|
السلام عليكم
اشلونش صموتة كل عام وانتي بالف خير عيد سعيد بارت قمة الروعة وطويييييييييييييييييل وخطنطر رقم انة فية حزن والجنازة الي قلت عنها صارت اللة يسامحش بس ,فيس قاعد يبكي البارت هاذا مثل ما قلتي تذكير مع اني ما نسيت الاحداث بس البارت لا تعليق علية انتظر الاحداث اللي بتصير بعد كذا كوني بخير وساكون با القرب |
اغليكـ وعيونيـ تداويكـ..
تسلمينـ يا عمريـ.. عذراً يا قلبـ.. بجد ذهلتـ اولـ ما شفتكـ هنا.. بصراحهـ ما توقعتكـ تجينـ.. امممم لاتفهمينيـ غلط بس قلتـ يمكنـ نستـ.. معـ الزحماتـ حقاتكـ ههههههههه بعيشـ بدونكـ.. ولو انها متأخرهـ.. إلا اقولـ لكـ وانتيـ بألفـ صحهـ وسلامهـ.. لعنونكمـ واللهـ حاولتـ انزلـ هالدقهـ بأسرعـ وقتـ.. رغمـ انيـ كتبتها وخلصـ إلا انيـ ما حفظتها.. وانمسحـ كلـ الليـ كتبتهـ.. جانيـ احباط واللهـ.. بسـ لما رجعتـ وكتبتـ منـ جديد حاولتـ انها تكونـ مو بعيدهـ عنـ الليـ كنتـ كا تبتهـ.. ارتكمـ معـ.. دقــة قلــــــــ18ـــــــبـ.. الجــــــــزء الأولـــــــ.. مدخلـ ๑◦˚ஐ ˚◦ لا تــ ع ــودني ع ــلى قربكـ كثـــير........ ثــ م تترك ــني ...:"على حال" ..الظــــــــ م ـــا..!! حطت يدها على فمها بصدمه وقالت بمهس:مستحيل.. اتجهت له بسرعه وبخوف:بدر وش فيها يدك.. وبدت تمسك يده المجبره.. وخرها عنه ودخل وجلس بالصاله غمض عيونه: جهزي اغراضك بكره بنرجع.. اريج بأستفسار:ليش تونا.. بدر بعصبيه بالغه:وانتي وش دخلك تعالي صيري الرجال بدالي وحددي وش تبغين وش ما تبغين.. اريج وهي عقده حواجبها:طيب إذا تبي تعصب عصب ما في احد ما سكك بس مو علي فاهم.. اتجه لها بدر بعصبيه مسكها مع شعرها:عيدي ما سمعت.. حاولت انها تكون هاديه بقدر المستطاع:وإذا ما عدت!! بدر شد على شعرها اكثر:إذا مو قد الكلام ليه تقولينه..حركها بقوه وكأنها دميه بيده..ليه فهميني.. اريج بهدوء بعكس فيضاناته:قلت لك إذا معصب لا تحط حرتك فيني اووه نسيت اكيد الحبيبه مزعلتك وانا الضحيه.. تجمد مكانه ليته مزعلته ليته مشت وتركته ليته وليته بس اللي بداخله اكبر من انه يواجه كلامتها اللي قالتها بكل بساطه مع مزيج من السخريه..فكها وكأنها قذاره وبصوت هادي:أن سمعتك تتكلمين عنها ما صير فيك خير فاهمه.. اريج:......... بدر وهو راص على اسنانه:فاهمه.. هزت راسها تجاريه بدون نفس.. * * * * بعد مرور 3 اشهر من الأحداث.. بدر واريج رجعوا للسعوديه..بدر حاله كل يوم يزيد سوء واريج هي الضحيه..اريج تعلمت من بدر اسلوب ابدعت فيه واتقنته بكل مهاره وكأنها ممثله سنمائيه من دهور وهو التجاهل والمجاراه.. مشعل اليوم زواجه بعد ما استقر واشتغل بشركة عمه ابو سيف سكرتير لعمه..رغم تمرده واستهتاره إلا ان عمه مو تاركه..سديم من درت عن خطبته وهي تصبر نفسها بوجود ولدها حمد والطفل اللي اوهمت نفسها بأنه طفلها من مشعل..صبرت نفسها بوعود من مشعل بأنه حتى بعد زواجه مو تاركها.. فجر واستعداداتها الخوف كان سيد الموقف هي تخاف من مشعل من كثر ما تسمع عن عصبيته.. غلا كانت سجينة غرفتها من درت عن الخبر..نرجس كانت معها خطوه بخطوه وكأن حكايتها مع بدر تنعاد بس مع بنت عمها.. ياسمين بشهرها الخامس الحب كان مسيطر على عالمها مع عماد اللي كل يوم يزيد حبها بقلبه.. بدور ومفاجئتها اللي مخبيتها عن الكل واولهم يوسف..تحت خوف ورهبه من الخطوه اللي اتخذتها.. وسن وسيل اعترافات من مجنون كاد ان يفقدها عقلها.. فوز وسكون حالتها بالفتره الأخيره والسبب مجهول.. سجى وعلاقتها الجديده مع ديما اللي كبرت بينهم واصبحوا مقربات من بعض.. عمشاء وحبها العذري لفيصل اللي كل يوم يزيد حبها له.. وضحى وتخطيطها لفضح عمشاء امام الملئ الأعلى.. فرح وشوق ومزون وخطتهم اللي قرب موعدها.. اليوم اول يوم عطله نصف السنه.. الساعه قاربت على حلول وقت المغرب.. البنات جهزوا وخلصوا.. امممم خلوني واريكم اشكالهم.. وسن..ابهرت الجميع بعد ما نحفت بتركها للبطاطس.. http://store2.up-00.com/Sep10/8ZZ16738.bmp اما نرجس كعادتها انيقه لدرجه تلفت الأنظار.. http://store2.up-00.com/Sep10/K1x16554.jpg اما غلا وحزنها اللي بدى ينعكس على فستانها ويفقدها جمالها.. http://store2.up-00.com/Sep10/XdI17007.jpg بدور وبحثها عن اهدء لبس ممكن تلقاه متواجد حالياً.. http://store2.up-00.com/Sep10/66n16738.jpg اريج بجمالها الصارخ في كل زواج تثبت تواجدها اليوم.. http://store2.up-00.com/Sep10/Gto16554.jpg مزون اختارت لبس قصير بعد ما اقنعت شوق وفرح يلبسون نفسها قصير.. http://store2.up-00.com/Sep10/obG16554.jpg شوق وهدوئها اللي اضاف شكل مبهر من بين الحظور.. http://store2.up-00.com/Sep10/7P016874.jpg فرح واللون الأسود اللي عكس مدى حزنها وجرحها اللي تسبب فيه حسام.. http://store2.up-00.com/Sep10/nF017007.jpg وضحى وعمشاء واللبس موحد بينهم.. http://store2.up-00.com/Sep10/R0j17007.jpg ياسمين اختارت لبس ما يضايقهما ولا يبين حملها اللي مخجلها إلى الأن.. http://store2.up-00.com/Sep10/9iI17125.jpg سما وبشكلها اللي حافظة عليه من بعد ما جابت حسون.. http://store2.up-00.com/Sep10/8oU16874.jpg ريم صاحبت العشر سنوات لبست لبس مناسب لعمرها.. http://store2.up-00.com/Sep10/VV017752.jpg سجى ومعاناتها لحتى تلقى لبس ساتر وانيق بنفس الوقت.. http://store2.up-00.com/Sep10/yka16738.jpg فوز اللي سلبت الأنظار بعد ما طال شعرها شوي.. http://store2.up-00.com/Sep10/kj816874.jpg وعروستنا فجوووره اللي اختارت تسريحه انيقه مع فستان هادي وحلو.. http://store2.up-00.com/Sep10/wTJ17125.jpg http://store2.up-00.com/Sep10/6SO17125.jpg الكل تميز بهذي الليله..وكل وحده تقول الزين عندي.. حاولت اوضح لكم اشكالهم بأي طريقه.. وانتم عاد كملوا من ناحية المكياج والتسريحه.. لكم حرية الأختيار.. جالسه تعدل فستانها من تحت وهي بقمة توترها.. مافي احد عندها غير سجى اللي فضلت تقعد عندها بدال الطق اللي فجر راسها.. سجى وهي تسكر تلفونها:يقول عماد الحين بيزفونه.. دق قلبها خوف ورهبه:يعني بيجي هنا.. ابتسمت لها سجى وقربت من عندها وهي تمسك كتفها عشان تقلل من توترها وتحسسها ان المسئله سهله ومو محتاجه لكل هالتوتر:انتي اذكري ربك ولا تشيلين هم وزي ما قلت لك لا تنسين تصلين ركعتين اول ما تجين عشان ربي يبارك لك في بداية حياتك.. هزت راسها بتوتر وهي تحس انها بيغمى عليها.. ثواني وتدخل عليها امها وعمتها ام عماد.. ام باسل:الف الف مبروك يا عمري.. فجر وهي بقمة توترها:يمه لا تروحين عني.. ابتسمت امها بحب:لا تخافين يمه مشعل ولد عمتك وبيحفظ ويصونك.. عمتها ام عماد:سمي بالرحمن ومو صاير لك شي.. فجر وبعيون حايره:يمه خلاص هونت ما ابي.. ضحكت امها:وش تقولين انتي تعوذي من الشيطان.. عمتها وهي تحاول تدخل الطمئنينه بقلبها بذكر لصلاتها:توضيتي؟!! فجر تهز راسها والدمعه بجفونها.. بحركه سريعه قربت لها سجى منديل ومسحت دمعتها اللي خانتها.. طق طق.. ام عماد تلتفت للباب الثاني اللي يفتح على قسم الرجال:هذا اكيد الرجال جو بسرعه يمه سجى البسي عباتك..وبلهجه مريحه..عشان تكونين مع فجر.. اتجهت سجى برى والبست عباتها ونادت غلا و وسن و نرجس اللي طلبوا منها إذا دخل مشعل تناديهم.. دخلوا الأربع بعباياتهم ووقفوا قريب من فجر.. ام باسل بتعجب:سجى قلنا انتي مو الجيش اللي معاك.. ابتسمت سجى بخجل:هم طلبوا مني.. ام عماد:مو مهم خلوني اروح افتح.. اتجهت للباب وفتحت وكان عماد ومشعل وابو عماد وابو باسل وعمانها الباقيين يعني الكل جاء.. ام باسل من شافت عماد لبست برقعها.. دخلوا الرجال وبدوا يسلمون على فجر اللي شوي وتصير دخان يختفي من الحياء.. طول ما هم يسلمون وهي تتمنى انها تختفي فجأه.. ناظرت له وما قدرت تقاوم دمعتها اللي بدت تعلن نزولها..حست بيد على كتفها..التفتت وكانت نرجس اللي ما كانت اقل حاله منها بس بدون دموع.. عماد بأبتسامه:اقول شكلكم منتم مخلين المعرس يسلم على عروسته.. ابو باسل:قرب وانا ابوك قرب.. اقترب مشعل منها ببرود باسها على راسها ومسك راسها وهو يقول الدعاء.. فجر زادت رجفتها من حركاته.. نرجس لما شافت حالة غلا بدت تزيد سحبتها بسرعه وطلعت برى.. ظمتها وهي تهديها:غلا خلاص والله دريت انك تحبينه.. غلا وهي تشتهق:مو بيدي وربي مو بيدي.. في جهه ثانيه.. كانت دموعها تنزل وجهها ما يعبر بأي شي.. من اول ما سمعت وحده تركض وتنادي ثلاث بنات وتقول لهم العريس دخل..وهي ما وقفت دموعها.. الحين بس تأكدت ان مشعل راح تشاركها وحده ثانيه فيه..جلست بجمبها صديقتها وهي ترثي حالة صديقتها :سدوووم لا تبكين هو قال لك مو تاركك ليش الدموع.. مسحت دموعها بهدوء وبصوت راجف: صعب اتخيل ان في وحده تشاركني فيه.. :المهم قلبه ملكك.. سديم:سناء وش شعورك لو محمد زوجك تزوج عليك.. سناء:حالتي غير عنك انا الكل معترف بهالزواج انا ما قصدي اجرحك بس هذا الحق لو تزوج علي الحين يمكن اموت بس انتي اصبري ومالك غير ربك تطلبين منه يساعدك.. هزت راسها وهي مؤمنه بكلام سناء من قبل.. قامت سناء:انا ما شيه بتقعدين؟!!.. سديم هزت راسها علامة (ايه).. راحت سناء وهي دخلت بعالمها..تذكرت اول لقاء بينها وبين مشعل.. كانت طالعه من الصالونها اللي بأسمها.. بعد ما تأكدت ان كل شي ما شي مثل ما تبي.. بيتها قريب من صالونها..كانت تمشي وتفكر وشلون بدت تطور هالصالون وصار من افضل الصالونات وكثرت تواجد الحريم من كبار وصغار يثبت مدى تألق هالصالون.. :اووووه الحلو شكله مو سامعني.. ناظرت فيه بأحتقار وكملت طريقها اللي ما بقى عليه شي.. :افااااااااا تسفهيني؟!!ما توقعتها منك.. سديم بحده رغم نعومتها الواضحه:تعرف تذلف ولا اعلمك شلون.. قرب منها ومسكها مع يدها:لا وريني شلون.. حاولت تدفه بس كان اقوى منها..صرخت وصرخت ولا مجيب..بدى يسحبها وهي تبكي.. سديم:فككككككني وخر.. وهو يسحبها:اقول امشي معاي حرام هالزين كله والنعومه تروح لغيري.. حاولت تبعده عنها بس زاد بمسكته وهو يحاول يسحبها لسيارته.. سديم كانت لابسه لثمه وبارزه جمالها بعيونها المكحله بدقه مع عدسة عينها الزيته..لما كان يسحبها طاحت اللثمه وانبهر بنعومتها.. :لا لا كل هالزين واتركك معصي.. سديم تبكي وهي تقاوم وتحاول تبعده.. مرت سياره وشافت هالحدث نزل بسرعه وهو متجه للي ماسك البنت.. مشعل بصوت رجولي حاد:وخر عنها.. :ومين حظرتك لا تقول اعجبتك وبتاخذها قبلي إذا خلصت اعطيك.. مشعل قرب منه وهو يسحبه مع ياقت ثوبه وهو يضربه مع بطنه..الشاب فقد توازنه من الضربه وطاح على الأرض..حاول يقوم لكن الضربه كانت قويه وهو نحيف.. مشعل بصوت مرتفع:غطي وجهك.. سديم بيدين مرتجفه غطت وجهها وهي لسى تبكي: مشكور اخوي والله ..وانقطع الكلام من شهقاتها وهي تحس انها بدت تدوخ.. مشعل اول ما شافها بدت تترنح اتجه بسرعه ومسكها :وش فيك.. سديم وهي تحاول تطمنه:دوخه عاديه تجيني من فتره لفتره.. مشعل وهو يجلسها على الرصيف من بعد ما راح الشاب بتعب وقف قدامها:رحتي المستشفى؟!! سديم هزت راسها بـ(لا).. مشعل وهو يتفلت حوله وبعدها ركز نظره عليها :طيب وين بيتك اممم واهلك.. سديم والدوخه بدت تزيد:ما عندي انا اسكن لحالي.. مشعل وهو عاقد حواجبه: مطلقه ارمله او يتميه يا؟!!.. سديم:لا ارمله واسمي سديم.. مشعل:اهااا طيب شلون لا اخو ولا ابو ولا عم او خال؟!! سديم وهي تحس ان راسها بدى ينفجر من الصداع: قلت لك اسكن لحالي وما عندي اهل.. مشعل اول ما لاحظ لهجتها اللي بدى عليها الرجفه: اوديك المستشفى.. سديم حاولت تقوم وهي ما سكه راسها:لا.. مشعل:طيب شوفي حالتك شلـ.. ما كمل كلمته الا وطاحت سديم..شالها بخفه واتجه لسيارته واخذها بسرعه للمستشفى.. دخلوها الطوارئ وهو على اعصابه.. طلع الدكتور المصري.. مشعل:هاه بشر دكتور.. الدكتور:تقرب لها.. مشعل توتر وما عرف وش يقول له:انا انا ايه انا خطيبها.. الدكتور:اهااا اسمها ايه عشان ابص لملفها.. مشعل بخوف:سديم.. الدكتور:طيب سديم ايه؟!! مشعل:مو مهم سديم وشو علمني عن حالتها.. الدكتور:بص هيا فيها ورم في الدماغ.. مشعل بصدمه:ورم؟!! الدكتور:هيا اول كان يجيها صداع او ما شابه.. مشعل وهو يحمد ربه على كم السؤال اللي سئلها واخذ على الأقل معلومات ممكن تفيده بمثل هالحاله: ايه ودوخات بعد.. الدكتور:ومن امتا.. مشعل:من فتره.. الدكتور:بص هي الورم اللي فيها ولله الحمد حميد ويعني استئصاله مش صعب.. مشعل:والعمليه متى تسوونها؟!! الدكتور:اولا ابص لملفها واحتمال كبير بكره.. مشعل:انا مو متذكر اسم ابوها.. الدكتور:انت ئلت(قلت) انك خطيبها ازاي مش عارف.. مشعل:ايه خطيبها بس هي عايشه لوحدها وو ارمله.. الدكتور وهو يهز راسه بضجر:شكلنا مش ماخدين المعلومات اللي عوزينها بس تصحى حنسئلها.. هز مشعل راسه وهو يتجه للغرفه اللي حطوها فيها.. ومن هنا بدت علاقتهم من زياراته المتكرره ومصاحبته لها بعد العمليه اللي نجحت بـ 4 ساعات.. وبعد ما عرف عن حالتها ان اهلها تبروا منها بسبب تهمتها بشرفها والشكوك ان الطفل اللي معها من زوجها او لا ..رغم برائتها.. حست بيد على كتفها..صحت من عالمها اللي غرقت فيه.. :معليش اختي بس استغربت جلوسك والناس كلها طلعت.. سديم بدت تتلفت والقاعه شبه فاضيه ما بقى فيها غير حرمتين وثلاث بنات.. التفتت لها سديم وعرفت ان هذي هي نفس البنت اللي نادت البنات.. سديم:اعتذر بس سرحت وما حسيت بنفسي.. سجى بأبتسامه مريحه:عادي يا عمري.. سديم وهي تطلع جوالها وتعيد الأتصال:صار لي ساعه داقه على السواق وما جاء.. سجى :لا عادي خوذي راحتك.. * * * * * اتجهوا للفندق.. اول ما دخل ابتسم ابتسامه خفيفه وهو يشوفها تقعد بسرعه بأول كنبه صادفتها.. بعد تردد قال بسرعه:انا رايح اجيب عشاء تبين تبدلين الغرفه على يسارك.. اول ما طلع رفعت فستانها وركضت للغرفه..اول ما فتحتها حست انها الغرفه الخطاء..رفعت فستانها من جديد وهي تركض للغرفه الثانيه..ابتسمت بعد ما لقت شنطتها..اتجهت لها وهي تفتحها..الشنطه كانت صغيره مؤقته وهي بالفندق..لقت محتواها قمصان نوم وشورتات وبنطلون واحد وتيشرتات ودراعتين.. لقت ورقه محطوطه فوق قميص ابيض..فتحتها وهي تقرى محتواها.. ..{مبروك يا عروس..وش رايك باللي حاطته ^-^.. المهم البسي هذا القميص لأنه افخمهم ويا ويلك ما تلبسينه خابرتك..على العموم انا مو حاطه لك ولا بجامه غير وحده قطنيه كم فيك خير البسيها.. وموتي حر ههههه}.. ضحكت وعرفت انها نرجس لانها كذا مره هاوشتها وهي تشوفها تختار ملابس ساتره..زادت ضحك وهي تقول بداخلها..بلاك ما عرفتيني زين يا نرجس ما تفرق معاي كم ولا نص عادي..اخذت البجامه اللي كانت محطوطه تحت وما انتبهت لها من اول مره.. وكأنها واثقه انها ما راح تلبسها..راحت تاخذ لها شاور قبل ما يجي وتشيل المكياج اللي مزعجها من كثر المسكره.. * * * * شغل سيارته وهو متجه لشقتها وكله خوف عليها.. دخل بسرعه وهو يصعد الدرج درجتين..فتح باب الشقه بهدوء وهو جاهل الهدوء الموجود..وقف بالصاله اللي تصميمها اوربي..كل شي مفتوح على بعض..لاحظ الهدوء واتجه للغرفه قبل لا يفتح سمع صوت شهقات مكتومه..تنهد وهو يدخل.. اول ما حست ان في احد فتح الباب رفعت راسها وهي تشوفه يتجه لها ويفتح يدينه لها..رمت نفسها بحظنه وتأكدت بالحظه هذي ان مشعل مو بس يحبها إلا مجنون فيها ولا ما ترك زوجته وجاها.. وخرت عنه وهي تمسح دموعها وبنعومه جننت مشعل:خلاص روح عيب تترك زوجتك بأول يوم.. ابتسم بألم:ويقولون ما عرفوا يربونك!! اغتصبت الأبتسامه:خلاص روح.. مشعل وهو ياخذ نفس عميق:وربي ما ودي اروح واخليك وانتي بهذي الحاله.. سديم وهي تمسح على شعره بحب:لا تخاف ما فيني شي روح.. قام من عندها وهو ما وده يتركها وهو يحس انها محتاجته..طلع وراح لأقرب مطعم وقف وهو يضرب راسه بخفيف..انا شلون نسيت الفندق يجيب اكل اففف..حرك وهو راجع للفندق.. * * * * طلعت بعد ما اخذت شاور سريع..ضحكت وهي تشوف بجامتها..مستغربه من نفسها بس تضحك.. ورجعت تضحك راحت للتسريحه وهي تمشط شعرها..حمدت ربها وهي تشوف شعرها انه مو خشن وفيه تمويجه حلوه تريحها من سالفة الأستشوار اللي بدى يتقصف شعر بدور منه..جففت شعرها وحطت شي خفيف على وجهها..رفعت شعرها بشكل حلو وهي تثبت شعرها.. سمعت صوت الباب ركضت بسرعه ورى الباب وهي خايفه ثانيتين وبعدها كتمت ضحكتها من حركتها وقفت تايه مو عارفه وين تروح تحس انها تبي تتخبى بأي مكان..اخذت نفس عميق وهي تحك شعرها.. اتجهت للتسريحه وهي ترتب شعرها بعد ما حكت شعرها وخرب جزء منه..طلعت وهي تحس انها تسوق نفسها للموت.. ناظر فيها من فوق إلى تحت وهو مستغرب لبسها.. ابتسم بسخريه هي يا غبيه او تستغبي..اول ما جلست..ناظر لها.. :بردانه؟!! فجر بدون لا تناظر له هزت راسها بـ(لا).. مشعل وهو يرجع يناظرها من فوق إلى تحت:طيب ليش هاللبس والجو حر والمكيف مولع.. جرت كمها بحيا.. مد لها خبز..ناظرت فيه مستغربه الأكل الموجود رز ودجاج وش موقع الخبز من الأعراب.. هزت راسها بـ(لا) وهي تتذكر وسن لما جابت لها اكل احتياط لمثل هالحالات.. رفع كتوفه بعدم مبالاه وقعد ياكل..قام بعدها يغسل.. اطلقت ضحكه خفيفه بعد ما عرفت شبب الخبز..كان ياكله مع الدجاج..نواف اخوها كان ياكل مثل كذا عرفت ان هالحركه مشتركه بينهم.. بعد ما غسل ونشف يدينه..جاء وجلس قبالها على الطاوله..تأمل بملامحها وهو يقارنها نعومة سديم ورقت ملامحها امام ملامح الشقاوه الطفوليه بوجهها.. بهدوء:اجل انتي اللي رميتي البلونه بوجهي.. رفعت عينها له بسرعه ونزلتها وهي مستغربه شلون عرف بس استنتجت انه سحب الكلام من سمر.. كتمت ضحكتها وهي تتخيل شكلها لما رمت النفيخه بوجهه وكأنها تقول هذي الخلطه السحريه عشان تكون لي.. مسك يدها وهو يقوم سحبها معاه..وكأنها دبدوب بيد طفل مدلل متجه لغرفة امه يحتمي فيها بعد كابوس مزعج له..جلسها بجمبه قرب منها بعدت عنه بسرعه..استغرب حركتها قرب مره ثانيه ولقى الصد منها..ناظر لها وهو عاقد حواجبه مستغرب ردت فعلها بأول يوم له مع سديم ما صدته بالعكس تجاوبت معاه بسرعه..هو كان ناسي ان سديم متزوجه من قبل ولما تجاوبت معاه لأنها مجربه من قبل..هي تجاوبت وكأنها تبي تشبع انوثتها المفقوده من بعد ما مات زوجها..فجر استغرب جرئته.. ما اقول انها بريئه ومو فاهمه هالحركات لكن ما توقعت انها يصير معها..بعد ما استرقت النظر لكم صوره عند نرجس بخجل بعد ما خبروها ان ممكن يصير زي كذا.. لكن مشعل واضح ان حركته انه مو ناوي مثل أي معرس ثاني مجرد صطحيات تهيئه..مشعل واضح انه يبي اللي بعد هذا كله..هو تعود مع سديم كذا جهل عذرية فجر اللي اول مره تتزوج.. حظنها له وهو يبي يهدي رجفة جسمها..بعد دقيقتين وخرها عنه وقرب منها<<الأخو مصرّ خخخخخ غمضت عيونها بقوه..ناظر لها وهو يتنهد.. :انا الحين مو زوجك!! فتحت عين وحده وهي تناظر فيه على سؤله الغبي.. مشعل وهو يمهد لها<<ما بغيت:يعني اللي انا اسويه عادي ليش تبعدين عني وكأنك مغصوبه.. فتحت عينها الثانيه وهي مستغربه تفكيره الأجنبي.. هالتفكير ان كل شي عادي من اول يوم هذولا الأجانب مو العرب.. قام وهو متجه للجهه الثانيه فتح اللحاف وهو ينسدح.. ناظر لها وهو يأشر لها تجي بجمبه..قامت بخجل واتجهت لجهته انسدحت..حظنها واكتفى بهذا لليوم.. * * * * نرجع شوي.. كانت جالسه لوحدها بعد ما اكتفت برقصتين وهي مكرهه..رفعت فستانها الأحمر من فوق وهي تعيد الأتصال فيه..لكن الأجابه نفسها لا يوجد رد.. تنهدت بملل..وهي تناظر للباقيين..لفت نظرها وحده جالسه بعيد عنها وكانت تكلمها سجى وبعدها راحت.. دققت فيها وهي مو قادره تشوفها بوضح لأنها مو لابسه عدساتها..بعدها ابتسمت وهي تتجه لها.. اريج بفرح:سدوووم هنا وانا ما ادري.. سديم ضحكت بنعومه:لا مو مصدقه.. اريج وهي تجلس على الكرسي:انا اللي مو مصدقه.. سديم:والله وتغيرتي وزنتي.. اريج بضحكه حلوه لتفتت نظر الموجودين:وش دعوه انا هي انا ما تغيرت.. سديم:لا بجد حليانه.. اريج بترييقه:يمكن بعد الزواج زنت.. سديم وهي متعجبه:تزوجتي..؟!!!!! اريج:شفي شلون.. سديم:طيب غريبه انتي هنا يقرب لك احد هنا؟!! اريج ابتسمت:العريس ولد عمتي والعروس بنت عمي انتي تعرفين احد هنا.. سديم بتوتر دق جوالها قامت بسرعه: اقول لك كل شي بعدين ايه صح رقمي عندك؟!! اريج:افااااا امسح رقمك مستحيل.. سديم:حلو نتفق يوم واقول لك كل شي وانتي بعد ابي علومك كلها.. اريج وهي تمشى معها للباب القصر:ولا يهمك انا شوي اروح ارسل لك رساله واحفظي رقمي عندك.. هزت راسها بأستعجال وهي تطلع للسواق.. رجعت مكانها تبي تتصل على بدر اللي ما رد عليها اول كلف نفسه واتصل..اثناء رجوعها سمعت وحده من الحريم ترفع صوتها وبلهجة استنكار:انتي وش قاعده تقولين!!..التفتت لها اريج وعرفت انها عمتها ام عماد.. تكلمت جارتها ام صالح وهي ترمي القنبله بدون لا تحس بقيمة اللي تقوله: مخرجـ ๑◦˚ஐ ˚◦ لاخـــــلاص ... كل الــ ك ــلام اللي مانخــ ج ــل نقولهـ مابـ ق ـى الا اللـــي مــا ًبين الســطـورّّّّ...!! انتهى.. انتهت نصف دقه..اما الدقه الثانيه ومثل ما وعدتكم راح انزلها الليله بأذن الله يعني بحدود الساعه 12 وما شابه.. اتمنى اني قدرت ارضيكم بهالنصف وبيزيد رضاكم بعد اما اكمل هالدقه.. انتظرونيـ بدقــة قلـــــ18ــــبـ الجزء الثانيـ.. معـ محبتيـ/صموتـ..(ولصمتـ معانيـ كثيرهـ).. |
اممممممم ما اشوفـ احد رد..
ع العمومـ لكمـ هالدقهـ لعنونكمـ.. دقـــــة قلـــــ18ـــبـ.. الجزء الثانيـ.. مدخلـ ๑◦˚ஐ ˚◦ مسكين منهو لامن نوى يضحك من احزانه شرق حتى اقتنع ان الفرح له شي لايمكن يليق! تكلمت جارتها ام صالح وهي ترمي القنبله بدون لا تحس بقيمة اللي تقوله: ايه وانا اختك اللي انا خابرته ان ام فهد(تصير ام ام باسل)رضعت مشعل مع ولدها خالد.. ام باسل وهي تمسك راسها بذهول:شلون نسيتها انا؟!! ام عماد بخوف:انا ما اتذكر اللي رضعته.. ام باسل:امي بعد ما درت عنك وعن تعبك اخذت مشعل ورضعته مع اخوي خالد بما ان عمرهم واحد.. ام عماد:يا ويلي على ولدي يعني يصير خالها ولا شلون؟!! اريج بعد ما سمعت المحتوى اتجهت لهم بسرعه: وش السالفه.. ام باسل:امشوا نرجع البيت وبقول لكم كل شي.. ام عماد:ولو سوى فيها شي لازم نتصرف.. اريج بسرعه:الناس كلهم طلعوا نادوا عمي ابو باسل وخبروه بسرعه.. ام عماد:ايه صح بسرعه اتصلي عليه والله رجولي مو شايلتني.. اتصلت اريج يعمها وجاء بسرعه بعد ما حس من صوت رايج ان السالفه مهمه.. اول ما دخل اتجهت له زوجته بخوف:الحق علينا.. ابو باسل وهو عاقد حواجبه:وش صاير.. ام باسل:مشعل يصير خل فجر من الرضاع.. ابو باسل بصرخه هزت المكان:وش تقولين؟!! ام باسل بعد ما خذت نفس:لما تعبت اختك ام عماد وجاها جفاف بالحليب امي كانت توها والده اخوي خالد وطلبت مني اني اجيب مشعل عشان ترضعه.. ابو باسل:لا حول ولا قوة إلا بالله لا حول ولا قوة إلا بالله وما تذكرتي غير الحين.. ام باسل:والله اني ناسيه وما ذكرنا غير جارت ام عماد ام صالح.. ابو باسل وهو يطلع جواله ويتصل بسرعه على مشعل وهو يدعي انه ما دخل عليها..لكن ما جاه رد خاف اكثر وبدى يكرر الأتصال.. بعدها بخمس دقايق جاه صوته المليان نوم:هلا.. ابو باسل:مشعل انت وين.. مشعل وهو عاقد حواجبه:وين بكون بالفندق.. ابو باسل بتردد:دخلت عليها؟!! مشعل قام بسرعه وهو يبعد فجر من يده لدرجه انها قامت.. مشعل:خالي وش قاعد تقول؟!! ابو باسل:انت جاوبني دخلت ولا لأ.. مشعل اخذ نفس:لا ليش.. ابو باسل ووضح الأرتياح بصوته:الحمد لله.. مشعل:خالي وترتني ليش.. ابو باسل:شف وانا خالك انت لا تقرب لها والصباح رباح.. مشعل:اقول خالي ما فيني صبر قول.. ابو باسل:يا ولدي قلت لك بكره وما عندي غيرها.. سكر من خاله وسرح بعدها.. مــرض,,العقد ما انكتب صح,,الزواج باطل,, باطل لا لا وش باطل.. قطع عليه حبل افكاره حركتها الخفيفه على كتفه.. مشعل وبنظره غريبه:وش تبين.. فجر:فيهم شي.. مشعل وهو ينسدح ويعطيها ظهره:ما في شي نامي انتي.. * * * * قام بدري او اقول ما نام ابداً..طول الوقت يفكر وش الشي اللي يخلي خاله يقول كذا..اخذ له شاور سريع وهو ناوي اول ما يطلع يبي يصحيها..جاء ولقاها قايمه وماسكه اغرضها وسرحانه..تنحنح عشان يعلن وجوده..انتبهت له وهي تقوم بسرعه وتدخل الحمام (تكرمون).. بعد ما خلصوا لبسوا ومشوا..كان هادي استغربت هالشي..وحست انه من بعد المكالمه اللي جته وهو مو على بعضه..قبل لا ينزل.. :نتغدى ونمشي اوكي.. هزت راسها وهي تنزل بهدوء بعكس شخصيتها.. اول ما دخل مجلس الرجال لقى خواله كلهم موجودين سلم وجلس بالمكان اللي اشر عليه ابوه.. :عسى ما شر وش السالفه.. ابو عماد:اسمعني إلى الأخر.. * * * * دخلت وهي متجه للمرايا القريبه من الباب بدت تعدل شكلها وتنزل عبايتها.. وسن وهي طالعه من المطبخ:يااااهلا بالعروس توك واصله.. فجر بحيا:ايه.. نرجس من ورى وسن:ما اصدق فجر تستحي.. اتجهت لها فجر بخطوات واسعه ضربتها على كتفها بقوه:طايحه من عينك.. نرجس وهي تفرك مكان الضربه:الله ياخذك وانا اقول ان الوضع مو طبيعي.. فجر وهي تتعداها:ما راح ارد عليك.. دخلت وهي تسلم بحياء..استغربت تعابير وجه امها وعماتها.. * * * * مشعل وهو يوقف بصدمه:يعني شلووون توكم تتذكرون.. ابو عماد وهو يسحبه ويجلسه:اذكر الله وانا ابوك يقولون الحريم ما ذكرهم غير جاره لهم قديمه ذكرتهم بالسالفه.. مشعل بصوت مليان حيره:وليش توها تتكلم ليش لما وافقت اتزوج وتزوجتها تجي تقول انا اصير خالها من الرضاع شلووون؟!! نواف بضحكه سخريه:وصرت خالي يا مشعل وانا ما ادري.. زايد ضغط على رجل نواف وكأنه يقول تراه مو ناقص.. مشعل وبصوت حاول انه يثبته:والسواه؟!! ابو عماد:اكيد طلقها.. تنهد وهو يذكر ربه بأن كل شي يجي من ربي خيره.. * * * * بعـــــد الغداء.. فجر عينها على البنات وشوي على التلفون.. استغرت انه ما اتصل.. ام باسل تساسر ام عماد:روحي خبري بنتك ولا تخلينها مثل الأطرش بالزفه.. ام عماد وهي تناظر بنتها:والله خايفه عليها ومن ردت فعلها.. ام باسل:توكلي على الله وروحي بالصاله الثانيه وخبريها.. اخذت نفس وقامت:فجر يمه تعالي ابيك شوي.. فجر قامت مع امها بهدوء وهي تاخذ جوالها احتياط لو دق.. وسن:وش عندها عمتي مو قادره تصبر شوي.. ام بدر:عيب يا بنت وش هالكلام.. وسن وهي منحرجه:طيب ما قلت شي.. ام باسل:خلوها على الله.. نرجس بلقافه:افاااا وش فيك يا عمه؟!! ام سيف تكلمت بهدوء:خليكم مع فجر يا بنات ترى اللي راح تقوله لها امها مو سهل.. شوق بقلق:ليش وش فيها.. ام هيثم:...<<قالت لهم السالفه.. وسن شهقت بصدمه..غلا تجمدت مكانها..نرجس صوبت ناظرها لغلا وكأنها تقول لها ان ربي كاتبه بيجيبه..شوق نزلت دمعتها بكل رقه على خدها تبكي حال بنت عمها ما امداها تفرح ويجيها هالخبر.. مزون عقدت حواجبها بأنزعاج وهي تتخيل ردت فعل فجر..فرح كانت متأكده ان اللي دخلت قبل شوي ما راح تطلع وبتطلع وحده ثانيه مكسوره.. الكل اندهش وتضايق..وزاد ضيقتهم لما شافوا فجر تطلع من الصاله بهدوء وهي تاخذ عبايتها وتلبسها متجهه لبيت اهلها..رجعت له وهي متصوره ما راح تجيه غير ضيفه..بس هالمره راح ترجع له مثل ما طلعت بس من داخل شي غريب ذابحها.. هي ما حبته ولا امداها تتعلق فيه..كل اللي تعرفه ان اسمها انربط بأسمه.. نزلت دمعتها وهي تغير اسمه من زوجي إلى خالي من الرضاعه.. الكل احترم خروجها ولا كلموها..إذا هم انصدموا وش شعورها هي.. * * * * بعدم مبالاه اتصلت عليه.. :هلا.. :بدر تعال خذني.. بدر:الحين مو فاضي.. اريج بضيقه:بدر وربي ضايقه واحس اني مكتومه.. بدر اخذ نفس:وش فيك.. اريج وتحس انها تبي تبكي:خلاص تعال احس اني ابي اموت.. بدر وهو يعدل جلسته:اريج فيك شي.. اريج:ايه تعال.. بدر:زين زين 10 دقايق واطلعي.. بدور استجمعت نفسها وبصوت عالي حاولت انه يملاه الفرح رغم حزنها:عندي خبر راح يفرحكم رغم انه مو وقته بس بخاطري افرحكم.. ام هيثم:قولي يمه وش عندك.. بدور:انا حامل.. اكل بدى يبارك لها بفرح..ما بقى شي ويكملون مع بعض سنه وهي ما حملت الكل حس بشي حلو بعد ضيقتهم عشان سالفة فجر.. بدور بعد ما باركوا لها سرحت وهي تتذكر ردت فعل يوسف لما درى.. جت من العرس بعكس الناس..الكل يجي تعبان وهلكان وهي جايه متحمسه رغم خوفها.. يوسف دخل وقعد على السرير وهو ينزل جزمته (تكرمون).. بتردد:يوسف.. :هممم بدور بتوتر:عندي خبر بقوله لك.. يوسف رفع نفسه وناظر اها تكمل.. بدور بدون مقدمات:انا حامل.. يوسف وهو لسى ما استوعب اللي قالته:نعم وش قلتي.. ارتجفت وحاولت انها ما تبين الخوف ابداً:انا حـــامل.. يوسف وهو يقوم ويتجه لها وقف قدامها وبعصبيه: حنى وش اتفقنا قبل هاه.. بدور بقوه ما تدري من وين جابتها: شوف انا تعبت منك بصراحه وقلت على الأقل اطلع بشي مفيد منك ولا تقول نزلي هالطفل لأن صار له ثلاث شهور.. اشرت بأصبعها برقم واحد..بقى شهر واحد وينفخ فيه الروح وبتكون قاتل لطفلين.. يوسف وهو مستغرب نبرتها المتحديه: بس انا قلت لك ما ابي منك اطفال.. بدور بسخريه:ليش يعني انت ما خذني منظر ولا تستنى حظرة وسن تتنازل وتوافق عليك.. رفع يده يبي يضربها بس رجع يده وطلع بسرعه.. ما شافت إلى هالوقت..هي حاولت تنشر الخبر بأسرع وقت عشان ما يكون قدامه عذر واحد.. * * * * دق تلفونها ومن شافت هتلر المتصل اخذت عباتها وهي تطلع بسرعه..اول ما ركبت دخلت بنوبة بكاء اثارت تعجب بدر اللي فضل السكوت شغل شريط قرآن للقارء الرائع العجمي.. اول ما شغله زاد صياحها وهي تصارخ:طفه ما ابي اسمع شي.. استغرب منها وهو يطفيه بسرعه.. ناظر لها:اريج وش فيك؟!! اريج:ما ادري مكتوومه.. بدر بهدوء:القرآن يريح ويوخر الضيقه.. اريج:بس مو انا مو انا فاهم.. بدر:اريج لا يكون.. مخرجـ ๑◦˚ஐ ˚◦ تع ــبت اقول لطيح ـه الحظ ..[خيــــرهـ ] انتهى.. ادري قصير هالدقه..بس بجد حسيت اني اكتفي بهذا.. الجزء اللي قبله طولته بقدر المستطاع احتياط لمثل هالحاله.. توقعأأأأأأأتكمـ.. انتظرونيـ بدقــة قلـــ19ــــبـ الجزء الأولـ.. معـ حبيـ/صموتـ..(ولصمتـ معانيـ كثيرهـ).. |
السلام عليكم
كيفك صموتة وحشتيني موت واللة اني فقدتك وفقدت دقاتك الخطيرة اما مدخل اليوم شي ولا خلاص كل الكلام اموت فية شي صراحة احداث البارت اليوم مسكتة واللة ماني عارفة على ايش اعلق على الشهور الي عدت ولا العلاقة الي بين بدوري واريج ولا على معناة البنات ولا على علاقة مشعل وسديم اليوم البارت طاف على كل الشخصيات اللة يعطيك العافية صموت اريج وبدر علاقتكم الحين ماهي عاجبتني انا ابي هواش واكشن موب كل واحد بعالمة البنات الهبلات سوري واللة قهروني كل وحدة تحب واحد ما درى عن هوا دارها سديم يسلملي المخ الفاهم والعاقلوالي ما ترضى با الظلم الحمد للة طلعت البزر بنت اختة وارتاحي وحطي ببطنك بطيخ صيفي وانا اتوقع انة بعد ها المشكلة الي صارت يقولهم انة حاط بنت ببالة ويبيها حققي امنيتي يا صموت وزوجيهم بالعلن ويعيشون سعداء الى الابد:9jP05261: هههههههه اممممممممممممممممممم مين بعد نكتفي اليوم بهاذا القدر من الهذرة ونكملها البارت الجاي خخخخخخخخخخخخخ سوري صموتة رديت متاخر كنت رايحة زواج ورجعت رجولي مكسرة ههههههههه من الرقص كوني سعيدة ودمتي بخير:friends: |
روعه
اريج ممكن تكون مسحوره بدور من حقها تحمل و تجيب طفل الله يعافيك |
| الساعة الآن 10:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية