|
اشكر كلـ منـ رد عليـ..
وهذا الشيـ خلانيـ اتشجعـ اكثر انيـ انزلـ هالدقهـ بأسرعـ وقتـ.. نسترجع الأحداث اللي فاتت.. غلا وصدمتها بعد ما درت ان مشعل راح يكون لفجر مو لها.. نرجس:مشعل خطب < < < < < < < < < خطب فجـــــــــر اليوم على الغداء ابوه خطب له من عمي ابو باسل بس هو ما يدري الكلام بين الرجال اتوقع انه مجبووور.. كانت تمشي بسرعه ودموعها تسابقها ما حست الا باللي يمسكها مع كتفها.. رفعت نظرها له واحضنته.. :وش فيها الحلوه تبكي.. غلا:ليش انتم كذا يا هيثم ليش؟!! ** الثلاثي بأنضمام زيد لهم ومواجهتم لمشكلة الطفل.. مشعل نواف زايد جالسين وهم يطالعون الطفل.. زايد والطفل بحضنه:وش نسوي؟!! مشعل:اقول متى نسجل الطفل بأسم ابوه.. زايد:ايه وانت الصادق لازم بكره نسجله.. دفه مشعل بقوه:احلف عاد زلت لسان ادري انت متقصدها وإذا تبيني احلف ترى احلف ما عندي مانـ.. ما كمل جملته إلا والبقس على وجه مشعل مسك مشعل وجهه وهو يناظر لنواف والشرر يتطاير من عيونه مسك نواف وبدى الضرب بينهم.. مشعل وهو يمسح الدم اللي طالع شوي من طرف فمه:لازم نخليه عند بنت.. زايد:طيب ومين هالبنت ابوي وعماني لو دروا راح يرفضون دخول أي دخيل علينا.. مشعل:خلوها علي.. ** بدر وقومته وهو منزعج بسبب اريج.. بدر وهو يقوم:يالله صباح خير.. التفتت عليه اريج بنظره سريعه وبعدين رجعت تحوس:انت قمت ترى مو قصدي ازعجك بس ما شفت عدساتي.. وراح نكمل باقي الأحداث بهذي الدقه.. اخليكمـ معـ.. دقة قلــــــ17ــــبـ.. الجزء الثـــــانــيـ.. مدخلـ ๑◦˚ஐ ˚◦ [ أوعِـدكْ ] لو دآرتْ الدِنيا ومـآلتْ ، وكِـلٍّ رآح بـطريقْ ، وضعنا فِيْ بُـحورْ الفـرآقْ بَـبـقىَ لِـكْ : أوفىَ صَديقْ ، فِيْ الحضور وفِيْ المَغيبْ ! مَـآتـهـونْ ، .. ` | أجمَـلْ صَدآقـهْ | مَـآيُـهـونْ ، .. ` / أروعْ صَـدْيـقْ في بلاد الفـــــــضه.. الوقت بدري وهو قام من الأزعاج اللي يحسه وراه ناظر لها وهي تحوس بشنطتها المكياج.. بدر وهو يقوم:يالله صباح خير.. التفتت عليه اريج بنظره سريعه وبعدين رجعت تحوس:انت قمت ترى مو قصدي ازعجك بس ما شفت عدساتي.. بدر وهو رافع حواجبه بأستنكار:نعم وش قلتي!! اريج وهي تلتف له:ايه اللي سمعته عدساتي يوووه صح انت ما تدري يا طويل العمر زوجتك اللي هي انا عندي ضعف نظر والبس عدسات بدال النظاره وما قومني غير الم عيوني ومن اليوم ادور عدساتي وما لقيتها فيك خير قم دور معاي.. بدر:فاضي لك انا.. اريج:إذا مو فاضي لي فاضـ ..بدر لا تتحرك.. بدر:وش فيك.. اريج وهي تناقز على خفيف وتحرك يدينها بشكل عشوائي:لا تتحرك بدر يا ويلك.. بدر التفت لأنه حس بشي على كتفه.. ناظر لها وهو وده يقوم وينتف شعرها.. نمـــــــــــــــــــــــــله بس كبيره شوي.. نفض لبسه دون لا يلتفت للنمله وهو مركز نظره عليها.. :هذا الحين اللي مخوفك!! اريج وهي ماسكه قلبها:مو كذا القصه.. :اجل.. اريج:خفت تدخل اذنك وتاكل دماغك وتموت.. بدر بصوت راخي وبنظره لها الف معنى:تخافين علي.. جحظت عيون اريج للحظه وتنحنحت وهي ترمش بعيونها بشكل يثبت مدى توترها:لا بس خفت تموت علي واتورط فيك.. غمض عيونه وهو يعض على شفته بخفيف..اخذ الغطاء ورجع ينام.. بس كان النوم بعيد عنه..هو ما يحبها بس ينجذب لها..توقع للحظه انها تهمه وتخاف عليه..بس شكل اريج مو ناويه خير معاه.. وقفت اريج تناظر له بعد ما اعطاها ظهره..تضايقت وش خسرانه لو قالت له ايه اخاف عليك..رجعت تكمل بحثها وهي تسرق النظر لبدر كل ثانيه.. ************************* واااااااااااااااااااااااااء وااااااااااااااااااااااااااااء واااااء قامت سديم من بين احظان مشعل بأنزعاج..ناظرت للطفل للحظه وهي مستغربه وجوده..هزت راسها وكأنها تذكرت مين هالطفل.. راحت له وشالته بسرعه عشان ما يقوم مشعل.. بدت تهزه على الخفيف..اعطته اللهايه وشوي شوي بدى ينام..ابتسمت لبرائة هالطفل..حطته ولما لفت تبي ترجع مكانها..لقت مشعل مفتح عيونه ويناظر للسقف.. بصوت هادي:قمت حبيبي ادري ازعجك بس شكله مزعوج.. مشعل:طلبتي مني انك تجيبن طفل مني صح.. سديم بأبتسامه:ايه.. مشعل:اعتبري هالطفل مني وحطيه بعيونك.. سديم وهي عاقده حواجبها:تبي تقارن هالطفل بـ.. قاطعها:سديم قلت لك اعتبري هالطفل مني.. سديم:بس انا ما احس بهالشي.. :حاولي.. سديم:احمله تسع شهور اتوحم واتعب ادوخ واستفرغ (تكرمون) اولده واتألم وبعد جهد اربيه هذي هي المراحل اللي ابي امر فيها وانت معاي شلون بين يوم وليله يكون الطفل بأحظاني.. قام مشعل واستند على السرير بدى يمسح وجهها بأنامله بخفه:ابي اريحك من العناء.. سديم غمضت عيونها والدمعه على وشك نزولها: ياحلو العناء اللي يجي منك ..لا تحرمني من هالشي.. مشعل:طيب انتي مو خايفه بعد ما تحملين وتجيبين هالطفل يجون اهلك وياخذونك مني ع الأقل إذا اخذوك مني ما يصير بيننا شي يعني يربطنا ببعض ما ابي اعذبك واخليك كـ.. حطت اصابعها على شفايفه والدمع اخذ مجراه: اهلي مو ذاكريني ولا نسيت ماراح يجوني خلاااص تبروا مني ما في شي بيبعدني عنك حبـ..يبـ..ـي.. وخر اصابعها وطبع عليها بوسه: إذا تحبيني خلي هالطفل طفلنا.. سديم مسحت دموعها برقه:طيب من ولده.. مشعل:....<<قالها القصه.. سديم:مو معقوله حرام طفل مثل كذا يعاني من بداية حياته.. مشعل:عشان كذا خلينا نكسب فيه اجر ونربيه.. سديم التفتت وناظرت في الطفل وبأبتسامه: اجل اسمه فواز.. مشعل:وراح يكون طفلنا من هاليوم.. سديم:يعني ماراح تقدر تبعد عني صح.. مشعل وهو عاقد حواجبه:ما فهمت.. سديم بضحكه خفيفه:بيننا طفل.. ابتسم مشعل سحبها عنده وووووو <<لا تستنون وراى هالـ ووووو شي خلاص وراه مشفر :) *************************** في ارضـ الفــــــــــــــضهـ.. قام على الساعه عشر ونص.. التفت حوله ما لقاها..ابتسم:اكيد تدور عدساتها.. طلع من الغرفه وهو يحوس بشعره.. مو موجوده بالصاله استغرب التفت ولقى باب المكتب مفتوح.. استغرب وش تسوي اريج هناك.. جحظت عيونه وبسرعة البرق اتجه للمكتب وقف وهو ياخذ نفس فتح الباب بهدوء.. مالقى احد بس حس بأنين خفيف تحت طاولة المكتب.. غمض عيونه بخوف واتجه بخطى حاول تكون ثابته..لقاها جالسه على الأرض والصور منثوره حولها..كانت تبكي..ايه تبكي.. جلس بهدوء جمبها ومسك كتفها بس بحركه خفيفه منها بعدت يده.. اريج دون لا تناظر له:مين هذي؟!! بدر بلحظتها يبي يعتذر يبي يرقع يقول أي شي بس في شي رده لقى هاللحظه الفرصه الوحيده عشان ينتقم منها.. بدر وهو يرفع اكتافه بلا مبالاه:ترف.. اريج ناظرت له وبعيون كلها دمووع:ومين حظرتها؟!! بدر اخذ نفس:مو بس انتي يحق لك تحبين هذي الأنسانه اللي احبها.. تجمد كل ما فيها..حتى عيونها ما ترمش فيها.. ما يتحرك فيها غير دقات قلبها المتسارعه..بدت ترجف.. صرخت وهي مغمضه عيونها:تـــــــــــــــــبت خلاااص قلت لك انا تبت..مسكته مع بلوزته وكانت تهزه بأقوى ما عندها بس كانت خفيفه على بدر..ما تحس قلت لك تبت.. وخر يدها بس مازال ماسكها ضغط عليها:اجل انتظريني لما اتوب ويصير بيننا كلام وقتها.. ناظرت فيه بتعجب:بدر انت متزوج يعني كذا مو بس خنت اهلك انت خنت زوجتك.. بدر:وإذا ما كانت زوجتي تعنيلي بأي شي!! اريج وبدون وعي: بس انا تعنيلي.. بس انا تعنيلي.. بس انا تعنيلي.. بس انا تعنيلي.. بس انا تعنيلي.. ناظر فيها بدر رخى من مسكته لها وركز عيونه بعيونها التايهه وكلماتها تنعاد وكأنها صدى.. اريج هزت راسها بعلامة الرفض:ما اسمح لها تاخذك مني مستحيل.. سحبها بدر بهدوء والصدمه شاله لسانه ظمها وهو مازال ساكن حاول يهدي كل خليه ترجف بداخل اريج.. ما يدري كم قعدوا على هالحاله بس لما ناظر لها لقاها نامت..نامت بكل سلام..فيها ملامح البرائه اللي ما قدر يكتشفها غير بدر..شالها بهدوء ونومها على السرير..رجع ولمّ الصور وخباها بمكان ثاني آمن له ولأريج.. طلع وجلس بالصاله.. مو بيده إذا اريج ما قدرت تملك قلبه..مو ذنبه إذا ترف خلته يحبها بعد ضجيج..معقوله بحب اريج مثل ما حبيت ترف..بعد جفا وحقران بحبها!!..مستحيل حتى لو حبيتها عقلي راح يرفض هالمبدء..هي اللي دمرت حياته..عيشته بغربه..وااااه يالغربه..مات وحيا والسبب هي..اشتاااق لترف..وده يروح بس ما يدري ليش كلمت اريج اثرت فيه..خااااين..ايه انا اعتبر نفسي خاين بس المسمى بداخلي غير..انا انتقم..اوريها العذاب اللي حسيت فيه..صعبه اتزوج وحده كانت ملك لغيري..صعب احظن وحده حظنت غيري.. صعب وربي صعب اللي تخيلته..تذكر ترف وصراحتها..ابتسامتها..اعترافها له انها كلمت غيره الف واحد بس ما يدري ليش تقبل هالشي..ممكن لأنها لما صادقت شباب كان غرضها شريف..لا تفهموني غلط..ترف كان بجد مقصدها شريف تبي انسان ينسيها غربتها..تبي تضحك وتطلع وتستانس وتنسى همومها وراها..لمس فيها البرائه..مره قالت له موقف صار معها..كانت بكل برائه تقوله وهي مستغربه.. نرجع لورى.. ترف ملت من تجاهل بدر لها وسرحانه..ابتسمت له.. بادلها الأبتسامه لكن لمست فيها نوعاً ما من المجامله.. ترف:اممممم بدر انا مستغربه من الشباب اللي اعرفهم.. بدر ببرود:وليش؟!! ترف:يا اخي كل ما تعرفت على واحد يقولي امشي معاي لشقتي ولا وإذا غيرها قال ابي اوريك شقتي والله احسهم يحنون لشققهم اول ما يشوفوني ولا خايفين ينسون طريق بيوتهم بسبتي.. بعدها ضحكت.. وتردد صوت ضحكتها بأذنه.. ابتسم بدر وهو يرجع راسه لورى.. على انها عايشه ببلد اجنبي وما فيه أي امآن إلا انها بريئه ومو فاهمه حركات هالشباب.. عرفتوا ليش هي بعيني بريئه..عرفتوا ليش ما قارنتها بأريج!!!.. وبدى شريط ذكريات بدر ينعاد قدامه وهو مع ترف وكأنه توّ صار له هالموقف مو قبل كم شهر.. ********************* في مجلس ابو سيف اجتمعوا الشباب.. كان عازمهم سيف وتغدوا وقعدوا بعدها.. :احم احم انا عندي قرار وابي اقوله لكم.. نواف:اتحفنا.. مشعل:غرد غرد.. زايد:قول يا وريث عمي ابو سيف.. :اعووووذ بالله اكلتوني قبل ما اقول.. زيد:طيب وش عندك.. :ايه هذا الذرب.. مشعل:اقول بندر تبي تقول ولا اقوم واكتب قرارك على وجهك.. بندر:ههههههههههه والله فله اجل اكتب اني ابي اتزوج.. رائد:والله وكبر اخوي ويبي يتزوج.. بندر وهو يناظر له بنص عين: طايح من عينك.. رائد:نوعاً ما.. زيد:ما عليك منه قول مين هي عشان نعاونك.. بندر:بدخل معركه الله يهديك.. زايد:لا تعلق على كلام اخوي فاهم.. بندر بأبتسامه:حاظر عمي أي اوامر ثانيه.. زايد وهو يعدل ثوبه:لا.. بندر:انا ودي اخطبـ.. :السلام عليكم.. قاموا الشباب.. نواف:هلااااا والله بعمي ابو سيف.. زايد:والله الطيب عند ذكراه.. ابو سيف وهو يجلس بصدر المجلس:وش قايلين عني.. زايد:ابشرك يا عم جالك وريث.. ابو سيف وهو عاقد حواجبه:مين؟!! زايد وهو يبتسم:بندر.. ابو سيف ابتسم ابتسامه خفيفه:وين الأثبات.. مشعل:طايح لنا بقرارات جديده.. نواف وهو يكمل:وقرر انه يبي يتزوج.. ابو سيف:ايه على طاري الزواج مبروك يا مشعل واعذرني جت متأخر.. الكل التزم الصمت والأنظار كانت متجهه لمشعل.. مشعل بأبتسامه خوف:على وشو.. ابو سيف:على خطبتك امداك تنسى.. نواف:وهو خطب اصلاً؟!! ابوسيف:انتم وش فيكم ليش ما تدرون ان مشعل خطب فجر بنت خاله.. مشعل الجمته الصدمه واللي حوله بدى يبارك له.. نواف:الا يالخاين تخطب وما تعلمني.. زايد:وهذا حنى متفقين ما نتزوج إلا مع بعض.. نواف:ولاااا واللي ذابحني اننا مأجلين هالسالفه كلها عشانه.. زايد وهو يبعد نواف ويوقف جمبه: خاين ما توقعتها منك.. الكل يتكلم ويبارك ويعاتب.. بس ثلاثه مو معهم.. ثلاثه الجمتهم الصدمه.. مشعـــــــــل,,بنـــــــــــدر,,حســــــــــام طلع بندر بسرعه بدون محد يحس فيه.. انتبه حسام لبندر وهو يشوف بندر رفيق عمره يخسر حبه بين لحظه وثانيه..بندر يحب فجر من وهم صغار وماكان احد يدري بهالحب غير حسام.. حسام دوم يتهاوش مع بندر بس كان يفهمه مثل ما يفهمه بندر..اصحاب من هم صغار..بس لعبت فيهم الدنيا شوي..وغيرت طبعهم بس ما زالوا يفهمون بعض.. ركب سيارته والدمعه خانته..مسحها بسرعه.. وهو يبلع ريقه بصعوبه.. اخـــــــــــــــــــــوه,,صعبه والله صعبه.. اللي يحبها تاخذ اخوه..وقف بمكان شبه بر.. ضرب على الدركسون بقوه وهو يذم حظه.. حظه لعب فيه بما فيه الكفايه.. تمنى قسم حاسب..بس ما وفقه ربي ودخلاه رائد اخوه .. تمنى ان تكون له سمعه وهيبه..بس اخذها اخوه عماد.. تمنى ان الله يجمعه بحب حياته..بس هالمره اخذها مشعل.. بكى حظه العاثر.. بكى مستقبله اللي تحطم.. بكى حبه اللي انهدم.. وبكى وبكى.. ومين يسمعك يا بندر!!.. انفتح باب سيارته..وما حس الاّ بشخص يسحبه من السياره وهو يحظنه.. حسام..ايه حسام صديق عمره..اللي فرق بينهم القدر.. هذا هو يرجع له من جديد..ومو بأي وقت.. حظناه بكل قوته.. بصوت باكي:راحت مني يا حسام راحت.. مسح على ظهره وهو يبتسم ابتسامة سخريه: والله ولعبت فيك الدنيا صح.. وخر عنه بندر وبدى يمسح دموعه.. حسام وهو ماسك كتف بندر:ما في حب هالأيام ما في حب.. بندر بصوت خافت:حاولت اقنع نفسي بس ما قدرت والله حاولت.. حسام:نبهتك ونصحتك بس هذي هي الحفره اللي كنت خايف انك تطيح فيها.. بندر:والسواه اتخلى عنها مثل ما تخليت عن احلامي عن طموحاتي قول لي وش اسوي.. حسام تنهد:لو غير هالشي كان قلت لك لا تنازل بس بهذي الحاله.. بندر:كمل ليش سكت.. حسام وبدى يناظر بالمكان اللي حوله وهو يحاول ان عينه ما تطيح بعين بندر:اكيد بقولك تنازل.. بندر جلس على الأرض وهو يستند على السياره مسك راسه بيدينه بقلة حيله.. جلس بجمبه حسام بس هو العكس ناظر فوق.. جلسوا فتره وهم على هالحاله.. حسام وهو يلطف الجو:اقول الجو حار ما خست؟!! بندر:..... حسام زم شفايفه:في غيرها الف وحده ليش هي بالذات تبيها.. بندر رفع راسه وبعيون تحكي معاناة قلبه..ضرب على صدره بكل ألم:اقنع هالقلب قبل ما تقنعني اقنعه وريحني.. حسام:توكل على الله وصدقني خيره من ربي وبتشوف.. بندر:ونعم بالله.. ليـــتــ قربــــــــكـ يا هنــــــــا العـــمر بيــديـ .. واتــــبعكــ كــنيــ ظــــلالــ مـــــنـ وراكــ.. ************************ تن تن تلا لا تن تن<<احم هذي نغمة رساله حديثه توها.. مسكت جوالها وفتحت الرساله.. عقدت حواجبها وهي تشوف المرسل.. ..،،تيس الحاره،،.. ..{لو يعرف تلفونك وش فيني من الشوق كان حتى على الصامت تسمع ونينه.. اعترافاتـ مجنونكـ..} غمضت عيونها بملل وهي تتنهد.. صار دوم يرسل لها كرهته..دوم ترسل رسايل تهزئه بس صدق هو تيس ما يفهم.. ارسلت لها وهي ترمي تلفونها على السرير.. ******************** كان ماسك تلفونه وهو يسولف مع رائد..اول ما سمع صوت الرساله ابتسم تلقائي.. رائد:وش عندك تبتسم.. فيصل:ابد ما في شي.. رائد وهو يغمز:لا يكون تشبيكه جديده.. فيصل اكتفى بأبتسامه وهو يفتح الرساله..بعدها انفجر ضحك على رسالتها.. ..{يا تيس يا بقره انت ما تفهم قلت لك انقلع عن طريقي بس عشانك ثور احاول اقنع نفسي اني احاول افهمك..شوف انا انسانه ما تحب اللف والدوران على طووول سيده..اخلص علي وقول وش نهاية هالمهزله؟!!}.. رائد وهو يبتسم:شكل الحظ ما شي معاك.. فيصل:حـــــــــــده..استنى برسل.. رائد:بعد في اخذ وعطى بينكم.. فيصل تجاهل كلام رائد وارسل.. ..{ احـسـاس ماحسـيت فيه بحياتـي ... ولا طرالي مثــل هـذا علي البـــال كلمنـي أكثر عنـك وأترك سكاتـي ... بتأملك وأتـخيــلك أجـمـل امــال.. اعترافاتـ مجنونكـ..} ****************** في ارض الفضه.. وعلى قطرات الندى..حيث بدءت الشمس تعلن وجودها..وتطلق الطيور اجمل معزوفه..لتعلن بعد ضجيج يوم كامل بأن الهدوء مستبد.. ابتسمت وعلى شفتيها ابتسامه سلبت كل عقل كان نظره متجه نحو تلك النافذه:اخيراً هدى الجو.. ناظر لها وهو قاعد يسكر ازرار قميصه وبعدها لبس سدريته:انا ما شي.. ناظرت له بتعجب:ما امدى الجو يهدى تطلع بسرعه.. بدر وهو يفتح باب الشقه:ما راح اتأخر.. طلع بسرعه دون لا يعطيها فرصه تقول شي..زمت شفايفها بعتب..ورجعت نظرها للشباك وارتسمت ابتسامه خفيفه وهي تشوف بدر يركب سيارته.. استغربت متى امداه يحجز سياره..لأنها من اول ما وصلت لأرض الأرجنتين وهالسياره موجوده..رفعت حاجبها بعدم مبالاه..اكيد انها سيارته لما كان هنا قبل.. اتجه بسرعه..وهو حاط براسه الف شي وشي.. راح للمستشفى وهو حده مشتاق لها..نزل وهو مسرع بخطواته ما يدري ليش يبي يشوفها..اكثر من أي يوم.. وقف عند باب غرفتها المردود وهو يزين سدريته ورسم ابتسامه حلوه ودخل.. ثلاث ممرضات حولها و دكتورين..وحده من الممرضات تهز راسها بأسى..والثانيه منزله راسها للأرض اما الثالثه مسكت الشرشف وغطت وجه معشوقته..دق قلبه..دق بكل عنف..دق وهو هالمره فاااقد..دق وهو يحس ان الأكسجين بدى ينقطع عنه.. اتجه لها بهدوء وفتح الغطاء عنها اصدرت الممرضه صوت مزمجر لأنه فتح الغطاء..تأمل ملامحها كانت بيضاء بشكل غير طبيعي..شفايفها بدت تصير بيضاء..مرر اصابعه بهدوء على خدها وكانت بارده مثل الثلج..نفخ بيدينه وحطهـ(ـن)على وجهها عشان تدفى.. بدر:ان الغرفه تكاد تكون كالثلج من فضلك ارفعي على التدفئه.. الدكتور وهو عاقد حواجبه: استاذ بدر الفتاة فارقت الحياه ما بك تقول هكذا!!! بدر الرجفه بدت تتسلل لجسمه:لا انا متأكد انها كانت تنتظرني..التفت لها..ترف ناظري لي هذا انا جيت لك ترف عيوني تركت زوجتي وجيت لك لا تخليني تصدقين بكت لما شافت صورك عندي بس ما همتني تدرين ليش لأني احبك ترف لا تخليني لوحدي ناظري لي فتحي عيونك انا دعيت ربي انه يقومك بالسلامه وهو ما راح يخليني..مسك يدها..إذ تحسين فيني اضغطي على يدى..لكن يدها طاحت من يده بسهوله وخفه..ارتجف وهو يناظر للدكتور..ارجوك انقذها ارجوك لا تدعها هكذا..صرخ..افعل شي.. مسكاه الدكتور الثاني وهو يوخره عن ترف: اهدء يا رجل ما بك لا تكن ضعيفاً هكذا.. بدر وقلبه اللي يتكلم مو هو:وخر عني انا احبها تعرف وشو احبها لاااااااااااااا ما تتركيني ترف قومي قولي لهم انك ما راح تتركيني.. الدكتور لما شاف حال بدر كذا اشر للمرضه تعطيه ابره مسكنه..مسكوه الدكتورين وهو يصارخ ويحاول يخلص نفسه منهم..لكن كان اشكالهم ضخمه شوي وقدروا يمسكونه ويحطونه بالسرير اللي بجمب ترف ويعطونه الأبره.. ثواني حتى هدى..اخذوا ترف بعد ما غطوا وجهها وراحوا يودينها للثلاجه..يستنون أي شخص يقرب لها يستلم الجثه.. بدر هالمره ما عبر عن شوقه والمه بدموع لا هالمره كانت الدموع بعيده عن محاجره..حس ان دموعه لا يمكن انها تعبر لو شي بسيط من اللي بداخله.. حس انه فقد عقله وان بينه وبين الجنون شعره.. ساعتين وقام..ناظر بالمكان اللي هو فيه واستغرب لكن لما شاف السرير اللي بجمبه فارغ..عرف هو وين..ناظر للسقف وعيونه مركزه فوق.. هتف قلبه بكلامات..كتبتها انا بيوم وقالها بدر اليوم.. تلكـ هيـ المشاعر التي خشيها قلميـ قبل انـ اخشاها.. اشعر بأنها مبعثره,,مشتتهـ,,لا مأوى لها.. لنـ يعبر الدموعـ عنها.. بقدر ما قد يعبر عنها الصمتـ.. كمـ هو مؤلمـ ذلكـ.. احساسـ برغبهـ غريبهـ..تجتاحـ حياتيـ.. الموتـ:.,.: كلمهـ صعبتـ النطقـ..مؤلمة الهدفـ.. اشعر بأنـ لها سهامـ قاتلهـ.. تخترقـ اعماقـ جوفيـ..لتصلـ إلى المنعى المطلوبـ.. بأيـ طريقهـ اعبر عنـ الميـ؟!! أبدموع!!..أم بالبكاء حتى النحيبـ!!.. أم بالصمتـ الذيـ اوشكـ على قتليـ.. فيـ لحظاتـ اشعر بأنيـ وصلتـ حد الأنفجار.. وفيـ آنـ اخر..اشعر بأنـ ليـ طريقـ مجهولـ معـ ذلكـ الصمتـ.. قد اكونـ قاسيـ بنظر الغير.. ولكنـ ليعلمـ اللهـ بيـ..أنيـ اتمزقـ الفـ مرهـ.. حتى انيـ اشعر بأنيـ بقايا انسانـ.. اوشكـ الهواء ازالة آخر بقاياهـ.. لأصبحـ مشتتـ مدى الحياهـ.. بقلميـ :) ابيـ اهمسـ بأذنكـ يا بدر واقولكـ بقلبـ محبـ وصادقـ.. مو بس انت يا بدر فقدت انا وغيري كلنا فقدنا.. تألمنا,,بكينا,,حتى انا جفت دموعيـ ولا قدرت اعبر فيها عن حزني..بس هالشي ما خلاني اوقف عند اول تعثر اصادفه بحياتي..لازم تقوم وتكمل حياتك.. في هناك زوجه تنتظرك..وام تحاتيك..وابو يخاف عليك.. وخوات يفتخرون فيك..واخوان ان افقدوك هالمره ما اظمن لك ولو واحد بالميه انهم راح يسلمون هالمره.. ابيك تعرف وابي الكل يعرف.. ان مو أي صدمه بحياتنا ممكن نخليها تعيق طريقنا ونوقف عاجزين اننا نكمل..لا في اشياء كثير حلوه وممتعه تستناك وتسنى الغير.. اتمنى ان همستي مو بس وصلت لبدر وتكون واصله للجميع.. ****************** ساعتين ونص وهي عيونها على الباب وشوي على جوالها.. تأخر وهو قال لها انه ما راح يطول..ناظرت الساعه صارت 9 وهو لسى ما جاء.. دق تلفونها وكان المتصل بدور.. ردت بسرعه وهي تبي أي شخص يشاركها خوفها ويطمنها.. اريج:هلا بدور.. بدور:هلا فيك هلا بالقاطعه.. اريج بأبتسامه باهته:الأجواء هنا تسلب العقل نستني اهلي والله.. بدور:ايه وانا اشوف ولد عمي زعلان لما جاء.. اريج وبدى عليها القلق:على طاري ولد عمك صار له طالع ساعتين ونص ولسى ماجاء.. بدور:طيب هو ما قال لك وين رايح؟!! اريج:اليوم كان الجو ممطر ولما خف بسرعه لبس وطلع وكأن عنده شي مهم وقبل لا يطلع قال ما راح اتأخر.. بدور وهي تحاول تطمنها:الغايب عذره معاه.. اريج وهي تتنهد:ان شاء الله يكون كذا.. بدور:اشوفك بديت تخافين عليه وتحاتينه لا يكون قلبك طاح.. اريج وملامحها بدت تعلن انزعاجها:ووع ما بقى غير بدر هو صح يربكني ويوترني بس ما احبه وبعدين تخيلي لو صار فيه شي لا سمح الله بقعد لحالي مثلاً.. بدور:حرااام عليك وش هالكلام بعدين اقول يالله مع السلامه تراك خسريتني.. اريج بضحكه صغيره:توني ادري انك بخيله.. بدور:لا والله الحق ينقال مكالمه دوليه تطير الرصيد كله وبعدين ما لي خلق على يوسف... اريج:اجل مع السلامه.. بدور:مع السلامه.. سكرت من بدور وهي توها تستوعب هي ليش خايفه عليه؟!! معقوله حبته..تغيرت ملامح وجهها لضيق.. على وشو يا حظي هو صح يعتبر جميل امممم هو يشبه واحد مطيحين فيه نص بنات العالم وش اسمه.. ايه صح ناصر الرميثي..مو بعيد عنه لما يكون ساكت يشبه بشكل كبير بس لما يضحك يكون انسان ثاني.. ابتسمت وهي تتذكر ابتسامته يوم عرسهم..حلوه وما تنكر هالشي.. نست بدر وهي تحوس بأغراضها.. انفتح الباب بقوه.. حطت يدها على فمها بصدمه.. وقالتـ..:........ مخرجـ ๑◦˚ஐ ˚◦ لوٍ تّظن الصْمتُ | قاسي | إعْرٍفً إنْ البُوح أقسّى لنْ مثّليٍ لًوٍ يمُوتْ ~ بحّسْرتًه ~ [ لآ ] ~ مآ يبوح ~ لوْ يّصير البُعد ( بًحْركّ ) والجًرحْ ليّ فٍيهْ مًرسَى مُستّحًيل بٍكلمًه ( لُوعًه ) أطيبْ هًالجُروُحْ ! انتهى.. هالدقه وبجزئيها.. استعجلت بهالدقه لعيونكم والله.. وتوقعت كثير انكم راح تنسون الروايه اكثر لو تأخرت.. شخصيات كثيره كانت غايبه عن هالبارت.. بدور ويوسف..وقصة المعاناه.. فوز وعالمها الأسود ولأي مدى توصلت له.. سجى وصديقتها الجديده ديما والعلاقه الجديه بينهم لوين وصلت؟!! هيثم غاب عن هالبارت واللي قبله ومتى راح نشوفه هل راح يطلع وبقوه ومعاه خبر مهم؟!! او راح يظل هادي مثل قبل؟!! مملكة عماد وياسمين وحملها.. الكل بعطيه حقه والكل بذكره بالبارتات الجايه.. ولكن السؤال وش شافت اريج لما انفتح الباب؟!!.. انتظرونيـ بدقة قلــــ18ـــبـ الجزء الأولـ.. معـ محبتيـ/صموتـ..(ولصمتت معانيـ كثيرهـ) |
لبى قلبك والله بااارت مرره روعه بسس قصيير >>لاوالله
امممممم اتوقع انها شاافت بدر بحااله مزرريه >>ترها تعبت وهي تدور على هالكلمه وانا انتظرك بفااارغ الصبر صموتي لكي مني خالص وارق موده من قلبي |
كل عام وانتي بخير صموتة<<قبل الزحمة واااااااااااااو اخيرا رجعتي لنا بارت يجنن بس مرره صغيرون ويبكي ياقلبي على بندر والله دمعت عيني عليه مايستاهل اخ من هالدنياتضحك ناس وتبكي ناس<<الاخت متأثرة واتوقع بدر يبدأ يحب اريجوة بصراحة ماتستاهل هي سبب عذابه وغربته<<اسئليني عن الغربة مجربتها روووعة ياصموتة ابداعك اكملي ونحن بانتظارك تقبلي تحيتي <<اغليك وعيوني تداويك<< |
صمووووووت
أول شي كل عام و أنتي بألف خير ثاني شي لأ لأ لأ لأ لأ لأ ليييييييييييييييييييش لييييييييييييييييييييييييييييييييييييش حرام عليك والله آخرتها يشبه ناصر ؟ أنا توقعته غيــــــــر مو ناصر الموهيم زين أنك نزلتي بارت و فيصل كم عمره ؟ أممممممم سديم حبوبه حبيتها ؟ مشعل بديت أكرهه وش ذنب غلا ؟ ما علينا لا تطولين آي مس يو . . . |
بسكاتيـ اذلكـ..
افاااااااااا هذيـ اطولـ دقهـ انزلها.. ع العمومـ تسلينـ يا عمريـ ع الرد.. اغليكـ وعيونيـ تداويكـ.. الله يعافيكـ حبيبتيـ.. والله لو ما لقيتـ تشجيعـ مثلـ كذا راحـ تستنونـ بعد العيد.. بس بجد تشجيعكمـ شجعنيـ.. الله لا يحرمنيـ منكمـ.. فجوووورهـ.. ههههههههههههههههههه وشـ فيهـ ناصر.. وربيـ يجننـ.. وبعدينـ المقترحـ الرسميـ للأختيار بنتـ خالتكـ المصونهـ.. وكــــ عااااامـ وانتمـ بألفـ صحهـ وسلامهـ ــــــلـ.. |
| الساعة الآن 02:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية