|
رد: ذات مُقيّدة حوّل عُنُقِ امْرَأة / بقلمي
اقتباس:
اقتباس:
اقتباس:
أَهْلين و سَهلين بالطَيْبين شفتين شلون..جزء قبل الموعد..هذي عاد لازم تنكتب في التاريخ..لأوَّل مرة الجزء ينزل قبل موعده ما يتأجل >_< يسلمش رَبّي يا جَميلة، مَوْقف مُحَمَّد في الماضي...لا زال لهُ بَقِيَّة..هي تكملة لهذا الموقف..و تكملة لأوّل فَقْد ذات كُتِبَت في الرّواية، إن شاء الله يكون التَّحرر دائم و غير مؤقت.. و هل فعلاً الطَّارِق هُو عَبدالله؟ ههههههه والله عزوز رسمت موقفه في خيالي بشكل مُغاير..بس حَبّيت وصفش لموقفه أكثر.. بس لاننسى إنّه رافض فكرة الزواج نهائياً..معقولة تكون غيداء غيَّرت قراره بهالسرعة؟ أو يمكن في باله شي ثاني غير الخطبة، لاحظوا أسْئِلته البسيطة لأخته شلون كانت *_^ إذا الأمر يتعلق بيوسف..فعلى طول البال بيكون مشغول :( وارد جِدَّا إن يكون محمد اللي اتصلت فيه مَلاك، و مُمكن ما يكون "قَتيل" ترى...... يقولون أول إجابة تجي في بال الطالب وقت الإمتحان هي الإجابة الصَّح، و أنا أقول أول توَقّع يجي في بال قرَّائي هو الصح..فلا تغيرين ظَنّش الأوَّل ^_^ هههههه لا ما تسويها فاتن..هي عندها مُخَطَّط مُغاير. شُكْـــراً من اهني لين عندش،فعلاً شُكْراً الله وحده يعلم بحجم السَّعادة اللي تغمر قَلْبي إذا قرأت تعليقاتش، كوني بخير يا جَميلة، سَلمتِ |
رد: ذات مُقيّدة حوّل عُنُقِ امْرَأة / بقلمي
قرأت البارت متأخر -> تفاجأت مثل أبها انو فيه بارت و قعدت أتأكد من اليوم😂
.. محمد .. الآدمي ذا يلامسني بشكل .. يعني لما أقرأ مواقفه أحس كأني انا اللي أعيشها .. حتى لو كان الموقف هو شغله مع محبوباته السيارات.. آستور .. يا ظالم .. ايش كان اسم محمد أجل في برلين..؟ اذكر انه قد انذكر اسمه بموقف له بس لما كان بروسيا .. صح والا 🤔 .. اممممم كم جلس محمد بروسيا..؟ ، يوسف .. يكون هو اللي بالمكان ..؟ بس أي مكان ذا ..؟ احس انو محمد اللي دخل عليه .. قد ذكرتي قبل انو محمد يحب يشوف ضحاياه اذا مو ملخبطة .. بس هل ممكن يكون المكان هو المختبر حق ابو ملاك ..؟ احس اني احتاج اقرا البارت مرة ثانية ☹ ، عبدالله .. حزنت عليه .. يلقاها من وين والا وين .. بس شو سالفة الهلوسة مدري الوساوس اللي تجي نور .. معقولة يعني انها ام مروة اللي عطت ام عبدالله حبوب تخليها تهلوس..؟ كم كانت فترة سفر عبدالله بالضبط عشان يمدي بلقيس تخلي نور قريبة للوساوس.. و الموقف اللي صار لها مع طلال ..؟ يعني اذا قلنا انها وسوسة منها عشان تأثير الدوا.. بس الموقف من جهة طلال يوضح لنا انو هالشيء صار فعلًا .. طيب و ناصر إيش موقفه من هالشيء ..؟ اذا بلقيس خلت نور توسوس و يمكن ارسلتها بنفسها لطلال واستغلت حبه لنور و عدم مقاومته لها .. و بكذا تصير ادعائاتها بمحلها .. ناصر ليش لسى واقف بصف طلال وهو قرب من بنته ..؟ و فوق كذا متزوجة .. صراحة ما أحد انظلم بالسالفة ذي الا عبدالله .. نور صحيح انظلمت بس انها تاخذ بعض الذنب لأنها تزوجت و بقلبها رجل آخر .. بعدين بلقيس ملاحقتنا بقلة حياها من الماضي للحين 😒 .. اظن لو فكر عبدالله يخطب مروة بتوقف أمه بوجهه .. ، جنان .. ما أدري ليش ما استسغت روحتها لبيت فيصل ومعها جنى بس .. صحيح انه يبقى بيت خالها بس الوضع ماهو مثل قبل .. و فرضًا جنى تبي أبوها تكلمه كالعادة و يجي ياخذها .. كنت أتمنى اعرف حالة فيصل بعد انهياره .. هل يحس بندم لأنه لجئ لجنان ..؟ والا كبريائه و غروره بتمنعه يفكر بالشيء ذا مرة ثانية ..؟ والا يمكن يفكر بجنان بشكل جدي..؟ ، ما أدري مين باقي ما علقت عليه .. فجأة خلص الكلام😂 .. دمتِ بود 💜 .. |
أَهْلين و سَهلين بالطَيْبين
----------- هلا فيچ أكثر يا سمبلنيس ،، الطيب أنتوا أهله يا أهل البحرين و بدون مجاملة لما تنذكر البحرين على طول نذكر الطيب بقولچ سالفة طازجة صارت الاسبوع اللي طاف .. ( بطولها معاچ 😊 ) .. زوج أختي مهتم بالتراث ، و باحث بالأشياء القديمة اللي تخص الخليج ، و زياراته متكرره للبحرين ، هالزيارة كانت أختي معاه حق منطقة المحرق ، كانوا يتمشون في الفريج اللي بيوتهم ما زالوا متمسكين في التصاميم القديمة ، و هو يمشي ويصور و أختي كذلك ، تالي ياتهم حرمة طالعة من أحد البيوت وسألتهم : آمروا تبون شي ؟ تدورون شي ؟ قال لها زوج أختي إنه مهتم بالتراث و كذا . أصرت عليهم يدخلون بيت العايلة اللي كان يصوره و يشوف على راحته .. ( طلع هالبيت بيت العايلة الكبير اللي يتجمعون فيه كل الأهل في المناسبات ، و ما زال يحمل الطابع القديم الممزوج بالحديث و المعطر بطيبة أهل البحرين ) 💞 تصدقين أختي تسولف لنا و أنا الحلق متشقق من الابتسامة ..😍 الموقف بسيط بس ان دل على شي فيدل على قلوبهم البيضا --------------------- شفتين شلون..جزء قبل الموعد..هذي عاد لازم تنكتب في التاريخ..لأوَّل مرة الجزء ينزل قبل موعده ما يتأجل >_< ---------------------- عسى دوم يا سمبلنيس هالعادة ..👏🏼👏🏼👏🏼 ---------------------- مَوْقف مُحَمَّد في الماضي...لا زال لهُ بَقِيَّة..هي تكملة لهذا الموقف..و تكملة لأوّل فَقْد ذات كُتِبَت في الرّواية، إن شاء الله يكون التَّحرر دائم و غير مؤقت.. و هل فعلاً الطَّارِق هُو عَبدالله؟ -------------------- مممم .. ممكن يكون مو عبدالله و حبيتي تلعبين بأعصابنا كالعادة !! هل هو ناصر ؟ بس ناصر عنده مفتاح الشقة 🤔..من يكون ؟ ----------------------- ههههههه والله عزوز رسمت موقفه في خيالي بشكل مُغاير..بس حَبّيت وصفش لموقفه أكثر.. بس لاننسى إنّه رافض فكرة الزواج نهائياً..معقولة تكون غيداء غيَّرت قراره بهالسرعة؟ أو يمكن في باله شي ثاني غير الخطبة، لاحظوا أسْئِلته البسيطة لأخته شلون كانت *_^ ---------------------------- هالاسئلة البسيطة هي اللي الرياييل يسحبون منها الحچي من أهلهم .. ينقال إنها أسئلة بريئة و هي أبعد ما يكون عن البراءة 😇 ------------------------------ إذا الأمر يتعلق بيوسف..فعلى طول البال بيكون مشغول :( وارد جِدَّا إن يكون محمد اللي اتصلت فيه مَلاك، و مُمكن ما يكون "قَتيل" ترى...... ----------------------------- يعني يوسف مصاب ؟؟ الحمد لله طمنتينا مو قتيل 😁 ----------------------------- يقولون أول إجابة تجي في بال الطالب وقت الإمتحان هي الإجابة الصَّح، و أنا أقول أول توَقّع يجي في بال قرَّائي هو الصح..فلا تغيرين .. ------------------ يعني محمد هو اللي دخل المكان ؟؟؟🤔 ------- شكرا يا مبدعتنا و بانتظارك باذن الله |
رد: ذات مُقيّدة حوّل عُنُقِ امْرَأة / بقلمي
تذكرت عبدالعزيز .. ما أدري ليش بس جاني احساس إنه يبي يشوف حب
غادة لعمار أكثر .. يمكن يبي يتأكد من غيظه قبل لما قالت له أمه هالشيء.. ، .. |
رد: ذات مُقيّدة حوّل عُنُقِ امْرَأة / بقلمي
السَّلام عليكم و رَحْمة الله وبَركاته مَساء الحُب جَميلاتي، بس حبّيت أخبركم، إن شاء الله إذا أنهيت الجزء بنزله لكم..فلا تنتظرون يوم مُعيّن، و إن شاء الله ما يتأخر، قَرأت تعليقاتكم..شُكْراً للجميع..على راسي والله كل التعليقات، تسعدوني دائماً بلُطْفكم و طيبة قلوبكم..مُمتنة للرواية اللي عرفتني على أرواح بَيضاء كأرواحكم، إن شاء الله برجع للتعقيب عليها في وقت لاحِق. نلتقي بإذنه تعالى، |
| الساعة الآن 06:10 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية