|
اقتباس:
وعليكم السلام والرحمة صباحك ومسائك الطيب والسعادة على قلبك النقي الطاهر الاروع وجودك يالغلا حور وفترة الهدوء التي تمر فيها ورضيهابالعيش في بيت ثاني .؟؟ وفهد وعصبية وعدم تقبل لغريبة تسكن معاه جواد والقرار.؟ ندى ومشاري والطوفا اللي عايشين فيه نوار ردة فعله على ندى.؟ زيد وردينال وعلاقتهم اللي اساسها رفض.؟ صبوحتي يالغلا دائما منورة ورائعة بوجودك فديتك ياقلبي منورة |
بأذن الرحمن (¨°o.O البارت الثاني عشرO.o ) البرد يشتد في هالبر(¨°o.O البارت الثالث عشرO.o ) وضوء النار اللي حول الشباب تزيد يدفيهم من هالبرودة ويزيد من حرارة السوالف بينهم " الحب " موضوع صعب يتكلم عنه شاب بواقعية الا نادراً لكل واحد له تعبيره وحريته في التعبير ومقتنع بها تمام وبالصعوبه تغير هالفكرة من عقلية رجل إلا إذا اقتنع قلبه قبل عقله..؟! جسار: أخ لاحد يسآلني وش هالحب لانه كلام فاضي جابر: أقول انثبر ولا تقول عن الحب كلام فآضي فاهم جسار: شوف يابو الشباب الحب عندي يوم اشوف بنت في المول لابسة عباية تذبح ولا حاطة لثمة وراسمه العيون أخ ياعيونهم عذآآآآآب أو تتصل غلطانة وانا اسمع الصوت من هنا وأخق مليون درجة من هنا أخ ولا شفتها تتميع قدامي وكأني رجلها ياويلي ويلا ه حرام انا رجآل لي مشاعر واحاسيس الله يلعنهم يوم يجون قدامك لابسين عبايه وكأنها فستآن ولا راسمة العين الفاتنات الناعسات طيرو عقلي ويشتغل عقلي وقلبي معاهم أحس إني اعشق البنت أحبهآآآ أبييها و لو خويتها جنبها وكانت لابسه عباية اخس منها أعشقهآآآآ لو اعشقهم ثنينهم ماعندي مشكلة ارقمها من هنا وتأخذ الرقم من هنا وصلت لقمة العشق معاها ياويلي احس قلبي ميت عليها أكلمها حب وسهر وغرام ليل ونهار تقوم على صوتي وتنام على صوتي تعشقني البنت لدرجة ماتشوف نفسها لو طلبت منها كل شيء بأخذه بسهوله تعرف العشق رسمه إبليس في عينها ولو اخذت منها كل شيء اكرهااااا مو بس كذا ادعس عليها وكأنها ارخص شي املكه وحدة باعت نفسها لك وش يضمن تبيع لعشرة وانظر لغيرها ونفس الموال أبدى اعشقها واحبها واخذ اللي ابيه نظر جابر وماسك ضحكته على وصف جسار : خخخخخ هذا الحب اللي عندك نظر فيه رجال: ماخرب نا غير امثالك يالداشر جسآر: والله خليهم يرحمونا ويلبسون عباية لاضيقة ولا مزينة هالشيء فطرة فينا ولا هم مو حرام اللي يسونه فينا قلت لك انا رجال لي مشاعر واحاسيس تفهم رد عليه: لو إنك تعرف ربك كان عرفت تمسك نفسك بس الله يهديك نظر فيه جسار بنظرة وطنشه " المشكلة مو مشكلتي مشكلة البنت" هي قاعدة صعب تغيرها من مفهوم شخص لو هو مؤمن فيها سعد: المشكلة إنه اخو جاسم : إيه سبحان الله اللي يشوفك مايقول جاسم اخوك سعد: صير مثل اخوك جابر: ههههههههههههههههههههه اكلتو الرجال جسار نظر فيهم بطرف عين : من حقدكم البنات ماينظرون فيكم وينظرون فيني وكمل بضحكة استعباط: لاني أزين منكم جابر: مالت عليك واحد مراهق خخخخخخخ نظر فيه " رجال": ولو بغيت تتزوج الحرمة وش تبيها جسار: أبيها وحدة مطوعة استغربو : هآآه ليش.؟ نظر فيه جابر: لانه خايف يتزوج وحدة تكون مثل البنات اللي يعرفهم سعد: هههههههههههههههههههههههه ماترضى على نفسك وترضى على غيرك قطعهم صوت جوال " جسار" طلعه من جيبه أخ هاذي فديتهااااا عليهآآآآ صوت عذآآآآآب حور نظرت في نفسي وش كثر الانسانة اللي بداخلي غريبه واللي يصير فيها شيء غريب كل شي صار من يوم وليله من قال اني بعيش هنا واتوظف واروح واجي مع رجا ل غريب عني وكل بنت تتمنى بس ينظر فيها مو يوصلها كل يوم رايحة وجاية معاه والنهاية بيضل يتحملني لمتى.؟ وانا بضل اتحمل تأففه مني لمتى.؟ تنهدددت من قلب نظرت في وجه حنان حور: حنوووون بتنآآآمين حنآن : لا وردت بزعل وهي تأشر على بطنها الصغير: هو هذا يخليك تنامين رديت بخوف: لايكون تعبآآآآآآنة حنان : لا بس عوار عادي حور: متأكدة حنآن : إيه متأكدة وانتي ماتبين تنامين بكرة وراك دوام نطيت على السرير : بصراحة مو جايني نوم ابي احد اسولف معاه حنان : إمممم ليه مو جايك نوم حور: افكر في ظروفي حنآن : خليها على ربك حور: بسسسسسسس حنآن : بس شنو في أحد مضايقك حور: لا بس لمتى بضل كذا حنآن : شوفي انآ عارفة إنك مو مرتاحة حور: لااا مو كذا حنآن : خليني اخلص كلامي الفترة اللي بتقضينها هنا مو مطولة ولو جات علي ابيك تعيشين معاي على طول بس لازم ترد لك حقوقك وتعرفين أهلك حور: أنا مالي حقوق عندهم بعدين إنتي وش عرفك إن أهلي هم اللي في بالك حنان : مليون في المية هم انتي مو تقولين أبوك اسمه ناصر العالي هزيت راسي: إيه بس مليون واحد اسمه ناصر العالي حنان: بس مو مليون واحد اسمه ناصر محمد العالي هو كاتبك بإسم حور ناصر محمد حتى مانسبك له حور: الله يسامحه حنان إبتسمت لي: لاتكونيييين ضعيييييفة إنتي عندك فلوووس تعيشين ملكة من وراها ليه تدورين على التعب حور: بس أنا مابي فلوس حنان : أجل وش تبين حور: أبي اعيش مرتاحة ويكون عندي اللي يكفيني انا وأمي ولا ماجيت هنا وتركتها لوحدها تنهدت : آآه يارب حنان : أفآآ إنتي زعلانه إنك هنا حور: لا ياحنان لاتفهميني غلط بس مايرضيني اترك أمي بحالها والله إني مرتاحة هنا بس أمي ماعندي غيرها وهي ماعندها غيري حنان: مو إنتي تقولين خليتها عند جيران مثل اهلك تنهدت : إيه ياحنو بس ودي اتطمن عليها سحبت جوالها : إتصلي عليهم حور: ها الوقت.؟ نظرت في الساعة : ههههههه ساعة 2 باليل حور : أجل خليها بكرة اتصل حنان : إن شاء الله رفعت راسي فوق: حنون لو جاكي النوم نامي ماردت علي قمت من السرير افتح البلكونة اشم الهواء اتنفس من الضغط صح مرتاحة بس مخنوقه في أشيآء كثير افكر فيها لقيت يد حنان على كتفي: فيك شيء هزريت راسي " لا" جلست على الكرسي : وكيف فهد نظرت فيها بتوتر " أخاف تفضح هالمشاعر اللي فيني ": كيف يعني حنآن: يعني ماتصرف معاك بدفاشة حور: هههههههههههههههههههههههه حنان : وش فيك تضحكين حور: تبين الصراحة تصرفاته كلها دفاشة هههههه حنآن: تعلميني بأخوي ههههههههه نظرت في ملامح حنآ ن وعلي ملامحي بإبتسامة حنآن: بس لاتلومينه ترى يكره صنف الحريم حور: ليه حنآن : ياطويلة العمر مر بتجربة كرهته في صنف الحريم كلهم حور: كيف حنآن : إمممم خطب وحدة وبعدين طلعت والعياذ بالله شاذة حور : أعوذ بالله بس هذا سبب يخليه يكره الحريم حنآن: بس لماتحط أملك بأنسان ويخيب املك حور: كان يحبها هزت راسها : ويموت فيها بس الحين يكرها ويكره صنف الحريم واشرت على نفسها بدلع : غير ماي سستره وابتسمت وانا فيني الم : الله لايحرمكم من بعض رفعت راسي فوق انظر في القمر حلمي بعيد مثل بعد هالقمر عني ...! حور فتحت عيوني على صوت حنان ورديت بكسل:الساعة كم حنان : ساعة 7 وربع يلا اصحي صحيت بسرعه وأنا مرتبكه وخايفة أتآخر اكثر من كدا حنان : لي سآعة اصحيك بس مارضيتي جريت على الحمام اغسل وجهي حنان : يلا جهزي نفسك تكلمت بصوت عالي: ثوآني وأكون جاهزة حنان : اوكي فهد نظرت في الساعة بعصبيه وكملت شرب القهوة وش فيها متأخرة نظرت في راكان هو يفطر: ركوني روح شوف أمك راكان: ليه خالو نظرت في الساعة مرة ثانية وأنا مابي انطق اسمهاا :خلي صحبتها تنزل هزبرأسه: خالو شوف ماما نزلت نظرت في حنان بشرارة : هاذي نتايج افكارك حنان : الناس تسلم فهد : كلمي التيس تنزل بسرعة حور كنت واقف وراء الباب لابسة عبايتي وعيوني على الارض كله اللي تأخرتها عن وقتي " عشر دقايق" بلعت ريقي : يوم سمعته يهيني ببساطة مسكت دموعي لاتنزل أدري إن كاره وجودي معاهم أدري إني علة على هالبيت بس ويييين اروح ابي اعيش مسحت دمعتي وأنا اطلع قدامه وراكان ماسك يدي حنان : حور ماتبين تفطرين هزيت برأسي: لا ونظرت في حنان : قولي لاخوك التيس طلع ينتظره حنان نظرت في حور: حور حبيتي فهد مايقصد هزت براسها ببراءة وتسامح : أدري الله يسامحه طلعت قدامي ومعاها راكان اللي صرت متطمنه عليه مع حور حور هالبلسم هالبرآءة اللي فيها والتسامح ياقلبك ياحور وش كثر يتحمل نظرت في فهد: المسكينة سمعتك وإنت تتكلم عليها نظر فيني وحط نظارته على عيونه : لايكون تبيني أبوس راسها واعتذر منها وأقولها سامحيني ياعمتي تأففت بصوت عالي منه : الله يسامحك نظر فيني وكملت : مو تقول تأخرت طلع من البيت وقفل الباب بصوت عالي فهد طلعت معصب من البيت وانا اشوفها واقفة عند الباب وراكان يكلمها كيف وافقت غريبة تعيش معانا حطيت يدي على رأسي " أفففففف منهآآآآآآ" طلعت المفتاح واشرت على السيارة وطلع منها صوت وإنتفذت منها بطريقة خلتني اضحك على شكلها حور كنت سرحانة وفجأة سمعت صوت عالي من السيارة إنتفذذت ومسكت صوت صرختي من الفجعة نظرت فيه بحقد بس هالنظرة إتحولت إلى نظرة غير نظرت تحت من غير ماحس صح إني ماستحي وانا وين وصل تفكيري هالفهد مايطيقني وأنا من اول ماشفته وأنا ابين له إني احسن من "جميلة "أغار منها هالانسانة عندها مثل فهد حتى لما كرها كره صنف الحريم كله معاها آآه يابختها فتح ركان الباب وطلع قدام وطلعت وراه وأنا افكر فيها معقول وحدة يجيها مثل فهد وتكون شاذة ناس ماتقدر النعمة تكلم بصوت عالي وحاد:اليوم وش طلباتكم قالها بتريقة حطيت يدي على فمي " عيب اضحك " بس غصب اضحك رد راكان : خالو فهد كل شي تبغاه حوووور تجيبه فدييييييييييتك ياركوني الله يخليك لي ياركوني أحب هالولد احبه طلعت ورقة من الشنطة " ترى هي شنطة حنان " فديتها حتى شنطتها اخذتها ههههه إمم إش اكتب ليزجالكسي كتكات سنكر بيبسي ....ألخ |
جواد نظرت فيه بشدة " ياكثر هالانسان بارد " جابر: وش خصني انا ضربت على المكتب: وشلون وش خصك مو أنت اخوها حرك كتوفه بلا مبالاة: كلام عمي صح عشر سنين وهي معلقة على رقبتك سكوتي مايعني إني راضي على اللي تسويه في أختي لوكنت غريب ماخليتك على ذمتها سنة بس المشكلة إنك ولد عمي وأخوي وإبتسم بعباطة:وخال عيالي ضحكت بأستخفاف: وإنت تظن إن غلا موافقة عليك قلتها ابي أصحيه من الغيبوبة اللي عايش فيها جابر جات كلمته على " الجرح" نظرت فيه بحدة: شوف يا جواد خلي مضوعي على جنب اللي كلم عمي على موضوعك مع ندى أنآ.؟ معاك مدة تفكر إما إنك ترتبط فيها أو إنك تطلقها يكفي إنك جايبني من البر على سالفة سخيفة مشيت خليت جواد وراي مقهور منه ومن كلامه بس انا اللي فكرت في هالشي حال ندى كل مايزيد في التردي سكت في البداية عشان يحس بس الحين اجبره ولا يهون علي اجبر اختي على واحد مايبغاها بس هالشي اقوي مني طلعت على مكتب نوار حتى يبلغ أخته بالخبر وانا برجع للبر اشيل اغراضي نكدو عليه الله ياخذهم ...! نوار طلعت من الدوام مع " طلال" رفيق الدرب من أول ماوطيت على السعودية وقفنا عند كورنيش جدة تنفست بقوة : يــآزيــن البحر وريحته تقدمني بخطوات وهو يوقف قدام البحر: وياغدر البحر تقدمت خطوات حتى وصلت قريب منه : مو أغدر من نفوس الناس نظر فيني: صدقت صمت كان بييننآ كل واحد ينظر في البحر وفي راسه قصة بس مايدري وين بتنتهي هالقصة قطعت الهدوء: طلال إش رأيك فيني ضحك بأعلى صوته : هههههههههههههههههه ليه ابتسمت بعباطة على سؤالي : بس يعني لو تقدمت لاحد يوافقون ابتسم : ويابختهم فيك تنفست رد فعل مطمئنة.! حور لبست عبايتي وطلعت الانتظار ومعاي " ركوني" فديته هو يلعب مع أصحابه الله يحفظه يارب انتظرت في الانتظار : أبلة نورة وش فيك نورة: سيارتي ببتتأخر شكلي بطلع في تاكسي خطرت في بالي فكرة وضحكت عليهااا حور: لا وليش تاكسي ماتروحين غير معاي نظر فيني راكان هو منتبه لكلامي: وهمست في أذن راكان : شوف أبله نورة بتنجحك لو قلت لخالك فهد يوصلها وبتحبببببك ضحك بطفولة هو موافق إن أبله نورة تروح معانا " زين يافهد أجل تيس هااا أعلمك التيس وش بتسوي فيك ههههه" والله طلعت مو هينة ههههه يلا خليه يستاهل احسن يتأدب نورة : لا ياحور حور: شوفي لو مارحتي بزعل منك ومشوارك من مشواري قطعني صوت سيارة فهدد " أوف منه حتى صوت سيارته عصبي مثله" طلعت وأنا مبسوووووطة أحب هالساعة لو أدري أقولكم ليه أحبهآ..؟! فهد نظرت في راكان وهو يكلمني : قالت لك كذا رد علي ببراءة : منو خالو .؟ طلع إسمها بالغصوبه: حووور أول مرة أقول إسمها وبالغصب طلع من فمي راكان هو يأشر عليها : هاذي حور وهاذي ابله نورة نظرت فيها بحقد " أخر عمري اشتغل سواق لابلات روضة هين يصير خير.؟" فتحت الباب وطلعت حور واللي معاها عدلت المرايا ونظر ت لهاااا بعصبيييييييه حور بطنننننننننننننننننننننني آآه ما اقدر يآربي أعطيني القوة ولا أضعف قدام نظراته لا لا ماشفت مثلها في حياتي نظرت تحت وأنا حاطة يدي على بطني وقلبي يزاد يارب مايسمعه احد يارب حسيت بضربة قوية على كتفي " أخ يا ابله نورة " عورتيني نظرت فيها وانا اقولها بهمس" بعدين" وقف سيارته " عند البقالة " اللي نوقف فيها احس إني متحسفة في اللي اسويه فيه كل يوم موقفته على طلبات تافه بس عشان اقهره انا اش اسوي في نفسي غبييييييييييييييييييييه وطول عمري غبيييييه فهد نزلت من السيارة وانا اشوف المكتوب في الورقه كل هاذي لها.؟ الله ياخذك ياشيخة دخلت البقالة وانا الهندي طفش من شكلي كل يوم يعني كل هالطلبات تكالها مو شايفة خير بنت الفقر.؟ حور أقولك لاتطيرينه من يدك نظرت لها وانا ماسكة بطني : أوووووووص لا يسمعك نورة : شوفي ياقلبي مدام هو ولد عمك لا يروح للغريب حور: هآآآه ومن قالك إن ولد عمي ردت بلقافة : أجل ولد خالك هآآآه إيه إيه صح اللي قلتيه بس اسكتي ترى هو عصبي حطيت يدي على وجهي ما اقولكم إني إنسسسسسآآآآنه غبيييييه يعني هم ساترين علي وابغى افضح نفسي عشان اقهره يارب هالغبآآآآآء اللي فيني يرووح طلعت وحدة ملقوفة معاي أخ لو درت إنه مايصير لي بتفضحتي يارببببببببببببببي غبييييييييييييييييييه حور وصلنا عند البيت وطلع صوت تأففه بصوت عالي غمضت عيوني وهي ينزل ويقفل الباب بكل قوته نظرت فيه وانا اتنفس بصعوبة وصوت راكان : ماتين تنزلين حور هزيت راسي : بنزل نزلت من السيارة وانا اسمع صوته طالع برى فهد اخرتي اشتغل سووووواق لها ولابلات الروضة حنان : فهد هدي روحك البنت ماتقصد تشغلك سواق كملت كلامي وانا صوت نفسي طالع من " العصبية ": ماتقصددددد اسمعي قولي لها شغل البزران لاتشتغل فاهمة ولا افهما بطريقتي طلعت الدرج وانا اهرول لغرفتي " ملل الحياة تعب" حور سمحت لنفسي ادخل البيت بعد الاهانات اللي سمعتها ضغطت على كرامتي ودخلت بس ماقدرت اخفي خنقتي اللي وضحت م وجهي حنان : حور فيك شي هزيت براسي بلا ودمعتي سبقتي : لا جريبت لغرفتي لا مو غرفتي غرفة حنان |
ندى اليوم بعد مارحتي الجامعة نظرت فيه بحقد: ليه حضرتك تراقبني نظر فيني : من واجبي أراقبك وأعرف وين رايحة وين جاية إبتسمت ببرود: لا مو من واجبك ولا لك حق تسألني وين أروح فاهم يا اخ نوار ضحك بصوت عالي: هههههههههههههههههههههههههه خوفتيني ندى: نعممممممم نظر فيني بطرف عين: قلت لك خوفتيني يو اندر ستاند نظرت فيييه بحقد ورفعت صوتي: شوف لا أنت ولا غيرك ولا عشرة مثلك يقدرون يمشوني على كيفهم قرب مني : خوفتيني هزيت رجلي بتوتر منه ومن" سخافته" كلها يومين اللي جلس معانا ومسوي فيها الكل في الكل كمل كلامه: اسمعي مو لأني ساكت عنك وعن سالفة إنك تدخنين من وراء اهلك وعلى سالفة جوالك اللي ماسكته في يدك إني بسكت عنك ترى في يدي اسوي كل شيء بس ساكت لك لاني ما أحب اتعامل مع هالاسلوب أنا اخوك غصبن عنك رضيتي ولا مارضيتي ولاتنظرين فيني كذا ارتبكت من الداخل " كل هذا يعرفه وش يقصد بجوالي معقول إنه يعرف سالفتي مع مشاري لا لا ما اتوقع " إبتسمت بإبتسامه تقهره: اعلى مافي خيلك إركبه مشيت قدامه وقفني صوته : جهزي نفسك هاليومين نظرت له " جهزي نفسك اليومين " وش يقصد هالعلة.؟ اسأله .؟ لا أطنشه احسن..! نوار رميت نفسي على الكنبه برتاح شكلي بديت امسك مسؤوليه صعبه لازم اكون شديد مهما كان هاذي " أختي" ومالها ذنب يمكن لو اللي اسمه ابوي عايش كان ماهتميت فيهم ولا سألت عنهم بس هم مالهم ذنب مثلي مالي ذنب إنخلقت وعشت وعشت قبل هالعيشة عيشة صعبة تننهدت بتعب جيت من الدوام واللي يشوف وجه جواد يتعب اكثر من الدوام حطيت يدي على خدي بتفكير: وش مصلحة جواد يتزوج ندى أخ ياراسي جاني صوت مثل البلسم برقت ه وبرائته اللي ماختفت نوار نظرت فيها : نووور هلا حبيتي جلست قريب من عندي: وأنا اسالها عن أخبارها وهي تجيب ليه بكلمة وحدة" تمام" نظرت في عيونها : نور اش فيك مو انا اخوك الكبير احد مزعلك نور: نوار صح أمك كافرة نوار: من قالك هالكلام نور: ماما تقولي لاتكلمين ولد الكافرة تنهدت من قلب: لا مو كافر بس ديانتها غير عن الاسلام نوار: بعدين أنا مالي ذنب صح هزت راسها : إيه انت تصلي نوار: وانتي تصلين نظرت تحت : أحيانا نوار: والمسلم مايصلي نور: إيه اصلي بس أحيانا اكون تعبانة وما اصلي نوار: هالشيطان يضحك على راسك مو إنتي تبين ربي يوفقك هزت راسها نوار: كيف تبين ربي يوفقك وإنتي ماتعبدينه ولا تصلين.. نور: خلاص وعد من بكرة ما اترك ولا فرض ... مشاري دخلت البيت مو طايق اشوف وجه أحد معصب هلكان مهوم من التعب قابلتي مشاعل : مشاري جيت نظرت لها بعصبية : وش شايفة قدامك مشاعل: ماقصصصد حبيبي مشاري: اووووووص مابي اسمع صوت تعبان مشاعل: والغدا مشاري : تغددددددي بروحك بدخل انااااام لا تدخلييين علي فااااهمة قفلت الباب في وجها بعصبية رميت جسمي ع السرير ورن جوالي مسكته غصب عني من التعب أبو ندى غمضت عيوني بتعب مشاري: الو ردت بصوتها اللي أحسه غير والله غير ياناس هالشي اللي احسه مو بيدي اقوى من كل شيء : مشاااري حسيت بالتعب يزول بصوتها: فيك شيء ردت بنعومة : إيه غمضت عيوني وانا اسحب البطانية على جسمي : قولي وش فيك ياقلب مشاري.. ؟ |
فهد جلست على السرير هلكان مو حاس بشي غير بتعب اليوم الضغط كان علي اكثر نظرت في جوالي المتصل " جسار" رديت بدون نفس: هلا جسار: هلا ابو فيصل فهد: ايه وش تبي جسار: بخبرك إني رايح الشرقية فهد: خلصت من البر ورايح الشرقية جسار: إيه عندك مانع انا بقول لك عشان تطمن حنان وأم فايز مايقلقون علي فهد : ماعندك دوام رد بدون نفس: لاماعندي اخذ اجازة من خوي " على قد كرهي ي للواسطات اللي خربت الانظمة على قد ما جسار يحبها" فهد: زين تبغى شيء جسار: مع السلامة معاي اللي يكفيني نزلت الجوال تمام جسار بيغيب عن البيت فترة لو جاء بيحمليني مسؤلية أكبر مع الغريبة..! حور حنان : للحين زعلانة من فهد هزيت راسي : لا حنان : أكيييد مارديت عليها حنان : صدقيني فهد طيب بس هو شوي عصبي ولو عصب يصير اكبر غبي ضحكت من قلبي: ههههههههههههه بس مو اغبي مني وردينال الساعة 2 بالليل واقفة قدام المرايا اشوف فستآن ملكتي فستآن اللي كلف تصميمة 25 الف ريال لزوم الفشخرة قدام الناس شفت كيف شكله على جسمي وتخيلت نفسي كيف بنزف في قاعة " ليلتي " خمس نجوم وكيف بكون راقية بطلتي وخطوتي الاولى تخيلت زفتي الللي اختارتها " أمي " بصعوبة حتى تليق بمركزها قدام صحباتها غمضت عيوني رميت نفسي بفستاني على السرير وانا اتخيل تفاصيل الملكة..! |
| الساعة الآن 05:34 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية