دمـوع التمـآسيـح


الليـل محـراب الوجـع والتباريـح
وأنا بسكين الحكي .. بذبح الصمـت



ما عاد يغرينـي حديـث المراجيـح
ولا الهوى اللي عقب عرفه تندّمـت



ولا عاد تخدعني دمـوع التماسيـح
من كثـر خـذلان الخلايـق تعلّمـت



أكون بـارد دمّ لـو قلبـي يصيـح
وأضحك بوجه جروحهـم لا تألمـت



واللي تغانـم طعنتـي ربّـي يبيـح
منّه , ويجبر زلّتـي يـوم عشّمـت



محدٍ معاه لضيـق صـدري مفاتيـح
حتى الذي في صدق قلبـه توسّمـت



هذي ذنوبي بيـن دعـوة وتسبيـح
علّقتهـا فـي رحمـة الله وسلّمـت



ما عادت حروف القصايـد مصابيـح
ضويت لين إستنفذ الشعر وأظلمـت



تجري بما لا تشتهي سفنـي الريـح
حتى معاهـا ويـن هبّـت تيممـت



ما كان ودّي يبلـغ السيـل وأزيـح
وجه الرضى , عن طلّتي لا تكلمـت


ليته يكفّي عن غثى الحكـي تلميـح
أو ليت بعض الناس تستوعب الصمت

للشاعر نواف التركي

اتمنى ان تنال اعجابكم