(( بيت ابو سعود .. الساعة 8ونص ))

فامت دلع من النوم بسرعة .. فكرت امس كثير لدرجة انها قررت تروح اليوم الجامعة بدري قبل ما تشوفها ام سعود .. لبست ملابسها ومشطت شعرها .. ولبست عبايتها وكلمت السواق ..

دلع : من اليوم ورايح لازم اعتمد على نفسي مو على خالتي ولا سعود ولا أي احد ثاني .. ولا ما بقدر اكمل هالحياة ....
طلعت من غرفتها ومشت ف الممر وهي تتلفت يمين يسار .. تخاف ام سعود تشوفها .. نزلت على الدرج شوي شوي بدون ما تطلع صوت .. الصالة تحت كانت مظلمة .. مشيت شوي شوي بدون ما تطلع صوت .. ولما وصلت عند الباب .. فتحته ..

الا وبمسكة ام سعود لها : وين رايحة يالحيوانة ..؟؟ انا ما قلت لك مافي طلعة ...؟!؟!؟!؟ ها.!.!؟!؟!
دلع : خالتي تكفين خليني اروح الجامعة .. واللي يعافيك ..!!
ام سعود : بعد لك وجه تدرسين ..؟؟؟ لا وتتكلمين بعد ..؟؟ تتخلخل عظامك انشالله ..
دلع صاحت : بليز الله يخليك يا رب خليني اروح .. خالتي يكفيني الايام اللي غبتها .. خليني اخلص هالكورس ع الاقل ..
ام سعود بصرامة وقسوة : مافي .. والحين يا قليلة الحيا .. بتجين معاي .. ورانا شغل
والجامعة هذي .. تحلمين تطبينها وتدخلها رجولك من جديد .. ناوية اخرب بنات الناس انا ..؟!؟!!؟

___________________________________

(( في مؤسسة تاجير السيارات ))

( الساعة 12 الظهر )

كان ثامر قاعد ع المكتب الصغير حقه ويشرب شاهي ليبتون .. ويطالع التلفزيون ...
الا ويدخل واحد من المستاجرين المحل .. واحد شباب حاله حال ثامر ..

الرجال : السلام ..
ثامر : وعليكم السلام والرحمة ..
الرجال: عندكم سيارات ..؟؟
ثامر : ما تطالع السيارت اللي برى وشو..؟؟
الرجال ابتسم : خخخخ تنكت حضرتك ..؟
ثامر : اقول انت ووجهك اخلص قول أي سيارة تبغى .. ادفع وتوكل ..
الرجال : عندكم ددسن ...؟؟
ثامر : اففف .. انت ما تطالع ولا اعمى ..؟؟ ما عندنا غير كورولا .. وسيفيك .. ولانسر ..
الرجال : طيب عندكم سيارة للبيع ..؟؟
ثامر عصب : ياخي انت من وين جاي..؟؟ اقولك مؤسسة تاجير .. جاي تستعبط انت ..؟
الرجال بضحكة : طيب انت ليش حارق اعصابك ومعصب .. اضحك يا شيخ .. توك صغير على التكشير
ثامر : والله كنت اضحك قبل لا اشوف شكلك واتنكد ...!!!! ومين انت عشان تجي تعلمني الضحك ..؟؟
الرجال عصب وجا بيطلع : انت شكلك ما تبغى تاجر الناس .. تبغى تضيق صدورهم وبس ...!! سلام ...

طلع الرجال من المحل .. ورجع ثامر للتلفزيون .. الشي الوحيد اللي يسليه ف الدوام ..


___________________________________
(( ف الكويت ... ))

( نفس الوقت )

كان احمد وعوض قاعدين يفرون وياخذون لهم آخر جولة بالمجمع ويشوفون وش ناقصهم ...
احمد : خلااص ..؟؟؟ اخذت كل شي ... ؟؟
عوض : أي .. بس بقى شي واحد ..
احمد : وشوو .. ؟؟
عوض : لحظة

راح عوض .. وبعد 5 دقايق رجع ..

احمد : ها وين رحت ...؟
عوض طلع علبة من الكيس : اشتريت جوال جديد لاختي .. جوالها تكسر من كثر ما ترميه وتلعب فيه ..
احمد : توك من شهرين مشتريلها جوال ... وين راح ..؟؟
عوض : الله يرحمه .. كان جوال ممتاز .. بس اختي القردة كسرت امن جابته ..
احمد : هههههههه اختك هذي ..
عوض : كم الساعة ..؟؟
احمد : 12 وربع ..
عوض : خلاص شوف ... انا ميبت جوع .. نتغدى ونمسك الطريق رجعة
احمد : اوكي .. بس نودي الاغراض السيارة اول ..

___________________________________

(( سيارة خالد ))

( الساعة 1 الظهر )

خالد : انت وش تقول .........!؟؟!؟!؟!
سعود تنهد : اللي سمعته ..

خالد سكت .. مو عارف وش يقول ..

خالد : عندي حل ..
سعود : وشو..؟؟
خالد : هو حل واحد مافي غيره ...
سعود : طيب قول .. والله ضميري عورني يوم صاحت قدامي امس .. بس بصراحة طلبها غير معقول .. وش اسوي اروح اقول لامي انا ابو الولد ..!؟!؟ والله بروح فيها ..
خالد : عشان كذا انا اقولك .. هالحل يمكن يطلعك انت وياها من المشكلة .. بس يبغالك وقت وصبر
سعود : طيب قول ....
خالد : تتزوجها ....................!!!
سعود نقز : خيييييييييييير .............!؟!؟؟!!
خالد : مثل ما سمعت ... هذا هو الحل الوحيد ..
سعود : صاحي انت ..؟؟ انا اخذ وحدة زيها ..؟؟ لا حبيبي .. وبعدين مين قالك ابغى اتزوج الحين ........؟!؟!؟!
خالد : يا سعود هذي وفكر بالموضوع .. البنت ترى ما بتتحمل ويمكن تقول لامك قريب .. لازم تتصرف ...!! وتحط هالشي في بالك ..
سعود بضيق : هذا اللي كان ناقصني .. آخذ وحدة ما ابغاها ..

___________________________________

(( العصر في بيت ابو سعود ))

( الساعة 5 )

الكل بعد الغدا راح ينام ويرتاح .. الا دلع اللي بدت جولة أشغالها من جديد .. تنظيف المطبخ ومسح الصالة والدرج ..

كانت تعبانة مرة لانه من الصباح وهي تشتغل .. نظفت الدور اللي فوق كامل .. والحين جا الدور على اللي تحت ..

مسكت دلع بطنها .. حست بالم خفيف .. خافت .. الا خافت مررة ..

دلع : الله يحفظ يارب .. انشالله ما يصيرلك شي .. انا بنفسي اضمن لك هالشي ..

دخلت ام سعود : ها يا حيوانة ...... خلصتي غسيل الصحون ....؟؟
دلع بدون ما تلتفت : لأ .. باقي شوي ..

سكرت ام سعود الباب ........

ام سعود : وانتي حضرتك ليش قالبة وجهك ......؟؟

دلع سكتت .. لو قالت أي كلمة بتقلب ام سعود الموضوع عليها ..

ام سعود : شوفي .. انا ابغى اتفق معاك اتفاق ..

سكتت دلع تترقب ام سعود تتكلم ...

ام سعود : قوليلي مين الابو وكيف عرفتيه ووين شفتيه .. وانا بخف عليك واخليك تنزلين هالولد بسرعة .. بدون اشغال وتعب ..

سكرت دلع عيونها بالم .. ما تقدر تتكلم .. وبنفس الوقت ما تبغى تخسر ولدها ..

دلع : ف الحالتين بخسر ولدي.....!!
ام سعود : تراني للحين معطيتك وجه .. يا تقولين القصة .. يا بتشوفين مني شي ما شفتيه .....
دلع : .................. لاتعليق

ام سعود اخذت نفس : خلصي شغلك .. بعدين اطلعي بتنظفين الحوش وتمسحين الشبابيك .. عشان مرة ثانية تعرفين شلون تعانديني .. !!!!

___________________________________

(( الساعة 6 المغرب .. ))

( على طريق الكويت والسعودية )

الجو كان مغبر مرة .. والرمل يطير ف كل مكان .. ومغطي نص الشارع ..

احمد نزل القزاز : عوووووووووووووض .......!!
عوض انتبه ونزل قزازته : هااااااااااا.....؟
احمد : على حظنا الجو يقررف
عوض : أي والله يجيب المرض هالجو ..
احمد : انتبه على الطريق
عوض ابتسم وهو يسكر القزاز : لا توصي

شوي الا انتبه احمد انه عوض يسوي حركات غريبة .. وبعد كم ثانية استوعب انه خويه مندمج مع الاغاني ويرقص ...

احمد : ههههههههههه خبل .......!!!


___________________________________

(( بيت ابو سعود ))

( الساعة 7 )

كانت لينا تكلم صديقتها نور على التليفون ...

لينا متحمسة ومستانسة : قولي والله ........؟!؟!!؟
نور : والله العظيم ....
لينا : مين قال لكم
نور : المراقبة اليوم آخر الدوام يوم رحتي قالت لنا ...
لينا : عطتكم خطابات .......؟؟
نور : لأ .. بس تعطينا خبر يعني
لينا : حمستيني .. اقول .. انا الحين بسكر .. يللا باي
نور : باي

سكرت لينا متحمسة وطلعت تقول لدلع الخبر الحلو .. راحت غرفة دلع بس ما حصلت .. وبالتالي نزلت تحت ...

لينا تمشي ف الدور اللي تحت : دلع ... يا دلووووعة.. بقولك شي وينك .....؟؟؟

دخلت ام سعود اللي كانت ف الحوش معصبة : نعم .. خير .. وش هالصراخ ...؟؟
مدت لينا بوزها : يما الحين انتي نقص سمعك ..؟؟ انا انادي دلع ما ناديتك ....!!!
ام سعود فتح عيونها الثنتين : انتي شتقولين ..؟؟ انا امك يا قليلة الادب .. يللي ما تربيتي .... انا اوريك .. طيب يا لينا والله لا تندمين على الكلمة اللي قلتيها ..
لينا : اففففف .. خلصتي..؟؟

تركت ام سعود ومشت للباب .. ويوم طلعت خطوة انصدمت .. ما قدرت تتكلم ...

لينا باستغراب : دلع .... ليش قاعدة تمسحين الشبابيك ..؟؟ كل هذا زهق ؟؟

دلع سكتت ونزل راسها ...

ام سعود جات : انتي وش تبين منها ...؟؟؟ ها .. خليها تخلص شغلها ..
لينا ماهي فاهمة : ليش..؟؟ خلي الخدامات بنظفون الشبابيك .. ليش دلع ..؟
ام سعود بصرامة : ادخلي داخل وبلا لقافة يا لينا احنلك ..
لينا بعناد : ماني داخلة .. فهموني وش السالفة .. والا والله لا اعلم ابوي ..

سكتوا ام سعود ودلع .. توهم يكتشوفن انه لينا تهدد ...

لينا : دلع .. شعندك تنظفين الشبابيك ..؟؟ امي غصبتك ..؟؟ اذا امي غصبتك ترى اعلم ابو يوهو بيقول لها انها اذا هي ما تبغى الخدامات بنظفونها .. خليها تنظفهم بنفسه ........

ما كملت كلامها لانه جاها كف حار من ام سعود .. خلاها تطير مترين ..

ام سعود : قسم بالله يا بنت ابوك .. يا تحترمين نفسك .. يا تحملي اللي بيجيك . انا ماني شغالة عندك تهزءين فيني وتتظنزين علي .. فاهمة ...؟؟
لينا وهي تركض لغرفتها : ماني فاهمة .. وولا عمري بفهم ليش انخلقتي ...؟؟

راحل لينا وبقت ام سعود تحط حرتها ف دلع .....

شوي الا يطلع سعود ويشوف اللي يصير ...

سعود خايف : ا .. مسا الخير
ام سعود : وانت رايح على وين ..؟؟
سعود : ا.. ب ... بروح مواعد ربعي ....
ام سعود : وكم يوم بتنام هناك ....؟؟؟؟
سعود : ماني نايم برجع ...
ام سعود : مافي طلعة اليوم اقعد ..
سعود خاف زيادة : يما مواعد الشباب شلون يعني ..؟؟؟
ام سعود زهقت : خلاص انقلع الله لا يردك ...
سعود " استغفر الله .. من زين الاخلاق بس !! " : مع السلامة ..

وراح ركب سيارته ومشى ..

اما دلع حزت بقلبها اللامبالاة حقت سعود .. اللي يتصرف وكانه ماله ذنب ف السالفة ومرتاح ع الآخر بينما هي تعاني وتعاني ....

___________________________________