السلام عليكم و رحمة الله و بركاته

صباح الخير و المغفره يارب

ابداع يا ام اليزيد .. ثرثره راقيه تتشربها الروح بكل هدوء .. ربي يعطيج الف عافيه ...



قايد ... اي عناد فيك يا قايد و لا هذا الحب وما يسوي ؟ قايد وراه شيء و لا راضي

يتمم زواجه و انا واثقه مليون بالميه انه يقدر يجبر الجموح و توافق بس هو في

باله شيء و حاب انه يسويه او انه حاب تكون موافقة الجموح من طيب خاطر و لا

يحب يكسرها فوق اللي سواه او يمكن شيء خفي بعده ما انكشف لنا و لا ليش

رفض طلب امه و هو عارف انه بعد هالعمر له و للجموح لا عمه و لا اخوانها بيردونه ؟؟؟



الجموح ... ما اعند من قايد الا هي و لا ليش ترفض ولد عمها رفض دراستها ؟؟؟

هذي هي درست و صارت اللي تتمنى ليش بعده هالرفض و لا بتصير الند للقايد

و مثل ما يعند فيها تعند فيه و تبي تكسر كلمته او انه ماهي هاينه عليها نفسها

تتزوج بهالطريقه و هي مجبوره و عندي احساس انها تجهل هي وش للقايد و تعتقد

انه ما يبيبها الا عناد و كسر رأس !...

تعجبني الجموح الدكتوره رقي في التعامل قليل نلاقي مثلها الاغلب فيهم غرور و

كان الطالبات و لا شيء عندهم الا من رحم ربي منهم ...



الزين ... هالبتت على الرغم من طفولتها و هبالها بس عقلها يوزن بلد لا بغت و تعرف

تصق حكي ما ينخاف عليها ابد " بس عندي احساس انه الشله اللي تماشيهم يكيدون

لها بشيء و الله يستر لا يحولها من شخص لشخص :؛،

تدرين ام اليزيد من كلام الزين عن قايد و نظرته لها حسيت انها ممكن تكون هي مكان

الجموح و بتزوجها اتوقع كل سيء جايز *-* بس ما اتمنى هالشيء ابد ...



الثريا ... يا وجع القلب ضربتين بالراس توجع و توجع حيل !!!

خيانه زوج و خيانه صديقه من كلامها قالت انها كانت تمدح صديقتها عند فهد

يمكن ابتعدت عن الوصف بس اسهبت في وصف الذات و الافعال و يمكن هالشيء

حبب فهد فيها و حب يجرب او العكس و انه هالصديقه دامها بهالعمر و ما تزوجت

و لقت فهد صيده دسمه و مغريه و من كلام الثريا حلا بعينها يامال عينها البط *-* ...



نجد ... يا طيبها تقول انها قست بس ما اشوف الا طيبه و حنيع يمكن تكون لبوة

لما احد يقرب لعيالها و اهلها و ما تنلام ايتام و ربي بيسالها عنهم " نجد و رفضها

للمعرس اكيد صعب عليها واحد يكون مكان ابو عيالها و حاى العيال ما راح يحبون

هالفكره و صعب عليهم بس لو خطبها احد ثاني و ام محمد درت عنه اتوقع راح

تجبرها عشان نفسها و عشان عيالها و اتوقع يكون حاتم ...



حاتم ... سنين الدراسه ذكرى سوده بحياته اتوقع لانه قايد زعلان منه و انه هالصداقه

بينهم راحت و ما عادوا مثل اول انبى ببنهم حاجز او عشان شيء ثاني و اتوقع انه

بسبب دراسته تزوجت نجد هذا اذا كان زواجها بعد سفرتهم ...



رهان ... مدري احساس امه صادق او مجرد خوف من الغربه و بامريكا بلد ما

يصدقون الشاره على المسلمين الله يستر عليه ...



سلمتي يارب

.........

مسآء الإحتيآج ..
لِ عونه .. توفيقه .. وَرضآه ..

سلمت انآمل تخط الإبداع*

ثوثرة اليوم كشف لنا جوانب من الشخصيات

قائد
عناد انت مأخذ المسأله زي ما قالت امك لم كسرت كلمتك تحديتها انك بتطلع الشيب في راسها وهذا اللي بدا يصير*
دامك تحبها وتبيها ليش تقول كم سنه وتجي في بيتك
كنت أتوقع انها رافضه الزواج منك في البدايه بس الواضح أنكم كنتم مخطوبين و ما باقي الا تحديد الزواج وجأت سفرتها وعنادها لك وعنادك لها
هي كانت ناويه السفر من الاول والا بس تشجعت لما شافت اخوها بيسافر
انت عادل مع الكل وحنون بس تجي عند الجموح ويتغير كل شئ
إصرار والدتك على زواجك بيعجل فيه مهما حاولت تأخره

الجموح
هو سكت والتزم الصمت وش كنت تبين منه يسوي يحارب عشان ما تسافرين*
استخدم معك اسلوب التحدي البارد جداً*
حجر عليك وتركك للزمان عارف ان المرأة يأثر الزمن عليها عكس الرجال
اذا تقدم لك ثانيه راح توافقين والا بتأخذين المسأله عناد*
انت إنسانه أعقل من كذا بكثير
اذا سمع كلام امه ورجع لخطبتك ارضي فيه وذوقيه من كاس الحرمان اللي عيشك فيه

تعامل الجموح مع طالباتها تعامل راقي جداً*
بس فيه ناس ما تقدر التعامل هذا*
بالفعل كان زمان مكتوب كاد المعلم يكون رسولا
ام الوقت هذا ابد مافيه احترام

رهان*
وقصة سفر جديده*
ليش عندي إحساس ان بيصير له شئ هناك وقائد بيكون له دور في حل المشكله

الزين
صدق لاتكبر كل بيت بحاجه لوحده زي الزين تعطي البيت حياة وجو غير

الثريا
لازم يعرف انك ثريا وصعب الوصول لها زي ما فرط فيها
زي ماقلتي يمكن كلامك عنه قدامه زينه في عينها ورسمت عليه
انت غلطتي في الشئ هذا كنتي على نيتك صديقه وتكلم صديقتها عن زوجها بس نسيتي انها ما تزوجت وأكيد بتطمع في انسان محب رومنسي هذه من جهتها بس هو وش كان ناقصه عشان يدور غير الثريا
مهما كانت حجته ما يطعن زوجته ويتزوج صديقتها

نجد
وفاء واحترام تحملها هذه المرأه
أحبت زوج فـ وفت له بعد موته له أحبت زوج *فـ احترمت امه وأخواته مع مساؤى أخواته وتطاولهم عليها*

حاتم
يحمل عشق قديم*
ليش جأ في بالي انه يحب الثريا وتزوجت غيره وهو مسافر

تسلم يمينك ضمضم عالبارت


ضمضم ارجوك لايصير لرهان شي هو ملح الروايه مع روحه الفكاهيه


والباقي توقعاتي لهم ماتغيرت


انتظر بكره على احر من الجمر يالغاليه

السلام عليكم ورحمه الله وبركاته
تدرين ضمضم والله مش عارفه وين ابداء
لي فوق الست شهور ماكتبت تعليق على قصه بوحي الاعضاء
ومو قصور بالموجود بس صعووبه بالذوووق
قبل ايام شفت الثرثره
وبديت اقراء واتشرب المضمون والصيغه والمؤثرات
ولقيتني اشرق بروعه المكتوووب
رائعه مثل عهدي فيك ام اليزيد
بدايه بالجموح وقائد اللي كانو عمق جديد لشي قديم
للوهله الاولى كنت اعتقده عاشق خاطب وهي رافضته
لكن اليوم بديت اتشتت يمكن هو ماجل العرس انتقام لعصيان وعناد
لقيت حديثها مع الزين يدعم فكرتي الاوليه
اقنعت نفسي اني محصوره بين جبلين شاهقين كل واحد يرفض يغض النظر للوادي
مبدعه مبدعه وانتظر باقي الابداع
*****
ثريا وفهد وخيانه ليست ككل الخيانات
سكين غدر يغرز بالظهر ويخترق وريد القلب
حبيب وصديه عمر وجع صعب نسيانه وجرح ماظنتي له برا
الا بالكي
وايه يالثريا اكوي ثم اكوي ثم اكوي
*******
الزين وعالم ثاني متبلبله بين رفقه سوء في نظر الاهل
وبراءه قلب ونظافه فكر وين بيوديك الدلع يالزين
الله يستر من تاليها
*****
نجد وذكرا حبيب رحل واهله امه الطيبه وخواته الظالمات
الى اين اتوقع بيكون للحديث بقيه وبتلقا الحياه والحب من جديد
ويمكن تعيد التجربه وليش مايكون حاتم هو العاشق اللي سافر مع اخته
رجع لقى حبيبته نجد متزوجه وكوى جرحه
بس موت محمد فتح باب الامل من جديد
**********
رائعه القصه ضمضم وانتظرها بفارغ الصبر
***********
اللهم امين يام اليزيد اللهم البس والدتي حبيبتينا ام الوليد وهتووون
ثيابا سندس خضر واستبرق



همسه لاموله
اه يالقهر سبقتيني بتوقع حب حاتم للثريا
مع اني توقعته لنجد بس ماقريته الا بعد ردي
برافووو عليك ياقمر

صباح الخير ........تسلم لنا الانامل الحلوة ........ثرثرة رائعة جدا وضحت لنا بعض الامور وصححت لنا بعض النقاط الي يمكن حكمنا عليها من منظور غلط ...

كايد ونوف

يعني ربي رزق نوف بخمسة وكلهم ماتو ومابقى منهم احد ......تمنيت يكون في لو واحد من عيالها ...بشوف تعامل كايد معاه هل بيحبه من حب امه وحسرته عليها ولا بيحقد عليه لانو هالولد المفروض يكون ولده ....بس الظاهر انو نوف مجرد ذكرى عابرة كل ماجا بخاطر كايد بيذكرنا فيها ....
بس الي سواه بحق نفسه ظلم يحرم نفسه مما حلله رب العالمين ويقطع نسله حتى لو كان عاشق لو تزوج مايمنع انو يتعامل مع زوجته بود واحترام ويجيب له ذرية تنسيه نوف وعذابها

نوف رفضت القريب والي تعرفه وتزوجت برغبتها غريب ماعرفته وهو ماقصر بتعذيبها يعني لاقبل الزواج ارتاحت ولا بعده واعتقد انها تعمدت ماتخبر احد عن الي يصير معاها حتى لاتشمت احد فيها بسبب عنادها واختيارها


قايد وجموح

عرفنا انو كان ناوي يملك عليها ومحدد الزواج بس هي عاندت وفضلت السفر على الزواج ......طيب هي من الاول كانت تحلم بالسفر والدراسة ولا لانو قايد حدد الملكة والزواج بدون ماياخذون رايها يعني هي كانت تبغي قايد بس ماتبغي يتحدد شي يخصها بدون مايكون لها راي لذلك اخذت الدراسة حجة ولا هي تقدر تكملها وهي ببلدها ومتزوجة مااعتقد قايد بيحرمها من حقها في الدراسة .......

وهو بعد دامها تركتها كان خلاها تروح ورى اختيارها وهو شاف حياته الي خلق جموح خلق مليون غيرها يعني الي سواه والي قاعد يسويه مفرحه طبعا لا وضامن انها بتوافق عليه لو شاب شعرها بعد لا ........مثل ماهو معند هي اعند منه .......

ولو تزوجها بعد كم سنة وهي كبيرة هل بيحقق حلمه وبيعيش سعيد ابد يمكن يتزوجها بس جموح راح تحمله مسؤلية حرمانها من الامومة وخصوصا انو الوحدة كل ماكبرت بالعمر فرص حملها تقل والطفل يمكن ينولد بمشاكل صحية هل هذا الي يبغيه بعد هالصبر قطع نسله او يشوف عياله ينولدون ومايعيشون او في علة اجل وين السعادة الي منتظرها

هذا وهو مثقف ومتعلم وعارف انو الي يسويه مايجوز بس العتب مو عليه على ابو البنت التحجير مايمنعه يزوج بنته ولا في قانون ولا دين يحرم تزويج البنت المحجرة بيقول كلام الناس شفايدة كلام الناس يوم بنته تموت بحسرتها وتحط اللوم عليه ولا تسامحه لانو حرمها من حياتها وامومتها ....

وخصوصا انو هي ماسافرت الا بموافقته مستحيل بتعاند ابوها وبتسافر بدون رضاه ......يااما زوجها ورفض سفرها او حط عند كايد خبر انو مستحيل يحرم بنته من الزواج لو رفضته وخطبها غيره ورضت فيه ........اما العناد والتحدي هذا مو اسلوب ناس عاقلة .......

لازم احد يوقف هالمهزلة اذا مايقدر العم يرفض التحجير يسوي عزيمة ويجمع فيها الرجاجيل وقايد بينهم ويخيره قدام الجماعة اما يملك على بنت عمه ويتزوجها في مدة قصيرة والا ماله حق يطالب فيها بعد رفضه للملكة وبيزوجها اي رجال غيره ...يحط الاثنين امام الامر الواقع ويجبرهم على الزواج بدل مايضيع عمرهم على انتقام تافه


ام قايد

فهمنا موقفها الحين والي ماترضاه لبناتها ماترضاه لبنات الناس بس لازم ماتسكت بعد اليوم وتتصرف ........سكتت سنين وهي شايفة يباست راس ولدها ...لازم الكبار يتخذون قرار حاسم يايتزوج الجموح يايتركها تتزوج وهو عمره ماتزوج


اما جموح الثانية ليش ماتكون لبقة وراقية بتصرفاتها مع الكل .......يعني فعلا كلام الزين صحيح قايد ممكن يتزوج الي اجمل منها واصغر منها ويجيه عيال ......وهي تظل مكانها عمرها يروح وماعاد احد يدق بابها ...وهذا الي ناوي عليه قايد علشان يكسرها ..........حلو الطموح بس شفايدة الشهادة اذا بتحرمها من اجمل حياة واجمل مشاعر زوج محب واطفال تعيش امومتها وفرحتها .......ولو فعلا قايد تزوج بعد سفرها بدون لايحجرها هل بتتزوج وبتكون فعلا سعيدة وهي مازالت لليوم محتفظة بصورته يعني الظاهر غير الباطن الي مخفيته مهما كابرت ......ولو يفك تحجيرها ويروح يتزوج غيرها كان انهارت على خسارته وبتحس انو شهادتها ماتسوى انها تضحي بالزوج الي تتمناها داخلها


ثريا

ياقلبي على معاناتها للاسف قصة الثريا مكررة كثير بيننا اعرف اكثر من وحدة نفس قصة ثريا يتزوج صديقتها بعضهم يرضخو للعيش مع ضرة وفي نفس البيت علشان لاتتطلق والبعض كرامتها تنتصر وترفض وتفضل الطلاق ..واذا كانت ثريا انطعنت بصديقتها الخبيثة في الي تنطعن بأختها بنت امها وابوها وهي الي تفرقها عن زوجها وتحل محلها ياقسوة القلوب اعوذ بالله هالزمن ماعد الوحدة تأمن وتكون حسنة النيا لابد من الحذر

وانا متأكدة من كلام ثريا انو زواج فهيد من رزانوه نزوة ومستحيل تعيش معاه نفس المدة الي عاشتها ثريا معاه ...وخصوصا انو هذيك بتكون مقلد لثريا من خلال المعلومات الي عرفتها بس لابد من اشياء خاصة مستحيل تكون تعرفها رزانوه ولا ثريا خبرتها فيها وهي لها اثر عند فهيد بيفقد هالشي وبيمل وبيصحى من سكرته غير كذا الي يتزوج بطريقة فهيد والخاينة مايدون الوفاق بينهم لانو الشك لازم يكون له دور في حياتهم مثل ماهي استمالته وماخجلت ولا صانت حب صديقتها بيجي اليوم الي زوجها الي تزوجته على حساب دمار انسانة ماضرتها مابيأمن لها ومثل ماطعن ثريا بيطعنها لانها ماعاشت معاه كثر ثريا

وانا بعد منتظرة اللحظة الي بيجي فيها هذاك ندمان بس مابيلاقي الي يسر خاطره وياليت يكون في مين خاطبها بنفس اللحظة وتعزمه على زواجها من الي يسواه وتحرق قلبه هذا اذا عنده قلب اصلا


باقي نعرف سبب كرهها لاهله واعتقد انهم مو كويسين معاها هل ممكن بسبب الحمل والعيال يعني تسع سنين عمر خالد وهي ماجابت غيره او كانت تحمل ومايثبت حملها ؟؟؟؟؟

خالد ضحية ابوه الاناني الي باع العشرة بسهولة وراح اخذ وحدة رخيصة ماتسوى الثريا الي كانت عنده ....مافكر بمصير ولده بكل برود جاي يخبرها انو بيتزوج وكأنو هالانسانة حجر مايحس .........وجود قايد واهتمامه فيه راح يصقل شخصيته وبيكون عون لامه في المستقبل


نجد

ياحبي لهالانسانة ربي يعوضها كل خير بس فعلا هي بتحتاج لسند غير قايد والزوج غير الاخو ........ماادري هل بتصبر وبتصمد بدون زواج وتحارب في سبيل حماية حقوق عيالها او بتنهار قوتها بسبب الضغوط وبترضخ لضعفها وبتتزوج لها رجال يسندها ويحمي معاها حقوق عيالها ..........ام محمد ربي رحمها بنجود والا كان ضاعت بسبب بناتها الهمج الي همهم فلوس عيال اخوهم


رهان

بما انو الكل متخوف من هالسفرة اعتقد انو ضنهم بيصدق وبيتعرض للكثير من المشاكل بس مابيعتمد على احد وبيقاتل في سبيل تحقيق حلمه .........رهان لاسمه نصيب كبير وبيراهن الكل على الشهادة الي ترفع الراس


الزين

حلو انو يكون في اهتمام باصغر شخص في البيت بس بعد الدلع وتلبية اي طلب راح يضرها ماينفعها لازم تتعلم تتعب في الحصول على الحاجة مو بسهولة تاخذها وخصوصا البنت يعني هي وراها زواج واهل زوج بالمستقبل اذا تعودت ببيت اهلها كل شي تلاقي عندها ماتبغي احد يقول لها كلمة ماتعجبها ولا يبدي رايه بس مطلوب المح والدلع هي الي بتتعب بحياتها لانها ماتضمن تلاقي زوجها نفس اخوانها هم يشوفوها صغيرة بس هو يشوفها كبيرة على حركات الدلع والزعل من اتفه الاسباب ...........يعني لاحرمان عاطفي ومادي وقساوة ولا افراط في الدلع


حاتم

ماعرفنا عمره هل هو قريب من عمر قايد او في فرق كبير ......ومااحسه مقرب جدا من قايد لدرجة انو يعرف اسرار وهذاك نفس الشي .......والا كان له دور في الي قاعد يسويه قايد بحق نفسه وحق اخته

مين الي كان يحمل لها مشاعر هل وحدة من بنات عمه ثريا او نجد والثنتين الان امهات بدون ازواج هل بتكون وحدة منهم الحبيبة القديمة والحبيبة في المستقبل .......او وحدة بعيدة جدا عنهم

وايش سبب عدم زواجه من حبيبته سواء وحدة من بنات عمه او غيرهم ......مازلنا ننتظر التعرف اكثر على شخصيته


في انتظار الثرثرة القادمة