|
جواد فتحت الباب جاي من الدوام تعبان وضايق خلقي من كل شي حتى جو الاستراحات صار مايعجبني لان زيد مشغول في زواجه ولا الجلسة لها طعم " القرين هو اللي يحلي الجلسة خاصة إن تطابقت الافكار والميول" سمعت صوت أبوي:جواد نظرت لمصدر الصوت : هلا أبوي وش مصحيك لحد هالساعة شد على عكازه : في بالي موضوع ودي افتحه معاك من زمان سلمت على راس ابوي وجلست قريب من عنده : سم يابوي أبوي: سم الله عدوك ياولدي أنا يابوك عشت طول عمري أكره الظلم واكره اللي يظلمون جواد: الطيب يشهدلك يا أبو جواد حرك بسبحته وهي يكمل كلامه : ولد عملك نوار رجعت له حقه وهو له مثل ما أنت وجابر لك جواد: يابوي كل شي يمشي مثل ماتحب أبوي: اسمعني زين ياولدي موضوع ولد عمك مو موضوعنا لانه موضوع منتهي وماني مقصر معاه بعطيه حقه اللي الشرع كتبه له الموضوع اللي أبي اكلمك فيه هو موضوع بنت عمك ..! إنصدمت من سيرتها : ندددددددى وش فييييييها نظر فيني بجديه : مافيها إلا العافيه بس اللي تسويه في بنت عمك مايرضى عليه أحد لاهي متزوجة ولا مطلقة عشر سنين وإنت معلقها وكل مرة اسكت عشان كل مرة تطلع فيها حجة بس هالمرة مافيه حجة البنت كبرت وإنت كبرت وظروفنا الحمدالله زينة جواد : بسسس يابوي أبوي: شوف ياولدي بنت عمك مثل غلا وانا مارضى عليها تكون معلقة أنا عارف إني غلطان إني وافقتك تتزوجها وهي صغيرة بس قلت مافيا أحسن منك يصونها ويحميها بنت عمك سترك وعرضك قبل ماتصير حرمتك نظرت في ابوي وانشليت عن قدرتي عن الدفاع والكلام قطعني بصوته وهي يقفل الموضوع : اعرف زين ياجواد إني واقف في صف بنت عمك ولا اسمح لك ولا لغيرك يظلم بنتي مشاري قفلت نور الابجورة أخذت جوالي وتسحبت من الغرفة وانا قلبي على يدي إن " مشاعل" تقوم من النوم وتخرب جوي وصلت عند الباب وفتحته وقفلته بشووويش طلعت برى حتى أخذ راحتي جلست على الكنبة وتمددت عليها ابتسمت وانا أدور بين الاسماء " أبو ندى" ندى فتحت عيوني السهرانة واللي ماذاقت النوم ولا حتذوقه إلا لو سمعت صوت " مشاري" " أأأأهـ أحبه" قبل ما أرد خطرت في بالي فكرة رديت وانا أمثل إني زعلانه منه ندى : الو مشاري حطيت يدي على قلبي وهمست لها : صوتك في شي ردت عليه : لا مافيني شيء مشاري: أحبك تصدقين ندى : لا ماصدق قربت الجوال وهمست بصوت ممزوج بحب وعشق ورمانسية اول مرة احس فيها : أمووووووت فيييييييك تصدقين وصلني صوت ضحكتها اللي أعشقها : هههههههههه إمممم لا ماصدق مشاري : الشباك وراي لو رميت نفس ومت إعرفي إنك انتي السبب ندى دمعت عيوني بدون ماحس: مششششاري إن شاء الله عمرك أطول من عمري مشاري: تحبيني ياندى ندى : وأموت فيك تصدق وصلني صوت ضحكته اللي اعشقها : ههههههههههههه لا ماصدق ندى : أجل انا بموت عشان تصدق مشاري: ياروحي إن شاء الله عمرك اطول من عمري مشاري ندى نفسي في هاللحظة اشوفك ودي أتأملك واقولك بأعلى صوت أحبك يا أجمل إنسانة ندى حطيت يدي على قلبي وانا ارجف يشوفني ..............................! مر هالاسبوع بسرعة وكان في كل يوم يمر لبعض أبطالنا قصة بدايته تبدى في لحضتها ونهايتها القدر ماحددها........................! حور هالاسبوع اللي مر علي حسيت إن حور اللي بداخلي غير يالللللله كل شيء حلو ومغامر عشته في هالاسبوع وبالتحديد في هالبيت ماتدرون كيف شعوري لما أمي وافقت بالسرعة إني اعيش معاهم ومع حنووووون اللي مثل أختي بسس إستغربت موافقة أمي بالسرعة بس لما سألتها قالت إني اعرفهم إن ناس مافي مثلهم وبيحمونك اكثر مني وبتحسين أنك جالسة مع اهلك تصدقون طلع كلام أمي كله صح اليومين الاولى نزلت انا وحنون نشتري ملابس لي اشتريت ملابس عشان وظيفتي الجديدة توظفت مشرفة في روضة اللي يدرس فيها راكان واللي يوصلني وظيفتي فهددددددددددد صرت كل صبح أطلع معاه انا وراكان وارجع معاه ظهر وقبل ما أنزل أملي لستة بالطلبات حتى لو كنت مابي هالطلبات والطلبات عبارة عن تشيبس وبيبيس وجالكسي واحيان اشتري حلاويات للصغار طبعا كله هذا على حسابه صرت اورطه كل يوم مو هو مسوي فيها شايف نفسه خليه يتحمل سخافته خارج النص عيش نذلا تعيش ملكا طوال العمر خخخخخخ فهد هالاسبوع اللي مر علي فهد صار مشغول وكاره نفسه اول شيء كرهت وجود حرمة غريبه عله ترفع الضغط في البيت وثاني شي اكون سواق لحرمه اوصلها واوديها كرهته اكثر ثالث شيء طلبات هالسخيييييييييفة كرهتنننني بحياتي أخ الله يأخذذذذذك ياحووووور ندى هالاسبوع مر علي وانا بحيرة يارب وش اللي جرى في قلبي اشوف مشاري ولا لا..؟! انرسم في بالي جواد هو المسئول عني الحين ويقدر يقتلني لو سمع سيرة او حس بشيء جواد الاسبوع اللي مر علي عشته بقلق وتوتر من موقف ابوي الصارم وبين أمرين أما احدد زواجي من ندى أو أحدد طلاقي منها نوار الاسبوع اللي مر عليه عشته بين إدارة شركات العالي اللي اصبحت مدير عام مثلي مثل جواد وانتقلت اعيش في بيت ناصر العالي أخذت غرفة جابر انام فيها لحد ماينتهي من رحلته في البر هالاسبوع تقربت فيه من نور ولكن مو اكثر من صراعي مع أم جابر الله يهديها غلا هالاسبوع مر علي دوام من العيادة للبيت ومن البيت للعيادة حياتي روتينيه بس تعودت على النظام اللي من سنين ماتغير جابر هالاسبوع اللي مر علي فللللللللة عسا ايامي كلها فلة خخخخخخ البر وشبة النار والسوالف ماتنهي تدرون مدددت جلست البر اسبوع ثاني واحد فاضي خخخخخخخخ وردينال مر على الاسبوع ومن خبر تعيس لخبر اتعس تحددت ملكتي وإنطبعت الكروت وصلتلي هديه من الزفت اللي اسمه زيد بمناسبة الكروت اللي انطبعت ابي افهم هو يستهبل علي الغبي زيد هالاسبوع مر علي من خبر سعيد لخبر اسعد تحدد ملكتي وانطبعت الكروت بشوف وردينال اللي حلمت فيها وهي ولايوم حلمت فيني هههه احس اني غثيث على قلبها بس خليها تفهم إنها ولا شي عندي وبصراحة هي كل شيء بس كرامتي كرجل ماتبين هالشيء لانثى ترفضني |
السلام عليكم ورحمة الله وبركاته
كل عام وإنتم بخير وسعادة وعافية وكل احلامكم تتتحقق < قولوآمين ^_* سامحوني على التأخير بس صدقوني ماتأخر الا لما تكون فيه ظروف أقوى مني وهالبارتات إن شاء الله تكون ترضيكم يالغوالي أشوفكم على خير وكلي شوق لكم أحبكم |
الروح الطاهرة
وانتي بخير ياحياتووو بجد بارت جونان يسلمووو علية توقعات لاحدث القادمة حور & فهد أتوقع راح فهد يتزوج حور مشاري & ندى ندى راح تعلق في مشاري كثير ومشاري بمثل وراح يندم لم يعرف انها متزوجة جواد سوف يرضخ لامر الواقع ويعرف بخيانة ندى لة لانة يتوقع انها فقط شاذه ومالها في رجال ابد نوار هو الشخص الذي سوف يكشف مع مرور الوقت انا حور اختة جابر راح يغير بعد زواج غلا وردينال & زيد صراع قبل زواج سوف يأثر ع زواجهم وردينال راح تكشف كذب زيد لان زيد يذوب حب لها وليس في قلبه احد سواها |
الحمدلله على سلامتك روحي..
وان شاء الله زالت ظروفك.. وكل عام وأنتِ طيبة.. بااارت رائع وماهو غريب عليك عزيزتي.. التوقعات.. حور=> فترة هادية تمر فيها ورح تكون فيه شي يعكر الهدوء..! ندى& مشاري=> علاقتهم أكبر غلط اللي والخسران الأكبر مشاري..! زيد& رودينال=> بصراحة انا اكره البنت واتمنى ان زيد يروضها بشدته..! جواد=> رح يوافق على قرار ابوه لكن رح يعيق الموافقه امر ما ورح يرفض..! جابر=> يعجبيني عايش حياته على اكمل وجه..! الف شكر... وردي... |
السلام عليكم ورحمة الله وبركاته
مساء الخير والمحبة والرضا على قلبج الطاهر بارت رائع كالعادة ربي يعطيج ألف عافية ============= (( حور -- فهد)) قاعدة تمر بفترة هادية هل هي ردة فعل على اللي صار أما علاقتها بحنان علاقة حلوه والناس الطيبة تبين من أول موقف وحنان اثبتت هالشيء لحور لدرجة أنها رضت وبسهولة تعيش عندهم الصراحة أنا استغربت هالشيء شلون أم حور رضت مهما كانوا ناس طيبين بس ما اخلي بنتي عندهم والبيت فيه شباب -- اما اللي قاعد يصير لها مع فهد فهو اتوقع بداية حب كبير راح يربط بينهم أما احساسها الحالي فهي قاعدة تشوف فيه الاخ والاب اللي ربي ما رقها فيهم أما فهد قد يكون مو راضي أنه حور تسكن عندهم لانها ما زالت مجهوله بالنسبة له للحين ما عرف من تكون وليش أصلا قاعدة عندهم أتوقع فهد راح يكلم أخته عشان يرتبط بحور -- عشان يقي نفسه واخوانه وخصوصا جهاد من الغلط ========================== (( جواد )) إنسان يقهر بعض الاحيان الصراحة بس زين سوى فيه أبوه أنه خيره بين أنه يتزوج ندى أو يطلقها وأتوقع انه يتزوجها و ما يفرط فيها ويسمع كلام خالته ======================= ((ندى -- مشاري )) اللي بينهم شيء غلط وقمه الغلط قد يكون حب من جهة مشاري لان الرجال قلوبهم عماير تكفي مليون بنت أما ندى مو حب اللي تحس فيه أتوقع مجرد أحساسها أنها لقت شخص يحبها ويعوضعها عن النقص اللي تحس فيه من تجاهل جواد لها حتى لو كانت ما تحبه وراح تكون لها ردة فعلقوية على موضوع الزواج _ كلنا بانتظارها ========================== (( نوار )) هذا هو عايش ببيت أبوه وقوة علاقته مع نور بس ندى ليش ماله علاقة فيها ليش ما حاول يصلح العلاقة بينهم مثل ما صلحها مع نور أما أنه بيناسب طلال اتوقع هذا الشيء راح يفرح طلال كثير ======================= (( زيد -- وردينال )) علاقة أساسها قاعد ينبنى غلط كل واحد يعاند الثاني على حساب حياتهم بس زيد عارف شنو وردينال وحاب يروضها على يده بس هي مفكرته يحب بنت عمه وهذا شيء مستحيل ترضى فيه أي أنثى أنه زوجها يحب غيرها فهي أما أنها تحاول تحببه فيها من وجهتة نظرها أو أنها تستلم هذا احتما بعيد لان مو شخصية وردينال اللي تستلم بسهولة ==================== بانتظار أبداعج القادم :friends: :flowers2: |
| الساعة الآن 10:30 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية