|
ضمني حيل لأحضانك حبيبي ولا تخليني
رواية : ضمني حيل لأحضانك حبيبي ولا تخليني .. للكاتبة / خٍذّنٍيِ لِـ دنيًآكْ.. منتديات ليلاس | أحلى صحبه وأطيب ناس ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ السلام عليكم هذه روايتي الأولى: (ضمني حيل لأحضانك حبيبي ولا تخليني) روايه جريئه رومنسيه بلهجه سعوديه تحمل التشويق والأثاره الروايه طويله أكثر من 30 بارت .. وشخصياتها كثيره .. البارتات بالبدايه راح تكون كل خميس ان شاء الله وإذا شفت تفاعل حماسي راح يكون يومين بالأسبوع ولا راح اتكاسل عن تنزيل البارتات إلا لظروف قهريه أو لشديد القوي ^_^ لا أحلل نقل روايتي حاضره لأي أنتقاد ولاي ملاحظه |
رد: ضمني حيل لأحضانك حبيبي ولا تخليني
البارت الأول بصوت عالي هز البيت هز:بتطلقها يعني بتطلقها تسمع :يبه الله يخليك كيف تبيني أطلقها أنا أحبها إلا أموت على التراب اللي تمشي عليها وشلون تبيني أطلقها وأنا عندي منها سته عيال يبه والسابع جاي بالطريق يبه الله يخليك أرحمني مااقدر أطلقها مااقدر :عبدالله أنا ماعلي من اللي تقوله تحبها وماادري أيش طلاق بتطلق ولا والله ثم والله ثم والله و هذا أنا حلفت يمين أن ماطلقتها لأغضب عليك ليوم الدين وأحرمك من الورث ومابي أشوف رقعة وجهك فاهم عبدالله:يبه ليه تسوي كذا حرام عليك هذي زوجتي وأم عيالي أبوعبدالله:لا ماهي زوجتك زوجتك منيره بنت عمك عبدالله:بس أنت تعرف أني ماأحب منيره وتزوجتها غصب عني يبه أنا أحب نوره أحبها أبو عبدالله:أسمع بتطلقها وقدامي بعد عبدالله:حرام عليك يبه ما......... قاطعه أبوه بصراخ:قلت طلقها ولا أنا بر......... قاطعه صرخه مدويه:لا ياعمي تكفى لا تقولها لا تتبرى منه تكفى ألتفتوا ناحية الصوت وإلا حرمه واقفه عند الدرج حامل في الشهر السابع ودموعها على خدها راح عبدالله بسرعه لعندها ومسكها مع يدها:نوره ليه نزلتي أنتي تعبانه نوره: عمي لا تخاف بيطلقني وألتفت لزوجها وحبيبها اللي عاشت معه أحلى أيام عمرها وبدموع :طلقني ياعبدالله طلقني ولا تغضب أبوك عبدالله عصب:أنتي أكيد مجنونه وشلون تبيني أطلقك أنتي ناسيه من تكونين بحياتي أنتي حبي وحياتي ودنيتي كلها أنتي هواي اللي أتنفسه وتقولين طلقني مستحيييل أبوعبدالله:يعني بتعصاني ياعبدالله عبدالله :ماعاش اللي يعصاك يبه بس اللي تطلبه صعب أبو عبدالله:عبدالله أنا للحين ماحاسبتك على زواجك منها بالسر على بنت عمك سبعه سنين واللحين أطلقها قدامي غصبن عليك وبالثلاث عشان ماتفكر ترجعها مره ثانيه طلقها عبدالله:يبه قاطعه بصوت غاضب ومخيف:طلقهااااااااااا رفع عبدالله راسه فوق وغمض عيونه ودموعه تسيل على خده >>لا تستغربون من أن رجال ويبكي الرجل لاحب من قلب وأخلص في حبه يبكي دموع >>هئ هئ والله حزني عبدالله رحمته بجد غمض عيونه ودموعه تسيل على خده وفي نفسه:آه ه يايبه حكمت علي بالموت الله يسامحك يبه الله يسامحك فتح عينه وطاحت على أجمل عيون شافها بحياته على حبه اللي دمره جبروت أبوه على دنيته وروحه وقلبه على اللي حبها أول ماشافها ودخلت قلبه تذكر أول مره شافها فيه وكان في بيت صديقه جاسم كان جالس في المجلس يستنى جاسم ينزل عشان يطلعون سمع صوت عذب أسره على طول صوت بنت تغني وكان صوتها قمه في الروعه قام ووقف على الشباك المطل على الحديقه الخلفيه للمجلس وشاف وحده وأنصدم من جمالها اللي يفتن وبياض بشرتها وشعرها الأسود الشلال على ظهرها كانت لابسه تنوره لنص الساق بيضا وفيها ورود حمرا صغيره ولابسه بلوزه نص كم حمرا وجزمه وأنتو بكرامه واطيه ربط على الساق حمرا مثل اللي يلبسونها راقصات الباليه كانت تسقي الورد وتغني لأليسا: أجمل أحساس بالكون أنك تعشأ بجنون ودا حالي معاااك خليتني أعيش أيام مليانه بشوق وغرام ذوبني هوااك عشأك بجنون روحي أنا ألبي المفتون كلو منى وياك بعيش أحلى هنا حبيبي أنا ياروحي أنا كانت تغني ومندمجه مع الأغنيه وتدور على نفسها وعايشه جو وماتدري عن قلب شخص طاح بهواها وعيون كانت بتطلع من مكانها من جمالها الباهر نوره حست بشي غلط لفت راسها فجأه وتطيح عيونها على أجمل عيون شافتها وقفت مكانها مصدومه لدقايق وهامت في تفاصيل وجهه الذباحه ووسامته حست على نفسها وماشاف غير غبرتها تركض لداخل البيت ومن بعدها وعبدالله يفكر فيها وقرر قرار أول مايرجع البيت يكلم أبوه يخطبها له ولما رجع خبره أبوه أنه بيتزوج أبوه فرح أن ولده الكبير بيتزوج قال:أجل من بعد المغرب نروح لعمك ونخطب لك منيره أنصدم عبدالله:بس يبه أنا مابي منيره أبو عبدالله عصب: وشو وليش وشفيها منيره عبدالله:يبه منيره مافيها شي بس أنا أخترت اللي أبي أتزوجها أبو عبدالله بسخريه: ومن هي؟ عبدالله:أخت صديقي جاسم أبو عبدالله:أسمعني زين ياعبدالله منيره محيره لك من أنتو صغار والبنت هذي تنساها فاهم وأنا خطبت لك منيره وزواجكم مع الملكه بعد شهرين جهز نفسك سمعت وطلع لمكتبه عبدالله مصدوم أبوه مقرر كل شي بنفسه ناظر في أمه اللي كانت حاظره النقاش من البدايه وساكته:يمه قولي أن اللي صار حلم قولي أم عبدالله ودموعها في عينها:أستهد بالله ياولدي هذا نصيبك عبدالله بعصبيه:أي نصيب يمه اللي تقولينه أي نصيب أم عبدالله:ياولدي هذا أبوك لا قال كلمه مايتراجع فيه والله مو رايدلك تتزوج هالبنت ونصيبك مع منيره عبدالله طلع من البيت عصب ودموعه في عينه بعد سته شهور: عبدالله تزوج منيره وعايش معها ولا كأنه عايش دايم يفكر في نوره ودايم يتخيل منيره نوره مع أن منيره ماقصرت في واجباتها تجاه بيتها وزوجها وعبدالله بعد مو مقصر معها يحترمها ويقدرها ومعطيها حقوقها كامله إلا القلب والحب ماقدر يعطيها وهي حامل لها شهر في يوم كان عبدالله جالس مع ولد عمه بندر في كوفي كان سرحان وبندر لاحظ سرحانه:عبدالله وش فيك؟ عبدالله:...........>سرحان بندر:عبدالله عبدلله صحى من سرحانه:هاه وش فيك؟ بندر:أنا اللي وش فيني ولا أنت لي ساعه أناديك وأنت سرحان عبدالله:آآآه ياخوي بندر:سلامتك من الآه عبدالله وش فيك حالك مو عاجبني عبدالله:تعبان بندر: لا تقول أنك للحين تفكر فها عبدالله:وأنا نسيتها أصلآ (ملاحظه:عبدالله وبندر أصدقاء من الثانوي وعيال عم وأسرارهم عند بعض ويعرف قصة حب عبدالله لنوره _ وبندر حزين على عبدالله والبنت اللي يعشقها بجنون ومو قادر ينساها) بندر:بس أنت لازم تنسى نوره ماهي من نصيبك عبدالله بصوت عالي: مستحيل أنساها مستحيل أحد ينسى روحه بندر:تعوذ من الشيطان هد أعصابك ياعبدالله الناس قامت طالع فينا عبدالله:أعوذ بالله من الشيطان الرجيم بندر: واللحين وش بتسوي عبدالله:مدري مدري بندر:طيب ليش ماتزوج نوره على منيره وبكذا ترتاح عبدالله:وأبوي ياذكي بندر:تزوجها بالسر عبدالله:بالسر بندر:إيه بالسر عبدالله:ماظنتي أهلها بيوافقون بندر: أنت تكلم مع أخوها لا تنسى أن أبوها متوفي وعندها أخوان وجاسم أخوها الكبير أشرح له القصه وأكيد بيقدر موقفك عبدالله:مدري بفكر وبالفعل عبدالله حكى لأخوها جاسم القصه كلها وبعد تفكير منه ولأنه يعز عبدالله ومتأكد من أن سعادة أخته معه تزوج عبدالله نوره وعاش معها أحلى أيام عمره ومر على زواجه سبع سنين والكل مايدري وخلال هالسبع سنين جاله ست عيال والسابع بالطريق أبوعبدالله لاحظ تغير ولده الملحوظ وسفراته وسهره برى البيت لنص الليل فأرسل واحد من الحراس اللي عنده يراقب تحركاته الحارس راقبه لمدة أسبوع ولاحظ ترد عبدالله على بيت في حي بعيد مره عن الحي اللي ساكنين فيه وجمع معلومات عن سكان البيت من الجيران وأنصدم لما عرف أن عبدالله متزوج وحده ثانيه أنطلق بسرعه وقال لأبو عبدالله وأبوعبدالله أنصدم وركب سيارته وراح للعنوان اللي أخذه من الحارس ولما وصل نزل وضرب الجرس فتحت الخدامه الباب:يس سير دفها عنه ودخل سمع صوت ضحك في الصاله الداخليه راح لمصدر الضحك وأنصدم لما شاف عبدالله حاظن نوره بيده ويضحك معها أبوعبدالله بعصبيه: عبدااااالله عبدالله فز على طول وبصدمه: يبه تقدم أبوعبدالله منه وطراااااااااااخ عطاه كف> عبدالله:تظربني يبه أبوعبدالله:وأكسر راسك بعد هذي آخرت الثقه اللي أعطيتيك أياها تزوج بالسر وعلى بنت عمك عبدالله:......>ساكت أبوعبدالله: طلقها عبدالله منصدم:مستحيل أبوعبدالله بصوت عالي هز البيت هز:بتطلقها يعني بتطلقها تسمع >>> نرجع للواقع عبدالله صحى من تفكيره على صوت أبوه: عبدالله ماتسمع أنت طلقها بسرعه راح عبدالله لنوره ومسك يدينها الثنتين وطالع في عيونها الغرقانه دموع وهي طالع فيه بعدها ترك يدينها وضمها بقوها لصدره:سامحيني يالغاليه سامحيني غصب عني نوره:مسموح يالغالي مسموح عبدالله: أحبك يانوره أحبك وبظل أحبك طول عمري نوره تبكي:وأنا أحبك ياروح نوره تركها عبدالله وعطاها ظهره وهو يمسح دموعه: نوره وبغصه: أنتي طالق طالق طالق ومشى بيطلع بس صوتها وقفه:عبدالله عبدالله:لبيه ياروح عبدالله نوره وهي تبكي:عيالي قاطعها أبوعبدالله:عيالك عندك حنا متبرين منهم عبدالله:يبه أنت وش تقول هذول عيالي وشلون أتبرى منهم أبوعبدالله بقسوه:كلمتي هي اللي تمشي وأنا قلت متبرين منهم يعني متبرين منهم وقدامي يالله قدامي طلع عبدالله وضرب الباب بقوه وطلع وراه أبوه نوره جلست على الأرض وهي تبكي وتشهق من البكا سمعت صوت وألتفتت لقت عيالها واقفين على الدرح ويبكون لأن أمهم تبكي فتحت يدينها لهم وجو يركضون وطاحو في حضنها ضمتهم لصدرها وتبكي مر فتره من الوقت تركتهم وقامت لعند التليفون ودقت على أخوها جاسم:ألو جاسم:ألو نوره:جاسم ألحقني ياجاسم جاسم أرتاع من صوت أخته:نوره وش فيك وش صاير نوره تبكي:ألحقني ياأخوي عبدالله طلقني جاسم:أيش طلقك وليه نوره:أنا محتاجتك ياخوي جاسم بسرعه:طيب طيب أنا جايك اللحين سكر منها ونزل من السرير ولبس ثوبه لطيفه زوجته:جاسم وش صاير وش فيها نوره جاسم:مدري يالطيفه نوره تبكي وتقول ألحقني وتقول عبدالله طلقني لطيفه:أيش طلقها جاسم:أيه بروح أشوفها لطيفه:طيب حبيبي طمني على نوره جاسم:أنشاء الله طلع من البيت وركب سيارته وأنطلق لبيت أخته بسرعه جنونيه وهو يدعي الله ماصار لأخته مكروه وصل للبيت نزل لقى باب البيت مفتوح دخل صار ينادي: نوره نوره تقدم شوي ولقى نوره طايحه على الأرض وماتحرك وتنزف بسرعه راح لها ورفعها من عند راسها:نوره نوره نادى على الخدامه : ميري ياميري ميري جت مفزوعه:نعم بابا جاسم:هاتي عباية ماما بسرعه راحت ركض أخذت العبايه وعطتها جاسم اللي لفها على نوره وشالها بين يدينه وركبها في المقعد الخلفي للسياره وأنطلق على المستشفى عند عبدالله العايله كلها درت عن زواج عبدالله ومنيره أنهارت عليهم بكي وتركت البيت وراحت بيت أبوها وأبوها عصب على عبدالله أبو عبدالله طمنهم أن عبدالله طلقها وتبرا من عيالها>>فرحان هو ووجهه مالت وهذا اللي ريحهم شوي اما عبدالله دخل غرفته وسكر الباب وتسند عليه فجأه جلس على الأرض وصار يبكي مثل الطفل الصغير صار يشهق من البكا وهو يردد أسم نوره عند جاسم وصل للمستشفى بسرعه مجنونه نزل نادى على الممرضات وجابوا سرير وشالوا نوره وحطوها عليه والدكتوره تصرخ:أخذوها لغرفة العمليات بسرعه أخذوها للعمليات وجاسم كان خايف مره ورايح جاي ماارتاح أبد.مرت ربع ساعه طلعت الدكتوره جاسم بس شافها أنطلق لعندها:طمنيني يادكتوره الدكتوره:والله مادري شقولك المدام أنزفت كثير الله يعوضكم أنشاء الله جاسم:من الدكتوره:الجنين جاسم:لا حول ولا قوة إلا بالله طيب ونوره كيفها ودرت؟ الدكتوره:لا تخاف المدام بخير ودرت عن الجنين تقدر تدخل تشوفها جاسم:مشكوره دكتوره الدكتوره:العفو جاسم راح لغرفة نوره ودخل لقاها تبكي راح لعندها ومسك يدها: أذكر الله يانوره نوره وهي تبكي:لا إله إلا الله راح ولدي ياخوي راح وعبدالله طلقني وأبوه تبرى من عيالي وش أسوي ياخوي كيف بربيهم لحالي جاسم:أفااا يانوره وأنا وين رحت أنا بربيهم معك لا تحاتين نوره:الله يخليك لي ياخوي جاسم طلبتك جاسم:عيوني لك أمري نوره: مايامر عليك عدو مابي أجلس بالرياضتكفى جاسم:لاتشيلين هم يانوره أصلآ أنا نقلت شغلي للشرقيه وراح أستقر هناك وراح تجين معي مستحيل تجلسين هنا نوره:الله يخليك لي ياخوي ولا يحرمني منك جاسم:ولا منك يالغاليه بعد يومين طلعت نوره من المستشفى وراحت لبيت جاسم وجلست يومين على ماجهزت أغراضها وأغراض عيالها بمساعدة لطيفه زوجة جاسم واليوم بيسافرون للشرقيه للأستقرار فيها ركبت السياره ودموعه على خدها وهي تودع الرياض تودع المكان اللي عاشت فيه سبع سنين كانت أحلى أيام حياتها وأنطلقت سيارة جاسم إلى الشرقيه~~ أنتهـــــــــى أنشاء الله يعجبكم البارت أبي ردودكم وتفاعلاتكم |
رد: ضمني حيل لأحضانك حبيبي ولا تخليني
ياهلا ومرحبا فيك بليلاس الغالي مجمع الابداع والاحبه
انشالله تلقين الي يرضيك و تصلين بروايتك لبر الآمان http://www.liilas.com/vb3/t178243.html |
رد: ضمني حيل لأحضانك حبيبي ولا تخليني
لا اله الا الله
يــــــــــــــــــآآآهلاءءءءء فيك روايتك حلوووووه وامممممم اتووقع انوو عبد الله يرجع لنوره <<مادري كيييف صراحه خخخخخخ مع انوو مطلقها <<<شطـــــــــــــــحه اي اي اي اتمنى انك تكونين مثل ماقلتي التزامك في تنزيل البارتات <<<بعض الكاتبات الله يهداهن مافيش اللتزام وووووووو احس انووو روايتك راح تتميز <<مادري والله احساس صراحتن وفي البارتات الجايه راح نتعرف ع الشخصيات اكثر واكثر الابطاااال ان شاء الله كبار )الرجال في الثلاثنيات ) والبنات (في العشرينيات( يعني مو بزران في المتوسط خهههههههههههههههههههههه بالتووووووفيق لك وبانتظآآآرك،،،، |
رد: ضمني حيل لأحضانك حبيبي ولا تخليني
منوره تفاحه
يعطيك العافيه ع المرور لاعدمت تواجدك دوماً |
رد: ضمني حيل لأحضانك حبيبي ولا تخليني
نورتي المهره
يعطيك العافيه ع المرور لاعدمت تواجدك دوماً |
رد: ضمني حيل لأحضانك حبيبي ولا تخليني
مافي اي تفاعل |
رد: ضمني حيل لأحضانك حبيبي ولا تخليني
مساء الخير البارت الثاني ودي اضمك من كل قلبي وتزيد تضمني حيل لكـ ودي انسى العالم وماحس الا بدفا قلبك تتكلم وتقولي ::: وحشتيني يابعد قلبي واقلك اشششــ تعبت اسمع كلام لسانك بس في شيء ودي اسمعه واقرب واحط راسي قريب من ضلوعك واسمع دقات قلبك وكل ماقرب لأجل اسمع اوضح القى قلبك تزيد نبضاته ابتسم بلا شعور واضم صدرك حيل تهزني وتقول :: قلبي يقلك ارحمه اقلك :: ارحم قلبي الأول وقرب وزيد وضمني ..!! اوعدكـ عمري ماأمل من دفا حضنك وعمري ماراح احس بالضيق وش ابي اكثر من حبيب نسى العالم كله وضمني حيل لأحضانه ودي اطلبك طلب ولا تردني طلبتك لاتمل طلبتك لا تقولي خلاص تعبت طلبتك خلني أنام الليله بحضن قلبك ودي انام ع صوت نبضك وودي اصحى ع صوته خلني ليله في أحضانك خلني أنسى الهم والضيقه ضمني حبيبي ضمني باقوى ماعندك مابي منك رحمة ولا خوف ع ضلوعي ابي حضن يكسر ضلوعي ويخلي أجسادنا وحده ابي كل اللي يشوفنا يقول :: ليتني الحين في أحضان حبيبي ابي كل الناس تتكلم وتقول ابي اسمع كلمة :: كنهم جسد واحد {..الله لا يفرق حبيب عن حبيبه عرفت الحين وش هو حلمي عرفت انه بيدك تحققه وبيدك تهدمه طلبتك لآخر مرة ضمني حيل لأحضانك. . (بعد مرور 20 سنه) التعريف بالشخصيات (عائلة الجد أبو عبدالله) الجد ابو عبدالله (سعد):بالسبعين من عمره مريض بالقلب ندمان على اللي سواه في نوره وعيالها ويدور عليها عشان يعتذر منها ويعوض عيال ولده الجده ام عبدالله (طيبه):طيبه حيل وحزينه على عيال ولدها اللي ماتدري وين اراضيهم تحب مشاعل حيل مع انها بنت ضرتها بس ماتعتبرها الا بنتها مشاعل: 23 سنه دلوعة ابوها واخوانها والعايله مرحه وفرفوشه تحب اخوانها وخاصة عبدالله جميله مره شعرها طويل وبشرتها بيضا وطويله ونحيفه تدرس بالجامعه تخصص ادارة اعمال (عائلة ابو سلطان) أبو سلطان(عبدالله):52 سنه طيب وحنون وعصبي بعض الأحيان رجل أعمال كبير غني مره يملك شركات وعقارات وأراضي متزوج منيره بنت عمه وطليقته نوره أم سلطان(منيره زوجته):47 سنه بنت عمه طيبه مره لأبعد الحدود وحنونه على الكل خاصة على عيالها سلطان:28 سنه وسيم وطويل نحيف أسمر وله عضلات شعره اسود وعيونه عسليه ملامح وجهه حاده طيب وهادي وحنون على خواته يشتغل ضابط متزوج بنت عمته شيماء ويموت فيها عنده ولد عبدالله 3 سنين وحامل في السابع يوسف:26 سنه وسيم مرررررره طويل وبشرته سمره وشعره بني ناعم عيونه عسليه حاده له عضلات عصبي ويحاول يتحكم في عصبيته يحب بنت عمه بشاير بس هي ماتدري عن هوى داره يشتغل مهندس معماري مشعل:23 سنه حلو وطوله وسط بشرته بيضاء وشعره اسود مجعد فله خفيف دم دايم ينكت ويضحك هو وسلمان وبدر اعيال عمامه اصدقاء الروح بالروح اذا اجتمعوا في جلسه قلبوها ضحك وفرفشه يدرس بالجامعه ادارة اعمال ريم:20 سنه جميله وجسمها رشيق بيضاء وعيونها عسلي شعرها طويل لتحت ظهرها لونه احمر هاديه وخجوله ورومانسيه مملكه على ولد عمها مشاري وتحبه وتموت فيه صديقته المقربه مها بنت عمها تدرس في الجامعه قسم هندسة ديكور أمل:18 سنه عربجيييه شعرها قصير لرقبتها صابغته اشقر تحب الفله والاستهبال طولها وسط ونحيفه حيل مسويه جو في البيت تدرس ثاني ثانوي ادبي مع بنات عمها هلا وهند عياله من نوره ( طليقته) فواز:27سنه ملك جمال العايله عليه وسامه تطيح الطير من السماء بشرته سمرا وعيونه وساع عسليه مايله للاخضر ونظرته حاده خشمه سلة سيف طويل ونحيف بس عضلات شعره اسود ناعم طويل لعند رقبته وسكسوكته تجنن حنون مره على خواته وخاصة غلا معوضهم فقدان ابوهم في عيونه نظرة حزن عميقه وله قصه بنعرفها بعدين مسافر يدرس برهفي جامعة مانشسترتخصص طب قسم جراحه خالد:25سنه وسيم وطويل وجسمه حلو مونحيف ولا سمين شعره بني وعيونه عسليه حكيم وياخذ الامور بحكمه يشتغل ضابط وشايل فكرة الزواج من راسه نهائياً تركي:23سنه وسييييييم مره طويل ونحيف وشعره بني مايل للاشقر عيونه عسلي وبشرته بيضاء يحب الاستهبال والضحك يحب يعاند اخته رنا دايم هو ورنا في هواش وشعاره في الحياه (فلها وربك يحلها) غلا:21سنه هذي عاد ملكة جمال العايله بعد فواز جمالها باهر طويله وبشرتها بيضاء وعيونها وساع لونهم اخضر وشعرها اشقر طبيعي طويل لتحت ظهرها جسمها ولا مليكان كانها عارضة ازياء شفايفها مثل التوت هاديه وحساسه حيل ورومانسيه وتحب تكتب الشعر والخواطر متعلقه حيل في اخوها فواز وخالها ضاري تدرس بالجامعه قسم فنون تشكيليه رنا:20سنه خبله ومرجوجه لابعد حد ومشاكسه وعنيده طولها وسط وجسمها دبدوب وشعرها لكتفها اسود وعيونها بنيه وبشرتها سمرا دايم تحيي البيت بااستهبالها ورجتها تدرس في الجامعه قسم ادارة اعمال (عائلة ابو سعود) ابو سعود(عبد الرحمن): 50 سنه عصبييي وشديد وحنون في نفس الوقت يشتغل مع اخوه بالشركه ام سعود(حصه):45 سنه طيبه حيل وحنونه مره خاصة على عيالها سعود:30 سنه طويل ونحيف بشرته سمرا هادي واحيانا يعصب يشتغل دكتور اطفال متزوج بنت عمه خلود وعنده ولد عبدالرحمن 3 سنين وبنت رغد سنه هنادي:27 سنه جمالها حلو وطولها وسط نحيفه و شعره يوصل لرقبتها وبشرتها بيضا متزوجه ولد عمها نايف لهم 4 سنين ماعندها عيال وشايله هم موضوع الحمل ومتحملهعصبية نايف وهواشه لها وهي ساكته فارس:25سنه وسييم مررررره عيونه وساع وحاده طويل وشعره اسود مموج يشتغل مدرس رياضيات سلمان:23 سنه مملوح دبدوب وطوله وسط شعره اسود مجعد عيونه بنيه يحب الضحك والاستهبال والرجه يدرس مع مشعل وبدر بالجامعة ادارة اعمال بشاير:22 سنه حلوه وطويله وشعرها لنص ظهرها لونه بني وعيونها بنيه هاديه وحبوبه تدري عن حب يوسف لها بس هي ماتحبه او ماتعترف بالحب قبل الزواج تدرس بالجامعه قسم ادب مها:20 سنه حلوه وطولها وسط وشعرها لونه بني قصير وعيونها عسلي هاديه خجوله وحبوبه تدرس بالجامعه مع ريم قسم هندسة ديكور هلا:18سنه حلوه وطويله وشعرها اسود لكتفها مرجوجه بس مو مثل امل هي وامل صديقات تدرس ثاني ثانوي ادبي (عائلة ابو نايف) ابو نايف(راشد):47 سنه طيب وحبوب هادي ورزين مره وشديد بعض الاحيان يشتغل مع اخوانه بالشركة ام نايف(فضه):44 سنه طيبه وعسل مررررره حنونه على عيالها وشديده بعض الشي نايف:28 سنه وسيم وطويل نحيف أسمر وشعره أسود وله عضلات وعيونه عسليه عصبي مره وشديد في معاملته متزوج بنت عمه هنادي يحبها موت بس بعد اول سنه من زواجهم انقلب عليها وصار مايحبها ودايم مهملها ومايسال عنها وهي ساكته وصابره يشتغل مع عمامه بالشركة مشاري:26 سنه طويل ونحيف أسمر وله عضلات شعره بني وعيونه بنيه يحب بنت عمه ريم موت ومملك عليها لهم سنه وزواجه بعد شهر يشتغل دكتور عضام هو وعادل ولد عمته اصحاب من الطفوله فيصل:25 سنه وسيم مررررره وطويل نحيف أسمر وشعره أسود وله عضلات وعيونه سودا ملامح وجهه حاده باااااااااااارد مره يدرس بالخارج بدر:23 سنه سنه حلو وطوله وسط بشرته بيضاء وشعره اسود فله خفيف دم يدرس بالجامعه ادارة اعمال مع عيال عمه مشعل وسلمان شهد:20 سنه حلوه وطويله وشعرها لنص ظهرها لونه اشقر وعيونها بنيه هاديه تدرس بالجامعه مع بنات عمها ريم ومها بدور:19 سنه حلوه وطوله وسط وشعرها قصير لونه احمر وعيونها عسلي مغروره وعنيده وشخصيتها قويه تدرس ثالث ثانوي علمي هند:17 سنه طويله وبشرتها بيضاء شعرها طويل اسود وعيونها سودا خفيفة دم مع شلتها امل وهلا تدرس ثاني ثانوي ادبي الجوري:7 سنين كتكووووووووته وحلوه تدرس اول ابتدائي (عائلة أبو بندر) أبو بندر(ناصر):55 سنه ولد عم ابوسلطان واخوانه شريك معاهم بالشركه طيب وحنون أم بندر(ساره):53 سنه اخت ابو سلطان وابو سعود وابو نايف حنونه وطيبه بندر:29 سنه وسيم وطويل نحيف أسود وله عضلات شعره اسود وعيونه عسليه يشتغل بالشركه مع ابوه وخواله متزوج بنت عمه جود وعنده ولد ناصر 4 سنين وبنت ساره سنتين عادل:26 سنه طويل نحيف أبيض شعره بني عيونه بنيه ويشتغل دكتور عضام شيماء:24 سنه حلوه وطويله وشعرها لتحت ظهرها لونه بني وعيونها بنيه متزوجه ولد خالها سلطان خلود:22سنه بشرتها بيضاء طويله شعره لنص ظهرها اسود مخصل بااشقر متزوجه ولد خالها سعود منال:20 سنه طولها وسط وشعرها قصير اشقر بشرتها بيضا تدرس بالجامعه قسم تاريخ |
رد: ضمني حيل لأحضانك حبيبي ولا تخليني
متابعه معك ياقمر بتنزلى فصل كل قد ايه
|
رد: ضمني حيل لأحضانك حبيبي ولا تخليني
مساء الخير البارت الثاني ودي اضمك من كل قلبي وتزيد تضمني حيل لكـ ودي انسى العالم وماحس الا بدفا قلبك تتكلم وتقولي ::: وحشتيني يابعد قلبي واقلك اشششــ تعبت اسمع كلام لسانك بس في شيء ودي اسمعه واقرب واحط راسي قريب من ضلوعك واسمع دقات قلبك وكل ماقرب لأجل اسمع اوضح القى قلبك تزيد نبضاته ابتسم بلا شعور واضم صدرك حيل تهزني وتقول :: قلبي يقلك ارحمه اقلك :: ارحم قلبي الأول وقرب وزيد وضمني ..!! اوعدكـ عمري ماأمل من دفا حضنك وعمري ماراح احس بالضيق وش ابي اكثر من حبيب نسى العالم كله وضمني حيل لأحضانه ودي اطلبك طلب ولا تردني طلبتك لاتمل طلبتك لا تقولي خلاص تعبت طلبتك خلني أنام الليله بحضن قلبك ودي انام ع صوت نبضك وودي اصحى ع صوته خلني ليله في أحضانك خلني أنسى الهم والضيقه ضمني حبيبي ضمني باقوى ماعندك مابي منك رحمة ولا خوف ع ضلوعي ابي حضن يكسر ضلوعي ويخلي أجسادنا وحده ابي كل اللي يشوفنا يقول :: ليتني الحين في أحضان حبيبي ابي كل الناس تتكلم وتقول ابي اسمع كلمة :: كنهم جسد واحد {..الله لا يفرق حبيب عن حبيبه عرفت الحين وش هو حلمي عرفت انه بيدك تحققه وبيدك تهدمه طلبتك لآخر مرة ضمني حيل لأحضانك. . (بعد مرور 20 سنه) التعريف بالشخصيات (عائلة الجد أبو عبدالله) الجد ابو عبدالله (سعد):بالسبعين من عمره مريض بالقلب ندمان على اللي سواه في نوره وعيالها ويدور عليها عشان يعتذر منها ويعوض عيال ولده الجده ام عبدالله (طيبه):طيبه حيل وحزينه على عيال ولدها اللي ماتدري وين اراضيهم تحب مشاعل حيل مع انها بنت ضرتها بس ماتعتبرها الا بنتها مشاعل: 23 سنه دلوعة ابوها واخوانها والعايله مرحه وفرفوشه تحب اخوانها وخاصة عبدالله جميله مره شعرها طويل وبشرتها بيضا وطويله ونحيفه تدرس بالجامعه تخصص ادارة اعمال (عائلة ابو سلطان) أبو سلطان(عبدالله):52 سنه طيب وحنون وعصبي بعض الأحيان رجل أعمال كبير غني مره يملك شركات وعقارات وأراضي متزوج منيره بنت عمه وطليقته نوره أم سلطان(منيره زوجته):47 سنه بنت عمه طيبه مره لأبعد الحدود وحنونه على الكل خاصة على عيالها سلطان:28 سنه وسيم وطويل نحيف أسمر وله عضلات شعره اسود وعيونه عسليه ملامح وجهه حاده طيب وهادي وحنون على خواته يشتغل ضابط متزوج بنت عمته شيماء ويموت فيها عنده ولد عبدالله 3 سنين وحامل في السابع يوسف:26 سنه وسيم مرررررره طويل وبشرته سمره وشعره بني ناعم عيونه عسليه حاده له عضلات عصبي ويحاول يتحكم في عصبيته يحب بنت عمه بشاير بس هي ماتدري عن هوى داره يشتغل مهندس معماري مشعل:23 سنه حلو وطوله وسط بشرته بيضاء وشعره اسود مجعد فله خفيف دم دايم ينكت ويضحك هو وسلمان وبدر اعيال عمامه اصدقاء الروح بالروح اذا اجتمعوا في جلسه قلبوها ضحك وفرفشه يدرس بالجامعه ادارة اعمال ريم:20 سنه جميله وجسمها رشيق بيضاء وعيونها عسلي شعرها طويل لتحت ظهرها لونه احمر هاديه وخجوله ورومانسيه مملكه على ولد عمها مشاري وتحبه وتموت فيه صديقته المقربه مها بنت عمها تدرس في الجامعه قسم هندسة ديكور أمل:18 سنه عربجيييه شعرها قصير لرقبتها صابغته اشقر تحب الفله والاستهبال طولها وسط ونحيفه حيل مسويه جو في البيت تدرس ثاني ثانوي ادبي مع بنات عمها هلا وهند عياله من نوره ( طليقته) فواز:27سنه ملك جمال العايله عليه وسامه تطيح الطير من السماء بشرته سمرا وعيونه وساع عسليه مايله للاخضر ونظرته حاده خشمه سلة سيف طويل ونحيف بس عضلات شعره اسود ناعم طويل لعند رقبته وسكسوكته تجنن حنون مره على خواته وخاصة غلا معوضهم فقدان ابوهم في عيونه نظرة حزن عميقه وله قصه بنعرفها بعدين مسافر يدرس برهفي جامعة مانشسترتخصص طب قسم جراحه خالد:25سنه وسيم وطويل وجسمه حلو مونحيف ولا سمين شعره بني وعيونه عسليه حكيم وياخذ الامور بحكمه يشتغل ضابط وشايل فكرة الزواج من راسه نهائياً تركي:23سنه وسييييييم مره طويل ونحيف وشعره بني مايل للاشقر عيونه عسلي وبشرته بيضاء يحب الاستهبال والضحك يحب يعاند اخته رنا دايم هو ورنا في هواش وشعاره في الحياه (فلها وربك يحلها) غلا:21سنه هذي عاد ملكة جمال العايله بعد فواز جمالها باهر طويله وبشرتها بيضاء وعيونها وساع لونهم اخضر وشعرها اشقر طبيعي طويل لتحت ظهرها جسمها ولا مليكان كانها عارضة ازياء شفايفها مثل التوت هاديه وحساسه حيل ورومانسيه وتحب تكتب الشعر والخواطر متعلقه حيل في اخوها فواز وخالها ضاري تدرس بالجامعه قسم فنون تشكيليه رنا:20سنه خبله ومرجوجه لابعد حد ومشاكسه وعنيده طولها وسط وجسمها دبدوب وشعرها لكتفها اسود وعيونها بنيه وبشرتها سمرا دايم تحيي البيت بااستهبالها ورجتها تدرس في الجامعه قسم ادارة اعمال (عائلة ابو سعود) ابو سعود(عبد الرحمن): 50 سنه عصبييي وشديد وحنون في نفس الوقت يشتغل مع اخوه بالشركه ام سعود(حصه):45 سنه طيبه حيل وحنونه مره خاصة على عيالها سعود:30 سنه طويل ونحيف بشرته سمرا هادي واحيانا يعصب يشتغل دكتور اطفال متزوج بنت عمه خلود وعنده ولد عبدالرحمن 3 سنين وبنت رغد سنه هنادي:27 سنه جمالها حلو وطولها وسط نحيفه و شعره يوصل لرقبتها وبشرتها بيضا متزوجه ولد عمها نايف لهم 4 سنين ماعندها عيال وشايله هم موضوع الحمل ومتحملهعصبية نايف وهواشه لها وهي ساكته فارس:25سنه وسييم مررررره عيونه وساع وحاده طويل وشعره اسود مموج يشتغل مدرس رياضيات سلمان:23 سنه مملوح دبدوب وطوله وسط شعره اسود مجعد عيونه بنيه يحب الضحك والاستهبال والرجه يدرس مع مشعل وبدر بالجامعة ادارة اعمال بشاير:22 سنه حلوه وطويله وشعرها لنص ظهرها لونه بني وعيونها بنيه هاديه وحبوبه تدري عن حب يوسف لها بس هي ماتحبه او ماتعترف بالحب قبل الزواج تدرس بالجامعه قسم ادب مها:20 سنه حلوه وطولها وسط وشعرها لونه بني قصير وعيونها عسلي هاديه خجوله وحبوبه تدرس بالجامعه مع ريم قسم هندسة ديكور هلا:18سنه حلوه وطويله وشعرها اسود لكتفها مرجوجه بس مو مثل امل هي وامل صديقات تدرس ثاني ثانوي ادبي (عائلة ابو نايف) ابو نايف(راشد):47 سنه طيب وحبوب هادي ورزين مره وشديد بعض الاحيان يشتغل مع اخوانه بالشركة ام نايف(فضه):44 سنه طيبه وعسل مررررره حنونه على عيالها وشديده بعض الشي نايف:28 سنه وسيم وطويل نحيف أسمر وشعره أسود وله عضلات وعيونه عسليه عصبي مره وشديد في معاملته متزوج بنت عمه هنادي يحبها موت بس بعد اول سنه من زواجهم انقلب عليها وصار مايحبها ودايم مهملها ومايسال عنها وهي ساكته وصابره يشتغل مع عمامه بالشركة مشاري:26 سنه طويل ونحيف أسمر وله عضلات شعره بني وعيونه بنيه يحب بنت عمه ريم موت ومملك عليها لهم سنه وزواجه بعد شهر يشتغل دكتور عضام هو وعادل ولد عمته اصحاب من الطفوله فيصل:25 سنه وسيم مررررره وطويل نحيف أسمر وشعره أسود وله عضلات وعيونه سودا ملامح وجهه حاده باااااااااااارد مره يدرس بالخارج بدر:23 سنه سنه حلو وطوله وسط بشرته بيضاء وشعره اسود فله خفيف دم يدرس بالجامعه ادارة اعمال مع عيال عمه مشعل وسلمان شهد:20 سنه حلوه وطويله وشعرها لنص ظهرها لونه اشقر وعيونها بنيه هاديه تدرس بالجامعه مع بنات عمها ريم ومها بدور:19 سنه حلوه وطوله وسط وشعرها قصير لونه احمر وعيونها عسلي مغروره وعنيده وشخصيتها قويه تدرس ثالث ثانوي علمي هند:17 سنه طويله وبشرتها بيضاء شعرها طويل اسود وعيونها سودا خفيفة دم مع شلتها امل وهلا تدرس ثاني ثانوي ادبي الجوري:7 سنين كتكووووووووته وحلوه تدرس اول ابتدائي (عائلة أبو بندر) أبو بندر(ناصر):55 سنه ولد عم ابوسلطان واخوانه شريك معاهم بالشركه طيب وحنون أم بندر(ساره):53 سنه اخت ابو سلطان وابو سعود وابو نايف حنونه وطيبه بندر:29 سنه وسيم وطويل نحيف أسود وله عضلات شعره اسود وعيونه عسليه يشتغل بالشركه مع ابوه وخواله متزوج بنت عمه جود وعنده ولد ناصر 4 سنين وبنت ساره سنتين عادل:26 سنه طويل نحيف أبيض شعره بني عيونه بنيه ويشتغل دكتور عضام شيماء:24 سنه حلوه وطويله وشعرها لتحت ظهرها لونه بني وعيونها بنيه متزوجه ولد خالها سلطان خلود:22سنه بشرتها بيضاء طويله شعره لنص ظهرها اسود مخصل بااشقر متزوجه ولد خالها سعود منال:20 سنه طولها وسط وشعرها قصير اشقر بشرتها بيضا تدرس بالجامعه قسم تاريخ في الشرقيـــــــــــــــــــة.....، في بيت ام فواز كانت واقفة عند مرايتها تمشط شعرها خلصت اخذت الكحل وكحلت عينها وحطت روج فوشي ولبست جزمتها السبورت لونها وردي اخذت شنطتها الفوشيه وعبايتها ونزلت تحت ودخلت غرفة الأكل ولقت امها ترتب الطاوله راحت وباستها على راسها غلا:صباح الخير يأحلى ام بالدنيا ام فواز:صباح النور حبيبتي يالله تعالي افطري لا تتأخرين على جامعتك غلا:طيب مامي بس وين عيالك ماشوفهم؟؟ ام فواز:وين يعني تركي نايم مو راضي يقوم وخالد يابعد عمري ماجا الا وجه الفجر ويقول تعبان لا تقوموني الا لين اقوم من نفسي واختك قاعده تتكشخلي تقول رايحه عرس مو جامعه غلا:هههههههههه طيب ماما بروح اصحي تروك وطلعت فوق لغرفة تركي وفتحت الباب بقوه وتطبل على الباب وتغني:تركي تروكي تروك تركيييييييييي تركي وهو فاتح عين ومغمض عين:غلوووووه فارقي وسكري الباب غلا:لااااااااا امي تنتظرنا على الفطور قوم يالله تركي:غلاااااااااا اطلعي وسكري الباب وراك بسررررررعه غلا:نوووووووو ماراح اروح الا لما تقوم تركي:غلاااااااااااااااااااا الأخت مطنشه وتفتح دروج الكومدينه وتنبش في اغراضه . تركي طمر من على السرير وغلا لما شافته ارتاعت وركض من الغرفه وهو يلحق وراها نزلت تحت وراحت ورى امها:مامي الله يخليك فكيني منه ام فواز:خير وش فيه ؟؟ تركي:الحماره بنتك ماخلتني انام ام فواز:تستاهل تبي تنام وانت متأخر عن الجامعه يالله روح البس تاخرت بسررررعه تركي:هين ياغلوووووووه اما وريتك لا تسميني تركي. وطلع رايح لغرفته ومر من جنب غرفة رنا ولقا الباب فاتح والاخت مشغله مسجل على اغنية بلا حب بلا وجع قلب وتهز في عمرها وهي تمشط شعرها تركي: الحمد لله والشكر رنا طالعت فيه من طرف عينها وطنشته تكمل شغله تركي:اللحين انا ابي اعرف انتي رايحه جامعه ولا حفله؟؟ رنا تأففت:اففففف وانت وش دخلك يالملقوف ومن سمح لك تدخل غرفتي بدون اذن تركي:انا سمحت لنفسي ادخل المكان اللي ابيه رنا:تروك اطلع خلني اخلص شغلي لا تاخرني تركي:واذا ماطلعت رنا:عادي بذا الجزمه(وانتو بكرامه) على الجبهه تركي:اعوذ بالله حشى ولد مو بنت وطلع وصقع الباب بقوه ورنا عصبت:كسر في يدك بلا في شكلك أفففففففف عكر مزاجي الله ياخذ بليسه رن جوالها وراحت شافته لقت ( لموووووووور يتصل بك):أهليييين وسهلييييين لمار:اهلييييين فيك هاه وينك؟؟ رنا:ويني فيه بالله أكيد في البيت في المريخ يعني لمار:بل مو لسان ذا ماصارت ياسؤال رد مكانك رنا:اخلصي وش بغيتي؟؟ لمار:ابيك تجيبين معاك دفتري ياحلوه موتنسينه زي كل مره رنا:لا تخافين اول ماحطيت في الشنطه هو لمار:برافووووو على الشاطره يالله قود باي رنا:باي سكرت من لمار وجلست تكمل زينتها ولما خلصت اخذت شنطتها ونزلت تحت لقت الكل جالس على الفطور ماعدا خالد وبصوت عالي:صبااااااااااااح الخييييييييييير ام فواز:قص في حلقك قصري صوتك نسمعك حنا مو صمخان تعالي افطري بسرعه تاخرتي غلا شهقت:هئئئئئئئئئئ الكل:بسم الله وش فيك؟؟ غلا:رنووووه بتروحين الجامعه كذا ؟؟ رنا:الحمد لله والشكر على بالي صاير شي ايه بروح كذا غلا:بذا اللبس وذا الشكل رنا طالع نفسها ولبسها:ليه وش فيه؟؟ غلا:وش فيه الا قولي وش مافيه رنا كانت لابسه تنوره جنز لنص الساق وبلوزه بيضا مقلمه بالوردي والفسفوري والاصفر وسافطه الاكمام مثل العرابجه ولابسه اساور في يدينها الثنتين ملونه ولابسه جزمه وانتو بكرامه سبور بيضا مخططه بنفس الوان البلوزه والاساور ومجعده شعره وحاطه ربطه بيضا وطالع شكلها شي مع الالوان غلا:انتي عاجبك مظهرك اللحين؟؟ رنا:ايه عاجبني وكيفي وبليز لا احد يتدخل تركي:الحمد لله على نعمة العقل بس امشي انتي وياها تاخرنا. وطلعوا مع تركي يوصلهم الجامعه ويروح هو لجامعته &&&&&&&&&&&&&&&&&&&&&&&&& في الريـــــــــــــاض.....، في حي راقي من احياء الرياض وفي قصر فخم واضح عليه الطابع الأوربي وواضح على اصحابه الغنى ام سلطان وهي تقوم مشعل:مشعل مشعلوووووه قوم مشعل:يمه الله يخليك خليني انام ام سلطان:لا مافيه قوم بتتاخر على جامعتك يالله قوووووووم مشعل قام وهو يتمغط:طيب طيب قمت طلعت ام سلطان من غرفة مشعل وقابلة سلطان وهو طالع من جناحه سلطان وهو يحب راسها:صباح الخير يمه ام سلطان:صباح النور ياولدي سلطان:اشوفك طالعه من غرفة مشعل كالعاده تصحينه ام سلطان:شسوي إذا تركته ماقام ابد الله يهديه بس يحب النوم سلطان:آمييين الا يمه ابوي وين؟ ام سلطان:ابوك افطر وطلع بسرعه يقول عنده اجتماع مهم سلطان:أهااااااا ام سلطان:يالله يمه انزل افطر الا وين شيماء وعبدالله ماشوفهم؟؟ سلطان:شيماء نايمه يمه من حملت وهي دايم نايمه عبدالله نايم بعد ام سلطان:هذي عادة المره الحامل تحب النوم سلطان:يالله يمه تاخرت على الشغل ام سلطان:افطر يمه سلطان:بافطر في الشغل تاخرت مع السلامه ام سلطان:مع السلامه في حفظ الله حب سلطان راس امه وطلع وام سلطان نزلت للمطبخ في غرفة ريم كانت طالعه من الحمام تاخذ شاور والا جواله يدق بنغمة ( احبك ما تكفيني ولا ياقلبي وعيني انا من كثر ما احبك قليله لأجلك سنيني حياتي لك وعمري لك وكل اللي تبي كله) راحت ركض للجوال لأنها عرفت من اللي دق كان مكتوب (أنت قلبــــــــي يتصل بك) ردت بنعومه:الو مشاري:صباح الورد والياسمين لأحلا حب في حياتي ريم استحت:صباح النور مشاري:كيفك حبيتي؟؟ ريم:بخير انت كيفك؟؟ مشاري:دام اسمع صوتك فاأعرفي اني بخير ريم مستحيه:دوم مشاري:دامت ايامك اقول حياتي ريم:هلا مشاري:اليوم فاضيه عندك شي ريم:لا اليوم off ماعندي شي مشاري:ok جهزي نفسك بمرك نتغدا برا ريمok: مشاري برومانسيه:أحبك ريم استحت:............... مشاري:فديت اللي يستحون انا وكملوا مكالمتهم مشاري برومنسيته وريم بحياها الله لا يغير عليهم>>نتركهم ونروح مكان ثاني """"""""""" """""""""""""""""""""""""""""""""" في بيت ابو سعود سلمان واقف عند الدرج وبصوت عالي:هلااااااااااااااااااااااااااااا بسرررررررررعه هلا تنزل الدرج بسرعه:شوي شوي لا ينط لك عرق تو الناس سلمان:أي تو الناس انا بتاخر والسبه انتي بسرعه قدامي هلا:اففففففف منك تحشر الواحد سلمان:يالله بس وطلعو سلمان بيوصل هلا لمدرستها وبيروح هو لجامعته في جناح سعود سعود كان نايم ماعنده دوام اليوم وحاضن خلود بيده مع خصرها ونايمين بسلام، فتح الباب ودخل ومشى لين وصل للسرير حاول يركب حاول وحاول لين ركب وقفز في وسطهم وهو يصارخ:باباااااااا ماماااااااااا سعود وخلود قاموا مفزوعين من الصراخ وشافوا عبدالرحمن جالس ويناظر فيهم سعود مسكه وقال:وش فيه بابا فيك شي تحس بشي؟؟ عبدالرحمن ببراءه:دوعااان سعود:هاااااه عبدالرحمن يصارخ:ادول دوعاااااااااااان ماتتمع ماما دوعان ابي اتل (اقول جوعان ماتسمع ماما جوعان ابي اكل) سعود عصب :الله ياخذ بليسك والصيحه هذي كلها عشانك جوعان عبدالرحمن بس شاف ابوه معصب شغل صفارات الانذار وجلس يصيح وخلود اخذته بسرعه وطلعت راحت المطبخ سوت اكل واكلته وعطته الشغاله تغير لبسه وهي راحت للغرفه لقت سعود متمدد ويده تحت راسه ويناظر السقف وسرحان جت وجلست على طرف السرير من جهة سعود وحطت يدها على خده:حبيبي سعود صحى من سرحانه:هلا حياتي خلود:وش فيك؟؟ سعود:وش فيني مافيني شي خلود:الا فيك شي من امس وانت متغير وكله سرحان ومهموم قولي وش فيك والا تخبي على حبيبتك؟؟ سعود سحب يدها اللي على خده وباسها:حبي لا تشغلين بالك مشاكل في الشغل واللحين قوليلي الدب وينه؟؟ خلود ضحكت:ههههههههه حرام عليك لا تقول عن دحومي دب سعود:وانا صادق ماتشوفينه لا تأكلينه كثير لا ينفجر علينا خلود:بسم الله على ولدي قول ماشاء الله مايحسد المال الا اصحابه سعود:ماشاء الله لا تخافين عيني بارده قوليلي وينه؟؟ خلود:مع الشغاله تغير لبسه وتنزله لخالتي تحت سعود يطالعها بنظرة خبث:يعني موجاي لنا مثل كل شوي يتهبد خلود وكأنها عرفت نوايا سعود وتلميحه قامت بسرعه :يالله قوم عشان تفطر بروح اجهز الفطور وبسرعه راحت للباب بس ممداها سعود قام بسرعه وراح مسكها مع يدها وسحبها له وطاحت في حضنه:وين وين حياتي تو الوقت على الفطور خلود:لا حبيبي وين تو الوقت بتجي خالتي تسأل عنا سعود:لا تخافين امي مو سائله عنا ولا شي بس خلينا في المهم خلود:سعووووووووود سعود برومانسيه:عيون سعود وروحه وقلبه وحياته ودنيته كلها خلود خلاص ذابت وراح وجهها احمر وسعود راح فيها وذاب بحياها مسك وجهها بيدينه وطبع بوسه على شفايفها وقفل الباب عشان دحومي ما يزعجه وراح شالها ونزلها على السرير وانسدح جنبها وحط يده تحت راسها ويده الثانيه على خصرها وكل شوي يبوسها................ووووووو>>>>مشفر محذوف """""""""""" """""""""""""""""""""""""""""""""" في بيت ابو نايف ابو نايف وام نايف جالسين في الصاله يشربون شاهي ويسولفون نزلوا مشاري وبدر :السلام عليكم ابو نايف وام نايف:وعليكم السلام باسوا راس ابوهم وامهم وجلسوا شوي معهم مشاري استاذن وطلع لشغله وبدر جلس يستنى شهد عشان يوديه للجامعه شوي الا شهد وبدور نازلات :صبااااااح الخير الكل :صباح النور كل وحده باست راس ابوها وامها وبدر يستعجل شهد :يالله شهد تاخرنا شهد:يالله مع السلامه الكل :مع السلامه وبدور جلست تستنى الباص اللي بيوديها المدرسه سمعت صوت الباص ولبست عباتها بسرعه :يالله مع السلامه ابونايف وام نايف:مع السلامه في جناح نايف هنادي جالسه في الصاله على الكنبه ودموعها على خدها وهي تتذكر اللي صار ليلة البارح كان نايف راجع متاخر كالعاده بس عشان مايجلس معها وهنادي جالسه بالصاله تنتظره ولما سمعت صوت الباب راحت ركض للباب وشافت نايف دخل وسكر الباب التفت شافها واقفه قدامه وفي عيونها نظرة خوف طنشها ودخل الغرفه حز في خاطرها تطنيشه بس ماهتمت وهي مقرره تكلمه عن حياتهم دخلت الغرفه لقت نايف طالع من الحمام وفي يده منشفه يمسح به شعره ووجهه شافها بس ماهتم وراح للتسريحه اخذ المشط وجلس يمشط شعره هنادي تشجعت:نايف نايف سمعها بس مارد هنادي :نايف نايف بنرفزه:نعم خير هنادي:الى متى بنظل على هالحال؟؟ نايف بسخريه:ليه وشفيها حالنا عايشين من احلى مايكون هنادي تدري انه يتمسخر:نايف لا تتمسخر انا احكي جد نايف:بالله وش تبيني اقولك ؟؟ هنادي:ابي اعرف لي متى واحنا كذا لنا 4 سنين متزوجين وكأنا مو متزوجين تطلع الصبح وماترجع الا اخرالليل تعاملني وكاني خدامه مو كاني انسانه من لحم ودم تعاملني بجفا وماتعرفني الا وقت النوم ليه كذا ليه تزوجتني اذا ماتحبني ليه تعاملني على اساس اني مو انثى لي كياني ومشاعري واحاسيسي نايف ضحك:هههههههههههه ليه انتي عاده حالك انثى ياشيخه روحي عني طعنه في الصميم جرح مابعده جرح يشكك في انوثتها دموعها تنزل على خدها :انت واحد حقير وسافل ومنت رجال نايف بس سمع كلامها اشتعل غضب وراح لعندها وطرااااااااااااااااااااااااااااااااااااااااااااااا خ>> اعطاها كف من قوته طاحت على الارض وبعصبيه ماقد شافت مثلها:انا راح اعلمك من هو الحقير والسافل ومسكها مع شعرها وطرااااااااااااااااخ كف ثاني:راح اعلمك من هو الرجال وشالها ورماها على السرير وهجم عليها مثل الوحش الجايع اللي يدور على فريسته عشان يلتهمها بدون رحمه ولا ضمير بعد ساعه تقريباً نايف كان منسدح على السرير ومعطي هنادي ظهره ويسمع صوت بكائها وانينها ومو قادر يتحمل وبنفسه""وش صارلك يانايف طول عمرك ماكنت بهالوحشيه هذي ليه سويت كذا هذي بنت عمك من لحمك ودمك بس هي اهانتني وطعنت في رجولتي ايه انا ماسويت شي غلط كان لازم اادبها اعلمها كيف ترفع صوتها بوجهي ونايم وهو على هالافكار وهنادي لما سمعت صوت تنفسه نظم انسحبت بهدوء وطلعت للصاله وجلست تبكي وهي تندب حضها صحت من افكارها على صوت الباب لفت شافت نايف طالع من الغرفه بيروح دوامه واقف عند المرايه اللي في الصاله يزين عمامته ماانتبهلها ولما لف بيطلع شافها جالسه على الكنبه ومتكوره على نفسها وطالع فيها وعيونها حمرا من البكي رفع حواجبه وهو يطالعها بعدها عطاها ظهره وطلع من الجناح ولا اهتم لها هنادي بكت وهي تشوف تجاهله لها وبنفسها<آآآآآه ياربي ارحمني لي متى وهو يعاملني كذا ويتجاهلني بس لا لي هنا وبس لازم احافظ على الباقي من كرامتي والله لاعلمك درس يانايف ماتنساه طول عمرك> وقامت بسرعه لغرفتها وطلعت شنطتها وحطت فيها ملابسها ولبست عباتها ودقت على السواق يجهز السياره...... """"""""""""""""""""""""""""""""""" في مدرسة امل امل:هاااااااااااااااااااااااي ماي فريند صاحبة امل(رنده):هاااااااااااي امل:كيفكم صبايا؟؟ رنده:تمااااام هند:وش فيك مبسوطه اليوم ؟؟ امل:اليوم فيني هبال مو طبيعي ودي اطلعه هلا:وبتطلعينه في مين؟؟ هند:مافيه الا ابله صفاء هي علينا اللحين رنده:عاد ما لقيتوا الا ابله صفاء أمل تغمز لها :عز الطلب هلا:طيب وش بتسوين؟؟ امل:انا اقولكم وجلست امل تخبرهم وش راح يسوون في حصة الابله صفاء دق الجرس وطلعت المشرفه تدخلهن الفصول امل وهلا جلسو في اماكنهم ووراهم على طول رنده وهند وجلسن يتكلمن شوي الا ابله صفاء داخله:السلام عليكم الكل وقف:وعليكم السلام ورحمة الله وبركاته وامل وشلتها يكملون:نورتينا وشرفتينا ياابله صفاء انت العسل واحنا البصل شرفتينا في احلى فصل وجلسن والفصل يصفقون لهن ابله صفاء:بسسسسسسسسسس وش الهستره هاذي؟؟ امل:نرحب فيك ابله ابله صفاء:شكراً مااحتاج ترحيبك انت وهي هلا:افاااااااا ماهقيتها منك ابله ابله صفاء:بطلي هبل انت وهي وانثبري ولفت على السبوره تكتب امل غمزت لشلتها وحطت يدها على بطنها:ابله ابله ابله صفاء لفت لها:نعم امل :ابله تعبانه تسمحين اروح للعياده ابله صفاء:لا امل:لييييييييه ابله صفاء:قلت لايعني لا هند:ابله حرام عليك امل تعبانه لازم نوديها العياده ضروري هلا:ايه ابله خليها روح تتعب علينا الحين ابله صفاء:افففففف خلاص ماصارت صدعتوا راسي روحي امل قامت تسوي نفسها تعبانه وماسكه بطنها وهلا تساعدها ورنده متخبيه وراهم وتمشي اطلعوا من الفصل وصفاء ماتدري عنهم لانها تكتب على السبوره اول ماطلعو ركض على الساحه امل:هههههههههههههههههه صدق ابله غبيه رنده:ههههههههه حرام هند جلست لوحدها هلا:ماندري وين نخبيها فيه بس انشاء الله تقدر تلحقنا امل:لاتخافون بتلحقنا هذي هند في الفصل مرت 10 دقايق هند حطت يدها على فمها وكانها بتستفرغ :ابله صفاء ابله صفاء:خير وش فيك؟؟ هند:ابله تكفين احس نفسي بستفرغ بروح الحمام(اكرمكم الله) ابله صفاء بسرعه:اطلعي اطلعي بسرعه هند قامت وهي حاطه يد على بطنها واليد الثانيه على فمها واطلعت برا ولقت الشله واقفه في الساحه راحت ركض لعندهم ولما وصلت ضحكت:هههههههههههههههههههههههههههههههههههههههههههه البنات يطالعون فيها مستغربين:؟؟؟؟؟؟؟؟؟؟؟؟؟؟؟؟ امل:هند وش فيك ليه تضحكين؟؟ هلا:وش سويتي وكيف طلعتك الجنيه رنده:بلا ضحك وتكلمي هند تاخذ نفس:سويت نفسي باستفرغ وتقرفت من وطلعتني امل:يعععععععععع الله يقرفك كيف سويتي كذا هند:والله مالقيت الا هالحل رنده:المهم طلعتي الله يستر لا تكشفنا هلا:الله يستر بس خلونا نروح ناكل شي جوعانه امل:يالله وهذي عادتهم شلة امل مهبلين المدرسات وهروب من الحصص وفله اخر حد """""""""""""""""""""""""""""""""" في بيت ابونايف هنادي جمعت اغراضها بسرعه ونزلت بشنطتها تحت شافت الصاله مافيها احد حمدت ربها ان خالتها ماهي فيه طلعت لقت السايق واقف عند السياره ركبت والسايق اخذ الشنطه وحطها في شنطة السياره وركب هنادي:راجو روح بيت بابا عبدالرحمن راجو:ان ساء الله ماما وحرك السياره وراح لبيت ابوها ولما وصلوا نزلت ونزلت شنطتها فتحت الباب ودخلت لقتت امها جالسه في الصاله تشاهد الاخبار :السلام عليكم ام سعود لفت:وعليكم السلام هلا يمه حياك وشافت شنطتها شهقت : هئئ عسى ماشر يمه ليه جايبه شنطتك معك هنادي بس سمعت امها اسالتها ركضت لامها وارتمت في حضنها وهي تبكي وتشاهق من البكي ام سعود ارتاعت :هنادي يمه وش فيك ليه تبكين؟؟ هنادي:آآآآهـ يايمه خلاص انا ماعاد اقدر استحمل العذاب اللي انا عايشه فيه ماعاد اقدر ام سعود:قوليلي يمه وش فيك وش اللي صاير؟؟ هنادي:.........جلست تحكي لامها كل شي من اول يوم بعد سنه من زواجهم لين اللي صار البارح وامها مصدومه من اللي تسمعه """"""""""""""""""""" """""""""""""""""""""""""""""""""" انتهــــــــــــــــــى البـــــــــــــــــــــارت انشاء الله يعجبكم البارت توقعاتكم وردودكم تهمني |
رد: ضمني حيل لأحضانك حبيبي ولا تخليني
لا اله الا الله
مرحبا اختي خذني لدنياك بارت اليوم كشف لنا عن حياة بعض بعض بعض الشخصيات نآآآآآآآآآآيف <<بما ان زواجه صار له4 سنوات ولاجاب طفل اتووووقع المشكله منه مو من هنادي <<<مسكينه هناااادي ووووووش بيسسسسوي الجد عشان يلقى نووره وعيالها ؟؟؟ وووش بيكون موقف عبد الله لمن يحصل نوره وعيالها <<<وهل اهووو ماعنده علم عنهم ريم ومشاري <الله لا يغير عليهم ،،،بس احسس انوو ريم دلووعه وغيووره خخخخخ سعود وخلوود الله لايغير عليهم وفيي انتظااار فواز واخوانه<<<ايييييييه مو كانه نوووره جابت 7 عيال ؟؟؟؟ذطرتي لنا 5 بسسس بشاير مالها الا يوووووووسف اممم احس انوو فواز وغلا <<<هم الابطال |
رد: ضمني حيل لأحضانك حبيبي ولا تخليني
يسلمو روعة الرواية متشوقين للتكملة واللقاء بعد الغياب
|
| الساعة الآن 02:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
شبكة ليلاس الثقافية