[قصة مكتملة] جنوبي وعشق مهرة من مهرة جنوبية - الصفحة 25 - القصص المكتمله من وحي قلم الاعضاء

18-05-13, 10:22 PM

المشاركة رقم: 121

المعلومات
الكاتب:	الورده الذهبيه
اللقب:	عضو راقي

البيانات
التسجيل:	May 2012
العضوية:	241943
المشاركات:	3,890
الجنس	أنثى
معدل التقييم:
نقاط التقييم:	3405

االدولة

مدونتي

الإتصالات
الحالة:
وسائل الإتصال:

كاتب الموضوع : نبضي آبها المنتدى : القصص المكتمله من وحي قلم الاعضاء

رد: جنوبي وعشق مهرة من مهرة جنوبية

الله عليك أشواق
بارت حمماسي والله انقهرت لمن وصلت إنتهى :'(

خلوود /
وطلعت حامل وكارهه أحمد ياحياه الشقى
اخس شي والله الله يعينك ياشيخ
مبروووووووووووووووووك خلود
اتوقع لو عرف أحمد عن الحمل بالعكس بيفرح

أحمد /
الصبر زين ياولد صفية
لمن تعرف بتعذرها خخخخخخخ
اتوقع انو أحمد إنصاب في أحد مهماته العسكرية
وهذا الشي من صالحه وراحح يقرب خلوود منه

سلطان وفاطمة /
صراحه توقعت انو سلطان يخطب فاطمه
واتوقع انو فاطمه توافق عليه بسسس راح تواجه صعوبات كثيره في حياته معه
من ناحية الزواج من معاق صراحه أنا ما اايد انو الوحدة تتزوج معاق صراحه صعب الوضع على الاثنين
بس لو كان نفس سلطان مملك وبعدين تطلب الطلاق عشان انو معاق صراحة مالها داعي هو أخذها وهو بكامل صحته ويوم مرض تتركه

عبد الرحمن /
الله يعينك على عمتك صفية وبنتها
وفاطمة ماهي من نصيبك

أشواق يابعدي نتظارك بششوق
الله يعطيك العافية

19-05-13, 04:55 AM

المشاركة رقم: 122

المعلومات
الكاتب:	للبحر حكايات
اللقب:	ليلاس متالق

البيانات
التسجيل:	Oct 2010
العضوية:	199403
المشاركات:	148
الجنس	أنثى
معدل التقييم:
نقاط التقييم:	457

االدولة

مدونتي

الإتصالات
الحالة:
وسائل الإتصال:

كاتب الموضوع : نبضي آبها المنتدى : القصص المكتمله من وحي قلم الاعضاء

رد: جنوبي وعشق مهرة من مهرة جنوبية

خلود حامل يمكن يوم تروح مع احمد للمستشفى عشان يتعألج تحلل للحمل وتفول له وينبسط
فاطمة يمكن توافق ع الزواج بس امها وجدتها يرفضون ومايخلونها ترتبط بسلطان
ويمكن شلل سلطان نفسي اكثر من هو مرض <<<ويوم يتزوج فاطمة يتعالج او ينحسن مرضه

عبدالرحمن يوم ابوه وافق جاءت عمته وخربت عليه تبغاه لمنول
انصحة يستخدم اسلوب اتهديد لو مازوجوه فاطمة انها بتركهم وماعاد حيشوفوا وجه<<<وكذا حبنفجع ابوه ويزوجه

19-05-13, 05:29 PM

المشاركة رقم: 123

المعلومات
الكاتب:	للبحر حكايات
اللقب:	ليلاس متالق

البيانات
التسجيل:	Oct 2010
العضوية:	199403
المشاركات:	148
الجنس	أنثى
معدل التقييم:
نقاط التقييم:	457

االدولة

مدونتي

الإتصالات
الحالة:
وسائل الإتصال:

كاتب الموضوع : نبضي آبها المنتدى : القصص المكتمله من وحي قلم الاعضاء

رد: جنوبي وعشق مهرة من مهرة جنوبية

اعتقد سلطان يتزوج فاطمة وتخلف منه وبعدين يمكن سلطان يموت ويتزوجها عبدالرحمن
بس قبل يمكن عبادي يترك ابها من كثر زعله ع الحبيبة

احمد متعور يمكن متضارب مع احد زملائة جاب سيرة خلود بالمزح
وهو خلقه غيور كيف عن خلوده

19-05-13, 09:32 PM

المشاركة رقم: 124

المعلومات
الكاتب:	نبضي آبها
اللقب:	ليلاس متالق

البيانات
التسجيل:	Nov 2012
العضوية:	248010
المشاركات:	207
الجنس	أنثى
معدل التقييم:
نقاط التقييم:	922

االدولة

مدونتي

الإتصالات
الحالة:
وسائل الإتصال:

كاتب الموضوع : نبضي آبها المنتدى : القصص المكتمله من وحي قلم الاعضاء

رد: جنوبي وعشق مهرة من مهرة جنوبية

البارت الخامـــــــس عشــــــر

احمد/

وهو يتآملها وهي نايمه فرصه علشان يشبع من ملامحها لانها لماتكون صاحيه معصبه على طول قرب

منها وهو يسرق كذا بوسه خفيفه في اماكن مختلفه يخاف تصحى وتحوسه صايره نار اعوذ باالله رجع

يتحسس رقبته مكان العضه وهو يضحك متوحشه اعوذ باالله اللي يشوف الوجه البريء ذا مستحيل يصدق

انها هي اللي عضته كذا لهم اليوم ثلاث ايام من شهر رمضان اول مره يمر عليه رمضان وهو مرتاح كذا

اول مره يحس بطعم العبادة في رمضان يصلي كل الفروض في المسجد الحمدلله والتراويح اللي ماعمره

يذكر انه صلاها في حياته وقراءة القرآن والفضل يرجع بعد الله لخلود جلسته معها في جدة غيرة حياته

احتقر نفسه كثير وهو يشوفها كيف محافظه على صلاتها ووردها من القرآن يحمد لله انها من نصيبه

ويدعي ربي ف كل سجده ان يخفف من الغيره اللي في قلبه عليها يخاف يجي يوم وماعاد تتحمل وتروح

عند اهلها وقتها راح ينجن يفكر يروح طبيب نفسي بس مستحي مره ..تنهد وهو يرجع يتآملها كيف نايمة

مغريه وفاتنه بكل حالاتها اول يومين في رمضان سوت فطور بس ماتجلس تفطر كل وقتها وهي ترجع

والغثيان مستمر معها ورافضه تروح معي المستشفى اليوم ماخليتها تسوي فطور لآنها مره كانت تعبانه

رجع يضحك ويذكر قبل اسبوع كانت عند اهلها وجت البيت وماحسيت فيها إلآ وهي تصحيني والخوف

باين في وجها وهي يقول احمد ايش فيك الدم ذا من وين قوم الله يخليك ..انا كنت تعبان مسخن موقادر

اتكلم قبل اسبوع كنا في تدريب وطحت على حديد وضرب مكان العملية واروح المستشفى

وخياطه 4غرز وماكانت تدري خلود وانا اهملت الجرح مره تنهد

.وهو يشوفها جالسة جنبه وهي تقول الدم ذا من صدرك صح احمد قوم خلني اشوف احمد حاولت

اجلس علشان اكلمها بس تذكرت حركتها الصباح وقرفها مني ولما قالت انت ماعندك كرامه قلت بعصبيه

مصطنعه وخري عني موانت متقرفه مني مالك صلاح مني إن شاء الله اموت وهو يناظر فيها وهي تروح

تفتح النور وترجع تدنق وهي تشوف الجرح اللي بصدري وهي تقول ايش ذا ملتهب مره حسبي الله على

ابليسك انت اللي فكيت الخيوط ذي مجنون متوحش وانا اشوف وجها القريب مني وشعرها النازل وهي تحاول

ترجعه وراى آذنها وهي تقول بعصبيه احمد ليش كذا تبي تموت انت ايش مسوي في نفسك يله قوم بدل ملابسك

بتصل على ابوي يوديك المستشفى وانا اشوف الدموع في عيونها ..قلت وانا ابعد يدها البارده عن صدري وش

دخلك ياخلود يعني خايفه علي خليني اموت وترتاحي مني مو انت قرفانه مني الآلتهاب ذا ترى كله بسببك انت

وهي تناظر فيني وتقول بسببي انا يااحمد قلت ايوه بسببك كل ماجلست جنبك قلتي ريحتك قوم تسبح صح

خلود وهي تقوس حواجبها يامتوحش انا قلت تسبح ماقلت تفرم جسمك باالشكل ذا طول عمرك دفش ومتوحش

حتى على نفسك وهي ترجع تمسك يدي وهي تبكي احمد الله يخليك قوم روح المستشفى قوم والله مره ملتهبه

شوف الدم والصديد فيها كيف احمد الله يخليك بمجرد ماشفت دموعها رق قلبي لها تمنيت اقوم احضنها

بس بخليها تتآدب لين متى النفور ذا مني قلت مابروح مكان يله وخري عني قبل يرجع عليك الغثيان والقرف

مني قالت احمد والله آسف صح اني غلطانه بس غصب عني اللي انا احس فيه انا جيت ذحين وانا ابي اعتذر

وافتح صفحه جديده معك يااحمد والله تعبت وهي خلاص شوي وتبكي .وانا اناظر في وجها اللي اعشق

كل تفاصيله مو مصدق خلود تعتذر مني وااه ياقلبك يااحمد ليتها تعرف اني ماازعل عليها لو تذبحني

بس ابيها تتآدب قلت بعصبيه مصطنعه خلود وفري كلامك خلاص انا عفتك بصراحه ماقصرت

معك شهرين بس انت تحسبين ان حبي لك راح يغفر كل اخطائك واسامحك غلطانه ياخلود

انا رجال عندي كرامه وهو يناظر فيها بعصبيه وهي تبادله نظرات مختلفه قالت احمد بكره او بعده

رمضان يرضيك ان ربي مايغفر لنا يااحمد قلت انا من البداية حاولت اراضيك وانت ترفضين

خلاص طابت نفسي منك ياخلود سمعت تنهيدتها وهي تقول يشهد علي ربي اني جيت ابي رضاك

بس انت رافض قلت جيتك متآخره حيل وانا اناظر فيها وهي تروح عند التسريحة وتخرج علبه

طبيه وهي تقرب تجلس جنبي طيب يااحمد خلاص دام نفسك طابت مني خلني اعقم الجرح وهي

تفتح العلبه مسكت يدها وانا ابعدها ماابغى منك شي ياخلود ..فكت يدي بعصبيه وهي تقول احمد

تعوذ من الشيطان خلني اعقم الجرح اعتبرني ممرضة مو زوجتك قلت بعناد خلود وخري عني

ماتفهي انت قالت بعصبية وهي تمسك يدي احمد وبعدين معك خلني اعلاجك بلا دلع وهي تطلع

قطن وتحط معقم عليه وتسمح الجرح غمضة عيوني ماابي اضعف قدامها قربها

يذبح وبعدها يذبح حسيت في دموعها على صدري وهي تقول متوحش والله متوحش في

واحد عاقل يفك الخيوط بيده ياربي منك وانا ساكت اسمع لها محتار ياخلود منك ومن مشاعرك

قالت احمد اللي على الفراش دم او محلول قلت محلول وبسرعه خلصي بنام قالت مافي نوم بروح

اسوي لك شي تاكله وتاخذ فيفادول حرارتك مرتفعه واجيب لك كمادات قلت لآتجيبي شي ياخلود

خرجت من الغرفه وهي ساكته تنهد وانا احس بجسمي مهدود من الحرارة ومن قربها مني

غمضة عيوني شوي إلآ احس فيها تجلس على السرير جنبي وهو تمسك يدي احمد احمد تنهد

وانا اقول خلود قلت لك ماابغى شي اذلفي عن وجهي قالت راح اذلف بس لقمة وحده واشرب

عصير بس الله يخليك يااحمد اول مره اطلبك اااه ماتدري ان اهتمامها ذا يعذبني قربت مني

يدها وهي تحط خبز مع جبنه في فمي وانا احس في يدها ترجف رجعت تقرب العصير وتقول

احمد حبيبي يله اشرب شوي بس يله فديتك لماسمعتها تقول حبيبي وفديتك ضاعت علومي

وانا اشرب العصير دفعه واحده وانا مغمض وماحسيت بنفسي إلآ وهي تقول بصوت هامس

باالعافية على قلبك يله باقي الحبوب ذي علشان الحرارة وهي تحطها في فمي وذي مضاد حيوي

وتقرب الكوب مني فمي واشرب كنت اتمنى اقوم احضنها واعصرها عصر لين تتوب من حركات

القرف والنفور مني وش زينها ذحين وهي هاديه قلت وانا احاول اكون عصبي خلاص ارتحتي

ذحين يله اذلفي عني بنام وانا ماابغا انام ابيها تروح عني قبل اتهور قالت وهي تقرب فوطه مبلوله

بماء ماراح اذلف لين تنخفض حرارتك وبعدها بذلف وهي تجلس على ركبها عندي وهي تحط

الفوطه على جبهتي ويدها الثانية على راسي وتقرا وتنفث علي وانا احترق من قربها قلت خلود خلاص

وخري عني ترى مو طايق قربك يله لو سمحتي وهي مطنشه كلامي وتكمد لي انا خلاص ماعاد اقدر

اتحمل حاولت اغمض عيوني سمعتها وهي تقول احمد عادي اطلب منك طلب وانا مغمض عيوني

اكيد لا ويله انقلعي عني ياخلود حد النفس طيبه عليك قالت بدلع يذبح احمد طلب والله واوعدك اقوم

الله يخليك وانا افتح عيوني واشوفها قريبه مني البنت ذي مو ناويه الليله تعدي على خير قلت وانا ابغاها

تروح عني قبل اضعف خير ست خلود ايش تبغي قالت بدلع وهي تضحك بس ماتضحك علي يااحمد

قلت بعصبيه خلووود تكلمي وإلآ اذلفي عني وانا احط يدي على عيوني علشان مااشوف عيونها

واضعف قالت بدلع ونبره مختلفه احمد ماادري وش فيني لي اسبوعين وانا مشتهيه اعضك لماسمعت

كلامها شلت يدي وانا احاول اجلس نعم تعضيني ليش مصعورة انت الثلاجه مليانه لحم ودجاج

قلت وهي تقرب مني احمد الله يخليك عضه صغيره بس والله يااحمد ماتعورك والله قلت وانا

مستغرب منها خلود عن الدلع اذلفي عني بنام مو انت قرفانه مني وريحتي خايسه يله توكلي على

الله وماحسيت فيها إلآ تمسك يدي وتقرب من رقبتي وتعضني عضه حسيت كل عروق رقبتي بتنفجر

وانا احاول ابعدها عني وماقدرة مصدوم من حركتها الجريئه ذي ماتوقعتها تسويها استجمعت قوتي

وانا امسك يدها وادفها بقوة على السرير واثبتها وهي تحتي قلت تعضي ياخلود ها فرصة وجتني

وانا انزل وجهي لها واقول ضروري ارجع العضه ياخلود بس بطريقتي الخاصة وهي تحاول تفك

نفسها وهي تقول احمد ابعد عني خلاص توبه والله مااعيدها قلت لا مافي توبه وانا احط شفايفي

على رقبتها وهي تدفني احمد برجع والله بعد عني وانا مطنش كلامها شويت حسيت في بلل على وجهي

وهي تبكي رجعت وانا متقرف من نفسي ومنها وانا اصرخ عليها يامعفنه وش ذا وانا اقوم على الحمام

على طول ومن بعد الموقف ذا ماعاد صار بينهم أي كلام ماغير تقول له ايش تبي فطور

وخلاص وهي وقتها كله نوم تنهد وهو يسمع صوت الجرس معلق غريبه مين بيجي عندهم

ذحين اهل خالي مايجون إلآ بموعد والجيران خلود ماخليتها تتعرف عليهم نزل وهو يسمع

صوت الجرس المتواصل ويناظر في خلود خايف تقوم مين قليل الذوق ذا اللي بيجي من غير

موعد خرج لين وصل عند الباب ويفتح إلآ آمه واخواته والشغاله وابوه انصدم وآمه تقول ساعه ندق

على الباب اعوذ باالله نايمين الحزه ذي الناس في رمضان ماتنام وهي تدخل بكل همجيه وهي

تشوف الصالة الكبيرة الواسعه بطقمها الكلاسيكي بدرجات اللون الوردي والليلكي والتحف

المتناثره بشكل جميل قالت الله واكبر كل ذي صالة اجل ذي مو شقه دور كامل كم آجاره

الشهري وهي تتحرك ناحية المطبخ المفتوح على الصالة ومطبخ كبير كذا ليش ماغير انت

ومرتك ورجعت تدخل غرفة الحريم وهي تقول احمد بكم شريت الكنب ذا وليش الغرفه

الكبيرة ذي وتخرج ناحية المقلط وهي تعيد نفس الكلام لين وصلت المجلس وهي تشهق

كل الدلع والآثاث ذا لبنت صالحه يااحمد وماقلت بشتري لو مخده للآمي اللي تعبت علي

واحمد واقف يناظر في آمه مصدوم من حركتها وكلامها خلاها تتفرج على راحتها وهي

تقول وين غرفة النوم حقتك ها وهي تلف وتشوف باب بعيد شوي مفتوح وتتحرك داخله هناك

احمد لماشافها داخله فز يلحقها بسرعه قبل تدخل على خلود وهي نايمه وتروعها حتى ملابسها

مايصلح تدخل عليها وهو يلحقها قبل تدخل وهو يمسك يدها يمه تعالي وين تبغين وهي تفك يده

بشوف غرفة النوم احمد وهو يسحبها يمه خلود نايمه وين بتدخلين الله يصلحك قلت نايمه الحزة

ذي الساعة 10 نوم وايش فيها لو دخلت بآكلها يعيني احمد وهو موناقص آمه تجي ذحين قال

يمه عندك البيت كله تحت آمرك بس غرفة النوم اعذريني مااقدر اخليك تدخلي وهو يمسك يدها

ويدخلها غرفة الحريم عند ابوه واخواته ويخرج يجيب لهم مويه وهو يسمع آمه ترطن ياالله وش

الوهقه ذي دخل وهو يرحب فيهم وهي تقول وين مرتك ماتستقبلنا ها نايمه الحزة ذي وانت قاعد

وحدك احمد يمه الله يصلحك كلنا نايمين وماعندنا خبر انكم بتجون صفيه قلت اجي اسم عليك

وابارك لك باالشهر واجلس عندك اسبوع ولدي لي حق عليك وابوك عنده دورة

هنا في آبها قلنا نجي معه احمد لما سمع اسبوع بلع ريقه وهو يقول غصب عنه

الله يحييكم والله في عيوني قالت آمه روح قوم مرتك ماشبعت نوم وقبل يقوم قال ابوه ليش

يصحيها خلاها تنام ..

خلـــود/

وهي واقفه تغسل وجها يمه بسم الله الرحمن الرحيم كنت نايمه إلآ اسمع صوت يرج البيت رج

اول شي قلت يمكن انا يتهيأ لي او صوت في الشارع بس كل شوي الصوت يقرب لين سمعت

صوت آحمد يقول يمه خلود نايمه عرفت انها عمتي صفيه رجعت تمشط شعرها وتلفه كله فوق

ولبسة تنورة جنز وبلوزة زيتي بدون اكمام وحطت كحل وروج خفيف مالي حيل اتحمل حتى اوقف

فيني نوم غير طبيعي خرجت وهي تقفل جناح غرفة النوم وهي تمشي سمعت عمتها صفية تقول احمد

ايش الآثاث ذا كم كلفك 30 الف او 40 غالي مره واحمد يرد عليها يمه مادفعت شي خالي وزوجته

هم اللي جابوا كل شي حتى المواد الغذائية والله ماشريت شي البيت كامل دخلته قالت ولا عليهم شي

دفعنا لهم حدود250الف تنهد وانا عارفه ان عمتي صفية ماجتنا إلآ تبي المشاكل دخلت وانا اسلم

اول شي على عمي ابراهيم وبعدها على عمتي صفية سلام بارد حتى ماوقفت لي لاهي ولامنال

بس زهرا وحليمة احسهم اهون شوي وانا ارحب فيهم وهي ساكته ماترد ماغير عمي يرد ويرحب

فيني ويعتذر على الآزعاج قمت اروح المطبخ اسوي قهوة ومعي حلا في الثلاجة حطيت براد القهوة

على النار وانا اخرج صحون علشان التمر والحلا كنت ناويه اروح عند اهلي اليوم اشوف ايش صار

على خطوبة فاطمة حست في احمد وهو يوقف وراها على طول ويحضنها وهو يقول بصوت هامس

المعذرة يااخلود على اللي صار تنهد وقلت عادي ماصار شي احمد والله ..احمد خلود اهلي يمكن يجلسون

عندنا اسبوع قلت الله يحييهم يارب .احمد خلود فديتك تحملي امي مهما تقول لاتردي عليها علشاني

خلود وهي تحط التمر في الصحون احمد لاتوصي علي بحترمها علشانها عمتي اخت الغالي ابوي

وآمك يااحمد عادي لاتخاف احمد وهو يتنهد وهو يبوس شعرها طيب عادي تغير البلوزه ذي ياخلود

خلود :طيب من عيوني ابشر تبي شي ثاني ..احمد وقبل مايرد احمد وش يسوي عندك كانت آمه

احمد وهو يفك خلود ولاشي كنت اسولف مع زوجتي واشوف وش تبغى واجيب لها قلت وهي تخرج

تعال سولف معي انا ماشبعت منها .. خلود وهي تضحك من اولها استغفرالله والله موناقصه

حرق اعصاب الوحم ذبحني رغم اني مارحت احلل بس متآكده اني حامل بس ماراح اقول لهم حتى للآحمد

بيت ابوخالد/

صالحة وهي معصبه محمد انت تبي تجلطني انت وبنتك وهي ترجع تناظر في فاطمة بنظرات

كلها عتب وانت يافاطمة موافقه تتزوجي واحد معاق ها تضحي بشبابك علشان ايش قولي ايش ناقصك

الف واحد يتمناك عبدالرحمن ولد عمك خطبك اكثر من مره وشاريك ولد عمك اولى من ذا مانعرفه ولا من

قبيلتنا

فاطمة يمه عبدالرحمن لو يكون آخر رجل في العالم ماتزوجته وابوه مايبيني وماخلى كلمه إلآ قالها فيني

وانا ماابي عبدالرحمن لو كان ابوه راضي مستحيل وسلطان يمه صليت الاستخاره كذا مره ومرتاحه

صالحة بصراخ عم يعميك أي استخاره ها نفس صلاة اختك خلود وشوفي حالها كيف متغيره وهي تلتفت

لزوجك محمد ناوي انت تقهرني في بناتي موكفايه خلود بتكمل بافاطمة تزوجها واحد معاق مايقدر يخدم

نفسه كيف يخدمها محمد اتق الله فيني ترى حرقتي على خلود باقي احسها بقلبي لاتزيد ب/فاطمة

ابوخالد: وهو يشوف زوجته معصبه صالحة خلود مرتاحه ولاشكت عليك بشي وفاطمة هي حره بكيفها

صالحة وهي تثور محمد افهم معاق معاق تعرف ايش معنى معاق امه تقول دخل غيبوبه سنه حتى

احتمال انه ماينجب هذا إذا قدر يقوم بواجباته كازوج محمد اتق الله لا تقوي البنت علي شي غلط

ابوخالد: صالحة انت اتقي الله لا تقولي معاق هو كان مثلي ومثلك يمشي لكن قضاء الله وقدره

تعوذي باالله من زوال النعم وتحول العافية ياصالحة وإذا هو معاق ينحرم من كل شي خلاص

يحكم عليه بالآعدام انا اعرف واحد معاق متزوج وعنده عيال ودكتور في الجامعه تخيلي

لو كان خالد معاق كنت راح تزوجينه او تقولي معاق ليش ازوجه حطي نفسك في الموفق ذا

صالحة وهي تناظر في زوجها طيب ومن وين له يصرف عليها وين راح تسكن بنتي

ابوخالد: معه راتب ثلاث الف وخمس مئه شهريآ والسكن بيت اهله دور وملحق تكفي

هو وحيد آمه واخواته كل وحده مع زوجها

صالحة وتتوقع الراتب ذا يكفي انت تعرف بناتك ودلعهم و راتبه بقيمة فستان

من فساتينها كيف بتتحمل وانت تعرف ان كل سنه نروح نصيف خارج المملكة

وهي ذحين حتى مكه مايقدر يوصلها

ابوخالد: بنتك ماوافقت عليك إلآ وهي تعرف كل شي عنه حتى السيارة مايسوق

وهو يرجع يناظر في فاطمة وهو يقول بحنان فاطمة اسمعي يابنتي فكري مره

ثانيه هناك راح تعيشي حياه جديده مختلفه عن اللي هنا مو تجلسي شهر وإذا

ماعجبك الوضح ترجعني لي مطلقة من ذحين باقي معك مهله فكري قبل الملكة

فاطمة ابوي انا موافقه على سلطان وراضيه فيه وفي ظروفه

صالحة: بقهر أي ملكة يامحمد ذحين وحنا في رمضان كيف احجز واجهز

ابوخالد: بحزم مافي حجز ولاشي الملكة راح تكون عائلية هنا في البيت مختصرة

والزواج راح يكون ليلة العيد 1/10

صالحة طيب والمهر كيف اجهز بنتي كيف احجز القاعة والمطربة

ابوخالد: صالحة كل التبذير واللي صار في زواج خلود ماراح يصير ذحين

مره انااسآلت ابوسلطان عن عاداتهم في الزواج قال المهر 50الف فيها تكاليف

الزواج كله حتى التجهيز منها والزواج يكون في قصر عادي والطقاقه اللي ب 6الف او

7الزواج مختصر عائلتنا وعائلتهم وماتجي الساعة 12 في الليل إلآ زوجته معه ...

انا بجهز بنتي على حسابي الخاص واثاث غرفة النوم علي انا بما انها راح تسكن مع اهله

صالحة بعد اقتناع ليه يامحمد توافق وتبيع بنتك وكسوة سميتها طيب

ابوخالد: مابعتها ولاشي وذا هو الصح حالتهم المادية ماتسمح ليش اكلف عليهم

وانا مقتدر ماديآ الحمدلله وهي رواتبها عندي على حسابها ماقد اخذت منها ولا ريال

وعمارتها جاهزه كنت اتمنى تسكن فيها مثل خلود بس سلطان رفض مايسكن إلآ مع اهله

وكسوة آمي انا بدفعها من جيبي ياصالحة واي شي تطلبينه من عيوني

صالحة : وهي تبكي ايش الحظ ذا مع بناتي حظهم مايل استغفر الله وهي تناظر في زينه اللي ساكته

باقي انت وزينب اللي يستر من ابوكم ماادري مين بيزوجكم

زينه وهي تضحك ههههههههههههه اكيد انا واحد متوفي دماغيآ وهو مليونير ويموت

واورث كله فلوسه وهي تضحك

احمد/

هو يقوم على صوت المنبه ويشوف إلآ هي الساعة 7ونص ويلتفت على مكان خلود فاضي

تنهد وهو يفكر آمي لها ثلاث ايام عندنا وخلود تكرف في المطبخ وحدها حتى الشغاله امي تخليها

تنام معها لين المغرب وخلود ساكته ماتكلمت ولا شي بلعكس مبتسمه على طول لهم وانا مقهور

ماغير الفطور الشغاله ترفعه وتغسل كم صحن وخلود تنظف وتبخر وتجهز قهوة بعد المغرب

وتدخل تتسبح وتتجهز لصلاة العشاء وبعض الآحيان احصلها نايمه على السجادة من التعب والغثيان

وامي البنات من بعد التراويح اوديهم أي مجمع او مول غصب عني علشان آمي ماتعصب علي وتقول

خلود تحرشك علينا بدل ملابسه وخرج وهو يسمع صوت القرآن واصوات اخواته في المقلط فتح الباب

بدون مايدق ويشوف الغرفة كلها زباله بقايا اكلهم ومنال الحمارة بيدها علبة بيبسي تشرب منها وسماعات

الجوال في آذنها وقفت وانا اشوف الغرفه كيف قلت بسرعه ذحين قوموا نظفوا الغرفة يله وجع يوجعكم

ياوسخين اعرف لوخلود شافت الغرفه راح تنظفها هي ماتحب البيت يكون وسخ..رجعت اناظر في منال

قليلة الحيا وانا اقول لها ضروري الكل يعرف انك فاطره وهي مطنشه

خرج لين المطبخ وهو يشوف كذا قدر على النار وعلى الطاولة صينيه كبيره فيها فطائر مشكله

وصحن ثاني فيه سمبوسة مثلثات ملفوفه جاهزه ..وهي حاطه راسها على طاولة الطعام شكلها تعبانه

الترجيع مستمر معها ورافضة المستشفى وتخاصمنا البارح علشان كذا وقف عندها وهو يحط يده على

راسها خلود .وهو يشوفها ترفع وجها كان التعب والآرهاق واضح عليه قلت ليش نايمه هنا تعالي

الغرفة قالت لامونايمه بس انتظر الآكل يخلص واحطه في الثلاجه وبعدين بروح انام

قلت طيب ناقص شي اجيبه معي والعصر قلت لا تسلم ..ماعجبني وجها مره قلت خلود الليله إذا تبغين

تروحي عند اهلك ترى عادي الوضع لاتشيلي هم علشان اهلي ..قالت لاوالله ماابي اروح وبكره ابوي

مسوي فطور للآهلك وبروح من بدري اساعد امي قلت طيب مع السلامه ..

خلــود/

وهي تحاول تكمل صلاة الترويح بس موقادره بتموت من النوم رجعت تمدد على السجادة ماعاد

فيها حيل تقوم على السرير دوبها تغمض عيونها إلآ تسمع صوت عمتها صفيه كاالعادة تصارخ

وتهاوش وصوت احمد ياربي ماتعود كذا على المشاكل اسكت بس علشان احمد وهو مايقصر

يجي العصر من الدوام ويدخل العصر معي المطبخ ويساعدني وكذا مره امه تهاوشه ليش

يساعدني واكثر من مره اسمعها تقول سحرتك خلاص هي وآمها مااقدر اقول شي غير

حسبي الله ونعم الوكيل حتى عمي لمامدح طبخي قالت حتى انت سحرتك مثل ولدك

صوت فتح الباب واحمد يدخل معصب من آمه قلت احمد ايش صار ليش الصراخ ذا

احمد بعصبيه آمي كاالعادة تبيني اوصلها هي والبنات السوق كل ليلة السوق ماعندي

شغله إلآ هم ضحكت وانا اسمع صوتها تقول حلفت عليك مرتك ماتودينا قلت احمد الله

يخليك وصلهم ذا السوق وفكني من الكلام.. احمد وهو ينسدح والله مصدع وتعبان ابوي يوديهم

او بكيفه ..قمت وانا احس بدوخه اخذت لي شيله على شعري علشان عمي موجود اوامر احمد

وانا اروح المطبخ واحط كم نوع من الحلا والفطائر واخذ ثلاجة القهوة واخرج عند عمي في الصالة

معه جهازه ويتابع الآخبار بمجرد ماشافني رحب فيني سبحان الله كيف متحمل عمتي صفيه

قال ليش تتعبي نفسك الله يوفقك يكفي سفرة الفطور ماشاء الله تدرين انه اول رمضان استمتع

باالفطور كل سنه والشغاله تطبخ طبخ الله يعز النعمه بس .قلت باالعافية عليك وعمتي ساكته

تناظر لي بنظرات كلها كره قلت لها تقهوي ياعمه قلت اختك فاطمة تخطب ولاادري ومنهو ذا

اللي خطبها وكيف عرفكم قلت لها وانا اجلس واحد يعرف ابوي وخطبها يمكن قبل رمضان

بآسبوع والزواج في العيد إن شاء الله وانا اناظر فيها وهي ترطن بكلام بشويش .طنشتها وانا

اسولف مع عمي ابراهيم شوي إلآ يخرج احمد معصب لآاله إلآ الله نفس حركات امه نفسية ويجلس

جنبي وآمه تناظر فيني قلت اصب لك قهوة قال لا بشرب معك من نفس الفنجال وانا اناظر فيه وهو

ياخذ الفنجال اللي في يدي ويشرب منه انا استحيت من حركته رجع الفنجال لي وهو يرفع رجوله

على الكنب ويحط راسه بحضني انا كآنه ماس ضربني وانا تلقائي ارفع عيوني اشوف آمه إلآ هي

تناظر فيني وتشمق لي قلت احمد الله يخليك قوم اهلك هنا عيب قال وهو يمسك يدي وش دخلني

منهم حطي يدك على راسي وهمزيه مصدع مره وهو يعدل نفسه في حضني والغثيان رجع علي

حطيت يدي على جبهته وكانت حارة وانا اهمز راسه واناظر في وجهه شفايفه كانت مره مسوده

وريحته دخان قلت بشويش احمد رجعت تدخن صح ...وهو مغمض ايوه رجعت ادخن لي اسبوعين

مضغوط منك ومن آهلي بصراحة ياخلود انا تعبان لاتلوميني لوسويت شي غلط اكبر من الدخان في

النهاية انا رجل متزوج بآلآسم بس وهو يحط يدي الثانية على شفايفه ويبوسها وكلامه ذبحني بس

شي غصب عني قلت احمد تحمل حاول وهو يناظر فيني ويقول لين متى اتحمل ياخلود بكمل ثلاث

شهور وانا اتحمل والله ماعاد فيني طاقه تعباان

صفية وهي تناظر في ولدها اللي يبوس يد خلود احمد تعبان من ايش .انا لماسمعتها تمنيت الآرض

تنشق وتبلعني معقوله سمعت كلامنا ماشاء الله رغم ان احمد يتكلم بشويش ..احمد من رجولي يمه تتعبني

شوي قالت سلامتك روح المستشفى وشوف التعب ذا من ايش لاتهمل روحك

عبدالرحمن/

وهو يتمنى يكون يحلم مايبي يصدق ان فاطمة خلاص انخطبت بكل سهوله تروح منه وهو اللي تمناها

يذكر لمااتصل عليه عمه وهو مداوم قال تعال عندي ضيوف توقع ضيوف عادي متعود بيت عمه معروف

كل يوم وعنده عزيمه بس لما راح هنا حس الموضوع فيه شي غريب الحكاية مو عزيمة وبس شاف شايب

ومعه اثنين شباب وسمع الشايب يقول سلطان ياابوخالد يبي يشوف خطيبته انا كآني احلم موقادر اربط الكلام

ببعضه قلت مين من بنات عمي خطبت وانا متوقع ان العريس الولد الآسمر بس دخل عمي وهو يقول تفضل

ياسلطان شوي الولد اللي في الكرسي المتحرك يروح مع عمي محمد معقوله خاطب زينه انا خلاص ماعاد

قدرت اتحمل خرجت وانا انادي خالد يلحقني وكانت الصدمة لما قال سلطان خاطب فاطمة مستحيل وانا طيب

وكيف تتزوج واحد معاق مستحيل حاولت امسك نفسي حتى مادخلت المجلس لين راحوا اكلم عمي محمد قال

لي نصيبها ياعبدالرحمن وانت ابوك اتصل علي قبل فترة يقول ترى اذا خطبت بنتك اعرف انه غصب

عني ولااشوفها تدخل بيتي مره ليش ارخص بنتي ياعبدالرحمن كون لها آخ وولد عم عزوه وسند ..قلت

عم انا احب فاطمة والله انا اللي بتزوجها مو ابوي قال عبدالرحمن لاعاد اسمع الكلام ذا فاطمة مو لك

مره الله يرزقك بآحسن منها ومن وقتها ونفسيتي زفت رقمها عندي من اول اتصلت عليها من جوالي ماترد

واخذ جوال فاطمة اختي واتصل وترد وهي ترحب هلا فطوم حياك وانا ساكت اسمع صوتها واتخيل شكلها

مع سلطان المعاق ليش تفضله علي باقي صورتها قدام عيني مانسيتها وهي تهاوش عمي جابر تنهد وهو يسمعها

تقول الوو فطوم وينك بنت

قلت فاطمة انا عبدالرحمن اتمنى ماتقفلي لين تسمعي كلامي ..سكتت وانا اقول فاطمة ليش

توافقي على سلطان وانا يافاطمة ايش اللي في سلطان ومو فيني ..سكت وانا اسمعها تقول بصوت

هادي عبدالرحمن مالك حق تتصل علي المفروض ماتتصل علي وانا مخطوبة خلاص واللي في

سلطان موفيك ان ابوه موحسن تعرف انت منهو حسن اللي اكره مخلوق على وجه الآرض ياعبدالرحمن

ابوك اللي شوه سمعتي لاتقول مالك ذنب هو ابوك واتمنى ماعاد تتصل علي مره انت محرم علي كازوج

مثل حرمة اخواني وخوالي وقفلت ..

رجع يناظر في ابوه اللي جالس معه عند جدته فاطمة وهو يقول خلاص ياعبدالرحمن لاتشيل

هم بكره اروح ومعي رجال عند ابو سلطان واقول مالكم حق تاخذوا بنت اخوي وولدي بيغاها

سمع جدته وهي معصبه انقلع قلع وجهك ياحسن والله ماتروح تخرب على بنت اخوك ومابقى

على ملكتها شي ها ياقليل الخاتمة وينك من قبل وولدك يحاول فيك وذحين لما خطبت تبقى تخرب

عليها هيا اهجد وولدك ربي يرزقه بغير فاطمة ابعد عن محمد وعياله ياحسن ..عبدالرحمن وهو يسمع

كلام جدته خرج و ابوه يلحقه عبدالرحمن ويبن تبغى تعال اخطب لك احسن من فاطمة لاتشيل هم

عبدالرحمن وهو يوقف يناظر في ابوه وهو يقول يبه زواج ماعاد بتزوج خلاص ارتاح وخرج ..

احمد /

مرت اسبوعين من رمضان ماحسينا فيها اهلي رجعوا الديرة الحمدلله

خلود ماقصرت بصراحة تحملت آمي مهما تتكلم ماترد عليها رغم انها باقي تعبانه

ورافضة تروح المستشفى وكلمت خالي انها تعبانه واخذها هو وآمها المستشفى وسآلتها

ايش قالوا لك قالت عادي غثيان عندي القيلون العصبي متعبني واعطوني حبوب جلست

عند اهلها ثلاث ايام ورجعت ونفس الشي تعبانه.

طفش من الجلسه وحده في الصاله قام

وهو يدخل عندها في غرفة النوم وهو يشوفها نايمة بدون غطاء الغرفة كآنها ثلج من المكيف

مجنونه ذي تبي تمرض خفض للمكيف وهو ينسدح جنبها نومها صاير ثقيل مره لو يشيلها

ماتحس فيه مره رفع راسها وهو يقربها منه مره لين متى بيتحمل خلاص تعب منها راح ياخذ

حقوقه منها بكيفها تسوي اللي تسويه وهو يغمر وجها بقبلات حارقه كلها شوق بحجم نفورها

منه وقرفها سمع صوتها وهي غصب تتكلم بصوت واهن وضعيف من التعب احمد وخر عني فكني

وهو يثبتها بيد وحده وهي موقادرة تقاومه من الآرهاق والتعب وهو يقول اص ولا كلمه ..

سلطــــان/

وهو يشوف اخته ساميه كيف فرحانه اليوم وصلت من تبوك علشان تحضر زواجه

واخته سمر في كندا مايمديها تجي الكل فرحان إلآ هو اليوم خلصوا العمال غرفة النوم

من عند اهلها كلها كانت فخمة مره ..سمع امه وهي توصف فاطمة للآخته سامية وهي

متحمسه مره فعلآ فاطمة جميله رغم انه شافها في النظرة الشرعية بدون مكياج بس كانت حلوه

هو مااهتم كونها جميله حتى توقع انها شينه علشانها وافقت عليه تذكر وقت النظره الشرعية

كانت امه معه وهو يشوف امه كيف تحضن فاطمة وتبكي وفاطمة نفس الشي تبادلها الآحضان

وتبوس راسها ويدها ارتاح دام آمه فرحانه وتحب فاطمة وش باقي يبي وابوها رجال بمعنى

الكلمة حتى انه ماسآلني عن الحادث او متى صار مره انسان واعي حبيته من اول جلسه معه

تنهد وهو يذكر كلام آبوه له وهو يسآله سؤال خاص ومحرج جدآ استغرب من السؤال ذا

بس ابوه معصب وهو يقول يسآله وفي النهاية يكتشف ان بنت عمه مها لماسآلوها الناس

ليش طلبتي الطلاق قالت بكل وقاحة ايش اسوي بزوج مثلي حرمة انا ابي رجال وابي عيال

تنهد وهو يندم على كل لحظة من عمره مع مها على كل كلمة غزل قالها لها نذله ماتستاهل

شي ليتها سكتت احسن من كلامها اللي مثل السم

ليلة العيـــــــــــــــــــد ملكة فاطمة على سلطان كانت ملكة عائلية

خلود وهي سادحة في الصالة وهي تشوف النقاشة تحني يدين زينه هي تحب الحنا من زمان بس

ريحته تذبحها الوحام ذبحها مره ومااحد يعرف بحملها غير اهلها بس حتى احمد من بعد اللي صار

وصلها عند اهلها وماعاد اتصل ولا شي فكه منه اكرهه هو وتصرفاته همجي متوحش ورجعت تناظر

في جدتها فاطمة وهي تسآلها ليش ماتتحني مثل خواتك ..خلود طيب جده خليها تخلص زينه وبعدين انا

جدتها ورجلش وينه ماقد شفته ..خلود وهي تكذب لها اسبوعين وماتدري عن احمد مشغول

ياجده عنده دوام ..

زينه : جده يوم زواجك ايش سويتي

الجده: ماسويت ولا سويت شين اعرست وبس

زينه: بخبث جده كنت تحبي جدي عبدالرحمن يعني تزوجتيه عن حب يعني مثلا شفتيه

عند غدير الماء وحبيتيه وهي تضحك هي وخلود

الجده : زينه اسري عنا بلا خبال ماهو حبه هو ولد عمي الله يرحمه

زينه لالالا ياجده قولي الصدق انت تحبيه او لا بصراحه

الجدة : اناآم حسن انا ياهو محمد يجي يسكت الخبله ذي عني

زينه : خلاص خلاص عرفت انك تحبيه مايحتاج طيب تجهزتي يوم زواجك يعني شريتي ملابس واغراض

الجده : لاوالله ولا كان عندنا الآسواق مثل ذحين تزوجت ومعي ثوب واحد والحمدلله

زينه : اها طيب شريت لجدي الله يرحمه هديه

الجده : نمه اشتري له هديه

زينه : عادي ياجده تشتري له هديه ساعه او أي شي شوفي خلود اشترت للآحمد هديه ليلة

الزواج جوال وفاطمة اشترت لسلطان ساعة فخمه وهي تضحك تعرف ان جدتها تحب تنقد

خلود : وهي مطيره عيونها في زينه والله ياجده انها كذابه والله

الجدة : اني عارفه انها كذابه الله يكسر حظ الخبل اللي بياخذها

ليلة الزواج كانت ليلة هادئه نوعآما وعلى حسب عادات اهل سلطان كان الحضور من المغرب

وبعدالصلاة مباشرة كان العشاء

في غرفة العروس كانت فاطمة كآي عروس في اجمل حله بفستانها الآبيض بموديل فرنسي

ومكياجها الآوفر كانت طلتها مميزه هي في قرارة نفسها موافقه على سلطان وراضيه فيه

واللي خلاها تتمسك فيه آمه تحبها بجنون ويارب انها ماتندم على الآختيار ذا ..والشي اللي كاسر

خاطرها آمها موراضيه حتى جاهزها صح انها راحت معها السوق بس تحسها زعلانه حتى في البيت

ماتكلمها هي تعرف ان امها تبي مصلحتها..

رجعت تناظر في خلود اللي سادحه عندها على الكنب الوحم مره متعبها وهي تقول خلود ايش استفدي

مكياج وفستان وتسريحه على الفاضي وانت ماخرجتي

خلود بخمول والله ماقدرت يافطوم حتى اروح اسلم على عمتي صفيه جدتي تقول انهاتسآل عني

زينه: وهي تدخل ياناس احب عمتك يافاطمة مره تجنن عسل والله انها عسل

خلود: والله جد انها طيبه شافتني هي وبنتها وسلمت علي الله عوضك فطوم ماشاء الله مو عمتي صفية

زينه: يله الزفه بعد شوي فطوم ابوي يقول لاتجي 11إلآ انت مع ابو الشباب في السيارة

فاطمة: وهي تحس بخوف طبيعي خلود احس بخوف والله وين آمي ابيها تجي

زينه: بلقافه المفروض انت ماتخافي مره وهي تضحك ههههههههههههههههه

خلود زينه بلاسخافه روحي خلي آمي تجي

زينه: وانت ماشاء الله قاعده هنا وإلآ علشانك حامل خلاص ..خلود زينه وجع اسكتي لااحد يسمعك

ذحين باالله لااحد يدري اني حامل

زينه : لين متى راح تخبي ترى واضح انك حامل والله حتى جسمك باين عليه وهي تخرج ..

صالحة وهي واقفه مع جدتها وآم سلطان شافتها زينه وهي تقرب منها يمه تعالي فاطمة تبيك ضروري

آم سلطان بحب فديتها فاطمة وانا ادخل ياام خالد ..ام خالد بغصه حياك ام سلطان فاطمة بنتك مايحتاج

اتصلي على سلطان وابوه يدخلون علشان التصوير ..

عند فاطمة وهي تشوف آمها تدخل ومعها آم سلطان وهي تغطرف وتسمي على فاطمة على طول

فاطمة وقفت وهي تحضن آمها وبصوت منخفض يمه فديتك ماابي اروح إلآ وانت راضيه عني يمه

احتاج دعائك ورضاك عني ,,صالحة وهي تبكي وتحضن بنتها البكر اول فرحة لها بعد عقم 8سنوات

قالت الله يوفقك يمه ويحفظك ويسعدك .. وفاطمة تشد عليها يمه من قلبك الكلام ذا يمه ..امها والله من

قلبي الله ياروحي

زينه : احم احم خلاص بطلوا افلام هندي يمه خلاص خربتي المكياج بدموعك ترى باقي وراك

تصوير تروعين المصورة وهي تضحك

صالحة: وهي تلتفت على خلود اللي قاعدة والتعب باين عليها ..وتشوف آم سلطان تحضن فاطمة تنهد

وهي تحس ان البيت راح يخلى عليها اول شي خلود والليله فاطمة ..

بعـــــــــــد اربع آيــــام من العيد /

احمد وهو في الديره من بعد اللي صار مع خلود رحت مكه حتى زواج فاطمة ماحضرته

اعتذرت من خالي ان عندي دوام وانا رحت مكه علشان ابعد عن خلود اتصلت عليها ابارك لها

باالعيد كاالعاده جوالها مقفل دق جواله وكانت آمه هلا يمه الحمد لله لاوالله في البيت عندكم

اها طيب في أي قصر الزواج طيب انا جاي لكم اتصل على طول اخرجوا باقي بنام مرهق

بكره عندي دوام

صفية هي وبناتها وهم يركبون السيارة واحمد يسلم عليها واخواته وبسمه كاالعاده سوالف ايش

صار في الزواج وايش لبست فلانه وحش في الناس وانا ساكت لين قالت آمي احمد مرتك حامل

رجعت اناظر في آمي وانا اسوق لا وليش السؤال

صفية : متآكد شفتها الليله في الزواج متغيره مره حتى بطنها بارز حسبتها حامل ..بسمه احمد

خلود متى قصت شعرها خسارة ليتها ماقصته كان طويل احسن ..احلام لاعادي باقي طويل مثل

ماهو بس قصته على طوله .زهرا فستانها كان مره حلو من أي مكان شرته ..

احمد وهو يسمع خواته يهذرون على راسه بكلام مع بعض واسئله وهو يحاول يستوعب قال وين

شفتوا خلود ..بسمه في الزواج الليله كانت قمر تجنن خاصة انها صارت دبدوبه شوي تهبل

نجمة الحفل خاصة لما رقصت تجنن

وهو يسمع امه تقول ايوالله انها قمر بسم الله عليها حتى حرمه شافتها وهي تسلم علي

قلت منهي بنته ابغى اخطبها لولدي قلت لها والله ذي زوجة ولدي قالت طيب معها اخوات

قلت لها معها ولماشافتهم قالت مو حلوين مثل اللي لابسه فستان اسود ..

احمد وهو معصب زواج مين الليله ...

بسمه بآندفاع زواج ناصر ولد محاسن يالبى قلبه يجنن شخصيه وهو ينزف اجمل من عروسته

انتهى

19-05-13, 09:34 PM

المشاركة رقم: 125

المعلومات
الكاتب:	الورده الذهبيه
اللقب:	عضو راقي

البيانات
التسجيل:	May 2012
العضوية:	241943
المشاركات:	3,890
الجنس	أنثى
معدل التقييم:
نقاط التقييم:	3405

االدولة

مدونتي

الإتصالات
الحالة:
وسائل الإتصال:

كاتب الموضوع : نبضي آبها المنتدى : القصص المكتمله من وحي قلم الاعضاء

رد: جنوبي وعشق مهرة من مهرة جنوبية

اشووواق وش ذا الصدفة الزينه
الله يسعد قلبك زي ما اسعدتي قلبي
لي عودة بعد قراءة البارت