العزوف اللي تذبح القلب بغلاها ..

20-04-11, 07:55 PM

المشاركة رقم: 1

المعلومات
الكاتب:	فداني الكون0
اللقب:	ليلاس متالق

البيانات
التسجيل:	Sep 2010
العضوية:	193433
المشاركات:	692
الجنس	أنثى
معدل التقييم:
نقاط التقييم:	420

االدولة

مدونتي

الإتصالات
الحالة:
وسائل الإتصال:

المنتدى : القصص المكتمله

العزوف اللي تذبح القلب بغلاها ..

العزوف اللي تذبح القلب بغلاها ..

العــــزوف الي تذبح القلب بغلاها

نبدا بالشخصيات والقصه باللهجه السعوديه النجديه اغلبها يعني

عائلة بو طلال ( عبد العزيز)
بو طلال متزوج من فوزيةوعندهم ولدين وو3 بنات
بكره طلال :23 سنه مرجوج بقوه ومغازلجي وراعي بنات بس حبوب وعليه حركات بس ما يهم
كلن حلو بس مو مره فيه عيوب وعيونه ملونه وعشان كذا البنات يتخبلون عليه..

عبير 19 سنه : اكبر البنات هاديه وعاقله لسه متخرجه من الثنوي مملوحه شعرها اسود بيضاء ومليانه شوي

رنا : 17 سنه : بنت حلوه ومرجوجه نقدر نسميها ساحره يعني عادي عندها تنصب وتفقش على كيفها ومعروف عنها انها اكبر كذابه في العائله فمحد يصدقها..

العــــــزوف :16 سنه اجمل بنات العائله فيها جمال ما ينوصف كانت غير الكل صدق بنات العائله حلوات بس هي غير شقراء وبيضاء وعيونها خضر مميزات يحلم بها اغلب الشباب في شريكة عمرهم وطبعن محد كان يصدق انها سعوديه لمن يشوفونها طيبه وحبوبه فيها شوي غرور بس يمكن ما نقدر نسميه غرور هو اقرب لعزة النفس تحب ولد عمها سعود من وهي صغيره بس ما تبين هالحب ابد

مشعل : اصغر افراد العائله 13 سنه بس ذا الولد مكبر راسه على وش مدري يحب يتأمر على اخواته على انه اصغر منهم والله بعد هذا الي ناقص بزران ويتأمرون..خخخخ

عائلة بو سعود ( عبد الله )
متزوج من شريفه وما عنده الا ولد وبنت
سعود : 20 سنه شاب وسيم طويل وابيض على سمار يعني مو ابيض بقووه بونه حلو عيونه سود وشعره اسود وناعم مو طويل مره يعني بس شكله خطيير يمووت في العزوف بنت عمه بس هي علبالها تكابر وما يحتاج اقول انه مطيح نص بنات الرياض..

لينا : 15 سنه اخت سعود مملوحه وطيوبه ودايم مع بنات عمها العزووف ورنا

عائلة ( بو تركي ) عبد الرحمن عمهم الصغير
متزوج من جواهر وله بنتين وولد
خلود: اكبر افراد العائله 12 سنه
تركي : 10 سنين ودايم مع مشعل على انه اصغر منه بس مشعل كان مخاويه لغرض في نفس يعقوب خخخ
شوق : 5 سنين

بيت بو فيصل ( بندر)

ماخذ ام فيصل منيره الي تصير اخت ام طلال شيخه يعني
خالة العزوف وعندها

فيصل : 20 سنهمليح ومهضوم وشايل شغل ابوه على راسه يعني ما يفضى ابد تخبرونه بزنس مان
هدى : 22 سنه حليوه واحلا ما فيها جسمها مره متناسق وروعه
مهند: 17 سنه ولد هااادي ومحترم مره طيووب

هيفاء : 14 سنه مراهقه بمعنى الكلمه يعني اكبر همها وش تلبس وليش احلام عندها تيشيرت احمر وانا لا وسوالف بنات تهتم بعمرها مره ودايم كشخه على انها مو ذاك الحلا بس كشختها تحليها نقدر نقول انها متسيبه يعني فيها شوي دجة

يمكن الشخصيات كثير وتتخربطون فيها بس بعدين راح تتعودون عليها مع سير احداث القصة
بسم الله الرحمن الرحيم

يوم الخميس العصر في بيت بو طلال
ام طلال كانت قاعده واستغربت بناتها ما قاموا والحين الساعه 4 سئلت الشغاله وقالت انهم نايمين راحت تقومهم
ام طلال تدخل غرفة عبير
ام طلال : عبير قومي قامت عصبك كل هذا نوم قومي بس الساعه صارت 6 <<< كذبه بيضاء وش تسوي تبي تقومها
عبير : ياماما خليني انوم شوي ترانا بالصيف
ام طلال : اقول باروح اقوم اخواتك واجيك وتروح غرفة العزوف ورنا
وطبعا كالعاده تطفي المكيف وتفتح الشباك واللمبات عاد هالمره ما عندها رحمه سحبت البطانيات وقعدت تصارخ
قومن الله يغربل بليسكن مالت عليكن من بنات ما تعرفن السنع يللا بسرع وتقوم رنا وهي مالها خلق بس قامت
اما العزوف لسه نايمه عاد هذي نومها ثقيل من يقدر يقومها
ام طلال : عزييف قومي حشا نومة اهل الكهف( ام طلال تقول لعزوف الكلمه هذي دووم لان نومها من العيار الثقيل)
العزوف : ......
ام طلال تجلس على راسها يا بنيتي قومي الساعه 7 الحين << ما شاء الله صارت 7 الحين
العزوف : امممم
ام طلال : يللا قومي لك 5 دقايق انا طالعه
العزوف تتقلب بس خلاص طار النوم عنها قامت عشان بعد تصلي الي فاتها وهي نايمه

::::::::::::::::::

في الصاله دخلت العزوف وسلمت عالكل وكعادتها سألت عن الاكل
العزوف : جوعانه ما فيه اكل
ام طلال : والله محد قالك طقيها نومه تغدينا وقضينا

العزوف اوك طيب وين بنروح اليوم
ام طلال : وانتي ما عندك الا جوعانه ولا وين باطلع والله انك فاضيه
العزوف : صيفيه كمان بنجلس في البيت
ام طلال : الله يهديكم بس وتقوم عنهم
طلال وهو يطالع التي في : اقول مشعل وش رايك اليوم نروح للتحلية وبعدين نروح نلعب بلياردو وبعدها انا عازمك على العشاء في أي مطعم انت تبيه وعلى حسابي << يبي يقهر العزوف والبنات
مشعل : ايه من جد والله فله
العزوف : مو مهم اصلا اليوم بنروح انا وعبير ورنا بيت خالتي منيره من زمان عنهم ما شفنا لا هدى ولا هيفاء << تبي ترد الصاع صاعين لانها عارفه انوو طلال يحب هدى وهي الوحيده الي كانت تدري لانها كانت حاسه باخوها .
طلال : لا لا اجل خلاص باروح اشوف فيصل اشتقت له حيييييييل
العزوف : اشتقت لفيصل هاه؟ عليناااا
طلال يغمز للعزوف عشان رنا وعبير ومشعل فيع بس هي ولا عليها
وفي الاخير رحمته وقررت تغير الموضوع
العزوف : هاه بنات وش بتلبسون ؟
عبير : انا مابي اروح ما فيه احد كبري وش يوديني
العزوف : فيه هدى مره حبوبه وتونس وبعدين عادي هي صح كبيره بس مرجوجه وحبوبه تشبه ناس اعرفهم بس ما راح اذكر اسامي منعا للاحراج وتغمز لطلال
وفي هالوقت طلال صدق عصب عطا العزوف نظره وراح لغرفته.,.
العزوف حست فيه وقالت بنطيب خاطره بعدين

العزوف رنا بتروحين ولاظ
رنا : اكيد باروح اجل باجلس في البيت
العزوف وش بتلبسين : جينز وتيشيرت
العزوف : وانا شرايك وش البس؟
رنا : وش دخلني فيك البسي الي تبين
العزوف : اوكيه بالبس البرمودا البيج الي فيه جيوب مع الكت الليموني الي عليه فراشات ونقوش وورود
رنا : ايه حلوو << قالتها باستهزاء لانها تغار من العزوف ليش انها احلا عنها ولان سعود يموت عليها ورنا كانت مفتقده الحب على جمالها بس ما لقت احد يحبها باخلاص بس ما ندري وش مكتوب لها

العزوف : اجل خلاص بادق عليهم وباقولهم اننا بنجيهم المغرب
قامت العزوف وراحت تقول لامها ووافقت لان عادي بيت خالتهم بس قالت اذا بتروحون مع السواق خلوا مشعل يروح وياكم لا تروحون لحالكم بس عزوف كانت حاطه في بالها تخلي طلال يوديهم
:::::::::::::::::::::::::::::::::::::::::::
(( في غرفة طلال))
طلال يفكر : ياربي ليش انا احبها هي ما فيها زود حلا ونص بنات الرياض يتمنون كلمه مني ليش احبها هالمغروره المتكبره الي حتى ما تعطيني وجه .. والعزوف هالجنيه وش دراها لهالدرجه الي في قلبي واضح
والله مدري عنه آآآه يا هدى ليش ما تحسين فيني وفتح درج الكمدينه وقعد يتأمل في القلي الي عليه حرف H وقلب ثاني معاه عليه حرف T وهو يقول في نفسه ليش ياهدى ليش!!
طلال يحب هدى من يومهم صغار بس هدى كانت تحس انه لعاب وما تسوي له سالفه يعني عايدي عندها
في هالوقت تدق العزوف الباب
نك نك ممكن ادخل
طلال : نعم خير وش تبين
العزوف : ادخل ولا لا
طلال : مهما عصب قلبه طيب وهذي عزووف مو أي احد ادخلي
العزوف : هلا باخوي طلولي حبيبي
طلال : وش تبين اخلصي ما اصير اخوك حبيبك الا ان بغيتي شي
العزوف : لا من قاله انت اخوي وحبيبي من زمان
طلال : من الاخر وش تبين
العزوف : امم ممكن تودينا بيت خالتي منيره ؟
طلال : والسواق وشهوله حاطينه؟
العزوف : لا انا ابيك انت وتغمز له
طلال يبتسم : طاايب بس عشان ما ترجعون لحالكم بالليل
العزوف : ايه ايه صح وتطلع عنه عشان تلبس وتدق لهدى
""""""""""""""""""""""""""""""""""""""

راحت العزوف تدق لها عشان تعلمهم انهم بيجون خذت الرقم ودقت
فيصل كان قاعد يمشي في بيتهم شاف التلفون يرن هو ما يحب يرد بس يوم شاف بالكاشف رقم بيت خالته خذه ورد
فيصل يعدل صوته احم احم: الوو
العزوف : السلام عليكم
فيصل من غير نفس : وعليكم السلام وفي نفسه ( لازم يعني عزوف ليش مو غيرها << يقصد عبير ))
العزوف : الوو
فيصل : هلا
العزوف : هير ان شا الله ماكله حلالك انا ورا ما تصك في وجهي ازين ترا
فيصل : ايه والله
العزوف : نعم ؟؟
فيصل : قصدي اخلصي وش تبين
العزوف : مابيك انت يا مال الصمرقع وين هدوو؟
فيصل دقيقه ويحول الخط لغرفة هدى
العزوف : هلا هدى
هدى : اهلين كيفكم وشلونكم وش اخباركم ؟
العزوف : شوي شوي لا تاكليني ههههههه وبعدين انا وحده وش قصدك بكيفكم وصيغة الجمع هذي(( تستفزها يعني بس هيهات هدوو ما فيه امل تحس بطلول المتعذب )
هدى : وش اسوي مشتاقة لكم انتي وعبير ورنا لا يروح فكرك لبعيد يا قلبي
العزوف : ايه اجلا خلاص دام انك مشتاقه لنا قررنا انا والبنات نجي نزوركم اليوم
هدى : هذي الساعه المباركه والله الله يحيكم
العزوف : وش بلاك قلبتي عجوز خخخخخخخخخخخخخ رتا حتى انا طايحه بكلامهم هاليومين بس من جد فله
هدى : أي والله صايرين نتكلم بدوي ههههههه
عزوف : اجل خلاص عن اذنك باروح البس باي
هدى : اونا كمان باتجهز بايوو
"""""""""""""""""""""""""""""""""
في غرفة عبير
عبير جالسه تحمل اغاني من النت وتشوف ايميلها وتدخل رنا
رنا : عبير
عبير : هلا
رنا : تعالي معانا لا تجلسين لوحدك والله هناك فله
عبير : مالي خلق بعدين فيصل هناك استحي اروح
رنا : تستحي . ليش.. ولد خالتك عايدي
عبير : لا بس احس انه يعني ...
رنا : وشي الي يعني ( تبي تنرفزها ولا هي عارفه ان فيصل نظراته لعبير غير)
عبير : هاه ولا شي
رنا : اجلا خلاص قومي البسي وتعالي
عبير : امم بافكر
رنا : بلا مصاخه عاد اترجاك انا من الصبح وفي الاخير تقولين بافكر مالي دخل بتروحين غصبن عنك ترا هدى تقول لا تجون الا وعبير معاكم << بدا شغل النصب وتطلع وهي معصبه
عبير : هههههه وتصارخ خلاص باروح بس عشان خاطر هدى
:::::::::::::::::::::::::::::::::::::::::::::::::
طبعا كلهم كانوا ما ذاقوا شي فطلبوا بيتزا عشان ياكلون قبل لا يطلعون اول ما وصل الطلب راحت ام طلال تناديهم << ياعمري امهم احس انها مره تتعب
ام طلال دخلت لطلال وحصلته نايم
مسكيين الاخ من امس كان مواصل << مسكين الاخ كل هذا تفكير بهدى الله يا هدى لو تدرين وش مسويه بطلالوه
ام طلال : يا وليدي ما تبي غدا
طلال : لا يمه مواصله من امس مابي شي تسلمين
ام طلال : خلاص يا وليدي وتطله عنه وتروح للبنات

ام طلال : لبستوا ترا بتروحون المغرب وحدكم ترجعون 10 ان طولتوا 11
العزوف : طاايب ان شاء الله على امرك
رنا : لا ان شاء الله مابي باجلس على الاقل 1 ولا مانيب رايحه
ام لطال : لا بالله ؟ اجل اجلسي
رنا : ؟؟؟ طاايب باروح بس عشان هيفاء اقلقتني الا تجين ولا انا اصلا مابي اروح ( نصابه)
تم طاتا ( عارفه بنتها) صح انتي اصلا ما تبين تروحين بس عشان هيفاء ولا ؟
رنا : ايه اجل وش تحسبين؟
ام طلال : طاايب عن الهذره الزايده واجهزوا ثمين انزلوا تغدواا
رنا + العزوف :: اوكيه
ونادوا عبير وياكم وطلعت ان طلال
::::::::::::::::::
بعد الغدا الكل كان جاهز الا مشعل ما راح معاهم لان خويه دق عليه وعزمه
رنا : يللا بنات تأخرنا امي بتخلينا نرجع 10 ولا 11
العزوف: لا هذاك اول يوم اننا بنروح مع السواق الحين بنروح مع طلال يعني بنرجع متى ما نبي
عبير مستغربه : طلال وافق يودينا؟؟ مو هو اليوم يبي يقهرنا يقول عازم مشعل ومدري ايش
العزوف: عشان تعرفين اني اذا بغيت شي اسويه وبعدين يعني ليش نروح بالجمس مره كبير علينا والبي ام حقة سعود تكفينا وااكشخ وموديلها اجدد
عبير ورنا : أي حطيها بالسياره انتي ليش تبين طلال يودينا وش عندم
العزوف : اوكيه اوكيه باقولكم باخليه يجيبنا 10 ولا 11 وبعدين بنروح كوفي أي شي ستار بوكس ولا د . كيف
وش رايكم باختكم يا بنات ؟
عبير ورنا بصوت واحد : فنــــانه خخخخخخخخخخخ
طلال ينزل من الدرج وبكامل كشخته لابس برمودا جنان وكت لونه غريب على اورانج بس مبين لون عيونه طلال : هاه بنات جاهزين
البنات : أي يللا
"""""""""""""""""""
هدى كانت تلبس وترب وتزين عشانهم بيجونها وسمعت صوت الجرس وزي ما توقعت كانوا هم
دخل طلال وخواته وسلموا هدى سلمت عليهم كلهم بس يوم جت عند طلال ما قالت شي هي كانت مره منحرجه بس طلال فهمها غلط فهم انها ما تبي تسلم عليه (( للعلم هم بس يتحجبون عن اقاربهم يعني ناس فري ومره فري ))

طلال : الا وين فيصل
هدى : طالع مع ربعه
طلال : طالعها باحتقار وطلع وما قال ولا حرف
هدى وقفت مبهته وساكته ما تدري وش الي صار وقعدت تسأل نفسها
طاايب ليش انا متلومه وليش احس بالذنب من صغري وانا حاقرته ولا قد سلمت عليه بس هالمره غير احس اني
اكبر نذله على وجه الكره الارضيه طيب هو وش سوا لي عشان احقره
لاحضوا البنات شرود هدى واستغلت رنا الفرصه وفاجئتها
رنا من وراها : بوووو
هدى انتفضت : بسم الله وش تبين انتي
عبير : الي واخذ عقلك
العزوف تكمل لها : يتهنا بوه خخخخخخخ
وقعداو البنات يضحكون عليها

وقعدوا ضحك وسوالف مع البنات وهدى وهيفااء لحد ما صارت الساعه 10 ونص
العزوف خلاص انا بادق لطلال عشان امي تبينا نرجع

هدى تغير وجهها لمن قالت العزوف اسم طلال بس محد لاحض الا العزوف الي تمت تفكر طول الوقت معقوله هدوو حست باخوي
دقت عليه عزووف وقال اوكيه جاي
ام هدى كانت معزومه عند جريانهم ورجعت في هالوقت سلموا عليها البنات
ام هدى : وشلونكم يا بنات وشلون امكم:
البنات : لحمد اله بخير
ام هدى لا تنسون توصلون لها سلامي
البنات : اكيد يا خاله
وصل طلال واستئذنوا البنات
ام هدى : طلال الي جايبكم؟
عبير : أي يا خالتي
ام هدى : خلوه ينزل بسلم عليه
دقت له رنا بس اعتذر لان عنده شغل وبيمرها بعدين
ام هدى : الله يحفظه اجل
هدى كانت عارفه انو ما يبي ينزل عشان ما يشوفها فعلطول سحبت نفسها وراحت لغفرتها فوق وتمت تبكي ليش ما تدري
بس يمكن لانها اول مره حست انها يمكن تفقده كانت حاطه في بالها فكره ان طلال لها بس تصرف طلال اليوم بين لها العكس
""""""""""""""""""""""""""""""""""""""""

طلعوا البنات لطلال الي كان يستناهم برا في السيارة
العزوف : طلال ليش ما نزلت تسلم على خالتي
طلال : عندي شغل لازم اخلصه
رنا: لا طاايب والكوفي
العزوف اسكتي انتي ان شاء الله بنروح
طلال : أي كوفي الي انتم تتكلمون عنه؟
عبير وبنبرة حزن : لا بس كان ودناا نروح كوفي من زمان ما رحنا ولا حتى طلبنا

طلال قعد يفكر وكان عارف ان العزوف داريه ان ما عنده شغل
وخاف تعلم البنات ويزعلون فقال بعد عشان ازين صورتي قدامهم واكون اخو مثالي باقولهم اني بأجل موعدي ساعه وادق على خويي واقوله اني باتأخر

طلال: خلاص باوديكم د. كيف الي بالملك عبد الله وبأخر موعدي مع خويي ساعه ان شاء الله ما راح يضر
البنات : الله يخليك ويووفقك والله ازين اخو بالدنيا كلها

::::::::::::
في الطريق طلال ما كان منتبه ل ال لكزس 430 المظلله بالكامل وكانت وراهم بس هو كان مشغول ولا انتبه
نزلوا البنات للكوفي
ووقفت وراهم السياره الثانيه الي كان فيها شخصين طبعا ما قدروا ينزلون معاهم لان طلال والبنات بيروحون قسم العوائل فقرروا يجلسون بالجلسات الي برا

رنا وهي تنزل بنات بنات شوفوا هذي السياره ترا كانت تلاحقنا والي فيها كان يرسل لي بلوتوث وانا استقبل

عبير : وانا اقول غريبه رنا ساكته اثرك لاهيه في البلوتوث
العزوف : الله يقلعكم لا ينتبه طلال والله ان يلعن خيرنا

بس انتبهوا البنات ان طلال ما كان معاهم كان واقف بعيد شوي عند وحده من الطاولات الي برا
طلال : هلا سعود كيفك وكيف احوالك
سعود وهو طاير من الوناسه ما ينلام عزوفته معاهم : بخير الا اشوف البنات معاك
طلال : أي والله اصروا اننا نجي
سعود كان جاي مع ربعه وتقابلوا بالصدفه

عند البنات

البنات متحرقصات يبغون يعرفون طلال من يكلم بس ما قدروا لان طلال مغطي على الرجال الثاني وقعدوا واقفين يستنون طلال عشان يدخل وياهم

قطع هالسكون صراخ العزوف
بنات الحقواا هذي الاودي حقة سعود
عبير : يعني ما فيه الا سعود معاه اودي
العزوف : الا بعد شوفوا لوحتها *** 888
رنا : أي والله هذي هي من قدك عزووف ( تستفزها)
العزوف بعدم اهتمام : واذا يعني وش اسوي له

قربوا طلال وسعود عند البنات لان سعود بيسلم على بنات عمه
سعود : اهلين العزوف كيفك
عبير : واحنا مالنا رب يعني
رنا : خليه هو ما يشوف غير العزوف الحين<< يبون يحرجون عزوفه
بس عزوف ما اهتمت ابد وبكل شموخ ردت : الحمد الله بخير انتا كيفك؟
سعود : تمام بشوفتك

طلال : اقول يا اخ روميو مو كانك مصختها يللا بادخل انا والبنات عندي موعد مع خويي بعد ساعه ( يكذب الكذبه ويصدقها خخخخ)
بس هو بالواقع ما كان له خلق شي كان وده بس يرجع للبيت ويختلي باحزانه هو عمره ما اظهر مشاعره قدام احد ولا بيسويها ابد
العزوف : يللا مشينا قدام
رجع سعود لربعه وتفكيره عند العزوف
سعود في نفسه يارب ما تكون غيرت نكها في البلوتوث

دور ولقا نكها وكان نكها *~ اميـــ نجد ــرة ~*

فرح سعودوه وطار من الفرحه اصلا عزوف كانت مغيرته بس من يوم ما شافت سعود رجعته مثل اول وهي علبالها انها اصلن ما غيرت
عند البناااااااات
رنا لسه قاعده تمسج بلوتوث مع نفس الشخص هذاك وهو يرسل لها صور وحركتات ويفات وطبعن اول شي ارسل لها رقمه بس هي ما اهتمت بالسالفه
طلال : هاه بنات وش تبون
العزوف : كلنا نبي موكا فرابي
طلال : اوكيه باروح اطلب
عبير : عزوف ما حبيت اقول قدام طلال بس ترا فيه وحده حاطه نفس نكك اميرة نجد

العزوف : لا انا رجعته

رنا تطالعها بنص عين : ليش وش المناسبه؟

العزوف والافكار جاهزه عندها : اصلا كلكم لازم تغيرون نكاتكم عشان هذوليك الي لاحقونا شقتهم تو بطاوله جنب سعود وربعه واخاف يرسلون لنا شي قدام طلال ويوهقونا

رنا : ابد صدقتك

عبير : الا العزوف معها حق ما لنا خلق مشاكل احنا وطلال لو درى اكيد ما بيرضى

عند الشباب برااا
فراس وصديقه فهد كانوا قاعدين
وفراس مشغول بموبايله يرسل ل حلا الكون ( رنا)
فهد : اقول فراس مو هذا سعود صديق ايمن ولد خالتك
فراس : الا والله هو قوم نسلم عليه يمكن بعد ايمن معاهم
فهد : يللا قداام
فراس : هلا سعود كيفك وكيف الربع
سعود : كلنا بخير وينك ما عاد تسئل يا رجال

ايمن كان جاي من جوا
ايمن : رب صدفة خير من الف ميعاد
فراس ولد خالتي انا في حلم ولا في علم عاش من شافك
فراس : هههههه الله يرجك يا شيخ كيفك
ايمن ؟ بخير
وجلسوا الشباب مع بعض

:::::::::::::::::::::
عند البنات
طلال خلاص وصل حده ويبي يرجع
طلال : يللا بنات بسرعه مواعد خويي وما عاد بقي شي عالموعد
عبير ورنا : لااااااا
العزوف : اوكيه بس بشرط تطلعنا مره ثانيه
طلال : ابشروا بس الحين قوموا
البنات : يللا

طلعوا البنات وشافهم سعود وراح لمهم <<< ما يصدق على الله
سعود : على وين توكم جايين ويطالع العزوف اللي مللها وطفشها قبل شوي بس يرسلها مسجات وهي ما استقبلت الا مرتين بس << زين الي استقبلت بعد

طلال: مواعد خويي وبعدين وش تبي انت ما اشوفك قاعد معانا
سعود : ههه لا مو قصدي بس
ورا ما تجي عندنا بكره وجيب البنات معاك لينا تسئل عنهم
طلال : ايه اجل لينا خلاص ان شاء الله نحاول
العزوف : لا بكره بنروح السوق ما عاد بقي شي على سفرتنا
سعود الي ما صدق انها تكلمت : السوق خلاص السوق اصلا لينا ودها تروح من زمان بنوديكم انا وطلال
طلال : وانت ودك بهالروحه من الله خلاص بيننا كول
العزوف ( متشققه من الفرحه ) بس كالعاده ما بينت

عند الشباب
فراس فاتح عيونه وما شالها عن رنا من جد البنت ذي عاجبته والي زاد قهره ان سعود راح وكلمهم ومو بس الولد لا حتى البنات الي معاهم
فراس : ايمن من الي يكلمهم سعود
ايمن : عيال عمه ومعهم حبيبة القلب

فراس وكان احد كب عليه مويه بارده ويقول في نفسه
الحين انا ممكن اكون قاعد اغازل بنت عم واحد من ربعي مو حلوه بحقي لا لا يمكن موب كل ال 3 مو شرط تكون حلا الكون(( هذي مشكلة اغلب شبابنا وحده تقرب لي ولا اعرفهااا هذي ما يفكرون انهم يحاولون يسوون لها شي لكن لو لاااا عايدي يعني ليش!!
ما يرضونها على خواتهم وقرايبهم وبنات الناس عادي ))

فراس : اهاا

""""""""""""""""""""""""""""""""
لمن وصلوا البنات للبيت كملوا سهرتهم العزوف عالنت ورنا عالتي في تشوف افلام عبير هي الوحيده الي نامت هي وطلال
(( بغرفة طلال))
طلال قاعد يبدل لانه خلاص بينوم قعد يفكر باللي صار اليوم وهل الي سواه صح ولا غلط تعب من كثير التفكير وفي الاخير قرر انه يبتعد عن هدى على الاقل مؤقتا في الفترة الحالية عشان يرتاح ويريح نفسه صك اللمبات ونام

:::::::::::::::::::::::::::::::::::::
رنا قعدت تقلب في الافلام شوي يرن جوالها تطالع الرقم ا الا وهي صديقتها ملاك
ردت رنا : الووو
ملاك : اهلين مثل ما توقعت ما نمتي الى الآن
رنا : أي عاد وش اسوي
ملاك : وش فيك رنا
رنا : ما فيني شي
ملاك : الا ضايق صدرك ولا؟
رنا : يا بنت الحلال قلت لك ما فيني شي
تبين شي لاني باتابع الفلم
ملاك : لا سلامتك باي
رنا : بايات
رنا كانت تشوف الفلم وكيف بطل الفلم يموت في البطله وزاد قهرها عقب الي شافته اليوم من سعود لانها كانت بعد تحبه وهي صغيره وكملت الفلم ولا شكت لاحد عن همها الي تعيشه اغلب المراهقات..
"""""""""""""""""""""""""""""""""

العزوف قاعده عالمسن تكلم هدى بنت خالتها
العزوف *~ اميـــ نجد ــرة ~*: هدى انتي ليش سويتي كذا اليوم
هدى الغــــزاله ( تستغبي) : وانا وش سويت
*~ اميـــ نجد ــرة ~* : كذا تسوين باخوي تحسبين ما وراه اخوات يدافعون عنه
الغـــــزاله : اخوك وش دخل اخوك في السالفه؟
*~ اميـــ نجد ــرة ~*: شوفي هدوو عن حركات اللكاعه تراني عارفه كل شي
الغــــزاله : طاايب هو زعل؟
*~ اميـــ نجد ــرة ~*: تستهبلين؟؟ صراحه اشك انه بيتذكر اسمك عقب الي صار الحين من زمان ما شفناك وتسوين كذا
الغـــزاله : لا تقولينه لا ان شاء الله
*~ اميـــ نجد ــرة ~*: لا تقولينه لا ان شاء الله !! يعني تحبينه وتحط صورة الوجه الي يغمز
الغــــزاله : مدري باااي وبلكت العزوف
: : :
العزوف طاايب انا اوريها يوم بديت اوصل لطرف الخيط تبلكني ا اعرف حركاتها

شوي وتشوف صديقتها الجوري اون لاين

*~ اميـــ نجد ــرة ~*: هلاااا
الجوري( الزين يفرض نفسه ): اهلين
*~ اميـــ نجد ــرة ~*: ما شاء الله سرقتي نكي هههه
الزين يفرض نفسه : وش اسوي عاجبني الا وشخبار سعودوه
*~ اميـــ نجد ــرة ~*: انطمي وعدلي الفاظك اسمه سعود زين اصغر عيالك هو؟
الزين يفرض نفسه : خخخخخخخخخخخخخخ طاايب هدي اعصابك
وقالتلها عزوف عن كل الي صار اليوم
الزين يفرض نفسه : واللهي فله والي يرحم امك فكي البلوك عنه
ا*~ اميـــ نجد ــرة ~*: لا مابي يمكن تمورو
الزين يفرض نفسه : والله انك غبيه بعدين بيمل منك ويدور وحده غيرك
*~ اميـــ نجد ــرة ~* وبكل ثقه: لو سواها بيكون ازين اني افتكيت منه لانه لو يحبني صدق ما بيخليني لو ايش ما صار يصير ولو سواها بيكون حب مزيف ساعتها انا الي باتخلى عنه مو هو الي يتخلى عني
الزين يفرض نفسه : اخس يا حكم انتي ياهوو
*~ اميـــ نجد ــرة ~*: اوكيه انا طالعه انوم تبين شي
الزين يفرض نفسه : لا بس نبي نشوفك
*~ اميـــ نجد ــرة ~*: أيه بكره بنروح السوق مع خواتي وسعود ولينا
الزين يفرض نفسه : ايووه على الطلب من زمان ما شفت افلام مكسيكيه حيه خخخخخخخخخخخخخخ
*~ اميـــ نجد ــرة ~*: وش قصدك؟
الزين يفرض نفسها : ولا شي اسحبهاا خخخخخخخخخخخخخخخخ
*~ اميـــ نجد ــرة ~*: هههههههههههه أي اشوى بعد
الزين يفرض نفسه : على أي مول
*~ اميـــ نجد ــرة ~*: والله مدري باعلمك تمورو
الزين يفرض نفسه : اوكيه يللا باي
*~ اميـــ نجد ــرة ~*: بايات
وقفلت النت وراحت تنوم

""""""""""""""""""""""""

بعد ما بلكت هدى العزوف قعدت تفكر اهي تحب طلال وتموت فيه بعد بس خايفه تعترف بهالحب كانت متطمنه لان طلال يحبها وهي تأكدت قبل فتره من هالشي بس في نفس الوقت مستغربه من حركته انه ما نزل يسلم على امها طلال الي يدور الفرصه عشان يشوفها يرفضها ليه!!!
قطع حبل افكارها دق الباب
هدى : مين
فيصل : انا فيصل
هدى : ادخل
فيصل : غريبه شفت نور غرفتك مولع استغربت انك ما نمتي الى الحين
هدى : لا بس كنت اكلم العزوف بنت خالتي شيخه عالمسنجر
فيصل : اها ووش اخبار بنات خالتي شيخه وطلال من زمان ما جوا عندنا
هدى : لا اليوم كانوا عندنا
فيصل تغيرت ملامح وجهه : نعم !!!
هدى : ايه وش فيك
فيصل : وليش ما قلتيلي
هدى : وانت وش يهمك
فيصل : وش الي وش يهمني ( حس انه توهق) لو داري كان جلست مع طلال
هدى : أي هو جا وسئل عنك يوم ما لقاك طلع
فيصل : شوفي ثاني مره يجون عندنا لازم تعطيني خبر انا باروح انوم تصبحين على خير
هدى مستغربه بس مشتها : وانت من اهله
طلع فيصل وهو منقهر ومتحسف عبير كانت عندنا اليوم وانا طالع
يلعن ام القهر بس

طلال

على الساعه 3 الظهر كذا في بيت بو طلال

طلال كان جالس بغرفته شوي رن جواله
احتار طلال يرد ولا ما يرد لانه قبل فتره عزم خلاص انه يحذف كل ارقام البنات الي عنده ويلتزم
طلال بصوت عالي شوي : وش تبي هالنشبه بعد قلت لها خلاص
طرت علباله فكره
بيخلي عبير اخته تكلمها وتقول لها انها شرت الرقم هذا وهو الحين صار رقمها
طلع طلال للصاله لقى عبير ماسكه السماعه ولاهيه جلس عندها يستناهاتخلص

عبيرتكلم خويتها بالتلفون : والله ما يمدينا بعد كذا يوم طالعين للشرقيه
نوره: وش عندكم بالشرقيه سياحه يعني؟
عبير: والله احنا ما ودنا نروح لا وش سياحته عندنا عمتي رجاء هناك
ومن زمان ما شفناها وبنروح لها
نوره : والله فله حلو يكون لكم قرايب
عبير : والله لو عندك مثل عمتي موب صايره فله
نوره : ليش يعني
عبير : لا بس مررره شديده الله يعينا عليها قولي امين
نوره : امين طاايب خلاص نسوي حفله بسيطه بيننا احنا وياكم
وكذا وحده من شلتنا موب لازم كبيره
يمدينا نجهز لها في كذا يوم
عبير : بس انا كان ودي بحفله كبيره يعني نوسيها بقاعه ونجيب طقاقات
سهره كامله وكذا
نوره : لا تصيرين طماعه عاد ترا المدرسه سووا لنا حفل في قاعه وكل شي
عبير: أي بس ما قدرت اعزم كل البنات تعرفين انتي الدعوات محدده
نوره : خلاص اجل نخليها مقتصره علي انا وقريباتي وانتي وقرايبك
عبير: يللا ولو اني كان ودي تكون اكبر
نوره : ما عليك انتي بس والله بتصير فله وقولي ما قالت نوره
عبير: ههههه نشوف
وقعدوا طولوا وهم يسولفون ويقررون

بعد ما مل طلال
طلال يقاطعهم: عبير ما ودك تخلصين

عبير: معليش نوره بعدين اكلمك اخوي يبيني
نوره : أي اخو؟
عبير: طلال
نوره : ايه هو كم عمره
عبير: 23
نوره: متزوج؟
عبير: لا ما تزوج
نوره : ايه الله يوفقه
عبير: يللا اشوفك على خير باي
نوره : مع السلامه

طلال: وش عندها خويتك ذي تحقيق
عبير : خلها تسئل بعد وش وراها
طلال: وش حفلته الي تتكلمون عنها
عبير: حفل لتخرجي
طلال اها وش نويتوا عليه

عبير: ابد بنسويها الخميس الجاي قبل لا نروح الشرقيه وبنحطها في قبو بيتنا عشان اوسع لنا يعني

طلال ايه الله يعين

عبير: لا تنسى ترا اليوم بنروح السوق مها نتجهز للسفر ولحفلتي بعد
طلال : ان شاء الله والحين ممكن تخليني اتكلم تراني ما قعدت استناك ساعه عشان تقعدين انتي تبربرين ,, وانا ما امداني اقول حرف
عبير: لا وش دعوه اخوي انت امر تدلل

طلال يتلفت يشوف اذا فيه احد ولا لا عشان ياخذ راحته بالكلام
ما كان فيه احد
طلال: انيت عارفه اني مثل اغلب الشباب كنت اكلم بنات بالتلفون
بس الحين والله اني قطعت كل علاقاتي فيهم لان ما وراها شي وبالنهايه ماني محصل منها شي
اغلبهم افتكيت منهم بس فيه كذا وحده ناشبين لي ومطلعين لي الشيب براسي وانا ابغى مساعدتك
عبير: والله اذا شي فيه خير لك من عيوني

طلال: ابيك تردين عليهم وتصرفينهم على اساس انه رقمك
عبير ابشر ولا يهمك بس وش الطاري
طلال: لا بس سمعت محاضره لواحد شيخ بعنوان ( كما تدين تدان )
وبصراحه اقتنعت فيها وخفت ان الشي هذا الي اسويه ممكن احد يسويه بوحده من خواتي
عبير: ما شاء الله والله وكبرت يا اخوي
طلال: ليش يعني قبل كنت بزر هههههههههههه
عبير: لا بس كبرت في عيني

وعطاها طلال شريحته مؤقتا وطلع له شريحه سوا يمشي حاله يها هاليومين علبال ما يرجع له رقمه
"""""""""""""""""""""""""""""""""""""""
في بيت العمه رجا

العمه تدخل لغرفة فدوى
رجا: فدوى ووجع وش هالحوسه متى بتكبرين انتي
فدوى: يمه غرفتي مرتبه مب محيوسه
رجا : ووش هالملابس الي عالاارض
فدوى : لا بس تو كنت اجربهم
رجا: وتذبينهم عالارض عاد
فدوى : انا اسفه يمه باشيلهم
العمه : ايه كذا اسمعي الكلام من اول ونفذي الاوامر ولا تقعدين تجادلين
فدوى : ان شاء الله
العمه: اسمعي حركاتك هذي مابي اشوفها الاسبوع الجاي بيجوني اخواني من الرياض وانا حالفه عليهم ما يسكنون الا عندي البيت واسع ..
فدوى الي استانست بيجون بنات كبرها: ابشري يمه
""""""""""""""""""""""""""""""""""""""
العمه رجا ( ام خالد) اخت بو طلال الكبيره
متزوجه من ولد عمها احمد وبحكم ظروف عمل زوجها اظطرت تسكن بالشرقيه ( الخبر).. وكانت بعيده شوي عن اخوانها

خالد : 27 سنه يشتغل طيار ولسه ما تزوج
فدوى : البنت الوحيده 20 سنه سمراء ونحيفه بس عيونها محليتها
عادل: 18 سنه وسيم وحلو بس مو اجتماعي يعني ما يحب الجمعات فكان دايم بعيد عن اهله
""""""""""""""""""""""""""""""""""""""""
صك جرس المنبه الي يرن للمره الخامسه وهو وده يكمل نومه

دخلت عليه لينا : سعود سعود يللا قوم هذا الي بيوديني للسوق اليوم
من سمع سعود طاري السوق تذكر انه بيروح مع طلال والعزوف
فز وقام شاف الساعه 5 العصر يا ربي مره تأخرت وقام بسرعه ولبس وتعدل وزبط شعره ونعم على خفيف واخذ مفتاح سيارته وبوكه ومشى
سعود : لينا يللا
لينا : انا جاهزه من سنة جدي انت الي ما بغيت تقوم
اخذ سعود موبايله ودق لطلال
سعود : الو هلا وينك
طلال : والله انا والبنات بالمملكه وينك يللي بتطلع معانا
سعود : مسافة الطريق واحنا عندكم
طلال : يللا ننتظركم

"""""""""""""""""""""""""""""""""
العزوف : عبير شوفي هالقطعه مره جنان بالبسها مع جينز عليه شك بتطلع خطيرره
عبير: لا بس الوانها قديمه شوي راحت عليها
العزوف : لا من قال هذي الوان السنه الحين
عبير: كيفك اذا عاجبتك خوذيها
العزوف : لا باشوف باقي المحلات

رنا كانت بعيده شوي تشوف الجهه الثانيه وهي تتفرج
كان فيه حرمه واقفه جنبها شكلها مب سعوديه مره ولا عايشه هنا من زمان
كانت واقفه وتضحك وتسولف مع الرجال الي يشتغل بالمحل
استغربت انو فيه ناس كذا لا حيا ولا حشيمه
خذت القطعه الي بيدها وراحت للبنات

عبير: واااو مره حلوه
رنا : ادري انا الي منقيتها
خذوها وحاسبوا وطلعوا من المحل

طلال كان واقف ينتظرهم برا
طلال: هاه بنات خلصتوا ترانا من بعد صلاة العصر هنا
والحين ما عاد بقي شي ويذن المغرب كذا ساعه وشوي

عبير: خلاص بس تعبنا بنروح نجلس في كوفي
تقطعت رجولي من المشي

بعد ما راحوا وجلسوا

العزوف : كلمت سعود شفت وينهم

طلال : أي بيجون الحين
العزوف : اها

""""""""""""""""""""
اشوفك وين يا مهاجر....
<<جوال طلال يرن

طلال : الو هلا
سعود : اهلين وينكم
طلال جالسين في ستار بوكس
سعود : هذانا جاينكم
طلال: ننتظركم

عبير: جوا؟
طلال: أي وصلوا

العزوف ما كانت تبي سعود يشوفها عقب موقف امس

العزوف : طلال انا بارقى فوق مملكة المرأه باشوف المحلات الي هناك

طلال: معاد فيه وقت وبعدين من بيروح معاك؟

العزوف : باروح لحالي اصلا قسم نسائي وماعلي خوف

طلال: طيب خلاص بس شوي ترا ما تطولين

العزوف : ان شاء الله

""""""""""""""""""""""""""""
دخل سعود الكوفي ولقا طلال وعبير ورنا جالسين على وحده من الطاولات سلم عليهم وجلس معاهم

سعود لاحض غياب العزوف بس قال مالها داعي اسئل عنها
قدام طلال وكذا

فوق عند العــزوف

العزوف ملت من كثر ما تدخل المحلات هي اصلا ما تبي شي بس راقيه كذا عناد
دقت على جوال عبير
العزوف : هلا عبير وينكم؟
عبير : تحت والله تعبنا تعالي لنا في ستار بوكس
العزوف: سعود معاكم
عبير : ايه سعود معانا
سعود يوم سمع اسمه بغى يتشقق من الفرحه من قده العزوف تسئل عنه
العزوف : اجل خلاص باجلس في الكوفي الي فوق وان جيتوا تطلعون دقوا علي
عبير : اوكيه براحتك
لينا : بنات ابي اروح لمملكة المرأه من زمان عنها
عبير : روحي تلاقين العزوف قاعده هناك بسوبر موديل كافيية
لينا : اوكيه انا طالعه
سعود انقهر يوم عرف انها ما راح تنزل بس ما قال شي وسكت

لينا : سعود تراني باطلع

سعود : اوكيه ما قلت شي انا

لينا : ادري بس عاد لازم استأذن

سعود : هههه اموت عالااخلاق بس

""""""""""""""""""""""""

سكتوا شوي وقطع سكوتهم صوت رنا

رنا : طلال طلبتك لا تردني
طلال : امري
رنا : ابي اروح الفيصليه
طلال: اركدي ما عاد بقي شي على الاذان
رنا : بس محل واحد وللي يرحم امك
طلال : متى تجي العزوف ولينا ومتى نروح ... يكون اذن
سعود حس انها جت من الله : خلاص طلال خذ عبير ورنا وروحوا للفيصليه وانا بارجع لينا والعزوف

طلال ما وده يكسر بخاطر اخته وفي نفس الوقت ما يبي العزوف ترجع مع سعود وفي الاخير وافق دام ان لينا معاهم
طلال : اوكيه يللا بنات ما معانا وقت
وقاموا البنات وراحوا مع طلال

"""""""""""""""""""""""""""""""""""
دق سعود للينا وقالهم ينزلون
لما نزلوا
العزوف : وين طلال وعبير ورنا
سعود : الناس يسلمون اول
العزوف : اوه سوري السلام عليكم
سعود : رجعوا للبيت
العزوف : وانا؟
سعود بترجعين معانا
العزوف تسبهت وسكتت

اما ركبوا السياره ركبت لينا قدام والعزوف وراها وعدل سعود المرايه عشان يشوف العزوف
طبعا طول الوقت العزووف ما نطقت بكلمه
لينا : سعود شغل اغاني
سعود : لا حرام شوي وبيذن
لينا : يوه صح نسيت
لينا : سعود تكفا وقف عند الباقله ابي شي مهم
سعود : وش تبين بعد
لينا : ابي بيبسي مشتهيته وما عندي بالبيت خلص
سعود : مدري ان امدانا لقينا بقاله فاتحه قبل الصلاة
لينا : الحمد الله على حظي شوف فيه وحده قدام
سعود : تيب اوكيه وقبل ما ينزل
محد يبي شي ثاني بعد ؟ ترا انا الي باحاسب
لينا: من جد بتحاسب ؟ اجل جيب لي شوكلت وشيبس وابي فليك وجالكسي وكتكات
سعود : الله كل هذا ما تنعطين وجه انتي ويوجه كلام للعزوف
وانتي ما تبين شي
العزوف : لا شكرا بدون حتى ما تلتفت عليه

وصلها لبيتهم ولمن وصلوا ما لقت عبير ورنا
العزوف تكلم عبير

العزوف : يا خاينات يا مضيعات الوفا والعشره الي بيننا كذا تروحون للفيصليه وتخلوني
عبير: هههه طيب عطيني فرصه ادافع
العزوف : لا مابي ليش يعني
عبير: والله انتي كنتي فوق ورنا كانت تبي تروح وما معانا وقت والحين احنا بالطريق ترا ما رحنا الا لمحل واحد
العزوف : تيب مردوده ان شاء الله يا خيانه
عبير: ههههههههههههههههههههه يللا افتحي الباب ترانا وصلنا
العزوف : اولا مانيب شغالتكم وبعدين اكيد طلال معاه مفتاح
عبير : ايه صح بس حبيت اتامر عليك مره تضحكين وانتي مسويه معصبه خخخخخخخخخخخخخخخخخخخخخ
العزوف صكت السماعه بوجهها وهي تضحك

وصلوا البنات وقعدوا يجربون الي شروه
بعد شوي
رنا : تيب الحين لازم نجهز للحفله
عبير: نوره بتجي بعد بكره هي وايمان وبنجهز وياهم
رنا : لا انا متحمسه خل نبدا الحين وش عندكم افكار
العزوف : وش رايكم ناخذ ورق جرايد ونلزقه على كل الجدران الي تحت ونحط فوقه اكياس سوداء اي شي حقة النفايات
ويصير الجدار كله اسود ونجيب بخاخات ونكتب عليها قد سووها خوياتي في حفلة سهى مره جنان طلعت
عبير: والله شكلها حلوه امشوا نسويها

وراحوا البنات للقبو وزبطوا كل شي
رنا معاها بخاخ ذهبي وتكتب عبارتهم المشهوره cool 3la 6ool
وعزوف توقع على الجدار
وعبير تكتب اهداء
وبالاخير طلع شكل المكان مره روعه

العزوف : بس الارضيه الحين طلع شكلها غبي
عبير: اصلا على وقت الحفله ما بتبان والقبو فاضي ما فيه الا المسبح على جنب والباقي نقدر نحط فيه الي نبي
رنا : بنات الجدار هذا حطوا من جهته بوفيه كامل كله خرابيط
شيبسات وخلطات وحركات
العزوف : أي ونجيب سطل ونعبيه ثلج ونحط فيه المشروبات
عبير: هههههه والله عليكم افكار بس شكلها بتطلع حلوه

طلال ومشعل ملوا فوق
مشعل : وين البنات مالهم حس
طلال: مدري والله موب في غرفهم
مشعل: لا انا هنا من اول ما جيتوا من السوق اصلن ما رقوا فوق
طلال: امشي نشوف وينهم اعتقد بالقبو يجهزون لحفلة عبوره
مشعل : الا والله اسمع اصواتهم بالقبو

ويوم نزلوا تفاجئوا بشكل القبو
مشعل : ههههههه وش سويتوا انتم الله يعينكم على امي
العزوف : لا ما عليك تنشال هذي تلزيقه مو على نفس الجدار
مشعل: ههههههههه بس حركه تقول صالة ديسكو وش عندكم؟
عبير : حفلتي حقة التخرج باسويها هنا
طلال: والله حلو عشان ما اطق مشاوير بعد
عبير: ومن قال انك بتحضر
طلال ( يتميلح): حفلة اختي ولا احضر
عبير: والبنات
طلال : عايدي خليهم يتغطون
عبير ما اقتنعت : مدري
طلال: ههههههههههههههههه وانتي مصدقه يعني
والله انكم يالبنات مخفات
وقعدوا طلال ومشعل يضحكون عليها
من بكره زارتهم نوره وايمان وكملوا تجهيزات الحفله وراحوا وتقضوا وكل شي

""""""""""""""""""""""""""

في يوم الحفله

العزوف : رنا يكفي حرقتي شعرك بالاستشوار عطيني شوي بتزين قصتي الي قدام بس
رنا : اصبري ما تشوفيني مشغوله
عبير الي مختبصه : يووه انتم بعد اخلصوا بسرعه ترا الساعه 8
والبنات اكيد بيجون بعد شوي ... العزوف نزلتي الاستيريو؟
العزوف : هاه لا نسيت
عبير وين القاها منه انا : منك ولا من برودك بس
وراحت تنادي جين عشان تنزل الاستيريو

"""""""""""""""""""""""""
هدى : هاه هيفاء خلصتي
هيفاء: ومن قالك باروح
هدى : ليش حفل تخرج بنت خالتك وما راح تروحين
هيفاء: الله اكبر عاد انتي عارفه اني مو مره علاقتي معاهم
هدى : انتي على وش شايفه نفسك ومتكبره
هيفاء : ما تكبرت بس مابي اروح
هدى : براحتك بس انتي الخسرانه
هيفاء : يا حظي اخسر عشان ما حضرت حفلتهم
الا هم الخسرانين يتمنون اصلا هم هيفاء اجيهم وطلعت عنها
هدى: الله يهديها بس
"""""""""""""""""""""
نزلت هدى تحت ودورت امها ما لقتها دقت عليها
هدى : يمه وينك
ام هدى: طالعه مشوار قريب
هدى : يمه تاخرت وعبير تبيني اجي بدري عشان اساعدها
ام هدى : قومي فيصل خليه يوديك
هدى : اخاف يعصب علي
ام هدى : لا ما عليك انا باكلمه
""""""""""""""""""""""
هدى راحت ودخلت غرفة فيصل وكالعاده الغرفه كنها فريزر
طفت المكيف وقعدت تقومه وقبل لا تسوي شي
فيصل : وش عندك
هدى : بسم الله
انت قايم
فيصل : لا نايم وش رايك يعني
هدى : هههه تيب يعني لو ما عليك امر ولا كلافه يعني
لو تفضلت
فيصل : نعم
هدى : ابيك توديني بيت خالتي
فيصل : ليش وش عندهم
هدى : اليوم حفل تخرج عبير
فيصل : احلفي
هدى : ايه والله وانا تاخرت
فيصل تيب عطيني 10 دقايق وباجهز
هدى : مسرع ما واقفت غريبه يعني
فيصل : وانا اقدر ارفض لاختي الحبوبه طلب
هدى الله الله يا جعلك دوم رايق
فيصل : تيب الحين ممكن توريني عرض اكتافك ابي اتجهز
هدى : على امرك يللا
""""""""""""""""""""
وهي طالعه سمعت صوت ضحكة هيفاء العاليه دخلت غرفتها تبي تشوف هي وش تسوي
هيفاء بدلع : ههههههههههه لا عاد مو لهالدرجه
هيفاء: هههههههههه اممم يعني
هدى : من تكلمين؟
هيفاء الي ارتبكت اول ما سمعت صوت هدى وصكت الخط
هيفاء وهي تحاول تتوازن : خويتي
هدى : ومنهي ذي
هيفاء: مناهل
هدى : طاايب اخر قرار ما تبين تجين ترا بتصير فله
هيفاء : انا قلت رايي ومانيب مغيرته
هدى : اوكيه عن اذنك
هيفاء : اذنك معاك
وبعد ما طلعت هدوو
هيفاء رجعت دقت لبدر الي تعرف من سنه كامله يعني من يوم ما كانت باولى متوسط وتعلقت فيه مره عرفته عن طريق وحده من خوياتها الي كانت تكلم شباب وجرت هيفاء معاها وعرفتها على بدر
""""""""""""""""""""""""""""""""""""
طلعوا هدى وفيصل وفي الطريق
فيصل تكلم بعد فتره من الصمت: دامني رايح لبيتهم بادق على طلال اشوف لو هو هناك نزلت سلمت عليه
فيصل دق على جوال طلال

عبير الي كانت مختبصه بالحفله سمعت رنة جوال طلال وتوقعت انها اكيد وحده من خوياته الي يبي يصرفهم

عبير وبصوت شوي حاد : نعــم
فيصل ما عرف صوتها اول شوي : السلام عليكم
عبير استحت من رده المحترم: وعليكم السلام والرحمه
فيصل مستغرب شوي : من معاي؟
عبير ياربي وش هالوهقه ما دريت انه واحد من اخويا طلال رقمه مو مسجل ولا كان ما رديت
فيصل عرف صوتها: مين عبير؟
عبير توها تنتبه انها كانت ساكته: اخوي طلال مو موجود الحين وصكت

فيصل قعد يضحك بصوت عالي

هدى الي انت مركزه بكل كلمه من كلام طلال مسكينه عبالها يكلم طلال
هدى: وش دخل عبير
طلال بفرح: مدري هي الي ردت
وفي نفسه ( يا زين صوتها بس)

فيصل( ما صدق تنفتح سالفه عن عبير) : الا صح على طاري عبير وش جبتي لها؟
هدى : يووه ما جبت ولا شي
فيصل : من جدك انتي؟
هدى : ايه والله مدري ما فكرت

فيصل لف يمين
هدى : وين بيتهم موب من هنا
فيصل : يووووه صح اشوى انك علمتني يعني انا ما ادري
هدى : لا بس اني مدري
فيصل : داري انه موب من هنا

شوي ووقف عند محل ورود ونزل

ورجع مع بوكيه ورد كبييير يجنن لونه احمر حطه ورا ركب

فيصل : عطيها الورد
هدى : الله كل هذا عشان عبيروه
فيصل : تستاهل والله جايبه نسبه صح وان شاء الله بتخش الجامعه موب مثلك ناشبتلنا في البيت
هدى : هههههههه اصلا الحرمه مالها الا بيتها
فيصل : لا والله اجل اول واحد بيطق الباب بنذبك عليه
لان المره مالها الا بيتها صح وعيالها بعد
هدى : لا وين مابي اتزوج
فيصل : وليش ان شاء الله
هدى : ......

وقف فيصل لانهم كانوا وصلوا
هدى : مشكور عالتوصيله
فيصل : ولو العفووو
هدى نزلت
فيصل : ياهوو تعالي نسيتي الورد
هدى : خخخخخخخخخخ والله من اللحسه بعد
وخذته ونزلت

20-04-11, 07:57 PM

المشاركة رقم: 2

المعلومات
الكاتب:	فداني الكون0
اللقب:	ليلاس متالق

البيانات
التسجيل:	Sep 2010
العضوية:	193433
المشاركات:	692
الجنس	أنثى
معدل التقييم:
نقاط التقييم:	420

االدولة

مدونتي

الإتصالات
الحالة:
وسائل الإتصال:

كاتب الموضوع : فداني الكون0 المنتدى : القصص المكتمله

كانت الساعه 8 ونص واغلب البنات جوا

دخلت هدى

عبووووووووووووووووور مبروك
النجاح اقين

عبير: ربي يبارك في عمرك

هدى: حركااات يستحون الي يكلمون اخوي
عبير: اخوك يكلمونه وش السالفه
هدى : نسينا ما امداك قبل شوي
عبير: هذاك كان فيصل؟
هدى يعني اني مدري هههههههههههههه

عبير انحرجت لو تدري انه ولد خالتها مستحيل تكلمه بهذاك الاسلوب
من جهه ثانيه

كانت رنا قاعده ترقص مع خوياتها وحبت تحرج العزوف

العزوف جالسه مع الجوري ويسولفون
الجوري: والله اشتقت لك
العزوف : وانا اكثر مشكلتنا اهلنا ما يسمحون لنا نزور بعض دايم
الجوري: ايه والله يقهرون كله لاننا بنات ولا لو اولاد كان عادي
العزوف : ايه بس لا تقهريني فيني الي كافيني
الجوري: جايه اخت سعود
العزوف: لينا ايه جايه
الجوري: وريني اياها اشوفها
العزوف : شوفيها الي لابسه اسود وفضي هناك
الجوري : والله حلوه اجل كيف بيصير سعود
العزوف : عاد سعود احلا منها بواجد
الجوري: ايووه عاشوووا يحليلكم ما اتخيل شكلكم مع بعض
العزوف : وليش ان شاء الله
الجوري : مدري
العزوف : كلها سنتين واتخرج واتملك
الجوري: هههه يا حظك
العزوف : عايدي

الا ورنا جايه عندهم
رنا : العزوف قومي ارقص معانا
العزوف : لا والله مالي خلق
الجوري بصوت واطي : فقاشه ما تعرفين ترقصين اصلا
العزوف بصوت اوطى: انطمي بلافضايح
ملاك وخلود الا الا تعالي بليز وسحبوها
وقامت العزوف ترقص شوي شوي وهي منحرجه
ورنا تضحك عليها وبعدين قالت بنااات شوط خاص
وشغلت لها اغنيه وخلتها لحالها ترقص
واخذت كاميرا الفيديو وقعدت تصورها

والبنات يصفقون لها ويضحكووووووون
عبير كانت شايله هم الحفله وبعدين انتبهت لباقة الورد الحمرا الكبيره المحطوطه عند الباب استغربت ما لقت عليها كرت ولا شي

قعدت تتاملها شوي وعجبها ذوق الورود كانت مره حلوه ومتناسقه

تركتها وراحت تشيك عالبوفيه لقت المشروبات خلصت
عبير تنادي رنا : رنوووو

رنا : نعم اصبري شوي

عبير : بليز تكفين تعالي

رنا : نعم وش تبين
عبير: ما فيه ولا شي ينشرب هنا روحي جيبي من فوق
رنا : ليش خدامتك انا
عبير: لا والله بس حفلتي ما يصلح اطلع واخليهم
رنا انا شاء الله بس هالمره
عبير: نردها لك بالافراح ان شاء الله
""""""""""""""""""""""""""

رقت رنا للمطبخ الي فوق وهي طالعه لقت ابوها داخل
كان شكله يخوف مره .. معصب بقووه وكانه صاير له شي قوي

رنا خافت مره وما كان عندها جرأه حتى تسأل عن الي فيه
توها كانت مبسوطه بس عقب ما شافت ابوها هالمنظر خافت لا يكون احد صاير له شي

"""""""""""""""""""""""""""""

بعد ما رقى ابو طلال فوق دخلت رنا للمطبخ وخذت الاغراض ونزلت رنا وهي شكلها متغير خلاص معاد لها خلق الحفله ولا شي
عطتهم الاغراض و اعتذرت من صديقاتها وطلعت فوق قفلت على نفسها غرفتها ونامت ما ودها تسمع أي خبر يضيق صدرها
كانت حاسه انو في مصيبه صارت ولا ابوها ليش كان شكله كذا

كانت اجواء الحفله مره ونااسه والبنات انبسطوا من جد
بعد ما خلصت الحفله طلعوا البنات فوق ...

العزوف : جد وين رنا ما شفتها من حوالي الساعه 9 ونص او 10 الا ربع
عبير: مدري عنها
وراحوا ولقوها نايمه ومقفله الباب

العزوف : نامت بكيفهاا

عبير: غريبه عاد رنا نامت هي اليوم ما شافت مسلسلها والاعاده الحين معقول رنوو تضيع حلقه

العزوف : والله مدري عنها بس حركتها اليوم سخييفه
عبير: ههههههههههه بالعكس وناسه ذكريات
العزوف الي تموت بالذكريات: مو هذا احلا شي قيها انها ذكرى ولا كان عييت انها تصورني
عبير: وانتي الى الان تحبين هالذكريات
العزوف : اكيد وكل شي عندي يعتبر ذكرى تذكرين رندا خويتي باول متوسط
عبير: ايه
العزوف : مره عطتني علبة منديل والى الان عندي
عبير: خخخخخخخخخخخ مانتيب صاحيه
العزوف : ليش؟
عبير: عاد علبة منديل؟
العزوف: اهم شي انها منها مو مهم وش نوعها
عبير: قامت تتفلسف عاد اقول بس سريهاا

العزوف : مانتيب وجه سوالف انتي وش مجلسني معاك انا بس

عبير: لا والله عاد والشيخه عزيييف مو من مستواي هاه
العزوف : انطمي بس الا صدق ليش هيفاء ما جت
عبير: مدري عنها
العزوف : شفتي الهدايا؟
عبير: لا والله بكره ان شاء الله
العزوف : يا بردك والله لو انها لي كان اول ما يعطوني اياها بافتحها ما عندي تفاهم

عبير: ههههههههههه مو كل الناس بثرين مثلك
العزوف تمثل : حدك عاد اصلن انا الغلطانه اجلس مع اشكالك يللا باروح انوم
عبير : يللا يللا بس خخخخخخخخخخخخخ

من بكره الساعه 2 الظهر

كلهم كانوا جالسين بالصاله الا ابوهم وامهم الي كانوا جالسين بجناحهم
عبيرتساسر طلال: طلال خلاص وللي يرحم امك خذ رقمك
طلال: ليش يعني
العزوف : وش عندكم انت ويااها
طلال: اونتي وش عليك خليك مثل رنا
رنا الي كانت سرحانه في التي في ومو معاهم ابد ولا كلفت نفسها تلتفت عليهم بمجرد سمعت اسمها ردت علبالها ينادونها: نعم
مشعل : يالخبله محد ناداك
رنا سكتت ورجعت سرحانه
مشعل ياستغراب: هيي رنا تراني قلت لك خبله وش فيك ساكت ورا ما تردين
رنا:…………
عبير رجعت تساسر طلال: رنا مدري وش فيها من امس
طلال: هذي اختك روحي شوفي وش فيها
عبير: بعدين في وقت مناسب
طلال: اييه اجل وراك بترجعين رقمي
عبير بحرج : امس دق فيصل ولد خالتي منيره وما كان الرقم مسجل ورديت بالغلط
طلال: يووه صح انا ما سجلته باسم
عبير: المهم خلاص خذه
طلال: خلاص ان شاء الله اغلبهم صرفتيهم
عبير: ايه كذا وحده دقت امس وقلت لها انه رقمي
طلال: حلووو

رنا طفشت من محاولات مشعل لنرفزتها لانه علباله بالطريقه هذي بيطلعها من حالتها ما هان عليه يشوف اخته كئيبه كذا

رنا: ياخي وخر عني
مشعل: موب على كيفك
رنا : طيب انا مخليت لك المكان ورايحه

وطلعت رنا بعصبيه وراحت لغرفتهااا وخبطت بالباب بقووه

مشعل يصارخ: وجع وش ذاا بتكسرين الباب

العزوف: والله لو اني مكانها ما كسرت الباب كسرتك انت

مشعل: لا والله جربي حظك

العزوف: مالي خلق اتطاق اخاف تتكسر اظافري

مشعل انتقل لنرفزة العزوف: لا والله قولي اخاف منك يا شعولي عادي

العزوف تخسي الا انت تصير شعولي مشيعل وتخب عليك بعد
مشعل: شعولي عمك وتاج راسك بعد
العزوف حست انه بيبدا حركاته : طاايب اصص باتابع
مشعل : تسكتيني انا؟
العزوف: ……..

مشعل قعد يحاول ويحاول بعدين مل منها وقرر يروح لبيت عمه عبد الرحمن يلعب هو وتركي شوي

طلال : اقول عبير قومي روحي لرنا شوفي وش فيها
عبير: على امرك

قامت عبير وراحت لغرفة رنا

ولقت رنا جالسه بغرفتها وهي تفكر وشكلها متعمقه بالتفكير
عبير : رنا وش فيك
رنا :........
عبير رنا رنااااااا

رنا : نعم وش فيه
عبير: مدري عنك من امس مختفيه وشكلك الحين ما يطمن
رنا : عبير فيه شي صاير في البيت مرره قوي ومدري وشو
عبير : وش تقولين انتي ؟ صاحيه؟
رنا : والله صاحيه فيه شي حاصل
عبير: ههههههه عاد رنا ام الاخبار ما فيه شي ما تعرفينه
رنا : عبير من جد مالي خلقك
عبير: لهالدرجه شي كبير
رنا : بلاك انتي ما شفتي شكل ابوي وهو داخل امس
عبير: وش فيه
رنا : يفجع يخوف
عبير: لا تفاولين بالشر انتي بس
تفائلوا بالخير تجدوه

رنا : ان شاء الله خير

مشعل يلعب كوره هو وتركي

مشعل: الا والله هدف
تركي: لا صقعت بالعارضه
مشعل: بلا غباء انت ما تشوف هدف والله
تركي : لا والله
مشعل: طاايب خلاص لا تحسب هذا لاكن ان ما رقعتك ترقييع
ما اكون انا شعولي يكفي اني الحين 5 وانت 2
تركي : اصبر تونا بالشوط الاول باقي

خلود ملت طلعت لهم
خلود : ابي العب معاكم
مشعل يموت ويقهر هالبنت: لا ما فيه لعب للبنات
خلود : لا والله واذا بنت يعني اصلا قريب بيحطون فريق كرة قدم نسائي سعودي
مشعل:احلفي انت بس عاشت الفقااشه
خلود : ما افقش اصلن الي يكذب ربي يحطه بالنار
مشعل: لا يكثر بس ما فيه لعب
خلود : قدها؟
مشعل وهو يرفع خصله من شعره شبه الطويل على وجهه: وقدود انا شعولي مو حيا الله
خلود : تشوف
مشعل: نشوف

كملوا لعب

وخلود تفكر وش تسوي ترد له حركته ليش يقهرها بعد والله

""""""""""""""""""""""""""""""
ام طلال بصوت يحزن : قايلتلك لا تخاطر بكل شي

وهي شوي وتبكي والحين كل شي راح

ابو طلال: بس والي يعافيك بافكر الحين وش نسوي

ام طلال: كان لازم هالقرض يعني الحين كل شي راح البيت والمحلات والعماير وبنصير على الحديده

ابو طلال: الله لا يقوله ان شاء الله راتبي زين على راتب طلال وان شاء الله ما بنحتاج لاحد غير الله

ام طلال: ونعم بالله اللهم اجرني في مصيتي وعوضني خيرا منها

"""""""""""""""""""""""""""""""""

في بيت العم عبد الرحمن مشعل وتركي ملوا وتعبوا من لعب الكوره دخلوا جوا يلعبون بلاي ستيشن
دخلوا داخل
خلود كانت جالسه بالصاله ومعاها شوق ويوم شفتهم داخلين لفت وجهها عنهم يقالك معصبه
ما عبروها وقعدوا يلعبون
ام خلود تنادي من فوق : خلوود شوق عندك؟
خلود : ايه يا ماما هنا
نزلت ام خلود تاخذ شووقي
شوق اول ما شاقت امها نطت عليها وهي مبسوطه
خلود : شف الدبه توها معاي وملعبتها ومعطيتها الوان وتلون في دفاتر الرسوم حقتي ولا ضحكت
والحين فرحااانه
ام خلود تضحك على بثاره بنتها: ايه طبعا انا غير انا امهاا وش تسوين؟
خلود : العب
ام خلود : ذاكرتي؟
خلود : ايه
ام خلود : كذابه من اول ما جيتي ما شفتك ماسكه دفتر
خلود بدلع : ماما شوفي تركي يعني بس انا
ام خلود : انتي بنت بس هو ولد مو لازم يذاكر عشان ينجح
خلود تتأفف : ان شاء الله باروح اجيب دروسي من فوق

وراحت جابت دروسها ونزلت
"""""""""""""""""""""
في غرفة بو طلال
ام طلال: ووشلون بتقول لعيالك عيالك المدلعين ولا بناتك الي متعودين على اغلى شي
يعني انا وياك عشنا بالمر بس هم زي الي ( مولودين وفي فمهم ملعقة من ذهب)

بو طلال: الله يعين والله حتى انا مدري باقول لطلال اول وبعدين باقولهم
انتي قولي لعيالك بس يكونون كلهم موجودين على الساعه 8 او 8 ونص كذا
ام طلال: ان شاء الله
"""""""""""""""""""""""""

انتشر الخبر في البيت عن الاجتماع الي بيسوونه على الساعه 8

رنا : الله يستر بس اكيد مصيبه
عبير: مو شرط كل مره نسوي فيها اجتماع تصير مصيبه عااد
العزوف : اقول بس شكلك ما تذكرين اخر اجتماع وش كان عنه
عبير: الا اذكر يوم مشعل بيسوي عمليه
العزوف : وهذي موب مصيبه؟
عبير: الا بس مو شرط كل شي
رنا : خلاص الله يعينا بس مشعل وينه من يوم ما عصبت عليه وهو مختفي؟
عبير: يووه شكله في بيت عمي عبد الرحمن
العزوف : وش موديه هناك لازم ينط لهم كل شوي
عبير: يلعب مع تركي وكذا
العزوف : ايه مره ما فيه فرق بالعمر بينهم ابد
عبير: بس العيال كلهم قبل ال 20 تقريبا تكون عقلياتهم متقاربه ومنسجمين بالتفكير
العزوف : ايييه طاايب دقوا عليه خلوه يجي قبل 8 لانوو ابوي لو ما لقاه هنا بيعصب اكيد
عبير: ان شاء الله بادق عليه
"""""""""""""""""""""""""""""""""
ابو طلال طلع من جناحه دور طلال ما لقاه بالصاله راح لغرفته
ابو طلال: السلام عليكم
طلال: وعليكم السلام والرحمه ابوي هنا عندي في غرفتي ياحيا الله من جانا
ابو طلال يبتسم على مضض: الله يحيك
طلال وهو يشيل بعض الاشياء من على الاريكه: تفضل يبه
ابو طلال: دام فضلك ممكن تجلس
جلس طلال
ابو طلال: انا جايك هنا باقولك موضوع هام انا لسه ما قلت لباقي اخوانك بس باقولهم اليوم
انا اخذت قرض وبمبلغ كبير كنت باشغله في مشروع بس للاسف فشل والبنك الحين حاجز على كل ممتلكاتي
ومن ضمنها البيت وطبعا لاني ما اقدر ارجع المبلغ ومستحيل امد يدي لاحد بيروح علي كل شي
طلال متفاجئ بس في نفس الوقت تمالك نفسه : يبه لا تشيل هم شي ان شاء الله كل شي بيرجع ومثل ما قلت راتبي على راتبك يكفي وزياده
ابو طلال: انا غلطان المفروض اني ما غامرت ودخلت بمشروع يمكن يخسر
طلال: لا تقول كذا يبه انا من بكره باروح ادور لنا بيت ايجار
ابو طلال: والله دنيا على اخر الزمن بنسكن ايجار وش باقول لعمانك واخواتك
طلال: عادي انت مو اول واحد يفشل له مشروع وبعدين لكل جواد كبوه
وهو يبتسم وانت هذي كبوتك

ابو طلال وهو طالع: ونعم والله فيك صدق ما خابت فيك التربيه
"""""""""""""""""""""""""""""""
خلود راحت وجابت دروسها من فوق قعدت في الصاله
وهم يلعبون و حاطين مراكي عالارض ومتسدحين ومتحمسن في اللعب
مشعل: هيي انت العب صح
تركي : انا الي ما العب صح انت الي كل شوي تخليني التفت عشان تسجل قول
مشعل وبابتسامه تلقلق: موب مشكلتي انك مخفه هههههههه
تركي : انطم بس عاد تراني 3 وانت 1

خلود فتحت كتاب الرياضيات وصكته مالها خلق
تذكرت عمل الفنيه وراحت جابت اوراق ملونه ومقص وصمغ وقعدت تقصص شوي
جت في بالها فكره

راحت وهي تتسحب شوي شوي بدون ما تطلع صوت
وقربت وهي تزحف بجسمها عالارض لحد ما قربت عند مشعل
وقعدت تقص في شعره من ورا
وهو ولا داري عن شي ( مسكين متحمس في اللعب)

قصت الطبقه الي ورا كلها طلع شكله مره يضحك من قدام شوي طوييل ومن ورا ولا شي
وراحت انحاشت واخذت دروسها ورقت فوق لغرفتهااا

ياعمري انا فديتك انا ...
جوال مشعل يرن
مشعل: الوو نعم
عبير: مشعلوه وينك ترا ابوي يبينا طلنا نكون في البيت الساعه 8
مشعل: يووه طاايب وقفل في وجهها

عبير : اف منه هالولد ما فيه اسلوب علطول قفل الخط بوجهي
العزوف + رنا = هههههههههههههههههههههه

تركي: وش السالفه
مشعل: يا لقفك ياخي تعرف بزنس مان زيي انا لازم يكون عنده اجتماعات واجد
وتوهم الشركه داقين علي جاينا وفد من الصين ولازم اتقابل معاهم على الساعه 8

تركي : بلا خرط انت عااد وضف وجهك
مشعل: اصلا ماعندي وقت اقعد مع اشكالك
(( لا يغركم ترا العيال صداقاتهم كذا صدقوني ))

وطلع مشعل وهو بيلبس جزمته عشان بيطلع من البيت
تفاجئ بصوت ضحك تركي الي بغى يهز البيت من قوته
مشعل: خير شايف لك مهرج
تركي يتمتم بكلام مو مفهوم من شدة ضحكه ويأشر على المرايه الموجوده عند الباب
مشعل راح يطالع عمره ما فيه شي يحاول يدقق ولا شي: وش زيني اهبل ويرفع خصله من شعره الطايح على وجهه
وهو لاف لمح شكله من ورا رجع ناظر بغى ينهبل
مشعل: سوتها الكلبه والله ما اخليها
تركي وهو لسه يضحك: من تقصد
مشعل : يعني من غيرها خلودوه اختك
تركي : بس والله رهيب القصه هذي وين عند أي حلاق؟
مشعل: تتميلح انت وخشتك؟
تركي : لا والله انت ما تدري في اوروبا هذي اخر موضه
مشعل: المهم قل لاختك ذي حركتها مردوده ويانا ياهي
تركي : وشي هي حرب بينك وبينها
مشعل: الي بيننا اكبر من حرب
تركي : خخخخخخخخ اقول بس رح الحق لك على حلاق قبل صلاة العشاء
يعني ماا يصلح تقابل الوفد الصيني بهالشكل اخاف ياخذون فكره غلط
عن مجمتع الشباب السعودي
مشعل: والله شكلي باروح احلق بس حرام ما لقت الا شعري عاد
والله جلست فتره قعدت اطول فيه لمن صار هذا طوله
وان رحت المدرسه دايم البس طاقيه عشان ما يمسكوني وحاله
ونحشات وفي الاخير تجي خلودوه
تركي : حدك عاد عن اختي يعني هي مسكينه ما اذنبت
مشعل: لا والله وياشر على راسه من ورا وهذا وش تسميه؟
تركي: بعد انت قهرتها لو انك مخليها تلعب معانا وش بيصير يعني
مسكينه جالسه لحالها مامعاها احد وبعدين هي قالت وحذرت
وانت قلت نشوف يعني انت راضي
مشعل بدون ما يرد على كلام تركي : في امان الله
تركي ههه: الله معاك

راح مشعل لحلاق وزبط شعره بشكل مناسب

وهو داخل البيت

لقاهم كلهم بالصاله يستنون ابوهم الا العزوف
رنا: هههههههههههههههههه شكلك يضحك
وش فيك مسكوك الهيئه؟
عبير: بالعكس والله وش ملحك الحين بس صرت رجال
مشعل: انطموا بس اصلا هذي اخر موضه
طلال": باااين حتى محليه شكلك وطلعت الخدود المنفخه
مشعل: ادري اني حلو انا شعولي مو حيا الله
المهم وين ابوي الحين 8 الا ربع
عبير: انت قلتها 8 الا ربع مو 8

ابو طلال طلع وسمع كلامهم
ابو طلال: خلاص ما تفرق دامك كلكم موجودين
ابو طلال: بس وين العزوف؟
عبير: راحت تنام شوي من الصبح ما نامت
ابو طلال: عبير روحي قوميها

في غرفة العزوف
عبير: العزوف قومي
العزوف ( لا حياة لمن تنادي) :.......................
عبير تصارخ : عزييييييييييف
العزوف : نعم خير وش تبين اطلعي وصكي اللمبه وطفي الباب << انواع التحشيش وهي نايمه
عبير: هههههههههه قومي عاد بلا بياخه ابوي يبغانا ضروري
العزوف : نعم ابوي وش يبي فينا
عبير: مدري هو الي قايل قوموا عزيف
العزوف : اوه شكله شي قوي
عبير : مره رنا شكلها تدري عشان كذا امس هي كانت مختفيه
العزوف : طايب عطيني ربع ساعه وانزل لكم
بعد ما نزلت العزوف كانوا كلهم جالسين من طلال الى مشعل
وقالهم ابوهم عن الخبر الي صدمهم

يعني مهما كان مستواهم الحين فهو افضل بكثير من الوضع الي بيعيشونه

رنا ما قدرت تتحمل : واخذت نفسها ورقت فوق
عبير: يبه احنا ماهمتنا الفلوس وبعدين الناس ما تنقاس بكم عندها لا باخلاقها وطيبتها
العزوف ودمعتها على خدها : انا ما همني الا بيتنا ما اتخيل اني باعيش في مكان غيره ...

طلال : عزوف حبيتي حتى لو ما راح البيت مصيرك بتتزوجين وتخلينه وتروحين بيت رجلك صح ولا لا

العزوف استحت : ونزلت راسها ايه صح
مشعل: ما اهتم بالموضوع هو صح تضايق شوي بس عادي عنده الوضع الي بعمره ما يحسون بعظم المشاكل الا لمن يعانون من مرارتها
طبعا الخبر انتشر بسرعه وعرفوا الكل ما عاد فيه اخبار تتخبى بهالزمان

طلال لقى لهم دور ايجار بحي حليو بس كان بعيد شوي فعشان كذا بيظطرون البنات ينقلون من مدارسهم الخاصه لمدارس حكوميه بحيهم الجديد

على بكره ام طلال قامت بدري لازم يرتبون اغراضهم خلاص بينتقلون اليوم
عبير: العزوف قومي رتبي شنطك
العزوف : مالي ام الخلق اقوم
عبير: بلا بياخه لازم تتعودين تشتغلين
ترا حتى الشغالات بنسفرهم خلاص هذا اخر شهر لهم عندنا بعد صعبه نتحمل رواتبهم
العزوف قامت على مضض: عبيير انا ما احس اني باقدر اعيش في مكان غير هنا
عبير: صح انك ما تعودتي بس هذي الدنيا مهما تعلقتي بشي مصيركم في يوم بتتفقرون
العزوف : الله كريم
عبير: ونعم بالله
العزوف : ورناوينها؟
عبير: مدري حابسه روحها بغرفتها من امس ويوم قاالت لها امي تضف عفشها
قالت ان شاء الله من دون حتى ما تفتح لها الباب
بغرفة رنا

رنا تشيل اغراضها وتبكي شافت شنطة ديور شرتها السنه الي فاتت
قعدت تتامل فيها وبصوت مرتفع: خلاص شكلي باودع شي اسمه ماركه
رنا تفكر ( اشوى اننا بننقل حي جديد اصلا حتى صديقاتي معاد لي وجه اقابلهم
وشكلي بعد بالغي رقمي ولا باغيره عشان ملاك وخلود والبنات الباقيات مابي يكون لي أي صلة فيهم خلاص ما عادوامن مستواي ولا انا من مستواهم)

وقعدت ترتب اشيائها الباقيه
عبير : اناخلصت وانتي
العزوف : باقي شوي االا صدق هداياك في الحفله تحت في القبو
جمعتيهم
عبير: يووه الهداايا ما بعد شفتهم ونزلت
عبير فتحت كيس شكله حلو جواته صندوق فيه عطرمرره فخم من هنادي
عبير وهي تشمه: يحليلها والله ذوقها حلوه
ولقت كيس عليه كارد مكتوب عليها
مع خالص حبنا ايمان ونوره
فتحتها لقت تيشيرت لونه بينك مرسوم عليه صورة قلوب وسيف كذا يطعن القلب وثعبان ملتف عالرسمه كلها
كانت مررره رووعه ومكتوب عليها عبير – ايمان – نوره 2005
عبير : هههههههه يحليلهم سووها يوم قالوالي الفكره ضحكت عليهم

العزوف ألي كانت داخله: وش سوو هم
عبير: يمه بسم الله
العزوف:خخخخ ضحكتيني وانا مالي خلق اضحك
عبير: البنات كانوامتفقين يسوون تيشيرت للشله ويوم قالوا لي تطنزت عليهم وشوفي
وتعطيهاالتيشيرت
العزوف: مالك حق يجنن شكلي باسوي واحد انا وجوري وباحط عليه صورة تاركان ولا احمد حسين
عبير: وانتي الى الحين على ذا الاثنين
العزوف : والى بكره بعد
العزوف : شقتي باقة الورود الكبيره الي هناك
عبير:شفتها امس بس توني ما وصلت لها من مين هي
العزوف: من تتوقعين
عبير: وش يدريني
العزوف: من هدى بنت خالتي منيره
عبير: ياحبي لها والله متكلفه العمه
العزوف : اشك والله
عبير ببراءة : ههههههه
"""""""""""""""""""""""""""""""""""""""
رتبوا الشغالات باقي الاغراض واغراض طلال ومشعل بعد
وطبعا اظطروا يستغنون عن كثير من كمالياتهم لان بيتهم الجديد مهماكان ما راح يكفي عفشهم كله

عالساعه 8

طلال : هاه مشعل قضيت
مشعل: ايه من زمان
طلال: العزوووف رنااعبير يللا بسرعه
مشعل: كلهم تحت من زمان
طلال: كويس
ودق على امه وقطع يعني انهم جاهزين خلاص طبعا امه كانت راحت وشافت البيت وودت بعض الاغراض الاساسيه قبل ما يروحون كلهم
ركبوا السيارات ابو طلال وام طلال في سياره ومعاهم مشعل
والعزوف وطلال وعبير ورنا بسيارة طلال
والاغراض مع السواق والشغالات
وطلعوا من حيهم الي يعتبرمن افخم احياء شمال مدينة الرياض
متوجهين الى منزلهم الجديد الي عباره عن طابق أرضي من فلل احدى الاحياء المتوسطة المستوى
قربوا من انهم يوصلون ولما جا طلال بيلف عشان يدخل جوا الحاره ما قدر يمشي كان فيه شوية عيال يلعبون كوره في الشارع واول ما انتبهوا لوجود السيارة تفرقوا
رنا:لا تقولون لي بنسكن هنا مع هالبدو
العزوف: مرره وحده بدو عشان بس لعبوا كوره بالشارع نص البزارين كذا
رنا وبقرف: لا مو بس كذا حتى لبسهم شوفي كيف مبهذل وشكلهم
يوووه استغفر الله
عبير: بلا دلع عاد رنوو لازم تتعودين
العزوف تزود عليها : لاوتخيلي اخواتهم الكبار بيكونون معنا في نفس المدرسه يا سلااام
رنا: ومن قالك اني باعطي هالاشكال وجه
العزوف : بتجلسين من دون خويات يعني
عبير: صادقه عزووف خبري بك اجتماعيه
رنا: ايه بس مع ناس من مستواي
العزوف تستلعن : يا قلبي خلاص الحين انتي صرتي من مستوى هذولي
رنا: نو بليييز لاتقولينه ماابي وشوي وتصيح
عبير تساسر العزوف : يكفي انتي بس حرام عليك بدالما تهونين على اختك
العزوف: وش اسوي بها لازم اصدمها بالحقيقه المره تنصدم مني ولاتنصدم من غيري انا عالاقل اختها
عبير: الله يعين بس
وطلال طول الطريق موب لمهم يفكر بحاله شكله بعد الي صار مستحيل يفكر في هدى مره ثانيه اصلا حتى لو فكر كيف بيتقدم لها وهو حاله ما يسمح اكيد راتبه كله بيروح لاهله وما بيقدر يتزوج الا بالعافيه
دخلوا البيت الي كان الحوش فيه ضييق بعكس بيتهم الأول الي كان فيه حديقه كامله غير الاسياب وهم واقفين
مشعل: يبه ما يكفي نلعب هنا ولا شي لاكوره ولا بالسياكل ولازلاجات ولا شي
ابوه مشغول يعلم السواق والشغالات وين ينزلون الاغراض وكذا
ردت العزوف باستهزاء: خلك مثل عيال حارتنا المودرن ترا الشارع وسيع
ام طلال: بسم الله على وليدي تقعد تجيه سياره وتلطخه ولا شي
مشعل: اصلا ما اتخيل شكلي في الشارع والعب ان بغيت العب باروح العب انا ومشعل في بيت عمي عبد الرحمن << ما يتوب

ام طلال: اييه الله يحيينا بس يللا ندخل تشوفون البيت من جوا
رنا: شكله من برا يحوم الكبد لا بال من جواا
عبير: كثير بيوت تصميمها من برا قديم شوي بس من جوا تكون حلوه يعني مو شرط
رنا: ايه ان شاء الله

دخلوا داخل وكان البيت لا بأس به مقبول يعني وكان عباره عن ثلاث غرف نوم مطبخ صاله ومجلس نساء ومجلس رجال غرفة للشغاله 4 دورات مياه + ملحق خارجي للسواق

طلال يأشر بيده: الغرفه الي هناك الي معاها حمامها هذي كم انتم يالبنات والي قبالها لنا
والي بعيده شوي لامي وابوي

دخلوا البنات في غرفتهم يشوفونها طبعن بعد ما نتقل الاثاث القديم حقهم ها
رنا: يا زين الاثاث بس هالجدران والسقف مخربين

العزو ف: نقدر نسوي فيه حركات بالنسبه لي الجدار الي جنب سريري باحط عليه بوستر تاركان وبوستر لأحمد حسين وشويه من رسوماتي الفنانه
عبير : يووه عز الله تشوهت الغرفه
العزوف: انقلعي وش قصدك رسوماتي بايخه؟
عبير: وانتي بنزييين أي شي يولعك ما قلت شي ياهوو
العزوف : ايه اشوى وتكمل والأرضيه باشتري هذيك التجليد الي كنها خشب ما تصرف مررره وشكلها حلوو
رنا: ايه حلو الخشب يعطي جو ثاني
العزوف : حركااات اول مره رنا تقولي شي حلو

رنا وفي بالها ( لازم اتمصلح معاها معاد بقى لي الا اخواتي بهالدنيا ) : دايما انا حبوبه معاك بس انتي الله يهديك ما يتفاهم معاك

العزوف بطيبتها: اييه خلاص انسي الي فات مات
رنا: مشكورره

شوي احد يطق الباب
جين: رناا ازووف ابير افتهي باب
فتحوا لها ودخلوا الشغالات الاغراض وقعدوا يرتبون والبنات يساعدونهم في اماكن الاشياءوكذا

العزوف وهي ترتب اغراضها معاهم : من عقب الدلع ووسع الغرف الحين كلنا ال 3 بغرفه وحده... يالله اللهم لا اعتراض

عبير: والي يرحم والدينك عن النار لا تذكريني ابي احاول انسى الي صار
العزوف : الي صار صحيح صعب بس لازم نتعلم نعيش معاه

رنا : مدري كيف باداوم السنه الجايه وانا ما اعرف احد

العزوف : والجوري شكلي ما راح اشوفها بعد اليوم
عبير: ما تدرون يمكن الي صار لنا خيره
وعسى ان تكرهوا شيئا وهو خير لكم
العزوف : يمكن .. الله اعلم
""""""""""""""""""""""""""

طلال كان يبي يرتاح شوي
طلال: مشعل اطلع برا ابي انوم
مشعل:: موب غرفتك لحالك
طلال: يا ربي عليك طيب اطلع خلني اريح شوي
مشعل : والله لو انه زي اول لي غرفه لحالي كان ما قدرت تطردني
طلال حز بخاطره كلمة اخوه ورحمه لف عنه وراح بسابع نومه

"""""""""""""""""""""""""""""""""
كانوا مقررين انهم بكره بيمشون للشرقيه عشان عمتهم اصرت عليهم
ولان ابوهم ما كان يبي يحسسهم انوو أي شي تغير مو يكفي مدارسهم والبيت كان يبيهم يعيشون حياتهم مثل ما تعودوا عليها بدون ما ينقصهم أي شي

"""""""""""""""""""""""""""""""""""

"""""""""""""""""""""""""""""""""
كانوا مقررين انهم بكره بيمشون للشرقيه عشان عمتهم اصرت عليهم

ولان ابوهم ما كان يبي يحسسهم انوو أي شي تغير مو يكفي

مدارسهم والبيت كان يبيهم يعيشون حياتهم مثل ما تعودوا

عليها بدون ما ينقصهم أي شي
""""""""""""""""""""""""""""""
في بيت بو سعود

سعود جالس في الصالة ومعاه لينا

لينا : شفت وش صارفي بنات عمي

سعود بعدم اهتمام: واذا صار يعني ما بيتغير شي

لينا: وشلون يعني وهم على الحديده

سعود : الفقرموب عيب بعدين هم موب على الحديده مره فيه راتب عمي وراتب طلال

لينا: وايش يسوى عاد تدري ابوي وعمي عبد الرحمن كلهم بغوا يساعدون ويسددون القرض بس عمي عبد العزيزي رفض

سعود : اصيل وما يبي يمد يده لاحد ونعم والله
لينا: وبيقعد طول عمرهم كذا

سعود : وانا وش يدريني مسوية لي تحقيق كل الي اعرفه عنهم ان بنتهم محجوزه لي وباخذها بعد سنه

لينا: ههههههههه وشي هي طاوله عشان تصير محجوزه

سعود : لا ويين هذي العــــــزوف الــي تــذبح القلــب بغــلاها

لينا: الله وصرت يا اخوي شاعر

سعود : تستاهل بنت عبد العزيز والله

لينا: اقول انت وجهك ما تستحي تتكلم قدام اختك كذا

سعود : وليش استحي ماقلت شي غلط انا

لينا: هههههههههههههههه ياليت يجيني واحد مثلك

سعود يرمي عليهاالمخده الي كانت بحضنه: شف الوصخه وش قلة الحيا هذي

لينا تمسك بطنها من الضحك : يعني حلال عليك وحرام علينا

سعود : ايه عندك مانع؟

لينا خافت: لا ابد

سعود رحمها: تجهزتي ترا بكره بنمشي للشرقيه

لينا: ايه خلاص الا صدق عمي عبد العزيز بيجون معانا ؟

سعود : ايه وليش ما يجون

لينا: لامو قصدي تيب وين بنسكن

سعود : مسويه يعني ما تدرين كالعاده عمتي رجا حالفه مليون قسم ما نسكن الا عندها والله يعين

لينا: لييش بالعكس ونااسه

سعود : اييه وناسه لكم انتم لانكم متعودين على الحبسات يالبنات بس احنا شباب واشك انها بتعطينا حريتنا

لينا: ههههههههههه احسن بعد وشهوله تدجون

سعود يتلفت يدورمخده ثانيه يذبها في وجه لينا

لينا يوم شافته يدور انحاشت لغرفتها ركض وهي فاطسه عليه ضحك ( مهبوله هالبنت )
سعود يضحك على اخته و قعد يقلب في باقي القنوات

:::::::::::::::::::::::::::::::::::::::::::::::::: ::
في بيت بو طلال

بو طلال: يللا يا بنات تأخرنا كنا ناوين نمشي من متى بس
العزوف : انا جاهزه من زمان لا تعمم قول رنا وعبير بس
بو طلال: يا رنا يا عبير
جوا رنا وعبير وحالتهم حاله رنا لسه تصكر ازرار عبايتها وشرابتها بيدها والجزمه باليد الثانيه وعبير معها اغراض وتدخلهم بالشنطه
بو طلال: هماني قاليكم اجهزوا من زمان
عبير: ايه بس عاد راحت علينا نومه
رنا: انا امس ما قدرت انوم ما تعودت عاى جو البيت الجديد
بو طلال: ايييه خلاص اجل لكم 5 دقايق باطلع انا وامكم وطلال ومشعل برا
العزوف : يبه وش فيك علي وانا بعد باطلع معاكم
ابو طلال : والعـــزوف بس لا تصيحين علينا
ام طلال : لا انتي اجلسي عاوني اخواتك
العزوف : والله محد قالهم يقومون من الصبح بدري مثلي
عبير: والله احنا ما قدرنا ننوم بجو جديد علينا موب مثلك اول ما حطيتي راسك عالمخده نسيتي الدنيا وما فيها
العزوف : وجع قولي ما شاء الله
عبير تصرف : ايه رنا خلصتي
رنا: لا باقي شوي امسكي شنطتي خليها معاك شوي
عبير: هاتيها
العزوف تقوم من كرسيها وتروح جنبهم: تراني قلت قولي ما شاء الله
عبير تنرفزها: رنا كاني اسمع شي بس مدري
رنا: لا لا يتهيأ لك
العزوف عصبت : طاايب اوريكم يللا يبه يلا يمه خليهم ينطقون بالرياض
وتلتفت لقتهم طلعوا من زماااااااااااان
عبير ورنا : خخخخخخخخخخخخ
عبير:احسن تستاهلين انتي بعد اجلسي معانا
رنا : من حفر حفرة لاخيه ......
عبير: وقع فيها
رنا : كفك كفك عبير
عبير تصفق بديها على كف رنا
ويضحكوووووون
بس العزوف طلعت وسفهتهم
طبعا كالعاده طلعوا بنفس الترتيب الي متعودين عليه

ابو طلال وام طلال ومشعل وكانوا ماشين من زمان
طلال ومعاه رنا وعبير والعزوف وكان واقف يستناهم برا ومتوعد فيهم
ومن وراهم السواق والشغاله الي تصير زوجته

طلعوا البنات وهم مبسوطات عالاقل بيغيرون جو ويروحون للشرقيه هالسفره ما كانوا متوقعينها ابد وبصراحه كان مع بو طلال حق لانوو تغيرت نفسية البنات وصارت ازين ...

طلال جالس في السياره ولابس نظاراته الشمسيه ونازل خصل

من شعره على وجهه ومعصب من البنات مره كان شكله وهو

معصب خيالي طول عمره حلو واذا عصب تزداد حلاته

شوي ينفتح الباب وتركب جنبه عبير
ومن ورا العزوف ورنا

طلال: بدري كان لطعتوني فيذا ازود
عبير: ما كان قصدي انا ...
العزوف : وربي انا مالي دخل انت شايفني من قبل ما تطلع جاهزه ومخلصه
طلال: والي يقهر ما غير ادق عليهم ولا يردون
رنا سكتت لانها هي الي قفلت شريحتها ما تبي تكلم احد
عبير: انا بطاريتي فاضيه حتى شوف جايبه موبايلي باشحنه هنا بالسياره
العزوف : الحمد الله انا معروف عني جوالي دايم سايلنت يعني سوري
طلال: وفرحانه بعد مدري وش فايدته هالجوال دامه علطول سايلنت شكلي باسحبه منك
العزوف : لا تنافخ علي هم الي متأخرين ولو تبي خذه اصلا ما احتاجه واجد ولو باكلم خوياتي عندي تلفون البيت يكفيني
طلال رحمها : وانتي يا اخت رنا وش عذرك بعد
رنا: وليش ما نزلت لنا وناديتنا
طلال: لا والله عبد اشتغل عندكم انا اطلع بهالشموس
العزوف : يااااي
طلال: تتطنزين انتي وخشتك
عبير: خلاص طلال معليش سامحنا هالمره وامسح في وجهك
طلال : نعم امسحها في وجهي
عبير: لا لا والله قصدي في وجهي بس غلطه
طلال يرن جواله
طلال يطالع الرقم ويرد : الو هلا سعود
سعود : لا تقولي ما بعد مشيتوا
طلال: هذانا ماشين
سعود : عمي عبد الرحمن وصل واحنا ما بقي لنا شي
طلال : خلاص جايينكم كلها ساعتين ونص واحنا عندكم
سعود : يللا حرك
طلال: اوك بايوو ونسى سالفة البنات ومشى
""""""""""""""""""""""""""""""
لينا : هاه وينهم
سعود : توهم عند بيتهم بالرياض
لينا: يا سخفهم الحين ان وصلنا هناك من اقعد معاه لحد ما يجون
سعود : فيه فدوى بنت عمتي رجا
لينا: اكرهها سخيفه وشايفه نفسها علينا على وش مدري
سعود حرام عليك ما اخبرها كذا
لينا: الا وسامجه بعد
سعود: لهالدرجه عاد
لينا : واكثر

طبعا بس لينا وسعود الي كانوا بالسياره وامهم وابوهم راحوا

بسيارة ابوهم كان بامكانهم يروحون مع امهم وابوهم بس سعود

يبي ياخذ سيارته معاه ولينا ركبت مع اخوها اونس لها يعني

سعود بعد ما وصلوا : يووه ما ادل بيت عمتي وابوي توه ما وصل

شكلنا بنلبق ونستناهم

لينا: امم ازين بعد نتأخر شوي مالي خلق اروح اجلس عند عمتي رجا وتبدا محاضرات لامي بنتك وراك ملبستها كذا وليش كذا وموب كذا وقلق

سعود : شكلك مره مالك خلق ورا ما جلستي بالرياض اصرف لك

لينا: لا قهر يعني هو صح يعني كيف يسمونه ايه زين وشين
معليش نستحمل عمتي وبنتها بس يعني فله بنطلع انا وبنات عمي عبد العزيز ونتمشى وكل شي

سعود يضحك على طريقة كلام اخته : خخخخخ والله من اللحسه بس ومن بيطلعكم عاد؟
لينا: ومين يعني مع السواق اكيد
سعود : لحالكم
لينا خافت يعي ولا يخرب عليهم قفلت السالفه: لا طبعا اكيد امهاتنا معانا
سعود : ايه
لينا: سعود قدم شوي عند أي بقاله مشتهيه بيبسي
سعود : وانتي ما تتوبين
لينا: وش نسوي عاد ادمان البيبسي متوارث في عايلتنا
سعود: ههههههههههه عسا موب العزوف بعد
لينا: وانا من وين جاني الادمان الا من بنات عمي الله يخليهم لي
سعود : خخخخخخخ امين ياربي وقدم شوي
""""""""""""""""""""
بعيد عنهم وفي الشرقيه عند بيت العمه رجا ولا مو بيت قصـر العمه رجا الي كانت ساكنه فيه بحي من افخم احياء الشرقيه
العمه رجا: فدوى يا فدوى
فدوى : نعم يمه
العمه: نزلتي العود الزين من الي جابه صديق ابوك
فدوى تطل من فوق: ايه يمه من زمان
العمه: وين حطيتيه فيه
فدوى : بدرج الشوفنيره الي تحت
العمه راحت تبخر البيت مره ثانيه
فدوى كانت بكامل كشختها مبسوطه هي موب من النوع الي تطلع مرره ولا شي امها كانت حاكره عليهم شوي بحكم تسلطها الشديد
بس ان جوا بنات اخوالها يسوعون صدرها شوي وتقدر تطلع مع عيال خوالها عايدي
خالد كان طالع من غرفته وتوه صاحي من النوم وشكله مبهذل شوي
فدوى: ما بعدنزلت انت ترا خالي عبد الرحمن تحت واصل من زمان وفي مجلس الرجال مع ابوي
وخالي عبد الله وخالي عبد العزيز في الطريق
خالد : يوووه وانا اقول وش فيه ابوي يدقدق علي من الصبح
فدوى : وما رديت عليه ؟
خالد : لا طنشت ونمت
فدوى : يا سلام ووش بتقوله
خالد : باقول كان ضايع مدر ي وين حطيته أي شي لا تعقدين الامور
وروحي طلع لي شماغ مكوي ما فيه في غرفتي
فدوى: ان شاء الله وراحت تجيب له من حقات ابوها
خالد : راح ولبس وتعطر وتجهز بحول 10 دقايق وما شاء الله كان حلو ومرتب
خالد يصارخ: فدوى
فدوى تراكض: نعم نعم خوذ فشلتنا ترا خالتي جواهر تحت بالصاله
خالد : من خالتي جواهر ما اخبر امي عندها اخوات
فدوى لا خالتي جواهر مرة خالي عبد الرحمن
خالد : ايه طاايب بانزل قولي لهم يتغطون
راحت فدوى وقالت لجواهر تتغطى وطلع خالد لمجلس الرجال وسلم وجلس معاهم
""""""""""""""""""""""""""""
بعد ما وصلوا بو سعود لحقه سعود ووصلوا لبيت عمتهم
دخلوا الحريم وراح سعود وابوه للرجال

بو سعود وهو يدخل: السلام عليكم
بو خالد يقوم له يسلم عليه: وعليكم السلام يا حيا الله من جانا
تو ما نورت الشرقيه والله
بو سعود : بوجودك يالطيب
بو خالد : وينكم ما تنشافون ابد
بو سعود : خبرك عاد الدينا وبعدين هذانا جاينكم الدور والباقي عليكم تشرفونا بالرياض
بو خالد : قريب ان شاء الله
بو سعود : وشلونك يا خالد
خالد : بخير خالي نسئل عنكم
بو سعود : احنا بخير ونعمه ووين عادل؟
( عادل الشخصيه الهادئه الي مالها حس لدرجة انهم تناسوا وجوده)
خالد يصرف : مدري شكله راح يجيب القهوه
عبد الرحمن ما سمعهم ما قال شي وطلع خالد دق لعادل عشان يقوم شكله لسه نايم ( العمه رجا كانت بس شديده على بناتها اما عيالها تقريبا كانت تخاف عليهم صح بس مدلعتهم شوي لان في رايها دلع البنات يخربهم اما العيال ما عليهم خوف)
بعد ما رجع خالد جلس معاهم جنب سعود بس
سعود ما كانت علاقته بخالد مثل طلال فقعدوا مع بعض يسولفون سوالف عاديه عن الشغل والدراسه وكذا
"""""""""""""""""""""""""
عند الحريم كانت السوالف شغاله ولينا ملت منهم لان فدوى جالسه مع الحريم وساكته زي ما عودتها امها وهي مالها خلق ودها تقوم تتحرك
لينا: فدوى اال وين بننام فيه
فدوى: فيه غرف للضيوف ومدري كيف عاد نشوف بعدين
لينا: اها وسكتت
لينا بعد ساعه من الطفش مسكت جوالها وتوها بتدق
تكلمت العمه وباسلوب غريب: لينا هذا جوالك
لينا تلعثمت من الخوف قالت : لا جوال امي
العمه: اشوى علبالي لها قلت توها ما تمت 15 ولها جوال وبنتي لو تصير 25 ما عطيتها جوال قبل لا تتزوج
ام سعود : ايه بس عاد ليش
العمه : بس وشهوله
ام سعود: بس ولو لازم فيه شوي ثقه
العمه: لا الدنيا ما عاد هي بامان مثل اول يا شريفه
ام سعود : ايييه صادقه

وبهالوقت سحبت لينا نفسها وطلعت في الحوش عشان تكلم على راحتها
لينا : وينكم يا السخيفين
العزوف : هههههه حلوه سخيفين هذي
لينا: ايه اجل لاطعيني هنا لحالي لو تشوفين شكلي وانا ما معاي احد
عادل الي توه قايم يسمع صوت بناتي بس من وين ما يدري
بعد ما استوعب انه من برا فتح الشباك وشافها عادل يفكر( ياربي من هذي مدري شكلها وحده من بنات خوالي وقعد يضحك على شكلها وهي تهزئ الي قاعده تكلمها بالجوال )
لينا حست انو فيه احد يطالعها جت بتلتفت فوق بس ما لقت احد
عادل انتبه لها وراح يلبس عشان ينزل
لينا تكمل: تيب انتم عند وين الحين
العزوف : عند الباب
لينا: احلفي
العزوف باكذب عليك يعني
لينا: موب بعيده
العزوف : لا يكثر هذانا بندخل باي
لينا: يللا استناكم جوا هلا
"""""""""""""""""""""
بعد ما وصلوا البنات ودخلوا وسلمواا
جلسوا اول شي مع الحريم يتقهوون
العمه رجا: الا عبير انت في أي صف؟
عبير: لا ياعمه انا خلصت ثنوي
العمه: عالبركه وناويه تكملين؟
عبير: لا باجلس بالبيت
العمه باعجاب : ايه ازين لك بعد ( علبالها هذا تفكير عبير كذا ان البنت لبيتها ما درت ان عبير موتها تكمل دراستها بس شي انفرض عليها لانوو صعبه تخلي امها لحالها في البيت وهي كبيره شوي وما تقدر على شغل البيت فقررت تاجل الموضوع لبعدين )
عبير: صح صادقه
العمه رجا: بس ما شاء الله يا فوزيه بنتك كبرت واحلوت
عبير انحرجت مره ما تعودت على الاطراء كذا
ام طلال وبمزح: عيونك الحلوين يا وخيتي مو ناقصها الا العريس
العمه رجا : هههه والعريس عندناا وش تبي بعد ازود
عبير خلاص حست الموقف ماله داعي وحاولت تشغل نفسها باي شي
عبير : فدوى خلينا نقوم نجلس برا بالحديقه
فدوى الي ما كانت منتبه: لا ما نقدر اخاف يبان عند الرجال
عبير: اجل بالحوش الخلفي بس قومي
فدوى : اوك يللا بنات
وقامواا عبير ورنا والعزوف ولينا وفدوى
العزوف : ههههههههههههههه ما اقدر انا عللي يستحون يا ناس
عبير: الا فدوى وش اخبار الدراسه؟
فدوى : ابد على حالي بالبيت
عبير: القلوب عند بعضها مي تو
العزوف : وش فيك تصرفين هماهم دايم يذبون علي انا وسعود ولا عمري قلت شي وبعدين مو شرط يتحقق
وتقول وباسف ما لاحضه الا عبير : ما اظن اني الحين باخذ سعود
عبير: وليش
العزوف ( تكابر) : بس انا مابي اخذ من اقاربي
عبير تدري العزوف تحبه حتى لو ما قالت وقررت تكلمها بالموضوع بعدين ازين مو قدام فدوى ولينا
عبير: اقول بما اننا ما راح نطلع مكان اليوم .. وتوها بتكمل تقاطعها لينا
لينا : ويين ويين وش الي ما راح نطلع
رنا الي كانت مؤيده الفكره: تونا جايين اول يوم نبي نرتاح شوي
لينا : يالسلام والتخطيط الي انا مخططته
العزوف : اخس يا حركااات وش هذا التخطيط
لينا: اهلنا كلهم حدهم 9 وينومون وبعدها ناخذ عبايتنا ونتسحب عالحوش ونلبسهااا بدون محد يدري وبعدين نطلع مع السواق
العزوف : بلا هباله وين لحالنااا واذا مشيناها تيب ان شافنا طلال ولا سعود
لينا : لا تخافين بنقول معانا عمتي رجا الي هي عبير وبنقول عبير تعبانه ونامت ولا جت وبعدين ظلام وكلنا عبايات سود مين بيدقق
عبير وفدوى : هههههههههههههههههههههههههههههههههههههههههههههههههه ههههههههههههههههههههههههههههه
فدوى: شكلك تتابعين افلام واجد
العزوف : ايه والله ولا تقرين قصص
رنا : لا لا اعتقد والله اعلم احلام يقظه
لينا زعلت : ايه تطنزواا هذا جزاتي ابغاكم تنبسطون
العزوف فكرت فيها لينا مراهقه وكلنا بمراهقتنا كنا مثلها ويمكن اشد بعد وانها بالعمر هذا اكيد بتكون حساسه وبدون ما تقصد زل لسانها: لا والله مو قصدنا نضحك بس انتي تعرفين عمتي رجا
فدوى : وش فيها امي هاه
العزوف : هههههه شوي شوي لا تاكليني موي قصدي شي
بس اخاف تقوم باليل كذا تجي تمر ما تسمعل نا حس تشك فينا
فدوى: وش معنى امي ليش حددتي
عبير حست بالوهقه فشيله يتكلمون عن امها كذا قدامها: لا بس نعرف ان امي و عمتي شريفه وعمتي جواهر ما يقومون فقلنا يمكن امك
فدوى بدت تقتنع: اهاا
لينا كانت تشوف الموقف وعرفت انهم توهقواا وما صدقت فطست ضحك ونست الي صار
""""""""""""""""""""""""""""""""""
برا بالحوش كان مشعل وتركي وطفشانين اخر طفش
مشعل يعد البلاط : والله ذولي 65 بلاطه
تركي : اتحدااك وييين هذولي 55 بلاطه
مشعل: تلعب على مين انت بس نظاراتك ذي يبيلها كسر
وتروح تجيب لك وحده غيرها شكلها ما تشتغل زين
تركي : نظري ازين من نظرك عالاقل البس نظاره واشوف صح
موب مثلك نظرك 4 ولا تلبس نظاره
مشعل: ياربي وش هالطفش حتى ما عندنا شي حلو نتطاق عليه
تركي : ايه والله اول مطاقاتنا على اشياء تونس وتوسع الصدر
الحين نتطاق على عدد البلاط
مشعل: ياخي عندك نكته من زمان ما ضحكت
تركي: لا ما عندي
مشعل يفكر بطريقه ينبسطون عليها: خلينا نقول لعادل نلعب في البلاي ستيشن حقه
تركي : والله حلوه الفكره امش نروح نقوله

وراحوا وقالوا له ما رفض ابد اصلا عمره ما قال لا لاحد
وعطاهم عادل مفتاح غرفته وقالهم انه هناك
""""""""""""""""""""""""""""
قاعده تفكر بحال الدنيا ووش موقعها منهاا غريزة الامومه بداخلها تذبحها تموت بشي اسمه اطفال وودها لو بواحد لدرجة انه دخلت قسم التربيه الخاصه في الجامعه تقدم لها عريس شاب ناجح طيب غني وسيم وبه كل المواصفات الي تحلم به أي بنات بس ما قدرت ما قدرت تقول ايه
عمرها وصل 22 وهي لسه ما قررت تذكرت الدمعه الي بغت تنزل من عيونها لمن شافت ولد صغيره شايله ابوه ومعاهم امهم بالسوق كيف كان حزنها لفقدانها هالشي صحيح اهلها ما قصروا معاها وكل شي متوفر لها بس السعاده الاسريه غير سعادتها بتحقيق ذاتها في كونها ام لتربي اجيال من بعدها

قطع عليها تواصل سلسلة افكارها نداء امها
ام فيصل : هدى هدى
هدى: نعم يمه
ام فيصل : ما تبين تتغدين
هدى : لا مالي نفس
ام فيصل : وراك يابنيتي تراك ضعفانه هاليومين
هدى : ما اشتهي
ام فيصل : طيب خلاص انا باحط لك الاكل على الكاونتر متى ما اشتهيتي روحي كلي
هدى : ان شاء الله يمه

بعد ما تغدوا وخلصوااا
كانوا ابو فيصل ومرته شيخه وفيصل جالسين بالصاله
ومعاهم هيفاء الي كانت تتابع التي في ومب لمهم اصلا
ابو فيصل : وش اخبارك يا ولدي
فيصل : الحمد الله بخير
شيخه : هاه يا ولدي ما نويت تعرس
فيصل وده يقول لامه ايه ابي عبير بس: لا باقي توني
شيخه : شو تستنى
فيصل : ابي اكون نفسي
شيخه : والله يا انتم ياعيال هاليومين عليكم حركات وش تكون نفسك وحلال ابوك موجود
ابو فيصل : لا يا شيخه هو معاه حق الولد لازم يعتمد على نفسه وحلال ابوه مهوب دايمن له
فيصل : صح لساانك ابوي
ابو فيصل : صح بدنك الا وين هدى
فيصل : وش معنى هدى وانا لو اغيب شهر ما ظنكم بتسألون هههههه
شيخه : وش دعوه عاد ما عندك اهل
ابو فيصل : بس انت دايم عندك اشغال وكذا وهدى ما عمرها غابت فاستغربت
شيخه : والله شكلها تعبانه ودايخه وقلتلها تعالي تغدي ولا بغت
ابو فيصل : لا يكون عشان ولد صديقي بس
شيخه : مدري والله
ابو فيصل : قوليلها اذا ما تبيه محد بيغصبها
شيخه : الظاهر انها ما تبيه
ابو فيصل : اجل خلاص بارد عليهم بكره واقول ما حصل نصيب
شيخه : على خير ان شاء الله

هيفاء كانت جالسه مع اهلها يوم رن جوالها قامت عنهم
فيصل : هيفاء وين
هيفاء بارتباك : خويتي وبارد عليها من غرفتي
فيصل : طاايب خليها تدق بعدين ما صدقنا انك تجلسين معانا
هيفاء : طيب

وراحت وقفلت جوالهااا ورجعت جلست مع اهلها بسرعه عشان ما يشكون فيها
فيصل : امداك ما شاء الله
هيفاء: ايه قلت لها دقي بعدين وقالت اوكيه
فيصل: كفو اختي تعالي اقربي لمنا وخليك من هالدش موب نافعك
هيفاء قربت وجلست : يمه صبي لي بيالة شاهي

"""""""""""""""""""""""""
من جهه ثانيه
بدر: وش فيها ذي ما ترد
سلطان : والله انا مدري متى بتخلص منها لك حوالي سنه معاها
ما قدرت تجيبها
بدر : قريب ان شاء الله انت اصبر علي بس
سلطان : ما ظنيت انك بتجيبها
بدر : ليش ان شاء الله وش شايفني
سلطان : نشوف وش بتقدر تسوي
بدر بقهر : انا باوريك منهو بدر

"""""""""""""""""""""""""""""""""""""

في الشرقيه عمتهم رجا ما قصرت وحطت3 ذبايح على الغدا
2 للرجال ووحده للحريم
بعد الغدا
شريفه ( ام طلال ): والله ياليتك ما كثرتي يا ام خالد حرام باقي من الاكل كثير
العمه رجا: يا بنت الحلال الخير واجد وانتم كم مره بتزورونا خلنا نفرح بكم
شريفه : الله يغينكم ويكثر خيركم
العمه رجا : امين يا رب وياكم
شريفه حزت بخاطرها الكلمه ما تدري ليش حست انها مقصوده ولو انها كلمه تنقال عادي بس يمكن عشان الوضع الي هي فيه
جواهر ( ام تركي ): الا صدق وين تركي؟
العمه رجا: والله مدري يمكنهم يلعبون برا
جواهر : خلود حبيبتي قومي دوري اخوك شوفي وينه
خلود ما صدقت خبر ان امها تقولها قومي : ان شاء الله
راحت خلود للحوش تدورهم ما لقتهم ولا لقت البنات بعد
خلود : ياربي بس انا وش جابني ما عندي احد اقعد معاه
وراحت رقت فووق
""""""""""""""""""""""
فوق في غرفة فدوى كانوا البنات مجتمعين ومشغلين المسجل
ورقص وهبااال واخر فله
فدوى: العزوف ههههههه علبالك ترقصين كذا يعني
العزوف :وش عرفك انتي بس هذي اخر حركه نزلت عالموضه
رنا : وش جاب لجاب بس خخخخخخ
عبير الي كانت جالسه عالسرير وتتفرج وتضحك بس
فدوى: اشوف عبيروه مسويه ثقل ما تبي تتهيبل قدامي واناعمة عيالها مستقبلا
لينا الي كانت تنطط ومعاها علم السعوديه وترقص على اغنية
( يا دار ) جت مسرعه وهي تفحط وتطلع اصوات يعنني صدق مفحطه << حركات بنات مساكين احنا غصب نحتك بالسواقه
: وناااااااسه بدا الذ ب يللا نطلع ريحتها

عبير: خير خير مو كاني جالسه قدامك
لينا : بصراحه بصراحه عبير ما ودك تشوفين خالد يعني تشوفين تغير ولا لا بعد انتي من زمان ما شفتيه
عبير: وانا وش علي منه
لينا وتغمز لها : لا والله علينا؟ وين الي تو ما ينشاف وجهها من الحيا
عبير:والله انكم ماصخات بعد ان مسكوا في الشي يعلقون عليه
لينا : تيب تيب عزووووووووف امش نرقص رقصة البرتقاله
العزوف : والله يللا وناااااسه
ويشبكون ايدينهم ويفكون شعورهم ويبدون ينططون
رنا علبالها تلقط شي من الارض: خخخخخخخخ العزوف خوذي خذوي قمله طاحت من شعرك
العزوف : بايخه زي وجهك اصلن يحصل لك شعر مثل شعري
فدوى : عااااااااااااشت المغروره
العزوف ترفع خشمها كذا فوق باستهبال: يحق لي ههههههههههه
وهم في غمرة انساجمهم يقطع عليهم صوت دق قوي عالباب
فدوى علطول نطت وصكت المسجل
لينا : لا يكون احد من اخوانك
فدوى : لو احد من اخواني هين بس لو امي الله يستر رحنا فيها
رنا : لا لا عمتي رجا وش يدريها مجلس الحريم بعيد مره
العزوف : يمكن رقت تاخذ شي
رنا : لا تفاولين انتي بعد
فدوى : يووه الى الحين يدق باروح اسئل مين
فدوى : فتحت الباب شوي وقالت مين
خلود : انا خلود
فدوى : هذي خلووود بنت عمي عبد الرحمن
العزوف تساسر لينا : لا تقول بتجلس معانا مالنا خلق بزارين
لينا : حرام عليك ما فيها الا هي
العزوف : بس ولو تقعد تعلم علينا
لينا : ارحميها انتي بعد
خلود شافتهم مبلمين فيها كذا استغربت هي اصلا كانت جايه تدور تركي لان الشغاله قالت فوق ويوم سمعت الازعاج دقت الباب على بالها انو هنا : وين تركي ؟
فدوى: الظاهر في غرفة عادل واشرت لها على غرفة عادل
اوك حبيبتي
خلود : اوكيه وراحت
بعد ما طلعت خلود ما رجعوا البنات يشغلون المسجل خافوا خلود تقول شي وتجي عمتهم وتهزئهم تهزئيه محترمه
جلسوا قعدوا يسولفون شوي
العزوف : فدوى ممكن افتش؟
فدوى : ايه عادي خوذي راحتك
العزوف : ادري اني ملقوفه بس كذا احب
فتحت العزوف اول درج لقت فيها دفتر مذكرات

نطت فدوى على العزوف تبي تاخذه والعزوف ماسكته وعيت تعطيها
فدوى : عزووف عطيني هذا الشي
العزوف : بس انتي قلتي خوذي راحتك تحملي ههههه
فدوى : لا عاد كل شي ولا الخصوصيات
العزوف : طيب خلاص وعطتها الدفتر
قعدت تحوس لقت ميداليات جوال وتعليقات ساعه بالدرج
فتحت الي تحته لقت البوم كبير حق صور
العزوف: وهذا خصوصي ولا ينفتح ؟
فدوى :لا هذا عادي
الالبوم كان فيه صور كثيره لفدوى وعادل وخالد وعمتهم رجا بايام لشباب هي وابو خالد
تجمعوا البنات كلهم يتفرجون
فتحت العزوف على صورة بنت في العشرينات من عمرها واقفه في باريس ومصوره عند برج ايفل وشكلها حلوه
رنا : من ذي
فدوى: مسويه ماتعرفين
رنا : مدري فيها شبه منك بس احلا واجد
فدوى : شوكرن هذي امي
عبير : لا عاااد
فدوى : والله كانت عود صح؟
عبير: مررره تغيرت والله
وفتحوا صور لعادل وخالد كانت صور لهم وهم صغار
وكانت مره تضحك مصورينهم بدون ما يدرون وكذا
وكان فيه بعض الصور حلوه مصوره باستديو

صكوا البنات الالبوم وقعدوا يفكرون وش يسوون بالسهره
فدوى : يا بنات ليش ما راح تطلعون انا ما صدقت تجون عندنا عشان اطلع اشم هوا وتجلسون بالبيت
لينا : ايه والله وهي صادقه يعني خير جايين نفرفش احنا
عبير : ما قلنا شي بس مو اليوم
رنا : ايه اصلا احنا الحين دخنا واكيد بننوم بدري
العزوف : لااا وين انتي نومي بدري انا ما بانوم وتغني بصوتها الحلو ( سهرتنا الليله خلوها صباحي )
تكمل لينه : حلوه محبتنا وفينا الهوا صاحي خخخخخخخخخخخخخخخخ
عبير: وانتم ما تملون من هالاغنيه تخيلي يا فدوى كل مره تجي لينا تنوم عندنا ولا نسافر معهم وكذا اذا جوا يسهرون لازم هالاغنيه
فدوى : هههه حركه كذا والله ياليت عندي احد األف انا وياه حركات
عبير: لا انا ورنا عايدي بس هالثنتين المصرقعات العزوف ولينا على ان العزوف هاديه بس ان جت مع لينا يووه وخري عنهم
بنزين ونار
لينا تنافخ : اقوول سكتنا لك اول شي وفلتيها واجد
العزوف باسلوب مشابه : ايه والله وش شايفتنا انتي هاه
رنا مسويه متقرفه : بس انتي وياها
عبير : حلو واحد صفر لرنا
لينا : شوفي شوفي اختك
العزوف : لا لا مابيها انا اتبرأ منها
عبير : تعادل 1 /1
رنا : عاشووو ومن قال انا اتشرف فيك
عبير: 2/1 ونااسه مطااقه وانا الحكم خخخخخخخخ
فدوى متعجبه : وشلون يعني
عبير: عايدي عايدي خوذي عالجو جونا احنا كذا دايم طقاق بس بهبال كل وحده تذب ذبه قويه عالثانيه يحتسب لها نقطه
ودايم رنا لحالها ولينا وعزوف مع بعض
فدوى : بس كذا غش واحد على اثنين
عبير: ما عليك رنا هذي داهيه تغلبهم كلهم خخخخ
وقعدوا على هالحال ضحك وفرفشه وحياتهم الى الحين ماشيه تمام
""""""""""""""""""""""
خلود راحت لغرفة عادل وهي جايه بتدخل لقت مشعل وتركي جالسين يلعبون بلاي ستيشن والتلفزيون يصير قدام السرير وما بينهم مسافه واجد فمشعل وتركي جالسين عالارض وماخذين مخدات سرير عادل وحاطينها عالارض ومتسندين على واجهة السرير وبدون ما ينتبهون وكعادت خلود تسحبت ودست نفسها تحت السرير عالاقل تسوي جاسوسه او تلعب دور المخبره السريه وتنبسط شوي على سواليفهم لانهم ما يقعدونها معاهم ونست امها وش قالت لها وكل شي
مشعل : هههههه 3 مره افوز عليك
تركي : كلها بالغش والخداع ولا انا لعبي ازين منك
مشعل : ياخي انا بافهم انت ليش ما ترضى تعترف بهزيمتك ترا عايدي
تركي : باللهي وللي يسحب نظارتي ويوزيها ويخليني العب بدون شي
مشعل: ههههههههههههه عاد هذا حظك
تركي : تلعب علي انت ويرمي يد البلاي ستيشن والله ما عاد العب معاك
مشعل : خلاص ياخي والله ما عندنا الا هاللعبه وش نستانس عليه بعد
تركي : معليش عاد حلفت
مشعل: عايدي صوم 3 ايام
تركي : لا مابي
مشعل: ولا اقولك امشي خلينا نهبل في اختك
تركي : واختي مالها اسم يعني
مشعل: الا قوم نهبل في خلودوه
تركي : لا والله تراها اختي يعني
خلود ولعت من تحت السرير خير ان شاء الله يهبل فيني طيب انا اوريه وتمد يدها وتقبص مشعل من ورا عند ظهره
مشعل: هيي خير انت وش هالحركات
تركي : وشو
مشعل: تستخف دمك تراك اوجعتني
تركي:والله ما سويت شي
مشعل : ايه طيب وسكت
شوي خلود مدت يدها وقبصت تركي
تركي : خير انت قلت لك ما سويت لك شي ليش تقبصني
مشعل: اقول انت الي بادي ويدفه
تركي يدفه بقوه اكبر الله اعلم من الي بدا ويضربه على كتفه
مشعل يقلب نظراته بين كتفه وبين عيون تركي بحقد دفين : قدها
تركي بثقه يتمتع بها اغلب الاطفال الي مسوين رجاجيل: وقدود
وويقعدون يتطاقون هذا يضرب هذا وذاك يطب في بطن ذاك
وهم متحمسين ويتطاقون
طلعت خلود من تحت السرير وضحكت وانحاشت ركض تحت
تركي : شفتها
مشعل لسه يشوت : مين
تركي : خلود
مشعل لف : يقلع سوتها الجنيه
ويراكضون وراهااا يوم جت خلود تنزل من الدرج تعكرفت وطاحت ووصلوا لها هم
مشعل: ياخي والله لو انك موب بنت كان فرشتك فرش
تركي : وانا ما راح ادافع عنك تستاهلين تسوين مشاكل بيننا
خلود تدافع عن نفسها : اجل تهبلون فيني وخلوده بعد
مشعل : شف شف شين وقواية عين
خلود : شين انت وتطلع لسانها عليه
تركي : عيب انتي اعقلي
مشعل : لا هذا الوضع ما ينسكت عليه لازم تتعاقب هالبنت
تركي : وش تشوف انت حدد بس العقاب
خلود : لا والله ومن قال اني بارضى
تركي : محد اخذ رايك وبعد تفكير : اصلا ان ما وافقتي على عقابنا باقول لامي انك طالعه لحالك في الشارع وبدون عبايه ولا طرحه
خلود : نصاااب
مشعل : وانا باشهد معاها وشوفي بتكذبنا ولا لا
خلود وشوي وتصيح : طيب وش تبون
مشعل : انا اقترح نشغلها عبده عندنا الين ما نرجع للرياض
تركي : فكره حسنه والله يللا خلود كاس مويه
مشعل: وانا ابي بيبسي تلاقين بالثلاجه
تركي : ولا تدرين خليهم 2 بيبسي
مشعل: وجيبي لي معاه مصاص
تركي وانا بعد وحطي شريحة ليمون
خلود : لاا ويتشاورون بعد
مشعل: انتي تنفذين وبس ويللا انا بعد ابي ليمونه
خلود : في عينك عشان تنعمي ياربي
مشعل: نعم اختي ما سمعت عيدي
خلود: خافت يمددون المده الي بتشتغل عندهم فيها : لا لا ولا شي
مشعل : ايه ازين بعد
تركي : ييللا لك 5 دقايق ان تأخرتي وجبتي البيبسي بعد ربع دقيقه بناخذه ونكبه ونخليك تجيبين ثاني
خلود ببراءه : راحت ركض عشان ما ينفذون كلامهم
مشعل: ونااسه قايل لك من زمان خلنا نهبل فيها بس ما رضيت
تركي : بس ولو اختي خخخخخخخخخخخ
مشعل بفخر : ياخي انا مدري من وين تجيب حركات النذاله انت اجل اذا تأخرت ربع دقيقه بتكبه خخخخخخ
تركي: ومنكم نستفيد مدري من طلع فكرة العبده اصلن هههههههههههههههههههه

بعد ما تعشوا كلهم جلسوا وسهروا الى حد 12 ويتعبرون مطولين بعد تخبرون الاهل عاااد الكل توجه للغرفه الي بينوم فيها
الرجال كلهم ناموا بالمجلس الي تحت الا ابو خالد نام فوق لان جناحه يعتبر بعيد عن غرف الضيوف
كان عندهم 3 غرف للضيوف
وطبعا البنات اصروا ينامون بغرفه وحده فاخذو لهم غرفه
ولمشعل وتركي غرفه وغرفه للحريم معاهم شوق وخلود
في جناح العمه رجا
العمه رجا: ابو خالد
ابو خالد : نعم
العمه رجا: والله ياخي ودي اكلمك بموضوع خالد
ابو خالد :وش فيه
العمه رجا: الين متى بيجلس كذا ما تزوج
ابو خالد : سوي الي تشوفينه مناسب
العمه رجا : انا قررت اخطب له
ابو خالد : هالله هالله بالنسب الزين عاد
العمه رجا : وما فيه ازين من نسبنا انا باخذ له عبير بنت اخوي
ابو خالد : بس انا ابي له وحده ابوها نقدر نستفيد منه
العمه رجا : وش قصدك وش فيها اخوي شده وتزول
ابو خالد : أي شده واي تزول ما اعتقد يقدر يرجع شي بناه في سنين بسهوله
العمه رجا: لا انا ابي اخذ لخالد وحده عينها مكسوره عشان اسيرها على هواي وبنت اخوي هي الي بتمشي على مزاجي
ابو خالد : اجل توكلي على الله
العمه رجا : باكلم اخوي وباقوله وان شاء الله ما تخلص الصيفيه الا وعبير عندنا
ابو خالد : ترا العجله موب زينه
العمه رجا : ما عليك انت بس انا ابخص
ابو خالد : براحتك بس ترا بعد ما يروحون اهلك بسافر لمصر
العمه رجا: وخير يا طير كل يوم ناط لديرتهم
ابو خالد : شغل بعد شاسوي
العمه رجا: ايه تصبح على خير
ابو خالد : وانتي من اهله
""""""""""""""""""""""""""
طلال وسعود راحوا يتمشون اما خالد راح لاستراحه مع ربعه
وعادل جلس بالبيت عالنت في غرفته
طلال قاعد عالكورنيش وتمر وحده من جنبهم اللهم عافنا بس مدري ليش لابسه عبايه ومفاتنها كلها طالعه ومتلثمه والميك اب ما يحتاج اقول وريحة العطر توصل اخر الشارع
طلال: شف شف ذي مسويه علبالها
سعود : بصراحه انا اتقرف من هالاشكال
طلال: المشكله عبده وما فيها زود حلا
سعود : لا يفوتك وقفت عندنا وبصوت عالي: ياشين الي يحتكون
سمعت البنت الكلمه ولا هزت فيها شعره مشت وكملت دربها
طلال: هذا واحنا بالشرقيه لو بجده كيف
سعود : والله خربت الدنيا
طلال: لا ما اعتقد بس ذي شكلها بدون اهل
سعود : مستحيل
طلال: لا ما فهمت علي يعني اهلها لاهين عنها ولا يدورن عن سواياها
سعود : يمكن صح صادق
طلال: تدري يا سعود عقب الي صار لنا صرت افكر بمستقبلي بشكل اكثر مو مثل اول
سعود : لانك اول كنت واثق انو حتى لو ما حققت الي تبيه فيه من يوقف معاك ومستحيل تحتااج لاحد
طلال: صح صادق الحين انا قاعد افكر اوفر مبلغ من راتبي
كل شهر عشان اقدر اشغلهم
سعود : شي جميل والله
طلال: ادعي لي انت بس
سعود : الله يعينك ويوفقك
طلال: وشي رايك ابيع سيارتي واخذ سياره عايديه تمشي حالي
سعود : بس انت كنت تبي هالسياره من ايام المتوسط والثنوي
ومشغلنا بي ام وبي ام
طلال: بس لازم اضحي بشي عشان اهلي ما اقدر اشوفهم كذا
سعود : والله يا انك كبرت في عيني بشكل
طلال: صدقني أي واحد في مكاني بيسوي الي سويته ويمكن اكثر
سعود : لا يا طلال مو كل الناس مثلك
طلال: اقول عاد موب كاننا مصخناها مو ناقص الا تخمني واخمك ونقعد نبكي على الاطلال
سعود : خخخخخخخخخخ الله يرجك ياهوو قلبتها مسلسل
طلال: جد والله احس اننا مدري كيف
سعود : صدق ياخي ما يزبط علينا كلام الكبارين
طلال: وشي الكبارين خخخخخخخ
سعود : يعني الكبار الكبارين كلها واحد
طلال: يا انت عليك كلام بعد الا صدق خواتي ما طلعوا ودي عالاقل اجيبهم للبحر يغيرون جو
سعود : عاد خواتك هم الي معيين ولا لينا تبي تطلع
طلال: وانت وش دراك
سعود : ادق واسئل واشوف اذا يبون يطلعون معانا ولا لا
مو مثلك يوم خلاص شوي ونرجع توك تفكر تدق
طلال: خخخخخ وش اسوي والله ناسي يللا اجل بكره ناخذهم للسوق ولا الملاهي ولا البحر
سعود : ايه يجي خير
""""""""""""""""""""
البنات كان ودهم يسهرون اكثر بس يوم جت عالساعه 12 خمدوا كلهم ما بقي الا رنا وعبير وعزوف وشوي وينومون بعد
رنا : انا عطشانه باروح اجيب لي كاس مويه
عبير: جيبي لي معاك الله لا يهينك
رنا : اوكيه وطلعت
عبير استغلت الموقف وقررت تكلم عزوف على انفراد
عبير: عزوف جاوبني وبامانه انتي تحبين سعود صح
العزوف تفاجئت بالسؤال وما ردت اكتفت بانها نزلت وجههاعالارض
عبير: بصراحه ما كان ودي اني سمعت كلامك اليوم عنه يعني لو لينا نقلت لسعود انوو انتي ما تبينه وما تبين اقارب مو ممكن يغير رايه فيك
العزوف : يغير رايه لاني انا مابي ولا يغير رايه لاني صرت فقيره
لينا كانت تسمع كل شي من تحت لحافها بصمت
عبير: العزوف مو انتي الي تفكرين كذا وش جاك
العزوف : عبير اصحي انتي ورا ما تحسين اننا خلاص مو مثل اول
لمن تضحكون ولا تسولفون اجاملكم واضحك معاكم صح بس في قلبي ناار
كل شي احبه باظطر اتخلى عنه بدءاً بسعود والجوري اعز خوياتي الى حتى محل الملابس الي احب اشتري منه ولا المطعم الي اموت فيه
عبير:.....
العزوف وهي تبكي: اليوم لمن لينا وفدوى ودهم يطلعون تحسبين مدري ليش احنا عيينا
كنا خايفين ايه صح خايفين ما ودنا نروح مكان فيه سوق ولا شي ونتفشل
لاننا ما نسترجي اصلا نطلب من امي ولا ابوي فلوس وما نبي نشوف شي يعجبنا وتنحرق قلوبنا ولا نقدر نشتريه ايه هذي الحقيقه وش فيك تطالعيني كذا
عبير: تيب لا تبكين
العزوف : خليني اكمل واطلع الي في قلبي رنا بكت ووسوت كل شي باول يوم
اما انا كتمت كل شي فداخلي احس اني بانفجرخلاص
عبير حضنت اختها وقعدت تهديها وتقولها ان كل شي بخير وانو ازين لها فضفضت وطلعت الي بقلبها ولا تقعد تضغط عمرها
لينا ما قدرت تتتحمل تسمع بنات عمها الي كانت متعوده على عزهم يتكلمون كذا
هي توها صغيره صح وتشوف الدنيا تنقلب قدامها في يوم وليله عمها يتحول من غني
لشبه فقير او زي ما يسمونها عندنا على قد حاله
مسحت دمعة نزلت من على خدها ونامت

من بكره الضحى البنات كلهم نايمات الا فدوى الي متعوده تقوم بدري
وعبير الي ما عرفت تنام زين اصلا وجالسين بالصاله الي فوق
والباقي كلهم تحت ما عدا ام سعود وام تركي الي لسه نايمات
وابو خالد الي في لدوام
العمه رجا تكمل سالفتها الي كانت تتكلم فيها: ومن عقبها رجلها معاد يدري لا عنها ولا عن عيالها ولاهي مع حرمته الي كبر اصغر بناته
بو سعود : لا حول ولا قوة الا بالله ويمد لها فنجال القهوه
العمه رجا بتصب له زياده
ابو سعود : بس بس يكفي يا رجا
العمه رجا : لا بس ويحيد ما يضرك وتكمل هاتي يا ام طلال فنجالك
ام طلال تمد لها الفنجال من ورا جلالها الي متغطيه فيه
العمه رجا:ايه دام انك يا ابو طلال ويا ام طلال موجودين ودي اقولك خبر بيفرحكم حيل
ابو طلال : بشري يا رجا من زمان ما سمعنا خبر يفرح
العمه رجا: والله يا خيي ودي بعبير لولدي خالد
ابو طلال وام طلال متفاجئين بالخبر ما توقعوا ابدا هالشي وخصوصا انها اول مره تقوله بطريقه جاده يعني
اما العيال الي كانوا يسولفون بمجرد ما سمع خالد الخبر التفت على امه بدون ما يقول ولا حرف
العمه تكمل : وانتم عارفين خالد يشتغل ووظيفته محترمه وما عليه قصور وان اخذ بنت خاله بيحطها بعيونه اكيد
ابو طلال: وانا عن نفسي ما عندي مانع بس نشاور البنت اول
العمه: ومن قال ان البنات لهن شور راي اهلهم هو الي يمشي
ابو طلال: بس ولو يا رجا يمكن البنت ما تبي تعرس وبعدين المفروض تصلي وتستخير
العمه : وليش ما تبي تعرس الا ان كانها ما تبي ولدي
ابو طلال: محد قال كذا يا رجا خالد رجال والف وحده تتمناه
العمه وبدون ما تنتظر رد منهم: ايه اشوى بعد وانا ودي يكون العرس في هالاجازه
ودي اشوف عيال خالد باسرع وقت
ابو طلال: يا رجا ان حصل نصيب مستحيل يكون العرس بهالصيف لانه ما عاد بقي شي وتخلص الاجازه و اقرب فرصه اجازة عيد الفطر
العمه : ايه ان شاء الله ربي يتمم على خير بس
ابو طلال: امين
خلود الي كانت جالسه معاهم ولا اهتمت بشي من الي قالوه كل الي تفكر فيه انها تطلع وتوسع صدرها خصوصا انها سمعت مشعل وتركي يسولفون مع العيال ويقولون انهم بيطلعون معاهم
خلود : بابا
بو تركي: نعم حبيبتي
خلود : ابي اروح الملاهي
بو تركي: ان شاء الله يا بابا
العمه: الله يهديك يا عبد الرحمن بعد بتعودها على تلبية كل طلباتها وعلى الروحات من الحين
بو تركي: والله عاد مسيكينه محد كبرها وطفشانه اذا طلعتها مره مهوب ضار
العمه : اذا مره معليش بس موب زين تتعود
بو تركي : لا لا تخافين يا رجا انا اعرف وشلون اربي عيالي
العمه : الظاهر اني اكبر واخبر منك
بو تركي ما حب يتناقش معاها زود يعرف اخته عومه وان دخلت في مشكله تجر وراها مليون مشكله
بو تركي : ايه صح
ويكلم سعود : سعود اذا جيتوا تطلعون اليوم خذوا خلوده معاكم مشوها شوي
تركي : لا ما نبي بنات ناخذ خلود ورا ما ناخذ شوق بعد
العمه رجا ما انتبهت لتركي ولا كان علوم
ابو تركي : اولا احترم ابوك الي يكلمك ثانيا انا ما طلبت منك ثالثا عقاب لك ما فيه طلعه اليوم وخلود وشوق هم الي بيروحون
تركي : لا يبه خلاص اسف ويقوم ويحبه على راسه
ابو تركي : ايه تأدب ومره ثانيه لا ترفع صوتك على الي اكبر منك
خلود وهي تضحك : تستاهل
العمه رجا كانت تسولف مع بو سعود عن الاسهم والشركات والشغل
وابو طلال كان سرحان في موضوع عبير
ام طلال سمعت العيال وانهم بيطلعون رحمت بناتها
ام طلال بصوت واطي ما يسمعه الا بو طلال: بو طلال
ابو طلال: امري
ام طلال: ما يامر عليك عدو بس اسمع العياال يقولون بيطلعون وبياخذون البزران معاهم
قول لطلال ياخذ خواته يوسعون صدورهم شوي
بو طلال: ان شاء الله يا فوزيه
بو طلال: طلال ان رحتوا خذوا معاكم البنات
العمه الي اذانها تشتغل كانها رادارات: وليش ان شاء الله
بو طلال: وليش بعد يا رجا خليهم يشمون هوا
العمه : لا ماله داعي
بو طلال: بيروحون مع اخوانهم طلال وسعود
العمه : والله ما ودي اطلع بنتي
بو طلال: يعني بتخلينها لحالها وبعدين بنقولهم يروحون البحر بس
وما اظن عليهم خوف
العمه رجا: خلاص بكيفهم بس ما يطولون
بو طلال : خلود حبيبتي روحي قولي للبنات انو بيروحون العصر للبحر
خلود من الفرحه : راحت تركض وما انتبهت لكلام عمتها
مشعل: ياخي اختك ذي خبله شفت شلون تراكض كانهم قايلين لها لك مليون دولار ان وصلتي فوق في اقل من 5 ثواني
تركي : ياخي انت ما تمل من كثر ما تعلق عليها
مشعل بدهاء: مستحيييل امل منها خخخخخخخ
العمه رجا: خالد عادل تراكم بتروحون معاهم
عادل : يمه انا مالي خلق
العمه رجا: اجل انت يا خالد لازم تروح مع اختك
خالد : ان شاء الله
:::::::::::::::::::::::::::::::::::::
خلود : عبير باقولك شي
عبير تتلفت ما فيه احد الا فدوى
عبير: طيب قولي
خلود شوي مستحيه وبصوت واطي : بنروح البحر
عبير : فدوى امشي نروح نقومهم بنطلع للبحر
خلود : لا لا وبصوت ما يسمعه الا عبير عمتي رجا ما وافقت لبنتها
عبير والكلام ضايع معاها: ا ا ام ا فدوى امك ما رضت تروحين معانا خلاص مانيب رايحه باجلس معاك
فدوى ضاق صدرها بس ما حبت تبين : لا عبير خير انا متعوده على جلسة البيت والبحر عندنا وساكنين عنده انتم متى تجون روحي بس
عبير: لا والله ان شاء الله باجلس معاك بس امشي نقومهم
دخلت فدوى وعبير لغرفة البنات
فدوى: عبير وش رايك نسوي فيهم اجرام
عبير: اجرام والله مدري بس عجبتني الكلمه
فدوى : اوكيه
عبير: خخخخخخخخخ يللا قدام بس شلون
فدوى : اخس يالبريئه ما تعرفين للاجرام
عبير: لا والله وانا وش يعرفني
فدوى : مره شفت فيلم امريكي حطوا عليهم عسل وبخاخ كريمه بس ياختي حرام
عبير: لا والله نعمه ما يجوز
فدوى: بس شغلي مخك شوي موب لازم عسل شي يلزق وخلاص
عبير: صمغ سائل
فدوى : ما شاء الله جابتهااا وتقول ما اعرف للاجرام
عبير: خخخخخخخخخخخخ عندكم؟
فدوى : ايه عندي خرابيط فنيه امشي نجيب من غرفتي
راحت فدوى وعبير وجابوا الصمغ السائل وجابوا معاه محدد ذهبي وفضي واغراض فنيه وكل شي
فدوى : انا بابدا في رنا ولينا وانتي تولي العزوف
عبير : لا اخاف من العزوف تقوم تلعن خيري خوذيها انتي
فدوى : امشي نبدا بهم كلهم بس
عبير: توكلنا على الله
ومسكوا الصمغ وكبوا على وجههم كله وعلى يدينهم
وبعدين جابوا ورق وقصصوه ورموه على الوجه بس عشان اليدين تصير تصمغ بالراحه
وخذوا المحددات وقعدوا يرسمون العيون وكل وحده تتفنن وبالالون المائيه
سووا لهم الشادو والبلاشر يعني فل ميك اب
عبير: ههههههههههههههههههه طلعت اشكالهم تحفه
فدوى : اصبري ما بعد شفتي شي
عبير: وش بتسوين بعد
فدوى : باقومهم
عبير: كيف
فدوى : انا باصك المكيف وانتي فتحي الشبابيك وشيلي البطانيات
رنا تتقلب توها تحس بتغير الجو عليهااا اتحس فيه شي ملزق دبق ما تدري وشو
رنا تحاول تفتح عيونها ما تقدر مصمغه قامت تحاول تفك عيونها بيدينها ويالله انفكت
رنا: وش مسوين فينا انتم
فدوى وعبير ماتووو من الضحك على شكلها وهي تحاول تفك عيونها بيدينهااا
عبير: قومي بس فيه طلعه
رنا الي مال امها خلق تهوش: عبير طلعي لي لبس باروح اتروش
فدوى: ورا اختك رنا بارده
عبير: لا بس توها قايمه ما بعد استوعبت الموقف خخخخخ
فدوى: وهالثنتين وش يقومهم
عبير: العزووف ذي نومها ثقيل ولينا بعد شوي
فدوى : امشي ننطط على اسرتهم
عبير: مهبوله انتي هذا كبرنا وننطط
فدوى: اقووول بلا هم الواحد كم مره بيعيش
عبير: والله معاك حق امشي
وتنطيط وصراااااااااااااااخ وهبااااااال
فدوى: هيي اقول يالدبه لا تكسرين السرير
عبير: انطمي ذليتنا عاد عشانك عود يالعصلاا
قامت ليناااا ونفس الوضع مستنكره ذا الي على وجهها
واول ما قامت وفهمت وش قاعد يصير ما فكرت تروح تغسل وجهها على طول قومت العزوف
لينا: العزوووووف العزوووف شفتي ذا البثرات وش سووا بنا
العزوووف: ............
لينا تهزها مع كتفهااا بقوووه اثرت ولله الحمد في العزوف
العزوف : نعم خير انتي وياها ما تخلون الواحد ينوم براحته يللا اطلعواا وصكواا اللمبات وطفوااا البيبااان
فدوى فطست ضحك عليها بس عبير ولينا ما ضحكوا
فدوى: ما سمعتواا وش قالت هههههههههه
عبير: الا بس دايم متعودين على شخبصة الكلام وهي نايمه تقول اشياء اقوى من كذاخخخ
لينا: العزوف قومي بس شوي حاولي تفتحين عيونك
العزوف الي لسه مصكره عيونها: شف الغبااء تبين تلعبين علي يعني اذا فتحت عيوني خلاص باقوم
لينا: لا ياامخفه بس جربي حاولي
لعزوف : تحاووول ما قدرت
العزوف : لينا فتحي عيوني
لينا: هههههههههه حلوه ذي وشلون بس
العزوف: مدري بس ما تشتغل معاي
لينا : اصبري شوي لا تفتحينها بيأ لمك ترا باروح اجيب مويه
وراحت لينا وجابت مويه وخلتهااا تغسل الصمغ
العزوف بعد ما فتحت عيونها: مين الي ما يستحي على وجهه ذا ومسوي فينا كذا
فدوى وبكل ثقه : انا وعبير
عبير: انا مالي دخل ما سويت شي
العزووف : لينااا قومي عليهم بس
لينا: وش بنسوي
العزووف : الخطه ج
لينا : ليش فيه أ و ب
العزوووف : انطمي بس خلينا نسوي نفسنا شي حتى لو ما فيه قولي يللا قدام
لينا: يللا قدام
فدوى: وانتي يا لينا ما عندك شخصيه لو تقولك العزوف أي شي قلتي على امرك
العزووف : ما عليك منها تبي تخرب بيننا عشان ما يجيهم الانتقام
لكن الحين ما ينفع نردها لكم في وقت ثاني ان شاء الله
لينا : الا صدق ليش مقومينا بهالطريقه البشعه
عبير: هههههه ياويلي يا بشعه ما اقدر عاللغه امداها العزوف خربتك
العزوف : وش فيها لغتي ولا الكلمات الفصحى لم تعد تعجبكم في ظل معايشتكم للغة الغرب المريره
فدوى: لااااا بس انتي حستي ام اللغه شوي كذا وشوي كذااا اثبتي على شي
العزووف : كيفي اانا حره بكلامي والحين بارجع انوم
عبير: بكيفك بس بتفوتين على نفسك الطلعه
العزووف : ايه عايدي ولا صار
عبير: تراها روحة للبحر
العزووف تموت وتروح وتشوف البحر هي تحبه وتشوف فيه اشياء كثيره محد يشوفها غيرها
العزوف : يللا لينا مشينااا
لينا: لا انا ما اقدر اروح ما جبت معاي عبايه عالراس
العزوف : ولا صار يعني
عبير: لا عايدي ما فيه شي تعالي فدوى نروح نجلس في الصاله علبال ما يغيرون وسحبتها وطلعت
لينا : وش فيهم ذولي
العزوف : مدري وتوه مخها بدى يشتغل : ايييه صح عشان عمتي رجا
ما تبي عبايات على الكتف و انتي تقولين قدام بنتها هو صح ما فيها شي بس ولو شوي حساسيه
لينا: اها بس اني ما جبت شي
العزوف : ما عليك بس بنهربك مع ورا ومب شايفتك عمتي رجا
لينا: وانتي جايبه
العزوف: ايه ولله الحمد انا استعدادتي معاي اول باول
لينا : قومي طيب نغسل مدري نتروش ونشيل القراشيع والخرابيط الي علينا
العزوف : يللا قوميني
لينا وقفت ومدت يدها للعزوف وقاموا مع بعض
::::::::::::::::::::::::::::::::::::::::::::
لبسوا العزوف ولينا وخلصوا وجوا بيطلعون الاعبير وفدوى الي كانوا مقررين يجلسون في البيت لانهم ما يدرون وش ام الدعوى
طلعت لينا ورنا والعزوف وجوا بينزلون تحت تحجبوا ونزلوا
اول من شافهم مشعل الي نط لهم علطول: هيي انتم تقول امي تغطوا بجلال عشان عمتكم رجا
رنا: خير ان شاء الله ماابي
العزوف : يا بنت الحلال امشي بس ناخذ جلال لا تخربين علينا الطلعه
رنا: خلااص انا باستناكم فوق اذا جييتوا تروحون ارسلوا لي واحد من البزران يعلمني
مشعل: من البزران ؟
رنا: يووه موب انت اقصد شوقي وخلوده
مشعل: ايه اشوى
العزوف : لينا امشي بس ما نبي نجلس معاهم خلينا نطلع نجلس بالملحق اللي بالحوش من ورا
ودقي على اخوك اذا جوا يطلعون يعلمونا نطلع من ورا عشان عبايتك
لينا: ايه والله صادقه
طلعوا ومروا من المطبخ
العزوف: جوعااانه
لينا : لا لا تاكلين شي عشان نخليهم يمرون على مطعم
العزوف : شف الدبه ما علي منك انا باكل
لينا: بكيفك
العزوف : سوت لها سندويش جبن كيري وفتحت الثلاجه تدور شي تشربه
العزوف : غريبه عندهم ديو
لينا : خذيه اشربيه
العزوف : لا ماله داعي اخاف لاحد ويبيه ولا مشعل وتركي حاطينه هنا وبيشغلونا عنده
لينا: خوذيه بس ونشتري من هناك ونرجعه مكانه
العزوف : اوكيه وجلست عالطاوله تاكل
شوي رن جوال لينا وطلعت ترد عليه من برا
العزوف : قاعده تاكل ولا جابت خبرها
::::::::::::::::::::::
برا بالحوش
سعود: يللا ترا الساعه صارت 4
لينا: واذا يعني اصلن حر خلينا نروح على المغرب ازين
سعود : و 4 وشي الظهر مثلا
لينا : لا بس قصدي 5 كذا
سعود حس صوت لينا متغير شوي: لينا وش فيك
لينا : ما فيني شي
سعود : افا يا لينا تخبين علي وانا اخوك
لينا : ياخي قلت لك ما فيني شي اذا جيتوا تطلعون دق علي دقه واقطع يللا باي
سعود : مع السلامه

لينا كان ودها تقول له عن العزوف بس مب عارفه شلون ودها هو يسالها شي صعب عليها تفتح الموضوع وما تعرف شلون تتكلم فيه
::::::::::::::::::::::::::::::::::::::

20-04-11, 08:05 PM

المشاركة رقم: 3

المعلومات
الكاتب:	فداني الكون0
اللقب:	ليلاس متالق

البيانات
التسجيل:	Sep 2010
العضوية:	193433
المشاركات:	692
الجنس	أنثى
معدل التقييم:
نقاط التقييم:	420

االدولة

مدونتي

الإتصالات
الحالة:
وسائل الإتصال:

كاتب الموضوع : فداني الكون0 المنتدى : القصص المكتمله

راحت خلووود ومن بعيد قالت لهم شكرا وراحت
ميس: شدووون شفتيه
شادن : مييين
ميس: هذا اخوهم الكبير الظاهر
شادن: ايه
ميس : يا بردك ملك جمال وتقولين بس ايه
شادن: طيب ولا صار حلو يعني اول واحد ولا اخر واحد حلوو
ميس: وين هذا غييير يجنن
شادن: اقول خلك من شغل الخرابيط وامشي بس نرجع لا تهاوشني امي
ميس: اوكيه يلا وهم ماشين
ميس:بس لازم نزور للجيران عاد حرام القطيعه
شادن : تو ما طلعت صلة الرحم عندك ما شاء الله
ميس: من زمان وانا ما احب اقطع احد
شادن : باييين
ميس: ليش وش شايفه علي
شادن : بالله من متى ما رحتي بيت خوالي
ميس: من مده
شادن : كل مره نروح لهم ما تفكرين تجين
ميس: وييه عااد من زينهم ما فيهم حلو يستاهل اروح عشانه
شادن استحي على وجهك انتي متى تعقلين
مييس بحالمية: لحد ما القى فارس احلامي
شادن: وان شاء الله قريب جيراننا الي تو هو هدفك الجديد
مييس: ايه الا اذا
شادن تقاطع الا اذا ايش
ميس: اذا لقيت احلا منه
شادن: خخخخخخخخخ والله انك مهويه امشي بس
""""""""""""""""""""""""""""""
العزوووف الي كانت مره معصبه ما تحب يكون وضع زي كذا احد ضايع وهي تستنى ولا تدري وشي القصه كل ما كلمها احد تصرخ عليه
رنا:يوه ورانا واقفين كذا الحين ما بعد لقوها
العزوف بصراخ : وانا وش دراني عاد قالوا لك اعلم الغيب انا
رنا : ما سئلتك عشان تجاوبين
العزووف : اجل سئلتي مين.؟ الجني مثلا
رنا : ايه اكلم روحي بكيفي
العزووف : مجنونه اللهم عافنا
رنا: احترمي نفسك عاد
العزووف : محترمتها من قبل ما اعرفك
وشوي جاهم مشعل فتح الباب الي قدام واقف برا يكلمهم
مشعل: لقيناها
العزووف : لا جانا الثاني مو انت كنت ضايع معاها
مشعل: لا كنت ادورها
العزووف : اركب وانت ساكت بس مالي خلق اسمع صوتك
مشعل يعاند :لا مانيب راكب وش عندك؟ وقبل ما يكمل قاطعه طلال الي كان جاي من وراه
اركب بس يالبثر وشغلك عندي بعدييين
مشعل: ليش وش سويت
طلال: قلت لك اركب وبس
مشعل: ركب وسكت
وخلود راحت وركبت مع سعووود
"""""""""""""""""""""""""""
سعووود ما اهتم بالانتظار اصلن لينا ما خلته يحس بالوقت طول الوقت تقرقر فوق راسه
جت خلود وركبت معااااهم
سعوود: الحمد الله على السلامه
ما ردت خلود
وتركي ما قالها ولا شي
"""""""""""""""""""""""""""""""""""""
أول ما وصلوا سعود وطلال راحوا البنات ورقوا فوق
ويوم جوا مشعل وتركي بيدخلون
طلال: على وين يابابا انت وهو
مشعل: واللهي دايخ ابي اروح انوم
تركي : انا امي تبغاني في شغلات هامه
طلال: عن التصريف ويكلم خلود الي ماسكها بيده : مو انتي تقولين هم السبب
خلود : ايه
طلال: خلاص انا وياك نعاقبهم موب لازم تقولين لماما وبابا
تركي : علطول تصدقها وانت ما تدري وش القصه
طلال: ما يهمني بس خلود مب كاذبه ولا تقاطع .. هاه خلود وش تبين عقابهم
خلود تطالعهم بحقد: ابي اشوف دموعهم
طلال ضحك على طريقتها وهي تقول الكلمه بحقد : ابشري من عيوني
خلود ورجعت كملت : فلكه
طلال: خخخخخخخخخخخخخخخ ولا يهمك فلكه
اصبري انادي سعود من الخيمه
وانت وياه خلكم تتحركون ولا ما تطلعون معانا شهر لاخليكم تخيسون
وانت عارف يا مشيعل ما عاد فيه سواق مثل اول بيسافر اخر الشهر
وشوف عاد من يوديك ومن يجيبك
تركي: انا اروح معاه بسواقنا
طلال: ايه اطلع معاه هذا ان سمحت له يطلع من البيت وشوف مين بيخاويك يا تروك
مشعل وتركي ساكتين
طلال: سعوووووود
سعود : نعم
طلال: تعال نبيك شوي
سعود : وش عندكم
طلال: لا بس هالاثنين مضيعين خلوده اليوم ولازم يتعاقبون
سعود : وانا في الخدمه خخخخخخخخ
مشعل: شف النذل
سعود : نعم وشي
مشعل: اقول سلامتك بس
سعود : ايه
طلال: سعود تكفا شوف البيت الي قدامنا الي يعمر لسه
رح لمه وجيب لنا لي ولا أي شي نجلدهم به فلكه
سعوود : اووه وناسه من زمان عن الفلكه خخخخخ
وراح سعووود وجاب لهم وجا
"""""""""""""""""""""""""""""""""""""
عند البناااااات في غرفة فدوى
رنا: لا فاتكم انتم ما شفتوا ابو تيشيرت اصفر يمووت من الضحك
فدوى : هههههههههههه لا تقولي لاسمر هذاك
رنا: الا هوووو ما غيره مسوي فيها انا معذب الاناااقه ويناظر البحر مسوي رومنسي
فدوى : الله يرجك ياهووو وشلون قزيتيه
رنا : تستهبلين انتي هو الي ما غير يترزز في وجهي
فدوى: هههههههههههههه
لينا: وانتم هذي شغلتكم بس تحشون في فلان وعلان
عبير: خليهم ياهووو بعد شبابنا مسوين ثقه وكل واحد شايف نفسه ملك جمال
لينا : حرام عاد فيه والله ناس ملكين جمال
عبير: فيه وفيه بس اكره شي لمن يجي واحد شين ومسوي نفسه انا الي واااو
لينا : خخخخخخخخ حلوه انا الي واااو
العزوف سحبت نفسها وطلعت لغرفتهم لانها فاضيه وما فيها احد
وهي تبي تقعد لحالها شوي
"""""""""""""""""""""""""""""""""""""""""""""""""" """
في بيت جيران العمه وبالتحديد عند ميس وشادن في غرفة ميس
ميس : شادن
شادن قاعده عالنت ومهيب لمها
ميس: شديييين اكلمك ردي علي
شادن: نعم
ميس: ياختي طفش اليوم
شادن: ياختي انتي ما تشبعين هذانا طلعنا ورحنا وشفنا البحر
ميس: عندي فكره ودي انفذها
شادن : الله يستر من افكارك بس
ميس: جزاتي ادور لك الوناسه
شادن: وشي
ميس: ابي اعزم جيراننا واهلهم عندنا اليوم
شادن: فاضينا احنا ومتى نجهز ويمكنهم مرتبطين وكذا والحين الساعه 7
ميس: لا ما عليك انتي بس ما لقيتي الا رجا اصلن اول ما تدق عليها امي بتحلف عليها نجي عندهم وهذا الي انا ابيه
شادن : او او لهالدرجه ماخذه عنها فكره غلط
ميس: لا فكره غلط ولا شي بس اغلب الحريم كذا وبالذات الي بيوتهم قصور مثل جيراننا
شادن : لا بالله عطيهم عييين
ميس: والله بيتهم يجنن مالت علينا بس
شادن : حرام عليك بيتنا والله كشخه
ميس: بس ما يتقارن ببيت رجا
شادن : وانتي وش فيك كذا الرسول كان دايم يقول ناظروا للي اقل منكم عشان تحسون بالنعمه الي انتم فيها
ميس: باروح اكلم امي
شادن : عالاقل يوم ذكرت اسم الرسول قولي صلى الله عليه وسلم
ميس طلعت من الغرفه ولا عبرتها حتى

""""""""""""""""""""""""""""""""""""
طلال ماسك مشعل ومثبته وسعود ماسك تركي
ومخلين خلود تطقهم عشان بعد ما تعورهم مرره
مشعل: حرام عليك خلووود شوي شوي
خلووود ساكته وتطق من كل قلبهااا وومب فاضيه حتى تتكلم
تركي : خلوود حرام عليك انا اخوك نسيت يوم اجيب لك حلاو معاي كل يوم من المدرسه
خلوود لفت عنه وراحت لمشعل
مشعل: هيي انت حرام عليك بديتي فيني
خلود : خلاص
طلال: وشي الي خلاص توك ما طقيتيهم زين
خلود : لا بس خلاااص
مشعل: مسويه طيبه تبيني اقول انك ازين مني لا بتطقيناا
تركي : طقيه هو انا مالي دخل
خلود عصبت منه وطقته طقه مشعل خلاص عيونه شوي وتدمع
مشعل ساكت ما يبي يصيح
طلال وسعود رحموه وفكوهم خلاص
وخلوود راحت قالت لطلال شكراااااا
طلال: ولو العفو بنت عمي أي شي ثاني تعالي لنا وراحوا للخيمه
خلود : اوكي ودخلت داخل
مشعل : الحين وشلون بننتقم منها
تركي : ناوي تنتقم انت ووجهك
مشعل: ايه بس بدون ما تدري انه احنا
تركي : لا خلاص كافينا الي فينا
مشعل: انت كافيك بس انا لا
""""""""""""""""""""""""""""""
ام طلال كانت قاعده بالصاله الي فوق مع بو طلال بس
وتقهويه
ابو طلال: كلمتي عبير بالموضوع
ام طلال: لا والله ما فاتحتها بس ودي اقولها عشان تحاسب بتصرفاتها شوي
ابو طلال: ايه خليها تتسنع
ام طلال: وهي سنعه ولا عندك شك
ابو طلال: سنعه ما قلنا شي بس ان جلست مع هالبنات اكيد بتتهيبل
ام طلال: ايه والله انك صاادق
"""""""""""""""""""""""""""
عند البنات عبير حست بضيقة اختها وكانت مقرره انها بتروح لها وتشوف وش فيها لان العزوف مب على بعضها هالايام بس ما كانت تبي تروح وراها علطول عشان محد يشك من البنات
فدوى : اقوول وش عندكم مخططات اليوم
لينا : انا عندي مخطط انما اية يجنن
فدوى : لا تكون زي مخططاتك الأوليه اذا زيهم من الحين مرفوضه
لينا : لا والله أصلن خططي تحلمين تحصلين مثلها
رنا : تيب قولي خلينا نشوف
لينا : اذا ناموا كلهم نتسحب ونروح للمسبح الي برا نسبح فيه
رنا : وليش ما نسبح العصر وهم دارين وش معنى وهم نايمين
لينا : ياغبيه مالها طعم احلا كذا نتوزى ومدري ايش

فدوى : خخخخخخخخخخخخخخخ الله يرجك بس
انا عندي فلم هندي خولنا نشوفه اليوم

لينا : لا وين ما احبه 4 ساعات واخرتها بيموتون وشهوله نتابع
فدوى :خخخخخخخخخخخخخخخخ بس وناسه
لينا : لا لااااااا وييين ما احب الافلام الهنديه
عبير: عن اذنكم باروح شوي وطلعت وراحت للصاله وهي ماره من الصاله
نادتها امها
ام طلال: عبير تعالي شوي ابيك
عبير: ان شاء الله يمه تقدمت و سلمت على ابوها وحبت راسه وجلست
ام طلال: يا بنيتي انتي كبرتي وماله داعي المقدمات انا باقولك علطول
عبير ساكته لانها شبه عارفه الي بينقال
ام طلال: خطبتك عمتك لولدها وانا ابوك موافقين وش رايك
عبير بصوت يالله ينسمع : عادي
ام طلال: خلاص خلاص ههههههه لا تموتين علينا قومي روحي للمكان الي كنتي بتروحين له
قامت عبير وراحت
ام طلال: الا ما راح توديني اليوم لصديقتي الي قلت لك عنها
بو طلال: لا والله ما اقدر بو خالد اليوم عازمنا وعازمن ربعه
ام طلال: يللا اجل خيرها بغيرها
""""""""""""""""""""""""""""
العزوف جالسه لحالها بغرفتها وفجأه رن جوال عبير استغربت انوو موب معاها في الصاله
شافت الرقم ضحكت وردت
العزوف: تو ما سئلتوا عن والله ولا ناسينا ولا انتم لمنا
هدى : خليني اسلم اول
العزوف : طيب يللا نعيد
هدى ما استوعبت : كيف
العزوف : 1 2 3
العزوف : الوو
هدى: خخخخخخخخخخ السلام عليكم
العزوف : هلا والله وعليكم السلام والرحمه
هدى : والله يا عزييف اني كل ما جيت بادق اقول اكيد موب فاضين وعند اهلهم بس تو صراحه ما قدرت اشتقت لكم مره ولقيت نفسي قاعده ادق رقم عبير
العزوف : شف شف وبكل وقاحه وما تقول اددق رقم عزووف
هدى : هههههههه وكاني اذا دقيت بتردين
العزوف : وليش ما ارد
هدى : العزوف سؤال وبكل صراحه
العزوف : وشي
هدى : جوالك وينه
العزوف : ايه ما قلتي لي اخبار خالتي
هدى: هههههه عاشت المصرفه.. ابد بخير
العزوف : دووم ياربي
هدى : دام فضلك والحين عطيني عبووره
العزوف : هذي هي جت خووذي
عبير: هلااااا والله
هدى: اهليين وينك يالقاطعه
عبير: ياعمري والله موجوده بس عاد تعرفين
هدى : وش مسويه ووش علومك ومتى راجعين والله الرياض من دونكم ما تسوى
عبير :تسلمين يا بعدهم والله فاتك ياليتك معانا اليوم رحنا للبحر بس ايش ونااسه
هدى : ليه وش سويتي وكالعاده ابي بالتفصيل الممل
عبير نست يوم شافت عزوف تضحك انها جايه تواسيها: ان شاء الله بس اصبري باطلع عزيييف
العزوف : خير ان شاء الله باطلع بكرامتي
عبير: زين انها جت منك هههههههه
وقعدت تقولها عن كل الي صار من اول يوم وصلوا الين ما قالت لها امها تو
هدى: ياهوو ما اقدر والله كبروا البناااات
عبير: احم احم وش قالوا لك اجل طول عمرنا بنظل صغار
هدى : حلو؟
عبير: واللهي تبن الصدق
هدى: ايه اجل
عبير: وش دخلك انتي انا الي باخذه ولا انتي
هدى: هههههه من الحين تغارين عليه الله يعينه اجل
عبير: خخخخخخخخخ
ام هدى الي كانت جنبها : من تكلمين
هدى : اكلم عبير بنت خالتي
ام هدى: امها جنبها
هدى: عبير امك عندك
عبير : لاوالله بعيده
هدى: تقول بعيده يمه
ام هدى: هاتي ابارك لها خطبتها ولو اني كان ودي بها لفصييل بس عاد كل ما قلت له اعرس قال موب الحين
هدى : ما شاء الله يعني داريه ولا علمتيني
عبير الي معاهم ولا تدري وش القصه : وشي
هدى : امي داريه عن خطبتك ولا قالت لي شي
عبير: هههههه بعد هم ثنتين خواات اذا ما قالوا لبعض كل شي لمين بيقولون
هدى: صدقتي خوذي كلمي امي
"""""""""""""""""""""""""""""""""

ميس: يمه
ام ميس: نعم وش تبين
ميس: دقي على خاله رجا قولي لها تجي عندنا
ام ميس: ياختي مانيب فاضيه والبيت محيوس وصعبه اعزمهم وابحل بهم
ميس: تكفيين يمه الله يعافيك اصلن تدرين انوو خالتي رجا بتقولنا تعالوا لي
ام ميس: ولازم نروح نضيق عليهم وعندهم اهلهم
ميس: لا ضيق ولا شي بيتهم من كبره لو ينحط فيه 50 الف نفر ما امتلى ولا ضاق
ام ميس: عيب عليك وش هالكلام قولي ما شاء الله
ميس ببراءه : لا مو قصدي كذا بس اهلها جايين من الرياض والي اعرفه عندهم بنات وجمعه وفله ودنا نوسع صدرنا شوي
ام ميس رحمتها وقررت تدق وفعلن العمه رجا اصرت يجون يتعشون عندهم
ام ميس: يللا قومي وقولي لاختك عالساعه 8 كذا بنطلع لهم
ميس: مشكووره يا احلا ام بالدنيا
وراحت تلبس
""""""""""""""""""""""""""""""
بعد ما صكرت هدى قعدت تسولف مع امها عن عبير وخطبتها لخالد
وقالت لها امها كل شي انو ان شاء الله بيحطون العرس قبل الصيف وفي اجازة العيد
والا على دخلة فيصل
فيصل : السلام عليكم
ام فيصل : ياهلاا والله وعليكم السلام تو ما انورت الدار
فيصل: النور نورك يمه
فيصل : الا مين هاللي بتعرس اخيرن بنفتك من هدووو
هدى: ليش ان شاء الله جالستن عله على قلبك انا
فيصل : هههههه لا مو قصدي بس ابي لك الخير والتوفيق
هدى : وما راح اتوفق الا ان تزوجت لا تطمن هذي عبير بنت خالتي
فيصل تغير وجهه وبانت ملامحه غير شوي وكل الي قدر يقوله : ايه اجل انا بارقى انوم من الصبح في الدوام
وتو امه وهدى بيقولون له اقعد وزي كذا بس كان هو طالع خلاص

::::::::::::::::::::::::::::::::::::::

في بيت العمه رجا الرجال كانوا كلهم جالسين بالخيمه لانوو بيجون اصدقاء بو خالد
اما الشباب فجالسين بالملحق ما طلعوا اليوم مالهم خلق وبعدين ملحق العمه رجا يعتبر شبه استراحه فيه خيمه وحديقه كبيره وملعب كوره وطاولة بلياردو ومسبح وكل شي
والحريم كانوا مجتمعين بالصاله الي تحت
العمه رجا : تراني اليوم مناديه جيراننا على العشا وهي فرصه تتعرفون عليهم حبوبين وطيبين
ام خلود : هم من اهل الشرقيه
العمه رجا : لا والله نفس حالتنا جايين فيذا عشان شغل ابوهم
هي مريم وبناتها ثنتين ميس وشادن وعندها ولد واحد متزوج عبد الملك
يعني بس هي بتجي وبنياتها وحدتن كبر رنا او اكبر بشوي الي هي ميس والثانيه كبر لينا و توها تدرس الظاهر
ام سعود : يحليلهم كويس اجل بناتنا يلقون احد يسولفون معاه
ام طلال : على كذا باروح اقولهم يلبسون لا يجون الناس وهم ما تجهزوا
وقامت تقولهم وهي بعد تلبس
"""""""""""""""""""""""""""""""""""
قاعده لحالها وما تدري وش تسوي طفشت وما ودها تروح تجلس مع اهلها
هي خلاص تعودت على كذا دقت على رقم بدر
بس جواله مقفل يئست وقررت تنزل تحت
ام فيصل : هلا ببنيتي تعالي اقربي لمي
هدى: ياعيني عالمحبه
ام فيصل : ما صدقنا هيفااء تنزل وتجلس عندنا
هيفاء : راحت وحبت راسها وجلست عند امها
هدى وهي تضحك: لا لا على كذا ما اقدر انا وبعدين اذا حضرت الشياطين وقامت
هيفاء ولا عبرتها حتى ....قاعده بس تطالع في التي في
ام فيصل : هاو اجلسي بس خلي العائله تجتمع ولو يوم هذا وانتم ياعيالي 4 نادر ما نشوفكم مع بعض بالذات مهند مير ما يجلس في هالبيت
هدى: هههههههه تصدقين ما شفته من 4 ايام
ام فيصل : لا انا شايفته امس وهو طالع لغرفته جا وسلم علي
هدى : ولا هاوشتيه ولا شي
ام فيصل : هالولد ما تقدرين عليه لسانه يقطر عسل ودي اهوشه بس ما قدرت
هدى الي لسه واقفه : يلا اجل انا طالعه وراحت رقت فوق هي اصلن تبي تشوف فيصل وش فيه
""""""""""""""""""""""""""""""""""""""""""""""
ميس وشادن وامهم داخلين لبيت العمه رجا.. وسعود وطلا ل كانوا واقفين برا بس بشكل ميس وشادن يشوفونهم وهم ما ينتبهون لهم
ميس: شوفي هذا الي هناك
شادن : ايه هذا اخو البنت
ميس: شوفي الي جنبه بس
شادن بمزح : هيي انتي عاالاقل اثبتي على واحد
ميس: احلا واصغر ما اقدر شدوون يهبل
شادن: صدق انك خفيفففففه ادخلي بس ترا امي دخلت
""""""""""""""""""""""""""""""""""""""""""""
خلود طفشانه ولا جلست مع الحريم وقاعده بالصاله الي تحت تشوف التي في
خلود من الملل مسكت التلفون وقعدت تدق تسولف مع خوياتها
كالعاده مشعل وتركي فوق في غرفة عادل يلعبون بلاي ستيشن
مشعل: تصدق اشتقت لخلود
تركي : نعــم هيي خيير
مشعل يصرف: لا يا غبي قصدي اشتقت اهبل فيها
تركي : بس ما نقدر الحين أي كلمه بتصيح وتروح لطلال ولا سعود
مشعل: عادي نهبل فيها بدون ما تدري انه احنا
تركي : ترا بيصدقونها حتى لو ما عندها دليل
مشعل: تدري عندي فكره
تركي : وشي
مشعل: رح بس جيب كاميرتكم ذيك الي وريتني اياها بس بدون محد ينتبه لك
تركي: لا عادي امي تحت مع الحريم وخلود تحت
وراحوا يصورون خلود وهي ما تدري

"""""""""""""""""""""""""""""""""""""""""""""""""" """

في المجلس الكبير في بيت العمه رجا كانوا الحريم جالسين على جهه ومعاهم ام عبد الملك
والبنات على الطرف الثاني
ميس: يعني انتي الحين يا عبير ورنا والعزوف اخوات ما عندكم اخوان
رنا: الا مشعل وطلال
ميس: كبار
رنا : طلال بس كبير
ميس: وخلود
لينا: وش عرفك بخلود
وقعدت ميس تقولهم السالفه كلها
لينا : يعني انتي وشادن كنتوا فيه اليوم قهر ما كنا نعرفكم
شادن: هههههه يللا خيرها بغيرها
لينا : لا خلود بنت عمي عبد الرحمن هي وتركي وشوق وكلهم صغار هي اكبرهم
ميس: يعني ما عندها اخوان اجل مين الي كان معاها؟
العزوف: اخوي طلال
شادن : ولينا انتي وحيده؟
لينا : لا عندي اخوي اكبر مني سعود
شادن : اهاا
لينا : وانتم
شادن: ما فيه الا انا وميس واخوي كبير متزوج اسمه عبد الملك
لينا : يعني انتي يا شادن معاي بالمتوسط وميس كبر رنا
شادن : ايه ميس في 2 ثنوي بس انا السنه الجايه اول ثنوي وانتي 3 متوسط
لينا : يا حركككات يالكبيره خلاص بتودعين ايام المتوسط
شادن: تصدقين عاد ما ودي
لينا: ليش
شادن: مابي اروح الثنوي ما عندهم هبال زي المتوسط
لينا: جد والله
شادن: ايه غصبن عليك تكبرين وتثقلين
لينا : ههههههههه انا مهما كبرت مانيب ثاقله
شادن: ههههههههههههه موب بكيفك
لينا: لا تتحدين
شادن: هههههه بلا هبال بس
ميس تكلم عبير: انتي تخرجتي صح؟
عبير: ايه الحمد الله
ميس: ووين سويتي حفل تخرجك؟
عبير: سويت حفلين واحد في بيتنا والثاني مع خوياتي بالمدرسه
ميس: في نفس المدرسه ولا بقاعه احتفالات
عبير: لا بقاعة احتفالات
ميس : ايه احنا مدرستنا حفل تخرجهم مره فخم كل وحده تدفع على 6,000
عبير: ليش وش بتسوون كرنفال ههه
ميس: لااا يجيبون لنا طقاقه صح ....السنه الي فاتت جايبين لهم نديبه وماخذين افخم قصر بالشرقيه وحاطين 4 بوفيهات كبار
عبير: والوحده كم لها من دعوه
ميس: امم تقريبا 10 واذا تبين زياده تشترين
عبير: ادفع 6 الاف وانادي بس 10 والله مالها داعي
ميس الي تتكلم من طرف خشمها: بس فخــم
ميس: انتم مطولين هنا
العزوف الي مره منقهره من هالبنت ولا عجبها شكلها وما ارتاحت لها اصلن : ليه جالسين على قلبك؟
ميس : وش فيك انت فاهمتني غلط انا قصدي لو بتجلسون اكثر نقدر نطلع مع بعض
العزوف : لا بنمشي بكره
ميس في نفسها مقهوره : ليش اجلسوا شوي بعد
العزوف : والله ابوي واخوي عندهم اشغال
ميس: اهااا
""""""""""""""""""""""""""""""""""""""""
هدى الي كانت راقيه فوق تشوف فيصل وش فيه دقت عليه الباب كذا مره بس ما رد عليها
قالت تخليه يرتاح شوي وترجع له
فيصل في غرفته يسمع دق الباب بس ماله خلق يكلم احد
لسه مصدوم ومو عارف ليش.. هو عمره ما توقع انها بتروح لغيره اصلا كان يشوفها صغيره شوي ويبغالها كم سنه لين ما تتزوج
فيصل: يعني معقوله عبير خلاص ما راح تكون لي
لا لا مستحيـــل بس انا سامعهم باذاني يقولونه والله مدري
وحط راسه عالسرير وقفل عيونه ووقف عن التفكير الي اتعبه ولا لقى جواب
"""""""""""""""""""""""""""""""""""""""""""""" "
عند البناااااااااات
شادن : لينا وريني جوالك باشوف اذا فيه بلوتوثات حلوه
لينا : اوكيه وعطيني حقك نسوي تبادل هههه
شادن : اوكيه
شادن قعدت تقلب ولقت حافظه مكتوب عليها العائله
شادن :عادي افتح حق العائله
لينا : ولو خوذي راحتك
شادن قاعده تناظر مقطع لسعود وهو يرقص غربي
شادن : واو حركه من هذا
لينا : هذا سعود اخوي
ميس الي اول ما لقطت الكلمه سحبت الجوال من يد اختها وقعدت تتفرج
ميس: معليش ترا انا بعد بشوفه
لينا: وش دعوه عاد عايدي
العزوف والشرر طاير من عيونها : عن اذنكم انا طالعه لغرفتي
لينا : وييين
العزوف سفهتها ومشت
"""""""""""""""""""""""""""""""""""""""""""""" ""
هيفااء بعد مارقت لغرفتها لحالها
هيفاء : وينك ياقلبي ليش مقفل جوالك
بدر: يهمك يعني لو قفلته
هيفاء : وكيف ما يهمني
بدر: هيفاء لو سمحتي يكفي
هيفاء : بدر شفيك
بدر : ما فيني شي
هيفاء : لا انت متغير علي
بدر : والله ما فيني شي
هيفاء : وين رحت اليوم
بدر: وين باروح يعني في الاستراحه مع الشباب
هيفاء : اها
بدر :.............................
هيفاء:.............................
بدر : هيووفه
هيفاء : عيونها
بدر: يكفي حرام عليك
هيفاء : شسويت لك
بدر : والله محد معذبني الا انتي
هيفاء : هههههه اذا انا سبب عذابك اجل ما استاهل اعيش
بدر : بسم الله عليك ياعمري جعله فيني ولا فيك
هيفاء : هههههه
بدر بعد سكوت دام شوي : هيفاااء
هيفاء : هلا عمري
بدر : ودي اشوفك
هيفاء: بدر انت عارف اني ما اقدر
بدر : قولي لاهلك باروح سوق ولا شي
هيفاء : مدري مدري ما اقدر
بدر: وبعدين معاااك كل شي ما تقدرين عليه وانتي لو تطلبين لبن العصفور جبته لك
هيفااء: نشوووف على حسب
بدر : ايه خليك كذا ولا تعذبيني اكثر
هيفااء: اييه هههه
هيفاااء كانت فاتحه باب الغرفه شوي ما توقعت احد يمر من عند غرفتهااا لان البيت كان شبه فاضي امها وابوها ناموا خلاص وهدى بغرفتها وفيصل بعد
مهند دخل عليها فجأه : من تكلمين
هيفاء الي مره ارتبكت وصكرت الخط علطول: وحده خويتي
مهند:وليش قفلتي الخط
هيفاء : مدري انت خوفتني
مهند : طيب هاتي الجوال اشوف اخر رقم وادق
هيفاااء ارتبكت مره وخلاااص ما عاد تدري وش تسوي
هيفاء خافت لو ما عطته يسوي لها مشكله وكانت مخزنه اسم بدر ( بدور ) وتعرف اخوها ما يكلم بنات ابد وعطته الجوال
مهند مسك الجوال اول ما شاف ان الرقم اسم بنت ما دق وعطاها الجوال
مهند: لا عاد تكلمين خلق الله بالليل مره ثانيه عندك العصريه كلها وطلع
هيفاء وكان احد شال هم كبير من على قلبها : ان شاء الله

""""""""""""""""""""""""""""""""""""

20-04-11, 08:07 PM

المشاركة رقم: 4

المعلومات
الكاتب:	فداني الكون0
اللقب:	ليلاس متالق

البيانات
التسجيل:	Sep 2010
العضوية:	193433
المشاركات:	692
الجنس	أنثى
معدل التقييم:
نقاط التقييم:	420

االدولة

مدونتي

الإتصالات
الحالة:
وسائل الإتصال:

كاتب الموضوع : فداني الكون0 المنتدى : القصص المكتمله

هدى بغرفتها ما هان عليها اخوها تحس فيه شي مو معقوله طلعته كذا
قامت من مكانها وراحت له ودقت الباب ومحد رد بعد
هدى: فيصل فيـصل
فيصل سمعها وكان روق شوي : نعــم
هدى : افتح الباب شوي
فيصل : وش تبين
هدى : افتح طيب ولا بتخليني واقفه عند الباب
قام فيصل وفتح لها ووقف يناظرها
هدى تحاول تلطف الجو: وبعد ما راح تقولي تفضلي يعني لازم اعزم نفسي بنفسي هه
فيصل : لا وش دعوه الغرفه غرفتك
هدى: فيصل انت عارف انا ليش هنا وما يحتاج مقدمات
فيصل يستلكع: ليش يعني
هدى: يعني ما تدري
فيصل : لا والله علميني
هدى: وش فيك اليوم طلعت كذا فجأه اول ما دريت اننا نتكلم عن عرس عبير
فيصل : لا ولا شي بس انا اصلن كنت طالع
هدى : يعني اكيد ما فيك شي
فيصل : لا ابد
هدى : طاايب انا باروح انوم وراحت تطلع
بس وهي لسه واقفه عند الباب
فيصل : هدى
هدى لفت وجهها وهي ماسكه الباب : نعم
فيصل : عبير
هدى : وش فيها
فيصل : انا ابيها
هدى واقفه مكانها وتناظر فيه ومو مصدقه وهو جالس ويناظر فيها قعدوا على هالحاله يجي 10 دقايق
هدى: وليش ما قلت من اول
فيصل : مدري
هدى : وشلون ما تدري
فيصل: يعني مدري
هدى الي بدت تعصب : يا سلام توك تجي تقول ابيها والبنت خلاص راحت يعني لو انك قايل وش بيضرك كان عالاقل خطبناها لك وتزوجها متى ما بغيت يعني حتى ما يمديك تعتذر باشغالك ولا شي بس كذا ساكت بصراحه تستاهل انها راحت لغيرك
فيصل : نبيها لنا عون صارت فرعون الشرهه مو عليك عللي يفتح لك قلبه واخذ مفتاح سيارته وطلع
هدى: ياعيني وانت بعد تقهر يعني جالس طول هالمده ما قلت شي وقعدت تانديه فيصل فيصل وين رايح انا مو قصدي بس انت تقهر بعد
فيصل : خلاص انا اقهر مع السلامه
هدى وهي تطلع وراه فيصل طيب وين بتروح
فيصل : باروح اتمشى شوي
هدى: فيصل اصبر طيب
فيصل طلع وخلاها
هدى راحت لغرفتها رجولها تجرها ولا هي مو عارفه حتى تمشي والافكار في راسها متضاربه فيه تشابك في الافكاار هو يبيها بس هو ما قال هي راحت عليه هذا كل الي كان في راسها وصلت لغرفتهااا رمت نفسها على سريرها مثل ما ترمي الكوره ما تدري ليش بدت تصيح
وكأنها بدت تستوعب الوضع الي هي فيه عبير وفيصل نسخه منها هي وطلال بس بفرق واحد انوو عبير اصلن مو مهته بفيصل عكس طلال الي يبيها وشاريها وما عمرها وضحت حتى انها تبيه معقوله نفس الي صار لفيصل يصير لها هذا هو الشي الي كان دايم مخليها حزينه
مسكت البطانيه وغطت وجهها وقعدت تبكي بصمت
:::::::::::::::::::::::::::::::::::::::::::::::::: ::::::::::::::::::::::::::

بعد 10 أيام من الأحداث الآنفة الذكر
على الساعه 10 الصباح وفي بيت بو طلال
ام طلال تكلم اختها: يا وخيتي حاسه ان فيك شي
ام فيصل : لا والله ما فيني شي
ام طلال: صوتك تعبان
ام فيصل:هههه بتتتعبيني غصبن عني يا فوزيه
ام طلال : والله مدري عنك ودي اشوف هالبنات ما بعد قامن الله يهديهن
ام فيصل : ابد عندنا وعندتس خير هدى وهييف ما يفكرن يقومن
ام طلال: انا ابيهن يقومن يساعدنني تعرفين الشغاله راحت والسواق معاها
ام فيصل : ارسلك مليكا خليها عندك ياوخيتي
ام طلال: لا والله ما يحتاج من كبر البيت انا وبنياتي نكفي وعندي عبير الله يخليها لي
هي اللي شادتن حيلها
ام فيصل : ازين لها تتعود وهي على وجه زواج الا ما شريتوا لها شي الدراسه جايه
ويمكن ما تقدرون تطلعون بايام الدراسه كثير وتعرفين الترم الاول ما يمديه بادي الا ورمضان جاي وزحمة الاسواق ما تنطاق برمضان
ام طلال: من وين لي بس لو جت علي لاجهزها جهاز ملكات بس المهر ما بعد جا
بيجي بعد الشبكه والشبكه ما بعد تحددت بس قريبه
ام فيصل حست بضيق اختها: اقول انا باعطي عبير حفالتها وخليها تشتري شي واذا على الطلعه انا بامركم اليوم انا وهدى وهيفاء بسواقنا نروح للسوق
ام طلال : الله يجزاتس خير محد حاس بي غيرتس
ام فيصل : وهم الاخوات لمين يا فوزيه
ام طلال بحزن وكانها تذكرت شي ضيق على صدرها : صدقتي
ام فيصل : اجل اخليك باروح اشوف وش نسوي غدا
ام طلال: وانا بعد باقوم بنياتي
"""""""""""""""""""""""""""""""""""
راحت ام طلال تقوم البنااات
لقت رنا جالسه على السرير وتفكر وعبير والعزوف نايمات
ام طلال: هاو رنا قايمه ورا ما علمتيني ترا افطرنا وخلصنا
رنا : مابي فطور يمه
ام طلال: رجعتي للدايت
رنا: لا بابدا الدايت على بداية الدراسه معاد بقي الا كم يوم
ام طلال: وش فيك متضايقه
رنا : يمه طفشت
ام طلال: وش بيدنا بعد لو فيه سواق كان وديتكم لاي شي وانتي عارفتني ما يهون علي اشوفكم كذا
رنا: قولي لطلال
ام طلال: طيب اقولك شي يفرحك
رنا تحمست : قولي يمه تكفين تكفين
ام طلال: خالتك بتمر علينا اليوم هي وبناتها وبنروح السوق
رنا فرحانه بس: يمه هيفاء بتجي معانا
ام طلال: مدري عنها
رنا: موب فاضيتلها تجي تقول هذا حلو وذا زين وانا عارفه اني من الحين مانيب شاريه شي ومابي انقهر
ام طلال: والله انك بعد ...احنا رايحين ننبسط موب شرط نشتري وبعدين اذا رحنا بنروح نشتري لعبير شي لعرسها وكذا تتجهز به وانتي ان لقيتي لك شنطه حلوه للمدرسه سعرها زين ابشري
رنا: والله يمه
العزوف : يووه ازعجتونا حتى انا ابي شنطه جديده
ام طلال: انتي عندك حق العام
العزوف : لا والله وش معنى رنا جديده وانا اخذ حق العام
ام طلال: مدرستكم جديده يعني مين بيدري ان شنطكم قديمه
العزوف : دام مدرستنا جديده حتى هي وشهو له يشترى لها
رنا:عزييف انا شنطتي شاريتها على موضه يعني الحين راحت موضتها انتي شنطتك عايدي تمشي ما فيها شي قديم تهبل
العزوف : الحين تهبل ولا اول ما شريتها كلن قال حلوه الى انتي على قولتك مو ستايل
اشوى ان البنات يجوني من جميع انحاء المدرسه واقصاها وادناها يسئلوني من وين شاريتها
واقولهم مو من هنا من برا
رنا: خلاص اجل لا تشترين عشان يعجبون فيك بنات المدرسه الجديده
ام طلال: ههه يحليلكم بس عاد هالله هالله بالدراسه رنوو انتي ثالث ثنوي مرحله يبيلها جد
العزوف : وانا بعد ثانــي علمــي
ام طلال: وانتي بعد ابيكم تطلعون عالمات وباحثات في المستقبل
رنا : اخس يمه تعرفين عالمات وباحثات
ام طلال: تتطنزين علي يابنت عبد العزيز هذي عقوبتي في عزيف يوم ما شريتها لها الشنطه
العزوف تقوم وتحب راس امها: شفتي يمه انك ظالمتني
ام طلال: المهم روحي غسلي انتي وصلي كانك ما صليتي الفجر ويللا على شغل البيت
العزوف : بس مالي دخل انا علي امس المطبخ وقبله اليوم علي التنظيف بس
ام طلال: الجدول هو نفسه معلق على الثلاجه في المطبخ
العزوف : بس ذيك المره بدلت مع رنا يوم كانت تعبانه ونظفت المطبخ مرتين ولا خذته عني
ام طلال: عاد مالي شغل فيكم تفاهموا
رنا: اقووول بس شعولي وينه
ام طلال: نايم من يومين في بيت عمك ما طاع يجي
رنا: انا اقول ما شفته من زمان
"""""""""""""""""""""""""""""""""""""""""""""" ""

20-04-11, 08:08 PM

المشاركة رقم: 5

المعلومات
الكاتب:	فداني الكون0
اللقب:	ليلاس متالق

البيانات
التسجيل:	Sep 2010
العضوية:	193433
المشاركات:	692
الجنس	أنثى
معدل التقييم:
نقاط التقييم:	420

االدولة

مدونتي

الإتصالات
الحالة:
وسائل الإتصال:

كاتب الموضوع : فداني الكون0 المنتدى : القصص المكتمله

في بيت العم عبد الله
سعود وليناجالسين بالصاله لحالهم وابوهم في الشغل وامهم نايمه
سعود قاعد يفكر
لينا تحرك يدها بشكل دائري قدامه بس ما انتبه، لينا :هيي انت
سعود : هاه
لينا: وش تفكر فيه بالله
سعود : افكر متى اخلص دراستي واتوظف عشان اتزوج
لينا: موب لازم تكمل دراستك وضيفتك ان شاء الله مضمونه لو بغيت تزوج الحين
سعود : لا وين ما يصلح لازم ابني نفسي اول
لينا : ايه اها
سعود : الا من اول ما رجعنا للشرقيه ما قلتي باروح بيت عمي ولا شي
لينا : بس كانوا معنا وطولنا مع بعض لازم نبعد شوي عشان نشتاق
سعود يعدل جلسته : لا لا لا ليناا تقول هالكلام اكيد فيه شي صاير
لينا : ابد بس هالعزوف مدري وش بلاها قلبت علي اخر الايام اكلمها ترد عليه بايه او لا
ومن اول ما رجعنا دقيت عليها مرتين صرفتني تقول ارتب البيت
سعود : يحليلها والله سنعه تعرفين بعد معاد عندهم شغاله
لينا : بس تقولي بارجع ادق بعدين ولا تدق قويه المشكله اقولها انتي زعلانه مني تقول لا عايدي
سعود : هي طبعها كتومه نسيتي يومنا صغار يوم نروح للاستراحه ويجي واحد من اهل ابوي من بعيد ويتطاق معاها ويهزأها بس ما علمت احد وهي شوي وتصيح ونقولها وش فيك ولا ترد
لينا : وانا انسى انت ما صدقت على الله خبر انها قالت انه مضايقها رحت له وجلدته جلد
حتى طلال وهو اخوها هو اللي يوقفك
سعود : خخخخخخخخخخخخ محد قاله يحتك ببناتنا
لينا: والله لو انها انا ما جبت خبري
سعود : وش دعوه عاد انتي اختي وانتي الحب كله
لينا : بدا الفقش موب انتم عندكم الكلام الحلو زي السلام عليكم
وتلعبون علينا بكلمتين
سعود : اقول بس منتيب وجه احد يدلعك قومي روحي جيبي لي شي اكله بسرعه
لينا: ايه الحمد الله كذا احس انك اخوي الصدقي خخخخخخخخخ وقامت
سعود : خخخخخخخخخخخخخخخخخخخخخخخخخخ
بعد ما راحت لينا رن جوال سعود بس شافه رقم غريب طنشه لانه ماله خلق

"""""""""""""""""""""""""""""""""""""""""
دخل فيصل الصاله وهدى وهيفاء جالسات
هدى تستناه يسلم عليها من ذاك الموقف وهو ما يكلمها حتى
هدى: وعليكم السلام والرحمه
فيصل جلس : هيفاء وين امي
هيفاء: فوق
ام فيصل وهي نازله مع الدرج : هلا والله بفيصل هلا والله بعمر امه
ما صار هذا شغل من عرفناك وانت تشتغل ما تجي الا اخر النهار وتعبان
فيصل : وش اسوي بعد تعرفين ولدك بزنس مان
ام فيصل : ههههه يحليلك بس مهما كبرت بتظل بعيوني صغير
فيصل : هذا طبعكم عاد يالامهات وش نسوي به
ام فيصل : يللا بنات روحوا البسوا ترا بنطلع للسوق
هيفااء : ماابي اروح
ام فيصل : بيجون بنات خالتك بنروح نجهز لعبير
فيصل اول ما سمع اسمها وطاري جهازها حس بانقباضه في قلبه واخذ الريموت وقعد يغير بالقنوات حاول يسفه الموضوع بس ماش ما يقدر اذانه تشده وده يسمع أي شي عنها
حتى لو فيه زواجها
هيفااء في بالها من حبي لهم يعني يحليلها مامي على بالها تسوي لي اغراء:ومن وين لها عبير جاها مهرها
ام فيصل : وجع ان شاء الله وش شايفه بنت اختي عشان تقولين من وين لها لا ما بعد جاها مهرها
هيفاء : انا والله تعبانه وما فيني حيل
ام فيصل : بس يابنيتي من زمان ما شافوك بيقولون ما تبينا
وانتي على هالحال كل ما نروح نادر ما تجين
هيفااء: مامي ما اقدر
ام فيصل : ترا معاد بقي شي عالدراسه تعالي يمكن تلاقين لك شي
هيفاء: رايحه امس وباروح في الليل مع هيام
فيصل : ايوووه تروحين مع مين ياماما
هيفاء حست انها غلطت المفروض فيصل ما يدري انها تطلع مع خوياتها ولا بيقلب عليها الدنيا بس هو كان حاط انتباهه وصاب كل تركيزه على التي في وشلون سمعهم:ايه باناديها واروح مع مامي ونشوفها هناك
ام فيصل : ايه هذي بنيتي السنعه
فيصل : ايه اشوى علبالي بتطلعين معاها
هيفاء ياربي وش هالوهقه: يللا انا طالعه ابدل
هدى مدت يدها لاختها : خذيني معاك
وراحوا مع بعض
"""""""""""""""""""""""""""
في بيت ام طلال وفي الصاله
ام طلال: يا بنااات يللا ابيكم جاهزات
رنا : يامامي بدري تو الناس
ام طلال: بس ولو اختي الي بتجي تاخذنا ابيكم جاهزات قبل ب4 ساعات ان شاء الله
هو موب سواقنا تطقونه عند الباب براحتكم
العزوف طالعه من الغرفه: يمه ما شفتي عبايتي
ام طلال: وان شاء الله ما بعد لقيتيها
العزوف : والله مدري وينها
ام طلال: اهم شي خلصتي شغل البيت
العزوف : ايه خلصته
ام طلال: روحي دوري بغرفة الكوي يمكن عبير غسلتها وكوتها
العزوف : باروح اشوف
عبير كانت لابسه عبايتها من زمان وجالسه بالغرفه مالها خلق تسمع صيحة اهلها
ام طلال: وين عبير
رنا : بالغرفه
ام طلال: جاهزه
رنا: ايه اول وحده
ام طلال: هذي السنعه موب هالعزوف توها تدور عبايتها
العزوف تصارخ من غرفة الكوي: لقيتهاااااااا في الدولاب يمه
ام طلال: خخخخ جبنا سيرة القط وما كملت
رنا : ههههههههههههههه
عبير طلعت من الغرفه وجت جلست معاها
عبير: يمه وين شعولي الدوب له وحشه
رنا : على كثر قلقه فقدناه ما نقدر نبعد عنه
العزوف : الله لا يفرقنا عن بعض ولا يبعد عنا غالي
رنا : امداك جيتي يالجنيه وتقطين فجأه بعد
العزوف : كيفي امي وخواتي واقط براحتي
ام طلال: دقوا عليه خلي سواق عمك يجيب وليدي للسوق معانا ينبسط شوي
رنا اللي فتحت جوالها: ما عندي رصيد
عبير: ولا انا
العزوف : والان ياتي دور المنقذه في الحالات الصعبه العزووووف بنت عبد العزيز
دقيقه اروح اجيب موبايلي الرصيد قاعد على قلبي
عبير: شوفيه هنا على الطاوله الحمد الله حتى جوالها ما تدري وينه
رنا : يمه شوفي بنتك الدبه خليها تحول لنا
ام طلال: عزييف دامك ما تصرفين عطيهم شوي يستفيدون
العزوووف: هي هي عاد وش علبالكم حاتم الطائي انا
روحوا دوروا احد ثاني اشحتوا منه
رنا : يمه شوفيها خير
العزوف : هههههههههههه خلاص خلاص لا تصيحين باعطيك ان شاء لله
بس خل ادق اصصص رد وفتحت على السبيكر ( المايك)
العزوف : مشعل ترا امي تقول بنروح السوق تبي تجي حياك الله
مشعل : أي سوق
العزوف : يامامي أي سوق
ام طلال: صحارى
مشعل: وعع يمه مابي
ام طلال: عاد مالك الا هو وجب عفشك معاك بترجع تنوم عندنا الليله
مشعل : طيب ان شاء الله باقول لخالتي جواهر
"""""""""""""""""""""""""""""""""""""
مشعل كان طالع يكلم برا
وفي غرفة الالعاب انواع الصراااخ
البلاي ستيشن شغال ومحد يلعب فيه
وتركي يطق شوقي ويخليها تلاحقه
وخلود ماسكه التليفون وتصارخ عشان صديقتها موب قادره تسمع صوتها
شوقي باعلى صوت : وااااااااااااااااااااااااااااااااااااااااااااااااا ااا
ام خلو د جت من الصاله بسرعه : هو بنيتي وش فيها
شوقي وهي تشاهق وتصيح : مام شوفي تروك ما اقدر امسكه يتقني وينحاس
تركي كالعاده : نصابه ما سويت لها شي هي الي تلاحقني تقول نبي نلعب هبسه
ام خلود مسكت شوقي وضمتها وتهديها": خلاص بس وتطق مشعل على خفيف
اجل هبسه هاه يالهيس اصلن ياعمري هي ما تعرف وشي الحبشه ثاني مره بتنصب نصب صح ياحسرتي على عيالي موب فالحين في شي ابد وراحت
مشعل : والله امك زاحفه وناسه
تركي : عشانها اصغر من امك ولا امك بعد عليها حركات تذكر يوم تخلينا نسوق في البر
وتعطينا مفتاح السياره
مشعل: بس ركبت معانا
تركي : اهم شي خلتنا نسوق وابواننا كانوا معيين
مشعل : ايه والله ذكريااات
تركي : هههههههه
مشعل: ترا امي واهلي بيروحون لصحارى وبنروح كلنا معاهم
تركي : والله ونااسه هناك في محل العاب عندهم اشرطة قيم بوي خطيره
خلود سمعت طاري قيم بوي: ويين يا تركي
مشعل: انتي وش دخلك كلمي خويتك بس
خلود : محد كلمك انت يبو خشم كنه زحليقة نمل
مشعل: اوووه لا لا
وتركي يكمل له : غبااار غبااار
مشعل: ذكرتيني بايام الطفوله وزحليقات النمل
تركي : هههههههه مشكله اختي طلعت ولا شي في عالم الموضه
مشعل: اص انتي بس ووجهك هذا الي كنه علامة ممنوع الدخول
خلود : طيب عند امي والله باروح اقولها بتطلعون ولحالكم ومانتيب قايلين لها عشان تعيي عليكم
خلود اللي لسه ماسكه السماعه: هند اكلمك بعدين باي وصطراع ذبت السماعه
وراحت تركض لامها اللي جالسه باالصاله الي فوق
ومشعل وتركي وراها ويصارخون : نصااابه والله نصااابه
وخلود وهي تلهث واقفه قدام امها : يمه ترا هم بي
تركي: يمه ما عليك منها
ام خلود صرخت عليهم : بــــــــــــس واحد بس يقولي الي تبونه
ام خلود : مشعل وش القصه
مشعل: بس امي دقت تقول بيروحون السوق وتعالوا معانا
خلود : يمه يمه الله يعافيك ابي اروح هند تقول فيه محلات فيها شنط واغراض مدرسه تجنن
ام خلود : بس انتي شريتي الى قبل
خلود : لا لا يمه هذي اشياء جديده غير
ام خلود : لا ما فيه
خلود : يمـــه والله غير نروح ونشوف واذا طلعت نفسها مانيب شاريه
ام خلود : لا والله نروح عشان بس نشوف
تركي : يمه وش ذا بتخلص الصيفيه خلنطلع شوي نوسع صدورنا
ام خلود : تراني امك وش هالاسلوب
تركي : اسف يمه
ام خلود نشوف شوقي وش تقول
تركي : لاااااااااا
خلود : الصغييييره
ام خلود : شوقي نروح سوق
شوقي هزت راسها بدلع يعني ايه
ام خلود : بسرعه روحوا البسوا
وخلود رتبي غرفة الالعاب
خلود : يمه هم الي حايسين
ام خلود : رتبي الي انتي حستي والي شوق حاسته والباقي على الشغاله
خلود : وليش العيال ما يرتبون
ام خلود : رجال وش يرتبون بعد
خلود زعلت وراحت تلبس وهي في بالها ما راح ترتب اصلن
""""""""""""""""""""""""""""""""""""""""
في السوق وبعد ما الكل كانوا هناك وتقسموا طبعن هيفاء راحت تتمشى لحالها وقالت لامها باروح مع هيام وهي اصلن ما واعدتها
العزوف ورنا راحوا مع بعض
وعبير وهدى مع امهاتهم يدورون
وام خلود جالسه فوق مع شوق والشغاله بطاوله عند المطاعم
وخلود وتركي ومشعل يدوجون بالملاهي ومحلات الالعاب
وطبعن خلود كان لازم تمشي معاهم لان امهم قالت لهم ما تخلون خلود لحالها
خلود : ابي اروح العب في هذيك اللعبه
مشعل : ما فيه
خلود :ابي اروح يعني باروح
مشعل: ناويه تضيعين مثل يوم عند البحر
خلود : انطم ما ضيعني الا انت
تركي : فشلتونا ترا الناس تناظرنا
مشعل: واحد وبنت عمه هم وش دخلهم
خلود : ايه والله لقافة ناس
تركي : غريبه خلود ومشعل متفقين على شي
مشعل: ما سمعت بالمثل الي يقول انا واخوي على ولد عمي وانا وولد عمي على الغريب
تركي : وش يعني
مشعل: هذا مثل ناس كبار في المتوسط انت شعرفك فيه
تركي: قل والله تراني كبير الرجال موب بعمره
خلود :هههههههههه اسكت بس ابتداائي
مشعل: اووه صح خلود الحين اول متوسط
خلود : ايه
مشعل باستهزاء: ما شاء الله
خلود : المهم لا تضيعون السالفه باروح العب
مشعل يأشر : وين هذيك اللعبه
خلود : ايه
مشعل: تركي روح اشتري الشريط هذاك
تركي : لا باروح مع اختي
مشعل بطنازه: انا باروح معاها بتضيع يعني
تركي: لا والله ما فيه انت رح اشتري الشريط
مشعل ويلعب بدقنه : ازين لا تشتري بس تعال قول مشعل ولد عمي تشوف
تركي : اف منك تيب هات الفلوس
مشعل: اشتريه بفلوسك يا تنح نسيت بوكي
تركي : تيب بس باخذهم منك بعدين
مشعل : ان شاء الله
وراح هو وخلود للعبه
مشعل: شاريه تكت
خلود : لا باروح من هناك اشتري
استني هنا انا باروح اشتري
راح وطلع بوكه واشترى تذكرتين له ولها ورجع
خلود : ناسي بوكك هاه
مشعل: انطمي وخذي بس
خلود : انت بتركب معاي
مشعل : اجل اخليك لحالك ناقص تضيعين بعد
خلود ببرائه: ايه تيب
وركبوا مع بعض
"""""""""""""""""""""""""""""""""""
عالساعه 10 وبعد ما تعبوا الحريم من الدوران
ام طلال: عبير ادخلي انتي هالمحلات الي هنا انتي وهدى وانا وخالتك بنجلس هنا
هدى : تعالي هذا المحل دايم يجيبون حاجات حلوه
عبير : يلا قدام
دخلوا قعدوا يتفرجون
هدى : عبير تعالي شوفي
عبير: حلو والله هالفستان بس كم سعره
هدى: 650 ريال
عبير: معقوله
اللبناني راعي المحل: هيدي الجهه كلها عاملين عليها تخفيضات
عبير: اها تيب فيه منه مقاسات
اللبناني : ايه
عبير: ابي اكبر من هذا بشوي
اللبناني : تكرم عينك
وياشر على الكراسي : تفضلوا
وراح يجيبه
ام طلال دقت على جوال رنا: هاه شريتوا
رنا : ايه شريت شنطه يامامي تجنن من nike
ام طلال : ايه زين روحوا للمطاعم تلاقون عمتكم جواهر اجلسوا عندها
رنا : تيب
""""""""""""""""""""""""""""""
بعد ما شرت عبير طلعت لامها وخالتها
ام طلال: ابشرتس يا وخيتي معاهم كيس
ام فيصل : الحمد الله
ام طلال : وريني يا عبير وش شريتي
عبير طلعت لافستان عشان توريهم
ام فيصل : والله يهبل وش زينه بكم
هدى : 650 عليه تخفيض
ام طلال: بس موب كانه صغير شوي
عبير: يمممه وش شايفتني عاد موب دبه لهذيك الدرجه
وبعدين انا ناحفه هالايام مع كرف البيت
هدى : ايه والله جسمك محلو عن اول
ام طلال: يللا نروح للمطاعم فوق عند جواهر والبنات نتعشى
ام فيصل : يللا
وراحوا تعشوا
وبعد ما تعشوا رجع الكل لبيته
""""""""""""""""""""""""""""""""""""""
ام فيصل واختها وبناتهم في السياره واقفين عند بيت ام طلال بينزلونهم
ام طلال ما تقدر تشوف زين بدون نظارتها والسياره مظلله: مشعل سيارة طلال موجوده
مشعل : ايه يمه
هدى التفت قعدت تتامل في السياره وتشوف الاشياء الي هو معلقها على المرايه الي قدام
رجع لها حزنها الي في قلبها بس سكتت
ام طلال: مع السلامه يا ام فيصل
ام فيصل : في امان الكريم
ونزلوا ولقوا ابو طلال وطلال جالسين بالصاله يتابعون الجزيره
دخلوا البنات وامهم وسلموا
ابو طلال: شعولي وينك يالجاحد
مشعل: في بيت عمي
ابو طلال: ايه ما تبينا
مشعل : وانا لي غنى عنكم يبه بس عاد باروح انبسط شوي وارجع
ابو طلال: وريني وش شريتوا
رناعلطول: يبه شريت شنطه تجنن وطلعتها
ابو طلال: والله حلوه سبورت تستاهلين
العزوف تساسر عبير: وش عنده ابوي اليوم مروق
عبير: تعرفين ابوي مزاجي
العزوف : ايه صح صدقتي
رنا : بابا ابغى اشحن جوالي
ابو طلال: ان شاء الله
عبير:وانا بعد يبه
ابو طلال : ومشعل والعزوف بعد بكره باشتري لكم كلكم بطاقات
طلال: يبه شرايك ابيع اسهم صافولا
ابو طلال: لا خلها الظاهر انها بترتفع
بيع حقة الجماعي خلاص ما اعتقد ترتفع اكثر من كذا
طلال: ان شاء الله بكره بابيعهم
ابو طلال : يللا ياعيالي باروح انام
ام طلال قوميني بكره الصبح عندي مشوار
ام طلال: ابشر من عيوني
ام طلال : عبير روحي قيسي الفستان
العزوف : وانا باجي معاك
رنا : وانا باروح انوم
عبير: اوكيه
عبير في الغرفه قاعده تلبس الفستان
عبير: العزوف تعالي صكي السحاب عيا لا ينصك
العزوف جت تحاول بس ما قدرت
عبير: اصبري بامسكه
العزوف : يللا بقووه
عبير: خلاص خلاص لا ينقطع ما فيه امل
العزوف : فيه ترجيع
عبير: مدري تخفيضات بس باحاول باقوله بس تبديل مقاس
العزوف : روحي قولي لامي اجل
بدلت عبير وراحت للصاله وقالت لامها
طلال: خلاص انا اوديك بكره تردينه
عبير: شكرا الله يعافيك
رن التلفون وقامت عبير ترد
عبير: الو
لينا: هلا والله
عبير اهلين
لينا : كيفك
عبير: تمام وانتي
لينا: بخير وينها العزوف
عبير : دقيقه اناديها
راحت نادتها
عبير: لينا عالخط
العزوف : قولي لها مشغوله
عبير: بس انتي فاضيه ما عندك شي
العزوف : بانوم دايخه تعبانه
عبير: تيب تيب لا تنافخين
وقالت لللينا انها مشغوله
لينا : تيب شوكرن وصكت
لينا: لا عاد هذي زودتها انا باروح لها واواجهها والاقي لها حل
"""""""""""""""""""""""""""""""""""
بكره الضحى وفي مكتب بو سعود
بو طلال: والله يخوي مدري وش اقولك
ابو سعود : افا يا ابو طلال قول
ابو طلال: انت عارف ظروفي
ابو سعود : وانا مستعد اعطيك الي تبي
ابو طلال: انا مو جاي اخذ منك لا ابدن
بس تخبر بيت ابوي القديم الكبير
ابو سعود : ايه من زمان عنه
ابو طلال: ادري احنا ما بعناه لاننا موب بحاجه لفلوس
ابو سعود : صح
ابو طلال: والحين انا ابي حقي منه
ابو سعود : بس كذا ان شاء الله باقول لعبد الرحمن ونشوف كم يطلع للكل منه
ابو طلال: ما تقصر ياخوي وانا عارف انك انت الي دايم بهالامور عشان كذا جيتك علطول
ابو سعود : ابد خل كل شي علي وانا اخوك
ابو طلال: الله يعافيك والحين استأذن باروح
ابو سعود : وين ما تقهويت
ابو طلال: لا مره ثانيه في بيتك ان شاء الله
ابو سعود : يللا اجل هلا
"""""""""""""""""""""""""
في البيت ام طلال مقومه البنات كلهم من 10
وقاعدين يغلسون الحووش وينظفون الشبابيك وشغل كرف صدقي
العزوف : مامي تعبت انا باروح ارتاح
ام طلال: روحي بس نظفي غرفة العيال وعن الدلع
العزوف : مامي والله معاد اقدر
ام طلاال: رنا روحي معاها عاونيها
رنا: موب كفايه الي عندي
ام طلال: حاشا لله موب بنات انتن زبدات من كبر هالبيت الحين
الله يرحم ايام زمان نكرف كرف مهوب طبيعي وما عمرنا تشكينا
العزوف : خلاص خلاص بدا الموال يللا رنا تعالي
رنا : روحي وانا بالحقك
وعالساعه 12 كلهم جالسين والغدا جاهز ومخلصين الشغل كله
حطوا الغدا وجلسوا كلهم يتغذون
بعد الغداء وهم يشربون الشاهي
عبير: طلال يللا نروح الحين
طلال: معليش عبير بس مواعد واحد خليها بعدين
ابو طلال: وين بتروحين له
عبير: باروح لصحارى ابدل
ابو طلال: يفتحون الحين
ام طلال: ههه يحليلك يا عبد العزيز خبرك عتيق الحين ايه يفتحون
ابو طلال: خلاص انا اوديكم وعلى الطريق نشتري لكم بطاقات
العزوف : باروح معاكم
رنا : وانا بعد
ابو طلال: يللا لكم 5 دقايق راح منها الحين 5 ثواني بسرعه
العزوف : ههههههههههه يللا
وراحو البنات يلبسون
بعد ما لبسوا ركبوا السياره عبير قدام والعزوف ورا ابوها
ورنا ورا عبير اول ما طلعوا من الحاره كان فيه بقاله
رنا : يبه هنا يبيعون بطاقات
ابو طلال وقف ونزل يجيب لهم
راح وجاب لهم ورجع
رنا : شوكرن يبه
العزوف: مشكور دادي
عبير: الحمد الله واخيرن جتني الله يعافيك ابوي
ابو طلال: بنات تبون تشوفون مدرستكم الجديده
العزوف : ايه
رنا : لا وش حادنا عالقرف من الحين
ابو طلال: رنا عيب وش هالكلام
رنا : لا ما اقصد يعني بس تعرف الدراسه وثالث يعني لازم اشد حيلي
ابو طلال: عاد ابيك من الاوائل على الرياض
العزوف وعبير فقعوا ضحك: ههههههههههههههههههههههه
العزوف : يبه لو انا كان قلنا ممكن بس هذي العام راسبه في مادتين وهي ثاني ادبي
رنا : انطمي انت بس يا نيرد( نيرد = دافوره)
العزوف : ذكااء فهامه موب مثلك
ابو طلال: لا انا واثق في بنتي ولو بغت قدرت تجيبها هي بس مطنشه ولا من ناحية الذكاء
فهي ادهى منك ياعزييف
رنا: ايه اسمعوا الكلام الصح كلام ابوي حبيبي
فجأه عبير صرخت صرخه قوييييييييييييييه وهي رافعه يدها وتأشر: يبااااااااااااااااااااااااااه
و صوت ارتطام قوي يغطى المكان في ثواني السيارات تجمعت والناس ملتمه وطالبين الاسعاف
وينتظرون
:::::::::::::::::::::::::::::::::::::::::::::::::: :::::::::::::

العزوف اللي تذبح القلب بغلاها ..

العــــزوف الي تذبح القلب بغلاها نبدا بالشخصيات والقصه باللهجه السعوديه النجديه اغلبها يعني عائلة بو طلال ( عبد العزيز) بو طلال متزوج من فوزيةوعندهم ولدين وو3 بنات