المشاركة الأصلية كتبت بواسطة الريم بنت ابوها (المشاركة 2992574)

المشاركة الأصلية كتبت بواسطة دموع الماضي (المشاركة 2993394)

المشاركة الأصلية كتبت بواسطة وردة الزيزفون (المشاركة 2995260)

صباح الخير ......عظم الله اجرك في ميتكم والله يصبركم على فقده .... تسلم ايدك على البارت الحلو ...مع انو ماريح بالي وكنت متمنية شي ثاني ....و الف مبروك سهومة التثبيت تستاهلي يالغلا ...

عبوقة تسلم ايدك ..........وحشتيني ياعسل

نويفان وسارة

نويفان حسبي الله عليك تفوقت على ابليس لهدرجة عنده قدرة يقنع الكل بأكاذيبه بكل بساطة من كلمة فارس صدقه وتغاضى عن وقفته مع سارة بدون وجه حق وعذر سخيف .....بأمكانه يخلي امه او جدته تسأل سارة رايها لوكان صادق بس حتى فارس مشت عليه كذبة نويفان

وسارة الى متى بتسكت الين ترجع لهم بفضيحة والكل بيظلمها ومابيصدقها لانو سيافوه لو تزوجها ماراح يحطها مزهرية ونويفان حاسبها صح بيسكت سيافوه بفلوس وسارة مااحد بيصدقها لانها لو كانت صادقة ماسكتت الين تم زواجها من سيافوه

مع انو لليوم متأكدة انو لو ماصار الي صار كان سويرة لليوم رازة خشتها عند نويفان الا يحبها ويعجب بشكلها ..الي صار درس كبير حيل لها والبنت تابت ...خلاص كثير الي صار الدور على الظالم عديم الشرف يبي له ضربة قوية وهو الي ينجبر يصلح غلطته لانو مانضمن خبثه لوين بيوصله بعدين

والجدة قالت انها ماتبي اي واحد من برة ياخذ بنات ناصر بنشوف اذا هي قد كلمتها وبتمنع زواج سارة والا بس كلام

نورة وسلطان

بصراحة انصدمت انو سلطان بهالعمر كبير على نورة ....حرام عليها الجدة اهتمت بمصلحة ولد بنتها ونورة هالضعيفة مااهتمت لمصيرها .. بنات ناصر مسلوبة حقوقهم حتى في اهم قرار لهم .....مااشوفهم جبرو موضي على محمد ورفضو تزويجها لعيسى زوجوها على رايها ......وحتى ريم تبي سعد مو مجبورة عليه

شمعنى بنات ناصر قمة الظلم يعني نورة هالمسكينة شذنبها تنجرح وتعيش عقد سلطان ..علشان ماعندهم لاابو ولا اخ يدافع عنهم يرموهم بالغصب والجدة ماكلفت عمرها تخبرها الا بعد تحليل الزواج كان انتظرت ليوم الزواج وخلاص

وضحى وفهيد

ووضحى هالمسكينة مافيهم واحد خاف ربه وخبرها بالمصيبة الي بيزوجوها اياه لو انا منها اذا تم الزواج وشافت خياسه تخبر الكل انها ماراح تسامحهم ولا تبري دمتهم ......نسو كلام رب العالمين واما اليتيم فلا تقهر ..وهم ماقهرو يتيمة وحدة ........وعمشة يعني هي ماعرفت تربي ولدها تبلي بنت الناس فيه ربي يجازيها


ضاحي ونور

مستغربة جرأة نور يعني هي ماتذكر شي من الماضي وتدري انو ضاحي توه متملك عليها من فترة بسيطة كيف تتصرف معاه كأنها متزوجته من سنين يعني فقدانها للذاكرة مايمنع انو يكون عندها خجل احس شخصيتها بتكون اجمل ..لانو تهورها بيضيعها وخصوصا اذا رجعت لها ذاكرتها

وبتكون هي السبب في انو ضاحي يتمم زواجه عليها واكيد اذا صار بيلومها هي لانها اغرته بحركاتها وهو مهما كان رجال وشايف قدامه انثى بكامل جمالها ودلالها ... بس بيحبها وماراح يتنازل عنها

محمد وموضي

موضي تستاهل الي سواه محمد فيها اجل هذا كلام تقوله زوجة متربية وتعرف الاصول عن زوجها مهما كان محمد يمر بظروف نفسية قاسية ...غير كذا حاجتها عنده بالنسبة لعيالها بدل هالعناد تسفهه اذا شافته معصب وتسايره اذا كلمها وطلب شي .. مو تروح تنشر غسيلهم قدام بنات عمها

شيخة وصقر

الله يستر على شيخة من روحتها المجلس ... الحين هي ماقدرت تمنع زواجها من صقر بتقدر تمنع زواج خواتها تمنيت انها تدري عن مصيبة سارة على الاقل بتاخذ حق اختها .......مااعتقد انو صقر موجود بالمجلس وجده فيه وياخوفي الشيبة يضربها ويروح الولد ...... ساعتها صقر بيقول انها متعمدة وبصراحة هي تبيها من الله ماراح تزعل اذا راح بس عندي احساس انو لو تركها صقر بتحس انها تبيه وماتبي بعده


سهومة في انتظارك بكل شوق