|
يعطيك العافيه نسومه
بس صراحه مايستاهل تركي مسيكين تعذب ماتسوى عليه المقرود الي طاح بيد شوق وركان منى ياعمري عليها خيره لك والله يعوضك ان شاء الله صراحه سيف وسميه حرف السين اذا تجمع بيصير اعسار قصدي اعصار الله يعينهم على بعض متحمسه لصقر وساره احسهم بيصيرون ثنائي كيوت هو بطيبته وهي بنعومتها وجاذبيتها ونيتها الطيبه وفقرها للحنان نوف ياعمري عليها فقد الاهل والعزوه والتغرب عن الوطن صارت مشتته ومخربطه ولا تقدر تاخذ قرار صح ننتر بارت بكرا بحماس |
لقائنا باذن الله الليله متاخر من عشر ووراء اختكم نسايم نجد |
حبيت اوضح شغله ( تركي متوقع المربيه هي زوجة ناصر لما صادها مع وائل لانه شاف طيفها بالظلام تشبه الصوره المرسومه بذهنه عن زوجة اخوه وكل الي صار تمثليه من زوجة اخوه يعني ما شك ولا و1% ان حبيبته لها أي دخل بزوجة ناصر توقعها تقرب للمحاميه و جت هناك صدفه وسالفة انها تتغطى وتلبس عبايه هذي مستحيله وبالاجزاء الجايه بيتوضح ولائها وحبها لفرنسا شرت بالمطار العلم الفرنسي يعني هي سعوديه بالاسم ولو بكيفها حتى الاسم تنازلت عنه والغوالي الي كاسر خاطرهم تركي اقولهم جعل ماينكسر قلبكم على غالي يستاهل ماجاه وهذي بلوه من ربي انه كره وحده مالها ذنب وربي بلاها بحبها للحين ماشفتو شي من فعايله بنوف زوجة اخوه والغوالي الي تعلقو بالروايه وخايفين اني ما كملها سبق ووعدتكم بتكملتها الا اذا جاء ظرف اقوى مني يجبرني ماكملها حطو مليون خط على كلمة يجبرني ممكن اتاخر يوم بانزال الروايه لاني مثل ماتعرفون ربة بيت وام وبدون شغاله يعني احيان يجي علي ضغط يظطرني اجل البارت ومتاكده بتعذروني مثل مانتم متحمسين لتكمله يشهد علي ربي اني متحمسه اكثر منكم الرجاء عدم طمر السطورررر البارت الثالث والخمسون عند نوف طلعت برى المكتب بخطوات سريعه وتنفسها يزود من الخوف صارت تلتف وراها خايفه انه يلحقها فتحت شنطتها واخذت جوالها واتصلت على السواق طلبت منه يوقف عند الباب طلعت لقت السياره واقفه ركبت بسرعه وتنهدت براحه / امش شريف وحطت يدها على قلبها الي كانت دقاته سريعها بصوت عالي / الله ياخذك الله ياخذك صدق وقح وسافل يحسبني من صايعاته السواق بخوف / مدام يكلم انا نوف بعصبيه / امش وانت ساكت شريف / وين فيه يروح شوفت تركي كرهتها ترجع لشركه وبضيقه / ارجع البيت نوف في نفسها / سبحان الله سالم يختلف عن ناصر وتركي بالطبع والشكل شوفته تشيل الخوف من القلب وبضيقه / يوم قربت اقول له يطلع لي هالتركي حسبي الله عليه سندت ظهررها على وراء وغمضت عيونها عند تركي تمدد على الكنبه وغطى وجهه بغترته وداخله حرقه لو طلعت حرقت كل شي حوله تذكر شكلها كانت احلى من فرنسا شكلهاا عذاب ومدمر انتبه لشغلة فز مقروص تركي بعصبيه وقهر / شافها سالم وهي كاشفه شافها بجمالها الي ذبحني وبصراخ / لييييييييييييييييييييييييييه ما لبست عبايه و تغطت دخل عليه السكرتير وشكله خايف / وش فيك استاذ تركي تركي بعصبيه وبصراخ / اذلفففففففففففف ولا والله لدفنك محلك السكرتير خاف وطلع بسرعه تركي بقهر / اكيد هالكلب شافها يويلي من الغيره الي بتذبحني ما يكفيني بموت من زوجها وبصراخ / الا زوجهااااااااااااا الحمار شلون يخليها تطلع بهالشكل والله لو انها زوجتي وملكي لحطها بقفص ما يشوفها غيري ( نسومه تقول كفوووو قول وفعل ) دخل سالم وبعصبيه / وش عند صراخك واصل لاخر الشركه التفت وعيونه على اخوه ويتمنى انها طلعت قبل لا يشوفها سالم سالم دخل وسكر الباب وراه وجلس بمكتبه سالم بستغراب / وش فيك اطالعني بهالنظره كاني ذابح لك احد وقف تركي وجلس مقابل اخو وبحرقه / منهي البنت الي كانت بمكتبك سالم خاف ان اخوه فاهمه غلط سالم بثقه / لا تفهم غلط البنت اول مره اشوفها ومستغرب انها طلعت قبل لا تقولي سالفتها تركي بحرقه ومن بين اسنانه / يعني شفتهاااااااا وتكلمت معها سالم بجديه / ايه جلسنا نسولف نص ساعه فقد تركي اعصابه وبصوت عالي / نصصصص ساعه لحالكم سالم بعصبيه / قصر صوتك وما يحتاج العصبيه تعرفني ماني براعي خرابيط البنت دخلت وقالت تبيني بموضوع ضروري تبيني اطرها تركي حاول يمسك اعصابه / وش موضوعها الضروري سالم بابتسامه / تدري كانت مصره تحضر الاجتماع ناويه على نفسها تركي بعصبيه / بعد هذا الناقصصصص سالم وبجديه / تقول لها اكبر حصه بشركتها وخايفه نسرقها تركي بقق عيونه بصدمه / لها اكبر حصه بشركتنا شلون سالم بجديه / هذا الي بتقوله لي بعد ماخلص الاجتماع جيت لقيتك مكانها وبابتسامه / وش صار بينكم تركي بارتباك / وش بيصير بينا سالم بجديه / البنت فتنه وعليها جمال ماقد شافت عيني مثله اذا انا المتزوج لو لا خوفي من ربي يمكن تعديت حدودي معها شلون وانت عزابي كلام سالم سكين انغرست بقلبه اخوه يوصف حبيته قدامه تركي سكر عيونها وبحرقه / لا تكمل الله يخليك سالم بصدمه / ليش مقلوبه حالك لو ماني بعارفك قلت انك عاشقها والي فيك غيره تركي في نفسه / الظاهر صرت مفضوح للكل وهي ربي عمها عن عشقي الي بيدخلني قبري تركي بتهرب / ماقلت شلون لها اكبر حصه بشركتنا سالم وعيونه تتفحص اخوه / مدرري مصيرها بتجي وبعرف منها المعروف ان اكبر حصه لناصر ومن بعده صارت لزوجته يمكن ام سالم بايعه نصيبها للبنت تركي بنفسه / يالييييييييييييييت على الاقل يربطني فيها نصيبها بالشركه وتكون الحسنه الوحيده لصايعه سالم بجديه / وش فيك تهوجس تركي بتنهيده وبرجاء / اذا جتك مره ثانيه لا تستقبله سالم بعصبيه / وليه ان شاء الله من متى ارد الي يجيني وبعدين لازم اعرف سالفتها نزل تركي عيونه برجاء / اذا لي خاطر عندك لا تشوفها سالم بجديه / ممكن تفهمني ليش لو اني ماني بعارفك قلت انك هاويها وغيران عليها وقف تركي وباختناق / افهم الي تفهمه لكن امانه لا تشوفها وطلع من مكتب اخوه ما انتظر رده وداخله ضيقه تهد جبال وسالم انصدم من حال تركي سالم في نفسه / لا والله حالتك ماهي عاجبتني الظاهر العزوبيه خلتك تحب زول حرمه مالي الا الحق عليك مدام السالفه في بدايتها قبل لا تزود وبتفكير / والي مثلها من بيقدر ينساه جمالها هزك يا تركي الثقيل العاقل وبجديه / من الي ارسلها علينا بهاليوم وحاستنا هذي حرام ما تتغطى اكيد بيصر ضحاياها واجد عند نوف وصلت لبيت مها وانزلت وهي متضايقه دقت الجرس فتحت لها الشغاله دخلت الصاله والضيقه مرسومه على وجها وقفت مها خايفه من وجه صديقته مها بخوف / طردك نوف قربت وجلست ورمت حجابها بعصبيه / وانا تكلمت معه علشان يطردني كله من اخوه الزفت نحشني من الشركه رجعت مها لمكانها وجلست وبابتسامه / قايله لك بيروح فيها المغرور وانتي طالعة له بالوردي وغمزت لها / زين انك رجعتي بدون اصابات نوف بعصبيه / الله ياخذه وقح حقير يحسبني من صايعته لا ويقولون جالس بدون زواج راعي خربيط متاكد لو تزوج بينكشف مها بابتسامه / الرجال واضح انه ثقيل واذا شافك انحاس وبخبث / المره الي فاتت انقذتك منه هالمره اكيد باسك ولا حضنك نوف اخذت المخده ورمتها على صديقتها وبعصبيه / الي مايستحي داخل الشركه سكران مها بصدمه / يشرب نوف بجديه / واضح من شكله ونظرته مو طبيعه وتصرفاته الغير محسوبه يمكن لو باقيه دقيقه قدامه ضيعني ولا همه انه بمكتب اخوه ماضنتي تصرقه تصرف واحد بعقله مها بسخريه / طلعتي عبقرية زمانك فهمتي نظراته اقص يدي اذا فهمتي شيئ تاليتها طلعتيه سكران نوف بعصبيه / لا تغثيني فيه تراني على ذمة رجال والي تقولينه ما يجوز مها بسخريه / ياهرجال وبجديه / لو تبين الجد لو خيروني بين تركي وبين زوجك الشايب اخترت لك تركي حرام تدفنين جمالك وشبابك مع شايب نوف بعصبيه / ما تلاحظين صار ماعندك سيرها الا هالسيره متى اروح لبيتي وارحم نفسي من كلامك وبصراخ / حطيها براسك بضاحي او بدونه ترررررركي الزفت اخر واحد افكر فيه ما صدقت ناصر يموت تبيني اجيب لي ناصر ثاني تبيني بعد ما حسيت بالحريه ارجع للعبوديه من جديد عند سميه صحاها صوت مسج اخذت جوالها من تحت المخده شافت الساعه 7 كانت على نومتها ماصلت الفجر دخلت الحمام توضت وبسطت نقابها وصلت وبعد قتحت رساله كانت من خيريه لها اخوين الكبير صقر رقم جواله 05555555555 والصغير عبد الله رقم جواله 066666666 قررت تاجيل اتصالها فيهم لين تطيب جروح صديقتها وبالحقيقه خايفه على اخوها من اخوان منى رفعت جوالها واتصلت على خيريه سميه بجديه / السلام خيريه بجديه / وعليكم السلام جتك الرساله سميه بضيقه / كنت حريصه اكلم اهلها لكن لما وصلني الرقم خفت خيريه بصدمه / ليش تخافين سميه بضيقه / نسيتي ان الي دهور حالتها تصرف اخوي خيريه بعصبيه / لتقولين منتي بمتصله خافي ربك تلقين اهلها يبكونها سميه بضيقه / بكلمهم لكن بعد ما تطيب جروحها خيريه بعصبيه / اذا ما تصلتي اتصلت عليهم سميه بضيقه / ياليت تتصلين وتشيلين عني الهم خيريه بجديه / لرجعت للبيت قلت لابو محمد يتصل على اخوها ويقول له عن اخته سميه بضيقه / ماتقصرين خيريه بجديه/ يله مع السلامه لطلعت من مكتبي مريتك سميه / مع السلامه قربت من صديقتها كانت على نفس وضعها الاجهزه حولها جلست على الكرسي وحطت يدها على جبهة منى وصارت تقر وادعي لها عند ماجد كان نايم وهو جالس وسيف منسدح على الكراسي فتح سيف عيونه وجلس وظهره متكسر من نومته على الكراسي شاف صديقه نايم جالس سيف بتعب / ماجد قوم فتح ماجد عيونه / كم ساعتك سيف طالع بساعه وبتعب / 7 بنطول على التعذيب هذا ماجد يطقطق رقبته / تبيني اترك سميه لحالها سيف بسخريه / ما تقدر تترك اختك وتارك بناتك ماجد كانه نايم و احد صحاه شلون نسى بناته في بيت سميه وقف وبضيقه / اعوذ بالله من ابليس شلون نسيت بناتي وقف سيف بجديه / امش بنشتري لهم فطور يمكن من امس ماكلن ماجد بضيقه / عندهم شغالتهم اكيد اكلتهم طلعو من المستشفى مرو مطعم وشرو فطور ووصلو لبيت سميه دخلو البيت وتفاجئ سيف بالذوق الانثوي الراقي صار يلتفت وكل مالتفت طاحت عينه على صوره او تحفه اعجبته سيف باعجاب / على ان الفله صغيره لكن كل مكان فيها مستغل بمهاره وابداع ماجد بابتسامه / كله ذوق سميه وهي مصممه بيتها سيف بصدمه / مصممته توقع انها مستعينه بمصمم ديكور ماجد وهو يحط الاكل بالمطبخ / الي ما تعرفه ان سميه خريجة ديكور سيف وهو يطالع المطبخ بانبهار / ايه كل شي في بيتها يغصبه يتامله طلب ماجد من الشغاله تجهز الفطور له وكان البنات نايمات حطت الاكل على طاولة الطعام المحطوطه بركن المطبخ حتى طاولة الطعام الاكسسوارت الي فوقها تشغلك عن الاكل سيف باعجاب / صراحه ما توقعت يطلع من اختك كل هالذوق ماجد وهو ياكل / اذا تزوجتها كل يوم بتعرف شي جديد عنها وبتتفاجئ منه سيف شرب الحليب بدون مايرد عند ركان استلم وظيفته الجديه وحمد ربه انه يعرف المسئول وكان متفهم وعطاه ورقة توظيف باسم شوق وباسم ساره طلع من مكتبه الساعه 8 ونص وركب السياره وهو مبسوط فتح درج السياره وحط الملف بداخله بعدها اعتدل وتصل على جوال صديقه يبيه يفرح لفرحته لكن مافي رد ركان بقلق / اكيد فيك شي ياصقر ولا مستحيل تشوف رقمي وماترد رجع واتصل عند صقر بعد ماطلع ضاحي ركب سيارته وصار يدور على اخته بالمستشفيات لكن مافي امل سمع صوت جواله متاكد انه صديقه مارد لكن بالاتصال الثاني ماطاوعه قلبه يطنشه صقر وبصوت مبحوح / اهلين ركان ركان انتبه على صوت صديقه وبقلق / صقر وش فيه صوتك صقر بكذب / من امس والحراره طارحتني وماشوف منها ركان بخوف / ابوي لا ينعدي منك ما يتحمل صقر بصوت مبحوح / من خوفي انه ينعدي ارسلته لك مع عبدالله ركان براحه / ما قصرت وبعدين لا تهمل نفسك روح للمستشفى صقر بصوت مبحوح / انت قول وش صار معك ركان بفرح / ابشرك وافق تركي وتمت الشوفه وربك سهلها وورقة توظيفها مع عمتها معي وباذت الله بعد ماتخلص الفحوصات بنملك على طول صقر بجديه / الله يتمم لك ركان بفرح / ما تتخيل وش كثر فرحتي كنت اتمنى انك معي ونفرح سوى صقر بصوت مبحوح / وانا اقدر افوت ملكتك بكره عندك ركان بجديه / وصلت المستشفى اكلمك لطلعت صقر بجديه / الله معك عند ركان انهى اتصاله من صديقه ركان في نفسه / الحين ماعندك عذر ترفضين او تاجلين الزواج ومهرك ومعي وقف سيارته عند المستشفى رفع جواله واتصل على تركي عند تركي كان يفرفر بسيارته بدون هدف ماله خلق يشوف احد او يكلم احد سمع صوت جواله الي حاطه جنبه التفت عليه شاف رقم ركان رفعه ورد عليه تركي بضيقه / هلا ركان ركان بجديه / وينك فيه انا عند باب المستشفى تركي بضيقه / طالع لشوق الجامعه بطلعها وبنجيك ركان بجديه / انتظركم بندخل سوا تركي بضيقه / طيب قفل من ركان واتصل على شوق عند شوق جالسه مع ساره تشرب عصير بكفتريا الجامعه سمعت صوت الجوال فتحت شنطتها واخذته شافت رقم عمها رفعته سمعت صوت عمها تركي بجديه / اطلعي انتظرك عن باب الجامعه شوق بجديه / باقي نص ساعه على 9 تركي بعصبيه / لا تجادليني وطلعي وقفل بوجه شوق ساره بتبتسامه / من وجهك واضح انه قفل بوجهك وقفت شوق وطلعت عباتها من شنطتها وبضيقه / شكله معصب والله عمي له بكل ساعه حال ساره بمزح / اطلعي له لا يدحل علينا يسحبك شوق وهي تلبس نقابها وبابتسامه / الحمد لله ممنوع دخول الرجال ولا عمي بيسويها وماهمه احد مشت قدام ساره وطلعت من الجامعه شافت عمها واقف مقابل الباب مشت بخطوات سريعه وفتحت الباب وجلست شوق بهدوء / السلام تركي بضيقه / وعليكم السلام شوق وعيونها تتفحص وجه عمها الي واضح انه معصب شوق بجديه / عمي وش فيك معصب تركي بضيقه / اجلسي وانتي ساكته حرك سيارته والجو بسياره هدوء قطع الهدوء صوت تركي الحزين تركي بحزن وحرقه / خويتك ليش ما تتغطى شوق بصدمه / هااااااااااااه أي خويه وبابتسامه حزينه / نوف ليش ما تتغطى شوق بصدمه / وش دراك انها ما تتغطى تركي بتنهيده / جتنا بالشركه قاطعته بصدمه وبصرخه / امي جتكم بالشركه تركي بقرف / وش جاب طاري امك وياليت تنظفين اذنك وتسمعين عدل انا قلت خويتك صارت تلعن بنفسها على تسرعها لكن عمها رحمه وضنها سامعه غلط شوق بجديه / خويتي رفضه انها تتغطى تركي بانفعال وبصوت عالي / مو على كيفها ما تتغطى وتخلي كل من هب ودب يشوفها شوق بهدوء / اذا مو على كيفها على كيف منو تركي بعصبيه مصحوبه بغيره / والثور زوجها شلون يرضى لزوجته تطلع بهالشكل وكانها بدوله اجنبيه شوق بهدوء / تطمن الثور زوجها راضي وموافقها على هاالشي يحبووون بعض شددت على الكلمه تبي عمها يشيل امها من راسه كان رد تركي انه ضغط بيده على الدركسون لين ابيضت يده وحس بوجع لكن مو كثر الوجع الي بداخل تركي في نفسه / ياليتك ما كملتيها اوجعتي عمك الي مجنون فيها وهي مادرت عني وتحب زوجها يارب ادري تفكيري فيها وعشقي لها حرام لكني ابتليت فيه شوق وعيونها على عمها شافت صدى كلمتها مرسوم بوجه عمها شوق بحنان / عمي متى بتخطب تركي التفت لها وبضيقه رجع يطالع قدامه بدون رد شوق محتاره ما تدري شلون تشيل امها من قلب عمها وتستبدلها بالعروس الجديده شافت عمها يوقف التفتت شافت اكره مخلوق عندها واقف يكلم عمها صدت للجهه الثانيه ماتبي تكمل ضيقتها بشوفته عند ركان اول ماشاف السياره وشاف السواده الي جالسه بجنب تركي فز قلبه قرب من تركي وانقهر لما شافها تصد عنها ركان بضيقه / يله تركي لا نتاخر وياليت تقابل الي تعرفه فتح تركي الباب بجديه / اول سوو فحوصاتكم وبعدها بكلمه ركان بجديه / اجل بسبقكم لما اختفى ركان التفت على شوق / يله انزلي فتحت الباب بهدوء ونزلت وهي تدعي ربي ما تشوفه دخلت ووصلت لقسم الحريم وحمدت بي انها ماشافته بعد الفحوصات طلعت شافت عمها ينتظرها مستغربه عدم وجود الغثيث معه طلعت من المستشفى وركبت السياره لمحته من بعيد يركب سيارته لو بكيفها حطته تحت كفرتها وداسته وارتاحت منه عند صقر دخل مكتبه واجراء اتصالاته يمكن تفيده وتعرفه على مكان اخته تذكر سلطان وعياله بيحاول بعمهم يندفنون بالجنوب رفع جواله واتصل على بندر عن بندر كان جالس بمكتبه ينتظر خاله فيصل يجي شاف رقم صقر بندر بجديه / اهلين صقر صقر بضيقه / الله يحيك بندر بجديه / بشر عنك وعن الاهل صقر بضيقه / منهارين الله يكون بالعون بندر بجديه / ماجاك أي معلومات عن اختك تنهد صقر وبحرقه / من دريت عنها مانمت وماخليت مكان ما سالت فيه عنها لكن مالها وجود بندر بجديه / خالي فيصل بيجي يستلم خالي وعياله صقر بجديه / متى بيوصل بندر بجديه / قبل لا تكلمني مقفل منه يقول توه داخل الجنوب صقر بجديه / اجل جايك لازم اقابله قبل لا ياخذهم انهى اتصاله من بندر وغير طريقه للمستشفى بعد ربع ساعه وصل ونزل دخل مكتب بندر شاف فيصل جالس ويبكي قرب منهم صقر بجديه / السلام وقف فيصل وسلم على صقر وجلس صقر مقابله صقر بجديه / فيصل اكرام الميت دفنه والارض كلها لله ما يحتاج تنقلهم لرياض وتدفنهم هنا فيصل باصرار / اخوي مكان دفنه بالمقبره الي اندفن فيها ابوه واذا انت مصر اخذ العيال وادفنهم هنا منقهر منه ماهمه الا اخوه و ماصدق وينفك من عيال اخوه لو ان الوضع غير الوضع كان سمعه كم كلمه يبرد فيها قلبه صقر حاول يكتم عصبيته / كنت بطلعهم وبدفنهم لكن قالو عمهم مسئول عنهم ومدامك سمحت الحين بطلعهم وبنصلي عليهم العصر طنشه فيصل وكلم بندر المنقهر من خاله / متى باخذ سلطان بندر بضيقه / خلص الاجرئات وبعدها تقدر تاخذه وقف صقر وهو يغلي من الي قدامه خاف يبقى دقيقه ويكفر فيه وصل للمكتب المسئول خلص الاجرئات وقالو ينتظر ساعه ماحب يرجع عند بندر ويشوف فيصل جلس بصالة الانتظار عند عبدالله باقي كثير ويوصلون الرياض نايف بقلق / الشايب من مشينا ما سمعنا له صوت عبدالله بجديه / شايب دايم نايم مايقوم الا اذا كان جوعان وماله ساعه ماكل نايف بجده / يمكنه سواه بتغير له ولا ينتظر لين يوصل لولده عبدالله بجديه / قالو لك بدون قلب بخليه بخياسه فوق 6 ساعات نايف اجل وقف بمكان خالي وغير له عبد الله بجديه / وهذا الي بيصير بعد ربع ساعه وقف على جنب الخط وفتح الباب الي عند رجول ضاحي وطلع الشنطه الي فيها حفايضه كشف عن ضاحي كان نظيف غير حفاضته اخذ حليب بشنطه حط المزاز وقربه من فم ضاحي الي بدا يشرب حط الحفاضه وعلبه الحليب بكيسه ودخل داخل حفر حفره ودفنهم ورجع لصديقه ركب وقفل وراه وحرك سيارت نايف بستغراب / وش عندك دافن الاغراض عبد الله بجديه / احنا ندررس البزارين الاهتمام بنظافة البيئة واجب علينا انطبق الي نقوله توقعاتكم لنا لقاء الخميس او الجمعه واذا الجمعه بحط عندكم خبر قبل اختكم نسايم نجد |
يعطيك العافيه نسومه
سر كره شوق هو وراء اعجابها بركان كرجل وغيره منه بنت ابوها لان اول لقاء معه ظنته زوج امها ننتظر حدث لقاء نوف بتركي وصقر بساره ومنى باخوانها وامها |
سلام نسومة انا من متابعينك من فترة بسيطة والحين وصلت لاخر بارت بجد روعة الله يعطيك العافية عالابداع وبانتظار ما سيأتي من مفاجآت لتركي ونوف والباقيين لك ودي واحترامي |
| الساعة الآن 01:34 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية