آخر لحظات العمر / بقلم kesat 3thab

آللــــــــــحظة آلآولــــــــــــــــــــى

أسرة خوله ..
تتكون من خوله بنوته عمرها 19 سنه فقدت البصر وجان عمرها 12سنه بسبة واحد اغتصبها فدفعت ثمن هالشي عمرها كله..
هي بيضاء وطويلة وعيونها واسعة ووايد حلوه بس عمرها ما شافت مقدار الجمال اللي تحمله تسمع بس من أختها مها لما توصف لها شكلها وعليها ضحكه تذبح كل من يطالعها.. وكل من شافها انسحر بجمالها
مها.. بنوته مش اقل جمال عن أختها دلوعة وايد عمرها 18 مخلصه ثانوية وهي فالجامعة تدرس هندسة معماريه أول سنه لها رومانسيه لأبعد الحدود..
فهد .. اكبر من مها وخوله عمره 22 سنه يشتغل فشركه رومانسي وكوميدي وهو طوويل ووسيم وابيضاني عيونه ناعسه ويحب بنت عمه سارة بس هي هب حاسة فيه وطول الوقت مطنشتنه
حمود.. أخوهم الكبير عمره 28 متزوج وعنده بنتين توأم ميره وأميره وعمرهم 4 سنوات وولده الصغنون عمره سنه اسمه مايد
فاطمة حرمة حمود.. حرمه متواضعة وايد تحترم الكل والكل يحبها ومعتبرينها مش بس زوجة اخ الكل فالكل فالبيت هي هاديه ما تتكلم الا إذا حست انه فكلامها شي مفيد ملامحها هاديه وجمالها بسيط..
ام خوله اسمها رايه حرمه طيبه وكل اللي فالحارة يكنون لها الاحترام قلبها وايد ابيض وتحب الخير للكل وينادونها بأم حمود ..
ابو خوله : اسمه سعيد والكل يناديه بأبو حمود إنسان طيب والكل يمدح فاخلاقة وعنده شركه يمشي فيها اموره واكبر همه ما يشوف عياله مضايجين او دمعه فعينهم خصوصا خوله عقب الحادث اللي صار لها فحاس نفسه هو المسئول والسبب في كل اللي صاااااااااااااااااار
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في غرفة خوله كانت يالسه تسمع مسلسل فالرادو فدشن عليها ميره وامير وركضن صوبها
خوله كانت حاطه سماعات فأذونها فما تسمع اللي حواليها ومندمجه ع الاخر
ميره : عموتي .. عموتي.. عموتي
اميره : ميله نلوح ما تسمعنا
ميره : انتي اسبري اونه ( اصبري) احين بتسمعنا
اميره وميره تمن يزقرنها بصوت عالي :: عمووتي .. عموووتي .. عموه اوله اونه ( خوله )
خوله هم بعد ما انتبهت بس قالوا عباره في الراديو خلتها تضحك من خاطر
ميره وهي اطالع اميره: اميله شوفيها تسمعنا بس ما تبا تلمنا اونه ( اميره شوفيها تسمعنا بس ماتبا تكلمنا)
اميره قامت وطلعت فوق الكرفايه وحضنت عمتها خوله وتبعتها ميره ويلست تضربها ع ايدينها
خوله هنيه انتبهت وحست بحضن اميره وضربه في يدها فبطلت السماعات
وسمعت ميره تقول وهي تضربها: اموه انتي تسمعينا بس تبين تضحكين علينا صح
خوله ابتسمت ويلست تمسح ع خد اميره وع شعر ميره
خوله بابتسامه : فديتكن والله كنت اتابع مسلسل وما انتبهت عليكن
اميره وهي زعلانه: انزين يوم ما تسمعينا ما تثوفينا
ونزلت دمعه من عين خوله بس مسحتها قبل ما ينتبهن
ميره وهي اطالع اختها: خلاص اميله انا ما احب اموه خوله .. اونه ( خلاص اميره انا ما احب عموه خوله )
خوله اول ما سمعت هالرمسه ابتسمت ويلست تبوسهن
خوله : خلاص اذا ما تحبني انا اموت فيكن انزين
اميره: انزين اموه بتشريلنا كو كو ( كوكو اونه كافي)
خوله وهي تبوسها: فديتج بشتريلج درازن كوكو بس ما تزعلن علي
ميره واميره مع بعض ما بنزعل خلاس
فجأه دشت فاطمه وكانت ادور ميره واميره
فاطمه وهي تسوي شكلها معصبه
احين يالسه ادوركن من الصبح في النهايه احصلكن هنيه مب قايلتلكن تسيرن الحمام – اكركم الله - عسب اسبحكن
ميره واميره خافن وحضنن خوله
خوله وهي تحضنهن: حرام عليج فطامي زيغتيهن هدي شوي
فاطمه : خلاص بس عشان عموه خوله بطوفها حقكن هالمره بس ما تعيدنها انزين
امير وميره مع بعض: ان شاء الله ماما
فاطمه بابتسامه يالله انزلن تحت وسيده ع الحمام – اكركم الله - زين
ميره وهي اطالع اميره: انابسبق
اميره: يالله بنشوف
ونشن ميره واميره يركضن صوب تحت عسب يسيرن الحمام
فاطمه نشت وسارت تيلس حذال خوله
فاطمه : ها خوالي شو بلاج حابسه روحج هنيه
خوله بضيج: شو تبيني اسوي يا فاطمه والله ملانه خاطري اطلع خاطري اشوف الناس
فاطمه بالم: خلاص يا خوله اصبري واحتسبي
خوله ودمعه نازله: مب حازه عليه الا دمعة ابويه اللي ما تنشف من عينه
فاطمه: عمي ما قصر يا خوله وداج احسن المستشفيات وسكتت فاطمه فجأه
خوله ودمعه نازله من عينها: والكل يقول ما في امل انه بنتك تشوف مره ثانيه
فاطمه وهي تحضن خوله: (( ان الله مع الصابرين)) احتسبي الاجر فديتج
خوله بضيج: بس انا خايفه يا فاطمه خايفه وايد
فاطمه بابتسامه : من شو خايفه يا خوله
خوله ودمعه نازله : هو شي باقي يا فاطمه ما يخوف مستقبلي وضاع حتى فكرة اني اكون بيت وعايله صارت من سابع المستحيلات حاسه انه حياتي اعتفست فوق التحت لو بغيت اصبر بس ما بيدي والله ما بيدي
فاطمه تقاطعها: لا تقولي جذا خواااالي خلي ثقتج بالله كبيره يالغاليه
خوله بصوت هادئ: ونعم بالله يا فاطمه والنعم بالله

خالد وهو مغمض عيونه: اممممممممم افكر
روضه بعصبيه :خلاص غيرت رائي مابا أسألك ولا سؤال
خالد وهو يكمل رسمته: خلاص برايج عيل ما احب اسبب لج ازعاج
روضه بطفش: خلود من صجك انته
خالد : لا اقص عليج هههههههاي
روضه : اها يعني كل شي خطر ع بالي كان صح
خالد : بسم الله شو في بالج يا ست الحسن والدلال
روضه بابتسامه : خلود انته تحب صح
خالد وهو يضحك من خاطر: طالع هذي انا جم مره قايل لج ما أؤمن بالحب
روضه : بس الحب جنه يا خالد
خالد : ادري بس الاحلى اذا كان يرضي الله صح ولا انا غلطان
روضه وهي تبوسه ع راسه: درر درر يا خوي وانا اشهد
خالد: شكرا شكرا
روضه بدلع : خلود ترى ورا هالبوسه شي
خالد: ادري فديتج اختي واعرفج
روضه: اباك توداني السوق ابا اشري اغراض حقي من المكتبه
خالد: خلاص فديتج بس توعديني ما تتأخرين ابا اودي احمد ومحمد الملاهي
روضه: ادري فديتك ترى انا بسير وياهم يعني برابعكم
خالد : خلاص عيل وقت ما تبي تسيرين عطيني خبر
روضه وهي تبوسه وطايره من الفرح: فديت روحك اخويه يا بخت من تحبك وتاخذك
خالد وهو يعدل يلسته: شكرا شكرا اخجلتي تواضعي
روضه: خلاص عيل احين بسير اريح شوي وعقب بنطلع
خالد : على خير ان شاء الله
طلعت روضه الا وتسمع خالد يزاقرها
روضه: بسم الله شو بلاك زيغتني
خالد : فديت اللي زيغتهم شغلي المسجل
روضه بطفش: حسبالي عندك شي
شغلته وطلعت عنه
خالد كان مقتنع جد الاقتناع بأنه لا يوجد حب الا في حالة الاقتران او عقد القران وقد تناسى بأن هذا الشي ليس بيده بل بيد خالقه ثم يتحكم فيه قلبه ... ودمعته هي اكبر دليل على هذا فالقاعده تقول (أن تبكي يعني أنك تحب فالحب هو الدموع)
~~~ ~ ~ ~ ~ ~ ~ ~~ ~~~~~~~~~~~~~~~~~~~
منـــــــــــــــــزل سيف ييران خالد
يتكون من الابو سيف : انسان طماع يحب عياله ومدلعنهم اخر دلع وطلباتهم بالنسبه له اوامر
ميثا: تموت فخالد وهي متينه شوي وحلوه وعيونها ذباحه مخلصه ويالسه فالبيت
مشعل: عمره 23 انسان مغرور ويشوف الناس من فوق لتحت وخبيث
ام مشعل : انسانه خبيثه تكره احد يرفض اي طلب لــعيالها ومستعده تسوي المستحيل عسب بس يستانسون حتى لو على حساب غيرهم
ابو مشعل : ها ام مشعل من زمان اشوفج ما سرتي صوب ام محمد ( ام محمد حرمة ابو خالد وروضه)
ام مشعل: شو اسوي يا ابو مشعل الاشغال ذابحتني
ابو مشعل : بس الصراحه سلطان له سمعه في السوق زين لو نزوج ميثا خالد
ام مشعل : الله يسمع منك يا ابو مشعل بس لا تخاف اوعدك انها بتكون من نصيبه
ابو مشعل: وشو الشي اللي يخليج واثقه
ام مشعل بنظرة ثقة : اصبر وبتشوف
بو مشعل : يا خبر اليوم بفلوس باجر بلوشي ع قولتهم
ام مشعل: الظاهر انت ما تعرف ام مشعل منو تكون
بو مشعل يقاطعها: الا اعرفج خبز يديني بس سوي المستحيل زواجها منه بيوصلني القمه بدون أي تعب
ام مشعل: اصبرعلي بس وخل ميثا علي انا
ميثا سمعت اسمها
ميثا وايدينها عخصرها : تحشون فيني هاه
بو مشعل يقاطعها اللي يتكلم عليج احش ريوله حش
ميثا با بتسامه: اوف لهالدرجه انا غاليه ما دريت بهالشي
ام مشعل : افا يا ميثا يعني انتي ما تعرفين غلاتج عندنا
ميثا : ادري ادري انزين انا بسير عند روضه حدي مشتاقتلها
بو مشعل : انا اترخص احينه بسير صوب الشركه ما اوصيج يالغاليه هالله هالله فــ ميثا
ام مشعل : ماطلبت شي يالغالي
ميثا بنظرات تعجب: شو سالفتكم انتوا الاثنينه
ام مشعل: ميثا بسالج سؤال خالد يميل ل ج
ميثا باستغراب: ما ادري امايه
ام مشعل : يعني ما حسيتي من تصرفاته اتجاهج
ميثا وهي رافعه حياتها: لا امايه خالد اصلا دافن عمره فلوحاته نادر ما اجوفه
ام مشعل : وانتي تحبيه
ميثا بارتباك : انا لا امايه ما احبه
ام مشعل : توترج اكبر دليل على انج تحبيه
ميثا بعصبيه : لا ما احبه
ام مشعل : ميثا انا خاطري تتزوجين من خالد
ميثا وهي طايره من الفرحه : ليش خالد خطبني اميه ولا شو
ام مشعل: شفتي انج تحبيه
ميثا بضيج وهي متحطمه ع الاخر: اميه شو السالفه
ام مشعل: صارحيني وعقب بفهمج بكل شي
ميثا ؛: هيه اميه الصراحه احبه واموت فشي اسمه خالد بس
ام مشعل تقاطعها : بس شو ميثاني
ميثا : اميه خالد طول الوقت فحيرته ويالس يرسم وكل ما اسير هناك ما يطلع احسه ما يدانيني
ام مشعل: لا تخافين فديتج انا بطريقتي بخليه ايي ويخطبج زين
ميثا وهي تبوس راس امها : فديت روحج اميه يالله احين اترخص بسير صوب روضه
ام مشعل بابتسامه : ديري بالج ع روحج زين
ميثا : اوكيه اميه ما طلبتي شي يالله باي
ام مشعل : في حفظ الرحمن يالغاليه
كانت قاعدة ابو مشعل في هذه الحياه ان يصل الى القمه عن طرق الصعود فوق اكتاف غيره بالمعنى الاصح بأخذ جهود غيره بالغدر والخيانه فقلبه كان خاليا من الانسانيه عندما تكون المسألة تخص المال ولكنه يصبح حملا وديعا امام ما يخص املاكه اما حقوق غيره فيرى دائما بانه هو الاحق بها وام مشعل هي التي زرعت كل هذه الهواجيس بداخله فوراء كل رجل عظيم امرأه ووراء كل رجل لا يعرف أي معنى عن الانسانيه للاسف هي ايضا أمرأءه غرتها الحياة الدنيا وتناست اخرتها..
فــــــــــي بيــــت سعيــــد ابو خوله
مها كانت يالسه تلاعب مايد في الصااله
مها بابتسامه : قول عموه مها
مايد وهو يهز راسه : مابا
مها وهي تسوي روحها معصبه: ميود قول عموه مها ترى بصيح
مايد هم بعد يالس يهز راسه انه ما بيقول
مها بضيج: اوف هالولد عنيد ما ادري على منو طالع الله يهديك بس
فهد يقاطعها : طالع على عمه فهد فديته
مها وهي اطالع فهد بنص عين: مالت عليك اسم الله عليه
فهد وهو اونه معصب: ليش مب مالي عين الاخت
مها وايدينها ع خصرها : لا والله ما مالي عيني
فهد : خلاص لا تخافين عيل اكتبي الرقم بس اخاف تنسين
مها : فهوده ترقم بنات من ورانا
فهد يقاطعها : أي بنات يالس ارقم وحده سيلانيه

مها وهي معصبه : منو السيلانيه
فهد : ااكيد انتي فديتج وحد غير مها موجود هنيه
وفجأء تكلم مايد : مااا سلان اونها (( مها سيلانيه ))
مها وهي ماسكه راسها : فهود طالع هذا شو يقول
فهد وهو يشل مايد من الارض ويبوسه : فديت منطوقك يا مايد دوم اباك جي راعيها
مها وهي تضرب فهد : هيه هذا اللي ناقص واحد قد الذره يقولي سيلانيه
ويلست تحاول تاخذ مايد من حضن فهد بس فهد جان اقوى
دش عليهم حمود: حوه انتوا .. اشو بلاكم بتجتلون ولدي
فهد وهو ميت من الضحك : ها مب ولد ها دره
حمود بثقه : ادري لاني انا ابوه
مها بعصبيه : شفت ولدك اللي توه طالع من البيضه يقول عني سيلانية يرضيك هالشي
حمود بابتسامه : لا والله مايرضيني لانه رفع من مستواج الصراحه
مها وهي معصبه :ياربي تبون تقهروني انتوا الاثنينه
فاطمه وخوله جانن نازلات وسمعن مها اتصارخ
فاطمه وهي متخرعه : مهاوي شو بلاج حبيبتي صوتج واصل لبيت ييرانا
خوله بخوف : مهاوي حبيتي انتي مريضه \فيج شي
مها بطفش: فيني قهر وهذا اكبر مرض
خوله وهي خايفه : من شو فديتج
حمود وهو يضحك من خاطر : خوله فديتج لا تتفاعلين مع الموضوع اكثر تراها نصابه
فاطمه : احينه بتخبرونا السالفه ولا شو
فهد وهو ميت ضحك : شفتي ولدج العبقري ذا
فاطمه : هيه شو بلاه بعد
مها بعصبيه : تصدقي يا فاطمه من الصبح اقوله قول عموه اخر شي تدري شو قال
فاطمه بابتسامه : هاه شو قال
مها وهي تسوي روحها تصيح : قال عني سيلانيه
وتمن فاطمه وخوله يضحكون من خاطر
مها وهي اطالعهن بنص عين : حشا شو بلاكن بغيتكن عون وصرتن فرعون
فاطمه سارت وباست مايد : ميود حبيبي ها سمها عموه مها
مايد وهو يهز راسه : لا مااسلان
حمود : خلاص فطامي الولد عيبته الكلمه والله يكون فعونج مهووي
مها : ميود ما بشريلك كو كو
مايد وجنه يبا يصيح
فهد يلس يبوسه : اوشش حبيبي انا بشريلك
في غــــــــــــــــرفة الابو سعيـــد
سعيد بضيج : تعبان يا رايه تعبان
رايه وهي تمسح ع راسه : هونها يا ابو حمود وبتهون
ابو حمود بألم : بس انا السبب
ام حمود تقاطعه : انت مالك دخل القدر بغا هالشي
ابو حمود : بس كل ما اشوفها اختنق
ام حمود : هذا ابتلاء من رب العالمين ونحن ما بيدنا غير نصبر
ابو حمود : بس لين متى بيلس اشوفها ع هالحاله مستقبلها ضاع واحلامها تحطمت حتى زواجها صار مستحيل
ام حمود : بس بو حمود لا تفاول عليها حرام عليك
ابو حمود : خلينا واقعيين منو بياخذ وحده عمياء مب دارية عن شي
ام حمود : عيال الخير وايد يا ابو حمود
ابو حمود بالم : بس انا مابا اللي ياخذها ييلس يتمنن عليها
ام حمود : ان شاء الله كل اللي في بالك مايصير شي منه
بو حمود : اه بس وفجأه سكت وبدت ذكريات حادث خوله تدور فراسه
ورجع بالزمن لسبع سنوات
بو حمود : خوله سيري قولي حق الدريول يوديج المدرسه انا مب قادر تعبان
خوله بخوف : ابويه بس انا اخاف اسير بروحي
بو حمود : حمود قوم سير عند اختك
حمود : ابويه طلبك ع راسي بس وراي كليه ومابا اتأخر
بو حمود وهو يطالع فهد
بس فهد قاطعه : ابويه الباص برع مابا اتأخر يالله من رخصتكم
بو حمود : خلاصخوالي سيري خبريه انتيه انا تعبان وابا اشل مها المستشفى اختج تعبانه فكري فيها
خوله بالم : ابويه بس انا اخاف .. مابا اسير اروحي ويا الدريول
بو حمود وهو معصب : خوله امج اليوم ما بتسير يالسه عند اختج طول الليل مب راقده
خوله : خلاص ابويه بسير بس انته لا تعصب
بو حمود بابتسامه: فديتج خوالي انا مب زعلان بس اباج تكونين قويه وما تخافين وانتي ما ينخاف عليج
خوله بابتسامه : خلاص ابويه اللي تامر عليه
سارت خوله صوب الدريول
خوله بخوف: حنيفه اباك توصلني المدرسه
حنيفه بابتسامة مكر : مافي مشكله انا يودي بس بعد نص ساعه
خوله بتوتر : ليش نص ساعه بتأخر ع المدرسه
حنيفه بعصبيه: انته ما يشوف انا شو يالس يسوي
خوله : احين الساعه 7 وربع ماباقي شي عن الطابور
حنيفه : اوف خلاص احين يودي
في غرفة مها
مها بدت حالتها الصحيه تتدهور
ام حمود بخوف : بو حمود الحق علي
بو حمود يا يركض نفس الاهبل
بو حمود: شو بلاج عسى ما شر
ام حمود وهي متقطعه صياح: طالع مها ما تتحرك
بو حمود بخوف: نشي لبسي عباتج بوصلها الدختر
ام حمود: خلاص اللي يريحك ثواني بس
وسار بو حمود وام حمود ونسوا انه خوله تتريا الدريول فالملحق
الدريول انتبه لسيارة ابو حمود تطلع
خوله اول ما حست انه محد فالبيت تملكها خوف كانت تبا تروح صوب حجرتها
بس حنيفه مسكها قبل ما تطلع من الملحق
حنيفه بابتسامه: وين يريد يروح انته
خوله وهي ترتجف: هاه ابا اسير حجرتي
حنيفه:انا يودي مدرسه احين
خوله وهي تحاول تبطل ايدينه: مابا اروح خلني اسير حجرتي
حنيفه : لا مافي روح غرفه مال انتي بيسير غرفة مال انا
خوله وهي مب قادره توقف: غرفه مال انته .. شو تخبلت
حنيه وهو يمسك خوله بقو: انا من زمان يخبر انته انه انا يحبك
خوله : حنيفه بطل ايدي
حنيفه : مافي بطل
خوله حاولت تقاوم حنيفه بس ايدين بنت عمرها 12 سنه مش نفس يد ريال صاك الثلاثين
حنيفه : خوله انته اليوم حرمه مال انا
خوله اول ما سمعت هالرمسه بدت تصارخ: ابويه اميه لحقوا علي وينكم ليش خليتوني وسرتوا انا بعد بنتكم
حنيفه: ماما بابا مافيه منيه فيه بس حنيفه حبيب مال انته
خوله بخوف: حنيفه قتلك خوز عني
حنيفه ما استمع لــ توسلات خوله وبداء يقطع لها ملابسها