الله خلقني مالي العز عيني والله أموت ولا يجي يوم وأنهان / للكاتبة : أصداء الحنين ..

السلام عليكم ورحمة الله وبركاته


البارت الثلاثون




احيانا تصادفنا اشياء لا نتوقعها ولا نحسب حسابها مع اننا متأكدون اننا قد اتخذنا كل الاحتياطات لتجنب اي مكروه..كانوا راكبين القارب وفجأه وبدون سابق انذار تعطل

الشاب1: شباب الطراد تعطل

الشاب2: انت شوتقول؟

الشاب1:تعال شوف بنفسك

الشاب2 حاول يشغله: هيه والله ._ نادى سرور لانه صاحب الطراد_...سرووور سروور

اتى هو وباقي الشباب: خير

..:الطراد تعطل

سرور: كيف تعطل وانا مسويله صيانه

...:تعال شوف

قام بنفسه وتفحصه ولكن لم يعمل..ثم ذهبوا للمحرك ولكن بلافائده..وهواتفهم النقاله لم تلقط ارسال..حتى جهاز النداء متعطل والكشافات لا تعمل..وقف الشباب السته يفكرون بالمأزق الذي هم فيه..



انها المرة الاولى التي تنذهل فيها لطيفه مما ترى.. فهي لم تتوقع ان هدى قد تخرج لها على هذا الشكل العاري...مشت لها ولطيفه سانده نفسها على الباب ..كانت تمشي بهدوء مستعرضة مفاتنها ..وصلت ووقفت امامها لا تفصل بينهما سوى مسافة قصيرة جدا..ولم تكتفي بها فقتربت منها اكثر..ولم تشعر الا بيد لطيفه مطبقة على رقبتها..ولفت بها وضربت بها على الباب بقوه وهي لم تنزل قبضتها عنها ..بل كانت تزيد بالضغط وهدى تشهق

هدى:لطوف بذبحيني

لطوف:الحين كل ذيج (تلك) المقدمه عشان تعرضيلي ..تقربت منها .._وبدون ان ترخي عن رقبتها_..ظنيتي اني مثلج ومثل الزباله اللي انتي وياهم..لا ياعمري..كان ممكن افكر فيج لو كنتي نظيفه بس باين انج وسخه ولا ماكنتي طلعتي جي جدامي ..سمعيني زين ياحلوه مب انا من يلبس ثوب عافه غيره._دفعت بها بقوه فضرب وجهها في حاجز السرير ونزف فمها وانفها..بكت وزحفت والتصقت بالتسريحه..اقتربت منها..ولاحظت موبايل هدى ع التسريحه..وما ان مدت يدها لتأخذه صرخت هدى..ابتسمت لطيفه ساخرة منها..امسكته بيدها ومسحت رقمها وكذلك مسحت المكالمات...ورمت به على السرير..

لطوف: انا بنسى هالليله وكانه ماصار شي بس قبل..._طلعت بوكها من جيب بنطلونها..وطلعت منه الف درهم ورمتهن عليها.._هذا ثمن العرض اللي قدمتيه _رجعت البوك وطلعت..وهي نازله على السلم ..طبعا الشغاله اخذت الشموع وكل شيء..شافت لطوف حبيبة هدى البويه ..نزلت وتجدمت منها ووقفت جدامها

البويه ببغض:شو سويت فيها؟

لطوف:ولا شي

امسكتها ..:اسمع حنا من طينه وحده ومافي داعي للحركات هذي

نزلت ايدها عنها: من قال انا من طينه وحده..المهم..ماسويتلها شي لأنها ماتهمني..مستواي مو مستوى زباله ..روح شوفها ..بس خذها نصيحه انتبه ترا مب كل اللي يلمع من ذهب _ضربت لها سلام بصبعين_سلام يا صاحبي

طلعت من البيت اما الاخرى فجرت بسرعه وصعدت السلم ودخلت على هدى التى تفاجأت بها كانت جالسه في مكانها ومغطية نفسها باللحاف..دنت منها

البويه:شو سوتبج؟..ردي_وقفت وشافت الكاميرا التى وضعتها هدى حتى تصور لقاءها بلطيفه..اخذتها واعادت الشريط من البدايه..تملكها الغضب ورمت الكاميرا على الجدار صارخة:حقيييييره_ثم بدأت بضربها_تافهه حيوانه ليتها جتلتج وفكتني منج _وقفت ترفس فيها_ اكرهج..تفو..

تركتها وخرجت ..هي فعلا ليله لم ولن تمر عليها مثلها ولكن ليس كما تمنت..


إنها ليلة عصيبه على سرور واصحابه الذين لم يجدوا حلا لمشكلتهم التي هم فيها..فما كان بيدهم سوى الجلوس والانتظار واضاءة الكشافات اليدويه لعل وعسى ان يجدهم احد ..


بعد العشاء اتى اليها والدها في الملحق ليخبرها عم تريده والدتها..وفي نفسها تتمنى لو ان والدها يظهر شىء من شخصيته ويقف في وجه والدتها فعندها لن تتمكن من قول كلمة واحدة لها ..كان خجلا مرتبكا فكيف له ان يجعل ابنته وحفيدتيه يذهبن الى فندق وهو لديه غرف شاغره في منزله ولكن هو حكم القوي على الضعيف..صبت له فنجان القهوه

سلمى: هي عشان شو تبا الملحق؟

ابوها:ناس نعرفهم بيون عندنا ومالهم مكان غير الملحق

سلمى: ومتى بنسير الفندق؟

ابوها: باجر باذن الله..بس هي كم ليله وان شاء الله بتردون هنا

ضحكت في نفسها : ياريت عندي ابو اقدر اعتمد عليه بس للأسف الله يسامحك يا ابويه مسلمنها الخيط والمخيط وتتحكم فيك وفيني مثل ماتريد


عادت الى المنزل ورأت الخادمات يحمل الاواني الفضيه التي يقدم فيها الطعام للضيوف ..رأتهن وهن خارجات من صالة الطعام..

لطوف:عندنا ضيوف؟

الشغاله: مدام هنان يأزم اهل مال هو

لطوف:وهم هنا؟

الشغاله:ايوا في المجلس

لطوف:اوكي روحي...والله ومسويه فيها راعية بيت ياحنانوه بس انا ارويج

كانت حنان جالسه مع امها واخواتها وزوجات اخوانها يتسامرن ويضحكن..دخلت لطيفه ..وتفاجأن...

لطوف:لا والله عال..يعني عشان امي مب موجوده بتسوين اللي ع كيفج..لا ياماما لا تظنين اني بخليج تسوين اللي تبينه..هذا البيت بيتي وهذي اخر مره تصرفين من راسج انتي سامعه

تقربت منها: احترمي نفسج

ابتسمت بسخريه: تبين تسوين فيها شخصيه جدام اهلج ..جدامهم بس ثلاث دقايق ماشوف حد منهم..انا بطلع فوق ياويلج اذا ماراحو بطلعين قبلهم واغراضج بتوصلج وفوقها ورقة طلاقج.._ مشت شوي ووقفت ولفت صوبها_...ثلاث دقايق سامعه يا..ياحثاله

طلعت وحنان يفترسها الغيض ..علقت وحده منهن:منهو هذي؟

حنان بغصه: اخت ريلي

..: الله يعينج

قالت في نفسها: انا حثاله؟..بتشوفين هالحثاله شو بتسوي فيج



اجتمع مع اختيه شمه وليلى في غرفته ليخبرهما بقراره

ليلى: خير يا أخونا العزيز شو بغيت؟

خالد: بصراحه ومن غير مقدمات نويت اعرس

شمه: اوف مابغينا ..انزين تبانا ندورلك ولا في حد؟

خالد:لا فيه

ليلى: امممم من بنات عمومتي؟

خالد:لا

شمه: من بنات خوالي؟

خالد: لا

ليلى: وياك في المستشفى

خالد:امممم تقريبا

شمه:دكتوره؟

خالد:هيه

ليلى:شو اسمها؟

خالد: لورين

اندهشن: هااااا!

ليلى:مواطنه واسمها لورين؟!

ابتسم: مب مواطنه امريكيه

شمه:خالد فيك شي؟

خالد:شفيكم متفاجأين؟

ليلى:خالد حنا مب متفاجئين حنا مصدومين

شمه: اصلا الموضوع كله ع بعضه بينرفض

خالد:وليش ان شاء الله

شمه: تظن ان علي الـ... بيوافق ان ولده يزوج امريكيه

خالد: بس انا عود مب صغير

ليلى:بيقولك خذ من بنات عمومتك

خالد:يقولون البنت مالها غير ولد عمها مب الولد ماله غير بنت عمه

ليلى:بس ياخوي العزيز في حالتك ينطبق هالشي

شمه: مستحيل يوافقون سواء ابويه ولا امي

خالد: المهم الحين انتوا شرايكم؟

شمه: انا للحين مصدومه

ليلى:وانا بعد..بس في حال ابويه رفض بتزوجها؟

خالد: مافيني استبق الاحداث اول شي بكلمه

شمه:ومتى ناوي؟

خالد: يوم احصل الوقت المناسب..بس المهم يبقى هالشي سر

شمه:ان شاء الله


رجعت الى البيت تقريبا الواحده صباحا ..دخلت ومشت واذا بمنى امامها

منى:وين كنتي؟

ريم: احسد لطوف فتكت

منى:ع الاقل لطوف عارفه شو تسوي..مب انتي مادري متى طلعتي والحين يايه

ريم:كنت مع ربيعاتي واذا مكذبتني خذي الفون واتصلي عليهن

منى:مايحتاي ياريم ..سوي اللي تبينه تصبحين على خير




نهضوا فوجدوا انفسهم في مكان غير المكان الذي كانو فيه وبدأوا يتصايحون على بعض


..:شباب نحن وين ؟

..:مادري بس مب نفس المكان اللي كنا فيه البارحه

..:معقوله تحرك الطراد ونحن ماحسينا

..: شباب موبايلاتنا مب موجوده

...:شو؟!

..: سرور..سرور_طلع سرور وتقدم منه ومسكه من قميصه.._اسمع خل عنك هالاعيب وطلعنا من هالورطه..انت السبب ..

...:منذر اهدى سرور ماله ذنب

منذر:لا دافع عنه ياعمار..يوم نرجع ماتعرفني ولا عرفك

ذهب سرور لمؤخرة الطراد وهو مهموم..اقترب منه عمار

عمار: سرور لا تكدر خاطرك بس الشباب متوترين شوي بكلمهم...بس تظن في حد ورى اللي صار عشان اللي يالس يستوي مب منطقي

سرح سرور مع كلام رفيقه وعادت به الذاكره الى تلك الليله التي عاد فيها محمد للمنزل ..اتى راكضا اليه

سرور:محمد شو فيك؟!

محمد: اهدى..تعال خلنا نسير غرفتي وبخبرك

دخلو للغرفه ..ورمى محمد دشداشته

سرور:محمد شو صار وياك ليش حالك مبهدل جذا

محمد: كان بيستويلي حادث..الفرامل تعطلت

سرور:جيف؟(كيف؟) سيارتك توها يديده

محمد:كان متعمد

سرور:شو؟!

محمد: وانا اسوق ياني اتصال يقولي انتبه ع الطريج

سرور:انزين ليش؟!

محمد:ناس حسوده ماوراهم الا الاذيه

ارجعه للواقع صوت عمار

سرور: هاه ..وياك

عمار: وين ويايه وانا اسولف صارلي ساعه وتقولي مب سرحان

سرور:اعذرني بس فكري مشوش

عمار:ماعليه هونها بتهون

سرور: الله كريم



في وقت الفسحه كانت هند وهاجر يتمشون ويسولفون

هند:مادري شبلاه يدخل ويتحدث شوي ويطلع

هاجر:انتي ماسألتيه؟

هند:مايحتاي اسأله هو زعلان مني عشان صديته

هاجر:انزين ليش مب انتي تحبينه؟

هند:خايفه ياهاجر..خايفه يكون مجرد سراب وينتهي ماريد اتعلق فيه عن اخسره بعدين

هاجر: انزين انتي شو تعرفين عنه عن حياته؟

هند:ولا شي حتى اسمه ماعرفه

هاجر:معقوله؟!..ابد ماتعرفين عنه شي؟!..عيل كيف تسولفون وشفيه؟

هند:عادي

هاجر:شوفي عندي اقتراح اذا دش رمسيه قوليله انا ماقدر اقرر الايوم اعرفك ..وخليها بداية تعارف بينكم عرف عنه كل شي..وفي حال انه رفض بلوك ودليت بدون تفكير

هند: انتي شايفه جي؟

هاجر:هيه

هند:اوكي اليوم اذا دش برمسه

هاجر:وخبريني باللي بيستوي وياج

هند:ان شاء الله



في مكان اخر وفي وقت الفسحه عند لطيفه وامل وتحديدا في الحمام ..كانت لطيفه جدام المرايه ..لفت وسندت مرفقيها على المغسل ولفت رجلها على رجلها الاخرى..فاتحه سحاب العباءه وازرار قميصها ..طلعت امل من الداخل واخذت تنظر اليها وهي مبتسمه اقتربت من المغسل وبدأت بغسل يديه كانت بين برهه واخرى تلف عينها عليها

لطيفه: بلاج تبتسمين وطالعيني؟

امل:احبج

لطيفه: كانج اول مره تشوفيني

سحبت مناديل ومسحت ايديها: شو اسوي اعشقج.._اتت امامها وانحنت بجسمها عليها لافة يدييها حول رقبة لطوف..ولطيفه على نفس الوضعيه _ الامتحانات جربت

لطوف:خايفه؟

امل:لا بس ياريت يأجلوهن والاجازه بعد

لطيفه:يبالهم معجزه

امل: اممم تخرب كل الطابعات او يخلص الحبر او مايحصلون ورق يطبعون عليه

لطيفه: يمكن عندهم امتحانات جديمه

امل:تاكلها الفيران

لطيفه:هههههههه

امل: ماريد اجازه

لحظت صمت تخللتها قبله من امل على شفاه لطيفه

لطوف:امول شو تسوين؟_لم تكتفي امل بتقبيل شفاه لطيفه بل انجرفت ..وبدأت تنزل وتطبع القبل ..الى ان وصلت الى صدر لطيفه.._ امول ..امول..هاي وين تبين؟ ههههههه

وقفت امول ونحرجت:اسفه

تجدمت منها بعد ماسكرت ازرار قميصها واغلقت السحاب: من زود الحماس هاه ههههه_وحضنتها_..امول امول امول ههههههه.._ابعدتها_تعرفين ترقصين رومنس

امل:لا

لطوف:لحظه.._خذت موبايلها من على المغسل ..وشغلت موسيقه رومنسيه ..ورجعته_ ياللا..هاتي (اعطني) ايدينج حطيهم ع رقبتي.._وحطت ايدينها على خصر امل_نرقص؟

امل:ماعرف

لطوف:انتي بس حطي عيونج بعيوني وركزي عيشي اللحظه وتخيلي وصدقيني بترقصين من دون ماتحسين..


تيلس خوله تقرا ستوري وجبالتها تيلس رفيجتها ميثا تتفرج ع البنات الرايحات واليايات

ميثه: الله يهديهن هالبنات..ليش يسون جي بعمارهن لا مكياج حلو ولا تسريحه والعبايا تقليعاتهن اللي مادري كيف صايره.._طالعت صوبها_..خوله بريكنا ساعه ونص ...بتقضينه في القصه
خوله: اذا متملله مني مرخوصه روحي عند رفيجاتج
ميثه: سمع هاذي..الحين انا متملله منج..انا بس كنت اسال
خوله: انتي ناسيه انا اديكيشن ولازم نقوي لغتنا
ميثه: ياليتني دخلت اي تي (تقنية معلومات =حاسب)..خوله الله يخليج لا تقهريني..لا يكون جي طبعج في البيت
خوله: ليش شفيها؟
ميثه: حبيبتي جي ماينفع ترى الانطوائيه مرض اذا ماتخلصتي منها بتاثر في حياتج
خوله: ميثه..انا جذي واريد الكل يحترم هالشي فييني
ميثه: انا اسفه..لا تزعلين مني
خوله: لا ابد مازعلت..بس انتي متملله
ميثه: بس مب منج...تعرفين اول تاثيرات الانطوائيه ..الحساسيه الزايده..
خوله: شو تبيني اسوي اناقز وصارخ
ميثه: لا ..بس خليج اكثر انفتاحيه..مب منغلقه على عمرج ..انزين بسالج..خواتج جذي بعد
خوله: يعني مب وايد
ميثه: انا شكلي بخلي هدفي تغيير طبعج
خوله: لا مشكوره انا راضيه بعمري جذي
ميثه: اوكي مثل ماتبين...بس خفي من الانطوائيه شوي
خوله: ان شاء الله خير

لم يطل سفرهم مستعجلا على تنفيذ مخططه..لم يذهبا الى منزليهم بل قصدا الشقه الخاصه بمانع لم يكن فهد يعلم بامر الشقه وحينما دخلا..

فهد: من له هالشقه؟
مانع : شقتي
فهد: ماخبرتني انك مستاجر شقه
مانع: مب اجار
فهد:عيل؟
مانع: ابويه يوم بغى يتزوج على خديجوه ..قلتله ابويه انا وياك في اللي بتسويه ..بس متاكد ان عمتى خديجه بطلع حرتها فيني انا مالومها بس انا اعتبرها بمحل الوالده الله يرحمها ..الوالد رق قلبه وضرب الصدر وطلع الفلوس اللي وين وين يطلع منهم عطاني وقالي خذلك شقه
فهد:اهب اثاريك ابليس
مانع: انت بس شغل الكور(المخ) واللي تباه يصير..اقلك اتصل على ربيعك وساله اذا بيجتمعون الليله ولا لا
فهد:حشا تونا واصلين
مانع:ياحبيبي دق الحديد وهو حامي لا تخله يبرد..
فهد: ندق الحديد ليش لا

اتصل محمد على موبايل سرور ولكنه مغلق ..ثم اتصل باابن خاله جاسم وسأله عنه لأنهما في كلية واحده..واخبره انه لم يره..خاف محمد على شقيقه لعلمه بان هناك من يترصد بهم ..ولكن لا بد له من ايجاد المخرج مما هم فيه ولكن اولا عليه الاطمئنان على شقيقه...

في غرفة الطواريءبالمستشفى ..كان الطبيب يحاول انعاش احدهم ..ولكن بلا فائده توقف قلبه..اتت الممرضه واخذ يكلمها بالانجلش
الدكتور: ماذا عن البقيه؟
الممرضه:للأسف لم نستطع انقاذ اي منهم
الدكتور:لا حول ولا قوة الا بالله ..اعلمو ذويهم عن وفاتهم
رمى القفازات وخلع القميص والكمامه ..وخرج والتقى بخالد
خالد:دكتور عمر ليش متصل عليي
الدكتور عمر وهو بحالة من الحزن حط كفه على كتف خالد: دكتور خالد ابا قلبك قوي تفضل معايه
ومشى معه ورأه مسطح على السرير بلا حراك انصدم خالد
خالد:مستحيل ..اكيد انا في حلم مستحيل

يــــــــــــــــــــــــــتــــــــــــــــــــــ ــبـــــــــــــــــــــع






البارت الحادي والثلاثون






اخر يوم من ايام العزاء التي مرت صعبه على عائلة بدر فقد كان موته هو ورفاقه اتى مفاجىء وغير متوقع وصدمة لذويهم ..كان بدر ورفاقه تحت تأثير المخدر عندما وقع لهم الحادث ..وفي اليوم الثالث عاد سرور للمنزل وقصد بيت عمه..وقد كان شيء متعمد فقد اتصل احدهم بمحمد وتحمد له بسلامة شقيقه لأنهم هم من اخبر خفر السواحل عن مكان الطراد وعزاه بوفاة ابن عمه وذلك تهديد لمحمد الذي كان أداة استغلال فليس هو المقصود بل والده اما محمد فلم يقف مكتوف اليدين بل تحدث إلى ابن عمه فلاح الذي يعمل في التحريات وشرح له كل شيء ووعده ان كل شيء سيبقى بالسر حتى يتمكنون من القبض على هؤلاء الأشخاص ......



دخلت إلى المنزل وكانت قاصدة السلم عندما سمعتها تتحدث في الموبايل لم يكن في نيتها التصنت ولكن ماسمعته جعلها تقف كانت حنان تتحدث مع شقيقتها حول سماعها لعمها حين كانت ذاهبة لرؤيته في مجلس الرجال...سحبت نفسها من المكان وفي داخلها تتهدد لحنان كانت الخادمة أتيه من جهة المسبح الداخلي حاملة صينية التقديم ..وعندما سالتها أخبرتها إنها أخذت عصير لسرور الذي يتدرب بقاعة الرياضة..في القسم الخاص بالمسبح الداخلي توجد قاعة رياضه كبيره فيها الكثير من المعدات الرياضية ..صعدت لغرفتها وغيرت ملابسها ارتدت بنطلون اسود وبلوزه سوداء بدون أكمام ونزلت وذهبت عند سرور الذي كان يفرغ غضبه في الرياضة ..كان أمام كيس الملاكمة يلاكمه بيديه ورجليه ..دخلت وتقدمت وامسكت بكيس الملاكمة حين لاكمه..

ابتسمت:عضلت

خلع القفازات ..ومشى اخذ المنشفة من فوق الكرسي وجلس ماسحا وجهه ..ثم اخذ كاس عصير الليمون وشرب منه تقدمت وجلست

لطوف: عرفت السبب اللي خل امي تطلق

سرور: اللي هو؟

لطوف:حنانوه حرمة اخوك

وضع كاس العصير على الطاوله الصغيره الفاصله بين كرسيهما

سرور: مادري ليش هالبني ادمه ماقادر ابلعها مادري ليش وافق ياخذها

لطوف:عشان خالتها ربيعة امي تمت ورى امي لين وافقت والسبب الخوف ان محمد ياخذ له اجنبيه

سرور: المهم كيف هي السبب؟

حكت له ماسمعت بالتفصيل ..فعلق قائلا: مب ابويه اللي كان في الميلس ذاج اليوم_ماعلقت فكمل كلامه_ ابويه اتصل فيني عشان سيارته تعطلت ورحت له واللي كان في الميلس ربيعي حتى اني اتصلت ع خوله عشان محد منكم يروح هناك بس كيف هالغبيه ماميزت الصوت

لطوف: خدعه ..المهم الحين شو بنسوي؟

سرور: لازم ابوي يدري بالسالفه_خذ موبايله واتصل_ الو هلا محمد انت وين بالشركه؟..انزين والوالد؟...مطولين؟؟...لا بس بغيتكم في موضوع...اوكي..اوكي..الحين بييكم..مع السلامه

لطوف: بسير وياك

سرور: عيل قومي...بسير اتسبح وعقب بنروح



فاجعة عظيمه ومفاجيئه في نفس الوقت ..كانت جالسه في غرفة ولدها الراحل تلملم ثيابه والدموع تنهمر على وجنتيها والغصة تعتلج في جوفها ..تدخل عليها ابنتها ليلى وتتقدم منها وبكت

ليلى:امايه لوخليتيهم كنت يمعتهم

موزه: ياويلي عليك يابدر

ليلى:الله يرحمه ويغمد روحه الجنه

موزه:امين..ليلى..قومي طلعي باجي ملابسه عشان بيودوهن الهلال الاحمر

ليلى:امايه الله يخليج لا تسوين بعمرج جذا نحن محتاين لج قومي ريحي فحجرتج وانا برتب باجي الاغراض

موزه:من وين بتيني الراحه وولدي مات

يدخل خالد ويقترب ويقرفص ند رجلي امه

خالد:امايه حنا وين رحنا اذا ع بدر هذا يومه

موزه:ليش ماساعدت اخوك ياخالد ليش؟..ليش خليته يموت ليش؟

ليلى:امايه الله يهداج خالد شو كان طالع بايده هذا قضاء وقدر

موزه:لا حول ولا قوة الا بالله سامحني ياميه

خالد: لا تقولين شي يالغاليه الله يخليج لنا

ليلى:خالد خذ امي ترتاح فحجرتها

وقف وباس راس امه: امايه قومي عشان ترتاحين شوي ...بزقر البنات عشان يساعدنج

ليلى:اوكي



اخيرا هاهو واقف امامها يتحدث إليها ..لقد تحقق مراده في رؤية ابنته ..كانا واقفين عند الباب

ناصر: امج ماخبرتج صح؟

امل:امبلا..بس عندي سؤال

ناصر:سألي

امل: شو اللي خلاك تسأل عني الحين؟

ناصر: انتي بنتي والدنيا مافيها خير وانا غلطت يوم اني حملتج ذنب مالج فيه ..امج هي السبب كرهتني فيها كل شي سود في ويهي

علقت في نفسها: انت تقول ذنبها وهي تقول ذنبك والوم القدر اللي خلاني بنتكم

انتبهت على صوت امها اللي كانت نازله ع السلم مانتبهت له لان امل ماسكه الباب وحاجبنه عنها

نوال:امل من اللي ياي

دفع الباب :هذا انا

نزلت وهي معصبه: انت شو يايبنك؟

ناصر: اشوف بنتي

تجدمت منه: قلتلك مالك بنت عندي امل بنتي بروحي..ولا ناسي انك خليتها.. روح روح لحرمتك وعيالك وخلنا في حالنا

ناصر: بخليج في حالج بس بنتي لا.. ندمت يوم تنازلت عنها في لحظة غضب بس الحين بصلح غلطتي

نوال وبنفس حدة الصوت: غلطه ..مب غلطه ياناصر هاي جريمه تعرف شو يعني جريمة اطلع برع ولا اتي هنا مره ثانية

ناصر :مب طالع يانوال واعلى من خيلج ركبيه وتهديدج مايهمني

كانت واقفه تناظرهما وكل منهما ينهال على الاخر بكلمات اللوم والاتهام ورجعت بذاكرتها لتلك الاوقات التى طالما وضعت فيها كفيها على اذنيها حتى لا تسمع مشاحناتهما اذا كانت في ذاك الوقت تفضل السكوت والبكاء في غرفتها فهي الان تريد انها جدالهما السخيف فصرخت: ممكن اقول شي.._سكتا على صوتها ونظرا اليها_ عندي بس طلب واحد ....اعتبروني ميته

انهت جملتها وصعدت لغرفتها ودموعها على خدها ..اما هما فقد ظلا ينظران لبعض ..وقبل ذهابه قال: الله لا يسامحج على اللي سويتيه

اماهي فتملكها الغضب منه ولكنه خرج قبل ان ترد عليه ثم صعدت لترى ابنتها ..وجدت الباب مقفل ضربت بخفه ونادتها بصوت هادي طلبت منها امل ان تتركها لوحدها ..ذهبت والدتها بعد ان ياست من المحاوله اما امل التي كانت جالسه على سريرها ودموعها على خدها ..فمستحت دموعها ونزلت من على السرير واتجهت لحقيبة المدرسه واخرجت هاتفها النقال واتصلت بلطيفه ..اتاها الاتصال وهي داخلة لغرفتها

لطوف: هلا امول

امل:لطوف لحقي عليي

لطوف:اموله حبيبي بلاج؟

امل: ابا اموت..خلاص مافيني حيل اتحمل اكثر مليت حياتي

يلست على الكرسي: فهميني شو فيج؟

امل:ابويه كان هنا وتنازع (تشاجر) ويا امي...اذا كنت كارهه حياتي فالحين كرهتها زود متى اموت وافتك من العذاب

لطوف: لي شوانا وين رحت؟

امل: محد مصبرني غيرج لطوف محتايتلج ياليتج بقربي الحين احط راسي فحضنج وتضميني حيييل لصدرج انسى الدنيا والعالم وامي وابويه وانسى عمري وياج

لطوف: اموله حبيبي اباج تمسحين دموعج وتنسين اللي صار ..ودامني وياج اباج تنسين كل شي حواليج

ارتاحت نفسيتها: لطوف اموت فيج ولو اتحدث من الحين لين باجر مابيسدني(يكفيني)

لطوف: تعرفين شو تسوين الحين؟..تاخذين شاور وبعدين تتصلين عليي

امل:اوكي

لطوف:بس قبل حطي الفون في الشاحن

امل: اوكي..احبج

لطوف:وبعد

امل:اعشقج

لطوف:وبعد

امل : اموت فيج

لطوف:اوكي قلبي تاك شاور

امل:اوكي..سيات

انشرح صدرها وارتاحت نفسيا حين تحدثت مع لطيفه ...في مكان اخر كانت جالسة وسط الصاله وامامها الطاوله واضعة عليها كتابها ودفترها تكتب واجبها ..وصل وراها جالسة على الارض ثانية احدى رجليها والاخرى مفروده ومن خلفها على مسافة منها الكرسي المتحرك نظر ناحيته بحزن ثم تقدم

سالم:مساء الخير

رفعت راسها وابتسمت:مساء النور

وضع حقيبة السفر من يده ونحنى على ابنته وقبلها ثم جلس بقربها

سالم:شحالج؟

نوره: الحمدلله..حمد لله ع السلامه

سالم:الله يسلمج شخبار الدراسه؟

نوره:تمام...بس حاسه ان البنات اللي ويايه في الصف شوي انانيات واعتقد انهم يتحملوني غصب

سالم:لا تقولين جذا ان شاء الله بتحصلين ربايع وايدات..نوره

نوره:لبيه

سالم: مافكرتي فكلامي

نوره: امم بس مب الحين خلها في الصيف منها نصيف وبالمره اتعالج

سالم:خلاص مثل ماتبين

تقبل نحوهم ميره: مساء الخير

...:مساء النور

جلست على الكنبه: حمدلله ع السلامه

سالم:الله يسلمج..عيل وين اليهال؟

ميره: تعشوا ورقدوا (ناموا)

نوره: احم يعني اقلب ويهي

سالم:لا تقلبين ويهج ولا شي خلج محلج

ميره:انتي من وين يايبه هالطفاسه كلها؟

ابتسمت:اكيد من خالتي

ميره: الله يسامحها

...: هههه



صعد السلم حاملا كيس بيده وعلبة بايسن ..والتقى باخته

لطوف:مساؤو

سرور:اهلين..تعرفين فرحان لانا اخيرا بنرجع نجتمع كلنا مره ثانيه..باجر بروح عند الوالده وبكلمها

لطوف: حد يدري بالسالفه؟

سرور:بس حنا الاثنين والوالد ومحمد

لطوف: مابا حد يدري خاصه حنانوه اريد اشوف ردة فعلها يوم تشوف امي جدامها

ابتسم:تستاهل ياليتني اكون موجود عشان اتشمت

لطوف(انتبهت للي شايله):شو هذا؟

سرور:هاج هذا لج مايغلى عليج

ناولها علبة البايسن: يسلمو..والكيس

سرور:حبوب منوم..صارلي كم يوم ما ارقد ..ارق

لطوف: عن تصير مدمن بسنا اللي صار لبدر

سرور: الله يرحمه...لاتخافين الصيدلاني نصحني اروح للدكتور ..وخذت موعد بعياده خاصه وباجر بروح

لطوف:اشوى

سرور: ياللا ساير ارقد تصبحين على خير

لطوف:تلاقي خير.._كانت سايره صوب السلم وقفت ولتفتت صوبه_..سرور.._وقف وراحت عنده_..هذيلا الحبوب كم ياخذ مفعولهن

سرور: وايد

لطوف:ممكن تعطيني حبتين

مازحها :ليكون تبيهم لحنانوه؟

لطوف:لا ماتستاهل..بس يمكن احتايلهم

سرور: اوكي.._ناولها حبتين .._تصبحين على خير

لطوف:تلاقي خير.._طالعت الحبوب وابتسمت_


تقرب منه وصار من رفاقه المقربين ..وتقرب من جاسم ابن خال حمد
وعرف بالذي حدث بين والديه ..فالذي يريده من حمد ولا يقدر عليه كان يجد جوابه عند جاسم ..عرف مكان سكن والدة حمد وكان يراقب المنزل ووقعت عينه على احداهن ..كان يراقبها عند خروجها وعندى عودتها يلاحقها اينما ذهبت وكانه يدرس نفسيتها ويتعرف عليها من بعيد ليضع خطة مناسبه توقعها في شباكه فلا تستطيع الهروب منه....



لم تكن تلك الحبوب لها بل لشىء في نفسها ..في وقت الفسحه كانت هي وامل واقفتان معا امل مستنده على الجدار ولطوف امامها

لطوف: حبي ..شرايج انقضي الليله مع بعض نطلع مع بعض ونسهر مع الشله

امل:ياليت بس كيف؟..تعرفين ماقدر اطلع من تحت الحراسه

لطوف: لا تقدرين

امل والاستغراب يلفها: بس كيف؟!

لطوف: تبين ولا لا؟

امل:اكيد

لطوف:اوك.._دخلت ايدها في جيب عباتها وطلعت منديل فيه الحبوب _..اخذي

امل:شو هذا؟!

لطوف:خذيه بالاول

خذت المنديل وشافت اللي فيه: حبوب؟!

لطوف: مب اي حبوب ..حبوب منوم _تقربت اكثر منها وسندت ايدها ع الجدار_..سمعي هذي الحبوب تذوبيهم في عصير وتعطينه لامج ..تراضينها عشان زعلتيها امس

امل: هيه بس

نزلت ايدها وتقربت منها ولصقت فيها: حبيبي لا تخافين هذي بس حبوب منومه مابسويلها شي بس بترقد ..حبي_حطت كفوفها ع خدود امل_ انا كذبت عليج

امل:لا

لطوف: خدعتج؟

امل:لا

لطوف: عيل ليش خايفه؟

امل:ماتخيل اسوي بامي جي

لطوف: خلاص حبي انسي السالفه ..وتوحيهم في الزباله

امل:لطوف الله يخليج لا تزعلين مني

لطوف: مب زعلانه خلاص انسي السالفه

امل وبدت تشعر بالذنب: انزين شوا سوي

لطوف:حبيبي لا تسوين شي عطيني الحبوب

امل: لا انا اثق فيج قوليلي شوا سوي بالضبط

لطوف:بس في حال ماقدرتي خبريني اوكي

امل:اوكي

لطوف:سمعي





يقولون كل يتعلم من كيسه ولكن راشد يبدوا انه لن يتعلم ابدا فهذه المره قام بمغامرة اخرى وهذه المره كتب على نفسه شيكات لاحد اصدقاءه ..قصد شقيقه سعيد يشكي له الحال

ليس لما فعل بل انه يتهم شقيقه انه سرق ماله

سعيد:راشد شو هالرمسه ..معقوله ؟

راشد:هيه نعم اخوك ياسعيد اخوك خدعني ..نهب حلالي ..ماخلا لي ولا فلس ..نهبني

سعيد:راشد تعوذ من ابليس هذااخوك مستحيل يسرق فلوسك

راشد:لا تنسى انه بس اخونا من الابو يعني عادي يسرقنا..اعرف انك مابتصدقني لانه طول عمره يظهر الطيبه والله يعلم اللي في نفسه والحين بين على حقيقته

سعيد:وعلى شو ناوي ياراشد؟

راشد:لازم كل العايله يعرفون حقيقة سيف

سعيد: فهمني شو ناوي تسوي؟

راشد: بخبرك شو ناوي اسوي وابا مساعدتك انت وعلي ...


رجعت شيخه لمنزلها بعد ان تحدث اليها سرور وذهب سيف بنفسه لاحضارها ..دخلت لمنزلها برفقة بناتها الخمس ..اما سيف فقد ذهب ليرى اشغاله من غير ان يعلم مالذي يخطط من وراءه..ولانها طيبه ولا تعلم ان حنان سبب ماحدث سالت عنها

شيخه:عيل حنان وينها محد خبرها؟

لطوف:لا تحاتين يالغاليه ..الحين بقولهم ينادونها _ذهبت شيخه وبناتها للصاله ماعدا لطوف_..ماري

ماري:نأم

لطوف: سمعي روحي لحنان وخبريهافي حرمة تترياها بس لا تقولين انها امي اوكي

ماري:اوكي

راحت لطوف للصاله: هلا بامايه هلا بسدرة البيت

اليازيه:واخيرا رجعنا لبيتنا

منى: وان شاء الله نتم مع بعض

خوله:ان شاء الله

وصلت حنان وتفاجأت بشيخه وبناتها حتى انها ماكملت السلام وجمدت في مكانها اما لطوف كانت تنتظر هذي الحظه اللي تشوف فيها حنان منصدمه..

شيخه:حنان بلاج مابتسلمين عليي

حنان:هاه امبلا..._ذهبت اليها_حمدلله ع السلامه...شحالكم بنات

...:الحمدلله

يلست قرب شيخه اللي سألتها: عيل وليد وينه؟

حنان:راقد

وقفت لطوف: امايه سايره حجرتيه..والحمدلله ع السلامه ونور البيت براعيته من رخصتكم


اذا لطيفه قد اطفأت نارها ففي مكان اخر مازالت النار مشتعله فهي خائفه متردده فكرة تأخذها واخرى ترجعها جالسة في غرفتها والحبوب في كفها تفكر كيف لها انت تفعل ذلك بامها ولكنها ايضا تحب لطيفه وتريد ان تكون معها ..تاوهات فقد تعبت من التفكير وقفت ومشت ناحية سلة المهملات اترميها وتنسى الموضوع ولكن قلبها يريد عكس مايريده عقلها لم تشعر بنفسها الا انها فتحت باب الغرفه وخرجتونزلت قاصدة المطبخ وحضرت كوبين من العصير ومازالت متردده وذوبت الحبوب في احدهما ..ثم عادت ادراجها وصعدت..كانت امها مستيقظة لتوها فهي متعودة تنام بعد عودتها من العمل ..دخلت حاملة الصينيه وعليها الكاسين وشريط فيلم ..خرجت امها من الحمام

فبادرتها امل بقولها: امايه حبيبتي حبيت اعتذرلج عن اللي قلته امس ..وسويت لنا عصير ونطالع فيلم.._ابتسمت امها ومشت عشان تيلس ع الكرسي_..لالا عالسرير

نوال: بس توني ناشه

امل بدلع:امايه الله يخليج

نوال: انزين

وبكل طيبه وسذاجه طلعت ع السرير ..ناولتها كأس العصير وذهبت ووضعت الفيلم ورجعت وصعدت هي الاخرى

امل: اكيد العصير مب حلو عشان انا مسويتنه

عشان ماتكسر بخاطر بنتها لان اكيد بيكون فيه طعم: لا حبيبتي بالعكس وايد حلو

امل:اذا صج تشربينه كله

ابتسمت: بس جذا من عيوني

طبعا كل هذا السيناريو والخطة بأكملها من عقل لطوف وتخطيطها وامل بس المؤديه..بعد ان انهت مافي كأسها من عصير وماهي الا برهه قصيره حتى بدأ مفعول المنوم ..ومن ثم اغمضت نوال عينيها ..الاحت امل راسها ناحية امها ووضعت الكاس جانبا وبدأت توقظ امها شعرت بالخوف والقلق على امها التي لا تستجيب لها هرعت بسرعه لغرفتها واخرجت هاتفها النقال من حقيبتها واتصلت بلطيفه التي كانت مع رفيقاتها في سيارة اسما ..كانت منفعله متوتره وطلبت منها لطيفه ان تعطيها العنوان ..ومن ثم طلبت من اسما ان تذهب للعنوان الذي اخبرتها به توقفن امام المنزل

اسما:لطوف منله هالبيت

فتحت الباب ونزلت :بدور تعالي جدام

نزلت بدور :انتي وين رايحه؟

لفت صوبهن وابتسمت : راح اييب اموله

اسما: بدور لحقيها

طنشتها وركبت : بدبر عمرها

مهره: يامبرد دمج

كانت امل جالسة على السلم وحينما سمعت جرس الباب ركضت بسرعه وفتحته

امل: لطوف امي ماترد عليي

لطوف:انتي عطيتيها الحبوب

امل بخوف:هيه

لطوف:انزين تعالي خلينا نشوفها؟

وصعدن فوق ..دخلت امل اول وبدت تصحي امها بس ماشي فايده ودخلت لطوف

لطوف وهي تهديها:اموله حبيبي امج مافيها شي هي بس راقده

امل:انا خايفه

لطوف: امج مريضه بشي

امل:لا

لطوف: لا تخافين هي بخير..اموله امول حبي صدقيني مجرد منوم مابيصيرلها شي انا متأكده بعدين هذي الحبوب خذتها من عند اخويه كل منها البارحه واليوم صحى مافيه شي

امل: يعني اطمن

لطوف: خلاص حبي اذا ماتبين خلج عند امج وراح اتصل عليج _باستها ع خدها_سيات حبي

مسكتها براعها: لطوف لا تخليني

لطوف: شو قررتي؟

امل: اتريني بغير ملابسي وبروح وياج

لطوف: بكون تحت ياللا بسرعه

في السياره عند اسما وبدور ومهره

اسما: بديت اقلق

مهره: بدور روحي شوفيها

اسما:بدور ليش انتي بارده

مهره: والله يابتها

فتحت لها الباب: ركبي حبي

ركبت امل وبعدها لطوف ..

مهره: اموله هي امج اسمحتلج اتين ويانا؟

امل ارتبكت ماعرفت شو تقول..لفت لطوف ذراعها حواليها: سمحت وماسمحت

لفت اسما صوبهن: شو لغز؟

لطوف:اسوم ياللا تحركي مابنتم طوال الوقت هنا

اسما بنرفزه مصطنعه: اعرف لو اتم لين باجر مابخذ منج لا حق ولا باطل

ابتسمت: يوم انج تعرفين ليش تعبين عمرج ياللا ياقلبي حركي وخلينا نستانس

استطاعت لطيفه ان تنسي امل امها في الساعات التي قضينها معا ..مضى الوقت بين ضحك ولعب وكلام الحب الذي لم يشبعان منه عندما كانتا وحدهما بعيدا عن البقيه وطوال الوقت كانت لطوف تستمع لامل التي تنسى نفسها عندما تكون معها ..ولم تتذكر والدتها الا عندما اقتربن من المنزل كان البيت مظلم فهذا يدل على ان والدتها نائمه طبعا لطيفه لم تتركها بل نزلت معها وذهبتا للداخل واشعلتا الضوء في الصاله ثم صعدتا للطابق الثاني

فتحت الباب في هدوء واشعلت الضوء ورأت امها نائمه وارادت ان تتأكد انها نائمه اقتربت منها تحاول ايقاضها ..ثم دخلت لطيفه واقتربت وجلست على حافتالسرير وبدأت توقضها

لطوف: خالتي...خالتي..خالتي_وقفت_خليها نايمه لا تزعجينها

امل: مادري كيف برقد بروحي اخاف

تقربت منها : لا تخافين

امل:رقدي عندي

لطوف: تبين امج تنحرني .._تقربت اكثر وحطت كفوفهاعخدود امل_ انتي بس قفلي الابواب وسكري عليج باب غرفتج ومابييج شي..الحين لازم اروح البنات يتريوني

امل: اوكي بس اتصلي فيني يوم توصلين البيت

لطوف:من عيوني

امل:تسلملي عيونج ياعمري

تقربت لطوف منها وبوستها ..وهن على هالوضع سمعن صوت نوال

نوال: امل

وفاة ابن عمه جعله لا يأبه بتهديداتهم فمن هؤلاء الاشخاص وهل الشرطه ستتمكن منهم؟

مانع حقق جزء من مخططه وبقي عليه إيقاع فريسته فمن هي ؟وهل سينجح ؟وماهي الخطه التي سيعتمدها؟

راشد إلى اين سيوصله حقده ومالذي يدبره لسيف ؟وماهي المساعده التي سيقدمها له شقيقاه؟ ومالذيسيحدث؟

نوال اتكون قد كشفت سر ابنتها ؟ومالذي سيحدث اذا كانت قد رأت ابنتها على هذا الوضع المقزز ؟



يـــــــــــــــــــــــــــــتـــــــــــــــــــ بـــــــــــــــــع