آه ما بين بعينك

بسم الله نبدأ.

الجزء الاول:
المكان :في البحرين : -الساعة الواحده والنصف ظهراً
ياليان ياليان بعدين فتحت عليها باب الغرفة وقالت لها ما تسمعين وانا اناديك بس قاعدة تسمعين هذه الاغاني وترسمين ما تسمعيني اكلمك انا
ليان:هلا ماما ماسمعتك
أحلام: اي كيف بتسمعيني وانتي قاعده تسمعين على الاغاني لا وبعد قاعده ترسمين عشان كذا ما سمعتي لأنك أن قعدتي ترسمين ما تحسين بنفسك كأنك في عالم ثاني
ليان:وش اسوي يا ماما أنا أحبها وإذا قعدت ارسم انسى نفسي وانسجم في الرسم وإلا عاد ادري عن نفسي ولا عن اي شئ
احلام : هذي نفس الاسطوانه تسمعينها لي كلما لقيتك ترسمين ما مليتي من كثر ما تقولينا لي يله بلا حكي فاضي انزلي تغدي قبل ما يبرد الغداء
ليان: ليه ما راح نستنى بابا
احلام :لا ابوك راح يتأخر في الشغل علشان يقول عنده شغل ضروري
وابو ليان اسمه عبدالعزيز وهو يشتغل ضابط في مكافحة المخدرات وله اخ واخت محمد ونوره وكل واحد منهم متزوج وعنده اولاد ولكن علاقتهم مع اخوهم عبدالعزيز مقطوعة
ومع الاحداث راح نعرف ليش علاقة فيما بينهم مقطوعة .
>>>>>>>>>>>>>>>>>>>>>>>

المكان : في الكويت
ليش سويتي كذا ما تدرين ان الحمل خطر على حياتك وليش ما علمنتيني من اول ما دريتي انك حامل انتي مستغنية عن عمرك الله يهديك بس وش نسوي الحين فهذه المصيبة وقعد على الكنبة وحط راسه بين يديه يالله وش نسوي ما فكرتي فيني ولا فولدك خالد اذا صارلك شئ لا سمح الله
بعدين رفع راسه وقف وقعد يمشي رايح جاي بعدين قال لا لأزم ينزل هذا الحمل انتي سامعه مو مستعد اني افقدك انتي ما تدري وش كثر احبك انا ما قدر اعيش من دونك
قالت انا بعد احبك وما اقدر اعيش من دونك بس اسمحلي انا لا يمكن انزله انت مجنون أقتل ولدنا بيدي مستحيل أنا ماراح انزله لو وش يصير أنا راح اكمله والاعمار بيد الله سبحانه وتعالى
قال لا لأزم ينزل نسيتي وش قالك الاطباء اللي رحنا لهم بعد ولاده خالد كان لهم نفس التشخيص لحالتك وأنه لأزم ما تحملين مره ثانية لأن هذا خطر على حياتك وثم عندنا خالد
الله يخليه لنا مالى علينا البيت ليش مصرة تجيبي طفل ثاني وثانياًحنا احسن من غيرنا اللي يتمنون الطفل وهم ما يقدرون يجيبونه أحمدي ربك أن عندك ذرية لو هي واحد
قالت:خلاص ما عاد ينفع هذا الكلام لأني تعديت الفترة اللي يسمح فيها الاجهاض أنا الحين في الشهر الرابع ما عاد نقدر نسوي أي شئ
قال: لا مستحيل ورجع جلس على الكنبة وهو منصدم أنه ممكن يخسر زوجته وحبيبته وأم ولده اللي يحبها اكثرمن نفسه
قال : أنا احس أني مو مستوع اللي يصير ما اقدر اتنفس بروح اتمشى شوي وأرجع
وهذا حوار دار بين سعود وزوجته نوال
وسعود دكتور جراحة عظام حصل على شهاده من كندا وهو من اصل كويتي بعدين رجع لديرته يمارس فيها مهنته ويملك الان مستشفى وهو يديرها وتزوج نوال عن حب وهي بنت عمه
ومنولده وهي مريضة بالقلب وما اكتشفواالمرض فيها الا بعد ما كبرت وهو يحبها من يوم هم صغارو تزوجها بعد ما رجع من كندا وجابت منه ولد وسموه خالد(بطل الرواية)
بعده نصحوها الاطباء أنها ما تجيب بعد خالد لأنها ما راح تتحمل الحمل والولاده ولكن بعد مرور 15 سنة تفاجا سعود بحملهاوهذا هو المخوفه و يخاف يفقدها
>>>>>>>>>>>>>>>>>>>>>>>>>

المكان : في البحرين الساعة :السابعة مساءً
غرفة ليان :
وهذي ليان قاعدة تتسمع على المسجل وتمارس هوايتها المفضلة الرسم
وهي ترسم سمعت امها تصارخ تحت وقامت نزلت بسرعة من غرفتها علشان تشوف وش فيها امها تصارخ كذا لأنها خافت بقوه على امها بعدين شافت امها قاعدة تبكي بشكل هستيري
على الكرسي والتلفون مرميه سماعته وراحت لامها بسرعه تسالها وش فيهايبكي وقعدت تقولها بكلمات متقطعة ابوك ياليان ابوك راح راح
قالت ليان :وشلون يعني ما فهمت ماما بليز بعدين صارت دموعها تنزل بشكل لا ارادي
قالت امها: يعني مافهمتي -ابوك مات مات ياليان
انتهــــــــــــــــــــــــى الجزء الاول
>>>>>>>>>>>>>>>>>>>>>>>>>>

هذا هو الجزء الاول واذا نالت الرواية على اعجابكم راح ان شاء الله اكملهاااااااااا