منتديات ليلاس - "فرصة اخيرة " الجزء الثاني من سلسلة (حكايا القلوب) جديد وحصرى .. مكتملة

اول شيء عن جد اسفة لاني ما كنت وقت التنزيل لكن انت ادرى بالظروف.......

ثاني شيء....... وااااااااااااااااااااااااااو فصل يجنن ويعقد على قولة اللبنانيين...... فيه االكثير من الدراما والتشويق والفضول وبصراحة يستحق ان ينعاد قراءة مرة ثانية وثالثة.... ولضيق وقتي رح احاول اني اعلق على اللي استوعبه دماغي.....

ماهر رجعت حبيبته تطارده وتبحث عنه ورغم قربه من منة الا انها ما انهى الفصل اللي كانه معها قديم....... وعشان ما يعاود ينجر لانجذابه ليه ويؤذي منة فضل انه يجد وسيلة الهاء ثانية وهي انه ينجبو طفل...... بس الصراحة انا افضل انه يرجع يقابلها حتى يضع نهاية لقصتهم لانهم هو الاثنين ما رسمو خطوط الفراق بشكل جيد..... ولقاء معها رح يخليه يفهم انه فعلا بحب منة ومو مجرد عشرة وثقة واحترام........

اما محمود بلش الفار يلعب بصدري...... انا بحس انه هو بلش ينجذب لمنار ويمكن يكون السبب مو اعداب جسدي او فكري بل رغبة انها مديحة تكون بينها وبينه ولوحدهم متفتحة بهيذي الطريقة وجريئة باعترافها بحبها وتملكها ورغبتها فيه....... وبما ان منار صريحة لابعد الحدود هو بحاول يتجنبها قبل ما ينجر نحو الرذيلة او الافتخار بفكرة انه قادر يجذب وحدة جميلة وجذابة مثلها.... ويا خوفي من المستقبل....

بلال وسوزان....... صراحة بلال فاق كل التوقعات هيدي المرة ودمر كل سبل المسامحة والغفران... هو خلاها تكون بنظر امها وحدة خائنة للعشرة والتربية وللثقة وهيدي الشيء صعب انه يتصلح مع الوقت... انا ما بعرف اذا هو كان قاصد هيدا الشيء واللا لما شاف ردة فعل امها عمل هيك.... بس على الاكيد ان سوزان كانت قاصدة كلامها عن انها تكرهه والخيط رفيع بين الحب والكراهية وبتمنى فعلا انه بلال ما يقطع هيدا الخيط بشكل نهائي وتصير سوزان تكرهه فعلا وبدون رجعة...

حاتم وسارة..... سارة بلشت انها انها تفوق من نوبة العشق اللي حاسة فيها تجاه حاتم وتشوف عيوبه كمان.... وهو من ناحية ثانية رافض انها تكون مثل امه.... هيييدي النقطة لسه مو فاهماها بصراحة لان امه هي الام المثالية بالنسبة لمالك لكن مو فاهمة سبب حقد حاتم كثير فاهمة الموقف بس مو فاهمة ردة الفعل... والحين اللي ظل بينهم هو اما حاتم يصر على موقفه او سارة تتابع تحقيق احلامها وهيدي الشيء ممكن يسبب الفراق بينهم او رح يتقاربو اكثر ويصيرو يفهمو على بعض اكثر...

مالك وايمان...... ايمان بتغار عليه حتى من تقاربه من خالته وهو مو قادر يفهم هيدا الشيء... بس هلا دخول عبد الرحمن وتعرفه على مالك خلاه يفهم شوي شعور الغيرة ويفهم ان الانسان ما يقدر يسيطر على مشاعره او ردود فعله....... هلا ايمان خايفة لتعترف لمالك عن محمد خطيبها قد ايه كان مستغفلها ورح تعترف ليه عن المال اللي اعطته ليه........ بحس هيدا الشيء رح يقرب كثير بين الاثنين ويصلو لمرحلة التفاهم...

يحيى ودعاء.. التقارب بين هدول الاثنين تقاربو روحي وفكري قبل جسدي وهما الاثنين يفهمو على بعض كثير وهيدا الشيء اللي خلاها تعترف ليه انها تخاف ان سيف ياخذ ايمن منها.... وبصراحة خوفها كان في محله... لانه على ما يبدو سيف واحد ماكر ومستفز... يحيى كل مرة بقول كلمة صديق هو يحاول انه يضع مسافة بينهم لانه هي صديقه المخلص واللي مستحيل يخون ثقته... بتمنى ان واحد فيهم يكون هو المبادر باعلان الحب والمشاعر قبل ما يفضلو عالقين في مسمى الصداقة..

ايمن واسما... اسما ما زالت غبية ومو قادرة تنتبه للاشياء اللي بتصير قدامها وما زالت تنجذب للمظاهر اللامعة والخداعة.... وايمن في نفس الوقت بحاول يتجاهل مشاعره على حساب كرامته... هو مو قادر ينسى الالم اللي خلته يشعر فيه ومع ذلك بينت لهفته لما فكر انها مريضة... انا لسه مو فاهمة السبب اللي خلاه قريب من فريدة لهيدي الدرجة بس هو اكيد رح يضطر ياخذ قرار صعب كثير.... انه يفضل جنب اخته دعاء او انه يرجع للامارة عشان ينقذ زواج فريدة اللي هو سبق انه اعترف انه مستحيل يرفض طلب لها... القرار صعب ومحتاج تفكير كثير بس في كل القرارين ايمن هو اللي رح يعاني كثير ويمكن هيدا السبب اللي ما خلاه يرتاح مجيء سيف لانه عرف انه رح يهز عالمه مرة ثانية..

وسام وايناس رغم اعترافهم بالحب واكتشافهم مشاعرهم الا ان الصراحة في شيء مزعجني في هيدي العلاقة... لا تفهميني غلط انا بحب وسام وبحب علاقتهم... بس مجرد فكرة ان ايناس تشبه حدا في حياة وسام الماضي بخليني احس ان هيدي الشيء رح يعمل مشاكل كثير بينهم وان رح يكون في سوء تفاهم كثير بالاخص ان ايناس مو من البنات اللي بحب بسهولة وهي حبت البروفسور عن جد ودون مكابرة وهو فهم مشاعرها من البداية لانها وحده عفوية ومو متصنعة ومشاعرها تبان على وجهها..

احمد وولاء.... انا عارفة ان هدول الاثنان محتاجين وقت بعيدين عن العيلة وبالاخص اني كامراة بفهم انه اي امراة ترغب بخصوصيتها وتحب انها تكون لها بيت خاص فيها... واتمنى ان العيلة تفهم هيدا الشيء وما تعتبره مثل محمود ما اعتبره انه ارضاء للزوجة على حساب اهله... بس بصراحة شيء ثاني مزعجني بخصوص احمد... هو ليه كان بالمطعم وراقب اخوه من بعيد وما قرب.. شو السبب؟؟؟؟؟ معقول الموضوع شيء يتعلق بيه واللا انه خاص بوائل... يعني انه راقبه وعرف انه قد ايه بحب فاطمة رغم انه مو معترف وما حب يزعجه.. انا رح احط علامة سؤال على هيدي النقطة لحتى تشرحيها؟؟؟؟؟

وائل وفاطمة... بحاول كثير ما احكي عليه واشتمه عشان خاطرك.. بس بصراحة حبيت انه لبى رغبة تامي واخذها للرقص وكمان حبيت انه اعتذر وعرفها على اصحابه... بس اللي مزعجني اكثر هو حبيبته السابقة اللي رجعت وكلامها المستفز... انا عارفة ومتاكدة ان وائل ما اعجب فيها لانها كانت شبها بس في نفس الوقت خايفة مشاعره تهتز ويبدا يبعد ويشرحها وبالاخص لما تحدته وخبرته انه مو هو الرجل الاول في حياتها.... تعرفي لو ان وائل صدق هيدا الحكي انا رح اغضب منه كثير... هو سبق انه تاكد انه الرجل الاول بحياتها وبطريقة قاطعة للشك... يعني ليش التردد والشك هلا...
وكمان شيء ثاني مزعجني.. على ما يبدو ان وائل ما انتقم بي من وليد لا انتقم منها كمان... ابعدها عن عيلتها والمنطقة الساكنة فيها ورفض انها ترجع للبلد من جديد... في مثل بقول ان الشعور بالكراهية تجاه شخص يدل انه قادر يؤثر فيك.... معقول هي لسه قادرة تؤثر بوائل وانه رغم كل شيء هو مو قادر يخرجها من حياته...... شو رح تكون ردة فعل فاطمة لما تكتشف انه وائل عمل هيك باخوه وانه انتقام احيانا بكون شنع كثير.... وبالاخص ردة فعلها لما يحاسبها على ماضيها..

مشكورة كثيرة سوسو على الفصل وان شاء الفصل القادم رح احاول اكون موجودة رغم اني بعتذر مسبقا لعدم استطاعتي