المشاركة الأصلية كتبت بواسطة اموولهـ (المشاركة 3092755)

مسائك جمال گ جمال قلمك

حلم برأه رائعه*
برأة فضح المشاعر

لين
من اول قلنا اذا بعد بتعرفين قيمته بس يبعد*
مو يتزوج*
قدرت ملك تستفز قلبك وتخليه يثور عليك ويتمرد تعب منك هالقلب حرام عليك*
عطيه فرصه يعبر عن مشاعره كابت عليه بشكل غير معقول*
اذا بس عرفتي انه بيخطب كسرت جوالك والطاوله والجدار ماسلم منك*
وسويت شئ عمرك ما كنت تعتقدين انك بتسوينه وهو البكاء وعلى مين على عمر اللي حتى ما تشوفينه شئ*
بس قلبك يشوفه شئ ثاني*
قناع البرود اللي انت لبسته ما مليتي منه*
انت لا راضيه بعمر ولا بغيره*
هذا وش سببه غرور *وتكبر والا تنتظرين انتفاضه من قلبك عليك وهذا اللي بيصير
وشكله قريب جداً*

عمر
في حب بالحجم هذا والله انك تعبت مع المغروره بس هذا كله من القلب اللي تحمله
تكابر على نفسك وما احد راح يتعب غيرك صدقني*
كل كلامك لامك وأختك مخادع لواقعك بس قبل لاتقدم على خطوة الزواج لازم تتأكد من انتهى حبك لها بس هيهات لهذا يصير
انت بس شفتها مع الدكتور ضرغام جيت تركض وتناديها باسمها قدامه بس عشان تثبت له انك تمون عليها وهي اللي مات سمح لاحد بذلك عشان يفكر انه فيه شى بينكم ويتركها خاصه بعد ما قرات الرسائل *وعرفت ان فيه شخص يدور حولها
وما عرفت ان الشخص هذا ما هو الا انت
بعد الحادث اللي صار معك في المستشفى
اعتقد انه بيقرب بينكم ليش لا

علي
يارب ذا الرجال ابد مايحس *يعني غايبه لها خمس سنين ولا شفت اي خطر يهدد حياتك او حياة خواتك وانت جالس تسألها عن الوعد
يمكن قبل ما كنت تكن لها مشاعر خاصه انك تعرف صعوبة ذلك بسبب العدواه بين زوج امك وأبوها وانها مخطوبه
بس بعد ما شفتها أكيد راح يتحرك ذا الحجر اللي تحمله حشى والله مؤ قلب

جلنار
الحب فاضحك الى اخر درجه والله هالعلي موب كفوا حبك وش اللي عاجبك فيه ما ادري عنده قلب حجر ولسان ينقط سم
بعد لقائك فيه اتمنى تفكرين في نفسك اكثر واحد زي علي ماراح يفكر فيك ابد
اذا انت ما تبين ولد عمك اتركيه وشوفي حياتك بس تظلين كذا عايشه على سراب حرام والله

حلم ابدعتي*
فشكرا لك بحجم السماء

المشاركة الأصلية كتبت بواسطة بياض الصبح (المشاركة 3093271)

السلام عليكم و رحمة الله و بركاته

صباح الخير و الرضا من الرحمن

صباح يزخر بـ إبداع و شموخ الحرف , يا كثر المشاعر و اصعبها في هـ البراءه

=======================
(( لينا ))

حب و تملك او مجرد لعبة كنتي تضنين انها دايم بتقبى معاج و مستحيل

تتركج بيوم ,, غلطانه يا لينا عمر ما هو لعبة و لا حجر ما يحس استنزفتي

كل مشاعره لدرجة أنه يتجرع المر بنفسه عشان ينسى أنه في حب

كبير ساكن قلبه لج ,,

مدري حالتج يا لينا أحزن عليج و لا أقول تستاهلين " طبخ طبختيه يا الرفله

أكليه " انتي اللي جبتيه لنفسج ,, مشاعرج حب و كبير يمكن يضاهي حب

عمر لج ,, بس الغرور و كبر الرأس على الفاضي هو اللي موديج بداهيه يا

عسل ,, كسرتي الفون و و و ... و لو ما انكسر الفون اتوقع انج ممكن تتصلين

بعمر و تطلعين حرة قلبج فيه ,, ...

===========================
(( عمر ))

يا شيخ الشباب انت مدري تقنع نفسك أنك تقدر تنسى لينا و تعيش حياتك

طبيعيه مع زينب اللي اتوقع امها داعيه عليه اللي بتاخذك لان القلب و الروح

مع لينا و لا الجسد من غيرهم ماله عازه ,, قرار الزواج ماجاء من فراغ الا أن

عمر وصل اقصاه من لينا و من تجاهلها مشاعره و خصوصا مع الضغوط من

كل صوب من علي و لا أمه و لا أخته ...

اللي حاول يطعن عمر منو هذا و شنو له علاقه بعمر معقولة يكون واحد من

اللي خطبوا لينا و مجرد عداوات خارجيه ...

===========================
(( علي ))

يااااااااااااااحر قلبي منك يا شين ما في اسلوب نهائيا و لا في واحد جنتل

مان يتكلم بهالشكل مع جلنار الرقيقه ,, ماعندك نظر و لا متعود على لينا

تناشبها وهي ترد عليك بلسانها الطويل ... يعني كم سنة ما شفت صار لك

شيء بتجي اللحين يصير لك .. مافي تفكير نفس اختك متسرع و ما تفكر

ابد ,, بس و الله شكلها جوجو مو هينه اللي أثرت عليه ...

و بس الظاهر فيه شوية احساس لما شافها جفلت منه اتوقع هالشيء بيشفع

لها و يخليه يعتقها لوجه الله و أنه الحادثه فعلا أثرت عليها مو مجرد كذبة ...

===========================
(( جلنار ))

يا عسل انتي طحتي و لا حد سمى عليج ما لقيتي إلا علاوي المغرور

العنيد و كل الصفات فيه الله يعينج على هالحب اللي بيعذبج حيل ...

==========================

سلمتي حلم

بــ انتظارج

..
..
..

المشاركة الأصلية كتبت بواسطة inay (المشاركة 3095224)

المشاركة الأصلية كتبت بواسطة وردة الزيزفون (المشاركة 3095284)

صباح الخير ...........صباح الابداع وحرقة الاعصاب ههههههههه .......تسلم ايدك قلبي على البارت الحلو .....وعلى الحروب النفسية المشتعلة بين الابطال


لين

والله هالبنت مغرورة حتى على نفسها يعني الي قاهرها وباط كبدها انو عمر خطب وهي ماشافت لها زمال ياخذها واصلا لانها ماتبغي اي رجال هذا هو ضرغام على مواصفاتها ومع ذلك حتى فرصة مااعطته .........لانها ماتبغي من الرجال الا عمر بس الكبر والغرور وشوفة النفس هي الي مسيطرة عليها كيف تتراجع عن كلمة قالتها قبل كم سنة بس فعلا اذا ظلت على حالتها ماراح يخسر غيرها ...........

شدراها عن زينب يمكن تقدر تاخذ قلب عمر وبأقل مدة ............يعني هي شعطته علشان يستمر بحبها ........خلي تجيه الي تدلعه وتعطيه الحب وتقدره وهي الي بتولع اكثر ......ومثل ماهي تمثل البرود قدر عمر يحاربها بنفس الجبهة وبنشوف مين الي بينهزم بعدين


عمر

بصراحة انا ضد انو يتزوج وقلبه وفكره مع لين لانو مليون بالمية بيظلم زينب ولا يعتقد انو ماراح ينفضح عند بنت الناس هو عنده خوات اذا كايبغي يظلمهم لايظلم بنت الناس اما يكون قد قراره ولا ينهي الموضوع الين ربي يفرجها مهما كان بنت الناس ماراح ترضى بواحد معاها بس بجسده وعقله وقلبه مع غيرها

هو نفس لين مجرد يكون في شخص ثاني يفكر يرتبط بواحد منهم الغيرة هي الي تماشيهم وهو مثلها عنده قدرة على التمثيل ووجود الموبايل عنده كان المنقذ له في الموقف الي صار

ماادري عندي احساس انو ماراح يتم العقد دام باقي شهر ممكن تستجد الكثير من الاشياء الغير متوقعة لانو لو عمر ارتبط صعب جدا يجتمع مع لينا الا اذا فعلا من الاساس ماراح يكون هناك ارتباط بين الاثنين رغم مرور هالسنين ...

ولينا الفبية مفكرة مكالمته لامه قبل كم سنة هي مكالمة غرامية ومحترقة منها لليوم ههههههههه


علي

والله هالشخص تصرفاته غريبة عجيبة بيروح لالن يتشمت فيه ويتمسخر عليه هههههههه والله حاله كان نصحه يسلم ويتزوج بنت عمه بدل ماالحين قاعد ينذب حظه ...........والله زين رضى يسافر مع هالدلوعة ويترك جدته ....

اما لقائه مع هالجلنار تحفة بس زين يسوي فيها ماتعجبني البنت الي تحط ببالها اي رجال وتتحلم فيه يمكن تقطع الامل فيه وتفكه من شر ابوها المجرم لليوم ماني قادرة استوعب قتله لابو حفيدته ..........كيف بعلي لو عرف حب بنته له وهو من نفس عيلة الخاطفين وهشام لو عرف ماراح يسكت


جلنار

يعني ابغي افهم حركات المراهقات الي جالسة تسويها لوين بتوصلها الحين هي ضامنة هالرجال الي ميته عليه مايحب او يفكر بوحدة زميلة له او غيرها جاية تركض الا تبغي تشوفه بصراحة طاحت من عيني اذا وحدة بعمرها وهذي تصرفاتها مهما كان الثقل والرزانة والحياء زينة البنت مو ترمي حالها وتلاحق رجال مالها علاقة فيه تبغي تلفت انتباهه يعني .............طيب واذا فكر فيها ابوها وهشام الي اوهمتهم خمس سنين بكذبتها شالمبرر الي بتقوله لهم انها موافقة تتزوج بس غير هشام وين الخوف الي كانت تتحجج فيه تبخر وطار ........ ماادري خايقة على علي من قربها وهي مافكرت بالعواقب بتهورها بتصرفاتها


اما ملك ماعجبتني ولا حبيتها دلعهم لها مو لصالحها اعتقد الزواج قسمة ونصيب مهما كان عادي لو اي وحدة رفضت اخوا لو يكون كامل من جميع النواحي هذا شي مكتوب مو اكبت سنين واحقد خير يعني لو خطب غيرها ورفضت بتروح للبنت وتهاجمها يعني هي لو جاها اي واحد راح توافق عليه وهي مو مقتنعة خلاص هذيك حرة وكل واحد ووجهة نظره بنات كثيرات مايرضو ياخذوا ازواج اقل من مستواهم المادي .........شي عادي ووارد



حلومة في انتظارك ياعسل

المشاركة الأصلية كتبت بواسطة بياض الصبح (المشاركة 3095791)