رد: أوجاع ما بعد العاصفة (الفصل السادس والعشرون)
 

بالنسبه لجابر وارجوان
احيانا بتحدث اخطاء وبتكون سبب في حدوث مصائب وكوارث
والموقف هنا في وقت رجوع جابر مبكرا
كان جاي يتكلم مع ارجوان ويحكي لها كل شي عن حسناء وابوها وغيره..
وباقول انها اخطأت لانها نامت وزوجها غضبان منها
كان لازم تعتذر منه وتصالحه قبلما ينام
عندما جاءت تعتذر منه لحقته ارجوان الى خارج الجناح "" لاول مره " فرأت امه تعترض طريقه وتدخله جناحها
فذهبت تتصنت عليهم ""وهذا خطأ ثاني لا نتوقعه من ارجوان المربيه الفاضله "" لتستمع الى الكلام الذي كانت ستسمعه منه في الليله الماضيه لتنصدم به اليوم
الحق عليها 😕

رد: أوجاع ما بعد العاصفة (الفصل السادس والعشرون)
 

شكراا ميشو باين الفصل الجاي صاخب ومليان كوارث ههههههههه بس اكتر شى خوفني الحلم الى حلمه نزار ما بعرف ليه انه العصابه عم تنصب فخها لسما واكيد بسبب احترافهم رجال جابر صعب يكتشفوهم منتظره على نار

رد: أوجاع ما بعد العاصفة (الفصل السادس والعشرون)
 

المقتطفات :
نواس ووسن شكل الوضع تحسسن وبكثيير بعد بينهم ،وملاك زارتها بالمزرعه خخخ تبي تشوف معاذ .. او يمكن نواس اخذها لبيت خالتها وهناك قابلت ملاك ..

نزار اللحين عرفت انه مافتح الموضوع مع سما ابدا ويمكن ناقشها بشي ثاني .. حلمه حسيت له علاقه بطريقة الكشف عن العصابة وفخذ سما مجروح هل هو من الحلم او هالجرح صار حقيقه وشافه نزار بالحلم ينزف ؟ ترى قاعده احاول اصير ذكيه .. طبعا اخيرا انطردت دعاء وفكتنا منها بس شكلها سوت مصيبه كبيره خلت نزار يطردها ويعترف بحبه لسما .. اكتشاف سما لحقيقة مشاعره وصدمتها منه فعلا فاجعه بالنسبة لها ، اتوقع خلاص بترمي عليه هديته وبتطلب من جابر ياخذها باي طريقه وساعتها خلي نزار ينفعه عناده ..

جابر والحب ارجوان ... افهم من هالمقتطفات ان غضب جابر ماكان بالطريقه الكبيره اللي توقعتها .. واكيد بما انه قال لعياله حترجع فهو بيرجعها مثل ماقالت سوسن برضاها او غصب عنها .. اول مره اعرف ان زوج سوسن يشتغل مع جابر ؟ وبعد جابر حط لارجوان حراس .. اكيد اول شي بتفكر فيه انه يشك فيها .. بس ليش تبي الطلاق! شكلي بزعل عليها ..

ارجوان تزور وحدة ؟ من ممكن تكون ؟ هي من قبل ماكانت تعرف الا سوسن من هالوحده الجديده ؟ عرفتها بعد دخولها للقصر ؟ توقع غريب جا في بالي يمكن اللي تزورها ارجوان وحده تقرب لسيلا الخادمه عندها !

يالله باقي يوم ويجي الاربعاء

رد: أوجاع ما بعد العاصفة (الفصل السادس والعشرون)
 

السلام عليكم ورحمة الله
بروووده ما ابي اقول زعلانه منك لاني ماقدر
بس قلبي يعورني من البارت بدايه من نواس وعذابه وعشقه
وختاما بكارثة جابر وارجوان وانا طبعا مو ضد احد شايفه الكل
مجروح واولهم انا ليه مدري كذا بدخل نفسي بينهم > مشاركة وجدانيه
حسيت بجرح ارجوان وجرح جابر ضعفه لاني شايفته بدا يتغير من اجل ارجوان
وواثق فيها كمان ف الاخير انصدم من موضوع الحبوب.. ارجوان مو جديد عليها الي صار بعد ضرب ام جابر لها فايش تتوقع يدافع عنها وهو كمان مصدوم منها
البارت يعور القلب كثير وباقي ماقرات المقطتفات ابي شوي اتشجع واقراءها > مكبره الموضوع هههههههههههه
وتسلمين يا اروع كاتبه


همس الوجووود

رد: أوجاع ما بعد العاصفة (الفصل السادس والعشرون)
 

يا الله صباح خير.. وش هالفصل..! مين زعلك وانتِ تكتبين..!

..

صراحة مالقيت كلام اقوله.. لسى منبهره للحين من الأحداث..
يا ويل قلبي بس..

..


نواس.. ما اتوقع انه اعترف لوسن بحبه لها.. اكيد هو عرف انها صاحية..
بس برضوا ماعندي فكرة وش ممكن قالها..

..

نزار.. وش يبي يقول لسما..؟ يمكن قالها تنتظره..! بس ما اتوقع ..
يمكن غير رايه وماعاد تكلم.. او احد قاطعهم.. او شيء من هالقبيل..

..


جابر.. غريبة جا بدري ومصمت جوالاته..! وش كان يبي من أرجوان..

صراحة ارجوان الفصل ذا نرفزتني بقوة.. حسيتها كتلة غباء.. اوكِ فهمنا
انك تحبينه بس وين راح الذكاء..!
وكمان تنام برا وهي يوم جرحها ماتركت الغرفة..

..

ام جابر.. انا تأكدت انها جلمود.. يعني بقى جابر مانكدت عليه وهذي هي
نكدت وخلصنا.. بس وش استفادت؟؟ ليش حطت ارجوان ببالها..!
اصلًا ليه صارت عدوة لها من اول ما قال جابر انه يبيها..! اعرف الحريم يفرحون
اذا تزوجوا اولادهم.. وذي نكدت على ولدها.. بس كيف عرفت عن الموانع..
اكيد دخلت الجناح.. او ارسلت حد يدخله بدون علم ارجوان.. واكيد جابر فوق
راسه مليون شغله ماهو فاضي بس يراقب القط والفار في بيته..

..

يمكن طلعات ارجوان من البيت وهي توصي السايق مايقول لأحد انها كانت
تروح لعند هذيك نفسها اللي زارتها..

..


رضا و زهور.. توقعت زهور تكون من النوع الثقيل اللي يهاجم.. يعني توقعت
تنكد على رضا عيشته.. بس يمكن ماقد شفنا منها شيء للحين..


..

اعتذر ميشو على سطحية تعليقي وادري ما كفى تعبك معنا..
بس ماحبيت اجلس كذا بدون ما اعلق..

..

🎼💔