سلام عليكم

صراحه حبيت صديقة دانه
اشرحتها كيف يكون الرجال مع النساء
بالواقع مو اللي بخيال دانه
هي خبله تبي حب xحب
ماكو يا عيوني
كل فعل له رده افعال
زين سواياك يعجبك مردودها
هذي للتبن ماهر
هو واخته تبينه جموح


منتظرينك بفارغ السبر

السلام عليكم ورحمه الله وبركاته
صبااح الخير....صباحك نفحات من ذكر الرحمن
ثرثراتك ياام اليزيد رائعه بل فائةت الروعه والجمال ...ثرثره يمكن تدور في نفس كل
واحده فينا ..او انها نعيشهااا مع اقرباء او احبه...كتبتي فابدعتي يالغلااااااااا

جموح وقايد
جموح انتي بطريقتك هذي تحسبين انك تنتقمين لروحك ولسنين الي ضاعت من عمرك وانتي مثل بيت الوقف ...غلطااانه انتي اللحين راح تجرين على عمرك مشكلات ومتاعب انتي بغنى عنهااا....فرضنا انك بعتي هالعماره الي مسببه لك ازمه مافكرتي بنتيجة هالخطوه الي سويتها واتركي عنك رده فعل قايد الي اكيييد انها غير متوقعه ....
بس مافكرتي بابوك واخوانك وانك تحطينهم بموقف جدا بايخ مع قايد وش بيقولون بنتنا ماصانت حلال رجلها الي امنها عليه وباعته ...والي اكيد ما واحد فيهم بيقدر يرفع عيونه في عين قايد وبيحسون بالفشيله منه على سوايااك...والا ابوك الي يمكن انه يتعب من هالفاجعه الي بتنزل عليه....وهو الي ماعمره ردك والا غصبك على شيء...
اجل العلم والدراسه الي حاربتي الكل عشانها ..ورحتي وتغربتي لاجل تجيبين اعلى الشهاداتك بالله بايش انفعتك اذا ما اقدرت انها تعقلك وتخليك تفكرين برويه وتعقل....الصراحه بحركتك ذي طحتي من عيني ...
في مليوووون طريقه تنتقمين لنفسك وانتي تحت سقف بيتك......بس مو بهالطريقه البشعه ....والحمد لله ان ربي كشف نواياك لقايد قبل لاا تورطينه وتبيعين عمارته...
وانتي شكلك مستهينه كثيررر برده فعل قايد تحسبينه بيجيك يصارخ والا يسب فيك وتنتهي السالفه لااااااا قايد عشان كسرتي كلمته ....خلاك مثل بيت الوقف ...اجل اذا شاف حلم عمره وتعب وشقاه يضيع من بين ايديه وهو لااحول له ولاا قوه ...كل ذنبه انه وثق بشريكة حياته وهي مو كفو...
وقايد اتوقع انك مجهز لها عقاااااب يادبها على تصرفاتها الطايشه ...وما راح تمررها لها بالساهل اكيد انك راح تتفق مع بو طلال انه هو الي يشتري العماره منها ثمن يرجعها عليك...وتخليها لهاااا مفاجاءه وتقدم بالعرس عشان تفاجاها بليله العرس او تخليها لها بالصباحيه.......

حاتم والثريا وفهيدان
يا قلبي على حاتم والله عورني قلبي عليه من مزحة قايد...حسبي الله على العدووووو نشف دم الرجال ماتسوى عليه هالخطبه طلعت من عيونه...كله كوووم ويوم انه يتركهم وكله خيبة رجااااا يااااالله موقف صعب لحاتم ...عقب ما كان الحلم الي حلم فيه قاب قوسين او ادنى من انه يحل عليه ...ويريح قلبه التعبان جاء الرفض الي هدم قصر الاحلام الي بناه والطامه انه زف له خبر انها ارجعت لطليقها الي خانها وارخص ابهاااا....عاد لو انا من حاتم واعناد لقايد اعجل بالملكه والعرس ...عشان يبر د قلبه ويستكين...

فهيداااان ياسبحان الله رجعت خايب وندماااان على طيشك ومراهقتك المتاخره..جاي تدور الذهب الي ضيعته لحظة غيبوبتك بالي كنت طاير ابهاا...ورجوعك لثريا موع شانها هي لاااااا رجوعك عشان نفسك لانك شخص اناني همه نفسه ورغباته ..يعني يوم انك انغريت برزان طرت لها ورميت عشرة

الثريا ورى ظهرك ولاا التفت لهاااا ولاا اهتميت ان بيتك راح ينهدم و ولدك بيعيش مشتت بينك وبين امه همك السكره الي جاتك وتبي تعيشهااا....بس يوم راحت السكره وجات الفكره وعرفت ان زواجك من رزان ماحقق لك الي تبه ولاا حسيت بالتغير وحنيت لايام الثريا وعرفت ان الثريا عزمت انها تبني حياتها من جديد حياه مالك الي دور فيهاااا هنا ثارت انانيتك ورحت تركض تبي ترحعها ...عشان نفسك ولو انك صادق انك ندمان وتبيها ..كان قبل لاتجيها طلقت رزان وجبت لها الديل على ندمك انت قلت احاول في ام خالد ان رضت طلقت رازان...وان رفضت عل الاقل تكون عندي البديل....
الثريااا خلك قويه وفكري بنفسك مثل ما فهيدان فكر بروحه ولاا تتراجعين عن قرارك..وخالد مصيره يكبر ويفهم موقفك وانك ماتخليتي عنه برضاك...والعله فهيد يوم انه يأس انك ترجعين له استخدم كرت خالد عشان تنجبرين ترجعين له..وهذا اسلوب رخيص ومبتذل لييييه وينه عن خالد طول هالفتره ما سال عنه وخلي ولده على قلبه يشبع منه ويوم يشوفك اعرستي وتهنيتي بحياتك بيموت م الحره والقهر وبيفرغه حرته بخالد الي بيقارن بين حياته عندك وحياته عند ابوه وبيرجع لك من جديد واكيد ان حاتم ماراحيقصر معهلبعامله مثل ولده واحسن....

ماهر والدانه
سبحان الله يمكن هالطريقه الي بتتبعينها هي الي بتخلي ماهر يحس على عمره ويتخلى عن طبعه الشين ...فيه نوعيه من الرجاجيل كذااا طول ما المره تراكض وراهم وتلبي كل طلباتهم قبل لايطلبونها ...وتخليهم يادهينه لاتنكتين يسلمون انها ماراح تتغير عليهم يعني يروح ويجي ويسوي الي يبي وهومتطمن انه اذا رجع بيلقى زوجتهخ تستقبله بابتسامتهااااا....
وفي رجاجيل اذا شاف المره صدت عنه وقامت تتغلى وتلهى باشياء ثانيه عنه يخاف انها تستغنى عنه بيوم يقوم هو الي يركض ورى رضاها ويلبي طلباتعا وتصير هي الكل بالكل بحياته...
وماهر تعلم انه تحاوطينه باهتمامك وتلاحقينه باتصالاتك والاطمئنان علييييه...واللحين يوم انك سفهتيه وهمشتيه من حياتك هالفكره بحد ذاته تموته تخلي يطبخ على نار هاديه ...وهو اللحين فاقد اهتمامك وسؤالك عنه وتلبية طلباته هالشيء محيره وبيخلي باله مشغول عليك...وبيحاول يدور عن السبب في تغيرك...

نجد
فيه احلام تكون مثل الرسائل او الرؤى تدل صاحبه على شيء يسويه بحياته ...وحلم نجد بمحمد انه بيخطبها ولازم توافق عليه ...هنا اشاره لها انها تواصل حياتها من جديد ولاا تعيش على ذكريات الماضي ...
لانها بحاجة الى رجل يوقف جنبها ويعينها على شيل مسؤليه اعيالهااااا..ويلبي لها احتياجاتهاااا...واتوقع ظهور ابو طلال للاحداث ومشاكله مع طليقته بيكون له له دور كبير في حياة نجد ويمكن يكون هو عوض محمد...
بس المشكله من شويخ وخواتها الي اكييييد انهم بيوقفون عظم ببلعومها وبيجننونهاااااا...واكيييد ام محمد بتوقفهم عند حدهم بالرغم من انها بتتاثر من زواج نجد بعد ولدهااااا....

وصايف واميره
انا مع وصايف بكل تصرفاتها ومواقفهاا..امراه حبت وضحت لشخص اعتبرته كل حياتها شخص قمت له كل شيء تقدر عليه ...حطته فوق راسها خلته يادهينه لاتنكتين ...وفي اخر المطاف جازاهاااا بشريكه تحرهاااا وتموتها قهر ...
وهوالي حلف لها واقسم طول عشرته معهااا انه ما يحوس خاطرها وينكدهااااا بضره تشاركها فيه جرحهاااا من حبيبها وشريك عمرهااا جرح لايمكن يندمل بيظل ينزف ...
وانها تشوف خيبه ظنها برجلها وغدره فيها بوسط بيتها شيء صعب جدااااا ولاا المشكله انه نتيجه هالخيااانه ماخذه اشباه ولدها سندها بهالدنياااا الي صار مثل ابوه وضيع هقاويها فيه...
بس عندي احساس ان وصايف بتكون نعم الام لاميره

رهان وخويه..
مافيه دوله مثاليه ..كل دوله لها ايجابياتها ولهااا سلبياتها ...وكل دوله تعاني من مشكلات البطاله وعدم نتوافر فرص العمل ...بس حنا مانلقي كل اللوم على الدوله مع انهاتتحمل جزء منه...يكفينا انااا نعيش الامان والراحه والاستقرار الي تفتقره اغلب الدول..ويكفي التعليم المجاني لجميع المراحل يعني الدول فوق انها تربيك وتعلمك وتوصلك للاعلى المراتب التعليمه وتسفرك على تفقتها بالخارج عشان تكمل تعليمك وتجيب الشهاده الي تحلم فيهاااا...وبعد ما ترجع تنصدم بواقع انه لايوجد وظائف شاغره..هذا شيء صحيح مؤلم ومحبط ...بس بعد ما لازم نحبط شبابنا ..
والوم يقع على التجار ورجال الاعمال الي داائما يحطون شروط تعجيزيه لراغبي العمل ..واهم الشروط الخبره بالله واحد توه متخرج وكله رغبه ونشاط وطموح لبناء مستقبله منين يجيب لك خبره اذا انت وغيرك ما وظفه وخلاه يمارس تخصص ويكسب الخبره المطلوبه....ببعكس الاجانب الي توفرون لهم كل السبل الممكنه ولاا بعد وتلبون لهم احتياجاتهم هم واسرهم وبمبالغه عااليه ..وكل هذاااا عسل على قلوبكم لكن المواطن لاا ترهقونه بالطلباته والمسؤليات بمقابل راتب زهيييد ولاا تحت التجربه...
كل هذ الاسباب تحبط الشباب وتقتل روح الطموح والنشاط والعطاء عنده... بالمقابل في الغرب يقدسون هالشيء وبالعكس يغررون بشبابنا ويخلونهم يتجهون لهم عشان يستفيدون منهم ومن مواهبهم...مو الوطن اولى ابهم من الغرب...
لاا نقول الوطن مقصر على راي خوي رهااااان الوطن عمره ماقصر على ابناؤه وفر لهم كل شيء ....وما لايزال يقدم الي يقدر علييييه...المقصر هم اصحاب العمل ورجال الاعمال الي الزم عليهم الملك بتوظيف المواطنين وهم جالسين يتحايلون على القانون ...لولاا ضعاف النفوس كان حنا بالف خير..

ام اليزيد جعل من جابوك في الجنه بانتظارك ياعسل

بسم الله الرحمن الرحيم
.
.
.
ثرثرة 14..[جزء أول..]
.
.
.


مدخل..



الطيش طير وباقي اوجاعي ./..الريش !!

والريش يهوي ..كل مارفرف الطير !!


والآآآه تطلع.. لاتنفست بـ( شويش )
وشلون لو انثر همومي على الغير..!!





اشتاقلك وادري تبي تقول: ( بعْد ايش )..!!
احتاجلك..واتعب من فراقك ../ اكثيير..!!





ياللي تطيش بعَقْل .... وتعقّل الطيش..!!
لا ترحل بأرضي .. وتـتركني آطير..!!




شفني.. اموت ان مر طاريك .. وآعيش
وآعيش .. ثم آموت .. والقاني بْخير ..!!





من علّمك .. تجمع محبه و .... تطنيش .
ومن عـلّم ( الآغصان ) ..تجفى ( عصافير ) ..!!





الليل ماينـكر ... وجـود ( الخفافيش )..!!
والصبح يبقى صبح.. لو مات به ) طير ( ..!!




والعيش .. يومي ارتجي .. (لقمة العيش)
خبزة وصال .. وكُوب شوق .. وتعابير ..!!




عطني ( امل واحد ) .. يخليني .. آعيش
ولاتـخـنـقه يـدّك .. بِحبل المـعاذير ..!!




شفني .. بعد فرقاك .. آطيـح بشويش
واخاف تصدف طيحتي .. ( جية الغير )..!!




ماطحت وآنا عزمي.. اصـغر مـن الأيش !!
والحين طحت وللأسف .. عَـزمي ِ اكبير !!





ومن كثر مآنا ضعت ... / واعماني الطيش
إذا سألوني : ( كيفك ).. آجاوب ) بخير ( ..!!


.
.
.
بدايه...

صباح الخير...




عساكم بـخير يا الغوالي..؟



ماشاء الله البارح دخلت وقرأت الردود أشوف توقعات ونجوم بجمله بـ ردودكم الله يحفظكم...




بعضها بنكشفها قريب وبيوزع اليزيد نجومه عليهم ...,





نجمات اليزيد اليوم لـزيزفون و مشاعل السعوديه و 00:00:01توقعو توقع يخص ردة فعل قايد وحصل...





بوح قلم...


من أشوف مقدمة ردودك الا ينطون قبائل الكسل فيني ويأيدونك بقوه..ويقولون شفتي شفتي بارت واحد يكفي

البنات يبون كذا =)







بنات العضوه جنان فتحت لها رابطه تدافع فيها عن قايد =)

ذكرتني بفتح الروابط...

أفكر أفتح لي رابطه خاصه...

بـ أختار واحد من عيالي بس تو ولدي الغالي مابعد بدا دوره بشكل فعلي... =)


.
.
.

أعجبني جداً جداً نقاشكم عن رهان وفارس..

دايم نقاشكم الجميل يـحلي أي حوار ينطرح ويتحول لنقاش هادف...

.
.
.

نرحب بـشكل خاص بتواجد الزعيمه...

حي الله با الي أنورتنا...

غرام كله يرحب ماهو بس أهل الثرثره يازعيمتنا...=)

.
.
.


لآتليهكم الروايه عن الصلاة في وقتها..,


.
.
.

بـعد ساعه ونصف...


كان هو يطرق باب الدانه...طرقات متتابعه...


لتفتح له الباب ...


قائد بـ وجه متوتر \دانه...صباح الخير...


وجها المحتقن بدم وعينيها المحمرتين توترت با أبتسامه...\ صباح النور...


قبلة رأسه...


ليهمس \ليش مارحتي لدوامك...تشكين شي..؟


دانه \لآ...بس صداع خفيف...تبي شي أنت ..؟


قائد يهمس \ أيه أبي..دقيت على جوالك كان مقفل..ودقيت على ماهر أبيك قال لي أنك ماداومتي؟







عقدت حاجبيها بستغراب...



ف ..قائد أتى من مكان عمله...



في هذا الوقت...ومستغربه مابه...


وجه وشكله لآ يوحي بـخير...؟






همست بقلق \فيه شي...صاير شي...؟


أبتسم بمراوغه \لآ...بس بغيت رقم الجموح ..؟



أرتفعت حاجبيها أكثر \ رقم الجموح...!


تدارك حديثه ليردف بـنبرة متلاعبه \ بـكلمها في موضوع يخصنا ضروري...لآترديني يا الدانه ترى ماعمري طلبتك...

وأظن لآ كلمتها مايخالف دين ولآشي هي بحكم زوجتي..




أرتبكت ...




لـيصر أكثر \ مكالمه وحده...أسألها بس عن شي يخصنا..لو ماهو بخاص كان خليتك تبلغينها..



تراجعت بـتوتر وهي تبعد خصلها للخلف\ قايد ياقلبي والله بتزعل علي الجموح تراها ماتحب الحركات هذي هي جديه

كثير ...


قائد بملامح جديه ليقنعها \وش حركاته..مافيه حرمه با الكون ماتبي زوجها يتصل عليها ويـسمعها كلام حلو ..صح كلامي والا لا..؟



أشتعل وجها أحمراراً أكثر...لتخفض عينيها بتوتر...\أأأ..


قائد \لكن أنا أبي أقولها شغله ..مواعدها فيها بيوم الملكه...لآ...تخليني أرجع وأنا جيت لعند باب جناحك طالبك شغله

والشغله بسيطه...


أشارت بيدها بـ أرتباك \والله ماهر لو يدري أني عطيتك الرقم يزعل ويهاوشني..



قائد بجديه \ ومن الي بيعلمه...يا الله دانه لآترديني ..!


تراجعت بعد أصراره \طيب طيب ..أنتظرني شوي أجيب جوالي...بس بربك ماتعلمها بـ أني عطيتك الرقم...






تراجعت لتأتي بـهاتفها وتعطيه الرقم...

ليطبع قبله على جبينها تجعلها تتراجع بخجل..




.
.
.

الا على طاري الضمآ والسنابل..

وش فيني أن هب الهوا بك تمايلت...؟

.
.
.



نجد تقطع غرفتها ذهاباً...و...أياباً....


لتكلم نفسها بصوت عالي..\الا شكلي بموت...أكيد بموت...يبي يتزوجني...وش تفسيرها غير أني أموت...ياربي

لآتيتم عيالي مرتين...عشانهم يارب...


يارب هي رساله منك يعني..؟



عشان أشد الهمه بعمل لن أيامي قربت..؟


من بيربي صغاري...؟


مايعرف للصغار الا أمهم...



و...أمي...وأم محمد حريم كبار ماهم ناقصين حمول..؟


من يارب بترك صغاري عنده..أنا ماأعترض على الموت...لن الموت حق..!


ياما خذا وبياخذ...مصبحه فينا الدنيا وممسيه...


والاخره تبي مثل ما الدنيا تبي والـرابح من قدم لـ أخرته قبل دنياه....


لكن وش أسوي...؟


جلست على طرف السرير لتفتح درج الكومدينه الصغير...



أخرجت منها علبه أنيقه..فتحتها...لتخرج منها عطر له..بـه النصف...!



كان عطره المفضل....



عطرت جسدها وأستلقت....


تشتم الان رائحته بوضوح تام...




وتزفر بـ ألم...!!












كم كان ذاك الامر موجع عندما نقلو لها خبر وفاته...


لم تعتقد في يوم أنها قد تترمل في أوج شبابها ويلقى على عاتقها مسؤلية عظيمه...



فقدان زوج...وأطفال بعنق..!





بكت كثيراً...كثيراً...كثيراً...!


بكت حتى أعتقدت بـ أنها قد تخرج فتات كبدها مع دموعها..!



تشعر بأن كبدها هي التي تبكي ..



وقلبها هو الذي يأن....



وروحها هي التي تنازع...!



أعتقدت لوهله ..


بأن الشمس لن تغيب على روحها...شمس ذاك اليوم...من شدة حزنها...؟



لتفاجئ بـ أن تلك الشمس أشرقت مراراً على دموع خديها ...وعلى روحها المترنحه بعد فراق محمد...



لم تقف الدنيا..ولم يتوقف التنفس..لم يتوقف نبض ذاك القلب..ولم يصاب ذاك العقل بخلل...كل شي بقى كما هو..


وكأنها تخبرنا بـ أن الحياة ستمضي سواء رضينا أم أبينا...



سيمضي كل شيء...لكن...






لآ...


أحد ..يملئ مكان الزوج عندما يرحل...!



لآ..أخ...لآ...أب...لآ..عم...لآ..خال...لآ..أبن..!


ولآ ذكر من محيط عائلتها يملئ ذاك الفراغ الهائل مهما بالغو بـ الأهتمام والاحتواء...


فقدان الزوج شي أخر تماماً....


فكيف أذا كان زوج محب حنون رائع...


كيف للوجع حينها أن يتقاعس ويختفي..؟





بقت شهور عديده بين جدران طويله...



شعرت بأن تلك الشهور المفروضه من الدين


كـ حق زوج توفى بأن تبقى زوجته لـشهور معينه حداد عليه...



شعرت بأنها تجثم على صدرها...


شعرت بـ أنها هي من تشير لها بـ أصرار وتوثيق بـ أنه رحل بفعل...


وأن عدم التصديق هذه الايام هي

فقط الكفيله بـ التأكيد بـ أن الشك يقطعه اليقين...!






وتلك الذاكره العتيقه...


باتت تعيد أدق التفاصيل الصغيره...


لتزيد أوجاعي ...


باتت تذكرني خصامنا القليل...وتلومني...


باتت تذكرني عدة ليالي أمضيها عند والدتي لو أني عدت معه أفضل


باتت تجود علي ...الكثير والكثير من أحاديث الليل...وهمسات الصباح...


باتت تذكرني أشياء كثيره..لم أعتقد بأنها كانت مخزنه بذاكرتي ...الا..بعد رحيله...!!!!!










و


العصفورين الصغيرين المبلولين بقربي ...



أحاول بشتى الطرق أن أفكر كيف أن أتحمل مسؤليتهم وحدي...



كنت أرى ثامر ولولوه على الوساده نائمين....


وكنت أشعر في تلك اللحظه أنهم لن يكبرون...



سيبقون صغيرين جداً...وأني لن أبتسم أبداً...


لكنهم بفعل بدأو يكبران..



وأنا ضحكت كثيراً....!



لكن تلك الضحكات مطلقاً لم تخرج من القلب...



تبقى الغصه اللعينه بحنجره مع كل شي..!




يبدو أن الله سيكتب رحيلنا...


أبيهم من ثم أنا..في عمر مبكر....



يا اللهي الهمني الصبر...

.
.
.

الا على طاري الضمآ والسنابل..

وش فيني أن هب الهوا بك تمايلت...؟

.
.
.




عينيها تتفحص الرقم الغريب الـمميز الذي أضائة به الشاشه فجأه...





لـتضيئ مرة أخرى بـ الاتصال الثاني بعد تجاهلها المكالمه الاولى....!



من ثم توقف فجأه...!





دست رأسها من جديد بين أوراقها الكثيره ومراجعها ...





لتأتيها صوت رساله..!



رفعت هاتفها لتفتحها...





[جموح...ردي علي..أبيك ضروري...!!!!]




رفعت حاجبها بستغراب...



لكن بما أن أسمها مذكور ف بتأكيد أحدى زميلاتها أو أقاربها ...


وهي اليوم لآيوجد لديها أية محاضره لـذا هي بمنزل لم تذهب للجامعه...


قد تكون أحد زميلاتها تحتاج شيء ما...,






أتصل من جديد...



لترد بهمس \ الو...



ليأتيها صوته الحارق \شطوره...ماتردين على الارقام الغريبه...نقطه أسجلها لصالحك مع أنك بلآ نقاط أيجابيه...!!










صمتت قليلاً.....






لتشعر بأن النغمه المتهكمه الموغله بـعبق عميق...



هي له وحده ...







بـ أتزان\ ليش متصل...ومن الي عطاك الرقم...؟


همس بغيض\ليش متصل لأني مشتاق ...ومن الي عطاني الرقم هذا مايصعب علي يا ....!


ليردف بـتلاعب \ عمري والا حياتي والا قلبي...أيهم تبين أسمك الدايم عندي...؟








أشتعل وجها أحمراراً....لـيشعر بتوترها من صمتها المخيم...




قائد \ بدري عليك الحين هذي الكلمات..بأختار لك لآصارت ذراعي وسادتك وصدري مدينتك...؟












يريد أن يشعرني بـ الخجل او بموت خجل...



خياران لآثالث لهما...



لما يتكلم بتلك الطريقه...



بتلك النبره...

بذاك الاسلوب الغريب...


كل حرف يخرج منه فيتذبذب...


كأنه حكاية أخرى...يتقن عزف حروفه...


خبيث حتـى بـ النبره...






بجديه \أظن بعد أن مو لآيق تاخذ رقمي من خواتك من غير مايدرون...ولآ...لآيق تكلمني وأهلك واهلي ماعندهم علم..




قائد يقاطعها من دون أهتمام\ شي ضروري جداً...خلآني أسرق الرقم من خواتي..تدرين وشو يازوجتي...؟





لم ترد عليه...




لـيكرر بـ أصرار \معي بـ الخط ولآخذاك صوتي لبعيد...مثل ماخذتك البوسه هذيك لبعيد!!!













متلاعب...!


ماكر...!


متشبع بغرور السمج...






همست برزانه\ واثق بنفسك جداً...ياقايد...؟



قائد بثقه طبيعيه \ جداً..جداً...ليش ماتشوفيني أستاهل هذي الثقه بنفس...



الجموح \بنظري مَ اشوف أساس لهذي الثقه...!


يتلاعب من جديد \ ولنفرض ...لكني بنظرك وسيم الوسامه الي ماتقدرين أنتي تتحملينها مثل

أخر مره...شايله شليلك علي..ومن بوسة خد أرتعشتي...



وشلون لو ضميتك الاكيد بتضيعين..لذا رأفت بحالك بعد أرتعاشك ..أكتفيت ببوسة

خد... ؟


قاطعته بشراسه \ أرتعاش ..شكلك تفسر الامور على كيفك ...ليه ماقلت خجل أنثى ماهو حب وهيام...!


بجديه\أنا لو مو واثق من كلآمي ما أتكلم فيه...تحبين دايم الطرق المتعبه يا جموح ..تفضلين توجعين


قبل تنوجعين...وكأنك تاخذين حقك قبل مايصير لك حق ..!





الجموح \ لأني دايم على حق...صعب تفهم معادلة الحق يا قايد لأنك أنت تظن أنك الوحيد الي ترتدي وشاح الحق ..وغيرك أكيد

أنهم الباطل..!



قايد بغضب\ عن أي حق تتكلمين...عن عماره طوبها من حلم.....قلتي أبيها يا قايد..كـ شرط...


ويوم كتبتها بـ أسمك رحتي بـطيشك وعدم أتزانك تبين تبيعينها....ناسفه كل شي بعدها....


ناسفه أمكانية ينهدم كل شي وأكتب ورقة طلاقك بعدها...!









شعرت بصدمه....


لترتعش أناملها وتحاول التحكم بها...!


من أخبره بـ محاولة أنتقامها...؟


من أخبره برغبتها الشديده بـصفعه...بـمفاجئه مباغته..؟


من أخبره بأنها عازمه وبشده بتلك الخطوات للبيع العماره..






ماذا سوف يفعل...؟


هل سوف يأتي ويجن جنونه بـ منتصف بيتنا...؟


هل هو في الطريق ...


أم هو عند بوابة المنزل الان..؟





لآ..

صوته هادئ جداً....


وكما خمنت لن يفعل شي...!











الجموح بـهدوء\بس طلع كلامي مضبوط وأنك مو قد الثقه تقول مافيه أي خلل لكن ماخلا العقد من تلاعب المحامين...



قائد بهمس حاقد \ لأنك جاهله وغبيه...وعقلك اصغر بكثير من توقعي...تبين تبيعين العماره....؟




غرق بعدها بضحكه ساخره جداً....




ليهمس وهو يغيضها...\ أخذي الوالد كـ معرف...ليش زعلانه ..؟




الجموح تبتلع غيضها\ أذا مو الوالد غيره...لآ..تنسى يا قايد ان الايام بتطول..وأنت وقعت لي عقد بيع وشرا...!


قائد يكتم غيضه \تدرين أكلمك الان بهدوء..بس صدقيني لو أشوفك بتندمين على كل خطوه خطيتيها لراعي العقار ....!





الجموح بتهكم \ أنت بعت لي العماره عن رضا تام..ليش تستغرب روحتي لراعي العقار أفرض ببيع العماره عشان أسلف وحده

من زميلاتي مبلغ تبني فيه بيت لها ولعيالها...أو أبني بقيمته مسجد...


أو ...أسوي لي بزنس صغير على قدي...


يا قايد من حكم في ماله فما ظلم..وهذا مالي وحلالي...مافيه لوم ولآندم ...؟



قائد \ماشاء الله عليك..راعية بزنس وفزعات على حساب الشخص الي بترتبطين فيه طول عمرك....شكلك ماخذه الموضوع

كله ب أستخفاف ولآتحسبين حساب أحد...صدقيني لو أشوفك بتندمين على روحتك للعقار وأنا قد كلامي...فحاذري أشوفك صدفه


أو بميعاد...!




ليردف \تحسبيني جاهل بمغامرتك الي مو محسوبه وبهبالك الي له سجل طويل عندي...ولآحسبة حساب العقد وأي تصرف مو محسوب


بيردعه أكيد أخوانك وأبوك...والا على بالك مالمحت مكرك في شرطك الغريب..؟


أنتي وش تظنين قايد يا الجموح...؟




الجموح تزفر \ أشياء كثيره يا قايد أظنها فيك..لآكن ماهي من ضمن هذي الاشياء الكثيره شي واحد بيسعدك أنه موجود من ضمن


الاشياء الي بظني...!



قايد \ دايم الجموح تثبتين لي أنك مو كفو...








جمله قصيره.. ممزوجه بتهكمات من حدائد مسنونه يقذف بها جسدها


فتمزق جسدها بخدوش عميقه...









همسة بـ ضيق \ قايد...لو..حصل لي بيعة عمارتك ببيعها..فبلآش تهديد ووعيد..وكذب وتهويل... أنا أنسانه ما تخاف ولآتتراجع

عن شي براسها وأظنك جربة هذا الشي وعرفته..



قائد\ ماتقدرين ياجموح ماتقدرين..وانا لما كتبت البيع والشرا لك..كتبته وانا واثق ماتقدرين تبيعين..توقعت تلوحين بهذي

الورقه لآ أكثر..وأن أرتفع التلويح لتنفيذ فرضة فرضية انك بتقولينه لواحد من اخوانك والاكيد بيرفض لكن أنك تروحين ولوحدك

ياما كذبت نفسي وقلت يمكن هي تكون أعقل من كذا...!




الجموح \والله الي مثلكم لآزم نصغر عقولنا عشان ناخذ حقوقنا...والا ليش تحجر علي سنين وكأني من أملاكك الشخصيه..

بخليك بعينك تشوف شي من أملاكك الشخصيه ينباع بزهد ..وأنت بنيته بثمين بشوف وش ردة فعلكـ...مثلن طلاق...!





قائد \ آهـآآ..تفكرين بطلاق... ياجموح ماراح أطلقك م ظن ضاعت سنين عمري معك وأظهر أخر شي بخساره ..ولآ

ظنـي يادكتوره يا أم عقل كبير...تفكرين صدق بطلاق...لأنك بس تبين تغضيني لآ أكثر...!



ليردف \ لكن عندي حل سهل لك...أنتظري سنين طويله بعد يمكن أموت وبعدها يعرفون أخوانك على عمارتك من دون مشاكل...!




ختم جملته بضحكه متهكمه ساخره...






لتصمت...







قائد بهمس \ سجلي رقمي عندك...أحفظيه بـ أسم حبيبي...!



الجموح بـتهكم \ ونظر عيني بعد لو تبي..؟



قائد متهكم \أستاهل...!



الجموح \ بـسألك...؟





أنشد ليصمت..تحت وقع أنفاسها بهاتف..




الجموح بتهكم\ ترافعت قبل كذا عن قضايا التحجير بمجتمع...والا ..ياترى هي أندثرت وماعاد لها وريث الا أنت...؟



قايد يسايرها \ وأن قلت لآ...؟


الجموح \ بقولك شي طبيعي لن بنات جلدي مغلوبين على أمرهم..في أبسط حقوقهم...ومرتدين لباس الصمت..!


قايد \ وأن قلت أيه...؟


الجموح \ بقولك ببيع مكتبك عشان يكون عقاب رادع لآمثالك من المحامين الي يترافعون بقضايا هم رأس الفساد فيها...

بحاول أنظف البلد من محامين كذابين...حبسو الابرياء وأطلقو المجرمين...ونبدأ في مكتبك الفاشل...!






قايد يشد على الكلمات \ لو تروحين مره ثانيه لمكتب عقار عشان مكتبي لـ أقص رجلك قص...والي رفع سبع يا الجموح لـو أقابلك

...بتعرفين قايد صح..!




ليردف بـ خبث متشفي \ وعلى فكره ترى زواجنا قريب جداً...أسبوعين بكثير وتجين عندي..قبل شوي مسكر

من عمي...ودق الصدر يوم قلت له لآزم أسافر في خلال ها الاسبوعين وأبي مرتي معي...حفله بسيطه ..ونسافر...

شوي وبيبلغك أكيد...!




أغلقت الهاتف بوجه بـصدمه...







لتضع أناملها على جبينها...والاخرى على صدرها...


تشعر بأنه يطبق أحكامه على حياتها بشكل تام....


أوقفها عن الزواج من ثم حدد سنة زواجهم من ثم غيره لـ موعد أقرب يقنع والداها بـ أبسط الجمل...







يريد أن يرد لـي محاولة بيع العماره ...


بـ أنه أكون تحت أنظاره في أقرب فرصه...


وفوقها يهدد ويتوعد ...





لتثرثر بصوت مسموع \العماره أنكتبت بـ أسمي...والحين أنا أتحكم بحلالي وعمارتي....



وهو لو ماهو متأكد أنه غلطان معي ماكتب العماره بـ أسمي....



وش يظن نفسه يهدد...؟



وش يقصد يعني لآصرت زوجته بـيجرم فيني..؟



لآيظن بجلس ليله وحده معه لو يقلل قدري عنده..


وعمارته الي هي لي الحين بـخليه يشوفها بـ كوابيسه قبل الحقيقه مبيوعه



مقدم موعد الزواج تحسبني بخاف منك وتقديمك...

اصلن مايفرق معي الحين والا بعد شهر....؟



لتأتيها نغمة الرساله وتفتحها...



[ وتسكرين بوجهي ياحضرة الدكتوره...ترى ترويضك ماراح يتعبني لكن بيتعبك..]













بـ الجانب الاخر...



أغلق هاتفه بـعصبيه....


وهو يزفر محاولة التحكم التي تبجح بها صديقه بأنها سوف تنفعه بوقت الحالي...



ليهمس بثرثره \ سجلت عمارة المكتب حقي بأسمها ومازالت تقول حق وحق...والله لآ أوريها الحق ..وأعلمها الابيض والاسود كيف

تناقضهم ..و...مزجهم..صبرك علي يا الجموح صبرك علي...!










تراجعت على الجانب الاخر بعد أن وضعت يديها على شفتيها ...


وهي تفهم الموضوع من تلك الكلمات المبعثره بينهم....







جن جنون أخي وسجل العماره بـ أسمها لتذهب وتعرضها للبيع...!


أي جنون يسكن تلك الجموح..وهي ..تتجاهل حب أخي العميق لها...


وأي جنون في أخي يسجل حلمه بـ أسمها...



وهي الجموح تلك المتمرده التي لآتقبل بـ أنصاف الحلول..!



.
.
.

الا على طاري الضمآ والسنابل..

وش فيني أن هب الهوا بك تمايلت...؟

.
.
.


دخلت البيت...وهي تشد خطواتها...


لتجلس على الاريكه وجسدها يرتعش....



بمقابل والداتها الجالسه بـ المكان...أنعقدت حاجبيها بستغراب \ وش فيك...وين خالد...عسى ماشر...؟


الثريا وهي ترفع نقابها المبتل ...


لتكشف عن أحمرار خديها..\ خالد طلع متفق مع أبوه...ومافيه الا العافيه...وقفني فهد

في الطريق وحاول فيني...لكني رفضت وأخر شي راح خالد معه مايبيني...تخيلي يمه..خلودي...ركب مع أبوه زاهد فيني..

زاهد في أمه...


وقفت وصايف بغضب \فهد موقفك بشارع ويحاول فيك..ليه جهل السلوم ..جهل العيب..وشلون تخلين ولدك يروح معه


كان مسكتيه با الغصب جنبك..؟



أشارت برأسها بوجع \ خالد ماهو بصغير...يعرف الصح من الخطا ..المشكله فيني أنا


كيف بصبر على بعد خالد...والا ..خالد عند أبوه ماهو بعند عدو...


وصايف تشير بـألم \أحسن له..حتى لو ها الشي بيوجعنا كلنا...قوي قليبك بس وبيرجع لك...أن غصبتيه وترجتيه تمسك

في أبوه أكثر..



الثريا \انا عارفه فهد يبي يلوي ذراعي في ولدي لكن والله أوطي الجمر ولآ أرجع له...لو على ذبح روحي...لفهد مارجع...


وصايف \لازم اخوك يكون عنده علم بموضوع فهد وتعراضه لك بشوارع...اذا هو ناسي الـسنع نذكره....


أشارة بيدها برفض \يمه لآتدخلين قايد بموضوع...قايد لو يدري بيروح له ومو بعيده يسوي فيه شي ..بقول له خالد دق علينا

أبوه وبيروح له لفتره...أحسن يمه لنا كلنا...مانبي مشاكل...


وصايف تبعد أنظارها عن الثريا بغضب....وهي مشتعله من فهد لـ أبعد حد...


.
.
.

الا على طاري الضمآ والسنابل..

وش فيني أن هب الهوا بك تمايلت...؟

.
.
.

بـ الظهيره..
.
.
.
فتح باب الجناح...


ليجد الستائر المخمليه مغلقه تماماً...


وبا الطاوله الدائريه الزجاجيه الصغيره بـ الزاويه البعيده..فواحه عطريه تملئ

المكان برائحه عطريه..


أضائتها فقط هي التي تضيئ الغرفه الغارقه بظلام...



بحث بهدوء عنها....


والداتها ..أخبرته أنها حضرت الغداء لهم جميعاً...لكن هي لآترغب به...
عرضت عليه أن يتغدا معها...لكن أعتذر بحجة أنه قد تناول الغداء بعمله..


لكنه يكذب...فلآ..رغبة له بـ الأكل..!!




أضاء الاناره القريبه منها...ليجدها غارقه تماماً في النوم....


مرتديه لقميص ذو حملات حريري بلون الاخضر الغامق..ليكشف عن بياض ذراعيها وتمرد خصلات شعرها


المصبوغه على عنقها ونحرها...


شفتيها وخديها عينيها المطبقه..


جميعها تشرح له بتفصيل بأنها منه غاضبه جداً...


روادته فكره مجنونه بتقبيلها حتى تستيقظ...


او..

دس أنفه بين خصلها ليتنفس عبيرها...





لكنه بفعل غاضب ...


أبدل بدلته العسكريه بـ بيجامه لم يراها تنتظره..


بل هو من فتح دولابه وبحث عنها حتى وجدها مطبقه بترتيبها الدائم وتنظيمها..


أرتداها من ثم أندس بـجانبها ....بقى دقائق معدوده...





ليحاول أيقاضها بـ العبث بهاتفه النقال بمقاطع با اليوتيب ...!



لحظات لتستيقض بفعل وتهمس بعد أن رفعت معصمها لترى الساعه \ ...تغديت...؟


ماهر \أيه...




صمتت لـتشد المفرش على نحرها وتطبق أهدابها من جديد...



ماهر بـعبث\ المفروض أنتظرتي جيتي وقدمتي غداك ماهو أجيك أحصلك نايمه...؟


فتحت أهدابها لتجده يعبث بـهاتفه وأضائة الجوال تنعكس على وجهه..


لتهمس\ قبل لآتروح قلت ما أنتظرك للعشاء ماتوقعت تجي للغدا لكن مره ثانيه أن شاء الله تلقاني أنتظرك والابتسامه شاقه وجهي طال عمرك..؟



أرتفع حاجبه ليبعد الهاتف بستغراب \ماتلاحظين أسلوبك بادي يصير أستفزازي...؟


زفرة بضيق لتغطي وجها بمفرش من دون أهتمام \يمكن ...من عاشر القوم صار منهم...!


تحرك بغضب ليبعد المفرش عن وجهها..


ليرى عينيها المتورمه والمحمره ...


أردف بغضب \أنتي وش فيك...؟


غطت جسدها من جديد بمفرش وأعطته ظهرها لتهمس بستخفاف\مافيني شي...بس تذكرت وحده لما كنت با المتوسط


كانت تعايرني با العرجا...العرجا..تصدق وقتها ماكنت أبكي قدامها...


بس لما تذكرتها الحين صرت أبكي شي غريب...!







تراجع قليلاً بـ ألم...


يعلم من نبرتها الغريبه المملؤه أستخفاف..


أنها قاصده تماماً الضغط على مكان الجرح المفتوح بينهم ونقطة غضبه الدائم..



وان بكائها الان هو فقط بسبب موقف الصباح....







عاود الكره..بـ أن أبعد المفرش عنها من جديد...





ليهمس \ أنتي تبكين من الصباح ..أنتي ليش ماتخلين هذي العاده...كل الحريم يتهاوشون مع رياجيلهم دايم...بس

مايقعدون يبكون بساعات...أرحمي نفسك على الاقل..؟








لم يجد أي رد منها...!




أقترب بهدوء...ليحضنها..



قبل كتفها...





لتبعده بـهدوء \ماهر والله مصدعه ومو رايقه لك...





وقفت لتشد الروب وتربطه على خصرها ....



ماهر بحده \وش مصدع فيك ...ممكن أعرف يا دانه..سبب الصداع...هل هوموقف الصباح الي أنتي السبب فيه...؟







صمتت




ليردف بغضب \تكلمي وش سبب صداعك....؟





همست بضيق\ المشكله أنك مصمم ان انا سبب المشاكل والمشاكل الي بينا كل يوم تكبر والا تنحل ...فما عاد يعنيني أبكي عشانك والا عشان وضعي والا عشان اشياء كثيره..




لكن بما أنك مصر تعرف وش سبب صداعي



أردفت بعد أن أبتلعت ريقها \طلب مني قايد رقم أختك الجموح عشان يكلمها...قال لي ان الامر ضروري ومهم...ومايقدر يخلي

أحد ينقله لها لانه خاص بين زوجين...وعطيته ...!



لم تشعر به الا هو واقف أمامها بـ أقل من رمشة عين واحده...



شعرت بـ الرعب من قبضته على ذراعيها




وهو يهمس بـقسوه \ عطيتيه رقم الجموح عشان يكلمها من ورانا يا الي ماتستحين...؟



أبتلعت ريقها لتكمل\ أيه عطيته هو زوجها ماكلمها واحد مو محرم لها...لكن هذا مو المهم...الموضوع الي كان يبيها


فيه هو أنه مسجل العماره بـ أسمها وهو شرطها الي كانت شارطته وماتبيكم تعرفونه..كاتب عمارة مكتبه بـ أسم الجموح


والجموح راحت لراعي عقار وعرضت العماره للبيع ....لكن الي فهمته انها ماقدرت تبيعها لأنه مامعها معرف..





شعر بأنه يريد أن تبتلعه الارض بعد كلآمها...



وأن الجموح ذهبت لرجل ما من دون معرفتهم..


وأن ذاك القائد ببساطه سجل مكتبه بـ أسمها...


شعر بـ أنها تستغفل الجميع...ولم ..تقيم لـ أحد وزن...!





أفلتها بغضب ليتوجه لدولاب ملابسه وينزع بجامته بعصبيه ويرتدي ثوبه ويلتقط شماغه


ويترك المكان بعد أن صفع الباب بشده...!






.
.
.

نقف هنا

.
.
.
همسة محبه \ التفتح هو أسلوب حياة و نمط تفكير محكوم بحزم من المبادئ والقيم لآعلاقة له بشعر مكشوف اوكتف عاري..

تفكرو يا أصحاب العقول..!

.
.
.
نلتقي أن شاء الله..,
.
.

مساء الخير على ضمضم ومتابعاتها


نجد يا بنت الحلال ماهو كل حلم يفسر

مع اني ما ايد تفسير الاحلام هي وحده من ثنتين ان كان شر ارهقني با التفكير واقلقني

وان كان خير افنيت عمري با انتظاره

تعوذي من الشيطان واتركي عنتس تبخبخ العطور هي الي جابت لتس الكوابيس

انا مره حلمت شايبي بيعرس يوم صحيت بغيت انجن والنفسيه يادافع البلا على كل الي في البيت


قائد اعجبني يوم ارسل رساله ولا خبرها مين عشان ترد

الجموح وبعد تراد ياهي قاهرتني يازين من صفقك يا ام حقوق

الحين منقهره من خبره انك بتبيعين العماره

ولا انقهرتي يوم قال بيكتب ورقة طلاقك

ازين ماسوى انه قدم موعد العرس

وياليت بعد ياخذك في بيت بالحالك مستقل

ويفصل بينك وبينه بالغرف ويهمشك خلك تلفين وتدورين حول نفسك ويحسسك با الضياع زي ماتبين تضيعين شقى عمره ها الضعيف



ثريا والضغوط الي بدا يمارسها فهد عليها

فهد ارخصك مره والي يرخص مره بيرخص مرات

لا تضعفين يوم جاتك الفرصه بحياه جديده مع ولد عمك

وخالد على بالك بتتحمله رزان بالكثير اسبوع وجايك

لكن ها المره قولي لرزان خلي خلودي عندك وليدي من ريحتي

عشان تتذكرين ايام الصداقه الي كانت بينا يوم فرشت لك قلبي وبيتي

وشلعتيني منه وزرعت نفسك فيه

حلال عليك الابو فهد والمرابح خالد


رزان ها اليومين اذا درت بخطبة حاتم ماعليك بتحط خالد فوق راسها

تخاف يضغط عليك خالد وتتراجعين عن حاتم وترجعين لفهد فهي بتحاول تدافع قد ماتقدر انها تهيئ لك جو الارتباط بحاتم

اهم شي تتقوين ولاتضعفين يا ثريا خالد راجع راجع ابوه ماراح يستحمله الي ما اردعه انه يتزوج عليك وانتي مافيك عيب

وفكر بولده وانه احتمال ولو واحد بالميه انك تتركينه

ماراح يصر انه يمسكه عنده بيرسله لك عشان ينكد عليك انتي وحاتم

هذا انسان اناني ماهمه الا نفسه ما يستحق انك حتى تخلينه يشغل تفكيرك

وحلو انكم خبيتو الموضوع عن قايد

اذا درى بتكبر السالفه وفهد ماهو كفوا انه يسوي له احد اعتبار

بتصير شوشره واشاعات مال امها داعي

واحتمال تمتد لحياتك بعدين

خلاص اقطعي العرق وسيحي دمه

وكن شي ماصار خالد ويبي ابوه الله يهنيهم في بعض


دانه والعب بالنار مع ماهر

ماهر رجل يحس كل الحق له بكل شي يعني يوم قلتي من عاشر القوم تبين تمارسين معاه البرود الي كان يعاملك فيه

بيطلع عيونك ويقول مالك حق ان الزوج لي حق اسوي الي ابيه انا الرجال

ماهر بيستمر على بروده الا اذا صار حدث قلب حياتكم فوق تحت !

ولو استمرت المناقشه بينك وبينه قبل تخبرين بلي بين الجموح وقايد

بتنامين انتي زعلانه وماهر راضي لأن ابدآ مايشوف نفسه غلطان


طلعت ماهرمعصب

هي وحده من ثنتين اما انه يذبح قايد وينفذ البيعه

ويدق الصدر لها ويعرف لها ويشوف هذا تعويض لأخته عن سنوات التحجير

وخصوص اذاقعدت تبكبك عنده على سنين هالتحجير ثم هالطامه صدق الي بتقسم عوايلهم

ويصير طلاق جماعي جموح من قايد ودانه من ماهر

والا بيذبح الجموح على جرائتها انها اقدمت على خطوه جباره في بيع العماره ومن دون علم احد تمشي بشور نفسها

وملغيه وجود رجال العايله

وانا والله اتمنى وبشده الخيار الثاني ويعجلون بالعرس ليش اسبوعين الا اخر الاسبوع

ويصير بعد عروس مكسوره يدها ومعلقه برقبتها والا تمشي بفستان الفرح على عكاز

عادي خبز خبزتيه يا جميح كوليه


مشكوره ضمضم على البارت الرائع رغم مشاغلك الي ربي وحده يعلم فيها

وتضغطين على نفسك لأجل تمتعينا بروايه تنقلنا لعالم اخر من الواااااااقع ممزوج بالخيال

الله يسعدك ويمتعك با العافيه وراحة البال يارب