هزت كتوفها ...وبضحكه رانيا-...اشوى اني سمعت ..كلامك...ياعمري..!!والي حدني ..سكتت ...وابعدت عينها ...
خالد- ..ايش..زواجي؟؟
تنهدت ...وناظرته ...بحب- شفت الفرحه بعينك ...لما نشوف البيبي بالسونار؟؟كيف كنت تبيني احرمك منها!!
خالد-...فرحتي ...عشانه منك ...انتي ...يارانيا !!بعدين ليه مالبستي؟؟موقلنا ..طالعين نغير جو؟؟
رانيا- يوووه ..كل يوم ؟؟طفشت مابي اتحرك لين اولد ...!!
خالد وهو يقوم من كرسيه ...-...يله ..يله ...خلينا..نقطع الوقت ...كلها كم شهر ...ويجيني ولي العهد ...
مسكت بطنها ...
رانيا- ايه والله ..وراح يشغلني عنك..معاد فيه دلع ...ولا تاكيل باليد ...!!
خالد-...من الحين؟؟؟...تهددين !!ترى ان جت بنت ...انسي الدلع !!!...قالها وهو ...يهز كتوفه !!
ضحكت ..
رانيا- ..ياشين التقليد!!...يله ...طيب...ان ماطلعت ...قبلي..ماني رايحه !!..
خالد- استناك ..تحت ....!!
تاملت رانيا ...المكان الي ترك ....ودنقت راسها ..يوم حست برفسه ...ابتسمت ..بفرح ...وهي تشد على بطنها كأنه تبي تلمه ...رفعت راسها ..تذكر ...اثر الكلام الموجع ..الي كانت تسمع ...والهمس...والاسئله ..الي تذبحها ...همست ..بفرحه ...
رانيا- راح اصير ام ؟؟!!بتصيرين ام يارانيا!!..رفعت يدها ..ومسحت دمعه ...تحدرت ..
رانيا- دموع الفرح ...هاذي دموع الفرح ..يارانيا ...مو شي ثاني ...!!
............................................................ ..........................................
بالمملكه ...
الساعه ..9ليلا...
الرياض
دخل ...الوليد ونجلا ...برج المملكه...
نجلا- ...على وين رايح؟؟كيف انزل السوق؟؟وانا بفستاني ؟؟
الوليد ..وقف ..ومسك يدها ...- فيه عروس تروح السوق ..ليلة عرسها ؟؟
ناظرته عينها من تحت النقاب ...وتلفتت بحرج ....وهي تحس ...بشذوذ وضعها ..وشكلها ...حاسه ان الكل ..لمح اطراف فستانها ....شدت على يده ..وبحرج ...
نجلا- الوليد ..احس شكلي غلط..!!شوف الناس ..كيف يناظرون؟؟
الوليد ...بدى يمشي ...وسحبها للمصعد ...ناظرها بعد ماتسكر باب المصعد ...
الوليد..بابتسامه ...- يمكن حاسدينك ؟؟
ناظرته نجلا-...ثقتك بنفسك كبيره ..!!
الوليد بتأكيد-...لدرجة اني ...رحت ..شريت ..هالفستان!!..من شفتك ..تلبسين ..اسود...وعاهدت ..نفسي...اشيل كل شي اسود ..معبي دواليبك... ...والبسك ابيض...!!!
نجلا- كل هذا ..!!ثقه ...بانك تقدر تسيطر علي !!
انفتح الباب ...وسكت ..الوليد ....
طلع معها ...
الوليد- ثواني ...نجلا ..!!
شافته يروح ...وتلفتت تناظر ....المكان ...الانيق الي هي فيه ....
بلحظات جاها ..مره ثانيه ...ومعه ..كيس...
ورجع معها للمصعد ...وباعمق احساسها ..حست ..انه ..حاجز..لهم مكان ...
وصلوا للدور 20....
طلع ...وهي وراه ...التفت لها ...لين ..وصلت عنده ...
ناظرت عينه ...الي ..بان فيها ...شعور غريب....حيل غريب...وكنه ينتظر ....ردة فعل ...
مشى .وهو ماسك يدها ...وصل ..ووقف ..امام باب ...التفت لها ..وبهدوؤ
الوليد- غمضي عينك !!
تلمست ..شفايفها ..بطرف لسانها ...
كرر الوليد- غمضي!!
نجلا بحبور- ..طيب ..طيب...!!
غمضت ..ودقات قلبها ...علت ..لين ...صارت ..مثل قرع الطبول ....
حست بيده ..يجرها ...سمعت ..الباب يتسكر ...
الوليد- لاتفتحين !!..حست بيده ...تفك رباط نقابها ...
ابتسمت نجلا- افتح ؟؟؟
الوليد... – لسه!!...افتحي عبايتك....قالها ...وهو ..يسحبها ..من عليها ...
نجلا- هااه...افتح!!

الوليد..بهدوؤ...وبصوت ...يذيب فيها ...حتى الحديد- افتحي..

فتحت عينها ....وانحبس...نفسها ....تاملت بعينها ...حلو المكان ...وروعته....شافت ...مكان ...ابعد ...ورى احزانها الي مرت ..واختفى ...لمحت ...الورود..المتوازعه بكل مكان ....واستنشقت ..عبير الورد ....الي تلون بلون ...دمها ...الصافي ....شافت ..الطاوله ...والمفرش..والشموع ...المضويه ....شافت ...وريقات الورد ..المتناثره بكل مكان .....تهاوت طرحتها ..من فوق ..شلال.. ..اسود...حاوط ...ملامح ابدع بخلقها الرحمن ...
استند الوليد ...عالجدار ...وعينه ..وسمعه ..تراقب كل شي..يصدر من شخصها ...لجل ينحفر ...ذكرى هاليوم ...العزيز...
التفتت له...وبهمس...وشبكت ..عينها ..بعمق ...عينه..حست به قريب...حتى ..انفاسه ...تسمعها ....
نجلا-...حتى الحلم ..خليته ..واقع ...!!..تعاستي...بفضلك ...انمحت ..وصارت فرح ...كل ..شي!!كل شي!!صار له طعم ...ومعنى !!.....يالوليد....!!كيف اجازيك؟؟؟وش عندي ..عشان اعطيك!!...سالت ..بتردد...وتوهان...
ناظرها ..بنظره ...تمثلت فيها حياة ....وتجسم ..فيها ..شموخ....
مد يده ..وباطراف ..اصابيعه ..لمس...خدها ....
الوليد...بعميق الصوت- ...مو قلت لك ..بعوضك..عن كل الي راح ؟؟؟....ناظرها ..اكثر واكثر..وتامل ...رجفة ملامحها ...وكمل ...
الوليد-...وش كنت ..انا قبل شوفك..؟؟يا نجلا؟؟والحين وش صرت !!؟؟بوجودك...عرفت ..ايش معنى...الامان!!.....وصلت اطراف اصابعه ...لذقنها..وشد باصبعه عليه ...
الوليد بتاكيد- ..انتي ..ذاتي الي راح احافظ عليها طول منا عايش!!
ابتسمت بحب ...ورفعت ايدينها ....ومسكت يده ...وبلا شعور ...باستها.....
نجلا-..الله يخليك ..لي ...ايش حلمي ...البسيط ..قدام الي ..قدمت لي ؟؟!!انت ..رجل ...رسمتك ..بداخلي من زمااان.....وجيتني ..بصوره ...تتجسد...لي كل يوم....وكل لحظه ..اقضيها معك!!...شدت على يده ..وهي ترقب نظرته ...الي ...ارتسم فيها ..سعاده ...وغرور..وفرح ....
نجلا..بهمس-..وكثير...كثير...شخصك ....فاق...كل ..خيالاتي ...!!.حست برجفة ايدينه ...سحب يده ..وبعجل ...لم راسها ..لصدره ...قربت منه ...وضغطت ..براسها لين سمعت ..دقات ..قلب....وياليته ..قلب ..انسان عادي ...
قلب...؟؟..راح ...تدعي ...وتناجي ..ربها ....يظل يدق للابد ....
همس ..الوليد بتوتر...مشحون- ...تعالي..في شي بعطيك اياه !
سحبها معاه.....وعيونها ....ترقبه هو وبس....راح ..تروح...معه ...وين..مايروح ...وبتعيش..وين مايعيش.....وبتكون ...ساكنه ..فيه ...وحاظنه روحه....بالحلوه ..والمره ....
انتبهت ...يوم وقف...لغرفة النوم ....والورود المتناثره ....فوق السرير..لفها بيده ...لجل تواجهه....
رفع الكيس...الي ..بيده ...وسحب العلبه المغلفه.....
مد يده ...لها ...
الوليد-..خذيها؟؟
عينها كانت ..عالعلبه...المغلفه باحتراف....اظهر ..الحس المرهف الراقي...مدت يدها ..وهي...مو حاسه برجفة شفايفها ....الي وضحت ...
سحبت ورقه مطويه ... ...باصابع ...مرتجفه ....
وهو؟؟
كان يراقبها ....وبداخله ....حصون الفرح ....راسيه ....وسيول .....شوق جارف ....
وحب؟؟
اوجده ...رب العباد....بين ...امرأه ورجل ...كانت...الموده ..والرحمه.... اقدس معانيه ....
حب؟؟
ليس كاي حب...
حبٌ...اوجده الخالق البارئ....بين ..زوجين ....قبل ان يكونا ...روحين ....
ان اجتمعا ...فبأمره .....وان افترقا ....فبأمره ....

نجلا ....تركت العلبه ...على طرف السرير....واتجهت اطراف اصابعها ..المرتجفه ..للشرايط......سحبتها .......وبارتجاف ...وشوق للمكتوب....فتحتها....
وعينها ....تسبق ..نظراتها ....لجل تقرى الي انكتب ...
زوجتي ..وامرأتي ...التي ....سكنت...فيَ...قبل وجودي ..
لااعرف ..كيف ..اعبر ..او حتى ..اكتب ..كما تكتبين ...
لكن...
قرأت...بهذه الكلمات ..مايمثل ..بعضا..مما احس...
اقرأيها ...
فهي ..مني لك..



هل عندك شك أنك أحلى امرأةٍ في الدنيا ؟

و أهم امرأة في الدنيا ؟

هل عندك شك أني حين عثرت عليك

ملكت مفاتيح الدنيا ؟

هل عندك شك أني حين لمست يديك

تغير تكوين الدنيا ؟

هل عندك شك أن دخولك في قلبي

هو أعظم يوم في التاريخ

وأجمل خبر في الدنيا ؟



هل عندك شك في من أنت ؟

يا من تحتـل بعينيها أجزاء الوقت

يا امرأة تكسر حين تمر جدار الصوت

لا أدري ماذا يحدث لي ؟

فكأنك أنثاي الأولى

ميلادي أنت و قبلك لا أتذكر أني كنت

و غطائي أنت وقبل حنانك لا أتذكر أني عشت

و كأني أيتها الملكة

من بطنك كالعصفور خرجت

هل عندك شك أنك أحلى جزء من ذاتي

و بأني من عينيك سرقت النار

و قمت بأخطر ثوراتي

أيتها الوردة

و الياقوتة

و الريحانة

و السلطانة

و الشرعية

بين جميع الملكات

يا سمكاً يسبح في ماء حياتي

يا قمراً يطلع كل مساء من نافذة الكلمات

يا آخر وطن أولد فيه

و أدفن فيه

و أنشر فيه كتاباتي


يا امرأتي

لا أدري كيف رماني الموج على قدميك

لا أدري كيف مشيت إلي

و كيف مشيت إليك

كم كان كبيراً حظي حين عثرت عليك

يا امرأة تدخل في تركيب الشِعر

دافئة أنت كرمل البحر

رائعة أنت كليلة قَدَر

من يوم طرقت الباب علي

ابتدأ العمر

كم صرت غنياً

و قوياً

لمّا أهداك الله إلي

هل عندك شك أنك قبس من عيني

و يداك هما استمرار ضوء ليدي

هل عندك شك

أنّ كلامك يخرج من شفتي؟



يا ناراً تجتاح كياني

يا ثمراً يملأ أغصاني

يا جسداً يقطِعُ مثل السيف

و يضرب مثل البركان

: قولي لي

كيف سأنقذ نفسي من أمواج الطوفان

يا امرأة لا تكرر في ألاف الأزمان

يا امرأة ترقص حافية القدمين بمدخل شرياني

من أين أتيت ؟ و كيف أتيت ؟

و كيف عصفت بوجداني ؟

يا إحدى نعم الله عليّ

و غيمة حب و حنان

يا أغلى لؤلؤة بيدي

آه كم ربي أعطاني
احبــــــــــــــــــــــــــــــــــــك
الوليد
...
اتجهت انظارها ...له....وعجز...لسان حالها ينطق ...يقول ....الي تحس...
اشر ..الوليد عالعلبه ...وبصوت ...هادي ...وراقي-...افتحبها ..؟؟
خذتها نجلا ....وباصابع مرتجفه ..بدت ..تحل الشرايط....
الوليد مد يده- هاتي اساعدك....
فك الشرايط بسهوله ...وسحب ...العلبه المخمليه ....ومدها لها ...
خذتها ..منه ...وباطراف ....متهافته.....فتحتها ....
شهقت....من حلاوة الطقم الي شافت ....
نجلا ..برجفه وفرح-...حلو ..يالوليد....
لمست ...بيدها ...العقد ...الي يمثل رقي راعيه ....وفخامة ذوقه ...العالي ...
الوليد-...مصصم...خصيصا ...لمرت الوليد بن محمد....!!
بلعت ريقها ....مو مصدقه ..الي تسمع وتشوف ....
الوليد...- تعالي ...
قربت ...منه ..بعد ماخذ العلبه ..وبدى ..يبعد شعرها ..عن ..ظهرها ..عشان يلبسها العقد...
حست بثقله..فوق ..صدرها ...واخفى ..كبره سلسالها ...الي ..تجسد...ومثل لها صوره ..بعقل الوليد....
لفها ..تواجهه....وعينه ...تخلق شرارات ...مرسوله ....لها ....ناظرها بكل مافيها ...من طهاره ..وطيبة قلب...وبكل ...فخر ....وسعاده ....ترك..عصاه ...على السرير...و
مسك يدها ...وجرها ...لين وقف معها قدام المرايا....
وتشابكت انظارهم...من خلالها...
كان واقف وراها ...مسك كتوفها ....وتكلم بفخر ...جامح....مايستكين ...
الوليد-...هذا حلمي .الي ..طلبتك......وهاذي ...عروسي!!الي ..فاقت ..بكل ذره فيها ....كل احلامي...!!
جت تنطق...وسمعوا ..دقات الباب ...
الوليد...وهو يتراجع-..ثواني...
نجلا رفعت يدها وتلمست العقدالي تبارق..وشع نوره ...حولها ....
سمعت صوته ينادي...
الوليد- نجلا؟؟
نجلا- جايه ...راحت له ..ووقفت عند مدخل الغرفه ...
شافت ..الطاوله ..ونفس الشموع ...والمختلف ...وجود اصناف الطعام ....المقدمه ..بطريقه ...اتضح فيها ..حسن التقديم...
تقابلت ...معاه....على نفس الطاوله ...وعلى بعد المسافه الي تفصلهم ..كانت عيونهم .تبني جسور ...تمرر...عبرها ..اعمق ..مشاعر....واشواق.. ...
سكنت فيهم ..الاثنين..
........................................
ببيت ...نجلا ..وسعد..
الجازي..-...انبسطت نصوري عند نجلا؟؟
نصوري ..اشر براسه ...ورفع الجوال بيده ..يفتخر- اتوني ..زوال!!
الجازي- يوووه غبه طيب لا تشوفه جوري ..ولا ترى بتاخذه ...!!
ام عادل-...هاته...اشوفه ..يابوي؟؟
نصوري – لأ...بابا ..دال ..ماتعتيه احد!!
غاده- ماما!!هذا مو بابا !!..بابا فوق في السما !!
الجازي- غاده هذا وقته !!...
غاده- ياسلام!!لازم يعرف !!...ان رجل اخته ...
قاطعتها ...الجازي
الجازي- هو عارف ...ياشيخه...!!سبحان الله ...مدري انتي وش طينتك!!؟؟
غاده باستنكار- ...ايش ؟؟ايش ؟؟
الجازي- خلا ص ..خلاص ...توبه ان ناقشتك ..بشي!!
.......
ببرج المملكه ...
وبالجناح...
الوليد....تم يراقب ..اصابعها ....وهي تلف الشوكه بصحنها ....
تكلم ...بهادي الصوت ....- نجلا؟؟
رفعت راسها ...بخجل ...وقابلت نظرته ..الثابته ...
الوليد-...احيانا....احس...سكت ..بتردد...وابعد عينه ....
نجلا...سكتت ....وتمت عينها عليه ...
رجع ناظرها ....وكمل ...
الوليد...-...اني مااستحقك؟؟!!
ناظرته بثبات ...وتكلمت بهدوؤ...
نجلا- ومين يستحقني؟؟
شافت ..عرق ..ينبض ...
ناظرها وهو يذكر ..كلام سلطان عن..الظلم الي لحقها منه...هي واهلها ...وصور ...قديمه ...لها ...وهي تنطق اسمه ...
ابتسم ...بتوتر ...الوليد-...يقولون...مالحب الا للحبيب الاولي....رفع يده لها ...ينكر ...
الوليد ...-..مجرد فضول ....لا اكثر ...
تشابكت انظارهم ....لحظات...وركزت فيه النظر ...وردت بتاكيد...
نجلا- صحيح...
شد فكه ..بدون مايشعر ...
ابعدت عينها ...وبيدها رفعت ..شعرها عن وجهها ....
لحظات مرت ..مشحونه بالتوتر ...وخر عينه عن وجهها ..الصامت ...ومد يده ..فتح ..علبة الكولا ...
كملت نجلا ..وهي تناظره ..- مستحيل الوحده تنسى حبها الأول...!!حتى لو ابعد عنها ...حتى لو اختفى ...حتى لو حست بداخلها ...بكره عميق له ...حتى لو تمنت له الموت ...راح يبقى ويضل ...سكتت...وهي تدور عينه الي تناظرها بتركيز ...عميق...
نجلا...حست ..بالثوره الي بداخله ..والي قمعها ...بكيفه ..لانه ..فضول..زي ماقل ..-...الانسان ..مايختار الي يحب بكيفه؟؟يالوليد...
رد عليها ...بهدوؤ-...صحيح!!
ابتسمت ...وهي تحس انها..وصلته ..للانفجار ...تقدمت ..وسحبت ..الطاوله الي بينهم ...على جهتها ...بشويش...قامت من مكانها ...واتجهت له ...جلست بحظنه بحركه فجائيه....ومدت ذراعها حولين رقبته ...واسندت ذقنها ...على جبينه....حست بجموده ...وضحكت بداخلها ...
نجلا-...بس ترى هالكلام يعتمد ...على ..مين الحبيب الاولي...!!...شف انا مثلا ...طول عمري...اتخيل ...اني بتزوج...الي اختاره لي ابوي...وخلاص...بدون ..اي ..تفكير ...تقبلته وخلاص...مدت اصابعها ..تلعب ..بشعره ...وكملت ...وهي مدركه ...جمود كل عصب ..فيه ..
نجلا-...ابوي الله يهديه كان شديد...وكنت اشوف ...سلطان ...هو الخلاص...بس بوقتها ظنيته الحبيب...المنتظر ....كان بالنسبه لي ...طوق النجاة ...كبرت وانا استنى اليوم الي بياخذني فيه ...حتى اذكر ..مرت ابوي تعايرني ...اني مو من مستواه ...وتقول ..بيمل ويرميك...بس مااهتميت ...ادري انها تحقد علي ...بعدين....ابعدت ذقنها ...عنه...ورفعت باصابعها ...ذقنه...وناظرته بعمق...
نجلا- بعدين جا ابوي ...الله يرحمه...وقالي ان الزواج راح يتم....وماتتصور ...قد ايش فرحت ...
رفع يده ومسك ...معصمها ...وابعد يدها عن ذقنه...
الوليد- ليه تقولين ..كل هذا ...قلتلك ..كان فضول وبس؟؟؟مب لازم تعلميني قصة حياتك!!
نجلا-..الوليد؟؟...مو انا اخترت سلطان!!!...رفع راسه...وناظرها ...
الوليد- خلاص انتهينا!!
كملت بتصميم...نجلا-...ولا اخترتك انت!!...كلكم ...انفرضتوا ...بحياتي ...قالتها بخفوت...
الوليد...- قومي!!..
قربت نجلا ...اكثر...وتجاهلت ..الي يقول ...
همست ..باذنه ....-...بس انا حبيتك انت !!..ونبض قلبي لك انت!!...وكل همسه مني لك انت !!...سلطان اسم ..مر ...مثل الهوى ....وراح....لكن انت ...؟؟كل ..نقطة دم ...تجري ..بشرايني ...تخط اسمك...!!وكل نظره مني اعرف انها تناديك...!!تراجعت ...بخفه ...وتشابكت انظارهم ...وبهمس ...جارف ...
نجلا- انت ...الاول ...والاخير ...وشي اكيد يكون الحب لك ...!!...لاحظت ..توتر شفايفه ...والبسمه...المتباعده ...
رفع يده ...ولفها ...حوالينها.....وتكلم ...بصوت هادي ...الوليد-...سلطان ...يطلب منك السموحه!!
نجلا-...شكل الكل اليوم ندمان!!؟؟
قصدت الجوهره ....
الوليد- ماافرض عليك شي!!...بكيفك تسامحين ...ماتسامحين بكيفك !!..
تنهد....وكمل ....
الوليد – خلينا من الكل ...
نجلا ابتسمت ...وهي تقوم....بس هو استاقفها بيده ..الي ماسكتها ...
الوليد بهزل-...تعالي بالله عيدي الكلام الي قلتيه !!
نجلا بمزح-...قلت ...واجد...شي كذب .....وشي صد..وقبل تكمل ...قام ...وشد ذراعها ...للخلف...وبتهديد...
الوليد- كذب هااه؟؟...انا اوريك!!
تلوت نجلا ...وهي تضحك...-...موقصدي!!!...
الوليد وهو يلفها تواجهه...- قصدك ولا موقصدك....معاد يمدي تتراجعين!!!..
جت تنطق ...وهي ...تلمح اسرار ...واسرار ...بعيونه ..مجهوله ...للكل ..الا لها ...كل سر ..بداخله تقراه ....
سبق الوليد ...الكلمه الي ...وقفت ...على شفايفها .....لين محاها ...ومحى معها ....كل ذكرى ...لماضي....بيدفنه ...ويهل فوقه التراب


لم يكن هناك ...امامهم حاجز...او حتى ..حزن ..او جرح عميق يفصلهم ...
لم يكن ...بينهم..
سوى؟؟
ماضي...يرفرف..باجنحته فوق رؤسهم...كالنسر الجائع.....وربما ....يهجم....ليكسرهم....متناسيا ....
بانهما....اصبحوا ...جسدا واحدا ....يكتنفهم ....حبا ...يجتاز كل الصعاب ....الا ماقدر الله ...
فالانسان بمصيره ..مسير لا مخير ....
ليلتهم....كانت ...اشبه ...بليالي الف ليله وليله......كانت كما الخيال ....الحر ...الابي.....لم يكن ..مابينهم.....عشقا ...يصيب ..صاحبه الجنون ...بل كان فقط..!!
حبٌ..صادق ٌ...وفيَ....كان ..يمثل ...
وطنٌ...وامان....كمالا..واكتمال....
لكليهما فقط.......
............................................................ ............................
السبت ...

الساعه ....8....
بفندق الفيرسزن....
الوليد...- ..تروحين ...البيت .. الحين ..ولا امر آخذك العصر؟؟ونروح سوى؟؟
نجلا بحرج- لا بروح الحين...وش يجلسني لحالي؟؟لا ولا وش يفكني ..من مزوح سمر!!
ضحك ...الوليد- والله البنت ذي لها وحشه ...وش يصبرنا لا راحت!!
ناظرته نجلا- ليه ؟؟كيذى تقول؟؟وين بتروح؟؟
الوليد..وهو يتساند..على الكرسي...-...عمي ..ابو سعود..خاطبين سمر مو رنا!!
قطبت نجلا ....-...بالله..
هز راسه ...الوليد- ايه نعم ...واليوم ان جيت على الغدا ...فتحت الموضوع ...لا نهم يبون الرد ...فكر ...بحيره ...
نجلا بتفهم -...اكيد شايل هم رنا؟؟
ناظرها الوليد ...كحاله...دوم لما يتكلم معها...-..مو ..بالمعنى ..المفهوم...لكن ..بودي لو ماتسرعت ...وطريت ...الخطبه ...!!
نجلا وهي تناظره...- ...مدري احس رنا ...عادي؟؟
ركز بعينها الوليد- قالتلك شي؟؟
هزت نجلا كتوفها- لآ...ماقالت ..بس ماحسيتها متحمسه...!!
دق جوال الوليد ...
قطب بعينه ...
الوليد- يله مشينا ...لازم اغير ثيابي قبل امر الشركه ...!!
نجلا قامت ...-....ثواني بس...!!انا كل شي مجهزته...بلبس عبايتي ...وبجي!!
.........................................................
بالشركه...
طلال-....الكل ...لازم يكون موجود....رجاء بدون اعذار !!...
ناظره تركي ..خاطره ...يترقب ...شوفة الوليد....كثير سمع عنه ....واخيرا ..جا اليوم الي بيشوفه ...
التفت له طلال
طلال- تركي جهزت الملفات؟؟
تركي- تم طال عمرك !!
طلال-..تسلم...لانا بغنى عن اللخبطه...اليوم بالذات!!!
باستهتار قدر يخفيه-...ليه لهالدرجه رئيس الاداره...مرعب!!؟؟
ضحك طلال...- لا يارجال !!..مب مرعب ولاشي!!لكن حريص ...!!

......................
بعد...ساعه..
بقصر الوليد...
وبالتحديد جناح نجلا والوليد...
الوليد واقف ..قدام المرايا ...يرتب ..الشماغ...ونجلا متسانده وراه ...على حافة الباب ...
دق ..الجوال ..وراحت جابته له ...
الوليد- هلا؟؟
سلطان- ..سلام؟؟
الوليد- وعليكم السلام ..هااه جهزت..؟؟
سلطان-...توني قايم ...يمديني اخذ شور؟؟
الوليد- ايه ..بس عجل ...انا خالص...
سلطان- اوكي ...يله اشوفك..
الوليد-...فمان الله..
نجلا-...مين؟؟
الوليد- سلطان!!
ابعدت عينها ....
ناظرها الوليد...- ان الله غفور رحيم!!
رجعت عينها له ...وابتسمت ..نجلا...-..الله يسامحه....!!
ابتسم ...براحه...ممزوجه ...بفرح...
نجلا- ...تبيني ..ارتب لك شي محدد...؟؟عشان المستشفى ؟؟
ناظرها بالمرايا ...الوليد- مستعجله ..هااه؟؟
نجلا تقدمت ...- ياوليك ...من ربك..؟لا مستعجله ولاشي...بس متوتره ..!!
الوليد..وهو يلتف لها ...ويستقبلها ..باحظانه...-...لا تتوترين؟؟ان شاء الله انها بسيطه ..وماراح اطول بالمستشفى...كلها 3 ايام ...وطالع...بس بتستقبليني انا وجبيرتي...!!
دست راسها بصدره ...
نجلا- اممممم....الله يحييك انت وجبيرتك!!..ويرجعك لي سالم ...!!
مسك كتوفها يبعدها بحزم...-...لازم اطلع ...الحين ..!!..لأني ان... جلست اسمع هالكلام ...مااضمن اني بطلع!!
نزلت راسها بخجل ...من ابعاده...لها ..وتلميحه...بانها ...بتشغله ..عن شغله...
مد يده وخذى عصاه ...وذراعه الثانيه لفها حولها ....وهو يمشي ..
وصل ..للغرفه ...وخذى ...الاب ...وقبل يمر من جنبها ...رفع ذقنها ..وابتسم ...للحمار..الواضح ...
جت تبعد ذقنها ...وقبل ..تبعد... ..دنق ....عليها ...وخطف منها ...لثمه...
الوليد..- ..هه..ولا تزعلين!!هاذي عشان ...تذكرك فيني!!لين اجي!!
ابتسمت بحلاوه....و ناظرته...بعمق
نجلا- ..وانا اقدر؟؟انسى؟؟
تأملها...بروبها ....الوردي ....وجديلة شعرها ....الي هربت..منها ...بعض الخصل...
قرب اكثر منها ...وهي تتراجع ....

وشذى عطره ...يغشاها ...وكل مافيه يحتويها ....دوى صوت ...سقوط...عصاه ...وشنطة الالب...مثل ...اطياف ...همسات مزعجه....

نجلا بهمس مرتجف-...شغـــــ..........^_*
............................................................ ......................................
بالشركه..
طلال..كل ماله يتوتر ....الساعه ...10الا ربع....والوليد مابين ....
وبدوا رؤساء الاقسام يتململون...
ابوسالم-...الحين الله يهديكم ...طيرتوني ورجعتوني على ملا وجهي....؟؟!!
طلال-...خبركم....اول مره ....والغايب حجته معه...!!
..................
بنفس الزمان.....
تركي ...جالس بكرسيه...ورى مكتبه ....وعينه ....عالمكان ...الي بيمر منه الوليد ....دقدق باصابيعه ...على الطاوله .....ارخى ...عينه....وهو يفكر ....ولازم يفكر ....الجد الحين ...بيبتدي ....وانتقامه....مايطفيه الا...فضيحه ....توطي روسهم الارض ....خاطب نفسه ...بعنف ...مكبوت...
تركي- والله لا جيب ...راسك ياشوق؟؟!!واخلي ذباحك اخوانك!!!
جف لسانه....وهو ...يشوف....الي يستنى ....شوفته من زمان ....
سمع ..همهمات ....الموضفين الي يردون التراحيب والسلام....اماهو....جمد...مكانه....واحساس حاقد ....عاميه ...
نظراته ....تركزت....على شخصين....بنفس الهيبه ...والحظور ....والاختلاف ...واضح...بين شخصهم ...بفراسته عرف منهو الوليد..بن محمد.....تمت عينه...ترمقهم ... لين اختفوا ...من قدامه ....ابتسم ...بمراره....الحين بيرسم ...طريقه...لدخول حصونه...وللوصول ...للقذره ...شوق ...
سمع همهمات...تصدر من الموضفين ...وانذكر فيها ..اسم ...سلطان...قرب ...وهو ...يحاول يخفي اهتمامه....
............................................................ ..................
دخل الوليد ....براس مرفوع....
الوليد – السلام عليكم....
الجميع ...التفوا بروسهم....-...وعليكم السلام .....!!
جلس الوليد بعجل ....ورفع ..شنطة الاب ...وركن عصاه على جنب ....وهو حاس بالهدوؤ ...الصامت ...
رفع راسه ...وكانت الانظار كلها له ...
وقبل تختفي النظرات ...
ارسل ابتسامه...فاجئت الكل ....
الوليد- تاخرت عليكم ...المعذره ...!!
ابتسم الجميع بهمهمه...مبهمه....
ابو ..ريان- خذر احتك ...طال عمرك...ماورانا ...شي؟؟!!
الوليد الي ..بان عليه ..همته ..وحلو مزاجه ....- تسلم !!
التفت للجميع ....وتكلم ..بنبره هاديه ...وواضحه...
الوليد-...قبل كل شي ....ابغاكم تدرون...اني ..راح اغيب مده ..مو بسيطه ....عن الشركه ...لظرف صحي ...!!
سمع ...ابو سالم-...عسى ماشر ..يالحبيب..؟؟
التفت له الوليد...- تطمنوا ....ظرف عارض ..مارح يستديم ..بأذن الله !!...لف براسه ..وناظر الكل ...وكمل ..بوضوح..
الوليد- ..وطلال ...راح ...يكون ..بجده ...يتابع ..اشغالي هيناك ...!!..
اتجه بانظاره ..لسلطان ...صاحب النظره الصامته....
الوليد....-...والي راح يرأس الشركه ...من بعدي .....مد يده ...يأشر ...على سلطان ...
اخوي ...سلطان!!!!....
تبع ..هذا الاعلان ...صمت ..متوتر ....وهمسات ..خفيفه ...
ناظر الوليد سلطان ...بدعم...
شد سلطان نفسه ....وتكلم ....وبصوته الصادق ..قدر يلفت انتباهم..
سلطان-...ادري ..اني ..ماعطيتكم...صوره ...حسنه..عني ...طول السنين الي مرت ...!!سواء بحياة الوالد الله يرحمه ..او بوجوده...!!..لكني ..الآن عازم ...امحي هالصوره ....بمساعدتكم ..ودعمكم ..لي !!..مثل مادعمتوا ...ابوي ..واخوي من قبلي !!!
سكت ....يسمع رد الفعل ...وزاد توتره ....لين ..سمع ...ابو ريان ...
ابو ريان-..اكيد بندعمك....!!انت ..ولد...صاحبنا ...قبل مايكون مديرنا!!الله يرحمه...!!وبعده ..تتالت ...الوعود والترحيب ....بسلطان....الي ابتسم ....بوجل ...وفرح....غريب عليه ..ماتوقع ..يلقى هالقبول ...من الكل ....ناظر الوليد...نظره..امتزجت بمشاعر غريبه...
اكد الوليد بصوت عالي ...-...قدها ياولد ابوي!!
سمع ..كلماته....الصادقه ...الاصيله ....ماكان متوقع الي اعلنه الوليد ...وبعيد ..عن فكره ...الي صار ...
توقع ...راح يتكلمون ...عن أي شي الا انه يسلمه الاداره ...الي ابوهم نفسه ...منعه ...عنها ....سحب كرسيه ورجع للخلف ...ووقف...يتقدم لكرسي الوليد والكل يرقب ...وبثواني ...ارخى نفسه وباس راس الوليد قدام الجميع ....ووبصوت...واضح...احتواه...شي من الاهتزاز....
سلطان-...الله يديمك فوق روسنا ...ياخوي!!!
رجعت الهمسات ....الي ..تمثلت ..بكلمات ...ودعوات ....للاثنين ....
طلال راقب ..كل شي ..وهو عارف ..وقعه عالوليد...لمعت عينه ....بشي...عجيب ...عجز يوصفه...
حتى لو ماكنت اخوي ...؟؟بنظري ...انت اكثر ...من اخ!!!..خاطب نفسه ...وهو فرحان ....كم تمنى يشوف هالنظره ...السعيده ....بعين الوليد....تقابلت انظارهم...اول مره ....يلمحها ....ويشعر بوجود ....الراحه ...بحياة.. انسان ...حيل غالي ...عليه...
............................................................ .......................
مرت ....اللحظات .....والساعات....ومشاعر ..جياشه ...تحتوي كلن من...
سلطان......نجـــــــلا.....الوليد
...
الساعه ...2...الظهر ..
بيت جدان الجوهره ....
ركان ...-....بكيفها ...تبي ...عرس ..ولا ماتبي ..بكيفها !!
رفعت الجوهره..رجل على رجل ...وباستهتار- من اولها تعقيد!!
ام ناصر-...ليه بامي واحنا مالنا حق نفرح بك ؟؟
راكان ...مد يده واحتوى ...ايدين امه..بعطف-...الا لك كل الحق ...يمه ...ماقلنا شي...!!بس انا ...
الجوهره...بعجل ..متهور ...-..وش انت ياخالي ؟؟...انا موقلت لكم ..بتجي ..ذا المعقده ...!!تقلقنا!!
راكان...بصرخه..-....الجوهره!!!!!
جمدت ..وهي ترتجف ...اول مره ...يصرخ بوجهها من مات ابوها ....ماسواها ...
راكان..وهو ماسك يد امه..وعينه على الجوهره-....آخر ..مره اسمعك تهرجين بساره!!ولا ترى ...اقص لسانك بيدي!!!...قومي اذلفي عن وجهي....لا اكفر فيك!!قومي!!!!!!
انتفظت...باستنكار ....وعينها ..تدور من جدتها لعمها ...الي انقلب ...
ام ناصر -...قومي ...يالجوهره ..واسمعي كلام عمك!!!
تحركت مثل الصاعقه من مكانها ....
التفتت ام ناصر ...لراكان-..كثرت عليها يامك!!
راكان- خلها !!انا ملاحظ لسانها ..طاول!!ولازم ..تحترم مرتي ...بحظورها او بغيابها !!!...ناظر امه...برجى..
راكان-...يمه...ان كان لي خاطرن عندك ...حتى انا ماودي ...بعرسن كبير !!..الا ..ان كنتي بتكسرين ..بخاطري!!
ابتسمت ام ناصر بأسى .....-...لا يمه ...بكيفك الي يريحك...الي تبيه سوه...!!
تقدم باس راس امه ...
راكان- لا حرمني منك ربي ...!!
...
..................................
بقصر الوليد ....
وخصوصا ....بقسم المطابخ ....
نجلا مشمره عن يدها ...ورافعه شعرها بشباكه ....
قررت اليوم تطبخ هي للوليد ....
نجلا- كانوا....شوفي جابوا ...الزعتر؟؟
رنا وهي تذوق ...-...امممم....تسلم يدك يارنا!!!
نجلا..ببسمه...-....رنا شوفي كيف المطبخ ؟؟؟...عسى مايدعون علينا لا خلصنا؟؟
ضحكت رنا ...وهي تتلفت للحوسه ...الي عمت المطبخ ..من قررت هي ونجلا يستعملونه....
رنا- بيذوقون اكلنا ..وبيدعون لنا !!يحمدون ربهم ريحناهم اليوم !!
سمعوا صوت من وراهم .....
سمر ...وهي داخله..بمريولها .....- لللوووووووويش!!...وش ذا الرضا ؟؟؟الله ...لا يعدملي اياكن ..!!
رنا ونجلا التفتوا لها ...
نجلا- يله يله ....روحي غيري ..وتعالي ساعدي!!معاد باقي..وقت ...!!
سمر...بتهرب-...يوووهه.....برا ...حر ...بموت ....لازم ..اخذ شاور ....وعلى بال ماخلص,,,بتكونون حطيتوا الاكل !!!
رنا- يانصبك ...الجو اصلا بادي يشتي!!..بلا اعذار ...!!
سمر..وهي تفتح غطيان القدور-...ياحبي لكم ...انا تعبانه ارحموني ...!!توني جايه ...ومتلاجده ...مع بنت ...رفعت ضغطي!!!
نجلا...ضربت كتفها- لا تفتشين!!يوم انك ماتبين تساعدين!!!...اصلا خالصين ....بس بنشوف عنك!!!
سمر-...عارفين ردي ....!!اكيد ..تعبانه!!مثلكن انا مرتاحه!!!لا ..ولا ...بايته برا البيت مثل غيري!!
ناظرتها نجلا بطرف عين...-...سمور ابعدي عني!!!
رفعت سمر كتوفها ....- سبحان الله ...الي على راسه بطحه يحسس عليها!!
نجلا- ...انتي داريه ....اني ماجيت ..امس...وش قاللولك ...غبيه!!!؟؟
قربت سمر ..منها ..وبترجي هزول-...تكفين ...تكفين علميني ؟؟وين رحتوا!!...
فتحت نجلا عينها ...باستهجان...باسم...-..متى ...بتتركيني في حالي؟؟
سمر..حركت ...حواجبها ...وبضحك...- طب خلاص...وش سويتوا؟؟؟
حركت نجلا راسها يمين وشمال ...وباستنكار- البنت هاذي ...لازم تزوجونها !!خلاص ماتجلس!!
ضحكت رنا ....بخفه وبعفويه...مقصوده-....خلاص...خذي سعود..ياسمر!!
تغيرت ملامح سمر ..من الهزل للجديه....لحظات....وبسرعه ...غطت ملامحها بابتسامه...
سمر-...وش ابي به؟؟...هو خاطبك ولا خاطبني!!وبتوتر زاد...وهي تمشي بتطلع...
سمر- بعدين اصلا انا ..مابيه !!مالقيت الاهو!!
تاملت رنا ....ظهر اختها ..وماانتبهت للعيون الي تراقبها ....
طلعت سمر ...وقلبها يرجف ...لذكره ..بهالطريقه العرضيه ...وقبل تبتعد...سمعت ..نطق اسمه...وقفت رجولها ورجعت..اذنها ترهف السمع...
التقت انظار رنا ونجلا ...
ابتسمت رنا- وش فيك؟؟
نجلا..بدون مقدمات....مدت يدها ...وطفت الفرن-....ليه ماتبين ..سعود؟؟انتي؟؟
مطت رنا شفايفها ...الناعمه....-...لأ
نجلا...قربت منها...وهي تحاول ...تستشف منها أي شي....
نجلا- ليه يارنا؟؟عشان....
قاطعتها رنا- لأ...مو عشان احد!!!...انا مو رافضه فكرة الزواج نفسها ...بس انا مافضل آخذ من العيله!!..كيذى!!...من غير ليه !!..كشرت بوجهها ..
رنا- الاقارب عقارب!!
ركزت نجلا .....برنا ...تشاور نفسها ....تقولها ولا ماتقولها ....
دارت رنا ...تكمل ...دهن الصينيه الي بين ايديها ...
تنفست نجلا بهدوء....-...اقولك...شي!!؟؟
سمر ...انفاسها ..مو مستوعبه الي تسمع...كل شي....فيها ...يرهف...
التفتت رنا ...
رنا- صدقيني نجلا مافيه سبب...!!سعود كويس ...وماعليه ...ليته من نصيب سمر ...ماينعاب!!!والله حتى محرجه ...شلون ..بيتقبلون!!الرفض!!اعرف عيال عمي ..مثل حال عيال ....العيله ...كلها ..نفوسهم بخشومهم...ومايرضون بالهزيمه!!
نجلا- طيب ..لو يبان انه خطب سمر ..؟؟
رفعت رنا راسها ...وعلامات ...محايده.....وضحت عليها
رنا- ليه ...تسألين...علميني نجلا؟؟؟قولي ..وش مخبيه!!؟؟
نجلا-..سعود خاطب سمر ...
رفعت ...سمر ..يدها وغطت فمها بشهقه مكتومه...دمعت عينها ...بلا شعور ...تركت المكان ....وهي ..تسابق الريح...ودها تمسك قلبها ...
سمر سعود خطبك؟؟....انتي ياسمر...؟؟
فتحت ...رنا عينها ....وبانت ابتسامتها ....وبفرحه...- احلفي ...؟؟نجلا؟؟؟من جدك تتكلمين !!
نجلا بتقطيب-...ايه..من جدي ..
رنا- وليه ساكته من اول ؟؟ياربي ...ياحبيلك ياسمروه!!!؟؟انا حاسه ان فيه شي غلط...!!
نجلا باستغراب- وش عندكم مغبين عني ؟؟وليه ..هالاستفهامات؟؟علميني!!
رنا- وش اقولك ...سمر من صغرها وهي ناشبتن بسعود...فضحتنا عند الكل انها ...بتاخذه...!!وكله تتحلف فيه !!!صحيح مزوح بزران ...بالنسبه لغيرنا ...بس لنا ..لأ!!فهمتي...
ابتسمت ..نجلا...-كل هذا يطلع من سمر؟؟
رنا ...وهي بتروح لأختها ...
نجلا- رنا لا تقولين شي ؟؟؟اليوم الوليد بيكلمكم!!
رنا- ليه..؟؟خلاص ..مب لازم؟؟نجلا بالله لا يفتح معي موضوع..حساس ..زي كيذا ..خلاص قوليله انك ..علمتيني ..وطمنيه!!
نجلا...ببسمه..- طيب تعالي دخلي الصينيه الفرن...بروح آخذ شاور ...باقي شوي ويجي الوليد...!!
رنا ..- طيب...بس لاتنسين ...تقولين له ..!!
نجلا ...وهي ..طالعه ...الحديقه ...وراجعه البيت ...- ابشري....!!
رقت ...نجلا....جناحها ...وهي تفكر بنصوري...وحشها ...بس ماتبي يسمع صوتها ...ويتاثر ...
بسرعه ..خذت ..الي تبي ..ودخلت ..تبعد ..ريحة الطبخ...وقفت تحت الدش...وهي ..متشوقه ..لرجوعه...

اليوم ناويه تستقبله قبل الكل ....زادت ابتسامتها ...وهي تحث نفسها ...بعجل ...
............................................................ .............................
الوليد ...وسلطان....بسيارة الوليد...
سلطان..-....انا لسه شايل هم هالرجال...!!مدري متى بيبان!!
الوليد-...اتركك..منه...شكله ..متقصدني انا !!ومستحيل يظهر ..وانا ماني موجود...!!
سلهم سلطان بالطريق...وسال ..وعيونه...تايهه-...هل تتوقع اني قد الحمل ...الي عطيتني اياه ياخوي؟؟
التفت له الوليد ...-..قده ...بأذن الله قده ...انا واثق فيك!!
سلطان- يوووووه....هالكلمه اول مره اسمعها...!!حتى من ابوي ماسمعتها!!ناظر الوليد ...وبصدق..
سلطان- من جدك واثق فيني ...يالوليد؟؟
ركز الوليد عينه باخوه...يعطيه الثقه ..بالنظر قبل ..ينطق...
الوليد- مليون بالميه!!
تنهد...سلطان...وناظر عصا الوليد...-...متى بتدخل؟؟المستشفى؟؟
الوليد- اليوم انشاء الله...!!هااه عاد لا وصيك باهل البيت ...!!
رجع واسند...ظهره...
سلطان-...بالحفظ والصون...لا تشيل هم ...قطب سلطان ....
سلطان- سهله هي ..؟؟صح؟؟
الوليد- نقول ان شاء الله ...!!
............................................................ ...................
بقصر الوليد...
بجناح سمر ..
الين الحين ..وانفاسها ...مهتاجه....تبسمت ..برجفه ..وخجل...وهي تتذكر ..قسمها ...لسعود...
والله لأذودك...!!رفعت ...يدها الثنتين ..وغطت وجهها...
سمر-..يالللله.....يارب ...يكون نسى!!
تحركت...وبخطواتها ...خجل غير معهود.....
............................................................ ......
وصل الوليد وسلطان ....
سلطان-...الله يعيني ...بطلع مره ثانيه ...!!
الوليد- على وين؟؟منت متغدي؟؟
سلطان-...الربع ..مغديني اليوم....من زمان عنهم ...ماقدرت اردهم....نايف ..ولد ..راشد ال....تعرفه صح؟؟
قطب الوليد- امم....ايه عرفته ...يله اجل ...الله معك...
وقفت سيارة الوليد ...نزل سلطان ..
سلطان- يعقوب ...هات السياره ..بعدين خذ سيارة الوليد...
يعقوب الي كان واقف ...يستنى نزول الوليد ...عيونه...عجزت تستوعب تطور الاحداث الي صارت ...
يعقوب-...سم!!...سم طال عمرك !!
نزل الوليد....
سلطان-...بيوديك اليوم ؟؟لاتروح..!!
الوليد ابتسم ..- يكون خير...!!
..........................................................
نجلا
عينها ...تراقب من بعيد ...تنهدت براحه يوم شافت سلطان ...طالع بسيارته ...تاملت بعينها ....الوليد ..وهو يمشي...بعنفوان....مايتمثل الا بشخصه .راحت للمغاسل بعجل...و..ناظرت نفسها ...نظره اخيره ...وتغبت ..ورى باب المدخل ...
واول ...ماانفتح الباب ..ابتسم...تنفس....عبير ...يعرفه ....قطب...حواجبه....معقوله يتخيل؟؟
نجلا ..بحلاوه...- تو مانور البيت !!
التفت لها...والابتسامه..ماانمحت....
الوليد.. ناظرها ....بفرح...ظاهر ...ماقدر يخفيه ....مدت نجلا يدها تاخذ الشنطه....
الوليد- البيت منور باهله....
قربت وتعلقت بذراعه...
.نجلا-...اخبارك؟؟....عسى كل شي تمام....!!
التفت وناظرها ..
الوليد-...الحمد الله....
وصلوا ..عند المصعد...
نجلا-...انا رايحه ..عندي شغله ...استناك ...!!انزل تغد!!
تلفت الوليد...- وين الباقي..؟؟
نجلا- خالتي ..بتنزل الحين ..وسمر اكيد...ورنا بالمطبخ!!...اليوم ..طابخين لكم ..بيدينا!!
الوليد..-...كلمني نصوري اليوم...!!
قطبت نجلا- وش فيه؟؟
الوليد- مافيه شي...بس ..يقول بيطمن!!...
نجلا-...والله حتى انا ..انشغلت عنه...ولا ودي اكلمه...!!
ناظرها بمكر ...- حريم!!..
نجلا – خذ شنطتك...!!...
عطته شنطته ..ولفته ..بيدينها ...
نجلا- رح...غير ....بسرعه....الله يرضى عليك...صاير معاد تستحي ...
التفت ...بتقطيب واستنكارالوليد- وشو؟؟؟!!
نجلا ...ابعدت بعجل ...وهي تضحك...- ولا شي....ولاشي....!!
الوليد- ماشي بمشيها بكيفي ....قولي لرنا ..تجيني ..عند ام سلطان ...!!
ابتسم....وقفل باب المصعد....تنهد براحه....
الوليد- يالله لك الحمد....
التفتت نجلا راجعه بتقوله ....بس ..طلع....
طلع الوليد....وهو ناوي يمر ...على ام سلطان...
دق الباب...
ام سلطان-..مين؟؟
دخل الوليد...-...مساك الله بالخير ...
ابتسمت ام سلطان..كانت جالسه ..ترتب شرشف ...صلاتها...-...ادخل يامي ...!!ادخل ..
دخل الوليد....-..عسى مانتي مشغوله....؟؟لاني ابي اكلمك بموضوع!!
بان القلق على محياها ...ام سلطان-...عسى خير ياوليدي!!
جلس الوليد...- خير ...ان شاء الله خير ...
............................................................ ................................................
بعد نصف ساعه...
على سفرة الطعام ...
ام سلطان- ...الله يهديه...وش يبي باكل المطاعم...ليته تغدى معنا ...وبعدين طلع!!
الوليد-...خليه على راحته...يالغاليه...هو ..تحين بس!!..
ام سلطان-...الحمد الله ....رب العالمين...الله يثبته ...ويفرحه ..دوم...!!
الوليد- امين...
ناظر رنا ....وابعد عينه....لسمر ....حالهم اليوم غريب ...سمر هاديه مب بالعاده...
التفت لنجلا ...وجت عينها بعينه...
ابتسمت...وهي تناظرهم....
الوليد-...وش عندكم؟؟ليه ساكتين؟؟سمر ..وش فيك؟؟؟وين لسانك اليوم!!
تركت الملعقه ...الي بيدها ....ورفعت راسها ...وهي ترجف....وخرت عينها بسرعه ...
سمر- مافيه شي ...
رنا بابتسامه- متهاوشه اليوم لحد يكلمها ...!!..ناظرت..سمر ...تبي تنرفزها...بس سمر ..مو ملقيه بال...
الوليد- ماكبرتي ..؟؟على هالامور !!اجل لا رحتي بيت رجلك ...بتناشبين معه!!؟؟
عم الصمت ....والوليد مازال ...يراقبها ...
الوليد- وش رايك بسعود؟؟ولد عمك؟؟
سكتت سمر ...
ام سلطان...بابتسامه..-...وش رايها بعد؟؟زينة الرجال...ماينرد...!!
الوليد ..ابتسم...-...ماقلتي رايك؟؟
بلعت سمر ...ريقها ..وحست ان الكل ..عينه عليها ...رفعت راسها وناظرت رنا
رنا-...انا قايله لك...مابي اقارب!!..وبعدين ...هو خاطبك ماخطبني!!
الوليد ..وهو يتساند....وعينه عليها..-....شكلها رافضه....!!..دقي يالغاليه ...وعلميهم...مالي وجه ...ارده ...!!
سمر بعجل ...-...وانا قلت لأ!!!!!!
ضحك الوليد.....وتبعه الكل ....وسمر قامت بسرعه ....
ام سلطان- احرجتها يامك!!!
الوليد...وهو باقي يضحك....-...لو ماردت ...ماتصير سمر!!!!
..................................................
ركضت سمر عالدرج .....واول ماوصلت جناحها ....قفلت الباب ...
سمر-...الله يفشلك ...الله يفشلك...!!..ياسميروه...!!!
............................................................ ......
بسفرة الطعام ...
الوليد- اصلا مافيه ..زواج ..الا بعد الدراسه ...!!
رنا- احسن لها يمه...على الاقل تتخرج..من الثانويه!!
ام سلطان- ..عين العقل ...البنت يبيلها على الاقل سنه عشان تركد...!!والدراسه اهم شي !!
تراكت نجلا ..على يدها – ايه والله ....ولا ترا بتجلس بدون دراسه !!
ناظرها الوليد-...وانتي جهزي نفسك...الاسبوع الجاي بداومين ....!!
شهقت نجلا ...- وين اداوم؟؟
الوليد ..مبتسم-...مو خذت ملفك انا؟؟لي معرفه بصاحب مدرسه....شرحت له بعض الضروف ...وقبلوك!!
نجلا ببسمه- عند جد؟؟والله ماتمزح؟؟!!راح شهر ونص عالترم الثاني ؟؟
الوليد- ان اجتهدتي بتلحقين ..وانا ..عن نفسي...ودي تدخلين هالترم !!
رنا-...الا احسن يانجلا ....يصير باقيلك...سنه وتفتكين ..
رفعت يدها ...ولفت ..خصله باصبعها ....وعيونها ...رويانه فرح....يعني اخيرا ....اخيرا ...بتكمل دراستها ...
التفت بلا شعور ...للوليد...
وهو كان يستناها.....مد...يده...وشد على يدها ...الي عالطاوله ...- مو قلتلك كل شي يتعوض!!
سحبت يدها بحرج...
ام سلطان-....يالله عاد شدي حيلك ....مانبي أي شهاده....!!
نجلا...بفرح-....ان شاء الله ياخالتي ....!!
............................................................ ............................................................ ...............................
بجناح ...نجلا والوليد....
الساعه ...6المغرب
الوليد بدورة المياه.....ونجلا ...جالسه ...على كرسي ....وعينها على عصاه المركونه....
وبيدها..المويه ....ضاغطه عليها بيدها ...توالت عليها ...صور من الماضي والحاضر ....
الحين مالها احد....مافيه احد!!!...وان جاه شي ...وفقدته....نفضت نفسها ...وقامت وانفاسها ...مغتربه ...ومتحشرجه....
طلع الوليد.....وشافها ...متوتره....
شد شفايفه ...
الوليد بهادي الصوت- نجلا؟؟
وقفت ...وناظرته بخوف ...وضح وبان ...
الوليد بتطمين-....كلها كم يوم وراجع...باذن الله !!
تحركت ..بقلق .نجلا..- ايه اكيد ان شاء الله ...وين بتروح يعني...اكيد بترجع !!اكيـــــــ .....
بلحظه ....كان بجنبها ...مسك كتوفها ...ولفها تواجهه....
الوليد بهدوء- محدن يضمن عمره ...صح!!!
رفعت راسها ...وناظرته....بخوف...
كمل الوليد...- نظرة الخوف الي بعينك شيليها ...!!سواء انا موجود ولا مو موجود....!!...لا تخلين أي شي يهزك....!!خلك دوم ..قويه ...!!الدنيا حلوه صحيح...ومره ببعض احيان ....!!ومافيه حال يدوم على حال ...!!
ارتجفت اوصالها ....لكلامه الي تسمع....
نجلابرجفه- ليش كيذى تقول؟؟
نزلت ايدينه ...لكفوفها الي ترجف ....الوليد بهدوء ...يبان اكثر واكثر-...تعالي ...يالغاليه ...
قالها ..وهو ..يجرها ...لين ..جلس...عالسرير...وجلسها بجنبه ....
ظل ماسك يدها ....وحاضن كفها...
الوليد- اسمعيني يانجلا ....شي واحد ابيك تعرفينه....!!..وهو اني ..احمد ربي ليل ونهار ...انه حطك بدربي...بذا الحياة...ناظرها بتركيز.....
الوليد- انا تغيرت ...يانجلا ...كثير ...كثير....والحياه ..مثل ..ماعلمتني ...!!وقست قلبي ....!!وعمت عيني ...عن اشياء ..ماتعد ولا تحصى!!..بوجود...ام سلطان وطلال..ورنا وسمر ...وساره...وحنان..وامي نوره...واخيرا انتي ونصوري...وسلطان...فتَحت ...عيني ...على اجمل مافيها ...نسيت حتى طعم المراره...وشلون يكون...!!صرت انسان ...يستنى بكره ..وش يجيب...!!
شدت على يده بقووه...نجلا- لا تسويها؟؟
ابتسم...الوليد-...ان كتب لي ربي ...الموت...بتكون بالعمليه ولا بغيرها ...!!..هز راسه ...
الوليد- مو هذا الي ابي اوصله لك !!ياعمري افهمي !!
نجلا...برجفة خوف- وش تبيني افهم!!!انت قايلي ان عمليتك سهله....ومافيها خطوره !!ليش هالكلام كله!!ليه تقوله لي الحين!!؟؟
الوليد..بحزم-...نجلا؟؟انا موجالس اودعك!! انا ابي اقولك ان الدنيا ماتوقف ...ان ..قاطعته ...نجلا...بصوت متوتر...
نجلا- ان...ايش!!!...ان ايش.......قالتها وهي تترك يده وتوقف...
نجلا -..وش قصدك؟؟...رفعت يدها ..وغطت اذنها ....
نجلا- معاد ابي اسمع؟؟؟معاد ابي اسمع!!!انت بتروح اليوم ...وبتسوي العمليه عشان رجلك...وبتجي ...زي ماوعدت...!!
وقف الوليد ...ومسك راسها ...حط ايدينه فوق ..ايدينها ...
الوليد-...نجلا!!..بأذن الله ....انا راجع...!!مااكذب واقول ...هي شي بسيط...من اسمها...عمليه ...اكيد فيها صعوبه ...بس مو زي مانتوقع!!...وبعدين سواء سهله ولا صعبه ...التيسير من عند الله ...!!الله وبس!!!انا ...ابيك ..ماتضعفين ....!!ولا تيأسين ..من رحمة ..الله...!!...تصدقين عاد؟؟....انا حاس اني باعيش لين ...اشيب هالراس...!!ويمكن ماتصدقيني ...ان...املي بوجود...عيال من صلبي...ماينوصف!!..الله المانع يانجلا ...وهو الرازق!!..
نجلا برعب-...انت قايل...بس عملية رجلك!!!
الوليد- وانا صادق ..ماكذبت!!...لكن الله قادر بصير ...مافقدت الامل ...يوم..كنتي ..بعيد...وشلون لاصرتي قريبه !!
قالها ...وكل مافيه ...يرقب ..كل همسه ..ونفس ..يصدر منها ....قرب راسها ..وطبع ..بوسه على جبينها ....
نزلت يدها ..وتعلقت ..فيه ...ضغطت ...تدور ...احساسها ..بدقات قلبه....حظنها ....بأحساس ...يتجدد..كل ..
لحظه وكل ثانيه ...وكل دقيقه ...
الوليد بهمس..حاني-...عاهديني ...اني ...بكره قبل ...ادخل ...غرفة العمليات...ماشوف هالدموع...ولا هالنظره بعيونك...!!
ضغطت نفسها ...عليه اكثر ....
الوليد...شدد-...عاهديني؟؟
نجلا بصوت مكتوم...-...طي....ب..............
............................................................ .........................................
بعد لحظات....
بقصر الوليد...
امي نوره...-...وينه ؟؟ابي اجلس معه ..قبل...يروح...!!
ام سلطان- الحين بيجي ...ياخالتي ...
حنان ..تهمس لسمر-...الله ..الله وش ذا الحيا ...!!ترى محدن ..رادلك خبر ...مشغولين مع الوليد!!
ضربت ..سمر ..رجل حنان-...حتى انا شايله همه ...الله يقومه بالسلامه !!
التفتت حنان لساره- ساره ؟؟جبتي ..البتاع؟؟
ساره ..- جبته بس مو قته ...مدري احس الحاله متأزمه ...!!!الا مالاحظتي ...سلطان؟؟
ناظرتهم سمر-...ياحليلكم....فاتكم ...مشهد...اميتاب خان!!!
حنان- ليه ايش صار؟؟؟
............................................................ ......
بجده...
بيت ..ابو طلال...
ام الوليد-...ليه ماقلتلي؟؟؟!!!
طلال- حتى يمه...مادريت !!...الا امس ...
ام الوليد- ماقلتله اني ...
طلال- قلتله يمه ....الوليد ...ناوي ان شاء الله يجيكم...
ام الوليد- لا لايجي؟؟!!!انا بحاول ...اروح الرياض!!
استغرب طلال-...وليه ماتبينه يجي ...!!مو تبين تفاتحينه...وتقولين له كل شي!!
ام الوليد ...رجفت شفايفها ....-...مالي وجه...حاولت ...ياوليدي ...حاولت!!!
طلال-...يمه..الحين لازم الوليد يعرف!!ويكفي الذل الي انتي تشوفينه ...من ابوي الله يهديه !!
طول عمرك ساكته ...وانا متاكد ان ردة فعله مو زي مانتي متصوره !!
ام الوليد- ...وانت متى بتجي ؟؟ابوك ناوي نيه ..ببسمه!!
طلال-...وش صاير؟؟
ام الوليد-....يبي يزوجها ...ابو فالح!!كل مادقيت عليك جوالك مقفل ...ماعلمتنا انك غيرت الرقم!!والوليد تعرف الكره الي بينه وبين ابوك...ماقدر ..اعرضه ..لهالمواقف ...!!!
طلال- ايش؟؟؟!!ابو فالح ماغيره!!الله يهديك يبه !!
انسحب الجوال منها فجأه....
ابو طلال-...خير؟؟؟وش تبي؟؟؟
طلال- ...هلا يبه!!
ابو طلال- ..وش تبي؟؟خلك...عند...الي مايسوى!!!
بصم طلال-...اخبارك يبه!!
ابو طلال- اخباري ..بدونك ماشيه ...لا يكون بس ...حشت راسك امك!!؟؟اصحك...تسويلي ...فاهم!!هاذي بنتي ...وانا ادرى بمصلحتها !!!
............................................................ .........
بجناح نجلا والوليد
رتبت ....نجلا ...شنطه صغيره للوليد....
اخيرا اقتنعت انها ...تضل بالبيت ....والصباح ...اول ماتشرق الشمس بتروح....
كلامه مو مطمنها ....تنهدت...بخوف...
يارب ...ترده لي سالم...يارب...
طل الوليد ...عليها ...-...نزلنا؟؟
التفتت له ...وهي تحاول ...تنفذ وعدها ....
نجلا- يله ...شوف جهزت لك كل شي...
مد يده ...لها ...مدت...يدها ...تشابكت اصابعهم ....
الوليد- يخليك لي ربي ...!!
نجلا-...ويخليك لي بعد ...!!
............................................................ .............................
بعد ...بنصف ساعه....
الوليد واقف ...بيطلع ...والكل بيسلم عليه ...
سمر قربت ...وهي منحرجه ...باست راسه...- ترجع لنا سالم ...ياخوي ...
شد الوليد على يدها ...وبمزح
الوليد- ان شاء الله راجع ...بس ..دخيلك ...اول ماافوق مابي اشوف ..هالشوشه ...!!
ضحكوا جميع ...
سلطان-...يله يالوليد ...تاخرنا !!
رجفت نجلا ..وهي تحت جلالها....بيروح الحين ...
سلطان ...ارتبك ...يوم انتبه لنجلا .شال الشنطه.....- انا استناك ....!!...قالها وطلع ...
امي نوره- ...روح الله ...يشفيك من كل ضر ...وهااه...لاتنسى ..وعدك...تراك بتحججني !!منت...متعذرلي ..برجولك!!
ضحك الوليد- ابشري ...على ذا الخشم ...!!
التفت لنجلا ...الي ..ابعدت الجلال ...عن راسها ..ومتونها ....
الوليد بابتسامه-..منتي مسلمه...!!
نجلا ..قامت ...ورسمت احلى ابتسامه ......قربت وحبت راسه ...
حنان بتريقه-...عاد احنا عماته وخواته ...لازم حبة الراس!!...انتي مرته ...يعني المجال مفتوح!!!
كسى الحمار خدود نجلا ...وزاد ..مع ..نغمة...ضحكة الوليد...
ضحك الجميع ...وحب يحرجها اكثر ...
الوليد ...بمكر..وبهمس مايسمعه الا هي-...ماقصرت..ام محمد!!
ام سلطان-...ماتجوزين ...ياحنان من هالسوالف ....!!!
الوليد- يله انا طالع ...قالها وعينه عليها وبس ....
امي نوره- فمان الله ياوليدي ....والله عمتك حصه ..كانت بتجي ...بس ..ولدها ..سخن ...وماقدرت تجي ..بس بكره ...بتجي ان شاء الله !!!
الوليد-...ان شاء الله ...!!...يله فمان الكريم !!
مسك يدها قبل ..تبتعد ....وصلوا....للباب....بعيد عن العيون ..بعيد عن الانظار ...
حاولت تضبط نفسها ....وتتماسك.....نجلا- ...خلني اجي معك !!
الوليد- عليك عناد!!واصرار!!
نجلا- ربوة ايدك!!!
الوليد ...وهو يحظنها ...-...اجل يازين ايديني !!!شد عليها ...وكمل
الوليد- والله الود ودي ابات هينا اليوم ....لكن ..لا بد من بعض التحاليل ...!!
رجفت شفايف نجلا ...قربه ...منها ..اسقط ...كل ..حصونها ...ابعدت بسرعه ..لجل ..ماتدمع ...قدامه ...او حتى تضعف....
نجلا ..-...بكره بجيك ...ماراح انام اليوم ...!!بجيك قبل ..تدخل ..!!قطعت ..كلامها ...
الوليد ترك ايدينها ..ومد يده ..يقرص..خدها ...- وانا استناك!!...يله ...انتبهي لنفسك ..ولا تفكرين ...كثير !!
مسكت الباب ..من بعده ...وعينها ...على ظهره ....تنفست ...وهي تحس ان الانفاس ..تحرق صدرها ...
............................................................ ............................................................ .................
رجعت نجلا للصاله ....وهي تحاول ..ترسم بسمات الامان ....
ساره...حاسه ..بخوفها ...مو هي فقدت اديب ...ذكرت هاللحظات ...وعرفت عمق الاحساس الي تحسه نجلا ...
ساره- ..تعالي نجلا ...
جت نجلا وجلست بجنبهم ...وهي بعالم ثاني ...السوالف من حولها ...مثل الغمام....