هآآآآآآآآآآآآآآآآآآآآآآآآآآآآآآآآآي
ياحلوين.............اخباركم؟؟؟؟تأخرت عليك عارفه........بس سامحوني......
زي ما انتوا عارفين اليوم الخميس وموعدنا اليوم................
اقروا البارت وعلموني ......
حلو ولا لأ






الفصل الثاني..


غاده-وش فيها ذي..؟؟خير انشالله....والتفتت لامها....يمه تهقين طلقها؟؟؟

ام عادل-ماضنيت...الرجال توه ..متزوجها..وان كان رجال صحيح ..موب مطلقها..وهي ماتم عليها اسبوع!!

غاده-ايه صادقه...بس تدرين ؟؟ودي اعرف ليه سلطان ماجا الملكه؟؟اكيـــــــــــــــــــــــــد مايبيها!!!

ام عادل..وهي تفكر- ياخبر بفلوس بكره ببلاش..وش معجلكِ...والتفتت لبنتها ...ترى اختكِ اليوم بتجي...ضعيفه رجلها تو ظروفه تسمحله ...يجيبها..
غاده- وينها من اول ايام العزى؟؟؟؟

ام عادل- زي ماقلتلكِ...رجلها لاهي...لاتغثينها ..تراكِ...نقه...
|||||||
العرق..يتصبب..منه.....الى الحين مو قادر يصدق الي صدر منه...هو العاقل..!!الي دايم يمسك اعصابه!!..وش صار له؟؟

ضرب الدركسون..بقبضة يده...وعينه ..ماترمش..لمس خده..بأصابع يده...وابعدها...وهو يناظرها ..كأنه يدور اجابه....كلماتها ترن بأذنه...

انا لاني لك ..ولا لغيرك!!!....انا؟؟انا مو شريفه...!!

واثقه كانت يالوليد!!بس!! !!!!!سلطان!!!!!!!!صورة سلطان قدام عينه...وكلامه عنها احساس واحد حس فيه....جسمه...شاب...

بركــــــــــــــــــــــــــــــان...روحه...وعقله......وكل مافيه..ثاير....عقله يخاطبه....تمد يدها؟؟؟؟!!!!وحده مثلها تمد يدها عليك يالوليد؟؟!!!!!!!
تبي الطلاق...!!!وزواجنا مامر عليه اسبوع!!!وابوها توه متوفي!!!يعني ماهمها سمعتها...الي مرغتها في التراب..ولاكلام الناس عنها.....؟؟

راح بفكره لها ..عيونها الي الكره ماليها مو راضيه تفارق خياله...وقربها...واحساسه.بصغرها...وخوفها.... بين يدينه...غريب...كانت ترجف....

مشاعره متضاربه مابين كره واحتقار وشعورن جديد ..وفي نفس اللحظه..خاطبه..صوتن جديد ..ياترى شاف سلطان اللهفه والشوق بعيونهاااا!!؟؟

مافيه جواب غير المراره..الي ..تزداد بزيادة..ايام عمره..شغل سيارته وافكاره زادته اصرار ...

مايدري ليه حس بصدق..لسانها..وهذا الشي هو الي لخبط احاسيسه..ومشاعرهـــــ
انتبه لجواله يرن..شاف رقم ام سلطان...
الوليد..بصوت..هــــــــــــــــادي لابعد الحدود- هلا بالغاليه
ام سلطان بخوف وفرح- الوليد!! تعال انت وينك..؟؟اخوك جا؟؟بسرعه تعال!!
الوليد وعرق في رقبته ينبض..وبصوت قريب للجمود - اخيرا شرف!!..
ام سلطان هدت شوي..وبصوت حنون- ايه ياوليدي..لو تشوف حاله..مسيكين..وسكتت.. انت تعال وهو يشرحلك كل شي!!
الوليد ضغط على الجوال..وبجمود اكثر- الحين جاي..ولا يتحرك لين اجي!!
ام سلطان ..عاذره الوليد ..وخايفه على ولدها من زعله- تكفى ياوليدي..تفاهم معه ..واسمع منه ..
صوتها فيه رجاء اكثر منه طلب..ماهان على الوليد ..سماع نبرة صوتها ..بس المره هاذي غير ..المره هاذي فيه طرف ثالث..بينهم!!!
الوليد- يكون خير..يالغاليه..يكون خير..
ام سلطان- ياله ياوليدي لاتعوق ..نستناك
الوليد- خلاص انا قريب.
ام سلطان-فمان الله ياوليدي
الوليد- فمان الله...
دعس فرامل يبي يوصل للبيت... بسرعه...وفي قلبه امواج...افكار تتلاطم..
||||||||
ام سلطان قلقانه ...عينها على ولدها ..سلطان الله يهديه..ومن رد فعل الوليد لما يسمع تبريره
سلطان التفت على امه بعيون ذبلانه من التعب وتمثيل..متقن..- هاه يمه وش قال الوليد..؟؟
ام سلطان انتبهت له وقطعت هواجسها- يقول بيجي الحين ولاتروح لين يكلمك!!..الله يهديك ياسلطان..بعد..الي سويته ..وش ترجى من لوليد؟؟؟
سلطان في خاطره.يووووووووووه...الله يعينا عليه...ماسحن عقل الكل- يمه انتي شايفتن حالي..ماصدقت اني ااحيا..بعد الي صار!!وتقولين .وش ترجى من.الوليد!!!
ام سلطان..بقلق لان سلطان الى الآن مادرا عن زواج الوليد- معليه ياولدي اخوك وله حق يعرف ليه ماجيت ..ترددت..
سلطان كمل عنها وبنرفزه..كانت بتكشف كذبه- ويعني وش صار ..كان معي ظرفي!!واحنا فيها..لو يبي اروح اليوم واتمم زواجي!!
ام سلطان..بحنان وعتب-..انت الحين وش وداك للاستراحة خويك..وهي بعيده..لا وقبل ملكتك بليله؟؟!!
سلطان مل من الكلام..وتابع يمثل-..والله الرجال لزم علي وانا وافقت..وش ادراني ان الظروف بتجي ضدي؟؟
دخلت عليهم رنا..متفآجئه- سلطــــــــــــــــــــــــــــــان!!!!وينك؟؟مابغيت تطلع!!!مادريت؟؟
ام سلطان قاطعتها- سلمي على اخوكِ...اول..
رنا جت وحبت راس اخوها وعيونها ..تبي تنطق بالخبر قبل لسانها...
سلطان بريبه..- ايه كيذى سلمي اول!!ها وش الي مادريت عنه؟؟
رنا خافت من امها الي حذرتها بعيونها-..هاه ..اييه مادريت عن وفاة ابو سعد!!
سلطان يتصنع الهدووووء- الله يرحمه ويغفرله..بس والله الي كاسر خاطري ..نجلا..كان ودي اكون موجود...بس!!!
رنا تناظر امها..ولاحظهم سلطان...وكمل..- اليوم بروح ازورهم...واشوف كان لهم عازه ..والتفت لامه ...تعرفون ..اخوها مسافر ومالها احد غيري!!

رد عليه صوت يتضمن تهديد من جموده- فيـــــــــــــك الخير!!!ياولد ابوي!!!!!!!!!!!!!
التفتت ام سلطان له وعيونها رجى..- الوليد!! جيت وانا امك ..سكتت لانها انتبهت للدم بكمه-عسى ماشر ياوليدي..وشذا الدم؟؟
ناظرها الوليد ورقت ملامحه..وجاوبها- جرحن خفيف..لاتشيلين همه....ورجعت عينه على اخوه..بس نظرته كانت غير...لانها امتلت سواد...
اتكى على عصاه الي ماتفارقه..ومشى لين قعد مقابل سلطان..وكل عرق فيه ينبض..وده يقوم ..ويمسح به الارض..بس حاشم وجود ام سلطان
ام سلطان تلطف الجو- تبي غدى ياوليدي ؟؟..سكتت عارفه ان سؤالها ماله داعي ...
ومحد معبر وجودها ..نظراتهم متلاقيه...شافت الكره بعيون سلطان..وجمود بعيون الوليد..
الوليد..بهدووووووووء- لا يالغاليه مابي اتغدى..التفت لسلطان وكمل ..وانت الحقني للمكتب!!!
قام الوليد...والتفت مره ثانيه لخوه الي ماتحرك..- سمعت وش قلت انا!!!
سلطان بكره ظاهر ..- سمعت!!..قام يتمطى ..وتعدى اخوه..ونصى غرفة المكتب..جا الوليد يمشي الا وسمع ام سلطان
ام سلطان- الوليد!!
الوليد التفت..-سميِ
ام سلطان- ترى سلطان ياوليدي مايدري انك ملكت على نجلا...سكتت...تشوف رد فعله...ويوم ماشافت غير الجمود...كملت...شوي شوي عليه ياوليدي..تراه
معذور..وهو مازال متمسك في البن..ماكملت لانها لاحظت وجه الوليد..وسواد نظرته..
شد الوليد على عصاه...وهو يحاول يكبت احساسه..ويحافظ على هدوئه....- لاتخافين يام سلطان....ومشى بأتجاه المكتب..
|||||||

رنا .التفتت لامها.- يمه وش تتوقعين يسير!!!يعني سلطان ماكان رافضها؟؟
ام سلطان بصوت..ضايق- والله مدري ..الله يستر!!الوليد ماغلط...وسلطان...ظروفه حكمته....يارب سترك وعفوك...
رنا ...تسحبت عشان تروح تقول للجوهره الي قاعده في جناحها...تستنى جية الوليد
الجوهره مشغله...المسجل في جناح رنا ...وقاعده قدام المرايه...ومعها جوالها تكلم....دخلت رنا ...قفلت الجوال...والتفتت لها
الجوهره..بغنج- هااه عندكِ علوم...؟؟
رنا وهي تهز راسها-..ايوه جا الوليد لا وجا سلطان بعد..!!
الجوهره بصدمه-لااااااااااا..قولي والله؟؟
رنا –والله...لاوفيه خبر ثاني بعد؟؟تخيلي..تقول امي ان سلطان يوم ماجى الملكه كانت ظروفه معه.....يعني مو نابذها زي ماتوقعنا!!!
الجوهره بكره- ينبذها يبيها...بكيفه..اهم شي ...الوليد...!!الي تورط وخذاها!!..
رنا وفكرها مشغول- مستحيل الوليد يتركها..
الجوهره بعصبيه..ونرفزه- وليييييييييييه انشالله..وش يبي فيها؟؟هو مغصوب عليها!!!
رنا انتبهت وقالت..بغبى- انا قصدي انه ماراح يطلقها وابوها توه متوفي!!!
الجوهره..بقهر- وليه لا...الا ياريته يطلقها اليوم قبل بكره!!!
رنا بدون تفكير- الله يسمع منكِ
الجوهره –كملي طيب ..وش صاير تحت؟؟؟
رنا –ابد جا الوليد...وقال لسلطان الحقني المكتب...والتفتت للجوهره..بس فاتكِ الوليد..كأنه..ناوي يذبحله احد!!
الجوهره بنعومه وغبنه-تلومينه ...؟؟اكيد ..بيكون مقهور خذاله وحده مايبيها!!وش تتوقعين يسوي؟؟يرقص!!
|||||||||||
دخل الوليد غرفة المكتب وسلطان لاحقه.......مشى الوليد ...ومالتفت لاخوه....
الوليد بجمووووووووووووووود- سكر الباب!!
سلطان مط شفايفه وسكر الباب..
شال الوليد شماغه من كتفه ورماه على كنب الضيافه الي بالمكتب....شد علا عصاه ..
الوليد- ليه ساكت ...تكلم وش مبررك؟؟؟؟
سلطان ببرآئه- والله ياخوك كان معي ظرفي...واحد من العيال لزم علي ..في استراحته في ديراب....ورحت له ...بس ضيعتها....وخلص بنزين سيارتي ...!!وقعدت
كيذى بدون ارسال...سكت يشوف تأثير كلامه على الوليد....الي مازال معطي سلطان ظهره...
الوليد عارف ان سلطان يكذب...لانه بنفسه قاري كلامه الي ارسله بأسمه...
كمل سلطان- والين الصبح...اليوم ...ربي اسعفني ...بمرور شباب ...وهم ساعدو.........
الوليد قاطع كلامه..- ماكان هذا العشم فيك ياسلطان!!!!!!!!وتكذب!!!!!!!!!اخس!!!!! اخس!!!فعلتك توطي الراس!!!!!!!
سلطان بنرفزه- وش عندك ضدي؟؟ظرفي وقلته لك...وابو سعد هذا يومه!!!والبنت انا مستعد اني........
الوليد مااااااسك نفسه التفت لسلطان وعرق في اسفل رقبته ينبض..- والبــــــــــــــــــــنت..الي لعبت عليها بتاخذها؟؟؟؟!!!!!!!!!!!!البنت الي ...حس بصعوبة
كلامه..كلامه الحين صعب طلوعه لان البنت هاذي !!!!!!!!!مرـــــــــــــته!!!
تنفس بصعوبه......واسودت نظراته.......
سلطان باستخفاف- ليه؟؟لايكون صدقت كلامي!!!!!!!!! ضحك ضحكه ..مستهتره...وكمل- ياعمي ترى كل الي قلته لك ذاك اليوم كان......لعبن في لعب!!!
سلطان ماانتبه لقرب اخوه منه ....وعصبيته الي ظهرت......وسرعة تنفسه......قاطعه الوليد بصوت فاحم لو قدامه فحم..كان شب من صوته-..ورسالتك؟؟؟
سلطان تفآجأ ..وكمل باستهتار وعينه ماليها الخبث- يعني كاشفني؟؟؟..كمل وهو يتمطى..في مشيته...والله كنت ناوي عليك نيه بس ربك سترها معك!!!
الوليد عيونه مارمشت...وثار بركانه .......اول مره في حياته يستغفل بذا الطريقه!!!!ومن مين اخوه!!!!!!!!!!!!!!!!!!
سلطان ناظر اخوه ...وارتبك...ولا اظهر ربكته- وش فيك؟؟ يعني ماتدري ..؟؟ انها حركه مني ؟؟معقوله...الوليد!!!بالسهوله ينلعب عليه......بس على العموم اشوى
انك ماتهورت......لان البنت هاذي...مكتوبتن لي!!!!!!!!!!!!!!!
شد الوليد عصاه...وغمض عيونه......واعصابه ...مثل النار........وبهددددددددددددؤ -يعني البنت هاذي ماقد كلمتها؟؟
سلطان بعصبيه- يعني وش ظنك ...؟؟؟؟مو انا الي آخذ أي بنت!!!!انا لاجيت اتزوج......اتزوج بنت رجآل......قالها وهو عارف انه يقلد اخوه بكلمته!!!
سلطان كمل وهو جاهل ..ان الي قدامه ...نار لو ثارت ممكن تحرقه......كله!!!!
الوليد تنرفز من استهتاره وبلهجه تقرب للصراخ- وابو سعد وش ذنبه ..؟؟الورقه الي ارسلتها ..ماهي فعايل مرجله ولاهي من طبايعنا!!!!انت لها الدرجه مو حاس
بالمسؤليه....عشان ..ايش؟؟؟؟عشان ايش هــــــــــــــــــــــاه؟؟؟ عشـــــــــــــــــــــــــــــــــــن أيــــــــــــــــــــــــش؟؟؟؟؟؟؟؟؟؟؟؟؟؟؟؟
سلطان ظهر كرهه لاخوه بملامح وجهه وأشر على نفسه وهو يتكلم- عشان اعلمك !!!اني انا سلطان بن محمد ..ماانجبر عل أي شي ...!!!ولا احد يملي علي وش اسوي!!!!!!!!!
الوليد مامسك نفسه.,,وحس بطعنة ألم .من كره اخوه...وطلع صوته- انا اخوك ياسلطاااااااان!!!!سكت لانه مو قادر يتنفس...وكمل...اخوك!!!!
سلطان بعصبيه وكره اكثر- اصلا انا ماني محتاج اخو!!!!!!!..انت بالنسبه لي دخيل!!!!!!!!!!لا انت منا ولا فينا!!!!!!!!!!!!...وناظر اخوه بهزء..وكمل ......ابوي جابك
...لانه كان على باله ..محتاجك!!! صبرنا عليك ..لكن الحين خلاص مالك أي شي عندنا!!!ولا احنا بحاجه لك...

جمدت نظرات الوليد....وبردت ...وتكلم بكل برووووووووود- انا ان قعدت ...او رحت ....يكون بكيفي.انا.!!مو انت الي تمشيني او يجي في بالك اني بسمح لك
تكلمني ..بأسلوبك الوقح!!وان كان ابوي الله يرحمه عجز يربيك...انـــــــــــــــــــــا اعيد تربيتك!!!!من جديد
سلطان مشى للباب بيطلع...والتفت للوليد...- على العموم انا بتزوجها ..بس مو خوف لاااااااااااااا لاني انا ابيها!!!!
الوليد ..بجمود- تتزوج مين؟؟؟!!!هي سايبه...ولا بنات الناس لعبه في يدك..؟؟
سلطان لما شاف اخوه ..بهالحاله...رد بهدووووء-مين يعني ؟؟؟...بنت ابو سعد.!!...وناظر اخوه...يمكن الشي الصالح في حياتي ..دخول البنت هاذي فيها!!
الوليد ..مشى لين جلس على الكنب.....ومع انه حاس بثقل ..جبال الا ان تصريح سلطان زاده هم فوق هم!!!....رمى ثقله...وجنبَ عصاه..وركز عينه على اخوه..وهي
ماترمش..- بنت ابو سعد ياسلطان مرتـــــــــــــــــــــــــيِِ.....!!!!!!!!!!!!!!!!!!!!!!!! !!!!!!!!!!!!!!!!!!
سلطان الي فتح الباب..رجع صفق الباب...وعيونه بتطلع من محجرها- ايشششششششش؟؟؟؟؟؟؟
الوليد..حاس بحرارة الجمر ..وقهررررر من الحاله الي وصلها مع اخوه –الي سمعته!!!
ناظر سلطان اخوه بكره.......وحقد ولسان عقله يقول...خذتها...خذتها..بارده مبرده...لا وبعد ..ما اعترفت لك!!!
سحب سلطان نفسه وطلع وصفق الباب بأقوى ماعنده........الموقف الي وصلوه ...مايحتاج زيادة حكي!!!
غمض الوليد عينه..واسند راسه ....شد على يده....وهو يحاول يهدي انفاسه......ماكان يتوقع ان اخووووووووووووه يشيل له الكره...بالشكل هذا...ليه الكره ذا
ياسلطان
ليــــــــــــــــــــه؟؟؟؟؟؟؟؟؟ فتح عينه ...ورفع يده لشعره وفي اللحظه نفسها شاف اللصق الي لصقته نجـــــــــــــــــــــــــــــــــــــلا.......!!!!
يعني اتهمها زور .....؟؟؟وفي ايش في شرفهاااااااا؟؟؟؟؟!!!!!! نظرت عينها...علقت الحين قدامه...وكلامها عن شرفها........
جرحتها.يالوليــــــــــــد......ياحيف!! عليك ياحيف!!!! انت وش سويت!!!!!!!..الله يخسك ياسلطان ...وش ذنبها ؟؟؟؟؟؟؟
ظم اصابع يده جميع واستقعد...ونزل راسه ...حاس بعجز!!!وقهرررر!!
دخلت عليه ام سلطان ...بشويش....لين قربت عنده....
ام سلطان بحنيه- الوليد...الوليـــــــد..؟؟
رفع الوليد راسه لها...وشاف ملامح الرحمه على وجهها ....رقت...نظراته لها...بس عجز يرد..وكانت نظراته ...ابلغ من التعبير....
ام سلطان ...- قم ياولدي تغدى وارتاح....والي في الكون بيكون.....
ضغط الوليد على نفسه ..وابتسم..نص ابتسامه.....وقام ..وهو حاس بكتمه....
ام سلطان ...ماكانت تقدر تقوله أي شي لانها ماتدري وش الي صار بالضبط بينهم........ولا حبت تضغط عليه..اكثر..
|||||||||||||||||||||||||||||||||
الجوهره...قلقانه وعندها فضول تبي تعرف وش صار بين سلطان والوليد
الجوهره- هااه يارنا وش تسوين انتي ..؟؟روحي شوفي وش صار؟؟
رنا- انتي من صدقكِ..ظنكِ امي بتخليني ادري عن شي؟؟؟
الجوهره – وانتي مارح تخسرين شي!!..روحي ..تكفين!!
رنا –الله يصبرنا عليكِ ياالجوهره!!
الجوهره بغرور- هاه لاتحديني اطلع وروح استشف الاخبار ببنفسي!!
رنا تناظر الجوهره وفي بالها ...مستغربه الجرآئه الي في الجوهره..
رنا –هههههههههه لا لا خلاص بروح...تبين تفضحينا!!!
قامت رنا ...عشان تنزل ...والجوهره لاحقتها ...فتحت الباب الا الوليد في وجهها..هي والجوهره.....كان رايح لجناحه
رفعت الجوهره يدها لفمها...كأنها متفاجئه........لشوفته ...لكن الي في القلب غير!!!
رنا بسرعه سكرت الباب...والتفتت للجوهره...- انتي وش جابكِ وراي؟؟؟
الجوهره سفهتها ولا ردت وتكلمت بنبره...حزينه- وش فيه الوليد؟؟؟ليه كيذى حاله صاير؟؟؟
رنا – علمي علمكِ...من ملك على نجلا وهو هذا حاله!!
الجوهره بصدمه وكره- ياعمري يالوليد !!!وناظرت رنا ....شفتي؟؟ شفتي نظرة عينه ....؟؟؟مايبيها يارنا ...مايبيها!!!!...انجبر عليها...وهي ماعندها ذرة كرامه...!!
رنا- ان كان على الكرامه !! صراحه . حركتها...قويه انها حتى ماترفض..او تقاوم!!!وتقول لا!!
الجوهره- والي في وضعها...يحصل!!!...امتلت نظرتها كره.....وكملت..

الجوهره- اكيد!! ماصدقت...آآآآآآآآآآآه يالقهرررررر...انا الي ابيه يجيني لحد عندي...!!ومحد يتجرأ ياخذه وهي !!!...خذ ته وبكل سههههههههههوله...!!!!!!!!
|||||||||||||||||||||||||||||||||||||||
غاده رقت لغرفة نجلا ....على بالها بتنزلها......دقت الباب.....دق كان اقرب للدبج...
غاده- بنت!!! ردي!!!؟؟
نجلا..حاسه ان عيونها جفت من كثر الدموع......والقهررررررر...سمعت صوت ..تكرهه...وردت وهي ..تحس ..بثقل لسانها...
نجلا- نعـــــــــــــــــــــم؟؟وش تبين ياغاده...مو كافي الي سويتيه؟؟؟وش تبين تسوين...بعد!!!
غاده بعصبيه- لاتتبلين علي ...؟؟ولا عشان زاركِ...طويل العمر رفعتي خشمكِ؟؟؟؟؟؟؟وسرتي معد تشوفين احد؟؟؟؟!!!
نجلا...بتعب-روحي ياغاده.......واتركيني!!!
غاده بتشمت- ترى الجدران لها وذان يابنت نوره....وانتي ...الي جبتيه لنفسكِ......وش الفضيحه الي سويتيها....عشان يتورط بكِ...ولد العويضه!!!؟؟
نجلا مقدرت انها تحتمل كلامها الجارح كل شي الا السب في اخلاقها!!!قامت ...وفتحت الباب......وواجهت مرت ابوها وشافت الشر في عيونها ..هدت نفسها لانها
عارفه انها مهما قالت ماينفع فيها
نجلا – خير !! ياغاده ؟؟تراني تعبت من اسلوبكِ...وكلامكِ...الي مدري منين جايبته؟؟؟
غاده مبتسمه بخبث-يعني ماتدرين؟؟؟والله رجلكِ..صوته يشق الجدران شق!!!!!
رمشت نجلا من اسم الوليد-لو سمحتي ياغاده هذا بيني وبين زوجي!!ورجاء لاتتدخلين!!
غاده تناظر الكدمات...- اقول كنكِ ماتأدبتي!!!
نجلا ناظرتها برجى خايب...وقررت تسكر الباب....بس غاده وقفت بينها وبين الباب...غاده..بنرفزه- الغرفه هذي لامي ...وانتي زي ماقلت روحي للمطبخ!!! سامعه؟؟
نجلا تنهدت...وناظرت غاده...زمت شفايفها.....- خذي الي تبين بس اتركيني في حالي!!!ممكن!!
وسكرت الباب...واسندت نفسها عليه....تاهت عيونها...في اركان غرفتها.......وماطرى لها غير وجه اخوها......بلعت ريقها ....ولسان حاللها يقول...
وينكِ..ياسعد...؟؟وينكِ ترد الضيم عني......؟؟لمحت قدام عينها ملامح الوليد....ونظراته...ومسكته المتملكه...لها...تسارع تنفسها....بقهرررر بين احضانه حست بأنها
لاحول لها ولا قوه...وكلماته تطعن فيها طعن.......المها اليوم ...اكبر الم ..مر عليها بحياتها....اتهامه مثل ...السكاكين...الي تنغرس...وتعجز تطلع.....
زاد كرهها له.......وبسرعه وبحركه لاشعوريه...فصخت قميصها....ورمته على السرير...عطر الوليد ..علق فيه......وعلق حتى بجسمها...حتى اثار اصابع
يده..بانت على خصرها من قوة ضغطه على جلدها...غيرت لبسها واندست
بسريرها........التعب هدها...لانامت ..ولا ارتاحت!!..مسكت راسها...تبي تبعد صورته من عقلها.......وغمضت عينها ...بس صدرها مقبوض...والغصه ...تهدد
بتنزل...بلعت ريقها بصعوبه...ورفعت اصابع يدها ...لشفايفها...وضغطت عليها...تبي تمحي اثر ..الي خلفته...شفايف الوليد...بس وين ...اثرها في النفس اقوى
وامر...تاهت بأفكارها لين اغمضت عينها...وانتضم تنفسها.....وبطرف عينها دمعه....محبوسه.....
||||||||||||||||||||||||||||||||||||||||||||
يموت الوالد.. والظالم بنفس الوقت!!...ويفقد الحبيب........وتجور الدنيا...وتظلم النفوس..........ومع ذلك تمر الايام........وتدور عجلة الحياة.....
&&&&
بعد مرور شهر على وفاة ابو سعد.....
نجلا في المطبخ.......لاهيه بالطبخ اليوم عندهم الجيران...دخلت عليها الجازي...
الجازي بعفويه-هااااااه الزين وش يسوي في المطبخ؟؟؟
التفتت نجلا لها..وهي مبتسمه ابتسامه..ولا اجمل...- هلا الجازي اخباركِ.......؟؟
الجازي –والله تمام..الحمدلله..انتي كيفيكِ...ناظرتها الجازي نظره ...تفهم.....واعجاب بنفس الوقت............
نجلا..-الحمدلله ...عايشين!!
الجازي –ماقلتيلي وش تسوين؟؟

نجلا التفتت للصينيه الي على طاولة المطبخ–ابد اسوي حلا الجيران عندنا اليوم,,,,,,
ابتسمت الجازي بعد ماشمرت يدينها...- هاااااااااااااه شكلي بحط لمساتي اليوم.......تبين مساعده!!؟؟
نجلا بفرح..يظهر ابداع الرحمان في خلقتها- الله يعافيِكِ.......تعالي ...
وقامو يسولفون مع بعض ........الجازي اخت غاده بس ربي خلق وفرق سبحانه وتعالى........
دخلت عليهم غاده وهم يضحكون.....
غاده –ماشالله ...ممكن تضحكوني معكم؟؟؟
التفتوا في نفس الوقت لغاده......نجلا ماردت عليها لانها .....تحاول ان لسانها مايخاطبها......عساها تفتك من شرها.......
الجازي عارفه بالغيره...الي حارقه قلب اختها من نجلا...- والله يانجلا وانا من زمان عن بعض...جا على بالنا يوم زواجي...يوم احشر نفسي في الحمام ...
غاده بغيره...- عاد مالقيتي الا نجلا تسولفين معها ؟؟؟تاركه امكِ..واختكِ؟؟وقاعده معها؟؟
الجازي تناظر نجلا برجى..وردت على اختها- ونجلا مثل اختي ياغاده بعد......
غاده- هههههههههه لا ضحكتيني!!!هذا الي ناقص!! والتفتت لنجلا ........
غاده- اقول اخلصي!!
نجلا ...حتى ماردت لانها تتجنب المشاكل ...حتى لو ردت ...وش فايدة النفخ في قربه مقطوعه!!!
طلعت غاده عنهم والتفتت الجازي لنجلا....- لاتزعلين يانجلا ..اختي مدري وش فيها...؟؟؟لسانها متبري منها!!واضافت بمزح...احمدي رربكِ انكِ تزوجتي وافتكيتي
من نقها!!!......وابتسمت .......-الا تعالي علميني ..لمتى قاعده ...؟؟ وكملت بعتاب صادق.......مايسير يانجلا ..تتركين بيتكِ...للحين وخاصه انكِ عروس
جديده...وبعدين هو ماجاكِ..الاسبوع الي راح؟؟؟ولا انا غلطانه؟؟
نجلا ..تذكرت جية الوليد...آخر مره ..ورجفت يدها وبغت تطيح الكاس الي معها...- الا جا بس هو..عادي هو ماقال شي!!
الجازي – اذا كان حبيبكِ عسل لا تلحسه كله!!!
نجلا في نفسها ...آآآآآه أي حبيب واي عسل!!!...تاهت شوي متفآجئه ..دايما اسم الحبيب ...تنرسم صوره مبهمه لسلطان ......بس الحين...كل الي شافته ...رجال
ملامحه...وهيبته تنضح رجوله..والغريب انها للوليد!!!
الجازي- ياقمر؟؟ وين رحتي!!..لي ساعه اكلمكِ..وانتي ولا هينا...غمزت بعينها ...علا طول جبنا طاري الحبيب ...وسهيتي!!!
ماردت نجلا لانهم سمعوا غاده تنادي – نجلا !! تعالي ...ام الوليد على التليفون......
كل ماكلمت ام سلطان تكون حالة غاده غير تتصنع الطيبه..والحنيه...غسلت نجلا يدها وراحت للصاله ...
خذت السماعه من غاده-هلا خالتي!!
ام سلطان- هلا ياحبيبتي!!.وينكِ عن جوالكِ..ادق عليه مقفل؟؟...اخباركِ بشري عنكِ..عساكِ مرتاحه..؟؟
نجلا ..اصلا مافتجت الجوال من جاها...–بخير الله يسلمكِ..انتوا شلونكم؟؟والله ناويه اكلمكِ...بس لهيت شوي!!
ام سلطان-..والله القلوب عند بعضها وانا امكِ...سكتت متردده....هااه يانجلا ماودكِ تجين عاد؟؟..الوليد قايلن لي...انه بيجيبكِ...لا جا من السفر...
هذا الي خايفه نجلا منه ...وتتجاهله من اخر مره شافت الوليد...
وكملت ام سلطان- انا اخذت على نفسي عهد ...اني مثل ماطلعتكِ من البيت انا الي اجيبكِ...هاااه ياامي وش قلتي!!؟؟
نجلا ..ترددت...ام سلطان ماتدري وش الي صار...ولا تدري ان الوليد كان شاك في شرفها.......يوم تزوجها..
ام سلطان –عشان خاطري يانجلا ...يابنتي لازم تصلحون اموركم...انتي تشدين والوليد يشد...مايسير!!
نجلا- والله ياخالتي...ان..ا
ام سلطان- لا انا ولا منا...عشاني يابنتي تعالي..لبيتكِ...وان كان على الوليد هو ماهوب فيه...مسافر سويسرا.....تكفين يامي...تعالي وخليه يتفآجأ لاشافكِ...
نجلا..عارفه بسفره..بس فكرة انها تفآجئه؟؟...ابتسمت بستهزاء...- والله طلبكِ على العين والراس..ياخاله...بس ..
ام سلطان حست انها بتوافق..ولا عطتها فرصه تتراجع..- خلاص ..اجل ..يابنتي...بجيكم...بكره...هااااه وش رايكِ...؟؟..وكملت ام سلطان...وان كان علا
جماعتنا...لا تشيلن هم...بتنبسطين مع البنات...وهم كلهم ودهم يشفونكِ...انتي مرت الغالي...
نجلا ..معاد لها حجه...عند ام سلطان...- طيب ابشري...
ام سلطان من الفرحه- الله يوسع صدركِ..مثل ماابسطيني وريحتيني...اجل بسكر انا ياامي...ولا تنسين موعدنا باكر...؟؟
نجلا – بحفظ الله ..ماراح انسى
ام سلطان- فمان الله ..
سكرت نجلا التليفون ...وهي مدركه ان الكل سمع كل كلمه قالتها......واول مالتفتت ..سمعت غاده – اجل بتفارقينا قريب؟؟؟
نجلا بهدوووء – ان الله راد...ورجعت المطبخ تكمل الي كان شاغلها......
الجازي –هاااه بشري ...متى العروس...تنور بيتها؟؟؟
نجلا..مبتسمه...وكلمة بيتها كفيله بأنها تهز اوصالها..وكلمات الوليد ..تطن في اذنها...- بكره انشالله...
الجازي- ايووووووووووووووه هذا الكلام ....ولا اوصيكِ...مو تنسيني؟؟!!
نجلا بنعومه...مخلوقه معها..- وانا اقدر؟؟
حطت الجازي يدها على ذقنها ..وعينها على نجلا...زادت ابتسامة نجلا وكشفت عن اسنان ..مثل عقد اللولو...
نجلا- وش فيكِ؟؟
الجازي- ماشالله عليكِ..يانجلا...دايما كان ودي اشوف المحظوظ الي صرتي من نصيبه...وغمزت .ويوم عرفت اسمه...تدرين وين شفته ...؟؟ ..
وجه نجلا قلب احمر......- وين؟؟
الجازي- رجلي وراني اياه في التلفزيون...!!الظاهر يوم الجمعه الي قبل الي فاتت...في سباق الخيول...كان قاعد على الكراسي ...الاماميه...لا والي فاز..بالمرتبه
..الثانيه ..الخيل حقه...ان كنت ماني غلطانه اسمه الوافي!!
وكملت – صررررررررررراحه......يجنن!!بس احسه كبير شوي!!..لكن الايام هاذي...اهم شي التفاهم...والحب...
حست الجازي انها تتكلم واجد..ابتسمت- شفتي!! عطيتكِ نبذه...شفتي اني حبابة اخبار؟؟ماانعطى وجه؟؟؟
نجلا...مبتسمه-لا لا محشومه...
غاده تنادي – الجازيـــــــــــــــــــــــ!!...تعـــــــــــــــــــــــا لي!!..امي تبيكِ...؟؟وخلي عنكِ..الهذره...؟؟
مطت الجازي شفايفها ...- خلني اروح اشوف وش تبي ...اليوم شكلها..ناويه نيه...
طلعت الجازي ...وخلصت نجلا شغلها...ورقت غرفتها......الي رفضت تاخذها ام عادل لان الدرج يتعبها........
سكرت بابها عليها...لان بالها مشغول ...بكلام ام سلطان ...وموافقتها.....انها تروح......ماتدري تتراجع.....خاطبها ....عقلها...روحي يانجلا ..كلها كم

شهر.....!!وينتهي كل شي....حست بكآبه...لحالها...ماكانت تتوقع ان حياتها راح تنتهي قبل لا تبتدي!!!...الى الاآن مو مصدقه....ان سلطان رفض يتزوجها؟؟؟طب
ليه جيت ياسلطان؟؟؟ليـــــــــــــــــــــــــــــــــه؟؟!!..معقوله ..الوليد يكذب!!!...هزت راسها مستبعده ان الوليد يكذب....وش يحده ...هو اصلا مايبيني!!!!!!!!
ذكر اسم الوليد ...يخليها ترتجف....نظـــــــــــــــرة عيونــــــــــــــــــه!! الي تحس انها ..تتملكها......بدون حتى مايلمسها.....
مسكت ..خصله من شعرها .......تحركها..
.وتذكر كل كلمه قالوها........يوم زارها الوليد ...الاسبوع الي راح!!

كانت وقتها في الجهه الخلفيه مع اخوها نصوري......في حوش بيتهم...معها سلة الغسيل....وتوها تبدا تنشر الملابس......الا وناصر...طرطشها باللي...الي يغسلون
فيه الحوش دايم....
نجلا بضحك-طيب !! الحين اوريك......ونصوري يضحك على شكلها...ويرش المويه عليها.......كانت اللحضات هاذي من احلى الاوقات الي تمر عليها...لعبها مع
نصوري ينسيها كل هم!!...
نصوري..يحرها- ماتتدينـــــــي؟؟نزلا...؟؟
نجلا تروشت من كثر الما...وابتلت ملابسها.......وساح شعرها .......
نجلا- هين ؟؟هين يانصوري...حلاوه مافيه!!
نصوري...خاف من تهديدها...كلش الا الحلاوه...- لا...كلاس كلاس...
قربت منه نجلا بشويش وهي تكلمه لين خذت اللي...منه ...وسكرت المويه..........
رن الجرس.........ورن.......
فكت ام عادل الدريشه .....وطلعت راسها......
ام عادل – ههههها..تلعبين بالما؟؟؟تحسبينه بلاش؟؟؟ايه مادفعتي من جيبكِ شي!!
وماعطت نجلا فرصه ...ترد..التفتت لنصوري...- روح يابوي...افتح الباب ..خالو عادل جا.......
راح نصوري بسرعه يفتح الباب......والتفتت ام عادل لنجلا...
ام عادل – وانتي خلكِ..كيذى ..بهدومكِ..كود ..تمرضين ونفتك منكِ......وسكرت الريشه بدون ...ماتعطي نجلا فرصه تتكلم
انربكت نجلا ماتدري ...وش تسوي اثيابها مبلله...وشفايفها ترتجف...البرد بدى يدب في اوصالها.صح الجو موشتا بس بدايته هلت.......ضمت يدينها بحركه
لاشعوريه....ومالقت الا انها تدخل الحمام
...وتقعد...تحت الدش الحار...تدفي نفسها على الاقل....دخلت الحمام وفصخت قميصها...وطوالي تحت دش مويه ساخن....لحظات.وسمعت صياح جامد..صوت
نصوري ...الصوت قريب...بسرعه ...خذت اطرف منشفه...عندها في الحمام...وال كانت منشفة ..قديمه.......لفتها بجسمها......الخمري...وماسترت من جسمها الا
القليل.......لانها وصل طرفها لحد .....منتصف فخذها...وفكت الباب بسرعه...
شافت نصوري زالق من المويه.......راحت له بسرعه.....
نجلا بخوف- هاااااااااه حبيبي...وش فيكِ...؟؟..
نصوري يصيح من الطيحه..ويبي يتكلم بس دموعه غالبته........شالته نجلا.......وطلت ام عادل من الدريشه...
ام عادل...- اهااااااااا يامال ..الوجع..؟؟شفتي!! اهمالكِ...حسبي الله عليكِ.....من بنت ...مدري متى ...نفتك منكِ........
نجلا وهي تهدي نصوري- ياخاله لاتدعين!!..هو طاح وانا في الحمام......
ام عادل- اقول لايكثر...اللله يفكنا منكِ..بس وين ياحسره...جبتيلنا الكلام........لا انتي معرسه ولا مطلقه......وهزت راسها ..ونست حتى ناصر ..كأنها تستنى
فرصه....تهين نجلا....وكملت...صادقه غاده ..حتى ولد الناس عافكِ.....بعد ماعافكِ......اخوه!!!!!!!
تجمعت دموع نجلا.....لكلامها الجارح.......لكن لد!!..دموعها اغلى ..من سكبها...بسبب كلام.......هي عارفه في قرارة نفسها ...انه مو صحيح!!
بلغت ريقها ...وشفايفها تهتز ......من البرد والقهرررر...وتوها بترد.....الا.....سمعت صوت!!له ذكرى مؤلمه ...بالنسبه لها!!!
الوليد بصوت حازم -ومين قال اني عايفها ياخاله!!!......لما اكون مراعي مشاعرها..عشان وفاة ابوها ..مو معناه اني ......عايفها!!!!!!!!!
بسرعة البرق ام عادل سكرت الدريشه......ونجلا نزلت راسها الارض.وعيونها بتطلع ...من الربكه.و الخوف.....ناصر واخيرا تكلم..
نصوري وهو يشهق- نزلا..سوفي ...عمو ابيس!!
بحركه لا شعوريه ......مسكت المنشفه.....ومن هول الصدمه ...انتبهت انها ......ماتغطي شي!!!...الا قليل!!يد على صدرها ......ويد على خصرها......
الوليد بهدووووووووء...- ..قومي روحي استري نفسكِ...!!!وبعدين تعالي كلميني!!
نجلا زاد ارتجافها من سماع صوته.......بشويش قامت......ونصوري ...ماسك رجولها......ناشب فيها...تبي تفك يده ..وتخاف تزلق المنشفه...
ياربيييه...الحين دموعها بتنزل غصب من الفشيله........قامت بعد جهد وجهيد......ومشت ..وعيونها على الارض......ولحس الحظ ان الوليد معطيها ظهره......
مرت من جنبه ومرورها هاذا كفيل...بأنه ...يرسل تيارات.....من كره الموقف ...الي انحطت فيه...تعدته ..وهي حاسه بحرارة نظراته على ظهرها.......واول
ماوصلت ..لاول درجه...سارت مثل الريح......لين وصلت....لغرفتها.....سكرت الباب....وهي تتنفس بسرعه....قعدت فتره...وهي على ذا الحال......وش جابك
يالوليد.....طول الفتره الي مرت ...وهي تتوقع توصلها ورقتها......وابد ..جيته ماكانت على البال ولا الخاطر...تعززت ...ذكرى كلماته واتهاماته...الباطله.......
غاده تطق الباب- ياهم!!!...اخلصي الرجال ...يسأل عنكِ...؟؟
انتبهت لتأخيرها...وبسرعه....لبست ...قميص بأكمام طويله ...كأنها بحركتها تبي ....تنسيه الي شافه......وفي نفسها....
وش تبي يالوليد....؟؟وجاي ليه.....نزلت ....وهي تسمع ضربات قلبها...وحاسه ان الكل بيسمعها معها......دخلت مجلس الرجال مالقته........تلفتت هينا وهناك ...مو
موجود .....واخيرا طلعت الحوش.....لقته واقف هيناك.........وقفت خطواتها وسمحت لنفسها ...تتأمله..كان غير...نفس الرجوله ونفس قوة
الحظور...ذقنه محلوق.....ولابس شماغه.......ساعته.....مسكته لعصاه الي ماتفارقه..وقفت نظرتها على اصابع يده رمشت عينها و...رفعت يدها لمكان قلبها.......حاسه
بألم..يوجع..جرح انفتح ..من طعناته ....وكل ماقالت ...ياقلبي ..لمم جروحك............شوفته ....خلته ينزف من جديد...وفتحت عليها باب تبي تسده...

الوليد..بهدووووء- الى متى بوقف؟؟؟

انتبهت انه كان منتبه لنظراتها ومراقبتها له.......
نجلا- تفضل من هينا.....
ومامشت لين تقدمها......وكل خطوه من خطواته ....تربكها.......واليوم ..كلمتها بتكون الاخيره.............وبتنهي .......كل الي سار.......وتطوي صفحة
.....ذكراها...وترضى بنصيب ربها....
دخل المجلس .......وقعد على الكنب الثنائي ......على كبر المجلس ....حست انه ضاق....من هيبة الوليد ووجوده فيها ..
ناظرها الوليد.....بس نظرته المره هاذي مختلفه.......فيها ...غموض......وشرود.....
الوليد ذكر خوفها..آخر لقاء تم بينهم..– اجلسي ..لاتخافين...ترا ماني بماكلكِ!!
تقدمت ..وجلست في ابعد ركن......
الوليد- اخباركِ...يانجلا؟؟؟
نجلا تبلع ريقها- بخير!!
الوليد زم شفايفه- تمام...وكمل...نجلا اليوم انا .جاي اسحب كلامي....وقف ..يشوف تأثير كلماته عليها......رفعت نجلا راسها وتلاقت عيونهم.....وتشابكت نظراتهم...
وكمل
الوليد- كل الي قلته عن ...سمعتكِ...انا اسحبه!!!
ارتجفت شفايف نجلا ...من القهر.....بكل سهوله جاي ...تقول ...اسحب كلامي!!!لا وبدون ندم!!........او كلمة اعتذار.....
الوليد- لا تعليق؟؟؟؟؟!!!!على كلامي!!!...الوليد في نفسه يسألها عن قصدها يوم قالت ...انها شافت سلطان.......لكن تراجع في اخر لحظه.....هو يعرف ان سلطان حلم
حياتها.....وكرامته ماتسمحله يسألها مجرد سؤال!!!!
نجلا..- بالسهوله هاذي ...تسحب كلامك!!!؟؟؟بعد ايش؟؟؟بعد ابوي ماراح......وهو مغبون؟؟؟.....بعد ماعرف الكل ...انكِ..انجبرت...تاخذني عشان تسترني؟؟؟!!!!
هزت راسها.....وتركت جرحها يتكلم......لا...انا ...اصلا...عارفه نفسي!!!..ولا يهمني ...تعرفها انت ولا لأ...اهم شي .....سمعتي!!! الي لعبتوا فيها.....انت
وسلط...وماذكرت الاسم .....كملت .....واخوك!!!!!!
الوليد ..متحكم بكل عرق ينبض..وكأنه يتكلم مع احد موظفينه.- اولا ًماخلق..ولا جابته امه.......الي يمس شعره .....من شعراتكِ!!ثانيا ً..انا ..ماانكر اني بالبدايه
..اخذتكِ...لفعلة اخوي....وثبتت نظراته عليها اكثر.......الكلام هاذا الين هينا كله صحيح....بس كلمة اني انجبرت..!!...سكت شويه...وكمل بصوت يقرب للهمس....
انا محدن يجبرني...على أي فعل....وشدد على الكلمه هاذي بالذات.....
نجلا بهمس.....- انت مسيت....!!!
الوليد- قلتلكِ..انا اسحب كلامي!!!
نجلا ...ماردت.....لان مافيه كلمه ..توصل ..الي تحس فيه!!
الوليد ...- اسمعيني يانجلا........الزواج وسار...انتي راضيه او مغصوبه.......هو تم...وانتهينا...وانا الحين احطكِ..بين خيارين!!!
تلاقت نظراتهم .......واجتمعت ..مشاعر ...كره....لهذا الانسان الي قدامها.....بكل جرآئه....يملي عليها ...اختيارات؟؟؟
الوليد..بصوت هادي خالي من أي مشاعر- ان كنتي ..تبين نبدا من جديد...انا حاظر......وان بغيتي...
نجلا قاطعته...-اكيد ابغى.....
تحرك عرق...في الوليد...ولا حظته نجلا...- يعني تبين ...نكمل..مع بعض؟؟
نجلا ..ابتسمت ...بطرف شفايفها.....وكملت وهي رافعه راسها.....- اكيد لا .....انت مافهمتني!! انا اتمنى امحي أي ذكرى فيها اسمك او وجودك من حياتي!!!
جمدت نظرة الوليد..- خلاص اجل .....كل شي راح يتم...بس مو الحين .....اصبري لين يمر وقت..على الاقل 4شهور!!!....عشان محد يشك بالموضوع..!!وانا
افضل انكِ تنتقلين...في
بيتي!! ...جت بتمانع..ورفع يده يسكتها.......وكمل......لفتره...لين يتم الطلاق...احنا نبي نقطع كلام الناس...الي تتكلمين عنهم...وصدقيني هاذا كله في مصلحتكِ..انتِ
مب عشاني!!!
نجلا..سكتت...لان كلامه معقول........
الوليد..رفع جواله...وضغط ...وشوي
الوليد بلهجه آمره- يعقوب...جيب الكيس ..
وسكر جواله...قام الوليد......والتفت لنجلا....واشر عليها تقعد بمكانها......
اختفى شوي ورجع معه ..كيس ..ناوله لها – خذي ..هاذا الجوال بتحتاجينه طول الفتره ..الي بنقعدها مع بعض...!!مسجل فيه رقم ام.....تردد لحظه...وكمل
بسرعه.....فيها رقم امي!!..ولا تخافين ...ماراح نتواجه كثير!!!ابدي من الحين اطوي صفحاتي!!!
الوليد مشى
...وهو معطيها ظهره – فمان الله....
طلع الوليد ...وترك وراه فراغ .....كبير.....ومشاعر..متلخبطه .....واستفهام.......يكبر..ويكبر....من ذاك اليوم
دق .....دق......
الجازي- نجوله؟؟افتحي...
نجلا نفضت افكارها.....وفتحت الباب وعل وجهها ابتسامه.....
نجلا- يوووووه اسفه..ماسمعتكِ..الا توني...
الجازي – الي ماخذ عقلكِ..يتهنابه..؟؟
نجلا- ..مين ياحسره ماشاغلني الا سعد!!
وقعدوا يسولفون.........
||||||||||||||||||||||||||||||||||||||||||||
امي نوره-..هاااه ومتى بتشرف..ست الحسن؟؟؟
ام سلطان بفرح- ..بكره انشالله..بروح اجيبها...
امي نوره- مابغت...تجي لايكون تظن ..ان مالها والي!!!..؟؟
ام سلطان بحنيه- وش دعوه ياخاله؟؟؟الوليد هو الي سامح لها تقعد عند اهلها..
امي نوره- إييييييييييه ياحبيبي...مجبور...مو بكيفه...
ام سلطان- له له ..ليه ياخاله ذا الكلام...ماخلصنا منه؟؟
امي نوره- ولا راح نخلص لين ماياخذ الي تستاهله...ويستاهلها......والتفتت تناظر ام سلطان .....وكملت ..وانتي تعرفين منهي!!!
ام سلطان- ياخالتي ...الوليد الحين ..متزوج...وربي كتب له ياخذ نجلا.....وماتدرين .....الجوهره بعد بتلقى نصيبها...مع واحدن يستاهلها!!
امي نوره- ابدن!!...مالها الا الوليد انشالله.....ونجلا ..تقعد على ذمته ..ماقلنا شي.......بس لا تطمح بأكثر من كيذى!!
ام سلطان عجزت تغير ..امي نوره ورايها......وهي عارفه ان الوليد حتى لو ماخذى نجلا مستحيل ياخذ الجوهره.....لانه رافض فكرة الزواج.....من اصل!!
ام سلطان- الله يقدم الي فيه الخير...
امي نوره – دقي على ساره خلها تمرني.....احس اني .....منتكه...
ام سلطان- الله يهداكِ..بس اقعدي تعشي معنا؟؟؟
امي نوره- ماقدر انا كيذى وانتي تعرفيني زين ...هالسلطان رافعن ضغطي!!والي سواه ..قاهرني
ام سلطان –سلامتكِ من القهر...وش جاب سلطان على بالكِ...هو وين وانتي وين؟؟
امي نوره التفتت بنرفزه- مب هو سبب الي احنا فيه...؟؟؟يوم انه مايبيها يرميها على اخوه ليه؟؟؟
ماردت ام سلطان لان محد درى ليه سلطان ماجا.......الا هي وسلطان والوليد......
سلطان..بعد جيته ...وكلامه مع الوليد.....قرر يسافر برا......يقول
بيدرس....ويكمل...ولا اعترض على سفرته..احد.... لان وجوده مثل عدمه.......ماعدا بقلب ام سلطان.....
||||||||||||||||||||||||||||||||||||||||||||||||||||||||||
الساعه 1 ليلا.....في جناح رانيا وخالد.....

رانيا ..النوم جافا عيونها ......كل شي ساير ضدها.....حتى عمها بدى ينحاز لأم خالد بالرأي......اجتمعت دموعها.......وكتمت آهآتها لايسمعها حبيبها.....

كانت في حضن خالد.....ويده على خصرها.......ماتحملت ...تبي تقوم تفرغً...ضيقتها.....بدموعها يمكن ترتاح مثل كل مره........تسحبت بشويش....لكن

هيهآت......خالد حاس ..بكل عبراتها.....وشلون مايحس؟؟؟ ...وهي ..الهوى بالنسبه له...وشلون وهي.. ايامه وسنينه!!كل نبضه ينبضها قلبها....ينبض قلبه معها.....

يحبها..!!وليه مايحبها.؟؟..وهي حلم وتحقق.....
خالد...شدها له- وين ياروح الروح؟؟
من سمعت صوته ..بكت....وهزها المها.....خالد لفها عشان تقابله.......ومسك وجهها بين ايديه.......ومع انه ظلام الا انه لمح الالم......
خالد بهمس- ليه ..؟؟ليه البكا؟؟....
سؤال ..إجابته واضحه.......هو عارف وش الي صار........امه الله يهديها...ناويه تخطب له......ورافضه أي نقاش بالموضوع...والي غابنه انه ......مايقدر يعصى
امه ابد...
رانيا بصوت ..باكي- خالد؟؟
خالد- لبيه..
رانيا- انا خايفه من بكره!!..خايفه...نفترق؟؟
حط اصابعه على شفايفها يمنعها تكمل......وقربها لين صاروا جسد واحـــــــــــــــــــــد...ونبضهم واحد.......
خالد- لاتخافين ...مايفرقني عنكِ...الا الموت.....!!انا مستعد ادوس على قلبي ....ولا اجرحكِ....
رفعت رانيا راسها.......تدور عيونه- لاتقول ..الكلام هذا مره ثانيه!!
وظلت عيونها ..ترسله ......مراسيل.......
انت الربيع.....وانت الفصول........وانت الحنان.......لو ماتعود......سمعت تنهيده .....وضمها........وتمسكت فيه......تبي تشبع منه......ومن قربه...وفيها خوف من
المجهول
||||||||||||||||||||||||||||||||
الساعه ..11الضحى...
ام سلطان- اسمعوني...اليوم ..بتجي نجلا.....والتفتت لبناتها.......وكملت .....مابي احد يضايقها.....وناظرت رنا تخصها بالكلام........
سمر- اخيرا ....ياسلام والله اني ودي اتعرف عليها.....
رنا ..بجمود- صحيح الي اختشوا ماتوا ......وش يجيبها ورجلها حتى مافكر يرجعها....او يجيبها من بعد ماطلعت.....؟؟
ام سلطان بتعصيب وتحذير-..انتبهي يارنا.....!!تعيدين كلامكِ ذا ولا والله مايحصلكِ..خير!!
الي سار سار!!واحنا مانبي نضايق الوليد!!
رنا بستخفاف- يوووه يمه تكفيـــــــــــــــــــــــــن!!عاد هو اصلا هامه شي؟؟حتى جناحه ماسوى فيه شي ...!!انتي الي غيرتيه من الى!! ولجيتينا بذا العمال داخلين
طالعين!!!
ام سلطان- اقطعي واخسي!!لما اكلمكِ..لاترادين!!والكلام الي اقوله يمشي على الجميع؟؟سامعه....؟؟
رنا باستسلام–يمه انا عشانكِ..اتحمل وجودها لكن اني..احبها ..هذا شي راجعلي!!!
ام سلطان- تحبينها ماتحبينها ....محدن طلبكِ اصلا تحبينها انتي احترميها ولا تغلطين عليها...وبس!!....؟؟تسمعين؟؟
رنا بقهررررررر- انشالله..
سمر –انتي ليه ماتدانينها..المخلوقه ماشفنا منها شي الي الحين؟؟؟
رنا التفتت لاختها.....-والله انا كيذى مو عاجبتني!!!.....المهم انا يمه بروح...للسوق مع الجوهره!!!
ام سلطان –لا اليوم مافيه طلعه مرت اخوكِ بتجي!!تقولين كأني اكلم جدار!!!
نفضت رنا يدها من طاولة الفطور...وقامت..وهي تتحلطم!!
ام سلطان- الله يهديكِ..ياذا البنت...ويهدي الي لاعب بعقلكِ...
سمر بخبث- يعني تعرفين يمه مين لاعب بعقلها؟؟؟
ماردت ام سلطان واكتفت بنظرتها لسمر.......دقت الزر القريب منها.....وشوي وجت الشغاله...
ام سلطان- جهزتوا الي قلته لكم؟؟؟
كانو- ايوه مدام..
ام سلطان- زين ..طب روحي جيبي جوالي من فوق!!
كانو- اوكي مدام
راحت وام سلطان تفكر بنجلا.......والوليد الي الدنيا ...عيت تضحكله.....!!
جابت كانو الجوال .......وخته ام سلطان ...وعطته بدورها لسمر....
ام سلطان- دقي رقم الوليد؟؟
سمر بخوف – لا انشالله..تبيني اكلمه؟؟..ليه انتي داعيه علي؟؟؟
ام سلطان- اركدي!!..الله يرج بليسكِ....دقي وعطيني ايه؟؟
سمر- طيب إذا كان كيذى ماعندي مشاكل؟؟؟
دقت سمر على رقم الوليد......واوا مافتح الخط عطته امها.....بسرعه....
الوليد- هلا..
ام سلطان- هلافيكِ..ياوليدي..اخبارك؟؟
الوليد- والله الحمد الله تمام..انتو اخباركم؟؟
ام سلطان- بخير وعافيه.....والله البيت من دونك ..ماله داعي..
الوليد..بمزح- خلكم شوي تفتكون من شري!!
ام سلطان بعتب- الشر وين وانت وين ياوليدي؟؟...هاه متى يمك..ناوي ترجع؟؟؟
الوليد- والله يالغاليه...مدري حسب الشغل..
ام سلطان ماتقدر تمسك نفسها- الله يهديك يالوليد...احد يروح لشغل وهو حتى شهر عسل ماراح؟؟؟ومرتك..ضعيفه..تاركها؟؟
الوليد بجديه..- المره بتقعد لكن شغلي ماهوب مستني....وليه هي شاكيه؟؟؟
ام سلطان- وانا شفتها ولا كلمتها؟؟
الوليد..- انشالله معوضه....لاجيت عوضتها!!
ام سلطان فرحت لكلامه ..وقالت بخاطرها يمكن فيه امل؟؟
ام سلطان- الله يهنيكم يالغالي..ويستر عليكم......
الوليد سكت ماعلق......وغير الموضوع......تكفيه...الذكرى....
الوليد- امي نوره اخبارها؟؟خبر بها زعلانه؟؟
ام سلطان ماحبت تزيد- عتبانه ..مو زعلانه...وبعدين هي همها تشوفك مبسوط......
الوليد.....ابتسم لانه عارف ا ن ام سلطان ..تصرف الموضوع......
الوليد –طيب يالغاليه تامريني شي ......لاني لازم اسكر الحين..
ام سلطان- بحفظ الله ياوليدي.....ولا تتأخر علينا.....
الوليد – يكون خير...انشالله.........سكر منها وهو يقول في باله.....البسط وين وانا ويــــــــــــــــــــــن؟؟..مسح وجهه بكف يده...ووقف عند ذقنه.......
من سافر مافارقت خياله........صورتها وهي لافه جسمها بالمنشفه.......متوزعه في كل ركن من ذاكرته...
انسى يالوليد...انسى .....انت وعدت....!!!مستحيــــــــــــــــــل تظلمها معك؟؟؟ومستحيــــــــــــــــــــــل تجبرها عليك!!!!!!!!!!ابتسم .ابتسامة استخفاف
وخاطب نفسه...هي تكرهك..خلقه!!! ...اجل لو درت بعقمك؟؟؟!!!!!!
دخل عليه ..طلال...
طلال- هااه وانا اخوك..ننزل؟؟
الوليد..كان قاعد على كرسي في جناحه ..بفندق الريتز بسويسرا ...وقف...وهو يبعد افكاره.....ويمحيها .....
الوليد بهدووووووووووء –مشينا........
||||||||||||||||||||||||||||||||||||||||||||||||||||
وش توقعاتكم راح يسير لما نجلا تنتقل .......لبيت الوليــــــــــــــــــــــــــــــــد؟؟؟؟







|||||||||||||||||||||||\
.















|||||||||||||||

..