مساء التفاؤل..
مساء ينير طريق الغـد فنرى الأفضل دائماً.
ضمضم سلمت انآملك

قائد
تعاملها بمثل ما معاملتك كنت آخر اهتماماتها وركنها لك على الرف
جأ وقت تكون هي فيه المركونه
مع أني ضد التحجير بس هو من حرته سوى اللي سواه
حس بقهر وأنها فظلت عليه درستها وهو لسان حاله يقول خلي اللي فضلتيه علي ينفعك
ساقها للشيب وماقصر بس موب لوحدها هو بعد راح عمره معها ليش طيب كأنك تعاقب نفسك كذا أحلى سنين عمرك راحت وانت جالس بدون زواج ولا عيال
كنت تقدر تتزوج معقوله ان حبك لها هو اللي ماخلاك تقدم على الخطوه هذه
تدخل حاتم في الموضوع ياترى بخليك تتحرك وتتقدم لها خاصه ان الكل بدا يضغط عليك
وإذا تزوجتها بيصفى قلبك لها وإلا بس راح يكون زواجك منها بس إرضاء لأهلك

الجموح
الدكتوراه بتوصلك لرئسة القسم بس سلبت منك العيش مثل أي أنثى
استمتعت بـ القائك للمحاضره خاصه أني من عشاق التاريخ
وتحسرت على حضارة ضيعت بأيدي من استهتر بالحكم

أذا فرضنا ان قائد وافق انه يرجع يتقدم لك بتوافقين وإلا انت عنيده وبترفضين انت المره هذه
بس اهلك راح يوقوفون ضدك المره هذه وافق المره هذه وراح عمرك

حاتم
زي ماتوقعت انه يحب الثريا
بس ليش كاتم الحب هذا في قلبه إلا كان ناوي يخطبها إذا رجع من السفر بس تزوجت وقت ماكان برا
وحاتم شخصيه غامضه ماحد يعرف عنه أي شئ ماتكلم عن حبه لاحد حتى اقرب الناس له الجموح ماتدري عنه
وهذه هي نتيجة الكتمان راحت لواحد ما عرف قيمة الثريا من الأول لمحت حتى لما عرفت عن خطبه ثانيه موب ناوي تتحرك
ليش أحس ان قائد حاس ان حاتم يحب الثريا ويبيه يتحرك

الثريا
انت تبين تتغيرين عشان ما احد يلوم عليك إذا شافوك وتكميل الدراسه من انجح التغيرات
جو الدراسه بغيرك وبتلاقين لك اهتمامات ثانيه غير التفكير في فهد
وصديقتك الغداره

العم كايد
ياكبر حبك لنوف تفز تصيح لها
الطاهر هذا اللي يسمى بالشغف أعلى درجات الحب
ماهر
شفقتك عليها هي حاسه فيها وانت ظلمة نفسك وظلمتها بالزواج
عمر الإحساس بالذنب ومحاولة التعويض ماراح تخليك تحبها وانت في قرارتك نفسك موب مقتنع بالبنت
هي عرفه الشئ هذا وأكيد مقدره لك تضحيتك بس بعد تبي الحب
وحب زوجها ما طلبت مستحيل

بطله بكرتونها
راحت عليك هموسه بس أكيد ام اليزيد في جعبتها واحد لك
ياترى راح تكون منافسه لجموح على قايد

ضمضم وقت البارتات تعودنا عليها من أيام بعض العيون
فانا أشوف الاستمرار عليها إذا هذا يريحيك

ضمضم شكرًا ولا تكفي

~

مسآء الخير ..!

~

حب مكشوف..وآضح..مآ يخفى على أحد..إلا اللي يحآول يغض بصرهـ عنه..
الثريآ..!!
معقوله..تجاهلتي إن هالروآيه تحكي وآقع يخصك..!
وآقع مزجه حآتم بخيآله..حتى يخفي الحقيقه...لكنّها وآضحه..
وآضحه بوضوح الشمس...!
أستغرب..
قائد والجموح ونجد..وكل من عرف حاتم والثريآ..وقرأ هالروايه..
معقوله ما استنتج..!!
قآئد يمكن يكون عارف من قبل..ومنتظر الوقت المناسب للكلام..
بس...الجموح...نجد...!!
!!!

قائد يمكن استقصد يتكلم عن موضوع الثريا لحاتم...حتى يتحرك ويتخذ موقف
سريع..
وحآتم..ردّها له...وفي الصميم...!
وبكذا..بيتغاضى قائد عن الموضوع حتى يحل قضيته..
واللي قربت كثير من أنها تنحل..

~
مآهر ودانه.......!!

الكلمآت القاسيه اللي نطقها ماهر راح تبقى بذهنها..
لأنها جسدت وآقع..
..
فعلاً...لو كآنت واثقه من نفسها..كآن تغير الحال..
لكن....!
وماهر بيظل باله مشغول..وتأنيب الضمير يتزايد عنده..
والأكيد...إن كلامه..ماراح يمر مرور الكلام عليهم الاثنين..!

~
تعجبني علاقة الجموح بطالباتها..
وبصراحه..
عندنا دايم المعلمة أو الدكتورة أعلى من الطالبة في كل شيء..
وما ترضى بأنها تكون مساويه للطالبه في أي شيء ..
وهذا اللي يسبب الفجوه دائماً بين الطلاب وأساتذتهم..!
يعني التواضع ميزه .. ندر من يملكها من الأشخاص اللي قابلتهم..
ولو كآن الكل يتعامل بمثل تعامل الجموح..كآن ( حنا بخير )
حتى طريقتها في تأديب الطالبات وردعهم جداً مهذبه..
ولو لاحظنا...فهذي المشكله هي اللي يشتكون منها طالباتنا..
وهي العقاب القآسي...
فـ لو جينا على مستوى المدارس..لاحظنا أن أول قرار يتخذونه..
إستدعاء ولي الأمر..وهذا اللي يسبب ضغط على الطالبه..
وبالجامعات..
مجلس تأديبي...وفصل لمدة معينه..!!

الله المستعآن ...

~
العم كآيد...

والله يعجبوني شيبانا لا صاروا خفيفين دم مثله..
يضرب من تحت الحزآم ووجهه مبتسم وما كأنه سوى شيء..

~

من ناحية قضية التحجير...
أنا أشوفها مازالت منتشره...رغم إنها قلت عن السابق..
بس إلى الآن ما انعدم وجودها..!
وبعدين فيه أكثر من طريقه للتحجير..
إمّا يحجرها وهي صغيره..
أو
بعد ما تصبح في سن الزوآج..
أو
لمّا يتقدم أحد لخطبتها..
^ وهذا أسوء الانواع...لأن البنت في هالحاله بتظن إنه مافكر فيها إلا بعد ماخطبت..
يعني ما كانت رغبه منه في البدايه....!

وأحياناً..
الأب نفسه...لمّا يتقدم أحد لبنته..
يبلغ عيال عمها..وكأنه جالس يعرضها عليهم..
إن بغوها وإلا زوجها..
وهذي بعد طريقة مهينه وبقوه للبنت..

وفيه نآس تزوجوآ بهالطرق...وأفلحوآ...
وفيه نآس تزوجوآ..بس بقي ما أفلحوآ..
ويمكن يكونون أبطالنا من النوع الأول حالياً..
ومن النوع الثآني..مستقبلاً..

~
ضمضم...
والله عجزت أدور كلمه توصف إعجابي بكتاباتك...!
تميزتي كثير عن بقية الكاتبات..بميزتين..

الأولى / إختصآرك لتعابير الأشخاص..أو لأحاديث النفس..بكلمآت بسيطه
قويه ومعبره..وتختصر مليون جمله في جمله وحده...

والثآنيه / إنتقالك السريع بين الأحدآث والمواقف والأشخآص..
وهذا يسرع من رتم الروايه...ويمنع الملل عنها...

والشهاده لله...هذي الميزآت..ماشفتها في أحد قبلك...

~

دمتي ياجميلة بجمآل قلمك..
ويوم الإثنين يتجدد لقائنا..

~

ماصدقت عنوني وأن اشوف اسمك تحت ثرثرة موجعه والحقيقه لم ابدأ بقراءتها بشكل جاد حتى الآن بس حجزت لها مكان

وواضح عليها حلوه من مقدمة القصه حيث حكاية العم كايد وحبه لنوف

وقايد والجموح وماهر ودانه والثريا وحاتم

المهم مكاني محجوز لأحد يقعد فيه
وعلى فكره كني فاقده طيوفه الله يحفظها

السلام عليكم ورحمه الله
كالعاده ضمضومتي مبدعه مدري شقول اليوم
اول شي بتكلم عن الشعر باسلوب ضمضم ياهو شي يبرد الخاطر
انتقائك مميز بشكل مو طبيعي ام اليزيد
والفاصل كنه يحكي اختصار ات لو لميناهم كونو لنا حكايه غير
اليوم لفتني شيئينن باسلوبك ضمضم
قصه داخل اسوار قصه كانت ذي انطباعي عن الاسطر اللي قراتهم الثريا
وكانت اختصار لوجع عمر لحاتم وحكايت (دلاخه لثريا
خارج النص ثريا وش تحسين فيه وانتي تتبنين فكرة ان الروايات مضيعه للوقت ما تحسين انك تسبين الاسد داخل اسواره
عصبت النوفي من هالحركه يعني الناس المصففين قدامك وراسمين على صدورهم وشم عشق الروايات
مايكفي يالخبل انك خلقه رافعه ضغطي باختيارك العقيم لفهيد الخاين خصوصا بعد ماعرفنا انه حاتم كان حاطك بقلبه
بس بعد ماتنلامين وش تسوين اذا الكاتب الرقيق متبني الرومانسيه بكتاباته وواقعه جاف عرف كيف يصوغ اسطر بورق وماعرف كيف ينطق ولو بعد فوات الاولان تكفى ياقايد مابيها تضيع مني مره ثانيه لا والاخ عامل فيها مصلح اسري يبي يقنع قايد يرجعهم ).

*********
انطباعي الثاني ان الاخت ضمضم شكلها دارسه تاريخ وحضاره واظن اغلب القارئات الفذات اللي مثلي يضيعون
ومايدرون وش القصه لين نوصل لاختصار جموح لطالباتها ياخي مالنا ذنب اذا تخصصاتنا ماث وفيزيا وكيميا
يعني بجد تعطيني درس اجباري بالمجان مع انه عجبني واول مره اهتم بسالفه الزهراء والدمقراطيه والناصر والهنود واحتلال الانجليز لهم ياشيخه حدي فيثاغورس ونظرياته وتخب علي ****
************
الزين دبا ياللهول ليه يارهان اقنعتني بالفكره الحولا ذي
كنت متخيلتها بيبي فيس ورشيقه والذي منه والشعر كيرلي قبلناه بس الشوكلا والثلاجه هذا شي غريب مدري ليه اليوم
جاني هاجس انه رهان بعد الشورت ابو قلوب والسفره للخارج بتنقلب حياته يمكن ياخذ اجنبيه
والا بيسجنونه وماظنتي الارهاب له دخل والا ذا الداج ماشكله راعي تاثير وتلبسه تهمه الارهاب بالغرب
خصوصا ان الارهابي عندهم معناه اسلام التزام لحيه
*********
قايد وجموح وتفكيره فيها وضح فكرتي من البدايه فقط عناد في عناد مش رفض
يعني الاثنين حابين بعض وحياتهم البائسه فقط معاند في معاند
ماكانه العمر اللي بيقضونه في العناد محسوب بحساب الايام
دانه وماهر وجع مابعده وجع ياماهر راح يجي اليوم اللي تتخلص الدانه من الثقه الناقصه وحبك معه
ذاك اليوم اللي بتكتشف انك مجرد عاشق تشربت الحب مع كل لحظه شفقه على دانه
ردك موجع يا ماهر موجع

مبدعه ضمضم كالعاده وانتظرك كالمعتاد
واوقات التنزيل بكيفك
بس المعتاد حلوووووووووو وحنا حبيناه

صباح الورد على ضمضم ومتابعاتها

بارت رائع ودفعه قويه با الاحداث ومكاشفه لمشاعر الابطال

حاتم والحبيبه المجهوله الي كانت قريبه وابعدت فجاءه بدون سابق انذار

كشفت اليوم ردات فعله انها الثريا لكن اذا هو يبيها وبنت عمه ليش فرط فيها

وتركها لغيره ؟؟!

اتمنى ان حاتم يقدم على خطبة ثريا ولايتردد وتروح عليه ثم عاد يردد ياليت الي جرى ماكان

ثريا واخبار فهد وياماراح تسمع من عدو وصديق

مافي شك ان طعنة فهد مميته لكن صار الي صار وش عاد الحسايف تنفع

لكن تبقى شماتة الشامتين وهذي مثل الي ينثر على الجروح ملح

لا والله ماهو ملح الا الملح ارحم ينثرون تـــــايـــد علشان يستمتعون با التعذيب اكثر

الاصدقاء يبون يهونون الموضوع ويتفهونه علشان مايشوفون الانكسار بعيونك

لكن تظل النار ماتحرق غير رجل واطيه


الدانه ماحبيت منها جلدها لنفسها با اعاقتها

ماهر رضى فيك خلاص وش له تعذبين نفسك واذا كان سبب في الي صارلك

هذا هو تزوجك ولاحسسك بيوم بلي انتي تتهربين منه

عيشي حياتك وحاولي تكونين اسره وانتي بنعمه شوفي غيرك ومعاناته ترضين على وضعك

اما انك بالطالعه والنازله دق براس ماهر مصير الرجال بيمل ويطفش منك

وعض الاصابع عقبها مايهون وجيعه

الرياجل مافي اسرع من نسيانهم لنا لو بيلقى من يتلقاه غيرك

نفضك ونساك عايشي وضعك وخليك اقوى من ظروفك

والله هو تسبب بحادثك وتزوجك اعتبريه تعويض لك

وعيشي حياتك بمايرضى الله

محد جبر ماهر على الزواج منك برضاه واختياره وموافقتك

واتركي عنك التدقيق بكل شي لو كل زوجه دققت ورى زوجها

كان ماشفتي بيت عامر


قائد ماحبيت اسمك بس وش نسوي بضمضم معجبها

انت مثل الدكتور الجراح يعالج مشرطه كل من يحتاج له

الا نفسه قاصره ايديه عن علاجها

الي سوته الجموح كبيره بحقك تتركك بعد ماحددت موعد زواجكم

مع انك كنت موافق على دراستها يعني مافي عوائق حقيقيه وفي بدائل لدراستها واتعبت المراسيل لها عداك العيب

بالمقابل اعمامك وقفوا حالها بعد تخرجها علشانك انتي وهي كلن اخذ حقه من الثاني

والحين حاتم حط الكوره في ملعبك وجاتك الفرصه انك تتزوجها او تتركها بحال سبيلها

وكلن عسى الله يسعده في طريقه

الجموح اعجبني ضمضم الغوص بتخصص جوجو وكمية المعلومات الي طرحتيها من خلال تخصص الجموح

المنصب الوظيفي وحصلتي الي تبينه

اتركك من المكابر وتعوذي الشيطان خوذي ولد عمك

اليوم تعدين البياض والسنين تركض

لايجي يوم تعدين السواد


الشايب كايد ياربي نعوذبك من ارذل العمر

ذكرني با انسانه عزيزه علي تقول يارب احفظ عقولنا من الزهايمر يقولون الواحد يهذري بلي كان يسويه في اول حياته

بمراهقتها تقول مابقى فنان والا شاعر مزيون في مجله الا وقصيت صوره وتجميع يادافع البلا ما ادري وش ابي فيهن

الله يستر اذا خرفت وش بسوي !

قلت انتي مالتس حل ان وصلتي الي ها المرحله وخرفتي

الا اعيالتس يحبسونتس بغرفه ويكثرون عندتس الجرايد والمجلات

وانتي عاد شوفي شغلتس لا تفضحينهم قص ولزق بالحالك لايشوفك احد ..


مسألة التحيير عندي تعقيب بسيط

زميل زوجي متزوج ثنتين >>نسمع ونسلم

حضرو مناسبه وسألتهم وحده انتو خوات قالوا لا احنا ضراير

الكل استغرب من شدة الشبه الي بينهم وتقارب اعمارهن وسألوهم

قالوا احنا بنات عم ومتزوجات ولد عمنا بالتحيار

المشكله ان عندهم اطفال تعبانين الله يشفيهم احتمال تكون امراض وراثيه

زوجهن من ذوي الشهادات العاليه ودارس بالخارج

وزوجاته الثنتين غير متعلمات

كثير من العادات والتقاليد غصب طيب تخضعنا لها حتى لو فيها ضرر علينا


لــ حاتم

قلبي على سيرة الماضي يرجّعني
وانا احسب إني على النسيان طوّعته

حاولت اصدّه وعيّا لايطاوعني
يكفخ بجوف الحنايا , لين طاوعته



با انتظارك ابداعك ضمضم