| عبق الرياحين |
05-02-12 07:37 PM |
اقتباس:
المشاركة الأصلية كتبت بواسطة وردة الزيزفون
(المشاركة 2999591)
صباح الخير سهومة ......صباح القفلات وحرقة الاعصاب ......لالالالالا خفي علينا سهومة مانتحمل الي يصير ..شي فوق طاقتنا ...انا لو رديت اول ملقريت البارت كان صارت علوم ووصل الدم للركب
عبوقة تسلم ايدك ياعسل
الشايب حسبي الله عليك يالمخرف ......هدوني عليه اكسر عظامه شياكل ذا على هالقوة والعافية ...عمره مليون وفيه حيل يضرب الرخمة مالت عليه ماقدر على كلام الحق قام يستقوي بالضرب عساك للشلل ...الحين صوت شيوخ الي بيفضحكم بين العربان ...ويومك راميهم خمس سنين لارجال ولا والي ماتدري عنهم وين العربان الي تتكلم عنهم يعني كان وجهك ابيض قدامهم همك كلام الناس وماهمك ربك الي ماباقي شي وتفطس وتروح عنده ...وربي مقهورة شهالظلم مايعرفهم ولا فكر فيهم وجالس يزوجهم على كيفه علشان يكسرهم ويذلهم اكثر واكثر ..والله لو اكتب فيه مجلدات مابرد قلبي
شيخة وصقر
اول مرة شيخة تجي قوتها بمحلها بس كلامها ماكان شافي والله عرفت تسكت الشايب بكلامها وهي ماقالت شي بس جنت على خواتها مانفعتهم لو تدري انو حالها احسن منهم ماندبت حظها وعرفت قدر صقر ..على الاقل صقر ماهانها ليلة زواجها ولا انرمت عليه كأنها مسوية مصيبة بيتسترون عليها يعني الي سواه الحين الشيبة مابيخلي العربان تحكي بطريقة هالزواج الي حتى عشى رجاجيل مافيه ...........موضي المطلقة ام العيال مارموها هالرمية وبهالتكتم
وربي خفت عليها من الضربة وربي نجاها والله غير ماتقوم منها وهي حامل ولو صار بسارة شي شيخة بتنهار وبتطلع حقيقتها او اصلا بعد موقفها مع صقر راح تطلع خباياها المريرة بس تكفين سهومة نبيها تحكيها بصوت عالي لصقر مو بس تتذكرها واحنا نعرفها على الاقل وحدة من هالبنات يكون معاهم سند اذا عرف الي جرى على بنت عمه وهم بعيدين عنهم وتاركينهم للدنيا وهمومها بضعفهم
سارة ونويفان
مااعتقد تصرفات نايف حب وعشق لا لانه شاف شي ماكان متوقع يشوفه ولانه ظلمها ودمرها وماقدر يشوفها تموت قدام عينه وهو يشوف تضحيتها وخوفها على اختها ......موقف سارة يوجع القلب جدا تأثرت يالله هالبنت كيف تغيرت بعد ماكانت مغرورة ومايهمها الا جمالها لايتشوه الي صار لها غيرها كثير .......اتمنى ماتكون اصابتها خطيرة وتدمر باقي حياتها ......الي فهمته من وصفك انو نايف سدحها على ظهرها يعني الضربة ماجات بالظهر ..بس ايش الي شافه وخلى الي معاه يشهقو وهو الي مااهتز بدموعها وترجيها تدمع عينه .......مااعتقد انها حامل وماخبرته يوم يبلغها عن سيافوه ........ياترى هل الي صار بيكون لصالح سارة وجية فارس هل لها غرض والا الموقف كذا ولابيكون له دور بقصة سارة
نورة وسلطان
مسكينة نورة شكلها اضعف خواتها والمصيبة انها انرمت على واحد موطايقها وبدون زواج وكله كوم ويوم الشايب يقول مايبيها ببيته كوم والله لو انا عنده كان قلت له يالمخرف البيت ماهو ببيتك ولا تاكل من فلوسك جاي تتمنن انت ووجهك كذب عيني عينك ...بس هو غرضه يحرق قلب البنات ويدمرهم بهالازواج بس نسى رحمة ربي الواسعة مابعد الضيق الا الفرج وسلطان الي كاره نورة بيعشقها ومابيطيق فراقها مثل ماشيوخ اخذت قلب صقير وهذا الي حارق قلب الجد مو سالفة الولد ولا شي
وضحى وفهيد
فهيد وجع حتى وجع ماعليه شرهة ماصدق لقى وحدة ترضى فيه قصدي يزوجوها اياه حتى لو غصب وعمشاء الي مفكرة انها بتذل وضحى لو اعترضت على مصايب ولدها بتنقلب الامور عليها لانو وضحى مزيونة بالرغم من عرجها وبتاخذ عقل وقلب فهيد لانو ماعنده شخصية بس وضحى هي الي بتعدله وهو يبي رضى وضحى .....احسن مافي السالفة المهر الي اخذته صار عندها مبلغ عمليتها بس ماادري حاسة انو فهيد مابيرضى انها تسوي العملية لانو بيعشقها مثل ماهي وبيخاف عليها ومابيخليها تسوي العملية الا علشانها هي بس ...بس لازم البداية بتكون مرة عليها وعلى نورة كل وحدة بيكون قهرها مختلف واعتقد ليلتهم بتنقلب دموع ومواجع .......مو مثل ليلة زواج شيخة على الاقل ماانجبرت على شي بليلتها ولا سمعت اهانة من صقر ولا تزوجت بدون جهاز
نور وضاحي
بصراحة ماينلام ضاحي الحياء والخجل زينة المرأة .....وهي داخلة على الرجال وهو يبدل ملابسة حتى ماارتبكت مولهدرجة الموضوع عادي عندها .....الرجال مايحب الحرمة الجريئة وهي مستعجلة على عمرها انتي اول اعرفي ضاحي زين اعرفي خيره من شره بعدين فكري بهالامور
انا مااتمنى انو ضاحي يقرب من نور وهي فاقدة الذاكرة لانها تعتبر بشخصية ثانية ...كافي عليها صدمة الزواج وصدمة الي صار اذا تذكرت احس هالشي بيدمرها ........ابي ضاحي يحبها ويتمسك فيها بكل جوارحه قبل مايفكر يتمم زواجه منها وهالشي لصالح نور ...البنت مالها احد غير رب العباد واذا الحين ماتدرك تصرفاتها ضاحي واعي وعارف الوضع يقسى عليها الحين بس بعدين بتشكره لانو قدرها ومااستغل وضعها ..
كافي الي جاها من هالعصابة ...والي راح يجيها وماندري يمكن يطلع ابوها غير مااحنا مفكرين والرسالة المفقودة بتكشف شي غير متوقع ونور بيرجع لها شي من كبريائها الي ماحد بيقدر يكسرها فيه ...لحد الان ماكشفنا الراس الكبير في العصابة
موضي ومحمد
موضي خلي عنادها ينفعها مااحد بيوقف معاها وخصوصا لو بغت تترك محمد ......تحمد ربها انو الي صار ماخلى محمد يكمل انتقامه الي كان باديه ...تتعقل ومحمد بيجيب عيالها لعندها بس عقلها الغبي مومخليها تتصرف بعقلانية
سهومة تكفين البارت الجاي طمنينا على سارة ولاتزيدي عليها خلاص تعلمت الدرس
في انتظارك ياعسل
|
اهلين وسهلين يانور العييين
يسلم لي قلبك من كل شر ياعسل
عسى ربي لايحرمني من طلتك الحلوه والمميزه |
