|
بمشيئة الرحمن (¨°o.O البارت الثامن O.o ) جواد صداع يشد رأسي وألم يزيد فيني قسوته...! فتحت عيوني بصعوبة وأنا أركز في ملامح " أبوي" جمعت قوتي وسحبت نفس عميق وتكلمت بصوت تعبآن : أنآآا وين.؟ جابر: جواد عساك بخير جواد: إيه أبوي : لك الحمد والشكر رخيت راسي وأتذكر اللي صار لي "الرصاصة والرجل اللي اختفى قدامي وجابر هو يصرخ كل هالشي استرجعته بثواني نظرت في أبوي: تطمن يبـه انا بخير أبوي: لك الحمد يارب نظرت في " جابر " : وش صار جابر : يارجال واحد صوب عليك الرصاص بالغلط أبوي: وإنت ما تختارون مكان سنع تصيدون فيه المرة جات على خير لاتعاودونها المرة الثانية جابر: ياعم المكان مافيه شي ولا خطر بس قدر الله وماشاء الله فعل نظرت في ملاح أبوي الطيب الوقار في ملامحه على كثر ماعطاني كل شي ماعطيته مقابله شيء جمدت ملامحي وإحساسي وأنا اشوفه وعاجز أسوي شيء خمس دقايق صمت قطعها صوت " جابر" جابر: حاس نفسي بمسلسل خليجي ههههه جابر مسلسل خليجي بس خسارة البطلة مو فيه هههههههه البطلة هي ليلي وانا قيس لا اقصد غلا وجابر يالبيـه ياطاري غلا الغلا ودي أستغل فرصتي في المستشفى واروح لدكتور قلب يشيل قلب جابر ويحط بداله قلب ثاني قلب جابر عذبه غلا الغلا صار متولع فيه ومن زود ولعه مايحس بطعم الفرح الا بوجودها إبتسمت وأنا اشوف الباب ينفتح إحساسي بتكون " هي" غلا: السلام عليكم أخ ياقلبي من كثر ماحبها صرت اكره قلبي جمدت حتى رد السلام نسيته " ياويل حالي من زولها" نظرت في بوكيه الورد اللي في يدها " ياليتني مكانك ياجواد" ياليت الرصاصة جات فيني بس أشوف عيونها وفي يدها الورد تبلمت عن الكلام طفل صغير يتأمل أبلته "ياويل حال وانا اعبر ههههه" أشوفها تسولف مع جواد " فديتها وفديت كلامها كل كلمة حكمة حتى لو مافي حكم احبها مو قلب ذا ملعون " ياربي وش اللي فيني خليني اتحرك أسوي شي يجذب البنت غلا جواد :الحمدالله أنا بخير ياغلا أخبارك إبتسمت لجواد : أنا بخير مدام انت بخير نظرت في " جابر" اللي مركز عيونه علي وجه وحركاته مكشوفة ما اهتميت له ولا إهتميت لنظراته فيني ليه مايبي يفهم إني ما انظر له كزوج.؟ صح إني أحب جابر واحترمه بس " كأخو" والاخوة غير واني ارتبط فيه كزوج غير أبوي: والله هالولد طلع رجال نظرت في " أبوي " مستغربه يقصد مين.؟ بس قطع حيرتي سؤآل جابر جابر: تقصد من ياعمي أبوي: أقصد أخوك نوار اللي ماكلفت عمرك إنت ولدعمك تسأل عنه أو تزوره اشر على جواد: وإنت ماكلفت عمرك تسأل عنه إبتسمت على شخصية " نوار" شخصية غريبة إحساسي يقولي هالشي مع إني ماعرفته كولد عم..! كمل جواد بجموده : مافضيت يبه أسأل عنه بعدين لايكلف عمره الاصابة خفيفه أبوي: وشو مايكلف عمره هذا ولد عمك وعرف الواجب أحسن منك ومن أخوك وإسمع أول ماتطلع من المستشفى ولد عمك معزوم عندنا أشر على " جابر": إسمع أخوك ابيه يكون قريب منك إنت واخواتك ويعيش معاكم والكلام اللي اقوله أمر.! جواد رخيت راسي على المخدة " نوار" وشي يبي يزورني يبي يفهمنا إن يعرف الواجب وليه " أبوي" مصـر عليه كل هالاصرار وش وراك يانوار.؟ وش تبي من قربك لابوي .؟ والله طلعت موسهل ياولد الاجنبيه أجل عرفت تلف عقل أبوي....! وردينال : يمة تبين تفهميني إن زيد مافي واحد مثله ردت علي بتأفف: إحمدي ربك إن جاك واحد مثله ولد قبيلة وناس ودافع فيك مهر عالي ميلت شفتي : خمسسسين الف مهر عالي يمة إنتي وين عايشة تعرفين سميرة بنت جيراننا سمير ماغيرها مهرها مية الف وأنا خمسين وتقولين عالي كملت كلامها ببرود: هذا نصيبك وبختك وردينال: مالت علي وعلى حظي وبختي أم معاذ : احمدي ربك ولاتتحلطمين وجهزي نفسك إحتمال يبي يشوفك نظرة شرعية نظرة شرعية ليــه إن شاء الله أنا مو موافقة على النظرة الشرعية أم معاذ: مو بكيفك لو كان لك رأي في البداية بيكون لك رأي في النهاية وقلت لك جهزي نفسك من الحين إحتمال قريب يجي يشوفك مشيت " أمي " وطنشتني وأنا مقهوورة منها حتى رأي مافكرو يأخذون فيه " وزيد " كرهته من الحين شي ومجبورة عليه من كل النواحي بس يصير خير والله لا أكره في عمره وفي الساعة اللي قروور أهله يخطبونه لي يصير خير يا " زيد" أنا والزمن طويل إن ماخليتك تندم على اللي عرفتهم قبلي واللي بتعرفهم بعدي ما اكون انا " وردينال" |
ندى جالسة في الصالة مشغولة في " برم أظافري" وأفكر باللي صار لجواد إبتسمت بخبث " يستاهل ماجاله المرة هاذي جات في كتفه بس يآرب المرة الجاية في قلبه وتخلصني منه " دعيت عليه من قلبي وفي داخلي حقد مزروع عليه من زمان أكره هالانسآآآآآآن وأكررره أبويآآآ اللي ما ارتحت منه ومن عذابه لين ولى من الدنيا نظرت في " أمي " تتكلم بالجوال لها ساعة صح ماحسيت بوجود " أمي" في أي لحظة بس أحيانا أحس بوجدها معاي حتى لو بالخطأ أغلب إهتمامها بنفسها وبحياتها ما الومها كانت تحس بنقص كبير من إهتمام أبوي لها شفت " جابر " دخل الصالة جابر : السلام عليكم ردت عليه أمي " السلام" أم جابر : وعليكم السلام وكملت كلامها بالجوال ولا إهتمت لأحد " كالعادة" نظر فيني : سلمت أنآ رديت عليه بدون نفس : وعليكم قطعت أمي الهدوء بسؤالها عن الزفت "جواد" أم جابر : كيف صار على جواد تنهد بتعب: الحمدالله الاصابة خفيفة وصحى اليوم منها ميلت شفتي: زين ما صابه شيء نظر فيني بحدة : لا ما صـابه شيء تطمني وعلى صوته بعصبية : في وحدة مثلك زوجها مصاب وهي ماهمها ولا فكرت تتصل وتسأل عليه قولي لمتي نعلمك الواجب؟ طنشته : إنت فاضي وماعندك سالفة جابر: لاتطوليييين لساانك لا أقصه لك نظرت فيه من فوق لتحت : خوفتني والله قام من مكانه بثورة وعصبيه متوارثة في العايلة وسحبني من يدي :متى بتتتأدبيييييييييييين إنتبهت " أمي " لصوت جابر وقفلت جوالها وصرخت في وجه " جابر" : والله لو مديت يدك على أختك قلبي غاضب عليك ليوم الدين ترك يدي بقوة و نظر بتهديد فيني وبحقد علي وعلى تصرفاتي اللي ماتعجبه أبد قربت " أمي " من عندي بحنيه : فيك شي يابنتي عورك بشيء إبتسمت لها من وراء قلبي : لايمه ماصار لي شي شفت عبون جابر المحمرة من العصبية وانفاسه اللي طالعة ويده اللي ترجف من العصبية ومن الغيض مني نظرت أمي بحدة" لجابر": شوف يا جابر الا بنتي ماحد يلمس منها شعرة وانا عايشة يكفي إنها مظلومة ومقهورة مع ولد عمك اللي راميها لا معلقة ولا متزوجة تبي تزيد تقهرها حاولت اتمالك نفسي لا ابكي من كلام ونظرات " امي" اللي فيها شفقة على حالي " أخ ياحالي" بلعت ريقي حتى ماينشف حلقي من القهر جابر: الله يسامحك يمة لمتى بتخلين بنتك كذا عاجبك حالها عاجبك دلعك لها يمة ماتدرين إن دلعك لها هو وطى روسنا وانتي يمة للحين فالتة الحبل لها صرخت "امي" في وجه: جااااااااااااااااااابر "كلامه أثر فيني " حمرت عيوني من كلامه ونظرته فيني جابر طول عمره يشوفني عار وجواد هو اللي انقذني من العار وانا اللي وطيت راسه وجواد هو اللي ستر عليه من العار طول عمره يفضل جواد عني بكل شي سحبت جوالي ومشيت قدامه وطلعت الدرج وتركت وراي نظراته المقهورة علي أكره جواد واكره جابر واكره ابوي وأكره وأبغض كل صنف رجال جابر غمضت عيوني أمسك اعصابي لاتثور عليها واكسر راسها أو اسوي فيها شيء ينفيها من الدنيا البنت ماتعرف السنع وماحد مدلعها غير أمي جلست على اقرب كرسي مهدود حيلي من التعب البارح طول الليل أنا واقف على رجولي مع جواد فتحت ازارير ثوبي وتنهدت بتعب "تعبان من كل شيء" وحال ندى يتعبني أكثر لو قسيت عليها أبقى أخوها وما ارضى اشوفها في الحالة لاهي متزوجة وجالسة في بيت رجالها ولا هي بنت تنتظر أحد يخطبها ومن بيخطبها بعد سواد الوجه اللي سوته الله يسامحها وطت رووسنا غمضت عيوني ومددت جسمي على الكنبة وارخيت راسي وماحسيت بشي حور ضميت يدي اللي ترجف مع بعض ضميتها بقوة الرجفة والخوف مسيطر علي الخوف من كل شيء حتى صرت شخصية ضعيفة ترضى بالاستسلام بسهولة حتى هالحفلة استسلمت لها وجيبت لاني خايفة أفقد وظيفتي لارفضت لاني اخاف اقول " لا" حتى ما اعيش الله يسامحني كذبت على أمي وقلتها بروح بيت " حنان" الله يغفر لي نظرت في نـاديه وهي تبتسم لي " إبتسامات ونظرات غريبة " إبتسمت لها ببراءة الطفلة اللي عاشت بداخلي اللي تنظر للناس ببرءة وطيبة وثقة ناديه : وش فيك خايفة كلها ثواني ونوصل البارتي "بلعت ريقي هالكثر باين علي أنا خايفة مرتبكة " حور: لا أنآمو خايفة نادية: أهآ أجل خليك طبيعيه ولاتبينين إنك اول مرة تجين بارتي هزيت رأسي لها وقلبي من الداخل " ينبض بنبضات قوية" لينا: مدام نادية لو تشوفي حور كيف طالعة متل الئمر بفستانها وشعراتها إبتسمت من داخلي على كلام " لينا" اللي تحاول تزرع الثقة فيني وخاصة في شكلي اليوم أنا أول مرة أدخل فيه مشغل تمكيجت وتكشخت وصرت اشبه " للقمر" وشكلي لفت إنتباه الكل في المشغل لحظة فرح حسيت بطعمها حسيت إني إنسانة موجودة لو بشكلي اللي لفت إنتباهم " حلو إن الكل ينظر فيك بإعجاب تحسين إنك موجودة" " وتحسين إنك أنثى جميلة " همست لي نادية : جهزري نفسك وصلنا البارتي حطيت يدي على قلبي وتعوذت من الشيطان " أعوذ بالله من الشيطان الرجيم اللهم إستودعت بك نفسي فأحفظها من كل سوء" وبديت أحصن نفسي ضميت يدي وقربتها عند فمي وبديت أقرأ " قل هو الله أحد الله الصمد لم يلد ولم يولد ولم يكن له كفوا أحد" قل أعوذ برب الفلق من شر ماخلق ومن شر غاسق إذا وقب ومن شر النفاثات في العقد ومن شر حاسد إذا حسد" " قل أعوذ برب الناس ملك الناس إله الناس من شر الوسواس الخناس الذ يوسوس في صدور الناس من الجنة والناس "أعوذ بكلمات الله التامات من شر ما خلق" ومسحت وجهي و جسمي كله " فضل التحصين يحميك من أي أذى ومكروه " شفت " ناديه " تفتح طرحتها في السيارة وطلعت مرايا تعدل مكياجها وشعرها بصراحة حركتها ماعجبتني لان فيه رجال غريب في السيارة وهي تفتح طرحتها بمياعة " استغفر الله لاحول ولا قوة إلا بالله" تأملت في مكياجها اللي مبالغة فيــه وشعرها ولبسها " أعوذ بالله" وقفت السيارة قدام " فيلا" فيها فخامة في حياتي ماشفت مثلها حسيت رجلي مشلولة وما اقدر اتحرك من اللي اشوفه فخامة جمال وشي ماقدر أوصفه لاني مصدومه وما اقدر أوصف أو اتكلم شيء في اللحضة ناديه : وش فيك ماتبين تنزلين تبلمت عن الكلام: هاه ناديه : ماتبيييييييين تنزلين قطعت ترددي وجمعت قوتي : إلا بنزل " توكلت على الله " ناديه نزلت من السيارة ونزلت بعدي حور نظرت لشكلها وإبتسمت لها " بخليك تندمين يوم طبيتي في الشركة " في شي داخلي إني أفهم جواد كل البنات اللي تعرفهم مثل معدني اللي رخصته الدنيا وذلني الفقر لجواد وامثاله بس أنا حبيت جواد من كل قلبي واحقد على كل وحدة حطها في باله ما ابيه يحس في وحدة أشرف مني ومعدنها احس مني لازم يشوف حور بعيونه ويحس إن مكانها مثل مكاني المكان اللي جبرني الفقر وقلة الحيله عليه واللي صرت فيه سيدة أعمال لشركة جواد العالي وزوجته مسيار يقضي معاي كم وقت اسليه فيه بس المشكلة " إني حبيته " وماحبيت من اللي عرفتهم مثل جواد شفت حور وشكلها وهي تنظر في المسبح ضحكت من داخلي : ههههههههههههه ذكرتني بأول مرة أدخل هالمكان كان كل شيء بالنسبة لي جديد الشركة والسيارة واللبس والفيلا كنت انظر للاشياء مثل نظرت حور وآلحين صرت متعودة على كل شيء وصرت أكره نفسي أكثر من كل شي لان كل شي عندي فلوس وسيارات وفلل وكل شي ابغاه بس ضيعت شي واحد اغلى من كل شيء " شرفي" صوت الموسيقى عالي والضحكات الملعونه عالية حتى اصوات السكر والمجون عالية دخلنا الفيلا وفسخت عبايتي عند المدخل وزبطت مكياجي وزبطت لبسي وكشختي ونظرت في حور وهي تفسخ عبايتها وتعدل شعرها إنقهرت لما شفت شكلها ولعنت في داخلي " لينا" أنا قلت خليها حلوة بس مو كذا خلتها أحلى مني فستانها الابيض القصير وشعرها الطويل بلونه البني والكثيف اللي واصل لخصرها مكيجاها الخفيف واللي مبين ملامحها بريئة ومعطيها عمر اصغر من عمرها بلعت ريقي من القهر وزبطت مكياجي ومسكت طرف شعري القصير ولفيته ومشيت قدامها وعلى وجهي إبتسامة خبيثة لاياقدري لا تقف ضدي حور شفت نادية دخلت قبلي وهي تنظر فيا بنفس النظرات اللي مافهمتها نفسي افهم نظراتها وابتساماتها لي جمدت وأنا انظر في شكلي قدام المرايا رددت الدعاء بقلبي " اللهم كما زينت خُلقي فزين خَلقي" صوت الموسيقي العالية جمدني عن المكان لينا: شو بك حور مابدك تدخلي للبارتي نظرت فيها وتملكني الخوف والرجفة :لآآآ أنا أبي أرجع " في داخلي تناقض إني أرجع لوراء إستوعبت في اللخظة الاخيره إن هالمكان والعيشة مو عيشتي يازين بساطة حياتي قبل صح ماشفت شارع مثل التحليه ولانزلت بأسواق ولاركبت سيارات فخمة ولا شفت قصر بس عشت مرتاحة بال وراضية على نفسي لا ما ابي ادخل حتى صوت الموسيقى عالي وحرااام هالصوت" سحبتني من يدي" لينا" وتغيرت نبرة صوتها اللي عرفتها فيها عن قبل : شو يا حبيتي هو خروج الحمام متل دخوله سحبتني بقوة ودخلتني في الصالة اللي فيها الصوت العالي كل شي فيني توقف عن كل شيء..؟! سمعت أصوات عاليه وهي تصرخ لي بأصوات ملعونه عالية: ياهووووووووووووووووووه "إنشليت عن الكلام والحركة" نظرات ملعونة تتفحص شكلي تتفحص كل شيء فيني " كل شيء" كنت واقفة مثل الدمية اللي وقف الاحساس وجريان الدم فيها إنشلت عن كل شي حتى ريحة المكان تسربت في داخلي ولا حسيت بشيء أنا في حلم ولا واقع شفت " نادية " توقف في وسط الصالة نادية :اليوم بعرفكم على ضيفة جديدة معانا في البارتي من طرفي واللي بتكون من طرف جواد إسمهاااااااا قربت من جنبي :" حوووور" صحيت من الصدمة على إسمي "حوور" نظرت بعيونها الملعونة وهي تنظر شكلي وسمعت أصواتهم النجسة وهي توصف شكلي جسمي شبه عريان قدام السكاري : أخ يازين شعرها ويازينها :شوف جسمها أخ هذا جواد مايجيب شي هين ضحك اللي جنبه بصوت عالي: تعآلي قربي ياحلوة عرفينا على نفسك لحظة حسيت نفسي أرخص شي في الدنيا رخيصة أكثر شي أملكه " شكلي " وشعري اللي لفت إنتباهم دمعت عيوني خفت من شي واحد .....! إن الله ينزل في هاللحظة سخطه علي إستحيت أدعي ربي وأنا في "هالرخص" أو أقول " يالله إرحمني " وانا في مكان غضبه شيء مثل لهيب النار يحرقني من الداخل " سكارى" ماخافو لحظة ينزل الله فيها عليهم سخطه حسيت بيد ناديه تجرني لواحد منهم دفيتها بكل قوتي اللي تجمعت بلحضة حتى طاحت بينهم وجريت عند المدخل سمعت صوتها :" بتروحييييييين وين مني ياللقيطة" وصوت ضحكهم العالي : جايبها من ملجيء هههههههههههههههه شفت عباية مرمية على الارض " لان هالمكان ماحد يهتم يعلق عبايه " لانها الشي الغالي رخيص عند الرخص أخذت العباية وطلعت أجري وأنا ما اشوف شي من الدموع اللي تجمعت على عيوني.!. |
مشاري قربت من عند " مشاعل" أتأمل ملامحها مشاعل أول وحدة أعرفها ولا ربطت نفسي بعلاقة محرمة لا قبلها ولابعدها تأملت ملامحها وهي نايمة شفافة من الداخل والخارج روحها الطيبة الزوجة اللي ماترفض طلب لزوجها عاقلة بتصرفاتها وماحسستني بشيء الحمدالله حصنت نفسي عن الحرام وربي أكرمني بحلاله زوجة عوضتني عن كل شيء الزوجة والصديقة والاخت والحبيبة الله لايحرمني منها مسكت يدها وبستها وحضنتها لصدري سحبت يدها بدون ماتحس بحركتي ولفت على الجهة الثانية وباين على شكلها الارهاق إبتسمت " حتى شكلها هو تعبان يعجبني" قفلت نور " الابجورة" حتى ما ازعجها وسمعت رنة الجوال للمرة " الالف " مسكت الجوال وأنا اتأفف من هالبنت وش تبي مني لاحول ولاقوة الا بالله أكثر من مرة أقفل في " وجها" ماعندها كرامه جاني " مسج" بزعجك لين اسمع صوتك وحدة مجنونة فيك قريت المسج وأنجبرت الابتسامة علي ورميت الجوال غمضت عيوني وفتحت عيوني على رنة الجوال: سحبت نفسي بهدوء من غرفة النوم حتى ماتحس مشاعل ورديت: الو جاني صوتها اللي مصاحبته بحة جريئة وفيه رنة غير " طبعا الشيطان كان يحليه أكثر " حتى أسلوبها وطريقتها في الكلام غير ندى: قلت لك بزعجك عشان ماتحط راسك براسي وتعاندني وماترد رديت بملل : تبيني اقول لك دمك خفيف ندى: إمممم من غير ماتقول انا عاررفة إنقهرت " وش هالبنت عجيبة " مشاري: إسمعي يابنت الناس لاعاد تدقين ردت بصوت " في بحة تدخل القلب":حتى لو تولهت عليك تأفففت بصوت عالي " لان الشيطان بدى يجري فيني يوم اسمع صوتها" : اعوذ بالله منك ردت علي بنرفزة: وشششش شااايفني مشاري: شيطــــــان....! بينت لها إني منزعج من حركتها بس في داخلي إبتسمت على حركتها " صح مجنونة " عكس مشاعل " العاقلة" صح هالبنت " عنيدة ومزعجة وتصرفاتها ملفته للاعجاب" عكس مشاعل " الهادية اللي تصرفاتها فيها رزانة" تنهدت من قلبي : أنا ليه اسوي مقارنة بينها وبين مشاعل استغفر الله همسة أكيد بيخطر في بالكم إن مشاري رغم حبه وكلامه ومدحه عن مشاعل كيف سمحت له مشاعره ينجذب لو إنجذاب بسيط بصوت ندى يمكن تستغربون بس " الشيطان يجري من الانسان مجري الدم" ومافي إنسان معصوم إنه يخطيء ومافي رجل معصوم من الخيانة الكلام مو تلميح لشخصية مشاري .؟! " يارب دلني على طريق بيتي بأمان" حور فتحت الباب وانا في حالة انهيار اليوم ماحسيت نفسي رخيصة حسيت نفسي عالة على المجتمع وعلى نفسي وارخص من الرخص حسيت الدنيا سوداء قدام عيوني حسيت بطعم الظلم والذل والرخص ظلمتني هالدنيا من انا صغيرة وعلى كثر ظلمها اكون اضعف من اللي قبل ضعيييييييفة شديت شعري بقووووة طلعت صوت شهقاتي حطيت يدي اكتم الشهقات اللي تدخل لقلبي بلهيب من نار وتحرق ضلوعي شفت أمي تصلي ورافعه يدها تدعي وماحست "بوجودي" قطعت دعاهابصوتي المنهار : إدعي الله يشيلني من الدنيا نظرت فيني وشافت شكلي المبهذل ودموعي اللي تجمعت على وجهي قامت من على سجادتها وشفتها واقفة قدامي وقفت تنظر فيني وتنظر في فستاني كملت وانا اضحك وابكي : هههه وش فيك يمة انا حوور اليوم مو قلت لك بروح لحفلة في بيت حنان صديقتي ضحكت بصوت عالي وبكيت بصوت اعلى لا كنت اكذذذب علييييييك ضحكت بصوت عالي على حال امي وحالي : تعرفين وين رحت رحت لمكاني اللي جيت منه ههههههههههههههه حسيت بيدها على خدي " تصحيني من نوبة الضحك والبكاء" حطيت يدي على خدي ونظرت فيها رحمة :انا ماضربتك عشان رحتي للمكان لان اللي سويته في اهلي بتدور الدنيا وبشوفه في بنتي ضربتك حتى بقولك اللي بيجيك من وراء هالدنيا اقوى من هالكف صرخت بوجها : يوم كنتي عارفة بيجيييك كدا من الدنييييا هادي ليييييييييه رخصتي نفسسسسسسك ليييييه جبتيني ليييييييه خلتيني اتعذذذذذب في هالدنييييييا تعرررفييييييين اناااا بنظر الدنييييييا رخيييييييييييصة كنتي تقوووولين لا تقولييين لاحد سرك المشكلة الناس لما تقرى اسمي تعرف سررررري آآآآآآآآآهــــ طحت عند رجولها : ليه يا بنت النااااس ضيعتي شرفك واهلك وصرتي ذلييييييييلة شفت دمعتها :كنت غبية احسب الدنيا فيها صديق صرخت بأعلى صوتي وقطعتها عن كلامهااا : بسسسسسسسسس الله يخليييييك اسكتي مافي كلاااام في الدنيااا بيعذر عن غلطك أو بيصلحه مشيت بخطوات كلها إحباط شي صحى فيني يقولي "لاتبقييييين في هاللحظة مثل حور " وقفت عند باب غرفتي ولفيت على أمي : لاتخافين يمة ماصار فيني شي قفلت الباب قبل ما اسمع منها أي كلمة كرهت كل شيء في اللحضة كتمت شهقاتي وكتمت ذكرياتي وجلست قدام المرايا اشوف حور الضعيفة حور اللي الكل يستغل ضعفها حور اللي ضيعت نفسها حور اللي القدر ظلمها حور اللي ماحست إلا بطعم القهر والحزن كل شي بداخلي تحطم أخذت المقص بدون تفكير ومسكت شعري وقصيته تناثر شعري الطويل قدام عيني وبين نوبة بكائي نظرت بشكلي في المريا وانا احطم كل شي فيني حلو وأهدم كل شي فيني كل شي في حور تغير بلحضة حتى شعري الطويل وصل لاذني حتى مشاعري البريئة انزرع في داخلها شي يكره ويبغض الرجال همسة أحيان نحتاج لحضة ضعف وحد ة نحس فيها حتى نزرع قناع القوة...! لحظات سوف تتجد ولحظات سوف تمحى.! الجامعة – صالة الانتظار الساعة 1 ظهر ندى رفعت شعري فوق حرارة الجو موطبيعة والملل مو طبيعي نظرت في الساعة بملل : باقي نص ساعة ويجي السواق بأوامر العلة " جواد" موصي عليه يجيبني ويوصلني ميلت شفتي وانا انظر في اللي رايح وجاي ولا عاجبني أحد في الجامعة نظرت فيهم بطرف عيني كل وحدة جنبها وحدة تهرج وتضحك معاها وانا لوحدي لي ساعة وكل الانظار علي وكأني في شي غلط فتحت شنطتي ونظرت في جوالي بإبتسامة عريضة حسيت قلبي "فرحان" لما شاف رسالة من " مشاري" بس مو عارفه وش السبب دقيت على رقمه بقصد أسمع صوته وأنفذ الشي اللي في راسي مشاري: الو رديت بمياعة مصطنعتها بصوتي : هلا مشاري: وش تبين حسيت صوته متلخبط يمكن من صوتي أو لانه أول مرة يسوي علاقة مثل ماعرفت من " وردينال" رديت بعفويه : طفشآنة رد علي بعصبيه: وش اسويلك يعني :إمممم إنتا اللي أرسلت وأنا اللي أتصلت حرام قلت في نفسي مو معاه حق المكالمة : لا والله زين عرفتي حسيته عصب مني ضحكت من قلبي عليه وحسيت الكل سمع صوت ضحكتي مشاري: ليـه تضحكين كملت بعفويه: حتى الضحكة محرمها علي رد علي بجديه: دمك ثقييييييييل سكت " دقيقتين" وجاني صوته بهدوء : زعلتي غمضت عيوني وأنا أحس في هالكلمة" زعلتي" حسيت كأن شخص يهمه زعلك وفرحك والاحلى إنها أسمعها من " رجل" تحسين نفسك مهمه عنده جاني صوته مرة ثانيه وبنفس الهدوء: زعلتي هدوئة الل دخل في كل شريان داخل قلبي ضغطت على مشاعري اللي صرت ما امتلكها يوم اسمع صوته "لعنت نفسي ولعنت التجربة الملعونه اللي خلتني اذوب على هالصوت والشخصيبة" ارتبكت ماعرف اش اقول الجرئة اللي فيني صارت رجفة ندى: لآآ ما أزعل معاك مارد علي حست إنه يتلخبط من صوتي وكلامي هالمرة قطعت أنا الصمت ندى: مشاري سكت " دقيقة" مشاري: هلآ ندى: ولآ شيء مشاري: لا في شيء ندى :لااا تأفف مني ندى : خلاص بقولك مشاري: إممم كملت بنعومة صوت وعفوية اسلوب: إمممم كنت بستأذنك أضحك أو لا مشاري: هههههههههههههههههههه وبدت علاقة عشق اسوارها محرمة |
خلصت أحداث البارت الثامن بكل مافيه من أحداث كل شوقي ومحبتي لكم الروح الطاهرة |
بااااااااااارت رووووعة
>>>>>اكيد ما تعرفيني انا منظمة جديدة لك بالرواية ^-7 حور<<ظلم القدر بس اذا ربي مارزقها الحياة الزينة وهي بيت اهلها يرزقها ان شاء الله بيت زوجها تصرف حكيم انها اخذت العباية واتخذت موقف مو جلست منصدمة وفاهية بس كيف اهربت ما لحقوها قبل ما تطلع من البيت والسيارة الي رجعتها ؟؟؟؟ امممممم ندى <<هي ايمو ؟؟ستايل؟؟ الايمو مو انهم عندهم هم لا الي الدنيا تسكرت بوجيههم اممم مشاري <<شي عادي الرجال ما يملى عيونهم الا التراب <<لقى الزوجة الطيبة بدل ما يشكر يروح للنار برجولة جواد نادية لينا حميد شياطين انسية ووووووووو كثرت الهذرة السموحة هنو |
| الساعة الآن 02:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية