هههههههههه سعدنا بشرب القهوة معك رهومتى ..وانا كمان عايزة اشرب كابتشينو او نسكافيه معك

وعليكم السلام والرحمة

موعدنا معاك كان تحفة ريري

طول عمرك عسل وتحلين الجلسة

ربي يرحم والدك ويسكنه فسيح جنانه

منتظري العمر الماضي على نار

:)


Sent from my iPhone using Tapatalk

استمتعنا بشرب النسكافيه معاك هومي
الله يرحم والدك ويسكنه فسيح جناته
وبإنتظار العمر الماضي على نار


تم الإرسال بواسطة iPhone بإستخدام Tapatalk

أنا جييت أولا بشكر حسن جدا إن دعوتها شملتنى الف شكر يا جميل على الدعوة
بسم الله الرحمن الرحيم
كيف حالكـ ؟
فى نعمة الحمد لله شكرا على سؤالك

وكيف هي الدُنيا معكـ ؟
كويسة الحمد لله أهم حاجة تكون فى رضا ربنا

هل تقبل عادة ًدعوات كهذه على أرض الواقع ؟؟
آه عادى جدا ليه لا بس مش اى حد

هل أنت من الأشخاص الذين يفضلون شرب القهوه؟
اجابتى تماما مثلك يا حسن القهوة التقليدية لا بس ممكن نسكافيه او كافى ميكس

؟هل هناك
مكان معين ترتاده وتشعر بالطمأنينة إذا ما دخلته ؟
زمان كانت اودتى اللى فى بيت باب لكن حاليا بيتى مبقتش بحس بالراحة غير فيه

سـأقطع حديثك فقد جاء الجرسون لِـ أخذ الطلب
قهوتك سادة أم وسط أم سكر زيادة ؟؟ أم أنت لست من عشاق القهوة !

لست من عشاقها بس عشان خاطرك هشربها معاكى مظبوطة لا زيادة ولا مرة

حكمتك ومبدأك في الحياه؟

حاجات كتير بس فى حاجة بتعجبنى اوى (عليك بتقوى الله ياتيك بالارزاق من حيث لا تدرى )وكمان (لعل الله يحدث بعد ذلك امرا :بحسها اسلوب حياة

شخصية تاثرت بها ؟
سيدنا مصعب من عمير لما وصفه خالد محمد خالد فى كتاب رجال حول الرسو ل ووصف موته وان لما وجده سيدنا محمد صل الله عليه وسلم كان وجهه للارض كأنما كان يخشى رؤية سيدنا محمد يصيبه مكروه فعشقته وعشقت أن يكون المرء شهيدا فى سبيل الله

هل تؤمن بلبس الاقنعه لتتكيف مع الحياة من جميع النواحى؟

لا لبس الاقنعة يعنى النفاق بس بؤمن بانى اخد كل واحد على اد عقله يعنى لو حد اقدر اكسبه بكلمتين مع انى صريحة هعمل كدة لان مكسبه ساعتها هيبقى احسن من صراحتى بس الكلام ده مع حد يهمنى الكلام ده مش لاى شخص طبعا


هل تختار عادة ً طلبك حسب ذوقك أم تترك الاختيار للمستضيف

لا هطلب لنفسى طبعا افرضى طلبتيلى حلبة حصى

هل مازلت الى الأن تسعى في الوصول الي حلمك أم أنه تحقق

حلمى الاولانى لا اكيد اصلى كنت عايزة ابقى ظابط شرطة بس تخيلى بقى ظابط وبنضارة وبنهج وانا طالعة تالت دور ههههههههههه اعتقد ان المجرمين هيدونى مرتب على مجهوداتى

هل لك قوانين وأنت تتناول قهوتك أو مشروبك المفضل ؟
كأن تبدء بشيء معين وتنتهي بشيْ معين آخر؟؟

مشروبى المفضل الشاى بالقرنفل وبحب جدا يكون جمبه بسكوت سندويتش جبنة واهم حاجة اكون لوحدى لو امكن عشان مريم بتغلس عليا

هل أنت من الاشخاص الذين يفضلون شرب القهوة ساخنة ام باردة ؟

لا اى مشروبات سخنة لازم اشربها وهى سخنة معرفش استمتع بيها باردة ابدا

هاتفك يرن هل ستجيب عليه؟
لو سمحتيلى
أأنت من الأشخاص الذين يضعون هواتفهم على
الوضع الصامت أثناء تلبيتهم دعوة كهذهأم تتركه على الوضع العـآم ؟
لا على الوضع العام افرضى جوزى اتصل يبقى كويس يعنى ويعملى قضية وكمان انا بضايق لما اتصل على حد ويرن وما يردش عندى هسهس وبقلق واعد اتخيل جميع الكوارث اللى فى الدنيا

هل تهتم بأمر التَجمع على القهوة أو الطعام؟؟
على الطعام اه انما القهوة لا عادى

هل سبق لك وتعرضت للسرقة ؟
اه بس سرقة بمزاجى اتنصب عليا مش فى حاجة كبيرة بس تم استغلالى بس ده كان زمان دلوقتى بقيت اروبة

هل تعرضت لصدمة في حياتك ؟ وما هي ؟
اه ،خطيبى الاولانى خانى

إذا استعرضنا معـــــًا أجمل محطاتك في :
الطفولة ، السفر ،الدراسة
فماذا سنجد في جعبتك من مواقف
لم تزل قائمة في الذاكرة؟

اه انا كنت بتدرب تايكندو فى الجامعة وكنت فى منتخب الجامعة اول مرة طلعت بطولة فطبعا مليش اى خبرة ودخلت اللى قصادى بطلة منتخب مصر وشاركت فى اولمبياد اثينا وان حد يقوللى لا سابونى على عمايا ودخلت اخدت العلقة التمام وطلعت وكل زمايلى كانوا عارفين وحتى الكابتن والخونة محدش فيهم قاللى

آيه قرآنية تجعلها دائماً نصب عينيك؟
(بسم الله الرحمن الرحيم :وماتدرى نفس ماذا تكسب غدا وماتدرى نفس بأى أرض تموت)اعشق هذه الاية

الغربة والوطن في نظرك .. ماذا تعنيان ؟
الغربة يمكن احيانا تكون باب رزق او ساعات من باب ان السفر له سبع فوايد اما الوطن لا مصر بالنسبة ليا عشق خاص بيملى قلبى احيانا ممكن اشتمها او اتضايق من عيوبها بس متحملش نسمة هوا عليها ولا اتحمل ان غريب ينطق بكلمة عليها

سمه تعتز بها كثيرا في شخصيتك؟
مش غرور والله بس رغم انى عصبية بس قلبى طيب وبصفى بسرعة

هروب الكلمات من مخيلتك عندما تكون
في أمس الحاجة لها كيف تعالجها..؟
ولا حاجة بقعد اتخيل الموقف هيحصل ازاى عشان استعد والموقف بيحصل وبقف زى الخرسا عادى يعنى

ماهي التجربــه التـي تتمنــى تكـــرارها؟

تمرين التايكندو وايامه

ما هي التجربة التي خضتها ولا تتمنى أن تتكرر؟؟
حالة نفسية سيئة للغاية بعد فسخ خطوبتى الاولى انما الحقيقة كانت تجربة مفيدة للغاية وحسنت من شخصيتى كتيييييير

رأيك بمنتدى ليلاس مميزاته وعيوبة ؟؟؟

مميزاته انه متنفس حلو جدا للكتابات سواء مبدعة او لا ووجود ناس بتشجع اما عيوبه شئ بيضايقنى القصص غير المكتملة لحين عودة اصحابها ارى انه من المفترض على قدر المستطاع ان الكاتب يقدم قصته كاملة لانه احيانا بيوصل لمرحلة تشويق ويقف وده بيضايقنى كقارئة

ما هو اقصى حد من التهور كنت قد فعلته بحياتك..
مشيت فى المظاهرات وانا فى تالتة ثانوى


( إحترس ممن تودد إليك ، وقد كان من عادته خصومتك )
هل تؤمن بهذه العبارة...؟ولماذا..؟
|

طبعا اذا كان من طبعه الخصومة يبقى اكيد الموضوع فيه ان بس انا عادة بعمل فيها حريصة هانم وبقع فى الفخ

هل تهتم بِـ امرالتحلية مع القهوة أو بدونها ؟
وماهي افضل انواع الحلويات لديك؟؟

طبعا كيك تلاقينى بسكوت تلاقينى ويا سلام لو قطعة جاتوه اكون شاكرة والله

مبلغ الفاتورة ( .... )
هل تفضلت مشكور بدفعها .. لأني لا أملك المال ؟


هتضايق بصراحة بس لو معايا مش هتاخر اما بقى لو كنت مفلسة ومش معايا هاخد حضرتك بهدوء على مطبخ المكان ونغسل اطباق بتمن الفاتورة

مشكورة جدا لتانى مرة انك دعتينى لشرب القهوة معاكى بجد كنت مستمتعة الى لقاءات اخرى ان شاء الله

منوره شخصيتك عسل اختي اذا ممكن تدعين احد لشرب القهوه معاك


تم الإرسال بواسطة iPhone بإستخدام Tapatalk