|
اقتباس:
يا مراحب هذا الي حبيت اوصل له ان بطلت قصتي قويه رغم ملامح الطفوله و جسد الانثى الكامل قويه لنها بريئه و طيبه و الحياه ما لوثتها نقيه بصفاتها الفطريه نقيه من داخلها حبيت اقول عن اصحاب العاهات و الاعقات ان من حقهم يعيشون بدون ما نشوفهم بدونيه او نقص تراهم بشر مثلهم مثلنا و الي فيهم ما هو الا رحمه و ابتلاء من الله سبحانه يختبر فيهم قوه الايمان والصبر تحياتي ومرسي على التواجد:flowers2::flowers2::flowers2::flowers2: |
اقتباس:
يا هلا و مرحبا فيج هذا هو الهدف الاكبر عدم نسيانهم وانهم جزء مهم من المجتمع وجزء بناء مثله مثل غيره تسلمين على التواجد و المشاركه وانا الي اسعدني تلبيه الدعوه وهذا شرف كبير لي :flowers2::flowers2: |
الحلقه الثانيه (الورقه الثانيه ) لنا لقاء في ورقه جديده قرب وحط الاكياس على الطاوله هذا عاده يطالعني ليش اوف انا ابي ارد البيت ما ابي اقعد مع المينون قاعد يخزني هو:يا سبحان الله صج لين قالو الزين ما يكمل هذا وش يقول قام يخربط من الي زين هو وش يقصد لقيته رد يطالعني من جديد هو:انتي تعرفين من انا ولا ما تعرفني لا حول الله انا اشلون راح اتواصل معاج ولا بفهم عليج لقيته يئشر لي على الاكياس يمكن عشان افتحهم قمت من مكاني ورحت صوب الاكياس وفتحتها ورفعت راسي اشوفه لقيته يطالعني بنظره غريبه اول مره اشوفها في حياتي خفت منه وخرت بسرعه وقعدت على طرف الكرسي بعيد عنه ابي ارد بيتنا شلون اقوله اني ابي ارجع البيت انا سمعت كلام امي و ما سويت شي ولا كسرت بس خلهم يرجعوني البيت ما ابي اقعد مع المينون يخفوفني ابي ارجع غرفتي احسن هو:انتي تعرفين انا من عذبه انا ولد عمج نواف... هو ولد عمي اي عم انا ما اعرف ان عندي عم لفيت صوبه وانا اطالعه شلون اقوله اني ما اعرفه وعن اي عم يتكلم عنه صديت عنه ابي اروح بيتنا نواف:عذبه قومي عشان تنامين بكره راح نرجع البيت استانست بنرد بيتنا فرحت يعني برجع هناك ابتسمت بفرحه له وقمت خلاص بنرد البيت دخلت غرفه النوم وقعدت على طرف الفراش هذي ليش دش معاي ليش ما يروح مكان غيره لقيته يفصخ ثوبه وغترته واعقاله ويحطهم على الكرسي خفت وحسيت بحراره ابي اطلع التفت علي و قام يضحك انا خفت رفعت رجولي وخشيت وجهي نواف:لا انا اكتشفت انج تستحين اجل انتي طبيعيه مو خبله على قوله امي ........... الخبل هو امه ما غيرهم ليش يقول عني خبله انا اكرهه |
السلام عليكم
يعطيك الف عافيه على هالقصة الي تميزت بفكرتها الجديدة الي ما اتوقع اني قريت زييها تسلم اناملك ودمتي بس حبيت اسال هذي القصة هي نفسها الي بمنتدى ثاني? |
اقتباس:
الله يعافيك ويخليك يا هلا و مرحبا الله يسلمك مشكوووووووووره على رايك اي هي نفس القصه :flowers2::flowers2: |
| الساعة الآن 11:32 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية