الجزء العاشر

من صفحات الذاكره (((من ذكريات الماضي
بيت عبدالله بن حمد حيث هنالك مواجهه من نوع اخر
عبدالله لازال مفقود
بعد شهرين من فقده
محمد وجابر عرفو عن حمل حصه
جابر\اسمعي يا بنت الناس عطينا العيال وخلصينا
حصه بقهر\العيال تحلم انك تاخذهم هذولا عيالي انت ما تفهم
\حصيص اقصري الهرج وهاتيهم
\قلت لك هذولا عيالي كيف تبيني اتخلى عنهم لك
\تبين تشوفينهم تجينهم اما انك تاخذينهم وتربيهم لا وتحلمين
\انت اللي تحلم تاخذهم
\اخر كلام عندك يا بنت احمد
\اخر كلام يا ولد حمد واذا ما عجبك عندك المحاكم وانا مستعده اواجهك انت واشكالك
\وهذا اثبات كافي انك وحده ما تقدر تربي عيالنا عدل
\العيال اللي تتكلم عنهم عيــــــــــــــــــالــــــــــــــــــــي انا وعبدالله
\طيب يا حصيص انا اوريك ..وطلع معصب هو ومحمد
حصه انهارت حصون قوتها \شفتي يالعنود ...شفتي اخوك ..مو راضي يخليني لحالي انا وعيالي ما نبي منه شي بنعيش لحالنا ما نبيه يساعدنا ولا يقرب منا قولي له .......قولي له
\قلت له والله قلت له مو راضي يصدقني لا هو ولا محمد ....اصبري الصبر زين
\انتي ام تدرين وش معني ياخذون عيالك منك ....الله يخليك قولي له يخليهم عندي
\هدي بالك جابر ما يهم هالا الفلوس انتي تنازلي عنهم وهو بتركهم لك
\متنازله وربي متنازله ...الله يردك يا عبدالله وتشوف اللي يسوي فيني اخوك
******************
عوده للأحداث ...وقت الملكه
ياسمين بالسياره مع حمد جالسه بأقصى الجانب الثاني وتتجنب تطالعه او حتى تكلمه وهو مو مهتم اصلاً ((لازالت بفستانها وما غيرته ))
حمد بسخريه غير واضحه\اقول انتي ...ليه وافقتي علي
ياسمين (الكلب ويسأل ليه بعد\يعني ما تدري ليه
\لا علميني
عصبت\صدق انك ..
اشر بصبعه عليها كتحذير\ها انتبهي لا تغلطين ترى من زمان متحملك ومالي خلق اتحمل اكثر
\وانا مظطره اتحملك اكثر منك لأنك حطمتني دمرتني ..كل امالي راحت وانت ولا على بالك
\تعتقدين انك راح تأثرين علي بها الكلام؟؟
\\ما اعتقد انك بتتاثر ..اللي مثلك ما عندهم احساس اصلاً
هنا حمد ما قدر يتحمل من شافته وهي تغلط وقف السياره بسرعه وشدها من رقبتها وحط عينه بعينها \اسمعي يا بنت الناس اذا انتي ما تبيني مره انا ما ابيك 100 مره فاهمه
هي الدموع وصلت خلاص كارهه انه يلمسها تكرهه\انا مو بس ما ابيك انا اكرهك وابغضك و ودي لو تموت ولفتك منك ولو انتفك بيديني ما يشفى غليلي ...ووخرت يده بقوه عن رقبتها ولصقت بالباب..اياك تمد يدك ثاني فاهم
\هه ما بقى الا هي ...تجين انتي وتقولين لي وش اسوي وش ما اسوي ..امشي وياي عدل احسن لك
\رجعني البيت الحين
\اي بيت
\بيتنا
\تحلمين انا اعلمك كيف تطولين لسانك
هي طار قلبها\قلت لك رجعني البيت انت ما تفهم
حمد وهو يشغل السياره ويمشي \لا ما افهم
هي خافت يسوس لها شي طلعت الجوال تدق على بندر بس حمد شافها ابتسم بسخريه واخذه منها ورماه من النافذه
\وش سويت
\كيفي حرمتي وبكيفي
\حرمت عيشتك انا مو حرمتك ..وتحلم تلمسني ..واصلاً بندر راح يكسر راسك اذا عرف باللي تسويه
\ترى ما خذه باخوك مقلب ..واحين اسكتي والا ما راح يحصل لك طيب
هي سكتت خوف من اللي بيسويه خصوصاً لنه غير طريق البيت
********************
الأحد
بيت محمد بن حمد
حيث المصائب لازالت تتوالى
غزلان بغرفتها مع ريم تبكي لأجل اختها ...افتقدتها ..اشتاقت لها ...لصوتها ....
ريم\طيب ما دقيتو على جوالها
\دقيت بس مقفل ما ادري ...قلبي يحترق عليها ...كيف بعيش من غيرها
\اجل حنا وش نقول ...الله يرجعها بالسلامه فقدناها اها وحشه
\اذكر يوم تقول اناه بتنتظرني لما اطلع من غرفة العمليات وما تبيني اموت انا وعدتها اطلع وطلعت ولما رحنا نتمشى كانت معاي واشترت أي فستان لعرس ياسمين ...ورجعت تبكي
حضنتها ريم\ادعي ربي اناه تكون بخير
\هي بخير انا ادري ..راح ترجع قلبي يقول لي
********************
الخميس وقت الملكه
لازالت معه بالسياره
\تكفى رجعني البيت واللي يسلمك رجعني
\اسكتي ولا تتكلمين
حمد دق على بندر \سلام
بندر ما عرف صاحب الرقم \هلا وعليكم السلام ...من معاي
\انا حمد
من غير نفس\خير حمد ..مو كانكم تاخرتو
\اي انا باخذ ياسمين معي
\وشو ....ما يصير يا حمد
\انا وانت عارفين انها الحين زوجتي ويحق لي اخذها
\بس انا مو راضي انك تاخذها بهالطريقه
\شف عاد انا دقيت اقول لك مو استأذنك
\طيب يا حمد طيب ...عطني اكلمها
\لحظه......بهمس...لا تقولين له على شي والا اعتبريه اخر يوم بعمرك ..وعطاها الجوال
ياسمين\هلا بندر
\هلا ...وش ها الكلام الي يقوله حمد
\اللي سمعته
\وانتي راضيه
\انت اكثر واحد يعرف الجواب
\هو اجبرك
\لا
\متأكده
\اي
\طيب ..الله يوفقك يلا سلام
\سلام.........سكرت منه وعلى طول حطت يدها على وجهها وقامت تصيح
حمد ابتسم ابتسامة نصر قدر يكسرها وبقوه ..اخذها لشقته اللي يسهر فيها \تفضلي يا عروس
هي لازالت تصيح دخلت وهي كارهته دخلت ...وسكتت شوي ...المكان اشبه شي بالديسكو مو شقه التفت عليه بقرف \انت وين جايبني
جلس على الكنبه\هذي شقتي الخاصه لأجل تعرفين وين اروح اذا ما جيت البيت
في نفسها((كيف يتجرأ ويجيبني ها الأماكن اللي ما ادري كيف صايره صدق انه حقير
\واحين يا حلوه ما ودك تونسيني
هي انصدمت لما شافت نظرته وفتحت عيونها بصدمه
*******************
بندر وخواته عند اعمامه
بندر\حمد اخذ ياسمين لبيته
وريف ويسمه انصدمو مثل الباقي
العنود \كيف يعني...
بندر\ يقول زوجتي وبكيفي
جابر\هذا نتايج اعمالك انت وعمتك خذوها ..صدق انك ولد حصيص
بندر معصب من حمد واحين عمه زاد عليه\يا عم امي عرفت تربيني وما يحق لك تغلط عليها ..الميت ما تجوز عليه الا لرحمه ...التفت على خواته \يلا مشينا
البنات سلمو على عمتهم ومشو ....ودهم يسألون بس بندر معصب وشكله يخوف لحظات دق جوال بسمه
\هلا بالقاطعه....لا والله ...الحمدالله ...صدق سلمي عليها .....اي اليوم ..الله يبارك فيك .....ادري ما يحتاج تقولين .......اخذها معاه .....اسأليها ما ادري .....طيب ....لازم ترجعون مبكر ...يلا سلام ..سكرت منها
وريف \دلول
بسمه\ أي دلول تسلم عليك
\متى راجعين
\تقول بعد يومين سووا العمليه و راجعين
\ الحمد الله و الله فقدت غزوله و هي تنطط وتسولف
\حتى انا يس الحمد الله الحين هي احسن ..بندر
بندر \ نعم
\متى نشوف ياسمين
\متى ما جابها زوجها
وريف \ليه رضيت
\ انا مو راضي بس هاذي رغبت اختك
\كان رفضت و هي تسمع كلامك
\ ما ابي اعارضها خلاص صار اللي صار
*************************
من صفحات الذاكره ((من ذكريات الماضي
بعد فقدعبد الله بــ 3 شهور
جابر \ وش يضمنا انك حامل من عبدالله
حصه \ وش قصدك
\ انتي عارفه اخاف انك حامله من ذاك اللي دخلتيه بيتك
\ جابر و بعدين عيب عليك تشكك فيني و انت داري من هو و من ارسله
\ وش يضمني انهم عيال عبد الله مو عياله
\ الله عليك يا ظالم تتهم زوجة اخوك وبنت عمك بشرفها وش هالكلام انت ما تستحي اطلع برى بيتي احسن لك
\طالع بس راح تندمين.... طلع جابر وكان بندر واقف \يمه وش يقول عمي جابر
حصه\ عمك ظالم.. ظالم
\ يمه ليه
\ بعدين يا ولدي بعدين تعرف ... وضمته تحتمي فيه
**********************
عوده للياسمينه و حمد
ياسمين \ تحلم اسوي أي شيْ تبيه
حمد \ ما احلم إلا بيصير .. اخلصي علي
\ قلت لك تحلم .... وراحت لغرفه مفتوحه و دخلت صدمها منظر 3......... شباب جالسين فيها ... صرخت بقوه و طلعت لحمد ... طلعوا الشباب وراها ربع حمد
الأول \ ها حمد وش جايب لنا اليوم
الثاني \ والله حلوه من هي
حمد \ ما لكم دخل فيها هاذي لي....لي لحالي
ياسمين وهي تبكي \تكفى حمد طلعني من هنا تكفى و ربي اسوي اللي تبيه بس طلعني
الثالث \ليه الحلوه خايفه منا ما نخوف
الأول \ تعالي يا قلبي انا اطلعك
ياسمين بخوف و بحقد و بقهر \ \انطم انت وياه مايشرفني اكلم اشكالكم ..تكفى حمد طلعني من هنا
حمد\وتسوين اللي اقولك عليه ؟؟
ياسمين\اي ..اي اللي تبي بس طلعني
حمد مسكها\يلا شباب انا ماشي ...سلام
الثاني\ليه عاد ما بعد نتهنى بالحلا
حمد\خلاص ..يلا يا حلوه نمشي
ياسمين مسكت يده بقوه خايفه من هالاشكال المنحطه رغم كرهها لحمد الا انه الطريقه الوحيده لأجل تطلع وما امداها طلعت تركته وهي تبكي وترتجف
حمد\وين اللي ما يهزها الريح وما تخاف وما ادري ايش
هي تبي تتكلم مو قادره وصلت الدناءه فيه يسوي فيها كذا ...لحظات من البكاء مرت وهم رايحين السياره وحمد كأنه يطالع مسلسل وصلو لسياره هنا ياسمين اغمى عليها حمد كان بيمر من جنبها بيروح جهت السايق مسكها وركبها السياره حس بالخوف عليها ما يدري ليه \ياسمين ......ياسمين.....ياسمين اصحي ...اخذه تفكيره يوديها المستشفى بعد ما شافها طولت وهي فاقده الوعي
كانت الساعه حوالي 12 ونص باليل
نصف ساعه وطلع الدكتور من عندها \انت زوجها
حمد كان وده يتركها ويروح بس خوفه من اللي بيسويه فيه بندر منعه \اي نعم وش فيها هي
الدكتور\المدام حامل
صدمه هو كان يبي يتخلص منها واذا بها تتعلق فيه اكثر سكت وما رد
الدكتور \تقدر تاخذها بعد ساعتين
حمد تفكيره انشل مو عارف وش يسوي
***************************
اشوفكم الاسبوع الجاي

الجزء الحادي عشر
من صفحات الذاكره (((من ذكريات الماضي
قبل ولادة حصه بشهر واحد فقط
بيت عبدالله العنود وجابر وحصه
حصه\انا موافقه على اللي تبي بس تخلي البيت لي
جابر\زين ما سويتي ...بس البيت ينكتب بأسمي وتظلين انتي وعيالك فيه
حصه\ليه تبي تتحكم فيني ومتى ما تبي تطردني
جابر\ايوا وزين انك فاهمه
العنود\جابر خل البيت لها اكيد ما يدعيك قلبك تترك عيال اخوك بالشارع
جابر\والله اذا فيها مصلحتي عادي مو مشكله
العنود\طيب انا اعطيك حق البيت وتخليه لها
جابر \موافق بس الولد او البنت اللي بتجيبه لازم نتأكد انه من عبدالله
حصه بغضب\جابر كم مره اقول مالك حق تهيني بهالطريقه انا بنت عمك عيب عليك واللي بطني من اخوك وربي شاهد علي
جابر \لا يا بابا هالكلام مو علي
حصه وقفت\العنود وصلي اخوك للباب ...وراحت داخل
العنود\ ليه هالكلام يا جابر انا قلت لك عبدالله اكد لي انها حامل قبل ما يصير اللي صار بأسبوعين ليه مصر على كلامك هذا
جابر وقف\فكينا زين ...وطلع
*************************
عوده للأحداث
بعد مرور شهرين
نشوف وش صار للعرب خلالها <<كأني قلبت المهم
لازالت دلال مفقوده الكل يأس من عودتها عدى غزلان
سعود تقدم للريم وهي وافقت
خالد صاير ماتزم بس سعود كاشفه ويدري انه تمثيل
سالم استلم المليون ولازال ينتظر بنت العنود
جابر حاس بنفسهس محاصر من سالم
محمد سافر لأميركا اكثر من مره يدور بنته لكن بدون نتيجه
غزلان دخلت في حاله اكتئاب شديد لدرجة انها ما تفتح الباب لأحد
ميثم لازال كما هو طنش تعش تنتعش شعاره الأبدي
حمد عايش بشقه مع ياسمين وقافل عليها مثل المساجين يضربها ويذلها ويهينها لكنها لازالت قويه واحياناً توقف بوجهه وهو يا ببيتهم او بشقته الثانيه
العنود ارتاحت من حمد وسيطرته عليهم شوي لكن قلبها يتقطع على ياسمين اللي يشوفها يقول طالعه من حلبة مصارعه وجهها دايم مورم
بندر من شهر وزياده ما شافها لأنها ترفض تقابله او ما تكون موجوده بشقتها وهو ما يسمع صوته الا بالتلفون
بسمه كل يوم عند غزلان تحاول تطلعها من اللي هي فيه بس بدون أي نتيجه
وريف تحس انها بتنفجر من حال خواتها اللي دايم مخلينها لحالها حتى بندر انشغل وما عاد يسأل عنها
سامي لازال يسوي مشاكل لأخته ويورطها فيها
رفيف كما هي مظلومه ولا تستطيع الدفاع عن نفسها
(((الوضع بشكل عام متأزم مع بعض السحب المطيره اللتي تنذر بمشاكل قادمه)))) لاتلوموني توني شفت النشره الجويه <<<المهم نرجع
**************************
من صفحات الذاكره ((( من ذكريات الماضي
وقت ولادة حصه
بندر اصر على الذهاب مع عمته وامه
عمته تحاول معاه يرجع البيت بس ما هو راضي
دخلوها غرفة الولاده ظلت العنود تنتظر .... العنود الصديقه الوفيه ..اللتي لم تتخل عن زوجة اخيها ..وبنت عمها وصديقتها ...كانت مثل الأخت لم تفارقها طوال محنتها خلال شهور حملها
خرجت الدكتوره ... لحظات وصل جابر
جابر \ ها دكتوره ولد ولا بنت
الدكتوره \ تؤام بنات بياخدوا العقل
جابر \و الأم
الدكتوره \ منيحه و حالتها مستئره
بندروهو شبه مبتسم \ يعني صار عندي اربع خوات وبدون ابو يرعانا
جابر \ أي افرح يا ولد امك
بندر \انا ولد ابوي يا عم و امي عن مئة رجال
\اي أي اسكت بس ........سكت غصب عنه
أيام قليله مضت حصه مع أبنتيها ... غادرها الكل لتبقى وحيده في المشفى
دخل عندها ذات الشخص اللي تهجم عليها \ها يا حلوه وين بناتي
حصه صرخت بقوه \اطلع برى يا#### و مالك بنات عندي ......هذولا بناتي اطــــلـــع
جا امن المستشفى وخذوه للسجن بعد ما قدمت عليه بشكوى اعتداء
لكـــــن.................... قبلها بساعه ...................
جابر عند غرفة الأطفال طلب يشوف بنات عبد الله ...الممرضه جابتهم له وراحت عنه ثواني وجابر دق على واحد وجا ,,واخذ بنت من الثنتين وصلها لبيته ورجع يكمل شغله مع حصه بأمر من جابر
اما جابر اخذ دقائق وبعدها نادى النيرس
جابر \والبنت الثانيه وينها
النيرس\بابا انا في جيب اتنين حق انتا
جابر\انا ما اشوف غير وحده
النيرس\انا ما يدري وين هو
جابر كيف يعني ضاعت البنت
جابر بدهاء وصلها للشرطه واظهر نفسه بمظهر البريئ
وكل هذاوحصه ما درت عن اللي صار لأنها كانت تواجه اللي ارسله جابر
ولما درت بغت تموت وكان هذا مقصده من البدايه

**********************
بعدها بشهور وصل خبر لمحمد وراح يتأكد منه
لازال عبدالله مفقود وكل اللي يدرونه ان جاه اتصال من شغله وراح وشغله يقولون ما اتصلو ولاارسلو في طلبه لأن في نفس اليوم اللي اختفى فيه قدم على طلب اجازه لمدة اسبوع
اللكل الان مجتمع عند حصه والقلق ذابحهم
اتصل محمد للعنود
محمد مو عارف كبف يبتدي\العنود كيفك وش علومك
العنود\بخير ..لقيتو عبدالله
محمد بضيق\احم ..حصه وش اخبارها
العنود بقلة صبر \تمام ..لقيتو عبدالله جاوبني
محمد بأسى \عبدالله لقوه ميت بالبر
العنود\ وشو وش تقول انت ..عبدالله اخوي ...مممات
محمد\ادعي له بالرحمه
العنود \لا....لا اخوي .اخوي .زلحظات وانقطع الأتصال
ضاع فيها قلب العنود وحصه مرت ايام بطيئه على اللكل خصوصاً حصه ذات القلب المجروح والمعذب فقدت حبيبهل ورفيق دربها ..من يربي عيالها من ..ومن ..ومن كل هذا بتسويه لحالها ......لكن الموت امر محتم على الكل وكل روح ستسلم روحها لباريها
*************************
عوده للأحداث
خالد مع مساعد ((عرفتوه جار رفيف ))
خالد\ اسمعني عدل ابي اخلص منه ومن مشاكله فاهم
مساعد \يعني اذبحه
خالد\لالا وش تذبحه ورطه بقضيه أي شي المهم يبعد عن طريقي
مساعد\خلاص خلها علي بس مثل ما قلت لك انت ادرى بالحال
خالد \ادري وحقك بيوصل لك كامل
***********************
بعد شهور
نحن الآن بالشهر الخامس من فقدان دلال
وقت ملكة الريم وسعود
كانت بالسكيتي على ما يقولون واتفقو بعد كم شهر العرس ويمكن تكون دلال رجعت
سعود مع ريم بالمجلس والباقي كلهم داخل بسمه وندى عند غزلان و شلة الشر خف شرهم بعد اللي صار لآمال <<يؤ نسيت اقولكم ان امال صار عندها تمزق بالمعده بسسب ضربت خالد لها وسوو لها عمليه من شهر تقريباً ..المهم نرجع>>
لحظات من الضحك والسوالف وكلاً بقلبه نوع من الهم والحزن
ديما \اقول مو كأن ريمو تأخرت
سمر\خليها تتهننى جالها عريس وتركتنا حنا نعجز
رنيم\مو كأنكم حسودين
ديما وسمر\ههههههههههه
ديما لابس حنا قريب نعجز ولا عرسنا
سمر باستهبال\ولا مو بس كذا حتى شوفي شعري قلب ابيض
رنيم\عادي وش فيك انتي وياه مو لازم زواج
ديما\تقولين كذا لأنك ضامنه نفسك
رنيم بغرور\يحق لي
سمر\ما ادري وش عليه تروك العله كل يوم يصبحك بعلقه ويمسيك بعلقه
رنيم عصبت وانحرجت\الشرهه مو عليكم على اللي يكلمكم هع ...وقامت عنهم وهو فطسو عليها ضحك
................
وريف \اقول شوفو اللي هناك اعتقد هي بنت عمة ابوي او كذا ما ادري
غزل\وش نبي بنسبها انتي شوفي لبسها
بنين \هههههههههههههه بس بنات يرحم امكم خلاص
آمال \ليه بس ..خلينا نضحك وش ورانا
وريف بقصد\ورانا خالد
آمال\مالت عليك وعليه صدق سخيفه
البنات\هههههههههههههههههههه
أي اضحكو كفو وجيهكم خلود التبن
*******************
قبلها بوقت قصير
سالم\اقول جابر متى تسوي اللي قلت لك
جابر\انت تدري ان بنت اخوي.ز
قاطعه\لاتكمل فكنا من هالسيره انا مالي شغل ببنت اخوك يكفي اللي ببالك وبعدين هذا ولدك بيملك بعد كم يوم وش معنى
\خلاص طيب والمطلوب
\تطلبها لي بعد ملكة سعود
\حاضر بس بعدها ماعاد اشوف وجهك
\تامر امر بس سوي اللي اقولك عليه
\طيب
*************
عند كناري الحب الجديد
لحظات صمت مرت
سعود مو عارف وش يقول\احم كيفك ريم
ريم بخجل\تمام وانت
\انا بعد تمام اقول ريمه
\امر
\ما يامر عليك عدو ما ودك تطالعيني فيك شي
\ها منو قال عادي
\اجل ليه ما ترفعين راسك
رفعت راسها وطاحت عينها بعينه شوي ونزلت راسها
سعود يضحك\طيب اذا تستحين مني عادي يعني
\لا انا مو مستحيه
\اكيد
\اي
طيب واذا سويت كذا ورفع يدها وباسها هي انلسعت وقامت
سعود ما ت من الضحك
ريم انقهرت \سعود بس عاد
سعود بنظره\حـــــاضــــــركم ريم عندي
*****************

الجزء الثاني عشر
مازلنا في الملكه
لنذهب الى بيت لم نذهب اليه من قبل
بيت ياسمين او بالأحرى شقتها
الساعه 9مساءً وقت ملكة الريم
دقت ياسمين لحمد بالرغم انها كارهته لا ونساتها فيه ماتطيقه
\الو
\نعم وش عندك
\ابي اروح بيت عمي محمد اليوم ملكة الريم وسعود
\مافيه روحه
\لازم اروح واذا ماراح تجي تاخذني بدق لبندر يوديني
\جربي وشوفي وش يصير لك
\اجل تعال وخذني
\الله ياخذك قولي امين
\امين لأجل افتك من وجهك الودر
\اقضبي لسلنك يازفته
بسخريه\تامر انت بس تعال خذني
\الله ياخذك جاي
سكرت منه ولبست بطنها كبر وبدى يبان نص ساعه ودق عليها\اخلصي نزلي
\الحين ..ما ودك تغير
\مادخلك ونزلي بسرعه
نزلت وركبت بالكرسي الثاني
حمد \لمتى يعني
\لحد ماتخلص نساتي
\الله ياخذك انتي واللي عندك
هي في داخلها <<انت اولى \استغفر الله بس
\قلتي شي
\لا
\احسب ...مشو ووصلو لبيت عمها .....انزلي
\ابي انام الليله في بيتنا
\وليه ؟؟
\اشتقت لخواتي من زمان ماشفتهم
\لشتاقت لك الجنيه ..نامي انشاء الله ماعمرك تصحين
\هه انت اولى وراحت داخل بسرعه
تعرف كيف تخليه يعصب وينقهر عرفته عدل خلال الشهور اللي مرت ..صحيح مالمسها ولا قرب منها ابد بس يضرب فيها ويطلع حرته فيها ...وهي اتعودت لما يوصل وهو سكران تقفل عليها بالغرفه ولاتطلع الا لما ينام
**********
عوده للحفل حيث اللكل مجتمع ويسولف قطع عليهم صوت \سلام عليكم يا اهل الدار وينكم
بسمه و وريف نطو بسرعه لعند الباب وحضنوها وهم يبكون هي خلاص شوي وتصيح بس ماسكه عمرهابالغصب\خلاص عاد طيحتو اللي بطني
العنود جات عندها \وخرو عنها خنقتوها
بسمه بعدت\اشتقت لك يالدبه
وريف تطالعها وتلومها\الله يجازي اللي كان السبب
العنود \وريــــــــــــــــــف
وريف\بس هذا انتم دايم تسكتون عن الحق
ياسمين\خلاص فكونا خل ندخل ..دخلو
سلام حار من الكل اشتاقو لها من شهور ماشافوها
هي بعد السلام جلست عند غزلان تبي تكلمها مثل ماكلمها الكل
ياسمين\ كيفك غزوله
\..........
\اسمعي ادري انك سمعتي كلام الكل لكن انا بقولك شي وحطيه حلقه بأذنك ...لو دلال كانت معنا الحين وشافتك بهالحاله راح تكون راضيه
غزلان هزت راسها بلا
\هي ما استسلمت لما انتي استسلمتي تذكرين هي اللي كانت تشجعك نسيتي ...وبعدين اللي انا اعرفه ان التوأم عندهم رابط خاص من هم برحم امهم وبعضهم يكون قوي لدرجة انهم يحسون بالوجع نفسه واذا كان هالشي صحيح فأكيد انتي تحسين فيها اذا هي عايشه او ميته صح
غزلان لأول مره من شهور\كلامك صحيح...سكتت شوي تفكر ثم رجعت تطالع ياسمين بأعجاب طالعه حلوه اليوم
ابتسمت على هالنجاح اللي حققته\ادري ما يحتاج تقولين...ها ماودك تقومين معاي عند البنات فقدناك
قامت \يلا ...راحو عند البنات وجلسو
ديما\وش هالاجتماع السري عند ريم ساعتين وما خلصت
ياسمين\خليها وش عليك منها
سمر\عاد انتي خبره ها
ياسمين تضايقت من هالسيره \اكيد عندك مانع
ديما \لاماعندها بس جد طولت
غزلان\وانتم وش حاركم وش حارق رزكم ها
الكل انصدم من متى رجعت تتكلم
بسمه\كللللللللللللللللللوش اخيراً
ندى\الحمدالله انه سمعنا صوتك مره ثانيه
اللكل فرح لها وبارك لها وهي ولعت من الحرج اكتشفت وش كثر هي عزيزه وغاليه
********************
نرجع عــــــــــــــــــــــــنـــــــــــــــد الـــــــــــــــــــــريــــــــــم وســــــــــــــــعـــــــــــــــــــــود
سعود\اجل وش بتسوين اذا خلصتي
ريم\اذا خلصت بسوي مشروع مع صاحبتي
\وانا موافق
\صدق
\اي بس مو ياخذ الشغل كل وقتك وتنسيني
\مستحيل انساك
\صحيح الكلام
ولع وجهها\ســــــــــعــــــــــود
\عيونه
\خلاص عاد
\تامرين انتي
هي استحت من نظراته وقامت داخل
******************************
الساعه12 ليلاً
بندر يكلم بسمه\يلا اطلعو خل نمشي
\بعد شوي تكفى
\الى متى يعني
بسمه بهمس\غزلان رجعت تتكلم وابغى اظل معها شوي
\انت الحين اطلعو وبكرى اجيبك عندها من الصبح
بزعل\طيب ثواني بس
سكر منها وجلس ينتظرهم بالسياره تأخرو
نزل عند سعود اللي مبين عليه الفرحه
بندر\ها عريسنا الجديد مبسوط
سعود \اكيد......تصدق يابندر
\ها
تصدق اني حبيتها
بندر يستهبل \صدق سمعت انها حلوه فأكيد راح تحبها
بصدمه\بندر وجع من قالك انها حلوه
\ههههههههه ناس قالو لي وقالو تعال اخطبها قلت برحم ولد عمي وبخليها له
سعود ضربه بخفيف \مزعج وسخيف
بندر مات من الضحك على سعود ..ثواني ودق الجوال رد بندر وهو يضحك و بدون مايطالع الرقم \نعم
\ان شاءالله دوم هالضحكه
بندر بعدم تصديق \ياسمين
ياسمين\اي من غيري
\كيفك وش علومك كذا يالظالمه 3 اسابيع ماتسمعيني صوتك <<اشر لسعود انه بيمشي وراح جهت سيارته
\وش نسوي بعد انت وين؟؟
\انا بوصل البنات البيت
\طيب سلم لي عليهم
\يوصل
بندر فتح باب السياره وركب
اللي جنبه مو بسمه هذي ..هذي ياسمين \يالدبه انتي هنا
ياسمين بفرح ضمته شهور مرت وماشافته بس تسمع صوته \اشتقت لك وربي اشتقت لك
\وانا بعد اشتقت لك ياقلب اخوك انتي كذا كذا تقطيعينا
وهي تبكي\مو بيدي والله مو بيدي
بعد عنها\ادري
وريف وهي شوي تبكي \اقول بلا افلام هنديه هالحزه
الأثنين ضحكو
بندر وهو يشغل السياره\اقول وريف
\سم يا اخوي
\يا زينك وانتي ساكته
بسمه\صحيح اسكتي اليوم ازعجت ايماني ياسمين كذا و ياسمين كذا كأنها اول مره تشوفها
وريف\ يحق لي اختي الحلوه من زمان عنها وماشفتها اشتقت لها موت
ياسمين \هههههه الله اكبر عليك انتي ولسانك
بندر\اوصلك بيتك
\لا بنام عندكم اليوم
بسمه\صدق صدق وناسه
وريف\اخيراًاعتقك حمد
ياسمين \رجاءً وريف خلينا فرحانين ومبسوطين
بسمه حبت تغير لما توتر الجو \اقول ياسمين الساحره وش قلتي لغزلان وخللاها تتكلم
ياسمين بنحاسه \مادخلك وشوله قاطه وجهك
بسمه\افا لي انا هالكلام
وريف\لا لبنت الجيران
بندر يسمعهم وفرحان من زمان ماجلسو مع بعض وسولفو
**********************
بيت سالم
سالم\ياغبيه انتي تعالي هنا
رفيف جات بسرعه \نعم
\اسمعي ابيك تنظفين البيت عدل وخصوصاً غرفتي فاهمه
\ان شاء الله
سامي\ليه يبه
\بتزوج عندكم مانع
\لا خذ راحتك اهم شي تكون مزيونه تكحل عينك بيها بدل هاللي عندنا
رفيف حست انها المقصوده انقهرت بالحيل وراحت داخل
*****************
اليوم التالي بيت الـــــــــــــــعنود بنت حمد
جابر دعا حمد والعنود لأجتماع
جابر\اليوم في واحد جا وخطب بنتك وانا وافقت وعطيته كلمه
العنود تعرف اصحاب جابر كلهم مثله \ومن هو
\واحد يقال له سالم بن فهد
حمد\وليه اختارها هي بالذات
جابر \النصيب وانت ادرى
العنود\انا ماني موافقه
حمد عناد بأمه\انا موافق
جابر\خلاص اجل قولي لبنتك وتجهزو
العنود\بس انا مانـــــــــــــي موافقه
جابر\وماتهمني موافقتك وبعدين يمكن بنتك موافقه
حمد\وحتى لو مو موافقه غصب عنها
العنود \مو بكيفكم
جابر\بلا كثرة حكي قولي لها وخلاص
العنود عصبت\قلت لكم انا مو موافقه ومستحيل اوافق انك تسوي ببناتي اللي تبي فاهمين اثنينكم ....تركتهم وراحت داخل
*****************************
بيت عبدالله بن حمد
بعد الغدى
ياسمين مع بندر في اجتماع مغلق على مايقولون
بندر\ياسمين انتي مرتاحه
\الحمدالله
\ابي الصدق انتي مرتاحه اولا
\تبيني اكذب بقول أي تبي الصدق بقول لا
بندر جلس جنبها\حمد مأذيك في شي
\مأذيني بكل شي مو بس شي
\انااوريه هالكلب
\خلاص بندر خله يولى تكفى لاتتمشكل معه
بندر\ضربك؟؟؟؟؟؟؟؟؟
\.................
\يعني ضربك
\ذبحني يا اخوي مو بس ضربني..اكرهه..اكرهه ما تحمله ..حابسني كأني عصفور بقفص ..يهيني ويذلني عالطالعه والنازله واذا سكر مايشوف اللي قدامه
بأستنكار\سكر...يعني هو يشرب
\اي يشرب
\اجل مالك قعده عنده
\الله يخليك ياأخوي لاتتخانق معه اناابي الفكه منه اليوم قبل بكره بس انت لايصير لك شي مستعده اتحمله بكل عيوبه ولا انه يسوي لك شي
\انا قلت ماتظلين عنده يعني ماتظلين
سكتت هي اللي جنت على نفسها وعلى اخوها
***************************

الجزء الثالث عشر
بالليل
منزل العنود بنت حمد الأميري
سمر مع حمد لأول مره بحياتهاومايته من الخوف
حمد\اسمعيني عدل في واحد جاي من طرف عمي جابر متقدم لك ويقول ان اسمه سالم
سمر شهقت بخوف ولا تكلمت
\تجهزي بنسوي ملكه بدون عرس وطقطقه
\بس انا مو موافقه
\ماعلي منك بتاخذينه غصب عنك
انقهرت وقامت بسرعه لأمها \يمه الله يخليك ما ابي اتزوجه تكفين يمه تكفين
\ومن قال انك بتزوجينه لاحمد ولاغيره يقدر يغصبك
\جد يمه جد
\اي وجد الجد بعد وقولي امي ماقالت
*********************
بيت محمد بن حمد الأميري
ريم تكلم سعود
سلطان وتركي وميثم بالصاله
سلطان\اقول تركي
تركي\نعم
\الىمتى بتظل كذا ترى الحزن ماراح يرجعها
تركي وحاله يكسر الخاطر لحيته ناميه وعيونه حمرا وهزلان مره حالته اسؤ من غزلان بكثير لأن بأعتقاده انها ماتت \مالك دخل
ميثم بهبال\خله هو اللي بيموت انت وش حارك قاط وجهك
سلطان\ميثم اسكت لو سمحت
ميثم\ياشينكم بس انا طالع ..سلام...ومشى وخلاهم
سلطان\تركي اللي انت تسويه بنفسك مايجوز
\اختي وانشلت بسببي والثانيه ضيعها اهمالي والثالثه اخاف تكون نهايتها على يدي وش تبيني اسوي يعني
\غزلان هذا هي الحين زينه لاوحالتها احسن من قبل وتقدر تمشي حتى لو بشويش وريم هذا هي عايشه ومبسوطه واذا على دلال ان شاء الله بترجع
\كيف ترجع وهي ماتت ..مــــــــــاتت
\هي ما ماتت انت ليه تقول كذا
\يعني وحده مفقوده من 6شهور ولاحس ولاخبر مايكفي يكون اثبات على موتها
\لا واذا كانت كيته صدق كنا درينا ..حرام عليك ياخوي اللي تسويه بنفسك وفينا
\انا حر بنفسي مالكم دخل ..وقام راح لغرفته
\الله يهديك يا اخوي بس..............ثواني ودق الجوال
\مراحب بسلطان القاطع
\سلوم وينك يارجال صارلي اسبوع ماسمعت حسك
\مسافر مو بالديره وانت ولا انت داري
\عدنانالعله ماقال لي انك سافرت وانت الله يهديك قاطع
\ادري اني قاطع ..رحت الرياض ورجعت
\وش عندك هناك
\ابد شغل توظفت هناك ماقلت لك
\لا ..لاتقولها عاد مبروك
\الله يبارك فيك وعقبالك
\لا مايحتاج وظيفتي بشركة ابوي جاهزه
\اجل متى بنشوفك ياصاحب الوظيفه الجاهزه
\ههههههه حلوه انا الحين فاضي تعال
\طيب شوي وجاي بس بقول لعدنان اولونجيك
\خلاص انتظركم
******************
بشركة محمد
دق التلفون
محمد\هلا ام حمد امري
\ابي اتكلم معك
\حاضر بس اناالحين بالشغل اخلص واجيك
\انتظرك
\مع السلامه
\الله يسلمك
*****************
بيت عبدالله بن حمدالأميري
حمد وصل وجالس بالمجلس ينتظر
ياسمين جت وجلست بعيد عنه
حمد\ما انتي خالصه نمشي
\بظل هنا ماني رايحه
\نعم نعم عيدي ماسمعت
\قلت بظل هنا عند اخوي وبيته
جا بسرعه عندها ومسكها من يدها بقوه \الحين تروحين تجيبين عباتك وتجين نمشي فاهمه
بندر توه داخل سحب يد ياسمين منه\قطع بيدك لاتمدها علىاختي مره ثانيه
حمد\هه وانااقول ليه كابر راسك اثر اخوك هنا
بندر\اختي بتظل هنا وانت تنقلع وبكري ورقة طلاقها توصلها فاهم
حمد\واذا ماطلقتها وش بتسوي
بندر\بتشوف وش بسوي
ياسمين\انا مابيك طلقني وريحني
حمد\تحلمين يابابا
بندر\انت اللي تحلم تشوفها ثاني والحين اطلع برى
حمد\طالع لكن بوريك من حمد ...هه يابنت عبدالله
بندر\عبدالله تاج على راسك ياولد عبدالرحمن
حمد طالع ساكت ومقهور يعرف ان ابوه مشهور بالسيئه عند الناس مو بالحسنه
ياسمين وهي بحضن بندر وتبكي\مشكور يا اخوي يا سندي مشكور
بندر\ماله داعي تشكريني هذا واجبي
****************
منزل محمد بن حمد الأميري
غزلان نازله بتطلع للحديقه وهي تسمع الأغاني اللي بجوالها
تتمشى بهدوء وهي تفكر جلست بكراسي الحديقه ...لحظات و وصل سلمان للبيت ودخل المجلس ثواني وطلع يجيب شي من سيارته وشافها هناك جالسه لوحدها ومبين انها حزينه شوي والتفت جهته وشافته واقف ويطالعها على طول راحت ركض للبيت تتذكره هو اللي ..اللي ..ماتقدر تنطقها قلبها يدق بقوه ...أما هو عرفها ذكرها وتأكد لما شاف مشيتها اللي شوي مبين انها تعرج
سلطان لما شافه تاخر طلع وشافه واقف\حووووووو يا الأخو وين وصلت
سلمان\هنا
سلطان\وين هنا وانت مفهي
سلمان\مافهيت وش فيك علي
دخل عدنان وجا عندهم\سلام شباب وش عندكم
سلطان وسلمان\ولاشي
عدنان\افاااااا تخبون علي
سلطان\ياشينك انت ولقافتك بس
سلمان \امشو بس ندخل
دخلو وكملو سوالفهم داخل
***************
غزلان عند سرير دلال وتكلمها كأنها موجوده \تصدقين دلول لما شفته حسيت قلبي بيوقف..خوف اعجاب ..تذكر للماضي ..ما ادري صراحه وش الأحساس بس احسه شي حلو حلو مره
سكتت شوي كأن دلال ترد عليها ؟؟لا مو حب اكيد يعني اعجاب وبس .......هههههه.....لا
دخلت ريم \غزلان وش فيك من تكلمين
\ما احد
\اجل هالضحك والأصوات من وين
\اتكلم مع حالي حرام
\لا بس متأكده انك بخير
\اي وبعدين ليه تغثيني روحي غثي سعود حنا زوجناك نبي منك الفكه
ريم انحرجت\سخيفه هذا جزاي.......وراحت غرفتها
******************
بعدها بساعه
منزل العنود بنت حمد الأميري
محمد\خير وش فيك
العنود\جابر
محمد بعدم اهتمام \وش فيه جابر
\يبي يزوج بنتي لسالم
\منو سالم
\سالم بن فهد
محمد وعرفه\وكيف يجي ويتجرأ ويخطبها منك
\قول لأخو ك وانا مو موافقه
\وانا بعد من متى نزوج لعيالنا لغير عايلتنا
\بس اللي انا اعرفه ان سالم يقرب لنا
\يقرب صحيح بس مو لدرجة نزوجه وحده منا
\المهم اني مو موافقه وجابر يبي السالفه بالغصب
\مو على كيفه
\تكفى محمد خله يهون
\خلي الموضوع علي
\تسلم يا اخوي وماقصرت
*************************
منزل سالم
سامي\اقول يبه متى العرس
\ماكو عرس
رفيف بتساؤل\احم يبه ممكن سؤال
سالم بتأفف \اخلصي
\انت ليه تبي تتزوج
الأثنين\ههههههههههههههههههههههههههههههه
سالم\ ابي اشوف وجه غير وجهك اللي يجيب المرض
انقهرت منهم\مبروك مقدماً ...وقامت داخل وهم انفجرو عليها ضحك اما هي <<ليه مكتوب علي العذاب معهم هم مو اهلي مو عزوتي ليه يسوون فيني كذا ليه >>>
*********************
منزل جابر
محمد \من متى نزوج بناتنا من برى
\هو يقرب لنا
\جابر انت ناسي من سالم وش مسوي
\لا مانسيت وبعدين هذا ماضي
\ماضي اجل ليه ماذكررت نفسك انه ماضي لما كانت حصه موجوده
\وليه اذكر نفسي بشي مايسوى
\يسوى والا ماكانت هانت عليك زوجة اخوك وبنت عمك
\هي كانت من حقي وعبدالله خذاها مني
\تصرفاتك هي اللي خلتها تاخذه وتخليك
\محمد خلاص
\مو خلاص واذا ماتبي انطق
\طيب واذا العنود وافقت هي وبنتها
\ساعتها يحلها الف حلال
ابتسم جابر بخبث واتجه تفكيره لشي صار من زمان
***********************
بندر كان يمشي بالشارع صار له فتره يحس ان احد يراقبه وصل عند البيت وسمع صوت لف لقى واحد يركض لزاوية الشارع استغرب ودخل البيت \سلام يا اهل الدار
جات له وريف\هلا وغلا بالصوت وراعيه..تعال ابيك
بندر استغرب ومشى معها دخلو الصاله لقى ياسمين جالسه وبسمه حاطه اذنها على بطن ياسمين
بندر ضحك على شكلها \وش فيهم
وريف\البيبي تحرك وهي بتموت الا تسمعه والظاهر انه خاف منها وسكت
بندر\هههههههه مهبولين انتو
وريف\يمكن
ياسمين\حياك بندر
بندر جلس \اقول بسمه
بسمه\نعم اخوي
بندر\الله ينعم بحالك وخري عن اختي
بسمه\ما ابي
بندر\وخري
بسمه بزعل\طيب
ابتسم\شاطره
جلست جنب وريف \اي قص قص علي بهالحكي
بندر يجلس مكانها\امون عليك مو كذا
وريف\اكيد ما يحتاج تقول
بندر حط يده على بطن ياسمين \يا حليله والله اعلم اتوقع انه ولد
ياسمين\وانا بعد
وريف\انا اقول بنت
بسمه\ولد وبنت
ياسمين اخترعت\ناويه علي انتي
الكل\ههههههههههههه
ثواني ودق الجرس قام بندر يشوف مالقى احد بس ورقه فتحها وانصدم
بسمه \منو
بندر\ها ما احد
ياسمين \غريبه
وريف\تعال اخوي
بندر حط الورقه بجيبه ورجع عندهم
**************************

الجزء الرابع عشر
منزل العنود بنت حمد
جابر \ها وش قلتي
العنود\قلت مو موافقه
\طيب انتي حره بس اذا جا بكره ولقيتي نفسك بالسجن مالي دخل فيك
العنود اخترعت\وش تقول انت
\اللي سمعتيه اقولهم وش صار لأبوي وليه مات ومن السبب وبعدها عادي ظلي بالسجن سنه سنتين ثلاث عادي
العنود مصدومه منه\تهددني
\اعتبريه مثل ماتبين
\جابر اطلع من بيت
\بيت ابوي والا ناسيه ,,صدق يقتاون القتيل ويمشون بجنازته .....عندك مهله يومين بس
\ما قتلته انت ماتفهم
\بس هذي الحقيقه
\اي حقيق اللي تكلم عنها
المهم فكري زين ...وطلع وتركها بدوامة الأفكار والذكريات
***********************
ديما مع سمر وندى بالغرفه
ديما جنبها وتهديها\سمور هدي
سمر \مو قادره احس ان نهايتي قربت
ديما \طيب وش رايك انا اخذه
احسه شي يعني
سمر خبطتها بالمخده \ياغبيه تدفنين عمرك معاه وش هالتفكير
ديما \عادي
ندى\هذا زواج مو لعبه وبعدين وش يضمنك ما يكون هالسالم مثل عمك جابر ويمكن اكثر
ديما ارتعبت من الفكره بس تكابر \اي عادي اخذه واغيره
آمال دخلت\خير وش صار
سمر\الى الان ماصار شي
ندى\واختك الخبله تبي تاخذه
آمال\اي اخت ..لايكون ديموه
ديما\اي انا موعاجبك
\آمال\اكيد موعاجبني صدق خبله
ديما خلاص بنات غيرو السالفه......تذكرين سمور مقالبنا بالبنات
سمر تتذكر\هههههه أي حرام تعذبو
ندى\الشر مبين مايحتاج
ديما\لا مو شر بس نزهق ونطلع حرتنا فيهم
آمال \واناقول على مين طالعه اثر عليكم
الكل\هههههههههههههه
انفتح الباب بقوه وقفو كلهم بصدمه
\ليه اصواتكم طالعه
البنات\...............
حمد قرب من سمر\تكلمي
سمر وهي ترتجف\كنا نسولف .ععادي ييعني
\لا ياشيخه صدق ماقلتي لي
آمال\وش فيها يعني
حمد مسكها من شعرها\وش قلتي ماسمعت
آمال وهي تبكي\آآآآآآي اترك شعري تكفى آآآآآآآآآآحمد تكفى
حمد\ههههههههههههه مره ثانيه لاتطولين لسانك ..تركها وطلع
ديما جلست\اكرهه دايم يخرب علينا
ندى\انا مو بس اكرهه اتمنى لو يموت وافتك منه
سمر\اذكرو الله يا بنات وخلوه عنكم
ديما \بالله شفتو وجه آمال
آمال بحقد\يالكلبه تشمتين اوريك ..وقامت بتضربها والبنات يضحكون عليهم
*********************************
تركي بغرفته من صار اللي صار وهو جالس فيها حتى الشركه ما يروحها ..يسمع القران من المسجله ويفكر بكلمات ربه ..دق الباب ودخلت غزلان
تركي جلس عدل\حياك غزلان
جات وجلست قريب منه\الله يحييك ....احم تركي ابي اكلمك بموضوع
تركي قفل المسجله \تفضلي
\انت عارف ان اللي يصير لنا ابتلاء من ربنا
\ادري
\اجل ليه تسوي بنفسك كذا
\غزلان ارجوك لاتفتحين هالموضوع
\ليه ؟؟؟؟؟
\تعبت اسمعه الكل تكلم فيه خلاص ما ابي اسمع
\اجل ليه ما انت مقتنع
\لأن احساسي بتأنيب الضمير ذابحني واكبر من كل الكلام ما اقدر اسامح نفسي احس اني مسئول عن كل اللي صار
\تركي اسمعني ..خلي ايمانك بالله قوي ولا تستسلم
تركي ما اقدر يتحمل يحسها دلال جنبه وتكلمه عمرها كله ما كلمته بأريحيه دايم خايفه منه بكى منكل قلبه\اختي راحت وخلتني خليها ترجع والله ما اضربها ثاني قولي لها ترجع
غزلان شافته يبكي بكت معه محتاجه احد يفهمها\تركي الله يخليك لاتسوي كذا مايصير هذا امر ربي
\ونعم بالله
بعدت عنه اجل خلاص لازم تحاول تطلع من اللي انت فيه اوعدني
\اوعدك احاول
ابتسمت
تركي ابتسم\كأني بزر جالس اصيح وقام يمسح دموعه وهو يضحك معها
*****************
منزل عبدالله بن حمد الأميري
بندر\متأكده من قرارك
ياسمين\اي
\خلاص اجل بكره نبتدي بالأجرائات
ابتسمت \مشكور يا اخوي
\على ايش هذا واجبي
*********************
بالأعلى غرفة بسمه
وريف\اقولك تبي تتطلق
بسمه\انا قايله ما راح يتفقون مستغربه كيف تحكلته طول هالفتره
\ما ادري المهم ما سمعتي
\وشو
\سمور انخطبت
\صدق
\اي بس هي ماتبيه
\ليه
ما ادري آمال ماقالت لي
\عاد انت ومصادرك
\ليه مصادري موثوقه
\وناقصه
\عادي على الأقل عندي مصادر بكل بيت
\حسره ندى ماتحب الفتنه وغزلان من اسبوع ماكلمتهاوبيت عمي جابر ماعندي احد
\هههههه عادي اعطيك مصادري ما يحتاج تتحسرين
\لا ما ابيهم خليهم لك ينفعونك
********************
خالد \متى التنفيذ
مساعد\بعد بكرى
\طيب <<<<بنفسه<<انا اوريك يا سعود هذي نهايتها
خالد يتذكر قبل كم يوم ببيتهم
خالد بعصيبه\مالك دخل
سعود\مسوي فيها شريف مكه وانت من تحت لتحت
\اناحر بحياتي
\بس ما انت حر بسمعة عايلتك
\سعود من الأخير مالك دخل
سعود عصب منه وعطاه كف قوي\لي دخل انت تبي تدمر نفسك وعايلتك الطريق اللي انت جالس تمشي فيه غلط وبيدمرنا كلنا
\مايهمني
\اجل تحمل مايجيك
مساعد\خلود خلود وين وصلت
\ها معاك معاك
\وين معاي الله يهديك
\خلك من هالحكي المهم لاتنسى لا احد يشوفك
انت تامر
*******************
منزل محمد بن حمد الأميري
الريم مع سعود بالحديقه
سعود\احم ريم حبيبي
\نعم
\انا انابسافر بعد بكرى
\ليه
\شغل خاص بالمستشفى
\وين فيه
\بالأردن
\ومتى راجع
\بعد اسبوع
بتلقائيه\لا كثير بشتاق لك مره
سعود بنظره\صدق
\...........
خلاص اجل كل يوم بدق عليك اهمم اعندي انتي ياقلبي
\............
تدرين عاد يا حلاة الأحمر عليك
\سعــــــــــــــود خلاص
*************************
دقات الجوال ازعجتها مابعد تتهنى بالنوم امس طول اليل مانامت الوجع ذابحها
<<بنفسها<<اوف منوه المزعج مايخلون احد يتهنى<<مدت يدها على الطاوله اللي جنب السرير وردت بدون ماتطالع الأسم\نعم
\صباح الخير ياحلوه
فزت من السرير بسرعه وش هالقرف من الصبح\حلك بطنك وش تبي داق
\ابي اقولك يا حبيبتي ارجعي البيت
\مستحيل ارجع
\المره مالها الا بيت زوجها
\ما ابي ارجع انت تدري اني اكرهك ون مابينا أي شي
\ارجعي او راح يكون اليوم اخر يوم تشوفين فيه بندر
\حمد تكفى انا ما ابيك وانت ماتبيني ليه كذا
\لعانه تبين ترجعين او لا
\خلني افكر
\فكري وماعندك الا اليوم وحطي بالك ان بندر بيروح فيها
هي انقهرت\طيب ..وسكرت بوجهه وهي تصيح
اما هو لما سكرت بوجهه طالع بالجوال وابتسم بسخريه <<اذا ماكسرت راسك ما اكون حمد
**********************
بالمدرسه لأول مره
وقت الفسحه
شلة الشر مجتمعه بالمعمل
وريف +غزل +بنين+آمال
وريف\ بالله شوفي هالهيكل العضمي
غزل\كل مره شوفي وتاليتها ولاشي
بنين\ما يندرى يمكن طايحه بغرامه
البنات\هههههههههههه
آمال \مايذكرك بالأموات
وريف\ لا بأخوك حمد
آمال\اسكتي امس لعن خيري
غزل\هههههه تستاهلين
آمال\اي ضحكي مو انتي اللي تتعذبين انا
بنين\عندنا وعندك خير
وريف\الحمدالله بندر حبيب قلبي مريحني ومومأذيني بشي
غزل\سكري فمك يرحم أمك
وريف\ليه؟؟؟؟؟؟؟
البنات يقلدونها
بنين\فديته اخوي مو مقصر بشي
غزل\ومخليني اميره ببيتنا
آمال\ولاعمره رد لي طلب
وريف\وانا عند ربي صادقه
غزل\خلاص اصلاً قمنا نغير منك
وريف\ويحصل لكم اخو مثله
آمال\خلاص سكرو الموضوع
غزل\ودي نسوي شي مليت
بنين\وش رايكم نروح المعمل الثاني ونلعب بالكيماويات
آمال\لا حرام ذيك المره سلمنا هالمره ماراح نسلم
وريف \قومو انا اقول لكم
وقامو كلهم وراها
*******************
منزل العنود
سمر تبكي\بس سا يايمه انتي وعدتيني
\عمك ماعطاني فرصه
ديما بتدخل\انا اخذه
العنود وش تبين فيه
سمر\خلاص ياقلبي ماله داعي
ديما انا ابيه عادي عندي
العنود\حسبي الله عليك يا اخوي ياولد امي وابوي تجبرني اضيع بناتي لأجلك حسبي الله عليك
ديما وسمر ضموها وهم يبكون
ديما\ماما خلاص انا اخذه ولاعليك من احد
سمر\يمه كله ولادموعك انا اخذه
العنود\والله صعبه بي اذا ديما تبيه تاخذه وانتي ياسمر لاتغصبين نفسك
سمر\حبيبتي ديما والله ما ادري كيف اشكرك
ديما\عادي بعدين وش فيكم انتم بتزوج افرحو وقامت ترقص
العنود وسمر ضحكو على هبالها
****************
منزل عبدالله بن حمد
بندر توه راجع وجلس مع ياسمين
ياسمين بتردد\بندر
\سمي
\احم بديت بأجراءات الطلاق
\لا ما حصل فرصه ان شاء اله العصر
\ابي قولك لاتبدي
جلس عدل \وليه
بقهر\ابي ارجع لحمد
\وشو؟؟ ليه ؟؟؟؟؟؟وش اللي حادك؟؟؟
ابتسمت غصب \الحرمه مالها الابيت زوجها وانا ابي ارجع له
\ليه يا ختي ليه
\بندر ارجوك خلني براحتي
\طيب ليه غيرتي رايك حرام عليك تدفنين نفسك معاه
\بندر الله يخليك لاتزيد جروحي ..وقامت بسرعه وهي تبكي
لحظات ودق الجوال بندر شاف الرقم ..حمد يتصل بك
عصب حدهورد\خير وش تبي بعد
حمد بسخريه\ههههههه اعصابك
\انت خليت فيها اعصاب
\بلا كثرة حكي العصر جاي اخذها
\اسمع ياحمد لو يصير لأختي شي لاتلوم الانفسك
\لقول بس لاتحترق بمكانك وانت تقولها قلت العصر جاي اخذها وصل ..وسكر بوجهه
بندر عصب ورمى الجوال على الجدار بقهر
ليه يا اختي ليه كسرتيني بالحبل كسرتيني
**********************
بمدرسة غزلان
شلة غزلان
غزلان+ندى+بسمه+هديل+نسايم
ندى\خلاص اجل بعد بكرى التنفيذ
بسمه\غزلات تيجي معنا
غزلان من اختفت اختها وهي عنصر صامت بالشله\ها في ويش
هديل مثل العجايز\وه البنت مخرفه وفاصله
الكل\هههههههههههههه
نسايم\نقول بنسوي عيد ميلادكم بالمدرسه وش رايك
غزلان \ماني موافقه ولا ابي حفلات ....وقامت مقهوره كيف نسو كيف
بسمه\ليه تقولونها بوجهها
نسايم\وربي نسينا
البنات تندمو بالحيل اما هي كالعاده دخلت الحمام<<وانت بكرامه
وقامت تصيح كل موقف كل مكان يذكرها بأختها
*****************
ميثم مع الشباب وقت الطلعه خناقص كبيره مع شلة واحد اسمه (وليد)
دايم يتسببون بالمشاكل وحاطين على شلة ميثم بسبب مقلب
كل واحد ماسك بخناق الثاني <<أي رقبته<<وبالزور قدرو يفكوهم عن بعض
وليد صار فيه رض بيده وقف قبال ميثم وجهه مورم\راح تندم يا ولد الأميري
ميثم يمسح الدم ويوقف بوجهه\رح بس رح هذا اللي بقى وليدوه ولد فهد يهدد
وليد كان بيروح سمعه ورجع بسرعه وعطاه بكس قويعلى وجهه\وليد عمك وعم عمامك وراح اخليك تندم صدقني....وراح وخلاه
ميثم\اعلى مافي خيلك اركبه
غيث مسكه \هدي ميثم ترى مايسوى تعصب لأ<لأ واحد تافه مثله
ميثم\انااربيه ولد........
راشد\هدي ياميثم ترى وانت قالب وجهك تصير تخرع
نايف\ترى رشود صادق تخرع
ميثم يضحك\ههلأجل تعرفون قيمة ضحكتي
الكل\ههههههههه وكل واحد راح على بيته
*********************