(موضوع حصري) هـل الدموع وفيهـا أغسل مشااعرك ..

05-01-11, 07:57 PM

المشاركة رقم: 1

المعلومات
الكاتب:	حمضيات
اللقب:

البيانات
التسجيل:	Jan 2011
العضوية:	210907
المشاركات:	2
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

المنتدى : الارشيف

هـل الدموع وفيهـا أغسل مشااعرك ..

هـل الدموع وفيهـا أغسل مشااعرك ..

.. مدخـل /

أجرح وعذبني واذا طاب خاطرك عزي هواك وعشرتك في فراقـي

هذاك أول يوم تخطي واسايرك يوم أنت فـ حبك على القلب راقـي ..

{ : هـل الدمموع وفيهـا أغسل مشااعرك .. : }

..

كان سلطان جالس يشرب الشاي هو وابوه وامه واخته وفاء الصغيره في الصاله ويتفرجون على التلفزيون مع بعض ..
فجأءه قال ابو سلطان : سلطان نبي نروح لمزرعه عمك طلال { الله يرحمه } عشان نجيب زوجته وبنتها بكرا
قال سلطان : ليه صاااير شيء !!
أبو سلطان : لا أبد .. بس عمك صار له سنه من توفى وزوجته وبنته في المزرعه لحالهم ماعندهم احد وهم ما يقدرون على المزرعه وشغلها
وانت عارف ان زوجته عمك أجنبيه ومالها احد غيرنا عشان كذا بنجيبهم عندنا ويعيشون عندنا على طول .. وان شاءالله نبي نروح لهم بكرا الصبـاح
سلطان : ان شاءالله يبه
التفت عبدالله الي هو أبو سلطان لزوجته سألها خلصت من تأثيث الشقـه حقتهم ؟؟
أم سلطان : أيه خلصت وان شاءالله انها تعجبهم !!
سلطان واخته وفاء الي في المتوسطه قاموا يضحكون ناظرهم أبوهم وقال في شيء يضحك ؟ ضحكونا معاكم !!
سلطان : شنو تعجبهم الشقه أكيد بتعجبهم ناس ساكنين في القريه من زمان ولا عمرهم اطلعوا منها اكيد بيشوفون الشقه قصــر
عصب أبو سلطان من كلام ولده الجـارح وقال لو أطلبو قصـــر ماراح يغلى عليهم ناسي أنهم اهل اخوي الله يرحمه وعن الكلام الماصخ
والي ماله داعي ..
وفي الصباح راح أبو سلطان وسلطان للـ المزرعه الي في القريه تبعد عن الرياض 300 كيلو ..
{ طبعا فاطمه وبنتها لولوه عندهم خبـر أنهم راح يروحون معهم ويعيشون عندهم }
وصلوا المزرعه وكانت ام لولوه مجهزه لهم الغداً وتغدوا وبعدها كلم ابو سلطان فاطمه : قالها جهزي اغراضك واغراض بنتك راح نرجع الرياض ان شاءالله
بعد الغداً ان شاءالله .. وقالت فاطمه : ان شاءالله يابو سلطان
وبعدها رجعوا لـ الرياض ومعاهم فاطمه وبنتها لولوه ، ودخلت فاطمه وبنتها لولوه على ام سلطان وسلموا عليها وجلسوا مع بعض وبعدين تعشوا وتموا يسولفون
ويا بعض للساعه عشر ثم دخل عليهم عبدالله أبو سلطان واخذهم لـ شقتهم الي بجنب بيت أبو سلطان ..
{ كانت شقه صغيره صحيح لكن كانت حلوه ومناسبه لفاطمه وبنتها لولوه ..

أبو سلطان : سامحينا في قصورنا يا أم لولوه أنا عارف ان البيت مو قد المقـام بس علشان تكونون قريبين جنبنا . .

أم لولوه : تسلم يابو سلطان والله القصور بعيده عنك واحنا نشوف البيت جنه دامكم قربنا ..
أبو سلطان يلتفت حق لولوه .. هاا وانا عمتس ناقصتس شيء تبين شيء قولي ولا يردتس الا لسانتس ..
لولوه : تسلم ياعمي عسـااك دوم عـ القوه أبي سلامتك ورضاك ..

أبو سلطـان : الله يرضالي عليتس يابنتي ، يالله أسمحولي بروح تصبحون على خيــر
لولوه وامها { وانت من اهل الخير ان شاءالله }

من بكره الصبـاح كان سلطان يسأل وفااء عن اهل عمه وفاء تقول له : والله ناس بسيطين جداً وكانوا ف قمه الخجـل .. { هنا قالتها مستهزئه } كسروا خاطري والله بس يمشون ويدعون
وقعد سلطان واخته يضحكون وهنا سمعتهم أمهم وقامت تصارخ عليهم عيب عليكم هذولا أهلكم منكم وفيكم ليش قاعدين تضحكون علهم على شان الدنيا
ما انصفتهم لاتضحكون ترى الدنيا دواره ويالله قوموا ساعدوني على شان عندنا عشـاء الليله عازمين قرايبنا على شان يسلمون على فاطمه وبنتها ..
في الليل تجمعوا الاقارب في بيت ابو سلطان ..

فاطمه راحت لبنتها على شان يروحون بيت عمهم لقت لولوه جالسه مابدلت ثيابها على شان تروح وياها !!

فاطمه : يمه لولوه وش فيتس مالبستي ماتبين تروحين لبيت عمتس ؟

لولوه : والله ودي يايمه لكن ماعندي لبس يستاهل على شان البسه .

فاطمه : يمه وملابستس وش فيها

لولوه : مو حلوه يمه كلها قديمه وتفشل وشفتي وفاء شلون كانت تناظرني أكيد بيكون فيه بنات لابسات اشكال والوان اسمحيلي يمه واعتذريلي من مره عمي ..

فأطمه حست بضيقه بنتهاا فما حبت تعصب عليها : كيفتس يابنيتي ماراح اغصبتس وانا بروح وان شاءالله برسل لتس عشا ..

راحت فاطمه واستقبتها أم سلطان وشافتها جايه لوحدها وسالتها عن لولوه وقالت لها انها تعبانه من السفر وماتقدر تحظر ..

لكن أم سلطان كانت تقريباً مربيه لولوه وعارفتها وتحبها مثل ماتحب وفاء و سلطان ..
أم سلطان : فيه شيء مضايقها ؟ لان انا اعرفها زين وربيتها على ايدي
فاطمه : انتي الصراحه مثل امها وانتي عارفه دلع البنات تقول ماعندها ملابس جديده .. وتقاطعها أم سعود : ماعليه يا أم لولوه
هي بنت مثل غيرها تحب تتزين وتلبس جديد .. انت ادخلي عند الحريم وانا بروح أجيبها ..

راحت أم سلطان لغرفتها وطلعت تنوره وبلوزه عندها جديده ما لبستهم وراحت لـ لولوه وطقت عليها الباب ..

لولوه كانت تطالع التلفزيون وهي متضايقه كان في خاطرها تروح مع امها وتتعرف على اقاربها لكن .. قطع حبل افاكرها الطق على الباب
{ غريبـه معقوله امي ارجعت بهالسرعه او لا يكون العشا مرسلينه لي }
قامت تفتح الباب الا تشوف مره عمها قدامهاً قالت في خاطرها { أكيد امي قالت لها السالفه وليش ماجيت ، الله يسامحتس يا يمه }
لولوه : هلا مره عمي تفضلي ..
ادخلت مرره عمها وهي تقول وش فيها بنتنا زعلانه ولا تعبانه ولا متضايقه !؟
لولوه : أبد مصدعه شوي ..
أم سلطان : مصدعه ولا متضايقه ، ترى امتس قالت لي كل شيء .. معقوله القمر تحتار وش تلبس . والله انك احلى من مليون بنت ومو ناقصك شويه ملابس على شان تبين جمالك ..

لولوه وهي مستحيه من كلام مره عمها : انا .. ام سلطان تقاطعها : انا اعرف ان كل البنات يحبون يلبسون جديد خاصه اذا كانت عزيمه كبيره وتعطيها الملابس وتقول هذي هديتس
صدق متأخره لكن انشغلت يابنيتي ف التحضير للعزيمه وانا كنت ناويه اعطيتس اياها الصباح لكن سامحيني ..
رفضت لولوه تاخذها لكن اصرار مره عمها وانها هديه كانت مجهزتها من قبل لا يجون خلت لولوه توافق ..
أخذتها وراحت لغرفتها عشان تلبسها وطلعت لمره عمها ال انصدمت من البدله

يعني باين عليهاً انها نسائيه اكثر منها شبابيه يعني ماتناسب لولوه
والمقاس كان كبير حبتين ..
لولوه شافت نظره مره عمها اعرفت انها ماعجبتها وقالت : مو حلوه صح
ام سلطان : لا يابنتي بالعكس اكثر من روعه صدق المقاس كبير لكن ماعليه أرفعي اكمامها وتطلع حلوه ..
لولوه قررت تنزل والي يصير يصير عشان خاطر مره عمها الطيبه وامها المسكينه اكيد بالها مشغول عليها ..
نزلت لولوه بدون ماتحط أي ميك أب اللهم بلاشر وردي وخفيف ، اعطتها نعومه طفوليه ..
كانت لولوه فعلا حلوه سبحأن اخالق كان شعرها اسود لامع لحد اكتافهاً .. وبيضاء وعيونها سود ووسـاع ..
يعني مو ناقصه الا شويه ذوق في الملبس وتكون توب التوب ، ولانها كانت عايشه بقريه صغيره وحالتهم بسيطه يعني لا يرحون ولا يجون ..
ماكانت لولوه تلبس وتتزين مثل كل البنات ..

دخلت لولوه الصاله مع مره عمها والكل يطالعها يمكن لانها حلوه او لانها من زمان ماجت لهم او لان لبسها كان باين عليه اكبر من سنها ..

قاموا الحريم يسلمون عليها وتعرفت على عمتها امل أكبر منها بسنتين يعني في ثاني جامعه ومخطوبه لولد خالتها عبد العزيز ..
وتعرفت على أخت مره عمها العنود وبناتها اريج وهند ..

أريج باين عليها مغروره وشايفه نفسها وما هضمت لولوه أبد ..
انتهت السهره بسلام وكان الكل تعبان فـ الكل راح ينام على طول ..
ومن بكره جت لولوه عند بيت عمها على شان ترجع الملابس لكن مره عمها ازعلت منها وقالت انا قلت هديه مو سلف ..
وعلى فكره يا لولوه بنروح العصر للسوق على شان نتمشى ونتسوق انتي عارفه المدارس على الابواب وانا قلت حق امتس ان بنروح الفيصليه
العصر ان شاءاله ..
لولوه كانت فرحانه انها بتروح السوق ولا بتروح الفيصليه الي تسمع عنه لكن عمرها ماشافته ..
في العصر اركبت لولوه وامها ووفـا وامها مع السواق وراحوا للسوق ..
كان الكل فرحان ويتسوق الا لولوه الي كانت منبهره اكثر من أنها فرحانه ومحتاره نو تختار وكانت تستشير مره عمها اكثر من أمهـا
على شأن أكيد ان عندها ذوق وكانت أي شيء تختاره مره عمها توافق عليه على طول بعكس وفاء اللي كانت عنيده وتاخذ الي براسها حتى لو كانت امها معترضه
أم سلطان : الله يهديتس يابنيتي ليش ماتكونين مثل بنت عمتس تسمع الكلام ..
وفاء : مالي شغل باحد تبيني البس مثل العجز انتوا غير وانا غير بعدين اسمحيلي يا يمه انتي ذوقتس قديم مره وانا لسـى صغيره ..
لولوه كانت تسمع وحاسه أن كلام وفاء صحيح ولكن وفاء متعوده انها تتسوق بنفسها وتختار على ذوقها ولكن هي أول مره
تدخل مثل هالاماكن وماركات بعد .. والفلوس محدوده صحيح ان عمها ما خلاهم يطلعون بدون ما ياخذون منه فلوس لكن مو معقوله تضيعها مره وحده ..
بعد صلاه العشاء انتهوا من التسوق وقالت وفاء اشرايكم نتعشى فوق وبعدين نرد البيت ؟ وافقوا كلهم ولول بتطير من الفرح ..
طلعوا فوق واطلبو العشأ واتصلت ام سلطان على السواق على شان يجيهم ويردهم للبيت لكن السواق كان مشغول مع أبو سلطان ..
وبعدها .. أتصلت على ولدها سلطان عشان يردهم للبيت .. وبعد عشر دقايق كان سلطان بسيارته البي أم ينتظرهم ..
لولوه شافت السياره وانبهرت فيها قالت في خاطرها صحيح الكلام الي انقال عنه انه مغرور وشايف نفسه وانه يحب ويموت في المظاهر ..
اركبوا كلهم السياه وامه كانت قدام وسالته : ماشاءالله عليك اول مره تجي بسرعه ..
سلطان وهو يضحك : من حظك يالغاليه كنت مع الشباب في مقهى قريب ..
التفت على مره عمه ورد عليها السلام وبعدين سكتوا .. لولوه كانت عيونها على ولد عمها منظره على جنب مره حلو والاحلى لبسه وشعره وعرض اكتافه ولا صوته كان رجولي
ورزين معنى الكلمه .. وفجاءه قطع حبل افكارها صوت سلطان وهو ينادي .. لولوه لوولوووو
لولوه : نعـم .. هلاا وش فيه ؟؟
سلطان : نعم الله عليتس وين رحتي . أقول وش رايتس في الرياض مو صدق حلوه ؟؟
ولوله وهي مو مصدقه ان سلطان يكلمها أهي مو الباقين : أي والله صدقت الرياض مره حلوه ..
سلطان : قلبي تولع فالرياض عشق ورثته عن جدود ياصفحه ناصعه البياض زرعت الصحراء ورود .. الا لولوه وش اسم السوق الي طلعتي منه الحين ؟؟
لولوه تضايقت من مزح ولد عمها وش شاايفها صحيح جايه من القريه لكن مو لهدرجه يعني زودها حبتين .. ماردت عليه لولوه
سلطان : ليش ماتردين لا يكون نسيتي اسمه ؟؟ قوليلها يا وفاء
لولوه وهي معصبه : أيه وفاء والي يسلمتس ذكريني عشان أحفظ اسمه ولا اقول احسن اكتبيها لي بورقه على شان ما انسى
سلطان حس انه زودها حبتين وامه نغزته انه سكت اما لولوه فكانت معصبه من جد لكن امها بعد انغزتها على شان تسكت
اتكهرب الوضع في السياره وصلوا البيت وكلن راح لداره ..
دخل سلطان وامه واخته الي على طول راحت غرفتها على شان تنام لانها من جد تعبانـنه وبعد سلطان راح لغرفته لكن بعد ما أخذ محاظره طويله عريضه ، من امه بعد الموقف
البايخ الي صار .. دخل سلطان غرفته وقال مو مشكله بعدين ترضى وحط راسمه ونام ..
أما لولوه ماجاها نوم بـ العكس قعدت تبكي وتقول { انا ليش سويت كذا ليش عصبت على موضوع تافه كله على شان كلام سلطان أضيق صدري على شانه وبعدين ليش شايله همه
منو سلطان هذا على شان اضيق صدري على شانه ..
أخذت تفكر طول الليل بسلطان وتقول معقوله أكون احب سلطان ؟ لا لا مو معقوله اصلا سلطان مستحيل يطالع وحده مثلي .. سلطان يبي وحده من طينته وحده من مستواه توجبه عند اهله
واصدقائه مو وحده مثلي .. ليش انا وش ناقصني انا بنت عمه ومتعلمه وان شاءالله اقوم بواجبه ..
أخذت الافكار توديها وتجيبهاً وهي للحين ماتدري اذا كان سلطان يحبها مثل ماهي تحبه ولا لا .. واخيرا نامت من التعب والتفكير ..
في الظهر دخلت عليها امها على شان تقومها ..
فاطمه : يمه لولوه قومي ماصار نوم اذن الظهر وانتي للحين نايمه يالله عااد قوميُ ..
لولوه : صباح الخير يمه
فاطمه : أي صباح الخير الا مساء الخير قومي توضي وصلي وتعالي للمطبخ مجهزتلك فطور خفيف
لولوه : ان شاءالله يمه
دخلت لولوه المطبخ وقعدت تفطر وقالت لها امها انها تكلم عمتها امل لانها اتصلت اكثر من مره فيها وهي نايمه ..
اتصلت لولوه على عمتها امل .. وسلمت عليها
أمل : أستحي على وجهتس ترى انا عمتس مو حيالله ..
لولوه : والله عارفه اني مقصره لكن سامحيني انشغلت تعرفين اوراق التسجيل والتجهيزات الخ الخ ..
أمل : أعذارتس دايم جاهزه ماعلينا المهم البنات بيجتمعون عندي يوم الخميس حفله صغيره على شان العطله انتهت تعرفين السبت تبدأ الدوامات
لولوه : أيه بس ...
امل : لا بس ولا يحزنون وبعدين هذا امر من عمتس الوحيده ولازم تنفذين ..
وافقت لولوه على دعوه عمتها وهي متضايقه حاسه ان يبيلها وقت اطول على شان تتعود على الوضع ..
جت وفاء عند لولوه تبكي وهي تطلب منها انها تقنع امها على شان تحظر الحفله الي في بيت عمتها ..
لولوه : غريبه وليش امتس ترفض انتس تروحين ؟؟
وفاء : امي كذا مره معقده تحس ان هذ حفله بنات كبار وانا صغيره المفروض ما أروح والي يسلمك لولوه اقنعي امي
لولوه : بكلمها واشوف
..
يوم الاربعا راحت لولوه بيت عمها تتعشى عندهم وتكلم مره عمها عن وفاء .. وعند الباب تقابلت مع سلطان وهنا حست لولوه ان الدنيا تدور فيها لها أكثر من أسبوع ماشافته
سلطان : هلا لولوه شخبارتس
لولوه : .. { ماتدري وش تقول ضاع اكلام من راسها والخوف والفرحه خلتهاا ترتبك } ..
سلطان : لا شكل زعلتس مو سهـل انتي للحين زعلانه سوري يالله قولي وش يرضيتس انا تحت امرتس . يالله عااد أنا اسف واكررها مليون مرره أسسسسسف صدقيني ماتحرك الين تقولين انتس سامحتيني
لولوه فرحت كثيـر لما شافته يعتذر لها معناها ان امرها يهمه فقررت تدلع عليه شوي وما ردت ..
قام سلطان وجلس على عتبت الباب وقال : هذي قعده ما راح اتحرك الين تقولين سامحتك
لولوه اضحكت وماقدرت تمسك نفسها ولما سمع سلطان ضحكتها قال : الحمدالله معناها رضينا والزعل راح
لولوه : الله لا يجيب الزعل ياولد العم
وفجاءه قطع عليهم صوت أبوسلطان : أنتـم وش تسوون عنـد البــااب !! ..

....

.. بررب لنـا عوده :)

05-01-11, 08:06 PM

المشاركة رقم: 2

المعلومات
الكاتب:	وفآء آلسعوديه
اللقب:

البيانات
التسجيل:	May 2010
العضوية:	163599
المشاركات:	10
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : حمضيات المنتدى : الارشيف

حمضيااًت

يشرٍفني انيَ آكون آول رد في روآيتك ليَ انااً

ويااًهلا وآللـه ومرحبااً بآلحامل وآلمحموٍل

انت وروآيتك [ هل الدموٍع وٍفيهااً اغسَل مشآعرٍك ]

بدآيه موٍفقه قصه من خلااًل البآرت الاوٍل بآين عليهااً حلوٍه ورآح نستمتعَ بقرآءتهااً ان شآءءآللـه

لولوٍه والمجتمع الجدديد اللي دخلته وحياتها كيف بتكون بينهم ان شاءالله بتتوفق وبتكيف نفسها على هالمجتمع الجديد

وفاء وسلطان كرهت تصرفهم يوم يتريقون على لولوه = يعني سلامات يحمدون ربهم ان وحده تمشي وتدعي لهم بين لي هالموقف انهم سخيفين وعقوٍلهم ضيقه بتفكيرهاا :)

ابوٍ سلطاان و آم سلطاان ،، موٍ غرٍيب على الشيباان هالفعآيل وبيض آلله وجيهمٍ حبيت تعاملهم مع ام لولوه ولولوه

يعني لو غيرهم كان قالو [ يالله لنا في عيالنا ]

آستمر حمضيااًت

بآنتظآر البارٍت الجديد :)

تحيااًتي لك :)

06-01-11, 06:06 PM

المشاركة رقم: 3

المعلومات
الكاتب:	حمضيات
اللقب:

البيانات
التسجيل:	Jan 2011
العضوية:	210907
المشاركات:	2
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : حمضيات المنتدى : الارشيف

البارت الثاني ..

يتبـع ..

كانت لولوه واقفه وسلطان حاط ايده على الباب ومستند بظهره ولما سمع صوت ابوه تعدل بوقفته ..
لولوه : هلا عمي هلاا .. انا جيت اشوف مره عمي .. ودخلت بسرعه عند مره عمها وهي ميته من الخوف والحيـااء ..
أما سلطان فراح حب راس ابوه الي قام يصارخ بوجهه انت متى تعقل والا مافيه أمل بعدين ليش ماجيت المؤسسه اليوم ..
سلطان: أنا أسف يبه لكن والله راحت علي نومه
أبو سلطان :الظاهر مافي أمل انك تكبر وتعقـل .. ودخل ابوه للبيت ولحقه سلطان على شان يطيب خاطره لان سلطان مايحب زعل ابوه أبد
أما لولوه دخلت عند مره عمها وسلمت عليها ولاحظت مره عمها الارتباك في وجهها
لولوه : السلام عليكم
أم سلطان : وعليكم السلام ، هلا والله لولوه وش فيتس يابنيتي وجهتس متغير وكانتس خايفه من شيء
لولوه : لا عمتي مافيني شيء .. أقول عمتي ماسئلتيني ليش جايه عندكم !!؟
أم سلطان : بيت عمتس وحياتس الله باي وقت
لولوه : أنا جيت على شان اطلب منك طلب واتمنى انتس ماترديني
أم سلطان : أمري يابنتي
لولوه : مايامر عليتس عدو ياعمتي .. بصراحه ياعمتي ودي انتس تسمحين لوفاء تروح معي لحفله أمل
أم سلطان : يابنتي هذي حفله بنات كبار ومايصير اتروح معاكم
لولوه : لو أمل ماتبيها تجي كان ما اتصلت عليها تعزمها وبعدين بتكون معي وانا ماعرف احد غير أمل ووفاء
أم سلطان : خلاص ماعندي أي كلام اقنعتيني .. يالله كله على شانتس . بس روحيلها وخليها تنزل تتعشى معانا
راحت لولوه لـ غرفه وفاء الي كانت تبكي على شان امها رافضه تخليها تروح للحفله
لولوه : الله اكبر عليتس كل هـ الدموع عشان الحفله
وفاء : ...
لولوه : والله انا اسفه على شانتس ما قدرت اسوي شيء رافضه رفض تاما ولكن ولا يهمتس انا راح اقولتس كل شيء يصير في الحفـله ..
وهنا زاد صراخ وفـاء كانها ورعه صغيره .. راحت لولوه بسرعه وحطت ايدها على فم وفاء تسكتها وقالت خلااص بس فضحتينا بتروحين الحفله بتروحين بس اسكتي ..
وفاء ضمت لولوه بقووه وقالت قولي والله يعني امي وافقت !!؟؟ وافقت معقوله ؟؟
لولوه وهي تنحنح : على شان تعرفين قيمتي
وفاء : تسلمين يا أحلى بنت عم في الدنيا كلهاا لكن صراحه تاثيرك على امي عجيب .. أمي اذا قالت لا يعني لا حتى ابوي مايقدر عليها
لولوه : لكن انا غير انا لولوه

وبعدها نزلن وهن يضحكن وفاء كانت مستانسه انها بتروح الحفله مع لولوه ..
وبعد العشا راحت لولوه لبيتهم وبتمر بكره المغرب على شان تروح اهي ووفاء لحفله امل ..

في غرفه أبو سلطان ..

أم سعود بكلمتس في موضوع مهم .. وسولف لها عن الي صار بين سلطان ولولوه
أم سلطان : ياعمري يا لولوه واشوفها مرتبكه وخايفه ..
أبو سلطان : أنتي مافهمتيني انا اقصد أن سلطان كمل السته والعشرين سنه وللحين مو متزوج ويشوف بنت تطلع وتدخل قدامه وهو مو متعود ولولوه صغيره ماكملت 19 سنه
واخاف الشيطان يلعب بعقولهم.. وهذا ولدي وهذي بنت اخوي وكل واحد اغلى من الثاني .. فهمتيني !!؟
أم سلطان : يعني وش تقصد ؟؟ أنزوجهم حق بعض !!؟
أبو سلطان : أييه نعم
أم سلطان : لكن لولوه صغيره وهذي اخر سنه لها فالثانويه
أبو سلطان : وانا قلت بنزوجهم بكره انا اقول انخطبها من امها وبعد ماتخلص ثالث ثانوي انزوجهم
أم سلطان : وسلطان وش رايه
أبو سلطان : سلطان مايرفض لي طلب
أم سلطان : والله يشهد علي أني احب لولوه أكثر من وفاء وازود بس هذا زواج مو لعبه يعني لازم يكون سلطان ولولوه موافقين ومقتنعين .

..

راحت لولوه عند وفاء ويوم شافتها قالت الله ياوفاء وش هـ الجمال
كانت وفاء لابسه فستان وردي قصير شوي ولابسه جاكيت ذهبي بلمعه ورافعه شعرها ومنزله خصلات مجعده بشكل مو مرتب وطالع شكلها جناااااااان ..
لولوه : انتي وين رايحه لزواج ؟؟؟
وفاء : لا حفله دي جي .. وبعدين خليني اشوفتس انتي ايش لابسه ؟
كانت لولوه لابسه تنوره سوداء وبلوزه بيضا ..
وهنا ضحكت وفاء قالت انتي اللي وش لابسه كانتس رايحه للكليه !! ؟
تضايقت لولوه من مزحه وفاء لانها بروحها ماتدري وش تلبس المهم طلعوا وركبوا سياره سلطان وانتظروه الين يطلع على شان يوديهم ..
كان سلطان يتكلم مع ابوه في غرفته والي خبره عن لولوه وانهم ودهم يخطبونها له ..
سلطان : لكن يبه انا ما أفكر في الزواج الحين
أبو سلطان : والله ومتى بتفكر لا وصلت الثلاثين ؟ وبعدين حنا نقول خطبه وبعد سنه يكون الزواج ولولوه بنت عمك سترها وغطاها والبنت ماشاءالله عليها
جمال واخلاق .. ها ياولدي وش قلت فرح قلبي الله يرضى عليك ..

سلطان مافكر في يوم من الايام انه يرتبط بلولوه ولا يحس باي مشاعر ناحيتها بالعكس يعتبرها مثـل اخته ولكن ماكان يقدر يرفض لابوه أي طلب خاصه بعد ماشافهم امس
عند الباب وش بيقول عنه انه يلعب عليها ثم يتركها وهي بنت عمه لحمه ودمـه .. !!
أبو سلطان : ها ياوليدي وش قلت ؟؟
سلطان : بفكر يبه وارد لك خبر
أبو سلطان : وش تفكر يعني ناوي تفشلني ؟
سلطان : أبد يبه لكن الموضوع انه انا ...!!
أبو سلطان : أنت شنو ؟؟ شكلك متردد والله ماكنت اتوقع انك تفشلني
سلطان : يبه هذا زواج مو ....
أبو سلطان : انا عارف انه هذا زواج شايفني كبرت وخرفت !!؟
سلطان : انا .. انا .. أقولك !! سو الي تبيه يبه وانا ان شاءالله ما أختلف على رايك ..
أبو سلطان : أي هذا الكلام الي يريح القلب الله يرضى عليك يالله قوم ياوليدي ود أختك وخطيبتك للحفله ..
سلطان يقول في خاطره والله البلوه وبعد من هالحين خطيبتي ان شاءالله انها ترفض وما توافق

أم سلطان حاسه ان ولدها ما يبي لولوه لكن قالت مادامه وافق يمكن يحبها مع العشره ولولوه بنت الكل يتمناها ..

ركب سلطان السيااره وهو متضايق شوي وينفجججر .. وظل ساكت حتى السلام ماسلم
وفاء : السلام سنه ورده واجب
سلطان : هذي انتي قلتيها سنه يعني مو لازم ..
وفاء : الله قبل اشوي تضحك شاللي قلب حالك وغير احوالك اكيد الوالد العزيز معطيك درس محترم
سلطان : وفاء تعرفين تسكتين ؟؟؟

وفاء حست ان اخوها من جد معصب فقررت تسكت .. أما لولوه كانت ساكته وتحس ان سلطان فعلا متضايق وتقول في خاطرها
{ يـاابعدي ياسلطان والله مهما يكون الي مضايقك ما يستاهل انك تضيق خلقك على شانه } وماتدري انه متضايق منها ..
وسلطان يقول في خاطره { ياربي وشلون افهم ابوي وشلون وافقت !! .. انا لازم اخليها تكرهني .. أيه تكرهني على شان ترفضـني }
وصلوا لبيت امل وقال لهن الساعه عشر ونص تكونون عند الباب ..

وفاء : عشرر ونص مو معقوله انت تتكلم من جد اصلا الحفله تبدأ عشر ونص ؟؟
سلطان : انا قلت عشر ونص يعني عششر ونص

هنا تكلمت لولوه وقالت اكيد يسويلي خاطر عنده : الله يخليك سلطان على شان خاطري خلها الساعه 12
سلطان : وعلى شانك انت بالذات الساعه عشر عند الباب يالله انزلو وخلصوني

اول مانزلوا سلطان تحرك وما كلف عمره ينتظرهم يدخلون ..
لولوه مصدومه من تصرفه وش قصده انت بـ الذات !!
..
لولوه دخلت الحفله وقلبها مجروح من تصرف ولد عمها حبيب قلبهـا وش الي غيره امس يتأسف واطلبي وانا انفذ كل هذا كان كلام وهي الي كانت تظن ان لها خاطر عنده
ويهتم لها ولمشاعرهاً ..
أمل : نحن هناا وينك ياشيخـه والا اقول أبله أحسن على هـ اللبس
{ لولوه متضايقه من سلطان والحين من مداعبه عمتها : لا مافيني شيء
أمل : طيب ليش ماتقومين ترقصين وتضحكين مع البنـات
لولوه : مالي نفس والله ماجيت الا عشان خاطرك
أمل : الله يسلمتس عيوني .. أجل قومي ناخذ عصير وتشيز ونجلس نسولف
أما وفـااء نست كل الي صار مع اخوهاا تسلت بكل معنى الكلمـه ومر الوقت بسرعه بالنسبه لها اما لولوه فكان الوقت بطيء جداً
ولما جت الساعه عشر راحت لـ وفاء وقالت لها يالله نطلع
وفاء كانت مع بنات خالتها اريج وهند ..
وفاء : انتي شفيتس هو قال عشر ونص
لولوه : لا قال عشر .. وبعدين انتي ماتعبتي بـعد بكره دوام ولاا
وفاء : أوووووف والله انتي أشد من امي يالله بروح اجيب عباتي
أريج : هههههههههه الله يعينك على نفستس معقده مرره لكن يا أبله ابعدي عقدتس عن بنت خالتي تراها صغيره
لولوه ماردت عليهاً ومسكت اعصابها وراحت عند شهد ولبسوا عباياتهم واطلعوا ..
وشافوا سلطان عند السياره واشر لهم واركبوا السياره ومشى بسرعه جنونيه كانه يعاقبهم
سلطان : ماتفهمين انتي وياها ، انا قلت عشر يعني عشر ووالحين عشر وعشر .. سواق عندتس انتي وياها ؟ وبعدين ليه مقفله جوالتس انتي ماخذته منظر ولا للضروره ؟
وفاء : البطاريه فاضيه { الحقيقه قفلت جوالها علشان اذا اتصل ولقاه مقفل ما يجيهم الين ماتفتح جوالهاً }
سلطان : طيب هي صغيره وعقلها مو معها انتي يالكبيره ليش ما صرتي احسن منها ؟

هنا لولوه ماقدرت تمسك اعصابها اكثر أصلا اليوم من اوله وهو زفت
لولوه : أولا انا ماعندي جوال ثانيا احنا ماتخرنا كلها عشر دقايق .. ثالثا احنا مستاذنين من عمي نقعد للساعه 12 .. رابعا حنا قلنا للسواق يودينا ويجيبنا مو انت
لكن حظرتك ملقوف و انتبهت لولوه للكلمه الاخيره وسكتت تخاف تقول شيء بعد

سلطان : سادسا .. كملي ملقوف وخبل ومافهم وووو ..
لولوه : ....
سلطان : راح تندمين يا لولوه على هـ الكلمه والله راح تندمين
وصلوا البيت وكلن راح لـ داره .. وفاء من الخوف وبعد الحرب الي صارت بين سلطان ولولوه قررت تدخل غرفتها تنام وماتخبر احد عن الموضوع ..
اما سلطان دخل غرفته وهو في قمه الغضب والندم في نفس الوقت .. { ليش سويت كذا ليش خلاص ما أبيها اقول ما أبيها مو احط حرتي فيها }
أما لولوه ادخلت غرفتها وتبكي وتصايح والله لإ أندمك يا سلطان على شان مالي أبو تسوي فني كذا والله راح تشوف من هي لولوه بنت طلال والله راح تشوف ..
وفجاءه سمعت صوت امها يناديها خافت تكون امها سمعتها وهي تبكي .. لكن صوت امها غريب وراحت بسرعه لغرفه امها ولقت امها على الارض وتقول السكر مرتفع عندي
ساعديني جيبي لي ابره السكر
وراحت لولوه لادويه امها لقت الابر مخلصه لولوه حست بخوف وقالت لحظه يمه برد بسرعه وراحت بسرعه لبيت عمها ودخلت الصاله وقامت تصرخ مثل المجنونه وتنادي على عمها
الي نزل بسرعه هو وحرمته وشافوا لولوه تصارخ وتقول أمي أمي الحقو عليها شكل النوبه شديده والابر خلصت ..
راح عمها يتصل بالاسعاف ..
كان سلطان في غرفته يفكر وبعده ما نام وفجاءه سمع صراخ في الصاله ونزل وشاف لولوه تبكي وابوه يكلم الاسعاف ..
ام سلطان اخذت لولوه وراحوا لبيتهم على شان يتطمنون على امها ولحقهم أبو سلطان أما سلطان جلس ينتظر سيـاره الاسعـاف
دخلت لولوه ومره عمها لقت امها نايمه وماتتحرك ، أم سلطان خافت بس سكتت وقالت ساعديني نحطها على السرير
ولما حطوها طلعت ام سلطان لابو سلطان في الصاله وهي تبكي ..

..

بررب لـ وقت لاحق

السموحه على لون الخط والحجم ، لكن ماقدرت اعدله وخبرتي فِ المنتديات بسيطه .. السموحه مره ثانيه

التعديل الأخير تم بواسطة نوف بنت نايف ; 07-01-11 الساعة 12:06 PM سبب آخر: تنسيق النص ^_^

07-01-11, 06:37 PM

المشاركة رقم: 4

المعلومات
الكاتب:	وفآء آلسعوديه
اللقب:

البيانات
التسجيل:	May 2010
العضوية:	163599
المشاركات:	10
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : حمضيات المنتدى : الارشيف

السلآم عليكم :)

تطور فالاحداث وبقوه

اتوقع ان ام لولوه بتموت :(

وبتكون سبب رئيسي في زواج لولوه من سلطان لان لولوه اكيد ماراح يخلونهاا في بيتهم لوحدهاا ويمكن يحن عليهاا سلطان

ويتعاامل معاها زين ويقدر انها بنت عمه ويحترمهاا

متشوقه للبارت الجديد

بآنتظآرك ق1

تحيااًتي :)

30-04-12, 05:17 AM

المشاركة رقم: 5

المعلومات
الكاتب:	بياض الصبح
اللقب:	ملكة جمال ليلاس وملكة سحر الخواطر

البيانات
التسجيل:	Aug 2010
العضوية:	183892
المشاركات:	11,111
الجنس	أنثى
معدل التقييم:
نقاط التقييم:	2930

االدولة

مدونتي

الإتصالات
الحالة:
وسائل الإتصال:

كاتب الموضوع : حمضيات المنتدى : الارشيف

تنقل للأرشيف

لتوقف الكاتبة

..
..
..

هـل الدموع وفيهـا أغسل مشااعرك ..

.. مدخـل / أجرح وعذبني واذا طاب خاطرك عزي هواك وعشرتك في فراقـي هذاك أول يوم تخطي واسايرك يوم أنت فـ حبك على القلب راقـي