|
يوم التقيت فيه ( لامى ) ..... بالصدفة ....
يا جماعة قبل ماحد يدخل بحماسه ويقول ايه ده قابلها امتى وعرفها منين هحكيلكم اللى حصل انا طبعا شغال فى مول كبير اسمه ( فتح الله ماركت ) يمكن كل الاعضاء اللى من الاسكندرية هيعرفوه كويس وبعض الاعضاء اللى من القاهرة ايضا ..... المهم وانا قاعد امبارح بسجل بعض البيانات فى المركت ببص كده وفجأة شفت طفل صغير مع والده و والدته ....... والولد ده مكنش شكله غريب عليا ابدا ........ الفضول ملانى وقلت امشى ورا الواد جايز يطلع ابن عم لي مشفتوش من تلات اربع سنين او ابن خال ليا كان مسافر و رجع بالسلامة ..... فضلت ماشى وراهم وكل مااعدى على حد من الامن يقربولى و يهمسولى : " ايه ؟ ..... دول لصوص ؟! " . وانا اضحك فى احراج واقولهم : " لا لا لا ...... دول قرايبى " . وفجأة افتكرت ........ مش ممكن ...... الولد الصغير ده يشبه الى حد كبير عاصم اللى كان فى الصورة الشخصية بتاعت ( لامى ) من حوالى سنه ......... ابتسمت وقلت يامحاسن الصدف .......... وبعدين رجعت اقول ثوانى ثوانى ....... ام عاصم من القاهرة اللى هيجيبهم هنافى الاسكندرية ...... وافتكرت كلام بيرو لما قالت ان لامى بتصيف فى الاسكندرية ....... قلت بس دول اكيد هما ...... فضلت ماشى وراهم و مش عارف اعمل ايه ........ هل ياترى اكلمها واسلم عليهم واعمل معاهم دور واجب واعزمهم على حاجة بحكم انى زى اخوها الصغير ولا ايه ....... طب نفرض انها خالة عاصم ومش لامى ...... هروح كده فى داهية ....... ماهو وارد يكونوا بيصيفوا عند خالة الولد ونزلوا يشتروله لعبة ولا حاجة ...... افرض اصلا ان دا مش عاصم ؟! ........ يالهوى دى تبقى طبلت وفيها رفد من الشغلانة ......... طب اعمل ايه ........ قلت استغفر الله استغفر الله ارمى ودانى ......... وفجأة الولد اتكلم وقال لمامته : " ماما عاوز شيكولاتة تويكس " . ردت عليه مامته وقالت : " حاضر ياصاصا ....... هنسأل عمو هى فين وهجيبلك منها" . ماما ؟!! ...... صاصا ؟!!!! مش معقول قصدها منصور يعنى .......اكيد عااااصم ......... ياحبيب عمك ياضنايا ..... خدتنى الفرحة انى شف احد اطفال ليلاس و كان فاضل شوية واجرى عليه واحضنه واللى يحصل يحصل ...... انتهزت الفرصة وجريت على قسم الحلويات وخطفت علبة تويكس وعديت من قدامهم و رحت قالب علبة الشكولاتة وانا بقول : " ايه ده ...... دا باين الشيكولاتة وقعت " . وانبطح عاصم فوق الشيكولاتة وهو بيقول التويكس اهى . بينى وبينكم قلت لازم اعرف لامى انى الشبح ...... دى صدفة مبتحصلش غير مرة فى العمر ياجدعان ........ اديت لعاصم اللى فيه النصيب من التويكس وانا بقول فى بالى وانا مالى هو انا اللى هدفع ؟!!! وقربت من الزوجين وابتسمت بلياقة وانا بقول : " مساء الخير ياافندم ...... عندنا نوع جديدي من الشيكولاتة تابع لشركتنا اسمه ليلاس " واتكيت قوى على ليلاس ....... وبصيت للامى اللى انا مش متأكد انها لامى ....... فلاقيتها عادى وقالتلى لا ميرسى اوى ......... قلت للراجل : " طب ايه رأى حضرتك فى بسكويت الشبح عشان الامور عاصـ ..... ..... احم ..... عشان الامور الصغير " . وبصيت للام تانى وبرضه مفيش رد فعل ......... واثناء ماكنت بحضر لجملة تالته اقول فيها حسن الخلق ولا امورة نجد ....... ظهرت المفاجأة ........ " مصطفى ...... ماتلعبش فى حاجة ياحبيبى " . لاقيت الام بتنادى لانها وبتقوله كده ...... ياصلاة النبى ........ بقى انا سايب حالى ومحتالى عشان صاصا يطلع مصطفى ..... وليه يغلبوا الناس معاهم ........ لازم يدلعوه صاصا يعنى ؟ ...... ماله درش يا جدعان ...... المهم قلت اتأكد ياض جايز دا اسم الدلع ( شفتوا بذمتكم ) .......... قلتلهم على فكرة فرعنا اللى فى القاهرة هيفتح يوم 20 فى مدينة نصر ....... رد الرجل بزهق بعد ماكان فاضله سبع دقايق ويناولنى بوكس لطيف فى منتصف مناخيرى : " فيه ايه يبشمهندس احنا من اسكندرية مش من مصر " . لمحت المدير جاى من بعيد فرسمت ابتسامة خيبة امل وانا بقول : " نورتنا ياافندم " . وبصيت للمدام فى امل اخير وانا بقولها : " ان شاء الله تتكرر زيارتكم لينا ....... وتجربوا شيبسى القراصنة الجديد " . وجريت من قدامهم ههههههههههههههههههههههههههههههههههههههههههههههه بس بجد كان نفسى تطلع لااااااامى وعاااااصم ومصيف سعيد حدث امس 6 / 9 / 2011 بماركت فتح الله ببيانكى |
ههههههههههههههههههههههههه
أستاذي .. أحلى قصة بجد ... دخلت بحمااااااااااااااااس ولما وصلت لمصطفى !!!!!!!!!!!!!!!!!!!!!!! ههههههههههههههه يا خسااااارة قلت يمكن شفنا بطلنا عااااصم لكن طلعلنا شبيهه ........ وكان الحوار مسلي لكن الحمممد لله على سلامتك ربنا رحمك من البوكس اللطيف ههههههههههههههه يمكن بكرة إن شاااء الله تقابل عاصم وتحكيلنا صدفة حلوة زي كدا .. ما تحرمناش من حكاياتك .. تقبل مروري .. |
ههههههههههههههههه :323: هههههههههههههههههههههه :yuiuyuy: ههههههههههههههههههههههههههههه :97(1): و لا يهمك يا شبح ما هو مصطفى حروفه هى هى عاصم و يتغلط فيها خخخخخخخخخخخخ طمنى المهم حاسبوا على الشيكولاته و لا اعتبروها هديه من عمو ؟ http://up.liilas.com/uploads/liilas_13005678581.gif انت عارف لو كانت لامى .. مكنتش هتحتاج الجهد دا كله .. كانت هتعرفك من اول كلمه لانها ما شاء الله عليها لماحه و تلقطها و هى طايره كانت مغامره لطيفه و الحمدلله عدت على خير و الراجل مسك نفسه مش بعيد تلاقى القراصنه جايين بربطة العلم يزوروك فى الشغل دلوقت .. بس انت عليك و المدير طلعه مشوار على السريع كل مقابله و انت طيب يا شبح :5rfd3: |
ههههههههههههههههههههههههههههههههههه
واله فظيعه كثير حلوة عبود تسلم ايديك |
هههههههههههههههههههههههههه
ههههههههههههههه بجد ضحكتني من قلبي بس استغربت ان الراجل سكت عنك كل ده اصلا الرجالة المصرية وخاصة المتزوجين منهم بيبئوا روحهم في مناخيرهم بس عجيب اوي موضوع صاصا ده ، اصل الاسكندرانية بيقولوا درش على طول المهم كويس انك قلت مكان الفرع اللي انت بتشتغل فيه عشان الواحد يطب عليك وخاصة اني باجي اسكندرية كتير عشان نصي اسكندراني طريقة سردك للفصة تحفة يسلموا يا شبح منتظرة بقية المغامرات |
| الساعة الآن 03:24 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية