طفاج القدر يا شمعتي - القصص المكتمله من وحي قلم الاعضاء

15-05-08, 01:34 PM

المشاركة رقم: 1

المعلومات
الكاتب:	لميس133
اللقب:	ليلاس متألق

البيانات
التسجيل:	Apr 2008
العضوية:	71606
المشاركات:	326
الجنس	أنثى
معدل التقييم:
نقاط التقييم:	23

االدولة

مدونتي

الإتصالات
الحالة:
وسائل الإتصال:

المنتدى : القصص المكتمله من وحي قلم الاعضاء

طفاج القدر يا شمعتي

طفاج القدر يا شمعتي

...((طفاج القدر يا شمعتي))......
الساعة 11 بالليل..
بصراخ:
-((وين كنتي؟..وليش طلعتي بدون ما تقولين لي؟..)).
كالعادة ما قدرت تيود لسانها وقالت:
-(( أنت مو من حقك تكلمني بهلأسلوب..حسن ألفاظك..)).
قال بغضب:
-(( لا يا مرام..آنه من حقي اكلمك بالطريقة اللي تعجبني..فاهمة؟..)).
مرام معصبة حدها..وعيونها مليانه دموع:
-((شلون من حقك ؟..بصفتك من؟..هه؟..)).
رد عليها ببرود:
-(( بصفتي خطيبك ..وبتكونين زوجتي غصبن عنك..)).
مرام وجفونها ما تحملت ثقل دموعها:
-((محمد..أنت مستحيل تكون زوجي..آنه ماأبي أتزوج واحد يخوفني..ما أبي أعيش في رعب بقيت حياتي)).
محمد وهو يحاول يسيطر على أعصابه:
-((انت قلتيها بنفسك..انت تخافين مني..وإذا تعرفين مصلحتك عدل..سمعي كلامي زين.. ونفذي كل اللي أقوله لك..)).
صرخت مرام في ويهه[وجهه]:
-((ما أبي..إيش بتسوي؟..بتضربني؟..)).
بسرعة ندمت على اللي قالته..لأن محمد مشى بإتجاهه ببطئ..ومرام ترتجف اوصالها من الخوف وهي تمشي مبتعده عنه..
قالها والغضب في عيونه:
-(( انت تبيني امد يدي عليك؟..هه؟..بتعتذرين على اللي قلتيه وإلا لا؟..)).
مرام برعب ودموعها تنزل بدون ما تحس:
-((خلاص..آنه آسفه..[وسكتت, لكن محمد تم يطالعها بغضب وهو يمشي صوبها ..فواصلت]..ما راح اعيدها مرة ثانيه..)).
محمد وقف وقال:
-((احمدي ربك انك اعتذري في الوقت المناسب..)).
*************************************************

***^^^<<<<(((الشخصيات...الأبطال)))>>>^^^***
مرام:بنت حلوة..عمرها 22سنه..ناعمة..شعرها أسود ناعم..موطويل وايد..وهي طويلة ورشيقة <تنفع عارضة ازياء خخخخخ>..لكن....
لسانها طوييييل..ولين أحد قالها كلمة ترد عليه بعشر..وماترضا أحد يهينها أو يغلط عليها.. كرامتها أهم شي بحياتها.. وهي معروفة بين أهلها وصديقاتها بـ[أم السانين]..ههههههه.
امها وابوها متوفيين..وهي الحين عايشه مع عمها<حتى هو ماسلم من لسانها>..
فيصل((بومحمد)): عم مرام ..ومتزوج بفاطمة((أم محمد))..وعندهم محمد 26 سنه..احمد 23 سنه..
رايه في مرام:راسها يابس..عنيده..بس لين تحب تصير واااايد طيبه..
فاطمة((أم محمد)):زوجة عم مرام..طيبة على نياتها..تعتبر مرام مثل بنتها..
رايها في مرام: عنيده .. تسوي اللي في راسها حتى لو كان غلط...مستحييييل تعتذر حق أحد..
محمد:ولد عم مرام..عمره 26 سنه..مسافر إيطاليا يدرس..وااااااايد حلو..طيب ..حنون..ذكي..بس........
رايه في مرام:<بنشوفه في القصة>
احمد:ولد عم مرام الثاني..عمره 23 سنه..يدرس في جامعة البحرين..يعتبر مرام مثل اخته الصغيره..
رايه في مرااام: مزعجه..بس البيت بدونها ما يسوى شي..دلوووعه..لسانها طوييل..بس طيبه وااايد..
نوال:صديقة مرااام المفضله..وهي بنت كيوت..
رايها في مرااام: مزعجة ..بس أحبها وااايد..
* * * * * * * * * * * * * * * * * * * * *
تلفون البيت يرن..
شالته الشغاله:
-((ألو..)).
محمد:
-(( سالي..أبوي اهني؟..)).
سالي:
-(( لحزه شوي..)).
راحت سالي تنادي بومحمد ..
بو محمد:
-(( شلونك محمد؟..مو ناوي ترجع؟ ..البحرين مشتاقه لك..)).
محمد:
-((هلا يبه..جريب ان شاء الله..والله مشتاق اشوف سما البحرين وأهلها..)).
بومحمد بتعب:
-((يلا يا يبه أرجع..وشوف لي حل مع مراام..تراني بموت قهر محد قادر عليها..)).
محمد مستغرب:
-((بعيد الشر..مراام..ايش فيها؟..)).
بو محمد بحزن:
-(( قول شنو ما فيها..طفشت ثلاث رياييل جايين يخطبونها..)).
محمد يضحك:
-((ههههههه..مو مشكله..سفرها إيطاليا..وبنسوي لها عملية تجميل..)).
بومحمد:
-(( تضحك؟..على بالك كريهه؟..مرااام تقول للقمر قوم وآنه بقعد محلك..)).
محمد أخذ المسألة جد.. وقال:
-(( عيل ليش طفشت الخطاطيب؟؟..)).
بومحمد يضحك:
-((هههههههه .. عليها بلسان ينقط عسل..محد قادر على طولت لسانها..)).
محمد:
-(( تصدق يبه؟..احسك وااايد تبالغ..)).
بومحمد:
-(( أرجع أنت بس ..وشوف بنفسك..قال أبالغ قال)).
محمد:
-((قولي مثال..شنو سوت للريال الأول..)).
بومحمد:
-(( سألها تعرفين تطبخين؟..)).
محمد:
-(( و شنو قالت؟..)).
بومحمد:
-(( ههههههه..صرخت عليه:[آنه مب خدامه عند أمك..آنه ما أعرف آطبخ..وحتى لو أعرف.. ليش سوو المطاعم؟] والله فشلتني ..)).
محمد:
-((هههههه..صدق جريئة..انزين والثاني؟..)).
بومحمد:
-(( الثاني الله يسلمك سألها:[ ترضين تسكنين مع الأهل في بيت واحد؟]..)).
محمد:
-(( وشنو قالت؟؟..)).
بومحمد:
-(( قالت له:[أنت شفت ويهك في المنظرة؟؟..تلوع الكبد وفقير..]..)).
محمد:
-((قويه..ههههه..والله قوية)).
بومحمد:
-((ماتبي تعرف عن الثالث؟؟..)).
محمد:
-((هههههه..لاوالله..يكفيني اللي سمعته الحين..)).
بومحمد:
-((أبالغ ..هه؟..)).
محمد:
-((ههههه..ولا يهمك يبه..آنه باربيها..أخطبلي إياها..)).
بو محمد:
-(( هذي الساعة المباركه..مو تغير رايك..)).
محمد:
-((تطمن يبه..آنه كلمتي وحده..)).
بومحمد بلهفه:
-((متى بترجع؟؟..)).
محمد يضحك:
-((ههههه..نهاية الشهر بأذن الله..)).
..........................................
.............((يتبع))................
..........................................
لاتحرموني من ردودكم
تحياتي:لميس

..بنت الظاعن..

15-05-08, 02:20 PM

المشاركة رقم: 2

المعلومات
الكاتب:	rosette_libre
اللقب:

البيانات
التسجيل:	Nov 2006
العضوية:	16123
المشاركات:	79
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : لميس133 المنتدى : القصص المكتمله من وحي قلم الاعضاء

بداية رائعة اعجبتني شخصية مرام ننتظر المزيد

15-05-08, 02:25 PM

المشاركة رقم: 3

المعلومات
الكاتب:	لميس133
اللقب:	ليلاس متألق

البيانات
التسجيل:	Apr 2008
العضوية:	71606
المشاركات:	326
الجنس	أنثى
معدل التقييم:
نقاط التقييم:	23

االدولة

مدونتي

الإتصالات
الحالة:
وسائل الإتصال:

كاتب الموضوع : لميس133 المنتدى : القصص المكتمله من وحي قلم الاعضاء

ثاااااااااااانكس واتمنى يعجبك.. الباقي..
تحياتي:..بنت الظاعن..

15-05-08, 03:00 PM

المشاركة رقم: 4

المعلومات
الكاتب:	بوسي
اللقب:	ليلاس متألق

البيانات
التسجيل:	Mar 2007
العضوية:	26216
المشاركات:	965
الجنس	أنثى
معدل التقييم:
نقاط التقييم:	60

االدولة

مدونتي

الإتصالات
الحالة:
وسائل الإتصال:

كاتب الموضوع : لميس133 المنتدى : القصص المكتمله من وحي قلم الاعضاء

عزيزتي لميس

بدايه رائعه جدا.....ومميزه.....اعجبتني شخصيه

مرام....قويه ....ومتحديه

أرجوا أن ينجح محمد بترويضها.....وأسر قلبها

اتمني لكي التوفيق عزيزتي .....فيما تخطه أناملك......

وأنتظر التتمه بشوق

وكل التحيه والتقدير