رواية بعيدا عن حدود الوطن / بقلمي

2" تحديد مستقبل"
" في هذاالبارت سيحدد مصير شخصيات الرواية "

في بيت احمد

: مستحيل يبه انت صادق
عبدالعزيز : وليه مستحيل ست اسيل
اسيل : يبه صقر رجال يشهد الناس له بالطيب بس والله انا رايحه ابتعث ماني فاضيه لطبخ وزوج
احمد : يعني افهم من كلامك انك رافضته
اسيل ودموعها ع وشك الانهيار : ايه يبه رافضته
احمد : يعني انتي رافضه البعثه؟
طلع عبدالعزيز من الغرفه تارك احمد واسيل لحالهم يقررون
****
: اسمعي انا معي59 كم معك
: الله بقى ريال ويجي60 انا معي70
عبدالله : من وين لك هذي
ريم : تجميع طلعة السوق و
: وش تسوون
عبدالله : هاه لا بس ريم قاعده تعلمني عن الاسواق الحلوه وكذا صح ريم
ريم : هاه ايييه صح اصلا ذا يخب عليييه المحلات الرجالية
عبدالله : ايه انا اصلا وش يعرفني
عبدالعزيز : والله مدري عنكم ارووح اشوف ابوي واسيل ابرك وطلعع
عبدالله : اه ذا لو سمع وش نقول قلب الدنيا
ريم : عصبي قسم بالله
عبدالله : ايه والله المهم لو جمعنا اللي معانا يطلع المبلغ امممم 130 الا ريال يمكن
ريم : حلو يعني باليوم الواحد نصرف 10 ريال تقريبا
عبدالله : حلو وحنا مانصرف كل يوم 10 يعني 5 وكذا نوفر
ريم : ايه صح حلو وباخر يوم من الشهر نطلب من ماك هيه
عبدالله : جميل
****
: لا يبه ماني رافضة البعثة ولا انا رافضه صقر
احمد : اجل رافضه وش
: انا رافضه فكرة الزواج الحين
اححمد : بس انتي تدرين ان رفضتي الزواج ترفضين البعثه
هنا اسيل بكت : يبه بس مهما كان حرام عليكم حرام
عبدالعزيز : وش الحرام
اسيل : عبدالعزيز ترا مالك دخل مصختها
احمد : ي بنت لاتكلمين اخوك بهالطريقة خلاص اسكتي بكلم خالد
عبدالعزيز : وليش ماتقوله لما نروح المخيم مو انت تقول بكره بروح المخيم قله هناك
احمد : لا والله ماودي اضيق صدر صقر هناك
عبدالعزيز : الله اكبر بيرووح يخطب بنت ابرك منها والله ي اسيل مدري وش تفكرين فيه اصلا مدري ماتجي مطوعه واعلاميه تطلع بالتلفزيون
اسيل : وش دخل ذا بذا ارجوك اسكت وانا اعلاميه اعلام صحفي بس
عبدالعزيز : مافرقت
اسيل : يعني يبه هذي كلمتك الاخيرة
احمد : ايه هذي هي
وقامت اسيل وراحت لغرفتها وبكت وبكت حست ان الدنيا كريهه ليه كذا ووش ذنبها هي اذا ماتبي تتزوج
****
من البكره الساعه8:39 الصبح
بيت احمد
بالصاله
احمد : يالله ي عيال قمتوا
عبدالعزيز بنص عين مفتوحه والثانيه مسكره : ايه قمنا بس يالله بنمشي
احمد : وين اسيل
هدى : الظاهر ماتبي تروح
احمد : وش وليه ماترووح لا قوموها بسرعه
هدى : قلت لابو صقر ان البنت رافضه
احمد : لا ماقلت له بقول له اليوم
عبدالله وهو ينزل الدرج بسرعه وبحماس : هاه نرووح
احمد : وانت مستانس
عبدالله : افا عليك يبه انا قايم من ثمان عشان نرووح
احمد : زين متحمس اجل رح قوم اسيل
حنين وهي واقفه عند اخر درجه من الدرج وعبايتها على يدها : هاه نركب السياره
احمد : ماشاء الله متحمسين كلكم ايه دقايق واركبوا
عبدالله وهو يصارخ من فوق : يبه تقول ماتبي ترووح،
احمد : قل ابوي يقول قومي بلا هرج زايد
عبدالله يكرر كلام ابوه وهو يدخل غرفة اسيل: ابوي يقول قومي بلا هرج زايد
اسيل وهي تنزل من الدرج: وجع عبيد ماتخلون الواحد ينام
احمد : قمتي
اسيل : ايه يبه قمت
عبدالعزيز : ماشاء الله مبروك يالله اجل قوموا من بيروح معي
هدى : حنين واسيل والشغاله بيروحون معك وانا و عبدالله وريم مع ابوك
عبدالعزيز : حصل خير يالله اللي بيروح معي بسرعه
حنين : ريم عبدالله مايصلح نتبادل
عبدالله : بالاحلام حنا نبي نموت انفسنا بيدينا
ريم : لا لا حبيبتي هذا عصبي
عبدالعزيز وهو حاط يده ع خصره : ايه كملوا حش بسرعه انا بالسياره
وركب الجميع السيارات وتوجهوا للمخيم
****
بسيارة احمد
: يبه نبي دبابات
: اصلا عمي عنده دبابات
: يالكذاب ماعنده الا دباب واحد
: عادي لنا حنا يالعيال
: طيب وحنا نلعب بايش
: العبوا بالطين
: اسكت عني
هدى : بلا لجه وازعاج

****
اما بسيارة عبدالعزيز كان الوضع عكسه تمام هدوء حتى الموت
حنين : ي اخي وش فيكم ماتسولفون واسيل انتي مانتي اسيل اللي نعرفها
اسيل : والله انتوا ماخذيني غصب عني وش اسوي
عبدالعزيز : اسيل مو معنى ابوي رفض انك تبتعثين تصيرين كذا
اسيل : كم باقي ونوصل
حنين : ههههههههههههههه تعجبيني اسيل ام التسليكه
عبدالعزيز : ايه وانتي معجبك هاه
****

لما وصل الجميع المخيم نزلوا
حنين : اسيل
اسيل : نعم
حنين : شوفي ذا المزيون خطيبك
اسيل : ومن قال اني وافقت عليييه
حنين : اما عاد وانا اخر من يعلم
اسيل : وش اسوي لك
حنين : ولك وجه تجين لهم اونتي رافضتهم
اسيل : وش اسوي بابوي وبعد عادي عمي وخالتي وهم عارفيني
: هلا والله ي حي الله،
اسيل : هلا بالغلا ي هلا بريناد
بعد السلام
ريناد : شفتي خطيبك " وتضربها بكتفها "
اسيل : هاه لا ماشفته " ونزلت راسها "
ريناد : اذوب ع الحيا ي ابويي
اسيل قعدت تناظرها يعني اسكتي
: هاه شكل الاجابه تبشر
هدى : تعرفين ي اوخيتي البنات امالهن كبيره
حصة : ههههههه لا يكون مو عاجبك صقر ي اسيل
اسيل : هلا خاله لا صقر اخوووووي ومن يومنا صغار وانا اعتبره اخووووي بس انا السنين هذي ماافكر بالزواج والله
حصة وهي متفهمه لوضع اسيل : ايه يعني رافضته عادي ي بنت مو معنى ان قرابته قويه عشانه ولد عمك وولد خالتك توافقين عليه وانتي ماتبينه
اسيل : لا ي خاله انا ماني رافضه صقر نفسه انا رافضه الزواج لاني قاعده افكر ابتعث بس ادعي ان ربي ييسر
حصة : ووش دخل الزواج بالبعثه شوفي خالك راكان متزوج ومبتعث
" خالي راكان ايه والله كيف مافكرت فييه " : ايه صح ي خاله بس الحرمه غير بكثير
" اي والله خالي راكان "
بعد السوالف والقهوه والشاهي على اذان العصر
: ي ولد
ريم : هذا عبدالله تغطوا
العنود : لازم
ريم : والله خايفه ع اخوووي يغمى علييه من الخوف
العنود : ليه شايف شبح
ريم : والله انتي تخوفين اكثر من الاشباح ههههههه
: أدخل
ريم : ايه
عبدالله : السلام
حصة : هلا والله بولدي
عبدالله وهو يحب على راس حصة : هلابك ي خاله وش الاخبار
حصة : بخير تقهوا
عبدالله : والله مالي فيه المهم بنات ترى الدبابات برى
وفجاه مانشوف الا غبار
عبدالله : ههههههه ماسرع بسم الله جن
****
انا بركب قدام
لا انا. وخري رجلك.
وين احطها
هذا اللي نسمعه هوشات البنات ع الدبابات
اسيل : والله لك فقده ريناد
ريناد : وانتي بعد
اسيل : يالله بمشي
ريناد وهي تتمسك باسيل : لاتسرعين طيب
اسيل : ايه هين
فجاه وتمشي بسرعه اسيل وريناد تصارخ وطلعوا من قسم الحريم
ويلفون ع قسم الرجال وواللفه كانت قويه وينقلب الدباب،
اسيل : حاولي تطلعين
ريناد : مااقدر انتي حاولي
اسيل : ي ويلي عجزت
ريناد : ببكي حماره قلت لك لاتسرعين
عبدالعزيز : صقر تسمع صراخ
صقر : يعني مااتهيا ايه اسمع
عبدالعزيز : امش نشوف
يوم وصلوا للبنات
صقر : بسم الله جن
عبدالعزيز : تستهبل وصرخ هيه انتم وش فيكم
اسيل : عبدالعزيز تعال ساعدنا
عبدالعزيز : البنات بروح اساعدهم
صقر : لحظة اسال من معها
عبدالعزيز : من معك
اسيل وهي شوي وتبكي: ريناد
صقر : من جدك بتروووح
عبدالعزيز : هاه اجل وش نسوي
صقر : الحل نروح نقول للشياب يساعدونهم كلهم محارم لهم
عبدالععزيز : صدقت امش
اسيل : عبدالعزيز ي حيوان وين بترووح
عبدالعزيز : اقعدي بنادي ابوي وعمي
ريناد : ي فشله
اسيل : انا اللي المفروض اتفشل اصارخ قدام اللي رفضته ي فشله
ريناد : طيب خلاص جاء عمي وابوي
اسيل : شوفي عبدالعزيز وصقر واقفين يناظرون ي الفشله
احمد : وانتوا الله يهديكم وش مخليكم تركبون دبابات
ريناد : ماتبينا ي عمي نستانس
احمد : تعال خالد ساعدني نشيل الدباب
خالد : طيب
احمد : شوفوا بنات بنعد لثلاثه وحاولوا تبعدون
البنات : طيب
احمد : واحد اثنين ثلاثه
ويحاولون البنات بس عجزوا
خالد : وش فيكم ماطلعتوا
البنات : رجولنا عالقه
خالد : لا حول شكل ماعاد لنا قوه ي احمد
احمد : الدباب كبير ي خالد وبعد البنات نص ثقل جسمهم عليه يعني مانقدر

****
قريب من باب الحريم
كان جالسات على الدباب يتفرجون
: هههههه ريم تعالي شوفي اسيل وريناد
: مههههههههه اه ي العنود بطني بطني يعورني اشكالهم تضحك
العنود : شوفي شوفي العيال بيساعدونهم
ريم : وخري اشوف ههههههههه اه اشكالهم شوفي العيال مستغربين
: هي انتي وياها وش تسووون
ريم : حنين تعالي شوفي
حنين : ي حرام وهذا اللي تضحكون عليه
العنود : بذلهم فيه سنه
****
خالد : صقر عبدالعزيز تعالوا
ريناد : وش له يبه
عبدالعزيز : هلا عم
خالد : تعالوا ساعدونا
صقر : لا تستهبل
خالد : ايه عادي انتوا امسكوه من قدام ودفوه لاتقربون من البنات والسلام
عبدالعزيز : يالله بس بسرعه
ريناد بصوت هادي لاسيل : ي فشله الله ي خذك انتي وسواقتك
عبدالعزيز : يالله صقر وش فيك منحرج تراهم خواتك
صقر : هاه لا ماني منحرج ولا شي
عبدالعزيز : واحد اثنين ثلاثه
وشالوه العيال ثم ابعدوا عن البنات
اسيل : ي فشله فشلتنا ي عم
خالد : هههههههه ليه
اسيل : لا ولا شي ريناد يالله نركب الدباب
ريناد : توبه اركب تبين تركبين اركبي انتي ويقلب فيك الدباب ويجي اخوك يساعدك اما انا توبه
اسيل : هههههههه ي حليلك
ورجعوا لقسم الحريم ولما دخلوا
ريناد : ي فشله
العنود : اشكالكم كانت خقه صراحه ذبت
هدى : ليه وش صاير
اسيل : اسكتي عنود
العنود : هاه شفتي اخوووي خههههههه
ماحست الا بريم تقرصها مع خصرها
العنووود : اه وجع لييه تقرصيني
اسيل : ههههههههه ي حليلكم ي البنات هههههه
العنود : اسمعي ي خاله هدى الله يسلمك اسيل وريناد كانوا راكبين الدباب المهم وينقلب عليهم
هدى : يويلي ع بناتي
العنود : ماجاك شي المهم ويجون الرجال يساعدونهم عمي وابوي حاولوا بس البنات ثقال هههههه فنادوا صقر و عبدالعزيز وجوا وبسرعه شالوا الدباب والبنات شكلهم مستحيات تهههههه
حصة : هههههههه والله مخفة
ريم : لا ولا تشوفون ريناد احسها استحت واما اسيل مسويه وكأن ماهمني الموضوع تتكلم ولا كأن اللي قدامها صقر
حصة : خهههههههه والله مادري وش تحسون فييييه اعقلوا
حصة : ترا اليوم بنشوي ي بنات هاه من تساعدنا
العنود وريم : الله وناسه ي حبني للشوي
اسيل وهي تهمس لريناد : امشي ابي اكلمك
ريناد : وين نطلع
اسيل : برا بعيد عن الخيمه
ريناد : يالله قومي
ولما قاموا بيطلعون
هدى : وين ي بنات
اسيل : بنروح يمه نتمشى
هدى : انتبهوا لايصير لكم مثل اللي صار
ريناد : ههههه لا توبه اركب مع اسيل الدباب مره ثانيه
ولما طلعوا جلسوا ع االارض
ريناد : خوفتيني وش فيك
اسيل : تدرين ابوي رفض البعثه
ريناد : قلت لك وربي
اسيل : تخيلي وش قال لي
ريناد : وش قال
قامت اسيل وانسدحت
اسيل : قال انا ماارفض البنت تبتعث
ريناد : وليه رفضك
اسيل : بس ارفض البنت تروح بدون محرم طبعا ابوي رفض يسافر معي عبدالعزيز
ريناد : ادري ي اسيل مالي حق اسالك بس انتي جتك فرصة محرم يسافر معك لييه رفضتي صقر؟ ادري والله مايحق لي واذا ماودك تقولين هذا شي راجع لك
اسيل : ريناد انا وياك واحد ومااتوقع اني بخفي عنك بس صراحه لو تاخذينها بالمنطق انا ابي ابتعث وسالفه الزواج بتاخر بعثتي ويمكن صقر يرفض البعثه ويمكن احمل ولا يخليني اكمل بعثتي صح ولا لا ولا ابي ارتبط بزوج صراحه .... واليوم احس اني منحرجة من خالتي وعمي كيف لي وجه اجيهم بعد مارفضت ولدهم بس الحمدالله ان خالتي وعمي ناس متفهمين واليوم اللي زادني احراج الموقف اللي طحنا فييه
ريناد : عاد تبين السراحة انتي صادقه موضوع الزواج يمكن مايخليك تبتعثين بالذات اخوي يشتغل بس معك حق وانابكثر مافرحت لما قاللي صقر بكثر ماكنت خايفه يصير لك مشاكل مع صقر او مشاكل مع اهلي ونتفرق
اسيل : صدقتي دايما زواج الاقارب احسه يبعد الناس بالذات لا صارت مشكله بين الزوج والزوجه او طلاق هنا بيبتعدون عن بعض بكثير
ريناد وهي تنسدح جنب اسيل: طيب نرجع لموضوعنا البعثه
اسيل : اه لقيت حل بس ان شاء الله يوافق ابوي
ريناد وهي تلف ع اسيل : وش ؟
اسيل : خالي راكان
ريناد : والله انك ذكيه صح هههههههه
اسيل : وش اللي يضحكك بس انا خايفه ان ابوي يرفض يقول ماودي احرج خالك ومن هالكلام
ريناد : جربي
اسيل : اه الله ييسر الا وش رايك اليوم تنامين عندنا
ريناد : فكره حلوه اسمعي انتي قولي لابوي
اسيل : طيب بس اذا رفض سوي نفسك زعلانه وكذا هههههه
ريناد : افا عليك اقلب حياة الفهد هههههه
اسيل : وش دخل
ريناد : مادري
اسيل : شكلهم بدوا يشوون اشم ريحة شوي
ريناد : قومي نشوف
****
ولما وصلوا
: ماشاء الله الريحة تجنن
اسيل : عاد انتي ريناد تحبين الشوي
ريناد : واحب ريحته حتى
حصة : روحو جهزوا السفره بس
اسيل : امشي طرده محترمة
ريناد : ههههه ايه
****
بعد اذان الفجر
في مخيم الحريم
احمد : ي بنات يالله بنمشي
اسيل : يبه
احمد : هلا
اسيل : ابي ريناد تنام عندنا
احمد : حياها الله بس اذا ابوها موافق ماعندي مانع
اسيل : يالله قومي بنروح لعمي
خالد وهو يدخل : ي ولد
اسيل : جابك الله ي عم
خالد : هلا وش تبين
اسيل : عطني راسك بحبه
خالد : وش هالرحمه
اسيل : عطني راسك عطنياه
وتقوم وتحب راس عمها
اسيل : تكفى عم خل ريناد تنام عندنا
خالد : وكل هالحبحبه عشان تنام ريناد عندكم هههه خلاص اذا ريناد تبي ماعندي مانع
اسيل : والله
خالد : لا هونت
اسيل : لا خلاص خلاص ريناد يالله قومي بسرعه
****
في البيت
: اه وين السرير
اسيل : نبي نسهر
ريناد : وجع الساعه 5:30الصباح
: حنا نبي نسهر
ريناد : تسوون خير اسهروا مع اختكم انا برووح انام
عبدالله : انتي وراك ماتتغطين عني
ريناد : ههههه تستهبل عبدالله توك صغير لا دخلت الثانوي بتغطى عنك هههه
اسيل : قومي ريناد بنام
ريناد : طار النوم
اسيل : توك تقولين نبي ننام
ريناد : وتوك تقولين نبي نسهر
اسيل : يعني نسهر ولا ننام
ريناد : وش رايك طبعا ننام
اسيل : قدام
ولما فتحوا الباب وسقوط مفاجئ ع السرير
اسيل : ريناد تعبانه مايصلح تنامين تحت
ريناد: انا ضيفه عندكم
اسيل : طيب
بعد ربع ساعه
اسيل : ريناد
ريناد : هاه
اسيل : تتوقعين لما اقول لابوي عن خالي راكان
ريناد : اساليه يالله بنام
اسيل : يالله نامي اففف

____________________
بالصاله
: ريم جوعان
ريم : لا يكون تبينا نطلع
عبدالله : جوعان وربي
ريم : والمطلوب
عبدالله : كم قلنا معنا امم130 صح
ريم : ترا باقي شهر
عبدالله : اف ي ربي
ريم : انا عندي لك حل
عبدالله : وش
ريم : فيه همبرجر وش رايك نقليه
عبدالله : اممم يفي بالغرض
ريم : يالله اجل قوم
عبدالله : تعرفين تقلين
ريم : هاه يعني مو مره
عبدالله : يالله نجرب
في المطبخ
عبدالله : هاه وش نسوي
ريم : شغل الغاز
ريم وهي تقلي : اه اح
عبدالله : وش
ريم : جت نقطة من الزيت على يدي
عبدالله : تعور
ريم : لا بس تعال خلص
عبدالله : مسرع
ريم : مايحتاج شي بسرعه
عبدالله : وش رايك نقلي بطاطس بعد
ريم : مالي خلق
: وش تسوون
عبدالله : يالله وش تشوف
ريم : ندخن مثلا
عبدالعزيز : مااستبعدها منكم المهم ابي
ريم : سو لك
عبدالعزيز وهو ياشر على عبدالله : ومن مسوي له
ريم : ساعدني عبدالله مو انت
عبدالعزيز : ووش مسوي
ريم : هاه
عبدالله : شغلت الغاز
ريم : ايه صح
عبدالعزيز : خلاص ماعاد ابي بروح انام بس شوفوا لي طريق
ريم : ماقدامك احد ريناد واسيل بالغرفه نايمات
عبدالعزيز : اجل فمان الله
عبدالله : الله والله لذيذ ريم
ريم : شكرا هاه خلاص شبعت
عبدالله : ايه والله جزاك الله خير
ريم : وياك يالله استاذن بنام
عبدالله : وانا والله بعد
____________________
المغرب
بغرفة اسيل
اسيل : قومي ريناد صلي المغرب الا لحظة صليتي الظهر والعصر
ريناد بصوت خشن: ايه اكيد لما قومتيني قمت
اسيل : زين اجل انا بنزل اكلم ابوي بموضوع البعثه
ريناد وهي تقوم بسرعه : ابنزل معك
اسيل : يالله صلي وتعالي
ريناد : عبدالعزيز فيه
اسيل : لا خوذي راحتك طالع مع خويه
ريناد : اجل بصلي واجي
****
في الصاله
احمد : هلا والله باسيل
اسيل : اهلين يبه
احمد : وين ريناد
اسيل : بتصلي وتجي
احمد : ايه زين
هدى : قمتوا صليتوا صلواتكم
اسيل : ايه يمه
حنين : النومه اليوم خوقاق
احمد : الا وين ريم و عبدالله
حنين : هم اخر من ناموا شكلهم للحين نايمين
اسيل : يبه اقدر اكلمك بموضوع
احمد : ايه تفضلي
ريناد : السلام عليكم
احمد : هلا والله ببنتي
ريناد : اهلين عم احم لايكون جيت وانتوا تتكلمون بموضوع
احمد : لا ابد انتي بنتنا بس ماندري عن اسيل هاه ي اسيل وش تبين
اسيل : يبه تذكر موضوع البعثه
احمد : ايه
حنين : ياليل رجعنا لهالموضوع
ناظرتها اسيل يعني اسكتي
اسيل : يبه انت قلت انك ماترفض البعثه صح
احمد : ايه
اسيل : بس تبي يكون معي محرم
احمد : ايه ي بنتي بس لايكون وافقتي على صقر
اسيل : يبه الزواج قلت لكم عنه بس انا لقيت محرم
احمد : هاه مين
اسيل : خالي راكان هو هناك وبلندن ومحرم وكل شي
احمد : خالك راكان بس خالك متزوج اخاف تحرجينهم
اسيل : يبه وش احرجهم وش دخلني واصلا هو يقول لي انهم ساكنين عند عجوز يعني عادي
احمد : اييه طيب بفكر بالموضوع وانا استخرت فيه ان كان فيه خيره فربك بييسره وان ماكان فيه خيره فالله يبعده عنك
احمد : انا استاذن هدى تعالي ابيك شوي
هدى : طيب
ولما طلعوا
اسيل : وبدت المشاورات
ريناد : من وجه عمي احسه دخلت الفكره براسه
حنين : ايه حتى انا احس
اسيل : اقول شغلوا ع ذا البرنامج شكله حلو
****
وبعد نص ساعه نزل احمد وهدى
احمد : اسيل
اسيل : هلا يبه
احمد : انا شاورت امك بالموضوع وفكرنا فيه وانا موافق
اسيل بلا مقدمات قالت : والله
احمد : ايه ي بنتي بس ابي اقولك حاجه
اسيل : تفضل يبه
احمد : اذا خالك رفض انه يكون محرم لك ماحنا جابرينه
اسيل : طيب
احمد : وابيك يا بنتي تحطين الله بين عيونك حنا يمكن نكون بعيدين عنك بس ربك مهو بعيد عنك وابيك تحافظين ع حجابك وماتاخذين وتعطين مع الرجال
اسيل : يبه حتى لو ماقلت لي هذا الكلام انا بسويه ،
احمد : اجل الله يوفقك
اسيل : يعني موافق
هز احمد راسه بالايجاب
فجاه قامت اسيل تضم ابوها : الله يخليك لي يبه ولا يحرمني منك
احمد : امين
وبدا شغل الضمضمه ضمت امها وضمت حنين وضمت ريناد
اسيل : ريناد ابوي وافق وافق
ريناد : مبرووك ي الغاليه الله يوفقك والله انك تستاهلين كل خير
اسيل : الله يبارك بعمرك
____________________

انتهى البارت بسعادة تغمر شخصياتها
ولكن
ماذا ينتظر اسيل ؟
بيوافق عبدالعزيز ع البعثه؟
وبيوافق خالها راكان انه يكون محرم لها؟
وبتنقبل على البعثه؟
ووش بيصير هناك؟؟


اتقبل الانتقاد واتمنى ان لاتشغلكم عن الصلاة
كل هذا بنتعرفه في البارت الجاي ان شاء الله

البارت الثالث باسم
" تحديد مستقبل "


انتظروني




اختكم
نبض

عذرا اسم البارت الثالث بداية حياه

3. "بداية حياة"





****
في بيت احمد
في غرفة احمد
: انت صادق يبه مستحيل اخليها تبتعث لو على جثتي
احمد : عبدالعزيز اسمعني مالك كلمه بعد كلمتي فاهم وليه ماتبتعث انا موافق ومو انت اللي تغير كلمتي
عبدالعزيز : يبه انت جاد واصلا خالي راكان متزوج اكيد بتحرجه
احمد : بخليها تدق عليه وتستاذنه ان وافق ماعندي مانع
عبدالعزيز : يبه ماهي برايحه
احمد : عبدالعزيز لا مت قل رايك طيب
عبدالعزيز وهو خجلان من كلام ابوه: بعد عمر طويل يبه
احمد : خلاص اجل اتفقنا
عبدالعزيز : اللي تشوفه يبه
****
في لندن
: دانه ي امي وراك ناسيه كيف تطبخين
دانه : راكان تعرف الغربه تنسي الواحد
راكان وهو يضحك : ههههههههه ي عمري عليييك اجل لاتنسين هاه تراهم يمدحون المره الثانيه
دانه : راكان وجع لاتزعلني علييك
راكان : هههههههه المهم بكره ماعندي دراسه بنطلع نتغدى طيب
دانه : براحتك
****
في بيت خالد " ابو صقر "
بالصاله
: ايه واقولكم الحمدالله اسيل بتبتعث
صقر : هذا سبب رفضها لي؟
ريناد كانها انصدمت من السوال : هاه اصلا هي قالت لي انها مو رافضتك بس رافضه فكره الزواج
خالد : عاد لاتنصدم صقر معليييه نخطب لك غيرها
صقر : لا بس استغربت رفضها لي مع انها بنت بعمر الشباب وماهي ببزر
خالد : ايه بس قالت لك ريناد البنت تبي تبتعث
حصة : الا ماشاء الله خلاص بتبتعث
ريناد : والله ماادري اكيد لو تاكد كل شي عمي بيقول لابوي عاد المسكينه لها فتره تبي تبتعث
خالد : الله يوفقها
حصة : الا صقر من ودك نخطب لك
صقر : الحين مابي خلوها بعد فتره
خالد : وليييه
صقر : لا بس الحين ماببالي بنت وخلوها بعدين
خالد : عاد والله احمد من وجهه انه ماوده يردنا بس يالله ماكتبها ربك
صقر : ايه والله كان عمي ابد مو على بعضه بس يالله مكتوب

****
: هاه كم ناخذ بكره
ريم : خمسه ريال
عبدالله : هاه خوذي خمسة لي وخمسة لك
ريم : بس لحظة كيف مانخلي اهلنا يشكون
عبدالله : ناخذ السندويش والعصير ونعطيه العمال عندنا
ريم : بس اخاف السواق يفتن علينا
عبدالله : لا ماني معطيه بعطيه الهنود اللي ينظفون
ريم : ههههههه ولو درى ابوي تتخيل وش بيسوي
عبدالله : بيسوي كل العقابات الثلاث
ريم : هههههههه
عبدالله : عاد مر الجمعه والسبت بسرعه
ريم : ايه بكره دوام هههههه
عبدالله : هههههه تبين اسوي مثل اللي سويناه الخميس
ريم : تقلع بس
: عندي لكم خبر
عبدالله : وش
حنين : ذا اسيل بتبتعث
ريم : كذابه
حنين : والله ابوي وافق بتقعد عند خالي راكان
عبدالله : وحنا اخر من يعلم
حنين : والله انتم كنتم نايمين
عبدالله : ووش قال عبدالعزيز
حنين : عصب وعيا بس ابوي قاله ماتفرض كلامك وابوك حي
عبدالله : تعجبني ي ابو عبدالعزيز
حنين : هههههه واخيرا بافتك من ريم
: تتكلمون عن ايش
عبدالله : عن بعثتك
اسيل بفرح: عاد كنت جايه بعلمكم
حنين : يصلح اخذ غرفتك
ريم : ويصلح اخذ لابتوبك
: حشى بتورثونها ماكانها رايحه كم سنه وجايه
اسيل : هههههه شفت كيف عبدالعزيز وانت وش تبي تاخذ
قعد يطالعها بنظرات وهو ساند يده ع الباب : هه اخذ منك انتي
" وش فيه كذا معي ماكانه اخوي الحمدالله لهالدرجه معصب يعني " : ايه عادي اختك
عبدالعزيز : المهم ابوي يبيك تعالي
اسيل : طيب يالله
****
ولما دخلت مكتب ابوها
اسيل : هلا يبه بغيتني
احمد : ايه تعالي كلمي خالك راكان
اسيل بابتسامه : ان شاء الله
عبدالعزيز : هاه رد
اسيل : لا يتصل
: الو
اسيل : هلا والله بخالي
راكان : هلا والله بالغاليه وش اخبارك
اسيل : بخير الحمدالله وانت
راكان : بخير
اسيل : كيف البعثه معك
راكان : حلوه والله ليه
اسيل : بنت اختك بتصير خويه لك
راكان : ماشاء الله بتبتعثين
اسيل : ان شاءالله بس عندي مشكله ي خال
راكان : افا وش
اسيل : مالقيت محرم
راكان : انا اكون محرم لك قدمي على نفس مدينتي وانا محرمك
اسيل بفرح : واالله
راكان : ايه والله افا على بالي عندك سالفه،
اسيل : هههههه ي جعلني ماانحرم منك ي خال
راكان : ولا منك ي بعدي الا قدمتي اوراقك
اسيل : لا اليوم اخذنا الاذن من الوزاره الداخليه
راكان : هههههههه وبكره بتقدمين ع الوزاره الخارجيه
اسيل : باذن الله
راكان : عاد اسمعي حنا عندنا رز ابو كاس وهاالحركات بس جيبي معك قهوه عربيه اه ي اختي مفتقدها
اسيل : ان شاء الله ي خال اجل ريحتني مااقش معي الخزينه
راكان : لا لا بس جيبي قهوه واكون شاكر لك
اسيل : باذن الله اجل يالله ي خال استاذن
راكان : ي اهلا وسلها ولاتنسين القهوه
اسيل : ههههههه ان شاء الله
سكرت الاتصال وراحت لغرفتها جري
****
: بروح برووح ماني مصدقه
ريناد : خلاص ازعجتي امنا ي حبيبتي
اسيل : ماني مستوعبه
ريناد : المهم اسمعي حملي السكايب ابي اكلمك منه هناك
اسيل : من عينيه الثنتين
ريناد : لبى عيونك مع انها صغيره
اسيل : هههههه بتقبل مزحك البايخ
ريناد : عاد تصدقين احس الجمعه والسبت ماعاد له طعم يعني اه عجزت اعبر
اسيل : لا ان شاء الله يكون بيننا تواصل
ريناد : ان شاء الله
اسيل : يالله فمان الله
ريناد : فمان الله
وسكرت السماعه
____________________
من البكره الساعه7:00 الصباح
: وبنقدم اليوم اوراقك والله يقدم اللي فيه خير
اسيل : الله لا يحرمني منك يبه
احمد : ولا منك بس ابيك ترفعين راسي
اسيل : ان شاء الله يبه
****
: يالله كل وحده لفصلها
ريم : اصبحنا واصبح الملك لله
سحر : هههههه شكلك متعقده
ريم : ترفع الضغط اقول وراها رهف تاخرت
: سلااام
ريم : سالنا عن الحمار جانا يناهق وراك متاخره
رهف : اخووووي ماقام واخرنا
ريم : عندنا وعندك خير بس زين ابوي يقوم ومعه العقال ولا كان انا كل يوم غايبه
سحر : ههههههه الحمدالله اننا نروح مع سواق
ريم : تصدقين اني ارووح مع الشغاله
سحر : اليوم الاخلاق زفت
ريم : لامروقه
رهف : ادخلو الفصل وانتوا ساكتين
بالفصل
روان : ي بنات الفصل الاستاذة غايبه
ريم : بالله عليك
روان : والله
ريم : الله يبشرك بالشهاده
روان : وياك
وتلف ريم على البنات : الا ماعلمتكم
سحر : وش
ريم : تذكرون يوم اطلع
سحر : ايه
ريم : تخيلوا من جاي ياخذني
رهف : مين
ريم : عبدالله
سحر : كذابه
ريم : والله العظيم وتخيلوا وش صار
رهف : وش صار
ريم : كنا واقفين عند برجر كنح
****
: وين كنت هاج الخميس
عبدالله : ههههه ماعلمتكم رحت وفحطت وتعاقبت
سعود : كذاب
عبدالله : والله
محمد : ههههههه لاتستبعدها منه
****
: وهذا اللي صار
رهف : اه ي ليت عندي مثل اخوك
سحر : واشوف اولا معك فلوس
ريم : هههههه ايه جمعت انا و عبدالله وطلع معنا130 تكفينا الشهر هذا يعني بالقطاره
رهف : ي حرام وش بتسوون
ريم : وش بنسوي بنموت
رهف : ي مصخك
ريم : اقول من حلت واجب العلوم
سحر : انا حليته
ريم : عطينياه بشوف
سحر : خوذيه
ولما اخذته ريم وبتفتح ع الواجب : ايه ماعلمتكم
رهف : هاه وش بعد
ريم : الاسبوع هذا اسبوع الفله والمغامرات صراحه تخيلوا اسيل بتبتعث
سحر : اما عاد
ريم : والله وحنين بتاخذ غرفتها اخيرا بصير لحالي
سحر : ثلاث سنين وبترجع صح
ريم : بس تلقين لما ترجع عمرها عمر زواج وتزوج واصير لحالي مدى العمر ههههههه
رهف : وش اخبار العنود
ريم : رحنا معهم للمخيم فله كان وتخيلوا ريناد وااسيل طاح الدباب عليهم ي حرام ويجون العيال يساعدونهم ههههههه
سحر : من العيال
ريم : صقر و عبدالعزيز
سحر : ي فشله عجزت اتخيل
ريم : وحنا نطالعهم من بعيد قسم متنا ضحك
رهف : المهم ترا ماباقي على حصة العلوم غير عشر دقايق
ريم : اما عاد
وتفتح الكتاب وتقول : ايه ماعلمتكم
رهف : لا حول
ريم : ههههههه امزح معكم

****
في الجامعه
: وش تفكر فيه عبدالعزيز
عبدالعزيز : ي اخي شايل هم ي فيصل
فيصل : افا ليييه
عبدالعزيز : اختي بتبتعث وخايف عليها
فيصل : اختك الكبيره
عبدالعزيز : ايه
فيصل : لاتخاف عليها ان شاء الله امان متى قدمت الاوراق
عبدالعزيز : اليوم ابوي بيروح
فيصل : ممكن بعد اسبوع يطلع قبولها
عبدالعزيز : الله يوفقها
فيصل : يالله خلص وقت البريك قوم بندخل قبل لايطردنا الاخو
عبدالعزيز : قوم ماني بفاضي له ولقرقه
****
الساعه 12:30
في مدرسة ريم
ريم : يالله مع السلامه
سحر : فمان الله نشوفك بكره
رهف : ي اهلا وسهلا سررنا بمعرفتك
ريم : هههههههه يمصلك
" هاه وين سيارة السواق ايه هذي هي " : سلاام
حنين : هلا والله
ريم : اه وين البيت
حنين : لييه
ريم : حنين
حنين : نعم
ريم : مايصلح اصيير عاطله
حنين : السعوديه مهي فاضيه لعاطل ثاني بعد
ريم : ايه ي حرام اقنعتيني ولا كنت باصير عاطله
حنين : شكل ضاربتك الشمس
ريم : مره
____________________
بعد اسبوع تقريبا
في بيت خالد
: قبلوني قبلوني قبلوني
احمد : ماشاء الله مبروك ي بنتي
اسيل : الله يبارك فيك يبه
خالد : مبروك ي بنتي
اسيل : الله يبارك فيك ي عم
ريناد : والله بنفقدك
اسيل : عاد لاتبكيني
ويناد : الا ببكيك والله باطفش اذا بغيت اسولف بسولف مع مين
اسيل : ي بعد قلبي والله امشي نروح لامي وخالتي نبشرهم
ريناد : يالله
****
في مجلس الحريم
:انقبلت
هدى : ماشاء الله مبروك ي بنتي
حصة : تستاهلين كل خير
حنين : مبروك
اسيل : الله يبارك فيكم انابدق على عبدالعزيز ابشره
هدى : رد
اسيل : لا حاطته سبكر اصلا
عبدالعزيز : هلا
اسيل : هلا والله كيف حالك
عبدالعزيز : بخير
اسيل : وينك
عبدالعزيز : مع صقر
اسيل : عندي لك بشاره
عبدالعزيز : وش
اسيل : قبلوني
عبدالعزيز بكل برود : ماشاء الله مبروك
اسيل وهي متضايقه: وش فيك تقولها ببرود
عبدالعزيز : وش تبيني اقول يعني
اسيل : سلامتك فمان الله
وسكرت الخط
ريناد : يالله اخوووك بارد مره
اسيل : بقوه
ريناد : لهدرجة يعني مايبيك تبتعثين
هدى : لامن قال
ريناد : لا خاله لاتزعلين
هدى : هو الله يهديه عنيد
اسيل : بتصل ابشر خالي
****
في لندن
اتصال من
: ماشاء الله مبروك
اسيل : عاد جهز لي الغرفه
راكان : ابد من عيوني الغرفه جاهزه
اسيل : الله يسلمك ي خال
راكان : ويسلمك الا متى بتنور لندن
اسيل : ان شاء الله الشهر الجاي
راكان : اجل علميني متى بتجين عشان استقبلك،
اسيل : ان شاء الله يالله فمان الله
راكان : ي هلا والله فيك
وسكر الخط
راكان : اسيل انقبلت
دانه : والله ماشاء الله مبروك
راكان : ايه وبتجي عندنا ترا
دانه : حياها الله
راكان : بقول للعجيز حقتنا
دانه : ليه طيب ماناخذ شقه وتصير لنا بالنص
راكان : لا اغلى ي بنت اغلى بكثيييير
دانه : يعني
راكان : ايه
____________________
وبعد 28 يوم بالظبط
ببيت احمد
بغرفة اسيل
: هاه وش اخذتي
اسيل : 8 بجامات 4 ملابس طلعه واخذت قهوه و4 جزم بس وبطانيه وو اشياء بعد
حصة : لاتنسين حاجه
ريناد : واذا زاد شي شيلي من البجامات
هدى : واقري ع نفسك وتغطي
اسيل : ان شاء الله طيب تتوقعون هذا قليل
ريناد : وش قليله ترا مامعك الا30 كيلو
اسيل : مشكله والله
عبدالله : اخيرا بنفتك منك
ريم : ايه والله ماعاد فيه وحده تسلك لنا ولا عاد فيه شي ابد
عبدالله : بس هي اطيب اخواني ترا
ريم : ايه والله
وفجاه ينطون على اسيل ويضمونها
عبدالله : والله بنشتاق لك
ريم : ايه والله من اللي بيعطينا فلوس لاحتجنا
عبدالله : ومن بياخذنا لابغينا السوق
ريم : اه والله بنفقدك اسيل
اسيل : اه باقي لي يوم ونص وخلاص
ريناد : اسيل والله ببكي
هدى وهي تصيح وتضم حصة : والله بنشتاق لها
اسيل هنا قامت وضمت امها وبكوا
ثم قامت وشافت ريناد تبكي وارتمت ع احضانها وبكت
بعد فتره مب بالقليله
ريم : خلاص ترا ببكي
حنين : جد وان شاء الله تجينا كل سنه بالعيد
اسيل : ان شاء الله
حصة : ريناد يالله صقر عند الباب
ريناد : ان شاء الله اشوفك قريب ي حبيبتي
اسيل : ان شاء الله
____________________
: للللووووووووش وخلص العقاب وخلص العقاب
عبدالله : ي سعادتي
احمد : ههههههه لهدرجه مستانسين
عبدالله : يبه الله يعافيك ابي20
ريم : وانا بي20
احمد : ليه
كلهم مع بعض : بنطلب من ماك
احمد : لهدرجة مشتاقين يالله خوذو هذي خمسين
اسيل : ي حليلهم والله مافيه زيهم بشتاق للجتهم
عبدالعزيز : لا والله من يشتاق لهذولي
حنين : معليه تسافرين بكره ونشوف
اسيل : ههههههه حرام عليكم
هدى : لا والله مافيه ازين منهم
ريم : ي حبني لك يمه
عبدالله : ايه واالله
____________________

ومن البكره
: يالله اسيل بيروح الموعد
حنين : والله بنشتاق لك
هدى : ي بنتي
عبدالله : اتصلي لما توصلين
ريم : بنفقدك
سيتي ( الشغاله) : انتي في روح اسيل وارجع ابي شوف انت قبل مافي سفر انا
اسيل : ان شاء الله يالله فمان الله
****
موعد السفر
بالسياره متوجهين للمطار
احمد : عاد اسمعي ي اسيل انتبهي مو اي وحده تشوفينها ترتاحين لها تراهم غشاشين واسمعي اللي يشحذون سوي نفسك مانتي فاهمتهم وامشي وانتبهي من صديقاتك لاتصيرين مره معهم ولاتنامين عند احد
والعيال اللي معك لاتختلطين فيهم ولا تروحين معهم
اسيل : ان شاء الله يبه
لما وصلوا المطار
احمد : يالله فمان الله ي بنتي
وتضمه اسيل : فمان الله يبه
وتمشي مع عبدالعزيز " طبعا عبدالعزيز بيروح يوصلها للندن ويرجع للرياض بنفس اليوم "
عبدالعزيز وهو يرفع الجوال لاذنه : هلا صقر هاه عند المطار حياك وسكر
اسيل : مين اللي عند المطار
عبدالعزيز : صقر جايب اخته بتسلم عليك
اسيل : ي حبني لها الله لا يخليني منها
ثواني عبدالعزيز : هذا هم
صقر وهو جاي يركض: السلام عليكم ورحمة الله وبركاته
عبدالعزيز : وعليكم السلام ورحمة الله وبركاته
وريناد واسيل بعدوا عن العيال
ريناد : اه والله باشتاق لك
اسيل : وانا بعد ي قلبي
ريناد : حاولت بصقر لين ماوافق يجبيني
اسيل : الله لايحرمني منك ماتوقعت تجين
ريناد : اذا ماجيت لك اجي لمين
اسيل : يلبى
" نداء ركاب الطائره رقم 27 نداء ركاب الطائره27 "
اسيل : هذي طيارتنا
ريناد : يالله فمان الله
عبدالعزيز : اسيل يالله
اسيل : يالله
وظلت ريناد تلوح لاسيل لين مااختفت عن انظارها
صقر : هاه ارتحتي
ريناد : ايه مشكور
****
عند الموظف : الوزن زايد بزياده
عبدالعزيز : كم
الموظف : 80 لازم تفضيه المسموح بس30
عبدالعزيز : ووش نسوي
الموظف جيب كرتون وحط الاغراض فيها
اسيل : عبدالعزيز لا انا بخلي وحدة من الشنط واحط الاغراض اللي مااحتاجها بدل تضييع الوقت
عبدالعزيز : تسوين خير
وبدت تشيل وتطش بذا الشنطه وتشيل وتطش بذا الشنطه
واعطت الموظف الاغراض ولما شاف الوزن : لا مظبوط
اسيل : الحمد الله
ودخلوا
****
في الطياره
" وبدانا رحلة جديده مليئة بالمغامره مليئه بالخطر مليئه بالتعلم اثق انها ستكون حياة جيده "
واغلقت اسيل دفتر مذكراتها وانسدحت ونامت وغطت في نوم عميق جدا
: اسيل يالله قومي وصلنا
اسيل : هاه الساعه كم وكم نمت
عبدالعزيز : الساعه9:00 الليل تقريبا نمتي السفره كلها
ولما نزلوا من السياره الا راكان ودانه في انتظارهم
راكان : ي اهلا وسهلا تو مانورت لندن
اسيل : منوره بوجودك
عبدالعزيز : يالله انا استاذن
راكان : اقعد شوي
عبدالعزيز : والله ودي ي خال بس مره ثانيه المهم اني وصلت الامانه يالله فمان الله موعد طيارتي بعد ساعتين
راكان : فمان الله
ولما ابتعد عبدالعزيز شوي
: عبدالعزيز عبدالعزيز
عبدالعزيز لف : اسيل هلا
اسيل : بشتاق لك
ابتسم عبدالعزيز : وانا بعد
وحب راسها وقال : انتبهي لنفسك هاه
نزلت راسها : ان شاء الله
عبدالعزيز : يالله فمان الله
اسيل : فمان الله " اه ي اخوي بشتاق لك كثيييير "
: هاه نمشي
اسيل : ايه يالله خال
ولما طلعوا من المطار بدت حياة جديدة لاسيل
____________________
انتهى البارت الثالث اتمنى انه نال ع رضاكم

ارحب بتوقعاتكم
هل اسيل بتكمل بعثتها؟
وش راح تواجه من صعوبات بدايه حياتها؟
هل بتكون قد الثقه اللي عطاها ابوها لها؟

انتظروني في البارت الرابع

" بداية تحقيق الحلم "

ودي لكم اختكم نبض

4. " بداية تحقيق الحلم"



عند الخروج من المطار
:وهذي لندن ي اسيل
اسيل وهي تضم كفوفها لصدرها من البرد: جميلة وبرد مره
راكان وهو يمسك كتف اسيل : ههههههه توك ماشفتي الثلوج بعد تموتين برد ههههههه
اسيل : والله
راكان : اييه
اسيل وتوها تتذكر : الا خال نبي نروح للملحقية
راكان : يالله بسرعه
اسيل : بنروح بتكسي
راكان : لا التكاسي غاليه هنا بنروح بباص
اسيل : ويقولون الباص له سالفه
راكان : لا بس السالفه بالباوند وكذا
اسيل وهي تفكر : اها
****
في بيت خالد
كانت هدى جايه زياره لحصة :
: ايه ي حياتي والله بنشتاق لها
صقر وهو يتصفح جواله : اولا دق علي عبدالعزيز وقال انه وصل لندن وهذا هو راجع
هدى بشوق لولدها وخوفا عليه ودعوات له كانت هذي الكلمات اللي طلعت له: الله يستر عليه
حصة : الا هدى ليييه ماجبتي البنات
هدى : والله راحن للسوق
ريناد وهي تطالع جوالها ومتحمسه ورفعت راسها وقالت : هذي رساله من اسيل تقول فيها : اهلين حبيبتي ريناد هذا انا خلصت اموري في الملحقيه والحمدالله ببدا اداوم من بكره
حصة بابتسامه بانت نواجذها : ماشاء الله
ربناد تكتب بالواتس : اهلين حبيبتي اسيل الحمدالله ع السلامه ومبروك الا هاه صرتي تتكلمين مثل الهنود
اسيل ماكانت موجوده معهم كانت بلندن ولكن ردت بسرعه من خلال الجوال برسالة واتس: خخخخ افا عليك لو خالي مو موجود كان انا بخبر كان
ريناد : هههههه محششه
اسيل : فمان الله وصلنا للبييت
ريناد : فمان الله
****
راكان وهو يفتح بابالييت : وهذا البيت حقنا وهذي العجيز صاحبة البيت :Welcome Anstey Kandy this name will live here Aseel. " اهلا انستي كاندي هذه من ستسكن هنا اسمها اسيل "
العجوز وهي تميل وجهها شوي وبابتسامه : ( اهلا عزيزتي اسيل تشرفنا ) Welcome dear Aseel honored
اسيل بهدوء تام وهي تجلس على الكنبه : hi
راكان بحماس: هههههه شكلك ماتعرفين غير هالكلمه
اسيل تناظر راكان طولت وهي تناظره ثم قالت : ايه يبغالي ست شهور لين اتعلم
راكان : سواق على غفله
اسيل بمجالمه : هههههههههه
دانه وهي واقفه باول عتبات الدرج : تبين اوريك غرفتك حبيبتي اسيل
اسيل : يالله تسوين خير يبغالي انام " وقامت من الكنبه وصعدت مع دانا "
دانه : يالله
ولما صعدوا الدرج
دانه وهي تفتح الباب : وهذي غرفتك. ي اسيل
اسيل ومو هامها موضوع غرفتها بقد ماكان هامها هذا السوال : دانه ماسالتك هالعجوز يسكن معها رجال
دانه وهي تبتسم : لا ابد خوذي راحتك واكشفي مايسكن معها الرجال الا بعص الاحيان يجوون اللي تسميهمfrinds
اسيل : ههههههههه الله يعين
دانه وهي تطفي الانوار وتطلع : يالله نامي وراك قومه بدري
اسيل : تصبحين ع خير
دانه : وانتي من اهله
****
في الصباح
في لندن
الساعه7:30
راكان وهو يطالع ساعته : ترا يبدا الدراسه الساعه8:30
اسيل وهي تاكل: بقى وقت
راكان : لا مابقى وترا اليوم بس بوديك بعدين تتعودين انتي
اسيل : ان شاء الله
راكان وهويقوم من الطاوله: يالله خلصت نمشي اسيل
اسيل : يالله
راكان لما شاف العجوز : hi good morning " صباح الخير "
اسيل : hi good morning ms candi " صباح الخير انسه كاندي "
وردت بابتسامه : hi " اهلا "
ولما طلعوا
راكان وهو يمشي ويقضي االوقت مع اسيل : اثر عندك لغه جيده
اسيل : نوعا ما
راكان : غريبه توقعت انك بتتحجبين بس انتي متغطيه كانك بالسعوديه
اسيل وهي تحس باستفزازية استغراب خالها من غطاها الكامل : اتوقع ان رب السماوات موجود هنا وموجود بالسعوديه
راكان وهو يبي ينهي الموضوع : ماقلنا شي المهم ترا تمشين تقريبا شارعين لين مايجيك موقف سيارات الباص
اسيل : بعدين
راكان وهو يمد لاسيل تذكره: خوذي هذا الباوند حق الباص
اسيل : يعطيك العافيه
ولما ركبوا الباص
" ليه الكل يناظرني لهالدرجة الحجاب والغطا شي غريب عندهم " : ليه الكل يناظرنا
راكان : شفتي ليه قلت لك تحجبي بس لانهم يستغربون اللي يحطون غطاء
اسيل بعناد : لا وبظل البس غطاي لين مااموت
راكان وهو يحس بقوة اصرار اسيل : اصفق لك بكل حراره
اسيل : كم باقي ونوصل
راكانوهو يقوم من المقعد : هذي هي محطتنا
اسيل : ووصلنا
توجهوا للمعهد
دخلوه ووصلوا لغرفة الصف
راكان وهو يبتسم : وهذا الكلاس حقك ي اسيل يالله بالتوفيق
اسيل : الله ييسر يعطيك العافيه خال
راكان : يالله استاذن
" وراح راكان وخلاني لحالي يالله ادخلي "
انفتح الباب فجاه ولقت الرجال هو اللي فتحه لما شاف اسيل واقفه
: اهلا انستي Welcome
اسيل وهي تطالع الصف من لاالى باستغراب وبخوف : اهلا Welcome
: اعرفك بنفسي انا الاستاذ ايان Know you myself I am a professor Ian
اسيل : اهلا تشرفنا وانا اعرفك بنفسي اسيل احمد Hi nice to meet you and I know myself Aseel Ahmed
الاستاذ : تشرفنا هيا ايها الطلبه عرفوا ع انفسكم Nice to meet you Come, O students knew p yourselves the
: طلال احمد تشرفنا Talal Ahmed honored
اسيل : اهلا وسهلاWelcome
قام طلال من كرسيه وتوجه لاسيل الواقفه عند الباب
مد يده طلال
انحرجت اسيل بالذات انها حاطه بقرارت نفسها انها ماتصافح اي رجل او تصور مع اي رجل
اسيل : اعتذر اخوي طلال عن المصافحه
ناظرها طلال نظرات شبه بالغريبه ماعرفت يقصد فيها ايش وسحب يده بهدوء ورجع لكرسيه
استغرب اصدقاء طلال هذي الحركه بالذات انه مو من عادته يصافح بنات
تكلم سعود بسرعه منقذ للوضع
: سعود عبدالله Saud Abdullah
اسيل : اهلاWelcome
: ياسر محمد Yasser Mohammed
اسيل : اهلاWelcome
: راشد عبدالعزيز Rashid Abdul Aziz
اسيل : تشرفناNice to meet
: ريتاج خالدRetage Khalid
: رند فيصلRand Faisal
: لندا عبدالله Abdullah Linda
اسيل صافحت البنات : تشرفناNice to meet
الاستاذ : من فضلك اسيل اجلسيPlease Aseel Si
جلست اسيل وهي تفكر بالوقاحه بالنسبه لها انه يصافحها : ok
الاستاذ : شكراThank you
****
في الرياض
في احدى جامعاتها
: وش فيك ريناد مانتي ع بعضك اليوم
ريناد وهي متردده تقول او لا وبالاخير اختارت : لا ولا شي في احس متضايقه شوي
في : ليه
ريناد وهي تحس بضيقه : بنت عمي اسيل سافرت للندن بعثه واحس اني مره مشتاقه لها
في : الكل يبتعث عادي وهي ثلاث سنوات وبتبتعث وكلميها متى ماتبين
ريناد وهي تحاول تلطيف الجو: هههههه عاد اليوم اول يوم لها تقول لي انها خايفه مره
في : ايه عادي هذي البدايات
****
العصر
في بيت احمد بالرياض
: وش تتوقعون اخبار اسيل
احمد وهو يطالع صحفه : مافيها غير العافية
هدى : والله مشتاقه لها ي احمد
سكر احمد الصحيفه اللي يقراها وقال : يالغاليه هي تبي تسافر وتبتعث وخليناها تبتعث ع حسب رغبتها نشوف وش اخرتها
عبدالعزيز وهو يشوف المكالمه من مين: هذي هي تتصل علي
حنين وهي تمسك يد عبدالعزيز : عطنياها تكفى
ريم و عبدالله : عطنا حنا نبي نكلمها
عبدالعزيز : بحطه سبكر : الو هلا والله اسيل
اسيل : هللا بعزوز كيف الحال
عبدالعزيز : بخير وانتي وش صار لك خلال هذا اليوم
اسيل : مر عادي بسلام وتعرفت على اللي معي بالمعهد تصدقون مامعي الا8 بس
عبدالله وهو يرد على اسيل بدل عبدالعزيز وبحماس : هاه وحنا يحشرونا لين مانصير50 اه
اسيل : هلا والله بعبودي كيف حالك
عبدالله وهو يخس ان اخته سحبت عليه : بخير
عبدالعزيز وهويرجع الجوال له : ايه ليه متصله
اسيل : ماتبيني اتصل عليك
عبدالعزيز : لا بس استغربت
اسيل : ايه اتصلت خفت ابوي وامي نايمين او مشغولين قلت اتصل عليك تعطيني اياهم
عبدالعزيز : داري السالفه فيها مصلحه
اسيل : لا ابد ي اخوي
عبدالعزيز : خوذيهم يمه يبه تبيكم اسيل
احمد وهو ياخذ الجوال من عبدالعزيز : ي هلا والله ببنتي وش اخبارك
اسيل : بخير يبه
احمد : هاه اللي سكنتي عندهم كيفهم
اسيل : اللي سكنت عندها عجوز طيبه وماعندها رجال يعني اخذ راحتي
احمد : وخالك راكان مانتي ساكنه عنده
اسيل : الا خالي راكان ساكن مع هالعجوز
احمد وهو يودع بنته بكلماته الاخيره: ايييه طيب ي بنتي خوذي امك
اسيل : هلا والله يمه
هدى باسئله سريعه لبنتها من شدة خوفها علبها بدون ماتعطيها اذن للاجابه: وش لونك ي بنتي وش اخبارك تحسين بشي برد عندهم
اسيل : الحمدالله بخير لا الحمدالله مافيني غير العافيه
هدى : الحمدالله طيب خوذي حنين ي بنتي وانتبهي ع نفسك
اسيل : ادعي لي يمه ترا اليوم بالمعهد شبه تنحت
هدى : الله يوفقك ي الله هذي حنين
حنين بدون مقدمات : هاه كيف الشقر هناك
اسيل : هههههههه والله ي اختي لاتعليق
حنين : تعرفتي ع احد
اسيل : ايه تعرفت ع البنات اللي معي بالمعهد ساكنات بشقه وحده ومع بعض وشكلهم طيوبات اليوم بروح معهن الكوفي
حنين : وش اسمائهم
اسيل : البنات رند ولندا وريتاج
حنين : حلو وفيه عيال معك بالمعهد
اسيل : ايه معي
حنين : وش اسمائهم
اسيل : سعود وطلال وياسر وراشد
حنين : كل اللي معك اسمائهم حلوه
اسيل : ايه
حنين : لحظة لابسة الجكيت فوق العبايه ولا تحت
اسيل : تحت اتخيل شكله من فوق ي
حنين : شكلنا طولنا عليك
اسيل : مره ههههههههه
حنين : العيال يبونك ريم و عبدالله
عبدالله وهو ياخذ الجوال من حنين : هلا الله وش اخبارك بخير وكيف الشقر هناك
اسيل : الحمدالله بخير والله الشقر يجنن تبيني ازوجك وحده منهم هههههههه
عبدالله وهو يطالع امه خوفا تجيه هجمه مرتده : لا انا باخذ وحده من بنات عماني بس انا اسالك عشان حنا في محاولة اقناع ابوي انه يتزوج الثانيه
اسيل : خههخخخخخ ي حليلك لا لا يفكرابوي بس اخاف يشوفها بكره تطلع مع واحد ولا عليها
عبدالله : لا نزوجه مسلمه
اسيل وهي ماسكه ضحكتها : لا تفكر
عبدالله : مافيه امل اجل خوذي ريم
ريم : مااطول عليك جيبي لي معك شقلاطات
اسيل : ان شاء الله بس انطقيها زين
ماتسمع الا عبدالله يقول : اووووه هذا وحنا لنا يوم هناك بدت تتفلسف علينا
اسيل : هههههه لاوالله بس نطقها يقرف بس ان شاء الله اجيب يالله تبون شي
رين : لا
اسيل : فمان الله جميعا
كلهم : فمان الله
****
ومع طول هالمكالمه وصلت اسيل للكافي وجلست حوالي ربع ساعه ثم جو البنات
اسيل : هلا والله
لند: اهلين تونا جايين
اسيل وهي تطالع الساعه : ليه تاخرتوا
ريتاج : غيرنا ملابسنا وجينا
اسيل : اها
لندا بتطفل : اسيل انا مستغربه حاجه
اسيل خايفه ايش تبي تقول لندل: وش
لندا : ليه طلال مد يده يبي يصافحك
استغربت اسيل : مادري ليه مو من عوايده
رند : ولا يقرب من حرمه
اسيل بعصبيه : الله ووش معنى انا
رند وهي تمسك نظارتها وترجعها لورى : مادري والله بس فيه سبب
ريتاج : لازم نغير الكافي حقنا
رند : ليه
ريتاج : لان هذا الكوفي قريب من المعهد كثير واغلبية شباب المعهد يجون واول دليل هذولا هم اللي معنا بالمعهد
طلال وهو تو يوصل لطاولة البنات : اهلا وسهلا وش هالفرصه السعيده اللي شفناكم فيها
لندا وهي تحاول تنهي المحادقه بسرعه : واحنا اسعد
سعود وهو يكلم طلال : تبي نجلس هنا طلال
طلال : من جدك لا بس حبيت اسلم ع اسيل
اسيل من ورى النقاب وعلامات الاستفهام بوجهها " غريبه ليه انا بالذات والبنات يقول انه مايعطيهم وجه " اسيل بتسليك: اهلا
طلال : ههههههه صدفه غريبه ان اسمائنا مثل بعض صح
اسيل تبي تحاول تفهم او تجمع شي من كلامه: اسم الاب فقط
طلال : واسم الجد والعايله
اسيل وهي للحين مو فاهمه " وش قصده " : هه عادي كثير يصير لي معهم كذا
طلال وهو يطالع اسيل بنظرات مازالت غريبه : اها يالله شباب نمشي شكلنا احرجنا البنات
راحوا الشباب لطاوله ثانيه كانت قدام البنات بالظبط وكان طلال طول الوقت يطالع اسيل
اسيل : ي اخي وش يبي فيني انا بالذات
رند : شي غريب عاد هو مايعطي حتى بنات الغرب مايعطيهم وجه يسولف معهم من بعيد
اسيل وملامح الخوف بانت على وجهها ولكن النقاب غطى هالملامح : خوفتوني
لندا وهي تحاول تهدي اسيل: لا ان شاء الله مافيه شي
اسيل بعد مالاحظت نظرات طلال لها: طيب نمشي بنات قفلت اخلاقي
رند : يالله
****
في نفس المكان
ولكن افراد الطاوله غير
: وش تبي بالبنت اسيل
طلال : هاه لا مابي منها شي
ياسر : بس تعاملك معها غريب ومصافحتك لها غريبه
طلال بعدم مبالاه: اصلا رفضت تصافحني
سعود وهو يعدل جلسته: قل وش اللي بينك وبينها
طلال : ههههههه حلوه وش اللي بينك وبينها مابيني وبينها شي " هه ليه تكذب ي طلال اللي بينا كثير كثير "
سعود بمحاوله جديده لكشف السالفه : اكيد
طلال بثقه: طبعا
راشد بخفه دم : هههههههه عاد طلال ماندري وش وراه
طلال " انقذتني ياراشد اشكرك " : وش بيكون وراي مثلا جدار يعني وش
راشد : لاتستعبط ترا مايضبط معك
طلال : ادري ههههههه
****
في شوارع لندن
رند : اسيل ليه ماتسكنين معنا
اسيل : والله انا ساكنه مع خالي
لندا : اللي جاء اليوم معك خالك
اسيل باستفراب كيف شافته : ايه لييه
لندا : سوال بس
ريتاج : هذا بيتك
اسيل : ايه
رند : يالله نستاذن
اسيل : مشكورات بنات يعطيكم العافيه
رند : ي اهلا وسهلا
ودخلت اسيل البيت
اسيل وهي تشوف راكان ودانه جالسين بالصاله: السلام عليكم
راكان وملامح الخوف على البنت اللي بيهتم فيها لثلاث سنوات وهي امانه على عنقه: وعليكم السلام وش فيك تاخرتي
اسيل وهي بتصعد فوق : رحت للكوفي مع البنات
راكان : ماشاء الله تعرفتي ع بنات
اسيل : ايه يالله عن اذنكم بروح انام
راكان : اذنك معك
****
بالرياض
ببيت احمد
: اقول ريم نبي نسوي مغامره ثانيه
ريم وهي تفكر : ايه والله مثل ايش
عبدالله : امممممم اسمعي لما تروح امي للسوق نروح معها ونبعد نروح لحالنا يعني وناخذ عربة السوق ونفحط
ريم بوناسه : الله فكره والله بس انا اللي بركب
عبدالله بثقه : طبعا لاني انا اللي جايبها
ريم وهي تقوم: امش ننزل تحت
ولما نزلوا سمعوا عبدالعزيز يتكلم بس كلام غريب
عبدالله بصوت هادي : ريم اصصص
ريم بصوت هادي: امش ندخل
عبدالله : لا بيقفل السماعه زي دايم
ريم : وش نسوي
عبدالله وهو ياشر على الكنبه : نقعد هنا ورا الكنب ونسمع وش يقول
ريم : ونسجل الكلام لو مافهمناه نعطيه غيرنا
عبدالله : معك جوالك
ريم وهي تفتح الرقم السري للجوال: ايه
عبدالله وهو يمشي بهدوء : يالله
ولما تخبوا ورى الكنت وطبعا عبدالعزيز ماشافهم
عبدالعزيز : ابي حبه حبه وحده و الله اني محتاجها قسم بالله تعبان
ريم بصوت هادي وبخوف : هذا دايم كلام اصحاب المخدرات والهروين
عبدالله بصدمه : لا يكون اخوك مدمن
ريم وهي تحط يدها على قلبها : ي ويلي
عبدالعزيز : باخذ حبه لا حول وش تظرني ايه صح اكلت5 حبات بس للحين الصداع فيه
عبدالله وهو يتسمع : اخوك مدمن بقوه
عبدالعزيز : طيب مع السلامه ". واخذ الجوال ورماه جنبه بالكنبه "
وجلس عبدالعزيز ع الكنبه اللي قاعدين وراها عبدالله وريم وحط ع فلم
ريم بصوت هادي : شكله مطول
عبدالله : يتابع فلم ي ليل الطويله
ريم : طيب نسمع مين هذا
عبدالله : ابوي
ريم : لا اول لازم نتاكد ،
فجاه عبدالعزيز يقول : اه شكله من الصداع ماثر فيني اسمع اصوات بسم الله لا يكون جن
عبدالله يياشر لريم اصصص
ومرت نص ساعه الا عبدالعزيز يقوم ويطلع متوجه لغرفته
ريم : هاه امان
عبدالله وهو يطلع راسه من ورا الكنبه : ايه قومي بسرعه
رجع عبدالعزيز ياخذ جواله اللي نساه وشاف الثنائي بيطلعون من ورى الكنبه : هيه انت وياها من متى وانتوا هنا
ريم بوضع القمطة
عبدالله وهو يحاول يهدد : اسمع. ي اخوي خلنا مع بعض حلوين
عبدالعزيز وهو ياشر لعبدالله يعني بسرعه : هاه وش عندك راسي مصدع
عبدالله وهو يدخل على مذكرات الصوت : انا بسمعك مقطع
ربم بسرعه : لامايحتاج عبدالله
عبدالعزيز : الا ورني عبيد
وشغل المقطع
محتاجه. الله شكله هروين اخوك مدمن لا وماكل خمس حبات " كان صوت عبدالعزيز مختلط باصوات التوام "
لما خلص التسجيل
عبدالعزيز : ههههههههههههههههههههههه ي تفكيركم المنحرف ههههههههه اه يبطني مع صداع الراس خلاص هههههههههههه
استغرب عبدالله ضحك عبدالعزيز : وش فيك تضحك
عبدالعزيز وهو يطالعهم : اجلسوا اعلمكم السالفه اولا كنت اكلم امي اقول لها محتاج بندول وهي شايلته عني لاني اكلت كثير وهذا ياثر فرفضت انها تعطيني والسالفه لا هي سالفه مخدرات ولا شي السالفه بندول
عبدالله : كذاب بسال امي واسمعها المحادثه اذا كنت صادق
عبدالعزيز ماله خلق لهواش لانه تعبان وبعدم اهتمام: سمعهاا
****
في لندن
على سرير اسيل بالظبط
" ماذا يريد مني طلال بالضبط ومالمقصد من مصافحته لهذا اليوم ولماذا ذهب ليرى اسمي كاملا اه ي خوفي اتمنى ان لا تتطور الامور " سكرت اسيل مذكراتها وهي تفكر بطلال وش مقصده ووش يبي ووش قصده بكلامه في الكافي شي غريب وبوسط هالافكار نامت اسيل
****
: لا لازم نتاكد من القضيه اكيد هو يراوغ
ريم وهي تمد كفها ل عبدالله : صح قوم نوديه لامي
ولما دخلت امهم البيت
نط عبدالله بوجهها : اسمعي يمه
هدى بخلعه : هاه
عبدالله بتحقيق : انتي كلمتي عبدالعزيز اليوم
هدى مازالت خايفه : ايه ليه
عبدالله بحماس : وقال لك انه ماكل خمس حبات
هدى بخوف بعد: ايه ليه خوفتوني
عبدالعزيز وهو متوجه لامه : لاابد يوم يسمعونني اكلمك يحسبوني مدمن مخدرات
هدى وزال الخوف عنها : هههههههههههههههه الله يقطع بليسكم وش ذا التفكير
عبدالله وهو يحس انه غبي ويبي ينقذ نفسه من الموقف : وش نسوي خايفين ع مستقبل اخوي اخوي مهوب صاحي
ريم مويده لاخوها : صدقت
عبدالعزيز وهو ساحب على التوام : اقول يمه عطيني الحبه تكفين
هدى وهي تعطيه الحبه : خذ بس تراني علمتك
عبدالله : وانتهت القضيه بالاصراح عن عبدالعزيز
ريم بمحاولة فهم: وش الاصراح
عبدالله : يعني اننا فكيناه
ريم : اها
____________________
وانتهى هذا الجزء بقصص لم تكتمل قضيتها

مامعرفة طلال لاسيل وماذا يريد منها؟
هل سيفعل عبدالله وريم ماسبق وخططوا اليه!


انتظروني في البارت الخامس وعنوانه " الرسائل الغامضة "
اختكم نبض