السلام عليكم

وسلامة الاسفار ضمضم

بارت موجع موجع لحد البكاء ومتآكده مافيه ام قرت موقف اميره ووصايف الا دمعت عينها

ولقطت صغيرها ولمته ودعت ان الله مايفرقها عن عيالها .....نقل مباشر للحدث عندي

بارت المواجهات المكشوفه او بدايات الانسحاب !!!!!

بعد شهرين ليه يام اليزيد طمرتي شهرين الثرثره مانبي نفوت منها يوم شلون شهرين

بعدين عرس صديقتي مي وينه نبي نعيش فرحتها الله يتمم عليها ويسخر لها لؤي

ويعوضها عن الي فات

الثريا وحاتم. مشكلةةالشخصيه الرومانسيه انها متطرفه ومتطلبه وماترضى

بانصاف الحلول فاستعدي يالثريا لمعركة طويله ممكن تخسرين فيها حاتم

المشكله شعوره بانه مجرد وسيلة انتقام وتحدي لثريا من فهد وهو العاشق

معادلة صعبة جدااا وقلت لكم من قبل دائماا الرومانسيين ردات فعلهم

قويه للحبيب يالله يالثريا صادقين الي قالوا

هاك خير قال ماتاخذه مخباتي

هاك شر قال افرش له عباتي

للحين تبين فهد وهو جارحك اكبر جرح

تركك ورا متعه وشهوة

غريب امرك ؟؟؟؟؟

نجد يامغسل الموتى من يغسلك

ذكرت جدتي لا قالت عميا تمشط مجنونه

تعتقدون بتقدر العميا تمسك المجنونه لاااا

وهذي انتي يانجد انتي تقدرين تنصحين الثريا

وانتي للحين معيشه نفسك بظلام وحزن ما انزل الله بها من سلطان

الحين انتي عيب وشق جيب
وفيه لرجال مات هو وحقوقه ومطيره عقل رجال هو الي له الحق والمطاليب


وصااايف وينك عن بناتك بيخربون بيوتهن بيديهن كل وحده تقول الحق عندي

بتخريب بيوتهن

شخصية وصايف من اول اقول هي الشخصيه السنعه تذكرني

بشخصيه قريبه لي بسنعها وحكمتها وشورها الله يطول بعمرها


قايد والجموح. شهرين يعني امكانية الحمل وارده ممكن تكون الروشته

حبوب منشطه مثل الكلوميد وهي تسبب الكأبه بعد. بس ماعرفنا سبب

التسقيط هل هو عدم توافق في الفصيله او اجهاد او نطفه مشوهة

الله يعين شكل البارت الجاي عصيب على الجميع

واولهم ماهر ما اظن انه ساكت قبول بالامر

الله يستر مايكون تسكيت لهم ويوريهم من الي يضحك بالأخير

مع اني استبعد مرؤة ماهر من هالفعلة بنت عمه واخت نسيبه

واخته عند اخوه فعلاا شبكه معقده

تدرين ضمضم من بداية الروايه كم قضيه مهمة في الحياة ناقشتيها

محاولة تشويه التاريخ الاسلامي العثماني

تاريخ رؤساء امريكا

الاخطاء الطبيه

والاهم الاهم مشاكل المبتعثين ولا تحسبونها مبالغات مايمر شهر الا وقضيه

والان دكتورة عمرها فوق الخمسين متهمة طالب بالتحرش

وطبعاا سجن ايقاف من الدراسه بسبب محاولة الطالب انه يكون لطيف مع الدكتوره فحكمت انه تحرش


و و و. قضايا تضيق الصدر
المفروض قبل الابتعاث يكون فيه دوره الزاميه لكل مبتعث
عن المحظورات او الامور الي ممكن تكون مدخل للاعتقال

شكرااااا ضمضم وما تكفيك والله ولا توفيك حقك

فعلاا امبراطورة الحرف ورائدة الرواية الهادفه والقيمة

ننتظر يوم السبت المزين بالثرثرة ام اليزيد. بكل الود والشوق