|
بسم الله الرحمن الرحيم .. ومسآكم الله بكل خير يارب
.. وشاكره للجميع متابعتهم وردودهم وكل اللي انضموا لي واللي زعلانين مني مابلغتهم وللجميع بلا إستثناء .. بس حابه اقول شغله للي زعلانين مني فديتهم .. والله اني من النوع اللي مايحب يسوي دعايات لنفسه انا كذا بسيطه مره اللي بيتابعني حياه وأكيد بيعرف اني نزلت .. بس اني اسوي دعايه آسفه بس اكره هالنوعيه اللي احس انها مو ثقه في قدراته ويحاول يجذب الناس .. يمكن تفكيري غلط ومحدود بس هاذا رائي وللإسف مايضر غيري .. ويزعل حبايبي مني سامحوني .. بالنسبه حق اللي يختبرون ربي يوفقكم ووالله اني ادعيلكم في صلاتي والله يكتب لكم النجاح يارب .. هالبارت مره هادئ .. صحيح مكمل للحزن بس هادئ ومافيه جديد .. البارت الجاي كله تطورات .. وبتصير احداث قويه .. انا وعدتكم مااحمس بس البارت الجاي خطوه قويه نحو الإمام همسه لإذن حبيبتي فيتامين سي ( ألف ألف ألف مبروك زواج الحبوبه بنتك ويارب تكتب لها التوفيق يارب ونفرح بعيال عيالها بعد بس هاه ترانا عازمين أنفسنا والله يفرحك فيها يالغاليه ) مع اطيب الإمنيات بقراءه ممتعه . سهم المملكه . لإله إلا الله ( البارت الثلاثيــــــــــــــــــــــــــ 30 ـن ) دق الباب .. وكل شوي يتلفت ويشوفها باين انها طفشانه وهي تحتريه اندق الباب اكثر من مره .. بس وكأنه لاحياه في هالبيت .. شاف ولد مر في الشارع .. وسأله وقال ايه موجودين اللي في البيت .. رجع يدق أكثر من مره داخل البيت مريم بخوف – يمه أكيد الشرطه ام عيسى تقوي نفسها – وش بيلقون علينا الشرطه ترى اللي استأجرناهم مايعرفونا وهاذا كان اتفاقنا معهم انهم مايعلمون علينا مريم بخوف – يمه ياسلام بس ضربتين وكفين ويعترفون بكل شي دق الباب بقوه .. وبشكل مزعج ام عيسى تشجعت – انا اللي بروح افتح لايكسرون علينا الباب اتجهت للباب وهي تحاول تقوي نفسها – من ,, من عند الباب سمعت صوت صقر وهو يقول – انا افتحي الباب يوم سمعت صوت صقر خافت أكثر حبت تتأكد – من انت صقر بطفش – انا صقر افتحي الباب ,, ابي مريم عقدت حواجبها .. وفتحت الباب .. وهي تقول في خاطرها مستحيل يمد يده علينا مو مثل الثور محمد يدينه طويله شافت الحرمه اللي نزلت من السياره .. ودخلت وهي تقول – السلآم عليكم انتي مريم ام عيسى عقدت حواجبها – لا انا أمها شافتها طلعت برى ثم دخلت وقالت – نادي مريم وافتحولنا المجلس صقر بيدخل ام عيسى عقدت حواجبها – وانتي من انتي شيخه وهي تتلفت تناظر البيت – انا شيخه ام عيسى اللي مارتاحت لها وكأنها شايفه نفسها – ادخلي ياشيخه ودخلي صقر بس وش يصير لتس صقر ناظرتها شيخه وكأن نظرتها عصبيه – زوجي تردد يدخل وهو يناظر اللي بيده .. وكل شوي يراجع اللي يقوله الشي اللي مرتاح له حاليا .. إن حالتها الصحيه ماتلزم عليه أي شي من واجبته كازوج .. تشجع وفتح الباب .. وشاف النيرس معها وهي تعطيها الحبوب .. سلم ووقف فتره لين طلعت النيرس من عندها ناظرته بعتاب واضح وهي تقول – ضاحي وين كنت انا خفت كثير شاف العتب اللي واضح في عيونها وصوتها وقرب منها وهو يحاول يمتص عتابها – اسمحيلي الجازي لازم اجيبب لتس هديه بمناسبة العرس ولا اجيتس ويدي فاضيه ومد عليها الهديه .. ناظرتها وإبتسمت وهي تأخذ المطبق الذهبي اللي بيده فتحتها وتفأجات – ضاحي ليش كلفت على نفسك ضاحي حس بالراحه انها اعجبتها – يستاهل العقد لباسه استانست على كلامه .. وقامت ببرأه للمرايه وهي تركض وفرحانه وتضحك .. وحاولت تلبسه وهي تشوفه على صدرها وماعرفت كيف تسكره .. وركضت له وهي تعطيه ظهرها – يالله بسرعه سكره لي ابي اشوفه فرح لفرحها وهو يرحم حالتها .. مسك اطرافه وسكره لها .. وتفأجا بالشي الرقيق اللي باس خده وهي تضحك – الله يخليك استانست والله وركضت للمرايه وهي بتطير مثل الفراشه .. اما هو مكان منه إلا انه مسك مكان بوستها .. وشعوره ابد لاتعليق !! دمعت عينها ووقفت – اكذب عليكم لو قلت ماني بزعلانه على موته بس هاذا مو ولدي هاذا ولد محمد ,, محمد اللي كسر كل شي حلو كنت املكه .. محمد من شدة قساوته وجبروته كرهني في اللي يحملون إسمه هذولي عياله مو عيالي عزوه هو مو أنا شيخه انصدمت من كلامها .. فيه أم تقول هالكلام .. عشان كذا ماتشره انها كرهت هالبيت قبل تدخله صقر وكأنه حاس وقف وهو يقول – وش ذنب عيالتس تعاقبينهم عشان محمد تدرين مريم كنتي كبيره في عيني بس صغرتي .. كنت انصح محمد دائم واقول تحبك وتراعيك .. بس الحمدالله اللي طلقك لانك تحبين نفسك اكثر .. انتي من شدة تعلقتس بنفستس كرهتي عيال محمد اللي ذوقتس المر .. عموما عيالنا مو بحاجه لتس معاد بقى غير البنت وماتنضام وانا راسي يشم الهواء .. ولاتذكرتي عيالتس وتلفتي حولتس لواحد فيهم مات وهو ماله ذنب والثانيه كرهتس وهاذا اللي أنا متأكد منه طلع وهو يناظر شيخه – انا احتريتس في السياره بسرعه شيخه حطت بشتها فوق راسها .. وطلعت ورى صقر وهي تفكر في حال هالإنسانه اللي قابلتها ؟؟ معقوله فيه حرمه تكره ضناها لهدرجه طاحت مريم على ركبها وهي تصيح ومنهاره – يمـــــــه سمعتيه وش يقول خالد رااااااااااااااح راح وانا ماضميته ماعلمته ليه اسوي اللي اسويه .. ابوه ذبحني كنت ابي اكسر ابوهم لقيت اني انا اللي كسرت نفسي وماحد درى عني ام عيسى بكت وهي تسمع بكأ بنتها اللي طايحه وهي تولول صرخت مريم – حسبي الله عليك يامحمد .. حسبي الله عليك الله ينتقملي منك الله كبير يامحمد الله كبير أكبر مني ومنك اكبر مني ومنك ام عيسى وهي تبكي – خلاص يابنتي روحي خذي عزاء ولدتس مريم لفت عليها وهي تقول – ادخل بيت محمد ادخله يمه ادخله وهو طردني مثل الكلبه حرق قلبي الله يحرق قلبه لا ومن أخذ أخذ موضي اللي كان يعايرني فيها اخذتها الذاكره لفتره ورى وهي تتذكر دارت بالفستان وهي مبسوطه – شرايك في جسمي حلو صح ناظرها بسخريه وهو يلف راسه يمين ويسار وكأنه يستحقرها – هالحين انتي بتقارنين نفستس بجسم موضي .. بس تصدقين ماتنلامين موضي جسمها ماتشوفين مثله في حواء غيرها ( وطلع وخلاها ) وهي مصدومه من كلامه .. اصلآ حتى ماجابت سيرة موضي .. وكأن هاذا اول مره يصرح بحبه وتغزله في موضي اللي بدت تكرهها وتحقد عليها .. موقف حميمي آخر وتسمعه يتغزل فيها وهو يغدقها بالمديح وهي مبسوطه وغرقانه في آحلام اول مره تشعرها بالسعاده لين صدمها وزفر وقال – والله ياموضي انتس اول وأخر حرمه سكنتي هالقلب دزته بقوه وقامت عنه ودموعها تصب .. اما هو كأنه استشعر بزلة لسانه .. وقام من فراشه مثل المقروص وطلع برى .. كانت دائم تواجهه وهو ينكر كل كلامها .. لين انفجرت وهي تعلمه بأحلامه في موضي في نومه ويقظاته .. وزلات لسانه لين طفش وقام يضربها ويعترف – ايه ايه احب موضي موضي ماغير موضي سكن هالقلب .. ( ويضرب ويبكي ودموعه تنزل ) هي هي موضي هي الوحيده اللي تربعت في هالقلب .. موضي اللي سرقها مني اخوتس الكلب الحيــــــوان اللي باعتني عشانه انا اللي حبيتها اكثر انا اللي ضحيت بمستقبلي ورفضت اطلع برى واشوفها تنخطف مني بس راحت وهي مو ندمانه علي بالعكس لقيتها حبته اكثر بس ( وقف عن ضربها وناظرها بقوه ) والله اني لابعدها عنه لو كلفني هالشي عمري كله وقفت وهي تصرخ عليه – تخسي ياواطــــــي ياحيوان ياكلب ( انقهر وجرها مع شعرها ) .. وبدأ يسحبها على برى وهي تصرخ وتستنجد بعبايه تسترها .. وعيونه حمراء ومايسمع أي كلمه من أي أحد يعترض طريقه .. وهي تصرخ وتبكي وتولول حذفها في الحوش وقال بجبروت وطغيان – انقلعـــي تراتس طالق طالق طالق ( وقرع الباب بوجهها بقوه ) اما هي ألتفتت وشافت صقر اللي كان منصدم من سواة محمد .. حذف شماغه عليها وركبت معه السياره وهي تبكي .. وداها لبيت اهلها .. وكان يحمد ربه إنه ذاك الإيام في سيارته عازل اسود .. كان يسمع صياحها وبكاها ولا قادر يسوي لها أي شي .. لان وبصريح العباره هاذا محمد ولا حد يقدر يعترض طريقه في ذيك الإيام .. لين كبر صقر ونضجت شخصيته اكثر وقدر يواجهه محمد وينصحه وكان يصد ولا يحب كلامه يوم يتكلم عن مريم اللي للإسف كانت نقطة عبور عشان يقهر قلب عيسى مثل ماحرق قلبه |
اليوم الثاني
الحزن بدأ يخف .. والغيمه بدت تنقشع بصحوة محمد من غيبوبته وكان صقر هو الوحيد اللي متحفز له وهو اللي بيكلمه .. ناظر في محمد اللي كان يئن بطريقه مؤلمه .. وفتح عينه ألتفت صقر وهو اللي مرابط عنده .. ومخلي شيخه عند امه وخواتها محمد – آآآآآه صقر – الحمدالله على السلآمه محمد وهو يحاول يرفع راسه – المجـ... الحيـ ...... ,, بس اقوم والله لايشوفون صقر وهو يحاول يواسيه – لاتخاف هم منطولين في السجن انا اللي بأخذ حقك منهم محمد ناظر في صقر بقهر – لا انا ابي ذبحة العجوز والضبعه بنتها والله اني لااوريك فيهم آآآآآآآه صقر استغرب كلامه – من تقصد محمد معصب – من اقصد يعني العجوز الشمطاء وبنتها مريموه هم اللي محرضينهم علي صقر – لا يامحمد خاف ربك تظلمهم محمد انقهر وصرخ فيه – وش اخاف ربي وانا شايفهن بأم عيني هم اللي محرضات الكـ....... ( ويسب ويهاوش ) صقر عصب – لاتخاف والله اني لاسحبهن من كششهن وينا عايشين فيه المهم انت هالحين ابيك تسمعني محمد وهو معصب – وش اسمعك وانا مكسر شف شف رجلي ويديني ورقبتي كلها مربطه متى بقوم والله اني ناوي فيهن النيه القشرى والله والله ماخليهن ........ قاطعه صقر وهو يحاول ينسق الكلام – محمد اسمعني خلاص محمد رفع عينه وناظره بإستفهام صقر جلس وقرب الكرسي ومسك يده اللي مجبره – اسمعني وانا اخوك انت مؤمن بقضاء الله صح محمد عقد حواجبه – وش ورى ذا الحكي صقر وهو ينزل عينه ويرفعها – اسمع هالضرب أثر عليك وفي وظايف يسويها جسمك وانا طلبت من الدكتور اني انا اللي اكون معك اول ماتصحى وانا اللي اعلمك محمد وهو يحس ورى هالكلام شي كبير – صقر وش عندك صقر – اول شي انت لازم تعرف إن قدرتك على الإنجاب مستقبلا ضعيفه ووو محمد قاطعه – ايششششششش صقر وقف وهو يقول – انا اسف بس لازم تعرف ولازم تعرف هالوقت وبسافر انا وإياك برى نتأكد من الفحوصات صرخ محمد بقهر وعصب وحذف علبة المويه اللي محطوطه في الطاوله عنده بقهر – والله وربــــــــــي ماارحمهن بس اقوم صقر وهو يبلع ريقه جت المهمه اللي اصعب – محمد محمد اسمعني محمد منقهر – وش بعد هاذي ياصقر هي مقهوره ماتباني اجيب عيال من موضي نبي العيال اللي مني عيالها هي بس الكلبه من حبي لها ولعيالها اصلا ماابيهم ماابيهم ,, انا بطلع واتأكد من الفحوصات يخسون يكسروني يخسن الخايسات صقر جلس جنبه وهو يمسكه ويشوفه منفعل وصرخ – محمد محمد بس بس اسمعني محمد رفع عينه وهو مقهور صقر حس بالدمع ملئ عينه .. يهدد ويتوعد ويكره عياله اللي منها مايعرف إن واحد منهم مات خذاه ربه صقر نزلت دمعته – وربي ريحك من واحد ومااااات ماااااااات يامحمد مات محمد عقد حواجبه – مات من اللي مات !! صقر وهو يمسح دمعته – خالد عطاك عمره في حادث محمد كل اللي سواه ضحك وضحك بقوه .. وصقر ناظره وعقد حواجبه ماتوقع هاذي ردة فعله دز محمد صقر – قم انقلع وألعب على حد غيري رح رح اذلف هذاك شيطان كيف بيموت صقر تأسف لحال اخوه يقول على ولده شيطان – محمد استغفر ربك وخالد مات واليوم عزاه الثاني وبيجيك ريجيل يسلمون عليك ويعزونك فيه محمد ماصدق – لاتكذب ياصقر تراني كاشفك انت تبيني احن عليه زين ياسيخ كيفي اكرهه مااحبه ولد امه يذلف بس صقر انقهر وضرب اخوه على وجهه وصرخ فيه – والله انك تستاهل اللي صار فيك اقولك ولدك مااااااااااااااات راااااااااااااااااح خلاص ارتاح منك وانت تقول يذلف تراه ذلف ومعاد بشايفه لو تبكيه دم اوحيتني لو تبكيه دم محمد بعد الكف اللي جاه .. حط عينه بصقر فتره من الوقت ومركز عينه وبهدؤ – قلي انك تكذب صقر كيف افقد كل هاذا مره وحده كيف تصدمني هالشكل لالالا قل انك تكذب صقر جلس على الكرسي وهو يشهق من البكى – لا لالا يامحمد هذا مو بكذب ولدك راح ودع واللي صار فيك حوبات عيالك يامحمد حوبات المساكين اللي ياما انا وابوي وامي واخواني نصحناك بس انت ماتسمع غير اللي في راسك ,, هاذا شيطانك مفادك والضحيه هو انت تدري اخوي هي كلمه بقولها ( الله يعينك على نفسك ) واحسن الله عزانا حنا في خالد ماهب انت لالا اللي ينتعزى هم ثلاثه بس سعد وفارس وامي ,, الباقين يسوون شكليات راح الولد ومافقده كثر هالثلاثه اللي منهارين بقوه اما انت وامه هه ( وعطى محمد ظهره ) وبسخريه - وش اقول بس اقول كل واحد يستاهل اللي جاه ولا هاذي حوبتكم في ولدكم ( لف وهو يبي يطعنه في الكلام ويخليه يحس ) وتفأجا إن دموع محمد نزلت .. وهو يحاول يوقف ( مازال للحكايه بقيه .. إنتظروني يوم الجمعه بإذنه تعالى ) |
السلام عليكم ورحمه الله وبركاااااااته
آآآآآآآسفه آآآآآآآآآ سفه كثيررررر عل التاخير عصبي عني والله الغاليه فيتنامييين سي الف الف مبروووووووك يالغلااااااا وان شاء الله تشوفين عيالهااااااا ويبلغك بالباااقي وانا اقول المرره مختفيه فقدتك من غير شرررررر سهووومه تسلم يدينك يالغلااااااااا ياريت تخفين علينا من هالحزن |
يسلمو سهومة على البارت لاخلا ولا عدم ياعسل .... بارت حزين الله يعين كل من فقد له غالي
عبوقة يسلمو ياقلبي على النقل المتواصل ... يعطيك الف عافية محمد ومريموه وجع شهالادمية في ام تسمع عن موت ضناها تكون ردة فعلها كذا ...وربي رحمت خالد وخلود شالذنب الي ارتكبوه علشان يكون اهلهم بهالقسوة .... يومك كرهتي محمد وكان يغلط بأسم موضي ويتغزل فيها ليه مااخذتي موانع والله بس همك تربطينه بعيالك ليه ماانسحبتي بكرامتك بدل ماتنتظري يسوي سواياه حرام عليك مااحد تعب في الحمل والولادة غيرك وبكل برود تتقبلين الخبر وماتاخذين حتى عزاه ...انا قلت بنحزن معك ومن ردة فعلك لكن تستاهلي الي جاك وانتظري الي بيجيك انتي وامك على جريمتكم ومحمد بصراحة توقعته نفس مريموه بس شكله كان يكابر والدليل دموعه وصدمته وردة فعله لما تأكد انو الولد راح صدق ... اعتقد بيندم وبينهار ومابيقدر يكابر اكثر ويمكن يطلع انو مهتم بعياله بس بالخفى ومن ورى الكل على الاقل نحس انو واحد منهم يحمل مشاعر حقيقية لهالضحاية الي صار لخالد والحالة الي صارت له الحين بتخليه يتغير ويعيد حساباته ... واعتقد هنا موضي بتعرف مين هو محمد الي مافهمته صح ولا عرفت مقدار عشقه بس واجب عليها تسوي بأصلها وتوقف معله في محنته الحالية صقر وشيخة والله انو صقر ارجل واحد في عايلتهم .... مواقفه مع مريم ووقوفه معاها ومعاتبة اخوه علشانها تدل على طيبة قلبه على الرغم من قساوته الظاهرة .... بكاه على خالد وتأثره واهتمامه ببنت محمد وتكفله فيها يدل على شهامته وانو مع الحق ضد من ماكان شيوخ اعتقد انها شافت مريم وردة فعلها الي صدمتها ياترى اذا عرفت انها حامل من صقور كيف بتكون مشاعرها تجاه هالولد ... هل بتكون غير مريم غير كذا مواقف صقر البسيطة الي شافتها ماغيرت لو واحد بالمية من نظرتها له ماشافت الجانب الطيب والحلو فيه اتمنى انها ماتغلط غلطة مريم وتحط حقدها على ولدها الجاي ..... غير كذا ننتظر ظهور شخصية شيخة الحقيقية ضاحي ونور ضاحي والله مااعتقد انو بيقدر يقاوم نور لفترة طويلة وهي مدوبته بحركاتها ههههههههههههه بس قلبي مو مرتاح وحاسة انو اذا صارت علاقتهم حلوة بتجيهم عاصفة تهدم فرحتهم سهومة في انتظار البارت القادم والاحداث القوية الي شغلتي بالنا فيها .... وكل ماجاء ببالي سارة ومصيبتها |
اللي هي ام خالد حسبي عليهم بس ومحمد يستاهل انه يفقد ولده وانه مايقدر يخلف ولد ثاني يعني خلود بس راح تبقى رغم انه احتمال كبير تطلع تكره ابوها
سعد وفارس احس انه روحهم بتطلع المصايب تتحذف عليهم ورى بعض وعيسى هاذا جعله السلالا مجرم درجه اولى مالت تسلمين سهومه وتسلم عبوقه على ها الذوق دمتم بخير |
| الساعة الآن 07:27 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية