المشاركة الأصلية كتبت بواسطة يمنى عادل (المشاركة 3524829)

السلام عليكم و رحمه الله و بركاته
اهلا عبير اتمنى تكونى بخير وصحة وسعادة

وعليكم السلام ورحمة الله وبركاته
الله يحفظك حبيبتي ويسعدك

الجزء الاول رائع بشكل لا يوصف انت حقا تجبرينى على تخيل كل التفاصيل
حسيت انى باقرأ حكايه من حكايات الف ليله و ليله او روايه على غرارها تخيلت ذياب امير وسيم و ورد السندريلا الفقيرة و للاسف تخيلت فريدةة الساحرة الشريره مش عارفه ليه

الله يخليكي حبيبتي يسلمووو ,, سعيدة برايك

حلم الانجاب يراود كل انثى بدرجات مختلفه عند فريدة الموضوع و صل اعلى درجاته ممكن تعمل اى حاجة عشان تحصل على طفل من زوجها ذياب طبعا لديه مثل هذا الحلم و يرغب فى ان يصبح ابا لكن حبه لزوجته اهم فريدة كمان بتحبه لكن ما عندهاش اكتفاء بدة زى ماهو عنده اكتفاء بحبه ليها
ورد المسكينه اللى اصبحت وحيدة ليس لها من احد ليكثر الطامعين فيها و فى جمالها لم يكن امامها خيار لتنقذ نفسها من النظرات الجشعه و الالسنه الجارحة الا الزواج و كان افضل حل الزواج من ذياب

اعتقد ان خوف فريدة الاساسي كان ان ذياب يوصل لمرحلة الاستغناء عنها دية هي ابشع شي ممكن يصير لها فاعتقد هي حبت تستقدم الموضوع حتى يكون تحتت سيطرتها

فريدة اختارت ورد باعتبارها البنت الضعيفه المحتاجة للحمايه و على اساس انها هتقدر تتحكم فيها زى ما هى عاوزة و بعد ما تنجب تاخد طفلها و تربيه على اساس انها امه وورد مجرد مربيه له لكن انت اظهرت لنا لمحة بسيطة من الشراسه التى تكمن خلف ضعف ورد و اللى ممكن تظهر فى اى لحظة
فريدة بدات تغير رغم انها اجبرت ذياب على الزواج من ورد وهو عمل كدة بس عشانها رغم اعتراضه الكامل طبعا حتى الان لا يوجد اى داعى للغيرة اللى لو ظهرت ممكن تخلى ذياب يأخذ صف ورد فى كثير من المواقف

ضعف ورد وقلة حيلتها هيكون سلاح هتجذب لها اكثر من مجرد تعاطف ذياب وعائلته صدقيني
وشراستها الطبيعية هتكون سند ليها ان شاءالله

طبعا ذياب جانب احساسه انه مجبر حاسس برضو انهم جوزوه طفله لا تقدر حتى ان ترفع رأسها و تنظر اليه او حتى التحدث معه بجرأه و عقله على طول قارن بينها وبين زوجته الفاتنه اللى كان متجوزها وهو بيحبها و بين التلميذة التى تقف امامه فى انتظار العقاب رغم انه مفيش وجه مقارنه اصلا

بس ياترى هل بيستمر بالمقارنة لوقت طويل؟ او انه هيشوف في ورد اللي ماشافوش في فريدة؟؟

منتظرة باقى الاحداث بشوق شديد و شىء جميل انها هتنزل يوم اجازتى من الكليه يوم الخميس
اشوفك يوم الخميس السلام عليكم و رحمة الله و بركاته