|
ماشاء الله عليش ، عرفتي تقفلينها صح
قريت الجزء ، وعندي أحساس أن الأحداث بدت تسترسل من اللحين ولاعندي أي تعليق إلا على موضوع القفله ، في تفكيري أن المسج ماراح يأثر على حالة نجلاء ، وقهرني الأخ صالح يوم انه يبرئ نفسه قدام امه ويدري ان كما ذكرتي في الأجزاء اللي فاتت أن الوجع النفسي أقوى بكثير من الوجع الجسدي ،، هذا توقعي الوحيد ، ولاهنتي ولاهان غاليش ياأخت أنفاس وعز الله انش تستاهلين القاص المميز وأكثر ، جز الإدارة كل خير وكنها تعرف ايش اللي في خاطرنا يوم عطتش ذا الوسام تحياتي الجــادل |
جزء بصراحه قوي اتضح فيه اشياء كثيره خاصه شخصية كاسره
يعجبني نفوسه زخم الاحداث في كل جزء الدرجة وانا ارد انسى نفسي من كثر هذري ويمكن لو اقعد اكتب يصير ردي اطول من الجزء نفسه مبدعه ام سعودي ماشاءالله عليتس تدرين ان كاسره من النوع اللي يقاله غثاه على عمره تصدقين انها كسرت خاطري تبي الناس وتبي قربهم بس ماتقدر اتنزل نفسها وتكون هي المبادره عزة نفسها تمنعها كاسره مش من النوع اللي معتز بجماله يمكن كرامتها وعزة نفسها وثقتها الزايده مع قوة الشخصيه تشوفها ميزه لها اكثر من الجمال اللي تاركينها الناس عشانه هل كاسره من النوع اللي ماتعرف تدخل مع الناس يعني ماعندها اسلوب ماعتقد هذا السبب شكلها متحدثه نمره واحد هل السبب انها تفوق الناس وماتتنزل انها اتحاكيهم ماتصور لان الواضح انها مافيها غرور اتوقع ان كاسره ماتعرف اتجامل ولا تكون المبادره في العلاقه مع الغير وعشان كذا الناس يهابون القرب منها خاصه ان فيها نوع من الشراسه اذن ينقص كاسره حسن الخلق والمجامله اولابتسامه حتى تكسب الطرف الثاني وانا ماقول معنا حسن الخلق ان اخلاقها سيئه لا اقصد ان تكون لينه في تعاملها مع الناس وتضغط على نفسها عشان تكسبهم ويحبونها لان انفوس الناس مش وحده وحنا عايشين في المجتمع مانقول اذا حبونا ولا طز اهم شي اللي حولنا يحبونا ويحترمونا بالعكس ولله اني ارحم اللي مالهم قبول بين الناس تعرفين نفوس في وحده قريبه لي ماشاءالله ايه في الجمال وجسم وكريمه ماتتخيلين كرمها تقدم احسن الهدايا واذا جت جمعه ماتدخل الا وشغالاتها محملين مالذا وطاب ولا تزور احد ويدها فاضيه ودايم تجمع خلق الله وتعزمهم في بيتها واستراحتها بس فيه نقطه مالها قبول ابد اذا تكلمت كلا كلامها تشره وتزعل على اي كلمه سواليفها ماصله ودتس انها تسكت كلن يقول لها يازينتس بس ساكته على النقيض اختها عاديه وماتشفوين منها فلس حمر وتجي للاجتماعات طبعن في استراحات مامعها شي تقول يكفيكم وجودي بس تعالي شوفي حب الناس الها والمقعدها وكلن يتصل عليها يعزمها الجمعته واذا قلتيلها كلمه وسبيتيها ولا تتريقتي عليها ماتزعل وتعطيتس اكبر منها وبمزحها وماعمر شفت احد يكرها او يسبها واذا قلت ماشاءالله عليتس يعني تصوبين وتنصابين ولا ياثر فيتس ولا اشوفتس تحقدين قالت اللي يدقق مايعيش ومبدائي( طنش تعش عش تنتعش) انا ماقلت عن هذي اقارنها بكاسره لا كاسره شخصيتها حلوه وكلامها يجذب بس ثقتها الزايده وقوة شخصيتها تفرض عليها ماتتنازل للغير وهذا اعتبره خطا ولله انا نجامل ناس مايستاهلون ونروح زيارات مانبغاها بس لازمانتي عايشه في مجتمع يفرض كذا عليتس وحتى تتعايشين معه لازم تكونين مجامله ومبتسمه ولا دققين على الكلام والنغزات والى الان اتوقع ان كاسره ماينفع يكون زوجها الا منصور ماشوف ان فرض شخصية كاسره هلى وضحى سيطره بقد ماهو خوف عليها وفعلن اذا كانت وضحى مثل ماقالت وكاسره اعتقد لازم تكون مراقبه وياكثرهم البنات اللي فوق العشرين وينضحك عليهم وهم مهوب بطيبة وضحى والدليل انها ماتقدر تواجه الكل لا امها ولا مهاب ولا كاسره ومارتاحت الا التميم يمكن لانه ماييتكلم بس الخطا انتس ياكاسره تروحين معها وتشرين لها وتسنعينها المفروض بس توجهينها وتعلمينها لانتس منتيب دايمه الوضحى انتي بتزوجين وهي بعد وصعب انها تكون عاله على ولد الحلال وافضل شخص لتس ياوضحى هو عبدالرحمن صدقيني لو خذتي شخص حار مثل كساب او فهد او مهاب اخوتس بتلقين اشكال الاستهزاء والتهكيم والتريقه عليتس اعجبني الحنان الكاسر ياكساب ولله اني مت على حركتك مع خالتك عفراء ماتركت لها فرصه تقرر تدري ليش لانك عارف انها بتموت لو ماتطمنت على جميله وعشانها رفضت انها تروح معهم مابغت تراجع عن كلمتها قوتك في الموقف اعجبتني وبكذا بعد يرتاح خليفه ان فيه احد معه في تحمل مسؤلية جميله لاني احس الولد توهق وانصدم من شكلها ويبيله فتره عشان يتعود عليها اتمنى عفراء تجيب معها صوره الجميله قبل ماتنحف ويشوفها خليفه عشان تكون دافع قوي يوقف مع جميله عشان ترجع للحاله اللي شافها عليها في الصوره ماشوفها مشكله اللي قايمه فيها ام مهاب ورفضها زواج ولدها من صما لان فيه زواجات تمت مثل مايبي تميم وناجحه وفي زواجات تمت مثل ماتبي مزنه ونجحت وابد هذا ماياثر خاصه اذا كان نازل عند امه يمكن ام مهاب خايفه على عيالهم انهم مايتكلمون مثل امهم وابوهم حتى لو ماكانو بكمان زيهم الجو الساكن في البيت يحتم عليهم السكوت والتعامل بالاشاره بس اذا موجود في البيت ناس ثانين مثل امه واخوانه مافيه مشكله تدرين مره كنت بالسياره مع زوجي ولا يقولي وحنا عند الاشاره شوفي لايفوتس المنظر ولفيت اناظر الا في السياره بنت وولد يطلون بروسهم من الوسط على ابوهم وامهم ويتكلمون معهم بالاشاره وهو بين بعض يتكلمون طبيعي اسمله عليهم يدننون الله يخليهم لوالديهم ماشاءالله عليتس نجول تسع شهور فترة حمل هذي يعني الجرح كبير الذا الدرجه وصالح ماحاول انه يحل الموضوع ويتاسف ويقول توبه عقب ذا النوبه ماعيدها ولا عاد تسمعين بنت المصريه ابد سبحان الله بعض الناس مهما كان حبوب يموت في زوجته الا ان له السان سليط ويهزء ويعتبره دعابه ويمزح معها بس مايدري انه يسبب جرح كبير النجول بس معقوله ان سبب خلافهم بس هو كلامه هذا ليت توصفين لنا نفوسه موقف من مواقف صالح مع نجول عشان نعرف يستاهل زعل نجول تسع شهور ولا تغلا على صالح لانها تعرف انه يموت فيها بس عاجبتني نجلا واقولها للمره الثانيه احترامها الصالح وماترضى عليه اي كلمه صالح هل لو تزوجت جوزاء بتستمر حياتك مع نجلا مثل ماقالت ام صالح انت بتهدم بيتك مقابل تحافظ على ولد اخوك رح يارجال الزوجتك واستسمح منها وخلك من المسجات اللي ماتوكل عيش ومخليه نجلا تسع شهور وهي عند اهلها متشوقه للمسج اللي ارسله صالح النجول وخلا شعاع تبقق عيونها معقوله يكون توقع ماماتي وزوز صح وان عبدالله بعده عايش يمكن رجوعه يطلع جوزاء من حالتها اللي هي فيها بس تدرين احتقرت حركتها مع كاسره يوم رمت لعبت ولدها في الزباله زين انتي ماتحبينها وشدخل ولتس في السالفه يعني جزاتها بتفرحه الله يوفقتس يارب ويجزاتس الف خير وعافيه ام سعودي منتظرين البارت الجاي واكثر شي متشوقه له مسج صالح النجلا جعله اخر مسج بينهم بس تدرين اتوقع انه يقول جهزي اغراضتس انا معاد فيني صبر والليله مافيه مبات الا في جنبي وهذا اللي خلا عيون شعاع تطير |
السلام عليكم ورحمة الله وبركاته
تلعبين معنا لعبة منطقية الرواية .... ومحاكاة ما تكتبين للواقع ... بكل مرارته وحلاوته ... ومع اننا مازالنا نتعامل مع الرواية كخيال ...... الا انكي تجبرينا بكل حرفنة الى الواقع ... ونحن نستمتع بذلك ....... جميلة ... ذكرت انهالن تعيش طويلا .... وخليفة ذكر في حواره مع نفسه احتمالية كبيرة بعدم النجاة ... واحساس عفرا ..( احساس الام الذي لا يكذب ) فهل ستموت جميلة ....؟؟!!!!!!!!!!!! نجلاء وصالح ... حياة زوجية .... بدون مشاكل تذكر ...ز وتفاهم وحب متبادل بين الطرفين ... ولكن عندما يمزح احدهما في موضوع يخص السمعة والاحترام بالنسبة للطرف الاخر ... يفقد الاحترام بينهما وعلى الطرف الاخر ... اتخاذ وقفة كبيرة مع الطرف الاول .... ( مع الى الان لم نسمع او نقرأ لماذا صالح قام بمعايرة نجلاء بامها في اكثر من موقف ولعدة مرات ) سميرة الدم الخفيف ... وفاكهة الرواية .... ومازالنا ننتظر الاحداث ليكون لنا معها حديث اخر ..... غانم ... وجه جديد ننتظر الكثير عنه .......... خليفة ... وقعت في شر اعمالك .... وحملت مسئولية كبيرة ... لفتاة لا تعرفها الاباسم انها زوجتك فقط ...سنرى مع الاحداث ان كنت على قدر هذه المسئؤلية ام لا ... كساب .... من حقك تقف مع اخيك ... ومن حقك تغضب بغضب اخيك ... ولكن ليس من حقك ان تكلم والدك بهذه الطريقة حتى ولو كان السبب في تعاسة اخيك .... زايد .. ستندم عدد شعر رأسك .... كاسرة ... ظهرت شخصيتك التي تخفيها عن الجميع ماعد الصديق ... وصحيح الصديق مرأة لصديقه .... الجانب الاخر هذا هو من يعطيكي القوة الظاهرة .... والسيطرة التي تمارسيها على من حولك ... ليس لانكي تريدين ذلك بقدر ما انهم يعتقدون ذلك ... اي هم من اعطوكي الفرصة لتكوني متسلطة ومغرورة .... خوفك على وضحى لا مبرر له ... اطلقي سراحها حتى تتنفس وتدرك طبيتها وطريقة التعامل مع الناس ... وضحى ... الى الان شخصيتك تحكمك .... وسلبيتك لا تكون ظاهرة الا مع كاسرة لانكي تربيتي على هذا وصعب ما تم بناءه في عمر طويل يتم تغييره بين ليلة وضحاها ....... مزنة .... عدم حديثك مع اولادك عما حدث من مهاب ليس ضعف منك ... ولا سلبية ... ولكن الى الان لم تجدي الفرصة المناسبة لتتحدثي الى مهاب ....حتى بعد اعتذار مهاب عما فعله الا ان هناك حديث معلق لم يأتي اوانه .... اعتراضك على زواج تميم من نفس اعاقته غير مبرر سوى خوف الام على ابنها ..( ومنطقك مقبول لجميع الامهات الذين في ظروفك ) جوزاء ... زواج وهي صغيرة لم تعرف معنى المسئولية .... زوج الى الان لم نعرف عنه شيء سوى ان امه واخيه يمدحون فيه ( والقرد في عين امه غزال ) ثم صدمة موته في حادث ( الى الان لم نعرف سببه) وحمل وولادة وكلام ناس لا تعرف ربنا انها وجه نحس ... كل ذلك اثر على نفسيتها وجعلها تنتقم من الذين حولها بالكلام القاسي لعلها ترد بعض كرامتها المهدورة .... ابدعتي ... وامتعتينا .... جزاكي عنا خير الجزاء ....... سؤال بسيط ... ما معنى كلمة ابوتمبة ؟... القاموس اللغوي عجز عن استحضار معناها ....... ( فيس على رأسه علامة استفهام ..... واخر يفكر ..... ) |
اقتباس:
♪♪♪ سوري عاللقآفة .. ~ معنـى كلمة ( آبو تمبة ) .. لفظ سخرية يطلق على الشخص السمين نوعـآ مآ .. ♪♪♪ |
أنفاس قطر . .
وش أقول بصراحه ما تسعفني الكلمات !! كل بارت أحلى من الثاني . . و مع كل بارت أشتاق و أتحمس للبارت الجاي أكثرر !! توقعاتي . . ^.^ أتوقع كاسرة لـ منصور . . و يآ رب يطلع توقعي صح ! بس هذا اللي طلع معي و حست أنه ممكن يكون صح . . تعجبني تناقضات كساب . . . . . بالنسبة للبارت الثامن . . حبيت ( غنوم ) !! و حسيت وراه أكشن ^.^ خاصة بعد السالفة البنت اللي ضايقته بها سميرة !! و بسس في إنتظار البـارت التاسع . . ما أحب أعيد و أزيد في الكلام . . بس لا دار حوار و شمل أنفاس قطر . . يصيبني نقص في التعبير عن مدى أعجابي و تقديري لها !! |
السلام عليكم ورحمة الله وبركااته
اخبااركـ كاتبتنا العزيزة؟؟؟ بصراااحه سلمتـ أناملكـ باارتـ روعه روعه روعه >>فيس اغمى عليه من جمال البارت بسم الله نبدأ^_^ * * * &كاااســرة& فدييييتك يانااس من البداايه وانا قايله إني حاابتك ودااخله قلبي من جد الواحد مايحكم على الناس من أشكاالهم لأن الجوااهر غير المنااظر.. عجبني فيها إصرارها على انها تبقى مثل ماهي وما تحاول تتقرب للناس عشان يفهموها لآن اللي يبي يفهمها يفهمها مثل ماهي مو لازم هي اللي تفهمه >>فيس متعقد من ذا الموضوع * * * &فاطمه& وااا حليلك فطووم تذكريني بأخت صديقتي ربي يعينها نفس القصه ذي مع الإنذارات ربي يعينك ان شاء الله لكن الحمد لله لقيتي لك واااسطه اما هي نتنظر وااسطه رب العالمين * * * &كســاب& لو ما اخذت خاالتك كااان أتصلت عليك وقلت سفرها لكن الحمد لله جاات منك هههه ياحليله يوم خاف من حلفاان خالته عليه عبااله ان الهرجه خطيره اتوقع انه ساافر اولا عشان خالته ثانيا عشان يبي يشوف كيف خليفوهـ الشر يعامل جميله الود ودي مايروح لأن لو خليفوه قهرها رح يوقف كساب بوجهه كسااب لا تطول عندهم وصل خالتك ويومين وارجع سااامع؟؟؟ * * * &مزون& وصف لحالتها دقيـــــق: هي خسرت كساااب ورااحة بااالها للأبـد والسبب قرار في لحظة عنااااد * * * &صالح& شووف لاتسوي فيها رااعي نخوة وحرمة اخوي وعيالها مايروحون للغريب والكلاام هذا داامك مبسووط مع زوجتك وتحبها اقضب ارضك ولاتتزوج مرة اخوك صحيح ان حلك كثير يمشوون عليه لكن رجااءا لاتكوون منهم ورح رااضي مرتك وألغي الفكره نهاائي وبعدين عندك فهيدان خل هو اللي يتزوجها >>فيس جااب له الحل * * * &فــهد& ياحيا الله الفرد الجديد انت الوحيد اللي ما انذكرت حتى لو بالغلط المهم عندي إحساس يقول ان لك دور قوي جدا جدا جدا بالثلاث وانك رح تتزوج كااسرة وواحد منكم رح يكسر رااس الثاني عشان كذا اختصر الموضوع ورح تزوج حرمة اخوك خل صويلح يرتااح مع حرمته وانت فك رااسك من التكسير * * * &نجلاا& حااسة المسج اللي جاك رح يخليك تااخذين قشك وهجة لعند صاالح ياالشوق بياخذك يالحرهـ هي اللي بتاخذك ارجعي لبيتك وانا اختك وخل عنك الهذرة الزايده وأنا اقنعت صويلح ماياخذ حرمة اخوهـ ولاتهدمين بيتك على شي للحين ماصار * * * &سميره& ههههه وربي مت ضحك عليك يعني حتى ابوك وامك نااويه تعطينهم عين الله يستر منك بس لاتعطين غنام عين عاااد مانبي يصير له شي لين يقول لزوزو عن البنت اللي تكسرت سنونه بسببها * * * &خليفوووه الشر& عسى مدري وش أقول لا حول ولا قوة إلا بالله يااخي من يوم عرفتك وانا مو قاادرهـ ابلعك ابد من هنا من هنا أحااول ياهو أبد واااقف عرض يعني بالله وحدهـ مريضة وتعباانه والكل يقولك انتبه ترى حالتها خطيره ومدري إيش وش تبغى يكون شكلها مثلا يعني مكلة جمال الكون؟؟؟>>فيس مقهوور انتبه بس لاتبين لها الرعب اللي عشته على قولك لا تتعب نفسيتها أكثر ويلااا خل دقه الصدر تنفعك مو لو خليت علي ياخذها كاان احسن على الأقل عاارفين بعض لكن الواحد مايقول غير الله يصبرني عليك * * * &جميله& مابتكلم ألحين خلك تصحين ولي تفاااهم معاااكـِ * * * &وضحى& نصيحه ياوخيتي لاتواافقين على وااحد قلبه متعلق بغيرك خلك على قرارك وتميم فديته معاااكـِ وانا بعد معاااكـ ولو نفوسه زوجتك غصب بروح قطر واتفااهم معاها ولا يهمك عندك وااسطه ههههههه ترى والله محد خسران من هـ الزواااج غيرك انتي وبس..غير حرقه القلب فديتك لو جااب طاريها بالغلط او خواته تكلمو عنها قدامه رح تطيرين عيونك عليه ومن هـ الحكي عشاان كذا اشتري رااحه رااسك وارفضي * * * &تميــم& ياحيا الله فاارسنا الطيب ايه وانا اختك اوقف مع وضووح تراها في لحظة ضغط من مهااب رح تواافق قلبي يقول كذا الله يستر بس عااد انت امنعها من هـ الشي صحيح من كلامكم ان عبد الرحمن طيب وماعليه كلااام بس قلبه وانا اختك مخربه الحب عشاان كذا لاتوافق حتى لو كااان احسن رجّال في العالم * * * &مهااب& يارجاال رح تزوج انت أول وبعدين تكلم عن أخوك على العموم اترك امك كم يوم وارجع تكلم معاها من جديد تراها أم ومن حقها تطلب الأحسن لولدها عاااد لو كااسره مي بنتها كاان قلت تزوجها كااسرهـ ههه مسكينه اختك كل ماشفنا أحد جديد لزقناها فيه وفي النهاايه مارح تتزوج ههههه * * * الباااقيـــن ربي يستر عليكم وعلينا.. * * * اعتذر عن ثرثرتي الطويله بس نصيحه منّي قد قلتها لغموضه اول ماتشوفي ردي ابلعي حبتين بندول عشان لا تصدعين ههههه * * * بالتوفيق الدااائم |
السلام عليكم ورحمة الله وبركاته كيف الحال نفوسه 00 ان شاء بخير والله ماني عارفه ابارك لمن بمن اللقب والا انتي الف الف مبروك ابي ابدا بحبيبة قلبي كاسره واقول الحمد لله ان رايي فيها صح من البدايه 00اقولتس ليه حزينه وانت تقولين انتس ماطلعتي من هالدراسه كلها الا بفاطمه وبس 00 احمدي ربتس يابنت الحلال فيه ناس عاشوا طول عمرهم وماتوا وما طلعوا من ذا الدنيا بصديق واحد يوحد ربه وبعدين هذي فاااطمه اضرب واطرح ما صادقتس الا لنها بنت حلال مثلتس وهي والله قالته يا حظتس تكفيتس عن العالم كله الا عن منصور0000 وتكدرخاطري عليتس بمعاناتس مع الناس خصوصا اهلتس00 يقولون ماتتعاشرين00 بس لا تزعلين ويكون بخاطرتس شي بيعوض الله عليتس بمنصور ان شاء الله 000وذكرت قبل اني خايفه عليتس اذا لا سمح الله صار شي لجدتس 00والحين انا مرعوبه عليتس اثرتس حتى السيره ماتبينها 000 رهيبه ياكاسره تقولين مابعد جابته امه اللي بتغارين عليه لاول مره بخالفتس بالراي 000لا ياقلبي لا والله اللي جابته ثم جابته00وقبل ماتجيبتس امتس بعد 00وتراه رجال وملي ثوبه 00منصور طبعا 00وحبيبتي كلام اللي على البر غير اللي وسط المعمعه صالح 00 يعني الرجال الزين مايكون الا بانه مايمد يده او مايقصر بالفلوس000كلام غريب 00بس ماعليه انا ظني فيك رجال وشيخ الرياجيل بعد 000لولا ثقل دمك بالكلام اللي تقوله بس لا زعلت غانم00انسان احس انه ينحب مع انه باين من النوع اللي سهل ممتنع واعتقد ان اللي خسر صف اسنانه عشانها هي وضحى لانها ماتعرف تتصرف لا طلعت 0000والا يمكن شعاع خليفه00الحين مشاعري تجاهك منقسمه نصين الاول استغفر الله شمتان 000والثاني لا حول ولا قوة الابالله شفقان عليك وراحمك على هالتوهيقه 00بس شكلك كذا قدها 00ويمكن خيرة لهالبنت انك انت اللي اخذتها عشان ماتدلع عليك بالاكل وعشان ما تاويلها وتخليها على كيفها 00 اما منظرك وانت منصدم من حالها 000لسان حالك يقول الا والله احب المره المليانه ونص بعد وبتغثها بهالكلمه وضحى انا معتس ماابيتس تاخذين عبدالرحمن مهوب عناد لمهاب وبس لا00 الا لشي ثاني مهم اللي هو00انتي طيبه لدرجة السذاجة00وعبد الرحمن مهوب بعيد عنتس فعشان كذا مايصلح لتس الا واحد من اثنين ياكساب لانه ممكن مع العشره تتعلمين منه شي في الحياة 00يا علي اللي بيقدر يحتويتس ويخاف عليتس كسااب00 اول مرة انبسط بحاجه منك يوم بتسفر خالتك 00احساسك فيها منتهى الروعه00حزنت عليك مرره لما حسيت بحجم معاناتك بمرض امك 00وتاثيره بنفسك00بس احلى شي اعجبني فيك ان زعلك وغضبك دائما لغيرك وليس من اجلك0000ايه صدق انت حلفت لخالتك انك ماخبصت ابد عشان تطلع هالعضلات وانا صدقتك 000لكن ما يمنع ان فيه سالفه وانت داسها ام مهاب00 انا معتس بالراي ان تميم ما ياخذ الا سليمه متعافيه00مهوب لشي والله الا لمصلحة الاطفال بالمستقبل 0000ايه عل البركة ختم 20 جزء من القران وعقبال العشره الباقيه 000 يارب ترزقني انا وكل مشتهي عبدالله00 كلامهم عنه انه رحل 00وراح 00فيه شويةغرابه وغموض 00ماادريحفظ القران والعمل به يارب واجعله شاهدا لنا لا علينا يمكن وصلهم علم او جاهم خبر عنه انه مات 00يعني مااحد شافه يمكن حرق او غرق مزون000هذه الفتاة المسكينه التي احذت من سميتها الطموح العالي00 لم يرحموها 00الجميع فهي بين اكثر من مطرقه وسندان00طموحها 00ابوها00كساب 00المجتمع00000 المجتمع البدوي المحافظ ارى ان فرصة النصيب ايضا ضعيفه سواء من جماعتها او غيرهم 000واتوقع ان يكون نصيبها بطريقه اخرى0000كان يكون على سبيل المجامله000او الاجبار 000قد تكون بين مهاب مجبورا من امه 00اما لاعجابها بطموحها او لاسباب خاصه فيها او فهد فيتزوجها مجامله واكرام لعمها او لتربطه علا قه وطيده معه فلا يوجد احسن من ابنةاخيه رغم عيبها الذي يرونه بها على طاري فهد 00اقولك تركد في السواقه ياابن الحلال ترى امك هالضعيفه00جاها ماكفاها والله يسلم ايديتس يا نفوسه |
صباح الخير
.,, بسم الله الرحمن الرحيم السلام عليكم ورحمه الله وبركاته صباح الخير والسرور على الجميع كبف الحال أخت أنفاس ؟؟ كيف حال الأهل ومن يعز عليك ؟؟ دوم بخير أن شاء الله . فاصل :: سبحان الله وبحمده ... سبحان الله العظيم ..... تعليقات على الجزء السابق :: في كل جزء يسطع على الضوء الكثير من القضايا التي تحتاج إلى مناقشه مزنه >> من وجهة نظري العقلية فالزواج هذا من الأفضل أن لا يتم أم من وجهة نظري العاطفية فأنه الأفضل له ولا أعلم ماذا سوف تختارين يا أنفاس ؟؟ كاسرة >> وشخصيه من خلف الكواليس من المتعب جداً أن تلعب دور أكثر من شخصيه في حياتك ويوجد بعض الأشخاص في حياتنا يقومون بنفس العمل مثلاً لا على سبيل الحصر تكون فتاه خارج المنزل اجتماعيه من كل النواحي ولكن في المنزل لا تسمعين لها صوت شدة كاسرة تذكرني بشخصية الرجل الشرقي بقوتها فكما نقول دائما داخل كل رجل" طفل صغير " فهذا هو الذي استشفيه من شخصية كاسره أي داخلها طفله رقيقه مفعمة بالمشاعر والحب لكل من حولها مزن >> وتلقيها للعاصفة الكاسرة المسماة " كسّاب " ماذا بعد ذلك ؟؟ خليفه >> شفقه ... نفور ... يا له من أحساس كريه !!! جميله >> ما لذي ينتظرك ؟؟ عفراء >> يالقلب الأم الحنون كسّاب >> ماذا تمتاز به شخصيتك غير الذي ذكر ؟؟ نجلاء >> هل هروبك من صالح انه يقول لك ابنته المصريه او هناك اعظم من ذلك ؟؟ صالح >> مالذي تخفيه عنا ؟؟ وضحى >> هل صحيح أنك سوف ترفضين عبدالرحمن ؟؟ ولكن لا أعتقد ذلك بأنتظارك أختي أنفاس دمتٍ بخير أنت ومن تحبين . أختك :: بنت أبوي أبوي بن جدي . .,, |
بين الأمس واليوم/ الجزء التاسع
السلام عليكم ورحمة الله وبركاته صباحات المودة يامن تستحقون كل المودة مهما وصفت لكم سعادتي بكم وبمشاعركم وبتشجيعكم يبقى الحكي قاصرا.. قاصرا ولا يطاول هامات غلاكم الشامخة . . نوقف شوي عند منتدى ليلاس الثقافي التوقعات على فكرة مو لازم إني اقلب كل التوقعات.. فيه توقعات فعلا بتصير مثل ما توقعتوها تمام وأيضا فيه أحداث عكس التوقعات تمام.. المهم صياغة الفكرة... مثلا التوقعات ربطت منتدى ليلاس الثقافي منصور بكاسرة...كساب بكاسرة....ومهاب بمزون ممكن من هالتوقعات يصح وحدة أو ثنتين أو حتى ولا وحدة.. فهل لابد إني أروح أقلب الفكرة عشانكم توقعتوها بكثافة؟؟ لا طبعا.. وهذي هي حلاوة لعبة التوقعات.. والمهم كيف بتصير او يا ماما لازم أزوج كساب من سميرة عشان تصير قنبلة التوقعات لأنه توقعك أنتي.. العبي غيرها <<< فيس يرقص حواجبه << موب تسوون كذا بالفيسات من زمان وأنا أقول التوقعات عندك تبي لها وزنية شوي ياماما.. لكن الملاحظة الذكية بالفعل عندك يازارا هي أنه العوايل انتهت بس الشخصيات لا باقي شخصيات مثيرة ما طلعت...وبتطلع في الوقت المناسب.. . منتدى ليلاس الثقافي . كساب العضلات من وين جات.. دام الرجل حلف وثلاث مرات إنه ماكل بروتينات...ليه ما تبون تصدقونه..؟؟ تقولون مدخن.. وما ينفع رياضة وتدخين.. صح نوفة؟؟ أقول لكم.. الرجّال قلنا ممكن يمر عليه أيام كثيرة ما دخن.. ولو دخن وحدة بس في اليوم منتدى ليلاس الثقافي يعني عبارة إنه ما يدخن.. بس عناد زايد الله يكفيكم شره.. لا وأزيدكم من الشعر بيت... الفترة اللي قعدها في امريكا.. تقريبا الزقاير ما طبت حلقه.. فيأما إنكم تقتنعون إنها رياضة وبس.. وياما تدورون لنا أسباب غير البروتينات.. وعلى فكرة هو ما هد الرياضة للحين طبعا.. بس الحديث عنها بياتي في وقته.. لكن بارت اليوم بنسمعه يتكلم بنفسه عن زعله من مزون.. . . كاسرة سعيدة جدا بهذا الجدل الدائر حولها لكن موقفها الذي سيتم وصفها فيه بعيون خاصة كما سبق واخبرتكم لم يأتي بعد.. طيب ياجيلو انتظريه بس توقعي توقع غير إيطاليا ذي؟؟ . . تميم كثر الجدل حوله...تميم تنتظره أحداثه الخاصة أنتظروه فقط . . نتوقف اليوم عند صديقتي الغالية ripe lady منتدى ليلاس الثقافي مناقشة ردود هذه الليدي الذكية يخيفني.. لأني أشعر بالخطر منها تبدو لي كما لو كانت قرأت الأجزاء قبل أن أنزلها...أو دخلت في عقلي لتعرف أفكاري وأنا أكتب مثلا تعليقها عن مزون ويا للعجب هو ذات ما ستقرونه في جزء اليوم ذاته تماما تعليقها عن كاسرة أصاب كبد الحقيقة بالفعل إحساسها بالألم لأنها ضُربت مع وضحى ولو لاحظتم هي لم تخطئ في حينها على مهاب ومع ذلك ضربها من أجل وضحى والكل يبحث عن رضى وضحى بينما هي اعتمدوا على أن قوتها تكفيها بالفعل أيتها الليدي أنتي معجزة..ويعجبني فيكِ كذلك التفاتك لتفاصيلي الدقيقة.. فأنا أهتم كثيرا بالتفاصيل ويحزنني حينما لا أجد أن هناك من انتبه لها مثلا أنتي الوحيدة اللي لاحظتي أن كساب عنده جوالين..لم تلفت هذه الملاحظة اهتمام أحد سواكِ وأنا لا أكتب شيئا عبثا.. سأحتاج لهذه الملاحظة فيما بعد شكرا أيتها الليدي لدقة ملاحظتك التي أسعدتني حتى نخاع النخاع . . هل تعلمون عزيزاتي مازلنا في البداية البداية أنتم حتى الآن لم تروا مثلا حتى مشهدا جمع مزنة بوضحى.. أو مزنة بتميم لتروا علاقتهما بأمهما لم تروا وضحى مع صديقاتها وكذلك كاسرة مع ناس من غير أسرتها حتى الآن مازال هناك كثير من جوانب الشخصيات لم تتضح منتدى ليلاس الثقافي لم تروا مثلا منصور مع شقيقه زايد كشقيقين فعلا.. لم تروا منصور مع مزون ولا سميرة مع والدها.. ولا حتى شعاع وعلاقتها الملتبسة بوالدها أو حتى علاقتهم بأمهم لذا أنتم تستعجلون في الحكم على الشخصيات ثم تتفاجأون بشيء آخر مثلا البعض ظن أن العلاقة بين شعاع وجوزاء يشوبها المشاكل لأن جوزاء مدت يدها عليها هل كل أخت تفقد أعصابها وتمد يدها على أختها.. يكون هناك مصيبة بينها وبين أختها؟؟ ولا بد من وجود كراهية بينهما الأخوة علاقة أعمق من ذلك بكثير اليوم سنتعرف على المزيد من العلاقة بينهما في جزء خاص بجوزاء اليوم <<< وتم تنفيذ المطالب بأسرع وقت يازوزو <<< هل تقرين ترتيبي للبارتات؟؟؟ . . اليوم أيضا سنتعرف على ردة فعل علي على والده فيما حدث...في قلب للتوقعات كما أظن وهذا هو ما أردته...أن اظهر أي شخصية مختلفة هو علي!!>> صح أميرة؟؟ . . اليوم ايضا مع المزيد من نجلاء وصالح وعلاقتهم الغريبة ومشاعر صالح الأغرب والأعمق وبنعرف المسج وش فيه يأهل الرومانسية<<< زين بوحة؟؟ وعلى صالح وتجلاء ستكون قفلة اليوم أيضا منتدى ليلاس الثقافي . واليوم أيضا مع المزيد من حزن مزون واليوم بالذات حزن علي ومزون وحوارهما مع نفسيهما ومع والدهما آلمني وأتعبني لحد كبير...أتمنى أن يصلكم إحساسي به بالفعل.. . بارت اليوم طويل ويدور كله في ليلة واحدة في تناقل بين الشخصيات والأماكن . . إليكم البارت التاسع . قراءة ممتعة مقدما . . لا حول ولا قوة إلا بالله . . بين الأمس واليوم/ الجزء التاسع في غرفته يدور.. حينا يجلس.. وحينا يقف.. لم يجد الليلة شيئا يستطيع دفن نفسه فيه.. حتى يحين موعد إرساله لرسالته اليومية لها.. منتدى ليلاس الثقافي الرسالة التي بقيت خيطا يعلم أنه يربط قلبه بقلبها حتى وإن لم تتكرم أن ترد عليه لو لمرة.. يقف ليفتح خزانة الملابس.. مازالت ممتلئة بملابسها.. يكاد أن يذكر لكل رداء منها حكاية من وله مصفى وهي يشعر حينما رآها فيه وكأنه رأى حورية تسربلت بالحسن من أجله وحده لا ينسى مطلقا شيئا خاصا ارتدته له.. لتصبح ذاكرته مزدحمة بعشرات الصور التي لم يغفل تفصيلا واحدا من تفصيلاتها.. وكيف يغفل وهذه التفاصيل انحفرت في ذاكرته حتى أقصاها؟!! لماذا تركت كل هذه الأشياء الخاصة بها وراءها؟؟ لماذا؟؟ "هل أردتِ تعذيبي أكثر؟؟ هل أردتِ أن تتأكدي أنني سأظل مقيدا إليك.. وذكرياتك تخنقني وتغرقني وتستنزفني حتى الثمالة هل أردتِ أن تتأكدي أن عبقك الساحر الذي تخلف عنك وبقي هنا سيبقى حبلا ملفوفا حول عنقي لا انفكاك منه؟! منتدى ليلاس الثقافي أي أنانية لا قلب لها أنتِ؟؟ إن كنتِ عزمتي على الرحيل.. فلماذا لم تجمعي كل أغراضكِ الموبؤة المسكونة براحتكِ الدافئة المسكرة إن كنت أنتِ رحلتِ.. فلماذا تتركين لي البقايا؟؟ لماذا؟؟ لماذا؟؟ إن لم تكوني أنتِ لي، فلا أريد هذه القمامة.. لا أريدها !!" حين وصل تفكيره لهذه المرحلة.. انتزع أشيائها من الخزانة وبدأ يقذف بها بغضب مجنون وروح ثائرة أثقلتها الوحدة والوجع واليأس.. ولكنه سرعان ما توقف وهو يعيد جمعها بلهفة أكثر جنونا... ليعيد ترتيبها كما كانت تماما في ذات المكان الذي وضعتها فيه أناملها الساحرة التي يقتله الاشتياق للثم شفافيتها.. لضمها بين أنامله السمراء " والله باستخف يانجلاء.. قربت استخف.. حرام عليش اللي تسوينه فيني حتى تهديدي بالزواج ماجاب نتيجة معش لذا الدرجة رخص صالح عندش؟!! منتدى ليلاس الثقافي صالح اللي ما أرخصش يوم!! أدري لساني يبي له قص أحيان بس والله أحبش يا بنت الحلال.. خلاص ارحميني.. باستخف والله باستخف ارحموا عزيز قوم ذل!!" تنهد بعمق وهو يجلس على الأريكة.. إحساس اختناق يطبق على رئيتيه.. يخلع فانيلته ويلقيها بعيدا.. يشعر أنه عاجز عن التنفس.. مخنوق.. يبحث عن ذرة أكسجين فلا يجدها.. يتمنى لو يستطيع تمزيق جسده حتى.. ليخرج روحه من أسر هذا الاختناق منتدى ليلاس الثقافي وهو غارق بهذا الإحساس الشديد المرارة واليأس والثقل.. تناول هاتفه .. ليرسل رسالته اليومية لها: " تدري ليه أكره غيابك ؟! لأني في الغيبة .. أموت ضيقتي .. بعدك تجيني و (البُكى) من غير صوت !" ******************************* نجلاء قرأت الرسالة وهي تغمض عينا وتفتح أخرى.. وخائن صغير يتمرد عليها لينبض بجنون في يسار قفصها الصدري.. تُسكت تمرده الذي فضح برودها وهي تعض شفتها السفلى بألم ثم تعيد الهاتف لمكانه وهي تصرخ في داخلها: "كذاب.. كذاب.. كذاب" سميرة نهضت من إغماءتها وهي تنظر لنجلاء في دهشة: أشوفش رجعتي التلفون نجلاء تهمس بهدوء ظاهري وهي تتجه للتسريحة لتمشط شعرها: ليه وش تبيني أسوي؟؟ سميرة بنبرة غضب: ردي عليه.. خافي ربش في المسكين.. ثم أردفت بمرح غاضب: يأختي رياجيلنا يأهل الخليج عندهم تقشف مشاعر احمدي ربش.. عندش واحد عنده فايض مشاعر ولا هوب عاجبش.. نجلاء تمسك بطرف التسريحة حتى إبيضت مفاصلها وهي تهمس بغيظ موجوع: قصدش عنده فايض كذب سميرة تبتسم: زمان قالوا "أعذب الشعر أكذبه" وأختش سميرة تقول: " أعذب الحب أكذبه" تلتفت لها نجلاء وهي تبتسم رغم إحساس الألم المتزايد في روحها: يعني أنتي تبين واحد يقول لش أحبش وهو يكذب عليش سميرة تبتسم وهي ترقص حاجبيها: يازينه زيناه الرجال الكذوب.. وش فيها الغزيلات؟؟ الغزيلات أصلا ملح الرجّال (الغزيلات=الكذبات الصغيرة) أما الرجّال اللي كل شيء صدق عنده.. فهو خيشة كبيرة تبتسم نجلاء: يالله لا تحرمني من أني أشوف سميرة عند رجّال مايعرف ريحة الصدق ويقطّع بطنها بكذيباته.. " والله لا يحرمني منش يأم خالد بيضتي وجهي" الاثنتان تقفزان وهما تنظران للباب المفتوح الذي يقف غانم عنده سميرة تلوي شفتيها وتمدها وهي تصرخ: من متى وأنت هنا..؟؟ غانم يضحك وهو يتقدم لداخل الغرفة: " من أعذب الحب أكذبه" يا فيلسوفة زمانش.. حينها تقفز سميرة لتجلس عند قدميه وهي تتمسح به باستجداء تمثيلي: داخلة على الله ثمن عليك ياطويل العمر ما تكوفني.. توبة من دي النوبة.. حرمت أتفلسف.. غانم يبعدها وهو يهمس بمرح: باعديها عشان أم خالد بس.. وإلا أنتي لو ما تكوفنين كل يوم يكون فيه شيء ناقص في روتين حياتش غانم يقترب من نجلاء ويقبل رأسها ويهمس بمودة ممزوجة بالاحترام: بيضتي وجهي يأم خالد.. الشباب يقولون وش ذا المطعم العجيب اللي أنت مسوي عشاك عنده.. قلت لهم: شغل البيت.. ماشاء الله تبارك الله كلوا لين قدهم بينفقعون من حلات العشا ثم أردف وهو يضحك: لا وفهيدان الكلب يشاورني يقول ردوا علينا مرت أخي.. هاد حيلها في عزايمك ثمن تمدّح على قفاها.. أقول له وأنت وشدراك إنها مرت أخيك.. العشا مسويته سميرة.. (قالها وهو يضرب مؤخرة رأس سميرة بخفة) تدرين وش قال فهيدان: قال يحرم علي مجالس الرجال وشرب الفنجال كن ذا من زيان أختك العِثبر (العثبر= التي لا تحسن صنع شيء) هذا زيان أم خالد ما يخفاني.. حينها انفجرت سميرة ضاحكة بغيظ: وولد عمك ذا بيموت وهو لسانه يلوط آذانه.. حينها عاود غانم ضربها على مؤخرة رأسها: مثلش.. ظني يقبرونش ولسانش يلالي.. ابتسمت نجلاء بمودة: جعل فيه العافية لك ولفهد.. بياض وجهك يابو راشد بياض لوجهي.. ثم قاطعتها سميرة بمرح: بس لا عاد تعودها.. تراك مسختها.. شكلك كنت تدعي إن نجول ترجع علينا عشان تكرفها في عزايمك.. ثم أردفت وهي تمصمص شفتيها: ياعيني على بختك يأختي.. ئليل البخت يلئى العظم في الكرشة.. هنا كارفينش وهناك كارفينش.. ثم أردفت وهي تطبطب بحركة تمثيلية على كتف نجلاء: مسيرك هتموتي وهترتاحي يا بنتي عند رب كريم.. غانم يضربها على مؤخرة رأسها للمرة الثالثة: مأ اشين فالش.. جعل يومش قبل يومها.. سميرة تتراجع وهي تضع يدها على فمها وتقلب ملامح وجهها في مشهد تراجيدي خالص ودموعها تبدأ بالتساقط: اعترفوا.. اعترف أنت وياها ينقلب وجه غانم ونجلاء من تغير ملامح وجهها بينما أكملت بصوت باكٍ مفعم بالتراجيديا التمثيلية: أكيد أنا مانيب بنتكم.. أنا بنت بطل الفيلم.. وأنتو عيال الحرامي العود اللي خطفني عشان ينتقم من بابا.. بس بابا لازم بيرجع وينتقم منكم على اللي سويتوه فيني وأنتو تعذبوني طول الفيلم.. قصدي طول ذا السنين اللي فاتت.. ثم أردفت وهي تسقط على الأرض وترفع يديها للسماء وتكمل تمثليتها: يارب أنت وحدك اللي شايف.. ابعت لي بابا.. أنا تعبت خلاص غانم يضحك وهو ينفذ عن ذراعيه: هدوني عليها ياناس.. وتقول ليش تكوفني.. سميرة تقفز وتختفي خلف ظهر نجلاء وهي تضحك: تراني في وجه أم خالد.. إلا لو أم خالد مالها حشمة عندك.. هذا شيء ثاني.. ********************************* طرقات حازمة على الباب..كانت حينها قد بدأت بخلع ملابسها.. أعادت حشر كتفيها المرمريين المصقولين في قميصها الحريري ليستر الحرير حريرا أكثر نعومة منه أغلقت أزرارها على عجل وهي تهمس باحترام: دقيقة يمه تعرف كل طارق من دقته.. ولم يخب حدسها يوما والدتها طرقاتها حازمة قصيرة وضحى طرقاتها ناعمة وكأنها تخشى أن تؤلم الباب مهاب طرقاته لها صدى ضخم لأنه يطرق الباب بقبضته تميم نقراته هادئة وطويلة وبين كل طرقة والآخرى زمن ما.. فتحت الباب لوالدتها على اتساعه وهي تهمس باحترام: هلا يمه.. فيه شيء؟؟ مزنة بعتب رقيق: يعني لازم إني ما أجي لغرفتش إلا لسبب.. كاسرة تبتسم: لا والله يمه مهوب القصد.. بس توني كنت معش من خمس دقايق.. مزنة بحزم حنون: بكرة أبيش تودين وضحى وسميرة يشترون لهم طابعة زينة عشان مشروع تخرجهم.. يقولون تعبوا من الطباعين.. كاسرة بعتب: ووضحى تبي لها وسيط.. ما تقدر تجي تطلب مني على طول؟!! مزنة بهدوء عاتب: يعني كل شيء لازم تفهمينه مقلوب.. وضحى أصلا طلبت مني أنا أوديها هي وسميرة.. بس أنا تدرين ما أحب المجمعات وإزعاجها وهم يبون فيرجن في فيلاجيو فانا حبيت إنش تكفيني... عندش مشكلة في ذا الشيء..خلاص قولي لي وأوديهم.. كاسرة بعتب مشابه: وأنتي بعد يمه لازم تلاقين شيء تغلطيني فيه .. ثم أردفت بهدوء عذب: خلاص فديت عينش.. عشانش أودي مندوبهم لو جاني بكرة عقب المغرب أوديهم.. وقولي لوضحى تقول لسميرة عقب صلاة المغرب على طول تجهز مهوب تنقعنا عند بابهم مثل كل مرة.. ****************************** يدخل إلى شقته وهو يسحب نفسه سحبا.. مستنزف من الإرهاق.. مستنزف من الوجيعة.. مستنزف من كل شيء في الحياة التي تبدو باهتة خالية من الألوان بعيدا حتى ألوان ذكراها التي أصبحت محرمة عليه حتى الذكرى!! حتى الذكرى لا حق له فيها!! يلقي بنفسه على الأريكة بعد رحلته الطويلة... فهو لم يجد رحلة مباشرة لجنيف.. وكانت أقرب رحلة لبرلين.. لذا حين وصل برلين أخذ قطار منها لجنيف.. ليتعطل القطار في الطريق.. ويعاني في رحلة التوقف التعيسة فوق إحساسه المر بكل شيء ما كاد يريح كتفيه.. حتى تعالى رنين هاتف شقته.. لم يكن له أبدا رغبة في الرد.. لكن الرنين استمر واستمر التقط الهاتف وبصوت مثقل بالإرهاق أجاب: ألو الطرف الآخر بغضب مستحكم: كذا تسوي فيني عليان.. علي تنهد مطولا وهو يمسح وجهه ويستعيذ بالله من الشيطان: السموحة طال عمرك.. سامحني جعلني الأول زايد بذات الغضب: أشلون تسافر بدون حتى ما تسلم علي.. ومن البارحة لين اليوم وينك.. حرقت جوالك اتصالات مسكر.. وتلفون شقتك ماترد عليه علي بإرهاق وهو ينتزع الهاتف اللاسلكي من قاعدته ويبدأ بنزع ملابسه عن جسده المنهكة ليستحم: جوالي فضا شحنه.. ورحلتي كانت طويلة شوي وأنا كلمت مزون على البيت وطمنتها عني.. ماقالت لك زايد بغضب متزايد: والله ياعيال زايد.. الظاهر ماعاد حد عطاني خبر شيء.. كلن يسوي اللي في رأسه وأنا مالي حشمة ولا تقدير على الأقل خافوا ربكم.. وإلا حتى ربي ماله مخوفة.. علي يجلس على سريره وهو يحتضن الهاتف بين أذنه وكتفه ويخلع حذائه ويهمس بجزع: تكفى يبه لا تقول كذا ثم أردف بوجع شفاف في مصارحة مؤلمة: يبه أنا مستوجع.. مستوجع خلني جعلني فدا خشمك أروق شوي ومالك إلا اللي يرضيك قفز قلب زايد إلى حنجرته وأحرف كلمات "مستوجع" تتلبس جسده كتيار كهربائي صاعق ينسف خلاياه وجعا صاعقا.. فهذا علي!! علي!! تمنى أنه جواره الآن ليأخذه في أحضانه.. ليقول له: " دعني أحمل هذا الوجع عنك فمازلت صغيرا على هذا الألم سامحني يا بني.. سامحني أعلم أني قسوت عليك.. ولكني وأنا أقسو عليك قسوت على نفسي وكل حزن جرح قلبك.. مزق قلبي تمزيقا لِـمَ لم تصارحني منذ البداية؟ إن كان لها في قلبك مكان ما.. لِـمَ لم تخبرني؟!! متى اعتدت أن تخبئ أسرارك علي ياعلي؟!! ظننت أن الامر لا يعدو شهامة منك تجاه ابنة خالتك ما ظننت للحظة أن هناك المزيد فأبوك يا بني خير من يفهم ألم الحرمان من حلم المعشوقة أعرف أي ألم صارخ هو.. فكيف أكون من يهديك إياه؟!! كيف أكون أنا؟؟!!" همس زايد بحنان مجروح: أجيك يأبيك؟!! انتفض علي بجزع.. يتركه في الدوحة.. ليجده أمامه في جنيف!! قد تكون رؤية زايد في هذا الوقت مقلبة لمواجعه ولكنه يا لا الغرابة مشتاق له!!.. فهو لم يكتفِ بعد من رؤية عينيه الصارمتين الحنونتين لا يستطيع أن يغضب من زايد.. لا يستطيع.. مجروح منه حتى عمق العمق لذا لا يريد أن يراه الآن ولكنه ليس غاضبا منه.. ولا يستطيع الغضب منه فهذا زايد.. مهما فعل يبقى زايد.. لو حتى قطع لحمه بمنشار صدئ لن يشتكي ويبقى زايد... "فزايد كفاه ماعاناه حتى مني.. لن أكون سببا للمزيد الكل جرحه قاصدا أو بدون قصد جرحتني يا أبي ولكن أ تصدق إن قلت لك أنني أفهم مبرراتك.. أ لم أكن رفيقك الدائم.. رفيق سمرك وحكاياتك؟! منذ توفيت أمي وأنا كظلك الذي لا يفارقك إلا مضطرا صدقني يا أبي حين هربت في المرة الأولى وحتى الثانية.. لم أهرب منك.. فكيف أهرب من روحي التي تتلبسني؟! كيف أهرب من جلدي الذي يحتويني؟! هربت فقط من جو ضاغط لا يتفهم ولا يرحم أتفهم ما فعلته حتى وإن كان جرحني ومزّق مشاعري فقد أحببت خليفة كما أحبتته أنت فأنت أرضعتني هذه المحبة مع حكاياتك التي لا تنتهي عنه في أحيان كثيرة كنت أشعر أنني رفيقكم الثالث في مغامراتكم وحكاياتكم وصداقتكم الفريدة لا أعلم يا أبي.. ربما لهذا السبب أردت جميلة أردت أن أضم بعض رائحة خليفة إلى صدري عل الصورة حينها تكتمل في عقلي (لماذا كان لقرب خليفة منك كل هذا التأثير؟!) " علي انتفض من وطأة أفكاره وهمس بمودة: تبي تأتي حياك الله زايد بحنان عميق: يمكن تبي لك شوي وقت تقعد بروحك.. تلافى زايد إخباره عن سفر عفراء وكسّاب اللذين سينزلان في جنيف أولا.. لأنه لم يرد أن يقلب عليه مواجع أي ذكرى وهو يتذكر أنه لا يستطيع السفر وترك مزون لوحدها حتى يعودا.. رد عليه علي بذات الحنان: أشلون أقعد بروحي وأنت روحي طال عمرك.. زايد بتأثر عميق: لا تعتب على أبيك.. والله إني مستوجع أكثر منك تدري بغلاك يا علي.. فلا تخلي شيء يشكك في غلاك وإلا يبعدك عني.. ******************************* مطار شارل ديغول طائرة جميلة تصل مازالت جميلة لم تصحُ من مخدرها.. والمصحة في مدينة أنسي البعيدة جدا عن باريس على حدود سويسرا.. ولكن كان لابد من النزول أولا في باريس.. حتى يستقبلهم المكتب الطبي القطري في باريس.. ويقومون بتسجيل دخولهم وبياناتهم لينتقلوا بعد ذلك لطائرة طبية خفيفة لم يكن على متنها إلا هم.. وهاهو خليفة يعاود الجلوس في مكانه جوارها.. يعاود النظر لوجهها الخالي من الحياة.. ومشاعر شديد الكثافة تخترم روحه.. يشعر أنه غريب مع امرأة غريبة في أرض غريبة.. ومع ذلك يجدان نفسيهما مرتبطين برباط لا انفكاك له رباط خانق يكتم على أنفاسه يستعيذ بالله من الشيطان الرجيم وهو يعاود النظر لوجهها.. تخرج خصلة من شعرها من تحت الطاقية التي ترتديها يحاول مد يده لإدخالها.. فلا يستطيع لا يستطيع... فيشير إلى الممرضة أن تفعل ذلك بينما عاود هو إسناد ظهره للمقعد.. والغرق في دوامات أفكاره العاتية *********************************** مزون في غرفتها.. في موال بكاء دائم.. ماعادت تعرف لماذا تبكي؟؟ ليس لأنها لا تعلم ما الذي يدعوها للبكاء ولكن لأن كل شيء يدعوها للبكاء ولا تعلم أيهم يستحق البكاء أكثر.. أو هي تبكي من أجله أمن أجل وجعها الشخصي.. ونظرة المجتمع لها.. وقسوة كساب عليها؟؟ أو من أجل كساب الذي فقد الإحساس بالسعادة؟؟ أو من أجل جميلة التي يبدو أنها قد تغادر الحياة دون أن تراها حتى؟؟ أو من أجل خالتها التي ما عرفت الراحة يوما؟؟ بل من أجل علي.. أحدث الجرحى وأقدمهم.. القلب الصافي المطعون؟؟ بل من أجل زايد.. نعم من أجله.. يحمل وجيعة الكل.. ولا أحد يحتمل مشاركته الألم.. الكل يحمله الذنب.. لا يعلمون أي وجع مضاعف يشعر به.. أوجاعهم فوق وجعه.. تنهدت بعمق.. توجهت للحمام لتغسل وجهها بماء بارد.. ارتدت روبها فوق بيجامتها.. وتوجهت لغرفته.. وكم فعلت ذلك!! "ماذا بقي لي يازايد سواك؟؟ وماذا بقي لك سواي؟؟ الحياة ستمضي يازايد.. ستمضي.. كلهم سيعيش حياته سيتزوجون وينجبون الأطفال وينسوننا سأبقى أنا وأنت نجتر الوحدة.. هل تعتقد يازايد أن كسّاب لو أنجب أطفالا سيسمح لي أن أحملهم؟؟ لن أصبح أما يوما.. فهل سيحرمني أن أشتم رائحة الأمومة في ثنايا أطفاله؟!! علي لا أظنه سيعود يوما يا أبي.. أصبح طيرا مهاجرا ماعاد يألف جونا.. اعتاد أن يهرب.. وسيبقى هاربا.. لماذا يعود؟؟ ماذا وجد هنا غير القهر والحزن مني أولا.. ثم من جميلة.. خالتي عفراء.. كم أتمنى أن تعود.. ما معنى الحياة خالية منها؟! ولكن روحها معلقة بجميلة لو رحلت جميلة.. سترتحل روحها خلفها.. قد تبقى جسدا ولكن بدون روح فكيف أعيش من دون روحها التي إليها أنتمي؟! أي أفكار مخابيل تلتهمني الليلة.. بل تلتهمني كل ليلة تعبت يا أبي.. تعبت من هذا الجنون والحزن واليأس ليت السنوات تعود ليصحح الإنسان أخطائه يا أبي.. ليتها تعود؟!" مزون كانت غارقة في أفكارها حتى وصلت لباب غرفة والدها طرقت الباب ودخلت كان يصلي قيامه حين دخلت.. لذا جلست على طرف سريره تنتظر انتهاءه حين سلم من صلاته التفتت ناحيتها وابتسم ..فزايد يشعر براحة عميقة بعد مهاتفته مع علي.. ردت عليه مزون بابتسامة مشابهة وهي تقف وتتجه ناحيته لتنحني وتقبل رأسه: مساك الله بالخير.. ولو أنه عدينا نص الليل زايد بحنان: اللي تقولينه كله زين.. نهض ليطوي سجادته ويضعها على المقعد.. ثم يخلع طاقيته ويجلس على سريره تجلس مزون جواره وهي تمسح شعره.. وتهمس بمرح: ماشاء الله يبه على ذا الشعر كله.. تبي تسوي سبايكي.. ضحك زايد: عيب يا بنت.. ثم أردف بحنين عميق: هذا سر أمي الله يغفر لها.. شعرها كان كثيف وواجد.. ثم عاد ليردف بابتسامة: ولو أنه اللي في عمري المفروض خلاص يصلع.. بس شعري عاده مقاوم عمليات التعرية ربعي الشيبان محترقين يقولون أنت وش تسوي بشعرك علمنا.. مزون تقبل شعره تم تحتضن ذراعه وهي تسند رأسها لكتفه: خلهم يموتون حرة .. وبعدين وش سالفة عمري ويصلع...توك شباب يا زايد.. ووسامة ورزة.. ضحك زايد: أما وسامة .. كثري منها يأبيش.. تضحك مزون: والله العظيم يبه إنك كل ما تكبر تحلى.. ثم أردفت بخبث لطيف: لو أنك بس تخليني أزوجك وحدة مزيونة.. قرص زايد خدها: عقب ما شاب ودوه الكتّاب.. مزون بابتسامة حانية: يبه والله ما أمزح.. توك شباب.. والله ما فيها شيء لو بغيت تتزوج.. ثم أردفت وهي تضحك: بس مهوب تستخف وتتزوج بنية في العشرينات تجننك وتجننا معك.. زايد يحتضنها بحنو: لا يأبيش.. لا عشرينات ولا خمسينات.. ثم همس وهو يشدد احتضانها: خلينا فيش.. مستعدة لبكرة؟؟ تصلب جسدها قليلا ثم همست ووجها مختبئ في صدره: إن شاء الله.. أنا أصلا اللي كلمتهم وقلت لهم بجي للمقابلة بكرة عقب ماكنت مأجلتها على أساس إنه حنا بنسافر مع جميلة همس لها زايد بثقة حانية: لا تحاتين شيء يأبيش.. أنا وصيت الجماعة عليش وأبشرش بتطيرين مع طاقم نسائي كامل.. الكابتن وحدة انجليزية اسمها إيمي ميلر.. والمساعد الأول بنت سورية.. فسافري وإنتي مطمنة حينها انتفضت مزون بسعادة مفاجئة وهي ترفع رأسها لتنظر إلى عينيه: صدق يبه.. صدق.. مامعنا رجّال.. زايد بحنان: أفا عليش.. وراش زايد.. واللي تبينه يصير.. بيضي وجهي والله الله في الستر والحشمة.. ********************************* طائرة تتهادى بين السحاب.. تفتح عينيها بهدوء لتجده جوارها مستغرقا في قراءة كتاب.. تهمس بابتسامة: شكلي نمت واجد.. لي يومين ما نمت.. شكلي ماصدقت يرتاح بالي شوي أنام يغلق الكتاب ويضعه أمامه ويهمس بمودة: شكلش منتهية من التعب.. ثم أردف بمرح: لا وتشخرين بعد ضحكت بمرح: لا عاد في هذي كذبت.. أنا ما أشخر.. وإسأل جميلة ومزون حينها شعرت بانقباض ما.. وهي تتذكر صغيرتيها التي كل واحدة منهما في بلد همست بهدوء حذر: يأمك يا كسّاب ما تشوف إنه كفاية اللي تسويه في مزون قطعت قلب البنية.. تصلب جسد كسّاب ولاحظت بوضوح عروق عضده ورقبته التي برزت بعنف ودلت على استثارة الغضب التي يشعر بها: خالتي سكري ذا الموضوع خلي ذا الرحلة تعدي على خير.. طاري بنت أختش يعصبني قاطعته خالته بسخرية مرة: يعني أشلون ماعاد هي بأختك؟؟ ما تحبها؟؟ كسّاب ببرود ساخر: أحبها؟؟ لو أقدر مصعت رقبتها مصع.. لكن خايف ربي بس ..وإلا هي مهيب كفو عفراء بجزع: يأمك وش ذا الكلام.. عمر الدم ما يصير ماي.. وأنا عمري ما شفت أخ يحب أخته مثلك كساب بذات البرود الساخر: كان يحبها.. ذاك زمان مضى.. هي ماقدّرت ولا حفظت معزتي لها.. 13 سنة كاملة من عقب وفات أمي الله يرحمها وأنا حاطها فوق رأسي ومبديها على كل شيء في حياتي لو حتى بغت لبن العصفور والله لأجيبه لها.. والزعل على قد الغلا اللي كان عفراء بهمس موجوع: يعني خربتها بالدلع وعقبه تجي تحاسبها.. كساب بمقاطعة: لا يا خالتي.. لا تركبيني الغلط.. هذا كلام مأخوذ خيره ثم أردف بوجع مغلف بالبرود أو ربما برود مغلف بالوجع: مزون ماكانت أختي بس كانت بنتي.. كانت أغلى مخلوق عندي.. كل الحنان اللي ما لحقت أمي تعطينا إياه.. أنا عطيتها إياه.. وعقبه تجي وتكسرني.. وتصغرني قدام الرياجيل.. لو أنا ما رجيتها بدل المرة ألف كان دورت لها عذر لكن مزون مالها عذر.. مالها عذر.. والله لو كانت بس تغليني نص ما كنت أغليها ماكان هان عليها تبيعني عشان شي مايستاهل الجرح يوم يجيك من الغاليين مهوب يجرح بس يا خالتي.. لكن يذبح!! مزون خلاص ماعاد لها في قلبي مكان...فسكري ذا الموضوع أحسن.. ثم أردف وهو ينظر تحته ليتشاغل عن همومه التي أثارتها خالته بينما يحاول هو تناسيها: شكلنا على البحر المتوسط الحين.. ************************** "جوزا مابعد نمتي.. ممكن أدخل" همسها الهادئ: تعالي شعاع فتحت شعاع الباب ودخلت وأغلقته خلفها بخفة.. وجدت جوزاء تجلس على سريرها وهي تقلب ألبوما تريه لحسن الصغير وتسأله: من ذا؟؟ يجيب بابتسامة صافية: بابا فتسأله بحنان: وبابا وين الحين؟؟ يجيب بذات الأبتسامة : عند لبي. (ربي) فتسأله بحنان أعمق: واللي عند ربي.. وش نقول له.. حسن بعذوبة: الله يلحمه.. (يرحمه) شعاع فاضت عيناها بالدمع دون أن تشعر وهمست بصوت مبحوح: تكفين جوزا خلاص لا عاد تورين حسن صور أبيه.. تعلقينه فيه وهو حتى ما عرفه ترا اللي تسوينه غلط والله غلط... هو وش عرفه وش معنى عند ربي الحين يظن إنه رايح شوي ويرجع.. جوزاء بألم شفاف: مهوب هاين علي إن حسن ما يكون عنده على الأقل ذكرى أب.. شعاع تجلس معهما على السرير وتحتضن حسن وتنظر معهما للصور وتحاول أن تبتسم: بس تدرين مثل زين عبدالله الله يرحمه ماشفت.. إن شاء الله حسون يطلع يشبهه جوزاء بعتب: أحسن.. عشان ما يطلع مثل أمه الشينة... اللي كل الناس أحلى منها شعاع همست بحرج وهي تعرف سبب تلميح أختها: جوزا أنتي والله مافيش قصور وكلش جاذبية..وهذا الشيء أنتي عارفته زين بس هذاك اليوم يوم عذربتي في وضحى.. طلعتيني من طوري جوزاء بنبرة عدم اهتمام موجوعة: يا بنت الحلال أدري أني مافيني قصور اللهم لك الحمد والشكر ولا عندي أي شك في شكلي.. بس الحق يقال عبدالله الله يرحمه كان أحلى مني .. قوية المرة تقول إن رجّالها أحلى منها.. بس هذي الحقيقة شعاع تقاطعها بحزن: بلاه ذا الموضوع.. وهاتي الألبوم أدسه.. وانسي.. يعني اللي يشوف حرصش على عبدالله بذا الطريقة.. يقول إنش كنتي تموتين عليه.. ترا كل اللي قعدتيه معه ما يجون شهرين حتى.. مالحقتي حتى تعرفينه الله يرحمه جوزاء تقف لتنظر لنفسها في المرآة الطويلة وتهمس بوجع: أول ما شفت عبدالله ليلة عرسنا توترت من وسامته اللي زيادة عن الحد قلت صحيح أنا حلوة وماشي حالي بس هذا المفروض يأخذ ملكة جمال.. ليش أمه اختارتني؟؟ بس عقب قلت.. يمكن عشان ستايلي يعجب العجايز.. بس هو ما ظنتي عجبه شيء فيني اقتربت من المرأة اكثر وهي تضيق بيجامتها الحريرية عليها لتتضح تضاريس جسدها المثالية لدرجة الخيال المستعصي على كل تصور والتي لم تتأثر مطلقا بإنجاب طفل شعاع بمرح: تكفين رخي البيجامة.. أنا أختش ما أستحمل.. أشلون اللوح اللي كنتي ماخذته ثم أردفت بجزع: يا الله لا تأخذني.. الله يرحمه.. اللهم أني استغفرك وأتوب إليك جوزاء أكملت وكأنها تحادث نفسها: أحيان كثيرة كنت أشك إنه يدري لو أنا موجودة معاه في الغرفة.. أقول يمكن لو أنا كرسي كان انتبه لي والمشكلة إنه الناس كلهم يقولون عنه: رجّال مافيه منه اثنين.. وين الرجّال هذا؟؟ أنا عشت مع لوح بكل معنى الكلمة.. الشهرين اللي قعدتهم معه حتى سالفة وحدة على بعضها ماقالها لي.. أحيانا كنت أشك في قواه العقلية.. بس عقب صرت أشك في عقلي أنا لأني كنت أشوف هله باقي ويحطونه فوق رووسهم من كثر ما يحبونه ويحترمونه.. ومعهم يكون شخص ثاني.. شخصية غير وطلاقة في الكلام.. واحد ثاني مذهل لكن يتسكر علينا باب.. يرجع لوح مرة ثانية.. يتجاهلني كأني غير موجودة حاولت بكل الوسائل أثير أنتباهه.. ألفت إعجابه.. أحسسه إنه على الأقل فيه مخلوق بشري معه في الغرفة.. بس بدون فايدة لا وتخيلي عقب ذا كله.. أحاد عليه 8 شهور كاملة... يعني الأخ ما تنازل ولمسني إلا مرتين وأخرتها أتورط بحمل يمدد الحداد الدبل ثم التفتت خلفها وهي تنظر بحنان لحسن الذي نام : بس أحلى ورطة في حياتي الله يخليه لي شعاع بألم وهي تحتضن عضد جوزاء وتسند خدها لكتفها: جوزا ما تتعبين من ذا السيرة جوزاء بألم عميق وهي تمسح على خد شعاع: خليني أفضفض.. أنتي الوحيدة اللي تدرين... أحيان كثيرة والله احتقر نفسي على أفكاري الغبية والمريضة بس شاسوي يا اشعيع غصبا عني.. غصبا عني.. ما أدري ليه أتصرف كذا والله إني صرت أكره نفسي من تصرفاتي مثلا والله أدري كاسرة مالها ذنب عشان أكرهها.. بس والله ما استحملت خالات عبدالله اللي دايم يقطون كلام وظنهم إني ما أسمع (من جدش تأخذين هذي لعبدالله خيرت عيالنا.. شوفي بنت خالها.. هذي اللي المفروض تأخذ عبدالله ..) في أحيان كثيرة أسأل نفسي لو عبدالله خذ وحدة جمالها صارخ مثل كاسرة.. وحدة تملأ عينه يا ترى كان اللي صار صار ما تتخيلين يا شعاع الشهور الثمانية الحداد اللي قعدتها في بيت هله.. كانت عذاب..عذاب.. حتى العذاب شوي على اللي شفته لولا نجلاء مرت صالح كانت تخفف علي أو كان استخفيت الحزن والذنب خنقوني.. كل ما حطيت عيني في عين عمي أو عمتي.. حسيتهم يحملوني ذنب اللي صار عبدالله ثم انهارت في بكاء مفاجئ بعد تماسكها الظاهري: وجهي كان نحس عليه.. أنا نحس.. نحس ليتني ماخذته .. ليتني ماخذته وقعد عايش لهله **************************** مازال يدور في غرفته.. يغتاله السهد الليلة ووطأة الذكريات لا يعلم لِـمَ كان لديه أمل ما أنها قد ترد عليه بأي شيء الليلة.. فهو وصل منتهاه.. منتهاه!!! عاجز عن النوم.. مثقل بالتفكير.. يتمنى لو ينام قليلا فقط.. فلديه عمل غدا أصبح كل شيء مملا بعيدا عن ألقها.. بعد أن كان يصحو على رفرفة قبلاتها كفراشات معطرة حطت على وجهه.. هاهو يصحو وحيدا على صوت منبه مزعج أشبه بصفير الموت بعد أن كان يرتدي ملابسه وعيناه تطاردان بولع حركتها الدؤوبة في الغرفة وهي ترتب فوضاه يرتديها وهو يتحاشى النظر لأي شيء قد يثير ذكراها مع هبوب نسمات الصباح التي تذكره بها قسرا.. فهذا النسيم العليل الموجوع يمر على وجهه بحنان مشفق.. مثلها!! لماذا انقلبت هكذا للنقيض؟؟ لماذا؟؟ يشعر أنه يختنق يختنق.. سينفجر من غرفته.. ومن كل ذكرياتها الموبؤة.. من رائحتها المعطرة الشفافة التي تملأ جنبات الغرفة لتشعل شوقه الملتهب.. أي ألم هذا؟؟ كل شيء يخصها هنا.. إلا هي.. إلا هي!! طرقات حازمة على باب غرفته يهتف بهدوء ظاهري: ادخل ياللي عند الباب.. يدخل فهد العائد لتوه من بيت عمه راشد.. ينظر لصالح الجالس على الأريكة ويقول بهدوء مرح: شكلك كنت تبي تسبح يأبو خالد.. صالح ينتبه أنه يجلس بدون فانيلة..يقف ليتناول له واحدة أخرى من الخزانة يرتديها وهو يقول بذات الهدوء الظاهري: لا كنت ألبس يوم دخلت حضرتك فهد يتقدم خطوتين للداخل ويهتف بابتسامة: وينك ماحضرت عشاء غانم فاتك خوش عشاء ثم أردف بخبث مرح وهو يغمز بعينه: شغل أم خالد حجت يمينها.. حينها صرخ صالح بثورة مفاجأة مزقت هدوءه الظاهري: فهيدان أذلف تراني ماني بناقص ملاغتك الليلة.. فهد مازال يبتسم: أفا أفا يأبو خلودي تونا اليوم الصبح حبايب.. صلوحي وفهودي.. صالح من بين أسنانه: أقول فهيدان أذلف.. ترا أبليس راكبني الليلة.. فارق قدام أخلي وجهك شوارع حينها غادر فهد وهو يرسم على وجهه علائم الغضب المصطنع.. أغلق الباب خلفه بخفة.. ولكنه عاود فتحه وهو يطل عبر الباب نصف إطلاله وهو يضحك: ما ألومها أم خالد هجت.. قالب وجهك ترّوع لك قبيلة.. تيك إت إيزي بيبي.. وقبل أن يرد صالح عليه أغلق الباب خلفه وصوت ضحكاته مازال يتعالى.. بينما تعالى غضب صالح المكتوم: هذي أخرتها يا نجلاء.. خلتيني مضحكة حتى للبزارين.. زين أخرتش بترجعين وبيطخ اللي في رأسش.. بعد عدة دقائق صامتة.. قفز ليرتدي ملابسه.. ويلتقط مفتاح سيارته.. ويخرج دون غترة حتى.. دار في الشوارع طويلا.. قبل أن يقف في شارع فرعي.. يتناول هاتفه ويرسل لها رسالة: "أنا الليلة بايعها بايعها لو ما رديتي علي بأي شيء.. أي شيء والله لأجيكم لين البيت.. وتراني أصلا في سيارتي.. دقيقتين وأكون عندش" في وقتها كانت نجلاء.. تستعد للنوم بعد أن عادت من غرفة ولديهما وحصنتهما بالأذكار وأطمئنت على وضعهما رفعت رأسها عن المخدة وهي تشعر بتوجس.. "يالله مسا خير" قرأت الرسالة.. تنهدت بعمق.. وكتبت له: "أبو خالد الله يهداك.. أمسي إذا أنت فاضي.. انا وراي قومة الصبح مع عيالك" "وهذا اللي الله قدرش عليه تقولينه لو قدرت أمسي كان أمسيت.. ما أنتظرت أوامرش" "لا تنبشني يأبو خالد خلني ساكتة" "اشتقت لش ما تحسين أنتي؟؟ ويش اللي يمشي في عروقش.. ماي؟؟ اشتقت لش.. حسي فيني خلاص والله ما أقدر أصبر من غيرش ومن غير العيال" حينها تنهدت نجلاء بعمق وهمست لنفسها بغيظ : زين يالرومانسي.. تبي كلام حلو.. حاضرين أرسلت له: " جرحتني جرح(ن) كبير(ن) وباين جرحتني جرح(ن) يمس الكرامة هنت الغلا كله وعيني تعاين بعت الهوى وأقفيت تنعي حطامه لا تحسبنّي وإن قسى الوقت لاين لا والذي يحصي بعلمه أنامه إنسى غرامي ثم فكّر وعاين شف موقعك وإرسم لحدّك علامه حدّي رسمته وأصبح اليوم باين لم يرد عليها.. وشعرت نجلاء بتوتر غير مفهوم.. وحزن أكثر استعصاء على الفهم.. "جرحته.. أدري إني جرحته.. بس هو اللي جابه نفسه" بعد خمس دقائق.. وصلها رسالته: "يا بنت عمي.. أنتي والله على قولت المثل: سكت دهرا ونطق كفرا . . طلي على حوشكم" نجلاء شعرت بالرعب يتصاعد في قلبها.. خرجت تتسحب من غرفتها للصالة العلوية التي تطل شبابيكها الكبيرة على باحة البيت شعرت بالرعب وهي تتعرف سيارته التي تقف في منتصف الباحة اتصلت به فورا وهي تهمس برعب من بين أسنانها: وش جايبك هنا يالمجنون؟؟ نظر صالح للأعلى رأى خيالها بين الستائر.. نزل من سيارته.. ليقف بجوار السيارة ويسند جنبه اليمين على مقدمة السيارة ويهمس بثقة: انزلي... بأروح لمقلط النسوان.. لازم نتكلم نجلاء شعرت بألم غير مفهوم وهي تراه يقف بدون غترة.. طوال عشرة السنوات الماضية.. يستحيل أن ينزل من غرفتهما حتى لداخل البيت دون غترة فأي هم هذا اللي أنساه إياها؟!! ولكن انفعالها التهم أي مشاعر اخرى: وش كلامه.. أنت عارف إني أبي الطلاق.. الحال بيننا هذا ما يمشي ولا هذي أول زعلة تصير بيننا على سبت ذا الموضوع.. كل مرة تقول آخر مرة.. بس ما تتوب من تجريحي صالح كأنه لم يسمع شيئا وهو يرفع عينيه للأعلى ويهمس بنبرة أمر صارمة: أقول انزلي يأم خالد.. انزلي قدام أطلع لش شعرت نجلاء برعبها يتصاعد لتنحدر لهجتها للرجاء: صالح تكفى.. روح.. غانم في غرفته وابي وبعد.. لو حد منهم شافك.. وش بيكون موقفك؟؟ صالح بثقة : أنا ما سويت شيء غلط.. أبي أكلم مرتي.. اقصري الشر وانزلي لي قدام اطلع لش رعب نجلاء يتزايد.. تعلم أنه قد يفعلها: تكفى صالح لا تفضحني تعال بكرة الصبح.. خلاص والله بأقعد معك ونتكلم صالح بغضب: كذابة.. صار لي 4 شهور ما شفتش يالظالمة.. وكل ما طلبت أشوفش تحججتي بألف حجة.. نجلاء بغضب مغموس بخجل عميق: قومي شين فعايلك تيك المرة.. خوفتني أقابلك مرة ثانية.. أنت واحد ما تتحكم في نفسك رغم غضب صالح.. ولكنه ابتسم لمجرد الذكرى.. ليهمس بخبث مغلف بنبرة خاصة: يومش خايفة ومستحية كان جبتي أمش معش.. والله ما حد قال لش تجيني بروحش في المقلط.. لا وتردين الباب بعد أنا بصراحة فهمتها دعوة.. ولو جيتي للحق هي ما تتفسر إلا كذا وبعدين واحد ميت من الشوق لمرته.. وش تتوقعين يسوي.. يقول لها مساش الله بالخير من بعيد ليش مكبرة السالفة.. ترا كلها إلا كم بوسة.. نجلاء تغمض عينيها وتضغط جانبي رأسها من شدة الخجل... مازالت رغم مرور السنوات تحتفظ في داخلها بروح صبية مغلفة بحياء مهذب.. الروح التي لطالما أسرت صالح وأذابت جوانبه بحياءها الرقيق لتصرخ من بين أسنانها: قليل أدب.. وما تستحي توكل على الله و لا تجي بكرة والله لما تحرك سيارتك الحين إني لأقول غانم يتصرف معك حينها رأته يميل بجسده أكثر على مقدمة السيارة وهو يستند بثقله عليها.. ويهمس بثقة ساخرة: تخوفيني بغنوم البزر... خليه ينزل.. أنا أتناه إذا أنتي بايعة أخيش.. خليه ينزل.. #أنفاس_قطر# . . . مع نهاية أجزاء هذا الأسبوع ننهي أيضا مرحلة مفصلية لنبدأ مع الأسبوع القادم مرحلة جديدة نبدأ فيها بالغوص في الحياة اليومية للأبطال ونحن مع هذه اليوميات أيضا سنبدأ ندخل في صلب الأحداث وبكثافة في أحداث جديدة تقلب كثير من التوقعات.. وبعضها قد يماشيها فإلى الملتقى بأذن الله . . |
يعطيك العافيه يالغاليه
اللي يعجبني دائما باسلوبك في رواياتك انك تبين توصلين قاعده لقراءك من ان الواحد لا يحكم على الشخص من اول نظره ولا يحكم بالظاهر الا من بعد المعاشره واتضح لنا بشخصية كاسره اللي كلنا بالبدايه ما عجبتنا شخصيتها ومع الاحداث ظهر لنا الجانب المشرق فيها واتوقع انها بتتزوج منصور.. علي يصور لنا مثالآ للابن البار عجبني اسلوبه مع زايد على الرغم من غضبه الا انه لم يتعدى عليه بالكلام وهذا من ابسط حقوق الوالدين بس كثير يغفل عنه وخصوصا الشباب بالوقت الحالي .. كساب يا حلوك تعجبني ..وين ابو الشباب يسمعني فيه حنان فضيع مه اهله بس عصبييي بشكل ماالومه من زعله من مزون وفعلا مقولته يوم قال على قد الحب يجي الزعل والجرح من الغالي يذبح وخصوصا اننا المجتمع الخليجي لنا عادات وحدود للبنت بمجال عملها وهي تعدت هالشي مع اني رحمتها وهي تصيح وتبكي حالها هي تعودت على الدلع والاحتواء من الجميع وخصوصآ كساب نجلاء وصالح ويا عيني على الحركات صحيح الكرامه اهم من الحب وكلاهما مكمل للثاني بس احس زعل نجلاء طول حبتين عطيه فرصه وخصوا انه ميت على ترابها تسلمين يالغلا بحفظ المولى |
وعليكم السلام ورحمةالله وبركاته
هلا وغلا ومرحبا حيا الله انفاس قطر العزيزه وبدين في هذا الجزء تتعمق لنا الشخصيات وعرفنا وش قصة جوزاء مع زوجها عبدالله بس لس ماعرفنا وش قصة عبدالله وليش كان يعاملها كذا ببرود وبجفاء وخلال شهرين مايلمسها الامرتين وهم عرسان اكيدفيه شي كبير بس كيف بنعرف الحقيقة اذاكان عبدالله ميت ممكن يكون فيه طرف ثالث يعرف الحقيقه ممكن يكون فهداوامه او حتى صالح بس مين بيوصل الكلام لجوزاءهذااللي بنعرفه من انفاس ان شاء الله ::::::::::::::::::::::::::::::: زايدوعلي وعلاقه عميقه وقويه واتصال كان موجع ومؤلم والله اني بكيت معهم والحمدلله اللي الله زين الاموربينهم يالله عاد يازايد دور لحبيب قلبك بنت تعوضه عن جميله وبسرعه زوجها له :::::::::::::::::::::::::::::: مزون والحزن المستمر الذي لاينقطع اتوقع من بكره ومع ممارستها لمهنتهابتبدا شوي شوي تنسى الحزن وبتبدا تفكر كيف ترد على مهاب ونغزاته عليها وبيبدون سجال وكلام الله يعين مزون ويقويها ::::::::::::::: نجلاء وصالح ويعيني على الحب يومنك تحبها كل هالكثر ليش ما مسكت نفسك ياشيخ وحاولت تغير من كلامك من اجل عين تكرم مدينه وياشين بعض المزح اللي يجرح وياكثر مايسوونها رجالنا لاواذا زعلتي قال يوووه انتي زعلتي اصلا اناكنت امزح وانتي ماتعرفين المززح معليش ماكملت كاسره مشكلتها في شخصيتها القويه فالناس علشان هذي القووه يحسبونهاماتحس وان مالها مشاعرمثل بقيةالبشروهذا اللي خلاامها دايما تقولها انتبهي لوضحى ولازعلينها وهي ماحد انتبه لها وهذامع الاسف تعاني منه كل مراه قويه سواء عند اهلها او عند زوجها يبغون منها ويبغون بس هي ماحديعطيها الحنان والحب والمشاعر :::::::::::::::: اخيرا اشششششككككككرك من اعماق قلبي يانفوسه على التزامك وانضباطك سلمت يداك والله يعطيك الصحةوالعافية ::::::::::::::: لااله الاانت سبحانك اني كنت من الظالمين |
السلام عليكم ورحمة الله وبركاته
سوري عاللقآفة .. ~ معنـى كلمة ( آبو تمبة ) .. لفظ سخرية يطلق على الشخص السمين نوعـآ مآ .. شكرا معزوفة حنين ......لا لقافة ولا حاجة بل اعطيتني معنى كلمة ساضيفها الى قاموس للغات المحلية لدي ... وجزاكي الله خيرا ...... |
انفاس.. تسلمين عالبارت فديتج<< فيس يبوسج وشال ورده وشمعه<< وتستمر الرومانسيه
قبل كل شي .. فيس يسجل الملاحظات الرومانسيه..والمسجات.. وبعدين دامنا وصلنا لاتجاه اخر للاحداث خلاص ما شي توقعات لهالبارت<< فيس مخه مقفل طول الاسبوع يتوقع.. تصدقين هالكاسرة تعبت منها وهي كساب كل يوم اييوزهم لحد يديد في القصه<< فيس متحمس وما عنده ون تو مزنه لا لا.. ما عيبتينيه موليه.. امروحه لها لحجرتها بس عسب تودي اختها تشتري لها برنتر.. افاا.. انتي لو تبينها تستوي لج برنتر بتستوي<< فيس البنت الباره " اماية زارا تعرفينه فديتج" علي فيس رومانسي متاثر و يصيح.. مستويع..هي يا علي.. المشكله في ويع النفس.. ويع اليسد يتعالج.. بس ويع النفس منو يعالجه<< فيس شيبه.. ما عليه يا ابويه.. ربك بيعوضك ان شاء الله<< فيس يخفف عليه كساب صادق يا اخويه.. مشكله اليرح لا يا من غالي.. تتعده شرات عيالك.. لو يطلب عيونك تعطيه.. وفجاة يكون هو سبب ويعك وعقوك.. تجوف الناس يرمسون عنه وما تروم تردهم<< فيس عاش الاحساس وياها.. هونها وتهون وانا اخوك<< فيس ملتحي كاسرة يا اختيه انتي طيبه بس لو تقللين من اندفاعج شويه.. تعالي<< فيس ميود ايدها بيرمسها.. اليوم بالذات عيبتيني.. خصوصا موقفج ويا امج<< فيس يقول جي ظهرت في موقف ثاني غير هذا.. المهم عيبني برج لها وبس<< فيس البنت البارة اللي فوق زايد الاحساس بالذنب احساس قاتل..كذلك الذي يتعرج السم.. موت بطي يقتل حنايا الروح في اليوم مئات المرات.. ان تكون انت السبب في الم من تحب.. انت من انتزع قلبه دون رحمه<< فيس توه يتعلم الكتابه.. هي يا زايد انته يبي لك اعاده تاهيل لعلاقتك ويا عيالك.. جوف من اليوم بنبدا نحاول نرجع المياه لمجاريها<< فيس متعاون مزوون زين سويتي شي مفيد في حياتج غير الصياح<< فيس يمسح دموعها.. هي تعالي عاد انا كنت بهد عليج اليوم.. كساب ماخذ موقف من ابوج بسبتج.. وانتي ما تجوفينه الا في السنه احسنه.. زين اتذكرتيه<< فيس ما عيبته علاقتها بابوها.. الحينه اسمعينيه عدل.. ابيج اتبيضين ويهنا.. ابوج وحليله تعب وياج.. عوضيه عن تعبه<< فيس ينصحها سميرة فيس شال الاوسكار بيعطيها.. انتي ثروة لازم نستغلها.. شرات كل بارت.. طلي علينا<< فيس يستانس عليها جوزا فيس متاثر ودموعه شلالات.. خلاص قطعتي قلبه.. عاد لو انه حي جان بجوف شغلي وياه<< فيس متعاطف وياها واايد.. اله يرحمه ويعوضج حبيبتي.. بس انتي ما عرفتي اشحقه.. يمكن في خاطره وحده ثانيه.. ولا انه معرس<< فيس راعي مشاكل صالح دامك تبيها وما تروم تعيش بلاياهااشعنه اتزعليها ها.. جوف انته محتاي استشارة من استشاراتنا عسب تعرف شقايل ترد حرمتك<< صح زوزو.. فيس قرر يعطيه استشارة من استشاراتنا نجلا بس يا بنت الحلال.. ارحمي حاله والله انه قطع لي فواديه.. الريال يبيج.. بس انتي قلتي هب اول مرة.. هاي بعد صعبه.. زين شرايج اتردين له وتكون اخر مرة لو عادها خلاص خليه يطلقج<< فيس مصر انها ترد له فهد انته جي<< فيس مسوي له اوكيه.. بلاهن البنات يبنك تاخذ كاسرة.. احس بيتكم بيغدي ثكنه عسكرية جان خذتها<< فيس يتخيل.. اقول شرايك بسميرة .. ولا اقول سميرة بعد ما تنفع لك.. زين وضحى<< فيس مصر اييوزه نترياج فديتج<< الفيس راعي الورود http://www.liillas.com/up3//uploads/...29afe633ce.gif |
لا لا لا
وش هالجزء حرااااااام عليك نفوسة يعني ما عرفتي تتطولينه شوي شوي بس عشان خاطر زوزو عمت ابنك مو حراااام عليك اقعد معلقة ومنتظرة الرومانسية ليوم الاحد من بيرحمني الحين ويقول لي وش راح يصير انا كذا اموت وازعل واطق تبي اطق من شوقي للبارت يعني لو بس كملتي صالح وش راح يسوي لما يشوف نجلا كان قلت لك خلاص ما نبي البارت الاحد خليه الاثنين لكن الحين وانا قاعدة مقهورة وقلبي يوجعني ودموعي سكايب سكايب منك بقول يا ريت لو يكون بكرة والا حتى بعده لاني خلاص ذبحني الشوق على قولتهم الا اعرف اش راح يصير اهىء اهىء << فيس منهار قاعد يبكي وبراطمه واصله الارض سميرة :: تهبل تجننننن تونس بصراحة كله كوم التراجيدية الثمثيلية عندها كوم ثاني خلتني افطس ضحك ربي يسعدها يا رب ويبعث لها واحد كذوب ههههههه .. بس سميرة للحين عندها خلف هالضحك والفرفشة شيء بنعرفه أضن انها حكيمة هالبنت ويجي من وراها << فيس واثق من كلامه ..ومنتظر متى يشوفه بس الحين نجي لسميرة من بتأخذ<< شاغلني الموضوع انا اقول فهود الحبوب اقرب واحد لها بأعتبار خفة الدم اللي عليه فديت قلبه والمناكشات الصغيرة اللي شفناها ممكن تسوي لنا جو .. أو انها تأخذ علي مدري ليه لما شفتها اليوم قلت تنفع لعلي بالذات في الغربة منها تسلي عليه ومنها تكون له مصدر للحنان والعاطفة لان شكلها مليانة عاطفة << توقع خجول على قولة الابلا ربي يذكرها بالخير .. غنام :: معقولة بكرة نشوفه واقف معاهم في السوق مدري ليه قلبي قارصني ويقول اللي كانت السبب في تكسير اسنانه كاسرة ربطت الكسر بالاسم ههههههههه يعني ممكن نشوف موقف بين هالاثنين يا عابر من عند الباب لما يمرون لسميرة يا راح يدوم لما يصر عليهم الشيخ غنام انه يرافقهم بأعتبار انهم بنات لوحدهم ورايحين لمجمع << فيس منتظر البارت على نار .. عشان يعرف اللي توقعه صح والا لا ... كاسرة :: اليوم ما شفناك كثير بس البارت الجاي بنستمتع معك يمكن يحصل شيء في هالسوق مشكلة مثلاا أي مدري ليه جاء الحين على بالي الموظف اللي يشتغل عندك المؤدب هذاك فاكرته << فيس يقول ما قلنا بأسمه اش اسوي يمكن تحصل مشكلة وعاد هو يكون متواجد ويفزع لك << فيس يحب الفزعات هههه اليوم في حوارك مع امك في كم عتب كذا احسهم مو جديدة عليكم ودايم تعاتبون بعض مثلاا لما قلتي لها وأنتي بعد يمه لازم تلاقين شيء تغلطيني فيه يعني مزنة دايم تمسك عليك الاشياء عشان تغلطك مدري ليه احس انك يا كاسرة مكسورة من جوا << فيس معجب جداا بالجملة اللي كتبها والله وبدأ اعبر ههههههههه وجملة امك انك تفهمين كل شيء بالمقلوب هل انتي بالفعل تقلبين الاشياء وتفهمينها غلط والا هم ما يعرفون يعبرون صح عشان يوصل مثل ما يبون << فيس يسألك ويبي الجواب منك خخخخ علي ::القالب للتوقعات فعلا .. تدرين انفاس ما تخيلت علي راح يكون رد فعله من زايد كذا بالذات انه كان السبب في حرمانه من جميلة يعني بجد قلبتي مخنا هنا << فيس يصفق لك اليوم شفنا علي هو وزايد مو بعلاقة اب بأبن علاقتهم قوية فعلاا فيها مصارحة وحب قوي وكبير وارتباط ببعض عجيب رغم حزن كل واحد فيهم من الثاني وعلى الثاني يعني كنا متوقعين من زايد رد فعل على سفرة علي المفاجاة وانه ما سوى له اعتبار واللي شفناه غير وكنا متوقعين رد فعل على زايد بأنه كان هو السبب ورا كل اللي حصله وشفنا بعد شيء غير غير ربي يخليهم لبعض .. <<< فيس يدعي ويأمن .. بس تدرين تعلق علي بخليفة هو اللي مهون الموضوع ويمكن على قولته موضوع جميلة كله مو حب لها الا حب في قربه من شيء خاص بخليفة يعني ممكن ان تجي وحدة تزيح حب جميلة وطوايفها من قلبه وما في احسن من سميرة لهالشيء << ترى اليوم اقول سميرة بكرة ممكن اقول اسم ثاني ههههههههههه خليفة وجميلة :: متى عاد بنشوف جميلة صاحية وهي تشوف خليفة وتحس بنفوره منها لهالدرجة ما يبي يقرب منها حتى وهي ما تدري عنه طيب كيف لو كانت صاحية وتشوف كل شيء اضن هالموضوع بيساعد جميلة كثير بالعلاج بالذات انها معلقة في هالخليفة وباقي بتتعلق اكثر واكثر << توقع يا رب يكون صحيح .. الحين شوفوا انتم الاثنين نبي الجزء الجاي يكون لكم اثنينكم نشوف اش راح يحصل من تفتح جميلة عيونها وتشوف اللي حولها ويا رب ما توصل عفرا الا بعد ما تتعرفون ببعض .. مزون :: موجوعة موجوعة موجوعة عالبنت والله انها قطعت قلبي بالذات لما جابت حكاية الأطفال وانها بتنحرم من الامومة يا قلبي عليك يا مزون لا تخافين بتتزوجين وتجيبين خير ادعي ربك بس .. وبعدين والله انك سكرة وادب واخلاق اجل ما تخرجين قدام ابوك ببجامة الا تلبسين روب فوقها هذا دليل ان أدبك واحترامك حتى جوا بيتك كيف بخارجه والله انك وش حبيتك يا بنت .. انفااااااااااس مو معقولة قاعدة تلبين طلباتي واحد ورى الثاني اشوفك قاعدة ترضيني لا يكون هذا بدل الدبلة حق الخطوبة ترا ما راح ارضى الا بها وراح اعتبر موضوع ان مزون راح تبدأ في شغلها مثل ما قلت هدية ظمن الهدايا ههههههههه << فيس طماع .. صراحة حسيت ان يجي من وراي لما شفت كلامي يجي منه على قولتهم مو خرابيط وبس << فيس مو واثق في نفسه << فيس يغمز يقول واثقة بس عشان الحساد لا يسدحوني << الحساد يغطوا عيونهم ولا يشوفون كلامي هههههههه وبعدين والله علاقتك مع زايد شيء اجل هو حلو ومزيون ها والله انا قلت الرجال عاده شباب ولازم نزوجه << فيس حالف ليزوجه .. خلاص انتي بس اصبري علي وانا بزوجه لك مزنة منتظرته بس يدق الباب << فيس يقول أي اخرطي علينا .. الا يمكن يتعذب على ما تقبل طلبه وممكن ما يتم زواجهم الا عشان زواج ثاني يعني واحد من الاثنين راح يخطب ولده للثاني ويقول لها زايد ما راح اقبل الا لو قبلتي تقبليني << فيس يقول فكرة غبية بس جات على بالي وقلت لازم اكتبها ..وعاد مزنة حنونة وعاطفة الام تغلب يعني اكيد انها راح توافق <<< فيس يقول التوقع قابل للتعديلات ... كساب :: الزعل على قد المحبة صحيح يا كساب هالمقولة بس لا يمكن الزعل يضيع المحبة ويخفيها مستحيل مستحيل مستحيل حبها في قلبك لازال موجود والا ما كنت زعلان منها ليومك بس تدري يا كساب الدنيا مهي بدايمة عشان نزعل من حبايبنا ونزعلهم منا الحق على اختك وتسامحوا من بعض لا تندم بدل المرة الف على كل اللي قاعد تسويه وخدها نصيحة من زوزو الحق قبل ما ربي يكتب لك ما عاد تشوفها وتشوفك << فيس ناصح ... جوزا :: تعرفين اول شيء جاء على بالي وانتي تفرجين حسن الصور انه هو أول من بيشوف ابوه اللي تأكدت اليوم انه حي وبينطق على طول بــــــابـــــــــــا وعاد ذاك الوقت قولي زوزو قالت << فيس يراهن على اسمه ههههههههههه بس والله يا جوزا اني حزنت عليك بجد وخليتيني اتخيل موقفك صراحة شيء لا تحسدين عليه انا صراحة ما احب ان الرجال يكون احلى من مرته وهذا عيب الرجال المزيون يقعدون الناس يقارنون بينه وبين مرته هذا غير ان العيون كلها عليه والبنات هالزمن عيونه قوية << فيس ما يحب الرجال الحلو بسبب هالبنات .. وبعدين معقول انه ما التفت لك ولا مرة اش هالعبدالله اللي للحين ما عرفناه صراحة نفسي اعرف ليش معقول عشانك موجميلة مع ان تخيلتك الحين بنوتة حلوة عادية بس مهتمة بنفسها و تجننين على كلام شعاع او في سبب ثاني بس يا جوزا الحين ارتاحي بيرجع لك وبيكون غير غيــــــر بيلتفت لك وبيراعيك بالذات ان حسن موجود في النص هذا لوحده لو دور غير طبيعي ههههههههههه ... وبعدين اليوم شفنا علاقة جوزا مع شعاع الاخت والله اننا ظلمناك سامحيني يا جوزا << فيس يطلب السماح وما يقدر يكمل الا لو حصل عليه .. الملازم فهد :: واااااااااااي يا فهد عليك وعلى خفة دمك تجنننننننن تهبلللللل انت كذا << فيس مسوي اوكي ومية مية صرااااااحة عجبتني النذالة اللي فيك تخلي الواحد يحبك زود ابشرك يا فهد سلمت لك قلبي خلاص .. بس ها ما اوصيك لا تترك النذالة وبالذات مع صالح الرجال مو ناقصه الا انت عشان يطلع على حقيقته هههههههههههه نجلا وصالح :: انا هنا ضعت وضيعت عنواني خلااااااااص مو قادرة الله يسامحك يا انفاس لازم تقطعنين آآآآآآآآآآآآآآه يا من يجيب لي الاحد بسرعة صالح :: شوف حبيبي انت عجبتني ودخلت مزاجي بقوة هالمقابلة لازم تتم ولازم تكرر بعد طلعت هالنجلا خرطي وتخاف اضغط عليها بس وهي بتنزل لك والله يستر من هالمقابلة بس تكفى لا تنسى الرومانسية << فيس رومانسي منتظر بفارغ الصبر هههههههههههه نجلا والله وطلعتي خوافة وخجولة ها اشوف عينك في عيني انتي بنفسك ما تبين تنزلين له ومشتاقة والا لا << فيس كاشفك انا اقول انك خايفة انتي لا تضعفين اما الرجال خليه ما عليه كلام اصلا ما راح يجيب راسك الا هو <<< فيس يشجع صالح ويصفق له هههههههههه انفاااااااااااااس مشكوووووووووورة يا قلبي على البارت الحلووووووو يا حلووووووو صدق الحلو ما يجيب الا حلو بس لو انك سمعتي الكلام وكملتيه <<< فيس عادها السالفة في باله ... ورجاءا رجاء حار لا تنسين المواقف الرومانسية البارت الجاي << فيس يدرس الرومانسية هالايام ههههههههههه ... أي ووصف كاسرة بعيون خاصة احسه قريب لا يكون بس بالبارت الجاي ومن عيون الولد المؤدب هههههههه اللي ما اعرف اسمه او غنام ابو سنون مكسرة .. وكساب ليش عنده جوالين انا ما ادري هالمعلومة متى مرت شكلي في البارت هذاك كنت نايمة وانا اقرأ بس لا يكون الولد يغازل << فيس منصدم من التوقع .. لا لا اكيد هالجوال الثاني مخليه لشيء خاص واحنا نبي نعرفه << فيس رغلبه الفضول ... اقتباس:
خخخخخخخخخ يا علني فدى اللي تلبي المطالب وتنفدها حبيبت قلبي والله انا اقرى ترتيبك للبارتات من قال << فيس يبعد الشبهة عن نفسه بس تعالي قربي بقول لك سر .. هذا خطيب بنتي ولدك المصون حبيبي وقلبي وعيني يغشش عمته اللي هي انا ويقرا لها الاحداث ويجي يقول لي عاد انتي ما اوصيك من اليوم ورايح الصقي فيه لما تكتبين البارت عشان يلطش لي كم حدث وانا احطهم لك على توقع هههههههههه فديته حبيب قلبي الصغيرون ما يرضى لعمته بالفشيلة ودايم مكبرني .. ها مو تروحين للولد وتخاصمينه وتزعلينه منك خلك حنونة معه ومعي ولا كأني قلت لك طيب << فيس مبتسم لك عشان ترضين هههههههههههههههههههههههههه يا الله يا قلبي منتظرين البارت الجاي على ناااااااااااااااااااااااااااااااااااااااااااااااااار http://www.liillas.com/up3//uploads/...19c7cfa981.gif |
اعترفوا.. اعترف أنت وياها ينقلب وجه غانم ونجلاء من تغير ملامح وجهها بينما أكملت بصوت باكٍ مفعم بالتراجيديا التمثيلية: أكيد أنا مانيب بنتكم.. أنا بنت بطل الفيلم.. وأنتو عيال الحرامي العود اللي خطفني عشان ينتقم من بابا.. خخخخخخخخخخ اما ذي السميرة فلة الفلة تصدقوون خاطري تاخذ علي وتطلعه من الهم الي اهو فيه مممممممم والا اقوول كساب ونشووف اسنان ويه من الضحك .................... همس زايد بحنان مجروح: أجيك يأبيك؟!! شعوور عميق جاني حسيت وش كثر علاقتهم عميقه وقمه .................... تخرج خصلة من شعرها من تحت الطاقية التي ترتديها لهذي الدرجة خليفة يحاول مد يده لإدخالها.. فلا يستطيع لا يستطيع... فيشير إلى الممرضة أن تفعل ذلك كيف يا ترى بتكو علاقتك مع جميلة؟؟ قلت صحيح أنا حلوة وماشي حالي بس هذا المفروض يأخذ ملكة جمال.. ليش أمه اختارتني؟؟ بس عقب قلت.. يمكن عشان ستايلي يعجب العجايز.. بس هو ما ظنتي عجبه شيء فيني يعني الموضوع موضوع قلة ثق في النفس وهذا لأسف يجعل جوزاء غصب تكره كاسرة لسببين الجمال المبهر وثقتها العالية في نفسها وطبعا الي حوليها ما قصرروو والبنت تبرمجة غصب على هذه الأفكار وهذاللأسف حال الكثيير الي يسوون لنفسهم قوالب ضيقه يحطوون حواجز لأرواحهم الي وهبه لهم الله ويتناسوون نعم الله عليهم أنهم نفخة من روح الله وهذ بحد ذاته رفعه وشرف تزيد المرء قوة و ثبات مع تقلبات الحياة ............... Roman]يومش خايفة ومستحية كان جبتي أمش معش..[/FONT][/CENTER] والله ما حد قال لش تجيني بروحش في المقلط.. لا وتردين الباب بعد أنا بصراحة فهمتها دعوة.. ولو جيتي للحق هي ما تتفسر إلا كذا وبعدين واحد ميت من الشوق لمرته.. وش تتوقعين يسوي.. يقول لها مساش الله بالخير من بعيد لافض فووك يمانعنا وهنا راغبات حتى لو موب ذا نيتها بس عليك فيها اموووت انا على الرومنسين صدقت سميرة يالمخبولة ترى صالح ما في منه ولا تضيييعينه من ايدينك ............... يلبى قلبك أنفاس احلا صباح |
السلام عليكم ورحمة الله وبركاته
جزء مليئ بمشاعر عميقة ... وحزن دفين .... وجروح مازالت تنزف بغزارة ..... وشخاص اخذهم الوله حتى اصبحوا غير قادرين على الشوق والغضب ... تجمعين بين التضاد في المشاعر ... وتزيدن الرواية روعة باسلوبك الجميل .... جزء وضح لنا الكثير من التصرفات .... ومبرراتها .... فتح لنا نافذة على شخصاتنا الروائية المحبوبة ........ لدي كلام كثير ولكن الكي بورد تعصى عن لتفسير لقوة اعجابي بهذا الجزء المبدع فيه ..... نأتي للشخصيات ......... خليفة ....... مشهد خليفة عندما رأى جميلة لاول مرة موقف لا يحسد عليه .... ( وفي نفس الوقت حصد ما زرعت يده ) عن جد مشهد اجدي وصفه ورسمه لقد شعرت انني ارى امامي خليفة بكل ردود افعاله الداخلية والخارجية الظاهرة على وجهه وحركات يديه ...... وسنرى يا خليفة موقف الرجولة الذي اتخذته منذ ان وافقت جميلة عليك الى اين سيؤدي بك ... جوزاء وسر عدواتها لكاسرة ... من خلال ما سبق من احداث نعتقد ان جوزاء قبل زواجها كانت متقبلة كاسرة وتتكلم معها عادي لكن بعد الزواج .... والمقارنة التي كانت تتم بينها وبين كاسرة وطبعا المقارنة لم تكن في صالح جوزاء ..... بجانب برود زوجها معها .... واحساسها بان لوكانت كاسرة مكانها كانت اختلفت الامور .... وبعد ذلك حدوث الحادث وكلام الناس جعلها تعتقد ان كاسرة هي عقدة حياتها ........ ( اوقات يا انفاس الانسان هو الذي يصنع تعاسته بنفسه .... من خلال افكاره واعتقادته ..... و يجب على كل انسان انيكون لديه منخل ... يحلل الاحداث التي تمر في يومه ويأخذ لايجابيات فقط التي ترفع من معنوياته ويرمى الاخرى السلبية خلف ظهره ) لكن صعب على جوزاء ذلك فهي مطعونة في انوثتها من زوجها الانسان المفرض انه يكون اقرب لها من امها .... ومطعونة في كرامتها من كلام الناس والمقارنات التي حدثت وخسرت هي فيها بلا اي مجهود ...انتي عارفة يا انفاس لو كانت ام صالح دافعت حتى لو كلمة بسيطة عن جوزاء لكان الامر قد تغير بالنسبة ولو قليلا .... ولكن من سياق حديث جوزاء مع اختها لم نجد حتى وقفة شفقة من اهل عبد الله الانجلاء التي هونت عليها الامور وخاصة ايام وشهور العدة .... ولو كانت جوزاء رمت كلام الناس وراء ظهرها وقالت ذلك نصيب وقد رضيت به ما كانت وصلت الى هذه المرحلة ... ولكن برود زوجها الغير طبيعي معها قد عزز عدم ثقتها بنفسها اكثر .... (يدي الحلئ للي بلا ودان)مثل مصري قديم ... ولكن علماء الاسلام اعترضوا عليه وقالوا ان فيه اعتراض على قدر الله ... صالح ونجلا .... صحيح الحب لا ينفع مع عدم وجود كرامة ... ولكن من خلال جزء اليوم اتضح ان صالح لم يقصد قلة الاحترام ولكنها بالنسبة له زلة لسان تعود عليها ولم يستطع تركها .... وانه ينطقها اوقات ليزيد غيظها ... ليس اكثر .. ولكن نجلا اصبحت لا تحتمل هذه الكلمة لانها بالنسبة لها سبة وشتيمة وقلت احترام .... فسنرى ماذاسيحدث معهما في لجزء القادم ( ننتظر ) شيئ اخذت بالي منه ان صالح لم يتوقع ان سبب الجفاء هو قولة " يا بنت المصرية " فهل هناك ما يخبئه عنا صالح ( سنرى مع الاحداث مزون .... وحالة من الاحباط والكبت الشديد ... والحزن العميق .... الغضب الذي قارب على الانفجار ... ليس ذنبها انها تمنت تحقيق حلم مستحيل ووجدت من يزيح العواقب ... ولكن ذنبها انها تمنت وحققت حلم في مجتمع رافض لهذا .. ولم تهتم بمجتمعها او حتى باخيها الذي ترجاها بان تترك هذا المجال وتدخل مجال اخر .... زايد ..... مشاعرك اليوم في غاية الروعة ... وصحيح لو كان يعرف بان علي يحب جميلة اكيد كان هناك تصرف اخر ... فمهما كان الاب او الام تريد تحقيق احلام ابناؤهما .. والذي انحرم منه ا لاب او الام يحاولان توفيره لابناءهما مهما كانت الظروف والعقبات .... وفي نفس الوقت لست معك في موضوع مزون ... بما انك كنت غير موافق على دخولها لكلية الطيران ولكن من اجل وعدك لها تراجعت .. ولانك تملك قوة اقناعية كبيرة كان من الممكن اقنعتها بتحويل دراستها لمجال اخر مع وعد بأخذ دورات طيران في كليات خاصة بالخارج ... وكنت مسكت العصا من النصف وفيت بوعدك لها وفي نفس الوقت لم تخسر اولادك ... ولكن اخذتك العزة بالاثم وتماديت في فرض نفوذك لمساعدة ابنتك وحجتك وعدك لها .... فهنئيا لك ما تحصده ... فامامك الكثير من المعاناة وخاصة عندما تكون المعاناة ستجيئ من ناحية مزون .... ( مشهد المكالمة بين علي وزايد ... مبدعة جدا فيه .... من خلال مناقشاتهما معا ... ومن خلال منجاتهما لانفسهما وتبرير للنفس قبل الاخر باسباب المعاناة ولماذا وصلوا لهذا الحد من البعد والقرب في نفس الوقت في المشاعر شيئا كثر روعة ... شوفي يا انفاس عندما اقرأ لك اشعر باني اقرأ تضاد في كل شيئ ولكن بقلمك وتعبيراتك واسلوبك تجعلني لا ارى هذا التناقض او حتى اعرفه في المشهد ... يا الله مشهد في منتهى الروعة وعمق المشاعر والعتاب الممزوج بحنان من كل الطرفين ... لا املك سوى كلمة "سلمت يداكي ) علي ... شخصية مختلفة ... وتصرفاتهاعكس مزون وكساب ... فهو يهرب لانه لا يستطيع لمواجهة ولكنه لبيتعد عن الجو الضاغط الذي سيجعله يتصرف بتهور ....( منتظرين منك الكثير ) كساب ... مرة اخرى كساب ولكن في موقف اخر .... سبب نحره من الوريد الى الوريد .... وتركه ينزف بغزارة دون اي اهتمام ..... فهو قد ترجي ابيه ورفض وترجى اخته او ابنته فرفضت الاستماع له ... والان تبحث عن رضاه وحنانه وسنده كنت اين منذ اربع سنوات وقبل الدراسة يامزون ...... أعلم أن للاثنتين قلب سرعان ما يذيبه الحزن كما يذيب الماء الملح إن لم أستطع أن أبقي أمي جواري.. فلن أسمح لعفراء أن تتركني وحيدا في هذا العالم.. مخلوق مشوه الروح.. مشبع بالأسى والأحقاد ما زالت هي نافذة الضوء التي تأخذني من عتمة أيامي المظلمة إلى فضاء يبصق بعض الضوء الذي يبقيني على تواصل مع كينونتي الإنسانية لن أسمح لروحها أن تغرق في الحزن.. لن أسمح لابتسامتها أن تنطفئ فكيف تنطفئ ابتسامة أيامي الوحيدة؟!!!" من خلال هذه الكلمات التي تلفظ بها مع نفسه تبين الى اي حد هو حنون ولكن موت امه بسبب حزن لم يعرفه ولكن اعتقد انه شاك فيه ( وهوصغير لم يعرف سبب الحزن ولكن عندما كبر وبدأ يفهم اعتقد انه استطاع تخمين ان والده هو سبب الحزن ولذلك يزيد رصيده من الجفا له ) واعتقد ايضا انه سوف يعمل اي شيئ ليقهر والده باحترام ( على طريقة المبدعة )لدرجة انه سوف يتزوج من شخصية لن يرضى عنها والده فقط ليقهره ويرد له ضربة عدم اهتمامه برجاؤه في موضوع مزون .... من خلال حديثه مع عفرا ... تبين انه مجروح ومازال جرحة ينزف ... وخاصة ان الجرح من احب اثنين اليه ( وهذه اصعب الجروح لانه لا يستطيع رد الاهانة او الضربة ولا يستطيع ان يسامح ... وبالتالي الجرح ينزف ....) غانم ... المروءة والشهامة ... هل كانت البنت وضحى ...... اعتقد ذلك ..... مشهد القفلة رائع ..... وننتظر الجزء القادم بكل تالحب والود ........... |
:55:
روووووووووووووووعة والله العظيم روعة لك قدرة جبارة على كتابة مشاهد العشاق بطريقة تخرج من القب لتصل الى القلب :c8T05285: |
بس وخرووو عني
اكتشافات من بنات أفكاري وتشابيك غنووم سنياته راحت والسبة مزوون فيس واثق من الحكي تدرون ليش ؟؟ومن فيين جا الأستنتاج الخطييرر هذا من عضلات كساب خخخخخخ لاموو خخ كساب مهما تضادت مشاعره لمزوون ما يرضى عليها واكيد هذي الحادثة اهي الي زودت الفجوة ين مزوون وكساب ............. وفي شيء ثاني بس نسيته لي عودة اذا اتفتكت فيس يفكر بعنف يي يتذكر مممممممممممم |
أهلا أنفاس كيف حالك؟!!
من زمان مارديت عليك بس نتاج تلك قراءة تلك الأجزاء إني حبيتهم كلهم إلا خليفة إلا الحين حاقدة عليه مكن لابدا يعمل جميلة زين وصار من وراه نافع رضينا عنه مع إني أتوقع جميلة تموت وهو إلا الان جامد وقاعد يتحسف إنه تلقف وتكلم بس أحسن هذا اللي مايجود لسانه قال أيش قال بنت عمي وأنا احق به<<أنا عادي عندي هالمبدأ بالعكس أحبه طبعا بالقصص لا غير لإنه يسوي أكشنات>>أهم شيء بس اللي حارن إنه عشانه منقهر من ذا الكلمة.. صالح الجزء اللي راح قلت شكله ما يدري وش سبب زعل نجلاء بس هالجزء كتشفت إنه يدر طعا من كلام نجلاء يعني عجز(ن) يشيل الكلمة من لسانه وإلا جايز له الوضع تصدقين تصرف نجلاء معجبن مع إني راحمة صويلح بس أحسن خليه يتأدب.. زايد ما زلت أحمه بس اللي هون شوي إن عياله راحمينه أقصد علي ومزون طبعا وإلا كسابب من غضبه مايفكر إلا بنفسه.. مزون وأخيرا بتحقيقن حلمك ذو المشاكل..ولاتحسفين لن يغير شيء من الواقع هالحسف بس يزيدتس قهر.. علي الحمدلله ريحتني عاد إني ماتوقعت إنك تشدد على أبوك لإنه أي كان بتامله من باب البر..<<أقصد غن علي بذاته بار عفراء أزين شيء سواه كساب إنه غصبك على الروحه والله لو تموت تححسفين زود عن الحسافة.. تصدقن أنفاس نمت العصرية وحلمت إن سميرة تتزوج علي<<وأبد ما جازلي الحلم لإني أتوقعه لفهد^_^ <<عاد نشوف أيهم أصدق توقعاتي وإلا أحلامي خخخخخه |
يالبيه صاااااالح ..بس احسن خليها تهبل به اكود يعقل ..
ماتوقعت علي وزايد كذا .. واخيرااا بتطير مزون .. متحممسه مرررررره .. اليوم كشف لنا عن جوزاء ياقليبي ترررحم .. ياترى وش السر ليه زوجها عاملها كذا ؟ ولابعد حداد في بيت زوجها ومقلقيها .. مسكيه صدماات توها عروس ومعاملة زوجها سيئه وحاامل وعدتها لين تولد مرره ترحمم .. بانتظار ابداعك اللا متناهي .. |
. . . . .مسساك ربي بالنور يا أنفاسس ما تتصورين السعآدة بولادة مولودتك هذه بعد أن قاربت على قطع حبل الأمل برؤية مولودة لك بعد ( أسى الهجرآن ) لا أعلم أأقول مساء مثقل بوجع كساب أو مساء مغلف بخجل نجلاء أجد نفسي حآئرة و خصوصاً بعد قرآءتي للموقف الأخير بين نجلاء و صآلح استميحك في أن أسرد على نفسي رأيي بالشخصيآت و مدى التوقعات البسيطة منصور يضفي الغرابة على ( بين الأمس و اليوم ) بعلاقته مع زايد و طلاقاته الثلاث .. دائما ما يدور في ذهني أن حضه الأخير سيكون مع صاحبة الجمال الكاسر كاسرة .. زايد أجد أنني في سطر من الأسطر أكره ثم في السطر التالي أشفق عليه كثيراً و على حاله التي وصل إليها من مزنة و حالة الأردى بعد موت خليفة .. رائعة علاقته بخليفة .. لكن أن يصل به الحد إلى إيجاع علي و منصور من أجل خليفة فهنا ( × ) مزون من أحب الأسماء لقلبي .. تعجبني شخصيتها المدللة و تألمني في الوقت ذاته .. فهي لا تستحق صد كاسب و لا ألم علي و لا فقد جميلة و لا سفر عفراء .. فكيف باستنكار الكل لفعلتها أو مجال دراستها .. لتعرقهم بالعادات بالبدوية الأصيلة مهاب لم نعرف عن شخصيته الكثير فلا يمكن الحكم عليه بمجرد موقفه مع وضحى و كاسرة و الجد .. . . . بقي الكثير من الشخصيات لكن أترك هذه كبصمة إبهام هنا بانتظار الجزء العاشر بكل شوق ، رِمْشْ الْغَ‘ـلآ |
الله يعطيكي العافيه ع البارت الروووووعه
|
السلام عليكم
بناات بارت الثلاثاء اي صفحه وبارت اليوم بعد .. لو سمحتووو .. |
اقتباس:
الروابط في الصفحة الأولى نفوسة نفوسة آه يا قلبي آه ياقلبي <=== شكلي بغش مشاعر من زوزو... وبيغمى علي مثل سميرة أنفاسوه من وين طلعتي صويلح ذا... يهوس يهووووووووووووس.. وقف قلبي عليه هو ويا نجلاء.. وقام قلبي يربع طربق طربق <=== دقات قلبي هذي ترا موب ركيض حمار رهيب ذا الصالح جعل عيني ما تبكيه... يبي له اللي يدخل يعاونه ويشد له نجلاء من شعرها على الدرج لين يحذفها في المقلط صحيح إنه يفقع الكبد يوم عذرب في أم غانم جعل غانم ما يبكيها.. بس خلاص نجول لا تصيرين دبة وثقيلة دم.. سامحي صويلح.. لا يروح بعدين عليش وتأخذه الجويزي أم العقد.. وتقعدين تبكين على الاطلال انتي وحيشانش... والجويزي... كسرت خاطري والله... تدرين أنفاس.. أبهرني في هالقصة كمية الشخصيات المركبة.. يعني كل شخصية تنشاف من أكثر من زاوية... نستعجل في الحكم عشان نكتشف عقب إنه غلطنا في الحكم.. عجيبة أنفاس ماشاء الله تبارك الله الحين أتوقع أنا ووجهي.. قربي أشاورش في أذنش ... عبدالله عاده حي..صح؟؟؟؟؟ <=== يعني إنها جابت العيد خخخخخخخخخخخ.. جد أنفاس أنتظر ظهور عبدالله اللي كان بارد مع ذا المزيونة اللي جسمها خيال <=== تحلم جسمها يصير مثلها خخخخخخخخخ.... ليش كان بارد.. وليش يتجاهلها؟؟ ما تتخيلين وش كثر متشوقة لحكايتهم... لكن اللي متشوقة له جد أعرف كاسرة بتخلينها من نصيب من؟؟؟ ذا المزيونة الموت الحمر<=== شبيهتي...خخخخخخ... أحس إنه الاكشن عالي مع شخصيتها الغير.. كاسرة أنا حبيتها من صمصومات قلبي الجوانية... فلا تزوجينها حد يعذبها معه... يعني أنا ودي تزوجينها كساب لاني احسهم بيصيرون حرب داحس والغبراء.. فللللللة..... بس ما أبيها تتزوجه لأنه بيعذبها وهي ما تهون علي... عشان كذا زوجيها عليان الحنون فديت قلبه ودي أهذر بعد بس خالتش ما تشوفيني قدام اللاب إلا تطري عليها شغلات الدنيا عشان تقومني بس ripe lady<==== والله مافيه اثنين مثلش.. قربي أحب خشمش.. :flowers2: خوخة الحلوة |
يسلمووو ما عندي تعليق لانو فش اشي ضل عندي احكيه ما بحب اتوقع وما بزبط معي بتركو للبنات الحلوين الي هون لاشوف توقعاتهم بنستنى فيكي ياقمر بشوق كبير الله يوفقك ويحميكي يارب
|
اختي الغـــــــــــــــاليةانفاس صدقيني سجلت في منتدى ليلاس بعدماعرفت انك عضوةفيةاسمحيلي ماعلقت على الرويةلاني توني باديةفي الفصل الاول تقبلي مروري المتواضع يالغالية:55:
|
واااي وااااااي وااي
تحمست دخت تبهذلت مع هالبآرت تألمت لـ / علي وحسيت بوجع مزوون ورحمت جوزاآ ودخلت جو ثآني مع صآلح ونجلاآء ماآ أقوول غير سلمتِ وَ هنيئاً لكِ على هالقلم المبدع والخياآل الواآسع يعطيك العاآفيه وَ قواآك الله بإنتظاآر إبداآعك المتواآصل |
يسلمووو أنفاس على البارت الرئع
(يبه أنا مستوجع) يمه ورب البيت حسيت أنها طالعه من قلب علي بجد صالح يعني أنت ماراح تتزوج الا عشان تراضيها عليك ولا بتقيس غلاتك ولا شنو سالفتك مزوون ليش التشائم ليش ماراح تصيرين أم يابنت الحلاال تعوذي من الشيطان لك رجال خاشته أنفاس لك هههههههه كساب يمه منه يمه ذا إذا كره كره منقلب جوزا >> هذا المستخدم يبكي وربي حركتها لما كانت توري ولدها صور أبوه بكتني وبعدين الحين هي كل حياتها مع زوجها شهرييييييييين يعني مالحقت تتهنى فيه بعدين ياجوزا ليش تحكمين عليه أنه ما أنتبه لك وأنتي ماأخذتي ألا شهرين معه وبعدين كرهك لكاسره أسمحيلي ماله داعي لأني لو مثل تفكيرك بكره كل اللي يتكلم فيها زوجي أو حتى كان ناوي يخطبها قبلي>>> بالأول خليك تتزوجين خخخخخ هذا صلووح وه وه فديته >> عيب متزوج المهم وربي أنه شي ههههههههههههههههههههاي وبعدين نجلا حرام عليها يالله يابنت الحلال بس كلميه على الأقل خليه ينام الليله ننتظرك يالغلا على أحر من الجمر دمتي بود |
.,. وعليكم السلام ورحمة الله وبركاته .,. اسعد الله اوقات احبتي بكل خير #أنفاس - قطر # سلمت يداكـ على البارت الرااائع والموجع .,. موجع بموقف نجلا وزوجها موجع بحال كساب وزعلة من مزوون موجع بسفر على وموقف زايد منه كنت في البارتات الماضيات اكتب توقعات وانصدم بالاتصال يمسح جميع ماكتبت وياخذني الكسل في الاعاده كما قلت سابقاً تعجبني كثيرا شخصية كاسرة وخوفها على اختها ومحبتها وتقديرها لجدها وزاد اعجابي بشخصيتها عدا ان تترك جانب الجديه في تعاملها مع من حولها كساب توقعي بموقف من مزون سينسى كرهه لها ويعود لــ أبنته المدللـه نجلاء سيثبت لها ابو خالد صدق كلامة وتعود العصافير لــ أعشاشها عفرا الله يحفظها لجميلة ويفرح قلبها بشفائها علي سيكون قصة زايد الاولى بحبة لمزنه وتخليها عنه وتسمية بنته لمزوون تقريباً لأسم حبة الاول .,. # أنفاس - قطر # كان لي وقت هنا لكـِ ودي .,. |
شوفي لو اني انا الي بزوج الابطال وهم برائيي اعتقد مزون تناسب تميم لازم وش لون ما ادري لازم وحده قويه وما يهمها رائي المجتمع لاختيارها ويطلبها ابوها او احد اخوانها عاد هي منقطع وجها(متفشله ( خجلانه))منهم ما عاد تقدر تردهم في الي تبي وخلص التصميم من عندها
واعتقد كاسره تناسب مو عبد الرحمن لا احسها تناسب ابو عبد الرحمن يناسب شروطها صح يناسب شروطها زايد بس ما تستاهله احسها متهورة ومتسرعه وغالبا العاقل غير متسرع مثل كساب اعتقد عبد الله اخو زوج بنت المصريه كان يحب زوجه اخوه او حبها علشان كذا ماملت عينه زجتها او انه اعتقدها وحده ثانيه وتوهق ترا الرجاجيل خوافين وجبناء لا يغركم الشجاعه فان اجبن الجبناء هو الشجاع وعلشان كذا زوجته تحس انه يحب وحده جميله جدا وهي نموذجهافي الجمل االكامل كاسره فكرهتا او غارة منها عبد الرحمن يناسب اخت كاسره حساس رمنسي علي حركه الهواء لازم اذا مو هم لبعض يكون لاحد يحسب حركاته وحساس وكان يحب علشان يشعر بشريكه بنت عمه كاسرة تناسب (الارملة )تناسب عم مزون اعتقد ان اخت الارمله تحب مهاب والا مهاب يبي له وحده فيها حقها من التهور يعني مثل بنت المصريه عضو متابع بقوة لجميع قصصك سلمت يدك انفاس0مدري احس الاسم كانها نفاس وصغير يصيح وهو قطعه حمراى |
السلام عليكم ورحمة الله وبركاته
روووووعه روووووعه حتى هالكلمه قليله في حق هالبارت فعلا" بارت لامس قلبي واحزني كثير آه عليك يازايد احس مكتوب على جبينك شقي من يوم انولدت احساس صعب ومر وعلقم بعد يوم تدري انك سبب تعاسة أغلى الناس عندك يعني على كبر همومك ووحدتك وبعد أحبابك عنك بالمكان او بالإحساس يجي هالجرح لأغلى اولادك ومنك انت والله حزنت معك ومع علي الطيب الحنون مايستاهل الي صار معه بس لازم تنسى ياعلي عشان ابوك المسكين وعشانك بعد ويمكن يكون خيره لك عسى انفاس تزوجك بأحسن منها وتكون صحيحه مومريضه وتطيح بكبدك وحزنت بعد على حال جوزا الي صار لها مو شويه هي انجرحت في انوثتها وهذا أصعب جرح ممكن يصير للحرمه بس احس ان عبدالله هذا وراه سالفه وكايده بعد وممكن يكون مغصوب عليها اويحب غيرها>>>احس كثرت الهذره... عزيزتي انفاس ابدعتي فتميزتي وبجداره وتقبلي مروري مع خالص حبي وتقديري.. اختك>>>ام غلو<<< |
آآآآآآآآآآآه بروح أنتحر أحسن !!
أنفاس وش هـ القفلة اللي تحبس الأنفاس !! وش بيصبرني ليوم الأحد !! نرجع للبارت ^.^ بدت تتغير نظرتي لـ صالح . . بس أنا مساندة نجلاء 100% في موقفها ! ع كيفه هو كلما ركب أبليس راسه قالها يا بنت المصرية !! تكفين أنفاس عذبيه شوي بعد > شريرة هع مزون و قسم بالله حزنتني !! متى بيجيها الفرج ! البارت اللي بتضحك فيه الدنيا في وجه مزون بـ أسوي عزيمة اندومي هع جميلة . . لا تعليق !! للحين ما شفت منها إلا موقف السلة مع كساب و عجبتني قوتهاالمبطنة بضعف ! كساب . . أنسان ابو وجهين ما عرفت له بصراحة ! مره أحبه و مره أحقد عليه !! جوزا , يا حرااااااام ينطبق عليها قول [ الشخص اللي جرحني أكيد في شئ جارحه ! ] علي . . لبى قلب العاشق ! امانه انفاس لو فيه منه كوبي في الواقع ارسليه لي =$ < صدق اني انانية الرجال متولع و أنا أبي منه كوبي ! ما راح أربط الشخصيات في بعضها إلا بعد ما تظهر الشخصيات اللي خلف الستار !! أنفاس , , ودي أعطيك لقب [ مضاد الملل ] ^.^ أحترامي و تقديري . . |
السلام عليكم روحمة الله وبركاته
في البدايه حبيت اشكرك على الروايات الاكثر من الرائعه وتمنيت كثير بعد روايتك السابقه انك تكتبين شي جديد اسلوبك في الكتابه والوصف اكثر من رائع تعيشين الواحد جو انه معهم في نفس المكان رغم قرائتي لروايات كثير عربيه واجنبيه لكن من بين الكاتبين كلهم اتمنى انك ماتتوقفين عن الكتابه ابد وسجليني معجب ضمن معجبيك |
سميرة باستجداء مرح: غانم حبيبي.. غنومتي تكفى... بأموت أبي أدري..
شوف كم لك معلمني ثلاث وإلا أربع سنين يمكن... والله ماحد درا بس أبي أدري هي حلوة تستاهل إن غنوم الجنتل يحوسون وجهه عشانها... تكفى فضول بنات... تهون عليك سميرة حبيبتك " " " ثلاث أو أربع سنين ممكن يكون لها علاقة بدخول مزون لكلية الطيران!!! |
السلام عليكم
يعطيك العافيه ام سوسوسو ابدعتي ياقلبي اليوم قررت اكون ذكيه (فيس يتميلح ويبي نجمه مني مناك البارت قراءته بعد تعب مو طبيعي سووه لي خواتي النتيات وتحدوني في موضوع يتعلق بالخط فيس يراكض بالمنتدى ويتشكا المهم اني قراءته ونفسي احشر احد بزاويه واطلع حرتي لكن سبحان الله وبقدرت قادري قراءت البارت وروقت وبديت احاول اصير ذكيه واربط الشخصيات فطلع معي التالي علي وكاسره يصلحون لبعض (احلفي بس مانتي تطامرين وكل يوم ملزقه لها احد المهم اني ربطهم من مواقفهم مع اهلهم كاسره موقفها مع امها واحساسها تجاهها وتشره امها عليها ذكرني بعلي وتشره ابوه عليه واحساسه فيه مزنه تشوف في كاسره نفسها وزايد خلى علي نفسه بمصاحبته له وكلامه عن خليفه هذا شئ اعطاني احساس ان زايد ومزنه تكررو مره ثانيه *********** اليوم بعد لفت نظري شعر زايد اللي تكلمتي عنه انه مازال محتفظ فيه واذكر في مقطع في البارت الاول او الثاني تكلمتي عن شعر مزنه هل هي اشاره انهم مازال القطار قدامهم وممكن كل واحد يحيي في الثاني اكثر من مجرد شعر جميل ********** سميره ارتبطت عندي بفهد اليوم لانه ناقد عليها واكيد مابعد عداوه الا محبه *********** زوج جوزاء المتوفى عبد الله وش سر بروده معها هل يكون في قلبه غيرها والاعنده مشكله ثانيه ما ادري حسيت موته مو طبيعي يمكن كان يتعاطا شئ والا انتحر لسبب نفسي او غيره توقع غريب ********** نجلا وصالح ما ادري ليه حسيت نجلا اصلا مشكلتها مع صالح مو بس الاسائه اللفضيه اتوقع هي من الاصل ماتثق في حبه لها يمكن انه هو عطاها سبب لكذا ************ انتظر القادم بشوق اضافه بسيطه جاتني الفكره وانا اهذر في المقلط سبب نفور عبد الله من جوزاء ممكن يكون ان جوزاء حبيبة غانم السريه غانم ولد عم فهد وصالح وعبد الله صح (فيس بداء يهوجس على الصبح http://www.liillas.com/up3//uploads/...394c878184.gif |
السلاام عليكم..
نفووووووووووووسه ابدعتي نفوووسه.. بس تبين الصدق نفووسه اول ماقريت هالجزء كنت حااسه ان نااقصه شي ..وشوو بالضبط ما ادري...؟؟ وقلت لايكون كاااتبته وانتي مشغووله بسي حسين وسووا لتس شووي ربكة اثناء الكتاابه.. وكنت بقول لتس اذاا هو يشغلتس لما تكتبين .. هااتيه عندنا وابشري بانتس بتخلصين كل اجزااء القصه مااشفتيه عندتس ابد من غير شر..وبنخليه من يد نشيط ليد نشيط والكل يلعبه ويدلـله ..لين تخلص القصه وهناا عاد هو اللي بيشتاااااااااااااق لخالاته وجدته مثل ماا احناا نشتاااق لابطالنا..>>فيس حنون.. بس لما قريته مره ثاانيه عشاان الرد .. اعجبني بقووه وقلت الظااهر النقص كان عندي مب عند نفووس وقريته والنفسيه مش ولا بد.. فاعتذر عن الخطأ الغير مقصوود.. وعلى فكره نفووسه.لما قلت ان كساب لوتزوج سميره بيكون قنبله.. مو لانه بس تووقعي ..لانه فعلا لو صاار بيكون قنبله بالتوقعات كلهاااا.. وعموماا على انتس تشووفين ان تووقعاتي يبي لها وزنيه شووي.بس تعجبني جداا.. اصبري شووي لما اقوول تووقع عن عبدالله مب بتقوولين عنه يبيه وزنيه شووي بتقوولين البنت اليوم مغييره المووجه ولافتها 180 درجه وبقووه بعد..هع.. والله يرحم ايام الوزينه اللافه شوووي..هخهخهخهخه. بقوولتس ان احلى مووقف اثر فيني بقوووه .. مب موقف صالح ورومانسيته مثل الكل مب منهاارين عليه.. اكثر موقف كان موقف علي وابووه يكلمه ويقوول له انا مستوجع.. تدرين انصدمت من كلمة علي مرررررره يعني كان يقدر يعبر لابوه عن وجعه وماكان يقدر يعبر لابوه عن حبه؟؟ لو كان علي فعلاا متوااصل وبقووه مع ابووه كان قال لابووه انا ابي بنت خالتي واحبها وامووت فيهااا .. وسوااء كانت مريضه او حتى على مشاارف الموت ابيها وابي يكون لي معها ذكرى.. ليش ماا قدر يقوول لابوه هالشي?? ليش ضيع من يده فرصه ذهبيه وخصوووصاا ان علاقته مع ابووه علااقه صدااقة اكثر منها علاقه ولد باابووه...؟؟ مقهووره من علي مرره.. ومقهوره عليه مرتين... مع اني للحين اقوول ان حب علي لجميله يمكن يكون حب مراهقه.. بس مب حب عميق مثل حب ابووه لمزنه... واتمنى ان علي يلقى اللي تخليه يعرف ان حبه لجميله ولاااشي بالنسبه لحبه لزوجته اللي بيتزوجها .. واللي للحين ماندري من هي؟ واتووقع ان علي بافكااره عن خليفه الصديق ..تخليه يفكر نفس افكار ابووه بانه يحمي جميله يعني يمكن يكون حبه لجميله لانها بنت خليفه يعني الولد اخذ سر ابووه بعد..؟؟ زايد: وهـ بس .. شكلي بصااادرك ياشيخ.>>فيس يشااور نفسه.هع تدري انك تذكرني بجدي الله يحفظه يااارب..اشيااء كثيره تذكرني فيه .. بس لما قلت عن شعرك انك ورثته من امك.. والله العظيم فتحت افمي حسيت ان اللي يتكلم جدي مو عمي زايد..دائما يقول انه ورث شعره من امه الله يرحمها. بس سؤال شعرك هل بيكون سبب بقصه بتصير؟؟ وربي انك تعجبني مرره مررره. واحبك موووت وارحمك بقووووووووووه.. دااائمااا احس انك وحيد .. كل ماقريت لك مقطع او موقف احس انك قااعد برووحك والناااااس بعيد عنك 50 متر... كتووم انت كثييييييير . ويمكن هالشي اللي مخليك تفقد خليفه الصديق بقوووووه وانك ماعاد لقيت صديق مثله تقدر تفضض له باللي بقلبك.. ومن عقب خليفه كاتم اسرااارك صار مكان هالاسرااار القلب قفلت عله بقفل ورميت مفتااحه ومب ناوي تطلع هلاسراار لاحد لانك ماعاد لقيت خليفه ثااني ولاا رااح تلقى... عيالك تحس انهم بعيد عنك ومب فاهمينك.. وبنتك سوويت كل شي عشانها.. ومع هذاا تحس ان نااقصك شي في الدنياا.. مشكلة الوااحد ان عنده كل شي ومع هذاا يحس هالاحساااس الفضيع ان نااقصه شي وهالشي داائما يكون متعلق بالقلب.. الله يعينك ياا ابو كساااب على اللي انت تحس فيه والله يخليك لعيالك ولنا.. مزون : وحيده انتي ..شعوور صعب جداا.. قلبي انتي والله. يعني انتي تتوقعين ان ماافيه احد راح يتزوجتس بسبب دراستس ووظيفتس.. ؟؟ ابشرتس مهاب بياخذتس غصب عنه وهوو ماايشووف الدرب.. هع.. اممممم تدرين مزون ماا ادري كيف بنت تقوول لابوها تزوج؟؟ احس صرااحه صعبه تقوول هالشي له. وخصووصاا بنت متعلقه بابووها مثلتس؟؟ صح امتس متووفيه من زمان ..بس انتس انتي تقوولين له تزوج هالشي اشووفه صعب؟؟ يعني لو انتي متزوجه بقوول صح ماتبي ابوها يجلس برووحه ويبي وحده تراعيه وتهتم فيه.. بس انتس تقوولين له كذاا وانتي كبيره ومعه ببيت واحد احس صعبه..وعمومااا انه يتزوج وحده من سنه اكيييييييد بيكوون افضل من انه يتزوج وحده بالعشرينااااات>>فيس يقصد كاسره واشباهها..هع يله عاد مززونه خلينا نشووفتس بالطيااره وانتي تفحطين على السحاااااااااااااااب.. وتكفين لاتقربعين فيناا وتخلين الطيااره تغرّز بالسحاب وينزل الطاااقم كله يدفوونها عشان تتحرك..>>فيس محشش..ههخهخهخهخه.. السؤال اللي يطرح نفسه الحين.. هالرحله هل بتتم مثل ماهو مخطط لها.. والا بتوااجه عرااقيل من عناصر ثاانيه ناويه تخريب هالمخطط؟؟ والسؤال الثاني قلتي قبل انتس بس من تقوودين طياااره لو مره وحده وتحققين حلم انتي حلمتي فيه بتتركين هالشي وبتنتقلين لعمل مكتبي ؟؟ أي من هالاثنين راح يصير؟؟ والسؤال الثالث : هالرحله لو تمت بدون عراقيل من عنااصر تخريبيه هل بتتم على اكمل وجهه. والا ممكن توااجه عوامل الطبيعه وبتكون اكبر تحدي لتس انتس تتغلبين عليها.>>فيس مذيعه.. ياخوفي يدرون عن هالرحله عنااصر رجاليه ويقومون يلعبون شووي باجهزة الطيااره اللي بتتم عليها الرحله عشاان يأدبوونتس على هالافكار اللي انتي فيها؟؟ ماا اقوول الا الله يخلي لتس زااااااايد هو والله اللي من ورااتس ودووونتس ولوو راح من غير شر بتضيعوون كلكم.. كسااااب : افااا افااا ياا ابو زااايد .. وش هالكره والحقد.؟؟. احد يحب هالحب كله وينقلب كرره؟؟ طيب انت ماتعرف انها حاولت في ابوك انها تترك هالكليه بس هو رفض ؟؟. والا هي لعيوونك نااويه هالشي.. بس عاد واسطات ابوك وانه ماترك وجه ماراح له تخليه يرفض هالشي... كساااب اسمع كلام الزوري اللي تحبك وتمووت فيك ولو لفييت الدنياا كلها ماراح تلقى احد يحبك كثرها>>فيس صادق..هع. ويااخووفي يااا كسووبي ماتدري عن حبك لها الا بعد ماايصير لها شي يخليك تعض اصاابعك ندم... تدري عاد الحين وش خطر ببالي>نفووسه خليتس معي هذي من توقعات اللي يبي لها وزينه شووي..هع يمكن يجي يوووم وتحتااج لاختك انهااا تطييير فيك لمكاااااااااااان بتموووت عشاان تااصل له وماتلقى قدامك الا مزووووووووووون هي اللي تحقق لك هالهدف..>> ترى تغيير الموجه للحين ماوصلت له..هع ايه تعال اشووف ورني الكتاب اللي تقراه.. الله بشتري واحد مثله واقلدك....>>فيس محب لك جدا كاسره: دائمااا نفووسه تقوول انه بيجي لتس موقف خااااااااااص بوصف من عيون خااااصه.. ماا ادري ليش مستبعده ان هالعيون تكون شخص مقرب من اهلتس؟؟؟ يعني ما اتووقع تكون امتس ولا جدتس ولا اختس ولا خوانتس هم اللي بيوصفون هالوصف. الا اذا كان تميم .؟؟ .. اتوقع اكثر شي ان هالشخص ياابيكون عدو لتس بس يتميز بالحياااديه او حبيب بينهاار من يشووفتس ؟؟؟ والحين سالفه فيلاجيو هذي ماراح تعدي بسهووله.. هالروحه هذي بيصير فيها شي مليوون بالميه ياا لتس انتي ياااااا لوضحى او سميره.. وحده منكم بتوااجه موقف قووي بالمجمع... سميره : والله ماعلي من نفووسه انتي تنااسبين لكسااااب الرجال متلخبطه مشااعره ومخليها بفريزر ويبي له اللي يذووبها بحناان وحب وضحكة حلووه وماافيه هنا الا انتي يااا ام لسان. وفهد هذااا عليتس فيه حاااااربيه وعسااني اشووفتس بكره بتتزوجينه طلعوونا شووي من مود بنت العم لولد العم>>فيس معصب هاليومين من هالسالفه المااصخه.. تعجبيني وانتي تمثلين شكلتس ماخذه هالموهبه من خوالتس عيال النيل..>فيس يقوول المصريين اهم.. اهُم اهُم اهُم.. هع.. هالمواااهب هذي التمثيليه اتوووقع اننا بنشووفها بيووم بتكون منقذه لتس من مصيبه او من زعل ممكن يصير عليتس.. وبعدين شكلتس تشجعين الرجال على هالغزيلات .. الخووف انها تطووولتس بيووم وهذيك السااعه تمووويتين كره لها.. مثل ماقلت لكاسره سالفه فيلاجيو ماراح تعدي كذا بدون حدث رئيسي بس وش هالحدث ماا ادري؟؟ نجلا وصالح : اممممممم نجلااااااا .. تبين الصدق عاد يقول المثل من تغلّى تخلّى... وتسع شهوور مب كاافيه وبس الا اكثر من كاافيه ان الرجال يتأدب ويحب الاياادي ويطلب السماااح... يعني ياا نجووول انتي ماا اتووقع تبين الطلاق صدق انتي تبين تأدبينه اطوول فتره ممكنه.. بس الخوف ان هالخطه تنقلب فووق تحت وتطلع خيوطها من بين يديتس.. يعني استقبلي الرجال وخليه وتفاهموااا مع بعض وصلى الله وبارك.. وخلوونا نشووفكم ببيت واحد شكل ابوو خلوود هذاا مهووووب هين ابد وبيسوووي روومانسيه عااليه المستوى>>فيس ذكر الرومانسيه.. صالح: يااعيني عليك ياا ابو خلوود جاااي بقوووه وحالتك حاله وناااوي الليله يااذاابح ياا مذبوح.. بس ابد ان شااء الله ان نجوول بتكون حرمتـ(ن) عاقله وبتجمع قشها بشووي وبتروح معك.. بس انت عاد لاتخرعها بحركات روميوو اصبر شووي وبعدين عليك بالعافيه.. >>فيس يهدي الوضع ... بس السؤااااااال اللي يقرقع بقلبي يووم انك تحبها هالحب كله وشوووله طواله اللساان هذي؟؟؟ الصراحه اني رديت اووقف مع نجوول بس كل ماذكرت الرومانسيه هووونت>>فيس رومانسي مصلحجي..هع جميله وخليفه: للحين بالطيااره.. وانت ياخليفه للحين نفس الافكااار تمر بعقلك. بس ابي اعرف ليش ماقدرت تدخل شعرها بالغطاء ؟؟ وش السبب يعني.. ؟؟لايكون قرفان؟؟ انتبه خليفه من هالحركات الحين هي ناايمه وماتدري باللي يصير بس بكره لصحت وشافت تصرف مثل هذا من زوجها بيسبب لها اهانه وجرح لمشاعرها وماتراح يكون هالشي اللي منتظرينه منك بوضعها الحرج هذاا .. اجل وش بتسووي بكره اذا البنت تكشفت واحتاج الامر انك تغطيها بالبطانيه>>فيس بيخرعك..هع تدري عاد انا وش مر ببالي لما ماقدرت تدخل شعرها؟؟ توقعت انك تشووفهاااا ضعيفه مرررره وممكن لو حاولت تدخل شعرها بالغطااء تخاف انك تكسر عظام وجهها البارزه اثنااء محاولاتك وخصووصاا ان يدك بتكون بجنب وجها ووضعها هذا بتكون كبيييره مررره وقوويه ...عشان كذا طلبت من الممرضه تسوي هالشي.. جوزااء وعبدالله: قبل ماا اقوول أي شي ياا جوزااء تدرين اني اليوم اكتشفت فيتس صفه وهي انتس انساانه تحفظ الجميل ومااتطعن اللي جاملها بظهره.. هالشي شفته من كلامتس عن نجلا مرت صالح وكيف انها هي اللي مخففه عليتس القعده هناك ايام الحداد.. وربطت بين هالشي وبين رفضتس للزواج من صالح خص نص..وكيف ماتبين تظاايقينها وهي اللي وسعت صدرتس مرات ببيت اهل عبدالله.. والحين بقوولتس يااحرام يااجوزااء كل هذاا بخاطرتس. احلى شي تدرين وشوووو انتس صديقه لشعيع مررررررره.. يعني حسينا هنا انكم خوات ومب أي خوات لااا بعد خوات مقرباات.. بس هذاا مايمنع اني للحين مصره انتس تروحين دكتوور نفسي.. جوزااء عشان حسن لازم تروحين دكتور .. تدرين ان خااطري اشووف وضعتس قبل الزواج كيف كنتي.. ؟؟ يعني كل اغلب اللي نعرفه عنتس انتس تزوجتي وزوجتس جلس بس شهرين معتس وبعدين مات اذاا هو فعلا مات .. وكنتي حامل وكل اللي حواليتس كانوا يقولون ان انتي وجه نحس.. يعني هالاشيااء بتحطم شخصيه أي احد وااثق بنفسه وخصووصاا اذاا كان في مجتمع الكل يشووفه بهالصووره.. وانتي جلستي ايام الحداد كلهاا ببيت اهل عبدالله والكل كان يشووفتس بهالصوووره؟؟ بس عندي سؤال ليش مارحتي لبيتكم وتميتي العده هناك.؟؟. ترى هالشي مب حرام وخصووصاا ان بيت اهل عبدالله فيه شباااب يعني كان الافضل والاسلم انتس ترووحين لبيت ابوتس وتتمين فيه لين تخلصين العده كلهاا وتوولدين.. وبعدين انتس تعلمين ولدتس عن ابوه وتخلينه يشووف صووره هالشي يعني بلاااااجدااااااااااال ان الابو حي ومامات وان اللي بيتعرف عليه هو حسن قبلكلم كلكم. وخاااطري بس اعرف وش قصة مووته بالضبط.. هو مات بالدووحه والا برااا؟؟؟ انتم شفتوا جثته والا وصلكم خبر انه مات بدون مايصلكم شي ثاني عنه.. واعتبرتوا هالشي من المسلمّات .. مدري ليش متوقعه انه اللي مات واحد ثاني ومعه اوراق عبدالله الشخصيه وعشان هاللشي انتم متيقنين من مووته نسبه للاوراق اللي لقيتوها مع الشخص الميت.. هذاا اذاا ماكان طريقة هالموت كله خطه مخطط لها احد عشان ماتعرفون وين عبدالله موجود؟؟؟ . والحين حياتس مع عبدالله ليش كانت بالشكل هذاا؟؟؟ الرجال وصفتيه بانه بمنتهى الجمال وانه من نااحيه الجمال اجمل منتس بكثيييييييييييييير .. على ان لتس نصيب من الجمال بس مع هذااا كنتي مثاار نقاااش بين اهله وخالته بانهم خطبووتس انتي وماخطبوا كاسره.. هل عبدالله من اللي سبق له وتقدم من كااسره ورفضته وهي يمكن تكون في خاطره وقال بناخذ بنت الخاله يمكن يكون فيها ريحة الزين اللي يسمع عنه من الناس عن جمالها .هذاا اذاا ماا سبق له وشافها شخصياا؟؟ وبعدين هالتبااعد اللي بينتس وبينه والبرود العجييييييييب بعلاقتكم والمفروض انكم تووكم بزواجكم يعني المفروض تكون الحيااة احلى من كذاا بينكم.. هالشي يخليني اقووول ان عبدالله ياااا انه مب طبيعي .. انفاااس خووذي بالتس معي ترى هذا التووقع ابو موجه مالها وزنيه ولاا تضحكين عليه وتقوومين تقوولين فشنك ومدري شووو.>>فيس يحذر.... التوقع الاول يقول هالعبد الله ياا انه شاااذ وان شااء مايكون .. الثااني انه مسحوووووور عشان مااتكون علاقته مع زوجته طبيعيه.. او ان بينهم عين.. يعني يمكن أي وحده خاطرهاا فيه ومقهووره انه تزوج من جوزاء مب هو بمنتهى الجمال والحلاوه وشكل له منصب وله كلمه مسموووعه عند ربعه واهله . يعني يعتبر مطمع لاي بنت.. ويمكن ان وحده من هالحريم سحرته عشان ماعاد يقرب زوجته.. والتووقع الثااالث انه يكووون طوول فترة جلووسه مع جوزااء مشغووووووووووول مخه بحدث اكبر واقووى وممكن يغير حياته .. وياا انه عضوو بمنظمه ارهابيه والحادث اللي صااار مااا هو الا تموويه لاختفااائه النهاائي عن اهله وربعه وماعاد يدورون عليه.. >>هاااااااااااه نفووووسه وش رااايتس بهالتووقعات كلهااا؟؟.. مب قلت لتس عبوود هذاااااا بتقولين عني بتوقعاتي له اني مغيره المووجه نهائي ومااهيب قريبه ابد للوزنه ..>>فيس مستااااااااااااااانس عشانه سووى لروحه اكشن..هع نفوووووووووووووسه ميرسي خاااااالص مالص على الابداع هذاا.. وبانتظاااااااااار الجزء الجااي اذاا الله احيانا فلا تتركين انتظاارنا يطووول.. ولاا اوصيتس على توقعااتي النااريه ..اعملي بها..هخهخهخهخه |
السلام عليكم ورحمة الله وبركاته
انفاس قطر شخبارك ان شاء الله بخير وشخبار ولدك الله يحفظه شنو اسمه؟؟ انا من اشد المعجبين بروايتك وتابعت معك بعد الغياب واسى الهجران كلهم من البدايه واتمنى لك التوفيق.. اخوك:{غالي الاثمان} |
السلام عليكم ورحمة الله وبركاته
فاتتني بارتات كثير ممكن تقولون لي ايام نزول البارتات و بأي وقت وتسلمون |
ماقصرتي نفوسه ناطرين الاسبوع الجاي على شوق |
نوف بنت نايف
فطلع معي التالي علي وكاسره يصلحون لبعض (احلفي بس مانتي تطامرين وكل يوم ملزقه لها احد المهم اني ربطهم من مواقفهم مع اهلهم كاسره موقفها مع امها واحساسها تجاهها وتشره امها عليها ذكرني بعلي وتشره ابوه عليه واحساسه فيه مزنه تشوف في كاسره نفسها وزايد خلى علي نفسه بمصاحبته له وكلامه عن خليفه هذا شئ اعطاني احساس ان زايد ومزنه تكررو مره ثانيه *********** وين يالغلا تبغيينا نعيش معاناة ثانية والا شوو يعني اذا كاسرة مثل أمها وعلي مثل زايد النتيجه فرآق مدى الحياة مثل ما صار للجيل الأول ما أعرف وش لوون شبكتيهم مع بعض تلاقين علي وكاسره الأن يغنون ((الي شبكنا يخلصنا............)) ................. زارا بقوولتس ان احلى مووقف اثر فيني بقوووه .. مب موقف صالح ورومانسيته مثل الكل مب منهاارين عليه.. اكثر موقف كان موقف علي وابووه يكلمه ويقوول له انا مستوجع.. ......... ومعاكي في هذه المشاعر.......... والسؤال الثالث : هالرحله لو تمت بدون عراقيل من عنااصر تخريبيه هل بتتم على اكمل وجهه. والا ممكن توااجه عوامل الطبيعه وبتكون اكبر تحدي لتس انتس تتغلبين عليها.>>فيس مذيعه.. وين زارا هذي طيارة موو لعبة أي تخريب تغينا المرة تموت علينا اي تخريب يطوول الطائرة يعني مووت وخراب ديار والطيارة فيها أنفس كثيير مو بس مزوون.................. تدري عاد الحين وش خطر ببالي>نفووسه خليتس معي هذي من توقعات اللي يبي لها وزينه شووي..هع يمكن يجي يوووم وتحتااج لاختك انهااا تطييير فيك لمكاااااااااااان بتموووت عشاان تااصل له وماتلقى قدامك الا مزووووووووووون هي اللي تحقق لك هالهدف..>> ترى تغيير الموجه للحين ماوصلت له..هع يسعدك ربي زارا وش ذا الخيال الخصب المليان وروود ونخل البنية كابتن موو عندها طائرة خاصة هناك فرق ......... ممكن لو شركنا كساب في برنامج سرفايفر في غابة الامزوون ونخلي مزون هم بعد تشترك بس اهي مع طاقم الأنقاذ مالت البرنامج يصير بعد كذا توقعاتك مقبولة فيس مجامل غصب يضبط لك التوقعات ........................ التوقع الاول يقول هالعبد الله ياا انه شاااذ وان شااء مايكون .. فيس بيرووح يدوور الدكان الي تشتريين منه توقعاتك المذهلة خخخخخخخخخخخخخخخخخ عن جد توقعات أبداع مع 180 درجه |
عندي اقتراح حبيت اضيفه اليك يااختي انفااس
مارايك ان تتكلمي عند نهاية كل بارات مايحدث في البارت القاادم عشان نتحمس لها^-^ ورواايتك في قمة الابدااع .. وفقك الله لما يحب ويرضى.. |
بصراحة مقدر اتوقع معك ياانفاس شي
لان كل شي متوقع معك شخصية منصور الغامضه وكساب بعد فية غموض مترقبه لمفاجائتك وللشخصيات الجديدة ^_^ |
أنفاس ... فديت اللي يذكروووني يا نااااااااس و على فكره انا ما عمري زعلت و لا راح ازعل منج لاني متاكده انج ما راح تكسرين بخاطرعلي بالقصه و ما فرقتي بينه و بين جميله الا عشان تحلى القصه اكثر و تكون اقرب للواقعيه منها للرومانسيه صالح ... يا حرااااام كسر خاطري لو انه يستاهل مو يجرح بالبنت و اهي تظل ساكته عنه خليها توريه العين الحمرا شووووي و ترد شوي من كرامتها المهدوووره سميره ... تجنن بلد بكلامها الحلوووو و بصراحه خلت للقصه جانب فكاهي و مسويه جووو خطييييييير ... مونستنا بحوارات الحلوووه علي ... تعذيب نفسي قاسي جداااا علي أنا خصووووصااااا ما كنت ابي اقرا ردة فعله من موقف جميله و اثرت فيني كلمه مستووووجع حيل منه بس بصراحه رجال و ما ينخاف عليه ما هو رومانسي حيل واقعي اكثرررر اما علاقته مع ابووووه حيل متفاهم اهووو وياااه و مقدر موقف ابوه من الشي اللي سواااه و اهو مو غلط .. بانه يشاور عيال عمها و اهم احق فيها من علي... يا سبحان الله شلوون تغير كلامي عن علي بس الانسان لما يكون زعلان يفكر بمشاعره اكثر و لما يهدا يوزن الموضوووع بعقله ... سبحانه مغير القلوب ... ثبت قلبي على دينك زايد... يا عمري عليك يا زايد حسااااس بزياده على عياله و ما يرفض لهم طلب ... و خصوصا طلب مزون اللي كهرب الجووو و اثر على علاقتها بخوووانها ... اللي مصيرهم راح يرضون على اختهم بالاخير بس كل شي بوقته حلووووو كسااااب... شخصيه متقلبه جداااا و عصبي و حسااااس و طيب و عصبيته تخرب عليه اشياء كثيره يا ريت ياخذ سميره و تعكس له حياااااته و تفرفشه و تخليه يتغير من ... الى .... فهد... شخصيه جديده جميله جدااااااا و تونس حيييييييييييييل انفاس ... القصه كلمه تحطيييييييييييييييييم شووويه عليهاااااااااا كلها مشاعر ... حبيت كل الاشخاص اللي فيهاااا لان كل اللي فيها طيبين .. حساسين .. رومانسيييين عشان جذي ....أحـبـج نــفــووووســه.... |
السلام عليكم
صباح الخير ماماتي ..انا هناا واقرأ الاجزاء معاكم..بس من اقرأ توقعااتس تروح توقعااتي ادراج الريااح ..واجلس أستمتع بتوقعااتس ..الموزون منها والغير موزون خخخخ بس تدرين ماماتي مع انفااس كل التوقعاات تصير كفقاعاات الصابون ماإن نفرح بعلوهاا حتى تتلاشى .. أنفااااااااااااااااس .. الله يعطيك العافيه على كم الابداع اللي تتحفيناا فيه ..والله يحرم ايدياتس عن الناار ياااارب .. ماعندي اي توقع ممكن يصير لحد ماتكتمل فصول الحلقاات المفقوده ..لان باقي اشخااص ماطلعوا ..ومن يطلعون بنبدأ نرتب ..ونوزع الاشخااص كلا واللي يناسبه .. بس مانصبر من تلامس اصابعناا الكيبورد الا والتوقعات تنهمر ..>>المشكله مافيها الموزون..!!! كاسره ... وبعد مصارحتها لنا انها تبي واحد بالاربعين فمالقينا لها عندناا الا منصور ..بس اكيد ماراح توافق عليه الا بعد ماتعرف سبب طلاقه لزوجااته ..>>واللي اتوقع انه السبب منه .. احتمال انه كان يطمح للجمال الخارق ..او انه كان يبي احد يدخل قلبه قبل يشوفه ..يعني هالكاسره ممكن تدخل مخه من يسمع احد يتكلم عنهاا ..عاد ذيك الحزه بينهبل الين يشوفهاا .. شوفي كاسره مالتس الا اثنين بالقصه ..ياكسااب واللي كنت متأمله اني اخطبتس له بنفسي والا منصور ..اللي الى الان مابعد طلعت لناا شخصيته بشكل اوسع ..خاصه سبب طلاقه المتكرر كساااااااااااب ..مهما قلت لناا مانصدق كلامك فيه احد يكره بنته ..>>روح ياشيخ كله كلام من وراء ظهرك ..لو مهما قلت ..اتوقع ان سبب ادمانك على الرياضه هو اخراج الكبت المتزايد من زايد وبنته ..يعني مستحيل تضرب ابوك او اختك ..فتطلع حرتك بالريااضه علشاان ترتااح .. انفااس ..اعذريني يالغاليه لو ماشفتي لي رد ...لاني أأمن كثيييرآ ..بأن امام ابداعك تقف الكلماات على أرصفه الصمت .. |
السلام عليكم غاليتي انفاس رواية خيال توني مخلصة البارت التاسع ..............صراحةاعجبتني شخصيةكاسرةوكساب صراحة اتمنى ياخذون بعض احس انهم بيكونون ثنائي رهيب:liilas:متى ينزل البارت العاشر:toot:
|
اقتباس:
عاد ياقلب اختك النوفي تراى اخالفك الرئي بالنسبه لمنصور لان من حوار كان بينه هو وكساب يوم كساب يقول له ان سبب طلاقه غيره نسوانه عليه هو قال لاتهمش اسباب طلاقي فاتوقع ان السبب صاروخ خطير وشهو والله اني محتاره بس اكيد ماهو سبب تافهه يعتمد على الشكل يمكن يكون شي يتعلق بشغله والا شخصيته والا ممكن يكون برئي نسوانه في دراسه مزون الله اعلم |
اقتباس:
أبي أسوي مثلكم... الكل قاعد يحلل وبعطي توقعات وأنا سكتم بكتم... أعترض بشدة.. يعني أنا أبلة مشغولة تاكلون الجو وتخلونها.. المهم تبعدوني عن دكان زارا وجيلو... نوفة أما راي نسوانه في دراسة مزون <=== أنا أشهد أنش خرفتي يا حلوة <== ممنوع استخدام سلطة المشرفات خخخخخخ الرجال اخر مرة طلق من عشر سنين خخخخخخخخخ.. ومزون داخلة الطيران من 4 سنين خخخخخخ.. دكانش شكله آيل للسقوط ما بعد كملت باقي عندي هذرة بس بأروح أجيب لي اقتباس ثاني... عقب أدمجوها لو سمحتوا يا مشرفاتنا الحلوات اقتباس:
يا الله وأنتي تعالي يا بوحة هانم... أنا اليوم قاعدة لكم على ركبة... خخخخخخخخ ترا الفراغة ذي موب دوم إلا يوم... الحين أنتي تقرين البارت مقلوب يامرة وإلا أشلون <== فيس متعجب....اقري يا هانم المقطع مرة ثانية: بل من أجل زايد.. نعم من أجله.. يحمل وجيعة الكل.. ولا أحد يحتمل مشاركته الألم.. الكل يحمله الذنب.. لا يعلمون أي وجع مضاعف يشعر به.. أوجاعهم فوق وجعه.. تنهدت بعمق.. توجهت للحمام لتغسل وجهها بماء بارد.. ارتدت روبها فوق بيجامتها.. وتوجهت لغرفته.. وكم فعلت ذلك!! (وكم فعلت ذلك) يعني المسكينة كل يوم ناطة عند الشايب... وأنتي تقولين في السنة احسنة.. شكلش تقرين البارت تركضين.. أنا اقرأ البارت في المدرسة وقت البريك... وعقب أرجع امخمخ عليه في البيت.. وعقب أقراه قبل أنام <=== حشا دوا كحة موب بارت يالله الحين أنا ابي اطلع بتوقع وإن شاء الله يطلع صح.. وأبي لي نجمة معتبرة نفوسة... أنا متوقعة إنه أم صالح ما تبي صالح يتزوج جوزا لانها تبي فهد هو اللي يتزوجها... وعشان كذا فهد رافض يتزوج... عشان ما يقولون له يالله تبي العرس خذ مرت أخوك وربي ولده.. ومخلي منصور حجة له.. بس ما أتوقع إنه يبي سميرة.. يمكن أنفاس تحاول تربط في الأحداث بينهم عشان تتوهنا.. بس لا ماراح يتزوجها.. أتوقع يا جوزا يا أختها شعاع.. اليوم الفاضي يعمل قاضي.. وانا اليوم خير من هو فاضي وسوى روحه قاضي... يالله كيف حالش يا اللي فوق رأسي... النوفي ياللي خوالها عمامها وش العلوم؟؟ وخري من السكة جايتش بعلوم عندي.... الحين كساب وكاسرة حيروا الجماعة.. وانا بصراحة مثلكم أفكر مني أفكر مناك.. لين جات الفكرة في راسي بسيطة وسلسة وش حليلها أول شيء... كساب وسميرة ما يمشي حالهم مع احترامي للدكان المبجل اللي جا منه ذا التوقع... الحين وحدة رقلة وخبلة مثل سميرة تنفع لواحد غثيث مثل كساب.. لا ولا تنفع ولا حتى واحد في المية.. وأعرف حالة حقيقية قريب من كذا.. رجال ثقيل جد.. مكانة وقوة شخصية خذ له بنت عسل مثل سميرة دمها خفيف وروحها حلوة.. لكنه ما استحملها يقول حاس نفسي في مستشفى مجانين.. أخاف أدخل البيت الأقيها متخبية لي ورا الباب عشان تخرعني.. على بالها بتضحكني وأنا ودي أعطيها كفين المهم مالكم في الطويلة... خلونا جد شوي.. في القصص نظن إنه واحد دمه ثقيل نزوجه وحدة دمها خفيف عشان تطلعه من الحالة... لكن الحقيقة إنه بيصير يحتقر عقليتها... كساب يبي له وحدة تستفزه.. تطلعه من طوره.. تقلب كيانه... موب سميرة الخبلة.. ولا وضحى الهادية.. ولا شعاع الطيوبة.. هالوحدة من هي طبعا <=== معلوم كلام ... كاسرة خانوم لو كاسرة خذت واحد فوق الأربعين مثل ماهي تبي... وين الأكشن؟؟ القصة ماتت... خذت فهد مثلا.. دمه خفيف.. وهي غثيثة.. ما تركب بعد.. والمرة الثقيلة بجد تحتقر الرجال الخفيف حتى لو ما كان خفيف فعلا وهذي مجرد خفة روح... نرجع لكساب.. ولاحظوا معي نفوسة وش سوت... كاسرة شخصيتها قوية وماحد قادر يجبرها على شيء هي ما تبيه... لكن في نفس الوقت جدها هو الوحيد اللي مستعدة تضحي بأي شيء عشانه ونجي للجد اللي عاده في خاطره حزين على أنه رد زايد وما زوجه بنته هنا بيطلع كساب وبيخطب كاسرة.. وطبعا مواصفاته ما تناسب كاسرة.. لكن جدها بيجبرها من غلاه عندها وأخيرا وصلنا... كساب وكاسرة تزوجوا أخيرا... وبدأ اكشن غير طبيعي.. بين أبو العضلات أبو لسان.. وبين الأميرة قوية الشخصية.. واحد منهم بينخ للثاني... بس بالتاكيد بيكون فيه ضحايا كاسرة اللي كانت ما تبي شاب صغير... وكساب اللي مليانه روحه جروح وبس تعبت.. ياويلي أجعتني يدي ما أكثر هذرتي |
السلام عليكم ورحمة الله وبركاته
والله جد البارتات جنان ودي اتوقع مثلكم لاكن المخ لاهي وملخبط بين الاحداث اعتذر انفاس كان ودي من يوم مادريت بالروايه اقرا بارت بارت واعلق لاكن هالاسبوع لتس عليه مره متعب كان علي والحمد الله ازمه وعدت والله لايعيدها سلمتي |
يويل قلبي نفوس اجعتيني حيل من موقف علي وابوه حب وتعلق بينهم مع عتاب من طرف وتانيب ضمير من طرف ثاني
رومنسية صالح يخرب بيت عدوتس شي يخبل بصراحه خفة دم سميره مالها الا ثقالت دم كساب بالعربي بارت ماعليه كلام تدرين ام سعود رحلة مزون بتكون هي بداية الخيط اللي بيربط زايد ومزنه قولي ليش بيصير مواجهه بين مهاب ومزون وبيحاول مهاب فيها يتعرض المزون ويمكن يكون هو السبب في تعطيل الرحله من القهر اللي فيه خاصه ان معها طاقم على كيفها كله حريم بتنهار مزون وبيعرف ابوها وبتكون المواجهه بينه وبين زايد وماراح يرحم زايد مهاب اللي مارحم عياله عشان خاطر مزون بيرحم مهاب لكن متى بيتوقف زايد اذا تدخلت مزنه في الموضوع وراح تكون المواجهه بين مزنه وزايد ياترا بيتحمل زايد ويواجهها وياقف في طريق ولدها ولا راح يحن للايام الخوالي ويتقرب المزنه عن طريق مهاب او بتعتبر مزنه هذا تدخل من زايد في حياتها قبل ثم حياة عيالها عقب وتاقف له بالمرصاد <<<<<فيس يتوقع ويشوف توقعه يصيب يوجع كلامك ياعلي بصراحه تاثرت انا وشلون زايد حاسه شكثرانت متالم وبعد حاسه باللي في قلب زايد من ناحيتك بس احس انك منتب مثل كساب ماراح تشيل بقلبك على ابوك لانه راح يخطب لك ست ست جميله ويمكن تكون شعاع او وضحى اذا رفضت عبدالرحمن مع اني اشوفه انسب شخص الوضحى لبي قلب خفيفة الدم والمشاهد الدراميه ماشاءالله عليها مخليه البيتهم جو خطير مخففه عن ام خالد الحاله اللي هي فيها اتوقع اقرب شخص السميره كساب او فهد ولد عمها مع اني استبعد فهد واتمنى كساب لانه ثقيل طينه وغثيث واتوقع راح يكون لهادور في كسب قلب كساب وراح تكون الوسيط اللي بيقرب بين كساب ومزون بكثر الزن على كساب جوزاء لامريضه نفسين ولا شي البنت عاشت سنه كامله كلها قهر اول شهرين كانت عايشه مع شخص ماعبرها ولا يشوفها بحياته شي ومهوب السبب الجمال اول شي ان جوزاء تتميز بجسم خيال وهذ شي يفضله ويمت عليه الرجال وسئلو كل متزوجه ثاني شي الرجال اذا حب زوجته ولله لو انها تشبه ام الدواهي فعينه قمر وغير كذا هي عندها مقومات كثيره منها الجسم والجاذبيه واللي تعجب الحريم اكيد بتعجب عبدالله وهذا مهوب حاجز ابد بينهم عندي احساس ان عبدالله عنده سبب ثاني يخليه بعيد عن جوزاء ابد مهوب فرق الجمال بينهم معقوله عبدالله وجوزاء ماصار بينهم مصارحه معقوله جوزاء ماتنفجر في وجهه وتقوله ليش هو معها كذا انا متاكده ان عبدالله ماقرب من جوزاء الا مرتين لان خايف انها تحمل وهو عارف انه راح يموت لسبب ما وماحب يتعلق فيها او يعلقها فيه وان تقربه منها في المرتين اللي ذكرتها جوزاء ان عبدالله ماقدر يتحمل قربها وصار وهو مايبي عشان ماييتم ولده او بنته لكن السؤال هنا وشسبب خوف عبالله من قرب جوزاء وهل مثل ماقالو البنات انه عايش الى الان ماظن اكيد انه مات ولا مو معقول اكيد اهله بيشوفونه وبيصلون عليه يعني هم ماقالو الشي هذا لكن ام سعود قالت فيه غموض في موته اتوقع جوزاء تخير بين ان اهل عبدالله ياخذون حسن او انها تتزوج واحد من عيالهم وطبعن الاختيار بيطيح على فهد لانه ماتفرق عنده هو رافض الزواج قال مرة اخوي ولا غيرها وراح تاخذ فهد بس بتنقلب الايه فهد بيحب جوزاء لانها تتميز بصفات جذابه وغير كذا بتدخل قلبه وبيتعلق في ولد اخوه لكن جوزاء بسبب اللي صارلها من عبدالله ماراح تتقبل اي رجل ثاني الا اذا شافت الحنان والحب من فهد وزود عليه معاملته الولد اخوه لاتلموني في حبها ياعرب وعلى زود سناعتها وعقلها بعد تستحي يازين منطوقتس يام خالد ماجرحته في اكلام وردت عليه بكل ادب واحترام بس ابو خالد وجه مغسول بمرق مع ذالك ياملحك وياملح وجهك ولله حبيتهم وحبيت عشقهم حتى صالح قال واعترف انه غلطان وقالها بس لا تلومينه يام خالد يمكن انه مايتحكم في اعصابه وانتي ارجعي معه وسامحيه ذا المره واذا سواه مره ثانيه حنا اللي بناقف في وجهه مع اني متاكده انه ماراح يعيدها تسع شهور بتعلمه درس ماراح ينساه بس اللي مافهمته ليش تكذبين كلامه وحبه لتس يانجلا هل معاملت صالح لتس وانتي عنده في بيته سيئه الدرجة انتس تكذبين مشاعره اللي حسينها حنا وشلون انتي ولا صالح من النوع اللي مايحب يبين مشاعره قدام نجلا ماظنيت هذا واحد شكله مايتحكم في عمره قدام محبوبه مبدعه ام سعود على كثر ماتعطينا في البارت الا انا ننتظر البارت اللي بعده على احر من جمر الله يوفقتس ويسعدتس يارب ويخلي سعودي لتس وكل من تحبين يارب |
اقتباس:
الله يستر على دكااااااااني منكم ياا الحريم.. هاليومين عيوونكن عليه الله يكفيني شركن.. هذاا دكاااااان شرقاااوي اصلي مااعنده يمه ارحميني بالتووقعات.. توقعااات تسوووي جووو ثاااني بالقصه..هخهخهخه نم نم بل بل عليتس وش هالغيبه ياا بنت؟؟ كل هذاا عشاان صرتي مدرسه؟؟؟ اجل لوو انتي وزيره وش كان سووويتي؟؟؟>>فيس يفكرررر ياا اختي انتم ياا مدرساات قطر يكرفوونكم كرف لين تنهااروون.. الله يذكر اياام عمتوو امل بالخير فديت رووحها مدري وش صااير فيها الحين ماعاد لها حس.. بالله نم نم شووفي يمكن تطلع زميله لتس ..>>> فيس يقول كل شي جايز.. هع تعالي الحين ياا نم نم بقوولتس تدرين لو تزوج كساب كاسره بيكون وضع طبيعي لان الكل متووقع هالشي ماراح يكون فيه مفأجأه لاني حتى انا وانا اتمنى انه مااياخذها بس بعد هالتوقع ما استبعدته.. بس لوو يااخذ سميره او اي وحده غير كاسره هنا بيكون فيه اثااره اكثر... لان الاطباع مختلفه .. مب لو خذ كااسره بيكون بينهم حرب داحس والغبرااء .. يعني طوول الوقت مشاااكل في مشااكل في مشااكل.. وفيه فرق بين المشااكل والاكشن.. ومثل ما انتي تعرفين وحده دمها عسل ماخذه واحد دمه ثقيل ومو متقبلها.>> فيس يقوول الله يعظم اجرها عليه هابو دم ثقيل مب مقدر النعمه اللي هو فيها شكله راابي على النكد.. .انا بعد اعرف وحده شخصيتها قووويه ومتزوجه وااحد شخصيته قووويه وكل واحد يبي يمشي كلمته على الثاني .. بالاخير تطلقوا لان مركب فيه ربانين ماتمشي.. يعني هنا بعد فيه سلبيات لزواج الاقويااء.. الا لو واحد قرر انه يتنازل وكسااب من ساابع المستحيلات انه يكون هو اللي بيتنازل .. وشخصيه مثل كاسره ماراح تقبل تتنازل عن اي شي ولوو تنازلت ماراح نتقبلها بعد كل جبروتها افهم انها تتتغير طبيعتها وشخصيتها لما تكبر بس وهي بهالسن وكل شي تحت سيطرتها صعب نتقبله.. وبعدين اتفق معتس بنقطه وهي ان زواج كاسره بيكون بواحد اصغر من اربعين و بيكون بتأثير من جدهاااا يعني هو اللي بيقنعها وخصووصاا انه رجال كبير وبيخاف انه يموت وهي مااا تزوجت.. >>نم نم شكلتس دااخله المقلط وشاايفه المنااقشاات اللي صاارت فيه عن كل التووقعات.. نم نم كووني حاضره هناا داائمااا بس خلي عيونتس بعيده عن دكاااني..هخهخهخهخهخه |
يسعد مساءكم جميعا قبل كل شي مبروووووك نفوسه على المولودة الجديدة تتربى بعزك :) اخباركم صبايا عاملين ايه اشتقت لكم مررره القصة جدا جدا رائعه يكفي انها من انفاس اهنيك على اسلوبك الرائع مراح اخووض مره بالتفاصيل لكن انا اتوقع توقعين فقط لا غير كاسرة راح تتزوج زايد ومزون راح يخطبها تميم وراح يوقف في وجهم مهاب اعذريني يالغلا عن قلة الكلام بس قلت لازم اشارك لو بحرف |
مساء الأنتظار
..,( بسم الله الرحمن الرحيم السلام عليكم ورحمه الله وبركاته مساء الخير سلمت يداك أختي أنفاس ها أنتي بكل مره أقراء فيه ما تخطه يداك وأجد نفسي تائه لا أعلم أي مما يخيل في داخلي سوف يتحقق , أي حيرة تضعيني فيها أتعلمين بماذا تذكرني روايتك بتماسكها كشبكة العنكبوت فتبارك الرحمن على هذه الموهبة في كل مره انتظر بترق وتشويق ماذا فعلتي بي ؟؟ فاصل:: أستغفر الله وأتوب إليه .. تعليقات :: صالح >> فارس الليل كما أحب أن أسميه ما الذي يحدث لك عند ظهور القمر ؟؟ أيجتاحك لوعات الفراق والاشتياق احقا رواية الرجال المستئذبون تنطبق عليك نجلاء >> لا أعلم ولكن إلى هذه اللحظة لم أقتنع بسبب ترك نجلاء لبيت زوجها وأني أتوقع سبب أخر لكن لم يظهر حتى الآن !! ارحمي عزيز قوم ذل !! كسّاب >> إلى هذه الدرجة قلبك يقسى على أبنتك كما تسميها كم عجيب أمر الأنسان إلى متى ستظل على هذا الحال ؟؟ إلى أن يحدث مكروه لمزون مثلا أو تدفنها بيديك تحت التراب أم ماذا ؟؟ مزون >> هذا ما كنتي تحلمين به ياله من حلم عجيب أحقا ستحلقين مع الطيور !! وهل رحلتك سوف تتكلل بالنجاح ؟؟ أترك البقية للتعليق عنهم في وقت آخر ولكن بحكم أن التوقعات ضارب سوقها هاليومين عند حبايبي وخواتي متابعات بين الأمس واليوم :: وخصوصا بالزواجات بالعامي على قولتهم راح أضع لكم توقعاتي وشلون وكيف مدري كيف راح تتم هذي التوقعات وأحس أنه بدري على كذا بس بما انكم هابين على الزواجات فما فيه مشاكل نضع توقعاتنا معكم منصور راح يتزوج كاسره كسّاب راح يتزوج سميره غانم راح يتزوج مزون فهد راح يتزوج شعاع علي راح يتزوج جميله جوزاء راح تتزوج مهاب رجاء لا أحد ينصدم وكلن يصلح سيارته :toot: دمتم بخير جميعا أختكم : بنت أبوي أبوي بن جدي ),.. |
اقتباس:
ما أقول لكم الليلة فاضية... الله يستر مني بس... زويره وأشلونش يالدبة.. قلنا مانبي نمنم ليش مافيه معلوم يا بنت.. مافيه نمنم غيرش جعل النمنم يطلع لش في القوايل ونصوص الليالي يارب والله العظيم زمان عن المقلط.. وإذا دخلت دخلت باسمي الحلو ورسمي الأحلى وسدحت أرائي المغبرة... بس فيه حرب توقعات على الخاص معدية أشواط على اللي هنا بعد.. غير عن أني أقرأ أغلب الردود هنا... المهم مالش في الطويلة <== كلمتي المفضلة... اشتقت لش يا بنية أنتي ودكانش اللي كله خراط مافيه من الصحة شعرة... أنا مصرة إنه كساب لازم يتزوج كاسرة.. لأنه لازم حد من عيال مزنة يتزوج حد من عيال زايد... ومستحيل يكون مهاب ومزون.. لأنه واحد يحتقر وحدة مستحيل يتزوجها.. مع إن كل التوقعات ربطت مزون بمهاب.. بينما التوقعات الثانية مهوب كلها ربطت كساب بكاسرة فيه منصور وكاسرة بالتساوي بعد.. مع كذا موب لأن الناس توقعوا كذا.. أنفاس تغير.. لأنه أحس القصة كذا بتنكسر.. لأنه أنا حاسة أنفاس من بداية القصة وهي تربط بدقة عشان تشربك كساب بكاسرة.... ولا لا لا كاسرة ماراح تنكسر لكساب.. لكن أتوقع كساب هو اللي يلين لكاسرة.. يلين شوي موب كثير عشان ما تزعلين.. لأنه مثل ما أنتو عارفين كساب كان شخصية حنونة لين أربع سنين بس... فأكيد موب صعب عليه يرجع لقواعد حنيته اللي هي الأصل فيه يعني ماراح يكون فيه اختراع أو تغيير جذري فيه وبعدين أنتي من زمان وأنتي ترفضين تربطين ناس ويرنبطون... تذكرين راكان وموضي.. وعقب صاروا وش حليلهم سوا.. أحلى ثنائي ذاك الزمان... المهم... سكري دكانش.. وأفرشي بسطة يمكن الهوا الفريش ينقي مخش المصدي.. خخخخخخخخ وأبلة أمل والله ما أدري يمكن تكون معي وأنا ما أدري يا بنية... أبلة أمل لو تقرين خبالي هنا.. وتعرفين أبلة خبلة معش في المدرسة .. استري عليها.. خخخخخخخ |
مساء الخير احبابي عامه وخاصه لاحلى كاتبه انفاس قطر
انا من متابعيك من بعد الغياب بس خلف الكواليس لاني لما اخلص من قرايت البارت تضيع الكلمات وما اعرف ارد بس شئ في قلبي يقرقع ودي اقوله, ليه كلكم ربطتوا كساب ب كاسره ليه واين راح علي احسكم مهمشينه عاد انا اتوقع انه علي هو الا ياخذ كاسره ؟؟؟؟ وبالتوفيق حبيبتي انفاس .... |
مساء الورد
كثر الحديث والمعنى اولا واخرا يبقى في ذهن الشاعر (الكاتب ) واحنه كاتبتنة مختلفة لاتخطو خطوة الا ولها فيها غاية لن اتوقع هنا بل ابدي وجهة نظر في مسألة معينة كاسرة الفتاة التي تجد الرجل هش ان كان صغير العمر وتجده قوي متمرس ان كان كبير العمر وتجده يحتويها ان كان بعمر الاربعين ولاتجد عندها سندا ان كان بالثلاثين او العشرين او تحديدا اكبر منها بسنين قليل او اصغر منها بسنين قليل لذا اجد القصة سوف تتخذ خطوط عميقة ان تزوجت كاسرة بشخص اصغر منها واعتقد علي يصلح لهذا الموضوع >>مجرد توقع بسيط عندها سوف تكتشف كاسرة ان الرجل ممكن ان يحتوي المرأة ان كان يملك لها حبا واحتراما في اعماقه مهما كان عمره لانه اذا لم يملك هذا القلب سوف لن يحتوياها حتى وان كان بعمر جد جد جدها >>وجهة نظر نجي على كساب رغم القسوة التي تغلف مجمل تصرفاته الا انه يملك قلبا رحيما وظهر في اول موقف تطلب حنانه الحازم لذا اجد كساب ان وجد مزون في موقف صعب او شعر بوجود خطر يحيط بها او اصيبت بأذى معين عندها سوف نرى الحب يتفجر من شراينه ويعلن عودة المياه الى مجاريها هو الآن يعاقب مزون لانها تستحق العقاب من وجهة نظره فضلا عن ذلك هو يدرك ان والده غير مقصر معها لذا هو مطمأن عليها ولايسعى الى اصلاح الامور بينهم ولكنها سوف تنصلح رغم عنهم >>وجهة نظر جميلة وخليفة ما اعرف ليش تردون جميلة ترجع الى علي مثل عودة راكان لموضي مو كل الاحبة يجتمعو وبعدين جميلة لاتدري عن حب علي لها وخليفة شخص بدا الحنان واضح عليه اتجاه جميلة فهل تبدل حنان واضح ورجل وقف معها في محنة بعد ان تخرج منها ؟!!!!!!!!!!!! زايد تدرين انفاس لدي فضول عجيب لاعرف مشاعر الرجل الذي يعزف عن الزواج بعد وفاة زوجته شنو شعوره ليش بقى دون زواج هاي اسئلة تدور في بالي عن هذا الموضوع لعلي اجد اجاباتها هنا هذا اذا بقى زايد دون زواج الأن لي وجهة نظر في موضوع معين القصة هي شنو هي عبارة عن واقع احياننا يصور بطريقة مأساوية واحياننا اخر بطريقة فرايحية واحياننا اخرى يتطلب الحل الوسط الا تجدون انكم اجزمتم ان بطلات القصة سوف يتزوجن ابطالها وانتهى الامر والمشكلة تكمن في من يأخذ من شنو القصة الا توجد فتاة تبقى في بيت ابيها دون زواج دون سبب ظاهر لما لا توجد بالقصة مثل هذه الفتاة ومن ياترى سوف تكون ؟؟؟؟؟؟؟؟؟؟؟؟؟؟؟؟؟ جوزاء تدرون بنات قصة جوزاء قصة مؤلمة اكثر من قصة جميلة تعرفون شنو يعني المرأة تشك بأنوثتها وتشوف نفسها انسانة غير مرغوب فيها ولديها مشكلة في شكلها حتى اجمل النساء اذا تعرضن لمثل ها الموقف سوف يتحطمن من الداخل والمرأة تجد في زوجها مرأة لها مهما قيل عنها انها جميلة تبقى تنتظر كلمة من زوجها هي التي تحدد هل هي جميلة ام قبيحة وجوزاء فسرت تصرفات عبدالله على اساس انه لايميل لها بسبب وسامته الفائقة مقارنة بشكلها الجذاب السؤال اين عبداللة هل مات فعلا وترك خلفه انثى تربي ابنه على ذكراها واية ذكرى ترك في قلبها تزرع في طفل حب اب لم يزرع حبه لها بصراحة مهمة صعبة هي اقحمت نفسها فيها فهي تستطيع تربيته على اساس والده متوفي وزواجهم لم يستمر سوى شهرين لذا هي غير ملزمة برسم صورة لهذا الوالد ولكنها اختارت اصعب الادوار هنا نجد قوة في تصرفات جوزاء ومعدن اصيل ممكن ان ينجلي ويظهر لمعانه السؤال كيف تخرج جوزاء من ما هي فيه اعتقد العمل هو الذي يخرج المرأة من قوقعتها ويشعرها بأهميتها عندها تحب نفسها وتهب الحب لما حولها ونجد جوزراء مختلفة غاليتي انفاس تقبلي ثرثرتي الليلية لهذا اليوم ارجو الا اكون قد سببت لكي صداعا عزيزاتي صاحبت النقاش ادام الله عليكن سرعة البديهية وروح الطرافة وشكرا للمساتكن السحريةهنا مسائكن ورد |
انفاس انا بعد متابعتك بس هاذي الروايه اللي لحقت عليها من بدايتهاhttp://www.liillas.com/up3//uploads/...b5a38751e4.gif وعاد ماقدرت مااعلق اقتباس:
امافاسميره هي اللي احسها تصلح مع علي ولان روحها حلوه امكن تقدر تنسيه جميله وهاذا زايد انا راحمته اكثر شي هو و مزون لانهم كل ما صار شي شالو همه :frown: ووضحى احسها يا علي ياغانم وارحمها كثير صراحه باللي تسويه كاسره معها انا عارفه انه بشخصيتها بس تقهر اقتباس:
يعني من الردود وكذا وتراني مثلك فاضيه ومستقعده ووهاذا الي فـ بالي الحين لان انا قاريه الجزء الخميس واليوم اعلق عليه واناانسى بسرعه وفالنهايه كلها توقعات r a z a n[/RIGHT |
اقتباس:
شوووفي اذا انتي قااريه القصه او عندتس علم مسبق بان كسااب لكااسره فهنا انتهى النقاااش..بس اذاا هالكلام تووقعات وتمنيات فهنا بيكون دكاااني مشرع ابوااابه وبيعطيكم من هالزين وهالتوقعااات اللي مااتخطر على بال اي احد فيكم>فيس وااثق بتوقعاته الموزونه واللي يبي لها وزن..هع هع هع..وبعدين تعقب كااسره يتنازل لها كسااااب ويلين.. سواء شووي والا وااجد..ليه هي تبيه صووره عن ابووها الله يرحمه اللي كان مخلي الخيط والمخيط بيد امها.. لاا حبيبتي هذي ماحبيتها بحق كسااب ابدااا... يلين عشان خشة كااسرووه هذا اللي ناقص بعد.. حنوون كسااب.. صح حنوون بس شووفي لما صاار وكسرت اخته كلامه وش سواااا؟ وهي اخته اللي يعد نفسه ابو لها ومربيها.. بتجي كاسره اللي ماعرفها بيووم وبتخليه يلين لها وينفذ طلباتها بدوون جدال. يعني لازم هو اللي ينخ وهي على تااج الملك مايهتز لها طرف؟؟ الا تنقلب كل امااانيها وتااخذ وااحد اصغر منها مثل علي اللي لقينا ارااء كثيره تجمعه بكاسره.. وهو اللي بيهجدها وبيخلهاا تعرف وش حنان ووش مشااعر مكبوته فيها ولازم تطلعها.. بس لو خذت كسااب بتكون داائما بحاله حرب معه.. وانا ابي كسوووبي فدت كااسره ترااب رجليه يرتاح مع وحده توووسع الصدر وتبعث على الفرح.. سوااء سميره او غيرها.. كااسره راافضتهاا مثل ماارفضت قبل موضي لراكان بس وش جاااب موووضي الحنوونه لكااسره المغرووره.. >>فيس يحب السجع.. وبعدين مب تبين واحد من عيال زايد يتزوج من عيال مزنه..خلاص عشاان عيوونتس هالحوولاااا ياا نم نم بنزوج علي لكااسره وش تبين بعد اكثر من كذاا غلاا وحب لتس..؟؟هخهخهخهه وتعالي بقوولتس شي مو انتي تقوولين مهاب مايتزوج مزون لانه يحتقرهاا؟؟ يااااااااااااكثر اللي تزوجواا ناااس وهم حااقريهم..وصااروا مايقدرون يعيشوون من غيرهم انتي مااعمرتس سمعتي عن الوثران من الله.. هذاا هو اللي بيصير لما مهااب اللي يحتقر مزوون بيااخذهاااا وهي بتصيطر عليه ومااعاد يقدر يفاارقها.. >> من توقعات الدكان..هع انتي نم نم لوو شفتي ابلاا عااقله وحنوونه وحبوووبه وتدخل القلب على طووول هذي تراها عمتوو قوولي لها حبيبة قلبس الريمي مشتااااااااااقه موووووووووووووووووووووت وتقوول مهوب العشم ياا عمتوو>>فيس ميت شوووق لعمتوو.. |
السلاام عليكم
انا عضووه جديده بس متاابعه لقصص انفاااااس قطر يعطيك العافيه انفاااااس وربي رووووووعه ودااائم تذهليينا بصراحه التوقعات معاك صعبه يجي موقف ويقلب توقعاتنا فوووق تحت وهذا اللي يميزك عن غيرك من الكاتباااات وربي من جد انك مذهله بكل شئ بالسرد وبالقفلاات والتوقعاات امممم الحين بقول رائي بالشخصياات <<بدت تتفلسف مهاب وكساااب شخصيات مهيبه وقوووويه كاسره ومزنه ايضااا شخصياتهم قوووويه بس مزنه اللي كسرهاا بعد اخوانها عنها عقب تخصص الطيران بجد تحززن كل ماقريت لها مقطع لاازم الدموووع تهل بصراحه فاكهه القصه سميررررره مره اعجبتني شخصيتهاا تهبل وكذلك صااااااالح اما موقفه مع نجلاا <<تووححححفه نجلا شخصيتهاا مره حلووه راعيه مواجيب وسنعه بس تحب تادب زوجهاا بطريقتهاا اتوقع يتصالحون بعد حرب مدووويه غنوووم اتوقع تكسرت سنوونه بسبب كااااااااسره عندي هذا التووووقع مدري ليه <<فكيناا من توقعاتك :D علي كسر خااطري مره موقفه يوم يكلم ابوووووه حتى انا انوجعت معه <<دموعها على جريف اتوقع منصور او كساب اللي ممكن يتزوج كاسره وضحى مدري من جد مافي بالي احد يمكن توافق على عبد الرحمن محد يدري استنى البااارت بفااااااااااارغ الصبر مشكوووره اختي انفااااااااااس ماتتخيلين فرحتي لم دخلت المنتدى ولقيت لك رواااااايه جديده وبشرت قريباتي عشان يقرونها وهـ بس فديت قلبك استمررررري واحناا معاااك |
يعطيك العاااافية
أنفاس قطرررر فرررحت كثيررر بالرواية (مزون شخصية رائعة....وكساااب متمرررط جدأ) أما كاسرة فهي كااسرة للقلوب ...شخصية تخفي بداااخلها الكثيررر سلمت أناملك عزيزتي ,انا بالانتظااار |
♪♪♪ آحلى شي آن القفله كآنت على صآلح ونجلآء .. وآضح مدى حبه وتعلقه فيهآ .. بس لسآنه يبي له قص ويبي له يتحكم بآعصآبه ولسآنه .. ونجلآء مآ رآح تغفر له بسهولة .. ولو كله ولآ يهين آمهـآ .. حوآر علي و زآيد .. كآن يعور القلب خصوصـآ لمآ قآل علي .. [ يبه أنا مستوجع.. مستوجع خلني جعلني فدا خشمك أروق شوي ومالك إلا اللي يرضيك ] بس زآيد قهرني .. على غلآة علي عنده الآ آنـه فضل خليفة و آوجع ولده .. مآ آتوقع آن السآلفة بس لآنه من آهل خليفة .. يمكن رد دين قديم !! خليفة .. آحسه متذبذب الرآي و المشآعر .. ومو عآرف وش يسوي وكيف يتصرف .. ورط نفسه .. خصوصـآ بـ وصآيآ زآيد وعفـرآ له .. يحس آنهآ آمآنة ومحتآر !! مزون .. بـ آنتظـآإر هالرحلة .. حآسة بيصير شي .. ولو آن حتى موب عآجبني شغلهـآ .. كسآب .. شآيل بخآطره كثير على مزون .. مآ ينلآم بنته وتعصي شوره .. وآن ندمت بعدين .. بس يضل الآلم بالقلب .. جوزآء .. قصصتهـآ قصة .. شكلهآ مآ كآنت مرتآحه في عيشتهـآ مع عبدالله .. من جهة هو وبروده .. ومن جهة ثآنية خوآته اللي مآ كآنت عآجبتهم .. واللي زآد عليهـآ وفآته وحملهآ .. ~ يعطيك العآفيه آنفآس .. وسوري لو تآخرت بالرد على هالبآرت مع آني قريته آول مآ نزلتيه .. ♪♪♪ |
صبـــــــــــــــاح الأوركيد
مشكوره على البارت ,,,بارت اليوم هو بارت تنفيس الأحاسيس الداخليه. ========================== مزوون ياحياتي عليها اكتأب شديد مصيطر عليها حتى نظرتها صايره سوداويه للحياة ومين يلومها وهي هذي حياتها ,,,, انتي قلتي في مقدمة الاولى للروايه ان الاقوال وافعال اذا صدرت تاخذ طريق اللارجوع ومانقدر نرجع الزمن للورا وعلى ضوء كذا بنعيش,,, ( بماضي ماأنتهى وحاضر مضطرب ومستقبل مجهول) أيآ كان مقصدك سواء زايد او غيره لكن من وجهة نظري هذا حال مزون اليوم بالضبببببط . تدرين رحمتها من قلبي وهي مستانسه ان اللي بيرفقها كابتن والمساعده نساء لكن ماتوفقين الرأي ياأنفاس ان هذا مو حرز امان لها خصوصآ من بعبع امهاب بمخيلتها لان اول مره غرس فيها سموم احتقاره ,,,,كان مار من جنبها مرور الكرام !!!! ومااخذ وقت اقل من دقيقتين عشان يقول كلامها ,,,,,لكـــــــــــــــــــــن تصدقيني لو اقولك مو خايفه عليها ابدآ ,,,,,,لان هي ناويه ماتسكت له وامهاب وكساب بينهم قاسم مشترك بنظر مزون وهو اختيارهم لنفس الطرق بالتجريح. يعني لو نتذكر شلون ردت مزون على كساب ذيك الليله بغرفته ولجمت لسانه وهي اصلآ ماكنت ناوية ترد ,,,فشلون وهي ناويه ترد ولشخص له رصيد كبير من الغل بقلبها تجاهه؟؟;) ================================ وضحى اللحين شلون مزنه تكلم او تطلب من وضحى ,,,,هل مزنه اتبعت نفس اسلوب تربية كاسره؟؟ او انها تركت وضحى وعاملتها مجرد ام وابنتها من غير ماتزرع فيها القوة يعني لو شفنا شلون كاسره تتكلم عن وضحى بغيابها ابدآ مانصدق معاملتها المتسلطه لها . طيب هل مزنه تعامل وضحى بنفس الطريقه وبغيابها تدافع عنها مثل اللحين؟ او مزنه بالفعل هذي معاملتها لها سواء بحضورها او غيابها؟؟ لان ليش الفرق بين شخصيات بناتها كذا كبيررررر:eek: ==================================== صالح ونجلا صحيح ان كل زوج لازم تكون فيع عيوب ولازم الزوجه تصبر عليها وتركز على الجانب الايجيابي لكن صالح يستاهل هجر نجلا ,,,,, لو لاحظتي ,,,نجلا قالت له ((مو اول مره )) يعني كل مره تتراجع وهو يرتكب نفس الخطأ وغير كذا لو لاحظنا بحواره مع نفسه قبل يرسل لها المسج ,,,,,بنلاقي ان تشره عليها و وبخ نفسه وعدم انتقاءه لكلامته ,,,,بس الأهــــــــــــــــــــــم ماقال (خلاص توبه ماعاد اعيدها) هنا في خلل معناه هو مو ناوي يصلح من نفسه . مثل كذا لازم تنشد اذنه ويعرف ان الله حق ,,,,وبعدين وش دور ابوها اللي هو عم صالح وغانم ليش ساكت ,,,اتوقع انهم دارين ان بنتهم عاقله وماطلعت الا لسبب كايد بس احترمو سكوتها وسترها على ابو عيالها , ================================ جوزاء وعبدالله بالبدايه كنت احسب ان عبدالله توفى بحادث ,,,لان بالموقف اللي جمع صاله وام صالح وفهد ويوم طلع فعد من عندهم انتفص صالح وكأنه تذكر شي ,,,معناه كأنه تذكر ان عبدالله كان معهم ويضحك وطلع وصار له حادث وعليها ابد مارجع ,,,انا فهمتها كذا وسالفة ان وفاته غريبه ,,,هذي يمكن ان وفاته كانت بعد شهرين من زواجه او طريقة الحادث كانت غامضه,,,,,,لكن يمكن كان فهمي غلط , نجي لجوزا مممم الحوار اللي دار بين صالح وامه يناقض كلامها ,,,,,يعني لو هي كانت وجهه نحس عليه مثل ماكانو يوصلون لها الفكره ,,,,,فااتوقع ان امه تنتفض وترفض بشده زوج صالح منها لان هي نحس,,,,بس امه ابد مافكرت كذا بل بالعكس تفكيرها كان يتعلق بنجلا وحياته. مممم وبعدين كلمة جوزاء انه تنازل ولمسها هذا معناها انه ماكان عنده رغبه كزوج ورجل ,ولكن صار الاقتراب اما بدون اهتمام او كان يبي لكن شي يمنعه, طبعآ حنا سمعنا الموضوع من طرف جوزاء لكن عشان نكون عادلين لازم نشوفه من طرف عبدالله عشان اتوقع في شخص عنده فكرة شلون كانت حياة عبدالله مع جوزا والاهم ان اللي كان ينقل له الصوره هو عبدالله نفسه انفاس في نقطة انا مستغربه لها ,,,,,,,ان حسن والده توفى وامه في بداية حملها لان عدتها 8شهور ,,,فطبيعي لشخصية محبوبه جدآ مثل عبدالله ان اسمه ماينقطع ,,ليش ماسمو حسن,,,,عبدالله؟؟ ادري بتقولين هذا امهاب مزنه ماسمته على ابوه ,,,,مزنه مثل ماقال زايد طول عمرها غير وتفكيرها غير وبعدين شخصيتها قويه وتسمح انها تحط حاجز ان مااحد يتدخل بحياتها, لكن جوزا غير , الظريف ان موضوع التطير من زمان لان حتى خليفه قال عن مزنه وجه نحس يوم توفى والد امهاب. ================================= انتظرك ثم انتظرك لاتتأخرين اشكرك على انضباطك بالمواعيد وتعاملك الراقي وبالك الطويل |
بين الأمس واليوم/ الجزء العاشر
السلام عليكم ورحمة الله وبركاته والله العظيم ما تتخيلون سعادتي بكل حرف تتكرمون بكتابته هنا بكل النقاش الثري الدائر هنا وعندي كلام كثير بس الصداع ذابحني.. من أمس ما فكني بشكل متواصل سامحوني عالقصور أرجوكم . . بين الأمس واليوم/ الجزء العاشر نجلاء تصرخ من بين أسنانها: قليل أدب وما تستحي توكل على الله و لا تجي بكرة والله لما تحرك سيارتك الحين إني لأقول لغانم يتصرف معك حينها رأت صالح يميل بجسده أكثر على مقدمة السيارة وهو يستند بثقله عليها.. ويهمس بثقة ساخرة: تخوفيني بغنوم البزر... خليه ينزل.. أنا أتناه إذا أنتي بايعة أخيش.. خليه ينزل.. نجلاء تبتلع ريقها.. تعرف أن صالحا لا يهدد.. عشرة أكثر من تسع سنوات قد يكتم طويلا.. ولكنه حين ينفجر.. مرعب لأبعد حد.. وتعلم أن غانما لا يقل عنه حدة.. ويستحيل أن تعرض شقيقها ولا حتى والد أطفالها لموقف عراك سخيف من أجلها لذا همست برجاء: تكفى صالح روح.. أم عيالك مالها حشمة عندك صالح ببساطة موجوعة: وأم عيالي ليش ما تحشمني عاجبش وقفتي ذي..كني مراهق حتى غترتي توني أنتبه إنها مهي بمعي انزلي يا بنت الحلال أبي أشوفش بس.. نجلاء بتردد: بانزل.. بس توعدني ما تسوي لي شيء ولا تقربني.. صالح هتف بحزم شديد لم يتوافق مع ابتسامته المرتسمة بتلاعب: آسف ماني بواعد شيء.. نجلاء تكاد تبكي فعلا: لا حول ولاقوة إلا بالله.. وش ذا الليلة؟؟ منت بواعدني ماني بنازلة.. صالح بحزم وهو يتوجه للداخل: تراش مسختيها..طولتيها وهي قصيرة.. أنا جايش لين غرفتش نجلاء بجزع: لا.. لا.. جايه جايه.. انتظرني في المقلط.. صالح يفتح باب البيت ليلج للداخل.. وهو يقول بحزم: لو تأخرتي علي دقيقة وحدة.. بأطلع لش نجلاء كانت تتحرك كإعصار مجنون متوتر وهي تقفز لغرفتها لترتدي لها جلابية واسعة فوق بيجامتها.. وتتناول جلالها وتضعه على رأسها وتنزل السلالم قفزا ..خوفا أن ينفذ المجنون تهديده كانت تنزل بدون تفكير حتى وصلت باب المقلط.. حينها وقفت أمامه وهي تحاول سحب أنفاسه التي غادرتها وكل الأفكار تقفز لرأسها فجأة "ما الذي جاء بك ياصالح الليلة أي هم جديد تحمله لي؟؟ ألم يكفيك كل الوجع والجرح بيننا؟! " ثم أردفت لنفسها وهي تشهق: "أنا غبية..غبية..أشلون وافقته؟؟ تحت مافيه إلا غرفة أمي وإبي والحين نايمين والوقت متأخر وش بأسوي لو ...؟!" عضت على شفتيها بحرج عميق.. وهي تقرر العودة للطابق الأعلى بسرعة وإغلاق الباب على نفسها.. وليتصرف صالح كما يشاء ولكنها قبل أن تغادر الفكرة رأسها لمجال التنفيذ.. كان صالح يفتح الباب بغضب لتلتقي النظرة بالنظرة بعد كل هذه الأشهر.. وتتحول نظرة الغضب في عيني صالح إلى شيء آخر.. أعمق وأدفا وأخطر وتتحول نظرة الخوف في عيني نجلاء إلى توتر صاف وهي عاجزة حتى عن ابتلاع ريقها أو أخذ أنفاسها لحظات مرت من الصمت.. تبادل مستعر للنظرات.. وكأن كل واحد منهم يريد إكتشاف آثار غيابه على ملامح الآخر وهل فعلا قد ترسم انحناءات الوجه وأنثناءاته رائحة الفقد وتعاظم الشوق ووجيب القلوب؟! وهل تفضحهما نظرة الشوق؟؟ وتنهيدة الوجع؟؟ وشهقات الفراق؟؟ كان صالح أول من تماسك من نشوة النظرات وهو يريد استغلال تبعثرها قبل أن تفكر بتصرف ما وهو يشدها من يدها للداخل ويغلق الباب.. حينها انتفضت نجلاء بجزع وهي تنزع يدها منه: خل الباب مفتوح.. صالح ببساطة: آسف ماني بمخليه مفتوح.. أوامر ثانية؟؟ نجلاء بجزع خجول: لا تقرب مني قالتها وهي بالفعل تبتعد عنه لتجلس على المقعد الأقرب للباب.. بينما رد عليها صالح بابتسامة غاضبة: هذي بافكر فيها ثم أردف بحنان ممزوج بالغضب: ما أبي إلا شوفت وجهش يالبوارة.. ترا ماني بحيوان ولا همجي عشان تخافين على نفسش مني بذا الطريقة. نجح في إشعارها بالحرج والخجل لأبعد حد.. أنزلت وجهها وهمست بهدوء لتبعد عن نفسها الحرج: ها يأبو خالد.. وش الشيء الكايد اللي حدك على مساري الليل؟؟ صالح بعتب عميق وهو يجلس على مقعد منفرد بعيد عنها بدوره: الحين تنشدين وش حدني على مساري الليل؟؟ أربع شهور ما شفتش يا الظالمة.. وعلى قد ما حاولت أشوفش وأسوي حركات غبية وسخيفة.. ماهان عليش تبردين خاطري والله عيب عليش يا نجلا صالح على آخر الزمن يصير فيه كذا!! نجلاء بألم: صالح اللي سوا كذا فيني وفيه.. صالح بعتب أعمق موغل في الوجع: عاجبش حالنا كذا.. كل واحد في مكان.. وعيالنا شتتيهم بيننا.. ليش تحرمينهم يعيشون مثل باقي عيال خلق الله بين أمهم وأبيهم نجلاء نظرت له بعتب موجوع مجروح: إذا صار أبيهم ما يحترم أمهم.. أحسن ما يشوفون أشلون أبيهم يهين أمهم.. أي قدوة بتعطها لهم وأنت تكسر أمهم قدامهم صالح يشعر بألامه تفور في فيضانات من مشاعر متضادة: وكل شيء أنا السبب فيه.. وأنتي يعني بريئة ما تسوين شيء وليش تنسين سبب خلافنا الثاني.. كم صار عمر عزوز؟؟ خمس سنين.. غير إنه حن قعدنا 4 سنين لين جانا خالد.. وأحطها في ذمتش.. هل وقتها ضايقتش بكلمة أو حسستش بشيء مع إن العيب كان منش؟؟ انتظرت لين عالجتي وحملتي بخالد وعقبه عزوز وما فتحت ثمي بكلمة.. وعقبه تروحين تربطين خمس سنين.. صبرت سنة سنتين ثلاث لين كبر عزوز.. بس أنتي ما احترمتي صبري عليش نجلاء تنهمر بألم: الموضوع هذا مرتبط بالموضوع الأول.. لما كنت تهيني بأمي.. كنت أقول يمكن مقهور عشان أنا ما أجيب عيال.. جبت خالد.. وعقبه على طول جبت عزوز عشان أوريك فضل الله علي وإني الحمدلله ماعاد فيني شيء.. وعشان أرضيك لكن أنت مثل منت ما تغيرت.. قلت ماني بمستعدة أجيب بعد ولد وأنا ماني بضامنة حياتي معك.. وهذا كان معي حق كان معي حق.. أنت ما تستانس لين تجرحني وتهيني.. حينها بدأ صوتها بالارتعاش وهي تقاوم ما سيأتي بعد ارتعاش صوتها.. تخشى أن تهار صلابتها التي مازالت تحاول التماسك بأستارها المتهاوية تنهد صالح بعمق وهو يقاوم رغبته العارمة أن ينهض من مكانه ليدفنها في أحضانه المشتعلة اشتياقا لها ويمنعه من ذلك نظرة العتب في عينيها التي تجرحه في العمق..وارتعاش صوتها سهام تخترق فؤاده المتيم همس بحنان عميق: خلاص السموحة يا بنت الحلال.. ماني بمتعودها.. جربيني ذا المرة.. حرمت يأم خالد أنتي وأم غانم فوق رأسي.. نجلاء بألم عميق: سمعت ذا الكلام بدل المرة ألف.. والحين ما أقدر أتنازل أكثر.. الحين عيالي كبروا وأنا ماني بمستعدة أخليهم يسمعونك تهين أمهم وبجدتهم بعد..مستحيل أعرضهم لذا الموقف أمي مهيب بعيارة ياصالح.. وذا الكلام قلناه الف مرة.. بس أنت.......... صمتت على مرارة سدت حلقها.. صمتت والمرارة تنتشر حتى لسانها الذي جفت الكلمات الموجوعة عليه بينما همس صالح بألم مخلوط بالغضب: ألف مرة!!! ألف مرة!! صدق إنكم يا النسوان مكفرات العشير.. ادري إني غلطان ومعترف.. بس لا تبالغين بذا الطريقة وخلاص يأم خالد أنا تعذرت لش.. وش تبين زود؟! نجلاء سحبت أنفاسها بعمق: الطلاق.. ما أبي شيء غيره.. حينها انتفض صالح بعنف ليقفز عن مقعده ويتوجه ناحيتها لينتزعها من مقعدها وهو ينشب كفه القوية في عضدها ويهزها بعنف: نجوم السما أقرب لش.. والله لو حتى طار من رأسش طير أصفر وياويلش اسمعش تطرينه.. ما تبيني.. انطقي في بيت هلش.. بس وأنتي على ذمتي نجلاء تشيح بنظرها عنه بينما جسدها كله يهتز مع مسكه لعضدها وتهمس بوجع حاولت ألا تسيل معه دموعها: تبي تقهرني إذا أعرست علي.. عشان كذا تبي تخليني على ذمتك.. حينها أفلتها صالح فجأة وهو ينتفض بعنف وهو يلمح التماعة شفافة في طرف عينها وهي تحاول أن تشيح بنظرها عنه همس بوجع رجولي حان وهو يمد يده ليمسح دمعتها ثم يضع كفه بحنو على خدها: تبكين يا نجلا..؟؟ تبكين؟؟ ذا السنين كلها بيننا عمري ما شفت لش دمعة.. ليش يا قلبي تنحريني بدموعش؟؟ أدري إني غلطت والغلط راكبني من ساسي لرأسي ..والمسامح كريم.. ولو ما تبين تسامحين بكيفش.. بس تبكين لا.. لا ..تكفين نجلا بوجع: لو هامتك دموعي.. أو أنا هامتك بكبري ما كان رضيت لي المهونة.. ثم أردفت بوجع أعمق وهي تضع كفها الناعمة فوق كفه الساكنة على خدها: أدري إنك تحبني ياصالح.. وأنا بعد أحبك بس الحياة بيننا خلاص صارت مستحيلة تكفى خل بيننا ذكرى شيء حلو.. وطلقني.. خلاص ********************************** الصباح في فرنسا مقاطعة سافوي الفرنسية في الجنوب الشرقي من فرنسا بالقرب من سويسرا وإيطاليا مدينة Annecy أنسي الصغيرة التي تعد جنة من جنان الله على الأرض والتي تقع في أحد وديان جبال الألب الثلجية تبعد عن باريس حوالي 600 كيلو ولكنها قريبة جدا من جنيف السويسرية لذا من يريد الذهاب لها للسياحة يتجه لها من جنيف.. وكان هذا سبب اختيار زايد لها.. لقربها من من مقر عمل علي حيث تبعد من جنيف حوالي 65 كيلو فقط والسبب الثاني وجود مصحة شهيرة جدا لمعالجة مرض فقدان الشهية هي مصحة الدكتور (بوفار دوغال) في ضواحي أنسي الشديدة الهدوء والبالغة الجمال تصل الطائرة الطبية الصغيرة التي حملت جميلة من مطار شارل ديغول في باريس إلى مهبط الطائرات الخفيفة الخاص بالمصحة بعد ذلك بقليل تصل طائرة كسّاب وعفراء إلى جنيف وهما يختصران مسافة طويلة قطعها خليفة وجميلة ورغم رغبة عفراء العميقة في رؤية علي وخصوصا أنهما معه في ذات المدينة وهي لم تره حينما كان في الدوحة ولكن كسّاب رفض وأصر أن يتجها فورا لأنسي بعد انهاء إجراءتهما ولأسباب عديدة منها أنه حلف أن خالته عفراء لن تبيت إلا عند ابنتها والسبب الأهم بين أسبابه أنه كان يريد أن يترك عليا ليختلي بنفسه لفترة.. فلم يكن يريد إثارة اوجاعه برؤيتهما متجهين لجميلة وجرحه مازال طريا ينزف على أن يزوراه في رحلة العودة وبالفعل استقل كساب سيارة خاصة من جنيف وتوجها فورا لأنسي ليصلاها بعد 40 دقيقة وبعد 4 ساعات تقريبا من وصول جميلة للمصحة قبل ذلك بثلاث ساعات غرفة جميلة.. التي توقفوا منذ ساعات عن حقنها بالمهدئ استعدادا لاستيقاظها حين تصل للمصحة خليفة كان يجلس جوارها.. يقرأ ورده الصباحي.. سمع همهمات متقطعة انتفض بعنف.. " هل هذا صوتها؟؟ يبدو أن الأميرة النائمة صحت من سباتها ولحظة المواجهة حانت.." كان على وشك الركض لاحضار الطبيبة.. كان عاجزا عن مواجهتها وحيدا ولكنه استعاذ بالله من الشيطان وهو يقف ليضع المصحف على الطاولة المجاورة ويهمس لجميلة من قرب: صباح الخير جميلة.. همست بصوت متقطع دون أن تفتح عينيها: يمه ريقي ناشف.. عطيني شوي ماي تكفين خليفة ابتلع ريقه: خالتي موب هنا جميلة... وإلا نسيتي؟؟ همست جميلة بذات الضعف: زين مزون حبيبتي عطيني.. خليفة شعر أن الحوار غير ذي جدوى.. لذا تناول قنينة ماء وفتحها.. وهو يقترب منها ويدخل ذارعه تحت كتفيها الناحلين شعر بألم غير مفهوم وهو يشعر بخفتها المؤلمة: "هل يوجد داخل جسد هذه المخلوقة عظام حتى؟! " قربها منه وهو يسندها لكتفه حتى يسقيها... وشعور واحد يسيطر عليه الــــشـــفـــقــــة جميلة مازالت تشعر بالدوار.. لكنها ما أن شعرت بيد خليفة حتى شعرت أن هناك شيء غير طبيعي يحدث.. فهذه الذارع الصلبة وهذا الكتف القوي يستحيل أن يكونا ذراع أو كتف مزون الرقيقة لذا فتحت عينيها بجزع وهي تشتم رائحة عطر رجالي أكمل صورة جزعها.. لتجد جانب رأسها يستند لكتف رجل غريب حينها صرخت جميلة برعب وهي تحاول بفشل أن تدفعه وتدفع قنينة الماء ولكن قواها الخائرة لم تسعفها بينما صراخها المبحوح يتعالى: من أنت؟؟ خليفة أنزلها بخفة على سريرها وهو يهمس بحرج: أنا خليفة يا جميلة.. خليفة ريلج.. حينها شهقت جميلة بعنف وهي تحاول تركيز نظرها الضعيف في الرجل الغريب أمامها.. والذكرى كاملة ترجع لها لتبدأ بالصراخ الهستيري بشكل مفاجئ مرعب: أبي أمي.. أبي أمي.. جيبوا لي أمي... أبي أمي.. يمه.. يمه.. يــــمــــه خليفة نظر لها بجزع وهي تبدو كطفلة مذعورة.. اقترب منها ليقوم بتهدئتها ولكنها صرخت بهستيرية أكبر: لا تقرب مني.. لا تقرب مني خليفة تراجع.. والممرضات حضرن على صراخها.. ثم حضرت طبيبتها التي كانت تعطي طبيبها الجديد تفاصيل مرضها سارعت طبيبتها لسريرها لتجلس جوارها وتضع يدها على كتفها جميلة حين رأتها ارتمت في حضنها وهي تبكي بهستيرية داليا احتضنتها بخفة حانية وهي تشير لخليفة بنظرات عتب وتهمس له: إيش اللي عملته لها؟؟ خليفة يهمس بحرج وبصوت خافت حتى لا تسمعه جميلة الباكية: والله العظيم ما سويت لها شيء. حين هدأت جميلة همست بصوت مبحوح تماما وهي توجه نظرها لخليفة: آسفة يا .... يا... كان صعبا عليها أن تنطق اسمه.. لم تستطع.. لم تستطع سارع خليفة للرد: لا تعتذرين.. يمكن أنا خوفتج بدون ما اقصد.. لم تكن تريد أن تعتذر حتى.. ولم تكن حتى تشعر بأهمية الاعتذار.. ولكنها شعرت أن هذا مايجب تفعله .. أ لم تكن هي من أدخلت نفسها في كل هذا؟! أ ليست هي من اختارته حتى على والدتها؟؟ حتى على والدتها؟! كانت تبكي جزعا في داخلها.. لم تعتد على فراق أمها حتى لساعات كانت حتى وقت دوام والدتها في المدرسة تشتاق لها فكيف وهي في بلد وأمها في بلد؟!! تشعر برعبها يتجمع ويتجمع.. لأول مرة تكره عنادها.. عنادها الذي أوصلها لكل هذا فأي جنون ارتكبته؟!! أي جنون؟!! " لا لا .. ليس جنونا!! ليس جنونا!! بل هو الشيء العقلاني الوحيد أ ليس اسمه خليفة؟!! اسمه خليفة.. وهو من اختارني دون ضغوط من أحد؟؟ لم يختارني من أجل خالته ولا حتى عمه المتوفي.. ولكن وإن كان اسمه خليفة.. فهو رجل غريب عني لا ..لا.. من كان اسمه خليفة.. ليس غريبا.. ليس غريبا فلماذا أشعر أنه غريب عني هكذا؟!! وهأنا معه في مكان غريب ولكن ليس لي إلا هو.. ليس لي إلا هو أ فلا أحاول أن أكون مهذبة معه.. على الأقل يكون رحيما بي حين يغسلني ويكفني ويترحم علي وهو يتذكر عني شيئا جيدا غير عنادي وجنوني وصراخي!! ******************************** وضحى تنزل إلى الطابق السفلي وهي ترتدي عباءتها استعدادا للذهاب للجامعة.. لتنتظر تميم الذي أخبرها أنه يحتاج لربع ساعة ليجهز حاسوبه للعمل وجدت والدتها تجلس في الصالة وجهازها المحمول على ساقيها وهي تسجل بعض الأشياء على ورقة كانت مزنة مستغرقة تماما في النظر للشاشة لذا لم تنتبه حتى احتضنت وضحى كتفيها من الخلف وهي تطبع قبلة على خدها ثم تلصق خدها بخدها وتهمس باحترام ودود: صباح الخير مزونتي.. مزنة مدت يدها بحنان لتحتضن خدها: صباح الخير ياقلبي وضحى تنظر معها لشاشة الحاسوب وتهمس بمرح: وش تبين تطبخين لنا اليوم..أشوفش فاتحة مواقع طبخ مزنة بهدوء مرح وهي تعيد نظرها للشاشة: أبي أسوي معكرونة صينية عشان تميم وأدور طريقة جديدة.. ذا الولد ذوقه غريب في الاكل.. وش فيها المكابيس؟؟ وإلا البرياني وإلا المشخول؟؟ الحين بأسوي له غير غداكم أنتو.. وضحى تعاود تقبيل خدها وتهمس بمودة: أنا بأتغدى في الجامعة.. وبعدين أنتي اللي مدلعته.. ومن لقى الحنا تحنا.. مزنة بمرح حنون: خله يتدلع فديت قلبه.. أصلا وزنه نازل.. ماعاد كل مثل أول.. وضحى تعاود تقبيل خدها للمرة الثالثة وتهمس بمودة مرحة: تدرين يمه أما حبة خدش الواحد ما يشبع منها وبعدين خلي تميم يسوي ريجيم صاير دب.. ويا ليت بعد امهاب يسوي ريجيم.. دب أكثر منه.. مزنة بخبث لطيف: إذا عيالي الضعاف دبابة.. أجل عبدالرحمن ويش.. وضحى تأخرت بحرج وهي تدور حول الأريكة لتجلس جوارها: وأنا وش دخلي في عبدالرحمن.. دب لنفسه مزنة تغلق الحاسوب وتضعه على الطاولة أمامها ثم تمسك كف وضحى بين كفيها وتهمس بحزم حنون: اسمعيني يامش.. أنا لحد الحين مثل منتي أكيد ملاحظة ما قلت لش أي شيء ولا تدخلت أبيش تفكرين زين بدون ضغط مني مع إني عارفة إنه أخوانش كلهم تكلموا معش في الموضوع بس أنا ماحبيت أستعجل والحين أبي أقول لش سالفة صغيرة أول..ترا هذي مهيب أول مرة يخطبش عبدالرحمن.. هذي ثاني مرة والأولى كانت قبل 3 سنين.. لكن.... حينها تصلبت أنامل وضحى بين كفي والدتها..وهي تقاطعها بغضب: يمه تكفين دوري سالفة تتنصدق غير هذي إذا أنتي تبين تقنعيني بعبدالرحمن اللي أنا مستحيل اقتنع فيه مزنة بغضب دفعت يد وضحى عنها: وضيحى هذي أخرتها.. تقاطعيني وتكذبيني بعد؟؟... ومتى كنت أكذب عليش وإلا على غيرش.. قومي من قدامي الحين.. يالله قومي ذا الحين قدام تسمعين شيء ما يسرش حينها انكبت وضحى على يد والدتها تقبلها بجزع: آسفة يمه.. السموحة جعلني فداش.. والله العظيم ما قصدي مزنة تشير لوضحى أن تغادرها وتهتف بحزم شديد: إذا عرفتي تثمنين كلمتش.. كملنا كلامنا.. ********************************* " داليا.. صحيح أمي ما جات معي؟!! معقولة؟! " همس متألم موجوع داليا تمسح على شعرها وتهمس بحنان: لا حبيبتي ماجات.. خلاص جميلة أنتي صرتي ست متزوجة.. والحين الأستاذ خليفة هو اللي مسؤول عنك سالت دموعها بصمت مليء بالحرقة : ما توقعت إنها ممكن تخليني.. توقعت أي شيء إلا ذا الشيء داليا تبتسم: بس جميلة أنتي عارفة هالشيء من قبل نسافر جميلة بصوت مبحوح مثقل بالقهر: ما أنا طول عمري أعند، وأسوي، وأقول أشياء ما أقصدها وأشمعنى ذا المرة صدقتني.. وأشمعنى؟! داليا بحزم لطيف: لأن هذا موضوع مافيه لعب.. ويوم تقررين شيء لازم تكونين قد قرراتك طرقات على الباب.. جميلة تهمس لداليا بجزع: لبسيني حجابي داليا.. داليا بهدوء: مافيه حد غريب.. أكيد زوجك.. جميلة بإصرار: ماعليه داليا لو سمحتي.. لبسيني حجابي.. داليا تلبس جميلة حجابها.. وبالفعل كان الطارق خليفة العائد من صلاة الظهر يسلم بهدوء ويجلس في هدوء يخفي خلفه توتره الخاص بينما جميلة بدأت تفرك أناملها اليابسة بتوترها الخاص بها ايضا.. داليا تهمس في أذنها بتحذير: لا تعملي كذا.. انتبهي على إبرة الجلوكوز.. ويالله أنتي وزوجك صليتوا الظهر باقي أنا أروح أصلي.. جميلة تهمس لها بخفوت جازع: لا تخليني معه بروحي.. تكفين داليا.. ابتسمت داليا وهي تهمس في أذنها: عيب يا بنت.. حاسة أنا قاعدة عزول.. رايحة شوي وراجعة.. باصلي وأخلص كم شغلة وأرجع داليا خرجت.. بينما عادت جميلة لفرك أناملها بتوترها وخجلها المتزايد خليفة كان يراقب تحركاتها بتوتر مشابه ولكنه نهض حينها ليتجه ناحيتها ثم يمسك بيدها ويهتف بحزم: بسج.. أنتي عندج إبرة في الوريد.. انتبهي جميلة انتزعت يدها بضعف وهمست بخجل متوتر: لو سمحت لا تلمسني.. خليفة جلس على المقعد المجاور لها وهتف بهدوء: جميلة ترا عيب اللي تسوينه من لما جينا ما سمعت منج إلا كلمتين لا تقرب مني ولا تلمسني أنا بصراحة موب فاهم مضمون اللمسة عندج.. أنا ريلج وما معج إلا أنا.. إذا أنتي حتى المساعدة البسيطة رافضتها مني.. أشلون من المفترض أقوم بدوري جميلة بجمود: أنت مهوب مطلوب منك شيء.. شيء واحد أبيه منك إذا مت.. أنت تغسلني وتكفني.. وعقب رجعني للدوحة.. أبي أندفن في الدوحة.. وما ابي أمي هي اللي تغسلني.. لأن أمي ماراح تستحمل ولأنه........... خليفة قاطعها بعنف وهو يكاد يجد من سيل الجنون الذي تهذي به: أنتي مينونة وش هالخبال اللي تقولينه؟!! أموت وكفني.. بسج.. ويا ويلج تعيدين هالكلام.. جميلة بذات الجمود: على العموم أنا ماراح أعيده.. صار عندك خبر بوصيتي وإلا بعد منت بمنفذ وصات وحدة بتموت؟!! خليفة يتنهد بعمق وهو يقرر تجاهل كل ماقالته: ما تبين تأكلين شيء.. صار لج يومين تقريبا ماطب شيء حلقج.. حينها انتفضت جميلة وهي تخرج من حالة الجمود لتعود لحالة الخجل والتوتر: لا شكرا ما أبي أكل.. خليفة يتجاهل رفضها ويهتف بحزم: لازم تأكلين شيء.. موب على كيفج.. *************************** مقر الخطوط الجوية القطرية الرئيسي مزون أنهت مقابلتها على خير لأول مرة تشعر بسعادة ما في هذا العمل منذ بدأت الدراسة فهاهي ستعمل مع طاقم نسائي كامل.. وهاهي منذ الآن متحمسة لرحلتها الأولى.. بدا لها من أجرى المقابلة معها غير راض عن هذا الكابتن الذي يرتدي نقابا.. وهو يجد نفسه مع كل هذا مجبر على تنفيذ رغباتها.. بدلا أن تنفذ هي رغبات جهة العمل ولكنه لم يستطع سوى ابتلاع غيظه مع التوصية الخاصة جدا التي جأته من أجلها من جهاته العليا مزون كانت تخرج حين لحقت بها السكرتيرة وهي تهتف باحترام: كابتن مزون.. كابتن التفتت مزون وهمست بمهنية: نعم مدتها السكرتيرة بظرف فخم على طرفه اسم الخطوط الجوية القطرية : تفضلي كابتن.. هيدا كارد استراحة التيارين بالمتار مزون بابتسامة مهذبة وهي تعيده: شكرا.. أنا مهوب محتاجته.. ما أبي أقعد مع الطيارين في استراحتهم.. السكرتيرة باستغراب: ياكابتن ما بيصير.. وين بدك توعدي لما يكون عندك رحلة.. وبعدين المكان كتير حلو.. وكتير ستايل.. سدئيني بيعجبك مزون هزت كتفيها ببساطة: بأجي على موعد رحلتي على طول.. ولو حبيت أرتاح في مكان.. استراحات المسافرين موجودة السكرتيرة ابتسمت: كابتن مزون ارجعي تا نعد شويه..شكلو مَنّك كتير فاهمة النزام.. مزون تراجعت وجلست مع السكرتيرة التي همست باستغراب: أنا منّي عارفة ليه سيادتو ما شرح إلك التفاصيل مزون ابتسمت في داخلها (سيادتو شكله ماكان طايقني) السكرتيرة ابتسمت بمودة : كابتن مزون.. الئعدة في استراحة الطيران منّها ترف لكن واجب.. لانو لازم توصلي ئبل الرحلة بـ 3 ساعات.. وتوعدي عالكمبيوتر الخاص هناك منشان تتأكدي من حالة الطئس والغيوم وتوئعات الارصاد وخطة الطوارئ وتوئعي على الحضور مزون بصدمة: أنا أعرف كل هالأشياء.. بس أنا الحين مساعد ثاني وفي فترة تدريب.. ومفروض إنه كابتن إيمي هي اللي تسوي هالشغلات مهوب انا ابتسمت السكرتيرة برقة: يا ئلبي يا كابتن.. لازم تكوني معاها خطوة بخطوة.. وإلا كيف بدها توئع إنك تدربتي.. الشيء التاني.. ليش بيحطوا اتنين مساعدين..لأنه هيدي أرواح ناس.. ولو حصل لا سمح الله للكابتن شيء وحتى للمساعد الأول المفروض إنه المساعد التاني يكون جاهز تا يكود التيارة فلازم تكوني مع الكابتن وهي بتستلم كشوف المسافرين والتاقم وتوئعي معاها ومعاها وهي بتتأكد من كل شيء بيخص الرحلة من الكمبيوتر اللي باستراحة التيارين وبعدين معاها وهي بتستلم التيارة من المهندس اللي عمل تشييك عليها مزون قاطعتها باستغراب باسم: عفوا على هالسؤال.. بس دقة معلوماتش أحسن مني.. من وين تعلمتي كل هذا عفوا والله ما أقصد إساءة.. بس ما اعتقد إن عمل سكرتيرة في مكتب ما يأهلش إنك تعرفين كل ذا التفاصيل عن العمل في أرض المطار حينها ضحكت السكرتيرة برقة: ما أنا كنت كابتن تيارة وهربت.. ****************************** "أستاذة كاسرة.. فاضية خمس دقايق؟" كاسرة تبتسم وهي تمسك بسماعة الهاتف بمودة مرحة: يا ملغش فطوم.. شكلش عجبتش سالفة أستاذة ذي.. نعم أستاذة فطوم المليغة فاضية آمريني فاطمة تكتم ضحكتها وهي تنظر للرجل الواقف أمامها وترد بذات الاحترام: الأستاذ سعود هنا عندنا.. ويقول يبي يقابلكم خمس دقايق حينها تغيرت نبرة كاسرة من المودة للحزم: أكيد جاي يشتكي؟؟ فاطمة مازالت تكتم ضحكتها: أكيد أستاذة كاسرة.. فيه شيء ثاني يعني؟! كاسرة بهدوء: خليه يتفضل وتعالي أنت وسماح معه.. وأدعي الله يثبتني لأسوي في ذا المخلوق البليد شي.. باب مكتب كاسرة ينفتح.. ليدخل سعود أمامه سماح وخلفه فاطمة تتوجه الاثنتان لتجلسا في الزواية.. بينما سعود يتجه ليجلس على المقعد المقابل لمكتبها من ناحية اليمين كاسرة تهمس بحزم مهني: نعم أستاذ سعود.. فيه شيء؟؟ توتر سعود قليلا.. ودائما هذا ما يحدث.. لا يعلم ما يوتره.. هل هو صوتها الغني بالمتناقضات؟؟ أم صفوف أهدابها المتماوجة التي لم تستطع فتحات النقاب الشديدة الضيق أن تخفيها؟!! أم حضورها الحازم الذي يكتم على أنفاسه بالضيق ويذكره بمأساته الدائمة أنه من كان يجب أن يكون مكانها... ولكنه تناسى كل هذا وهو يحاول أن يهتف بحزم: ممكن أعرف استاذة كاسرة ليش ما طلعت للدورة اللي أنا قدمت عليها؟؟ كاسرة بحزم: أعتقد أستاذ سعود إنك عارف... الدورة طلع لها الأستاذ فيصل والاستاذ هلال.. حينها هتف بحزم ممزوج بغضب: وليش هلال وفيصل هم اللي يطلعون وأنا لا؟؟ كاسرة ببساطة واثقة: لأنهم هم الأحق بها من حضرتك.. سعود بذات الغضب: ومن وين جا حقهم... أعتقد أني أقدم منهم في القسم كاسرة مازالت تحتفظ بهدوؤها: أستاذة سعود حضرتك توك راجع من دورة.. والدور للأستاذ فيصل والاستاذ هلال سعود بذات الغضب الذي بدأ يتزايد: بس الدورة هذي غير.. وانتي عارفة إني من السنة اللي فاتت وأنا أبيها قبل ما تصيرين حضرتج رئيسة القسم حتى.. كاسرة مازالت تتمسك بهدوؤها المهني الذي أثار غضب سعود لأنه يريدها أن تغضب ليجد عليها ممسكا: أستاذ سعود الذنب في هذا الموضوع يكون ذنبك ومهوب ذنبي لأنه بما أنك كنت تبي هذي الدورة بالتحديد.. كان من المفروض إنك ما قدمت على الدورة اللي فاتت لأنك عارف القانون.. ما أقدر أطلعك دورتين ورا بعض إلا لو كان ما فيه متقدمين.. وأنت عارف إنه الدورة هذي تقريبا تقدم لها كل موظفين القسم والأحق كان فيصل وهلال عندك شيء ثاني أستاذ سعود؟؟ سعود وقف وصوته يرتفع بغضب: إيه عندي باقدم شكوى ضدج.. إنه انتي عندج محاباة بين الموظفين.. كاسرة بذات الهدوء الذي لم تتغير وتيرته: حقك أستاذ سعود قدم الشكوى اللي تبي... ومدير الإدارة بيكون الحكم بيننا سعود يرتفع صوته اكثر: ومن قال بأقدمها لمدير الادارة.. بأقدمها لمدير الهيئة شخصيا كاسرة ببرود مهني محترف: حقك بعد.. بس قصر حسك.. تراك في مكان عمل محترم.. هذا مهوب سوق خضرة سعود يصرخ: وتسبيني بعد وتقولين إني بياع خضرة.. زين يا استاذة كاسرة.. زين بتشوفين.. تراج أنتي إلا بنت يومين.. لكن أنا ولد ذا الهيئة من سنين.. وترقيتج كلها كانت غلط.. والغلط لازم يتصلح.. كاسرة زادت من درجة برودها الشديد الحزم: انتهت الخمس دقايق أستاذ سعود تفضل لمكتبك شوف شغلك.. وأنا بأكون سعيدة جدا نتقابل عند مدير الهيئة شخصيا لكن حط في بالك إني بأطلب نقلك لقسم ثاني.. أنا طولت بالي عليك كثير.. واحترمت أقدميتك في القسم لكن مصلحة العمل عندي في المقام الأول... وأنا ماني بفاضية لمهاتراتك كل يوم.. **************************** "صالح يأمك قوم.. وش ذا النوم كله.. الظهر قرب يأذن وحتى دوامك مارحت له اليوم" صالح همس بإرهاق: تعبان يمه شوي أم صالح وضعت يدها على جبينه وهي تهتف بجزع: وش فيك يأمك؟؟ وش أنت تانس؟؟ صالح جلس وهو يتناول كفها من جبينه ويقبل ظاهرها ويهمس بصوته المرهق: ما أنس شيء جعلني الأول.. بأقوم الحين.. أم صالح بقلق: يأمك حالك مهوب عاجبني.. ما كنت تسهر ذا السهر.. اليوم جيت أدورك صلاة الصبح.. ما لقيتك.. همس صالح وهو يقف ويتناول فوطته ليتجه للحمام: يمه صليت الفجر وجيت.. أم صالح بنبرة ذات مغزى: زين ووين كنت لين صلاة الصبح.. صالح بإرهاق: وين بأكون يعني يمه؟؟ أم صالح بذات النبرة: أنت علمني.. صالح بضيق: أدور في سيارتي كني خبل.. ارتحتي يأم صالح.. أم صالح تعلم عادته الرديئة هذه مؤخرا.. فكثيرا ما أخبرها إنه يقضي الليل يطوف في سيارته أو حتى يمشي على قدميه حتى ينهكه الإرهاق همست بضيق عميق: ولمتى على ذا الحال يأمك؟؟ صالح يقبل رأسها: ضايق يمه.. وش حيلتي؟؟ أم صالح بحزم غاضب: منت برجال.. اللي فرقى مره يسوي فيك كذا.. ابتسم صالح: وليه تظنين إني ضايق عشان نجلاء.. انتي تدرين يمه وش كثر أحب عيالي وبعدين جعلني فدا عويناتش ابن فطيس يقول: والله إن أحر من دمع اليتيم.... دمعة الرجال من فرقا مرة أم صالح بجزع: ويش؟؟ دمعة؟؟ ضحك صالح من جزع والدته: لا أبشرش ما بعد وصلنا ذا المرحلة.. الشهر الجاي يمكن.. أم صالح تنهدت بعمق: يأمك حالك مهوب حال.. أما أنك ترد مرتك وإلا أعرس.. جوزاء وإلا غيرها صالح يتجه للحمام وهو يهتف بحزم: خلينا من ذا السالفة الحين.. أبي اسبح قدام الأذان ****************************** وضحى وسميرة وشعاع في مجمع المطاعم في الجامعة.. يتناولون غدائهم وضحى تهتف بابتسامة: سمور شوفي تصلين المغرب وتكونين جاهزة.. تعرفين كاسرة دقيقة في المواعيد وما تحب اللي يتأخر وأنا ماني بمستعدة أسمع لي كلمتين عشان وجهش الشين.. تضحك سميرة: وه يا قلبي.. أنا اموت عليها لا عصبت أصلا.... ياحلوها إذا عصبت.. فديت المعصبين عسل ياناس.. شفتي العسل يوم ينكت.. كأني شايفة برميل عسل مكتوت.. تضحك شعاع: خوش تشبيه... زين وأنا إذا عصبت.. أغلقت سميرة أنفها وهي تهمس بتأفف: زبالة مكتوتة وأنتو بكرامة.. وريحتها فايحة بعد شعاع قرصت ذراع سميرة وهي تضحك: وجع يالبرصاء.. سميرة تفرك القرصة وهي تضحك: أنتي اللي وجع.. الحين عارفتني برصاء.. وحن يالبرص أقل شيء يسوي علامات في أجسامنا الحين شوهتيني... وخربتي مستقبلي.. من اللي بيتزوج وحدة مشوهة الحين؟؟ وضحى تضحك بدورها: على الأقل إذا عنستي يكون عندش سبب تحججين فيه.. سميرة الضاحكة على الدوام: العانس أنتي وبنت عمتش.. وإلا أنا سوقي ماشي تدرين عاد هل الديرة القرود يموتون في البياض.. على قولت خالي هريدي: الجعان يحلم بسوق العيش.. وأنا عاد بينكم يالكويحات سوق العيش... شعاع تضحك: أمحق عيش... أشهد أنه على العازة اللي بيضويش.. ثم التفتت وضحى لشعاع بابتسامة: اشعيع تروحين معنا عقب المغرب لفيلاجيو.. شعاع بمودة: مالش لوا.. تو كنا فيه أمس رايحين أنا وجوزا نلعب حسون.. وبعدين أنتو تبون فيرجن تشترون طابعة حق مشروع تخرجكم وتطلعون.. وش يوديني معكم.. ثم أردفت شعاع بضيق: كل ما يطري علي إنكم بتتخرجون وتخلوني.. يضيق خاطري.. وضحى تهمس بمودة صافية: كلها شوي وتلحقينا.. شعاع بضيق فعلي: وش شوي.. سنة شوي سميرة تبتسم: أنتي يام الأفلام الهندية.. أنتي أصغر منا بسنة.. تبين بعد تخرجين معنا أنتي ووجهش.. شعاع بالفعل تشعر أنها ستبكي: مالت على وجهش.. ما عندش إحساس.. حينها رقصت سميرة حاجبيها: ياحرام.. مسكينة.. بنروح ونخليها.. تدوج في الجامعة بروحها حينها بالفعل سالت دموع شعاع.. لتنتفض كل من وضحى وسميرة بجزع وتهتف سميرة بجزع: أمزح معش يا غبية...وبعدين ترا ماحد منا مهاجر.. بيوتنا كلها قريب من الثاني.. مالت عليش يأم دميعة ترا قلبي ما يستحمل ******************************* منصور ينهي عمله ليتفاجأ أن سيارته شبه خالية من البترول.. ويستحيل أن توصله لمكان .. لذا تلفت حوله ليرى أي حد قد يأخذه لمحطة البترول القريبة ليحضر بعض البنزين الذي سيكفيه للعودة للمحطة هتف بحزم وهو يرى السيارة القريبة منه: ملازم فهد.. ممكن توصلني للمحطة.. سيارتي مافيها بترول فهد ينزل من سيارته ويهتف باحترام وهو يؤدي التحية العسكرية: والله إن قد تاخذ سيارتي... وانا بعبي سيارتك بترول وعقب باوصلها لبيتك وأخذ سيارتي منصور هز رأسه نفيا وهو يهتف بحزم: جعلك سالم يأبو خالد.. استغفر ربك.. أبيك بس توصلني للمحطة وعقبه ترجعني.. قالها وهو ينزل ليتجه لسيارة فهد.. فهد عاد لمقعده.. بينما ألقى منصور نظرة سريعة على سيارة فهد وهو يركب جواره.. هتف فهد باحترام ومودة عظيمين: نورت سيارتنا يابو علي.. منصور بمودة: نورك يابو خالد.. ثم أردف بنبرة ذات مغزى: فهد.. فهد انتفض من الحمية: لبيه.. منصور بذات النبرة: لبيت في مكة.. فهد أنت اكيد تدري إني أعدك مثل ولدي.. فهد بمودة عميقة مغلفة باحترام متجذر: أدري الله يكبر قدرك.. منصور بذات النبرة: يعني لو أنت محتاج شيء منت بداس علي؟؟ فهد باستغراب: أكيد طال عمرك منصور بحزم مباشر: أنت محتاج فلوس؟؟ فهد انتفض باستغراب وحرج: فلوس؟؟ لا والله .. الخير واجد ولله الحمد منصور بعتب: تدس علي يافهد.. لو أنك منت بمحتاج فلوس.. وش حادك تركب سيارة مثل ذي.. متكسرة من كل صوب.. حينها لم يستطع فهد منع نفسه من الضحك: السموحة طال عمرك.. بس لو قلت لك السبب بتزعل علي.. منصور باستغراب: فهد خلص علي.. سيارة مثل ذي مايركبها حد صاحي.. صحيح إنها موديل السنة الجديدة.. بس شكلك شاريها مكسرة من الحراج فهد بابتسامة محرجة: طال عمرك أنا شاريها من الوكالة مالها شهرين.. منصور بصدمة: ويش.. وويش اللي سوى فيها كذا؟؟ فهد بحرج: وش أسوي بهل الدوحة اللي خلو العالم كلهم.. ومالقوا حد يدعمونه غيري.. لازم كل يوم يومين دعمة .. زين عادني حي.. أنت داري إني أوقفها ورا البيت عشان أمي ما تشوفها.. والحين أبي اشتري غيرها أصلا.. حينها هتف منصور بأمر حازم: اصفط على جنب.. فهد نفذ الأمر دون تفكير.. ليهتف منصور بامر آخر: انزل أنا بأسوق.. فهد نفذ الأمر بدون نقاش رغم شعور الحرج المتعاظم حين ركب منصور مكان السائق هتف بالامر الثالث: عطني رخصتك فهد أعطاه الرخصة.. وحرجه يتزايد ويتزايد (يا الله وش ذا النهار؟!!) حينها هتف منصور بحزم: والله ماعاد تسوق سيارة لين تدخل مدرسة السواقة من جديد.. وانا اللي بوصي ضابط مخصوص هو اللي يسوي لك التراي لأن اللي عطاك الرخصة يبي له محاكمة عسكرية فهد بجزع: تكفى يأبو علي لا تفشلني.. وش عاد بيفكني من لسان الشباب في الثكنة.. والله إن قد يخلوني مطنزتهم.. أنا أخرتها أرجع أتدرب مع البزارين والسووايق عقب 15 سنة سواقة والله إني أسوق من يوم عمري 13 سنة.. وش مدرسته بعد؟؟ منصور بحزم شديد: فهد انتهى الموضوع.. ومهوب كل مرة تسلم الجرة.. كفاية على أمك وأبيك مراح عبدالله الله يرحمه عليهم تبي تفجعهم فيك بعد؟!! ****************************** سيارة كسّاب وعفراء تمخر عباب جمال أنسي الخلاب دون حتى أن ينتبه الاثنان لشيء .. فكلاهما غارق في أفكاره الخاصة حتى وقفت السيارة أمام بوابة المصحة التي تقع على مساحة شاسعة من الأرض أكثرها حدائق ومحميات طبيعية.. تحادث السائق مع الأمن قليلا.. ثم ركب بجوار السائق أحد رجال الأمن.. وتوجهوا للداخل.. دقات قلب عفراء بدأت بالتعالي وتفكيرها ينصب بحال ابنتها كيف هي الآن.. شوقها يغتالها لها.. رغم أنه بالكاد مضت 24 ساعة على رؤيتها الأخيرة لها تشعر بالتوجس والقلق.. هل صحت من مخدرها؟! كيف تقبلت الوضع؟!! هل أكلت شيئا؟!! ذات الوقت في غرفة جميلة صوت خليفة يرتفع بحزم: جميلة بس اشربي الحليب من الممرضة.. لا تاكلين الحين.. بس الحليب جميلة تلتفت له ثم تنزل عينيها بخجل وتهمس باستغراب خجول: أنت بأي حق تطول صوتك علي؟! خليفة بنبرة استغراب إنما حازمة: نعم؟؟ أي حق؟؟ بصراحة ما أدري بأي حق يا بنت عمي.. أنتي قولي لي.. جميلة تنهدت بعمق (أي جنون أدخلت نفسي فيه) ثم همست بخجل: ماعلية خليفة لو سمحت.. انا ما أبي حليب.. شايفني بيبي.. خليفة يشعر أنه سينفجر ولكنه قاوم رغبته.. فما زالت هذه هي المحاولة الأولى.. فكيف بمحاولات كل يوم هتف بحزم: تشربين أو اشربج غصب.. قالها وهو يقترب فعلا.. انتفضت جميلة بجزع.. وذكرى رأسها في كتفها تعود لها...همست برعب: لا بشرب بروحي خلاص.. الطبيبة كانت تجلس في الزواية غير المرئية من جميلة وهي تسجل ملاحظاتها وتبتسم جميلة كانت تشعر أنها تريد أن تتقيأ وهي تشرب الحليب الذي يعبر بدفئه بلعومها الجاف.. وهتفت بالفعل بالم: بس خليفة والله العظيم بازوع خلاص.. خليفة باستغراب: شنو تزوعين هذي.. ثم أردف وهو يكتشف المعنى: قصدج تطرشين.. لا ما راح تطرشين.. كملي كاسج.. جميلة لم تكمل كأسها لأنها بالفعل أرجعت الحليب كله في ذات الكاس الذي كانت تشرب منه.. عدا بعض القيء الذي تناثر على يديها ووجهها وملابسها..ويدي الممرضة التي كانت تسقيها جميلة شعرت بألم عظيم وخجل أعظم.. شعرت أنها ستختنق من الحرج والإهانة وانخرطت في بكاء متحسر أشبه بالأنين رغم أنها لم تكن تريد أن تبكي أمامه.. خليفة شعر أنه هو أيضا سيتقيأ ولكنه قاوم رغبته وهو يقول: ماعليه جميلة عادي.. المرة هذي تطرشين المرة الياية لا تبين أساعدج نبدل ملابسج.. جميلة بجزع بين شهقاتها: لا لا.. دكتورة داليا.. دكتورة داليا.. داليا قفزت من مقعدها وهي تشير لخليفة أن يخرج.. وأغلقت الباب لتبدل لها ملابسها.. بينما خرجت الممرضة لتغسل وتبدل.. وجميلة تبكي: تكفين داليا أنا أستحي أقول له.. قولي له يروح الفندق.. يروح أي مكان.. ما أبيه قاعد فوق رأسي.. تكفين داليا تبلل الفوطة وتمسح وجهها ويديها وتهمس بحزم: جميلة حبيبتي هذا زوجك.. والقضية مش لعب.. يعني هو يقدر يقول لي أنتي روحي.. بس أنا ما أقدر أقول له.. وخصوصا أني قاعدة معاكم شوي وبأرجع تمسكت جميلة فيها بجزع: لا داليا تكفين لا تخليني.. أنا أصلا باموت قريب داليا.. مستكثرة تقعدين عندي لين أموت.. داليا بذات الحزم وهي تكمل إلباسها ملابس نظيفة: لا ماراح تموتي إن شاء الله.. أنتي بتشفين وترجعين للدوحة.. ما تريدين ترجعين لأمك وعمك زايد ومزون.. حينها انفجرت جميلة في بكاء هستيري وهي تتذكر ما تحاول تناسيه دون أن تفلح: أبي أمي.. أبي أمي.. جيبو لي أمي.. يمه.. يــــمــــه.. يـــــــمــــــه ليفتح الباب حينها بشكل مفاجئ.. وتدلف عفراء كأعصار وهي تسمع صراخ ابنتها الموجوع المكلوم يناديها #أنفاس_قطر# . . . |
السلام عليكم
ازيك انفاس قطر انا بجد فى منتهى السعاده انى شفت الروايه التالته ليكى اولا ازاى البيبى عامل ايه ربنا يجعله مسلم صالح ثانيا فى اواخر روايتك السابقه توفت امى وانا مش عايشه فى نفس البلد فبجد كنت فى عز حزنى بقرا روايتك وحسيت انها خففت عنى . ثالثا انا بالطبع معجبه بالقصة الجديدة واكثر بالتزامك بالمواعيد بس ليه سؤال ليه فى نظرة دونية للمصريين من الخليجيين? اتمنى لك التوفيق فى روايتك |
لااااااااااا ماني مصدقـــــــــــة
والله كنت أنتظر متى تنزلين قصــــــــــــة جديدهـ والحمدلله هذا انتي نزلتي قصـــــــة وأنا متأكده أنها بتكون أروع من اللي قبلها والله عفت كل الروايات من بعد رواياتك يا أنفاس وسجلت في هذا المنتدى عشانك الله يوفقك ويسعدك يارب |
السلام عليكم ورحمة الله وبركاته
يعطيك ربي الف عافية اسى الهجران كانت رفيقي في شهور حملي الصعبة ايضا وايضاانفاس وانفاس فقط غرامي الالتزام بالمواعيد تمنيت كل عميلاتي زيك موفق بإذن الله ... المهم ... انا ماعرف في الوقعات بس لما حكيت لزوجي عن الرواية ابو عيالي توقع انو الكاسرة تميل لزايد هو توقع شاطح برايي لكني نقلته للامانة انفاس-جعل الناس تشوف بضناش مانشوفه احنا فيش * جزاك الله الف خير |
♪♪♪ يعني صآلح ونجلآء .. الآثنين غلطـآنين بـ حق بعض .. يعني اللي آستنتجته آن صآلح يبي له طفل وهذآ من حقه .. ونجلآء رآفضة خوفـآ من آنهـآ ترتبط فيه آكثر .. ويهينهـآ يوم قدآم عيآلهـآ .. الغلط رآكبهم آثنينهم .. آتمنى يلغون فكرة الطلآق لو مو علشآنهم علشآن العيآل .. لآن بيدهم يوصلون لـ حل ويستقرون .. تآلمت لـ حآل حميلة .. خصوصآ لمآ تذكرت آن بعنادهآ سآفرت بدون آمهـآ .. و خليفة خطآ كم خطوة حلوه معهـآ .. لمآ سقآهآ مآي .. و لمآ قآل آن وآجبه يسآعدهـآ .. ولمآ آجبرهـآ تشرب الحليب .. يعني كم خطوة بسيطة لكنهم لصآلح جميلة .. آمآ بالنسسبة لسآلفة خطبة عبدالرحمن لـ وضحى قبل 3 سنين .. عجزت آتوقـع شي لهآلسسآلفة !! عندي آستفسآر .. مزون لمآ تدخل آسترآحة الطيآرين .. هل رآح تضطر تخآلط رجآل ولآ .. ؟؟ لآن الوآضح آن مآكـآن على بآلهـآ آنهـآ مجبرة تدخلهآ .. آعجبني حزم كآسرة وهدوئهآ في الشغل .. لآن مثل مآ قلتي آن سعود يبي يمسك عليهآ آقل زلة .. وآضح حقده عليهـآ بمآ آنه كآن يتمنى منصبهـآ من قبل .. وبـ نشوف آخرة هالشكوى يا سعود !! مقطع منصور وفهد ظريف =) .. خصوصـآ لمآ تفآجآ فهد بآن منصور يبيه يدخل مدرسة السوآقه من جديد .. وفآة عبدالله هل هي بـ حآدث ..؟؟ ~ مآ تششوفين شر يالغـلآ .. و يعطيك العآفيه .. بآرت رووعه .. ♪♪♪ |
ووووووووااااااااههههه
شو هالبارت أنواع المشاعر المختلطه من قمة الرومانسية مع صالح و نجلاء ياريتك طوولتي شوي أنفاس تديين فينا رومانسيات س تعالي الحي حنا ما عرفنا وش صار وش نتيجة مسايير الليل؟؟؟ .............. مزوون غرفة أنتظار الطيارين أظن بيكوون فيها كلام كثيير وهناك بتلتقي بكساب يلبى قلبه خخخخخخخخخخ متحمسه اشووف توقعاتي على صفحاك أنفاس ............................. وضحى وأنتي طايحه تبوس في مزنة هيضتي اشجاني الله يهداش انفاس ارحمينا شووي وذحين وش اسوي وأمي الله يحفظها الدمام وأنا في الرياض بسويلك زي جميلة ابي أمي ابي أمي .......فيس يبكي بكئ طفولي ويصارخ ............. سعود معقولة بيكون له تأثير في الرواية غير علاقة العمل الي تربطه بكاسره ؟؟؟؟؟؟؟؟ والا رئيس الهيئة منصوور يلبى قلبه اهوو الحكم الي بيكوون بينهم ادري ما شاءالله علي غصب لازم اشبكمنصوور في كاسرة مع كل رد فيس يناظر في حاله كله فخر وثقة ................. منصوور & فهد فيس ناقع ضحك عاد تصدقوون توني امس اسولف مع رجلي عن الشباب الي سواقتهم تخووف وفيها تسرع ممكن يسوون لهم أختبار قيادة جديد لأني أحياننا اروح مشاوير ويا بنات عمي ويكون الي يسوق ولد عمي الي مرره سواقتها سريعه ومتهورة حتى بين الحواري الضيقة بس للأسف مافي نظام يغصب هذولا انهم يعاودون تعلم السواقة صح ما علينا بس الموقف كان عجيب يسلموو انفاس على الأبداع .............. جميلة وخليفة أول شيء الله عينك خليفة فيما جنته يداك شفت وش وقعت حالك فيه؟؟ جميلة بصراحه بديت أنفر من تصرفاتك ولوني ما ألومك اللوم الأول والأخير على أمك عفراء دلعه الزايد لكي اهوو الي وصلك لهذي المواصيل عفراء يا رتك يا كساب ما رحمتها يا ريتك ما وديتها لبنتها نفسي اشووف جميلة مع نفسها خليها تواجه نفسها عشان تعرف وش كثر كانت تعذب الي حوالينها كان بودي خليفة يمشيها على العجيين ما تلخبطووه قال ايش ابغاك تكفني وتدفني في الدوحة لا يا ماما فوقي معاي شوي انتي ذحين متزوجه وغصب لازم تسمعين كلا زوجش تكفى خليفة علك فيهم أهي وأمها عفراء لا تخلي وجود أمها يقويها عليك تكفا أنت ولي أمرها ما أوصيك الحزم ثم الحزم شكرا أنفاس قطر جزاك الله الف خير |
وعليكم السلام عليكم ورحمةالله وبركاته
سلامات يانفوسه وماتشوفين شر ياغالية اجر وعافية اسال الله العظيم رب العرش العظيم ان يشفيك ::::::::::::::::: كاسرة واللقاء المرتقب مع منصوووور وش بيصير هل يكون اعجاب من اول مررره والا بيكون منصوور مع سعود وبيحكمله ضد كاسره الله اعلم ننتظرك يانفوسه يوم الثلاثاء القادم ان شاءالله :::::::::::::::::::: جميله وخليفه الله يعينك ياخليفه على جميله واتمنى ان ماتكون جيت عفرا تخريب على علاج جميله والله الله ياخليفه بالحزم والقووه مع الحنان ::::::::::::::::::::::: وضحى معقووله انه كدخطبها عبدالرحمن من قبل 3سنوات طيب ليش ماقالوالها يمكن خطبهاوقاله امهاب لازم الكبيره اول فخطب كاسره علشانها الكبيره وش بيكون ردةفعل وضحى اذا كان هذا الكلام صحيح هل بتوافق اكيد بتوافق :::::::::::::::::::::: مزززوووون والله يعينها بدا المشوار والله يعين على استراحة الطيارين وش المواقف اللي بتكون فيها والتعليقات اللي بتسمعها خاصة من مهاب :::::::::::::::::::::::: اخيرا مشكووره حبيبتي انفاس على الالتزام والجمال والروعه في البارتات بارك الله فيك وسلمت يداك ماشاءالله تبارك الله :::::::::::::::::::::::::::::::::: لااله الاانت سبحانك اني كنت من الظالمين |
أنا في المدرسة بس ما جاني السكات.. قلت لازم أدخل نصحح معلومة... يا بنات الحين كاسرة تشتغل في هيئة الهيئة عندنا مثل الوزارة بس مستقلة... يعني شغلة مدنية.. وش دخلها في منصور العسكري... يعني عندنا مدير الهيئة أو رئيسها مثل الوزير .يعني الهيئة فيها عدة ادرات والادارة فيها عدة أقسام.. فكاسرة قالت له نتحاكم عند مديرهم المباشر اللي هو مدير الإدارة.. بس الشيخ سعود يبي الوزير شخصيا... أما عليكم توقعات عجب.. من زمان أقول بعدوني عن دكان جيلو وعلى طاري الدكاكين.. زويرة يا أم دكان مفهي.. فروحة واسمها على راسي.. بس فروحة ما تدري وش معناه.. بس أنتي تدرين يالنصابة... أسالي لمو وأم تركي هم اللي قالوا لي جعل النمنم يلبد تحت سريرش ولا يطلع... وبعدين تراني والله العظيم اقرا البارت معكم ولا أدري وش بيصير.. يعني دكاني مشرعته مثلكم.. بس فرق بين هايبرماركت خمس نجوم اللي هو دكاني... وبقالة بابو المغبرة اللي هي دكانش... وبعدين تعالي تدرين.. الحياة ياكثر اللي يتزوجون وما بينهم تفاهم.. هل كل وحدة بيكتب لها ربي نصيب موب على كيفها.. لازم تسوي مشاكل.. كاسرة حبيبة قلبي عاقلة.. وبتمشي كسابش الخبل على العجين ما يلخبطه.. راجعة لو لقيت وقت أعلق على البارت الجديد... وسلامة قلبش يالغالية.. من أمس أحن عليش تروحين الدكتور بس راسش يابس مثل جميلة.. جعل ما تشوفين شر.. وليته فيني ولا فيش <== حنينة ذا البنت من يومها |
ام الجمايل
وضحى معقووله انه كدخطبها عبدالرحمن من قبل 3سنوات طيب ليش ماقالوالها يمكن خطبهاوقاله امهاب لازم الكبيره اول فخطب كاسره علشانها الكبيره وش بيكون ردةفعل وضحى اذا كان هذا الكلام صحيح هل بتوافق اكيد بتوافق :::::::::::::::::::::: تصدقين انك خطييررة ليش لا اظن انه توقع تمام تمام .............. بنت خالة أنفاس قطر يلبى قلبه أنا في المدرسة بس ما جاني السكات.. قلت لازم أدخل نصحح معلومة... يا بنات الحين كاسرة تشتغل في هيئة الهيئة عندنا مثل الوزارة بس مستقلة... يعني شغلة مدنية.. وش دخلها في منصور العسكري... يعني عندنا مدير الهيئة أو رئيسها مثل الوزير .يعني الهيئة فيها عدة ادرات والادارة فيها عدة أقسام.. فكاسرة قالت له نتحاكم عند مديرهم المباشر اللي هو مدير الإدارة.. بس الشيخ سعود يبي الوزير شخصيا... أما عليكم توقعات عجب.. من زمان أقول بعدوني عن دكان جيلو أموووت انا على الي ما يطييق صبره ادري ان دكاني مفهي بس لا بغيت أسنعه أخلية خمس نجووم وماركة بعد خخخخخخخ والكاتبات طوابيير عى الباب فيس يناظر فوق تحت يؤكد.......شوي شوي بالعدال فيسي لا تطق رقبتك خخخخخخخخخخ يمكني ما أفهم كثيير في الهيئة عندنا في السعودية الهيئة تطلق على شيء واحد بس 00((هيئة الأمر بالمعرووف والنهي عن المنكر)) وادري انه منصوور في العسكرية طيب نحاوول نضبطها وندوور في رفوف دكاني وأنشاءالله لاقيتها لاقيتها تحية لبنت خالة أنفاس قطر |
هل تعتقد يازايد أن كسّاب لو أنجب أطفالا سيسمح لي أن أحملهم؟؟ لن أصبح أما يوما.. فهل سيحرمني أن أشتم رائحة الأمومة في ثنايا أطفاله؟!! : : : لماذا تقر مزون هنا بأنها لن تصبح أما في يوم من الأيام هل لأنها تعلم أنها لن تجد من يتزوجها بسبب مجال عملها ورفض المجتمع له أم أن هناك سبب آخر يدفعها لهذا التفكير وسنكتشفه نحن في الأجزاء القادمة ((جوريه تقول إحتمال مزون تكون مريضة بنفس مرض أمها لأنه مرض وراثي)) |
سلامتك انفاااس .. هالصداع عاادي يزورنا كل فتره
ولا مع الجو اللحين والدومات قرررف .. ياااي اخيراااا مزون بتطيير ياربيه متحممسه مررره معها .. وبعدين مع صالح ونجلاء ..صحيح انه يقهر بس موب ذيك المشكله اللي تطلق عليها يعني اللحين احس يكفي انها قرصته شوي مع اذنه عشان يتوب .. رحمتها جميييله الحمدلله جتها عفراء .. ايييوه ياكسره ياقويييه :) تعجبيني ... ياربيه ياشعاع ياركيكه هههههههه بس من جد حسيت باحساسها قد صارت معي :) ركيكه:رقيقه خخخخخخخ بانتظاار يوم الثلاثاء بكل شغف .. |
اقتباس:
ثانيا لي تعليق بسيط على ردك اخي بالنسبه للنظره الدونيه في الخليج ليست للمصريين دون غيرهم هو في بعض الناس اللي ينظرون للمختلف عنهم نظر ه قاصره فمن البدومن ينفرون من نسب الحضر وممكن الحضر نفس الشئ واللي من جنسيه اخرى سواء مصري شامي عراقي خليجي من دوله اخرى يعني اللي نظره قاصره مو مهم الجنسيه المهم الاختلاف ورئي اي شخص خليجي قدلايعبر باضروره عن رئي المجتمع ومساءك اخي وكل عشاق الروايه جنه |
اقتباس:
بصراحة أنا شايفه شوية تناقض في شخصية مزوون او التناقض ما بين حلمها وأختيارها للقسم الي تدرسها وما بين سلبيتها الأجتماعية من خلال نظرتها الدونية لنفسها بحيث انه المفروض بما انها وصلت للهدف الي كانت تخطط له المفروض هذا يعكس شوي على نفسيتها وبالتالي ثقتها وظرتها لنفسها هي بين شيئين لا ثالث لهم يا أنها أختارت حلم الطياران بكل سذاجه وعدم معرفة للعواقب المتحتمه من أختيارها او انها تعشق الطيرآن و أختارته عن حب وتصميم متناسيه المجتمع يعني ذهبت السكره وبقية الفكرة |
مسساكم مفعم بالحيوية و مغلف بحرائر السعادة جزء منصور و فهد الموقف بجد رسسم ابتسامة على شفايفي .. رحمت حال فهد بسس الحق أنه يستاهل كل هذا و طاعج السيارة .. كاسرة طبيعتها في مر شغلها جد عجبتني .. ظابطه شخصيتها و معطيه كل وقت حقت الجد جد .. و المزح مزح جميله ذا البنت زرعت في قلبي شفقه عليها .. و أنا أتخيل شكلها و ردت فعلها من كلام داليا في الأخير و مناداتها لأمها .. كان الموقف ثقيل جداً صالح و نجلا الثاني الرائع .. ردود صالح ( ببساطة ) كنت كاتم ضحكتي .. كل ما قالت حاجه رد عليها بـ: أفكر أو لا و عندش أوامر ثانية .. و الخطأ راكبهم ثنينهم من ساسهم لأطراف رجلينهم و إذا جينا للحق أهل مصر محبوبين بالحيل .. و عند البعض مدح إذا قالوا بنت المصرية أو كذا .. بس التعرق في العادات خلت الحكاية معكوسة أو انعكسست هذا الوقت من أول كانت النظرة الدونية .. و المصريين ينحبون مشاء الله عليهم .. زايد و علي مالهم أي تواجد في هذا الجزء .. و أفضل لعل و عسى نشتاق لوجود زايد في جزء الثلاثاء لكن علي بشوق كنت أستنى أي مقطع بعد ردت فعله و سفره .. تميم الصراحة بدأ يوضحه أنه حاجه مهمة عند أهله يعني أمه تطبخ له غدا صنف لوحده .. غير عن الباقين و على سالفة اختيار عبد الرحمن للبنت .. و معارضة أمه و ترقب لما سيحدث ..! مزون يراودني شعور بأنها ستتقابل مع مُهاب في أحد رحلاتها و أعتقد في رحلتها الأولى بالتحديد يعطيك العافيه أنفاس جزء جداً رائع كسآبقه من الأجزاء .. لكن بتعمق أكثر رِمْشْ الْغَ‘ـلآ |
تدرون يا بنيات إني زعلانة عليكم.. صدق إنكم ما عندكم ذوق... الحين نفوسة المسكينة من أمس الصبح والصداع ماسكها.. ومع كذا نزلت البارت في موعده.. لاتأخرت ولا تحججت.. وما حتى تقولون لها سلامتش ما تشوفين شر.. تقرون وتطلعون.. إذا نفوسة ما تقدر تزعل عليكم فأنا بأزعل بالنيابة عنها لأني ما أقدر اخلي شيء يقرقع في خاطري.. <== فيس مسوي روحه زعلان وماد البوز شبرين.. وبراطمي عاد حدث ولا حرج.. فشر أنجلينا جولي اليوم نفوستي أبي استلم ربعنا من أول البارت نجلاء وصالح.. هذولا الأثنين تحفة.. حاسة فيه شيء في الخاطر غير اللي قالوه.. اثنينهم مشتركين في الغلط..ولحد الحين ما وضحت الصورة مين اللي راكبه غلط أكثر.. مع أني واقفة في صف نجلاء.. وما ألاقي لصالح عذر يهين أم عياله بهذي الطريقة ومن هنا أنا أحب أقول لاختنا المصرية الحلوة اللي تقول إنه الخليجيين عندهم نظرة دونية للمصريين.. أقول لها.. لا والله لا تعتقدين كذا.. المصريين وكل أخواننا العرب على روسنا... بس مثل ماقالت نوفتي.. فيه ناس عندهم نظرة احتقار للمختلف عنهم.. فيه ناس حتى في العايلة الوحدة تلاقيه يقول ولد أل بوفلان أو بنت آل أبوفلان ويشوف نفسه أحسن منهم... وكون نفوسة تعالج القضية.. فعشان تبين غلطها وكونها جريمة أخلاقية جميلة وخليفة... قضيتهم لافتة انتباهي بشكل كبير.. أترقب كل حركة وتصرف.. واحاول أفسرها.. اثنينتهم في مرحلة الحذر.. غريبين في رحلة غريبة ومربوطين بعض... أتمنى إنه عفراء ما تطول عندهم وترجع على أول طرد للدوحة.. لأنها دامها موجودة الحذر بيظل بينهم لأنها بتكون حاجز بينهم.. أنتظر بشوق تطور مشاعرهم... ما أعتقد إنه بتكون فيه قصة حب حارة بينهم... أتوقع نوع ثاني من المشاعر.. احتياج على مودة... صالونة يعني خخخخخخخ.... ما أدري أشلون أفسر قصدي... وضحى وأمها مزنة... حبيتهم في بارت اليوم.. حسيتها أمي.. نفوسة أنتي تغشين حركات أمي؟؟؟ أول مرة نشوف موقف بين مزنة ووضحى.. لاحظوا حنانها عليها.. وحزمها مع كاسرة.. ياترى هل لأن كاسرة هي اللي تحفزها عشان تكون حازمة؟؟ أو لأن وضحى تخليها حنونة عليها برقتها وضعفها؟؟ بس بجد عجبتني سالفة إنه عبدالرحمن خطبها قبل.. شيء غير متوقع.. بس ذكي.. لأن حركة مثل هذي هي الوحيدة اللي ممكن تقنع وضحى فيه.. ومع كذا بعد ما أظنها بتوافق.. ليه ما أدري؟؟ حاولت أسوي في مخي سيناريوات لخطبة عبدالرحمن.. بس غلب حماري والله.. ما طلع في مخي شيء.. خليته لش نفوسة... مزون.. تقابل كابتن طيارة مرة ومن جنسية منفتحة أكثر ومع كذا هربت... هل هذي رسالة أو تنبوء يا أنفاس؟؟؟؟ كاسرة... يا لبي العرب يا ناس... أروح فدوة لعيونج <== فديت الناس اللي دايم أقولها لهم.. ويا لبي سميرة اللي تفهم إنهم عسل مكتوت كاسرة داخلة مزاجي وبقوة... لو أنا ولد وش كان سويت خخخخخخخخ... شخصيتها عجيبة بمعنى كلمة.. حبيتها من قلب... كان ودي إنها تعطي سعود كفين قليل الأدب طويل اللسان بياع الخضرة.... ماعليه كاسرة بيجيش كساب وكسري وجهه لين تشبعين.. فدوة للأيدين الحلوة يا ترى هل سالفتها مع سعود لها تطورات... أو هو مجرد حدث من أحداث عمل يومي عادي؟؟؟ فهد ومنصور.. أظني إني اللي صار بينهم يتجاوز إنه موقف طريف وبس.. يعني إنه منصور ياخذ رخصته ويجبره يدخل مدرسة سواقة من جديد... سالفة كايدة.... أنا أقولها لأني اعرف الشباب هنا... يعني الولد اللي عمره 18 سنة اذبحيه ولا تدخلينه مدرسة سواقة... لأن مدارس السواقة معروف إنها للحريم والهنود... بينما الشباب متعلمين السواقة من 12 سنة... فهو يوم يصير عمره 16 سنة يجيب له أبوه واسطة ويسوي له تراي في المرور ويطلع رخصة استثنائي قبل السن القانوني بسنتين... وخله يروح يدعم في خلق الله وطوف بيوتهم.. أخواني كلهم كذا... رخصهم معهم من عمر 16 سنة... ولا حد منهم دخل مدرسة يعني سالفة مثل ذي أنا ممكن أفهمها من أكثر من ناحية... يعني عشان تبين لنا أنفاس وش كثر منصور له أهمية واهتمام عند فهد لدرجة إنه ممكن يرجع لمدرسة السواقة عقب ذا العمر أو ممكن إن أنفاس داسة شيء يخص سالفة سواقة فهد وأعتقد إن عبدالله له دخل فيها <== صار عبدالله هو العفريت اللي يطلع في كل سالفة.. متى بيطلع عبدالله ونرتاح... وضحى وسميرة وشعاع.. ذكروني بنفسي أنا وأنفاس وربعنا وأيام الجمعات الحلوة <== هيضت الذكرى ... دموعي سكايب سكايب وخصوصا إنه الحياة العملية مالت ما فيها شيء يشجع إلا شقا في شقا شوقونا لطلعة فيلاجيو شكله بيصير فيها شيء كايد.. صار ودي أروح أسنتر في فيلاجيو أشوف وش اللي بيصير شوف العين وه بس صدق صايرة هذارة وما أشبع هذرة... تسلم يمينش يالغالية... وسلامتش ألف سلامة بعد مرة... بعيد الشر عنش ويارب يخليش لحبيب قلبنا الصغنون.. |
السلام عليكم ورحمة الله وبركاته البارتات الأخير كان الحماس فيها شغال اعتذر مارديت قبل انشغلت بس جد كانو اخر بارتين عذاب صالح من متى الرومنسيه اللي كذا وليه ماطلعت وقت ماكانت عندك والا حلالك الكلام ذا نجلاء لبى قلبك بشويش عليه مسكين بيتقطع كاسره فديت الناس الشديدين حيلك فيه فهد ومنصور ذا الأثنين شي عجيب فهد واحترامه الكبير لمنصور اموت واعرف سره جميله وخليفه هذا ماجنته يداك قلتها وبقولها لو ضاله على علي ارحم لك خليفه في احد قالك تبرع وسوي فيها ول دالعم وما ادري ايش علي وجع قلبي لما قال مستوجع رحمته بالحيل منو بعد مزون تحقق حلمك لكنك خسرتي اشياء كثيره زايد فقدناه بذا البارت وبعد شعاع وسميره ووضحى يما احلاكم على هالصداقه شعاع طلعت رقيقه وحساسه فديتها تميم شخصيه رائعه كثير ننتظر وش بيصير معاه كساب ليت يحن قلبك على مزون بس عفراء وجعت قلبي هي وبنتها احسهم من المعذبين في الأرض وانفاس اروع كاتبه واكثر كاتبه مبدعه صاحبة قلم راثي وافكار متجدده وبس |
••• ܓܨ•••
✖ • السلام عليييييييييييكم ورحمة الله وبركااته✖ • ✖ •ماتشوفين ششر يالغلا✖ • :friends: وسلامتس الف سلامه✖ •✖ • ✖ •✖ •واجر وعافية ان شاء الله.:flowers2: :f63:(✖ •(لابأس طهورا" ان شاء الله)✖ •) .✖ •ا(سأل الله العظيم رب العرش العظيم أن يشفيك)✖ • <<فيس يقول لبنت خالة نفووسة افاا مايهون علينا زعلتس يالغالية.. وممكن البنات من زود الحماس مع احداث البارت نسوو يعقبون .. على حكـــــــي نفووسة .. <<فيس يبرر بالنيابه عنهم خخخخ :lol: ••• ܓܨ••• ✖ •.كاسرة.✖ • .يالبىآ قلب اللي تتحكم بـأعصابها وتتعامل بالبرود والثبات واللـــي يخلي الـــــواحد صدق يتنرفز.<<يكون الواحد احر ماعنده وهي ابرد ماعندها هع.اعجبتيني..زين ماسويتي بسعيـــــدان بياع الخضرة خخخخخخخخ:mo2:. نفسي اشوفك وانتٍ تحكين بثقل حقك..وهو متفرعن عندتس ينقاله بيستفيد شي....كل واحد وع مجهوده موب عدد السنوات اللي قضــــاها.. بس شكلك بتنتقل لقسم اخر...:party0033: ولاضحكني لما يطالع رموش كاسرة خخخخخ وتوتره بالبدايه..هل بيكون له دور بحياة كاسره ولاموقف عابر عادي.....:toot:وبكذا صدق بنتشتت مين بيكون بنهاية المطاف هو اللي من نصيب كاسرتنا هع✖ • ••• ܓܨ••• ✖ •.نجلاء & صالح.✖ • ..والله احترت اكون بصـــف مين هل كاسره ولا صالح مييير كسر خاطري صووويلح..احس يكفي يانجلاء اتوقع اخذ درس عمره مابينسااهـ..ورخي شوويتن ع الرجال لاتخلينه يمل منتس ..ومااتوقع السالفة بس ع بنت المصريه زعلتها هالمرة كايدة نجوووول..اكيد في شي ثاني مابعــد نعرفه وسالفة الاولاد..اللحين نجلا عندها مشاكل بالحمل..ولا..اذا كان عندها كويس انو صالح صبر عليها..الله يهديهم وراكب راسها عفريت نجلا.. ملزمه ع الطلاق.وراسها والف سيف.الله يهديها وترجع لزوجهااا..ومن تغلا تخلا ومااتوقع انو بيتزوج مرتن ثانية..✖ • ••• ܓܨ••• ✖ •.loya2008. .الله يرحم الوالدة وكل موتى المسلمين .وبالنسبة لسؤالك ..موبس للمصرين هالنــــظرة الدونيه خيتا..برضوو للهنود والباكستانيين والسودانيين ..واحب اضيف ع حكي خيتااا نوف بنت نايف & بنت خالة نفووسة انوو برضوو في نظره دونية بين((السنية & الشيعية)).. والحضري & البدوي والهندي && السيرلانكي... حارس ولادكتور.. تحصل هذي وبرضوو بالعائلات تصير مييير..^_^ ✖ • ••• ܓܨ••• ✖ •فهد & منصور ✖ • .تصدقين انو انا برضوو اصبت بالاحراج لما منصور كان يقول لفهد انو يعتبره مثل ولده...الخ واكيد منصور انصدم من السياره..تخيلت شكلها((السيارة)) كأنه سكراب ولا من السيارات اللي بالتشلييح خخخ معفطه ولامخدوشه ولا مكسورة وحالتها حال ههههههه..وبرضو لما اخذ الرخصه بحزم وبخليه يسجل بمدرسة السواقه..صدق احراج وحد كبير وله فترة يسوق وبعد هالعمر ياخذ درووس ههههه. واتوقع ممكن تصير مواقف كثيرة بين منصور وفهد .✖ • ••• ܓܨ••• ✖ •.جميلة & خليفة.✖ • ..مقدرهـ موقف جميلة بنت مدلعة وعنيدة وحيدة امها..ومتعوده ع امها ولا مزون ..ثمن تصحــى وتنصدم وتلاقي عميرها حاطه راسها ع كتف رجال غريب بالنسبة لها..وماتحصل امها بجنبهاا..بس بالبداية هي اللي ركبت راسها واصرت..وبرضو لما طرشت اووم الاحراج بجد بس اتوقع ممكن لان هــــــــي رافضه تشرب واغصبت حالها لآنها مكرهه وموب راغبتن بالحليب ..ولاخايف تزيد كم سعرة حرارية وتسمن ههههههههههه..بس هانت فتحي عين وغمضي بتشوفين امك بين احضانك..ولا حكيك عن موتك وتكفينك ..قهرني وش هالكلام اللحين انتٍ ماتبين تتعالجين وتصيرين ازيــــــــــن تفكرين بالموت..قوي ايمانتس بربتس... وخليفه اللحين امها بتجي وبيخف الحمل اللي بظهرك✖ • ••• ܓܨ••• ✖ •مزون.. ✖ • تصدقين كنت بقول ماشفت شي عنها بهالبارت هههههههه..نسيت الطياره والكابتن اللي هرباان:toot: وش قصتها الكابتن هربانتن..ولامالها سالفة مجرد حدث عادي.. ✖ • ••• ܓܨ••• ✖ •.وضحى &&امها. اخيرا" مزنه فتحت الموضوع مع وضيح..بس ياترى صدق حكي مزنـــــــة انو تقدم مرتين لوضحى عبدالرحمن ولا بس عشان بنتها توافق ع دحوووم..✖ • بس اعجبني قوتهاا وزعلهاا..بس ممكن مزنـــه هي اللي بتغير راي بنتــــها وبتوافق ع عبدالرحمن بس ماعرفنا راي عبدالرحمن بوضــــحى هل صدق عادي ومتقبــــل انو ياخذ غير كاسرة واللي يهمه انو يناسب امهااب ✖ • ••• ܓܨ••• ✖ •مششششششششكورة ع البارت ياعسسسل وعساتس ع القوة يارب وماتشوفين شر مرتن ثانية... واستمتعت بقراءة البارت ورحت اطبخ لي اندووومي وابلع واقرأ ههههه مع انو كنت ابغى فشششار بس ماحصلت هههههههه يللا المرة الجاية بجهز الفششار والميرنداوالشبس هههههه ودمتي بود ••• ܓܨ••• ✖ •.. |
اقتباس:
وعليكم الس ــلاآم والرحمه خيتي انفاآس ماآتشوفين شر يالغاآليه .. وبعدين داآمه متواآصل هالصداآع لاآتهملين روحك .. روحي للمستوصف شفي شفيه ؟ ألزم ماآعليك صحتك غناآتي .. وماآجاآ منك قصوور مسمووحه فديتج نجي لتوقعاآتي ولو اني ماآ احب أتوقع أحس بعد ماآ أسجل توقعاآتي بيهجرون الرواآيه هالأعضاآء والسبب توقعاآتي الفآشله خخخخخخ ابطاآل رواآيتك في كل مرره يزيد تعلقي بهم وفضولي بـ / شنوا راآح يصير بحياآتهم .. بس ابطاآل البتول هم نجلاآء وصاآلح .. واآ علي عليك يآصآلح .. صدق ماآفي أشين من انك تشووف أثــاآر التعب على رجاآل بأسباآاآب مره .. وَ بالنهاآيه لأنه كثر هرجي .. يعطيج ربي العاآفيه ويلبسك إيـاآهاآ ياآآاآرب .. ولاآيحرمناآ منك ومن إبداآعك .. |
مرحباً جبرانتي ^_^
السلام عليكم ورحمة الله وبركاته
لا أعرف ماذا أقول أو ماذا أكتب!! فالمشاعر تتصادم في طرق حبوري وتتلاقى في شوارع سعادتي...حبوري وسعادتي للقائنا الثالث الذي لا زلت لا أصدق أننا نعيشه...ولكل لقاء معكِ طعم جديد ومختلف...وكان لقاؤنا الثالث..لقاء مفعم بنضجكِ وتفهمكِ المعتادين...ممتلئ بالحب والحنان الفائض من عينيكِ الغائبتين....محشو بالحسن والجمال السائل كنهر من جنبات إيمانكِ والتزامكِ الصادقين نأتي لتوقعات الجزء السابق: مزون:روح مغلفة بالألم والوجيعة...ما لفتني بجزء يوم الخميس ..أنها قالت بأنها لن تنجب...فلماذا؟؟؟...هل تعاني من مشكلة جسمية؟؟؟ ..أو أنها لا تتوقع مجيء الخطاب بعد دخولها بكلية الطيران؟؟؟؟....أرجوا أن يكون التوقع الثاني..لأنه أخف صدمة من الأول....ولكن معكِ لا شيء متوقع أو عادي... وصفكِ لمشاعرها التي تنبض بالحزن...وعينيها اللتين اعتادتا البكاء....قد أثر فيّ كثيراً...بل وأظهر جانباً ولو صغيراً في شخصيتها وهو أنها لا تعطي قيمة لنفسها...بل وتحتقر نفسها لما فعلته بالماضي...علماً أنها لم تفعل أي شيء خطأ...إنه طموحها الخاص..حلمها الوحيد...فلماذا كل هذا التعصب والرفض؟؟؟....ما أعرفه بان هذه الرواية تحاكي الواقع حالياً رغم امتدادها عن الأمس ...فهل يوجد أشخاص ككساب الذي رخص بعلاقة الأخوة الطاهرة أمام أول حلم جريء نمى في مخيلة أخته الصغيرة؟؟؟...وهل أصبح الحلم حرام...والطموح تمرد؟؟؟....إنني مستهجنة موقف كساب رغم دوران أحداث روايتنا في مجتمع خليجي محافظ...ولكننا شاهدنا الكثير من النساء العربيات والخليجيات حصراً...قد تقدموا بكثير من المجالات وبقين محافظات على أدبهن وسترهن وأخلاقهن...فطبيعة العمل ومعايير المهارة لا ترتبط بالجنس..بل تتعلق بمدى الإخلاص في العمل والتفاني فيه...ولا تظنين أنني أشجع على الحرية الزائدة أو التي تتعدى الحدود والأخلاق...ولكن إن كان عملها شريف و نظيف فلم لا تعمل؟؟...فمجرد تخيل أن كل جهدها في الثانوية وتعبها سيزول بسبب نظرة المجتمع لها ولعملها بين الرجال..ذلك يحطم كل آمالها وكل أحلامها..ويدفعها للخمول واللامبالاة...لذلك ما فعله كساب بمزون علامة سوداء على صفحات حياته..والتي لا ندري عن كانت بيضاء أم مليئة بالسواد..سواد الحزن والألم والقسوة صالح ونجلاء:صعبة هي الحياة مع شخص يهينك بشيء لا ذنب لكِ فيه...بل وهي أصعب إن كان يلومكِ على شيء لا ذنب فيه أبداً...فما الذنب الذي لا يغتفر وما المصيبة والفضيحة والعار الذي يلحق بفتاة جنسية أمها غير جنسية أبيها؟؟؟..أو أعجمية في بعض الأحيان؟؟.. أوليس مقولة الرسول صلى الله عليه وسلم المشهورة تقول لا فرق بين أعجمي وعربي إلا بالتقوى؟؟؟...فأين نحن من هذه المقولة؟؟؟؟..وأين تلك التقوى في قلوبنا؟؟؟....ألسنا جميعنا خلقنا من تراب؟؟؟...أم التراب الذي خلق منه صالح تراب بحري ناعم وخصب بعكس التراب الذي خلقت منه نجلاء ذلك التراب الجاف والعقيم والهش؟؟؟....ههههه...(عن جد قهرني كثير بمصخرتو عليها ..يعني ما لاقى فيها شي يتمصخر عليه صار يتمصخر على امها...وهو نسيان إنو امها هي اللي كبرتها وعلمتها...وبتحمل نفس الجينات اللي عشقها فيها) ..فما أغرب مواقفه المتضادة!!...بين سرعة غضب وانفعال وأفعال وتصرفات طائشة ومتسرعة..وبين حنين متجذر وألم مستنزف وحب متأصل في نفسه جوزاء:فكرة غبية طائشة تلوح لي في الأفق البعيد عن توقعاتك ...فانا أتوقع أن صالح وبطبيعة عمله _التي لا نعرفها بعد_ قد شعر بالخطورة على حياته أو كان يهدد أو ما شابه...أو قد كان مريضاً بإحدى الأمراض المميتة...فلم يرد من جوزاء أن تتعلق فيه فتصرف كما تصرف...وأتمنى لو أن هذا فعلاً ما حصل معه..لأن ذلك سيزيد تشويقاً وغموضاً على الرواية..كما أنني أتمنى لو أننا نعود إلى الأمس قليلاً ولكن هذه المرة ليس مع زايد أو مزنة أو منصور..بل مع صالح ومشاعره لجوزاء عروسه الجديدة...وما أروع أن يكون قد ترك لها شيء من مشاعره _غير حسن_ حتى يغير نظرتها له..ويضع بلسماً على جراحها المفتوحة والمتقرحة ...ويترك رمزاً ومثالاً أعلى لحسن الصغير ..كأب وزوج صالح شعاع:تلك الصغيرة المسكينة....فهي من ضحايا التميز والعنصرية بين الأخوة...وهذا أصعب شعور بين الأخوة...حيث يضيع الشخص بين حبه واحترامه لأخوته _بنات أو شباب_ وبين التميز الذي يلاحظه من أبويه...والعنصرية التي يلحظها من تصرفاتهما..ولكنها قد أجادت مسك خيط الإخوة بإحكام دون أن ترخيه أو تشده...فعلاقتها بأختها وأخيها مغلفة بالود والاحترام...ولكن تبقى إشارة استفهام كبيرة أمام علاقتها بوالديها؟؟؟....فهل هي علاقة مودة واحترام كما علاقتها مع أخوتها؟؟؟....أم هي علاقة حقد وانتقاد؟؟؟..أم تكون علاقة خوف ورعب؟؟؟؟...ويبقى السؤال إلى متى ستتحمل عمراً مسربلاً بالتجاهل؟؟؟؟ وسنياً غارقة بالألم؟؟؟؟ أشكركِ جبرانتي على التزامكِ بمواعيدكِ الدقيقة..وعلى جهودكِ المبدعة بولادة الجمال والحسن من بين حنايا أفكاركِ....هذه بالنسبة لتوقعاتي للجزء الماضي..والآن سأقرأ الجزء الجديد ولي عودة إن شاء الله....دمتِ بحفظ من المولى أختك الصغيرة....نور الوجود |
السلام عليكم..
نفوووسه.. الف الف لاابااس عليتس ماتشووفين شر يااقلبي.. جعله بشاارون واليهود على ماقالت جدتي..>فيس بار بجدته.. تدرين ان شكل الصداع عدووا.؟.. الحين بعد رااسي مصدع ومااا اقدر اكتب رد .. وكل ماطوولت شووي على النت زاد .. فاعذريني على عدم الرد..بس اللي احب اقووله ان جميله مثل خليفه كل واحد متخرع من تصرفه؟؟؟ لكن لازم يتحملون نتاايجه.. وشكل خليفه مهووب سهل اليوم مثل ماقال طرشتي الحجليب بكره يلبد على معدتس..يعني شكل خليفه بيكون مسيطر على الاموور باذن الله وهي يمكن نتيجة احراجها منه بتسووي اللي هو يبي.. بس الخووووووووووف ان عفراا تلبد لنا عند بنتها وترووح الخطه ادرااج الريااح .. يعني عساها ترووح على اوول طيااره لقطر وبدوون ماتفكر بالجلوووس عند بنتها.. يمكن فعلا تقرر انها تجلس بس الدكتووره داليا بترفض هالشي وبتقوول لها انتي السبب باللي وصلت له .. والافضل تتركين الاموور بيد زوجها اللي كانت داليا ترااقبه وتراقب تصرفه مع جميله.. فيه شي لفت انتبااهي كثييييييييير وهو بعد مكان شغل علي عن مكان العياده تقريبا 60 كيلوو؟؟ هل بيكون لهالقرب دوور بوجود علي عند جميله.. الخووف ان هالمقرووده بكره تفقد امها ولو راحت لقكطر وتبي احد من ريحتها ومافيه الا علي.. وتقوول ابي علي ولد خالتي ؟؟ والله اني خااايفه من هالجميله لاتقووم تقربع الدنيا ؟؟مع اني وااااااثقه ان علي مستحيل يترك جميله وخليفه بدون ماايسااعدهم..>> من تووقعاتي الاستثناائيه..هع مزوون : اجل بتجلس بقااعه مع الطياارين؟؟؟ وهي بنقاابها؟؟ الاكيد ان هالامر لو صاار لااهي راح تاخذ رااحتها ولااا اللي معها بالقااعه بياخذ راحته .. هذاا اذاا اصلاا ماكاتن بين هالزملاااء واحد اسمه مهااب..؟؟>>من توقعات دكااني العربي الاصيل ..هع منصور وفهد: اقوول فهد هذاا هو متهوور والا انا فاهمه غلط؟؟؟ بشهرين ياللي ماتخااف ربك عفست السيااره وغيرت معالمهااا؟؟؟ المفرووض ان منصوور قايل لك تمنع منعاا باتا من سوااقه السيااره مب تروح تتعلم بمدرسه السواقه.. يعني عوودن كبر جدي.. لك بسواقة السيااره بااع طويل وفووق العشر سنين وللحين ماتعرف تمسك الدركسوون تلف فيه مضبوط؟؟؟ وتدووس على البنزين>>فيس حرّيف سوااقه بالديره. اشتقت للاسطووره سياارتي العجيبه..هع اقوول فهد هل بنشووف لك مواقف بمدرسه القيااده؟>>فيس فاهم الموضوع..هخهخهخه هذاا مااسمح لي صداعي بكتاابته الحين.. لو حصل وصرت احسن بكره باذن الله يمكن يكون لي رد ثااني غير هالرد المقربع هذا والف لاباس عليتس يااغاليه.... |
السلام عليكم ورحمة الله وبركاته
واخيييييييييييير لحقت عليكم اقول في نفسي شكلهم خلصو وانا ما لحقت كل يوم اقرا حسب الوقت اللي اكون فاضيه فية بالنسبة لتوقعات مدري وش اقول بس كل اللي اعتقدة ان ان كاسرة بتاخذ منصور جميله بتشفى من مرضها بس بتكمل حياتها مع خليفة هذا اللي ما قدرت اوصل له وضحى بتوافق على عبدالرحمن بس هذا الي عندي لو اني متاكدة ان كل توقعاتي خطاء بس اجرب حظي |
انفاس تسلمين عالبارت فديتج<< الفيس راعي الورود
وفيس ثاني يعطيج بندول<< فيس نيرس خليفة وجميله تصدقين صح انيه ما كنت ابيه ياخذها.. بس احس ان اساميهم جي لايقه على بعض.. حتى طريقة كتابتها جيبه من بعض<< فيس يفكر بسطحيه.. هالانثينه يدفعون ثمن العناد والتحدي.. افتقدوا النظرة المستقبليه.. فوقعوا في شر اعمالهم.. وجود عفرا راح يكون سلاح ذو حدين.. صح انها بتساعد جميله على تخطي هالفترة.. بس في نفس الوقت.. وجودها يجبرهم على تقبل بعض عالاقل جدامها<< فيس يفكر.. دواكم الحينه حد قال لكم تعاندون.. عاد الحينه تحملو نتيجة عنادكم<< فيس يلومهم عفرا وجودج في المصحة بيساعد جميله بس في نفس الوقت بيزيد البؤرة بينها وبين خليفه.. يعني انا اقول شلي عمرج وردي البلاد اخير لج<< فيس مصر انهم يتمون ارواحهم مزوون مبرووك.. واخيرن اتعينتي<< فيس يحسسها انها تخرجت من زمان.. الحينه بيدا الصراع في حياتج من يديد.. طبعا لقائج بمهاب شي محتوم..بس ما احبذ لقائكم بهالسرعه.. عاد تصدقين زايغة من شي واحد انه ما يعرف لو جافج في الاستراحه<< فيس يستهبل.. وجودج في الاستراحه بيكون مميز وهالشي يمكن يسبب لج المتاعب.. خصوصا عقب الامتيازات اللي حصلتيها.. وهاي اللي تسبب حساسيات في سوق العمل<< فيس عنده خبرة في هالسوالف وضحى امف عليج.. الحينه تقولين حق امج انها جذوب.. لا يا وضيح الا هاي..يعني يوم ان الحرمه يت اترمسج وتقول لج اللي في خاطرها تسوين جي الصراحه موليه ما عيبتينيه منصور وفهد فهود وحرمه قرعه.. هاي سواه تسويها في موترك.. قلبك ما يعورك عليه<< فيس يقدر ممتلكلاته وما يرضى يستوي بها شي.. دواك لو انيه منه.. بقول لهم ما يعطونك الليسن خير شر.. والدريول عليه.. للاسف هذا حال شبابنا يتحرون الشارع ساحة قتال.. ما تجوف الا غبارهم في الشارع جنهم راكبين مكوك فضاء هب موتر.. منصور .. وعم التصرف.. لو ان شي مثلك 10 بس.. جان بوزعهم عالبلاد يادبون هالشباب<< فيس يحرك راسه.. علاقتك ويا فهد علاقه ابويه.. يعني انته تعوض فقدك للابناء فيه.. وهالشي اللي يخليه يحبك حتى يوم اتدوبله في الدوام<< فيس ذكي نترياج فديتج<< الفيس راعي الورود http://www.liillas.com/up3//uploads/...29afe633ce.gif |
يسلموووووووووووو نفوسه بارت رووعه والرومنسيه بين صالح ونجلاء يا عيني بس يستاهل خله يتادب بس مو يطفر ويهج الثقل زين بس كثره مو زين اما جميله حبيبتي والله حزنتني اعتقد انها مفكره علي بينزوجها شفقه وعشان خالته ما تعرف انه يحبها وانا كنت متمنيه انهن ياخده بعض بس المسكينه يائسه ومهيأه نفسها تموت الحمد لله امها راحت عندها عشان نفسيتها تتحسن شوي وننتظرك بالباتر الجاي حبيبتي وسلامتك الف سلامه ما تشوفي شرانشا الله
|
السلااام عليكم ورحمة الله وبركاااته
شخبااركـ كاتبتنا الغااليه؟؟؟ ماتشوفين شر فديتك طهوور ان شاء الله * * * السمووحه منك يالغلاا مارديت على البارت اللي راح الظروف لك عليها شوي بس قريته واليوم بإذن الله رح يكون تعليقي عن الشخصيات في البارتين يعني لو جبت شخص مو موجود بهالباارت لاتستغربين ههههه السمووحه مرررهـ ثاانيه * * * نبدأ بسم الله^_^ * * * &كاااسرهـ& >>>فيس يموووتـ عليها بصرااحه اسلوبها في الكلاام مع سعود كااان رائع وهذا دليل على انها وحدهـ قاادرهـ تضبط اعصاابها ولاّ وحدهـ في منصبها تقدر بكل بسااطه تفصله وان شاء الله يتفشل ومحد يعطيه وجه * * * &وضحى& الله يهديك كان تركتي امك تمكل هرجتها ونعرف متى تقدم لك وليه وبعدين افتحي فمك هي ألحين وش ينطرني لين أعرف السالفه كاامله >>فيس مقهور من السالفه اللي راحت عليه ومن ألحين اقولك لا توافقي على عبد الرحمن الدنيا لعبه عندهـ ساعه ابغى كاسره وساعه ابغى وضحى ذاا يبغى يتزوج بأي طريقه ومحتار بينكم اتركيك منه وكملي دراستك وربي يجيب النصيب * * * &كساب& اول شي الحمد لله على السلامه ثاني شي لاتشيل في قلبك وانا اختك ترى اختك ذي مثل بنت خالتها باايعه للعشرهـ وأنا أشوف معااك الحق كله في زعلك من مزون ولاّ أغلى انسان عندي يترجاني اترك قسمي اقوم اعند واتمسك فيه اكثر هذا اسمه لامبالاة وبعدين انت حسيت ان كرامتك انجرحت وهي ألحين رح يذبحها تأنيب الضمير * * * &صاالح& ياهوين عليك يابوخالد حرمة تسوي فيك صحيح اللي سويته رومانسي جدا لكن فيه ضعف>>وجهة نظر لاحد يقوم علي^_^ صحيح تحبها وتعشقها ومجنون فيها لكن الحب مراات يكون ضعف وبعدين وشلون تحبها وتجرحها بالكلاام شلون تحبها وتبي تتزوج حرمة أخوك ياخي لو تزوجتها رح تظلم نفسك وزوجتك وحرمة أخوك.. ولو مارجعت لك نجلا بصرااحه ما ألومها لأن كل حااجه تهون إلا الكرامه عمرها ماتهون * * * &نجلا& شوفي صحيح موقف زوجك كاان جدا رومانسي لكن شفته ضعيف وانتي اضعف لأنك نزلتي له لأنك ألحين رح تقلبي على نفسك المواجع وانتي مو ناقصه ألحين انا معاك في كل اللي تسويه الوحده ألزم ماعليها كرامتها ولو في بالك الطلاق النهائي لاتقابليه ولاتقري رساايله لكن لو قلبك يبيك ترجعي ليني شوي على الأقل عشان عياالك * * * &خليفووهـ الشر& اول الغيث قطرة من ألحين قدك شفقان عليها وشوي شوي تظهر لها الشفقه وبعدها تجرحها وبعدها تردها لأهلها صح؟؟ ياخي انا مو قاادرهـ ابلعك فمهما سويت شي حلو مو حلو رح تبقى وااقف في حلقي والحين لا اوصيك داام امها جاات رح اسحب عليها وناام*_* * * * &جمليه& ربي يعينك على اللي انتي فيه صدق للحين ممغوصه منك والسبب تفضيلك لخليفوه الشر على علي لكن مو مشكله.. حاولي تتأقملي مع وضعك الجديد لأن ماعندك غيرهـ لو انك ماخذه علي كاان قدرتي تتصرفي بأريحيه حكم التربيه اللي بينكم لكن هذا ماجنته يدااك ويلااا احمدي ربك ان امك جاات بتخفف الغربه عنك شوي ولو اني اشوف الغربه اللي في قلبك ماحد رح يقدر يخففها غيرك * * * &علي& ياقلبي ياعلي لاتستوجع وانا اختك من باعنا بأسباب بعناهـ بلا اسباب ومن باعنا برخيص بـ.........ينباااع تراها مادرت عن هواا داارك وكل همها ألحين البلوه اللي عندها وامها اللي وصلت أخيرااا ولاتشتكي همك لأحد ترى مارح تنوب غير الشفقه والحزن خل الحزن بالقلب الشكوى مامنها إلا المضرهـ * * * الباقين الله يستر عليهم يااربـ * * * سلمت أناملك كاتبتنا الغاليه تقبلي ثرثرتي يالغلاا^_^ ننتظر البارت الجديد على أحر من الجمر * * * بالتوفيق الدائم |
مســــــــــــــاء الأوركيد
مشكورة على البارت بس قبل مااعلق عليه حبيت اقولك شي سلامتك ماتشوفين شر وبأذن الله طهور ويارب يأجرك على هالصداع اللي واضح انه ضيف ثقيل يزورك كثير لان من ايام أسى الهجران وانتي تشتكين منه. ========================= نجي للبارت البارت هذا العاشر يعني باقي نص مافات ونكون تعرفنا مضبوط على البنيه الأساسيه للروايه ومثل ماقلتي قبل كذا مايمنع ان احداث كثير بتصير ,,,,,,,,,,,,عشان كذا صعب حاليآ ان اتوقع بأمور مصيريه ,,,,,,,,,بس هذا مايمنع من الثرثره والتعليق وابداء الرأي =========================== صالح ونجلا تشابكت الخيوط وصارت عقد ,,,,,كون انها سامحت كثير وتغاضت وهو بالمقابل كرر فعلته! هنا نقول ان نجلا معاها حق ,,,,كله الا الأم ,,,لو امها فعلآ فيها عيب نقول والله معه حق لكن الأم هذي اللي يعلق عليها هي اللي ربت نجلا وخلتها بهذي الاخلاق اللي هو منهبل عليها . نجي لنجلا طلاق مره وحده!!!؟؟؟ لا انا اشوف انها اختارت قرار مو سهل ابدآ ,,,,,كان على القليل خلت الحكم بيد الكبار يعني حكمآ من اهلها وحكم من اهله ,,,,واتوقع ان موقف صالح قدام عمه وابوه وهم يدرون بكلامه على ام غانم ونظرتهم له بيكون عقاب وتوبيخ انه يمسك لسانه وبعدين مب يمكن كل واحد فيهم يغيظ الثاني ,,,,,,,,,,,يعني صالح مقهور منها بتأخير الحمل ويحاول يأخذ بثاره بعيارته على ام نجلا ,,,وبالتالي نجلا مثل ماقالت تأخر حملها عشان كذا ================================ منصور و فهد موقف حلو ,,,وضحتي فيه طبيعة علاقة فهد بمنصور وبعد بمكانة فهد المميزه عند منصور واضح ان علاقة منصور بفهد لها اكثر من 3 سنوات لانه حضر وفاة عبدالله وكان قريب لهم لدرجة انه عنده علم بفجيعة ابوه وامه واضح انه كان يعرف عبدالله ,,,,بس فيه كمان معلومه عرفتها اتوقع بيكون لها دور تدرين انفاس امس قبل تنزلين البارت نزلت ردي وقلت فيه اني (كنت)احسب ان عبدالله توفى بحادث بس هاللحين لا الظاهر توقعي صحيح ,,,,لان نفضة صالح عقب ماطلع فهد معناها ذكرة ذكرى موت عبدالله , ولاو قلنا انه شاف سيارة فهد بس مااظن لان سيارة فهد جديده وأصلآ الصدمات ماتنذر انه كانت حوادث مميته. ================================= خليفه وجميله صعب جدآ اتوقع شي ,,,,,,,لكن دام الشفقه موجوده ف علاقتهم مكانك سر. بالوقت اللي زوغت جميله الحليب ,,,وشعور خليفه ان كمان حس بيتقيئ مدري ليش تذكرت بأول بارت يوم تقيئت جميله وكانت مزون معها ,,,,,شتان بين ردات الفعل بالرغم ان مزون بنت والمفروض تكون حساسه اكثر من الرجل مممم انفاس من ابتدئت الروايه وانتي تركزين شلون كانت علاقة كساب بجميله وبعدين وشلون كانت نظرة كساب لها ,,,,لكن علي ماتكلمتي عنه الا بالسانه هو فقط. صحيح جميلة اختارت خليفه ,,,,لكن هل خليفه بيكون مرتاح من قرب علي لهم ؟؟ والاهم لو خليفه قام بزيارة لغرفة زوجته وشاف عدد العرايس ومين صاحبها ,,بيكون مرتاح؟؟ ============================== سميرة واضح من موقفها يوم قالت لها وضحى عن كاسره انها عندها قدرة كبيره انها تمتص غضب الشخص اللي قدامها . =========================== كاسره الموقف يوضح لنا يوم من يوميات كاسره بعملها وطريقة تعاملها مع الموظفين ,,,,,, ثقه شديده بالنفس,,,شخصيه ثابته وغير مهزوزه,,,,برود مدروس,,,نبرة صوت ثابته مااتوقع الموضوع بيتأزم لانه هي تصرفت على حسب القانون ,,, =========================== مثل العاده استمتعت وانا اقراء البارت ,,,الله يوفقك ويسهل امرك انتظرك ثم انتظرك لاتتأخرين اشكرك على انضباطك بالمواعيد وتعاملك الراقي وبالك الطويل |
ابدعتي انفاس ماعاج متابعين اتبداعج يالغاليه وماتقصرين مابي اتوقع شنو بيصير ولا ابي اعلق ابي اقرا واعيش مع الابطال بارت بارت وناطرتج يالغلى |
هلا وغلا
اسفرت وانورت واستهلت وامطرت تو ما نور المنتدى والله انك من انقطعتي عن المندى ما تحمست ادخل واليوم داخله صدفه والله والله وماابالغ لك يا انفاس قلبي اني تفاجات وطرت من الفرحه يوم شفت اسمك قبل ما افتح القصة قديتك مرررررررررررررررررررررره وحشتيني ولي رجعه بعد ما انسخ اللبارتات واقراها فديتك يا قلبي اختك ام كايد اتمنى تتذكريني |
يالبا قلبك ياانفاس
سجلت بالمنتدى عشان عودتك يالغلا حنا مجموعه متابعات لرواياتك كلها جد ابدعتي صرنا مانقرا لغيرك احببناك في الله اخلص العشر بارتات ونعلق عليهم مره وحده وسلامتك من الصداع ماتشوفيين شرر |
.. :: مساء / صباح الـ شــوق :: .. رغم قلة عدد مشاركاتي .. وقصر مدة تعارفي بكم .. إلا أن قلبي مثقل بـ حب كبير وشوق أكبر لـ تواجدي بينكم .. : شوقي لـ التواجد بينكم كـ أعضاء لا يقل درجة عن شوقي لـ أبطال الأمس .. وعيال الـيوم .. : بأبدي بـسم الله .. وبأذكر حسب اللي يجون في بالي أول .. : .. :: زايــد :: .. رغم ما عاناه من صبابة وجوى وحرمان من اللقاء .. نقل ذلك لـ عليّ .. فـ ليس للإبن حظ كـ والده .. يقينا ً أن زايد لم يكن لـ يتصرف غير هذا التصرف .. فـ عوايد الرّجال وإحترام سلوم العرب تحتم مثل هذا التصرف .. ولعل ّ في الأمر خيره لـ علي ّ وجميلة .. تتجسد في زايد معاني الحب لـ مزون .. ولكن ليس حباً عاديا ً .. إنما حب خالص مصفى لـ أنها مــزون .. كساب .. وزايد .. أرى شموخ جبليّن .. تصدع الآخر من إهتزاز أرض حانية تحتضنهم إسمها مزون .. .. :: عليّ :: .. من أحب الشخصيات وأقربها لي .. صعبة لمن في مثل شخصيته التصريح بـ كم الوجع الذي يشعر به .. ولكن لأن زايد غير .. فالتصريح بينهما له عبق يحمل الألم بشكل مختلف .. قرب عليّ من والده .. لم يكن كفيلا ً بـ إستيعاب زايد لـ قدوم عليّ من جنيف وأسبابه .. ولكن .. قدّر الله وما شاء فعل .. .. :: كساب :: .. إنكسار مثله صعب .. قسوّته على مزون لست أسندها لـ ما تعرض له من إحراجات إجتماعية .. فمن في قوة شخصيته و حضوره يملك الرد المسكت لكل لسان متطفل .. إلا أن قسوته .. أ لم يكن لمن لبى لك كل ما طلبتي طول هذه السنوات حق بـ أن تحققي رجواه الوحيدة يا مزون ؟! ولكن أعتب عليه هذه القسوة التي لا تزيد العلاقة بينهما إلا بالجروح المسمومة لأطرافها .. .. :: مزون :: .. من يكون له خلق رفيع .. وطموح عالي ّ .. ولـ أهلي مركز إجتماعي يمكنني من تحقق الحلم بضوابط تتناسب وشريعتي الاسلامية وأعرافي الإجتماعية .. فـ ليكن حلمي بـ إتساع الأفق .. إلا أن "خاطر أخوي " أغلى من كنوز الأرض .. ياااا غلاة فيه .. ويا رخص ٍ بـ حلمي .. خصوصا ً بعد كل هذه الرجاءات العميقة .. .. :: خالتي عفرا :: .. إمتداد وسمية .. روح ٌ معطاءة .. حنان لا متناهي .. عسى ربي يفرح نظرتها بـ جميلة معافية وطيبة وبخير .. .. :: جميلة :: .. أحيانا ً غلطة أبائنا بـ أنهم لم يسمعونا كلمة " لأ " .. تساهم في أخذنا لـ قرارات والإقدام على خطوات تحمّلنا معاناة تنهكنا .. أشعر أن هذا ما حدث مع جميلة .. رغم إني لست لائمة عفرا به .. فـ الضنا غاااااالي .. .. :: خليفة :: .. من حقه أن يكون له موقفه .. وطالما أن جميلة وافقت .. فهي من إختارت .. إلا أنني أرى أنه عاطفي ومتسرع .. وعفوي .. فـ لا تخطيط مسبق يحكم حياته .. .. :: مزنة :: .. جمال الآثار الحب .. ورونق تاريخ الولع يختزل في عدم إرتباطها بـ زايد .. فـ أنا أؤمن بـ أن السعادة قد لا يكون لهما طريق فيما لو إرتبطا .. قوّة بـ ليونة .. حازمة بـ مرونة .. حنوووونة بــ شدة .. .. :: كاسرة :: .. طلعت حراااام ظالمتها .. خوووش مره .. فحله << على قولة أبوي .. إلا أن قوتها أحيانا ً تؤزمني .. .. :: وضحى :: .. شخصية مليئة بالعذوبة .. وحيوية .. معشرانية .. أحس إنها من الأشخاص اللي لو تصافينها .. تشعرين إنك تعرفينها من زمان .. ما ألومها لو فكرت ترد عبدالرحمن .. صعبة أرى خطيب أختي اللي عجز وهو يخطبها .. يرجع يخطبني وأوافق .. وإن كان يخطبها لأي سبب ليس أحدها الحب .. بس يمكن سالفة الخطبة الأولى تغيير في الموضوع أو الفكرة عندي .. .. :: تميم :: .. حنووون هالصبيّ وحبوووب .. وإن شاء الله ربي بيرزقه أخيرّ البنات .. جدا ً حبيت شخصيته .. وهالشي بعيد كل البعد عن الشفقة .. .. :: جوزا :: .. ألم .. إنكسار .. نزف موجع .. هذا ما أشعر به إتجاهها .. وعسى ربي يجبر مصاب قلبها .. .. :: نجلا و صالح :: .. أؤيد توجهها .. ففي مرحلة من المراحل في الحياة .. لن تكون المرأة بحاجة إلى حب بقدر إحتياجها للإحترام قبل الحب .. فـ كثير من البيوت قائمة على الإحترام والرحمة .. والألفه .. أكثر من مشاعر الحب المؤججة .. وقد يكون لـ صالح مبرر لـ الغضب .. إلا أن أم غانم لـيست عيارة .. ولا دخل لها بالموضوع .. .. :: سميرة و فهد :: .. حضورهم جميل جدا ً في الرواية .. وفي إنتظارهم بشكل أوسع << متيقنة بهالشي .. جمعتهم لأن إثنينهم فكاهيين و على طول تتسلل لي إبتسامة بمجرد ما أقرأ عنهم .. وإحتمالية النصيب بينهم .. أستبعدها تماما ً .. .. :: منصور :: .. مسك الختام .. منصور يذكرني بـ أحد أبطالك السابقين .. ولكني لن أستعجل الحكم عليه .. فلا تزال الأيام القادمة محملة بالكثير لـ إخبارنا .. .. :: أنفاس قطر :: .. ماتشوفين شر .. ولاباس عليج يالغالية .. شكرآ جزيلآ .. وشكر خاص .. لـ رقي الكلمة .. وعذوبة التواصل .. لا حرمنا الله إطلالتك .. وجعل العافية والصحة ثوبا ً يزهاك .. و أسعد قلبك برضاه .. وأنار لبك بعلمه .. سنكون في الإنتظار دائما ً .. إختك .. أفراح .. |
السلام عليكم
أنفااااااااااااااس ..ماتشوفين شر يالغاليه ..>>اذكر اني رديت بس يمكن ضعف الاتصال تسبب في عدم ايصاله ...؟؟؟ربما اسأل الله الكريم رب العرش العظيم ان يشفيك .. اسأل الله الكريم رب العرش العظيم ان يشفيك .. اسأل الله الكريم رب العرش العظيم ان يشفيك .. اسأل الله الكريم رب العرش العظيم ان يشفيك .. اسأل الله الكريم رب العرش العظيم ان يشفيك .. اسأل الله الكريم رب العرش العظيم ان يشفيك .. اسأل الله الكريم رب العرش العظيم ان يشفيك .. |
بارت رائع
صالح ونجلاء ياعيني بس ورب البيت كسرت خاطري وهو بعد خليفه وجميله مدري والله وش أقول عنهم كاسر واللي سوته بسعود مدري أحس أن سعود راح يتسبب لكاسره بشي أو يكون سبب لشي >> وضحي كلامك أنتي ؟؟ أممم فهد ذا من جده مادرس بمدرسة السواقه ههههههههههههههاي خير ماسويت يامنصور هع هع هع سلمت يداك أنفاس تقبلي مرووري |
السلام عليكم ورحمة الله وبركاته
هل أحسستم يوما ان الكلمات تخذلكم ولاتجدون ما تعبرون عنه بصراحة هذا ما انا فيه الآن أقدم لكم التميز لينير سماء التميز الا تجدوها معادلة صعب ولكن مع مميزتنا كل المعادلات سهلة المميزة هنا قصة ثالثة لكاتبة خطت التميز عنوانا ً لها والالتزام مسلكا لها وحب القارئ واحترامه غايتها كتبت وأجادت فن الكتابة وعدت و وفت بالوعد ماذا أقول و الكلمات تهرب مني لأنها ملك لصاحبة التميز هنا رحبوا معي بـ #انفاس قطر # وقصتها (بين الأمس واليوم ) نجوم تضيء سماء التميز الف الف مبروك يا سيدة الالتزام مشرفات القسم |
الــــــــــــ 1000 ــــف الــــــــــــ 1000 ــــف الـــــــــــــ1000 ــــف مبرووووووووووووو 1000 ووووووووووووك.. ماادري من اباارك له لتس والا للتميز...؟؟ صرااحه رااح اباارك للتميز اللي ناال شرف وجووده جنب لجنب قمه..... تستحقين الافضل ياااا ملكة الالتزاام.. ولوو كان فيه شي افضل من التميز فبدون تفكير راح نصووت انه يكون من املااكتس.. للاماام دااائمااااااا .. والف مبرووك حصوول التمييز للمره الثالثه على شرف توااجده بجااانب قمة الالتزام وملكته بدون مناازع #انفااس قطر#.. |
••• ܓܨ••• ✖ • السلام عليييييييييكم والرحمه ..اخبارتس وعلومتس..عساتس بخير وان شاء الله زال الصداع... . . ✖ •تستحقين التميييييييز وبجداره.... ومبرووووووووك نفوووسه✖ • ✖ •من افضل...لـ أفضلhttp://www.al3zeza.com/vb/images/smilies/233.gif http://www.al3zeza.com/vb/images/smilies/233.gifومن تميييز..لـ تمييز✖ • ✖ •ومن ابداع...لـ ابداعhttp://www.al3zeza.com/vb/images/smilies/233.gif ✖ •ومن بين هؤلاء الاشخاص .. تميزتي بعلو خلقكٍ وبسمو كلماتك اختي الكريمة✖ • #انفاس قطر#http://www.alamuae.com/vb/images/smilies/wavetowel2.gif ✖ •فعندما تثبتين وجودك بيننا .. هذا هو التميزhttp://www.alamuae.com/vb/images/smilies/S_025.gif ✖ •عندما تكسبين ودنا وحبنا لك .. فهذا هو التميزhttp://www.alamuae.com/vb/images/smilies/S_019.gif فتميزك لم يأتي ✖ •من ..فراغ✖ • ✖ •بل بجهدك الملحوظ http://www.alamuae.com/vb/images/smilies/v.gif . ✖ • مباركٌ عليكِ هذا التميز و هنيئا لنا بكِ http://www.alamuae.com/vb/images/smilies/S_029.gif ونتمنى أن يدوم عطاؤكِ.. ويستمر تميزكِ http://www.alamuae.com/vb/images/smilies/smile.gif ومن تميز لأخر أعظم وأكبرhttp://www.alamuae.com/vb/images/smilies/00016.gif ✖ •دمتم لنا ودام تميزكم.... http://www.alamuae.com/vb/images/smilies/S_033.gif + http://www.alamuae.com/vb/images/smilies/S_033.gif + http://www.alamuae.com/vb/images/smilies/S_033.gif ••• ܓܨ••• ✖ • |
الف الف الف مليون مبروك على التميز
ولو خذو رايي من اول بارت خذتي التميز متميزه بنت قطر بكل شي بالقصه الروعه بالالتزام في المواعيد باخلاقتس متميزه اكثر واكثر في قلوبنا الله يخليتس ويحميتس ام سعودي |
الف الف مبرررررررروك انفاس قطر
تستاهلين التميز بدقة المواعيد واخلاقك العاليه ماشاء الله وروعة كتاباتك وابداعاتك |
السلام عليكم ورحمة الله وبركاته
مبروووك التميز انفاس تستحقينه بجداره منصور احسن شي سويته لفهد اجل مالها كم شهر ومكسر السياره الله يعينه من الفشله ههههه بس لمصلحته يبي له تدريب وتعليم من جديد خليفه استحمل الي جاك وما جاك شي لو جلست كم يوم مع جميله كان فعلا تعبت بس جيتة امها بتخفف المسؤليه عنك مزون متحمسه صراحة لاول شغلها بس طلعت واسطات ابوها بنتيجه فعلا حتى لو تضايقو المسولين تسلم الايادي انفاس دمتي بود ام شادن |
نفوسه مبرووووووك ألف مبرووووووك,,
تستحقينه وبجدارة.. خخخخه تصدقين مت ضحك على فهد وتفشلت بداله أحس وجهي طاح بالأرض<<عايشه جو هع بس أحسن يستاهل أجل هذي سيارة واحد جالسة عنده شهرين؟! جميلة راحت السكرة وجت الفكرة والله استحسنت فكرة إن أمك موب معك هذه غصبك تشربين الحليب صحيح استفرغتيه بس تقدم.. مزون لاتصير بتلتقي بمهاب بإستراحة الطيارين؟!! كان تنتحر خخخخه ويحق له متوحش لبدأ يرمي عليه كلام..ومن الحين أقولك اخسريه اذن من طين واذن من عجين وإلا ردي عليه رد يسكته مية سنة قدام مع إني ماظنتي..<<صدقت إنهم بيلتقون خخخه صالح رحمته مره مع إنه هذا مااجنته يداه بس خلا أنا الحين أيد رجوع نجلاء حالاً.. |
الف الف مبروووووك التميز تستحقين التميز عن جداره وبصراحه تستحقينه من بداية القصه وياليت يتثبت دايما
تستحقين التميز لاخلاقك ولروعة اسلوبك والتزامك بالمواعيدولانك انعشتي القسم ولكل ابو شى:lol: ولانك انفاس قطر وهدا يكفي :55: حفظكي المولى ورعاك |
♪♪♪ آلف مبروك التميـز آنفآس .. مو غريب حصووولك عليه .. كآتبه مميزه وملتزمة وبجدآرة مآ ششآإء الله عليك .. ♪♪♪ |
بين الأمس اليوم/ الجزء الحادي عشر
السلام عليكم ورحمة الله وبركاته صباح الود والروعة التي تسربلت بروعتكم فكانت لها زادا فتحت اليوم وأنا خالية الذهن تماما لأتفاجأ.. واي مفاجأة.. دائما تخجلونني يا أهل ليلاس بتطويقكم لعنقي بشرف رفيع عاجزة عن شكركم على ثقتكم الغالية التي أتمنى أكون أهلا لها أتمنى تكون قصتي تستحق التميز والتثبيت.. ويهمني أن تكون في قلوبكم هكذا قبل أي شيء ردي هذا في الاسفل كتبته البارحة وآخر من قرأت لها ردا هي شبيهة القمر لذا فليعذرنني من جئن لاحقا لأني سأقرأ ردودهم الآن مع خالص خالص شكري لهم الله لا يحرمني مرورهم . . أعذروني على مروري السريع المرة الماضية بالفعل كنت أعاني من ألم رأسي المعتاد.. ولكن منذ يوم أمس وأنا أفضل بكثير لله الحمد والمنة فعوضتكم برد طويل <<< ليتك قعدتي مصدعة وساكتة بس . . قبل أي شيء.. نقطة توضيح ولو أنه البنات ماقصروا بس بعد أحب أوضح أكثر مع خالص شكري لهم نوف وخوخة والعنقليزية لما نتكلم عن بنت المصرية مطلقا لا يكون القصد التقليل من أي عرق أو شعب أو حتى دين أو جنسية ومستحيل أسمح إنه تكون قصتي ساحة لهذا الشيء المقصد فقط أن نتطرق لمشكلة موجودة.. تم تناولها كثيرا.. لكن يبقى التناول قاصرا لأنها قضية ضخمة تحتاج تضافر جهود كثيرة لتغيير قناعات مريضة موجودة عند البعض << وأشدد على كلمة البعض ولا فضل لعربي على أعجمي إلا بالتقوى... وانتظروا معنا مجريات الحكاية.. وخاطرك على رأسي يا لويا أنتي وكل المصريين.. . . يالله اليوم مع خوخة نجمة يا خوخة.. هل هي رسالة أو تنبوء؟؟ شوي من هذا على ذلك تقولين أغش حركات خالتي.. شوفي بارت اليوم واتصال عفراء هذا صدق غشيته من خالتي لأنه مستحيل حد يفكر هالتفكير إلا هي فديت روحها وشكرا على التصحيح لسالفة الهيئة اللي جاءت بالتوقع العجيب عند جيلو و ام الجمايل الله لا يحرمني مرورهم العذب وزارا لها نجمة مع داليا.. هي الوحيدة اللي تذكرت المخلوقة اللي جايه من الدوحة ماحد عبرها.. . . أممممممم أعيد اذكر الأحداث تجري بين جماعة كلهم يعرف بعض حتى لو ما كانت المعرفة شديدة القوة أو التواصل يعني منصور أكيد يعرف عايلة أبو صالح قبل أكثر من 3 سنين بعد.. يمكن يعرفهم من يوم أنولد أممم وصلت يا ليدينا الذكية؟؟ واليوم تتأكدون أكثر.. . . مزون مريضة بمرض وراثي توقع خالتي جورية اللي نقلته السراب.. وأنتي خالتي وين؟؟ وكان كذلك توقع أختي الصغيرة أديبتنا الرائعة نورالوجود لا مزون ليست مريضة.. ولكنها تؤمن أنها لن تتزوج يوما " فمن يريد فتاة دميمة وكابتن طيارة ؟ " << هذا رأيها في نفسها هل مزون في استراحة الطيارين بتقابل رجال؟؟ أكيد يا معزوفة.. وخلاص مزون قربت تطير يابوح وفعلا شعاع رقيقة جدا بس أنتظروا شوي مواقفها الجاية . . كاسرة حضيت بالأعجاب في البارت الماضي من جمهور من المعجبات بحضورهم الخيالي الرائع كروعتهم الله لا يحرمني مرورهم رمش الغلا وضاقت والعنقليزية و نودي أو نوض تدرين نودي كنت أظن اسمك نوض بس خوخة قالت لي لا.. نودي نوض أحلى فاسمحي لي أنا أسميك نوض بعد أذنك . . عاد الثنائي الجدلي الثاني نجلاء وصالح << مع البتول كان لهم كل الحضور وجميلة وخليفة << كانوا في رأس قائمة بوح قلم ووفيساتها الحلوة وهم اهتمام وردة الياسمين كل ثنائي تو الناس عليهم.. . . جاكلين كيف ولدنا اللي تابع معنا أسى الهجران؟؟ أم كايد أكيد أتذكرك يالغالية درة مضيئة وجارة الحرم الله يكبر قدركم مثل ما كبرتوا قدري أمار المهم إنك معنا بروحك أفراح ألف لابأس عليك ياقلبي والحمدلله على سلامتك.. قراءتك للشخصيات أكثر من مذهلة في اقتناصها للفكرة وبأحكم عبارة دالة وخصوصا كساب ربما لو أنا شرحت الفكرة لم أكن لأوصلها مثلك ومنصور لا يشبه إلا نفسه.. قد يكون هناك تقاطع فكري لحضور رجولي مختلف سابق.. ولكن معك وبك للانتظار نكهته.. شبيهة القمر وساكنة الأعالي ألف شكر يا غالية.. . . اليوم البارت الحادي عشر الغلبة فيه لمنصور نراه في 3 مواقف مختلفة ومع خمس شخصيات زايد وفهد ومزون.. ومن بعد؟؟ كاسرة وعفراء.. حبيت أجمعه مع الثنتين اللي اسمه انربط فيهم لهدف عندي لكن المشهد الأهم عندي هو مع زايد المشهد الوحيد الذي رأيتموه مع زايد في الوقت الحالي كان موقف غضب.. لكن من حقكم أن تعرفوا طبيعة علاقتهم كأخوة حتى وإن كان بينهم جرح وعناد في هذه القصة أركز على أربع أنواع من المشاعر الأخوة والصداقة والأبوة والأمومة وعلاقة منصور بزايد علاقة رائعة حابة أنكم تشوفونها في حالة الصفاء بينهم وتذكرون أول مشهد طلع فيه منصور لما قال لكساب: صحيح أنا وزايد نتناقر دايم بس زايد غلاه عندي غير اليوم نتعرف عليهم أكثر ويهمني بعد تشوفون تعامل منصور مع مزون... رغم إن منصور غير موافق إطلاقا على دراسة مزون ومع كذا شوفوا معاملته لها . . الموقف الأهم عندي في بارت اليوم هو بين مزنة وتميم تصدقوني لو قلت إني تفاجأت وأنا أكتبه بدموعي تسيل بدون ما أحس يمكن لأني أم وحطيت نفسي مكان مزنة حسيت بألم مستعصي على الوصف حينها وأنا كل شوي أشيل ولدي وأحبه وأشكر ربي وأحمده اللي جعله بتمام الصحة والعافية ويا الله يا بنات كلكم ادعو للنوفي خوالها عمامها إن ربي يرزقها بمولود حسن الخَلق والخُلق والدعوة موصولة لكل حوامل بين الأمس واليوم اللي يقرونها يارب يسهل عليهم ويرزقهم بذرية صالحة ويرزق كل محرومة من الأمومة يارب . . ننتهي اليوم على موقف غير متوقع أتمنى أن يعجبكم . إليكم البارت الحادي عشر . . قراءة ممتعة مقدما . . لا حول ولا قوة إلا بالله . . بين الأمس واليوم/ الجزء الحادي عشر خليفة خرج من غرفة جميلة.. توجه للحمام ليغسل يديه رغم أنها لم تتقيأ عليه... ولكنه يشعر برغبة حادة للاستحمام حتى وتغيير كل ملابسه يشعر ان رائحة القيء التصقت به..ولا تفارق أنفه.. غسل يديه عدة مرات قبل أن يعود ليقف على باب غرفتها وألم روحه يتزايد..يحاول أن يتصرف بمنطقية..أو وفقا للشهامة المفترضة ولكنه يجد نفسه غارقا في الحيرة والارتباك.. فعلاقته بالجنس الانثوي شبه معدومة والدته توفيت منذ سنوات.. وليس له شقيقات.. وخالاته سيدات كبيرات لاهيات في حياتهن وبيته بيت رجولي بامتياز.. 4 رجال في بيت حتى وقت قريب عندما تزوج جاسم وخرج في بيت لوحده فكيف سيتصرف مع هذه الشابة التي اقتحمت حياته؟!! أو بمعنى أصح هو من اقتحم حياتها بمغامرة غير محسوبة!! لا يعرفها ولا تعرفه.. لا يشعر حتى أن هناك رابط فعلي بينهما فهل عقد الزواج الذي كان نتيجة عناد من الطرفين.. يكفي لصنع العلاقة؟! يتنهد بعمق وهو يهتف في داخل نفسه "الله عز وجل يعرف الأصلح قد يكون الله خبأ لي الكثير من الثواب عن طريقها يتيمة ومريضة وضعها الله في طريقي أو ربما وضعني أنا في طريقها ماعاد يهم.. المهم أننا أصبحنا معا مرتبطين برباط مقدس" وهو غارق في تفكيره التقطت عينه المرأة التي ترتدي عباءة ونقاب وتتجه ناحيته رغم أنه مازال لا يعرف هيئة عفراء بالنقاب ولكن يستحيل أن يكون أحدا سواها شعر بسعادة ما تقفز لروحه كأسراب عصافير انتشرت على امتداد جوانحه.. أن هناك من قدم ليحمل بعض الهم عنه.. ليتبعه مباشرة شعور بالاستغراب.. كيف ومتى استطاعت اللحاق بهم بهذه السرعة ثم تلاه شعور عارم بالتوجس من هذا الذي يمشي جوارها عاقدا ناظريه بمشية واثقة كأنه يملك المكان عفراء حين رأت خليفة كادت تتعثر وهي تكاد تركض ناحيته لتصله في ثوان وتهتف له بلهفة: خليفة يأمك وين جميلة؟؟ قبل أن يجيب خليفة.. كان الجواب سماعها لصوت ابنتها المبحوح يناديها بهستيرية.. لتقتحم الباب دون تفكير وقلبها ينخلع رعبا عليها في الداخل كانت داليا تحاول تهدئة جميلة لتتفاجأ الاثنتان بالاعصار الحنون الذي اقتحم المكان.. جميلة المصعوقة من الفرحة والدهشة حين رأت والدتها كانت تريد أن تقفز من السرير دون تفكير لتركض ناحيتها.. ولكن عفراء كانت أسرع منها لتصلها قبل أن تجن وتنهض جميلة ارتمت في حضن والدتها وهي تبكي بانهيار موجع.. بينما عفراء منعت نفسها أن تبكي وهي تهدهد صغيرتها: بس يامش خلاص.. هذا أنا عندش.. جميلة تعلقت بجيبها وهي تشهق: لا تخليني.. لا تخليني.. الباب كان مفتوحا.. كساب ابتعد عن المكان قليلا حتى لا يكشف المكان بينما خليفة الذي كان يقف عند الباب واختناقه يتزايد وشعوره بالندم يتزايد ويتزايد "كله بأمر الله ولكن الله يسبب الأسباب.. ولو أنني لم أظهر في الصورة لم يكن كل هذا ليحدث.. لم يكن كل هذا ليحدث" خليفة ينتبه للرجل الذي جاء مع عفراء .. يتجه له مسلما عليه كسّاب يسلم عليه بتهذيب بارد مصطنع.. وهو يود في داخله لو استطاع أن يغير له ملامح وجهه "والله ما ياخذ في يدي حتى نص دقيقة كفين ثلاثة كفاية عليه وش فيه زود على علي تختاره الشيخة جميلة يارب يصبحش بكف ويمسيش بكف لين تعرفين إن الله حق" خليفة باحترام أخفى خلفه توتره: كسّاب صح؟؟ كسّاب يرد بسخرية ألبسها نبرة احترام مصطنعة: ذكي صراحة.. ليه يعني خالتي بتجي مع حد غيري.. خليفة بحرج: ما قصدت السموحة.. كسّاب بذات الاحترام الساخر الملغوم الذي بدأ يُشعر خليفة بالتوتر: ممكن تقول جميلة تتغطى أسلم عليها إلا لو عندك مانع.. شعر خليفة بضيق عميق من أسلوب كسّاب المستفز ولكنه مازال محتفظا بهدوءه وهو يقول بهدوء ظاهري: دقيقة بس أقولها تتغطى *************************** مزون بصدمة: كابتن طيارة وعقبه تشتغلين سكرتيرة السكرتيرة بابتسامة: أنا منّي سكرتيرة أنا مديرة مكتبه.. والشيء التاني أنا ماكنت بكالوريوس طيران متلك أنا كان معاي رخصة تيّار.. اللي هي PLL .. وأخذتها في أقل من سنة.. فالتحئت بتيران الشرء الأوسط بلبنان.. بس ما كملت سنة مزون بدهشة: ليش طيب؟؟ السكرتيرة ببساطة: صحيح الكل بيئول إنو احنا شعب أوبن وفري.. بس شغلت الكابتن صعبة على أي ست لو مهما كانت يعني أنا كنت مساعد تيار كل مرة مع اتنين شباب.. فيهم اللي بيتطلع بوكاحة وفيهم اللي بيتطلع باحتقار.. وهيك كل التيارين تفكيرهم اني ائل منهم.. وما بفهم شي.. ومرة الكابتن هزأ فيا مع ان الغلط غلطو.. ورمى علي كلام كبير بس نزلنا ئدمت شكوى رسمية.. اتفئوا الاتنين عليا إنو أنا اللي طولت لساني وبعدها ئلت شو بدي بهالشغلة.. اللي مافيها استقرار ولا راحة نزام العمل في كل المطارات بيفرض عليكي تشتغلي لحد 14 ساعة متواصلة وبعدها راحة ما بين 10 لـ16 ساعة بس والإجازة 7 ايام في الشهر بس... شو هيدا والله لو سخرة ما بستحمل.. غير عن حالات منّا معئولة بتصير من المسافرين.. هيدا سكران.. هيدا تخانق مع هيدا.. هيدا اتحرش بهيدي.. وتعا ياكابتن حل المشاكل أشي والله بيخزي!! مزون تنهدت بعمق.. وهي تمد يدها لتصافح السكرتيرة وتتناول بطاقة استراحة الطيارين منها وتهمس في داخلها بتوجس: خوش تجربة ولقاء نبدأ فيها حياتنا العملية.. ****************************** "جميلة تغطي.. ولد خالتج يبي يسلم عليج" جميلة اعتصرت بضعف يد والدتها التي تجلس جوارها وهمست بخفوت: يمه من اللي جاي معش؟؟ عفراء تأخذ جلالا خفيفا وتغطي به وجه جميلة وهي تهمس بحنان: كسّاب يأمش.. جميلة بضيق كتم على أنفاسها: ومالقيتي حد إلا كسّاب.. عفراء بنبرة غضب عاتبة: ومن اللي باجي معه يعني؟؟.. علي وإلا زايد؟! جميلة ابتلعت ريقها المختلط بعبراتها.. رؤية كسّاب لطالما أخرجت أسوأ ما فيها من مشاعر.. يولد فيها إحساسا دائما أنها عاشت متسولة على أطراف حياتهم عالة على مشاعرهم واهتمامهم وأنه لولا خالتهم وإلا لربما قذفوها خارج حياتهم دون أدنى اهتمام بها كسّاب دخل بثقة.. ليقف قريبا من الباب.. وحضوره يلتهم المكان كعادته في كل مكان وهو ينشر إحساسا بالضآلة فيمن حوله.. هبة فطرية نادرة فتحت له النجاح حتى في مجال التجارة والأعمال همس بهدوءه المغلوم دائما وأبدا: صباح الخير جميلة ثم أردف بنبرة مقصودة: ألف مبروك الزواج يا بنت خالتي.. جميلة بارتجاف صوتها المبحوح: الله يبارك فيك.. عقبالك إن شاء الله كسّاب بهدوء ساخر: إن شاء الله يوم ترجعين بالسلامة عشان تحضرين عرسي.. جميلة بسرعة وهي تتحرق لإنهاء المقابلة: أكيد أكيد.. الله يعطيني طولت العمر بس كساب بذات هدوءه الجالب للتوتر لمن حوله: إن شاء الله طولت العمر لش ولــ.. ولــ وش اسمه رجالش؟؟ خليفة الذي سينفجر هتف بهدوء على وشك التمزق: خليفة طال عمرك وإن كان هدوء خليفة بقي صامدا فإن هدوء غيره تلاشى.. فجميلة صرخت بانفعال: اسمه خليفة.. واظني إنك عارف إنه اسمه خليفة.. ومهوب اسم خليفة اللي ينتسي يا شيخ كسّاب وما أسمح لك تقلل من قيمته قدامي ولا حتى من وراي.. أنت على ويش شايف حالك.. عندك إن الناس كلهم أقل منك.. عمري في حياتي ما شفت واحد بغيض مثلك عفراء بتهدئة ضغطت على يد ابنتها وهي تهمس بغضب من بين أسنانها: جميلة عيب.. قصري حسش.. كسّاب الذي كانت تتلاعب على شفتيه ابتسامة ملولة ومثيرة.. لم يبد عليه أدنى اهتمام بكل ماقالته وهو يهمس بثقة ساخرة: عادي خالتي.. جمول أختي الصغيرة.. والواحد لازم ياخذها على قد خبالها وعلى العموم أنا أصلا طالع بتلاقيني إذا بغيتيني في الانتظار خلها تبربر على روحها.. جميلة حاولت جاهدة منع نفسها من البكاء.. ولكنها لم تستطع منع دموعها أن تسيل تحت غطاء وجهها بينما خليفة مازال مذهولا عاجزا تفهم ماحدث أمامه الغريب أنه يتفهم كسّاب تماما.. بل يعذره فيما يفعله به وبجميلة فلو كان أحد ما فعل بأحد شقيقيه ما فعله هو بعلي.. ربما كانت ردة فعله أكثر تطرفا من كسّاب ولكن إن كان فهم وجهة نظر الرجل لأنه رجل.. فهو عاجز عن فهم المرأة جــــمــــيــــلــــة لماذا انفجرت هكذا؟!! ولماذا دافعت عنه باستماتة؟؟ ولماذا هذا الهجوم على ابن خالتها؟!! لماذا؟؟ لماذا؟؟ ****************************** زايد في مجلسه يتقهوى قهوة العصر وعنده شقيقه منصور ويالا الغرابة !!ورغم أن حوارتهما دائما قد تنتهي بشجار ما ..فكلاهما عنيد ومتمسك برأيه ولكن يستحيل أن يمر اليوم دون أن يرى احدهما الآخر يتشاجران.. يتلاسنان.. يتحادثان.. يتشاوران.. المهم أن يرى كل منهما الآخر...فكل منهما يحمل للآخر محبة وإعزازا لا متناهيا وبصورة غريبة لو طلب أحدهما من الآخر أن ينتزع قلبه بأنامله العارية ليهبه له.. فأنه سينفذ دون أدنى تردد بينما لو طلب أحدهما من الآخر أن يتنازل عن رأيه.. فـنـزع القلب حينها أهون!! زايد يرتشف فنجانه ويهتف بهدوء: منصور.. منصور باحترام وهو ينزل فنجانه: لبيه يأبو كساب زايد بمودة: لبيت في مكة يأبو زايد.. ليت زايد يأتي بس.. عجزنا نتناه.. منصور يضحك: خل زايد الصغير مرتاح.. وش يبي بالشقا.. ثم أردف بمودة صافية: آمرني جعلني فداك.. وش تبي؟؟ زايد بمودة مشابهة: يفداك اللاش يابو زايد... أبيك تجي تقعد عند مزون يومين أبي أسافر لعلي.. قلبي مهوب مرتاح لين أشوفه ومزون ماعندها حد.. خبرك كسّاب وخالته سافروا منصور بهدوء حذر: مهوب أحسن لو تخليه كم يوم بروحه.. زايد بألم أخفاه خلف حزم صوته: ما فيني صبر يأخيك.. انفرى جوفي على الولد لما أشوفه اليوم قبل بكرة بيصير لي شيء منصور انتفض بجزع: عدوينك واللي يكرهونك يابو كسّاب منصور تماسك بعد جزعه من كلمة أخيه ليهتف بهدوء: زين خلاص خل مزون تجي عندي في بيتي.. البيت وش كبره وتحت أمرها زايد برفض قطعي: لا جعلني ما أخلى منك.... بيتك مليان صبيان عدا إن مجلسك ما يفضى من الضباط ماني بمتطمن عليها في بيتك.. ولا عليك أمر أبيك تجي أنت عندها.. وغرف البيت كلها تحت أمرك منصور بأريحية: خلاص تم.. قل لي متى بتروح.. واجيب قشي عند بنتي.. والله يعين الضباط ذا اليومين يدورون لهم مكان تجمع ثاني زايد يلتقط هاتفه ليتصل وهو يهتف بحزم: خلاص دامك فيها وش أنت تتنيها بأتصل في سكرتيري يحجز لي الليلة وأنت الله يعينك تشيل قشك من الليلة والله الله في بنتك.. *************************** بعد ذلك بساعتين فيرجن ميغا ستورز فيلاجيو مول كاسرة غاضبة ويكاد دخان حرائقها يتصاعد من رأسها بينما كانت وضحى تستجديها بصوت خافت: تكفين كاسرة لا تفضحينا.. ما يصير كل ما نطلع مجمع لازم تغسلين لش شراع واحد وتمسحين به الارض وإلا ماتنبسطين كاسرة من بين أسنانها: يعني عاجبش سواتهم من يوم دخلنا المجمع وهم ورانا خلصوني أنتي وإياها.. قدام أروح لهم وأعطي كل واحد منهم كف سميرة بمرح وهي تخفض صوتها: كاسرة وش نسوي بش أنتي جايبة لنا شبهة بذا الطول والرزة وذا العيون اللي تذبح.. لو أنا من الشباب والله ما أهدش.. وراش وراش.. لا وإذا سبيتني سبيتني بصوتش اللي ينحر الفاد.. أنا منهم أقول مثل خالي هريدي : كمان.. سبيني كمان كاسرة لا تستطيع مقاومة سميرة ابتسمت وهي تهمس بخفوت: خلصوني جعل خالش هريدي يكفخش والله ماحد جايب لنا شبهة غيرش يا البرصاء.. بياضش يدعي الواحد من بعيد سميرة تضحك بخفوت: كل يوم أروح المجمعات ولا حد عبّر البرصاء.. ماأحس إني أنثى كل اللي في المجمع وراي لين أروح معش.. وضحى تريد أن تنتهي قبل أن تفتعل كاسرة معركة: خلاص كاسرة بنأخذ هذي.. الفتيات توجهن للمحاسبة.. كان الاتفاق أن وضحى وسميرة ستتقاسمان سعرها ولكن كاسرة أقسمت ألا تدفع واحدة منهما ريالا ودفعت المبلغ كاملا سميرة بحرج: كاسرة بكيفش تحلفين على أختش.. بس أنا لازم أدفع.. كاسرة بغضب: عيب عليش سميرة.. ترا مثلش مثل وضحى وما أبي أسمع كثرت حكي خلونا نطلع قدام أسوي جريمة في الاثنين اللي واقفين من صبح ذولا كاسرة أتصلت في سائقها حتى يحضر لحمل الطابعة الضخمة مع عمال المحل بينما كن الفتيات يهممن بالخروج من المحل فور أن أصبحن عند الباب سميرة سحبت الاثنتين وعادت بهما داخل المحل وهي تهمس بجزع خافت: يا ويلي يا ويلي.. فهد ولد عمي قاعد في المقهى اللي مقابل فيرجن وش ذا الحظ النحس.. لي شهور ما لمحته حتى.. وعقبه أشوفه في فيلاجيو كاسرة بغضب: وانتي وش عليش منه؟!! أصلا فلاجيو بالذات توقعي تشوفين ثلاث أرباع عيال جماعتش فيه خلونا نطلع أصلا مهوب عارفش واحنا أساسا ماراح نمر من جنبهم بنطلع مع بوابة واحد.. وحتى لو عرفش خليه يتجرأ ويقول لش كلمة وأنتي معي.. والله ماعاد يتعودها سميرة بخوف: لا كاسرة تكفين... دقيقة بس خلوني أطل لو شفته مندمج في السوالف طلعنا ما تعرفون فهد .. هذا فاسخ.. فاااااااسخ لا وبعد مع ذا البشوات اللي ورانا ...إي والله إن قد يقص رقبتي.. سميرة أطلت لتجد فهدا بالفعل مستغرقا في الحديث مع الشخص الآخر.. ووضحى تهمس لها: هو وينه..؟؟ سميرة تشير لها عن مكانه.. بينما تساءلت وضحى: من هذا اللي معاه بعد؟؟ سميرة تشدهما: خلونا نطلع وأقول لش.. خرجن الفتيات الثلاث ليصلن للسيارة والشابان مازالا يتبعونهم.. حينها ألتفتت لهما كاسرة لتلقي عليهما مجموعة من عباراتها المنتقاة بدقة وهي تخفض صوتها المشتعل بالغضب..ليهرب الاثنان.. بينما سميرة تنفجر بالضحك وهي تركب السيارة: يا بطني.. أنتي من وين تجيبين ذا الكلام خليتيهم ما يسوون بصلة.. كاسرة تبتسم وهي تغلق بابها: تعالي وأعطيش درووس.. وضحى مافادت فيها دروسي.. كود تفلحين أنتي وضحى بضيق: والله كل واحد وشخصيته.. ما أقدر ألبس ثوب مهوب ثوبي سميرة شعرت أن هناك شرارة توتر أشتعلت في السيارة لذا همست بمرح: الحمدلله إني طلعت من فيلاجيو على أرجيلي.. حرمت أدخله إذا فهيدان يجيه.. حينها ابتسمت وضحى: أما يا سميرة حرام عليش.. طول ذا السنين تسبين في الولد هو يجنن كذا.. عاد لو أنه شين كان دورنا لش عذر سميرة تضحك: الزين من زانت أفعاله يأوخيتي.. حينها تهتف وضحى بحماس: إلا تعالي قولي لي.. من الشيخ اللي جنبه؟؟ سميرة تبتسم: على طول حطيتيه شيخ.. كاسرة اعتصمت بصمتها حتى لا تتدخل في حديث الصديقتين الذي شعرت أنه حديث سخيف أشبه بحديثات مراهقات ولا يتناسب معها أبدا بينما وضحى تبتسم وتجيب: ياختي أقص يدي إذا هو مهوب شيخ.. مكتوب على جبهته.. وش ذا الرزة وش ذا الزين.. يدوخ ياختي.. من جماعتكم هو؟؟ مع أني ما اظن في جماعتكم حد زين.. كلهم قحط.. سميرة تبتسم: ياحبيبتي جماعتنا كلهم شيوخ ومزايين.. هذا ياطويلة العمر حضرت العقيد فهيدان حفظني اسمه وشكله من عادني بزر.. تقولين عليه بنية معجبة بمطرب من كثر ماهو مايهذري به وضحى بحماس طفولي: هذا منصور آل كسّاب الشهير.. وأخيرا شفته.. بس صدق ما عدلوا في وصفه أبو الثلاث حريم.. ما ألومهم يغارون عليه صراحة ثم وجهت السؤال لكاسرة بذات الحماسية الطفولية: كاسرة شفتي منصور آل كساب.. وش رايش فيه؟؟؟ كاسرة تسند رأسها للزجاج المجاور لها وتهمس بهدوء لا يعلم أحد ماذا تخفي وراءه: ماشي حاله... ******************************** ذات الوقت في داخل فيلاجيو مقهى كولومبس المجاور لفيرجن منصور يرتشف قهوته ويهمس بهدوء: لولا أني وعدتك أطلع معك رضاوة عشان الرخصة اللي خذتها منك وإلا كان اعتذرت منك.. الليلة عندي كم شغلة لازم أسويها عشان كذا ما أقدر أطول معك يا الله أخلص الكوب ذا ونمشي وأوصلك البيت فهد بحرج: لا والله ما توصلني.. بأخذ تاكسي.. منصور بحزم: وش تاكسيه.. لا والله ما يكون ولا يصير وبعدين مهوب من بعد بيتك من بيتي..كلها شارعين دارت بينهما الأحاديث وتشعبت وشعر فهد أنه قد يكون هذا الوقت هو الوقت المناسب ليفاتح منصور في موضوع يأرقه منذ وقت طويل بعيدا عن ضجيج مجلس منصور الدائم لذا هتف بحرج: ودي أقول لك شيء.. منصور بعتب: وشو له المقدمات؟؟ أدخل في اللي تبي.. فهد بذات الحرج ولكن مغلفا بالعتب: لين متى وأنت ترفع عني دورة مظليين الطوارئ؟؟ قد ذي ثاني مرة تشطب اسمي من القائمة.. دفعتي كلهم خذوها ماباقي إلا أنا منصور بحزم: وش أنت مستعجل عليه.. لاحق خير فهد باحترام مغلف بالحزم: يابو علي.. قد لي ست سنين من يوم تخرجت.. والمفروض الحين إني أخذ الدورة المتقدمة.. وماخذتها عشاني ماخذت الأولى والله العظيم عيب في حقي.. منصور بغضب: تقول لي أنا عيب ياحضرت الملازم.. فهد باحترام متعاظم: فهد طال عمرك.. مهوب من حقي أعرف يعني.. منصور بحزم شديد الصرامة: لا مهوب من حقك.. نفذ أوامر قائدك وأنت ساكت وبس حينها توجه فهد له بسؤال مباشر فيه رنة وجع واضحة: أبي أعرف من اللي قايل تشطب اسمي من الدورة.. إبي وإلا صالح؟؟ منصور بذات الحزم الصارم: خلصنا القهوة.. قوم نمشي وقف فهد وهو يهمس بذات حزمه: أنت علمتنا إن الواحد ما يسكت على حقه ولو رفعت اسمي من القائمة الجاية...بأقدم تظلم رسمي.. وقل للي موصيك تشطب اسمي... ترا الأعمار بيد الله لو الله بغى أصدم لي في عمارة وتتكسر عظامي في دورة المظليين ماحد براد قضاه ولو ما دخلتها ممكن أندعم حتى لو أنا على أرجيلي.. مهوب على سيارتي اللي أنت خذتها مني.. كله بيد الله..ومهوب عشان عبدالله الله خذ أمانته.. يخنقوني بذا الطريقة.. **************************** جميلة مستغرقة في نوم هادئ بعد أن اطمأن بالها لوجود أمها وهاهي تتعلق بأطراف أنامل أمها لا تريد إفلاتها حتى وهي نائمة عفراء تتنهد وهي تمسح على خد ابنتها بحنان بيدها الآخرى ثم تتوجه بحديثها لخليفة الجالس قريبا منها: عسى ما تعبتوا في الرحلة؟؟ خليفة بمودة: شوي يا خالة.. عفراء بمودة رقيقة: روح يأمك نام.. أنا قاعدة عندها.. خليفة بحرج: لا خالتي ما أبي أنام.. عفراء تبتسم : أكيد تبي تنام.. لك يومين ما نمت... والله العظيم إن قد تروح وإلا بازعل عليك.. خليفة وقف وهو يبتسم ويهتف بشفافية صريحة: تدرين خالتي إني قربت أنام على روحي.. تعبان حدي ابتسمت عفراء وهي ترد بحنان هو طبيعتها التي لا تستطيع تغييرها حتى وإن كانت حزينة من أجل علي فهي لا تستطيع أن تنفس ضيقها في خليفة ..ليست هذه طبيعتها مطلقا فهذا الشاب اللطيف المهذب تراه لا ذنب له.. والذنب ذنب ابنتها أولا وأخيرا: روح يأمك.. ونام قد ما تبي.. بس لا تنسى الصلاة.. ثم أردفت بحزن ما: الله يعينك يأمك على جميلة.. أدري إنك بتتعب معها جميلة على قد ما أحسنت تربيتها على قد مادلعتها.. غير دلع زايد لها بعد خربناها بالدلع عشانها يتيمة.. ولأني كنت أحس إني مقصرة معها لأنه الوقت اللي المفروض يكون كله لها كان مقسم بينها وبين عيال خالتها وهي كانت حاسة بكذا عشان كذا كنت أعوضها بالدلع.. ابتسم خليفة وهو يقف: خلها تدلل تستاهل الدلال ثم أردف بهدوء متوجس: لا تحاتين خالتي إن شاء الله إنها بتشفى وترد أحسن من أول.. ********************************* الإضاءة عند الباب تشير.. كان يعمل على جهازه الخاص الذي يجرب عليه كل شيء جديد قبل أن ينفذه لزبائنه يقف ليفتح الباب.. ويشرق وجهه عندما رأها محياها العذب الغالي أشار لها بترحيب دافئ أن تدخل.. قد لا تكون مطلقا ببراعة في وضحى في فهم كل إشاراته ولكنها تفهمه دون يشير حتى.. فهي من صنعت معه إشاراته الأولى وانفعالاته الأولى.. هي من كانت تعرف ماذا يريد دون الكلمات التي كان عاجزا عن انتاجها.. هي من علمته إن الإعاقة ليست حاجزا أمامه.. هي من زرعت فيه روح التحدي.. وأن إعاقته ليس عيبا وهو بهذه الإعاقة أفضل من الكثيرين.. لم تسمح له مطلقا أن يتخاذل.. أن يشعر بالنقص يوما أرادته أن يكون صقرا محلقا لا تحده حدود.. فــكــان !!.. ولم يخيب ظنها فيه يوما!! "فلماذا بعد أن صنعتي شخصيته.. تريدين ان تحجري على قراراته يا مزنة؟؟" يقولون أن الأبناء كلهم سواسية.. ولكن في حالات يتقدم أحدهم على الباقيين: الصغير حتى يكبر.. المريض حتى يشفى.. والغائب حتى يعود.. ولكن مزنة وأبنائها .. كان لكل واحد منهم معزة خاصة قد تجعله هو الأغلى مهاب.. الاكبر.. فرحتها الأولى.. انجبته صغيرة.. ليكون لها ابنا وأخا.. السند القوي الذي اراح بالها من كثير من الهموم كاسرة.. تشبهها.. مهرة.. صلبة.. تؤمن أنه مهما حدث لن تنكسر.. تشعر أنها امتدادها التي حققت كل مالم تستطع هي تحقيقه وضحى لينة رقيقة.. تحتاج دائما للاحتواء.. وهي بنفسها مصدر دائم للاحتواء وتميم.. وما أدراكم من تميم.. أذاب قلبها ومازال.. كما المرة الأولى.. حين سمعت صفقة قوية للباب لتهتف بغضب: أزعجتم ولدي.. لتلتفت له لتحمله ليقينها أنه ارتعب من شدة الصوت.. لتجده غارقا في نومه.. نظرت له بجزع.. صفقت بخفة قريبا من أذنه.. لم يصحُ صفقت بقوة أكبر.. فلم يصحُ.. لتصرخ حينها قريبا منه بكل جزعها وقلبها الذي تصاعدت دقاته بهستيرية.. ولــم يـــصـــحُ.. حينها تكاد تقسم أنها شعرت أن قلبها ذاب..ذاب بكل ما تحمله الكلمة من معنى كما لو كان وُضع في تنور.. ليسيل في طوفان من الذوبان لم يتوقف من حينه ذوبان من ألم.. ذوبان من حنان.. ذوبان من جَلد وقوة وحينها سالت دموعها الغزيرة في صمت.. لم تسمح حتى لنفسها أن تقتحم سكونه بعويل كانت روحها تتوق إليه.. كم حملته قريبا من قلبها الذائب.. وهمست بكل وجيعتها: أدري إنك ما تسمعني بس أكيد حاس فيني.. أنا معك لين الأخير.. وإذا الله قطع من ناحية فهو يوصل من الثانية.. له حكمة سبحانه.. ما نعترض على عطاه.. وصدقني بتكون أحسن من غيرك.. أيقظ مزنة من ذكرياتها لمسته الحانية على كتفها.. وهو يشير: تبين شيء يا قلبي؟؟ حينها ابتسمت مزنة بشجن وهو تلتقط كفه التي وضعها على قلبه وهو يشير لتقبل ظاهر أنامله.. انتفض تميم وهو يتناول كفها ليقبل ظاهرها باحترام ومودة وعمق ويشير بعتب عميق: تكفين ما تعيدينها.. مزنة أشارت له بحنان: كل ما أشوفك.. مايطري علي إلا وأنت صغير وانا أحب إيديك.. ثم أردفت بهدوء حان: أبي أغراض للبيت... توديني..؟؟ ابتسم وهو يشير لعينيه: من عيوني.. وألتقط مفتاح سيارته بينما توجهت لارتداء عباءتها.. وحزن ما لا تعلم مصدره.. يتسرب لروحها.. ******************************** "يامش بس شوي.. ملعقة وحدة بس" جميلة بتأفف موجوع: خلاص يمه.. والله بأزوع عفراء بألم: يمه ما كلتي إلا ملعقتين بس.. حينها أشارت داليا لها بعينيها لتتبعها.. عفراء وضعت الأكل جانبا.. وخرجت خارج الغرفة تتبعها.. داليا خارج الغرفة همست لعفراء بخفوت: كفاية الملعقتين اللي كلتهم.. شوي شوي بيتحسن أكلها وغصبا عنها حتى عفراء بقلق: أشلون غصبا عنها ذي.. داليا بمهنية: من اليوم بتنعطى علاج جديد يخفف المقاومة وإحساس رفض الأكل عندها.. عفراء بقلق أكبر: وماله أثار جانبية هذا؟؟ داليا بتأكيد: لا لا تخافين.. مرض فقدان الشهية شائع عندهم.. وعلاجه بسيط إن شاء الله وبس تتحسن نفسيتها أكثر علاجها بيكون أسرع وأسرع إن شاء الله عفراء بعدم ارتياح: ولما فيه علاج وحبوب.. ليه ماخذتهم في الدوحة؟؟ داليا ببساطة: لأن العلاج هذا غير متوافر عندنا.. لأنه مرض فقدان الشهية مو مرض شائع هناك.. فليش يجيبون علاج ما يمشي.. ثم أردفت بمهنية حذرة: بس لين تتحسن حالتها يمكن تصير عصبية وحادة.. عفراء بألم: عصبية وحادة أكثر من كذا بعد..؟! داليا بحرج: اسمعيني أم جميلة.. أنا والله خجلانة منك وما اريد اكون قاسية معك.. بس أنا مازلت عند رأيي إنه جميلة من الأفضل تكمل رحلة العلاج من غيرك لأنه أنتي عاملة حواليها حماية مثل الشرنقة.. وما ترضين حد يشد عليها..خليها هي وزوجها.. وأنا وصيت الطبيب والممرضات عليها.. ولو لاحظوا إنه تعامل الاستاذ خليفة معاها ليس بالتعامل المرضي فورا بيتصلون فيني وأنا بأتصل فيك فما فيه داعي تقلقين عليها عفراء تنهدت وهتفت بحزم رغم تمزق روحها من الألم: أنا أصلا مقررة أرجع للدوحة في أقرب وقت ************************** "ها عمي أجهز لك عشاء؟! خذتنا السوالف ونسيت.. سامحني" ألتفت منصور لها بمودة : إلا شرايش نطلع نتعشى برا؟؟ مزون نظرت للساعة وهمست بحرج: مهوب متأخر شوي؟ الساعة صارت عشر ونص.. منصور يبتسم: من جدش؟؟.. حتى لو متأخر.. أنتي مع عمش..لو تبين أوقف لش شوارع الدوحة وقفتها يا الله قومي ألبسي..خليني أدلعش شوي.. حينها قفزت مزون بحماسة: بس أنا اللي أختار المطعم.. منصور بابتسامة: أكيد.. بس يا ويلش لو ماعجبني.. بأخليش أنتي اللي تدفعين الحساب مزون تصعد الدرج وهي تبتسم: عشر دقايق وأنزل.. والحساب أنت اللي بتدفعه عجبك المطعم وإلا لا.. عيب في حقك عاد.. منصور الجنتل.. معذب قلوب العذارى يطلع زطي.. منصور يضحك: إيه ألعبي علي بكلمتين.. مزون صعدت بالفعل بينما منصور أدار جهاز التلفاز على قناة إخبارية انتظارا لنزولها يرن هاتف جواره.. هاتف مزون.. لا يعيره اهتماما.. يعاود الرنين.. ينظر للشاشة ليجد رقما طويلا على الشاشة لا ينتبه جيدا لفتح الخط ولكنه يرفع الهاتف ليجيب..لأنه ظن أنه من أرقام النصب الخارجية التي تزايدت اتصالاتها في الأونة الأخيرة فور أن نقر زر قبول الاتصال فاجئه صوت أنثوي رقيق يهمس بلهفة: هلا والله يا قلبي ابتسم منصور: صار لي أكثر من عشر سنين مقحط ما سمعت كلمة حلوة من مرة.. فمن دواعي سروري أكون قلبش.. كل ما خطر ببال منصور حينه إنها أما معاكسة أو خطأ.. رد الطرف الثاني بحرج مغلف بالقلق من هذا المعاكس القليل التهذيب: راعية التلفون وينها؟؟.. وأنت من ؟؟ وأشلون ترد على تلفونها؟؟ والتلفون أساسا وش جابه عندك؟؟ وانت من أنت؟؟ من أنت؟؟ حينها تصاعد حنق منصور بشكل فجائي: تحقيق هو؟؟ راعية التلفون بتجي بعد شوي.. دقي بعد خمس دقايق عفراء تصاعد رعبها.. وأفكار مجنونة تعصف ببالها: وأنت من أنت؟؟ من أنت؟؟ وذا التلفون وش جابه عندك؟؟ منصور حينها اتجه تفكيره إنها لابد إحدى صديقات مزون في الخارج.. همس بهدوء: يا بنتي دقي بعد شوي وخلاص.. عفراء بغضب ممزوج بقلقها المتزايد: بنتك في عينك.. خلصني قل لي التلفون ذا أشلون وصلك قدام أسود عيشتك.. منصور حينها وقف على قدميه لشدة احتكام غضبه وهو يعتصر الهاتف في يده حتى كاد يحطمه: صدق هلش ما ربوش.. راعية ذا التلفون تنسينها ..ويا ويلش تكلمينها مرة ثانية ولو كلمتيها أنا اللي بأسود عيشتش عفراء تغلق الهاتف في وجهه... وتسارع لتتصل على رقم البيت لتتفاجأ أنه نفس الصوت الرجولي الغريب هو من يجيبها حينها كادت عفراء تبكي من شدة قلقها: أبي أكلم راعي البيت.. زايد وينه حينها استغرب منصور انحدار صوتها من الحدة للقلق: زايد سافر لجنيف.. شيء ثاني وإلا سكري عفراء حينها لم تحتمل .. انخرطت بكاء هستيري وعقلها يصور لها صور مرعبة لما فعله هذا الرجل بابنتها أو معها.. كيف يسافر زايد ويتركها في البيت وحيدة.. كيف؟؟ لم يخطر منصور في بالها إطلاقا.. وكأنه غير موجود منصور فُجع من البكاء الهستيري وشهقاتها المتقطعة: وش سويت فيها؟؟ وش سويت فيها؟؟ منصور باستغراب: مستحيل أنتي صاحية.. أكيد خبلة.. أنا عمها.. وش بأسوي فيها يعني؟؟ حينها قُطع الاتصال فجأة.. ووقتها كانت مزون تنزل: من هذي اللي أنت سبيتها على تلفوني منصور ببساطة: وحدة من ر فيقاتش تتصل من برا.. خبلة... ماعلى لسانها إلا وش سويت فيها.. وش سويت فيها حينها قفزت مزون بلهفة وهي تلتقط هاتفها: يا لبي قلبها.. أكيد خالتي عفراء.. من الصبح انتظر تلفونها تأخر منصور وهو يشعر بشيء ما يشبه الحرج .. بينما أعادت مزون الاتصال بذات الرقم.. لتتحادث قليلا مع عفراء التي كانت تحادث مزون وهي تشعر أن دماغها يغلي من الحرج كانت مزون مازالت تتحدث لتتفاجئ أن عمها انتزع الهاتف منها ليهتف فيه بحزم: السموحة يا بنت محمد.. ما عرفتش عفراء شهقت وصوت منصور الفخم يقتحم حوارها مع ابنتها.. همست بحرج: ماصار إلا خير.. والسموحة منك يأبو علي منصور بثقته المعتادة: أشلون جميلة بشرينا منها..؟؟ عفراء بذات النبرة المغرقة في الحرج: طيبة طاب حالك ثم أردفت لتنهي الاتصال: بنتي تدعيني.. سلم على مزون منصور بثبات: الله يسلمش حينها هتفت مزون: أنت وش سويت في خالتي؟؟ شكلها زعلانة ومنحرجة منصور يضحك: خالتش خبلة.. وش أسوي فيها.. شكلها عايشة في فيلم هندي على الأفكار اللي في رأسها ثم أردف باستعجال: يا الله يالله أخرتنا خالتش الخبلة على العشا *********************************** عبدالرحمن ومُهاب يتناولان عشائهما في مطعم بلهمبار على الكورنيش مباشرة مهاب بمودة: أشوفك ما كلت.. عبدالرحمن بذات المودة: أكل بلهمبار ما يعجبني ذاك الزود.. بس قعدتهم خيال مهاب بمرح: وحن جايين هنا عشان القعدة الخيال؟؟ الحين أنا خليت عشا أم امهاب اللي يسوي مطاعم الدوحة كلها وجاي معك.. وعقبه الأكل ما عجبك وجايبنا عشان القعدة بس عبدالرحمن بذات المرح: وهذا أنا خليت طبخ أم عبدالرحمن.. ماحد أفلس من حد.. كلنا تفلسنا عشا العجايز.. مهاب بمرح: العجوز مرتك.. مهيب أمي طال عمرك.. حينها التقط عبدالرحمن العبارة: وعجوزي متى بتزوجني إياها؟؟ مهاب شعر بحرج أخفاه خلف هدوءه وهو يقضم قطعة من الخبز: ما بعد خذت رأيها.. عطيتها وقت تفكر عبدالرحمن بهدوء: امهاب ترا بيننا صحبة من يوم انولدنا يمكن.. يعني ما أعرفك من يوم وإلا يومين.. ثم أردف بشكل مباشر وصريح وقاطع: وضحى رفضتني؟؟ انتفض مهاب بعنف: والله العظيم إني ماخذت رأيها للحين عبدالرحمن بذات الثقة الهادئة: دامك حلفت بصدقك.. لكني أحذرك يا امهاب إنك تحاول تفرض عليها شيء هي ما تبيه عاد كله ولا العرس يأخيك.. ما ينجبر قلب على قلب وأنت عارف إنه ذي مهيب أول مرة أخطب وضحى.. بس أمك تيك المرة مارضت وقالت إنها صغيرة وذا المرة أنا أقول لك لو مهما صار لا تجبرها على شيء.. ولاتظن إنه اللي بيننا بيغيره شيء صحيح إني ما أبي إلا القرب منك.. بس الواحد ما يأخذ إلا نصيبه.. ويمكن نصيبي مهوب عندكم مهاب بمودة عميقة: أكيد مستحيل أجبرها على شيء.. وبعدين وين تلاقي مثلك يا حظها وحظ أخيها فيك يا النسيب ثم أردف بنبرة ذات مغزى: وعلى طاري النسيب.. صار لي فترة أبي أكلمك في موضوع.. ووقته جا أمنيتي يابو فاضل إنك تصير نسيب نسيب..؟؟؟ عبدالرحمن يعقد حاجبيه مستفسرا.. ليجيبه مهاب بتساؤل واثق: تزوجوني لو خطبت عندكم؟؟؟ أبي أختك.. تقربوني؟؟ #أنفاس_قطر# . . . |
http://up.johina.net/up/3264/22.gif
الف مبروووووووك ياقلبي وانتي تستحقييييييين التميييييييز واذا كان للابداع والتميز عنوان فهووو انتي وعساك عالقووووه والف سلامه لك يالغاليه محبتك جرحهاا كااااااايد |
انفاس ألف ألف ألف مبرووك يا قلبي على التثبيت ... تستاهلينه و الله و دوووم دومج متميزه يا رب انفاس بارت و لا اروووع تشكرين عليه و احلى بارتات اليووووم بارت المكالمه اللي دارت بين منصور و عفراااااء تحطيييييييييييييييييم صج عليها تفكيييييييييييير افلام هنديه على قولته منصووووور و القفله اليوووم غرررررريبه شويتين ... و ما توقعتها بالمره ان مهاب يناسب عبد الرحمن و اتوقع انها ما تتم لغرض في نفس أميره .... |
••• ܓܨ•••
✖ • وعلييكم السلام والرحمه ✖ • وصباحتس بالمثل...✖ • اخبارتس عساتس بخيييييير وصحه وسلامه✖ • واشكرتس على التزامتس بالموعد...وماقصرتي وعساتس ع القوة يارب...✖ • والله يخلي لتس ولدتس(وابو ولدتس))http://www.alamuae.com/vb/images/smilies/S_019.gif وكل غاليك ومغلييك...✖ • اللهم آميين.. ويرزقها الذريه الصالحة (خوالي عماي..✖ •..نوفي)) ✖ • ✖ •محتاره ابدء بمين بس ممكن الاقرب كان ..الى قلبــــــي موقف كساب مع خليفة وجميلة وبرضو منصور مع عفراء ✖ • ✖ • حلوه علاقته بمزوون....منصور توقعت ماراح ياخذ ويعطي كثييير معها...بسبب مجالها واكثثثر شي ضحكني المكالمة اقتباس:
يابنتي ))اتصلي بعد شوي هههههههههه<<اجل بنتك هااا بلاك مادريت انها عفراء.. وبرضوو لما حكى.. انون مقحط وصارله فتره ماسمع كلمتن حلوة من مرة ومن دواعي سرورة يكون قلبها... كسر خاطري نفوووسة..يالله دوريله ع عرووس ولا انا بختار له ههههههههههه تصدقين كنت احس منصور رجال وثقيل ومايحب المزح..بس شخصيتة الجليديه تغيرت اليوم هههههههه..وفكرت ازوجه سميرة ههههههههه<<مابقين احد مارشحناها له هههههههه وشكل بيظل عزابي ..ومابيعرس.. ..وبرضوو فكرت هل ممكن كاسره..اعجبت بمنصور.. ماادري اتوقع ممكن اعجـــــبت فيه.. .او ممكن فهيدان.........تصدقين حسيت تناسب فهد اكثثثر..واحتمال اجل كاسرة عجبها فهد موب منصور هههههههههه<<برا ............ كسسر خاطري خليفة لما تقرف ويحس انو يبغى يغسل عميره ..اجل كيف لو طرشت عليه ههه الواحد ممكن بهذا الوقت مايقدر يضبط حاله..ويتصرف بطبيعته من دون مايراعي مشاعر الاخرين..... ((تصدقين لما كساب كان يدعي علــــــى جميله انو جعله يمسيها بكف ويصبحها بكف)) صدق كسرت خاطري....بس قلت بقلبي الله يسمع منك..<<فيس شرير هههه وكيف جميله بتتقبل روحت امها بعد ماجاتهااا.. واعجبتني الحميييييه اللي فيها لما دافعت عن خليفة...واكيد السبب ياخليفة لاتفكر كثييير لآنك سمي ابوها ^__^ .... مهاب & عبدالرحمن✖ • يعني صدق كنت تخطب وضيح من قبل...وامها اللي رفضت وكانت صادقه لما حكت مع بنتها...✖ • بس يارب تقتنع وضحى ...وتصدق انو عبدالرحمن خطبها قبل..عشان كذا خطب كاسره لما رفضت الام تزوج بنتها لآنها صغير...فتقدم لكاسرة✖ • اووخص يامهاب يعني.....نشطب هالتوقع انو ممكن تتزووووج مزوون ههههههههههه يالله الله يوفقك...✖ • وتميم..ياحليله هالولد... اعجبتني شششخصيته.. بس تصدقين نفووسة كل شخصياتس مخليتهم..اقرب مايقال عنهم ملاك خخخخ ويحترمون اهاليهم ✖ • والله انو اللحين الواحد لما يطلب منهم شي بطلعت الروح يروحون....ولانسمع منهم كلمتن حلوة ..✖ • جزاتس الله كل خييير نفوووووسة واختي طفششته من الانتظااار قالت لي اتفرج معها ع فيلم وقلتلها تحتريني بس اقرأ واجي ثمن سكرت الاب توب وماقدرت قلت برد ع البارت وبرجع..وعصبت علي هههههههههه وقالت ماراح انتظرتس وماتنعطين وجهه هههههه<<فيس يقص لتس قصة حياته ههههههههه سي يو ✖ • |
بااااك
هلا بك نفوووووووسه البارت اليووووووم مره فيه مفاجاه خلينا نتكلم بالاول لقاء عفراء ببنتهااااا قطعت قلبي <<فيس يصيح كسّاب يسلم عليه بتهذيب بارد مصطنع.. وهو يود في داخله لو استطاع أن يغير له ملامح وجهه "والله ما ياخذ في يدي حتى نص دقيقة كفين ثلاثة كفاية عليه وش فيه زود على علي تختاره الشيخة جميلة يارب يصبحش بكف ويمسيش بكف لين تعرفين إن الله حق" خليفة باحترام أخفى خلفه توتره: كسّاب صح؟؟ كسّاب يرد بسخرية ألبسها نبرة احترام مصطنعة: ذكي صراحة.. ليه يعني خالتي بتجي مع حد غيري.. موقف غرررريب كنت اضحك وانا اقرااه كلناا رحمناا علي وقلنا نفس الكلاام بس بشكل ثاني موقف جميله من كسااااااااااااااااااب حيرني لابعد حد ساعه اقول انها تحبه وتغلف حبها له بكراهيه عشان محد ينتبه بجد احتررررررررررررت ؟؟؟؟ منصوووووور وكااااااااسره اول ماقريت المقطع لما ساله وضحى كاسره قلت اكيد بتتزوج منصوووووووووور نتمنى احسس تنااااااسبه حيييييييييل موقف منصور مع عفراااء محررررررج لللغااااااااااايه مسكيييينه عفراااا طاح قلبهاااااااا واخر شئ طلب مهااااااااااااب ماتوقعنااا انه بيتزوووووج من خوات عبد الرحمن القفله شئ بس نبي نعرف من العرووووووسه اكيد شعااااااااااع:lol: تسلمين ياقلبووو تفوووووووسه ماقصرتي يالغلا وبنتظااااااااارك على احر من الجمر ومبروك مره ثانيه:flowers2: |
ألف ألف ألف مبرووك
التمييييييييز أستحقاق وبجدارة:8_4_134: أنفاس الغلا صباح الفل و الورد والياسين ............. يالغلا انتي ما تسئلين ولا تشاوريين انتي تأمرين أمر وعلى قلوبنا زي العسل يعني مثلا لو تقولين لنا يالله بنات البارت الجاي يبكي تلاقينا نتعبرر ونجمع الدموع وبعد كذا تهل أربع أربع تدريين أنفاس صعب اوصف أبداعك حروفك كلها منقوشة في قلبي وعقلي في بعض الروايات الواحد غصب يلاقي فسه يطامر بين السطوور يبي الزبدة لكن معاكي تلاقيني أقراء كل حرف كل كلمة بكل شغف كل ردودك ذات اللون الأخضر الي تحاولين انك تشملينا من اعضاء ربي يسعدك ويجبر بخاطرك .............. كساب خخخخخخخخخ بصراحة الولد ذا عربجي خطيير اجل تبي تكفخ خليفة هاه بس بنات أنفاس معليش الرجال الوحيد الي يحل امورة بالضرب هو الي حاس غنووم دكاني عيا يغير هي الفكرة فيس يهز فوق تحت كاشخ بنظارة شمسية واثق من الكلام ............ جميلة & عفراء حلوو اعطيها يومين وبعد كذا كفيين على الدوحه عدل حتى لو ترجت وبكت دم رد جميلة لكساب يبين ان الأمور بينهم مولعة على الدوام حقد اظن متبادل خليفة د حيلك يا مــــــــان خليك شديد شوية دلع ما يضرش بس عن جد الله يعينك على العناد وحدة الطبع الي جاية زيادة على الموجود ................ إأنفاس تكفين كتبي لنا وش الكلام السحري الي قالته كاسرة وخلت الشباب يتروعوون كذا ........... يا لبى قلبه سمير ة البنت هذي عذاب أمووت فيها وفي خفة الدم لا واحلا شيء لما توصف معرفتها للشيخ منصوور وش كثر ان فهد محفظهم اسمه و شكله ........... كاسرة شوو المسئلة فيها أن و أخواتها ميلة الرأس ذي تدل على حزن مدفوون معقوولة في ماضي يجمع بين منصور وكاسرة بيطلع قريب ؟؟؟؟؟؟؟؟ ............ المكالمة الخنفشارية أحلى شيء رد منصوور خخخخخخخ في البداية من زوود الدلاخة الي فيني ظنيت انه داري انها عفراء بس على السطرا لثاني صح صحت أنفاس نتي خيال موقف مركب جميل خالص احس منصوور اتشفى في عفراء ولوعة الحرمان الي فيه خخخخخخخ و أحسن شيء يوم تقول له : وش سويت فيها؟؟ وش سويت فيها؟؟ متخيلة شكلهم أثنينهم كل واحد من طرف أخذ راحته في التهزيئ مساكيين بس الأن انفاس لسا ما راحوو المطعم........حمــاس أتمنى يروحون لنفس المطعم الي فيه مهاب وعبدالرحمن والا وانه وجود منصوور مسوي حماية شديدة حوول مزوون بس كذ دلاخه فيني ابغاهم يتلاقوو ................ تميم و مزنة أتعب اقووابداع في وصف المشاعر كان موقف مره مؤثر أنفاس و أنشاءالله ربي يتمم لكل حبلى أنه ربي يقومها بالسلامه ويرزقها الذرية الصالحه مع تمام الخلق آمين .............. مهـــــــــــاب لا يا شيخ ما هقيتها منك بس كالعادة أنفاس دوما فوق جميع التوقعات |
وعليكم السلام ورحمةالله وبركاته
الف الف الف مبروووك التميز والتثبيت تستاهلين يابنت قطرالحبيبة والحمدلله على السلامة ::::::::::::::::::: اقوول لعفرا لاتطولين عند بنتك علاجها مايكتمل الا مع الحزم اللي مايقدر عليه الا خليفة الله يعينك يخليفه ويشفيك ياجميلة ::::::::::::: كاسررة اتوقع اللي اعجبها اكيد منصووور وهيبته ورزته ماشاء الله عليه تخلي اي وحده تعجب فيه :::::::::::::::::: مهاب اتوقع يخطب جوزا يمكن والله اعلم العلم عند انفاس وعبدالرحمن طلع نفس توقعي انه خطب اول شي وضحى وعلشانها صغيره خطب كاسره يالله بسرعه وافقي يا وضحى والعرس بعد التخرج الف مبروك مقدما>>>>اخخخخ ::::::::::::::: اخيرا اقول لنوفي حبيبتي في الله الله يرزقك الذريةالصالحة عاجلا غير اجلا اشكرك يانفوسه على التزامك ودقتك في المواعيد الله يوفقك ويسعدك :::::::::::::::::::: لااله الا انت سبحانك اني كنت من الظالمين |
نفوسه يسلمووووووووو بارت حلو ومبروووووووك التثبيت حبيبتي بصراحه انا بالبارت الماضي حزنت كتير عجميله وقلت لازم امها تضل معها بس كلام الدكتةره صح ولازم شويه قصوي عجميله عشان تطيب شكله عبد الرحمن طلب ايد وضحى بالبدايه ولما قالوله صغيره طلب ايد كاسره اتوقع اذا وضحى عرفت يمكن تغير رايها وتقبله ومتشوقه اعرف شو بيصير مع مزون بالطيران ننتظرك يا عسل
|
صبـــــــــــــــــــــــــاح الأوركيد
مبررروك تميز الروايه ياأنفاس ,,مع ان تصدقين يوم دخلت اليوم ابي اقراء البارت توقعتها اول روايه بتسلسل الرويات لكن مالقيتها ونزلت بعيوني لين رقم 3 ويوم مالقيتها قلت اكيد في شي غلط انها مو بالبدايه ,,وين اختفت؟؟!! فتخيلي اذا روايه تستغربين انها مب بالتسلسل رقم واحد فاأكيد مكانها الطبيعي القصص المتميزه. ======================= مشكووووره على البارت ,,,بارت اليوم بارت كشف الجوانب الخفيه ممممم انتي مخادعــــــــــــــه وذكية ماشاءالله لانك مثل اللي واقف على مفترق طريقين ,,,, و(يقول) بمشي بطريق الشرق ,,,لكن بنفس الوقت(يأشر بيده) انه بيمشي بالغرب:lWR04888: عشان كذا التوقعات بروايتك تكون متضاده بقوه . ====================== مزون تدرين انفاس اليوم بالذات اكتشفت ان كساب عند مزون له مكانه خاصه جدآ وبالرغم انك قلتي كذا مره ,,,لكن اليوم وضح الفرق ,,,,شخصية مثلها قبل اربع سنوات ماكانت كذا ابدآ لان من وجهة نظري بنت صغيره تتمسك برأيها وتصر انها تدخل قسم مجرد التفكير بمستقبله يخوف ,,,اكيد كانت قويه والاهم واثقه من نفسها ومن قدرتها ,,,,,لكن اللحين مزون صارت وحده مختلفه , ماعندها ولا واحد بالميه من الثقه ,,,ان ممكن الحياة تصير احلى او بشكلها والاهم شغلها ,,,يعني معقول كلام وحده يأثر فيها هالكثر ؟!! ,,,طيب ليش ماأثر فيها محاولات كساب قبل كم سنه ورفض الباقين ؟!!,,,, لانها اللحين صايره هشه وضعيفه وثقتها مهزوزه جدآ ,,,,,,,,,,,طيب ليش؟؟؟؟ وش اللي تغير؟؟!!,,,,مثل ماشفنا ابوها وعمها منصور وخالتها عفراء ,كلهم يراعونها بقوه وعشان نكون دقيقين هذول الثلاثه مدلعينها بقوه . وعلي صحيح صار بعيد لكن عمره ماأساء لها ,,,,ممم اجل مين اللي تغير؟؟ كســــــــــــــــاب,,,,,هو كان مصدر قوتها وهو كان نبع ثقتها بنفسها . ================================ كســــــــــــــــــاب غريب جدآ معاملتهم كا ثنائي هذولا الأثنين ,,,كساب وجميله لو لاحظنا من ابتدئت الروايه وكساب ماقد عامل جميله معاملة زينه ابدآ مممم طيب لو قلنا ان جميله تنفر منه ,,ليش يوم قالها علي تغطي ,,غطت منه وماغطت من كساب مع ان بالمنطق لو انا اكره احد بستانس ان اغطي عشان مااشوف وجهه وافتك منه ومن لسانه. وبعدين كساب اللحين متحامل عليهم عشانها رفضت علي,,,,طيب انا من اول الروايه وانا اشوفه متحامل عليها !!,,,,حتى قبل سنتين على سالفة المطعم ,,,وكلامه الجارح لها وانها سمينه وبكرش طيب ليش يوم قالت له مزون عليها بغرفته قالها جميله ربي عطاها الشكل والجسم!!!!!! من جد انفاس في شي محير بينهم ذولا الاثنين ,,,,,,لكن ,,,,,يمكن يمكن يمكن كساب يغار من جميله ,,,,لان خالته عفراء تهتم فيها وانها سبب حزن وكظم خالته وخايف عليها لاتموت من كثر ما جميله متعبتها ,,,,ويمكن يبي خالته له لوحده . =================================== مزنه كم حملته قريبا من قلبها الذائب.. وهمست بكل وجيعتها: أدري إنك ما تسمعني بس أكيد حاس فيني.. بصراحه جمله تبكي الحجر وهي تعتمد بالحوار مع رضيع بالمشاعر والأحاسيس فقط لاغير ومن أم ! حملت وتعبت وولدت عشان تكتشف ان ولدها غير عن اخوانه وغير عن العالم,,,وهي تشوف مستقبله بيكون متعب له ولغيره,,يمكن كانت تتمنى تعطيه سمعها ولسانها بس تميم محظوظ لان امه مزنه عطته قوه من غير مايلاحظ او يشعر.وقدامه كانت تفيض حنان ورحمه مممم هذا الموقف لها يذوب الحديد ولاننسى انها ترملت مرتين وبكل مره شلون تكون مشاعرها وتخيلي يموت ابو تميم عشان يترك لها ولدين وبنتين وكمان ابوها فايكفي انها تحصل على لقب(نحس) من ناس تفكيرها عقيم وعشان تواجه ذيابه وانياب وهي مو لحالها يعني مسؤوليه تكسر الظهر وولد من ذوي الاحتياجات الخاصه وطبعآ مراهقين كبرو وتعبوها وبنتين حاوطتهم وارمله ماتلاقي انسان يونسها ويحسسها بأنوثتها ولاننسى فجيعتها قبل كم سنه يوم امهاب سوى حادث وكان قوي لدرجة انه قعد 3سنوات عشان يرجع للدراسه. شايفه يأنفاس وش كثر مر هموم ومصايب على مزنه؟؟؟؟؟ ومع ذلك ,,,,,,,,,,ماأحد خلاها تبكي بكاء هستيري الا زايد يوم عمرها 14سنه!!!!!!!!!!!!! مااتوقع ان موقفها مع زايد انتهى :cool: =========================== منصور واضح ان له صيت عالي هو وزوجاته الثلاثه ومعروفه بوسامته . ممم منصور شكله راعي سواليف :confused: وبنفس الوقت حازم ,,,,علاقه تلخبط اللي قدامه . وبعدين على فرض شخص مااعرفه اقعد اقولها قصة حياتي!!! لي عشر سنين ماسمعت كلام حلو والخ !!! مدري هل هو كذا مع الجنس الناعم او هل صوت عفراء صحى داخل الرجل المحروم على قولته! وبعدين ليش ياخذ السماعه من مزون! بأمكانه يوصل اعتذاره واسفه الشديد لعفراء من خلال مزون ,,ولو صار واعتذر يعطي السماعه بسرعه لمزون مافي داعي تكون عفراء هي صاحبة قرار انهاء الاتصال . وبعدين يقول لمزون خالتش الخبله وهو يضحك !!!!!! وفجأه حسيته ارتبش وبيطلع ,,,,يوم تخيلت الموقف قدامي ماحسيته شخصية منصور المعتاده:cool: ============================= فهد موقفه على موضوع الدوره ,,,,وضحت لي الرؤيه :yjg04972: وفهمت شلون طبيعة العلاقه بينهم ,,,,بس عجبني فهد بجملته منصور بغضب: تقول لي أنا عيب ياحضرت الملازم.. فهد باحترام متعاظم: فهد طال عمرك.. مهوب من حقي أعرف يعني.. اللي فهمته انه يقوله تراني اسألك بعيد عن العمل وكصفه شخصيه . ممم كلام سميره عنه غريب جدآ,,,,,فاسخ افااااسخ!!!!!,,,,وبعدين قالت عنه الزين من زانت افعاله؟؟!!!,,,,تحسين كأنها تعرف عنه شي مخفي. مع ان واضح ان علاقتهم وهم صغار قويه وتسمح ان فهد يسولف لها كثير عن منصور واعجابه واذا فهد متخرج من ست سنوات معناه من زمان وهو معجب بمنصور على فكره يعني هل عمر فهد بنهاية العشرينات وأول الثلاثينات؟ =========================== كاسره ناظري انفاس انا عندي وجهة نظر بمليان الراس على الشباك بالسياره بالعاده اللي يعمل كذا يكون قاعد يفكر بموضوع بتركيز شديد لان دايم اسويها :biggrin: ========================== امهاب وعبدالرحمن مافهمت (نسيب نسيب) هل معناها ان اخ واخت ياخذون اخ واخت؟؟ سبحان الله عند الزواج يكون الرجل اكثر عقلانيه يعني عبدالرحمن يوم بغى يتزوج ماراح لجمال كاسره , راح للشخصيه المميزه وتميم يوم حكى مع وضحى قالها نفس الكلام بطريقه مختلفه ان كاشخصيه مرغوبه بالزواج انتي افضل من كاسره. ============================ زايد ومنصور فوق فوق الوصف علاقه دافيه واحساس بالسند رائعه كلمة (بنتي) من منصور والأروع كلمة (بنتك) من زايد لكــــــــــــــن لو طلب أحدهما من الآخر أن ينتزع قلبه بأنامله العارية ليهبه له.. فأنه سينفذ دون أدنى تردد بينما لو طلب أحدهما من الآخر أن يتنازل عن رأيه.. فـنـزع القلب حينها أهون!! ===================== انتظر بشده لقاء علي مع ابوه لان بنشوف شلون علاقتهم الطبيعيه مع بعض. ===================== انفاس انتي قلتي ان في موقف بيجمع كاسره مع شخص مميز طبعآ مااحد فينا يعرف هالشخص ,,لكن ممكن اطلب منك طلب لو لو لو لو تقدرين ابي موقف بين كاسره وزايد. مب قصدي زواج او غيره لالا ابيه يشوف مزنه الثانيه ابي اعرف احساسه وشعوره . انفاس مو قصدي ادخل نفسي بكتابتك لكن لو تقدري اكون لك شاكره ======================= مثل العاده اسمتعت وانا اقراء البارت اشكرك على انضباطك بالمواعيد وتعاملك الراقي |
رائعه الروايه كروعتك انفاس وكما عهدناك
حبييت الشخصيات تعلقت فيها كثييير زاييد شخص رائع يارب يتزووج مزنه مزوون حبيت مشاعرها ودموعها متى راح تجف <<يارب حنن كساب عليها<< صدق راح تجرب طيران مرره وحده والا مين راح ياخذها امهاب او................... كساب موجع <<ماقلد احد<<اجتماع القسوه والحنان في شخص كاسره كرهتها بالبدايه بس بديت احبها عفراء <<يالبا قلبها <<لمتى راح تعطي وتتعطي منصور <<هل هو صادق في انه طابت نفسه من عفرا وسميه حبيتهاااا كثييير وتعايشت موقفها وخنقتني العبره معها <<الله يرحمها تمييم يارب يلقى اللي تسعدها عبدالرحمن هل راح ياخذ وضحي وضحى هل هي صادقه بااسبابها سمييره تجججنن ياختى عليها >وش بيكون محلها من الاعراب >> صالح ونجلاء وش سبب المشكله بينهم جوزاء ميين اللي راح يحل مشكلتها اممهههاب اعجبتني شخصيته علاقته بامه واخواته <<نبي تفاصيل اكثر حبيتك خيتوانفاس كثيير متابعه لرواياتك كلها <<وفي سؤال يقرقع بقلبي من بعد الغياب << وشو شراب الكرك ؟؟يعني زي الكمون والا شاي |
السلام عليكم
الحمدلله على السلامه انفاس الابداع والف الف الف مبروك التميز ماكان الا عن جداره واحترام للقارئ بارت اليوم كل المواقف الي فيه محيره ومؤثره محير انفجار جميله في وجه كساب واستغراب خليفة من الموقف هل فعلن الحركه هذي بتأثر على حياتهم القادمه جميله انا ما ادري ايش طبيعة مرضها اسمع فيه لكن ما مر علي وان شاء الله مايمر لا علي ولاعلى غيري جميله اتوقع علاجها في بعد امها عنها وان خليفه يكون حازم معاها ولا يعطيها وجه جميله انولدت وعاشت البنت الوحيده المدلله طلباتها اوامر وزعلها فاجعه وعاقبت الي حولها انها خلاص ماتبي تعيش علشان تعذب الي حوالينها هذي مالها الا الي يسفها ويراقبها بدون ماتحس با اهتمامه بنت دلوعه ولا تبي الااهتمام الا فيها انا فعلن مستغربه موقفها من كساب هل هو حب مراهقة او غيره من كساب لأن هي وكساب كلهم البكرهي البنت البكر محرومة الاب وكان زايد هو الاب وكساب البكر محروم الام وعفرا كانت الام؟؟ موقف الكاسره يالبى قلبها بس ياربي تعطيني بنت بجمالها وتزين حظهاهل رد كاسره على سميره وضحى اعجاب قديم من كاسره بمنصور او ان كاسره عندها خبر عن حب زايد لأمها يمكن ابو مزنه قال الكاسره شي عن ها لموضوع او يمكن لأن منصور رجل معروف عند جماعته بشخصيته ومركزه الا جتماعي وتزوج 3مرات وطلق معقوله ان كاسره فكرت فيه وانه الزوج الي هي تحلم فيه كاسره عنيده يتوقع منها الواحد لويخطبها منصور توافق كان عندي توقع كبير ان كاسره الكساب لكن اليوم لا رد كاسره وراه شي كبيراو ان السبب الي كسر سنون غانم كان من منصور او كساب علشان تعرض لهاقبل ويوم شافت منصور تذكرت الموقف انا من كثر ما حيروني كساب وكاسره ذكرت علي لعبه يلعبونها اولادي الحروف الي يجمعونها وتظهر لك علاقتك با الشخص طلع معي كساب وكاسره فراق منصور وكاسره فراق حيرتيني انفاس تدرين انا الشخصيه الوحيده الي انا معاها بخيرها وشرها كاسره مزون وسياط الندم الي تلسعها وين ما توجهت من موقف كساب الي موقف السكرتيره خطبة عبد الرحمن لوضحى يمكن لوكان خطبها قبل كاسره انه حس ان البنت تناسبه اكثر من كاسره لأسباب اتوقع في نفس عبد الرحمن رجل جامعي فاهم يحسب خطواته صح لكن رفض مزنه له بسبب عمرها خلاه يخطب كاسره طمع بقرب مهاب كاسره جمالها يخوف يرهب اي احد يتقدم لها وعنادها ما كان صفه تجهل ولد عمتها يعني رفضها له تحصيل حاصل وافقت او بكيفها فهد ومنصور والعلاقه بينهم بتجمع بين مزون وفهد اذا فرضنا ان مهاب تزوج من خوات عبد الرحمن والي اتمنى انهن يرفضنه وشعاع تقبل بتميم بارت مؤثر في مزنه وتميم موقف رهيب بين ام ولدها الا نسان ما يبي احد في الحياه احسن من الا اولاده وحتى المرض لو ينشارك شاركت الام عيالها والله جا في بالي يوم اكتشفت انه مايسمع شعورها وصدمتها وقلة الحيله انها ما تقدر تسوي له شي واكيد انها قعدت فتره طويله موجوعه امتعتينا انفاس ببارت رائع امتعك الله بلباس الصحه والعافيه انتي ومن تحبين |
السلام عليكم ورحمة الله وبركاته
سلامتك الف مليون سلامة ... ماذا نفعل في مرض اصبح من سمات العصر الحديث والتكنولوجيا ( الصداع .... وبصفة خاصة الصداع النصفي ... عافا كي الله وشفاكي ) الف مليون مبروك على التميز ..... تستحقين كل خير ...... ومن نجاح لاخر باذن الله .... جزء اليوم كعادتك معنا مفعم بالمشاعر ... مشاعر اخوة وصداقة وابوة ...... مشاعر اخرى يعيشها ويعانيها ابطالنا ... نلتمسها من بين حروف كلماتك واختلجات مشاعرهم التي تصفيها لنا ...... نأتي للشخصيات ...... خليفة ...... رد فعل طبيعي .... فهو لا يشعر الا بمشاعر الشفقة ناحيتها وفي نفس الوقت هذه تجربة جديدة لم يمر بها .... فهذا المرض يجعلك تشعر بمشاعر متناقضة مما تراه ( عندما نرى صور مرضى فقدان الشهية فعلا هذا ما يحدث مشاعر متناقضة تحمل الشفقة الشديدة والاشمئزاز وقشعريرة غريبة .... لان الانسان المريض يصل لمرحلة من المرض لا نستطيع وصفها لبشاعتها .... ولذلك لا الومه ....) واعتقد ان خليفة مع الوقت سيعتاد هذا المشهد من جميلة وبعد موقفها من كساب سيحدد طريقة تعامله معها ( وان كان كرد للجميل .... لانها دافعت عنه ) .... تساؤل ... لماذا لا ترينا مشهد لخليفة ويحاول ان يقرأ هن هذا المرض وافضل طرق معالجته ... ليكون صورة اوضح عن مرض جميلة من ناحية ومن ناحية اخرى يتقرب منها .... تساؤل اخر ... نحن القراء لا نعرف من خليفة ... سوى انه ابن ابن عم خليفة ( يعتبر ابن عمها عن طريق والدها .... وخلاص ) ماذا يعمل ..؟... وما هي دراسته ؟........ الخ ...... ( لو سمحتي السي في بتاعته فين ) لانه هبط علينا بالبارشوت في المجلس وتقدم للخطبة وبعدين ( المبدعة ... قالت له وقعت في شر اعمالك ) واخذته من الدار للنار ................. عفرا ... ربنا يخليكي لابنتك ..... ولكن يجب ان تتركيها لتعتمد على نفسها وتخرج من هذه الازمة على سلام ولا تستسلم لها .... ويمكن بعدك عنها يكون حافز لها على الشفاء .... جميلة ......... مازالتي شايلة في قلبك من ناحية كساب ..... ولكن ليس ذنبه بالكامل في مرضك ... ولكنك بحساسيتك الزائدة واستسلامك لرغبتك هو من وضعك في هذا الموضع وهذه الحالة ...... وليس انكي كنتي تشعرين بانكي عالة عليهم في منزلهم ... لان ابوكي ترك لكي ولامك الكثير ... وامك تعمل ..... يعني الى حدا ما تعولون انفسكم ....... وبجانب اخر كان لكي اخوة ( لحد فترة معينة من عمرك كساب كان اخ وصديق كبير لكي ومزون اخت وصديقة ايضا وعلى لم يتأخر عليكي ) هناك جانب اخر وهو انكي انانية ..( ولعل هناك ما يخفيه قلم المميزة عن قراءها ) فسننتظر ...... كساب ... ياخي مازالت لم تترك غضبك وسخريتك المصاحبة لك .... ( مشهده وهو يتخيل خليفة بين يديه وانه لن يأخذ منه غلوة او اكثر من ثلاث كفوف ويطب ساكت ) جعلني اضحك بشدة وانا اتخيل المنظر ... على ذلك خليفة ضعيف البنية .... وليس طويلا او عريض مثل كساب ........ لماذا لا ترحم جميلة من سخريتك مهما فعلت .. الم يكن من الافضل التزام عدم السخرية وومراعاة شعور على اقل عفرا وتقلل من تجريح جميلة .... ) مزون ...... والمجهول التي دخلت فيه برجلها واكتسبت بسببه عدواة من اهلها ورهبة شديدة عصفت بكيانها بعد معرفتها لقصة السكرتيرة ...( ولكن مزون قدها وقدود ) منصور .... ايه ده ياعم صداقة واخوة وابوة مع فهد ...... ومزون ...... وزايد اخيرا .... لقد انتابتني الحيرة فانك تستطيع احتواء من حولك بتفاهم وحنانك وقوة شخصيتك وتعاطفك .... والكثير من الصفات الرائعة ... ولكن فشلت في زواجك .. وثلاث مرات ...( لماذا ) هل العيب فيهن ... ام ماذا ..( اعلم جيدا ان الرجل خارج بيته غير داخل البيت ... ولكنك لست من هذا النوع ... فلماذا ...؟....... سؤال ينتظر الاحداث بقمة الشوق والفضول .... كاسرة ... ( منصور ) هو فارس الاحلام الذي تنتظريه ... ام انه كان زوج احدى صديقاتك وتتحاملين عليه بسبب طلاقها ..( لا اعتقد ذلك ) فهو من تنتظريه .... لان به كل الصفات التي تريدينها ... ولكن كيف ستتقابلان ... هل ستخطبيه لنفسك ..... ( لن استبعد ذلك ) م ان هناك اكثر من موقف قد جمعكم لا نعرف نحن القراء عنه شيئا ( لا المبدعة تخفي عنا الاحداث ) على العموم سننتظر ..... قلم المبدعة ليحن علينا ........... مزنة وتميم ... علاقة الام بابنها علاقة خاصة جدا .... وليست قابلة للوصف ... وبصفة خاصة بين الام وابنها المعاق ....... سننتظر لنرى ما سيحدث لهما في السوق ...؟... هل حادثة ستغير تفكير مزنة عن زوجة تميم ام العكس بالنسبة لتميم .... مهاب ..... من تريد ان تتزوج ....( جوزاء ... لتنقذها من البكاء على النفس .... ام شعاع التي تهيم بك غراما ) عبدالرحمن ... عرفنا انك خطبت وضحى ... وتم رفضك لصغر سنها ... فلماذا توجهت لكاسرة كنت انتظرت كم سنة ثم خطبتها مرة اخرى .... على العموم لو رفضتك ( لا اعتقد انها سترفضه ) لا تلوم الا نفسك ... سميرة ... فاكهة الرواية ... خفة دم المصريين لن تجديها الا عندهم ... شكلها ورثت هذه الخفة من خالها هريدي ..... وبعدين ما سر فهد معها .... هل عزوفه عن الزواج في هذه الفترة انه منتظرها تنتهي من دراستها ( احتمال وارد ) من وراء حذف اسمه من دورة المظلات ..... سنرى في الاحداث القادمة ...... نستمتع جدا بقراءة الجزء .... ولا نريد الانتهاء منه ولكنها سنة الحياة لكل بداية نهاية ...... وبكل الحب والود والاحترام ننتظرك فلا تطولين ............. |
.. :: مساء / صباح الخير :: .. الغالية أنفاس .. الله يسلمك من كل شر .. يعجز الكلام عن وصف سعادتي بـ إحمرار إسمي وسط خضار كلماتك .. شكرآ أنفاس رغم إنها يقيناً لا تشرح ما بداخلي من إمتنان .. : .. :: مزنة :: .. فاجعة تحل على الأم إن أصاب صغيرها مكروه بسيط .. أو إن سمعت آنة الألم منه .. فـ كيف هو شعور مزنة بما علمت ؟؟ لا يمكنني تصوّر الألم .. والغصة التي أسكنها ذكر الله الذي لا يحمد على مكروه سواه .. موقفها مع تميم .. فعلاً مؤلم مثلما هو ملئ بالحب والإحترام .. .. :: كاسرة :: .. بديت أحبها .. وأستوعب شخصيتها .. وحاليا ً صرت أحن عليها وااااجد .. .. :: فهد :: .. كلامه منطقي .. ولكن حب الأهل .. وخوفهم اللاإرادي من تكرر الفاجعة دفعهم لمثل هذا الطلب .. وقد يكون هناك إحتمال بـ إن قرار المنع من منصور نفسه .. لـما يحمله من غلا لـ فهد وأسرته .. فـ أكاد أستشف بوضوح مكانة فهد في قلب منصور .. .. :: سميرة :: .. عسل جدا ً هالبنت .. حتى سوالفها وتعبيراتها .. ممتعة جدا .. و صرت أشوفها تناسب الشيخ الجامد أبو لسان ينقط عسل .. .. :: كساب :: .. جانب من شخصيته اللي ظهر في هالبارت .. وهو تهزئ الآخرين بـ إسلوب مغلف بـ إحترام .. رأيت فيه شخص قريب جدا ً من .. قاسي ولكن لا يوازي قسوته إلا حنانه .. من اليوم ورايح بـ أسميه كسّاب .. .. :: زايد و علي :: .. لقاء منتظر .. إلا أنني غير متعشمة بالكثير من المشاعر فيه .. لأننا أحيانا ً تفيض مشاعرنا بـ طول المسافة و الشعور بالحنين .. ولـ اللقاء مهابة تجمد حضور المشاعر الكثيفة التي نحملها .. وزود الغلا يلجم الكلمات على شفاهنا .. << هذا شعوري حيال لقاءهم وإن وجد حث من أحدهما لـ مشاعر الآخر .. ..:: منصور :: .. عفوي في ردة فعله وبسيط .. وأرى في هذا جمال .. لم أحمل الموقف الذي ساقه القدر بينه وبين عفرا أي معنى آخر .. إلا إن ذكرى الحنين قد تتجدد .. .. :: مزون :: .. أؤيد توجه العضوة / السيدة الناضجة ( ripe Lady ) في تحليلها لـ شخصيتها .. فما حل بها من إنكسار داخلي سببه فقد القوة الإيجابية الدافعة الكامنة في كسب وإمداداته لها .. عسى ربي يزيّن الأمر .. .. :: مهاب و عبدالرحمن :: .. أتمنى أن كون خياره جوزا .. ففي داخل إعتقاد .. بـ أن مهاب الأقدر على لملمة شتات جوزا وإعادة إحياء روح تمزقت بـ شهرين زواج .. إستحل روحها لمزقها لـ أشلاء .. وعبدالرحمن .. دامه من فئة الدببة .. فـ أنا أكد من أول أنصاره .. لأن أحبهم في الله .. وعسى تكون وضحى من نصيبه لأنه بالفعل يستاهل الخير .. .. :: أنفاس قطر :: .. رزقت الخير في الدارين .. وأسعد الله قلبك بالرضا .. وحفظك لـ الغالين .. سـ أكون دوما ً في الإنتظار .. .. :: أمهات المستقبل أخوات العضوات :: .. أسأل الله التيسر لكم .. وعسى أن يرزقكم بالأبناء الصالحين البررة يارب .. إختكم .. أفراح .. |
اقتباس:
|
نفوووووووووسـه الحلوه ... ياااهلالالالالالالالالالالالالالالا وغلالالالالالالالالالالا ..:lol:
يا هلا بك ... يا هلا ببنتك الجديده .. وابدااعااتك المتألقة دومـآ .. والله اني فرحت لما عرفت في المدرسةانك نزلتي رواية جديده .. ما استنيت ع طول اول ما جيت دورتها وسجلت بالمنتدى عشانك وعشان روايتك .. الرواااية رووووووووووعه رووووووووعه كروعة اخوتها من قبل .. انتي اول كاتبة اقرى لها رواية لها وهي ما اكتملت .. صديقااتي كلهم ينتضرونك تخلصينها عشان يقرووها .. انا ما فيه صبر ولاني اعلم بمدى وفاائك بعهوده ودقتك في المواعيد .. امكن ماراح اعلق كثير ع الرواية بس اكيد متاابعة بصمت ومستمتعه بالاحداااث .. |
ابدن حلفت خلاص العشا عليه اليوم<< فيس عازمنكن عالعشا بمناسبة التميز
الف الف مليون ترليون مبروووووووووك حبيبتي<< فيس يبارك جميله وخليفة صدقه كساب.. ذكي ما شاء الله.. يعني ما يبيلها.. واكيد بعدك ما نسيت شكل علي<< فيس مقهور.. بعديت تعال لا تستانس ترى جميله دافعت عن اسم خليفه بس.. ولا انته ما تدري عن هوا دراك<< فيس يصدمه.. وانتي بلاج هديتي عالريال.. يعني هاي يزاته لانه شل بعمره ويا جداكم<< فيس خاطره يضربها بس يخاف عليها تنكسر<< فيس يحرك حياته فهد دافع عن حقك يا ريال لين متى بتم جي.. اللي عقبك خذو الدروة وانته بعدك<< فيس شيطان.. ايمانك بالقضاء القدر ما يمنحك فرصة للتهور.. يعني بتكسر موترك تكسير وخلاف بتقول قضاء وقدر.. احلف بس<< فيس ينصحه منصور كثيرون من يخفون تحت ظل قوة شخصيتهم الحنان والحب.. شخصية منصور مزيج من الحنان والحب غلفتها قوته.. وشدته في التعامل مع الاخرين.. تراه تارة ذاك الثائر وتارة اخرى تراه طيور الحب المغرده<< فيس يحاول يعبر كاسرة عاد انا من ظهر منصور في القصة وانا اقول انج بتاخذينه<< فيس روح يقبس الرد يبيكم تجوفونه.. هل يمثل منصور شي لك.. ام انك ترين فيه زايد الذي سبق لك ان مدحته << فيس يفكر وضحى وسميرة حشى صدق حريم.. فصصتن الريال.. هذا وانتن مستعيلات وما تبن فهد يجوفكن ولا جان الحينه بنجوفكن مجابلاتنهم<< فيس يحرك راسه يمين ويسار مهاب بتعرس<< فيس مصدوم.. ولا بتاخذ وحدة من خوات عبدالرحمن<< نفس الفيس اللي جدام.. لا تقول يا ريال انك بتاخذ شعاع..اسمعنيه عدل.. ما لك الا جوزا.. ارحم حالها يا ريال.. يمكن تظهرها من عقدتها<<فيس مستهم.. لا السالفه يبي لها يلسه.. نفوس الحينه شقايل اتريا لين الخميس عسب اعرف بياخذ منيه منهن<< فيس ما فيه صبر عفرا هي وانا اقول جي بعد.. انيت لازم تردين البلاد..خليهم اروحاهم.. بنتج ما بتتعالج دامج جريبه منها<< فيس مقهور من دلع هالجميله كساب انته جي<< فسي مسوي اوكيه.. زين تسوي بهم<< فيس نذل.. بتم في نظريه شخصيه حنونه.. تغلف حنانها بالقسوة والاستهزاء<< فيس معجب فيه على طووول زايد تحاتي ولدك.. يحقك لك.. نسيت انه روح وهو زعلان ومتضايج.. مع انيه ما ابيك تروح له الحينه.. بس يمكن وجودك يساعده<<فيس يحسسه بالذنب عبدالرحمن انته بعدك تتريا.. رفضتك يا ريال<< فيس نذل.. ما اعتقد انها ترفضك عقب ما تسمع رمسة امها.. عاد متى الله يعلم.. اتريا<< فيس يصبره مزنه وتبقى مجرد ام.. منبع الاحساس.. كائن يابى ان يرى صغاره يعانون.. يفديهم بروحه ويضحي لاجلهم.. فكيف بها وهي ترى فلذه كبدها يعاني.. يعيش في عالم محدود.. حتى وان احتاز صومعته وظهر للعيان.. يبقى ذلك الصغير الذي.. اكتشفت انه سيعيش عمره دون مبادلتها الكلمات.. ودون سماعها لصوته<< فيس متاثر يصيح http://www.liillas.com/up3//uploads/...29afe633ce.gif |
الف الف مبروك التثبيت
تستحقينه بجداره هل تعلمي كم كان شوقي لما تخطه اناملك لقد بحثت في المنتدى الاخر علي ارى اسمك يضئ ولكن لم اكن اعلم بوجودك في ليلاس كنت على يقين من تملك هذه الموهبه لن تستطيع ان تبعد كثيرا رغم المسؤليات فاهلا وسهلا بك رغم تأخرها أمابالنسبه لروايه فأنت كما عهدناك ملتزمه صادقه معنا في مواعيدك وهذا سر من اسرار نجاحك صفه لم اراها في غيرك من الكاتبات فشكرا للتزامك اما الشخصيات كساب وكاسره انا ارى انهم هم الثنائي الامثل قدتستغربين ولكن قوه كاسره لايضاهيها الا طغيان كساب ورحمه لزايد الي ما طاله هو يعوضه ابنه ههه مزونلااعرف هل احزن عليها ام اغضب منها اين كان عقلها وعاطفتها لا استطيع تخيل من هو بشخصيه كساب ويرجو مزون بلا فائده وفي نفس الوقت تحرص على التفاصيل الدقيقه في المنزل كألام لاخوتها متناقضه انا ارشح لها مهاب ولكنك قلبتي توقعاتي اليوم بطلب مهاب لشعاع سميرهبسمه الروايه وياسمنتهااينما توجد تنشر عبقهاكالبلسم توداي الجراح بخفه ظلها ولذلك فلا تليق الا للمتألم بصمت على اراك تميلين دفتها لابن عمها فهد ولكن الا ترين معي عندما يكون الزوجان من نفس الشخصيه فهما كقطبا المغناطيس المتشابهان يتنافراوالعكس صحيح هذه وجه نظري ومابحت بها الا توسما بديقراطيتك وضحى مراهقه بأفكارها ارى شكواها الصامته بدون وجه حق فأحساسها بالظلم في البيت وحقها الضائع الاولى به كاسره فقوت كاسره الظاهره انستهم الانثى كاسره المحتاجه للاحتواء والحضن الدافئ عكس وضحى فكلهم يتعاملوا معها على انها كرستاله شفافه قابله للكسر بسهوله دائما الانسان طماع بيطلع لل في ايد غيره جميله وخليفه بيستحقوا بعضهماعن جداره فعنادها الوقح وتسرعه المتهور قادهما لبعضهما رغم اني احزن على خليفه احيانااما جميله فأنا مع كساب في رأيه رغم قسوته ولكن دلالها الشديد يغيظني [COLOR="Red"]منصور وعفراء اتمنى ان تجمعي بينهما اه ما اجمل المكالمه بينهما مايحتاجه عالم منصور المتسحر حنان عفراء الفائض وننتظر بين الامس واليوم على احر من اجمر |
هلا غاليتي..
تسلم يدج .. بارت كالعاده رائع وقمه في الاحداث.. شخصيات كل ماعشنا معاهم شفنا شي جديد من نواحي حياتهم .. سميره.ز خفيفة دم.. والضحكه الرائعه الله لايحرمنا منها.. >> بس احس ان بالضحكه هذي سميره مخبيه في قلبها اشياء.ز >> مدري هو وسواس بس الي يضحك بزياده احسه اكبر ممثل لمما داخله من مشاعر..حلو الواحد يضحك بس الله لايحرمنا منج صج حلا القصه بدوون منازع ولما الخوف من فهد هل ممكن تتصور ان يتعرف عليها وهي بنقابها.. بصراحه هي حتى لو كاشفه ومن سنين ماشافها كيف بيعرف ان هالبرصه هي بنت اخت هريدي.. هل سيكون لك دوو رمع المزوحي الثاني..او تبين الصج انفاس انا بخطب سميره لعلي.. هي ستكون كما البلسم على حياته القاسيه فهو حنون اختار ان يزعل بصمت وببعد .. >> مدري شقول عن علي.. بس علي يبي له كميه جميله من السعاده تعوض عليه خسرانه لحب الطفوله كاسره .. الميله هذه على الشباك لما جابو سيرت منصور مب مريحتني.. ابد .. هل تعرفينه.. هل هو الحلم المنتظر.. ام اخذ قلبك من نظرة الاولى والا خلونا برئيين ونقول انج تعبانه وماهتميتي للموضوع.. >> بس قلبي ناغزني. انفاس اكثرموقف اثر فيني.. هو موقف مزنه مع تميم.. تعرفين لما جبت ابني الثاني كنت قبل ما اربي بليله سبحان الله اتابع فلم عن الصم .. وليش كنت خايفه من هذا الشي.. ماخليت تجربه وماسويتها في هالمسكين.. والي كان يقهرني انه يتجاوب لي مره ومراات لا كسول هالولد.. لكن الحمدلله على الصحه والعافيه.. الحمدلله الذي حسن خلق ابنائي وخلقم ان شاء الله.ز كل ام تريد الافضل لاولادها.. كل وحده تبيهم احسن شي.. في احسن المراكز احسن مستوى.. احسن تربيه...الافضل دائما لهم هم .. مزنه رضيت بقضاء الله انه لايسمع.. لكن ابدا لن ترضى بان يكون اقل مستوى لاهو ولا ابنائه .. لا الومها عندما ترفض ان تزوجه من صماء ليس لعيب فيهم .. لكن ان تعيش تجربه ا خرى وهي تعلم ان نسبة الاطفال ااصماء من هذا الزواج تزيد نسبته عن النصف>> لا ولن ارضاها لولدي.. فولدي يستحق الافضل.. وتميم ابنها .. وهو بعينها كامل .. والحبيب.. ولذلك لن ترضى لهالاقل من الكمال. >> عاد شوفو انتو مقايس مزن للكمال شنو.. نرى على من سترى مركب تميم ومن ستختارين له .رغبته ام رغبتها امهاب.. شنو هذا يارجال.ز ياويلك من مزنه تخطب من دون شورها وعلى من سيكون الاختيار.ز هل هي الارمله الصغيره..ام لصديقه وضحى .. او هي اي وحده والسلام لكن لاتخسر عبدالعزيز..قدترفضه وضحى لكن بهذه الطريقه لن تخسره لانه سيقبل مصاهرتك.. عبدالله الله يرحمك .. من الابرت السابق خاطري اعرف شنو قصته.. رفضه لجوزاء هل هو عيب فيه.. ام فيها.. لو كان يحب وحده ثانيه>> حتى لو قلنا انه كان مجنون ليلى بزمانتو.. ماعاش ناسكا هكذا يعتزل زوجته طول هذهالفتره.. لماذا..نفور من شخصها .. حتى لو الفتره الي عشتوها سوا ماتكفي لتظهر لك انها مو زينه.. ام هو الغرور لانهااقل منك جمال وكنت ترغب بالجمال الخارق.. حتى لو بصراحه الواحد حتى لو سمع عن فلانه حلوه..وماشافها مايقدر يتعلق بسراب.. لان ممكن الجمال الي تخيله غير عن الطبيعه.. سر غامض.. هل سيتضح ام انه اختفى ودفن مع صاحبه.. الله يعينج ياجوزاء.. ماممرتي به ليس بقليل.. لن اقول شي اخر .. لكن بعد بصراحه جوزاء يبي لها تعيش وتختلط بالناس.. القعده والوحشه تخلي الجروح لاتندمل.. >> بس جوزاء صالح ماتبينه.. لان حتى لو تزوجج ماراح يسعدج لان قلبه مع زوجته.. وانت تحتاجين من يحتويك انت.. ويقدر قلبك انت حتى ترتاحي.. لكن لاتتركي احد من ابناء عمك يلعب بقلبك.. تسلم يدج غاليت ي. .ابدعتي .. وكنت قمه في الرقي .. والانضباط.. والابداع. سلامي لج وسوسو.. حبه كبيره على خده اليمين..وفرصه على خده الشمال.. سلامي |
الف الف مبروك التميز اصلا انا متاكده التميز ما بدها حكي اصلا ليش تاخير التميز كان لازم من اول بارت ماشاء الله ما بدهاحكي الله يحميكي ويوفقك ما عندي توقعات معك ما بقدر اتوقع بروح من جهة بتيجي من جهة خليني هيك لاشوف النهايه هههههه
|
السلام عليكم ورحمة الله وبركاته
تسلمين انفاس مبدعه كما عودتينا كساب موقفه من خليفه وتحقيره له من قهره منه هو وجميله والي صار لاخوه منهم بس احسه استفز جميله وهي تعبانه بس طولت لسانها عليه ليه كان سكتت يعني اخذت حق خليفه منه ابدا لا بس رفعت ضغطها ولا استفادت غير التحقير وافكار كساب ههههه نكته يدعي عليها يصبحهاويمسيها كفوف هههه امرك غريب يا كساب ليه تفكر فيها هي الي باعت علي ما عليها حسافه وعلي الله بيرزقه جميله ليه عدائيه مع كساب بالذات هل فعلا تحس انها دخيله عليهم او تحس شي في نفسها وتغلفه بهذي العدائيه امرها محير منصور وزايد فيه امثله كثيره زيهم وعايشين بينا وكل واحد عاجبه رايه ومستحيل يتنازل عنه بس تشبيهك رائع جدا نزع القلب اهون من ان الشخص يتنازل عن رايه زايد حس انه قهر علي بس اش يسوي كل شي قدر وده يروح يشوفه يتطمن عليه مع انها لسا الازمه قي اولها واستعجل في فكرة السفر يعني حيروح ويشوف الالم في وجه علي منصور اش اللقافه هذي يا شيخ منصور ما احسك شكيت انها ممكن تكون عفراراحت عن بالك بس القحط العاطفي عنده مضحك للغايه ومن دواعي سروره يكون قلب المتصل هههههههه الله يعين عفراء بس خجلك خلاك تقول انها عايشه فلم هندي بس مش متوقعه تنسى صوتها بسرعه وانت عايش في قحط عاطفي على قولك سميره هل هي كاشفه وجهها وهي خايفه يشوفها فهد في المول والا خوف انه يشك انها بنت عمه كاسره لايكون رفضها للزواج هذي السنوات تحب هالمنصور وترفض العرسان بحجة ما لقت الزوج المناسب شككتيني ترى تسلمين انفاس على البارت الرائع دمتي بحفظ الرحمن ام شادن |
كنت خلف الستار اتورى واتابع بصمت اقف والشوق يسوقني لكل جديد لك
وبكل لهفه استقبل اي بارت جديد وبصمت اقراء اندهش من مايحتويه وقد تذرف دموعي من موقف محزن وابتسمةلاخر مفرح واضحك بشده لاخر مضحك تابعتك من اول روايه نسجتي احرفها ففي بعد الغياب ذهلت بك وباسى الهجران اصبحت مفتونه بقلمك وبين الامس واليوم سُكرت بنبيذ قلمك .. فلم اتمالك نفسي .. وهاأنآ اليوم انضم لركب منتدى ليلاس .. واُسجل هنآ وكلي فخر بأن تكون اول مشآركه ..في متصفحك بين الامس واليوم من اول بارت وانا اتوقع مزون لمهاب من اول بارت وانا اتوقع مزون لمهاب ولكن الخطبه هل تغير شي من توقعاتنا كاسبه لمنصور وهذا الاقرب لتوقعي وجيع الغضوات عبد الرحمن ووضحى زواج يواجه مصاعب ولكن القلوب لها الكلمه الاخيره علــى القلب الطيب المجروح كم تمنيت ان تكون سميره هي الدواء ولكن فهد اتوقع كذالك ان تكون هي من نصيبه جميله وخليفه زواج بدايه صعبه ولكن اتوقع القادم اجمل كل الشكر لك انفاس قطر وننتظرك بشوق بالبارت الجديد |
أهلا أهلا أحلى أنفاس :)
أخبارك ياقمر >>> بدخل في الموضوع مباشره انا ماعندي تعليقات على الشخصيات ولا على الاحداث المستقبليه وما احب اقرا توقعات البنات بعد :) لسبب بسيط هو أني أحب اتفاجأ..!!! يعني على قولتهم احب اعيش الاكشن :D بس عندي تعليق بسيط لما جبتي المشهد القديم عن مزنه لما اكتشفت حالة تميم كيف عرفت على طول انه مايسمع ليش ما خافت بالأول انه مات أو اغمى عليه او اي شيء من هذا القبيل كيف على طول عرفت انه مايسمع ،،، مع العلم انه كان نايم وبس ياحلوه > هذا سؤالي بالتوفيق وعلى البركه التثبيت واللقب ;) |
السلام عليكم
مبروك انفاس قطر التميز والتثبيت شكرا لكل من رد على سؤالى وانا لما سالت كنت عايزة اعرف السبب مش لانى متضايقة من ذكر ده فى الروايه لانى عارفه ان انفاس بتحترم كل الناس اما عن بارت اليوم فكالعاده رائع واكتر جزء عجبنى تميم ومزنه وتذكر مزنه لوقت معرفتها باصابة ابنها فعلا شئ صعب فى انتظارك |
السلام عليكم
هلا والله بأنفاس قطر الف مبروك غاليتي التميز معك مختلف يشبه اختلافك الذي إنارة سماء القصة بالنت لندخل القصة اليوم بالذات حبيت اشكرج لانك تجاوزتي المتداول بالقصص من كون ابن العم لابنة العم حاولتي تنويع اطراف قصتك واجدتي التنويع بصراحة انفاس أثرت هذ الموضوع لان اليوم بالذات وصلني خبر عن احدى الواتي اعرفهن تزوجت ابن عمها وانجبت ولد معاق والسبب يكمن في كون عائلتها متزواجة من الاقارب منذ اكثر من 60 سنة انهكت الكروموسومات العائلية ولم تصبح قادرة على كل هذا القرب ولاني استمعت لقصة احدى زميلات ابنة خالتي التي يرفض اهلها تزويجها الا لابن العم ومو مشكلة متزوج حتى لايتلوث دم العائلة وحتى لاينتهب مالها يعني لو ابن عمج لو تبقين بيت اهلج الى متى يبقى هذا التخلف لست ادري هسة نجي على جزء اليوم لابدأ بكساب أي رجل انتي حضور طاغي وتفكير صغير كيف طاوعتك نفسك ايها الرجل وقهرت فتاة وهي في قمة مرضها والله ما الومها اذا كرهت قربكم وانتة هذا تفكريك واقفلها على كل تصرف جميلة لم تجرم بحق اخاك جميلة اختارت الحياة التي تعتقد أنها أفضل لها فلقد ملت شعورها بفضلكم عليها حتى وان لم تشعروها بهذا من حق أي إنسان ان يختار الحياة التي يعتقد أنها الأفضل بالنسبة الة >>وجهة نظر يعني ياسيد كساب بالمختصر كلامك لايدل مطلقا على الرجولة أي رجل هذا الذي يقحم نفسه بأمور النساء يتشمت بمريض بالفراش >>عصبت خليفة صح انته ورطت نفسك بس والله كبرت بعيني من قبلت بالواقع واحتسبت الاجر عند رب العباد وكبرت اكثر من سكتت عن تصرفات كساب الغير رجولية وراح تكبر اكثر من ترجع جميلة الجميلة الى حياتها السابقة كاسرة تدرين انفاس سكوتهة حيرني معقولة هو سكوت وحدة ميهمها الموضوع لو سكوت وحدة اتذكرت موقف معين من شافت منصور او يمكن فهد عموما ننتظر ونعرف وضحى تدرين انفاس عجبني كلامها من قالت اني هاي شخصيتي فعلا الانسان عليه ان يقتنع بشخصية مهما كانت واذا حب يغير بيها مو من اجل الناس لا من اجله نفسه وحسب قناعاته يعني كاسرة اذا ما عاجبته شخصية وضحى مو بالضروري رأي كاسرة رأي سديد تميم ومهاب ايضا لاتعجبهم شخصية كاسرة لكن كاسرة غير ابه بالموضوع اليوم وجدت تشابه بين الاختين وهو الاعتاد بالنفس والقناعة بها كما هي صالح ونجلا انفاس بعد عشرة سنوات ملت الوضع تدرين عندي علامة استفهام كبيرة حول هذا الموضوع لان بعد عشرة سنوات المفروض المرة عرفت طبع رجلها واتعودت على هواي اشياء يعني لو نجلا اول ايام زواجها تركت البيت على مود هذا الموضوع كان عذرتها ولكن بعد عشر سنوات كان المفروض الامور تحل بطريقة تناسب حجم العشرة الطويلة >>وجهة نظر مهاب ليكون يريد يزوج جوزاء انفاس جوزاء بالذات احسة سوف تأخذنا الى اكشن اقوى من اكشن كاسرة>>احساس لذا اشوف مهاب مرفوض مقدما من قبلها شلون هذا الامر متروك الج مزون والله ودخلتي عرين الاسد برجلك خل نشوف شلون راح تحلين امورج بنفسج والله انفاس مزون تكسر الخاطر شلون راح تجلس بأستراحة الطيارين وهي بنقابها لانها سوف تصبح علامة فارقة والكل يعرفها ويعرف بنت منو هي ننتظر أي مواجهة سوف تكون في استراحة الطيارين مزنة وتميم تدرين انفاس تربية مزنة لتميم بكوم وتربيتها لكل ابنائها بكوم صعب تنطي ثقة لواحد يشعره الجميع بأنه انسان ناقص ولكن هنا اصبح تأثير البيت اكبر من تأثير الشارع ونجح الامر وهذا الامر بحد ذاته صعب الحصول ويحتاج الى جهد كبير >>تجربة مع اطفالي تدرين انفاس العائلة الي تهمل طفلها وتحسس بأعاقته راح تقضي على هذا الطفل ويكبر ويصبح عالة على المجتمع لأن الصم والبكم مو متخلفين بس اذا اهملوا ممكن ان يتحولوا الى ناس متخلفة >>وجهة نظر ياريت الامهات الي عدهم هيج حالات ايخلون القصة امامهم لعلة وعسى يستفادوا منها طرح موفق بأسلوب ايجابي اعان الله كل ام اكتشفت ان صغيرها معاق وسهل الله حمل كل الاخوات ويقومن ان شاء الله بالسلامة وينجبن اطفال اصحاء تقر اعينهن بهم انفاس قطر معك يحلو اللقاء لانه لقاء يثمر بجزء ملتزم بالموعد ومثري بالمضمون بالتوفيق غاليتي |
الله يحجزاتس خير يارب ولله اني محتاجه دعوتكم الله يجزاها خير من دعتلي ويوفقه واذا ماكانت متزوجه ربي يرزقها واذا حامل يهون عليها واذا ماحملت ربي يعطيها الله يهون علي يارب ويرزقني الذريه الصالحه ويحسن خلقه ويهون طلقي وكل حامل آمين
وثرك منتب سهل يامنصور في الاربعين وهذا كلامك ولا ثلاث حريم خذت دروس تدري عاد انت جامع المواصفت كلها من جمال وشخصيه وثقه وفوقه رمنسي بعد ماتوقع سبب نهاية حياتك مع البنات الثلاث هي الغيره كل وحده حصلت مثل منصور ماراح تحاول تفرط فيه ولاهيب مجنونه مجرد اي وحده منهم الغيره سبب القضاء على حياتها مع رجل مثل منصور الاكيد فيه اسباب ثانيه ومهوب معقوله ان الحريم الثلاث فيهم نفس العيب والسبب اللي يخلي منصور يطلقهم اذن العيب في منصور نفسه ياترا هل شخصيته حطت بينه وبينهم حاجز وصار فيه صعوبه في التعامل معه معقوله كل حريمه بدرجه وحده عنده مافيه وحده تميزت عن الثانيه تدري ماراح يرضي غرورك الا كاسره وماراح يقنع كاسره الا انت اذا كاسره صرحت لو بكلمه بسيط عنك اكيد انك اعجبتها بقوه وماخلا حالها كذا ساجه وتهوجس الا النظره اللي صارت المنصور هل سرحان كاسره انها لقت فارس احلامها ولا ذكر زوجاته الثلاث يوم جابت طاريهم سميره خطبت مهاب الشعاع ولا الجوزاء عندي احساس ان الخطبه الجوزاء ويمكن مهاب خاطره فيها قبل ماتاخذ عبدالله وياترا القبول والرفض المهاب راح يرتبط بموافقة وضحى على عبدالرحمن او يمكن مهاب خطب من عبدالرحمن وهو ماكان ناوي عشان يضغط على وضحى توافق يحسسها بذنب يعني مقابل رافضتس العبدالرحمن هم راح يرفضوني وتاخذها العزه بالاثم وتوافق مجبره او يمكن المقصوده شعاع ومن حب وضحى الشعاع ومهاب توافق خوف من ان رفضها ياثر عليهم وترفض شعاع مهاب مثل مارفضت وضحى عبدالرحمن اتوقع قرب خليفه من جميله راح يربطه فيها عاطفين وخاصه انه متاكد وواثق من شفائها بالاضافه الى العلاج الجديد اللي راح تاخذه طبعن بعد الله سبحانه كسرت خاطري يوم زوعت بوجود خليفه موقف في غاية الاحرج شخص جديد عليها وماعمره شاف حالتها ويكون معه الشي هذا بالاضافه الى تقرف خليفه من الموضوع دفاع جميله عن خليفه بحضور خليفه وكساب بيخلي خليفه يحط كم تسائل عن السبب ويمكن منها يعرف سبب رفضها الولد خالتها وموافقتها عليه وهي ماتعرف منه الا اسمه اعجبني وبشكل كبير الاحترام والعلاقه العميقه بين زايد ومنصور تصدقين نفوسه عرفتي تاصفين الموقف بعمق شديد كثير من الاخوان يحبون بعض ومايقدرون يفترقون عن بعض مهما تباعدو في وجهات النظر تصدقين فيه كثير من الاخوان مايصبرون عن بعض وهم اذا شاف واحد منهم الثاني ماينفض مجلسهم الا بهوشه مهيب هين الموضوع على مزون اكيد ان نفور اخوها وحبيبها وابوها الثاني منها راح يقصم ظهرها مزون المدلاله من الكل وخاصه كساب تفقد الدلله اربع سنوات جفا صعبه خاصه ان مافيه تقدم ولو بسيط في العلاقه افضل حل المزون انها تحاول تتجاهل كساب وتعده مش موجود ولا بتتعب اكثر مع اني اشك انها تقدر صعب صعب ان الام فجئه تكتشف صمم مولودها ربي يعوض كل ام يارب ويعينها فعلن مثل حالة تميم تحتاج معامله خاصه مايحسس انه ناقص بس يكون له معامله خاصه وسبحان الله ربي اذا اخذ شي عوضه مثل تميم و ابداعه في الحاسوب ربي يوفقتس ام سعود ويلبستس لباس الصحه والعافيه تشكرين الف شكر على الانضباط وعلى روعة البارتات والجمال بقولتس شي ام سعود على انتس تعطينا في بداية البارت ملخص عن ماهو موجود في البارت الجديد وهذا يمكن يقلل من قيمة البارت الا انه مع نفوسه يزيده روعه وجمال مانحس ابد انا قرينا مقدمه عن ملخص القصه ماشاالله عليتس مبدعه دايم |
هلا وغلا بالغاليه
الف الف مبروك على التميز وعلى التثبيت والله تستاهلين يا انفاس قلبي يعطيك الف الف عافيه ولي عودة بتعليق اخر لاني ما خلصت قراءة البارتات الي طافتني بصراحه اعطيتي المنتدى رونق وحيويه جميله اختك ام كاايد |
مبروك لتميز أنك ميزتيه ... مدري منو أبارك له أكثر بس الأكيد أبارك لنا كلنا تميزك ... و الله يوفقج يا الغالية و بأذن الله توصلين بقصتك للقمه .. متابعه و استمتع بكل ما تخطينه .. و لي عوده بأذن الله لتعليق على بعض شخوص القصه الذين ألفتهم .. |
|
السلام عليكم ورحمة الله وبركاته
ماتشوفين شر يالغالية وافحصي الحديد أخاف ناقص عندس <-- وحده تعاني منه والله ياأنفاس إني ودي كل بارت أعلق لكن ظروف الحمل والله يهون على كل حامل ويرزق كل محرومه ألف مبروك لقب القاص ولوهي متأخره ومبروك التميز وأنتي تستاهلينه بجداره وامتياز ماشاء الله لاقوة إلا بالله نجي على أحداث قصتنا وكل مالنا نتعمق في الشخصيات أكثر ونشوفها بكذا وجه وهذا ميزه ميزت قلمس الممتع أبدي بوضع خليفه وجميله مبين على خليفة أجودي والله يصخره لجميلة وبيقدر على تغيير حالتها ومن شخصيته بيتحمل تقلب وضعها ونفسيتها للأسوء على حسب كلام الدكتوره ... كساب على كل هيبته وثقله وصورته الخارجية لكن وضعة ماعجبني وكلامه اللي قطه على خليفه وجميلة مو وقته أبدا وحده مريضه جبت أمها ماقصرت بس لسانك ذا الفالت يبي له قص مو كلن مثل مزون يسمع ويسكت هذي جميلة وهي مريضة العنش لوها صاحية !! زايد قطع قلبي والله على شفقته على علي ماينلام واللي صار بزواج جميلة كله ماسوى إلا الواجب وبيض الله وجهه وعلي مسيره الليالي تنسيه ويلقى له اللي تسعده وأعتقد حالة الحب اللي كان عايشها وهم هو حط نفسه فيه ! مزون الله يعيينها على قول المثل لاجات تعرس عيا أبوها يوم جات تطير واجهت ذاللبنانيه اللي فعلا ماجملت الصورة في عين مزون عطتها الوضع كامل وأتمنى مزون تطير مره وحده ونخلص من موضوع ذالطيران وأتوقع يتزوجها مهاب مدري أحس ذاللي محق عليها بيعود يآخذها وظني مع نفوسة الخطه بتكون محبوكه << واثقة ههههه كاسره وروحة فيلاجيو حلو روح الجمعه بين البنات وسكوتها في الرجعه يمكن تذكرت شيء .... ورايي انها بتآخذ كساب وبتمشي مركبهم إن شاءالله منصور صراحه ماتوقعته كذا ملهووووف على الجنس الناعم وكلامه لعفرا ولو ماعرفها يبين نوعية الرجال اللي قلبه أخضر ههههه وأنا مع الراي اللي يقول بيآخذ عفرا لأنها المناسبه له من كل النواحي وعجبني حبه ومداراته لفهد وعلاقتهم أكبر من ماهي عمل سميرة لبى قلب هالبنت عسل وجعل فهيدان مايآخذ غيرها كيفكم ولد عم يآخذ بنت عمه ههههه وضحى على ضعف شخصيتها وأقرب مالها المسالمه هي صدقت كلن له شخصيته بس هي من بغضها لسيطرة كاسرة أألفت الشخصية العكسية لها وضحت سالفة خطبة عبدالرحمن وهو رايته بيضاء هو باغيها من أول وأتمنى توافق وتخلصنا نشوف من الدور عليه عقب ... مهاب شكلك بترد من شعاع أو جوزا ! مزنه وذكرى تميم في صغرته موجعه الصده والله يعين كل أم عندها ولد أو بنت عندهم إعاقة لأن دورهم مو بس الصبر على مرضهم لآ لهم دور بحث هممهم ودفعهم للتأقلم مع إعاقتهم والتحول لوضع أفضل وهذا كلام مو سهل فسبحان الله كل شيء يبي له صبر وكل شيء بأجره ... وتسلمين ياقلبي على كل ماخطت يمينس والله يبلغس بوليدس ويسخر لس أبوه ويوفقس في الدارين إن شاء الله |
دخلتي اليوم مخصوص عشان أبلة إرادة والنبع الصافي الله يهون عليها حملها ويرزقها المولود الصالح أنا داخلة أدافع عن المسكين الضعيف كساب اللي كلتوه بقشوره <== مع إنه الأخ لسانه يلوط أذانه وما يحتاج حد يرد عنه... بس ما يضر نبين وجهة نظرنا الصائبة على الدوام خخخخخخخخخ المهم أنا كساب ما أشوفه غلط على جميلوه شينة الحلايا... حاسة إنه استفزازه كله عشان خليفة... وما ألومه تخيلوا أخوه كان على وشك يتزوج.. يطلع خليفوه ويخرب السالفة يفكرها لعبة... يعني كلامه كان موجه لخليفة لكن السكنية المريضة نطت من فراشها لسانها يحكها جعلها الحكة... يمه منها هذا وهي مريضة وبتموت... زين لو سليمة وش سوت... كان علقت كساب شاورما.... وبصراحة موقف كساب لا شفت إنه يتعارض مع الرجولة ولا شيء.. بالعكس كسّاب يوزع رجولة على العالم وتزيد بعد... بس مقهور.. وقهر الرجال شين... وقال مريضة هالجميلة... إلا مرض الدلع والدلاخة... دلعتها عفور بزود وخربتها... ليتها خلت كساب يتولاها شوي ويكسر لها ضلع ويطلع بداله عشرة وه بس خلاص <== صار في معلوم إيه نفوسة مبروك التميز والتثبيت... ياعنوان التميز كله جعلني فدى عيونش الغالية.. تستاهلين هذا وأكثر ولو فيه زود تستاهلينه <== على الأقل عشانش تلزقين فيني بلفيت بنت خالتش خخخخخخخخخ |
السلاااااااام عليكم..
وعليكم السلااام ورحمة الله وبركاته>>فيس يرد على سلاام نفوووسه.. نفوووووسه هلاا وغلااا بصااحبة التمييز. تعالي اشوووف تاج التمييز على رااستس.. اللــــــــــــه حلوو مره ومااا ادري هو اللي محلي راستس والا رااستس اللي محليه ومعطيه روونق لمعاان... تستااهلينه والله.. نفووسه حلووه نجمتي عقبااال ماااا اصير برتبه لواااء عقيد جنرال من كثر النجمات اللي توافق تووقعاتي الصاادقه ..>>فيس واااثق .هع شوفي نفووسه فيها اشيااء بسيطه جذبت انتباهي اليووم من خلال الحوارات اللي بين ابطالنا او افكاارهم.. اوول شي اثاار انتبااهي.. رفض منصوور على الموافقه لفهد على الدووره .. وعلى طووووووول فهد شكله عاارف ان هذا بتأثير من ابووه وصالح.. وربط خوفهم من هالدووره بموت عبدالله. فهل عبدالله كانت وفااته بحادث تدريب مظليين؟؟؟ وثااني شي لفت انتبااهي منصوور وشووووقه للدلع من العنصر النسااائي.. تدرين عاد حتى لو قالها على سبيل المزح لعفرا يمكن هو في اعماااااق اعمااقه فاقد لانثى بحياته ويبي هالحرمه اللي لها مواصفات خاصه بس للحين ماجاء وقتها.. بالاول كنت اقوول اني ابيه لعفرااا ..وبعد مووقفه اليوم اتمنى فعلااا انه يكون لهااا ويتزوجها.. يااختي عفرااا عانت بحياتها واصلااا هي ماعاشت حيااتها برااحه ليتها ترتاح مع منصوور وهو يلقى راحته معها.. مع اني بعد تخيلت شكله مع كاااسره ومااكان وجوودهم جنب بعض ابداااا شين حبيت توااجدهم مع بعض بعد. فهل ممكن يتزوج منصوور ويجمع بين عفراا وكاااسره؟؟ههههههههاااااااي .. سميره وموقفها من فهد.. وخصووصا لما شاافته وصاارت تقوووووووول فاااسخ فااااااااااسخ.. وش تعني بهالكلام.؟؟.فااسخ يعني ممكن يسووي لها فضيحه ولاا يهمه المكان .. والا فااسخ انه قليل ادب وسبق كان لها موااقف عارفه عنها من زماان الطفووله والمرااهقه؟؟؟ المهم فهد ماا ابيه يااخذ سمووره.. لان زوج سمووره موجود خلااااص بس الحين هو في فرنسا الله يرده بالسلاامه>فيس رومانسي مصمم.. ووضحى وكلامها عن منصوور وكميه الاعجااب القوويه فيه..ماا ادري كيف سكتت عنها كااسره اللي تعتبر نفسها حامي لاختها؟؟ يعني لهالدرجه الموضوع اللي هي تفكر فيه شااغلها حتى عن الكلام مع اختها وتوجيهها بهالخصوص ؟؟ وخصووصاا انها تخاف على اختها من النت شلون الحين تسكت وهي تشووفها مسحووره بشخصيه منصور؟؟ موقف كسااب وجميله: تبين الصدق نفووووسه زعلني كساابي مرره منه اليووم وهي يتكلم على خليفه بتعالي.. واعجبني خليفه مرره وهوو محافظ على هدووئه وكان قمة بالاحترام مع كسااب .. واعجبني بعد لانه مقدر موقف كسااب منه وانه فازع لاخووه يعني لقى له اعذاار عشاان هاللقااء اللي كله تهكم واستهزااء من كساب بخليفه... بس اللي فعلاا صدمني كلام كسااب عن جميله وانه يتمنى ان خليفه يقومها بكف ويرقدها بكف.. البنت بين الحياة والمووت وهو عاارف هالشي ومع هذااا تمر هالافكاار الطفووليه برااسه صدمني صرااحه كساااااب.. وبعدين كلاامه صرااحه كأنه موو كلام اطفال بهالامنياات لااا والله كلامه كأنه كلام حريم وحاقدات بعد.؟؟ يعني لوو انه مزوون اللي بوضع جميله وعرف ان احد تمنى هالشي لهاااا كان بيدفن اللي تمنى هالشي بالحياا حتى لو هو زعلان من اخته.. مووقفه من جميله مااا عجبني.. جاااي عشان يحقرها ويحقر زوجها باسلوووب طفوولي مممره.. والله صدمني كسوووبي اليووم.. حتى مزوون اللي هي مزوون اللي علي يسوى عيونها مااتمنت هالشي لجميله ..تجي انت ياا الرجال وتمنى كذااااا؟؟ تدري عاد انت بينك وبين جميله شي وللحين مب بااين لنا..شي بالخفااااااااااااء ومحد يعرفه الا انت وهي . وهالشي هو اللي مسبب هالحقد بينكم.. اللي بينكم مب شي طبيعي اللي بينكم شي مدفوون وانتم تتحااوروون حواليه بشكل مبهم؟؟؟ وهالشي مب تووه جديد بينكم هالشي من زمااااااااااااااااان... خليفه.. صرااحه انك رجااااااااااال ونعم فيك وقلت ان جميله بيدين امينه.. بس اليووم خلاص ختمت على هالشي.. ورحمتك وانت متبهذل بالبنت وماتعرف تتصرف معها . وهالشي رااجع لخلفيتك العاائليه اللي خاليه من العنصر الانثوووي.. بس سؤال بعدين لما تطيب جميله وتتشاافى هل بيكون لهاا وزن في بيت عمها وتكون مسؤوله عنه من اووله لاخره؟؟؟ وحسيتك طيب مرررررررره لما قلت لعفرا وهي تقوولك انهم مخربينها بالدلال.. خلها تدلل تستاهل الدلال.. واحس انك بتكون طرف من اطرااف الدلال بس مب الحين لين ربي يعاافيها بتغرقها بدلالك لها اللي بيكون طعمه غير عن دلال امها وعمها زايد.. وضحى اووول مره احس ان لتس رده فعل على شخصيتس .. ردة هالفعل الصرااحه اعجبتني جدااا جدااا جدااااا... عجبتيني وانتي تداافعين عن حقتس بشخصيه خااصه..بس اهم شي يكون هذاااا هو فعلا اعتقاادتس مو تقوولين كذااا عشان تسكتين الناس.. تدرين وضحى كلامتس عن منصوور وكميه الاعجااب القوويه فيه..ماا ادري كيف سكتت عنها كااسره اللي تعتبر نفسها حامي لتس؟؟ يعني لهالدرجه الموضوع اللي هي تفكر فيه شااغلها حتى عن الكلام معتس وتوجيهتس بهالخصوص ؟؟ وخصووصاا انها تخاف عليتس من النت شلون الحين تسكت وهي تشووفتس مسحووره بشخصيه منصور؟؟ والاعجب انتي كيف تقوولين كل هالكلام وانتي عاارفه طبيعه شخصيتها وان هالكلام مااراح يعجبها..؟؟ الا اذااا انتي شااكه بشي وحبيتي تتأكدين منه؟؟؟ تميم ومزنه : حياااتي ياا مزنه والله رحمتها بقوووه وهي مصدوومه بولدها ووضعه.. بس حبيت تعاملها معه.. مع تميم اعطي مزنه 10 من 10.. مسوويه له قيمه بالبيت ومسووويه له واجبات ومهمات.. حبيت اسلووبها معه .. وبااقي بس توافق على زواجه من اللي هوو يبي... مهاب وخطبته من حمني... للحين ماصاار شي وللحين ماااااا تمت المواافقه عليه... يعني للحين فيه امل ان مهاب لمزوون>>فيس متمسك بهالامل بأستماته... هخهخهخه لحظه .. اممممم مهاب من هو يبي شعاع والا جوزاء؟؟؟؟؟ اتووقع شعاع؟؟ اذاا شعاع يمكن توافق على طوووووووول.. مع اني ماا اتمنى الا انها تكون لعلي.. اما اذاا كانت جوزاااء.. وهالشي طبعا مستبعد. فاتوقع لو كانت هي المخطوووبه بترفض مب لانه مب عااجبها ولكن يمكن حتى تثأر لاخوها عبدالرحمن اللي كل شووي متقدم لكااسره وهي راادته...؟؟ مشكووره نفوووسه على هالبارت الحلووو. تدرين اني نزلت اووول رد على حركة كاسره وهي منزله رااسها على طوول من قريتها ..كنت تووني جاايه من الجاامعه وداااااااايخه.. ونزلت هالرد لاني خفت انسى هالتووقع..هخهخهخهخهخه وقلت لين قمت ان شااء الله رديت على الجزء.. بس لااا اللي نمت ولا اللي رديت بدري..>>فيس يتثااوب الحين..هع ايه صــــــــــــــــــــح نسيت شي .. المطعم اللي فيه مهاب وحمني هو نفس المطلعم اللي راايح له منصووره ومزون؟؟؟؟؟؟ والله يقووم بنتي النوفي بالسلاامه يااارب ويفرحنا بعافيتها .. والله يسهل على كل المسلمات ويرزقهن ربي بالذريه الصالحه.. بانتظار الباارت القاادم بكل شوووووووووق اذاا الله احيانا فكووني على الموعد.. >>فيس يقول مالقيتي الا تووصين الا نفوووسه..هع |
مسااء الخير جميعااا .... بجد أثبت لنا ليلاس أنه جدير بالإنتساب له .. مبارك عليك أنفاس أوسمة التميز والعطاء .. ومن قلب أقولها أستحققتها وعن جدارة .. لفتني فالبارت همهمة كاسرة عن منصور اللتي أوحيت لنابتعليقك عنها عن خباياا وأمور قادمه ولاشك .. فهل هو الفارس المغوار الذي تنتظره الكاسررة .... أتمنى فعلا ؛؛ وأضحكني للغاية موقف عفراء منه .. بحق لا يمتلك أحد مثل هذه الروعة فالوصف وإشعار القاريء أنه في قلب الموقف إلا قلم أنفاس وخيالهاالعذب .... لدي شعور قوي أن علي وجميلة قصة لم تنتهي بعد .. وإنما مايمرون به ماهو إلا مرحلة أنتقالية .. كساب << عقدة يصعب حلها .. أرهقني تحليلاً .. ولكن ما ال لديه الكثير لننظر إليه ونتأمل برهبة .. زايد وعلي .. للآن وربك أستشعر كلمة التوجع حينما خرجت من أعماقهما تأكدي أيتها الأنفاس العذبة .. أنني في تمام الساعة الخامسة والنصف أكون هنا أنتظرك بكل شوق ومحبة وتقدير .. اسأل الله العلي العظيم لي ولكن التوفيق والسداد والحياة الهانئة فالدارين ... بكل الود تقبلي إمتناني لحرفك |
♪♪♪ لقـآء عفرآء بـ جميلة جدآ مؤثر .. آعتقد آن خليفة حس بالذنب .. لآنه لو لم يتدخل كآنت عفرآء مع بنتهـآ آكيد .. كسآب تصرفه مآ يعجبني .. صحيح آن حضوره طآغي مثل مآ قلتي وحسسينآ كلنآ بهالشي .. بس شخصيته مآ تعطيه الحق يكلم جميلة المريضة بـ هالآسلوب .. طيب قلنـآ مريضة ولآزم يكونون معهـآ حآزمين .. بس مهوب كذآ .. في بآرت اليوم حسسيته قآسي متعجرف شويتين .. آن كآن في تعآمله مع خليفة آو جميلة .. علآقة كسآب وجميلة غريبة .. آحس بينهم حقد .. هو يحب يستفزهآ .. وهي بسرعه تنثآر و تعصب .. غريبين جدآ .. بس مردنآ نعرف ليه هم كذآ ^^ .. آعجبني لقآء السكرتيرة مع مزون .. علششآن تحط في بآلهـآ وش ممكن يصير معهـآ بيوم لا قدر الله .. وتعرف آن آصرآرهـآ على هالدرآسسة .. ممكن يجيب لهآ المشآكل .. وآن كسآب وعلي ومنصور مآ عآرضوآ الآ لمصلحتهـآ آكيد .. آنآ معآرضة فكرة درآسستهـآ كليآ من البدآية .. آذآ المتفتحة الفري هذآ رآيهـآ .. كيف بالنآس الملتزمين ..! حوآر زآيد ومنصور .. كآن آخوي ودآفي بـ معنى الكلللمة .. وخصـوصآ كلمة منصور ( بنتي ) آعجبتني مثل مآ آعجبت الغآلبية =) .. كآسرة و الآثنين اللي لآحقووهم .. توقعت منهـآ بصرآحة تروح وتبهدلهم قدآم النآس .. بس الحمدلله عدت على خير .. ههههههههههه سميرة شكلهآ مجربة فهد في موقف قريب من موقف اليوم .. اللي خآفت يششوفهـآ ويسوي لهآ فضيحة .. حركة كآسرة وهي تسند رآسهـآ مثل مآ قآلوآ البنآت .. تدل على آنهـآ تفكر في شي .. مآ آعطت لـ منصور آي آهتمآم .. هذآ آوحى لي آنهـآ مو آول مرة تشوفه .. آو تعرفه من قبل آو آو .. توقغآت كثيرة دخلت في بعضهـآ ..!! وآضح آن آهل فهد .. متآثرين من وفآة عبدالله كثيـر .. من كثر خوووفهم على فهد .. يمكن حسيت من كلآم منصور معه في البآرت المآضي آنه متهور ششوي .. لكن مو معنآهـآ يخآفون عليه كذآ .. مهوب صغيـر هو ..! دمعت عيوني لـ موقف مزنه لمآ عرفت آن ولدهـآ مآ يسمع .. من جد آحسآس صعب ومؤلم .. تميم حنون مع آمه بشكل كبير .. علآقة منصور بـ مزون حلوه مره .. ومكآلمة عفرآء كآنت طريفة بششكل ^_^ .. هههههههههههههههههههه تخيلت آشكآلهم هي متوترة وتحسب مزون فيهـآ شي .. وهو مستغرب يقول وش فيهآ ذي ..! الموقف اللي قفلتي عليه .. آبدن غير متوقع .. مفآجئ مفآجئ بـ معنى الكللمة .. ~ آنفآس .. يعطيك العآفيه يآرب .. والله يقوووويك .. نوووفي .. الله يسهل عليك وتقوومين بالسلآمة يآرب =) .. ♪♪♪ |
بسم الله الرحمن الرحيم
انفاس شلونج والله يتمم عليج محبة خلقه ..فيس رافع ايده يدعي بالنسبة لبارت اليوم روعة جميلة ماخذتها الحمية على ولد عمها وانا اوقف معاها بكل كلمة قالتها..كساب البنت تزوجت فماله داعي تغلس معها بالكلام..علي لو اني بالشخصيات كان حبيتك واخترتك فديت طيبة قلبك انفاس لازم اعرف ليش عبدالله كان يعامل جوزا بهطريقة لازم اعرف السر وضحى الزواج الثاني بالرواية ان شاء الله اتمنى كاسرة ماتنكسر تميم انتظر جزء خاص فيه بفارغ الصبر .. تقبلي مروري |
السلام عليكم ورحمة الله وبركاته
كلما التهمنا أحرفكِ المميزة...كلما زدنا نهماً وجوعاً للمزيد....كلما لمسنا مشاعركِ المختلفة...كلما تقنا وتشوقنا للإحساس بالمزيد...كلما وجدنا ردودكِ المحببة...كلما بحثنا عن أطهر الكلمات لتسطير إعجابنا وحبنا لكِ...جبرانتي...أشكركَ فعلاً ومن كل قلبي...على تطويقنا بعقد الشرف لقراءة ما تخطين....على تتويجنا كنبضات قلبكِ الكبير...على ثرثرتكِ التي تلمس شغاف قلوبنا وأطراف أرواحنا....على وجودكِ معنا نأتي لمنصور ومواقفه: ولنبدأ بكاسرة ومنصور:هههه...(ماشي حاله)...أهكذا هو بنظرها فعلاً؟؟...أهي بدعة جديدة بتقييم الجنس الآخر؟؟..ألم يرق لها ؟؟...ألم يعجبها ؟؟..أم أنه لم يستطع منافستها على عرش الجمال المجهول حتى الآن؟؟؟...أرأته أم أنها لم تراه جيداً؟؟...ما لفتني هو أنها لم توبخ وضحى على كلام الإعجاب به..كون تصرف وضحى تصرف مرهقة محضة بالنسبة لكاسرة..ولكنها لم تكن معهم بعقلها..وانتقالاً لمزون ومنصور وعفراء:علاقة محببة إلى قلبي...لان من أجمل العلاقات الإنسانية هي علاقة الأعمام أو الأخوال بأبناء الأخ أو الأخت...فيها يجد الشخص الملاذ بعد أهله..يرى العزوة والفخر بانتسابه لهم....يرى الصدق والحب والحنان...وهكذا كانت علاقة مزون بكل من منصور من جهة وعفراء من جهة أخرى...أتدرين جبرانتي ؟؟..أكثر ما أبحث عنه بين جملك المنمقة تلك الجمل التي تفيض احتراماً وتقديراً ومودة...كالتسمية بالأب...مثل بنت محمد....لا أدري لماذا تثيرني تلك الجمل؟...ويخفق قلبي لرؤيتها؟...أرى فيها كماً هائلاً من الاحترام والإنسانية...فحين ُتلفظ لا تعني تجاهل الشخص وانتسابه لشخص آخر..بل تعني الرفعة والشرف لانتسابه له..تعني ذكر الخيمة التي تحتمي بظلها دائماً وأبداً ..تعجبني..وأتمنى لو أننا نقولها بمجتمعنا وببلادنا...فمنذ صغري أتمنى أن ُأنادى باسم أبي وباسم عائلتي...ليس باسمي فقط...وعندما نادى منصور عفراء ببنت محمد بتلك الطريقة الرسمية المحترمة...خفق قلبي مرة ثانية ولكن ليس للجملة فقط بل للمشاعر التي رصفتها بعقلي لهذين الاثنين..فمنذ حادثة الماضي وهما اسمان يتعلقان مع بعضهما البعض في عقلي..ويكادان لا ينفصلان أبداً...ورغم موقف منصور بكاسرة والذي لم يكتمل بعد..إلا أنني أرى من الطبيعي جداً الانجذاب لكل شيء جميل...الله جميل ويحب الجمال...وهكذا انجذبت كاسرة لمنصور...كما أعتقد...رغم تيقني بان ما في جعبتك الكثير الكثير...ولم تخرجي ما في عباب أفكارك إلا القليل القليل... نمر قليلاً بعلاقة زايد ومنصور...علاقة أخوة ترفرف بأجنحة الحب المخفي تحت ريش الاحترام..وتطير محلقة في سماء العناد في ليلة صافية من نجوم وسحب المشاكل...علاقة تفوق كل الوصف والكلام... لقد لخصت علاقتهما بجملة..جملة اخترقت كل دفاعاتنا ضد التأثر...فمنصور وزايد ..شخصيتان سيكون لهما الدور الكبير والمواقف الأكبر..مع بعضهما في إطار الأخوة...وكلٌ بعيد عن الآخر بصورة نفسه...ونحن بانتظار ما ُأغفل من الماضي لموقف منصور مع زايد بموضوع مزون...ونهايةً بمنصور وفهد...غريبة تلك العلاقة التي تنشاً بين المعلم والطالب...ففي قلب كل طالب احترامً وحباً كبيرين...وفي قلب المعلم تضحيةً ووفاءً طبيعيين..تتجذر تلك العلاقة فينا ونظل على مرور السنين نسقيها من شغفنا واحترامنا...أما هي فتظل تنبت في ظل وجوده ودعمه...فما أعظم المعلم..مهما كان علمه والمعلومات التي يلقنها..فمنصور بالنهاية معلم..ونعم المعلم الذي يحصل على احترام ومحبة طلابه كفهد تميم ومزنة:في كل يوم يمضي ونتعرف على علاقة مزنة بأولادها...تكبر بعيني وتتعمق في أقصى أعماق قلبي..فهي الأم والأخت والبنت...التي بقيت على مدى السنين..مضحية ...قريبة ..عظيمة...وتحملت ظروفها وليالي السهر..وتحاملت على تجرع العلقم من القدر... ثم بقيت صامدة قوية أبية...وكدموع مزنة لمعرفة أن ابنها لن يسمع صوتها ..الذي يجب أن يكون أول نغم يرنو إلى أذني صغيرها..أول لحن يعزف على نسيم أنفاسها القريبة من ولدها...هطلت دموعي لا على الإعاقة بل على تحدي تلك الإعاقة من قبل تميم ومزنة..فكانت كالجبل الذي يحمي تل بظله..يعلمه كيف يصبح عظيم و شامخ... وتُحمل تلك الدروس على أجنحة الهواء لتصل إلى شجيرات روح ذاك التل قبل أذن أرضه...فيتعلم الدروس ويصبح عظيماً لا بعلوه وارتفاعه..بل بروحه وجماله الجوهري خليفة وجميلة: صعبة هي الحياة مع شخص مريض...فرؤيته يتعذب تحرق القلوب..وتشعل الدموع ...وتلون الحياة بالكفن الأسود...فكيف بشخص مريض ومحتاج بنفس الوقت..فجميلة ليست مريضة جسدياً فقط..بل ومريضة روحياً..هي تحتاج حنو الأب الغائب..وحنان الأم الكلي...وحب الزوج المستحيل...ما يشعر به خليفة نحو جميلة ..يذكرنا بمشاعر موضي لحمد..ورغم وجع وقسوة تلك المشاعر على كلا الطرفين...إلا أنني أتعزى بتلك المشاعر..وأتخيل لو أن خليفة ترك جميلة فلن يكون نادماً أبداً كما كانت موضي...دفاع جميلة عنه لم يصدر عنها لخليفة بل صدر عنها لكساب...وتساؤل خليفة يثبت لنا انه ذكي محنك ..فهو لم يفته حرارة نيران غضبها وحمم بركان تفجرها..بوجه كساب..كما فعلت بذكرى المطعم..فلم هذا العدوان لكساب.ألانه كساب؟؟؟..أم لأنه أخ علي؟؟؟..أم لأنه ابن آخر لامها؟؟؟..أم لأنه يشعرها بأنها عالة عليهم؟؟؟..والجواب يبقى عليكِ جبرانتي عبد الرحمن ومهاب:نأتي إلى القفلة..وبها اختتم توقعاتي...خطبة عبد الرحمن لضحى كأخت لمهاب تستقي من صفاته وأخلاقه الكثير..خطأ...و إن رأى كاسرة فعلاً وُصدم من الرفض فحول إلى أختها..فهو خطأ أكبر من الأول...وإن كانت خطبته مجرد التقرب من مهاب..فهو الخطأ بعينه...وأتمنى أن يكون سبب عبد الرحمن الرئيسي هو وضحى..وضحى وحدها ولا احد غيرها جبرانتي..أعتذر عن التقصير ولكن أوقاتي لا تسمح لي بقراءة الأجزاء إلا متأخراً..ولكن أسبب صداعك هو ثرثرتنا اليومية؟؟<<<<بعد ما ثرثرت وخلصت ههههه.. أدعو الله أن يحفظ ابنكِ ويطول بعمر اهلكِ..ويحفظ كل عزيز على قلبكِ.. ويوفقكِ...آمين يا رب العالمين هذه جرعة اليوم ..وللخميس الملتقى إن شاء الله دمتِ بحفظٍ من المولى...أختك الصغيرة ..نور الوجود |
الف الف الف مبرووووك اختي انفاس على التثبيت
تستاهلين كل التقدير يا عمري والف لا باس عليك وان شالله ما تشوفين شر دائما وابدا سوف تظل حروفك لنامصدراً للبحث والاستنباط والتحليل اعتقد من كثر التوقعات صار القارئ لديه فضول كبير لمجريات القصه << وانا اول وحده بس مستمتعه برواق جدا دخول سريع كالعاده ولي رجعه بأذن الله ولا يفوتني ادعوا لاختي الغاليه النوفي ويرزقها الذريه الصالحه اختك ريم الحجر |
تسلمين لنا يامبدعــــــــة بارت يحمل لنا كثير من المشاعـــــــــــــــــر عفراء وبنتها جميلة ..... ياليت تخلي بنتها عشان تقوم لها بالسلامة وتتحسن حالتها بس أحس انها مابتتقبل خليفة بعد ماتتشافى مدري ليه مزون وعمها منصور ....... أكيد بيفاتحها عمها بخصوص عملها او يصير شيء بينهم مهاب ... من ناوي يخطب الله اعلم غريبة منه هذي المبادرة والله يرزق ويعطي (خوالي عمامي ) وكل محروم الذرية الصالحة البارهـ يارب |
سلام الله عليكي انفاسنا الحبيبه
مبرووووووووووك التميز فانتي للتميز عنوان صراحه انفاس احترت وماعدت قادره اتتبع خطواتك دائما تخاليفين كل التوقعات زواج مهاب من شعاع عن جد صدمه احس شخصياتهم ماتركب مع بعض سر تقدم عبدالرحمن لوضحه فهل فعلا كل مايرده هو القرب من صديقه كاسره شخصيته تزداد روعه مع كل بارت منصور احس ماتصلحله الاكاسره وعفراء رائعه بس شبح خليفه هيظل يطارد منصور كساب ههههههههههه موت ضحك وهوا بيدعي ان خليفه يصبحها ويمسيها بطراق مجرم عن جد مااعرف لو دري ان رفض جميله لعلي كان هوا احد اسبابه وش راح يسوي سلمت يداكي انفاسنا ربي يحفظك غاليتي |
مسا الخير نفوسه
مبروك التثبيت يستاهله ابداعك صراحه كان نفسي ارد على كل البارتات اللي طافت وانتي في مولودتك الثالثه جعلتينا نتوقع الغيرمتوقع وانابعد هالبارت ربطت ثنائيات بشخصيات متناقضه احس من علاقة فهد بمنصور وتعلقه الشديد به انه يتقدم لمزون ليوطدعلاقته بمنصور وعلي بشخصية الغامضه اتوقع بعودته بشي غير متوقع وهو ارتباطه بنقيضه في الشخصيه اللي هي سميره ووضحى اتوقع عدم موافقتها على عبدالرحمن واتوقع بتاخذ شخص ...................... مجنن بنااااات ليلاس وكل المتابعات واللي هو &كـــــســـــاب& ومن رد كاسره على وضحى برايها في منصور اتوقع انه هو الفارس اللي منتظرته كاسره وهدوءهايخفي ثوران مشاعرها تجاه معذب قلبها (العقيد) وجميله دواها ان امها ترجع الدوحه لانها مع خليفه راح تستحي منه وحياها بيجبرها تاكل وشربها للحليب مع انها زاعته واكلها للقمتين هذا اول الغيث و(اول الغيث قطره) ولقاء زايد بعلي احسه بيكون فيه اعترافات من زايد لعلي عن حبه لمزنه وعذابه بفرقاها وانه حاس باحساس ولده وشعاع احسها بترفض و بتاخذ غانم وهاذي توقعاتي وياتصيب ياتخيب وتقبلي مروري غناتي وســــــــــلامـــ *غـــــــنــــــوجـــهـ* |
مرحبا انفاس مرحبا بكابتنتنا
ابي اقول شي تراني رديت على البارت العاشر وتفاجت انه ما نوجد <<<اكيد من صوب الجهاز الى عندي الى اعلومه اعلوم يا الحبيبه مبرووووووووووووووووووووووووووك التميز الى حضي بشرفكم انفاس قطر <<<تستاهلين وتستاهل البنوته الثالثه والله يشفي راسك <<ويشفي راسي من اوجاعه <<<شكل اهل قطر متناصرين انفاس ...عجيبه قصتش وابطالهااا منصور رده كان جامد ويتجامد <<بس ما سرع ذاب من عرفهااا يمكن تتحرك الجروح الماضيه <<<ويخطب عفراء عبدالرحمن مهلك يا ولد <<وضحي بتوافق ولا هي الخسرانه وباقي التوقعات في المطبعه <<سريه للغايه على العموم مليون عافيه لش ولكل حبايبش ولنفسيتش ولصحتش ومشكورررررررررررررررررررة على الانظباط والدقه با المواعيد <<صدق انش كابتن ورفيع المستوي وفي انتظارش غدا وكل الود يا الغلا |
قليلة هي كلمات الاعجاب والتقدير في وصف هذا الابدع تعجز الكلمات والله بس ماقول الاماشاء الله ولاحول ولا قوة الابالله توقعاتي: جميلة: كانت تحب كساب وهذا سر قبولها الزواج من خليفةورفظها لعلي والدليل ردها المفاجئ بعصبية لما تناسى كساب اسم خليفة وضحى: بتوافق على عبدالرحمن بعد ماتكلمها امهاوتقنعها كاسرة:اتوقع تتزوج كساب مع اني اشوف منصور لايق لها اكثر منصور:بيتزوج ياجوزا ياعفرى بس ماوصفتي احساسة لماكلم عفرى مادري شكان شعورة كساب :شكلة متزوج في السرحسيت من ردك على احدى الاخوات لماعلقت على انه يملك جوالين اوعنده سرفي حياته مادري وشو مهاب :اكيد اكيد بيتزوج مزون حتى لوخطب اخت عبد الرحمن احس انه بيتزوج مزون بنشوف عاد كيف بتزوجهم انفاس مع انه صعبة جدايقتنع مهاب هذا وتقبلي فائق احتراااااامي واعجاااااابي وتقدييييييري ايتها الغالية #انفااااس.قطــــــــــــر# اختك اللتي تحبك في الله عين الظبي |
الف الف الف مبروك ياقلبي على التميز وتستاهلين اكثر من كذا
اما جميه طلعت حرتها في كساب كل هذا على اسم يممه منها لو حبت خليفه وش بتسوي حلوو مزوون غيرت نفسيتها شوي مع عمهاا بس شوفتها لمهاب اتوقع يكوون فيها كلام ولو مع منصور ياربيه يانفووس اول شي قلتت خلاص منصور بياخذ كاسره والحين اقول لا بياخذ عفراء حيرتيني وبقووه بعد وضحى بعد المحادثه بينها وبين امها اتوقع توافق على منصور وخاصه بعد ماكذبت امها ... ننتظرك ياقلبي بفارغ الصبر جــ,ــ,ــودي |
السلام عليكم
البارت روعه لاكن ماأدري ليش من اوصل لجميله تجيني حالة نرفزه جميله احي انها الدافع من باب انه تحط خليفه مكان خليفه الي انحرمت منه وانه مارضت فيه الا انها تحسب فيه انه ابوها بس حركتها لحد الحين تقهرني : ( خليفه احس يستاهل ماجاه لاكنه شكله انسان بارد رحا يتأقلم مع حركات كساب ويبلعها لاكن ماأظن انه راح يطول لانه مهما كان رجال ... والرياجيل شوي ناقصين طولة البال كساب احسن شيء سواه في الروايه كلها طبعا بعد ماربى اخته وتحمله لحزنه انه ينرفزهم وماله دور فعال في هالبارت : ) عفراء ماادري او يمكن كان موجود ونسيت هي تدري ان منصور كان يحبها لاكن ماأحس حست بشيء غير الخجل من صراخها ولا حست بشعولا ثاني يعني مافيه توقع محدد لها منصور احس بعد هالمكالمه يرجع حبه من جديد لاكن يستمر هالحب ؟ ماأظن فهد والله انه رجااااااااااااااال >> أجل مره لا يعني من النوع الي يقال انه رجال بحق وحقيق على قولة اخوانا المصرين لانه ماتردد بالشغله الخطره وتحسين انه من النوع القنوع وماله بتعقديد ابد الله يوفقه مع سميره ! سميره احي ان مصيرها فهد لاكن طبعا بعد مرور مشاكل لانه بدايتها فيلاجو ولسانها مايرحم مشاء الله عليها وعاد هو على قولتها ماشي ولا عليه من أحد فـ اتوقع قريب يكون بينهم انفجار هههه زايد صدق لاقالو تقتل القتيل وتمشي بجنازته يعني ماحس بولده انه يحبها ويجي ويعذب اولده الثاني والله انه انسان يقهر يعني عقب ايش حس عقب ماانفطر قلب اولده مهاب مااأدري بس مو ماأظن ماودي انه ياخذ وحده من خوات عبد الرحمن لانه ودي يكون هو و مزون والبنات ماقصروا علقة الفكره في بالي لانه تحسين مهاب + مزون = انفجارات حاده وزلازل قويه هع بين احاسيس من طرف و وتضاهر بالقوه من الطرق الاخر عبد الرحمن هذا الشخص لايطاق على الاطلاق >> عجبتني هع احس انه ماوده اساسا بوضحه يعني فوة عين احي انه يعترف انه يحب كاسره يجي ويحب اختها يعني لاحد الحين مو مقتنعه ( تميم + علي واحد من هالشخصين بصير له شيء مو زين وعاد خفي عليهم انفاس تكفين لانهم اغلا الثنين عندي بالروايه لانهم كلهم مجروحين بقوه من اقرب شيء لهم . واساسا مزنه تقهرني >> كل العالم قاهرينها لاجد يعني بالبدايه قلت انها متناسيه تميم لاكن يوم شفت هالبرات ايقنت >> عاشوا ا اهل التعبير انه راح يصير له شيء والله يعين من احساس الام كاسره الله يعينها على شخصيتها وماتعجبني صراحه قوتهاوتحكمها الزايد على القريبنين منها وسلمتي بارت ولا اروع ودائما مبدعه بدون شك تحياتي ~ |
صباح الورد
!!!.... بسم الله الرحمن الرحيم السلام عليكم ورحمه الله وبركاته صباآآآآح الخير صباآآآآح الأشواق صباآآآآح التميز صباآآآآح الإبداع الف مبروك التميز والتثبيت للـ "بين الأمس واليوم" كيف الحال والأحوال ؟؟ والف الحمدلله على سلامتك من الصداع أعلم أني متأخرة ... ولكن اعذريني فالظروف لا تأتي دائما على ما نشتهي دمتِ بخير بأذن الله أنت ومن تحبين **** فاصل :: سبحانك اللهم وبحمدك ، أشهد أن لا إله إلا أنت أستغفرك وأتوب إليك ... **** تعليقات :: الأيام تمر بسرعة .... كسرعة الصوت مثلا أو أسرع من ذلك كسرعة الضوء .... ويا للعجب من هذا السرعة !! ويمضي الإنسان في يومه دون أن يحاسب نفسه فتذهب الأيام بغضبك وجرح للآخرين وخصامك مع آخرين .... ويالك من عجيب أيه الإنسان وتظن نفسك في دار الخلود .... عجيب أمرك !! أيجب أن يموت أو يحدث مكروه للشخص الذي بينك وبينه خصام حتى تشعر بعظم هجرانك له .... يالك من عجيب !! * كساب * أهذا الكلام ينطبق عليك يا كسّاب حيث مضت الأيام ولم تشعر بطولها وقسوتها على أبنتك مزون كما أسميتها لا أعلم لما لم تنلك نعمة النسيان فأنت قريب منها من أبنتك مزون وتراها كل يوم فهي ليس بعيده عن ناظرك حتى ينطبق عليك قاعدة " البعيد عن العين بعيد عن القلب " لما هذه القسوة لطالما كانت الأخوة رباط دموي كما احب ان أسميه مهما طال الزمان أو قصر فلا سبيل لقطع الرباط الدموي ولا يوجد للأخت بديل !! **** * نجلاء وصالح * كم كنت متوقعه في ردي السابق , أن الخلاف بين نجلاء وصالح أكثر عمقا من مجرد إن يكون بسبب أم غانم فأصبح الآن لكل واحد منها سبب خاص فيه ويرى أنه أحق من الآخر بالخصام أستكشف الأيام لنا أسباب آخرى !! **** * مزون * مزون أحقا هذا ما كنتِ تسعين له لا أعلم ما الهوس الذي أصابك وقت تقديمك للكليات.... هل يكون هذا الهوس متعلق بشي بالماضي ؟؟ أم أنها اختيار عابر من فتاه مدلله تعودت على تحقيق جميع رغبتها مزون ماذا ينتظرك في غرفة الطيارين ؟؟ هل ستقابلين غانم مثلاً ؟؟ أم مهاب ؟؟ **** * عفراء ومزنه * لطالما كانت الامومه مشاعر مقدسه وتقف حروفي عاصيه عن وصف إحساسي عند قراءة ما قلته وما شعرت به عفراء ومزنه أدام الله لكل أم أبنائها بصحة وعافيه و الله يرزق كل محروم من هذه النعمة *عفراء* عفراء أحقا ستعودين إلى قطر وهل جميله ستجعلك تعودين ؟؟ مع انه من المتوقع عودتك لا محاله ولكن كيف سوف تتقبل جميله ذلك ؟؟ * مزنه * أهـ كم أحزني شعورها من ناحية تميم ؟؟ ماذا سوف تكشف لنا الأيام من مواقف ؟؟ **** * مهاب * مهاب أحقا تريد شعاع ؟؟ هل ستوافق شعاع على طلب الزواج منها ؟؟ **** * زايد* كيف سيكون أستقبال علي لك ؟؟ ألا تظن أنك كنت في عجلة للقاء علي بعد ماحدث !! لماذا لم تدعه يصفي حساباته مع نفسه ؟؟ **** * منصور وكاسره * أحقا سيكون توقعي بزواج منصور بكاسره على أرض الواقع !! أم ظهور عفراء بحوارها مع منصور سوف يقلب هذا التوقع!! *فهد * أي طيش تعيش فيه !! **** *سميرة* هل أستطيع تسميتك فاكهة كل جزء ؟؟ لطالما كان في حياة كل شخص شخصيات تجلب لنا السعادة من أطلالتها علينا كسميرة **** ماذا تخفي لنا الأيام معك أختي أنفاس قطر؟؟ سلمت أناملك من النار بانتظارك **** أختك :: بنت أبوي أبوي بن جدي .... :flowers2: .....!!! |
تستاهلين التميز أنفاس مبدعه ورائعه
كما عودتينا باااارت رائع وسراحه قلب كل شي عندي قلب كل الشخصيات اللي ربطتها بعض مدري كاسره أحس أنها بتاخذ منصوور عقب ماكانت لكساب جميله موقفها أدهشني وحيرني الشخصيات تلخبطة عندي ههههههههههههههه يسلموو على البارت الرائع تقبلي مرووري |
بين لأمس واليوم/ الجزء الثاني عشر
السلام عليكم ورحمة الله وبركاته صباح الورد يا قلوب الورد وبتلاته صباح الود يا نغمات الود وهمساته أهلا بكم كلكم.. سواء كتبتم حرف أو اكتفيتم بنثر عطر خطواتكم الصامتة . . . منصور صاحب الجدل الأكبر في البارت الماضي أنا ما أدري ليه البعض كان حاسس إن شخصية منصور ملتبسة أو غير واضحة أو حتى متناقضة بمعنى أبسط؟؟ أبدا شخصية منصور شخصية طبيعية كأي بشري له عيوبه ومميزاته المشكلة أن البعض يتوقع أن القائد العسكري لابد أن يكون جامدا خاليا من الحنان والمرح من قال؟؟ منصور منذ أول مشهد ظهر فيه مع كساب وحتى المشهد الثاني ظهر كشخصية مرنة غير متصلبة بها حنان ومرح ولكن حين يلزم الموقف فهو يعود ليتسربل بشخصيته القيادية الصلبة بل والحادة موقفه لما رد على عفراء أنا شفته عفوي جدا لا هو يدل إنه راعي سوالف ولا غيرها الكلمة الأولى لك والثانية عليك غلطت عليه وغلط عليها.. وبعدين أنا دايما أقول ترا جرأة أبو الأربعين غير <<كبروخرف : ) يعني ترا شاب في العشرينيات مايسويها وبعدين موب من شخصية منصور إنه يترك غيره يعتذر عنه احس أنه أخطأ فاحب أنه يعتذر لعفراء بنفسه هل هناك شيء آخر في الموقف؟؟ نتركه للايام.. . . كساب وجميلة خلونا نرتب الأحداث جزئيا لأني أحس البعض ساح بدأت المشكلة بينهم قبل سنتين وعمر جميلة 17 وخلونا عفويين... أنتي عندك أخت مليانة شوي.. لما تزعلين عليها وش بتقولين لها: يا الدبة.. لكن لما تكونين راضية عليها تقولين لها ملفوفة وعودك ريان هذا بالضبط كساب.. ما قصد كل هالماساة.. فقط هو شخصيته حادة.. والموقف كان محرج له وانتبهوا إنه قال لعفراء إني باجيب لها هدية ما جا لبنت في الدوحة مثلها.. يعني كان يبي يرضيها وفعلا جابها لها.. في حينه تعرفونها... لكن خلاص الجرح في قلب جميلة انتهى المراهق فعلا حساس واتفه موقف ممكن يخلي في قلبه جرح عميق وهي بدت تحس إنها حمل عليهم موقفه كان القشة اللي قصمت ظهر البعير.. أما عن تغطية وجهها عن علي وكساب لا.. فهذا دليل إنها وقتها ما كان في خاطرها شيء على كساب فعلي قالها تغطي عني.. فهي تغطت عنه وما تغطت عن كساب لأن كساب ما قال لها فهي ظنت إن هذي رغبة علي فنفذتها لكن علي رجع وقال لها الخطأ ما يتجزأ.. إنها لازم تتغطى عن كساب بعد هذي الفكرة اللي قصدتها من البداية.. ولو كنت فشلت في توصيلها يكون الذنب ذنبي وأعتذر يا نبضات القلب ولكن هل هناك شيء آخر حدث بعد ذلك بينهما؟؟ هذا ايضا نتركه للايام... . . كاسرة ليش اسندت رأسها للزجاج وهل كانت تفكر في شيء؟؟ تعرفون في وقته؟؟ وبيكون الأمر مفاجأة لكم . . اليوم نجمتنا لأيمومسا..توقعها لتسلسل الأحداث رائع اليوم نتعرف على خليفة الذي هبط للمجلس بالبارشوت في حوار لطيف مع طرف آخر . . واليوم هو يوم الحوارات العميقة الشفافة كساب مع عفراء في حوار موجع شفاف وكثيف مزنة مع وضحى في حوار يكشف لكم كثيرا من الخفايا . شخصية تظهر.. وشخصية أخرى على وشك الظهور في حوار شفاف آخر يثير التساؤلات.. حوار بين أم صالح والشخصية التي ستظهر اليوم . . ثم نختم بقفلة أتوقع أنكم توقعتموها ولكن أريد منكم توقع ما بعدها ولن أتكلم أكثر!! . . إليكم الجزء الثاني عشر . قراءة ممتعة مقدما . . لا حول ولا قوة إلا بالله . . بين الأمس واليوم/ الجزء الثاني عشر قبل عدة أيام من الأحداث الأخيرة "إذا انت تبي قربي.. أظني عندي أخت غير كاسرة وأحسن منها" عبدالرحمن بدهشة: وضحى؟؟ مهاب بهدوء: إيه وضحى.. حينها ابتسم عبدالرحمن: أنت عارف إنه أمنيتي إنك تصير خال عيالي و إنت داري اني خطبت وضحى قبل كم سنة وقبل ما أخطب كاسرة حتى لأني بصراحة كنت شايف إنه طبابع وضحى أنسب لشخصيتي مهاب يبتسم ويكمل: وأنا شجعتك.. وقلت نعم من اخترت عبدالرحمن أكمل الحديث بابتسامة مشابهة: وانا كلمت خالتي أم امهاب دايركت.. وخطبت منها وضحى عشان أشوف رأيها قبل أقول لأمي وأبي يخطبون رسمي بس هي ما رضت وقالت لي صغيرة فقلت يمكن خالتي أم امهاب شايفتني كبير على وضحى عشان كذا ما رجعت فتحت موضوعها والخطبة كلها لكاسرة لأني كنت مصر إنك تصير أنت خال عيالي إن شاء الله مهاب بهدوء حازم: أمي مارضت لأنها كانت تبي وضحى تخلص جامعتها أول.. وخلاص وضحى الحين على وشك تخرج ولا تظن إني أرخص أختي يوم أسوي كذا.. وضحى جنة ربي.. وياحظ اللي بيضويها وأنا ما أبيها تروح عليك.. وأنت عارف إني نصحتك أكثر من مرة إن كاسرة ما تنفعك عبدالرحمن بابتسامة: يالله يدي على كتفك.. ودي تزوجني اليوم قبل بكرة دائما كان مهاب هو الهدف استثنائية وعميقة ومتجذرة الصداقة التي جمعت بينهما أراد أن يتقرب من مهاب أكثر وأكثر.. صديقا وخالا لأولاده لذا حاول أن يتقرب بداية من مدللة مهاب المفضلة ولكن لم تتيسر له الخطبة.. فقرر تحويلها لكاسرة هكذا ببساطة!!.. رغم تعارض هذه الأفكار مع شخصية عبدالرحمن العميقة المنطقية ولكن من أجل مهاب تتأجل كل قوانين المنطق!! ورغم كثرة ما نهاه مهاب عن خطبة كاسرة كان هو يصر.. أصبح يؤمن أن هذه الكاسرة الحسناء بها اعوجاج ما وربما كان هو بصبره وهدوءه من يستطيع إصلاح هذا الاعوجاج أو حتى ستره وتغطيته والصبر عليه حتى لا يعاني مهاب الذي يقوم بدور والد لهم مع زوج قد يهينها أو يرجعها لهم مطلقة من أجل مهاب كان مستعدا للمضي حتى آخر الدرب واختيار الطريق الأصعب!! ولكن بما أن الطريق السهل هاهو يتيسر له الشابة الصغيرة الرقيقة التي كانت هي المقصودة بالخطبة منذ البداية الأقرب من قلب مهاب فلماذا يضيع الفرصة؟؟ وليكن اعوجاج كاسرة على نفسها؟؟ "ولكن هل يا ترى فكر مهاب مثله وهو يقرر أن يناسبه؟ أو كان برأسه موال آخر؟! " ************************************ عفراء مع كساب في الفندق.. بعد أن رفضوا السماح لها بالمبيت عند جميلة تركتها وهي تشعر أن شيئا في روحها ينحر وهي تلمح دمعة في عين جميلة تحاول إخفائها كانت هي وكساب في غرفتين متجاورتين.. وهاهو كسّاب عندها الآن في غرفتها.. يقف في الشرفة وينظر منها لبحيرة أنسي الرائعة.. انعكاسات الأضواء على صفحات الماء المصقولة منظر بديع عقله عنه مشغول بأفكار وهموم بات حتى لا يعرف لها سببا عفراء تقف عند باب الشرفة من الداخل وتهمس بحنان: وش فيك يأمك.. من صبح من يوم طلعت من المستشفى.. ولين جيت وخذتني وأنا حاسة إنه خاطرك مهوب زين.. وش فيك جعلني فداك يبتسم كسّاب ويهمس بشفافية: إلا أنا اللي جعلني فداش.. لو تأمرين على عيني ما تغلى عليش.. عفراء بمودة رقيقة: جعل عمرك طويل في الطاعة.. ما نشدتك ابي عينك جعلها سالمة نشدتك وش اللي في خاطرك؟؟ تنهد كساب ثم هتف بحزم وهو يدخل في الموضوع الذي يكدر خاطره: خالتي سامحيني على اللي صار اليوم في المستشفى.. كلامي واللي سويته اليوم والله العظيم ماله معنى ولا داعي ثم أردف بوجع مختبئ خلف حزم صوته : مقهور يا خالتي.. وفضيت قهري بأرخص طريقة ثم أردف بمصارحة مؤلمة: تدرين خالتي حسيت إني رخيص على اللي سويته.. وعلى الأفكار اللي في رأسي عفراء عدلت شيلتها على رأسها وهي تدنينها من أطراف وجهها.. وتقترب منه.. ثم تضع يدها على يده الساكنة على حاجز الشرفة وتهمس بحنان: الرخيص غيرك يامك.. تكرم يا أبو زايد كساب يجلس ويشد خالته لتجلس على مقاعد القش في الشرفة حتى لا يلمح أحدا من العابرين القلة شبح خالته.. ويكمل حديثه بذات النبرة الحازمة الشفافة: لا تهونين اللي سويته في عيني.. لأنه مهوب هين على نفسي تدرين خالتي يوم شفت خليفة وعقبه جميلة.. كني أشوف دم علي بين إيديهم.. والله العظيم ما استحملت ما استحملت.. شوي أتمسخر.. وشوي أسوي نفسي ماني بمهتم.. وعقب ما استحملت طلعت الانتظار وعقبه طلعت من كل المستشفى عني يا خالتي عارفة ما يهمني شيء... بس علي غير.. والله غير مستحيل يجرح حد أو ياذي حد بكلمة.. حسيت إني اليوم أبي أنتقم له من اللي جرحوه.. بس مِن مَن؟؟ مِن مَن؟؟ واحد ماقدر يرد عليّ.. ووحدة مريضة شفتي أشلون أنا رخيص..؟؟ عفراء تشد على يده وتهمس بحنان متفهم شفاف: يامك أنا أفهمك بدون ما تحكي..لا تضايق روحك.. خلاص السالفة عدت وجميلة أصلا نست عقبها.. كساب يسند ظهره للكرسي وعيناه تبحران للبعيد: بس أنا ما نسيت.. ما نسيت.. موجوع من روحي وماني براضي على نفسي وماني بمرتاح.. مهوب بس من اليوم.. من سنين..من سنين ياخالتي عفراء بعمق: أرض ربك ياولدي ويستاسع خاطرك كساب بعمق مشابه :والله ياخالتي إني مصلي وما أفوت الفرض..ولا بعد عصيت ربي في شيء.. وأنتي عارفة عفراء بعمق أكبر: وأبيك أرضيته عليك؟؟.. رضا الوالدين يا ولدي جنة الله في الدنيا.. كساب تنهد: خالتي أنتي أكثر من يدري.. صحيح أنا وأبي بيننا خلافات بس عمري ما عصيته ولا ثنيت له كلمة.. وأكبر دليل عندش مزون... يعني هو كان صعب علي أسحبها من شعرها من الكلية ومن أول يوم..وإلا أكسر رجلها ولا أخليها تطلع من البيت لكن بلعت غصتي عشانه.. لأنه قال لي إنه زعله علي دنيا وآخره لو أنا قربت منها وإلا سويت لها شيء أو حتى مديت عليها أصبع.. قهرني وربط يدي..طعته وطاعته فوق رأسي لكن الشيء اللي في الخاطر كايد ياخالتي.. كايد.. حينها همست عفراء بشبح ابتسامة: زين وسالفة العرس؟؟ نشفت ريقه فيها.. ابتسم كسّاب وهو يحاول الانسحاب من ضيقه: لا خالتي عاد لا تضربين تحت الحزام.. أنتي تدرين في سالفة العرس أبي ما أمرني.. لكن طلب مني وأنا مالي خاطر في العرس.. عفراء برجاء: زين ليش يأمك.. شيدريك يمكن لا خذت لك بنية حلال تريح بالك وترادك الصوت يرتاح بالك وخاطرك بعض النسوان وجهها خير على رجّالها.. ابتسم كساب وهتف بسخرية لطيفة: عندش يعني حد معين ترشحينه؟؟ ضحكت عفراء: يا النصاب.. ما بقى حد من بنات جماعتنا ما قلت لك عنها... وانت إلا رافض الفكرة من أساسها حينها صمت كساب كأنه يفكر ثم همس بنبرة جدية مصطنعة: أبي وحدة مزيونة ولا تهش ولا تنش.. يعني أقول لها وقفي جنب الطوفة أروح وارجع بعد 10 ساعات ألاقيها واقفة جنبها عفراء توسعت عيناها دهشة: من جدك؟؟ ضحك كسّاب: خلينا من ذا السالفة يالغالية.. والله العظيم مالي في العرس ولا أفكر فيه ..الحين بس قولي لي كم يوم تبين تقعدين هنا؟؟ عفراء انقلب مزاجها بشكل جذري وهي تتذكر مشكلتها الكبرى وهمست بحزم أخفت خلفه تردد روحها وجزعها : ما أبي أقعد خلنا بكرة نروح لعلي.. ونحجز مناك ونرجع للدوحة كسّاب بدهشة: بذا السرعة.. لحقتي تطمنين على جميلة؟؟ عفراء بالم: خلاص تطمنت عليها.. ورجالها أجودي.. ما أبي أتاخر على مزون وعلى شغلي.. امتحانات البنات قربت عفراء شعرت بضرورة أن تعود بسرعة.. لأنها كلما طال بقاءها ستشعر بصعوبة ترك جميلة.. وحتى لا تحيي في قلب جميلة الأمل أنها ستبقى معها فهي تريدها ان تتقبل واقع مرضها ومجابهتها له ووجودها مع خليفة وحيدة حتى تعتاد عليه فهي لابد أن تتحمل نتيجة قراراتها لتكون أكثر قوة.. فربما كانت هذه التجربة في الحياة هي ما ستصلح أخطاء عفراء في تربيتها لها.. ودلالها الزائد لها.. ******************************* "بنات ممكن أدخل" طرقاته الهادئة على الباب المفتوح.. لتقفز كل من جوزاء وشعاع وهما تهتفان بمودة واحترام لا متناهيان: تعال فديتك عبدالرحمن يدخل بخطواته الهادئة لغرفة شعاع .. الاثنتان تسارعان لتقبيل رأسه مودة لا حدود لها تغمر قلبيهما تجاهه فعبدالرحمن طوال عمره ومنذ طفولته كان نموذجا متدفقا لحنان مصفى.. لطالما وقف في وجه قسوة والدهما تجاههما.. ليجد والده نفسه مجبرا أن يخفف كثيرا من قسوته من أجله هو.. من أجل عبدالرحمن كان يبالغ في تدليل شقيقاته.. وتنفيذ رغباتهم.. وكأنه بذلك يعوضهم عما يكون والده فعله بهم وهو لم يراه وهاهو يمارس وبكل جدارة دور الوالد لحسن الصغير لولا تحسس جوزاء أن يتعلق فيه بينما هو سياتي يوم يتزوج فيه ويكون له أطفاله ليصبح حينها نصف والد أو حتى ربع والد لحسن مع إنشغاله بأطفاله حسن حينما رأه قفز ناحيته.. عبدالرحمن غمر وجهه بقبلاته الحانية ثم خلع غترته وحمله على كتفه.. جوزاء بمودة حقيقية: نزله لا يثقل عليك عبدالرحمن يحكم إمساكه له وهو يبتسم: من جدش؟؟ أنتي متاكدة إنش تأكلين ذا الولد.. مافيه لحم مثل الناس حينها ضحكت شعاع: تاكله؟!! باقي تفقعه من كثر ما تزغطه جوزاء هتفت بجزع باسم: ول عليش.. قولي ماشاء الله شعاع تضحك: ماشاء الله تبارك الله.. ضحكات حسن الصغير تتعالى وعبدالرحمن يدور به.. ويهتف له بحماسة: خلاص إلا بعد؟؟ حسن الصغير يضحك: بعد.. بعد وجوزاء بجزع حنون: عبدالرحمن فديتك بس..بس.. بس تكفى... دار مخه.. عبدالرحمن أنزله بحنان وهو يهمس بابتسامة مرحة حنونة: أمك تقول خلاص.. مخك دار حسن بضجر: والله ما دار.. ما دار.. شوفه شوفه.. مادار.. عبدالرحمن خلع نظارته (لعبة حسن المفضلة) وهتف بحنان: هاك أخذ نظارتي وروح مع شعاع عند جدة شعاع شعرت فورا أن هناك ما يريد عبدالرحمن محادثة جوزاء فيه لذا تناولت كف حسن الصغير السعيد بالنظارة وهمست له بحنان: يالله حسوني بنروح لجدة شوي وبعدين ننام الوقت تأخر واجد جوزاء شعرت بالتوتر (أكيد صالح مرة ثانية!!) عبدالرحمن جلس على السرير وأشار للمكان جواره وهتف بمودة: تعالي جوزا اقعدي اقتربت جوزاء بتردد وجلست.. ثم همست بقلق: ما أحب ذا البرزات (البرزة الحديث الخاص المنفرد ودائما لموضوع جدي) ابتسم عبدالرحمن: ومن قال لش برزة؟! جوزاء بخجل متوتر: لو أنها مهيب برزة ما كان طلعت شعاع.. صالح مرة ثانية.. صح؟؟ عبدالرحمن ببساطة: لا .. امهاب.. حينها قفزت جوزاء بجزع كاسح وهي تشهق شهقات متلاحقة: من ؟؟ من؟؟ امهاب؟؟ عبدالرحمن بهدوء: إيه امهاب... وش تردين في الرجال؟؟ الكلمات ذابت على شفتي جوزاء: لأني ما أرد فيه شيء مستغربة.. ثم أردفت بخجل عميق: عبدالرحمن أكيد أنت غلطان.. أكيد إنه خطب شعاع وأنت ظنيتها أنا ضحك عبدالرحمن: المواضيع هذي فيها غلط... امهاب يبيش أنتي.. تزايدت دقات قلب جوزاء هلعا.. وأنفاسها تضيق حتى أنطبقت أضلاعها على رئتيها: أكيد أنت غلطان عبدالرحمن..واحد مثل امهاب وش يحده يأخذ أرملة عندها ولد؟؟ عبدالرحمن بحنان وهو يربت على رأسها كوالد يهدهد صغيرته: وأرملة وعندها ولد مالها حق يكون لها فرصة ثانية في الحياة؟!!.. جوزاء بذات الجزع: فرصة ثانية لوحدة مثلي.. معناتها واحد مطلق أو أرمل.. مهوب واحد مثل امهاب.. كامل والكامل وجه الله.. عبدالرحمن يقف وهو يضع يده على كتف جوزاء بحنو: اخذي وقتش وفكري وترا امهاب ملزم عليش فوق ما تتصورين لا تفكرين تفكير عاطفي غبي وتضيعينه من يدش.. فكري في نفسش وفي ولدش.. وحطي مميزات امهاب قدامش وتخيلي أي زوج بيكون لش وأي أب بيكون لولدش جوزاء بذات الجزع الذي لم يفارقها: لا لا ما أبي.. جد ولدي وعمانه بياخذونه مني.. عبدالرحمن بحنان صاف: لا تحاتين ذا السالفة.. أبو صالح وعياله عرب أجواد وفيهم خير وما ظنتي أبد يحرقون قلبش على ولدش عشانش تبين تتزوجين فكري زين وردي علي.. عبدالرحمن غادر لتنهار جوزاء جالسة على سريرها وهي عاجزة عن الاستيعاب هي ومهاب هي ومهاب هي ومهاب بركان من الأفكار يتفجر في داخلها.. وأعاصير من الفوضى تجتاح كل خلاياها لا تنكر أنها كانت تتمنى أن يتحرك مهاب ليخطب أختها شعاع.. ولكن أن تكون الخطبة لها.. لها هي؟! أ يعقل؟!! أ يعــــقــــل؟! أ يـــــــــعـــــقـــــل؟!! ****************************** كانت تتمدد على سريرها ودموعها تسيل بصمت حينما كانت في الدوحة كانت والدتها تبيت معها في المستشفى فلماذا رفضوا تركها تبيت عندها الليلة...أول ليلة تقضيها في مكان غريب الرعب في قلبها يتصاعد ويتصاعد.. وما كان ينقصها هو صوت فتح الباب وصوت الخطوات التي تتسحب ليكتمل رعبها لكنها نهرت نفسها وهي تسمي بسمي الله وتحاول فتح عينيها (لابد إنها إحدى الممرضات) فوجئت بخليفة يقف جوارها ويراقب مستوى الجلوكوز المعلق انتفضت بجزع: وش تسوي؟؟ همس ببساطة: دريت إنهم ما خلوا خالتي تبات هني.. فقلت أكيد إنتي خايفة من القعدة بروحج فييت.. جميلة بعناد: وليش أخاف.. شايفني بيبي..؟!! ابتسم خليفة: وانتي كل شيء عندج إني شايفج بيبي.. من قال؟! جميلة بذات العناد: تصرفاتك... وبعدين أشلون يطردون أمي.. ويخلونك تجي أنت.. خليفة بذات البساطة: أنا ماخذت أذن من حد.. ييت من نفسي.. جميلة بذات نبرة العناد: ما قصرت.. روح نام ما أبي حد عندي خليفة بهدوء وهو يقرب المقعد ويجلس: أنا شبعان نوم أصلا.. من يوم يات خالتي عفراء.. رحت ونمت.. والحين باقعد عندج جميلة يعاودها إحساس التوتر والخجل: ما أبيك تقعد عندي.. لو سمحت خليفة يتجاهل ما قالت ويهمس بهدوء أعمق: كلميني عنج جميلة.. شنو تدرسين في الجامعة؟؟ شتحبين؟؟ شنو تكرهين؟؟ جميلة بتوتر: وليش مهتم تعرف؟؟ خليفة بابتسامة مستغربة: وليش ما أعرف.. موب مرتي.. جميلة بتوتر مغلف بالجمود: هذا لو إحنا أزواج عاديين.. بس أنا وحدة بأموت قريب.. وش يهمك وقتها... خليفة بغضب: قلنا هالحكي ما نبي نسمعه.. ثم حاول تناسي غضبه وهو يردف بابتسامة: زين أنا أكلمج عن نفسي.. لا يعرف خليفة ما الذي يهدف له من محاولته.. ولكنه يشعر بملل ووحدة وغربة لا حدود لها.. مشتاق لوالده ولأشقائه وأصدقائه ليس لديه في هذا البلد أحد سواها!! جميلة لم يكن لديها رغبة لسماعه.. فهي لم تكن تريد الليلة سوى حضن والدتها ولكن بما أنهما متورطان معا الليلة.. فلتسمع منه فربما يخبرها عن والدها حكايات هي لا تعرفها.. فلا يهمها من هذا الخليفة سوى كونه خليفة!! همست جميلة بهدوء عذب: خلاص قول اللي تبيه.. خليفة يقف وهو يهتف بمرح حنون: بس أول نشرب لنا عصير.. جميلة بجزع: ما أبي.. خليفة يتجاهل رفضها ليقف ويفتح الثلاجة ويتناول العصير ليسكب منه في كأسين رغم أنه هو شخصيا لا يشعر برغبة لتناول لشيء.. فنفسه مسدودة تماما.. ولكنه يحاول اختراع أي سبب ليجعلها تأكل أو تشرب أحضر الكأسين.. وضعها على الطاولة المجاورة لسريرها.. ثم رفع سريرها أكثر لتكون في وضع الجلوس.. جميلة بخجل جازع: بشرب بروحي.. خليفة وهو ينظر لأناملها اليابسة كان متيقنا أنها يستحيل أن تستطيع حمل شيء بعيدان الأسنان هذه.. همس بهدوء: بدون عناد خلي المهمة هذي لي خليفة قرب الكأس من شفتيها.. وجميلة خجلها وتوترها في تزايد.. لكنها شربت جرعتين حتى تتلافى إلحاحه وبالكاد عبرت الجرعتين بلعومها خجلا من يده القريبة منها ثم همست برجاء: بس خلاص خليفة وضع الكأس جانبا ولم يشرب شيئا من كأسه.. وهمس بهدوء: هاتكلميني عن نفسج؟؟ جميلة بخجل: لا أنت اول.. خليفة ابتسم وهو يريد أن يجذبها للحوار: إسأليني.. جميلة ليس في بالها سؤال معين .. لكنها حاولت أن تجد: إيه كم عمرك؟؟ تدري إني ما أعرف.. ضحك خليفة: عمري 27.. حينها همست جميلة كأنها تكلم نفسها: أكبر من علي بسنة وأصغر من كساب بسنتين.. شعر خليفة بضيق حقيقي وهي في أول حوار ودي بينهما تعقد المقارنة بينه وبين ابني خالتها.. ولكنه تنهد وهو يهمس لنفسه ليجد لها عذرا (مريضة وعمرها ما عرفت حد غير عيال خالتها) همس خليفة بهدوء ظاهري: وليش ما تقولين أكبر منج بثمان سنين تدرين أحس إني عود وايد عليج.. صمتت جميلة بخجل..بينما بحث خليفة عن شيء آخر يقوله: أممممممممم وأنا مدرس كيمياء أدرس ثاني ثانوي تحديدا حينها ابتسمت جميلة: أمي بعد مدرسة.. بس أمي تدرس علوم حق بنات إعدادي خليفة ابتسم (زين ذا المرة قارنتي بامها موب حد ثاني) ثم أردفت جميلة بخجل: والحين أنت خليت طلابك على آخر السنة.. ابتسم خليفة: ارتحنا منهم.. وجدولي ربعي قسموه بينهم.. حينها ابتسمت جميلة : بس غريبة شغلتك.. أعرف الشباب القطريين كلهم يهربون من سلك التدريس.. وخصوصا إنك تخصص كيمياء كان لقيت لك شغلة غير.. خليفة بهدوء باسم: تقدرين تقولين إني شخصيتي غير.. من صغري ودي أكون مدرس حينها همست جميلة بألم: وانا كنت أتمنى أكون مدرسة مثل أمي.. خليفة بحزم حنون: وليش كنت.. بتردين وتكملين جامعتج وتصيرين اللي تبينه حينها أشاحت جميلة بوجهها.. لتسيل دموع تحاول إخفائها: أحاتي أمي بس.. أنا وامي متعلقين في بعض كثير.. كنت أتمنى لو أقدر أجنب أمي الحزن خليفة بحزم: لو تبين تينبينها الحزن ماكان سويتي في نفسج جذيه.. جميلة بألم مستسلم: هذي حكمت رب العالمين.. وماحد يعترض على حكمه سبحانه.. خليفة بغضب: الله سبحانه ما قال لج تحرمين نفسج من الأكل جميلة انتقلت من نبرة الاستسلام لنبرة غضب مشابه لغضبه وبشكل مفاجئ: خلاص روح يا الله.. ما أبيك تقعد عندي خليفة يرتخي على المقعد ويريح جسده ويهمس بهدوء متجاهلا ماقالته: ماراح أروح مكان.. قاعد هني عندج للصبح ********************************* كان يصلي الفجر حين سمع جرس الباب.. عاود سماع الرنين بعد دقيقة أخرى وهو على وشك الانتهاء حينما سلم من صلاته.. توجه للباب وهو يشعر باستغراب عميق لمن يطرق الباب في هذا الوقت فتحه.. شهق.. أي مفاجأة هذه؟!! أي مفاجأة؟؟ كان يقف مستندا للحائط عاقدا ذراعيه أمام صدره وبجواره حقيبة صغيرة ذات الابتسامة ارتسمت على الشفتين.. ذاتها.. ابتسامة شفافة حنونة.. بها عتب واشتياق " أ هذا أنت يا أبي؟؟ أ حقا أنت هنا أمامي؟!! لماذا جئت؟؟ بل أهلا بك.. كم تسعدني رؤيتكِ.. بل يكاد جنبيّ أن يتمزقا لفرط انتشار السعادة في جوانحي اشتقت لكِ يا أبي تماما مثل ما أنا مجروح منك.. ولكن شوقي أكبر من الجرح لأنك عندي أكبر من كل شيء أكبر من كل شيء!! " علي سارع ليقبل رأسه وكتفه ثم ألتقط كفه ليقبلها ولكن زايد سحبها قبل أن يفعل وعلى يهتف بحماس دافئ: هلا والله إني صادق.. نورت جنيف بكبرها قالها وهو يحمل حقيبة والده للداخل ويكمل بشفافية: كنت متوقع يأنت ياكساب أشوفكم خلال ذا اليومين.. ثم أردف بعتب: ليش ما قلت لي استقبلك في المطار؟؟ زايد وهو يدخل ويغلق الباب خلفه ويهتف بمودة عميقة: ما أبي أتعبك.. وبعدين جنيف أنا حافظها.. كل السالفة تكسي من المطار علي بمودة عميقة وهو يعاود تقبيل رأس والده: والله إنها أحلى مفاجأة.. كنك داري وش اللي في خاطري رحت من الدوحة وأنا ما شبعت من شوفتك.. زايد لم يرد أن يعاتبه لهروبه من الدوحة بهذه الطريقة.. فما مضى مضى المهم أنه أمامه.. بخير ووجهه مشرق بابتسامته الغالية ففي روحه من العتب والإحساس بالذنب الكثير الكثير وإن كان إحساس العتب بدأ بالإضمحلال فإن الإحساس بالذنب آخذ بالتزايد.. لأنه يعلم أن إبتسامة علي هذه تخفي الكثير من الألم الطازج والجروح الطرية المفتوحة "ولكن الأيام ياولدي كفيلة أن تشفي الجروح والألام" "وهل شفت الأيام جروحك يازايد؟ " "هو ليس مثلي.. ليس مثلي ولا أعتقد أن هناك من هو مثلي دعني الآن أشبع ناظري من محياه الحبيب وما عدا ذلك لا يهم.. لا يهم !!" ******************************** صباح الدوحة كعادتها أمام قهوتها.. لوحة دائمة.. وطقوس مثقلة بالشجن والذكريات ماذا بقي لها غير الجلوس أمام قهوتها والانتظار الذي طال كثيرا.. كثيرا "صبحش الله بالخير يام صالح" انتفضت أم صالح وهي تهمس باحترام ودود : الله يصبحك بالنور والسرور.. جلس مجاورا لها بألقه الغامض الصامد.. حين تراه للمرة الأولى تعلم فورا أن هذا الشيخ الجليل يخفي أكثر مما يظهر بكثير هتف بمودة: تقهويني يا شيبتش؟؟ ابتسمت بمودة وهي تسكب له فنجانا: أقهوي مندوبك تناول منها الفنجان وهو يهتف بهدوء لا يخلو من رنة غضب: الشيخة متى بتأتي؟؟ حينها همست بحنين: خلاص قد هي على وصول.. ثم أردفت بعتب: وأشفيك تقول الشيخة شكله مهوب عاجبك... أبو صالح بضيق: إيه مهوب عاجبني.. قد لها أسبوع مخلصة.. ليه ماجات لذا الحين أم صالح بهدوء: نايف توه مخلص امتحاناته أمس.. أشلون تأتي أبو صالح بضيق: يعني أخيش السبة.. لو أني داري كان أرسلت لها فهد وإلا هزاع يجيبونها.. أم صالح تبتسم: ذا كله شحنة لبنتك... وبعدين وش فرقت أسبوع تنتظر خالها لين يخلص بدل ما تعنّي واحد من أخوانها.. أبو صالح بذات الضيق: مابه عنوة.. وش وراهم.. فهد يقدر يأخذ إجازة يومين وهزيع تو امتحاناته مابدت.. هذا لو فلح.. كان ذا الحين قد لها أسبوع عندنا وإلا عطال أخيش لها.. أم صالح بعتب: الحين أخي اللي حاطها في عيونه هو اللي معطلها.. شكلك ماعاد فيك صبر من الشحنة.. خلاص هانت ماعاد عليها إلا فصل واحد أبو صالح بشفافية: إيه والله مشتحن لها.. بنيتنا اللي ماعندنا غيرها.. لولا إن عبدالله الله يرحمه كل مخي عشان أخليها تروح مع خالها وإلا والله ما أخليها تشبر برا الدوحة أم صالح بحنين موجوع: جعلها برايد عليه ما كان أحبه لأخته.. ماكان يخلي في خاطرها شيء جعل مثواه الجنة الباردة.. حينها همس أبو صالح بخفوت غامض: ادعي له.. محتاج الدعوات.. حينها هتفت أم صالح ببعض غضب: وش قصدك في ذا الحكي.... كلن محتاج للدعوات.. وولدي إن شاء الله من هل الخير... واصل ومصلي.. مهوب كفاية وجيعتي منك.. يوم ما خليته يدفن عندي في الدوحة.. أبو صالح بذات الغموض: الديار كلها بلاد ربي.. وشو له العنوة حد يروح يجيبه.. أم صالح بحزن عميق: وش عنوته؟؟ صالح كان بيموت يبي يجيبه بس أنت اللي حلفت.. لا وزود على كذا حتى حسن ما رضيت نسميه عبدالله... ولزمت ما يسمى إلا حسن.. حتى اسمه استكثرت يقعد عقبه.. أبو صالح يضع فنجانه ويقف وهو يهمس بنبرة حزن موجوعة: وإن سمينا حسن عبدالله.. بيرد عبدالله عبدالله راح خلاص يأم صالح.. مهوب راده نسمي ولده عليه.. ******************************** "ياحلوك يا عمي بلبس العسكرية.. كيوت" يبتسم منصور الذي كان يرتشف قهوته الصباحية وهو ينظر لمزون التي تنزل بعباءتها مستعدة للذهاب: أما كيوت ياعمش ذي مابعد مرت علي.. مهيب من مصطلحات العسكرية دوري لنا مصطلح مثل شرس.. ذيب.. شيء كذا انحنت عليه لتقبل خده.. وهمست باحترام: زين ذيب.. شرس ما أبيها جلست جواره وهي تسكب لنفسها كوبا من الكرك بينما منصور يسألها: وين بتروحين؟؟ مزون صمتت بتوتر.. فهي تعرف إن عمها من أكبر المعارضين لدراستها ثم لعملها وإن كان يتعامل الآن مع المسألة بهدوء فهي تعلم أنه كاد يرتكب جريمة في والدها قبل 4 سنوات حين وافق لها أن تدرس منصور بنبرة أعلى: أقول مزون وين تبين تروحين.. أنا اللي بأوديش مزون ابتلعت ريقها: المطار.. عندي أول رحلة اليوم.. رحلة قصيرة.. أبوظبي وراجعين على طول.. والطاقم كله حريم حتى الكابتن... زفر منصور وأصابع يديه تتصلب.. ثم همس بحزم: قومي أوديش.. وأنا اللي بأرجعش.. بس يا ليت إنه لعبة الطيارات ذي ما تطول.. اللي في رأسش وسويتيه.. بنشغلش أحسن شغلة في المكان اللي تبينه.. بس ذا الشغلة يأبيش ما تنفع لش.. حينها مالت مزون على ذراعه تحتضنها ثم تقبل عضده وهي تهمس بوجع شفاف: شفت ياعمي.. مع أني أدري إنك مستوجع من خبالي مثل كسّاب وأكثر بس شوف أنت أشلون تتعامل مع الموضوع.. وهو أشلون يتعامل تكفى ياعمي.. قل له بأسوي اللي هو يبي.. بس يرضى علي.. تكفى طالبتك.. ****************************** "كساب يأمك تعال أبيك تدخل معي عند جميلة" كساب بهدوء: ما يصير يا خالتي.. تبين تسلمين على بنتش براحتش عفراء بألم: ما أبي أسلم عليها براحتي.. لأني لو دخلت عليها بروحي وقلت لها إني بأسافر.. بتسوي مناحة لكن إذا كنت أنت موجود بتستحي مهيب قايلة شيء.. حينها ابتسم كسّاب: تستحي؟؟ توها لسانها البارحة علي شبرين.. عفراء تتمزق من الألم: ماعليه يأمك تعال وبس.. كساب لم يكن يريد الدخول لأنه مازال يشعر بالضيق من موقفه بالأمس.. ولكنه لا يستطيع رفض طلبا لخالته.. عفراء تدخل على جميلة وتخبرها أن كساب سيدخل جميلة بضيق: وش يبي؟؟ أبي أقعد معش بروحنا... خليه يأخذ خليفة ويفارقون اثنينتهم.. وقتها خليفة كان يقف مع كسّاب في الخارج عفراء لم ترد على تذمرها وهي تضع على وجهها الجلال.. وتدعو كسّاب للدخول كساب هتف بهدوء: كيف أصبحتي جميلة؟؟ إن شاء الله أحسن؟؟ جميلة بنبرة محايدة: الحمدلله على كل حال حينها همست عفراء بثبات قدر ما تستطيع وهي تقف بعيدا قليلا عن جميلة: خليفة يأمك حنا بنمشي الحين الله الله في جميلة.. حطها في عيونك يأمك أربعة عيون توسعت بصدمة خليفة وجميلة وحزن يائس يغمر قلبيهما فجأة هل يعودان سويا معا لوحدهما وبهذه السرعة؟؟ وإن كان خليفة تماسك بسرعة وهو يرد بثقة لا يعلم حقيقتها من اصطناعها: لا تحاتينها يا خالة في عيوني الثنتين.. روحي وأنتي مطمنة فإن جميلة جفت الكلمات على لسانها كانت تريد أن تصرخ وتصرخ وتستجديها أن تبقى فهي عرفت كيف يكون الإحساس من غيرها وكادت تجن من غيرها لمدة ساعات فقط فكيف أياما وأسابيع وربما شهور من غيرها قبل أن يأخذ الله أمانته كما تعتقد كانت دموعها تسيل أنهارا تحت غطاء وجهها وداخلها ينتحب بجزع ولكنها صمتت.. ابتلعت شهقاتها وغصت بها.. حتى لا تشمت كسّاب فيها سيتشمت فيها.. تعلم أنه سيفعل حتى لو لم يتكلم سيقول : " مهوب اخترتي ولد عمش على علي وحتى على امش يالله اشبعي فيه خليه يكفيش عن العالم" جميلة لم تقل كلمة.. بينما عفراء اقتربت بسرعة لتطبع قبلة على رأسها وتنسحب بسرعة قبل أن تنجح جميلة في التشبث بها عفراء أنزلت طرف شيلتها على فتحات النقاب حتى لا يلحظ أحد دموعها وخوفا أن يحلف عليها كساب مجددا إن رأى حزنها خليفة كان سيخرج معهما لكن عفراء رجته بصوت خافت يسيل وجعا: خلك معها...وتراها بتجننك.. أدري اصبر عليها .. وإذا حسيت يا ولدي في يوم إنك ماعاد فيك صبر... أمنتك الله ما تحمل نفسك فوق طاقتك كلمني على طول... هذا أنا أمنتك عفراء خرجت وهي تستند لذراع كساب خشية أن تنهار بينما القلق عليها بدأ يتصاعد في قلب كساب حينها عاد خليفة للداخل وأغلق الباب وهو يشعر بتوتره يتعاظم خوفا من ردة فعل جميلة لكن جميلة لم تتحرك ولم يصدر منها أي صوت... بعد لحظات صمت اقترب خليفة وأزال الغطاء عن وجهها ليجدها تنظر أمامها بذهول.. وسيول من الدموع تغرق وجهها.. خليفة اقترب منها ووضع يده على كتفه وهمس بحنان: جميلة لا تحاتين بترد تزورج قريب حينها لطمت جميلة يده وانفجرت بهستيرية: يمه.. يمه.. يــــــــــمـــــــــه يــــــــــــــــمـــــــــــــه تكفين لا تخليني... لا تخليني.. جميلة نزعت الأسلاك من يدها بحدة وهي تحاول النزول.. ليمسك بها خليفة بقوة بينما كانت هي تضربه بأناملها الجافة وتصرخ: أكرهك.. أكرهك أنا أكرهك.. أنت السبب.. أنت السبب أبي أمي.. أبي أمي.. تلطخ قميص خليفة من دمها المتناثر من معصمها .. ولكنه أعاد تثبيتها على السرير وهو يضغط جرس استدعاء الممرضات.. ويضغط على معصمها ليوقف سيلان الدم مكان انتزاعها لأبرة الجلوكوز.. وفي ذات اللحظات كانت عفراء الباكية بصمت تركب سيارة الأجرة وكساب يهمس لها بقلق حنون: خالتي تبين نقعد شوي قعدنا؟؟ والله العظيم عادي وما عندي مشكلة عفراء بصوت مبحوح تخفي البكاء فيه: لا يأمك.. توكلنا على الله.. خلنا نروح نشوف علي.. ونرجع الدوحة ******************************** وضحى اليوم في البيت تدرس امتحاناتها التي أصبحت بعد ايام مازالت تشعر بالذنب من موقفها مع والدتها بالأمس آلمها إشاحة والدتها بصرها عنها البارحة تعرف أن هذه طريقتها في العقاب.. تحرمها من نظرة عينيها الحانية الغالية ولشد ما كانت تؤلم هذه الطريقة قلبها الرقيق فأمنيتها دائما نظرة رضا من العينين الحانيتين!! هاهي تنزل وهي تجمع شجاعتها خوفا أن تكون والدتها مازالت تريد معاقبتها أكثر وجدتها عند جدها في غرفته تتقهوى معه.. قبلت رأسيهما ثم جلست بجوار جدها على سريره وهي تنظر لوجه والدتها لتقرأ انفعالاتها اليوم وجدتها تتحادث مع والدها وتبتسم وهما يستذكران معا أشعارا وحكايات وأقواما رحلوا لذا تشجعت وهي تقوم لتجلس بجوار والدتها وتهمس لها من قرب: يمه أنا آسفة على اللي صار أمس.. والله حتى النوم ماجاني وأنا دارية إنش زعلانة علي.. مزنة تطبطب على يدها وتهمس بحنان: خلاص يأمش رضيت من بارحتي ثم أردفت بحزم حنون: بس كنتي تبين لش قرصة عشان ما تعيدينها وضحى تبتسم وهي تقبل كتف والدتها: حرمت يأم امهاب.. حرمت.. الجد يهتف بصوت عال: أنتو وش أنتو تقولون؟؟ مزنة باحترام مغرق في المودة: مابه شيء جعلني فداك جابر يتمدد على سريره ويهمس بهدوء: بانسدح شوي.. وقوموني للصلاة مزنة نهضت لتتاكد من وضع والدها وتغطيه.. ثم تنادي وضحى للخارج.. حين أصبحتا في جلسة الصالة.. همست مزنة بحزم: اسمعي يا وضحى خلينا نخلص من ذا السالفة.. تبين عبدالرحمن وإلا لا.. وضحى بحذر: لا ما أبيه.. مزنة بذات الحزم: حتى لو عرفتي إنه أنتي أول حد خطبه قبل كاسرة حتى.. بس أنا اللي ما رضيت وقتها توش سنة أولى جامعة.. وصغيرة.. وما حبيت أستعجل عليش فعبدالرحمن عقب.. قال أنا ما ابي إلا نسبكم فخطب كاسرة وضحى بسخرية موجوعة: وعقبه خطبها عشرين مرة.. ما أدري وأشلون تفكير ذا الإنسان.. إحساس الكرامة عنده معدوم ما أبيه يمه.. والله العظيم ما أبيه... مزنة بهدوء حازم: كيفش ماحد بجابرش على شيء.. بس عبدالرحمن رجّال ما مثله يا وضحى.. مابعد شفت مثل طيبت قلبه وطيب أخلاقه غير عن إن وضعه المادي والوظيفي زين.. وولد عمتش لحم ودم وضحى بحزم: يمه ما أبيه... مزنة بحزم أكبر: زين بس لا تقولين الحين رأيش لأي أحد.. لو أي حد سألش قولي أفكر ما بعد قررت وضحى باستغراب: وليش يمه؟؟ مزنة بهدوء: لأن امهاب خطب جوزا من عبدالرحمن.. ويمكن أنتي لا رفضتي عبدالرحمن تلاقي جوزا نفسها مجبورة ترفض امهاب وخصوصا مع أفكار رجّال عمتش المعقد ..إيه والله إن قد يعيي حرام جوزا ماراح تلاقي حد يجيها أحسن من امهاب.. فلا تخربين فرصتها عليها.. خلها لين تتخذ قرارها وضحى كانت تستمع لوالدتها وعيناها تتسعان ذهولا.. لتهمس بذهول: يمه تقولين امهاب خطب جوزا.. متأكدة أنتي؟؟ مزنة بهدوء: إيه قال لي البارحة في الليل عقب مارجع من عشاه مع عبدالرحمن وضحى بذات الذهول: جوزا جوزا؟؟ يمه يمكن قصدش شعاع.. وش يحد امهاب يأخذ جوزا؟؟ وأنتي ما قلتي له شيء؟؟ مزنة بحزم: بنت عمتش مافيها قصور وهو مقتنع فيها فليش أعارضه.. وضحى باستغراب متغاظم: أما أنتي يمه غريبة.. جوزا مافيها قصور ماقلنا شي بس شعاع أحسن منها لو امهاب يبي نسبهم عدا إنه من حقه بنية يكون هو أول واحد في حياتها وش حاده على أرملة عندها ولد وبعدين يوم أنتي تقولين امهاب مقتنع فيها وقاعدة تدافعين عنها وعنه ليش نفس التفكير هذا ماقلتيه عند تميم مزنة بذات نبرتها الحازمة: لا يا وضحى هذاك موضوع وهذا موضوع وضحى باحترام: لا يمه المبدأ واحد.. الحين امهاب مقتنع يجوزا على قولتش مع إن فيه أحسن منها واجد.. ومع كذا أنتي مقتنعة معه وتميم يبي بنت نفس حالته مع أنه يقدر يأخذ أحسن منها مثل ما تبين.. فليش ما اقتنعتني مع تميم؟! تنهدت مزنة: مشكلتكم ماحد فاهم وجهة نظري إلا كاسرة هي الوحيدة اللي فاهمتني في موضوع تميم.. حتى في موضوع جوزا أنا متأكدة إنها بتفهمني لأنها تفكر بعقلها قبل عواطفها وقرارات مثل ذي العقل لازم يكون حاضر حتى لو كان القلب رافض الحين أنتي وامهاب تقولون عادي خلي تميم يأخذ بنت نفس حالته يكون الصمم عندها مهوب وراثي عشان إن شاء الله عيالهم ما يصير لهم شيئ زين أنا وافقت وتزوج البنت.. وخليتهم يسكنون عندي على أساس عيني على الصغار.. زين هل أنا دايمة لهم؟؟ بكرة يبون يودون عيالهم المستشفى.. أو صار لهم مشكلة في المدرسة.. هل بيقعدون يتكلمون مع العالم بالورقة والقلم ( انتظروا شوي أجلوا حل المشكلة.. خلونا نكتب لكم.. والله مافهمت ذا الكلمة.. خطك مهوب واضح.. عيدها مرة ثانية) كانت مزنة تنهمر بألم حقيقي: يعني أنتم ظنكم إنه هاين علي أرد في خاطر تميم شيء شايفته يبغيه بذا الطريقة والله العظيم إني أستوجع فوق الوجع وأنا أشوفه يترجاني وأنا أرده..لكن إذا هو تفكيره عاطفي.. (وأبي لي بنية ما تحسسني إنها أحسن مني)..... أخليه على كيفه ما أعارض... تميم أصلا عاده صغير في السن.. وأنا أبي له الأصلح... كفاية هو ما يسمع ولا يتكلم في مجتمع ماعنده صبر ولا حتى ذوق إنهم ينتظرون عليه شوي أبي مرته تكون عوين له... مهوب هم اثنينتهم محتاجين من يعاونهم ويشرح عنهم وبدالهم... وتميم ماشاء الله وضعه ممتاز يقدر يأخذ أحسن بنت صحيحة.. فليه الأصرار على بنت نفس حالته.. أيش ايدريه أساسا إنها بتكون هي الراحة له وليش يظن إن البنت السليمة بتتكبر عليه.. كم بنات أجواد حاطين رياجيلهم على رووسهم وهم فيهم عيوب الدنيا.. وتميم مافيه عيب فكيف ما تحطه على رأسها؟؟ لكن امهاب موضوع ثاني.. أكيد كنت أبي لولدي بنت هو أول بختها... لكن هل معنى إن جوزا تزوجت وعندها ولد هذا عيب الواحد ما يقدر يعيش معه؟؟ جوزا مسكينة مالحقت تهنا بحياتها.. عبارت إنها ما عرست أصلا وكفاية إنه يربي حسن.. ياحظ اللي يضم له يتيم.. فياترى أحرم امهاب من ذا الأجر ومن اللي يبيه عشان خرابيط مالها معنى... ******************************** مزون أصبحت في المطار متوترة.. بل غاية في التوتر.. أناملها متصلبة.. وريقها جاف.. وعرقها يتصبب على وجهها تحت نقابها توجهت لاستراحة الطيارين.. والتوجس يغتالها كان بها حوالي خمسة من الشباب وهي المرأة الوحيدة معهم شعرت كما لو أنها عارية والعيون تلتهمها كانت العيون تتجه ناحيتها باستغراب.. بل بمعنى أدق باستهجان "من أين أتت هذه المخلوقة؟؟ وماذا تفعل هنا؟؟" توترها يتزايد وهي تريد أن تجلس على الحاسوب ولكن الشباب الخمسة كانوا متوزعين بطريقة أنها في أي مكان ستجلس ستكون مجاورة لأحدهم الكباتن شعروا أنها تريد أن تجلس.. لذا انزاحو جميعهم لناحية واحدة.. وتركوا الناحية الأخرى لها جلست وهي عاجزة عن ابتلاع ريقها.. هي بالفعل درست سنوات دراستها كلها مع شباب.. ولكن كان الإحساس مختلف فهم كانوا في قاعة دراسة.. ومعهم أستاذ وهي كان معها زميلات حتى وإن كن في تخصصات أخرى.. ولكنهن يشتركن في المقررات تشعر بضيق غير طبيعي وهي تسترق نظرها للباب علها ترى الكابتن إيمي أو كابتن سهى المساعد الأول.. بعد دقائق ثقيلة طويلة وخانقة.. حضرت سهى.. تعرفتا على بعضيهما فورا.. تبادلتا الحديث لفترة.. وسهى تهمس بهدوء: غريبة كابتن إيمي ماإجت.. إحنا على العموم مفترض نطلع للطايرة بعد ساعة مزون وسهى عادتا للانشغال بالحاسوب.. وهما تسجلان المعلومات الضرورية بعد مضي الساعة توجهتا للسيارات المخصصة لتنقلهما للطائرة لكن مزون تذكرت أنها نسيت حقيبتها في الاستراحة فعادت لأخذها وحين عادت لموقف السيارات كانت سهى قد غادرت انتظرت مزون السيارة التالية وطلبت منه نقلها للطائرة المتجهة لأبوظبي وصلت مزون لسلم الطائرة.. سلمت بطاقتها للأمن في الأسفل الذي كان يقول لها: لم يسمح للمسافرين بالركوب بعد.. أعاد لها البطاقة وهو يعتذر رغم تعجبه الشديد من هذا الكابتن الغريب صعدت مزون بتوتر.. وهي تتمنى أن تكون كابتن إيمي وصلت لماذا كل هذه التعقيدات في رحلتها الأولى الا يكفيها كل هذا التوتر؟!! وصلت لقمرة القيادة وطرقت الباب لتدخل وتــفــجــع وهي ترى الكتفين العريضين لظهر عريض يستحيل أن يكون ظهر إيمي شهقت والكلمات تجف على لسانها بينما سهى تبتسم لها وتشرح بمهنية: الكابتن إيمي اعتذرت عن الرحلة والكابتن استلم مكانها.. إجا دايركت لهون ماكان عندو وئت يشوفنا بالاستراحة وما تخافي من شيء هو حافظ خط الدوحة- أبوظبي واحنا بنزوده ببائي المعلومات حزن عميق غمر قلب مزون لفساد مخططاتها.. ولكن على الأقل هاهي معها فتاة أخرى وليست لوحدها معه كانت تدلف خطوة للداخل في الوقت الذي كان الكابتن يدير وجهه ناحيتها بحزم وغموض #أنفاس_قطر# . . . مع انتهاء هذه الأسبوع ننهي أيضا مرحلة من مراحل بين الأمس واليوم لنبدأ في الأسبوع القادم مرحلة جديدة هي الفصل الأخير من التعرف على المبدئي على الشخصيات وليس النهائي وتبدأ أيضا الأسبوع القادم كثير من الأحداث التي انتظرتموها فما رأيكم أن تنتظرونا الأسبوع القادم بمشيئة الله . . . |
صباحو نفوس
صراحه ماتوقعت مهاب لجوزا وعبدالله وراه سالفه مااندفن في الدوحه وطريقة كلام ابوه يوم يقول ادعي له فيهاسر وفيه شخصيات جديده البنت وخالها وهزاع ماطلع بولادور والخال احسه بيدخل بقوه والقفله صدمه ....صدمه .....صدمه....اذاكان مهاب ونظرة مزنه لزواج تميم صحيحه لازم ياخذ وحده تتكلم لانه بتكمل الناقص بينهم كشريكين في حياه لان لوخذا وحده نفسه بتصيرحياتهم صعبه وادناها تواصلهم مع عيالهم في المستقبل والمزيونه اللي بتصلح لكساب هي وضحى هي صح كاسره المزيونه وان وضحى اقل منها عشان المقارنات بس مايمنع ان وضحى بتكون من نصيب كساب |
صبااح الخير جميعاا .... راودني شعوور أن عبد الله لم يمت وأن وراء اختفائه سر لا يعلمه إلا والده .. عموما هناك غموض أشرتِ إليه .. وأتمنى أن أكون على صواب الكابتن الذي حل محل ايمي هو .. مهااب .. ويبدأ الأكشن .. الله يجيب العواقب سليمة .. أنا مع أم مهاب في وجهة نظرها ... فعلا إنه لأمر شاق أن يكون الزوجان معاقان .. ينبغي لأحدهما أن يعين الآخر وحيقة الصمم والبكم .. ليس بتلك الصعوبة في التعامل .. عمي رحمه الله كان اصما ورزقه الله بزوجة صحيحة اعانته وحملته في هذه الدنيا وانجب منها عشرة من الابناء وحين فارق الحياة كان حزنها على فراقه عظيما .. لهم الحق المعاقون أن يعيشو حياة هانئة .. وحقيقةً اللذي يفقد حاسة من الحواس تكون لديه عاطفة شديدة وحنان قوي .. فلماذا لا يتمتعون بالحياة كغيرهم ومنهم من هو افضل من الأصحاء وأقرب لله ... بكل الود تقبلي أمتناني لحرفك .. |
••• ܓܨ•••
✖ • السلام عليكم نفوووسة اخبارتس وعلومتس,,,عساتس بخير وصحه وسلامة وصباحتس بالمثثثل.... وبارت اليوم حلوة جدا"...واكييد مايطلع من نفوستنا الا الزين .......^_^ وتوقعت انو مهاب...بيخطب جوزاء..مهوب شعاع اي بالله جوزاء تستاهل..وانا راحمتها هي ولدها من البداية...وبرضوو عبدالله زوجها..ليه كان كذا يعاملها مافيني صببببر وعجزت وانا اخمن السسسسسبب,,,مااتوقع كان يحب.... اكيد وراه بلاا..ولا لية ابو صالح مادفن ولـــــــده بالدوحة وبرضوو قال لآمه كثثري من الدعاااء له...ياترى وش مهبب عبدالله... ..وضحى....امممم ممكن اخوها طلب جوزاء لغرض في نفسسسه..معقوله عشان تضطر اخته توافق ع عبدالرحمن وماترفضه....لان ممكن اذا رفضت جوزاء مهاب...بعصبون خواته..والعكس برضو ااذا رفضت وضحى ممكن شعاع واختها يزعلون<<<فيس من تأثير النوم موب قادر يستنتج ويحلل يخبص بالحكي<<هذا اللي فالح فيييييييه هههههههههههه ,,,,,,,ومزون,,,,,,,,,, ومنصور ...مييير شخصيتة شي جانتل مااان الله يكثثثر من امثاله وشرواهـ ^_^ ومزون صددق كنت منقهره من عناااااادها وتصميمها ع التخصص...بس كل انسان يغلـــــــط ويستعجل ثمن ينـــــدم ويتمنى لو يرجع الزمن للوراء ...ليغير رايه بس خلاص هذا المكتووب وكساب ..راسه يابس مابيسامحك بسسرعة زعلته قوووية...اتوقع كثثثر ماحبتس وعزتس واغلاتس...زعل عليتس وكرهتس...بس موب الكره الكره ههههههههه واتوقع الكابتن مهاااب الله يستر بالرحلة ايش بيصير... ..بو صالح... اكيد البنت المنتظره بيكون لها دوور كبير موب زيادة عدد خخخخخخخخ ياترى هي اللي بتكووون عرووسه منصور ههههه <<شف كيف يامنصور سوقك قايم خخخخ ..كسساب.. صدق انك رجال من ظهر رجاال اعجبتني حيييييييل برضو وانت تعاتب عميرك وتستسمح من خالتك..بس ياترى لو خليفة ماقابل هجومك علية بالهدوء..هل بتحس بتأنيب الضمييير ولا..خخخ وجميله..اللحين تكرهينة وهو السبب ناسيه حالتس ماكأن انتي برضوو اللي كبرتي راستس..وقلتي ابغــــــى خلييييفة ماادري كيف مستحملتس....لحد الان بس ياترى ..بتكون نهايتك وياها الحلم والصبر لتنول الاجر والثواب ولا بترجع الامانه لآمهااا مع مااتوقع بتكون الطلااااق بتكون ..تقليدية عناد وغصب..وبالنهاية سمن ع عسسسسسسل خخخخخخخخخ ...علي..... ياكبر قلبك والله..وانت مستوجع تقابل ابوك بوجه بشوش ومهوب عاقد النونه ومكششر... والله يرزقك بشيختها((جميلة))وهي ماتناسبك ازهلها وانا اختك ^__^ <<جاء ببالي هالتفكير اللي مااادري ايششش يبي معقولة تكون كاسرة لك..ومع انو ماتناسبون بعضض خير شر خخخخخخخخخ بس ممكن ....^__^ وبالنهاية اشكرتس من الاعماق وماقصرتي ع الالتزام...والبارت الله يخليييييييك لناا ((اوني))<< بالكوري ... تخاطب بها الفتاة..اختها اواي بنت اكبر منها سنا"<<فيس متأثر بالدرامات الكورية وه بث هههههههه وكومساميد<<برضو بالكوري.....يعني شكرا" خخ ((كومساميد+كوماوو+كومبتا))=شكرا" جميع هالثلات برضوو شكرا" واريغاتوو كوسيمس<<ياباني ههههههه فيس ضاربه فيوزاته وبيشكرك بجميع اللغات اللي يعرفها ههههههههه ونسيت العنقليزي...خخخخ <<مسويه اعرف عنقليزي .. وانا من جنبها هههه .Thank you .Merciفرنسااوي .. .. ••• ܓܨ••• ✖ • |
السلام عليكم ورحمة الله وبركاته
صباحك قشطة وعسله >>>>ياحبي للي يقولها مرحبا بك في أجمل محطة للالتقاط الأنفاس ما تتخيلي قد إيش تعني لي هالمحطة ووش كثر أشتاق لها على الرغم من تقصيري بالرد لكني على الدوام أحس بحاجة إلى أن اشتنق عبير كلمات ....وأتلذذ بطعم سطورك ..... فعندما أقول مبارك التميز والتثبيت .....فإن المباركة للتميز الذي تشرف بوجودك وسطر أجمل تعابيره بتواجدك الدائم ....وللتثبيت بالتزامك بمواعيدك الذي هو من شيم المؤمنين... فهنيئا لنا هذا التواجد أنفاس ..... سأقوم بتوقعات عشوائية استشفيتها من خلال متابعتي الصامتة لك جميلة على الرغم من إدراكها بتهور قرارها إلا أن خليفة سينحج في مهمته ....لأنها بحاجة إلى انسان يتعامل معها بحزم ولين بنفس الوقت....فمن طريقة تعامله معها في أول لقاء له بعد ترك أمها لها أثبت أنه قادر على امتصاص غضبها ....وكونه مدرس لطلاب في الثانوي فهذا يساعده على التقرب من شخصيتها المتمردة .... منصور ....والتناقض المحبب بين وظيفته وشخصيته ....أعده شخص متزن لا يعاني من تزمت وتعصب ....فهو في مجال عمله شخص صارم حازم لايرضى بالخطأ ....بينما على النقيض في حياته الخاصة فهو شخص رقيق لطيف فمن خلال تعامله مع أخيه وأولاده يتضح لنا كم هو شخص يرغب في الحب ولطف المعشر ....فرده على عفراء بأن الكلمة له وقت ماسمعها يدل على رومانسيته المتناهية التي لم تشبعها أي من زيجاته الثلاث .... هنا بأقول توقع بأن كاسرة هي المناسبة له>>>وش جبتي جديد كساب ....وسر السنوات التي قضاها في الغربة للدراسة ...وعاد بعدها بجسم رياضي ....فشخصية مثلها ترفل بعنفوان الشباب ...في مجتمع متفتح لايضع حدود للعلاقات ...ولا للأخلاقيات ....وجميع مغريات الدنيا أمامه...لكن دينه وتربيته تأبى عليه الانصياع لها .... لذا لجأ للرياضة العنيفة لتفريغ كل شحناته العاطفية و طاقاته....أما عزوفه عن الزواج ...قد يكون بسبب تعلقه بإمرأة وخذلته>>>ياكثر الفلسفة بالنسبة لمزون فأتوقع أن يكون الطيار امهاب سلمت أناملك أنفاس |
✖ صبـاح الورد,,http://up.arab-x.com/Mar10/N9J97195.gif يْسسسْسسلمْوَـوْ روووع‘ـْہ يعَـطيْڪ آلـ ع‘ــآآآفيـہْ يآ ع‘ـسسْلزْ /~ . كاسرة ليش اسندت رأسها للزجاج وهل كانت تفكر في شيء؟؟ أتوقع أعرفت أن منصور أخـو (( زايـد)) اللي جدها يمدح فيه وخطب أمها.. :9jP05261: تعجبني شخصية كاسره ليش ماجبتي عنها شي في هاالبـارت؟؟؟ مـهاب & جوزا:, احس أنه خطب جوزا علشان عبدالرحمن ,, جوزا ماراح توافق وأتوقع عبدالله زوجها مامات "<< ياذكيه.. http://up.arab-x.com/Mar10/ll897195.gif http://up.arab-x.com/Mar10/wfe97195.gif مزون : أتوقع بعد ها الرحله راح تترك الطيران,, زايـد.. الكل يحط الخطاء عليه .. لويتزوج كاسره http://up.arab-x.com/Mar10/wfe97195.gifhttp://up.arab-x.com/Mar10/wfe97195.gif عـلي : مايحب جميـله بس تعود عليـها ،، جميـله : لوتترك العـناد بس,, الله يكون بعون خليفه,, تحياتي ... ✖ |
بسم الله الرحمن الرحيم
وعليكم السلام ورحمة الله وبركاته أغلاأنفاس قطر ............ وضحى الحياة فرص ليش الرفض بس للأسف اظن ان وضحى من زوود نظرتها الدونية لنفسها مستخسره على نفسها حتى الشعوور بفرحة الخطوبة والموقف بكل بعاده .وكل هذا انفرض على وضحى من طريقة تعامل اختها لها وحمايتها الدائمة ظن من كاسرة ان البنية نياتيه وينضحك عليها وذي المشكلة للأسف أعاني منها شخصيا بس موو مع فتاة انما ولد أبني الي دايم ابوه بقوة شخصيته وحرارته يهمش قرارات ابنه وتصرفاته ان لم تكن في نظر الأب قرارات محنكة أثرتي شجوني أنفاس الموضوع هذا جدا خطيير اللأشخاص الي في المجتمع الي مفهومهم لذواتهم متدني مثلهم مثل المؤمن الضعيف وعن أبي هريرة -رضي الله عنه- قال: قال رسول الله -صلى الله عليه وعلى آله وسلم-: المؤمن القوي خير وأحب إلى الله من المؤمن الضعيف، وفي كل خير، احرص على ما ينفعك واستعن بالله ولا تعجز، وإن أصابك شيء فلا تقل لو أني فعلت كان كذا وكذا، ولكن قل قدر الله وما شاء فعل فإن لو تفتح عمل الشيطان أخرجه مسلم ................... كـــساب فعلا زي ما حكيتي من قبل أنفاس انها شخصية صعبة موقفه اليوم مع عفراء المصارحة الشفافة بدون أي قيوود مصارحة مطلقة بدون أي تحفظات معقوول هذا الشيء يدينا لأستناج كنت رافضته تماما منصور ............هل في التشابه العميق في نوعية العلاقة وشفافية التواصل بين كساب وخالته وكساب وعمه فيه مغزا يا أنفاس فيه كلام بين السطوور أكيد بس على قولك نخليها للأيام ..................... خليفة و جميلة توني أنتبة للتشابه في الأسمين الام الياء التاء المربوطة عدد الحرووف أدري اني مفهيا بس خلاص تزوجوو يعني غصب لازم نشوفهم كثنائي في العادة مع مشاهد ما بعد الزواج التعارف التواصل لها شووق لمعرفة التفاصيل لكن مع وضع جميلة ومرضها المشاهد تخلوو من الأيحاءات الرومانسية خليفة قلبي .................... علي و والده مشهد على السريع لكن مثقل بتنووع وثقل المشاعر .................. الشيـــــــــخة مين هذي وتصيير يعني أخت شعاع وجوزا لزم حلووالكلام بس عرفتها أخت عبدالرحمن بس صبر البنت هذي عندها مشكلة أعاقة بس الي اعرفه من حكيك أنفاس انه العوائل يعرفوون بعض وفي حوار مهاب لعبدالرحمن كان مهاب مندهش انه عبدالرحمن يعرف احد بحالة تميم بس خلاص تاهت ولقيناها البنية انطرمت قريب بس برضة بيدروون عنها ام مهاب الا اذا المسئلة نفسية وام صالح كتمت على الموضوع من خلا ل تسفيرها للدراسة او للعلاج مجرد توقعات بس مش عارفة ليه حاستها طايره في السماء ..................... عفراء تصدقين بديت أهضمك موقفك يوم بغيتي تودعين بنتك كان شغل عدل خلاص عفونا عنكي وحبيناكي سالفة منصوور بنعاود النظر فيها ................... يا عيني على مزون وايا عمها الكيوت بصراحة الرجال ذا على قوول فهد كاريزما يقبر قلبي خطيييييييييييررررررر أتعب أتعب أوصف وش كثر هو خطيير ................. معليش شوي شوي على مخي ما بعد أستوعب ذحين مزنة موافقه انه فرحتها الولى وبكرها الي يا حرام طوول عمره شايل المسؤولية يتزوج جوزاء بصراحة لمزنة جوانب كثيير تنحسب لها ما ألومك يا زايد يوم تشاهق بأسمها وانت نايمم ................. مزوون مهاب خخخخخخخخخخخخ الرجال متعمدها صح يبغى يتشمت ويخليها في وضع ما تقدر فيها تتراجع شكل واسطات مهاب قوية مسكينة مزوون وين ما تطقها عوييا رحلة موفقه للمسافريين ونحن ربي يلهمنا الصبر ويعدي اليومين الجايين في خير ............ أنفاس قطر جزاك الله الف خير |
السلااااااااااام عليكم ...
نوووووووووووووي مستحييييييييل لا يصدق حراااااام عليك يا عمت بنتي من اول يوم لمزوووووون خليتيها في هالموقف اقل شيء كان تأجلت لثاااني رحلة لكن من اول رحلة تصدمينها كذا << فيس مثأثر جدا جداا تصدقين عندي ضحكة غير طبيعية يعني البنية خايفة من هالموضوع بالذات وعندها قلق غير طبيعي تجي في اول رحلة لها مطمنة وكل شيء أوكي عندها تنصدم أن اول شرط من شروطها راح في ادراج الرياح ومعاها رجل في وسط الجو .. الحين هي خايفة ومتوترة لان هالتجربة عادها جديدة عليها فما بالك لما يكون معاها رجل والله يعلم هالرجل الحازم الغامض من يكون لا يكون بس مُهاب عز الله راحت فيها والسفرة انقلب على راسها وراس المسافرين << فيس حاط يده على قلبه .. مزون & منصور :: حلوة علاقة العم ببنت اخوه او خلنا نقول بنته مثل ما جاء في الجزء اللي فات في حنية وعاطفة متدفقة بينهم وما تغيب عنهم الروح المرحة ... انا شفت مزون مع منصور غير يمكن انها ظهرت بشخصيتها الحقيقية اللي أندفنت مع زعل كساب عليها بس تظل مزون للان ظاهرة لنا بشخصية ضعيفة مهزوزة متأثرة بكلام من حولها << مدري ليه احس مزون راح تنفجر وقريب بعد لان الضغط عليها كبييييير وهي انثى في النهاية مهما استحملت الا ان راح يجي لها يوم وبتنفجر ويمكن يكون كلام مُهاب هو اللي راح يساعد في حصول هالشيء << فيس عنده نوم ومو مركز ههههههه وممكن تمر هالرحلة فقط بالنظرات الغاضبة والمستحقرة هذا اذا كان الكابتن مُهاب هو اللي حاضر معاهم ... أبو صالح :: جملة الغامض الصامد شدتني هل يخفي خلف هالغموض موضوع خطير وصامد ثابت وصلب بعد ما جرى على ابنه المفقود << فيس تاكد في هالبارت ان عبدالله مفقود ومو ميت يمكن هالعبد الله راح يجاهد في أي مكان واختفى ويمكن انه كان راجع من سفر وعثروا على سيارته وهو ما له أثر ويمكن انه عميل سري للدولة وراح في مهمة و ما يدري فيها الا ابوه >> فيس شطح بالخيال وتذكر مسلسل العميل 1001 هههههههههههه بس كلمة ادعي له هذي وراها ان وأخواتها كلهم >> فيس تذكر النحو شوفي انفاس حبيبتي انتي ... خطبت مُهاب لا يمكن تتم او انها بتم ويوم الزواج راح يظهر عبدالله من العدم ويجي يأخذ العروس الجميلة جوزاء تعرفين لو كان هو في مهمة وكان عارف فيها قبل زواجه هذا سبب قوي جداا في انه ما كان يتقرب من جوزا ويمكن المرتين هذي انهزمت قوته امامها وكان الموضوع فوق احتماله << فيس يقول ان صار قلبه قارصه من هالموضوع .. الخال نايف & بنت ابو صالح المجهولة :: ؟؟؟؟؟؟؟؟؟ وين هم في ؟؟ وهل الاثنين هم اللي يدرسون والا واحد منهم بس ؟؟ ونايف هذا دراساته عليا والا ماجستير ؟؟ فيسات استفهام تدور حولهم ... مزنة & وضحى :: وما زال كشف الحقائق عن موضوع عبد الرحمن جاري .. الحين بعد ما عرفت انها الاولى أكيد انها في عقلها بتفكر في الموضوع هي صح اعطت الجواب بالرفض بس عقلها شغال وبالذات بعد موضوع خطبت مُهاب لجوزا يمكن تكون هالخطبة سبب فقط لارتباط عبد الرحمن ووضحى لكن الخطبة هذي ما راح تتم لظهور عبدالله أو وقوف صالح في النص ويمكن كمان يكون الواقف ضد خطبة مُهاب فهد >> فيس ما يستبعد شيء على انفاس .... علي & زايد :: موقف أثر فيني لقاء الأحبة .. رغم ما جرى في الدوحة لكن فعلا يبقى الحب رابطهم يعني بعد الجرح اللي سببه زايد لعلي والعتب من زايد على علي لكن شفنا مشاعرهم الصادقة في لقائهم اعجبني الموقف كثيراا .. شدتني وقفة زايد متساند على الباب مو كأن هالوقفة يا أنفاس لواحد شباب مو بواحد عجوز ورجل للدنيا ورجل للقبر يعني زايد للحين بقوته ويمكن عمره للي ما يعرفه راح يعطيه بالاربعين والا لا ؟؟ وبعدين كمان شدتني جملة ان زايد حافظ جنيف هل يعني هالشيء انه كمل دراسته فيها عشان يحفظها مثل ما أوحى لنا ترى انا مو فاكرة ان جاء ذكر عن تكملة الدراسة << فيس مع النوم مو فاكر شيء ابداا هههههههه جوزا & مُهاب :: وموضوع الزواج وليس الخطبة اللي ما راح يتم لاني الخطبة بتمشي أوكي لكن في الزواج بيتعقد كل شيء << ولو طلع كلامي غلط بذبح نفسي << فيس يقول لانفاس ترفقي في عمت ولدك .. الحين جوزا هالصدمة كلها عشان مُهاب تقدم لك يعني لهالدرجة ثقتها في نفسها معدومة ترى البنية للحين شباب والا لان في مجتمعنا الأرملة يا تأخذ لها واحد متزوج يا أرمل يا مطلق يا شيبيه وللحين ما دخل دنيا صدق هالمجتمع ظالم كثير << فيس مو عاجبيته هالنظرة .. بس شوفي جوزا انتي ما لك مفر من عبدالله الا ترجعين له ويا سلام لو رجع مكسر وانتي تسهرين على راحته وشفاءه يااااااااي << فيس يحب الاكشن خخخخ ... عفراء & كساب :: رفيقا السفر .. اليوم حسيت بعمق العلاقة بين الخالة وولد اختها كنهم اصدقاء يعني كساب اللي شفناه من بداية الرواية بالقوة اللي ظهر فيها في كل بارت لما ينوجد هو وعفراء في مكان لوحدهم يبوح لها باللي في قلبه أول مرة شفناه في الطيارة قال لها عن غضبه على مزون وهالمرة كمان شكى لها همومه .. وكلمة رخيص اللي قالها لنفسه تراها كبيرة على واحد مثل كساب يعني لو واحد غريب قالها له اقرب شيء ممكن يسوي يموته ضرب فكيف لما يقولها هو عن نفسه وقدامها .. وبعدين هنا شفنا كساب وهو يعترف بغلطة هذي نقطة ايجابية بس ما شفناه اعتذر عن هالغلط في اللي غلط فيهم... بس مو كان في جرح كايد ومن سنين غير جرح مزون والا انا يتهيأ لي .. وبعدين يا عفرا تقولين له ما بقي حد من بنات الدوحة من جماعتكم ما شاورتيه فيها الا ورفض هل هذا يعني انك شاورتيه في كاسرة والا هذي سقطت سهوا خخخخخخ وبعدين هي انت يا كسوبي وش هالشرط التعجيزي 10 ساعات ما تتحرك من جنب الطوفة ليش وين احنا فيه ولا في المعسكر والا الجيش حرام عليك ترفق بالبنية تدري عاد كاسرة والله العظيم مو بس مناسبة لك الا صورتك لاصقة في صورتها في عقلي اسمائكم على طول جنب بعض ولو ما اجتمعتم بيكون في شيء غلط بالرواية << فيس يضغط على انفاس ... وبعدين يا عفرا انتي صراحة يبي لك بوسة تهبلين وانتي تسمعين الكلام وترجعين بلدك أي يا اختي خلي البنت مع زوجها قاعدين نشوف نتايج حلوة وتتطور صح مو كبير بس اكيد انه مع الايام راح تتقدم حالة جميلة وتصير زينه لا تخافين عليها في ايدي أمينة هههههه... جميلة & خليفة :: امممممم مر كلام كثير في هالبارت بينهم وركزت فيه .. أولا احساس جميلة بان خليفة ينظر لها كبيبي بسبب تصرفاته معاها هل هالشيء بيأثر ويخليها تتجاوب مع العلاج عشان توريه انها انثى كاملة وليست طفلة .. نفس خليفة المسدودة وعدم شربه لكأس العصير اللي مدري ليه يا انفاس احسك كل شوي تجيبين لنا سيرته كن تقولين انتبهوا لهالنقطة هل هذا يعني ان خليفة للحين يتذكر منظرها وهي تتقيأ وقرفان منها .. جلسة التعارف بينهم اليوم هل راح تمتد لجلسات وسهرات طويلة << فيس يقول اكيد .. ظيق خليفة من المقارنة بينه وبين اولاد الخالة هل هذا شعور غيرة بس هو ما عرف يفسره لانه لما قارنته بأمها كان شعوره مختلف جداا .. فضفضت جميلة عن مكنون قلبها وخوفها على امها لخليفة هل هذا يعني انها بدت تثق فيه ؟؟ موقفها لما غادرت امها نزل دموعي بجد انفاس رائعة انتي في الوصف .. الحين ممكن في البداية تحمل خليفة الذنب بسبب غياب امها عنها ويمكن تردد اكرهك هذي مرة ثانية انفااااااااااااس اليوم البارت مليء بالاحداث ارضاني بشكل كبير جداا .. حسيتك تعبتي فيه بجد ربي يجزاك خير ان شاء الله.. مجهود كبير قاعدة تبذلينه في هالرواية .. مبرووووووووووك على التميز انتي يا متميزة.. سامحيني على القصور بس والله تجي ايام من كثر ما يكون البارت يهبل وجميل ما اقدر اكتب كلمة وحدة .. منتظرين الجديد بكل شوق ... http://www.liillas.com/up3//uploads/...162f175bc1.gif |
توقعات عجيبه
…~~ بسم الله الرحمن الرحيم السلام عليكم ورحمه الله وبركاته كيف كان صباح الجميع ؟؟ دمتم بخير جميعاً ====*===*===*==== فاصل :: "حسبي الله لا إله إلا هو عليه توكلت وهو رب العرش العظيم " ====*===*===*==== توقعاتي:: القفله شي عجيب !! وش يصبرني ليوم الأحد >> وحده عنده امتحانات الأسبوع الجاي . ====*===*===*==== *مزون* الحين سؤال غانم يشتغل في الطيران ؟؟ طيب بقول توقعين الأول : إذا كان يشتغل في سلك الطيران فأنه هو اللي راح يكون الكابتن على الرحله الثاني : أذا كان غانم ما يشتغل في الطيران فالكابتن راح يكون مهاب لا غير ماذا سوف يحدث لك ؟؟ وكيف سوف تتصرفين؟؟ مزون إلى أي درجه وصل بك الحزن من غضب كساب علبك ؟؟ ====*===*===*==== *منصور* من الجيد أنك تحكمت بأعصابك ولم تمنع مزون من ذهابها للمطار ====*===*===*==== *عبدالله* أول شي عبدالله حي على وجهه الأرض بس مريض بعد دورة المضلين طاح وصار له شي أو أنه هاجر مثلاً >> دائما هذا التوقع في خاطري بس اقول مو معقوله يكون "حي" بس الحين مع هذا التوقع وبقوه ====*===*===*==== *أبو صالح* أبو صالح راح يوقف زواج جوزاء من مهُاب وراح يهدد بأخذ حسن أو أنه سوف يخبر جوزاء أن عبدالله حي يرزق ولكن مع شخصيه أبو صالح الشديده فأني مع التوقع الأول الشخصيه الجديده بنت أبو صالح وخالها اللي راح تظهر الأيام الجايه : من هي ؟؟ ومن هو خالها ؟؟ وأين تدرس ؟؟ ولماذا لم تدرس في الدوحه ؟؟ وما هو تخصصها ؟؟ وهل لها علاقه بعدم تقبل عبدالله لجوزاء أم لا ؟؟ ====*===*===*==== *مزنه * هل تعلمين يا أنفاس شعوري انكِ تخفين الكثير من شخصية مزنه ولم يحن الآوان لظهورها؟؟ يعجبني رأيها من زواج تميم ؟؟ وحنكتها في أخفاء رفض وضحى ؟؟ ولكن هل تعلمين ممن الخوف من أنك تقلبين التوقعات وتجعلين تميم يتزوج بمن هي مثله ؟؟ مع أنني لا أتوقع ذلك لان شعور الأمومه لديك يمنعك من قلب هذا التوقع ... هل أصبت في ذلك ؟؟. ====*===*===*==== *وضحى* وضحى عندي أحساس أنها راح تغير رأيها بس كيف ؟؟ ,,, مثلاً تمر في موقف معين وتوافق على عبدالرحمن ====*===*===*==== *زايد* زايد ويا قلبي على زايد أيكون صحيح الحب حتى الممات الم تنسى مزنه حتى مع مرور الزمن عليك !! سوف أخبرك بشي من قناعاتي أني أؤمن بالحب المتمكن بين اليدين يعني حب الأب والأم حب الأخ وحب الزوج إلى أخره من الحب الموجود للكل ولكن حب ويأتي من طرف واحد ولا يجد له مرسى فهذا مرده إلى النسيان أعلم أن هذا صعب ولكن الإنسان لم يسمى إنسان إلا لأنه ينسى فعذرا يا زايد لماذا لم تنسى مزنه إلى هذه اللحظه ؟؟!! ====*===*===*==== *علي* لا تحزن فالأيام كفيله لتنسيك ؟؟ ====*===*===*==== *كساب* شخصيه خلف الكواليس كما أحب أن أسميها من الأجمل أن نشعر بوجع الأخرين كأحساسك بأخيك علي ولكن على شفافيه وحساسيه شخصيتك ألم تشعر بحزن مزون !! هل نفترض انك ستسامح مزون بدون ضغط من الأخرين ؟؟ ولكن عجيب سخريتك من أمر الزواج إذا على سخريتك هذه فلم يكن زواج بل حياة عسكريه >> أضحكني ما قال ====*===*===*==== *عفراء* كيف سيكون ذهابك إلى علي؟؟ ====*===*===*==== *جميله* فلا يوجد لها إلا توقع وحيد أنها سوف تعيش ولن تموت ====*===*===*==== *خليفه* إلى أي حد من الحدود سوف يكون قريب من جميله ؟؟ ====*===*===*==== كان هنالك غياب من نجلاء وصالح وغانم وفهد وكاسره وتميم ؟؟ أين فاكهة كل جزء سميرة !! ماذا تخفين لهم من حكايات وتفاصيل ؟؟ بأنتظار ما تخطه يداك ====*===*===*==== أختك: بنت أبوي أبوي بن جدي. ~~… |
تسلمين انفاس على البارت الرائع
ببدى في مزنه ومسألة رفضها لزواج تميم من صما حقيقة وجه نظر صائبة الصمم من الله اللهم لا اعتراض لكن تميم عنده مميزات تغطى على العاهه الي فيه ليش ما يتزوج انسانه سليمه ولا يجني على ابناءه مستقبلآواتوقع الانسب شعيع ليش لا خطبة مهاب لجوزا اتوقع ماتتم وهي الي بتكون سبب في موافقة وضحى على عبد الرحمن جوزاوانها استكثرت خطبة مهاب عليها في قوانين سنها المجتمع وهي النظره للأرمله والمطلقة مهما قلنا ماراح تتغير لايمكن ان الارمله وخصوص معاها طفل تحظى بشخص مثل مهاب شاب قريب من الكمال بمنظور المجتمع كساب والندم الي حس فيه بعد موقفه من جميله وخليفه دليل شخصيه نادره توزن الصح والغلط في ميزان الرجل الحكيم جا في بالي ان يمكن كساب التقى في بنت ابوصالح با الخارج لكن سنوات دراسة سابقه لها وبعدين شخصية كساب محافظه بزياده يعنى بنت ابوصالح مستبعده بما انها تدرس برى يعنى ان شاء الله الكاسره المرشحه الاولى لكساب فيها شرط من شروط كساب الجمال لكن من بيجمع بينهم اتوقع الجد ابو مزنه بنت ابوصالح مدري جا في بالي انها تدرس طب ويمكن تكون من نصيب علي وغانم يرزقه الله معقوله ابو ما وده ان ولده يندفن في بلاده الا يكون فيه شي كبير بدت اقتنع ان عبدالله يا اما انه حي ومفقود او انه فعلن مات بسبب الارهاب وغسيل المخ الي يتعرضون له الشباب في ها الايام ابوصالح كلامه يدل انه ماهو راضي عن صالح وحتى معاملة صالح لجوزا تخوف اسلوبه معه زي الي عارف انهم ماراح يطولون مع بعض مزون من خاف من علتن ذبحته ياخوفي الي شفتيه ٌمهاب ومن عقبها بيسمعتس كم كلمه ماهو تجرحتس الا تذبحتس عودي بس لدوحه بعد ها الرحله واسمعي كلام منصور دام انه عرض عليتس الوظيفة الي تبين منصور وشخصيته منصور ضابط وعمله يفرض عليه يتعامل بمبدأرئيس ومرؤس ليش نستغرب تصرفاته وحنانه وحزمه اتوقع كلامه لمزون بدايه لأقناعه لترك المجال الي دخلته ابدعتي انفاس وامتعتينا ببارت رائع امتعك الله بلباس الصحه والعافيه انتي ومن تحبين |
اقتباس:
ماحد يطلعني من قوقعتي في المدرسة ويخليني اخترق كل الحواجز والقيود وأقوم أطامر أبي أرد من الحرة إلا ذا المفهية ذي جيلو...خخخخخخخخخخخ الله ياخذ أبليسش قولي آمين.... دكانش ماعاد مهوي بس... حتى جدران ماعاد له.. شكلش قاعدة في عريش ومن غير سقف بعد خخخخخخخخخخخخخ جيلو يالمفهية أم صالح وش دخلها في عبدالرحمن وجوزا وشعاع؟؟ وش دخلها؟؟ هذولا اسم امهم أم عبدالرحمن.. أم صالح هذي ام صالح وعبدالله وفهد وهزاع والبنية اللي مابعد طلعت... وترا كلمة الشيخة تنقال عندنا لا صار الواحد زعلان من واحد لكنه يغليه.. يعني موب اسمها الله يخلف على أمن جابتش قولي آمين وأما سالفة البكماء على كبر هذي فلة خخخخخخخخخ... وبعدين البنت اللي قال عنها عبدالرحمن بنت دكتور معه في الجامعة... يالله خلايفك... والله العظيم بطني آجعني من الضحك الله يفرح قلبك يا شيخة قولي آمين يا أم دكان عريش أنتي |
لا مسكينه مزون شكل الكابتن مهاب شكله بينشف ريقها وتحرم هالشغله
توقعت ان مهاب بيخطب بعدين مزون ياليت وضحى توافق على عبدالرحمن ننتظرك انفاس يوم الاحد لاتطولين تعرفين مافينا صبر وتسلمين على هالجزء الروعه اللي مو غريبه عليك |
هلا أنفاسي النديه هلا بمسكة الصباح
اسعدالله صباحك وممساك ان شاء الله انك بخير وصحه وعافيه نجي لإبداع اليوم عبدالرحمن قد يكون موقفه غريب لكن بالصدفه امس دار بينا حوار مع احدى صديقاتي على هذا الموضوع وكنا نتكلم عن ازواجنا وكيف وممن ويصير لكمومن هذه الاسئله جوزها ياطويله العمر يصير ولد خالها بس مب شقيق وهو من قبيله ثانيه المهم خطب أختها العوده و دوه لا لسبب غير انه من قبيله ثانيه لا لعيب فيه. وجابعدينوخطب الصغيره بعدردوه وهو مصريبي نسبهم حبا في خالته وجاب جاهه كبيره همردوه ودارت الايام وبعد كم سنه قال لامهالو خطبت من عندكم تعطوني قالتله ماعندي غير هذه وهذه شايفها ذبحهاالدلع ماتعرف تفتح بيت جان يقوللو تعطوني هي بعيوني ومن يومها وهو لم يقصر عليها بشئ من اجل عين تكرم مدينه موقف وضحى مفهوم واحد في عينها أنرد اكثرمن مره لكن يأتي لاختها والانلها أكيد بترفض بسيمكن الاحداث تتغير وتفهم رأيه وتتقبل الفكره اكثر بصراحه شخصيه مثل عبدالرحمن لم يفسده دلال والده بلزادهحنيه يابخت من تكون من نصيبه من هذا اسلوبه مع خواته كيف سيكونمع زوجته خلاص ماتبي بعطيع كوكي ما عندي غيرها وشخصيه نفس عبدالرحمن لا تفوت بصراحه بيخلبها يادهينه لاتنكتين نجي. لحوار مزنه وضحى أنا جداً مقتنعه برأيها والله ييسر امور هالتميم والله انه ذوووق ابو صالح هل هناك سر في حياة عبدالله هل تعرف سره لما تركته يموت ببلاد غريبه هل ما وته سبب لك جرح شوفي أنا شخصيه عبدالله هذه عندي إحساس تنتفي سر غير برئ ابدا وسبب كبير يجعل والده يحس بهذه الخيبه والحزن على ابنه الفقيد ننطر السر ونشوف شو بيصيرمعاهم ومعاج ابدعتي واحسنتي بارك الله فيك رائعه كالعاده لك حبي واحترامي * وعليكم السلام ورحمة الله وبركاته |
يعطيك العاااافيه يانفوسه .. للحين ماتعمقت بالروايه ماوصلتكم دوبي اكتشفها وسجلت علعيونك وربي ..
احبك بكل حالاتك من بعد الغياب الى اخر يوم في فعمري .. وادعي لك من قلب بوقت حملك وبعد ولادتك ربي يحفظك ويخلي لك ولدك واهلك جميع تحياتي لك ... |
السلام عليكم ورحمة الله وبركاته
الجزء اليوم بدأ بصدمه ماتوقعت مهاب يطلب جوزا رغم انه ووالدته كانوا في موقف مشابه مزنه مرأه واقعيه وعمليه جدا فكرتها فيها جانب كبير من الصحه رغم ظني انه فقط تبحث عن العروس الكامله لرفض البشر لنقصان على اكثر شخصيه رجاليه مؤثره في القصه اخلاق عاليه لازم تعوضيه انفاس عبدالله الغائب الحاضر في الاحداث هل كان له عوالمه السوداء في الخفاء مزون المسكينه من اول رحله الاصطدام بمهاب الله يعينها بس بتستاهل هذا نتيجه العناد |
يعطيك العافيه نفوووس
معقوله عبدالله حي ومامات << متاثره في الفلام الهنديه او انه كان واحد بطال ورفض ابوه يندفن في قبور المسلمين او عنده مرض معين ويعالجه برى يعني طريقت ابوه اليوم غريبه بصراحه عاد لازم اكمل الفلم الهندي الي بديته يعني توافق جوزاء على مها ويوم الملكه يجي عبدالله الا نفوووس وش سر عبدالله عندك في بعد الغياب كان عبدالله ونبذ الجوهره وعبدالله هناا بعد ونبذ جوزاء اي صح بكمل فلمي عااد هو يقول لا مافي هي زوجتي وانا ماطلقتها وورقة الوفاه مزوره << وش رايكم فيني مخ صح خخخخخخ نجي الحين لجميله تستاهل يوم خلتها امها تشوف حياتها مع خليفه احسن وتاكل ابرك لهاا نفووس ننظرك ياقلبي يوم الاحدد من جد احسسه بعيد اي الي مع مزون في الطياره مو مهاب واحد ثاني جديد في الروايه جــ,ــ,ــودي |
لا وش هالقفله ؟؟
اتوقع اكيد انه مهاب .. البارت الي راح ما علقت يالله قريت الجزء ورحت اذاكر كان عندي اختبار مممم من وين نبدأ .. زايد وعلي ..مدري وش اقول عن علاقتهم .. كساب غريب يختي هالانسان ..لا لا مو غريب بالفعل احنا كذا نغلط وبعدين نتحسف .. احس كساب عانى كثير في حياته اجل يبي وحده تقعد عشر ساعات ويييييين يابووو .. ان شاء الله تفيد محاولات خليفه مع جميله الله يصبره عليها والله يصبرها هي على فراق امها .. نظرة مزنه لزواج تميم صح بس حتى مو شرط يعني ان شاء الله مو صاير شيء لا صار هو وحرمته كذا .. يعني لو مالقت احد يقبل فيه لازم ترضخ لواقعهم .. بس لما وافقت على زواج مهاب وجوزاء انا اقولك ليه غير الكلام اللي قالته لانها هي حست باحساس جوزاء لما كانت حامل بمهاب ومات زوجها صح ؟ حست انها مو ناقصه ولا فيها شيء اذا خذت واحد ما تزوج ؟ الصراحه ما ابي جوزاء تتزوج مهااب احس ما يليقون مع بعضهم .. حتى وضحى احسها تناسب كساب هههههههههههه .. وكاسره ومنصور .. البارت هذا ماجاء طاري كااسره مدرييي مررره صرت احبها هالكاسره .. اللحين ابو صالح عندهم بنت تدرس برا قطر ولا برا الدوحه ؟ ومع خالها ؟ واكيد ان عبدالله مسوي شيء قبل زواجه ؟هل ميت موته شينه وخاتمه سيئه او ان ابوه درى انه معامل زوجته زين اللي هي جوزاء ؟ الا بسال ما اشوف في دور لام شعاع وجوزاء .. ياربي ياا انفاااااااس ما اقول الا الله يصبرنا ليوم الاحد باقي يومين اهيييييييء .. احس بجد اني لما اقرا الروايه متوغله وداخله بعمق مع شخصياتها واحس باحساس كل واحد منهم ..ومدري ليه احسهم واقعيين :) |
السلام عليكم ورحمة الله وبركاتة:liilas:
احلى تحية لااحلى نفوووووووووووووووووووووسة تسلم يدك على الباررررت الاكثر من رائع ,,,,,,,,,,,,,,,,,لبى قلب كساب ومهاب :55: |
مرحبا لكل المتابعين
كل الشكر لك انفاس قطر الشيخه ونايف شخصيات جديده اتوقع لها دور كبير بالقصه ابو صالح وكلامه ورفضه لدفن عبدالله بالدوحه ورفضه لصالح السفر له ؟؟؟جعلني اتوقع انه اما مريض كذالك طريقه حياته مع جوزاء خلال الشهرين وتعامله معها مهاب وجوزاء اتوقع ان الزواج لن يتم والاسباب تكون خلال البارتات الجايه مزنه وحضور الكابتن معها بالطائره والي اكيد انه مهابمو تاركها الا ويذكرها بكلامه لها قبل تخرجه وضحى ورفضها لعبدالرحمن واتوقع انها تغير رايها وتتزوج عبد الرحمن جميله وخليفه اتوقع انه الانسجام بينهم بعد سفر ولدتها بيكون كبير كساب وشخصيه فيها غموض ولكنه رجل مواقف سلم لنا قلمك انفاس |
ياا هلالا والله .. بنفوسـه ...
كيف امـسيتي اليوم ؟؟ بدخل في التعليقاات ع طوول .. مزوون .. والله ان ذا البنية اني قهرانه عليـها .. كيف تستحمل بس تعامل اخوها لها كذا .. صععب .. الله يعينهـا بس .. اتوقع الشخص اللي معاهم يكون مهاب .. >> ما ادري ليش توقعت .. جمـيلـة & خليفة .. الله يصبر خليفة على جميلة .. احس انها بتتعبه كثير خاصة بعد ما حست بالندم انها ما سمعت كلام امها .. بس اتوقع خليفة بيقدر عليها وبيروضهـا .. وضحـى.. اتوقع تواافق على عبدالرحمن .. ما ادري كذا اتوقع توافق .. واخيرا .. نفووسـه ترانا فقدنا في هذا البارت نجلا وصالح .. |
على الاكيد هاد مهاب ما في غيرو اصلا يسلمو يا قمر ع هيك قفله الحلوه بنشسوفك ع خير يا رب
|
الله يصبحش با الخير والسرور والامل والفرح يا كبتنتنا
وش سويت لمزون ومنهو هذا عريض الكتوف <<<ال يبي له اكفوف جميله صعبه حالتهااا وهروب امهااا فجائه <<يمكن يكون من صالح صحتهاا وخليفه موقفه صعب >>>بس يا بطل او يا المدرس شف شغلك مع جمول <<<<با المعادلات الى بتطيبهااا وتردهااا لارض الوطن وفي انتظار هبوط التكمله الاسبوع الجاي واجازة جميله للجميع وكل الود والحب |
الله يعطيك العافيه أنفاس
البارت جونان .............. أتوقع أن الكابتن ........... امهاب يارب جوزاء ماتوافق على مهاب ومزون تأخذ مهاب بإنتظارك قلبو |
السلام عليكم اول شي الحمد لله على سلامتك ياقلبي وان شاء الله ماتشوفين شر يالغلا الله يسبل عليك نعمه ويبعد عنك كل شر ثانيا الف الف الف مبروك للتميز بابداع انفاس قطر نجي للبارت اليوم تاكدت بما لايترك مجالا للشك ان عبد الله عايش لاكن وينه فيه عندي عدة احتمالات ياهو جندي مجهول يشتغل في الاستخبارات وعنده مهمه خاصه لازم ياديها ومن اهم شروط هالمهمه هو اعلان وفاته وهذا ارجح التوقعات او انه شاذا وابوه اكتشف هذا الشئ وارسله للعلاج النفسي عشان يتعافى منذا البلا الله يستر على شباب المسلمين او انه مدمن ارسله الخارج للعلاج بس الاكيد انه راح يطلع قبل زواج جوزاء من مهاب بس عندي استفسار هو مو ينطبق على زواجهم انه باطل دامه غائب ووش العده المفروضه يعني لو تعرس جوزاء اتوقع عادي ومايمديه يمنع الزواج *********** منصور لعفراء اكيد ومافيها كلام واللي ياكدلي اليوم هو حديث كساب مع خالته وقربه منها ووكاد اللي بيجمع منصور وعفراء هو تدخل كساب ********* عمر علي اليوم صدمني واكدلي انه مستحيل يكون من نصيب كاسره فرجحت كفه كساب يعني راح ياخذون بعض وراح تتحطم احلامهم على صخره الواقع هي راح تنصدم برجل عصبي ممكن يمشيها على العقين ماتلخبطوش وهو راح يعشق الهواء اللي تتنفسه حبيبته المزيونه المشاكسه اللي صعب يقودها وبكذا راح يعيشون تحدي اثنينهم قده ************** عبد الرحمن ووضحى وضحى بعد ماقترن موافقه بموافقه جوزاء على مهاب راح توافق بس جوزاء اكيد راح ترفض خوفا على ولدها حتى لو وافقة ابو صالح اكيد راح يكون له رئي ثاني ************** اللي بالطائره هو مهاب اكيد لانه قال لخالته ان عنده رحله لبو ظبي حسب ذاكرتي المصديه هاليومين ************ نفوس يام سوسو ننتظرك بكل شوق يالغلا الله لايحرمنا طلتك الصباحيه من انبلاجت تباشير الصباح وزقزقة العصافير http://www.liillas.com/up3//uploads/...db51c9a830.gif |
السلام عليكم ورحمة الله وبركاته
تسلمين انفاس جميله ما توقعت امها تروح وتسيبها لوحدها بس اتوقع خليفه يحاول يساعدها وتشفى كساب شخصيته رائعه جدا وضحى ليه العناد ما يكفي انه خطبك قبل حتى كاسره والاعشان خطب كاسره عشرين مره منصور تعامله مع مزون جد رائع جد هي غلطت في تخصصها وخسرت اخوها بس كساب الوحيد الي بيقي معاتبها لين هالوقت الطيار اتمنى ما يكون مهاب مع اني متوقعه يكون هو الله يستر عليها من لسانه تسلم يدك دمتي بود ام شادن |
مبارك غاليتي الحبيبة التميز المتوقع بلا شك ..
وأعتذر منك لانقطاعي ... متابعة معكِ دوماً مهما أطلت الغياب الأجزاء الاخيرة حملت الكثير .. ودارت بخلدي الكثير من التوقعات وللجميع أهم ما حوته الاجزاء القادمة ولفت انتباهي برأيي هو .. خليفة .. بدأ تفكيره يعجبني .. ربما هو متهور لكنه ليس نذلاً كما حكمنا عليه مسبقاً .. جميع الابطال بلا استثناء .. بدأوا يثيرون فضولنا أكثر .. بالذات امهاب وقصده من خطبة شعاع .. ننتظرك بشوق كعادتنا الازلية معكِ غاليتي .. للأسف مستعجلة وما اقدر اطول بالتعليق بس ماحبيت انقطع اكثر لي عودة أكيدة بإذن الله * شكراً غاليتي على كل شيء الله يحفظك ويرعااك سلاام |
انفاس تسلمين عالبارت فديتج<< الفيس راعي الورود
السموحه.. اليوم ما فينيه حيل يعني برد باختصار<< فيس مشغووول كساب حليلك..كسرت خاطريه.. كلهم هدو عليك.. ما عليك منهم... حاسه فيك.. طول عمرك تحسها شرات اختك لصغيرة.. وفجاة تجوفها اعلنت العصيان<< فيس فاهمنه عفرا زين تسوين.. ردي وخليها بروحها.. دامج موجودة ما بتتعالج<< فيس دختر مزون زين لج الحينه.. ابوج وحليله تعب وهو يدور لج هالقطم..و استوى.. جفتي شو استوى.. اسمعينيه.. انتي دامج عصيتي هلج في هالتخصص.. الله ما يبوفقج.. يعني اخير لج انج تدورين لج شغله غيرها<< فيس ينصحها وضحى مشكلتج انج رابطة موافقتج.. بموقف عبدالرحمن من خطبته لكاسرة.. وهالشي اللي مخلنج ترفضين<< فيس ذكي.. لو فكرتي فيه بدون النظر لهالسالفه اكيد بتوافقين<< فيس يقنعها.. بعدين الحينه السالفه اتطورت.. مهاب وجوزا دشو فيها<< فيس يشرح لها زواج جوزا ومهاب بيغير مجرى القصة.. والسؤال الحينه.. الغائب المنتظر.. هل هو عبدالله.. وما موقفه بو صالح من هالعرس.. << فيس يدقق والكابتن اللي يتريا مزوون.. الكل قالو انه مهاب.. انا بخالفهم.. اعتقد ان لقاء مهاب بمزوووون بعده بعيد.. مع انيه شكيت انه هو من الوصف<< فيس يكابر نترياج حبيبتي<< الفيس راعي الورود http://www.liillas.com/up3//uploads/...29afe633ce.gif |
السلام عليكم..
مرحباا نفوووسه البارت ماايحتاج نقوول انه ابداع..تعوودتي خلاص على هالكلام ومليتي منه..بس ماايمنع اننا نقوووله... اقووول ياا ام سي حسين وش هالمزيوون اللي للحين مخبيته عني؟؟ افااااا والله ثم افااااا ماكان هذاا العشم فيتس يا ام سي حسين؟؟؟ مزيووووووووووون وبراااااااا الدووووووووحـــــــــــــــــــه واناااااااااااا ماا ادري ليش متوقعته كبير بالعمر؟؟ يعني مب بالعشرينات؟؟ حااسته اكبر يااا بالثلاثينات او حتى الاربعينات؟؟ بس مب بالعشرينات؟؟ والشيخه هذي بنت ابو صالح ..تدرس برااا ومع خالهاا؟؟؟ امممممممم تدخل عبدالله بدراستها وانه سااعي فيها عشاااااان تروح تساافر وهالشي طبعاا مستحيل بوسط عااائله محااافظه مثل عايلتهم يدل على ان عبدالله انسااان يحب العلم والثقااافه.ويدل على ان له كلمه مسمووعه وخصووصاااا من ابووووه. ويجي في بالي سؤال جوزاء وش هي شهادتها؟؟ هي جامعيه؟؟ اذاا سبق ومرينا على موضوع دراستها والله نسيت.. ماا ادري بس يمكن عبدالله له نظره خااصه بجوزاء وماعرفناها اتوقع لازم نتريث شووي>فيس مطييير عيوونه ويقوول زارا بتتريث مش معقووووول واغمى على هالفيس..هع>>فيس ثاني يقووله هذا شنبي احلقه ان استمريت على هالتريث..هع عبدالله الغاااااائب الحاااضر : غموووض في غمووووض بس اللي الحين واثقين منه انك مستحيييييل تكون ميت؟؟ وابوووك يعرف هالحقيقه.. يعني حياتك ماراح تكون مفاجئه له ابداااااا ابداااا. بس من بعد يعرف بهالشي؟؟؟ وشلووون تخلي صالح يخطب جوزاء وانت عارف ان ولدك عايش؟؟؟؟ والله انك غامض يهالشيبه؟؟؟ صالح ما اعتقد انه عارف عن موضوع عبدالله.. بس انت عارف وهو ماامات بالدووحه..؟ وين قلتوا انه مات؟؟؟ ياا انه بغيبوووبه ؟؟ او انه يتعالج من هالحاادث اللي صار له ..هل فيه تشووهات قوووويه خلته يقرر انهم يوصلون لاهله انه ميت ؟؟ يمكن واحد مثله معتز بجماله صار له تشووهات بوجهه وبجسمه وصار صعب عليه انه يواجه المجتمع بمثل هالتشووهات.. مع انه رجال بس شكله كان يعتبر جماله فوووق الانتقاد؟؟ مع ان شخصيه مثل شخصيته تخليني افكر واقول بلاش هالتوقع ياازارا بس ماا اقدر الا لاازم اطلع من دكااني شي من هالتوقعات>> الفيس اللي فوق يقول الحمدالله سلمت على شنبي..هع جوزاء ومهاب : مااصدمتني خطبه مهاب لها وتحديدها بالاسم ابدااااااااا.. يمكن امهاب ربط بين وضع جوزاء ووضع امه اللي تزوجت ابو تميم وهي صغيره ومعها ولد؟؟ وشاف كيف تربى ببيت ابو تميم. وصار له اخوان؟؟ ماا ادري بس اتووقع فيه ربط بين وضع جوزاء وضع امه.. وهنا هو فكر بالعقل مب بالقلب.. بس قلبه بيكون مع وحده ثاانيه.. وهالثاانيه معه بالمطار>>فيس يقصد مزون بس بطريقه ملتويه شوويه..هع>>مع انه مايتوقع انهم مع بعض بالطياره بس انتي جوزاء هل فعلا كنتي تتمنين مهاب لاختس وماكنتي تتمنينه لتس قبل زواجتس من عبدالله؟؟؟ وهل بتواافقين عليه والا بترفضين؟؟؟ مهاب بيعتبر فرصه كبيره لتس .. ويمكن تخليتس تستردين ثقتس بنفستس؟؟؟ ويمكن تكتفين بهالشي من الثقه وترفضين عشان تحسين ان انتي مب ميته على الزواج وماصدقتي تجيتس الفرصه وتمسكتي فيها والا بينتي انتس ميته عليها.. يعني مثل ماقلتي فرصتس مع واحد مطلق والا ارمل ممكن تكون مقبووله بس ان اللي يتقدم لتس واحد بتكونين انتي اوول نصيبه هالشي بيكون فيه رجوع شي من الثقه وخصووصاا عقب ماعرفتي انه حددتس بالاسم... عبدالرحمن.. تدري انك اوووووووووول مره تعجبني من بدت القصه.. والله ان وضحى لو ردتك بهي غبيه بس لاتلوومها لانها مااعرفت اللي حنا عرفناه عنك.. لهالدرجه تحب مهاب وتحترمه وتقدره عشان ممكن تسكت عن خطأ اخته؟؟ والله انك نشمي يااشيخ.. بس بعد مب غريب هالتصرف يعني فيه ناس كثير ساكتين على زوجااتهم حشمه لاهلهم.. هذا اول شي ثااني شي حبيت حنيييييييتك مرررررررررره مرررررررره مرررررره وبغيت اصيح منهاااا بعد.. يعني ولد وحيد ولك صلااحيات كبييييييييره على خواتك ومع هذاااا نلقااك حنووون وتسووولف معهم ومعطيهم من وقتك .. وماا اثرت تربيت ابووك اللي مخليك رقم وااحد واثنين وثلاااثه وعشره حتى بانك تتعالى على خواتك وتسووي بينك وبينهن حواجز...يعني انت احن عليهن من ابووووك وهالشي وااضح لنا اليووم بقووه .. وثالث شي .. امممم حمني شكلي بصاااادرك...>>فيس يقول بدأ المنشاااااار يطلع يصاادر وينزل يصااادر..هع هع هع.. عفراا.. رووحي الله يستر عليتس ياا ام جميله.. ترىوالله ماراح تندمين ابد على هاللي سوويتيه.. وارقدي وامني خليفه موجود بالخدمه.. كسااااب : اناااااااااااا قلت مب معقوووله كساااااااااااااااااب يسووووي كذااااااااااااااااا؟؟ وش هالتصرف الطفووووووولــــــــــــــــي اللي سوااه كسااااااب؟؟ فقد احترامه لنفسه قبل ماااا يفقدونه الغير فيه.. بس الحمد الله انك طلعت مقهور من نفسك عشان تهورت مع جميله.. ولوو يااكسااب الاعتراف بالحق فضيله ومهوب عيب انك عرفت غلطك عشان ماترجع له.. كفو والله ياا ابو زايد.. المهم كسوووبي ابيك عاد عقب هالفضفضه اللي سوويتها مع خالتك تهتم بنفسك وتعرف ان الدنيااا مااتجي على الكيف .. اجل خالتك قالت لك عن كل بنات القبيله؟؟؟ تدري عاد كسااااااب رغبتك بوحده ماتهش وماتنش تخليني اقوول انك كنت قااسي على نفسك وااجد بهالصفه اللي تبيها بزوجتك؟؟ واصلا اصلاا ماراح نتقبلك مع وحده ماتهش ولاتنش وتجلس 10 ساعات واقفه عند الطوفه؟؟؟ حمااره هذي مب آدميه..هخهخهخهخه شووف قوولة انك تاخذ وحده لاتهش ولاتنش بنعديها لك.. بس لييييييش مااقلت وحده دمهاااا خفييييييييييف وابيضااانيه ودمهااااااااااااا عسلللللللللللل شرباااااااااااااات وخالها اسمه هريدي >>>فيس يغششك الاجابه..هع ياااا كسوووبي صدقني انت تحتاج وحده ترتااح معها وحده تغييييير مزااااااااجك هالعكر وحده تغيييير حياتك كلهااا وتخلي حياتك بمبي بمبي على قوول خالتها سعاد حسني..هع>فيس مصمم على سمووره..على االرغم من كل الاعتراضااااااااات.. هع خليفه وجميله: لااتكفى يااخلووووووووووووف لااتخليني اصاادرك الحين لعيون الكيمياااااااااااااء ياااشيخ..>>فيس كيميااائي حيوووي..هع مدرس كيميااااء يااعيني عليك والله.. عاد تدري خليفه من شفت انك مدرس ثانوي قلت ابد خليفه بيعرف لجموول وخصووصاا انها قريبه بالسن من طلابك.. والبنت اكثر طوااعيه من الولد..يعني تدريسك لعيال ثانوي بيفيدك مع جمووول ووضعها اللي هي فيه..>>توقع من دكااان الزعيمه.. >>اسم دكااني الخطير.. هع مايحتاج نقوولك اننا متعااطفين معك بمهمتك الصعبه .. واللي وااثقين من نجاحك فيها باذن الله..وعلى مقاارنتك بعيال خالتها اتووقع ماراح تكون الاولى والاخيره بتشووووف مقارنات وش كثر بينك وبينهم بس تفهمك مطلوب ياا استاااذ خليفه ومثل ماقلت ماعرفت الا عيال خيالها واكيد ماراح تقاارنك الا فيهم؟؟؟ بس تدري وش اعجبني صدق. انك انت اللي حاااسب الفرق بالعمر بينكم.. يعني ماقلت اكيد ان بنتي عمي خليفه اصغر مني وبس لااااا .. الا بعد عارف عمرها بالضبط وفي بالك يمكن يكون شي ماله اهميه بس من زواج بنفس ظروف زواجكم كل شي نلقطه من اشاارات نفرح فيه.. جموول يااحماااره وش هالدم كله اللي عندتس وانتي معتس هالمرض؟؟.بل بل بل عليتس ياكثر هالدم اللي نزل هدر.. اقوول يااحماره من وين جبتي هالدم كله؟؟ الحين انااا وانا مب مثلتس اخاف ينقلون لي دم وانتي مفرطه بدمتس يااحمااره.. احرصي عليه يا الخديه ترى الحين الدم غااااااااااالــــــــــــي لاعاد تسووين هالحركه الغبيه وتخلين دمتس يرووح بلووشي وان سوويتها لصقي قبل طاسه تحت موقع الابره عشان الدم ينزل فيها >فيس يسووي خطط معفنه.. المهم شبغيت اقوولتس ايه .. اليوم تطردين خليفه وتقوولين له رووح . وبعد فتره بتعدين الدقايق والسااعات عشاان تشووفينه قدام عيوونتس ومن تشووفينه بتحسين بقلبتس يرقع ويقوول تك تك تكتكتك وعيوونتس بتلمع فرحه بشووفته وقوولي الزعيمه ماقالت.. بتتعلقين فيه بشكل له اوول ماله اخر بس انتي عطي نفستس فرصه وبتشووفين وش بتسووين لعيوون خليفه...؟؟ علي وزايد: الله عليكم انتم الاثنين.. اعجبني فيك ياا عمي انك مااعاتبت علي لانه راح بدون ودااعك حبيت هالنقطه مره فيك والا لو انت واحد ثااني كان من تشووفه كسرت راااسه بالتشرّه.. اجل احساااس الذنب اخذ بالتزااايد الله يعين قلبك يااعمي >>فيس متعاطف مع عمه اللي مرات يفكر انه يصااادره.. علي يااااااااااحنووووون انت.. والله خاطري اصيييح من اشووفك.. وهـ الله يشيل حب جموول من قلبك وتلقى لك بنت الحلال اللي تبرد خاطرك وتعرف ان حبك لجميله كان حب مراهقه.. مزووون : والله موووووقف خطيييييييييييييير اللي انت فيه الحيييييييييييين.. هذااا مهااب مووووو؟؟؟ مع اني اشك انه مهاب واتووقع انه شخص ممكن يكون له ظهور مهم بالقصه..يعني شخصيه جديده.. والا انها ايمي مسوويه فيتس مقلب ومخليه واحد يركب بدالها وبعدين لما تشووف لاي درجه من الانهياار وصلتي تطلع وتقوول لتس يو ان كاندد كااميراااا..>> راايقه هالانجليزيه خهخهخهخه مزنه ووضحى : حوار كان المفروض يكون من زمان ومن اوول عرفوا عن خطبه عبدالرحمن لوضحى. يمكن كان تأثيره بيكون اكبر.. بس صرااحه يااوضحى انا مع امتس بخصووص حمني ..اخذيه وصدقيني بتشكرين الله في كل صلاة انتس مااخليتيه يروح من بين يديتس.. اما انتي ياا ام مهاب فتبين الصراحه وجهة نظرتس بزواج تميم مقبووله 100% . بس بعد هو اللي بيتزوج وهو اللي بعيش مع هالحرمه.. و وهوو عارف نفسه اكثر منكم ؟رجال ومستقل بشغله بس حاب يكون هو وزوجته نفس الشي ومايحب انها تكون احسن منه.. سبحان الله احس هالشي بكل الرجال الرجال مهماا كان مايحب زوجته تكون احسن منه .. ويعتبر نفسه احسن منها الف مررررررره.. و وتميم يستحق انه يكون مثل أي رجال كدااد ويصرف على نفسه وبيته وحرمته.؟؟ يعني ياا ام مهاب الاعمار بيد الله ويمكن تموتين مازوجتيه اللي انتي تبين ويااخذ اللي هو يبي حسب مواصفاته.. بس تدرين بنعطيتس 15 سنه وبعدها موتي وبيكون تميم جاله عيال وعاد هذيك الساعه هم اللي بيكملون المسيره>>فيس يقنع بخبال..هخهخهخه الجد .. مدري ليش خفت من كلمته بنسدح شووي وقوموني للصلاة؟؟؟ هل بيكون موته وهو ناايم برااحه؟؟ يعني مب اليوم او بكره بس بعدين بيكون مووته وهو ناايم بدون مايحس احد عليه..وبنفس الموقف اللي اليوم..؟؟ نفووووووووووسه يعطيتس الف عاااااااافيه.. صراحه كان عندي هذره اكثر من كذااا بس رااسي صدّع وهوونت عن بااقي الهذره وقلت ياا بنت خليتس مثل شهرزاد وهي ترطن وتبربر فووق راس شهرياااار لين تجي فقره وسكتت عن الكلام المبااح او شي زي كذااا؟؟؟>> فيس تاريخي..هخهخهخه بانتظار المرحله القادمه من تااريخ الامس واليوم اذا الله احيانا فلا تتركين انتظاارنا يطوووووووول... |
يؤ يؤ .. والله على بالي اليوم الاربعاا و ماقريت جزء اليوم ><
يعني الرد السابق مغبّرر !! ان شاء الله بقرأ الجزء ولي عودة ... |
مهااااب ...لالالالا اتمنى حقيقه انه مااايتزوج جوزاااا ....لانى رتبت مخي انه رااااح يتزوج مزون ...وجوزااا ...ابد ماااتنفعله ياااليت اطلعيلهااا واااحد ثاااني غير مهااااب بلييييييييز ....وضحى ...انااا معاااهااا انهاترفض عبد الرحمن صحيح انه خطبهااا قبل بس خطب اختهاااا الف مره وهذااا لو صااار وتزوجوااا راااح يكون دااايمااا بينهم ....مع ان توقعي ان وضحى في الاخير راااح تتزوج عبد الرحمن ...خليفه وجميله ...طريقه رهيبه في السيطره عليهاااا ...يعرف كيف يااخذ ويعطي معهاااا ويمتص غضبهااا بالسلوبه الهاااادي وتوقعى انهم راااح يكملون مع بعض ....واحنااا عااارفين ان انفاااس قلبهاااا كبير ورااااح تعوضه ان شاء الله ....مزوووون....مليوووووووون في الميه الكاااابتن هو مهاااب ...واضن انه رااااح يصعب مهمه مزووون وراااح يدققفي كل صغيره وكبيره حتى يطفشاااا ...بس اضن ان مزوووون تتهتز اول شى بس بعدين راااح يشوووف قد ايش هي مااااهره في شغلهاااا ...وامكن يصير موقف ول شي خلي طياااره تتاخر وامكن يطووولوون في الامااارااات ...وياااارب ينسى سااالفه خطبته لجوزااا ...انفاااس الله يخليك مهاااب مااايييييخذ جوزاااا ...عبدالله ...في البااارت هذاااا تاكدت انه ما مااات بس مااادري ايش ظروووفه ...
|
السلااام عليكم ورحمة الله وبركاااته
أخبااركـ يالغلااا؟؟ وحمد لله على سلااامتك ومبروك التميز * * * السموحه يالغلاا على التأخير لكن الظروووف وانا اختك الله يعين الجميع على حااله وتعليقي رح يكون على البارتين بإذن الله * * * في بدايه كلامك للبارت العاشر قلتي ((تدرين نودي كنت أظن اسمك نوض بس خوخة قالت لي لا.. نودي نوض أحلى فاسمحي لي أنا أسميك نوض بعد أذنك)) أنا اقول ((خذي رااحتك ياقلبي واللي يعجبك ناديني فيه)) * * * والحين نبدأ بسم الله^_^ * * * &كاسرهـ& وش السر اللي وراك..اقربي وقولي ترى انا من البداايه وانا حابتك لاتخبين عليّ حاجه.. وبصرااحه عجبتيني يوم وريتي الشباب شغلهم نااس مايبيلها غير العين الحمرا ننتظر سرش يابنت أبوش * * * &وضحى& شوفي في البدايه كنت رافضه تماااامااا زواجك من عبد الرحمن وكنت متوقعه كلام امك مجرد تبرير او وسيله ضغط لكن بعد كلاام عبد الرحمن ووامك اللي قريته اقولك تزوجيه وانا اختك يمكن هو نصيبك دامه خطبك ورجع خطب كاسره والحين رجع خطبك من جديد يعني وافقي وانتهى الموضوع لكن انا مع امك لاتقولين رأيك إلا بعد رأي جوزا خووفي هي اللي تقول موب رادهـ إلا بعد وضحى>>فيس خااف من هـ التوقع * * * &مهاب& انت إلا مّصِرْ تناسب عبد الرحمن ياخي يمكن نصيبكم مو عند بعض خلاااص انسى الموضوع وريح وارتااح بدل الزن هذا وان شاء الله توافق عليك جوزا عشان نفتك من اصرارك على النسب * * * &كسّاب& رغم صلاابتك وعدم مبالااتك اللي اشوفها في بعض الموااقف إلا انك حنووون لدرجه عااليه وعندك ضمير يأنبك على اللي تسويه وهذا اكتشفته من موقفك مع خالتك بعد الكلاام اللي قلته لجميله.. واحسن شي رح تسووهـ انكم رح تردون للديره ولو رحتوا لعلي لاتقول انكم رحتوا لجميله خل وجودكم ينسيه شوي من اللي صار * * * &عفرا& الله يصبر قلبك على فرااق بنتك لكن قلب الأم مهما بعد عن ضنااهـ رح يرجع له وانا عندي إحساس يقول قريب بترجعين الله يشفي بنتك * * * &علي*زايد& لقااء مؤثر وخااصه بعد اللي صار وان شاء الله مايصير عتب بين الإثنين لأن كل واااحد اللي فيه مكفيه ومحد ناقص فووق الهم عتب * * * &منصووور& صدق لمن يقولوا المظاااهر كذاابه من الكم موقف اللي شفنااك فيها يقول انك وااحد كشر وداايم جدّي وكل شي عندك بحسااب لكن اللي يشوف المواقف اللي شفتها مع كسّاب*عفرا*مزون*فهد يقووول شي ثاااااانــي وأحلى شي تفهم لموضوع مزون مع اعترااضك له واسمع كلاام مزون وروح قوول لكسااابـ رغم إني اشوف معاااهـ حق في كل حاااجه سواها * * * &مزون& اهلاااا بدايه الألف ميل خطوهـ يعني مصرهـ على التخصص ذا وعندك كااامل الثقه ان اللي رح يكونوا معااكِ طاقم نساائي يختي تحلمين انتي يغيروون مسااار دنيا عشاانك وانصحك لاتقولين اللي صار لأحد لآنه رح يكون ممسك عليك ونصيحه دااامك ساافرتي بالطياارهـ خلااااص اهجدي في بيتك عناااد وعاااندتي وامنيه وتحققت وش عااد تبين؟؟!! رغم انه مارح يصير تغيير في موقفك مع كسّاب لأن الجرح كاان ومازال وسيظل * * * &خليفه& خليفووه الشر شووف للحين وانت اوكيه مع جميله لكن للحين مو رااضيه عنك يعني مهما سويت انت محطوط عليك Xوالسبب ان شخص للحين مجروح منك وللحين تجيك لحظاات ندم على الموضوع وماايحرك من داخل غير النخوهـ اللي اتوقع انها في الحقيقه عناااااااد بينك وبين نفسك هل رح استمر او لأ؟؟ صح هـ الكلااام وحتى لو كاان خطأ رح تبقى خليفووهـ الشر وبعدين لاتقعد تقول تقارن وماتقارن يعني وحدهـ طول عمرها ماتعرف غير كساب علي زايد مزون عفرا وش تبي تقول ولاّ تقارنك بمن يعني ممثل مثلااا؟؟؟ يااخي عليك تفكير مدري من وين جااي اقعد تشرهـ عليها ودور عذر عشان لو فشلت تلصق السبب في كلاامها ذا * * * &جميله& بصرااحه مدري وش أقول لكن الله يعينك على اللي انتي فيه وارجع واقول ربي يصبرك على خليفوه الشر رغم انه للحين حبّوب لكن مو قادره ابلعه أحسه وااقف في حلقي وبالعرض وبالنسبه لأمك حااولي تتأقلمي انك ماتكون معاكـِ لأن حتى لو رجعتي الدوحه هي في مكان وانتي في مكاان ويااليت تنسي موضوع الموت لن التفاؤل شي حلو ومطلوب وهو نصف العلاااج * * * &ابو صاالح& عندي إحسااس كبير يقول ان ولدك عاايش لكن دااام ماتبي سيرته أكيد ان فيه بلاا يعني رااعي سفراات وكذا ويمكن ألحين مريض وفي بلد ثااني يتعاالج فيه او انه اصيب في حاادث ودااخل في غيبوبه وانت حااب ان الكل يتأقلم على موضوع موته واللي زااد شكّي انك قلت لزوجتك ادعي له محتاج للدعاء يعني أكيــد انه عاايش ولو جوزا وافقت على مهاب كوسيله ضغط رح تقول ياتجلسي من دون زواج يارح نااخذ الولد الله يستر * * * &الشيخه*خالها& ؟؟؟؟؟؟؟؟؟؟؟؟ * * * &جوزا& وافق على مهاب بسرعه عشان لو ابو زوجك مافتح فمه ووافق يعني عبد الله باان لكن لو فتح فمه رح ندري ان عبوود عايش والله يستر في الحالتين انتي شهرين ماتحملتيه عاااد يرجع الله يعين * * * &عبد الرحمن& ياااليـــل لو انا مكاانك والله ما افتح الموضوع نهاائي خلاااص الجوااب باين من عنوانه البناات مايبوك يااخي ما احب الرجال اللي كذا المفروض تنرفض من وضحى وترجع نترفض من كااسره خلاااص نقطه انتهى يعني لعااد تتكلم ويوم قاالك مهاب وش رايك في وضحى تقوول له:ماعندكم نصيب لي وانتهى الموضوع لكن الواحد وش يقول يوم يدخل الزوااج بغرض توطيد الصدااقه * * * فهد غنام سميره شعاع نجلا صالح اشخااص ننتظر الستاار يرتفع عنهم أكثر ونشوف المخبا من شخصيااتهم * * * اعتذر للإطاله يالغلاا تقبلي ثرثرتي ^_^ * * * ننتظر المرحله القادمه بشغف * * * بالتوفيق الداائم |
.. :: صباح / مساء ملؤه البركة :: .. .. :: علي و زايد :: .. لقاء مثقل بالشوق .. وحضور عمق الحب و الحنية واضح بشده .. الله يحفظهم وبالذات عليّ .. سمي ّ أغلى الغوالي بحياتي .. .. :: عبدالرحمن و مهاب :: .. سعدت بـ خطبة مهاب لـ جوزا .. شخصية مهاب تؤهله على مساعدة جوزا في تخطي الألم و إيجاد النفس وسط الضياع اللي سببه زواجها الأول .. كذلك .. حب مهاب لـ عبدالرحمن سيمتد لـ جوزا و ولدها .. كما هو الحال على عبدالرحمن في شراءه لـ نسب مهاب .. .. :: وضحى :: .. لعل في أمر رفضها لـ عبدالرحمن خيره .. وإن كنت أتمنى بالفعل قبولها .. خصوصا بعد أن كان هي المقصودة بالخطبة منذ المرة الأولى .. والواحدة تاخذ اللي شاريها وطامع بنسب أهلها .. .. :: كساب و الخالة عفرا :: .. حلووووة جدا علاقتهم في بعض .. تشعرني بتعدد من العلاقات اللي جميعها تحمل مشاعر مكثفة .. لم أجد حوارهما في مسألة زواجه بتلك الجدية اللي كانت تتحدث بها معه عفرا .. وأتوقع كلامه عن اللي بيوقفها على الطوفة 10 ساعات .. دعابة من كساب ومحاولة لتغيير مجرى الحوار .. و عودة عفرا و ابتعادها عن جميلة .. مؤيد مني وبقوة .. فـ أحد أفضل نتائج للعلاج .. إبتعاد من هم بمثل ذلك التعلق بالام عن إمهاتهم .. .. :: مزون :: .. أستبعد توقع إن يكون الطيار مهاب .. و قفلة ممتازة .. .. :: عبدالله :: .. أستغرب جدا ً فرضية أن يكون عبدالله حي .. يرزق .. لإن خطبة صالح أخوه لـ أرملته جوزا .. تنفي هذه الإحتمالية وبشدة .. خصوصا ً وإنه من مجرى الحوار بين والديّ عبدالله تؤكد بإن صالح أشرف على دفنه في خارج قطر .. إلا إن مسألة التشديد بالدعاء له فقد يكون سببه عدم رضاء أحد والديه عنه أثناء حياته .. أو عن سبب آخر سفرة له .. .. :: خليفة و جميلة :: .. بعد أن تعرفت على مهنة خليفة .. وجدته الأفضل في إحتواء جميلة ومعرفة سبل التعامل معها .. فـ طلبته في سن مقارب لها .. و لحد الآن شخصيته زينه .. وهادئ .. وأراه مهذب .. وبالنسبة لـ عقد جميلة مقارنات مع أبناء خالتها .. فـ جميلة لا تزال صغيرة و مجتمعها محدود ومحصور على أشخاص معينين .. و أبناء خالتها بـ حسبة إخوانها لأنها ربت معاهم .. .. :: مزنة :: .. أرى المنطقية الشديدة في رأيها حول زواج تميم .. إلا أنني لست مؤيدة لها حتى الآن .. فلن أحدد موقفي إلا بعد أن أعرف على رأي تميم بوضوح حيال الأمر .. : أعاد موقف مزنة من زواج تميم لـ ذاكرتي موقف حصل في إحدى سفرات الصيف .. في الطائرة لفت نظري طول هذا الرجل جمال هيئته .. كنت وقتها صغيرة جدا ً وهو بعمر يقارب عمر والدي .. وقتها جسد لي هذا الرجل معنى هيبة الحضور .. زوجته خلوقة جدا و لـ أبناءهم خلق رفيع .. تفاجأت عندما رأيت إبنته تكلمه بلغة الإشارة .. لـ أكتشف أنه أصم و أبكم .. الله يذكرهم بالخير .. .. :: منصور :: .. الله يسعد قلبها مزون على هالتعبير ( كيوت ) .. أحس أبعد ما يكون الرجل باللباس العسكري عن تعبير ( كيوت ) .. فكيف برجل مثل منصور وشخصيته .. رزه .. هيبة .. شموخ .. طغيان في الحضور .. أحد هالاوصاف اللي لابقة معهم .. أما كيوت لـ الممرضين بدون قصور فيهم .. بس هذا رأيي .. .. :: أنفاس قطر :: .. الله يعطيج الصحة والعافية ويسعد قلبج برضاه .. سـ أكون دوماً في إنتظارك .. إختك .. أفراح .. |
[SIZE="6"]السلام عليكم ورحمة الله وبركاته
ما تتصورين سعادتي عند معرفي بوجود رواية جديدة لك وسجلت مخصوص في المنتدى لاعبر لك عن مدى اعجابي بك وبروايتيك السابقتين وخاصة ( بعد الغياب ) وهذة الرواية الصراحة بدايتها حتى الآن حماااس ومبروووك التميز فأنت حقاًَُتستحقينه ويعجيني فيك احترامك للقراء والتزامك بمواعيدك لنزول البارتات نرجع للرواية بالنسبة لعبدالله احس هناك سر وراء اختفائه <<يمكن مو ميت الطيار الي مع مزون يمكن مو امهاب واذا كان مهاب كيف ستكون المواجهة بينهما امهاب طلبه لجوزا هو يمكن سياسة منه حتى يجبر وضحة للرضوخ وقبول عبد الرحمن غانم لم تتحدثي عنه كثيرا ومن هي البنت التي دافع عنها وبسببها انكسرت اسنانه << لتكون مزون أو كاسرة تعجبني مزنة وجهة نظرها بالنسبة لزواج تميم فهي بذلك تبي مصلحته ومصلحت عياله على يالبه قلبه الايام كفيله انها تنسيك وتلقى الي تناسبك بنت ابوصالح هذه الشخصية الجديدة ماهو سرها ولماذا درست في الخارج هل هي حالتها نفس تميم ؟؟؟؟؟؟ وبسسسسس:flowers2: ننتظر البارت بكل شوق ولهفة للاحداث الجديدة تقبلي احترامي وودي يااحلى انفاس[/SIZE]:55: |
رااااااااائعة ماشا الله تبارك الله قمة في الروعة اتوقع ان عبدالله عايش مامات لان ابوه ماخلاهم يسمون ولده عليه ومارح يخلي جوزاتتزوج مهاب يمكن يكون عبدالله مسجون في الخارج فى جريمة جعلت والده يغضب عليه ويفضل ان يدعي انه ميت على ان يعلم بها الناس <<متاثرة بالمسلسلات وبنت بو صالح اللي تدرس برا يمكن تكون من نصيب علي واتوقع مزون ومهاب رح يصير بينهم تصادم وبتنفجر فيه مزون وبطلع الاولي والتالي وهو بينصدم من ردها ويبدا يتكون عنده شعور الاعجاب هذا وتقبلي مروري واعجابي بهذا التميز |
السلام عليكم ورحمة الله وبركاته
جزاك الله عنا كل خير على هذه " الرائعه .. الأسطوره " عبدالله // هذا ما اثار فكري عند قرائتي للجزء وانا عتقد انه كانلديه سوابق وافعال مشينه خصوصا قول والده " ادعواله هو يبي الدعاء " مزون // ستكون هذه الرحلة اول و آخر رحلة من بعد التوتر والقلق .. منصور // أنت الشخص الغالي لدي في " بين الامس واليوم " يعجبني شخصك في الحزم والشدة والطيبة والرخاء .. علي // لا تحزن وانس مافات .. كساب // أتمنى أن تقلل من الكبر وتراجع حساباتك مع اختك .. زايد // أنت الشيخ وماعليك كلام .. سميره & شعاع // شخصيتان لطيفتان سيدور حولهم نقاش جوزا // وفاة زوجها بأقل من شهرين من زواجها سبب لها عقدة نفسيه " الله يشفيش " ولك جزيل الشكر ... تسآهيل الخفجي |
لم يسبق لي مطلقا ان قمت بهذه الطريقة المنفردة في الرد ورغم أن الوقت غالبا لا يكفيني لأي شيء ولكنني اليوم قررت أن أخوض التجربة يامن تطاولون السماء بهاماتكم وتفترشون القلب بامتدادكم لا أعلم كم واحدة سأستطيع الرد عليها لذا أرجو أن يبحثن الباقيات لي عن عذر في ثنايا قلوبهم الطاهرة يالله مع رقم واحد اقتباس:
يامن غنجكِ علم الغنج كيف يكون صباحك مثلكِ بهي وجميل لن أرد بشيء عى توقعاتك عدا دائما للصبر نكهة لا حدود لمتعتها المتمهلة . . . |
اقتباس:
بعثرة روح لاسمك بعد فلسفي عميق ودائما استوقفتني الأسماء أشعر دائما أن الاسم يعبر لدرجة ما عن صاحبه وأرجو عندك ألا يكون إلا أن تكوني بعثرة لروح إبداع تحتاج للبعثرة لتعود للتراص بشكل أكثر إبداعا وتقبلي أنتِ أيضا بكل الود امتناني لعطر خطواتكِ . . |
اقتباس:
العنقليزية المرحة وعليكم السلام ورحمة الله وبركاته لمرورك دائمة رائحة السكر.. هل سبق أن اشتممت هذه الرائحة؟؟ إنها أشبه برائحة الكراميل الشهي رائحة يستعصي على العقل نسيانها حين يتعرف عليها دائما عند التوقعات أقف <<< عشان ما أوقف سوق قصتي :) أحب أن أصمت حتى ترون توقعاتكم على أرض الواقع . . . |
اقتباس:
أنهار أثر بي حد السماء انثيالك بمشاعرك الراقية الشفافة التي أتمنى أن أكون أستحق شرفها واتمنى ألا يكون صمتكِ هو الدائم أبهرينا برنين كلماتك خليفة ومنصور وكساب الثلاثة الذين تشرفوا بوقوفك عندهم مازال مشوارهم طويلا ينتظر كل واحد منهم أحداثه المختلفة ما بين عمق إنساني متجذر.. وأكشن يوقف القلوب فكوني من القلب قريبة . . |
اقتباس:
إن لم أكن مخطئة فهذه هي المرة الأولى التي أرى فيها اسمك يشرفنا بالمشاركة حياك الله وألف مرحبا بك كاسرة ستحضر كثيرا.. ولكل شخصية ظهورها الخاص بها فانتظرينا في حينه ريم وكوني في القرب ونتمنى أن نراك دائما بيننا . . |
ماشاءالله مثل العاده البارت منترس احداث وكل مره نتوقع ونسحب التوقع ونتوقع توقع ثاني ياللى وشحنا خسرانين ماورانان شي
اليوم بصراحه توقفت عند حاثة عبدالله وكثرت التوقعات اول شي ابو صالح يدري انه مامات ومع ذلك ماعترض على زواجها من علي لان عبدالله اكيد طلق جوزاء وابوه يعرف ويمكن هو من اجبره يسويها فيه احتمالات كثيره على فقد عبدالله 1|يمك ن يكون عبدالله شاذ مثلي يعني وعشان كذا مابغى زوجته وعرف عنه ابوه لانه مسك بقضيه من هذا النوع وعشان الفشيله طلب يطلق البنت بالقوه وهومسجون وعشان كذا طلب من امه تطلب له التوبه 2|يمكن يكون مدمن وداخل مصحه يتعالج وبرضوه ابوه اجبره على الطلاق 3\احتمال ممسوك بقضيه كايده والحكم طويل وعشان السمعه اخفى الامر وطلب يطلق زوجته 4|وهذا الاحتمال هو توقعي ولاكيد وله نسبة 60بالميه وباقي الاحتمالات 40 اتوقع ان عبدالله متزوج ويوم صار الحادث كانت زوجته معه وعشان كذا ماتقبل جوزاء واكيد انها زواجه بالخفى لانه متاكد ان اهله ماراح يرضون فيها لسبب ما ويوم صار الحادث الحرمه ماتت وعشان كذا ابوه يشوف انه مايستاهل جوزاء ويمكن اجبره على طلاقها لكن عبدالله بيرجع وبيحاول يرجع جوزاء خاصه بعد مايشوف ولده الشخصيات الخفيه بنت ابو صالح وخالها واكيد ان واحد منهم له تاثير بالقصه اكثر ويمكن يكون الخال وجهة نظر مزنه عن زواج تميم مقنعه فعلن لا ييبس تميم راسه ويرضى وماراح يلقى احسن من سميره يمكن هي المرشحه الاولى التميم او شعاع لكن وضحى ابد مش معها برفض عبدالرحمن البنت ماعترضت على الولد الاعترض الوحيد على خطبته الاخته لازم يكون فيه نوع من الحزم في مسئلة اقناعها مرافق مزون على الطياره هو امهاب وماراح يكون مرافق والسلام اكيد بيكره مزون في الطياران والطيران ماراح يخليها في حالها من استهزاء وتهزيء وماتنتهي الرحله الا ودموعها اربع اربع حالة جميله تكسر القلب رحمتها مسكينه بس الدكتوره ماقالت انها مع العلاج الجديد راح تكون عصبيه واكيد مالها الا خليفه هو اللي بيقدر عليها وزين ماسوت عفراء يوم تركتها تواجه مصيرها بنفسها هي اختارت وهي تحمل بس اكيد ان بعد جميله عن امها راح يغير شخصيتها الاعتراف بالخطا فضيله صدق كبرت بعيني كساب يوم اعترفت بغلطك بس مواصفات زوجة المستقبل ماعجبني انت ماتنفعلك ذا الشخصيه بس هذا ردة فعل من عناد اختك واصرارها على رايها ولا المره الضعيفه ابد ماتصلح الكساب بس ياترا وش سبب شرود كاسره هل السبب ان كاسره تعرف عائلة زايد ومعجبه فيها وتنتظر احد منهم اي كان زايد ولا كساب ولا منصور ولا كانت تعرف بسالفة امها مع زايد اكيد جدها تكلم لها في مره من المرات عنه ياترا وش فيخاطرتس ياكاسره تشكورات ام سعود والله يوفقتس يارب ويمتعتس يالصحه والعافيه بارتات بصدق توسع الصدر منتظرينتس يوم الاحد بفارغ الصبر وفي مرحله جديده للابطال |
أما كلمة مزوون صراحه جلست أضحك
"ياحلوك يا عمي بلبس العسكرية.. كيوت" هههههههههههه حلو رجال بالأربعين وتقوول له كيووت أنا لو قاييله لولد 14 سنه غير ملامح وجهي خخخخخ صالح أكيد أنه حي بس ياويل حالي لو تتزوج جوزا أما جميله أحس أن علاجها بتقدم لانها مارجعت العصير اللي شربته من إيد خليفه مزون اللي معها أكيد أنه مهاب صح >>> ذكيه هع هع هع بارت رائع وأنتي أروع تقبلي مرووري دمتي بود |
♪♪♪ قلبي معك يا مزوون .. شكله آمهآب اللي معك .. الله يكون بـ عوونك .. جهزي نفسسك لـ كلآم يغث فوق السحآب هع .. [ حينها همس أبو صالح بخفوت غامض: ادعي له.. محتاج الدعوات.. حينها هتفت أم صالح ببعض غضب: وش قصدك في ذا الحكي.... كلن محتاج للدعوات.. وولدي إن شاء الله من هل الخير... واصل ومصلي.. مهوب كفاية وجيعتي منك.. يوم ما خليته يدفن عندي في الدوحة.. أبو صالح بذات الغموض: الديار كلها بلاد ربي.. وشو له العنوة حد يروح يجيبه..] عبدالله يا آنه كآن من فرقة المظليين وطآح وفقدووه .. وقآلوآ آنه مآت .. آو آنه طلق زوجتـه وتزوج غيرهـآ .. وآبوه غضبآن عليه .. آو آنه مسوي شي وآبوه طآرده .. توقعـآت كثيرره مرت برآسي .. وآحترت منهـآ !! بس اللي فهمتـه آن محد يدري عنه ألآ آبوه .. وضحـى المفروض من اللي سمعته من آمهـآ .. عن خطبة عبدالرحمن لهآ .. آنهـآ توآفق .. يعني مآ آشوف الحيـن شي يمنعهـآ توآفق ..! كسآب فهمنآه غللط .. صدق مآ ينلآم لآن قلبه محرووق على آخـوه .. لمآ خطب آمهآب من عبدالرحمن آستغربت .. قلت شعآع مآ تصلح له .. ومآطرى ببآلي آبدن آنه يقصصد جوزآء .. صحيح مآ تمنيتهآ له .. بس موقفه حلللللو .. وموقف آمـه آنهـآ مآ عآرضته آحللى .. زيآرة زآيد لـ علي .. آتمنـى تخفف عن علي همه ششوي وتنسيه .. جميللة متقلبة وتنفعل بسسرعة من المرض .. وحسآسيتهـآ الزآيدة شويتين .. الله يعين خليفة عليهـآ .. الشخصصيآت الجديدة .. نآيف آخو آم صآلح & الشيخة اللي قآلوعنهـآ تكون بنت آم صآلح الثآلثة .. و هزآع ولهم بعد .. بس مآ قد جبتي له طآري ..! الآ في هالبآرت .. ~ تسلللمين آنفآس .. بـ آنتظآرك يالغـلآلآ .. ♪♪♪ |
اقتباس:
جيلو هلا والله بالغالية لا تتخيلين سعادتي وأنا أرى قرب شخصياتي منك وتفاعلك معها اسمحي لي فقط أن أناقش موقف وضحى ورفضها مطلقا لا أرى أن رفضها لعبدالرحمن يدل على دونية العكس تماما هي تعبت من الإحساس بالدونية هنا كرامتها انتفضت.. فهي ترفض عبدالرحمن بكل مواصفاته المثالية لأن قبوله يؤذي كرامتها من حقها الآن أن ترفض ما الذي سيحدث لاحقا.. سيكون لاحقا بنت ام صالح ليست شقيقة شعاع ولا جوزا << شكرا خوخة على الشرح . كوني دائما بالقرب القريب من القلب والروح . . |
اقتباس:
اقتباس:
اقتباس:
وعليكم السلام والرحمة زوزو هلا بفراشتنا الجميلة عمة ولدي.. بس خلي عندك خبر ترا عمة ولدي الاولى عيوز النار خاطبين كوكي من زمان فبنتك بتكون الثانية..وترا ولدي يبي أربع نبي نفك عنوسة البنات شوفي الغلا التوقعات بتشوفينها على أرض الواقع لكن اليوم نبي نناقش زايد... عاد رجله القبر واسعة شوي زايد عمره خمسين سنة.. وترا هالأيام رجال في الخمسين يبين أصغر من سنه بكثير أنا الحمدلله ربي تاب علي من متابعة التلفزيون من أكثر من سنة بس ما يضر نضرب لك مثل شفتي سلفستر ستالون وبروس بورسنان وجورج كلوني كلهم في حدود الخمسين ولو تبين عرب شفتي شريف منير قبل كم سنة شفت معه لقاء كان يقول إنه عمره 44 سنة.. وهالكلام قبل كم سنة يعني لا تستغربين وقفة الشباب على شيخ الشباب زايد وأنتي خلك دايم قريبة حولنا وحوالينا . . |
اقتباس:
هلا والله بنوتة يا ألف مرحبا نورتي ليلاس لا تتخيلين سعادتي رؤيتك هنا في مكانك الجديد لردودك نكهة خاصة تشبه خصوصية اسمك والرحلة معك لم تنتهي فكوني دائما معنا ففي جعبتك وجعبتنا الكثير . . . |
اقتباس:
طيف قريبة جدا من القلب والروح وهي تعلم ذلك واليوم أناقش معها هذه القضية هذا المجتمع قاصر التفكير ولكن لابد من تغيير القناعات وسأضرب مثلا عن شابة أعرفها شخصيا مطلقة وليست أرملة وعندها طفلة واحدة عادية الجمال وحتى الطباع ومع ذلك خطبها شاب من أقاربها البعيدين لم يسبق له الزواج سابقا وضعه أكثر من رائع ماديا واجتماعيا والحين من شدة محبته وتقديره لها مايدري وش يسوي لها ولبنتها يعني هالقاعدة لازم نغيرها.. من حق الارملة والمطلقة فرصة أخرى في الحياة . طيف لقربك دائما إحساس آخر ينبض في الحنايا فكوني في الحنايا كما أنت . . |
السلام عليكم و رحمه الله و بركاته المبدعة أنفاس قطر .. كل الشكر لك على كل دقيقة من حياتك قضيتها تنسجين لنا أحداث بروعة فكرك لتأخذنا لعالم آخر . . نعيش فيه بعيداً عن الروتين الممل ! . . . أنا متابعة دائمة لك إن شاء الله . . سواء على شبكة الإنترنت أو إذا حدث مستقبلاً و وُجدت لك روايات بين رفوف الكتب في جرير أو غيرها من المكتبات ! . . . بالنسبة لأحداث البارت الثاني عشر . . مهاب و إصراره على جوزا . . ألا يوجد هناك سر في ذاكره مهاب ؟ ربما . . حدث و كانت جوزا حب مراهقته ؟! < إنه مجرد تخمين لا أكثر . . مهاب كـ رجل في نظري . . أغرمت بـ غيرته الشديدة التي وردت في أول الأحداث . . خاصة على مزون . . مهاب . . كما قالت جوزا . . كامل و الكامل الله !! أراه ابن بار بـ مزنه . . و أراه أخ عطوف بـ وضحى و كاسرة . . و أيضاً أتصوره زوج محب لسعيدة الحظ سواء كانت جوزا أو غيرها . . فمن يعلم من هي تلك المحظوظة ؟! مزون . . و ما أدراك ما مزون ! لا أعلم الحبكة الحقيقة للرواية الشيقة . . و لكن . . مزون في فكري مرتبطة بشخصيتين . . فهد و غانم ! فهد . . و مع كل هذا الاحترام و التقدير الذي يكنه لـ منصور . . أ يعقل أنه لن يفكر بالتقرب منه أكثر ؟!! غانم . . مجرد تخمين احتياطي خاصة و إن غانم لم يعرفنا بنفسه جيداً بالإضافة إلى أنه لازال يؤرقني موقف غانم مع سميرة . . حين ذكرت له تلك المجهولة التي تضرر وجه غانم من أجلها !! أكاد أذوب شوقاً للتعرف إليها . .هذا إن لم أكن أعرفها مسبقاً !! لماذا ترتسم أمامي صورة شعاع البريئة . . ؟ ! الشخصيات الغائبة عن البارت الثاني عشر . . ( نجلاء و صالح ) نجلاء . . ترتكز على كبريائها الجريح في الاستمرار بمقاومة شوق صالح لها ! أتصور أنها تردد في ذهنها دائماً [ بنت المصرية بنت المصرية بنت المصرية ] لمجرد إحياء الإحساس بالجرح من صالح و كسر الحنين الذي بدأ بتآكلها ! صالح . . لماااااااذا ؟ لماذا يا صالح !! لماذا تردد على مسامع نجلاء . . ( بنت المصرية ) !! أ يعقل أنه يتواجد جانب جبان من شخصيتك ؟ لتعتمد على الاهانة لتخفيف ثورتك ؟ ألا تملك الصبر و الحلّم الذي يفترض برجال الصحراء أن يتحلوا به ؟! لماذا أرغب و بشدة بأن تتغير نظرتي لك ؟! لماذا أتشوق لرؤيتك تخطف نجلاء قسراً و تعيدها لمملكتك و تبدأ حينها بالاعتذار من دون الاعتذار !! الرجل الذي يسلم زوجته زمام أمرها ! ليس رجلاً في عالمي ! أكره خضوعك لها !! أكرهه ! العم منصور . . صاحب الثلاث تجارب الفاشلة ! لماذا ترتبط لدي صورتك بـ كاسرة القلوب . . ؟ أتمنى أن تُكسر كاسرة تحت جناحك ! لأنه تحت بذلتك الرسمية كـ عقيد . . هناك فيض من الحنان اللا منتهي ! عفراء . . الخالة الأرملة . . الحبيبة المنبوذة . . لا أظن أن سماءك ستبرق بالعقيد منصور و لا أظنك سـ ترضين بـ بقايا قلب زايد ! هل يا ترى سـ نزفك لـ عريس يا عفراء ؟ أم أن القطار تحرك من دونك ! كاسرة . . لا أتصورك لـ كساب . . كلاكما قاس . . كلاكما يخبئ خلف جبروته ضعف و ألم !! ربما سيطرق الحب بابك يا كاسرة . . ولكنه قبله لا بد أن يطرقه الترويض ! و لن يقيد كاسرة بالعواطف غير العقيد منصور ! وضحى . . النسمة الرقيقة . . أتصورك مع حزمه أطفال و يلف كتفك ذراع . . . الدكتور عبد الرحمن ! علي . . الصقر الجريح . . امممم كلا لست بصقر ! فـ الصقر . . يُعرف بالانقضاض على الفريسة . . و هذا ما لم تفعله يا علي ! لماذا لم تنقض على خليفة و تخطف ابنة خالتك منه ! أتعلم ربما هكذا أفضل ! مستقبلك لازال ضبابي بالنسبة لي . . خاصة مع الشخصية الجديدة ( ابنة أبو صالح القادمة من حيث لا أعلم ! ) لا أتصورك لها . . لكن من يعلم ؟!! كساب . . هل لك أن تخبرني لماذا أرى بك خصال المتنبي ؟! فلقد عرف المتنبي بالترفع عن النساء و الفخر و الغرور . . و هكذا أنت بالنسبة لي !! ربما يا كساب . . سيضع القدر في طريقك من هي قادرة على إعادة الحياة لك !! و أعني بذلك الحياة السعيدة التي هي أبعد ما يكون عنك الآن ! ربما يا كساب . . ربما . . تخضعك سميرة ! فلن يشفي جراحك . . إلا مرح و طفولة سميرة ! الكابتن المجهول . . أتمنى أن يكون شخصية جديدة تقلب التوقعات ! و إن لم تكن . . فلا بد أنه مهاب ! أرغب بشدة بالتطرق لك شخصية بتمهل و تفصيل ! و أعني بذلك كل شخصية وردت . . سواء خليفة المرحوم أو عبد الله ! لكن . . لو أبديت رأيي بكل الشخصيات . . فلن أنتهي اليوم !! أفضل التروي . . في التوقعات و في أبداء رأيي . . كمل تفعل كاتبتنا المميزة . . في التروي في الأحداث ! |
[QUOTE=بنت أبوي أبوي بن جدي;2243206]
…~~ [SIZE="5"]بسم الله الرحمن الرحيم السلام عليكم ورحمه الله وبركاته كيف كان صباح الجميع ؟؟ دمتم بخير جميعاً ====*===*===*==== فاصل :: "حسبي الله لا إله إلا هو عليه توكلت وهو رب العرش العظيم " ====*===*===*==== [CENTER]توقعاتي:: القفله شي عجيب !! وش يصبرني ليوم الأحد >> وحده عنده امتحانات الأسبوع الجاي . ====*===*===*==== *مزون* الحين سؤال غانم يشتغل في الطيران ؟؟ طيب بقول توقعين الأول : إذا كان يشتغل في سلك الطيران فأنه هو اللي راح يكون الكابتن على الرحله الثاني : أذا كان غانم ما يشتغل في الطيران فالكابتن راح يكون مهاب لا غير ماذا سوف يحدث لك ؟؟ وكيف سوف تتصرفين؟؟ مزون إلى أي درجه وصل بك الحزن من غضب كساب علبك ؟؟ أيش الكلام الخطيير بنت أبوي ....... يعتمام خالص معقوول غنووم ياريت أذا صدقت توقعاتك لك مني هدية أمري بس وحده مسطله خالص على التوقعات صدق بتصيير رحلة فلة وكومييك على الآخر بس لو مههاب بنعاير الموجه على قناة أفلام الرعب والأكشنني توقع مرتب ====*===*===*==== *عبدالله* أول شي عبدالله حي على وجهه الأرض بس مريض بعد دورة المضلين طاح وصار له شي أو أنه هاجر مثلاً >> دائما هذا التوقع في خاطري بس اقول مو معقوله يكون "حي" بس الحين مع هذا التوقع وبقوه ====*===*===*==== *أبو صالح* أبو صالح راح يوقف زواج جوزاء من مهُاب وراح يهدد بأخذ حسن أو أنه سوف يخبر جوزاء أن عبدالله حي يرزق ولكن مع شخصيه أبو صالح الشديده فأني مع التوقع الأول الشخصيه الجديده بنت أبو صالح وخالها اللي راح تظهر الأيام الجايه : ماشاءالله عليكي اما عليكي توقعات جميلة خالص بس دبه وكلبوزة موو زي جميلة مالت الرواية خخخخخخخخخخخخخ من هي ؟؟ ومن هو خالها ؟؟ وأين تدرس ؟؟ ولماذا لم تدرس في الدوحه ؟؟ وما هو تخصصها ؟؟ وهل لها علاقه بعدم تقبل عبدالله لجوزاء أم لا [COLOR="darkorange"]؟؟[/COLOR وليش ما تكوون ما تحكي مثل تميم لكن تسمع تدرين شلوون اهي كانت طبيعية بس من موقف عجيب يمكن يخص حادثة عبدالله مدري بس فقدت القدرة على الحكي هذ الي جا في بالي بس صراحه حبيت أسجل أعجابي الشديد في توقعاتك وشكرا ====*===*===*==== |
اقتباس:
وووووووووووواااااااااااااااوووووووووووووووو توني أشووف الرد يا فرحتي يسعدك ربي أنفاس وربي موو مصدقة تراني أنفاس أشووفك نجم في السما ويووم أشووف حروفك الغالية تحاكي حروفي الوردية شعوور يفووق الوصف أشكرك على وقتك على تفاعلك على أنضباطك على أبداعك على كل شيء |
صبآحك سكر
"انفاس قطر " ... اهلا بك اهـــلا بالروعة الابــديه اهـــلا بــ سيل الابــداع اهـــلا بالتفــرد اهـــلا بك وبـ إبداعاتك .... عشت حزن مجنون وعشـق اكــثر جــنونا في ابنتك البكر (( بعد الغيآب )) وفي رائعتك (( آســـى الهجران )) اعجبني تماسك عائلة آل مشعل ببعضهم تجمدت من برود مشعل لـ تصهرني فيما بعد نار حبه كل شخصيه .. كل حــدث كانت رائعه بالفعل ليرفع بعدها قلبي الرايات البيضاء لـ [COLOR="rgb(153, 50, 204)"]فارس يسكرني حــد الثماله رجولته .. قوته .. شراسته .. عصبيته .. عشقه .. شي شي شي ع فكرة ترى فارس نفس شخصية فارس احلامي بإستثناء جماله ( وحدة شيييينه هههههههههه ) أمـا بين الامس واليوم غييييييييييييييييييير بمعنى الكلمه نبع كلماتي يصاب بالجفاف أمام روايتك المثيرة قريت كل الاجزاء بيومين بقولك رايي بسرعه واختصار ( احد طلب رايك ويا وجهك اسكتي بس ههههههه ) بس تصدقين لو انا مو وفيه لـ [COLOR="rgb(153, 50, 204)"]فارس[/COLOR] ( فدييييت الطاري;) ) كان حبيت منصور كل البنات اللي بالروايه قهرووني كاسره جميله جوزا مزوون نجلاء لكن لهم اسبابهم احس ماينلامون بس جميله جرحت ناس غيرعلي .. زايد وكساب .. اما البارت الثاني عشر ياليت الشباب اللي خطبوا يتزوجون ابي حدث سعيدههههههههه شكل الطيار هو مهاب الله يعينك يامزون رحتي ملح هههههههههه . . . . انتظر الجزء الجاي بشووق مع حبي [/COLOR] |
يسعد لي ايامك يالغلا
اول مرة اسجل حبيت اثني عليش هالاسلوب الروعه والكتابات الراقيه اول مرة انثى قطرية تجذبني باسلوبها مع احترامي لهم فديتهم يكفي ان جدتي وخالاتي قطريين بس جد انتي منفردة وكثير من ربعي بالجامعه نتكلم عن اسلوبك حبيت اسالك الرواية كم بارت وهل هي طويله؟؟ موفقه غلاتي |
سلامووو .... كيفكم ياحلوووووووووين ... انفـــــــآآسو فديتك ياقلبي شوفي لاطششه اسمك من محبتي لك ومحبتي للوطني العزيز:yjg04972: انفااسو يالغلااا اسلوبك راقــــي جدآآ انفاسوو لمن اقرء لك مااحس بملل وانو هناك فيه تكرار في الرويات لا والف لا عذوبة كلامك وسردك لاحداث تخليني حتى التوقع ارفضه لاني من النوع اذا توقعت شي لازم يصير واذا ماصار اشــن حمله عليك <اجل احسن لا تتوقعين :7_5_126: مع كل بارت اقراه احسس اني اقرء لانسسانه مبدعه بكل ماتحمله الكلمه من معنى..~ عندي مداخله اتمنى في كل بارت يشمل ع جميع الشخصيات يعني مايكوون بارت ملتزم بشخصيه وحده حتى لو كانت هي البارزه بس نبي نتوغل في الشخصيات ادري انو بدري لانو الروايه توها في البارت الثاني عششر <بس شتسووين في جنون حنوو خيتك ^_* انفـــآآآآسواخفض قبعتي لكي يامبدعـــه والى الامام .. راجعه مع تحليل للبارت الجاي ... ولكل بنات ليلاس اتشششرررف بلانظمام لكم يالغوالــــــي :8_4_134: تحياتي .. محبــة روح انفاسوو قطر اختكم انفااسو السعوديه ^^ |
السلام عليكم ورحمة الله وبركاته
صبااح الورد لأحلى أنفااس .. ولكل متابعاات بين الأمس واليوم .. غااليتي ..متألقه كماا هي عاادتك دائماا .. فأنتِ للتميز عنواان .. وهذه الراائعه التي بين أيديناا هي أكبر دليل على ذلك .. استمتعت كثيراا وأناا أجول بين ثناايا رواايتك .. وأتفااعل مع موااقف أبطالهاا ومشااعرهم .. التي أضفتِ لهاا من رووحك الشئ الكثير .. بالنسبه لتوقعااتي للرواايه .. عبدالله .. حي ماا ماات .. وماا أعتقد أنه في السجن أو مسوي له مصيبه مثل ماا قالواا البناات .. لان أمه قاالت (( ولدي واصل ومصلي )) وهذا دليل على خوفه من الله توقعااتي أنه في غيبوبه والأطبااء ماا يعرفون هل سيفيق منهاا أو لا ..!! مهااب .. ماا رااح يااخذ جوزاا > لان عبدالله بيرجع لهاا ولولدهم ( = يعني مااله إلاا مزون وبس ..وهو اللي مع مزون في الطيااره والله يعينهاا عليه وعلى اللي بتلقااه منه .. كااسره .. خوفهاا الشديد من موت جدهاا ويمكن هذي نقطة الضعف الوحيده اللي اشوفهاا فيهاا لحد الآن تخليني أعتقد انه بيموت فعلاا وأظن اللي بيوصف لناا كااسره بشكل خااص مثل ماا قلتي يا أماا بيشوفهاا في هذي الموقف أو عند رئيس المؤسسه لماا يشكي الموظف عليهاا .. وموقفهاا في السيااره يخليني اعتقد انهاا توااجهت مع منصور في مكاان من قبل وأظن كسااب هو اللي بيااخذهاا .. منصوور .. في ظني أنه بيااخذ عفرااء .. جميله وخليفه .. الأثنين محتااجين بعض كونهم في غربه وماا لهم أحد غير بعض وهذاا بيولد بينهم ألفه ومحبه وبيستمرون مع بعض .. وبسسسسسسس .. ننتظر الباارت الجااي بكل شووق ولهفه .. |
| الساعة الآن 07:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية