منتديات ليلاس - أنثى تعشق تحب تكره وتبغض الرجال [ أنثى الحرية]

منتديات ليلاس (https://www.liilas.com/vb3/)

- الارشيف (https://www.liilas.com/vb3/f183/)

اقتباس:

المشاركة الأصلية كتبت بواسطة صمت الغروب (المشاركة 2468798)

يسعد صباحو روحي..

واااو البارت مرة حلو..

معليش طلب

ممكن يكون البارت صباح الخميس؟؟
او قبل التسعه>> بتطلع البنت:qUA04678:

وخليه اطول من كذا بعد..

امممم

جواد غااامض..راح يتعلق بحور ويآخذها من دون ما يعرف انها اخت ندى..

وردينال راح تتحسف على اللي تسويه من خلال شخص ما وتسلطه عليها..

:flowers2:

هلا صمت يالغلا
يسعد صباحك ومسائك بكل خير

عيونك الحلوة ياقلبي

لبيه إطلبي ^_^

فديتك ياقلبي لو بنزله صبح راح أنزل الموعد قبلها بكرة يعني في الليل وإنشاء الله لو مانزلته صبح حنزله قبل 9
ولو مانرد الغالين

منورة ياغلاتي

كل شوقي لك

اقتباس:

المشاركة الأصلية كتبت بواسطة بوح قلم (المشاركة 2469197)

دندون.. تسلمين فديتج عالبارت<< الفيس راعي الورود

جواد

خالته.. عمه.. الحادثه<< فيس يجمع خيوط القضيه.. يعني شي قصة في حياة جواد.. وهي اللي صقلت شخصيه.. وغلفتها بالقسوة.. وخلته يكره صنف حواء.. والله وطلع فيك خير<< الفيس اللي ما يحبه لين الحينه.. زين اللي لحقت عليها يا ريال<< فيس كان متروع

وردينال

الضياع.. منظر القمر وهو يتوج السماء ليلا اثار فيج شعور غريب.. وجدد الشعور بالضياع فيج.. تحسيسن عمرج عايشه بدون هدف.. وفي نفس الوقت وجودج ما له اثر على اللي حولج.. وهالشي اللي خلاج تشردين<< فيسي المحلل.. بس تعالي يالخديه.. حد يظهر نص الليل اروحه.. هالمرة ربج ستر<< فيس يهزبها

حور

بتروحين.. احلفي بس<< فيس بيقطع شعره منها.. مستحيل امج تخليج تروحين جان درت بسالفه الحفله<< فيس متاكد.. يعني اكيد بتدورين لج.. يعني اكيد بتدورين لج جذبه تروحين بها الحفله<< الفيس اللي يحسها بتروح.. الله يحفظج بس<< فيس يهز راسه باسى

مرام

وغيرها.. نموذج لعلاقات ابت الفطرة البشريه ان ترضى بها..للاسف هالشي بدا ينتشر بين شبابنا وبناتنا.. وهذا نتيجه لضعف الوازع الديني قل كل شي<< فيس يهز راسه

نترياج حبيبتي<< الفيس راعي الورود

http://www.liillas.com/up3//uploads/...29afe633ce.gif

ياهلا وغلا بوحتي منورة< :flowers2:
< عقبال مانزرع لك حديقة الورود هههههه

جواد
فيس اللي يقولك خالتو أحلام ^_^ الجزء الثاني بيريح فيسك المحلل

يمكن هالشي اللي اثر على شخصيته هو اللي خلاه يطر يساعد وردينال< فيس يساعدك ع التحليل ^_^

وردينال
يمكن شعورها اللي ماتحس فيه هو اللي خلاها ماتحس إنها تاهت
وتعرضت للي تعرضته

حور
فيس يسحب يدك من شعرك ويهديك

لسا لاتهورين بتعرفين في الجزء الثاني ههه

مرام
وحالتها اللي انتشرت لاحول ولاقوة الابالله
والكثير يجهل المرض اللي يتسببب فيها
من انعكاس الفطرة
وحالات كثرت
نسال الله العافية

نورتي ياغلاتي <:flowers2:
كل شوقي لك

حبيبتي القصه روعه بس عندي طلب الله يعافيك رجاء لا تكتبين إنشاء الله ولكن ان شاء الله افضل لان المعنى يتغير شكرا لك :)

اقتباس:

المشاركة الأصلية كتبت بواسطة بياض الصبح (المشاركة 2469286)

صباح الخير الله يعطيج ألف عافية يارب

دندون مووووووو كنه البارت صغنوووووووووووون ؟؟؟؟؟؟؟؟؟
=============================
(( جواد ))

مازال شخصية تلفها الغموض بعض الشيء --- وللحين ما عرفنا سر علاقاته بالحريم ؟؟<<مازال فيسي الفضولي يطالب بالاجابة

هل ذكرج للاستراحة وأنها مشبوهه هذا دليل أو إشارة أن علاقاته بالحريم علاقات غير شررعية ؟؟؟؟؟؟؟؟؟؟

وش قصة الضمير اللي بدأ يصحى وليش قال أنه دفنه من عشر اسنين ؟؟ هل لانه له علاقه أو هو السبب باللي

حصل اندى ؟؟؟ ومنو أحلام ؟؟؟؟؟ أتوقع جواد بضل ضميره صاحي لقايه ما يوصل وردينال لاهلها اللي أساسا وجهته عليهم

=============================
(( وردينال ))

يمكن بهالبارت بدت تتضح شوي بس شخصيتها هي أساسا طيبة بس الظروف اللي تعيش فيها ولدت شخصية ثانية غير شخصيتها

الاساسية عشان جذي كلنا كنا نشوفها بأنها شخصية مركبة --- بس الظروف هي السبب اللي خلتها إنسانة حقودة وغيورة لانها

حاسة بالنقص فما تحب تشوف أحد أحسن منها أو يملك شيء هي تتمناه ومو حاصلها --- وبينت إنها إنسانة ضعيفة جدا بموقفها

مع حميد (( أه يا قهري منه<<< ووععع عليه )) يعني بالقوة اللي تتظاهر فيها كان بأمكانها تتصرف أي تصرف ممكن ينقذها

أتوقع ظهور جواد بحياتها ما راح يمر مرور الكرام وخصوصا إذا عرفت أنه زوج ندى -- أكيد أنها راح تحاول أنها تخرب حياة ندى

فوق ماهي خربانة

============================
(( حور ))

طيبتها وثقتها الزايدة بالناس أو بالاصح سذاجتها اللي هي فيها راح توديها بستين ألف داهية --- أتوقع الحفلة هذي

وبمأنها أول مره فراح تكون مثل ما قالت نادية حفلة عمل وكلها حريم عشان تكسب ثقتها أكثر وجرها اللي هي وجواد

يسعون عشانه

============================
(( مرام ))

شخصية جديدة --- اللي هي فيه بسبب حرمان أهلها بأنها تكون صداقات بسبب خوفهم عليها ولما لقت الصديقة اللي

ممكن ترضي أهلها لانها أنسانة متزوجة << موكل إنسانة متزوجة هي إنسانة سوية في بعضهم يتزوجون أي شخص بس

عشان تلعب على كيفها ومحد يدري عنها --- ولما عرفت أن هالصديقة المزعومة أنها صديقة سوء وما يجي من وراها

الإ الشر رضت فيها وسكتت خوف أن أهلها يمنعونها أنها تكون صداقات بأي وحدة سواء متزوجة أو غيرها ---

وإذا على تهديد هالصديقة كان بإمكانها أنها تقطع علاقتها معاها وبلاها الصدقات اللي من وراها وجع الرأس والبلاوي --

إلا إذا كانت هي مرام نفسها راضية بهالشيء <<< شيطان شاطر وما مات وقله الوازع الديني

طبعا اللي وصلتله مرام بسبب هالعلاقة المحرمة اللي معروف نهايتها <<< الله يحفظنا من كل شر يارب

===========================

الله يعطيج العافية مره ثانية بانتظار بارت الخميس إذا الله أحيانا

صباح ومساء الخير والسعادة الدائمة
هلا صبوحة منورة يالغلا

البارت قسمته جزئين يعني الجز الثاني بيكون اطول من جذا ^_^

جواد
راح اجاوب على فيسك الفضولي
اللي محيرك عن علاقة جواد او غيره من الشخصيات اللي تشابه جواد في علاقته مع الحريم

هالنوع ممكن تكون لهم علاقة شرعية وعلاقة غير شرعية
ولو كانت علاقته شرعية زواج بالسر او مسيار
وعلاقة غير شرعية مثل الجلسات في الاستراحات او غيره
وفيه من هالنوع الله يحمينا ويحمي جميع المسلمين

وردينال
في البداية الكثير قال انها شخصية مركبة وغامضة كل بارت تختلف
بس لما ندخل مع الشخصية في نفسها وغي علاقتها صعب نفهم
هالروح المختلطة بجميع المشاعر

حور
والطيبة والبراءة الزايدة اللي ماتنفع الحين للاسف.؟

مرام
ونموذج موجود وكثر في هالفترة وتجاهل بعضهم امراضه على انها متعة لحظة او طيش في عمر معين

الشخصية الضعيقة وقلة الوازع الديني اللي سبب من اسباب المهمة في هالشي

والاهل لهم دور في ضعف الشخصية وإبعاد بناتهم عن الصديقات
ويكبرون بناتهم وهم جاهلين الصح من الغلط

صبوحة نورتي يالغلا
يعافيك ربي من كل مكروه
كل شوقي لك

أنا أتابع بصمت بس اللي تهمني واتابع احداثها وحده ..

""حور"" لان أمها سميتي ..

وربي يحمي حور ولا تشوف اللي شافته امها ..

وجواد ..مدري وش هالانسان !!

بس اعتقد راح يلف ويدور ع حور ..

ويارب تكون حور واعيه للي هي فيه وامها راح تنبهها أذا شافت اي

تغير عليها ..

وردينال .. مدري ارحمها من خالها والا اكرهها من ضياعها ..

...

متابعه بصمت لا لشيء ولكن لعجز الكلمات عن ايفأك حقك ..غاليتي ..

الروح الطاهره ...سيري وربي معاك ..

وننتظر أكتمال طفلتك ..