا مروقه ع الاخر _خذت وحده من يديها ومسكت ذقن منى_ يعني مابا شي يكدر صفو وناستي_طيرت لها بوسه_تصبحين على خير حبي

وطلعت فوق وهي دندن باغنية جواد العلي انا رايق


أنا رايق وجوي رايق ولا فيني أي ضيقه

وأنا حبك ولجل حبك صرت أعشقها حياتي

أنا رايق وقلبي رايق دام أشواقي غريبه

في غرامك ومن غرامك صرت ساكن كل ذاتي


اتي ريم اللي شافت اختها واقفه عند السلم

ريم: من اللي يغني؟

منى:لطوف

ريم:غريبه توها الساعه واصله ثنعس(12)

طالعتها منى: يعني انتي شايفتنها حلوه ان البنت تيلس برع لهلوقت؟

ريم:حبيبتي اذا على لطوف مب فارقه وياها ولو بترد ويه الفير لأنها بايعتنها ولا هامنها حد..واذا ع البنت اللي فيها اختج متنازله عنها من زمان

منى: انا ماتحدث عن لطوف وبس اتحدث عن البنات الهايتات برع بيوتهن والله اعلم شو يستوي وياهن

ريم: لو تتحدثين من اليوم لين باجر محد بيهتم...إلا تعالي اشوف حنان ماتيلس ويانا ولا تسأل

منى:شدراني فيها




مانع شاب طائش كل همه هو خداع البنات وايقاعهن في شباكه والتلاعب بهن ..ولم تكن ساره هي اول ضحاياه بل كان قبلها الكثيرات واكثرهن بنات حمايل يخدعهن ويفتزهن حتى يفدين انفسهن بحفنة من المال اي انه يقتات من وراءهن ومعظمهن عن طريق الكذب والخداع...واخريات يعشمهن بالزواج ويتركهن بعد ان يتسلى بمشاعرهن...كان يالس في الكوفي يشرب عصير وقبل مجىء فهد كان يكلم واحده من ضحاياه


البنت: مانع متى بتخطبني؟

مانع: حبيبتي انا الحينه مب جاهز..يعني مب معقوله ازوج من دون مهر

البنت: انته بس خطبني الحين واذا ع الزواج خله بعدين

مانع: انزين والملجه ماتبين بعد؟..وانا متاكد ان اهلج مابيوافقون ..كيف بيزوجون بنتهم حق واحد ماعنده شي مفلس

البنت: انزين اشتغل وانا بحاول وياهم..ترا وايدين خطبوني وانا كل مره ارفض عشانك..والحين في ناس مكلمين امايه ويبون ايون بيتنا مانع مانع الله يخليك ...

مانع:شو هالنشبه.....سمعي يابنت الناس انا مايرضيني تضحين بسعادتج عشاني عشان جذا اقلج وافقي ع اللي بيخطبج والله يهنيج

البنت:بس يامانع انا اباك انته

مانع: لا مايوز هالكلام اذا صج تحبيني توكلي على الله وزوجي عشان خاطري

البنت:بس..

مانع: لا بس ولا غيره ..عشان خاطري اذا تحبيني لا تخسرين حياتج عشاني تزوجي وانسيني وعيشي حياتج انا ابالج السعاده ..فكري زين ولا تسرعين بخليج الحين مع السلامه_سكر وحط الموبايل ع صوب_ اوفففففففف شهالبلوه

وصل فهد ويلس: ها شبلاك تنافخ؟

مانع: هالبنت نشبه اونه شو تعال خطبني متفيج والله لا ومسويه فيلم هندي

فهد: ههههههههههههه انته ماتيوز معلق بنات الناس

مانع: اقول لا تسوي فيها إمام مسجد ترانا في الهوا سوى

فهد: هيه بس انا ماعلق بنات الناس

مانع: روح مناك لااا ..شرايك اشبك ويا وحده؟

فهد: لا الله يخليك انا جذا مرتاح اخر راحه

مانع: الله يرحمك يانواف محد غيره يفهمني

فهد: على طاري نواف _مال بجسمه لجدام_ انا شاك بموته..انا حاس ان في سر ..ولا معقوله يموت بنهيار عصبي ...لالا في شي

مانع: الحين بتسوي فيها فيلم اكشن ولا المحقق كونان؟

فهد: انته لو شفته يوم طاح فيه ضرب والله يامانع إنا عشرة شباب ماقدرنا عليه ..انته تعرف من ولده اللي ضربه ولد سيف الـ....

مانع: قصدك تقول انهم جتلوه؟!

فهد: هاذيل ناس يتوحون المليون كأنها خمسميه..يعني مب بعيده انهم جتلوه

مانع:انزين هم جتلوه بس نواف شو اللي بينه وبين حمد؟

فهد: الكل اكد ان حمد مايعرفه...بس قبل موته وقبل مايدخل الحجز قال شي لين الحين مذكره

مانع: شو قال؟

فهد: هو كان سرحان ومانتبه للي قاله..قال والله بدفعج الثمن غالي..ويوم سألته خلاني وراح

مانع: قصدك انه كان له علاقه بأخت حمد؟

فهد: يمكن ..وخلته وبغى ينتقم

وبطريقه خبيثه قال: يعني حمد عنده خوات

طالعه بنظرة شك: مانع خل عنك اذا نواف جتلوه وهو في الحجز انته بيخفونك من الوجود

ابتسم بخبث ومال بجسمه لجدام: لا ياحبيبي انا مابغلط غلطة صاحبنا لا اسمع في بالي شي خلني امخمخ زين واخبرك ولك عليي يافهد إنا بنعيش في العز وبنيلس مع عيال الحمايل والهوامير...

فهد: والبنت اللي قلت انها ربيعة اختك شو صار عليها؟

ابتسم: خلنا منها ماتسوى شي المهم غيرها



بدر صار مدمن مخدرات ياترى شو بيصير وياه؟

نوال لقت ان الحل الانسب هو انها تغير سكنها فهل ناصر ماراح يلقاها ؟

سيف اجتمع مع عياله وخبرهم عن طلب امهم هل بيقدرون يعرفون السبب وبيغيرون رايها ولا راح تطلق؟

لطوف هي صج وصلت لحالة الشذوذ مثل ماقالت ريم؟ ولا ممكن ترجع مثل ماكانت؟

اتفقت هي وربيعاتها انهن يجتمعن في الشقه ياترى شو بيخططن للطوف؟

مانع يريد يوصل لبنات سيف ياترى شو بيسوي وهل بيحقق اللي يباه؟واذا قدر يوصل من بتكون ضحيته منهن؟





يــــــــــــــــــــــــــــــــــــتــــــــــــ ــــبـــــــــــــــــع

البارت الثالث والعشرون





تتمشى في أروقت القصر الكبير الذي يسع لأحلامها ومخططاتها كانت تتجول وهي تتمنى بأن تكون السيده الوحيده فيه تأمر وتنهي كماتريد تمشي بكل غرور وكبرياء وكل الحقد الذي في الدنيا يحفها ..كارهة لكل من يسكنه وربما حتى زوجها ..وصلت عند تكل الغرفه التي ينام فيها ابغض شخص لنفسها وقلبها شخص يقاسمها حب زوجها بل يمتلك قلبه الا وهي لطوف ..وهي تتأمل باب الغرفه كانت تفكر

حنان: راح ايي اليوم اللي افتك منج فيه..وهذا اكثر شي اتمناه انج تذلفني عن حياتي بس خليني افتك من امج وبعدين الدور عليج الحين تهني لانج جريب مابتشوفين الا المر

قطع عليها صوت نطق اسمها: حنان




في احدى صالات البلياردو كان هناك مجموعه من الشباب متجمعين على الطاولات يلعبون..وعلى احداهن كان شابان يلعبان معا ويتناوبان على اللعب ..وهما فهد ومانع..وكان اللعب لمانع..لكنه لم يدخل اي شيء وجاء دور فهد الذي قال وهو يأخذ وضعية التسديد: اقول انته مب فالح في اللعب خلك ع البنات

مانع: تنكت ويا ويهك

ضرب ودخل احدى الكور: شفت تعلم .._ومشى يستعد للعب مره اخرى

مانع وهو واقف يطالعه: اقول فهد

فهد وهو مركز ع التسديد: خير

مانع: انته عندك خوات؟

ضرب بس مادخل شي وقف منتصب: دورك

وهو يستعد للعب: يعني ماجاوبتني

فهد: هيه عندي

ضرب الكوره: جم؟_بس مادخل شي

فهد: ثنتين

مانع: شو اسماءهم؟

فهد :وانته شو لك؟

مانع: وشو ياك عصبت مجرد سؤال

فهد وهو ماخذ وضعية التسديد: ماعصبت _ضرب الكوره بس مادخل شي وتاح العصا ع الطاوله_ خلاص مابا العب

مانع: يعني زعلت

فهد: لا بس مليت

مانع وهو يحط العصا ع الطاوله: وانا بعد..شرايك نروح مكان نوسع صدورنا

فهد: وين؟

مانع : اي مكان

فهد: انزين ياللا

مانع:ياللا



قطع عليها صوت نطق اسمها: حنان

لفت تشوف راعي الصوت: عمي!

سيف: شو تسوين هنا؟

حنان: بس كنت سرحانه وماحسيت بعمري كنت افكر بعمتي والله شتقتلها وايد هي متى بترجع؟

سيف: ان شاء الله جريب

حنان _في نفسها_:الله لا قالها...انزين عمي انا بروح ارقد تصبح على خير

سيف: تلاقين خير

ولكن اي خير سياتي من قلب ملأه البغض والحقد وصار اسود خالي من كل الحب ..



بين الحقيقة والوهم .. بين الحلم واليقظه..لقد عاد يقض مرقدها ويمنعها من النوم بسلام لقد جاء بعد ان تركها ترتاح من اذاه مدة من الوقت انه ذاك الكابوس الذي لا تعرف له تفسير انه ذاته لا يتغير فيه سوى الوجوه التي تظهر فيه نهضت مفزوعه وسحبت نفسها من السرير ودموعها يخالطها العرق اشعلت ضوء الغرقه ومشت ناحية التسريحه وجلست تنظر لنفسها في المراه ترثي حالها وهي خائفه من كابوسها الذي قد يتحول الى حقيقه بكت بمراره وتمنت لو أن امها بقربها ...احنت راسها على يديها فوق التسريحه وفي داخلها هلع وخوف ورعب من الأتي...




في مكان اخر تدبير اخر يحاك في الخفاء ولكنه بعكس حنان التي تدبر وتخطط بالليل هذا في وضح النهار ولكن ليس بعيدا عن بيت سيف بل يخص فرد من عائلته كره اخر اتجاه لطوف التي صارت مثل العظم في حلقها تريد التخلص منها قبل ان تاخذ منها من تحب اجتمعن وملأت عقولهن بالكثير حتى صدقنها ومن ثم دعن من دعت لطيفه لهذه الشله وبدأت تلزم عليها بأن تمنع لطوف من الاستمرار معهم لانهم لم يعودن يرغبن بها معهم وإلا سيكون لهم تصرف اخر مع لطوف خافت من اسلوبها ووعدتها بأنها ستتحدث لها لكنها لا تريدها ان تكتفي بالحديث بل تمنعها منعا باتا من البقاء مع شلتهم.....



دعاه إلى بيته ورحب به وادخله للميلس وذهب لداخل الفيلا ليخبرهم بان لديه ضيف وذهب دخل للصاله كان والديه موجودين

غانم:السلام عليكم

...:وعليكم السلام

ابوه: غانم تعال يلس ابا ارمسك

غانم: السموحه منك ابويه بس الحين عندي ضيف ومابخليه بروحه

امه: منهو الضيف؟

غانم: ربيعي

ابوه وبعصبيه قال: عن يكون الاعمى

غانم: اسمه سعود مب الاعمى

ابوه: انا ماباك تماشي هالاشكال هاذيل مب من مستوانا

غانم: بس من مستواي انا وانا حر اختار ربعي مثل ما ابا

امه: ياولدي اسمع كلام ابوك

غانم: تحت امرك بس مب في كل شي عن اذنكم

ابوه كان صوته عالي وباب الصاله كان مفتوح وبعد باب الميلس وهو طالع شاف سعود طالع من الميلس

غانم: ها وين؟!

سعود: ماعليه ياغانم ماريد اسببلك مشاكل مع اهلك

غانم: ياريال خل عنك وتعال خلنا نيلس

سعود:لا ياغانم

غانم: اللي يسمع ابويه يقول عندنا مال قارون..تراها نفخه كذابه هن كلهن كم مليون في البنك لو نفلس مابيبقى منهن شي

سعود: الله يزيدكم

غانم: انته اليوم ضيفي ومابتطلع من هنا الا بطيبة الخاطر

سعود: غانم خلني اروح

غانم: لا حياك ع الميلس والحين بروح اخليهم يزهبون الفواله تفضل حياك(الفواله هو مايقدم للضيف من طعام)

سعود: زاد فضلك

ابوغانم رجل كان فقيرا معدما وما ان اصبح غنيا صار متكبرا وينظر للغير بالدونيه لانه يرى فيه ماضيه الغابر وكذلك زوجته ولكن ابنهم غانم ليس مثلهم ولا يفكر مثلهم بعكس اخته سميه التي تشبههم في التفكير ..سميه التى نقلها والدها من مدرستها لمدرسه اخرى وهي نفس المدرسه التي بها مهره ..مهره التى ضنت انها لن تراها الا في الفصل الدراسي الثاني كما اخبرتها ولكنها تراها امامها

كانت مهره طالعة من مكتبة المدرسه مستعيره قصه عشان حصة الانجلش كان وقت الفسحه وهي ماشيه سمعتها تكلمها

سميه: شحالج مهره؟

التفتت وتفاجأت بها: هذا انتي شو تسوين هنا؟

سميه وهي مربعه يديها: انتقلت هنا وصرت طالبه في هالمدرسه_نزلت يديها ومشت صوبها_يعني كل يوم بتشوفيني

زمت شفايفها بغيض وسكتت عنها وهي مقفيه قالت سميه: يعني صج اللي سمعته

لفت صوبها بس ماعلقت وكملت سميه: انج في شلة لطوف

مهره:وانتي شو يخصج ؟

سميه: مايخصني بس بيخصهم اذا عرفوا عن اللي وياهم في الشله

مهره:سميه ذلفي عني اصلا مب مهتم لج ولا للي تقولينه واذا تبين تخبرين روحي وخبريهن انزين؟

سميه: ابا اصير في شلتكم

مهره: تحلمين حنا مانقبل اي حد ويانا

سميه:هه ضحكتيني بس اشوف انه فيه اي حد في الشله

مهره: انا مادري ليش اسولف ويا وحده مثلج

سميه:انتي ولا انا؟

مهره: انتي وحده تافهه

بعد ماراحت قالت: انا تافهه انزين يامهره اذا ماخليتهم يطردونج من الشله واصير مكانج ماكون سميه



اخذت ابنتها واعتمد على المربيه في الاعتناء بها ولكن تلك المربيه لم تكن على قدر المسؤليه ..وجدها خالها تلعب في الخارج لوحدها حملها ودخل ..كانت جدتها في الصاله

عزيز:وينها؟

امه: اكيد في شغلها

عزيز: وبنتها

امه:والله عيزت وانا ارمسها

عزيز: احسن ترجع البنت لبوها بدال ماهي مخليتنها جذا

كانت توها واصله وسمعت اخر كلامه: لو يموتون مابردها

وقف وطالعها: عيل عايبنج اهمالج لبنت تعرفين وين لقيتها برع كان يمكن تطلع الشارع وانتي معتمده على غيرج انا اقول ترديها لبوها ع الاقل يدتها وعماتها بيهتمون فيها احسن عنج_كانت بتتكلم بس قاطعها_انا كنت مابكلمج بس يوم اشوف هالطفله اللي مالها ذنب ضايعه بين ايد ام مهمله مابغيت اسكت




جبرت ان تبلغها مايردن منها مع انها ليست براغبه في ذلك ..اتصلت عليها واتفقت معها تقابلها في الكوفي..بعد عودتها من المدرسه وعند وقت العصر حملت نفسها وذهبت لمقابلتها ..وصلت عندها..سحبت الكرسي وجلست واخذت النظارة الشمسية عن عينيها

لطوف:خير شو اموضوع المهم اللي تبيني فيه؟

...: بصراحه مادري شوا قول

لطوف: دخلي الموضوع دايركت لأني ماحب اللف والدوران

..: مادري من وين ابدا لانه بصراحه صعب اقول هالشي

لطوف: لا تستحين قولي وأنا اسمعج

...:القروب

لطوف: بلاه

ترددت ولكنها بالاخير تشجعت وقالت:ما يبونج وياهم

لطوف:ليش؟

..:عشان..عشان خايفين انج تاخذين منهم ليدياتهم

لطوف:اممم اوك_نشت وخذت موبايلها ونظارتها ولبستها_ ماشي راح اخليهم

..: انزين عادي اتواصل وياج؟

لطوف:عادي

راجعت للبيت وهي تفكر كيف ذلت عمرها لناس ماتسوى كيف انها نزلت مستواها لهم ..وقبل ماتنزل من السياره طلبت من صالح يترياها عشان بتطلع..نزلت من السياره وراحت داخل وصلت للصاله وخذت الجرس وضغطت عليه..وهي ماشيه اتي ماري الشغاله

ماري: نأم

لطوف: سمعي اباج تبين كيستين زباله وتيبين وحده تساعدج وتعالو حجرتيه اوكي

ماري:اوكي

صديقه عنه وتدهور الحال به صار تائه في بلد غريب ..بلا مأوى ولا نقود وملابسه اتسخت ..كلما رأى دورية شرطه اختبأ ..اضطر يأخذ الطعام خلسة ويمشي في شوارع المدينه بين وجوه غريبه لا تعيره اي انتباه وحاله يقول ليتني في بلدي وفي حصن امي ..هذا هو حال منصور الهارب من الشرطه والذي طلب العون من صديقه ولكنه رفض.فما اقسى الدنيا عليه وخاصة انه بعيدا عن الديار


دخلت غرفتها وغيرت ملابسها ولبست قميص اخضر حريري ساده وبنطلون اسود وشوز اسود ولبست عباتها المفتوحه ..يت عندها ماري وحده من الخدم ..كانت ماري تحط الملابس في الكياس والثانيه تيبهن من غرفة الملابس..الملابس اللي اشترتهن عقب ماتغيرت ..


ماري: هزا كلو جديد انته ليه يتوهو


قالت وهي ماتقصد المعنى العام: عشان مب مقاسي


ماري: انا يريد هازي ملابس


لطوف: لا هذا كله في الزباله اذا تبين باخذلج غيرهن _انتهن من جمعهن كلهن وخذن الكيستين وراحن...وفقت جدام المرايا وتعطرت ورتبت شعرها _ اياج تنكسرين جدام حد ...كلن يتعلم من كيسه الشاطر غلطته بالف والغبي عمره كله .._ابتسمت ولبست نظارتها الشمسيه وخذت موبايلها وطلعت ..وهي نازله من ع الدري كانت تلتقي بخوله


ابتسمت:خوالي_سارت لها وبوستها على خدها_وحشتيني..الا شخبار الوالده اشوفها صيفة فبيت خالي


خوله:مادري يوم نسألها تقول بتيلس كمن يوم


لطيفه: اوكي حبي انا سايره بايات


لفت تطالعها وهي رايحه ولاحظت ان لطوف متغيره


الحب والكره يولدان معنا ولكن هناك جانب يطغى على الاخر هنا من يكبر معه احدهما وقد يتغير مع مرور الوقت وياخذ مكانه الشعور الاخر ..اذا كان الانسان بدأ بالكره وانتهى بالحب فهذا جيد ولكن ان كان العكس فهنا تكمن المشكله ..اجتماع بل هو اقرب الى تامر بينهم ونقاش على شيء لكل منهم له فيه وجهة نظر...


....: انا اقول السياسه احسن بدال ماندخل بصارع وياه


...:ماعتقد انه هذا الحل المناسب التهديد هو الحل الانسب


...: وبشو بنهدده؟


بقولكم بشو نهدده...إنا بنتم وراه لين يفلس ولا يتم عنده بيزه


...: لالا اضن مابينفع وياه بلعكس يمكن يعاند ويقول لنا سوا اللي تبوه


..: قلتلكم السياسه هي الحل


..:او العايله كلها توقف ضده وشوفوا كيف انه بسيتسلم


...: انا موافق على حلين السياسه والعايله


...: خلاص نعتمدهم ونشوف شو بيصير


رأت انها اخطأت وعليها تصليح خطأها ولكن دون ان تبين للغير انكسارها قصدت بيت صديقتها ..دقت الجرس وفتحلها عمر


لطوف: السلام عليكم


عمر:وعليكم السلام


لطوف:شحالك عمر؟


عمر:بخير


لطوف:وين امك وبدور؟


عمر:امي في المطبخ وبدور داخل


في البدايه قصدت المطبخ كانت عليا واقفه ترتب المطبخ دخلت لطوف:سلاااام


عليا :هلاهلاهلا.._سلمت عليها_وينج ماتنشافين


لطوف:شحالج خالتي


عليا:الحمدلله بخير وانتي ؟


لطوف:تمام..عيل وين بدور؟


عليا: تنظف حجرتها


لطوف: بسيرلها عن اذنج


طلعت من المطبخ وراحت للصاله بعدين تجهت لغرفة بدور ودقت الباب


بدور:نعم


فتحت الباب: سلام


كانت بدور يالسه ع طرف سريرها:وعليكم السلام


دخلت وسكرت الباب:شحالج بدور؟


بدور:تمام


سارت للطاولة الدراسه ويلست عليها..طالعتها وسكتت شوي بعدين قالت: تركت الشله


بدور طالعتها بس ماعلقت ولا بين شي عليها مابغت تلومها او تعاتبها او تذكرها بانها حذرتها ...دام الصمت بينهم للحظه وهن يطالعن بعض..نزلت من ع الطاولة ومشت صوبها ووقفت جدامها


لطوف: بدور..رحمو عزيز قوم ذل


قامت واقفه وبتسمت وحطت كفها ع كتف لطوف وقالت: ماعاش من يذلج ولا كان..اقول شرايج نطلع..لحظه_سارت للكبت وطلعت عباتها ولبستها لانها كانت ماخذه شور ولابسه وخذت الشيله وحطتها على كتوفها ..وقفت جدام المرايه ورتبت نفسها وتعطرت ولبست نظارتها الشمسيه وخذت سويجها (مفتاح السياره) وراحت للكوميدينا وخذت فونها وقالت:مشينا؟


لطوف:مشينا


فتحت الباب وطلعت لطوف وهي وراها..وقبل مايطلعن من البيت راحن لعليا في المطبخ وقفن عند الباب


بدور: امايه حنا طالعين


يت صوبهن: بس لا تتاخرن


بدور:اوكي


عليا:لطيفه تعشي عندنا الليله


لطوف:اوكي خالتي تم


عليا:شو اسويلج ع العشا؟


لطوف: كل اللي من ايدج حلو


بدور:انزين شرايكم نيب عشا من برع؟


طالعت بنتها وقالت: تعرفين العشا من برع شو يسوي_ضربت بخفه ع بطن بدور _هذا


حكت مؤخرة راسها:امايه عاد ليش الاحراج؟


لطوف وعليا: هههههههههههه


عليا:ماشا لله عليج كرشتي شوفي لطيفه ماشالله عليها رشيقه صيري مثلها


بدور: والله انها تاكل اكثر عني بس شوا سوي في بطنها دود


لطوف:انزين خالتي حنا رايحين


عليا:نتبهن لعماركن


بدور: ماتوصين على شي؟


عليا:سلامتكن


..: الله يسلمج...ياللا مع السلامه


وهن رايحات طالعتهن وقالت: الله يحفظكن


مانع حصل مبلغ كبير من ورى العابه الافتزازيه وقرر انه يسافر وياخذ فهد وياه ورحلتهم هذي راح طول..فهد اقترح انهم يأجلون الرحله للشهر الياي عشان ياخذ فلوس من امه بس مانع رفض وخبره انه حجز والمبلغ اللي حصله وايد عود وبيكفيهم ويزيد ..وجذا يكون انكتب لفهد عمر يديد ولا راح يموت ع الشهر الياي مثل ماتتمنى بدور


I can’t understand why do you say that?....:


لا استطيع ان افهم لماذا تقول ذلك ؟؟


Because I am afraid you...:


لانني خائف عليكِ


Of what?...:


من ماذا؟


him...:


منه


Why?....:


لماذا؟


For he is an Arab...:


لانه عربي


But I trust him...:


لاني اثق به


Do you love him?...:


هل تحبينه


I cannot answer but I'm sure as it’s the only who can help me...:


لا أستطيع الإجابه..ولكني متأكده أنه الوحيد من يستطيع مساعدتي


Be careful because I do not like the Arabsand I do not trust


them...:


كوني حذره لأني لا أحب العرب ولا أثق بهم


Tomorrow I will be traveling to the UAE and will see him


...:


غدا ساسافر الى الامارات وساقابله


Well, but do not forget to call me and tell me what is happening with you


Okay good bye


حسنا .. ولكن لا تنسي ان تتصلي بي وتخبريني ماذا حدث معكِ.. اوكي .. مع السلامه


حنان بعدها مستمره في مخططاتها ياترى وين بتوصل وهل بتحقق اللي تطمح له؟


سيناريو الكابوس رجع لها وخوله خايفه انه يتحقق ياترى بيظل مجرد كابوس ولا بيصير شي شين وياها وشو هالكابوس اللي دوم تشوفه؟


لطوف تركت الشله ورجعت لشلتها بس ياترى شو اللي مخبيتنه لها الايام؟


سميه شايله الكره لمهره ودها تتخلص منها شو بتسوي وشو اللي بيصير لمهره؟


اجتمعو واتفقوا انهم يتبعون وياه الحيله من هم هاذيل الاشخاص ومن المقصود؟


عزيز بعده ع موقفه من اخته شو ممكن يسوي ؟


شخصيه جديده انظمة لشخصيات روايتنا من هالشخصيه ؟ومن هو الشخص اللي بيساعدها؟




يـــــــــــــــــــــــــــــــــتـــــــــــــبـ ــــــــــــــــــع