رد: أوجاع ما بعد العاصفة (الفصل السابع والعشرون)
 

رد: أوجاع ما بعد العاصفة (الفصل السابع والعشرون)
 

صباح الخير عالجميع..


نواس.. اخيرًا نطقت الدرة يا شيخ.. مابغيت.. اصلًا استغربت في البداية قلت وش غير الولد لا يكون مسكون بس.. اجل انتِ في قلبي و داويني وحركات.. للأمانة انسجمت وتمنيت ما تخلص جزئيتهم.. اول مره مايكون فيها وجع قوي.. طبعًا لازم من الوجع دام مي لسى بالنص .. بس ماهو كالعادة.. اقل شيء ما احتاجت وسن لحبوبها.. ما الوم وسن اذا استغربت من مي لأنها كائن غير طبيعي..

الحين وش الحل.. ابي اهضم مي بس ماش.. حاولت بس مانفع..!
ابي اقنع نفسي انها مظلومة ومالها دخل بس لما تتوجع منها وسن يتغير رايي..

..

ابو وسن مات مقتول..! طيب ليش تفاجأ نواس.. محد يعرف والا كيف..! يعني وين مات وكيف عرفوا بموته دام نواس تفاجأ.. لو يعرفون كان بينتشر الخبر مو؟؟ يعني على الأقل كان بيكون بين العائلة.. احس السالفة فيها إن..

الحين ابو وسن كان تاجر بن.. وخالد الصقار كان تاجر بن كمان.. ابو وسن كان عليه دين للصقار.. وماقدر يوفي بدينه وبدله بوسن.. وبعد مامات رفضته وسن.. اذًا مو الصقار اللي قتله..
يمكن انه متورط بنفس العصابة اللي تورط فيها الصقار.. يمكن
انهم اصلًا كانوا شركاء عمل بس الصقار انقلب على ابو وسن عشان الدين او عشانه حب يتراجع قبل يتورط.. يمكن خطب وسن عشان يضمن دينه او يضمن انه مارح يوشي فيه دام بنته عنده..
هففف احس اني تلخبطت مررره.. كيف يعني مجريات الأمر عند وسن وحدها.. وش السالفة😕

..

ملاك.. وي يا جرأتها بس.. حبيت خبالها😂 و أهم شيء النظارة.. عرفت كيف تحتال عليه.. وهو المسكين لسى يدور عليها
ويفكر مين تكون.. ماعرف انها هي نفسها.. اتوقع انه رح يعرف بالصدفة عنها وراضية تتكلم مع وسن او يمكن ملاك يزل لسانها وهي تحكي في البرنامج ويقعد يربط الأحداث براسه ويعرفها.. بس احس ردة فعله رح تكون قوية..


..


سما.. شعورها صعب جدًا جدًا جدًا.. يعني اول شيء انها تحسب انو مشاعرها مو مكشوفة لنزار وتصبر نفسها.. وبعدها حركة دعاء الحقيرة الوقحة اللي تحتاج لها بالمشعاب على ظهرها لين تعرف ان الله حق.. مع فقدها لأهلها.. كلها اجتمعت عليها بوقت واحد.. اتوقع انها رجعت للقبو.. ورح يلقاها نزار هناك.. بما انه صار يقدر يدخل .. بس دعاء رفعت ضغطي.. وقحة البنت بشكل.. تستاهل مو كف واحد.. الا بالسوط.. عشان تعرف حدودها.. ماغير ذلت نفسها .. اول شيء يوم خطبته والحين يوم تعلقت فيه.. صدق صدق حقيرة..-> فكوني عليها بالله👌🏻👊🏻


..

نزار.. الحين اعترفت بحبها هاه.. يوم خربت الأمور قمت تعلم بحبك .. اتوقع سما ما تعطيه فرصه ابد.. ذا جرحها جرح مو هين.. بس مو كأنها طلعت ورجعت للقبو بوقت حساس..! يعني وقت خطر..

.
.
.

جابر.. شو هااا.. عليه برود ماهو طبيعي.. ياخي امك اتهمت زوجتك بشرفها وانت بس تقولها لا ترمين المحصنات..! ليه لهالدرجة الوضع عندكم عادي.. انا خلاص غسلت يدي منهم..

..

ام جابر.. منك لله .. طفلة.. تعرفين وش يعني طفلة.. تسحبينها بإذنها.. ليه حيوان هي والا ايش..! وفوق كذا ما كذبت.. هي صادقة.. انتِ تكرهين أرجوان وانتِ اللي خليتيها تطلع من البيت..
والا الحق يزعل يعني..! اعوذ بالله منك..

..

أرجوان.. مدري وين فاتتها ذي.. اكيد انها كانت تزور امها قبل تعرف جابر وهو من مراقبته لها عرف وين تروح.. بس جد ما توقعت امها لسى حية.. وفوق كذا مطلعين لها شهادة وفاه.. بس جابر يا انو يعرفها من حسناء او انه هو اللي مطلع لها شهادة وفاه.. بعدين يا ارجوان.. مبروك الحمل😛 اجل تقولين معدتك تعودت عالرفاهيه.. الا قولي في كائن حي صغير قاعد ياكل معك😇

..

تدرين ميشو.. حسيت انو العصابة مرت على ابطالنا كلهم.. يعني بداية بسما مرورًا لوسن لـ ابو ارجوان لـ عايلة جابر.. يعني ابو ارجوان للحين مدري كيف مات بس يمكن العصابة لها يد-> أدخلهم بكل سالفة😁


..


اممما جابر يعرف يعزف..! رح تكتب في التاريخ ذي..! الجلمود يطلع منه شيء..!

..


زهور.. يا ستي وسعي صدرك بس.. وعيشي حياتك اللي امك ما تركتك تعيشينها.. وش لك بالنكد..

..

رضا.. لا تفرح كثير.. رح تجيك ضربة قاسية عن قريب😛

..

معتصم وبتول.. توم وجيري.. ماغير مناقر.. اتوقع معتصم يجيب لبتول كمان..

..


ما ادري اذا نسيت احد او لا.. اتمنى انو يرضيك التعليق.. مثل ما ترضينا بالفصول..


..

تحياتي يا جميلة😻

رد: أوجاع ما بعد العاصفة (الفصل السابع والعشرون)
 

السلام عليكم ورحمة الله وبركاته...

ميشووووو شكراااا على البارت الطويييل..والدسم..والمممممممتع جداااااااااااا....حقيقه والله احس تعليقي مابيوفيك حقك ولا حق روعه روايتك.....مشاء الله الروايه في تألق وتقدم مستمر...والدليل فصل اليوم أخرج عدد من القارئات بصمت من صمتهم ...وكله تعبير على روعه كتابتك...وفقك الله وحفظ لك موهبتك واعطاك خيرها...



نجي لبارت اليوم


نواس ووسن ...صباحية مباركه ياعرسان هههههه....أخيرا ثنائي الألم عاشوا لحظات جميله...مع اني أظن أن وسن لسا مشوارها أطول من نواس...بس ما اقدر الومها...نواس غامض في ما يخص مي ...ووسن صعب تتقبلها وتتقبل وجودها ...في كل مره هتشوفها هتتذكر ان نواس فضلها عليها واتزوجها قبلها...إذا نواس حرق نفسه لما عرف أن وسن صارت لغيره...فكيف شعور وسن وهي تشوفها تشاركها في حبيبها...صعب صعب جدااا تتغاضى ....

ملاك احسها بتحاول تعيش في عالم وردي تهرب ليه عن واقعها والمحتوم عليها وبالأخص ان تخرجها قريب...يعني احسها عايشه مع مشاعرها بقوه...يعني معقول أحد يحب أحد لمجرد سماعه لمشاركات هذا الشخص في برنامج اذاعي...بس هي احتياجها للاهتمام والحب خلاها تآمن بهذا النوع من الحب...نشوف هل الواقع بيصدمها ويخرجها من عالمها الوردي بعد ما عرفت معاذ على الواقع..وأصبحت تمارس عليه العابها ....




سما ونزار....حقيقه سما احسها حساسه زياده عن اللازم ...ما اعرف بس يمكن لأنها مرت بظروف صعبه بالاضافه لمرحلتها العمريه.. لأنه معروف عن المراهقات حساسيتهم الزايده..يعني لأقل شئ دموعها تجري عشرات...
بس اليوم الموقف كان قوي جدااا عليها ..أولا تعرف أن نزار يعرف عن مشاعرها...وكمان تجي عليها منظرهم في المطبخ...ياااااا الله صدمه قويه جدااا عليها....اكيد راحت القبو...بس يا خوفي العصابه تلاقيها قبل ما توصل للقبو...

دعاء الحركه العملتها قمه في الحقاره وتمثيليه مكشوفه على قول نزار بس خلاص الحمد لله خلصنا منها...

نزار أخيرا اعترف بحبه لسما...بس بعد شنو...الحين غير إحساسه بالغضب من نفسه لحزنها...يجي عليه احساس تأنيب الضمير ...أنها خرجت بسببه ويمكن العصابه تقبض عليها ...صعب صعب وضعهم ياميشوو...


رضا وزهور...اليوم حبيييبت رضا جدااااا...شخصيه حلوه ونقيه ودائما يرى الجزء الممتلئ من الكأس ..وروووووومانسي ...جد حبيت كل محاولاته مع زهور...وكل تقبله لكل شئ منها حتى كلامها البايخ...
زهور احساسها بالنقص كبير جدااا...اتمنى انها تعطي نفسها وتعطي رضا الفرصه لتضميد جراحها..وتعيش حياتها مع الشخص البتحب وهو بيمووووت فيها...


معتصم وبتول...هههههه...جزئيتهم مممتعه وحلوه مثلهم تماما...



جابر وارجوان....جابر الضغوط عليه من كل مكان...العمل والعصابه والخوف على كل أقاربه والاهتمام بكل صغيره وكبيره في العمل ....ارجوان وسؤ الفهم بينهم وخروجها من القصر ....القصر ووالدته وتدخلها في كل شئ و تذمرها من كل شئ في حياته الخاصه وكلامها الذي مثل السم...والمشكله انها أمه ما يقدر يرد عليها أو يحتد معاها ...الحين طفللله كيف تشدها من اذنها كده كأنها حيوان.....وكل هذي المشاكل جابر هو المطالب بحلها ..بشرط يرضي كل الأطراف ...جد جابر في وضع لا يحسد عليه ...


ارجوان يمكن تغير طبعها ماخرا والغباء الزائد عندها سببه الحمل ....بس خبر حلووو وجا في وقته عشان يرجع المياه بين أبوه وأمه ...

والله ياميشووو اتوقعت أن ارجوان ياامابتزور حسناء أو أمها ..بس استبعدت أمها وكتب حسناء خخخخخخ يعني تفكيري كان ماشي صح ههه

جابر يعرف ام ارجوان وشكله من زمان كمان ...يا تري اش السر !!!!!


ميشوووووو شكراا من تاني تسلم يدك...وشكرا حبيبتنا تفاحه فواحه على تعبك.


(سبحانك اللهم وبحمدك أشهد أن لا إله إلا أنت استغفرك وأتوب أليك)

رد: أوجاع ما بعد العاصفة (الفصل السابع والعشرون)
 

انا جيييييت >فيس مستحي ...



هذا البارت على انو فيه اكشن ، بس بالنسبة لي اعتبره بارت مسالم جدا .. يعني ماشفنا فيه مشاكل وسن ونواس ولا جابر وارجوان ولا حتى بين معتصم وبتول والا رضا وزهرته .. المسكينه اللي اكلتها هي سما وكان هذا البارت المصيبه اللي كسر ظهورنا عشانها ..

وسن ونواس ، مثل ماتوقعت تحسنت علاقتهم ويمكن تقارب اجسادهم يساعد على تقارب ارواحهم ، واتوقع وسن بتبدا تلاحظ كيف هي علاقة نواس ومي وممكن تسال نواس بعد ماتشك فيهم او يمكن مي بتتدخل لما تشوف الاوضاع تحسنت خلاص ..

سما ونزار،ما الومها ابدا ابدا في اللي سوته مع انو توقع بسيط مني يقول انها ماهربت من البيت وباقي موجوده يمكن مخبيه نفسها بمكان ولو طلعت مافيه احد بيكون لها الا جارهم عوني وزوجته ، نزار في لحظات بس بيندم قد شعر راسه على سكوته طول هالفتره وياخوفي يدفع الثمن بفقدانه لسما ، اما دعاء واخيرا فارقتنا للابد اففف منها النسره ماراحت الا لما كسرت قلب سما ، بس من جد وققحه كيف تسوي هالحركات وبعدها تبي نزار يعاملها عادي من جد مثلها ماقد شفت بالوقاحه ..

ردين بعد قلبي هالمسكينه ، كسرت خاطري وهي تحس باليتم للمره الثانيه ودمعت عيوني وانا احسها صارت ضعيفه اضعف من قبل بكثير ، تعرفون الشخصيات اللي تنصدم بشي وبعدها تحاول تبني على نفسها اسواو بحيث محد يقدر يوصل لضعفها .. هذي بالضبط حالة ردين .. وما اتوقع ولا واحد بالمية بينفع معها طريقة فراس ،، يعني المفروض يقدر موقفها مو يزعل ويعاملها بالمثل .. وفيه شي واحد انا خايفه منه لما قالت ام فراس لردين ان رياض بيتبرى من فراس لو طلقها ؟ وهالشي لسبب بتعرفه بعدين ؟ ابي اعرف وش هالسبب وهل هو في ردين او شخصيتها بس ؟ بدت الافكار تلعب بمخي بس ما اتوقع بيبقى فيه حاجز بين فراس والطلاق لو قرر هالشي ..استودعتك الله ياردين ايامك الجاية سودا ..


رضا وزهور ، وهذا هو رضا بدا يكسب قلب زهور من جديد رغم محاولاتها للتمنع .. بس هي من داخل محتاجه له كثير كدواء لكل شي عاشته قبل .. من وفاة ابوها لمعاملة امها لزواجها والكارثه اللي صارت عقب .. عسى بس يقدر يحتويها رضا قبل لا تطلب الطلاق .تبون الصراحه بديت احسن ان زهور حطت موضوع الطلاق هذا بس عشان تذكر نفسها ما تتمادى بمشاعرها معاه والا هي بالحقيقه راضخه داخليا لفكرة الزواج منه...


معتصم وبتول ، معتصم يتقرب وبتول مازالت غير مبالية ؟ معقوله بيجي يوم تندم بتول عاللي كانت تسويه معاه !

واخيرا حبايبي ، ارجوان وجابر الشرير .. وبعدين معاه بكل مره يصدمني بشي .. هالمره صاير يعرف بامها وساكت .. يعني عمره مافكر يفتح معها هالموضوع ؟ او انه كان متوقع انها ماتعرف عنها ؟ شخصيه غامضه بشكل يسكت عن اشياء ماله داعي يسكت عنها والمفروض ارجوان اول من يعرف بهالاشياء ، لكن كأني حسيت ان جابر مو زعلان بالطريقه اللي تصوررتها .. والدليل جا لارجوان .. صحيح ماجا لبيتها لان كرامته ماتسمح له .. بس الاكيد قدر يقابلها في مكان ويناقشها في اللي صار يعني ماسفهها وهذا ان دل على شي دل على تمسكه فيها .. والنصاب ان قال مره ثانيه هذا مو حب قطعته باسناني .. اذا هذا مو حب اجل وش الحب بالله ؟ يالله عاد تفاهم مع زوجتك ورجعها للبيت وبلا هذره زايده ، ولا تنسى تشوفكم عجوز النار راجعين مع بعض .. مع انو اكيد ارجوان بترفض هالشي والا بتطلب انها ماتقابل امه نهائيا وهذا حل مرضي ..


والد وسن توفي مقتول ، وخطيبها كمان...بديت احس ان وسن لها علاقه غير مباشره مع سما .. يعني خطوطهم تتقاطع بنقطة وحده وهي العصابه اللي استهدفت اسرهم ..وبما ان عفراء ذكرت اسم خطيب وسن قبل لا تموت هذا يعني ان له علاقه مهمه بالعصابة ...وآخر توقع جا ببالي .. الدليل عند وسن ! كيف جت هذي ما ادري ..

اخيرا الله يصبرنا من هنا للاحد .. حاسه الايام قاعده تتطول بزياده ..كل هذا عشان قاعده انتظر بس ..

رد: أوجاع ما بعد العاصفة (الفصل السابع والعشرون)
 

السلام عليكم
صباح النور والرضى ع كاتبتنا ومتابعيها الغوالي
باررت جمييل كعادتك وخاصه جزئية نواس ووسن واخيرا بدت ترجع المياه لمجاريها بس ميشو مدري كيف مي بذا البرود يعني قلنا ماتحب نواس وماتحمل ف قلبها شي له بس انها تبارك له وتفرح هذا شي ماقدرت استوعبه مهما كان مستحيل المرأه ترضاها حسيت بجرحها اكثر منهم >فيس حزين
ارجوان وجابر يحصلها جابو من وين والا وين تراكمت عليه المشاكل والضغوطات
ميشو جاا ف بالي توقع انو جابر يطلب من ارجوان ترجع البيت ويطلع امها معها ويتكفل برعايتها المنزليه او العكس هيا الي تطلب منه المهم ان امها ماتظل ف دار العجزه وهذا الي بيرجع ارجوان لبيتها ..
وبس وننتظر البارت الجاي ع احر من الجمر

همس الوجووود..