|
السلام عليكم ورحمة الله وبركاته
صبـــــــــــاح الفل والياسمين آه ............. شوو هالقفلة الخطيرة أنفاس كاسرة ..........من كم بارت كنتي تقولين لنا ان الي راح يوصف كاسرة راح يكون موقف غيير هل تقصدين مشهد اليوم وايا صديقتها فاطمة بصراحه انا راح بالي لبعييد خالص مع اني قرأت وش كثر كاسرة محتشمه بس عشان يصير الي في بالي سفرتها لندن او ايطاليا عشان تلتقي بالنقيب الأبضاي المهضووم منصـــــــــــــــور وذيك الساع اهي الي بتخق و أهوو صحيح بينبهر بجمالها بس الثقل صنعه توقعات شيء صح نفوسة ............. عائلة أم صالح يالله انك تحيهم حسيتها عائلة مهضومة كثيير وطابع خفة الدم اهي الغالبه صالح دايم انك مييت على نجلاء وذابحها رسايل عشق وهيام ليش التجريح لا وبكل برئة تجي تقل لأمك أنك ما قد مديت يدك عليها ولا قد حرمتها فلس تدروون عاد هذي مشكله كثيير نعاني منها تفكير المجتمع الضييق عن مفهوم العلاقة الزوجية يعني لو احد شاف وحده ترييد الأنفصال من زوجها هذي اول نقطتين يركزون عليها الناس الضرب والمصرووف المادي واذا طلعت اسباب ثانية يلقوون اللوم على البنت وانها وحده متشبعه ترفس النعمه برجلينها ..................... شـكــ وبارك الله فيك ـــرا لك ... لك مني أجمل تحية . |
صبــــــــــــــــــــــــــاح الأوركيد
أول شي ,,,الف الف الف مبروووك القاص المميز والله العظيم ماشفته قبل امس ,,لان ماقريت الموضوع أختك في الله تدخل تقرا وتكتب ردها وتطلع مع ان المفروض ابارك لـ اللقب انه انربط بأسمك ;) ================================== مشكووووره على البارت ,,,بارت اليوم هو بارت كشف مافي الصدور. ممم انفاس سويتي حركه جريئه بهذي الروايه ,,,برافو عليك الشخصيات اظهرتي جانب فيها وعريتيه من الايجابيه ,,,وخليتينى نحكم بشكل محايــــــــــــــــد جدآ لدرجة ان التصرف ينشاف من زاويتين وشتان بين نظرة كل زاويه بـــــــــــــــــــــــــــرافو بــــــــــــــرافو أنفاس ================================= زايد عمره تقريبآ 50 سنه ,لان عمره كان قبل 31سنه هو 19 وبما ان منصور اصغر منه بـ7سنوات فاعمر منصور 43 سنه واذا كان عمر مزنه قبل 31 سنه هو 14 فاللحين عمرها 45 سنه مممم اذا عمر منصور 43 وهو اخر طلاق كان قبل عشر سنوات معناه ان من عمره 33سنه وهو عزوبي!!! يعني تصرفاته ناضجه وواعي لكلمة طلاق ,,,مااتوقع سبب طلاقه غيره نسائيه كان بأمكانه يتغلب عليها بتصرف حكيم ,,,وكمان موشرط يكون سبب الطلاق بالزوجات الثلاثه واحد. والأهم مااتوقع زايد يحاول يزوج اخوه من عفراء وهي امانه الا وهو عارف ان اخوه ماطلق الا لسبب مقنع ولا ماكان حاول يقنعه بعفراء وهو متأكد انه بيطلقها عقب أنفاس ماوضحتي اذا منصور كان له علم بسالفة زايد ومزنه او لا؟؟ ================================= مــــــــــــــــــــــزون وصلت لمرحله جدآ جدآ متقدمه من الاحباط والهم والحزن مافي شي بحياتها الحاليه حلو,,,الهموم والمشاكل من كل جانب بجانب معاملة كساب المهينه والمهمشه لها ,,,زاد عليها اللي صار لعلي وزاد عليها مرض بنت خالتها ووضعها الصحي السيئ وبالأخير بعد خالتها عفراء عنها ,,,,,يعني مزون حاليآ تنتظر القشه !!! عشان تطلع حزن وضيم وهموم الاربع سنين كلها بس لازم يكون شخص يستحق من وجهة نظرها وطبعآ هذا الشخص هي قالت لخالتها عفراء انها لو شافته بالمقابله اوبمكان العمل وتطاول عليها بتطلع عليه حق الأول والتالي ,,,,,,,,,,يعني (اتوقع) في حرب من نوع خاص بين مزون وبين امهاب ;) ============================ كاسره من اول الروايه وانا حبيتها واذا بكون دقيقه بقولك حزنت عليها ,,,,,,, مشكلتها الأساسيه ماتبي تكون ضعيفه لان اللي ربتها مزنه زرعت فيها القوه ورضعتها مع الحليب ,من جد ياأنفاس حزنت عليها بكذا موقف ,,,,تخيلي ان هي ووضحى انضربو ومع ذلك بلعت حزنها ونزلت لجدها والاهم تغدت مع امها عشان ماتتركها لحالها وبعد ذا كله مزنه تقولها شوفي اختك ولاتزعلينها وياويلك لو قلتي لها شي!!!! مع ذلك تبتسم لأمها الكل بالبيت يدور وضحى ورضاها ويعاملها برقه شديده . مين الهلامي فيهم بالبيت؟؟ مين المهمش فيهم بالبيت؟؟ وضحى بس لو حاولت تنظر لتصرفات اختها من زاويه ثانيه كانت شكرت ربها على هالاخت . ماتبيها تكون ضعيفه وماتبيها تصيح ,,,مو هذي تربية مزنه؟؟ مو هذي صفات مزنه؟؟ ليش تعلمها شي وعقب تهاوشها عليه؟؟ مع ذلك كل هالقوه تتخلى عنه وتكون كائن ضعيف قدام جدها ,,,,وكون انها تفقده هذا رعب (وممكن تسوي اي شي عشانه ) وعشان هذي النقطه يأنفاس انتي بتسوين خطوه كبيره بالروايه ;) ==================================== كساب عندي ملاحظه فضوليه جدآ جدآ ,,,,ليش عنده جوالين؟؟ ليش مو جوال واحد بس؟ مممم كساب عشان موضوع مزون قاعد يقهر ابوه بكل جهده مع وجود الاحترام الكبيرررررر له يدخن عشان ينرفزه ,,,يأخرزواجه عشان عارف ابوه يبيه يتزوج وان كان السبب اللي قاله لمنصور مقنع من وجهة نظره ,,,,تأخره ووجوده الباهت بالمنزل .حتى كلمة العم يستكثرها تطلع من سكرتيره لأبوه !مع ان العم منصور له كلمة العم وله حق الدخول !! وطبعآ بعد موضوع علي,,,,زاد كساب كثير عن قبل ,,,,,اتوقع حتى عروسته بيكون اساس اختياره لها ان ابوه يرفضها من داخله عشان يكمل استفزازه لابوه ================================== جميله تدرين انفاس شفت موضوعها بزوايه مختلفه ,,,مدري ليش ربطت بين مرضها ونحف علي يمكن لان كساب دايم ركز انه يوبخها بجسمها وأكلها ,,,,وهي تشوف ان علي نحيف عشان كذا حاولت تصير نحيفه ومهما نحفت تشوف علي انحف ,,,ردة فعلها يوم خطبها علي يمكن لانها هي تحبه بس ماتصورت انه يكون يكن لها مشاعر او توقعت انه حب من طرف واحد عشان كذا خافت ان علي يتوهق فيها ,,,,وغير كذا هي حاليآ تشوف ان الموت ينتظرها فاماحبت ان علي هو كبش الفدا لكآابة أخر ايامها ,خصوصآ انها دايم ماتبي تكون ثقيله عليهم كلهم فمابالك عليه هو اللي تحبه<----مجرد توقع متووووواضع =========================== جوزا فعلآ فعلآ برافو ياأنفاس ,,,تفكير عقيم وللأسف موجود عند ناس كثير وهو انك تتطيري بشخص ,,,مع انه لو فكرو كان عرفو ان هذا نصيبه وقدره اللي ربي كتبه علينا باللوح المحفوظ من قبل لاتنخلق الدنيا . واللي دفع الثمن بنت بريئه اول وحده تأذت هي وانحكم عليها وانقلبت حياتها وصارت مسؤوله عن طفل بلا اب وألسنة الناس تنهش فيها . ================================ حبيت سميره كثيرررر (ذكرتني شخصيتها بفراشه هنا بالمنتدى ););) ========================= أعتذر للأطاله مع اني ماقلت الا شوي من اللي في بالي طبعآ طبعآ طبعآ انتظــــــــــــــــــــــــرك اشكرك على انضباطك بالمواعيد وتعاملك الراقي وبالك الطويل همسه في أذن زارا,,,,ياحياتي حضورك الرائع يكفي ,,,مشكوره كلك ذووق همسة في اذن الفراشه;),,,رغم خوفك من زعلي لكن رسالتك لها تأثير ايجابيه ماتتصورينه ياقلبي |
السلام عليكم ورحمة الله وبركاته يعطيتس الف الف الف عافيه يانفوسه على هالابداع المتواصل ودي اعلق واتعمق بالتعليق بس ان شاءالله ملحوقه 00ولي عودة بإذن الله والحق معتس 00بس لي كم يوم وانا افوح من الحرارة 00 لااراكم الله باسا تحياتي وتقديري |
وعليكم السلام ورحمةالله وبركاته
ياصباح الابداع والجمال والنور والضياء ياصباح الاشراق والامل صباح يتجدد بروح الحياة الجميلةمع كل جزء جديد من انفاس الخير والعطاء لاتعرفين ياانفاس ماذا يختلج في نفوسنا ونحن ننتظر جزئك القادم بكل شوق ولهفة انك تجعلين لحياتنا معنى وطعم اخر لااقول لك غير بارك الملى فيك ورعاك وحماك من كل سوء وحرم الله يدا كتبت عن النار نبدا بالاجزاء واول مابدا بكاسره وكماقلت سابقا فهي شخصية لم يعرفها الجميع بعد اقصد لم يعرف شخصيتهاالحقيقة فوالدتها زرعت غيها الاستقلاليةوالقوة فاصبحت تخاف على اختها وحريصة عليها طبعا من وجهة نظرهاوفي هذه النقطة في الرواية درس لنا في الحياة عموما وهي عدم التسرع في الحكم على الاخرين فبعض الناس من المقابلة الاولى تحكم عليه بشيء ثم مع الايام ومع الاحتكاك به نجد اننا غيرنا راينا الاول فيه سواء ايجابيا او سلبيا(اقصد البنات اللي احكموا على كاسره انها انانيه ومغروره ومتكبره ومالها الارايها) ::::::::::::::::: خليفة وجميلة واقول لخليفة(وابتدا المشوار )الله يعينك ولاتخذل بنت عمك اللي اختارتك والله الله فيها بنت خليفة حطها بعيونك واكسب اجرها وعالجها ::::::::::::::::::::::::::::: اقوول نفوسه متى بتشتغل مزوون وتطير بالطياره ويشوفها امهاب ويبداالمعاند والتنغيز بالكلمات والمهاوش بينهم والا بتحاول مزون تتجنبه وتبتعد عنه ::::::::::::::::::::::::::::::::::::::::: صالح ونجلا يعني معقوول مايدري عن معايره لزوجته وتنغيزها بالكلام يعني ماكدقالت له نجلا ولادرى عن اللي مزعلها 9شهور احسها فتره طويله تبتعد المراه فيها عن بيتها وين دور ابوها ولااخوها غانموالامستحين يدخلون بينهم لانهم عيال عم واحس ان اهل نجلا يعزون صالح والا ماكان سمو ولدهم عليه :::::::::::::::: واخيرا اقولك انفاس شكرررررررررررا للابداع والتميز جزاك الله خيرا واثابك ولاحرمك اجر ادخال السرور على قلب اخواتك المتابعلت لابداع اجزائك ماشاء الله تبارك الله ::::::::::::::::::: لاااله الاانت سبحانك اني كنت من الظالمين |
••• ܓܨ•••
✖ • السلام علييييييكم ورحمة الله وبركاته الله حيييييييييييهم.. منورة نفووسة..تصدقين كنت قبل شوي بنااام بس النوم مجافيني....اقول احس في شي ناقص ثمن تذكرت انو اليوم موعد البارت وسيداا فتحت الصفحة وحصلت البارت من جد مشششششششششكورة وتسلم يدك ماقصرتي..يالغالية عسى عمرتـــــــــس طويل.. وبالنسبة للشخصيات كاسرة...بارت عن بارت بديت احبها اكثثر واكثر بس لحد اللحين وصف شكلها مارسمت ببالي لآن ..اللي حــــــــسيتة جمال اسطوري وغـــــــريب كان مافي بنــــــــــت جميلة او مرت عليهم غيرهااا<<بلاهم ماشافوني ههههههههههه<<فيس غيران من كاسره ههههههههه بس الصدق الناس اذواق ((لولا اختلاف الاذواق لبارت السلع)) يعني ممــــــــــكن انا الشششكل هذا يعجبني واشووفة واااو وخيااال بس غيري مايعجــــبة ويشوفة عادي وهذي كثير صارت<<فيس ينقاله غيران ههههههههههههه يعني موب شرط انو كل الناس بتشوف كاسرة اجمل من وضحى ممكن ناس تشوف وضحى اجمل وفيها جاذبية وكاريزما والعكس برضوو... يحق لها اجل تخاف على وضحى هالقد بماانها ع نيتها وتصدق اي شـــي بسسرعة وينقص عليهااابكلمتين مع انو بالبداية ماكان يعجبني تسلط كاسرة ع وضحى وتخليها تقوم من الكمبيوتر بوقت محدد وتهدد لاتفصله.. بس اتوقع انو خلاص ماتووو اللي يصدقون اللي بالشاتات الكل يعرف انوو كله كذب ×كذب احس مبالغة كاسرة بـ أختها وضحى مخليتها ساذجة وغبية.. اللحين حتى اللي بالابتدائي تعرف هالشغلات.. وفي ناس تعرف وثمن اذا كان هـــي اللــــــــي ينلعب عليهاا تصدق بسسرعة...الله يهديهم هع ياحياتي ...ماعندها اصحاب كاسسرة كيف قضت هالسنوات وحيدة تمشي هـــــــي وظلها لوحدها هههههه لو انا انثبر مكاني ولا اتحــــرك لوحدي ههههههههه وضحى....الله يكون بعونك بجد بس اتوقع بتوصلين لمهاب موافقتك مهوب رفضك بس موقفك حرج بجد واحد كم مرة خاطب اختك ثمن اللحين يخطبك..بس خلاص انت لاتفكرين فيها انو خطب اختس قبلك..فكري بششريك حياتك المستقبلي شو مميزاته وسلبياته عبدالرحمن...ثمن قرري هل تردينة او توافقين واللي اسشفيته من حديثكم انو رجال كويس وماينرد واسمعي منــــــــي استخيري ووكلي امــــــرك لله ^_^ تميم..يازينه والله والله انو جوهر والمااس..والله يرزقه باللي يتمناها..بس امه مهيب موافقة..وانا برضو مااشوف انو معاق لازم ياخذ معاقة بالعكس احس افضل لو اخذ وحدة كويسة..واعجبني تحااوره مع وضحى الله يخليهم لبعض ..وياترى بياخذ اللي رشحهاا عبدالرحمن ولا ممكن لو عرف بيركب راسة وبيحن ع امة تخطبها بس ماعلمتينا شو اعاقتها بنت الدكتور.؟؟1 ولا حكيتي وانا منتبهت<<تراني مرات افهي خخخخخخخخ مهاب..اتوقع لابغى يعرس ممكن تــكون مزون هــــــي عرووستة بس كيف مااعرف وبرضو لآن اكييد بيتلاقون كثيييييييير بسبب تخصصها وممكن يرمي عليها نغزات وهي مابتتحمل الله يعينك من البداية حلمك كان خليتية لنفسك يامزون.. ومزون...ياحياتي ظلت وحيدة حتى لو اخوها زعلان منــــــــــها كان سفرها معهم يتروكها لوحدها ..بس تصدقين لما يهاوشها كساب اقول مرات تستاهل محد قالها ماتسمع الكلام ولما ترجاها تترك هالتخصص وهي وراسها والف سيف معنده هذا نتيجت تهورها كان حسبتها الف مليون مره ثمن تقرر... وابوها برضو غلط لما طاوعهاا ابوها كله اغلاط بصراصحة قاهرني حييييل احس ظلم((منصور & علي &وسمية<تقريبا" اسم زوجتة كذا اذا ماخانتني الذاكرة هههههههه)) والعائلة الجديدة حبيتها لحد اللحين واتوقع فهيدان بيكون له دور كبييير معقولة منصور يخطبله مزون هههههههه<<جاء ببالي هالتوقع المستبعد ههههههههه واللحين صدق نجلاء مامنها اثنين وكويسة عشان تدافع عنها ام صويلح هههههههه ممكن في سبب دفع زوجها يعرس موب لازم يعرفون الاسباب مشاكل خاصة بين الزوجين هههههههه<<برا وخليفة...الله يعينك انت اللي ورطت حالك وابلشت عمرك بجميلة تصدق لما وصفتها نفسي اشووفها كيف بتستحملها هالمدة كلهااا.؟؟ وهي كذا شكلها يروع كأنها هيكل عظمي بس اتوقع ممكن بالبداية تشفق عليها ثمن تحبهااا واللحين بيبدء مشاورك معها الطويل واقنعها تبلع وتاكل..هذا حد ذاته مشكلة هي موب مقتنعة بجسمها الله يعينك ومششششششكورة مرتن ثانية وماقصرتي ابدعتي فمان الله ••• ܓܨ••• ✖ • |
| الساعة الآن 03:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية