منتديات ليلاس - ذات مُقيّدة حوّل عُنُقِ امْرَأة / بقلمي

منتديات ليلاس (https://www.liilas.com/vb3/)

رد: ذات مُقيّدة حوّل عُنُقِ امْرَأة / بقلمي

مساء الخيرات .. سمبلنيس ومتابعاتها الكريمات .🌷

ما قصرتي يا جميلة ،الجزء الأخير كان متخم بالأحداث ومشبع ،
صحيح القفلة كانت قوية، ومتشوقين لمعرفة ردة فعل ملاك، ومصير فاتن مع سلطان
لكن بإذن الله نقدر نصبر إلى يوم السبت .
كل الشكر والتقدير لك مبدعتنا ، والله يعطيك العافية .🍃

رد: ذات مُقيّدة حوّل عُنُقِ امْرَأة / بقلمي

للأسف ماقدرت أصبر وكملت البارت الأخير :(

بعقّب على السريع..
فيصل وضعه مُزري جدًا، مايمدينا نتكلم بالماضي لأنه شي وصار لكن حاليًا حله الوحيد والله ياخذ جنان زوجة ثانية!
تكفين عاد حياة الإثنين كذا مشردين عن بعض صعبة :V5N05075:
وياسمين الضعيفة اللي ماكلتها، رغم اني ما أستلطفها من الله كذا لكن الحق يُقال مالها ذنب والمفروض قبل تخطي هالخطوة تكون متأكدة ميه بالميه من سلامة فيصل العاطفيّة ورغم انها كانت شاكة لكنها استمرت.
أما جنان، ضدها تماما يوم تزوجت أحمد وخربت حياة زوجته وأطفاله، لكن انتِ من خلال سردك للأحداث خليتينا نتعاطف وياها غصب.
جديّا أتمنى نهايتها مع فيصل..

بلقيس.. هذي وين ماتطقها عويه، خلصنا من نور جت مروة! ولدها يعرف ينقي صح :biggrin:
رحمت عبدالله كثير بعد ما اتضحت الأمور.. وفعلا أحس مروة لابقه عليه مرة
وعندي احساس انها رغم حبها له بتستمر بالانتقام، وهذا راح يشكل صدمة نفسية وعاطفية قوية على عبدالله للمرة الثانية.
فلطفًا خليها تسيطر على نفسها قبل يدري هالمسيكين

نور وطلال.. الكوبل اللطيف جدًا

حنين وبسام.. مو ضروري أشوف إن بسام يصرّح بحبه الطفولي لحنين، خلاص يعيش حاضره ويكمل حياته طبيعي
ويكون هدفه يخليها تتعلق فيه أكثر وتحبه وتقدره.
إلا يخلقون صراعات نفسية الله يصلحهم :Xiv05302:

نجي للكوبل المفضل عندي بعد فيصل وجنان، ملاك وراعي الكراج :AaZ04485:
الموقف الأخير حساس، وحركته كانت في وقتها، منها بتبدأ ملاك تفكر بشكل جدي وأتوقع بعد هالموقف كلن تأكد من مشاعره ولو بشكل نسبي.
أتطلع كثثثير لمواقفهم الجايه.
محمد.. اللي مر فيه شي مايستوعبه العقل، واللي يغبن زيادة إن محد يدري من أهله لذلك ماعندهم له عذر يشفع..
وسبحان الله هو وملاك مكملين لبعض.. رائعة أنتِ يوم جمعتيهم بقضية وحدة!

حور.. متعاطفة معها بشكل كبير، من بداية طفولتها وحرمانها من حنان الأب وعطفه نهايةً لبداية زواجها اللي كانت تفوق تفوق تصوراتها
وحتى الآن هي بحاجة لتعويض كبير كبير من يوسف :frown::redface:
يوسف، اللي عاشه وشافه شي يفوق عمره وعقله، واللي قاعدين يلعبون فيه يزيدون الوضع سوء.. لكن أتمنى يسترجع صحته سريع ويعوض حور عن كل شي فقدته ويرجع لها حيويتها اللي قبل.

بالنسبة لأبو حور.. أنا متأكدة هو ورا هالسالفة كلها.. ورا ضياع يوسف، وورا مقتل أبوه، هو المدمر لهالعائلة بس مافيه شي يثبت.

فاتن.. ما ارتحت لجرئتها أبدًا ولا حبيتها، لكن هي شخصية لطيفة وعندها هدف انتقام تسعى له ومن شخص يستاهل من يذبحه لين يموت.
أتمنى خططها تمشي مثل ماتبي.. والله يعين رائد ضد مبادئها تماما بس الحب أعمى.
وأخوها طلال ماينلام أبدًا يوم أنصدم من وضعها وطريقة حياتها.. أتوقع ماراح يتقبل أسبابها بسهولة.

ننتظرك السبت على ناار نبي بببارت مُشبع :361:
ويارب تخلص الرواية بسرعة ماعندي صبر

رد: ذات مُقيّدة حوّل عُنُقِ امْرَأة / بقلمي

صباح الفل لكاتبتنا المبدعة 🌷🍃
الله يهديچ سمبلنيس خليتيني أدخل ترجمة ألماني / عربي
أبي أعرف معنى الجملة اللي كتبتيها
für هذي واضحة
بس الكلمة الثانية أبد ماش ما يطلع لي شي ! 🧐
على العموم 🔍أنا لقيت شي ممكن ينفع محمد في البحث ،،
💌 الرسالة اللي تركها أبو يوسف عند أم يوسف، ومحتفظه فيها وكل فترة تطلعها إذا اشتاقت لذكرى بو يوسف ، وكانت تحس إنها رسالة غريبة ، قد يكون فيها رموز أو إشارات يفهمها الحاذق
بالاضافة إلى السلسلة،
وكذلك ساعة الحائط ، ممكن يكون أبو يوسف خبى فيها شي ، إذا افترضنا إنها من الموديلات القديمة ( نفس الرسوم المتحركة اذا دقت الساعة يطلع منها عصفور 😂 )

هذي ثلاث أشياء ممكن تساعد محمد في البحث، وجاري البحث عن أدلة أخرى 😉

رد: ذات مُقيّدة حوّل عُنُقِ امْرَأة / بقلمي

ابها يا قلبي ❤❤❤ الله يعطيك العافية والله ❤❤❤ انا كمان ابغى اساعد محمد بس انصحه يتسلل لكمبيوتر سنبلة و ياخد المعلومات قسراً حصراً 😂😂😂 مش كده اسهل 😂😂❤❤

رد: ذات مُقيّدة حوّل عُنُقِ امْرَأة / بقلمي

اشتقت اعلق هنا وما جابني الا الكلمة اللي قالت سنبلة انها بتحل قضية
ابو يوسف .. و بما اني ناسية الاحداث اللي قبل كم شهر ف اكيد اني ناسية
اللي انكتبت بداية الاجزاء .. لذلك رجعت اعيد القراءة و ما طلع معي شيء
للحين الا " السلسال " و " المفتاح " اللي موجودة بصندوق ملاك السري ..