معذبة قلوب الرجال للكاتبة عاد انا اللي احبكـ

28-12-07, 04:09 PM

المشاركة رقم: 1

المعلومات
الكاتب:	سامو
اللقب:

البيانات
التسجيل:	Oct 2007
العضوية:	46952
المشاركات:	95
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

المنتدى : القصص المكتمله

معذبة قلوب الرجال للكاتبة عاد انا اللي احبكـ

معذبة قلوب الرجال للكاتبة عاد انا اللي احبكـ

السلام عليكم و رحمه الله وبركاته

هذي روايه صديقتي كتبتها و خذت منها الاذن اني انشها في احلى منتدى الا هو منتدي ليلاس

ان شاء الله كل اسبوع انزل بارت واحد

نبدأ من اليوم يوم الجمعه

اذا ما شفت ردود ترا بهون

نبي تفاعل اوكي

بنبدأ البآرت الاول

بسم الله

التعديل الأخير تم بواسطة سامو ; 29-12-07 الساعة 04:37 PM

28-12-07, 04:11 PM

المشاركة رقم: 2

المعلومات
الكاتب:	سامو
اللقب:

البيانات
التسجيل:	Oct 2007
العضوية:	46952
المشاركات:	95
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : سامو المنتدى : القصص المكتمله

الجــــــــــــــــ1ـــــــــــــــزء الاول

جلس يطالع بالأوراق مصدوم..معقوله؟..قام والشرر يتطاير من عيونه..كل تفكيره ان يبغا تفسير مقنع لهالاوراق اللي لقاها بالتجوري....يبغا التفسير من زوجته!!
ونزل لها تحت
خالد:موضي!...موضي!..
التفت له موضي وفي وجهها علامات الاستفهام
موضي:ســم
خالد:سم ببطنك يموتك وأرتاح منك قولي امين
موضي انصدمت من طريقة كلامه..خصوصا وعندهم عيالهم الصغار
اصلن ليش تستغرب هو دايم كذا قدام العيال او لا
خالد:ماتقولين لي ليش مخبيه عني طول هالسنين موضوع هالوراق
موضي:وانت ليش تفتش في اغراضي؟
خالد حده معصب:تكلمي..ليش ماقلتي لي..كل شي لـ.."ويأشر على طفل في الـ6 من عمره"...فيصل..هالبزر؟...وانا مالي شي؟
موضي:اصلا جواهر كانت خايفه منك ومن حركاتك ولا تحلم بشي ابد..لأن كل شي لفيصل
خالد شوي ويقطع شعر راسه:بس هو بزر وانا اولى منه
موضي:لا انت مو اولى منه..انت ماتحب غير نفسك وبس
مسكها من جلابيتها وهو معصب لدرجه خلته اعمى..مايشوف ان اللي قدامه اطفال
اصلن هو متعود يضرب زوجته وهالاطفال عنده
خالد:انتي اخر من يتكلم فاهمه؟
موضي:اتركني
خالد:هيــّن..هيــّن ياموضي لي تصرف ثاني معك...ان ماخليتك تعضين اصابع الندم مااكون خــالد
وتركها كأنه متقرف منها
وطــــلـــــع

^^^
بعد سنــــــــــــــوات
دخلت غرفتها وهي معصبه..معصبه من ابوها اللي مارفض لها طلب بحايته والحين رافض انها تطلع بسبة الامتحانات..صفقب بالباب بقوه..لدرجة انه بغا ينكسر..
جلست ع السرير وهي حاطه في بالها ماراح تمشّي هاليوم على خير..هي حطت براسها تطلع يعني بتطلع..ظلت جالسه على الكرسي وتحاول تمنع دمعتها من انها تنزل...

سمعت صوت الباب يدق
لكنها ماردت

ودق مره ثانيه
لكن مافي رد
سمعت صوت ابوها من الطرف الثاني..يقول:عبير!...عبوووووره حبيبتي يالله افتحي..انا اسف بس والله كله عشان مصلحتك..
عبير:.......
ابو عبير:عبـوووره يالله عاد افتحي الباب يرضيك ابوك يجلس كذا عند الباب
فتحت عبير الباب وجلست على السرير بدون ماتناظر ابوها
ابو عبير:ليش الحلوين زعلانين؟
عبير:........
ابو عبير:عبير والله للمصلحتك انا عشاني احبك واغليك ماخليتك لأن الدراسه اهم
عبير تكلمت اخيرا:بس انا ماطلعت من زمان ..وابغا اطلع ومايصير اعزم البنات وانا ماراح اجي صح ولالا؟
ابوم عبير يتنهد:طيب روحي بس لاتتأخرين
عبير فرحت:والله....احبك ياأحلـــــى ابو بالدنيا.ووعد ماراح أتأخر

عبير..بنت جميله جدا يضرب فيها المثل بالجمال..من كل النواحي جسم متسناسق..شعرها الناعم..جمال وجهها..يلفت النظر..بس هي عنيده راسها يابس واللي براسها بتسويه..انسانه مغروره..وانانيه وماتعطي احد اهتمام..صريحه لأبعد الحدود يعني ترمي الشي بالوجه ولا يهمها مشاعر اللي قدامها....وراح تكتشفون هالشي من خلال الاجزاء الجايه..عمرها 19سنه

كانت الساعه 8ونص
طلعت مع بنت عمها..شذى..بعمرها..
عبير:اوف واخيرا وافق مابغى وهـ.!
شذى:يابنت الحلال احمدي ربك انه ماقد رفض لك طلب..انا كل ماقلت شي لأبوي قال لا..ولا وشو له ولا مدري ايش..انتي على طول يقولك ايه
عبير:بس يختي اتنرفز..ليش يقول لا..يعني الامتحانات اهم مني..بعدين تونا اول سنه بالجامعه..وبعدين القسم اللي انا داخلته سهل
شذى:ايه جد ..فنيه سهل ومايبيله شي
عبير:اخ بس قهر
شذى:احمدي ربك..انتي دلوعة بابا..مو مثلي مالت علي
عبير بغرور:أكيد..انا وحيدته بهالدنيا ماله غيري ومالي غيره..عبير بنت سعد دلوعه درجه اولــــى
شذى:من جد انتي كيف عايشه بدون اخت واخو وام..مدري كيف حتى السفر بس مع ابوك بس.. والله طفش
عبير كانه ماعجبها الكلام بس ماوضحت:وانتي وش عليك؟..انا معجبني الوضع الدلع كله لي..بس انتي محتره

وصلوا للـ فدركرز اللي بالتحليه..وكان في مجموعة بنات ينتظرون عبير لأن هي صاحبة العزيمه

شذى تهمس لـ عبير قبل لايوصلون للشله:شوفي الخمه جايين..والله مو لله بس عشان تدفعين الحساب
عبير:هههههههااي..اي جد ياكرهي لهم بس لازم لزوم الكشخه..

كانت كل وحده متكشخة لاخر حد كل وحده تبي تصير احلى من الثانيه..

اضواء:عبوووووووره قلبي وينك؟..اخيرا جيتي الطلعه ماتكمل الا بك
عبير من ورا قلبها:ياقلبي انتي..كان اكلتوا
شذى بهمس:وشلون ياكلون ولا في من يدفع
عبير مسكت ضحكتها

مر الوقت والبنات ضحك وسوالف..طبعا بنات الشله كل وحده مخاويه عبير عشانها بنت رجل اعمال ومو أي رجل اعمال ورجل له اسمه وعائله مرموقه..
ولاهم مايحبونها لانها مغرور وشايفه نفسها بقوه

مر الوقت في ضحك وسوالف...

طلعت من المطعم هي وشذى طبعا بعد مادفعت لهم الحساب
وكان في مجموعة شباب لمحوا عبير وشذى.."طبعا هم ماعطوا شذى أي اهتمام لان عندهم وحده مثل عبير تقول لقمر وخر وبجلس مكانك"
طبعا عبير كانت تستانس لمثل هالحركات..بس ماكنت توصل درجة انها تعطي احد فيهم وجه
شذى:يالله..ليه اانا مالي نصيب..كل العيال يحبونك وانا لا
عبير بدون اهتمام:طيب..وانتي وش حارق رزك..خلي عندك ثقه في نفسك
شذى:بس كل الاولاد يحبونك حتى عيال عمي كلهم يحبونك
عبير:وش الدليل؟
شذى:على كثر الللي خطبوك من عيال عمي وانت يترفضين وتسأليني وش الدليل؟طبعا غير اللي خطبوك من غير اهلنا..وفي مواقف تثبت هالشي
عبير:طيب عيال عمي كثار..مو معقول كلهم يحبوني
شذى:طيب اسمحي لي انعش ذاكرتك..تذكرين يوم العزيمه اللي سوتها امي وانتي كنتي تشرفين على العشا؟..
رجعت عبير بالذاكره لذاك اليوم..اتصلت على شذى عشان تفتح لها الباب..لأن كان معها العشا..لم سكرت منها قالت للسواق
عبير:رحمــه...شوف هذا اغراض نزل وحطي عند الباب
حلو الكلام المكسر..خخخ
رحمه:اوكي مدام
عبير عصبت من مدام..بس شتسوي

نزلت عبير من سيارتها..وكان رحمه جالس ينزل..وبغا يطيّح صينيه
عبير:هييي!..يالأعمى ماتشوف نزلها زين..ترا ان انكسرت موب انت اللي بيتقلب وجهك عند الناس
رحمـه:سووووري مدام
راحت عبير ووقفت قدامه عشان لايكسر شي..وبعدين ملت الاغراض كثيره..فجلست تنزل معاه..
وهي توها بتشيل الصينيه سمعت صوت رجولي
- خلــي عنك يا حلووووه
اللتفت عبير الا تشوف طارق ولد عمها..
عبير:هلا طارق شلونك؟
طارق:بخير دامك بخير
عبير:عـادي فيه رحمه ينزل..بعدين خلاص مابقى شي..مشكوووور وماتقصر
طارق:لالا شوفي بقى كثير..بعدين الحلوين لازم يرتاحون..ادخلي ولك مني ان كل شي جاهز..اوكي؟
عبير:بس
قاطعها بهمس وببتسامه عذبه :اهم شي رضاك
وغمز لها وجلس ينزل مع السواق

هي استغربت من حركته بس مافكرت كثير ودخلت

في شي يمكن نسيت اقوله لكم بس عبير عندها عيال عم كثير والسبب يرجع لان جدها تزوج اربع وكل وحده عندها كم ولد طبعا هذول يكونون عمان عبير.. وعيالهم يكونون عيال عمها ..حتى اللي مو من جدتها فيعني هم كثاااااار

عبير:ماشالله عليك تذكرين بعدين كيف شفتينا؟
شذى:انتي لم دقيتي علي انا طلعت وشفت كل شي بعيني..
عبير:اووووف وقزيتي الغمزه؟..عليك عيون حشا
شذى:ووجعه..كان النور قوي لأنها كانت عزيمه وكانت الرؤيا واضحه
عبير:ههههههههههههه المهم ماعلينا هذي هي السياره شوفي
وراحوا للسياره وطنشوا مجموعة الشباب

ركبت عبير السياره وهي تحس بضيق دايم تحس بالاحساس..مو اول مره كل ماطلعت مع شذى وغيرهم تحس بالهالشي..مو اول مره..تنهدت بعمق
شذى:عبوره شفيك
عبير:آآخ ياشذى بلاك ماتدرين ان اللي فيني ضيقه ميهيب طبيعيه..احس اني مكتومه
شذى:مو اول مره... انتي ماتقولين لي شفيك؟
وتذكرت شي:شذى الساعه كم..كم صار لنا ندور؟
شذى وهي تناظر الساعه:اممممـ..12وربع
عبير:شذى حبيبتي انا بروح للبيت اول بعدين خلي السواق يوديك اوكي؟
شذى:على راحتك سواقك هذا
عبير:رحمه!..
رحمه السواق:نأم مدام
عبير بهمس:الله ياخذك انا مو مدام..
رحمه:اس؟..اس كلام مدام؟
شذى تضحك عليهم كأنهم طاش ماطاش:ههههههههههههههههههههههه
عبير:على تبن!..اسمع روح بيت انا اول بعدين روح بيت ماما شذى
رحمه:اوكي..مافي مشكله
عبير:ولا بعد؟..عندك مشكله يالخبل
شذى:هييي!..وشو ماما شذى..ماما شذى بعينك
عبير تستفزها:كيفي..سواقي وانا وحرّه
شذى؟:يمه منك ..منّة الله ولا منّة خلقه

وصلت للبيت..طالعت جوالها لقت الساعه 12ونص
تسللت عشان مايشوفها ابوها وهو قايل لها لا تتأخر بس هي عنيده.. وشافت قدامها الشغاله وهي ترقا الدرج نادتها يصوت واطي لأن بيتهم كبير وكله سيراميك وينتقل الصوت بسهوله
عبير:مــــيــــري!!
ميري:يس مدام
عبير:الله ياخذكم من خدم انا مو مدام
ميري:؟؟؟!!!
عبيير:وير از بابا سعد
ميري:هيز...
وقاطعها صوت ابوها ينادي:مــــيـــري!!
عبير:يالله على كثر الشغالات مالقى الا ميري
ميري:يس سير
عبير بصوت واطي:قولي له اني مو موجوده..ام نت هير..انا بغرفتي..باث روم قولي أي شي
ميري:اوكي مدام
وراحت ميري للـ أبو عبير..
ابو عبير(سعد):مــيري..عبير ماجت
ميري: يس سير..شيز هير
ابو عبير:طيب وينهي فيه
ميري تفكر:أي ثيك.."وتفكر"..ان...باث روم؟
ابو عبير:طيب..يالله روحي

طلت عبير من مكانها لم شافت ابوها اختفى..راحت بسررررررعه للدرج عشان ترقى ولا يحس بها..فصخت الكعب حقها..وشالتها وهي تمشي بأطراف اصابعها
رقت بهدوووء وفجـــأه

طاح الكـــعــــب
عبير:اووووووف..انت يالبلشه مالقيت تطيح الا الحين
سمعت صوت باب غرفة ابوها ينفتح..بسرعه راحت تركض للصاله اللي فوق..وراحت ورا الكنبه
طل ابوها من الغرفه ولا شاف شي انتبه للكعب وراح له بياخذه..عبير بسررعه راحت للغرفتها..من وراه ..ودخلت وسكرت الباب بهدووء و خذت لها بيجامه ودخلت الحمام

ابو عبير وهو ياخذ الكعب:هالبنت مدري متى بتحافظ على اشياءها..مسك الكعب وراح للغرفتها..وطق الباب...مافي رد.. طقه مره ثاينه ولا في رد

دخل ولقا باب الحمام مسكر عرف انها بالحمام
طلعت من الحمام وهي لابسه البجامه وشعرها محووووس باين ان توها قايمه من النوم
ابو عبير:عبوووووره...انتي نايمه وانا قلبت عليك البيت فوق تحت
عبير ماتدري وش تقول:ايه..لأني كنت برا بالحوش اذاكر
ابو عبير مد لها الكعب: هذا كعبك وتر مدري وين الثاني
عبير مسكت ضحكتها:طيب
طلع ابوها..وعلى طول راحت تذاكر لها كلمتين قبل لاتنام

دخلت البيت وهي حدها تعباااانه من الدوران والمطارد هي وبنت عمها
- شذى..وين كنتي طول هالوقت
شذى اللتفت لأمها:كنت مع عبير بنت عمي بـ فدركرز..ليش؟
ام نايف:وليش طول الوقت هناك..يعني انتي ماتدرين ان بعد الساعه 11 حظر تجول لتس ولا ماتدرين؟
شذى باست راس امها:آآسفففه..ولا رااح اكررها ابدا
ام نايف:اخ بس منكم تلعبون علي بكلمتين..

بهالوقت دخل نايف اخو شذى وجلس يهلي بنفسه
نايف :هلااااا والله وغلا..اسفرت وأنورت توه مانور البيت
شذى بتقهره:منّور بأهله
عطاها نظره خلتها تسكت..ألتفت لآمه:مامي احبك مرره
شذى:وع وش مامي..ياشين السرج ع البقر
نايف:اقول ماكني سكت لك..ترا مافي هاني موتر مدري شسمه خويّك
شذى:هههههههههههههههه هاري بوتر.."وقال بلهجه بريطانيه"...harrey potter....الحمد الله ياربي ماكذبت يوم قلت ياشيين السرج على البقر
نايف يقلدها باللهجه البرطانيهk..say good bay to harrey potter
شذى:لالالا..يرحم امك امــــزح..والله وقسم بالله..انت ع العين والراس..بس كلش ولا هاري بوتر
نايف:اجــل اهجدي
ام نايف:خلاص كنكم بزارين
نايف:لا انا مو بزر انا في الثالث والعشرين من عمري ولست بزرا اما هي فـ نعم
شذى:اوف خلاص انا بزر بس اهم شي لايروح هاري بوتر
ام نايف:ايه وش كنت تبي مني يوم تقول مامي؟
نايف:يـــــس..تذكرت!!..امممممممـ..عمي ابراهيم مسوي عزيمه يوم الخميس الجاي وقال لي اقولك..
شذى:يوووووووووووه الله يحينا حايتا طيبه.. احنا الحين يوم الثلاثاء
نايف:بس الايام تركض صح ولالا؟
ام نايف:ايه صح انتي مالك لبس لازم تشترين
شذى هزت كتفها بلا مبالاه:عـــادي اخذ من عبوووووره الاموره
نايف:لين الحين اسمها عبوره الامروه؟...ياقدمكم..كح كح مغبريــن
شذى:ولين تتزوج وتعيّل بعد
نايف استبعد فكرة انها تتزوج مايتخيل عبير اللي يوم كان صغير كان يضارب عيال عمه عشان تصير زوجته باللعبه..فتتزوج ..وواحد غيره بعد صحيح هو مانقدر نقول يحبها لكن نقدر نقول اعجاب يمكن يتطور مع الايام ويمكن يحل محله اعجاب او حب ثاني
ام نايف:لا عيب عليتس..كل ماجت عزيمه تقولين باخذ منها
نايف يقلد امه:ايه عيب عليك..احم..قصدي عليتس
شذى:ههههههههههههه مو لايق عليك الـ تس..خلك على الكاف احسن لك.."واللتفت لأمها"..بعدين يمه عادي هي تاخذ مني احينا
ام نايف:ماضنتي ابوها ماشالله كل ماقالت له جب لي... جاب لها اللهم لا حسد
نايف:عادي مامي.."وناظر شذى لاتعلق بس ماعلقت"..هي اصلن ابوها مطخطخ ماشالله ونفس الشي بابي..بس هي لأنها الوحيده فاكل شي لها اللهم صلي على محمد
ام نايف:وانا وش علي منها..المهم لاتلبسين من عندها روحي اشتري لتس من السوق
شذى:ان شااااالله على هالخشم
نايف:من زينه خشمك..يوووه..قصدي خشمتس
ام نايف تضربه بخفيف:لاتقلد يالببغاء
نايف:وش فيتس ياميمتي..انا ماقلدتس
شذى:هههههههههههههههه احسـن عشان ماتتهزا بخشمي
نايف:ماعليتس مني!!
بس الـ تس ماكان مضبوطه من فم نايف

من بكره بالجامعه
شذى:امــــس امي الحمد الله ماهزأتني..كنت متوقعه متعاقبني وبتتركني بالبيت
عبير وهي تفتح ببسيها:بــس امــك حليوه ماأتوقع كل هذا منها
شذى:بس هي ماتحب اطلع واجلس لأكثر من 11 وانا مع السواق
عبير:اهـاا
شذى:بس نايف ياحبني له..كانت بتلاغيني بس دخل وانقذ الموقف..جلس يسولف مهعا..ههههههههههههه
عبير:خخخخخ وانتي اكيد سيـــده ع الغرفه
شذى:ههههههههههه لالا..بلعكس جلس اسمعه وهو يقلد يتكلم بالـ تس..أخ بس لو تسمعينه تموووتيني ضحك
عبير اكتفت بألبتسامه
شذى:لاويقول مامي..هههههههههههههه.."وكأنها تذكرت شي"..الا صح عبـووره!..
عبير:هلا
شذى:اممممممـ..تدرين ان عمي ابراهيم مسوي عزيمه يوم الخميس
عبير:اووووف بكـــره؟؟
شذى:لالا..الخميس الجاي
عبير:أي اشوى..ماعندي لبس
شذى:عاد تصدقين قلت لأمي باخذ منك عصبت علي
عبير:هههههه قولي لها عادي خوات مافي شي بيننا
شذى:ياحبي لك بس ولو..المهم..شرايك نمر السوق اليوم او بكره
عبير:اليوم لا..باخذ بريك.
شذى:على راحتك
طبت عليهم صديقتهم منيره
منيره:هلا والله وغــلا بـ منيره..
شذى:الحمدالله تهلي بنفسها..كأنها نيوف امس
عبير بخبث:اتركيها عارفه ان محد مهلي فيها قالت خل اهلي بعمري..صح يا منور؟
منيره:هـ هـ هـ...so so funny
عبير:هههههههههههه
شذى:خخخخخخخخخخ تعالي بس عبوووووووره تمزح
عبير وهي حاطه الاسترو بفمها:لا مامزح
منيره:لاوالله؟..
شذى:منوووور معليك منها هي تمزح..بس هي كذا تحب تغايظك لاتشيلين هم
عبير لاهيه بالـ كتاب:لاماأمزح واعلى مابخيلك اركبيه
منيره:لا ماراح اجلس الا اذا تأسفت
شذى عارفه ان عبير ماراح تتأسف:منووووووور وش تتأسف ترا كلها مزحه
منيره: لا لا لا ماراح اجلس الا لما تتأسف
عبير بلامبالاه:اجل عمـــرك ماجلستي
منيره بققت عيونها ع الاخر..بس هذي عبير لحد يستغرب
شذى اللي ماتدري وش تسوي:منووور حبيبتي تكــفين مو عشانها عشاني
منيره: لاياماما انا عندي كرامه انا لو بجلس مع 100 وواحد منهم مايبيني ماجلست
عبير:هذا يسمونها عدم ثقه بالنفس..وش ذنب الـ 99..دام هالواحد مايبيك
منيره تأشر عليها وحاطه يدها على خصرها:انتي مالك شغل فاهمه؟.. اعتذري وبعدين يصير خير
عبير:والله ياقلبي انا ماأعتذر لو شيصير لو كنت انا الغلطانه..عاد شلون لوحده ماتتحمل المزح؟
منبره:.............
عبير رجعت تقرا كتابها وكأن الموضوع مو مهم:...........
شذى:خلاااااااص..عبير قالت لك مزح..اوكي منور اجلسي يرضيك اجلس اترجاك..
منيره:اوكي..
وجلست
شذى:اوكي انا بروح للكافتيريا تبين شي؟
منيره: ايه والله ..أي شي اهم شي شي يغير ريقي
شذى:من عنوناتي!!
وراحت تشتري وبعد عشر دقايق رجعت وكانوا عبير ومنيره يسولفون ولا كن شي صار
شذى:im baaaaaaaack
عبير:welcome
منيره:خخخخخخخخخخخخ والله ذكرتوني بالماسنجر
عبير:هههههه ليش هو بس المسنجر اللي يقولون باك وولكم
منيره:لا بس كذا تذكرت
وناظرت ساعتها:اووووووف تأخرت بنت عمتي قالت لي اكووون عندها ليش سرقني الوقت
وتوها بتقوف استوقفتها شذى:لحظه والاشياء اللي اشتريتها لك
منيره:ياحبي لك مشكووووووره باخذها معي وخذتها
وخذت اشياءها وراحت
ومــــرت لحظة صمت كانت عبير مندمجه في كتابها..وبعديــن
عبير:اووووف طفش تصدقين؟..اليوم لما اختبرت كااان صعب ولا حليت مثل الخلق
شذى تهوجس:همم..
عبير:هيييييي..وين وصلتي
شذى عدلت جلستها:انا عندي سؤال يقرقع بقلبي
عبير:اسألي
شذى:ليش عمي ابراهيم سوا هالعزيمه
عبير:علمي علمك
شذى:امممممممـ..ايـــــه..تذكـــرت تذكرين ولد عمـي..
عبير:ولد عـم أي واحــد فيهم عندك مليوووووووون واحد
شذى:طلال..تذكرين مو هو رايـح يدرس برا؟
عبير:أيــــــــــــــه!!..تذكرت..طيب؟..ليش هالعزيمه عشانه رجع؟
شذى:يس..اكـــيدبعد
عبير:اممممممـ..يعني لازم نلبس شي حلووو
شذى:مدري بعد بسأل امي
عبير:دقي على نايف وقولي له ابغا اعرف من الحين
شذى:اووووف ليش مستعجله؟
عبير:أووهووو يالله دقي عـمى
شذى:طيب طيب..لا تعصبين
عبير:والله انتي تخلين الواحد يعصب غصب
ودقــــت

شذى:آلوووو
نايف:هلا شذى
شذى:كـيفك؟
نايف:انا تمام..قولي اللي عندك مو عاده تدقين علي انتي
شذى:خخخخخخ فاهمني..المهم..عزيمة عمي ابراهيم وش مناسبتها؟
نايف:يعني مايبيلها كلام عشان طلال رجع
شذى:طيب وش اسوي انا انت ماقلت لأمي بس قلت ان في عزيمه صح؟
نايف:أيـه بس مايبيلها كلام
شذى:خلاااااااص.."وتكلم عبير"..ارتــحي الحين
نايف:هيييييي وشو ارتـحتـي؟..ولد انا
شذى:ههههههههههه لالا أكلم عبوووووووره
نايف استانس:طيب ..سلمي عليها
شذى:ان شــالله...يالله باي
نايف:بااااااي
شذى تبتسم:يــسلم عليك
عبير بلامبالاه:الله يسلمك ويسلمه..المهم ماعلينا..وش قال؟
شذى:يقول هذي يبي لها حكي؟
عبير:اجل خلااااص..ان شالله بكره نروح السوق
شذى:اوكي
ناظرت عبير ساعتها..
عبير:اقووول ماكننا طولنا..انا بروح للبيت
شذى:ويـــن؟؟..بدري..خلك خل نجلس
عبـير:بروح انام..امـــــس مانمت الا متأخر كنت اذاكر
شذى:اوكــــي..بااي
عبير:بايات

راحت عبير للسياره اللي كانت واقفه عند باب الجامعه واتصلت على السواق يوقف عند الباب لأن اساسا موقف من زمان عند الباب مسـكـــين

عبير:روح للبيت
رحمه:اووكي مدام

دخلت للبيت..لقته فاضي..ابوها مسافر..اكـيـــد مسافر..اصلن عمرها ماحست بأهتمام ابوها لها..الاجازه قربت وهي لازم توسع صدرها ولاتفكر بهالاشياء اللي تسد النفس

دخلت غرفتها..وغيرت ملابسها..وراحــــــــت فــي سابع نـــــــومه

اما شذى بعد ماراحت عبير..جلست شوي مع بنات متعرفه عليهم من بداية السنه وبعدين راحــت للبيت

دخلت البيت لقت امـها جالسه مع ابوها
شذى:الـــــســلاااااااام علــــيكم
الكل:وعليكم السلام
ابو نايف:هاه يابنيتي كيف الجامعه؟
شذى:أخ بس أخ..وش اقول وش اخلــــي..تعب..وهــم..وغــم
ابونايف:ههههههههههههههه ليش عاد؟..يالله شدي حيلتس مابقى الا شوي وتعطلون

يمكن تلاحظون بقصتي ان الكبار بالسن يتكلمون مثل طريقة ابو نايف وام نايف..احنا عندنا بنجد كذا الكبار يتكلمون بهالطريقه يعني زي
"شدي حيلـ(تس)" مو"شدي حيلك"

شذى:ان شالله
ام نايف:بعدين عاد بنبدى بموال السهر والطلعات اللي مالها سنع
شذى:يـمه!!..بوســع صدري
ام نايف:انتي ماتعرفين ان السهر يضرتس يالخبله..ويخلي وجهتس كنتس بـــقره..ترا مافي ام تدور لولدها بنت تسذا
شذى تضحك على كلمة بقره:هههههههههههههههههههههههههههههههه
ههههههههههههههههههههههههههه حلـوه بقره يمه
ام نايف:وانا الصادقه
شذى:يمته ترا بكره بروح مع عبير للسوق وبشتري لبس
ام نايف:زيـن..بس لاتشترين الا لبس للعزيمه..مهوب تضفين السوق كله
شذى:ههههههههههه ان شالله
ابو نايف:هههههههههههههههههههه وشو له تضف السوق
ام نايف:بلاك والله ماشفتها بهالاسوقه..تضف الصاحي واللي مهوب صاحي
شذى:يـــمه شفيها ابغا ادلع نفسي..
ام نايف:نشوف تالية هالدلع
شذى تكلم ابوها:بابي حبيـــبي
ام نايف بهمس:الله يستر
ابو نايف سمعها:ههههههههههههههه نعم..
شذى:ابغا فلوووووس
ابو نايف:كـــم تبيـن؟

اذن المغرب ..ورجعوا الناس من المسجد..

قامت من النوم وهي حـدها مغتلقه..هي مو متعوده تنام لهالوقت
راحت وتوضت وصلت..تحس بضيـــــــيقه مو طبيعيه..آآآآآه بس وش هالنكد اللي انا عايشه فيه

نزلت تحت ولقت الصاله فــاضيه..اصلن هي عاده تكون مليانه
كانت بتطلع للحوش تتمشى بس استوقفها التلفون يرن
ردت كانت تحسبها وحده من بنات عمها لكن كان واحد يسأل عن ابوها وهي مادري وينه فنادت الشغاله
عبير:سريــــن!!
سرين:يس
عبير:وين بابا سعد
سرين:بابا سافر ليوم سباه (سباه=صباح)
عبير:اوووكي خلاص
وقالت للرجال انه مسافر..احينا بعض الرجال بشغل ابوها يتصلون بالبيت لم يكون ابو عبير مقفل جواله..
طلعت برا للحوش تغير يمكن تروح هالضيقه اللي بصدرها..تمشت في الحوش الوسيـــــع..كان بيت ابو عبير قــصر..او مو قصر فله كبيــــــــره..صحيح انه هو عايش مع بنته لحالهم بس لزوم الكشخه على قولة عبيــــر

جلست تطالع النجـــــوم..وتتأمل السما..خفت عنها الضيقه شـــوي..فكـــــرت تدخل بس الجو كان معجبها مره فاقررت تتمشى زيــاده

طـــــق!!..طــــق..طــــق!!
شذى:ادخــــــل
دخل نايف:helllllllllllllllllo
شذى مندمجه بالاب توب:نعم؟
نايف:أفاا!..انا تقولين لي نعم..بدال ماتقولين انك مشتاقه لي وووحشتني كتير كتير كتير
شذى بلامبالاه:اشتقت لك مررررررررره
نايف:أيــــــه..واضـح..الشوق يطل من عيونك..
شذى ماقدرت الا انها تضحك:ههههههههههههههههههههههه شلون اشتاق لك وانت 24 ساعه بوجهي؟
نايف:هع مدري..يالله شكثر انا طفشاااااااااااااااان..احـــــس انـي بمووووت من الطفش
شذى استغلت الفرصه:وش رايـــــــك نــــطلع..يالله يالله تكـفى
نايف:يالله شورانا؟..البسي عبايتك ويالله
شذى:ونااااااااااااااااااااسه..انا احبك مرررره وامووووووت فيك
نايف:أيــه موب لـ لله..بس يالله انا انتظرك عند السياره
شذى:اوووووكي!!!
لبست شذى عباييتها وقالت لأمها وراحت

بعد فتره طـــفشت من الدوران بالحوش فكـرت تطلع بس ماتبي..تحس بطفش وضـيق..وماتبي تطلع..
قررت تدخل جوا..لم دخلت..تأملت الصاله الكبيــــــره..ماتحس برغبه فـ الجلوس فيها..فقررت ترقى فوق وتفتح الكمبيوتر..

من بكــــــره بالجامعه
شذى:امـــــس فاتك نص عمرك.لالا ثلاثة ارباع عمرك..لالا ..ولا اقولك كل عمرك
عبير:خخخخخخخخخخياويلي..ليش؟
شذى بأسلوبيقهر ويضحك: طلعنا ذيك الطلعه اللـي تهببببببببببل..ورحنا وجينا ولعبنا وناااااسه
عبير:والمطلوب؟
شذى:ابد سلامتك..بس حبيت اقول انتي امي شصار عليك..تقولين انك تعبانه
عبير:امس انا طول وقتي ع النت..

ودخلوا في سواليفهم سواليف البنات

وبعد شوي طبت عليـــهم منــيره
منيره:سلاااااااامز
عبير:هلا وغلا
شذى:هلا والله بـ منووووور
منيره وهي تجلس: كيـــفكم؟...شخباركم؟..شعلومكم؟..كيف الاهل؟..والعيال؟ .. والاخوان اهم شي..
عبير:انا بقرا كتابي اذا خلصتي قولي لي اوكي؟
منيره :اوكي..وعمانكم..واهلكم..وجيرانكم..
شذى:يوووووووووه كلـــــهم بخيــــــــر..اوف
منيره:هههههههههههههههههه..ياحبني لي والله
ناظرتها عبير
منيره:امــــزح..والله اني امـزح ..وقسم بالله
شذى:هههههههههههههههههههههه
عبير:ههههههههههههههههههههه احسن عشان تتوبين
منيره:ههههههههههههههههههه الا عبوووووووره وش تقرين
عبير:روايه
منيره:يعني تحبين تقرين انتي؟
عبير:ايه..بس مو كل شي ورايات يعني احب اقرا كتب علميه لكن مو كثير..احب اكثر شي الروايات
منيره:وش هالروايه اللي قرينها
عبير ترفع الكتاب بوجهها:روايات عبير واحلام..تعرفينها؟
منيره:سمعت عنها مره..بس انا مااحب اقرا..اكيد تقرينها لآنها نفس اسمك خخخخخ
عبير:هـ هـ هـ..لا مو عشان كذا..
منيره بفضول يقهر:طيب وش اسمها؟
عبير:عـــروس الظـــل
منيــــره:اهــاا..رومنيسه؟
شذى:اكيـــــــــــد..عبيــــر تعشق الرومنسيات
منيره بتعجب واضح:بس عبير انتي مو رومنسيه
عبير:ليش ان شالله..مامليت عينك؟
شذى:هههههههههههههههههههه بصراحه عبووور منيره معها حق..انتي ابد مو رومنسيه
عبير بدون اهتمام..وهي تكمل روايتها:لأني ماأحب..اذا حبيت صرت رومنسيه
شذى:انتي ليش ماتحبين..كل العيال يحبونك انتي طبي وتنقي
عبير بعصبيه من هالسيره:اووووووف منك..ادري انك بتقولين جميله وغيره وغيره..بس انا ابغا واحد يحب عبير..يبغا عبير ..مو لأني بنت سعد او لأني جميله..
شذى خافت منها:طيب..طيب..خلاااص اسفه معد اكررها
منيره:عبير جد اني مررررره جميله وحلوه..والباب مفتوح قدامك ليش ماتحبين وتتزوجين؟
عبير:مابي وانا ماأفكر بالزواج الحين..ابغا اعــيش حياتي..واطلع وأروح واجي..
منيره:ههههههههههههههه ماتبين احد يقول وين رايحه او من وين جايه..صح؟
عبير:أيـــــــــــــــــــــــــوه..عليك نــــور
شذى:امممممممـ..انا لو بيجيني ولد الحلال على طول اقول موافقه

فـــــي مكــــــان ثاني..عند بيت عــم عبيـــر كانوا مرتبشين عشان عزيمتهم
ام طلال واقفه عند الدرج تنادي بنتها:هيوووووووووووووووووون!!..هيوووووووووووووون ردي وصـمخ
هيا:هلا يمه معليش
ام طلال:تعالي..معي رتبي المجلس كله حوووسه..بعديم ابغا اضمن ان العزيمه يتكون زينه وتبيض الوجه
هيا:يمه تر العزيمه بعد اسبوع
ام طلال:ادري يايمه ادري..بس لاتلوميني متحمسه..هذا ضناي توه راجع وودي افرح به
هيا وهي تنزل لأمها وتحب راسها:ابــشــــري يمه الحين ارتب لك المجلس..واحنا عندنا غير طلول..
- كنـــي سمعت اسمي..تحشوون؟
هيا:ههههههههههههههههه لا مانحش ان بعض الظن اثم
طلال:هههههههههه لا بس شكيت
هيا:خخخخخخخخخخ لالا..لاتشك
ام طلال:طلال يمه..رح نم لك شوي تراك من الصبح وانت في الشارع
طلال:امممممـ..طيب مع ان ودي اجلس معاكم بس يالله
هيا:وفي طريقك ناد معك ناديه..وشهد..ودحوووووووم
طلال:اووووكي..جلست تتأمر الاخت
هيا:طلوووووّل؟..ترا بخرب عزيمتك
طلال:ههههههههه خلاص خلاص فاضي انذبح ..تعرفين مشعلووه مايرضى عليك
استحت هيا:اسمه مشعل مو مشعلوووه
وسمعت ضحكته وهو فوق

هيا..بنت حلوه ومثقفه واثقه من نفسها..طيبه مررره..وكل اخوانها يحبونها..عمرها 22سنه..مخطوبه من ولد عمها مشعل..اللي يحبها!!

طلال..انسان طيب وحبوب الكل يحبه لأدبه وأخلاقه..متخرج من جامعة
ومن يومه بـ اولى ثنوي وهو يدرس برا..متفتح..لكنه مايؤمن بالحب اللي قبل الزواج..وتفكيره شوي محافظ..عاد كيف تجي هذي خخخخ
عمره 23وله دور بالقصه

وبعد شوي نزلوا ناديه وشهد وعبدالرحمن
ناديه 17سنه..وشهد 12..ودحووووم 3
دحوم بدا يتليقف على هيا

رجعت من الجامعه وهي حدها طفشانه..دخلت للصاله عرفت ان ابوها ماجا من السفر..هي اصلن ماتفقده بس تبي احد تتكلم معاه بدل هالجلسه اللي تضيق الخلق

رقت لغرفتها ونـــــامت

اما عند شذى..كانت شذى في سابع نومه..وأمها تحازل تقوم فيها

بعد اذان المغرب
ام نايف:شذى وصمخ صار لي ساعه وانا اقوم فيتس..ماغير تشاخرين..قومي!
شذى:يمه ابغا اناااااااام
ام نايف:نومة اهل الكهف..قومــــي قامت عصــبك..قرمي دقت عليتس عبير
شذى:قولي لها مشغوله
ام نايف:الله مير يخلف علي..الله بلاني ببنت مثل خيشة النوم
شذى وهي تتأفف:اوووف يمه..خلاص قمت قمت
ام نايف:لاأرجع والقاتس نايمه ترا بالعطر على راسستس
شذى:طيب ...
وراحـــــــت للحمـــــــام
ويوم طلعت اتصلت بـ عبير
عبير:آلوو
شذى:هلا عبور..كيفك؟
عبير:الحمد الله..كيفك انتي ياخيشة النوم على قولة امك هههههههه
شذى:لا تذكرييني ودي يوم تقولي شوشو قلبي قومي..وتبوسني..اخ بس
عبير:هههههههههه حشى فلم
شذى:هههههههههههههه لاوالله احب تقويم امي بي ودي اجرب كذا احد يبوسني ويقول لي قومي شوشو قلبــي حيـاتي عمــري..
عبير:ان شالله زوجـك
شذى:ان شالله..المهم متى نروح للسوق..عشان تشتري للعزيمه
عبير:ان يغيتي الحين
شذى:اوكي..يالله انا بس الللبس
عبير:اوكي مسافة الطريق..بروح اقول للسواق يجهز السياره..cu
شذى:cu

طلعت عبير من البيت..وركبت السياره

نزلت شذى وبيدها العبايه..كانوا ام نايف نايف يالصاله..نايف كان واقف وباين عليه بيطلع..
نايف:سوف تخرجين ياحمقاء؟
شذى:نعم ايها الابله
نايف:ويحك يافتاه..انا اخوك الكبير..هل تفهمين
شذى:نعم افهم..أيها الـ...
نايف قلب مصري:اخرصي
شذى:ههههههههههه اخرصي..ولا اخرسي
ناايف:كيفي
ام نايف:وين النيه؟
شذة:بروح مع عبير..للسوق
نايف:ماتبون اوصلكم
شذى:لا مشكووور..عندنا سواق
نايف بصوت واطي:خــســـاره!!
ام نايف:لاتطولين اختتس نوال بتجينا اليوم
شذى:ايه صح اوكي ماراح اطول
نايف:وهذي ماتجي الا الاربعاء؟
ام نايف:ياويل حظي على بنتي..هذا زوجها شسوي؟
نايف:والله لو انـي داري انه كذا كان ماخليت اختي تتزوج واحد مثله
شذى بسخريه:اللي يسمعك يقول الرجال يشرب ولاصايع بالشوارع
نايف:ولو بس ليش كذا معقد يقهرني مررررره
شذى:ههههههههههههه حلوه ..اوكي يمه سلااااامز
ام نايف:يحفظتس الله
نايف:وانا يمه؟
ام نايف:وانت بعد يحفظك الله
نايف:أيـه اشوى
في هالحظه دق جوال شذى وردت..وكانت عبير

وطلعت

فتحت ولقت عبير راكبه مع الجهه الثانيه
عبير:ماشالله بــرق..على طول طلعتي
شذى وهي تركب:ههههههههههههه شفتي شلون

في هاللحظه طلع نايف..وعرف سيارة عبير..وأشر بيده يعني سلااااام
عبير:هذا نايف صح؟
شذى:لا عمه..اكيــد نايووف مين يعني
عبير:وجعه كلتني بقشوري..المهم وين تبين نروووح؟
شذى:امممممممممـ..نروووح للـ...للـ...مدري..خل نروووح لحياة مول..لالا رويال مول..لالا
عبيرتكلم رحمه:رحمه روح للمملكه
شذى:لاوالله تسأليني ليه؟
عبير:توقعت بتنفعيني بس للأسف
شذى:اوكي اصلن انا كنت مفكره بالمملكه

فـــــي الســـــــــوق
عبير:شوشو شرايك بهذا؟
شذى:يووه ياعبير
عبير رفعت حاجبها:خـيــــــر؟
شذى:لو تشترين هذا بيصير خامـس فستان
عبير:وانتي شدخلك..شاريه بفلوسك انا
شذى:لا بس حرام كذا كل واحد اغــــلى من الثاني
عبير:عادي.. I don't care..اهم شي اطلع حلووه..المهم شرايك؟
شذى:حلوووو مــــره..بس مو كأنه يبي له شي يغطي من فوق؟
عبير وهي تناظر الفستان:لـيش؟
شذى:اممممممـ..فتحت صدره كبيـــــره مره
عبير:امممممممـ..اللبس معاه جاكيت جينز
شذى:بس يروح الموديل
عبير:طيب بدي
شذى:معقول
عبير:اوكي يالله ماخلصتي حامت كبدي من هالمحل
شذى:وانتي كل ماجلستي في محل خمس دقايق حامت كبدك
عبير:كيــــــفي

طلعوا من محلات الملابس وهم مخلصين بس شذى بقى لها بعض الاغراض
عبير:يوه ياشذى انتي ماتعرفين تخلصين اغراضك في يوم واحد؟
شذى:على حسب..لازم افكر واقرر..يعني تعرفين
عبير:لحظه لحظه..كم التاريخ اليوم
وقالت لها شذى عن التاريخ
عبير:اوف اوف اوف..تذكرين طلعة المزرعه؟
شذى:لاتقولين بتشترين ملابس؟..طلعة المزرعه عاديه يعني كل شهر نفس الناس..لـ..
قاطعتها:ياغبيه تذكرين مرة عمي وش قالت لنا في اخر طلعه
جلست شذى تتذكر وبعدين شهقت..:بيجون ضيوووف..
عبير:عليك نوور..
شذى:يعني لازم لبس ثاني؟
عبير:يس..لك طبعا اما انا فـ لا..لاني خلاص اكتفيت
شذى:اوووكي امشي نروح للـ دبنهامز..ناخذ الفستان اللي قلت لك عليه
عبر:اوووووووكي

طلعوا من السوق..
وكل وحده رجعت للبيتها

لما دخلت شذى للبيت لقت اختها نوال
شذى:هلا والله وغــــــــــــلا
نوال:اهلــــين..كيفك شوشو
شذى:يختي وينك..ماتنشافين
تنهدت نوال:وش اقولك يختي..محمد دايم على هالحال..كل ماأقول بطلع يقول لا شسوي
شذى تبي تهون عليها:يحـــبك مايقدر على فرقاك
نوال:ياليت..ياليت ياشوشو..والله اهـون لي بس هو مدري ليه يرفض..كل شي يعيي عليه
شذى:كيف البيبي؟
نوال وكأنها نست:خخخخخخخ كلها كم شهر ويطلع

نوال..بنت طيوبه وحبوبه..محبوبه من الكل..متزوجه وهي الحين حامل تعاني من زوجها لأنه كل ماتطلب منه شي قال لا..عومه..ومزاجي..ولما يعصب يعصب..يكره الاسواق لابعد الحدود ويظن ان مالها فايده والحرمه لاز تجلس بالبيت..صحيح انه يخليها تروح للسوق بس وقت الحاجه الملحه..راح تتعرفون عليه اكــــــثر

التعديل الأخير تم بواسطة سامو ; 29-12-07 الساعة 04:25 PM

28-12-07, 05:59 PM

المشاركة رقم: 3

المعلومات
الكاتب:	Electron
اللقب:	ليلاس متالق

البيانات
التسجيل:	Aug 2006
العضوية:	9746
المشاركات:	282
الجنس	أنثى
معدل التقييم:
نقاط التقييم:	107

االدولة

مدونتي

الإتصالات
الحالة:
وسائل الإتصال:

كاتب الموضوع : سامو المنتدى : القصص المكتمله

الله يعطيك العافية ...ننتظر الباقي

28-12-07, 06:10 PM

المشاركة رقم: 4

المعلومات
الكاتب:	اقدار
اللقب:	أميرة الرومنسية

البيانات
التسجيل:	May 2007
العضوية:	29213
المشاركات:	2,295
الجنس	أنثى
معدل التقييم:
نقاط التقييم:	250

االدولة

مدونتي

الإتصالات
الحالة:
وسائل الإتصال:

كاتب الموضوع : سامو المنتدى : القصص المكتمله

حياك الله سامو

بداية جميلة عسى الله يوفقك

انتبهي للخط حاولي تعملين تحرير وتكبرينه حتى يخدم روايتك ويلفت النظر لها اكثر

اتمنى لك التفاعل من قبل القراء وعساك موفقه

28-12-07, 07:08 PM

المشاركة رقم: 5

المعلومات
الكاتب:	asma2
اللقب:	ليلاس متألق

البيانات
التسجيل:	Oct 2007
العضوية:	46067
المشاركات:	149
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : سامو المنتدى : القصص المكتمله

موفقه أخت سامو بدايه طيبه

تقبلي متابعتي

معذبة قلوب الرجال للكاتبة عاد انا اللي احبكـ

السلام عليكم و رحمه الله وبركاته هذي روايه صديقتي كتبتها و خذت منها الاذن اني انشها في احلى منتدى الا هو منتدي ليلاس ان شاء الله كل اسبوع