منتديات ليلاس - (موضوع حصري) فنجال قهوة

السلااام عليكم

صبحكم الله بالخيييير ..

حيااكم الله على قهوه النووري ..

http://www.liilas.com/up/uploads/liilas_13069887641.jpg

- متى اول مره شربت قهوة ؟
من صغر سني وأنا في هوااك هاايم

2-مانوعك المفضل
قهوة عربي تركي سودا الخ حدد النوع ؟
قهوه عربيه 100%

http://www.liilas.com/up/uploads/liilas_13069898651.jpg

3-اذا كانت القهوه عربيه ماهي اضافتك لها ؟
زله على وضحا بها خمسة ارناق
هيل ومسمار بالاسباب مسحوق
مع زعفران والشمطري إلى انساق
والعنبر الغالي على الطاق مطبوق

4-متى تشرب القهوة ؟
صباحك سالفة سكر ذايب في حلاها السرد
يّذوب ( مُر ) فنجالك وتهنى ليّ الشُربه

http://www.liilas.com/up/uploads/liilas_13069887642.jpg

5-هل انت مدمن قهوة ؟
أنا اشهد أني في محبتك أدمنت ...
وعن حبك لو غبت ماني
بتايب..
أنت الوحيد إلي من بقلبي تمكنت..
وماني ناسي حبك لو الرأس
شايب..

6-هل تحب ان يرافق القهوة صنف من الحلو ؟

حديث خلي مثل لون المجلّي .......وحديث غيره مثل لون الادهميه ..
>>المجلي والادهميه نوع من انواع التمر

http://www.liilas.com/up/uploads/liilas_13069887643.jpg

7-متى تشعر انك بحاجه الى فنجال قهوة ؟
الى ضاق صدري قمـت لـم الدلالـي
شبيـت نـاره يـوم عنـي الكـرى غــاب

8-هل تحمص القهوة في البيت ام تشتريها من محمصه جاهزه ؟
احمس ثلاث يا نديمي على ساق
ريحه على جمر الغضى يفضح السوق
واياك والنيه وبالك والاحراق
واصحا تصير بحمسة البن مطفوق

9-كم فنجال قهوة تشرب في اليوم
صبيت لحنيف خمسه عشر فجاال لوه يروي قربه قد ملاهاا ..>>ههههههه

10-ضع لنا طريقتك في صنع القهوة ايا كان نوعها
لقم بدله مولع كنها ساق
مصبوبة مربوبة تقل غرنوق
خله تفوح وراعي الكيف يشتاق
الى طفح له جوهر صح له ذوق

11-اخيرا لو منعت من القهوة يوما ما لا سمح الله بسبب
ارتفاع الضغط هل ستمتنع بكل صراحه ؟؟

اللي بغيته ياهلى مابغيتوه................واللي تبون النفس عيت تريده..
وان كان قلبي في هوى القهوة هنتوه........لعيش انا وياها دنيا زهيده..
حبل الوصل بيني وبينه قطعتوه............وأفعالكم هذي تراها عنيده..
ياشيب عيني يوم قلبي منها حرمتوه...........عزي لقلبن كل همن يزيده

12-اذكر لنا موقف طريف مع القهوة او بسبب القهو ة
نجي للموقف بصرااحه انا مدمنه درجة أولى والدليل اني لما اصووم ..خلاااص احس رااسي بينفجر ومن اشم ريحه القهوه تغلي على الناار تتحسن الحااله ههههه

احد المواقف اللي صارت لي بسبب قهوه >>وياكثرهاا
في رحله الحج الله يعيدهاا ..
طلعنا من المطاار الصبح >>طبعاا ماأمداني اصبح على معشوقتي ههه
ومن مطار الرياض لمطاار جده اخبره ساعه بس تعرفون الالتزاام بالمواعيد شيي ثااني في مطاراتنا ..المهم مالكم بالطويله ..وصلناا لمطار جده المغرب ..كل هذاا وانا ماشربت قهوه من أمس... بس وجباات خفيفه ..
المهم >>ام المهماات هههههه
استقليناا بااص لمنى .. طبعاا راسي كان كل شوي يرسل ذبذباات انذاار ..تقول ويييين المنبه ..>>تقولون حشيش مو قهوه ههههههههه
ومن ركبناا الباص واستقر الحاال ..خلااااص زااد الالم بشكل فضيييع لدرجه اخذت اضرب راسي بالمرتبه اللي قداامي ..مو قاادره اتحمل ..اقول لبنت عموو راسي راح ينفجر تقول هذا الادماان بعينه ..وكاانت وراناا وحده من سمعت صوتي أتألم قاالت اعطيك حبتين بناادول تراها زينه للراس ؟؟
قلت هااتي عشر بس ماراح تفيد ابي قهووووووه >>تقول بنت عموو فضحتينااااا
وأول ماوصلناا لمكاان الحمله ..على طوووووول طلبت قهوووووووووه ومن أول فنجااان راح الالم ..ههههههههههههههههه
مشكلتي إني على حبك ادمنت!
وتوته توته خلصت الحتوووته ..ههههههههههه

واخيرااهذي القصيده هديه لكل عشااق القهوة ..

يا ما حلى الجلسة على حافة النار
مع دلة جنب المعاميـل صفـرا

يخلط لها من صافي البن وبهـار
والعنبر الهندي مع الكيف يبـرى

مع ربعة بين المجالس لهم كـار
الكل عـن ذكـر المناقيـد يـدرا

ما بين حلوات السوالف والاذكار
على مسيل طامـي قـاع خبـرا

في مربع بين الخزامى والازهار
لافاح ريحه تلقى الارواح سكرى

الارض خضرا والمداعيث نـوار
والجو غيم وهامي الطـل يـذرى

فيه الزبيدي شالع شـق الاستـار
صلع مفاريع على جـال مجـرى

تسمع على غدرانها سجع الاطيار
الصبح دايم وساري الليـل قمـرا

يا صورة ما تمحي عبر الافكـار
تبقى على ساعاة الايـام ذكـرى

ام رنوو السموووحه قلبنااهاا خيمه شعر ..
الحمد لله بوحه مو هناا >>فيس خايف من مكرر ينقل للارشيف ههههههه

ام رنــــــــاا
كل الشكر لك يالغاليه على الموضوع الروووعه ..
واللي كشف لناا عدد المدمنين بالمنتدى هههه انا اقترح على الادااره تسوي لنا عيااده لمعالجه ادماان الاعضاء ..ههههههههههه

والسمووحه على التأخير ..>>الاتصاال كان حاائل بيني وبينكم ..
وسلامتكم من كل ادمااااااان ..

.
.
.