هههههههههههههههههههههههههه\ كان احساسي صحيح ياسر هو غريب
بليز لا ترجعي شجون لفارس خليها لياسر خليه يذوق طعم السعاده بعد الحزن
بنتظار بارت الاكشن بين الابطال
يسلموووووووووووو ياعسل

السلام عليكم ورحمة الله وبركاته
ياهلا ويا مرحبا اسفرت وانورت واستهلت وامطرت
صادقة والله هموسة هالبارت حيل يوجع غريب ليتك مالقيت اهلك لو ما دريت بتبقى انك ضايع دوروك اهلك وما لقوك بس هم اللي مخلينك عمد الله يكون بعونك بس مثل ما عشت من غيرهم اول وكونت نفسك استمر من غيرهم رجعتك جروح لك ولهم ....

مشاعل استخيري الخبرة في ما اختارة الله انتي ما عندك نية رجعة لغلاب ... بتقعدين طول عمرك بلا عرس
يمكن بتتعبين مع سلطان بسبب شكوكة يس بيدك تغيرين كل تفكيرة وتأكدي اللي بحب ما يكرة

ابو مشاري فارس جاء ليه ما علمتة ببندر

شجون مادانم غريب ما نساك الله يردكم لبعض وتعوضون بعض كل واحد مليان جروح ويبي من يداوية الله يجمعكم

السلام عليكم و رحمه و بركاته

مساء الخير و الرضا من الرحمن

ربي يعطيج العافيه هموس بارت حزين و خصوصا على ياسر ...


و اخيرا عرفنا من هو غريب شجون ياسر يالله صدمه الحقيقه اللي عاشها و قالتها امه صعب عليه فكره انه ولد حرام و للعلم هو مو ولد حرام ...

لانه مثل ما قال عليه الصلاة و السلام .. الولد للفراش و للعاهر الحجر ..

اي انه هو ولد زوجها و ينسب له و يرثه و حاله حال اخوانه الباقين .. يعني غلط في فتوى كانت سبب في هالالم و الضياع اللي عاشه ياسر صغير ..

بس ممكن تكون هالفتوى صح لان وقتها زوجها مريض و يمكن كان مبتعد عنها فعشان هالشيء كانت الفتوى نن الشيخ بانه غريب لا ينسب لزوجها و لا يورثه ...

بس سبحان الله على كل اللي عاشه ربي عوضه بصلاح و قوة ايمان ،،، باقي شجون اللي راح تكون له صدمه ثانيه انها كانت متزوجه و هي ام ...



فارس يا قهري منك انت شكو بالبنت لعبت بحياتها على كيفك .. بس يمكن تحسب لك حسنه انها لسلطان اللي يحبها بس الطريقه ابد غلط و راح تسبب مشاكل بينهم لانه الاثنين فاهمين غلط ...


سلطان باعتقاده انها باقي تحب غلاب و بعد الكلام اللي سمعه صار واثق ...


مشاعل زين منها اعترضت بس للاسف ما كملت رفضها لان ابوها و عمها و الخوف من حزنهم كان السبب ...
او يمكن هي ودها بهالشيء بس طريقه فارس بالخطبة اثرت عليها لانها باقي تحس انه سلطان رافضها و لا ليش مو هو اللي بادر بالخطبة ...



سلمتي يارب بانتظارج

....

صباح الخير ......تسلم ايدك هموس على البارت الحلو ....... واخيرا تأكدنا انو ياسر هو غريب بس كيف غير اسمه وكيف طلع اوراق ثبوتية تدخله المدرسة اذا هو طلع من الدار بأسم غريب وعرفته شجون بهالاسم وكيف درس ومن وين اذا هو الحين عمره بس ثلاثين .....ماادري انا من النوع الي لازم اعرف ادق التفاصيل ....وحدة ملقوفة خخخ

انا قريت احكام الي مثل حالة ياسر وهو يختلف عن الحكم الي قالته قمراية وهو انها ماهي متأكدة الحرمة الولد لزوجها او للي اغتصبها بس ام يوسف متأكدة مليون بالمية انو موولد زوجها لانو ماقربها ...........ففي هالحالة مايجوز ينسب لزوجها لانها ظلت حتى بعد الحمل بدون مايقربها زوجها بسبب نفسيتها ......دامها متأكدة انو موولد زوجها في هالحالة يجوز تنسبه لاهلها ينسب الطفل لاهل امه مو لزوج الام حتى لو رضى فيه والولد صار ربيبه واذا الام رضعت هالولد بناتها يجوز لهم يتعاملو معاه كأخوات وهو محرم لهم ........عكس ولد الزنا الي يثبت انو ولد زنا مايجوز له هالشي ........يعني في حالة ياسر دام امه متأكدة انو ولد حرام ماتنسبه لزوجها ولايورث من مال زوجها تنسبه لاهلها ............والله العالم هالفتوة موجودة وبالتفصيل وبعض المشايخ حتى بالنسبة للزواج يفضل يتزوج وحدة من نفس ظروفه والبعض لا جوز له يتزوج اي وحدة من اي عايلة

ياسر وشجون

كنت متوقعة انو متذكر انو امه رمته مع رجال بس ماتوقعت انو يفكرهم مضيعينه صدمة ولابد منها وكان لازم يعرف حقيقته علشان يعرف يعيش حياة مستقرة مع انو حالته صعبة مستحيل واحد يتقبلها ويعيش باقي حياته سعيد ومرتاح الحين لو بيتزوج وجاه عيال اولاده كيف بيكون النسب حقهم شي صعب والله .......يعني هو ايش اسم ابوه وعايلته في اوراقه الثبوتية وشهاداته هل موجودة بخانة الاب والعيلة مجهول النسب مثل الاشخاص مجهولين النسب

جد حالة صعبة الله يعين الي هم مثل حالته حسبي الله على ابوه الي كان همه يشبع رغباته ومااهتم للضحايا الي تركهم ......

حتى ام يوسف لو اخذناها من جانب واقعنا ومجتمعنا لو تكلمت لزوجها هل زوجها بيرحمها الا بيطلقها وبيحرمها من عيالها وحتى اهلها بيظلموها فمابال لو عرف انها تحمل ولد غير ولده وسكوتها بعد ظلم بحق زوجها وعيالها الثانيين لانها عارفة اصل هالولد كيف ينسب لواحد بدون مايدري ويعيش حياة طبيعية ولو خبرت اهلها من قبل مااعتقد احد منهم بيساعدها الحرمة عندنا دايم مظلومة المجتمع مايرحم احد .......وغير كذا حتى عيالها وبناتها بيتضررو ماحد بيرحمهم ...... يعني السالفة مو بسيطة والله لاعلى الام ولا على الولد انا راحمة الاثنين شذنب فاطمة تغتصب وهي نازلة تصلي وتعبد ربها .......مثل ماتعاطفنا مع الولد بعد الام نتعاطف معاها الله لايذوق الي صار لها لاي وحدة

اما تفكيره بشجون وتوقيف حياته عليها بعد من الاول ماعجبتني هالفكرة لانو بنفسه اعترف انو مايدري عن مكانها ولا يعرف عنها ليه حاط بباله انو مابيتزوج غيرها متناسي انو كل شي بكتبة الله يمكن شجون ماتت يمكن نسته وعاشت حياتها وتزوجت ومبسوطة كيف بيخلي اهله يخطبوها وهو مايدري عن ارضها وين

وبعدين كيف بيعرف شجون وهي كبرت وهي تتغطى حتى عيونها تغطيها ......وشجون مهما كان بنت مابترفع راسها تقز بياسر وتدقق بملامحه ومعروف انو الولد شكله يتغير كثير اذا كبر عن يوم انو طفل كيف بتعرف اذا حتى اسمه مغير .....

ومااعتقد انو الولد بيموت لانو وجوده بالرواية لغرض مهم غير كذا الرواية اشخاص كثير فيهم ماتو مااعتقد بندر بيموت وينحرق قلب شجون للمرة المليون من كثر الي فقدتهم اعتقد بيلقى العلاج ويمكن علاجه بيكون مرتبط بتواجد ابوه ........

والي يبغي شجون تتزوج ياسر اقول لهم وبندر كيف بيعيش يعيش مشتت بين امه وابوه مستحيل فارس بيتنازل عن ولده وهالشي ظلم لبندر شجون وياسر عاشو حرمان كبير بعيد عن الجو الاسري مهما كانت ظروفهم مااتمنى بندر يعيش مشتت ولا حتى يتيتم حراااااام كافي شجون وياسر .........يعني مثل ماربي غير غلابوه الي كانت تصرفاته ابشع من فويرس غلابوه امه مارحمها في اعظم من العقوق ولا الغرور والقسوة الاثنين فيهم هالنقطة ولابد بيجي يوم وينكسر فويرس ويعقل مثل ماعقل غلابوه وان شاء الله بندر يعيش عند امه وابوه موعند زوج امه ولو فارس ماتغير على قولتكم اجل بندر بيكون الضحية لانو بمجرد زواج شجون الولد يصير من حق ابوه فكيف شجون بتعيش سعيدة ومرتاحة

شجون وياسر ماراح يبنون سعادتهم على حساب طفل ماله ذنب ....ومااعتقد راح يتزوجو في النهاية ياسر ماتناسبه شجون ولا هو يناسبها لسبب بسيط جدا الاثنين قلوبهم مليانة مأسي واحزان مهما حاولو ماراح يطوون هالحزن هم يبغي لهم احد يطلعهم من الحزن لذلك محتاجين ثنائي ماعاش الحياة المرة الي عاشو فيها

فويرس وكتلة الشحوم

على غروره ومكابرته وغبائه بس متأكدة بيتغير بعد ماتجيه ضربة غير متوقعة من كتلة الشحوم الي عسى نهايتها قريبة وان شاء الله قبل مايعرف عن وجود بندر علشان يتوب ويتعدل قبل مايشوف ولده ......


مشاعل وسلطان
للاسف مثل ماكانت نهايتهم بالاول غلط الحين بعد افكارهم تعل القلب وخصوصا مشاعل الي اعتقد بتطلع حرتها في سلطان المسكين اتمنى ماتسوي شي يغضب ربها بحق زوجها اذا تم الزواج مو من حقها تطلع حرة غلابوه في سلطان كان من الاول طلعت قوتها في غلابوه .........سلطان ماله ذنب ولا اجرم بحقها ولا اتهمها بشي ولاتركها ....ياليت مثل ماسحر وضحت كل شي لمشاري هي بعد تسوي نفس الشي مالنا نفس نعيش حزن وحرقة اعصاب جديدة نبغي نفرح ونبرد قلوبنا

غلاوي

هموس لايكون بتزوجيها للشايب فوازوه حرام عليك مايناسبها كلام البنات خوفني عمره 38 سنة حيل كبير مايناسبها ابد وبعدين واحد بعمره اكيد متزوج او مطلق او ارمل وعنده عيال بعد خليه ياخذ العنود اذا مطلق او ارمل عنده عيال يناسبها في العمر غلاوي لاحد يقربها لياسر خليها تدخل الضحكة على قلبه وربي تناسبه اكثر من شجون بتعيشه حياة ماعاشها وهي مربية تربية صالحة مثل سحر الي مااشتكى منها مشاري ........مالي دخل من الحين اقول غلاوي لياسر وياسر لغلاوي هي بتركد شوي بس بتظل عسل في تصرفاتها


في انتظارك يالغلا

السلام عليكم ورحمة الله وبركاته
صباح الخير......صباح الرياحين....صباحك عسل ياعسل

هموسه تسلمين ياقلبي على هالبارت الرووعه عن جد ابدعتي يالغلااااا
الله لايحرمني منك ولاا من طلتك ياقمر

ياسر
يالله والله وانا اقرا مقاطع ياسر ان قلبي ينعصر عليه ودموعي انزلت عليه حسيت بمعاناته وفرحته الي انكسرت
بشوفة اهله ...كل اللهفه والشوق والحب الي قابل فيه امه وخاله تبخر بسرعه وحل محلها الحزن والانكسار والحسره
شعور جدا قاااتل لما ترسم بالك شيء لاشخاص وتحط لهم الاعذار وتنصدم بحقيقتهم الي تكشفها نتاخره وان طول هالسنين الي جالس تلتمس لهم الاعذار تكون مخدوع فيهم

ام يوسف انا معها وضدهااااا كيف مدري انا معها انها خافت من الفضيحه والقيل والقال وخاصة انها عايشه مجتمع
تحكمه العادات والتقاليد ...مجتمع دائما لايغفر للمره أي زله او خطا تقع فيه سواء كانت ظالمه او مظلومه وهي
خافت ان زوجها يدري اغتصابها فيفضحها ويطلقها ويحرم عيالها منها ثم عيالها يعيشون طول عمرهم وهم مستعرين
من الي صار لهااا وخافت ان اهلها ما يصدقونهاااا ويوقفون معها ويقتلونهاااا
فحسبتهااا قالت اتخلص من ولد الحراااااام ويادار مادخلك شر نست او تناست مشاعر الامومه الي بداخله وفضلت
مصلحتها ومصلحه عيالهاااا على ولدهاااا
وضدهاا انها تتخلى عن ولدهااااا مهما كان او صار ما في امه تترك ولدهاا صغير في مكان غير آآمن وتروح عنه
الامومه فطره ربي زرعها بالانثى والي يتخلى عنها يكون شاااذ ...كيف جاها قلبها تترك بالمحطه وتروح عنه كيف
عينها غمضه لنوم وماتدري عن ولدها نايم قاعد..كيف تدخل اللقمه بفمها وماتدري ولدها شعا نوالا جيعان....
مدري مدري مو قادره اغفر لها خطاءها في اكثر من طريقه ولاا ترمي ولدها للمجهوووول
اللحين تبي تضمه لصدرهااا وينها يوم تتخلى عنه وهو في امس الحاجه لهاااا يوم بغى حظنها يكون له درع
ووقايه من ذيابة البشر الي جالسه تنهش لحمه وينها عنه ما ضمته من ضيم الشر وظلمهم ......هي فكرت بنفسها
وعيالها والناس ونست ولدهاااا...خلها على قوله ياسر تكمل حياتها من دونها وهذا اختيارهاوخل تتحمله

شجون ولدها
الله يعينها على الجاي وخاصة مع ظهور ياسر القريب منهااا..صحيح هي حكم اخلاقها ما رفعت النظر له
ولاا شافته بس اتوقع انها مجرد ماتشوفه بتعرفه..بسبب انها تربت معاه وعاشت المعانا هوياه
بس ياترى ياسر اذا تعرف عليها وانها صارت ام هل بيظل يفكر فيها او يمحيها من باله
مدري لييييييه مستبعده ان شجون تاخذ ياسر احس اثنينهم ما يناسون بعض الوقت الحالي لان ظروفهم
تغيرت والمشاكل الي صارت لهم غيرت من مشاعرههم ....... صدقين هموسه جاني توقع ان باللحظه
الي يتقدم فيهااااا ياسر لشجون وتوافق عليه يظهر لهم شين الحلايا فويرس وينشب لهم مثل العظم بالحلق
وبيضغط على شجون انها يا ترفضه وترجع له او ياخذ ولدها منها وهي كاي ام بتختار الولد وتضطر انها
ترفض طلب ياسر

سلطان ومشاعل وغلااب
قلت لك يا غلااب اذا فات الفوت ماينفع الصوت ...الي نكسر بينك وبين مشاعل مستحيل يتصلح مهما سويت
او قدمت لان النفس عافت..وانت بيرزقك ربي بوحده غيرهااا

فارس على كيفه يبي يمشي الكل حسب شوره يقص ويخيط ويبيهم يلبسون هو السبب من اول بفراقهم يحسب
اذا جمعهم مع ببعض من جديد بيغفر له الي سواه فيهم اكيد لاا....لان اثنينهم توهم خارجين من تجربه فاشله
بمشاعر سلبيه واثنينهم مجروحييين يبي لهم وقت يتشافون من الي فيه ثم يرجعون لبعض
بس ياريت مشاعل وسلطان يتجاوزون الي صار ويبدون من جديد ويحيون حبهم الي ذبحه فارس بغروره

همووووسه جعل يمينك تحج ياقلبي ولاا هنتي على هالابداع الراقي