صباح الورد والرياحين .......صباح كل ماهو جميل على ضمضم ومتابعيها .....ثرثرة مشبعة من جميع النواحي ...ومنوعة بالاحداث وشملت اغلب شخصياتنا ....تسلم ايدك لاخلا ولا عدم من ابداعك المستمر


الثريا وحاتم

تناقض بين مشاعر هالثنائي يعني حاتم مندفع بكل صدق وشفافية بمشاعره ..... بينما الثريا مكذبة لهالمشاعر ومجرد مسايرة لها لانها تبغي المركب يمشي وماتبغي حاتم يفكر بغيرها حتى لو ماتحبه

الثريا تأكد انها ماراح تحب حاتم ومابتعيد تجربتها الي قبل وبعدين تنطعن وترجع تنكسر من جديد لانه الضربة الجديدة راح تأثر اكثر من الاولى ..

الثريا حتى لو ماقرت ثرثرة حاتم السابقة وماعندها خلفية عن رواياته بعد مابتقتنع بحب حاتم لانها ماتعرف حاتم الا من خلال كلام الي حواليها غير كذا مابيخطر ببالها انو عاشق لها لانو مافي اي بوادر قديمة تثبت هالشي بالرغم لو انها دققت بتلاحظ اشياء قالها حاتم يمكن فهد ماعمره قالها لها او دقق فيها مثل الاثر الصغير الي حاتم متذكر تفاصيل وهو الشامة وموقعها الغير بارز للكل

بس هي مازالت بصدمتها الي افقدتها الكثير بس الحب اذا احتل القلب مانقدر نتحكم فيه وهالشي بتكتشفه الثريا بعدين انو حب حاتم غزى قلبها بدون ماتهيء نفسها وبيكون اضعاف مضاعفة لحب فهد

احس انو الثريا بتكون متخبطة بردات فعلها بعدين لانها قاست من شي اسمه ثقة عمياء من الزوج ومن الصديقة يعني على كلام حاتم عن الثريا وفتنتها والي احنا عرفناه من اطباعها كانت زوجة عاقلة وماينقصها شي فهيدان كيف شاف رزانوه وهو عنده هالفتنة وهذيك ماتملك الي تملكه الثريا لو قلنا جمال على عقل فارغ وسطحية كان عذرناه بس ماله عذر ابد وهو الي خرب حياته وعساه مايستمر مع العنز لانها ماتستحق الاستقرار دامها بنت حياتها بغدر وعدم مبالاة للانسانة الي فتحت لها بيتها ومابخلت عليها بشي ........اتمنى تشرب من نفس الكاس الي سقته للثريا وبيوم تندم على الي سوته وتكون عبرة لغيرها

وجود المعجبات بيكون واحد من الاسباب الي بتثير عصبية الثريا وتبدل تصرفاتها حاتم يمكن في البداية بيعتبره مبالغة او حب فرض راي بس بعدين بيوصل له الخوف الي متمكن من الثريا بسبب الي صار لها بيفهم انها ماعرفت انها المقصودة برواياته بيسعى لاثبات حبه لها بشكل مختلف وبيزرع فيها الثقة فيه انو لها ورفض غيرها حتى وهي متزوجه وفاقد الامل انها بتكون بيوم له

الجموح وقايد

الجموح كانت منتظرة التصريح الي سمعته من قايد بس بدون مايقوله لها وجها لوجه يمكن فقدت الامل بهالحب بعد ماسافرت وندمت بينها وبين نفسها على خطوتها بس ماحبت تعترف والي زاد خوفها واكد لها انو الحب راح هو تأخير اتمام الزواج بالاول لما كانو خواته يوصلو لها مشاعر قايد وشافت تلهفه للارتباط فيها اكد لها حبه بس لما حجر عليها ورجعت ماشافت منه اي خطوة ولا مبادرة ولا مراسيل مثل قبل بينما هي ظلت تحتفظ بحبها له لذلك الصورة كانت رفيقتها بالسفر وبعد الرجوع واعتقد انها بثت لها مخاوفها ومشاعرها الي داخلها

بس الجموح مثل ماهر عندهم قسوة بتصرفاتهم وجفاف حتى على نفسهم يعتبرو المصارحة بالمشاعر يمكن ضعف او استنقاص من قدرهم ......يبغو الاهتموام وكلمات الحب من الغير بينما هم بخيلين جدا فيها ومايعترفو بأهميتها يعني ياخذو بس مايعطو يروو تعطشهم بس ماعندهم استعداد يعطو غيرهم بالمثل

اعتقد ماراح تستمر هالهدنة بينهم والسبب قايد وعناده .......هو تعودنا منه فرض رغباته وكلامه على غيره مايتقبل اراء غيره مهما كانت صحتها ومهما كان يحبهم

اريج مااقتنعت فيها ولا ارتحت لها اول شي القضية الي جاية بترفعها ماتحتاج لجيتها شخصيا بمكتب مليان رجاجيل بدون محرم او طرف ثالث يتواجد بينها وبين قايد يعني وجودهم الاثنين بمكان مغلق شي غير مقبول

ليش ابوها ماجاء بنفسه رفع القضية اذا كان مريض او تعبان يقدر يطلب قايد يجي عنده مو عذر يترك بنته تدخل مكتب مليان رجال بدون محرم ولا ماتهمه زوجته وطريقة موتها

اريج وين اخوانها عنها او اي رجال بعيلتها يجي مكانها ولا ماحد محروق قلبه غيرها اعتقد لو بتروح لخوالها بتلاقي بينهم رجال يحضر بدالها وبيقوم بالمهمة

لو غضينا النظر عن حضورها الشخصي وايضا عن كشف الوجه المصافحة وملامسة رجال غريب عنها هل هذا بعد نعتبره حسن نية ......واذا هي ماتربت على ديننا ولا عاداتنا ولا همه هالامور لانها اكيد شايفة الحريم الي متواجدين بمجتمعنا ........قايد اي عذر سخيف في انو يصافحها بدون حاجز بين ايده وايدها اي احراج الي الاخ جاي يتكلم عنه الدين واوامر رب العالمين مافيها احراج تغضى عن الاختلاء معاها بمكتبه وبعد بالمصافحة اصلا مافيها شي لو اعتذر بطريقة لبقة ووضح الحكم الشرعي في هالشي علشان هالي تفتقر لهالشي تفهم وتنتبه لتصرفاتها هذا لو هي تفتقر لهالنقطة مع اني مااعتقد بس هي من الفئة الي تطنش ولا تهمها هالامور عايشة لدنيتها وماهمها اخرتها

بس الاخ قايد لو ملك الموت قبض روحه بعد هاللحظة وهالجلسة اي عذر بيقابل فيه ربه وايده تحمل لمسة حرمة اجنبيه هذا اذا ماحملت ريحة عطرها الدين مافي شي اسمه احراج حط منديل بين ايده وايدها وهي من نفسها بتخجل وبتفهم ومابتعيد التجربة

الاخت مابتكتفي بزيارات المكتب ولا الاتصال بوقت الدوام راح تتصل بأوقات غير لائقة وماهمها الرجال متزوج او غيره ....وهالشي كفيل انو يحرق دم الجموح وقايد مثل ما طنش امه من قبل وحرق دمها عادي يحرق دم الجموح الين يصير شي قوي لجموح يحسسه انو بيفقدها ساعتها بيختارها على هالاريج الي بتدور الاعذار علشان تقابله وتكلمه من رايي يسلم قضيتها لاي موظف عنده يكون تعاملها معاه وهو يكون متابع لها لانو القضية مو بذاك التعقيد المفرط ومنها يقطع على هالاريج اي تفكير ببالها

انا مستبعدة فكرة زواج قايد لو فزعة لغير الجموح ماراح تتكرر سالفة وصايف ولا الثريا وجود اريج لفتح قضايا جديدة غير الزواج والفزعة يعني مابتكون الثرثرة مركزة على الزواج الثاني وهي انطرحت في اكثر من موقف

نجد ومحمد


نجد بصراحة طولت المسألة وماصدقت انو ابو طلال يقول لها انو مابيفرض نفسه عليها هي خلاص ملزومة قدام ربها توفي بحقوق زوجها كاملة مو بس وقت مايزعل نطت عنده تطلب رضاه عليه قبل ينام ترى الرجال له احاسيسه ومتطلباته هي ماعندها فكرة عن الحرمان الي عاشه بزواجه الاول بصراحة هي الي جابته لنفسها زوجة حلال تنام بسقف واحد مع زوجها وهو سبق له الزواج مانقدر نلومه على عدم صبره شي مو بيده فطرة طبيعية من رب العالمين ماوجدت الا لحكمة منه

ومابتروح الحواجز الا بهالشي لو سكت ابو طلال نجد بتتمادى ومابتستعد لو بعد سنين .....طريقة محمد كانت مو حلوة بس هي الي فرضت هالشي عليه ماراعت متطلباته وحرمته وماغير تفكر بالميت وهي محاسب على الحي الي له حقوق .....ماقلنا تحبه مثل المرحوم بس مثل ماوفت للاول كل حقوقه هو حي وهو ميت نفس الشي ملزومة بهالشي مع ابو طلال والا كان اصرت وتمسكت برفضها وعاشت مع ذكرياتها وعيالها

اما محمد كيف قدر يعيش مع هالاشواك ويجيب منها اثنين والمصيبة معترف انها من اول ليلة بينت عيوبها بس هو ركض ورى شكلها الخارجي وهذا الي قواها عليه ......وخلاها تتمادى ومازالت هو الي قوى شوكتها بالمبالغ الي مالها داعي شهالتبدير منه يوم يعطيها هالفلوس ترى عياله صغار كثر الفوس تدمرهم مو تعوضهم ......

كل سنة تغيير غرفة شدعوة عاد الطفل يكبر بس مو لدرجة كل سنة سرير ودولاب جديد وياليت بفايدة ترى حتى لو كانو عنده موزين التبذير النعمة زوالة .....

اعتقد في طرق عدة يقدر محمد يكسب الحضانة من اشواك بدون زواجها الي وضح لنا انو البيئة الي فيها عياله مو كويسة لامن ام اشواك الي طالعة بدون غطا لابو طلال وكأنه مازال محرم لها حتى لو هي عجوز ولا من تصرفات اخوها شكل البيئة فيها بلا ولو دورو بيطيحو على ثغرة تحرم اشواك من الحضانة اتمنى هالشي لصالح العيال والا بيكونو نسخة من خال العازة وهو شاف هالشي بعيونه رغم صغر سن ولده

محمد من زمان كان محتاج هالشدة ترى اللين ماينفع بكل الحالات وفي حريم مايمشون الا بالشدة والحزم والكلام الي يهز البدن لو هو من الاول مااعطى للاشواكوه اهمية كان عرف يعدلها بس شكل المزح والضحك وعدم الجدية في تصرفاته خلته لعبة لاشواكوه وطلاقه لها وترجيعها بعد هالعقاب زاد من ثقتها انو مايستغني عنها وايضا اضرابه عن الزواج بعد طلاقه النهائي زاد ثقتها انو مو قادر ينساها ويعيش مع غيرها وزواجه حرق قلبها لانو تزوج وهي ماحد فكر يخطبها ويمكن الي جوها ماكانو ربع محمد لابالمستوى ولا العمر

غير كذا هي مستفيدة من ورى عيالها بالسبيل المفتوح لها ولاهلها الي متنعمين فيه بس لو يعطيها بالمعقول الي يكفي عياله بس عرف يربيها هو مو ملزوم يصرف عليها وهي عمرها مابتحس ولا تقدر اتمنى من قلبي قايد يقدر ياخذ الحضانة لمحمد وخلي هذيك تنحرق انها فقدة فرصة شوفة محمد وحرق اعصابه وهي ماعادت تحل له بس مايهمها الا ترضي غرورها

نجد اتمنى بعد الي صار ماتزيدها على محمد وتراعي حقوقه هو مااذنب ولا غلط غير كذا من حقه يعيش مثل غيره ويلاقي العوض مثل مااعطت ابو ثامر ملزومة تعطي محمد الي تقدر عليه بدون اجحاف بحقه لو علشان الي يسويه لعيالها هذا هي الثريا ماحرمت حاتم من شي رغم انها ماتحبه

اجل بعرس اختها للناس تتزين وتلبس ولزوجها مهملة بكل شي للاسف حال اغلب الحريم الدولاب يستغيث من الملابس وهي اتفه الملابس واقبحها تلبس لزوجها العطر معبي التسريحة والمكيج اشكال والوان وهي ماتستخدمها الا اذا بتطلع ولا بيزورها احد وهالرجال ماله الا الدفع لهالاشياء الي مايشوفها الا بالصدفة وياليت تطول هالصدفة بعد ... على الاقل البس شي معقول ومرتب ماغير القمصان والبجايم الي من كثر الغسيل ماينعرف لونها والشعر ملموم الزوج مايعرف طوله ولا حتى درجة النعومة ... هذا واقع اغلب الحريم للاسف

الدانة وماهر

الله عليك ياوميهر طلعت المواهب اشوف وحركات العشاق ماعندك سالفة الا التفكير بالفرص الي ممكن تختلي فيها بالدانة لو دقايق ......والاول عندك مو معبرها بساعة تقعد تسولف معاها ماغير تتحلطم وتدور الوقت لربعك ....

من رايي لاترجع له الدانة الحين خليه يستوي وينضج اول علشان يحرم يفارق زوجته ويفضل الغريب عليها ... اما دانة اعتقد انها حامل بس لانو البوادر ماحد لاحظها بسبب المشاكل ماشكو فيها وتنبههو عسى يكون خير ويغير الكثير بحياة دانة ويزرع الفرح بقلبها الي توجع من صغرها لانها تحس بالنقص من غيرها بس حب ماهر واهتمامه ووجود طفل تتمناه بيكفيها وابيهمها راي احد و بتنسى عقدتها

وصايف ومي

مي ولا كأنها مسوي شي ولا همها احد ولا اثر فيها شي انسانة تفتقر للكثير وكلام وصايف صحيح مليون في المية الجمال قشرة من برة ماتغني الرجال عن الجمال الداخلي الي مي ماتملك ربعه .....

مليون بالمية نايف ندم من اول اسبوع على تضحيته بوصايف وبيع العشرة لانه تمم هالزواج وطمع بهالبقرة ولا هذي وحدة تستاهل تكون ام تجيب اخ لقايد وهي ماتعرف تربيه قايد ربته وصايف وصار يفتخر هو فيه بس اي تربية الي بتربيها مي لولدها وهي ماتفكر الا بحياة غيرها والحشرية وماتدري عن هوى دار حياتها

من رحمة ربه نايف مات بعد سنة من زواجه والا لو لليوم عايش مع هالمي من زمان انجلط وخصوصا لما يشوفها ماغير تناظر بالرجال وتدقق فيهم وتعلق بكل اريحية اما هو ماعنده الي تشاركه همومه وتهتم بأقل تفاصيله

رد وصايف كان قمة بس مي اشك انها فهمت ولو فهمته اشك بتتأثر ولا حتى بينطبع براسها ولا بتحس على دمها انو الكل مستنقصها على كل الجمال الي تملكه بس الكل يشوفها ماتسوى وصايف في شي


في انتظار ابداعك القادم ومايحمله من احداث

مسَاء النَور وَ السروَر...



حيَا الله أم َزيزووَ ...


الله يسَلم ايديكِ ضمَو ثرثرة لزَيزه وتجننَ ..
وباينَ تعبكِ فيها بدايةً من اروع قصايد حامَد زيد الى الهمَسة المحبَة ...



الثريـآ وحـآتم



ياحليله حاتم لين اللحين مو مصدق أن حلمه تحقق ... حاتم شخصية جداً حالمه
آلله يعين قلبه لا يصير فيه شىء ..بس جد معقوله في شخصية على الواقع زي حاتم << فيس يبي يطمن على مستقبله ^_*


الثريا تعرضت للصدمتين أو نقدر نقول خيانتين ... خيانه الزوج تحت اطار الحلال وخيانه الصديقة ...
والثريا ماكان ينقصها شىء واعرس عليها رجلها ...وهو اللي كان يصبحها ويمسيها بكل كلمات الحب ...
ردت فعلها تجاه حاتم طبيعيه جداً ممكن إذا اكتشفت أنها بطلة رواياته تقلب عليه انه كيف كان يحبها وهي متزوجه...
موقف الثريا وتصرفاتها محد يقدًر يلومها لان اللي تعرضت له مو سهل ابدا غصب بيأثر عليها...





نجد وأبو طلال



صح يابوطلال من حقك بس أبدا الطريقة هذي مو لك ..
لاتنسى انك انت في البدايه ماكنت تبي شىء ...
نجد مسكينه بجد يمكن هي كانت ناقصه الاستعداد النفسي للخطوه الاولى بس الطريقه هذي مؤلمه لروحها ...
بس يمكن هالشىء يفك عقدهم..!!



أبو طلال كيف مخلي عياله عند أمهم بالله ماخاف عليهم عند هالمجانين ...
حتى لو كان خايف على نفسية عياله من المحاكمه ... ماخاف عليهم من أمهم تسوي فيهم شىء صرآحه كل شئ متوقع من هالعايله ...
صح شرعا الحضانة للام .. بس إذا كان في مسافه قصر بين الوالدين الحضانة تكون للأب على طوول حتى لو ولده في اللفه ..!!!
أبوطلال يقدر يأخذ عياله بالراحه... لانه عايش في الرياض والأمَ في جده .. !!!
وظاهر ابوطلال كريم معاهم بدرجه كبيرره.. لانه لو الصروف تحدد من المحكمه بيكون شهريا بين الميتين الى الخمس ميه فقط بالله هالمصروف آيش يكفي من ..الى..





أشوآق والحيه أمها



وش هالقله الأدب هذولي ما عندهم احد يشكمهم ...
وهالعجوز المتصابيه كله منها ماعرفت تربي نفسها عشان تربي بنتها.. وين زوجها عنها.؟!
هالعايله تجيب المرض بعذرا ابوطلال حامت كبده وجته العقد ...

اقتباس :-   المشاركة الأصلية كتبت بواسطة وردة الزيزفون

ام اشواك الي طالعة بدون غطا لابو طلال وكأنه مازال محرم لها حتى لو هي عجوز

بارت ررررررررروعه
تسلمي ام يزيد
راقيه في اسلوبك وسردك للحوار "
جموح تصدقين ماكنت احبها بس لحين احب شخصيه في الروايه لي "
قا يد انسان طالم بجد يحب ان خواته مرتاحات الا جموح منقهرةمن ها لجموح الاشهر عسل والا زواج زي الناس " وبعدين قوق كذا تروح وتجي مع سواق ياسلام اذكر دانه تروحوتجي مع ماهر
فيس معصب "
ابوطلال &ونجد
نجد لازم تفرقين بين ابوطلال ومحمد
طباع محمد يختلف عن طبع ابوطلال موكل الي كنت تسوينه مع محمد ينفع مع ابوطلال اتوقع ان محمد اذاكان متظايق يحب انك تجي عندة وهدين بس الى اتضح ان ابوطلال غير اذكان متظايق ما يحب احد عندة .....وهذا الي صار .
الاتلومين ابوطلال على موقفةمعك اليجاة من زوجه الاولى موسهل ...........وفوق كذا اخوانه كل ماشكاة منها قالونت مدلعها طيب موشرط بعض الحريم ماينفع معهااااااااااا.
نجد الازم يتغير اسلوبك مع ابوطلال ..................وتعاملينه زين .
مي&وصايف
حزنتني مي والله تكسر الخاطر
يعني لوهي عندها اسرةزينه بيقبلون في شايب
الله يكون في عونك "
وصايف انا مالومك في الي تسوينه في مي "
بس ياليت قايد يقولك على الحقيقه "
اكيد بتندمين على فراق نايف اكيد وعلى ظلمك له
ثرياءوحاتم
ااتوقع بيصير عا صفه قادمه لك مادري ليش "
جموح اتمنى لك الحمل .................
ودييتغير قايد شوي يعني يدلع جموح يعزمها على طلعه مطعم ترى والله ظالمه هالدميه ام يزيد
اتوقع ان دانه بيكتشفون حملها بها لبارت
ننتظرك بفارغَ الصَبر
تقبلي مروري

[السلام عليكم ااشكرك اختي ضمضم على الرواية الاكثر من رائعة ..الله يجعل هاليدين بالجنة << نجي للبارت الاخيراول شيء ااول شيء الثاني الخطير فيها ابو طلاال ونجد تصرفة كان سليم مرة بالنهاية هو رجال ونجد احسها مسكينة محد راح يحس فيها إلى جرب فقد زوج غالي مثل ابو ثامر اتوقع انها مراح تحب ابو طلال بقدر حبها لمحمد.بينما ابو طلال بيصير متولع فيهاا. قايد والجموح الله يديم هالسعادة عليكم كنت متوقعه جموح اقوى من ان ياثر عليهاا كلام مي بس طلعت تغلى القايد. مويهر المراهق الجديد ودانه ماعندي خلفية ولااتوقع اطريقة الي بيرجعون فيها لبعض بس اتمني يرجعون ويرتاحون .. الثريا وحاتم شيء شيء خيالي مشاعر جياشة من حاتم يقابلة خوف من الثريا الله لايلومها المسكينه مرت بتجربة قاسية قاسية جدا بس يبي لها ترويض شوي وتطير بالعجة مع حاتم .. مي مابي اعلق عليها لان مب مكفيني مليون صفحة قال ويش قال متسرعة أاستغفرالله بس اكرهه مرت الابو >> الرد سريع ومب مرتب وافكار ملخبطة بس السرعة الربكه والخرشة الله يجريكم منها **لاحرمك الجنه غاليتي ام اليزيد