صباح نسمات الصبح المنعشة ......يعطيك الف عافية ضمضم على الثرثرة الرائعة والممتعة مثل ماتعودنا ....انا قايلة انو في صدمات ومواجع لسى جاية بالطريق وهذه الصدمة زواج ابوقايد ......وردود بعض المبدعات لخبطت فكري واشغلتني بصراحة ....وخوفتني بعد


دانة وماهر

كلام اختي البتول انو ماهر يكون متزوج بالسر وانو يقضي اغلب وقته عندها .......والاتصال الي حتى انا لفت انتباهي ابتسامة ماهر وعدم رده على المتصل بحظور الجموح .......لو واحد من ربعه كان بيرد عادي ....اتمنى هالشي يكون مجرد تخمين مااتمنى لدانة تعيش نفس تجربة الثريا وامها .......خصوصا انو شخصية الدانة حساسة بزيادة ....راح تنهار وبقوة لو فعلا ماهر بحياته انثى ثانية .......واكيد بتنسب سبب الزواج للعلة الي فيها وراح يزيد انعدام الثقة عندها ماراح تقدر تكون مثل الثريا او نجد .....

هي متأملة بالحمل الي تنتظره من زمان ماادري هل لانها حابة الامومة وخصوصا اذا كان ابوه شخص تعشقه ...او لانها خايفة تعاني من نقص ثاني على حسب تفكيرها وهو صعوبة الانجاب .......يمكن بهالحمل تتعدل نفسيتها

مع انها ماتقدر تحط ببالها انو هالطفل هو الي بيحبب ماهر فيها ولا بيكون رابط قوي والدليل اختها ثريا ولدها ماكان درع حامي لها من زواج فهد او طلاقها ... بس لو هالمرة فعلا كانت حامل هل هالخبر بيرضي ماهر ولا بيخربط كل حساباته وانو ينتظر الفرصة للخلاص منها

وكلام ماهر متناقض كيف كان يبغي هالزواج حتى لو خطبها الاف المرات بينما الحين يدور فرصة الطلاق يعني قبل الزواج ضميره موجعه والحين خلاص اصلا هو لو طلقها الحين بيزيد ذنبه لانو بيذبحها اكثر من قبل لانها تعشقه وقلبها تعلق فيه كيف ببساطة يكمل جروحها ........عندي احساس قوي انو ماهر بيقدم على شي قوي يحطم دانة وبيتذكر فيه كلام الجموح له .......ودانة بتنقلب انثى ثانية مثل الي كان يتمناها ماهر لكنها ماراح تعجبه وبيندم على قتله لدانة القديمة .......الي بيتمنى رجوعها لكن بيفوت الوقت خلاص مامنه رجعه

سرعة ماهر الي للان مستمر فيها اعتقد هي الي تسببت لدانة بعلتها ....ماتاب عن اغلاطه .....تذكرت حادثة صارت عندنا يوم الاربعاء قدام وحدة من مدارس الابتدائي .......كانو اربع طالبات فيهم الخوات وبنات عم واقفات ينتظرون سايقهم عندرصيف المدرسة وتجيهم سيارة طايرة من مراهق بالثانوي ويطير الاربع بنات ابسط حالة فيهم كسور ورضوض واصعب حالة وجعت قلبي لما زوجي خبرني عنها وهو انو الطفلة فقدت رجلها ياعمري عليها بنت مازالت طفلة تفقد طرف من اطرافها ويضيع مستقبلها بسبب تهور مراهق جدا تألمت لوضع البنت مااتخيل صدمتها وخصوصا كلنا نعرف انو الاطفال حركيين ....الله يعينها ويعين اهلها ...
يعني يمكن دانة تكون بعمر هالبنت وصار لها الي صار بس والله حالتها اهون من حال هالطفلة على الاقل هي تمشي على رجولها بس هذيك خلاص الرجل بترت ....بس هل يتعظو الشباب هل الاباء قبل يسلمو عيالهم مفتاح سيارة يكونو اكيدين من حرص ولدهم على ارواح الغير ؟؟؟


حاتم والثريا

وجود هالثرثرة عند الثريا ماجات من فراغ وهي الحين بنت امور غير صحيحة من خلال كم سطر قرتهم بعشوائية وصار عندها فضول انها تتعرف على بداية هالثرثرة ........اعتقد انو حاتم بيذكر شي او حادثة جمعته مع الثريا ايام الطفولة وهالشي مايعرفه الا هي وحاتم ......وراح يزيد تأكدها اذا تتبعت كل خطوات الثرثرة بتمعن ....متأكدة انو لهالرواية اثر بحياة الثريا المستقبلية والا ليش صارت عندها في هالوقت وليش تقراها وهي ماتحب هالاشياء

اما حاتم ياترى ايش الي بيخليه يستنفر ويتحرك ........اكيد في سبب بيخليه يطلع مع قوقعته ويمتلك الثريا بعد ماصارت الفرصة متاحة له ........بالاول كان بعيد لما طارت من ايده بس الحين هو موجود وقريب بعد ....حتى لو مافي خطاب لثريا الى متى بينتظر ....هل ممكن امه وابوه بعد زواج قايد يضغطو عليه واذا حس انو ممكن ينجبر على انثى مايبغيها راح يعلن رغبته في بنت عمه ........ننتظر ونشوف

اما الثريا محتاجة بس لذهن صافي وتفكير هادئ علشان تتخذ قرار صحيح .......هي فشلت مرة واكيد ماتبغي تفشل مرة ثانية .....لذلك لازم تفكر بكل الامور الواردة في موضوع مصيري مثل موضوع زواجها ....وفعلا مومهم بس مواصفات ابو سلمان الي عرفتها لابد تحط ببالها انو زوج لثانية غيرها يعني هي بتشارك غيرها هل هالشي يرضيها ويريحها هل هالشي مقبول عندها .........وايضا تحط ببالها حصة وردة الفعل عندها والي ممكن تسويه لو زواجها تم ..الزواج مو بس انتقام وفترة وبتنتهي لا هالشي يترتب عليه عمر وحياة جاية قدامها ....


نجد وشيخوه

انا عن نفسي ماعجبني تفكير نجد في عدم زواجها خصوصا انو ماعندها الا اخو واحد لو راح راح تعيش بدون سند وبتضيع هي وعيالها .......ماحد يدري عن المكتوب بس هي رافضة الفكرة من الاساس ........ومستغربة من قايد مافكر بمستقبلها وهي الي لها سنين مترملة .....اتمنى فعلا تلاقي الرجال الي يصونها ويعوضها فقد محمد وتلاقي عنده الي انحرمت منه

ماادري ليش حاسة انو زوج شيخوه بيسبب مشاكل لنجد من خلال المواقف الي شفنا فيها شيخوه وتقلباتها احساسي يقول انها لما تجلس عند رجلها تخور بالحكي واكيد انها تطري نجد وجمالها وصغر سنها والعرسان الي يجوها وبما انو زوج شيخوه عايش بنكد مع الي عنده وطماع وحاط عينه على الي عند نجد فبيحط عينه على نجد وبيخطبها طمعا فيها وفي الفلوس الي عندها وعاد شيخة وخواتها مابيتركوها بحالها ووقتها اعتقد بيكون في عريس متقدم لها وزواجها منه بيكون خيار مناسب لخلاصها من المشاكل الي بتتعرض لها


قايد والجموح

الجموح المفروض ماتلوم قايد بس على ضياع عمرها لاتنسى ردها عليه واستهانتها بمشاعره وحبه وانها ماكلفت على عمرها ترضي قايد وتقنعه بحل وسط ييرضيه ويخليه ينتظرها بأرادته هي حتى ماحطت له خيارات على طول رمت بحبه وحلمه بالطريق علشان تروح تسافر .......الي يحب يرضي حبيبه ويقدم تضحيات كان بمقدورها تدرس بالمملكة وتحقق حلمها او تدرس انتساب بالخارج ........او ترضى بالملكة وتقنعه بتأجيل الزواج .....الرجال يجي بالهدوء والاقناع وخصوصا شخص حنون مثل قايد ومثقف ..........بس العناد والتحدي هو الي يخلي الرجال يجن ويخرج عن المألوف يعني لاتحط نفسها مظلومة وقليد ظالم لانو قرارها وقراره اثر عليهم اثنينهم .... واحنا عرفناها انسانة عاقلة اتمنى مايصير عقلها مثل الزين بعد الزواج ........هي ماراح تخذل ابوها وتفشله قدام الناس ولا بتضيع فرصة انها تنتقم من قايد اكيد بيكون لها ردة فعل وخطة ببالها بس مابتقدر تكملها للنهاية بسبب وجود اميرة الي بيكون لها دور غير طبيعي بحياتهم


ام اميرة ماحبيتها ولا عجبتني شخصيتها ......بكل وقاحة تطلب فلوس من قايد ليش بأي صفه الحين هو اخو بنتها بس ماعادت زوجة ابوه صارت بذمة رجال ثاني .........وبعدين تشتري من مهرها على قدها مو مسؤل قايد يعطيها لفشخرتها وواضح جدا وحدة بعمرها تزوجت شايب علشان الفلوس واكيد ورثها من نايف صرفته كله على تفاهاتها ولو بكيفها اخذت ورث هاليتيمة وطيرته بعد ..........بس الغلط على قايد هو مسؤل عن اميرة ماله دخل بأمها دام عندها اخوان يتكفلون فيها .......ومااستبعد عليها بعد زواجها تتصل تطلب منه فلوس لازم قايد يحط لها حد خلاص البنت وبتكون عنده وهو الوصي عليها وامها تسقط عنها الحضانة دامها تزوجت .......لايعطيها وجه ويراعي مشاعر امه كافي ابو والي سواه لايكملها هو

اما اميرة واضح انها بتجنن جموح ومابتقصر ......بعض الاحيان كلام الاطفال وتفكيرهم يكون اكثر استفزاز من كلام الكبار لانو يكون خارج بكل صدق وبدون خبث ..........على حسب تفكير الطفل وهي صح كلامها مو مظبوط بس تفكيرها نظيف وباين عليها الذكاء واعتقد بتكون متعلقة بقايد خصوصا هي ماتعرف غيره ......

وقايد لانها مانة ويتيمة راح يكون معاها ضد الكل بس هل هي تعاني من مشكلة بالنطق الي فهمته انها متأخرة سنة بالمدرسة ونطقها غريب مع انو الاطفال يلقطو الحكي من الي يسمعوه وحتى التلفزيون له دور انا اشوف ولدي الي ماكمل ثلاث سنين يتكلم عربي فصيح من خلال البرامج الي احطها له ... وهل ننتظر يتعدل حكيها على يد احد يرعاها ؟؟؟؟

ام قايد

صدمة بصراحة انها جربت زواج زوجها عليها .......مع انو الحريم الكبار احسهم اكثر تقبل من الشباب ...بس وصايف لليوم مانست وحاقدة على البنت ورافضتها .......هو صح زواج نايف من بنت بعمره شي غير مقبول ابد يمكن مو بس زواجه الي مخليها شايلة بقلبها يمكن في سبب له دخل بزواجه غير الزواج نفسه ........والدليل انها متقبلة زواج بنتها من واحد متزوج والشرع حلل اربع ........هي رجلها تحت التراب مو ناسية نزوته كيف ماحطت ببالها ام سلمان وردة فعلها احسها هي وبنتها ابد ماحطو اي اعتبار لها وهم الي انقرصو من هالشي .....

هل تواجد اميرة بيتهم وطريقة نطقها بتغير راي وصايف وبتحن على الطفلة .......ماعرفنا هالبنت تشابه مين هل ممكن تكون ماخذ شبه نايف وهانقطة هي الي بتحنن قلب وصايف وتخليها تتقبلها وتعوضها بالحنان ويتعدل لسانها على يدها .........هو طبعا في البداية مستحيل تفتح لها حضنها بس يمكن بعد فترة وبسبب عدة مواقف ومنها تشغلها عن قايد بعد


في انتظار الثرثرة القادمة ومعرفة اذا كان في تخميناتي

شيء من الصحة او مقارب لها